المساعد الشخصي الرقمي

مشاهدة النسخة كاملة : ضيف على مائدة سودانيات ...! - 19 - حجة آمنة


أبو أماني
27-07-2009, 06:38 PM
gooodأحبائي الأعزاء ..
أحباء سودانيات .. لكم صادق الود والتحايا القلبية .. حقا قد سرني وأثلج صدري عمق صداقتي بكم ذهاء ما يقارب السنة أو يزيد .. قضيتها بينكم في سعادة وحبور .. وأحسست وأنا بينكم وبكم بدفء الأسرة وأحلى وشائج الإخاء والمحبة .. حيث صرتم بالنسبة لي كأفراد أسرتي رحما بل أكثر من ذلك..بحيث أقضي الساعات الطوال في رحابكم المرحة العامرة قبل وأكثر مما أقضيه مع أسرتي .. فلكم الشكر على ما وهبتموني من حب صادق إمتزج في شراييني وصار يغزو القلب ويعمر غرفه الأربع ويهرب ليعود ثانية ليمدني بالحياة .

فكرت مليئا في شكل مستقبل علاقة كل سوداني في سودانيات بالآخر! وهالني أن تكون علاقة صادقة حميمة كهذه عرضة للعيش والعمران طويلا عبر الفضاء الإسفيري والعالم الأثيري ..! وتصورت حياة شخوصها في اللاشئ وفنائهم في اللاشئ ..تماما كما يحدث يوميا بالنسبة لممثلين وممثلات نشاهدهم عبر الشاشات البيضاء والبلورية .. نعايشهم ونعاصرهم ثم يتلاشوا في اللاشئ حقيقي حزت في نفسي هذه الخاطرة .. وفكرت ثانية !..

أضع بين أياديكم عتبة أولي لتجسيد علاقة كل منا بالآخر .. وهو بوستر تتم استضافة عضو فيه ليكون مصدر حوار تعارفي يحكي لنا ما عن له أن يرويه عن نفسه فنزداد قربا منه أكثر وأكثر ومعرفة به وثيقة أكثر .. نعرف موقعه الحالي .. رقم موبايله .. عدد أفراد أسرته .. طموحاته الآنية والمستقبلية .. بعض مشاكله الخاصة التي يمكن الخوض فيها .. والمشاركة في علاجها بعض الجوانب المضيئة من حياته الماضية والتي يحلو له الخوض فيها مع الأحباء .. الخ ..

إن راقت لكم فكرتي هذه فأقترح أن يقوم كل ضيف حل بالبوستر في نهاية حلقته بترشيح من يحل بعده ضيفا على مننتسبي سودانيات .. وهكذا دواليك .. تبقى المعضلة في إختيار عضو الشرف الأول .. وأقترح أيضا أن يقوم صاحب البوستر بإختياره .. درج كبارنا على إختيار كبير القوم ليتولى ضربة البداية في كل مشروع أو عمل .. وحيث أن مجتمع سودانيات يحفل بالكبار شكلا وموضوعا وليس من بينهم من يتفضل على الآخر .. فأسمحوا لي أن أختار أكبر الأعضاء (سنا) .. فليكن ضيف الحلقة الأولى العميد الأستاذ :-

:Dخـــالـــد الحــــاج:confused:
مساهمتي الأولي معه المطالبة بنبذة صغيرة عن عميدنا والبطاقة الشخصية وتعريف مختصر ولكم جميعا خالص حبي وإعتزازي وإحترامي ...

أمين محمد سليمان
16-05-2013, 11:29 PM
يا أبا أماني، جيب لينا حجة آمنة في العرض القادم بالله .

حجة امنة
17-05-2013, 12:24 PM
يا أبا أماني، جيب لينا حجة آمنة في العرض القادم بالله .

موبالغة gap

قاصد تضرب شعبيتي في مقتل gap

أبوبكر عباس
17-05-2013, 12:47 PM
موبالغة gap

قاصد تضرب شعبيتي في مقتل gap
فعلا لو إنفعلتي وشاكلتي الناس، شعبيتك ح تنضرب ح تنضرب
من جانبي أسئلتي سوف تكون ساهلة موية
وأديك البخرة:
متى يهاجمك شيطان الشعر يا رقيقة؟

أبوبكر عباس
17-05-2013, 12:50 PM
برضو يا حجة، بكلم عبد الله موسى يدينا من الأسئلة رقم تلاتة
وافقي
وافقي

الجيلى أحمد
17-05-2013, 12:51 PM
قول واحد :D
- فنانك المفضل
- كتابك المفضل
- اغنيتك المفضلة
- مثلك الأعلى (المفضلة) " عشان مانخرب الرتم"
- ممثلتك المفضلة
- ممثلك المفضل
- مدينتك المفضلة
- قصيدتك المفضلة
- صديقتك المفضلة
- كاتبك المفضل
- موقفك المفضل
أيوا
- جوك المفضل
السؤال الجااى حايكون بنفس الصيغة دى , بس حايكون عن (المامفضل):D:D

أبوبكر عباس
17-05-2013, 12:55 PM
عندي ليك إقتراح يا الجيلي:
ممكن حجوج ترسل لينا الأسئلة برسائل داخلية ونحن نجي نسألها
أي شئ
بس هي تجي

حجة امنة
17-05-2013, 01:08 PM
فعلا لو إنفعلتي وشاكلتي الناس، شعبيتك ح تنضرب ح تنضرب
من جانبي أسئلتي سوف تكون ساهلة موية
وأديك البخرة:
متى يهاجمك شيطان الشعر يا رقيقة؟

إتو بي صِحكم؟! gap

المشكلة يا بابكر انا ما قاعده أضرب شعبيتي بالشكل؛ بي كشف الحال بعيد عنك، بعدين شايفاني بعد حنك الغربة دا بقيت عندي حالة شفافية مزمنة ما مريحاني:rolleyes:
المهم
شيطان الشعر دا ما عندو مواعيد محدده، لكين ما قاعد يجيني كتير، حسع انا من يوم طرحت روحي كزول بيكتب جاني زي كم وعشرين مره بس في خلال تسعه سنين!!!

الجيلى أحمد
17-05-2013, 01:09 PM
ممكن حجوج ترسل لينا الأسئلة برسائل داخلية ونحن نجي نسألها
أي شئ

وتقعد انت تقول ليها عاينى للكاميرا..

ياعملات ناس التلفزيون (أسامة معاوية, وناصر يوسف):D

حجة امنة
17-05-2013, 01:10 PM
برضو يا حجة، بكلم عبد الله موسى يدينا من الأسئلة رقم تلاتة
وافقي
وافقي
هي قول بسم الله
انا جيت قبيييييل

ما محتاجه تحنيس، لاحقه المره بتاعة نكتة: هيييي يا سيدي الحسن ما تلزني؛ جاية برااااي :D

وهاد ابراهيم محمد
17-05-2013, 01:38 PM
هي قول بسم الله
انا جيت قبيييييل

ما محتاجه تحنيس، لاحقه المره بتاعة نكتة: هيييي يا سيدي الحسن ما تلزني؛ جاية برااااي :D

:D:D
شفقة السنين

طيب يا أستاذة ما تنتظري عمك أبو أماني يجي يقول أن قد إعتمدنا ترشيح السيد البروف للأستاذة الشاعرة آمنة حسين, ويفرش ليك السجادة الحمراء.
يا كافي البلا انتو لندن دي ما أخدتو منها غير البرد؟:p:D



_____
أسوأ وأجمل حاجة في هكذا لقاءات مع الأستاذة آمنة,,
انو الجمهور ما حيسمع الضحكة العجيبة ديك:p
(زي لاحظت انه الحمى دي خفّت شويةlooool)

حجة امنة
17-05-2013, 01:40 PM
قول واحد :D
- فنانك المفضل
- كتابك المفضل
- اغنيتك المفضلة
- مثلك الأعلى (المفضلة) " عشان مانخرب الرتم"
- ممثلتك المفضلة
- ممثلك المفضل
- مدينتك المفضلة
- قصيدتك المفضلة
- صديقتك المفضلة
- كاتبك المفضل
- موقفك المفضل
أيوا
- جوك المفضل
السؤال الجااى حايكون بنفس الصيغة دى , بس حايكون عن (المامفضل):D:D

لكين ما عصرت على المفضلة يا الجيلي يااخي؟! تعال نديك سر خطير، أختك سبهللية لمن ما عندي مفضلات و ما مفضلات، بتصدق؟!! يعني حسب مزاجي و الحالة البكون فيها:)
لكين ممكن أجازف ليك العّصِر الفوق داgap

فنانك المفضل: فناني المفضل دا مرا بي مراحل، من لمن كنت صغيرة كنت ما بحب (محمد الامين)، و بت عمتي كانت قاعده معانا في البيت بتقرا في الجامعة و بتسمع (هاشم مرغني) قمت بقيت بحبو معاها لحد ما وصلت المتوسط(أييييي انا ناس المتوسط:D) بقيت بسمع (مصطفى سيد أحمد) بي كثافة و حفظت كل أغانيه بالاضافة لي (علي السقيد) لمن كنت ممتحنة لي الشهادة السودانية قام مصطفى رحل، بقيت ما بسمعو إلا يدقني زي المطرة، بعد دخلت الجامعة بقيت بسمع (محمود عبد العزيز) و (حنان النيل) (أسرار بابكر) ، بعد إتخرجت و دخلت العولمة و النت بقت خياراتي أكتر يعني كانت اول مرة أسمع (احمد شاويش) و (أحمد ربشة)، قبل ما أتزوج مباشرة بقيت بحب (محمد الامين) مع حماضة زوجيgap
اليومين ديل بميل للغنى الهاتف (نجاة غرزة) (طه سليمان) و في ولد جديد عجيب مرة إسمو (عصمت بكري)

لا حولااااا دا فنانك المفضل ولا قيامة رابطة :rolleyes:

- كتابك المفضل: بجازف أي شي بداية من (رواية عبير) و (رجل المستحيل) و (ميكي جيب) لحد أي زول، أخر حاجة قريتا و عجبتني(حوش بنات ود العمدة) ل (سناء جعفر)
- اغنيتك المفضلة : عمري بعدو بالساعات لمحمود عبدالعزيز و (حبيبي شرب الشاي معانا) لي ابو عركي البخيت، واخد بالك ابو عركي ما عصرت عليو فوق شديدgap
- مثلك الأعلى (المفضلة) " عشان مانخرب الرتم" : الخالة والدتي، حكمة الله ما عرفت الحكاية دي إلا بعد طلعت من بيتهم gap
- ممثلتك المفضلة: ساندرا بولاک
- ممثلك المفضل: دنزل واشنطون
- مدينتك المفضلة: لندن بدون منازع
- قصيدتك المفضلة: كل قصايد (محمد عبيد الفاضلابي)
- صديقتك المفضلة: داير تجيب لي الهوا صااااح؟!gap صحباتي كلهن مفضلات
- كاتبك المفضل: وين؟! في النت؟!
- موقفك المفضل: موقف جبرة gap
أيوا
- جوك المفضل: حديقة بيتنا في الخرتوم و الكهرباء قاطعة :o

السؤال الجااى حايكون بنفس الصيغة دى , بس حايكون عن (المامفضل): يا زول مرحب بيك و حديد يلاقي حديد gap

حجة امنة
17-05-2013, 01:42 PM
عندي ليك إقتراح يا الجيلي:
ممكن حجوج ترسل لينا الأسئلة برسائل داخلية ونحن نجي نسألها
أي شئ
بس هي تجي

منو دي؟!

وحاط الله ما بتعرفنيgap

يا زول كبو العندكم كلو بي جاي

وهاد ابراهيم محمد
17-05-2013, 01:44 PM
:D:D
النبي فيك كان ما شربتي ليك كباية موية:p

حجة امنة
17-05-2013, 01:46 PM
:D:D
شفقة السنين

طيب يا أستاذة ما تنتظري عمك أبو أماني يجي يقول أن قد إعتمدنا ترشيح السيد البروف للأستاذة الشاعرة آمنة حسين, ويفرش ليك السجادة الحمراء.
يا كافي البلا انتو لندن دي ما أخدتو منها غير البرد؟:p:D



_____
أسوأ وأجمل حاجة في هكذا لقاءات مع الأستاذة آمنة,,
انو الجمهور ما حيسمع الضحكة العجيبة ديك:p
(زي لاحظت انه الحمى دي خفّت شويةlooool)

يا زولة سؤالك وينو حسع gap
بلا هناي معاك
اها جيتي براااااك و الله جابك
في سؤال الجيلي بتاع موقفك المفضل كنت دايرة احكي يوم عقدي لكين لقيت الزمن ما حيكفي:D

الجيلى أحمد
17-05-2013, 01:59 PM
في سؤال الجيلي بتاع موقفك المفضل كنت دايرة احكي يوم عقدي لكين لقيت الزمن ما حيكفي:D
أحكى ساكت,
والله بعد مااتلمت عليك وهاد,
بقيتو مداح لاقو دروايش

أبوبكر عباس
17-05-2013, 02:00 PM
حسب التصنيف النصف شهري لإتحاد الجميلين:
تم نزع لقب أجمل زولة من تماضر وسحر وتتويج حجوج باللقب منفردة

حجة امنة
17-05-2013, 02:03 PM
أحكى ساكت,
والله بعد مااتلمت عليك وهاد,
بقيتو مداح لاقو دروايش

كان جات وهاد بتجيهو ليك تبببببببgap

انا بخجل بخجل gap

ه ه ه ه ههههههه (الضحكة إياها يا وهاد)

وهاد ما تخلي البتسوي فيو دا و تجي ;)

وهاد ابراهيم محمد
17-05-2013, 02:04 PM
يا زولة سؤالك وينو حسع gap
بلا هناي معاك
اها جيتي براااااك و الله جابك
في سؤال الجيلي بتاع موقفك
المفضل كنت دايرة احكي يوم عقدي لكين لقيت الزمن ما حيكفي:D

بكفي بكفي :D:D

يا جيلي تتصور انو العروس في آخر لحظات قالت ما دايرة:p:D
أي والله :D


بركة الأنا يوم عقدي وقف على مشورتك الما مهببة ديك وغشتنا المشيناها على صاحبة الكوافير:D

حجة امنة
17-05-2013, 02:06 PM
حسب التصنيف النصف شهري لإتحاد الجميلين:
تم نزع لقب أجمل زولة من تماضر وسحر وتتويج حجوج باللقب منفردة

Yesssss


In your face

In your face

يا تمممااااضر gap

وهاد ابراهيم محمد
17-05-2013, 02:08 PM
انا بخجل بخجل gap

ه ه ه ه ههههههه (الضحكة إياها يا وهاد)

وهاد ما تخلي البتسوي فيو دا و تجي ;)
منو دي البتخجل؟
يا زولة لغاية يوم ودّعتك, كنت بخجل ليك انا دي:p

ثم انا لو جيت أسأل, ما بكون في صالحك
لكن السؤال المحيرني جداً جداً:
ماذا فعلت حجة آمنة في تلك البلاد البعيدة والموحش أهلها, وهوايتها العجيبة
في ممارسة (الشد)*:p:D


_____
*بتقدري تشرحيها براك طبعاً:D

الجيلى أحمد
17-05-2013, 02:17 PM
آمنة ووهاد,
أجتهدو انو تكتبو بالعربى, بابكر عباس دا مافاهم اى حاجة

هسه كمان يزعل منكن,
ويبقينى اجمل زول فى المنتدى, بعد عمرى دا:D

المعيار شكلو بقى ماثابت:D:D

حجة امنة
17-05-2013, 02:48 PM
طبعاً خلاص وهاد قامت على كراهتا و قررت تورطني في قصة يوم عقدي:D

أرجع يا الجيلي لي سؤالك السابق عن موقفي المفضل:

يوم العقد

اولاً العقد زاتو جا في ظروف غريبة؛اهلنا قررو يكون في خلال 10 ايام و كنت الوكت داك في حالة جري و شلهته و وشي ينعل قفاي:rolleyes:
النصيحة صحباتي ما قصرن معاي؛ سريع سريع حجزو لي في واحد من مراكز التجميل الشهيرة في الخرتوم، أتذكر اليوم داك مشيت مع بت عمي (ندى) و بت خالتي(سارة) و قامن مشكورات بي إقناع المسئولة من التسجيل بي قبولي!!!
المره عاينت لي كداااا و قالت ليهم: نحنا ما بنقبل العروس قبل اقل من شهر من يوم العرس، و عروسكم دي وشها كعب!!! لو ما انتو زبوناتنا ما كنا قبلناها :eek:
قمت قلت ليها:قبلتوني؟!، لا خلاس يا جامعة الخرتومgap
قامت بت عمي قرصتني لمن نفسي انقطع و سكتا
المهم
الفترة ديك كانت فترة صنفره لي خلقتي، كل يوم الاستاذة وهاد تجي تسوقني و تجيبني، اظرف يوم لمن مشينا نشوف فساتين الزفاف، المرة بتتكلم مع وهاد و ندى على اساس العروس ما معاهم، و انا ساكته سااااكت، قامو قالو لي جربي الفستان، قامت قالت ليهم: دييييي العروس!!!! عروسكم دي سمينة و عندي ليها خيارين بس!!!
الخلاصة جا يوم العقد
من الصباح وهاد ضربت لي عشان تجي توديني مركز التجميل، قلت ليها مافي داعي ندى حتجي توديني، قالت لي دايرة حاجة تانية، قلت ليها لااااا شكرااااااا
بعد ساعتين ضربت ليها قلت ليها جيبي لي شاحن للتلفون و جيبي اكل للعرايس المعاي ديل شكلهم ليهم كم يوم ما اكلو gap
جات وهاد تبرطم و جابت الحاجات، قالت لي خلاص بجيك الساعة 6 عشان نمشي التصوير، يلا التصوير دا كان حكايتو حكاية، الإستديو دا زااااتو إتصورو فيو ندى و سارة يوم عرسم و بيعرفوهم، قمت قلت ليهم اضربو لي لي المصور بتاع الاستديو، قلت ليو: اسمع انا العروس و بكلمك من حسع انا ما دايره الصور التقليدية بتاعة تصورو العروس من هنا لي هنا و تقول ليها كدي دنقري وشك و عايني لي بوكي الورد و الوهمات دي، معاي زي عشرين بت من صحباتي و لمن اجيك حا اوريك اللقطات الدايرنها، و عريس زاتو مافgap
قامت وهاد جاتني في الواعيد، من ما شفتها بقيت ازغررررررررت و هي تعتذر لي ناس المركز!!!
مشينا الاستديو لقينا صحباتي و اخواتي جو و برضو قعدت ازغرت لاني الوحيدة البعرف ازغرتgap
الاستديو دا وقف على فد رجل، و وهاد تشيل و تعتذر لي ناس الاستديو
طبعاً وهاد طارحه نفسها كسيدة مجتمع راقية، غايتو اليوم داك ضربت ليها برستيجها في مقتل:D
وهاد تشيل و تعتذر: معليش يا اخوانا ما أظن جاتكم عروس زي دي قبل كدا.
المصور قال ليها: ولا أظن حتجينا تاني زيها;)

انا إعتبرت الكلام دا إطراء gap
صحباتي ما اتعرفو علي؛ العجب ندى و سارة التافهات، لانهن كانن اول ايام من حبسة العرس العجيبة دي كانن متجرسات، ندى تمسك وشي كدا و تلفو لي ساره: تفتكري وشها دا بيعقد ليها؟! ديك ترد ليها: الله يستر يا بت امي:rolleyes:
وانا اقول ليهن: الله فيgap
تمينا تصوير و طلعنا، المقلب الوحيد اننا ما زينا العربات لاني انا بي سبهلليتي المعهودة ما حددت ياتو واحدة فيهن تزيين عربيتهاgap وهاد شاكلتني طبعاً
اها كان فاضل ساعة على المواعيد البتمشي فيها العروس للحفلة، قلت ليهم ياااخ انسونا ياخ ورحكاكم ساي، قامو هاجو ليك فينيgap بطلي خفتك و لفتك دي
قامت (زيزي) صحبتي و بت جيرانا اقترحت نمشي نتعشى او نمشي شارع النيل، قلت ليهم عندي ليكم اقتراح تاني، نمشي اول محل شفت فيو (حماضة) قمنا مشينا المحل و جينا داخلينا بي زوبعة و زغاريت(من جانبي طبعاً:D) لفينا في المحل كداااا و طلعنا مشينا في زفة كبيرررررة لحد شارع النيل و بعد داك دخلنا بيت العرس، لقيت الصيوان قدام بيتنا زي ما كنت بحلم بيو طول عمري، الوكت داك كلو كنت ما متوتره لحد ما خلااااص بقينا داخلين على الزفه، كنت قاعده مع وهاد في العربية قمت سمعت زفة مصرية، بس قمت اتشنجت ليك، قلت لي وهاد: دا شنو الزفت ال انا سامعاو دا!!! موش قلت ليهم دايره زفة سودانية؟! خليني انزل عليهم!!!
وهاد: روقي ياخ تنزلي وين، لاحولا اصبري ياخ
قامت جات (الاء) صحبتنا و امها مصرية، قمت هجت ليك فيها، امشي يا الاء خليهم يوقفو القرف داgap
قامو وقفو الزفة المصرية و شغلو أغنية (امنة الفي الضمير مازياني)
لمن حانت لحظة الصفر نزلت و قبلها وهاد قالت لي لحد هنا و تاني ما تزغرتتيgap

النهاية

الجيلى أحمد
17-05-2013, 02:58 PM
نضامة
حاأسميك (آمنة نضمى):D

أهدى شوية ياأخى

وهاد ابراهيم محمد
17-05-2013, 03:04 PM
أسمعي يا أخت,
وهاد وهاد وهاد, انتي بتحكي عنك ولا عن وهاد :D
بالله كوني نفسك :D

______
أهو عشان ما أشتغل ليك مراقب اجتماعي:p:D حرقت أصابعي فما بجيك تاني قريب.. او على خفيييييييف كده
خدي راحتك :p

حجة امنة
17-05-2013, 03:59 PM
نضامة
حاأسميك (آمنة نضمى):D

أهدى شوية ياأخى

يا زول دا العنديgap

عجبكم عجبكم ;)

حجة امنة
17-05-2013, 04:02 PM
منو دي البتخجل؟
يا زولة لغاية يوم ودّعتك, كنت بخجل ليك انا دي:p

ثم انا لو جيت أسأل, ما بكون في صالحك
لكن السؤال المحيرني جداً جداً:
ماذا فعلت حجة آمنة في تلك البلاد البعيدة والموحش أهلها, وهوايتها العجيبة
في ممارسة (الشد)*:p:D


_____
*بتقدري تشرحيها براك طبعاً:D

أ؟!
الشد ياتو فيهن؟! شد الحِلل(من حلة:D) ولا شد الدلاقينgap

الجيلى أحمد
17-05-2013, 04:09 PM
أهو عشان ما أشتغل ليك مراقب اجتماعي
مشيها ياحكم
:D


عليك الله ياآمنة أسرحى فى وهاد دى
قلتى لى كيف:
روقي ياخ تنزلي وين، لاحولا اصبري ياخ
:D

طارق صديق كانديك
17-05-2013, 04:10 PM
شكرا يا بروف أمين ياخي:D:D

غايتو حجة آمنة التجيك تختاك ياقول حبوبتي، متعة كبيرة والله

أخوك في قصة الاسئلة دي ما حريف وفي رواية ما بحبها بس بشجع اللعبة الحلوة بدون شك. :)

---

بابكر عباس،تصنيفك ده جننتو في راسو:D

حجة امنة
17-05-2013, 04:28 PM
مشيها ياحكم
:D


عليك الله ياآمنة أسرحى فى وهاد دى
قلتى لى كيف:

:D

أخدت لي لفة في النت و هنا سريع و بطني طمت و مزاجي قلب؛ مزاجية انا ياخ:o
المهم
نرجع ليك لي وهاد
وهاد يا الجيلي محيراني و هي زاتا في روحا متحيره في السبب الخلانا نتصاحبgap
طبعاً مافي أيو علاقة و لا وجه شبه
زولة مرتبه و أنيقة و مهذبة؛ دا في الظاهر طبعاً :p

هييي بهظر وحاط اللهgap
المهم
إتذكرت ليك أيام كنت بجهز للسفر و هي بتجهز للزفاف، قررنا نتمشى كنوع من الرياضة عشان انا أخفف وزني و هي تحافظ على رشاقتها:p
تقوم هي مسكينة تجيني من هنااااك في المواعيد كالعادة، أطلع القاها جاهزة موية و نور، نمشي محل الناس بيتمشو و نبدا مشي، وهاد طوالي بتخش ليك في وشها الجادي داك و هف هف هف تبدا ليك المشي، وحاط الله تشوفا تقول ماشه تحرر فلسطينgap
تمشي ليك بي جديييييه و يدينها قريبات من نصها وفي حركة ثااابته هف هف هف، تفوتني ليك بي نص كيلوgap، و انا طبعاً همي كلو أمشي و أتقدل و أتونس، هي لمن تلقاني دايره أتونس ساكت بتقوم تقول لي انا ماشه و نتلاقى في العربيةgap
يوم قلت ليها يا وهاااد ياخي المشي دا رياضة ريااااااضة ما عملية جراحية ياخ، الواحد لازم يمشي بي راحتو و يعمل يدينو كدا كدا و يتنفس بي راحتو ما ممكن ياخ هف هف هف حقتك دي
طوالي وقفت و رفعت لي حاجبها اليمين: قصدك:rolleyes:
قلت ليها ياخ ما شفتي في المسلسل الكوميدي بتاع (friends)
لمن (فيبي) قالت لي (راتشيل) وكانو في نفس موقفنا المهبب دا: أجري بي حريتك زي ما كنتي بتجري و انتي طفلة؟!!
اوريك (فيبي) قامت جاريه كيف؟! و أثناء ما هي بتحذر فيني ما أجري قمت جريت نفس جرية فيبيgap

ممكن بعد داك تتخيل الحصل :D

حجة امنة
17-05-2013, 04:40 PM
شكرا يا بروف أمين ياخي:D:D

غايتو حجة آمنة التجيك تختاك ياقول حبوبتي، متعة كبيرة والله

أخوك في قصة الاسئلة دي ما حريف وفي رواية ما بحبها بس بشجع اللعبة الحلوة بدون شك. :)

---

بابكر عباس،تصنيفك ده جننتو في راسو:D

إتا يا يابا تنعدل عليك فجة ما تقبل، بحق جاه النبي
بعدين الجماعة ديل شايفاهم شغالين فيني دقيل شديد من بابكر لي الجيلي لي وهاد gap
شابكني حنسالك حنسالك، سؤال و احد جاني عشان أنداح ليكم زي دوحة الرشيد و البروف ما جاني

أيييييي يا الجيلي دا حالتو لسع ما إندحت ليكو gap

خالد غالي
17-05-2013, 04:49 PM
الله بسألني انا اتكسرت فيك كششششش عديل كده ياحاجة آمنة ! :D

السؤال

رسائل الى امي .. امك قرتها فعلا ؟ وقالت شنو لمن قرتها ؟
احكي القصة الحقيقية بلاي :D

حقت الحديقة ديك برضو قرتها ؟ لمن الجماعة كانو بصلحو في الحمام ..

وهاد ابراهيم محمد
17-05-2013, 04:52 PM
و أثناء ما هي بتحذر فيني ما أجري قمت جريت نفس جرية فيبيgap

ممكن بعد داك تتخيل الحصل :D

:D:D:D:D

آمنة, لو سمحتي إتجاوزي وهاد في رحلة حياتك دي بالله:D:D
_______

شاكرة جداً إنك ما سرحتي شديد هنا
القصة دي تحديداً كنت عايزة أرسل ليك في الخاص ما تجيبي سيرة عنها.

______

ملحوظة:
أخونا البروف رشّح الأخت حجة آمنة لتكون ضيف على المائدة
حجة آآآآآآمنة, مش وهاد:mad:

وهاد ابراهيم محمد
17-05-2013, 04:55 PM
أ؟!
الشد ياتو فيهن؟! شد الحِلل(من حلة:D) ولا شد الدلاقينgap

ايوة الجناقير* :D:D


_____
*لو غلبتك استعيني بـ/ حمادة:p

الجيلى أحمد
17-05-2013, 04:58 PM
بمناسبة انو آمنة قاعدة تنضم من طرف
وتتكلم عن وهاد, يمكن نهدى؟

http://www.youtube.com/watch?v=W58wc6VM7J4

الجيلى أحمد
17-05-2013, 05:01 PM
وهاد طوالي بتخش ليك في وشها الجادي داك و هف هف هف تبدا ليك المشي، وحاط الله تشوفا تقول ماشه تحرر فلسطين
:D
مشيها ياحكم

حجة امنة
17-05-2013, 05:22 PM
الله بسألني انا اتكسرت فيك كششششش عديل كده ياحاجة آمنة ! :D

السؤال

رسائل الى امي .. امك قرتها فعلا ؟ وقالت شنو لمن قرتها ؟
احكي القصة الحقيقية بلاي :D

حقت الحديقة ديك برضو قرتها ؟ لمن الجماعة كانو بصلحو في الحمام ..

عليك الله؟! gap

موبالغة gap

يا خالد ياخ امي قرت الرسايل;)
و قالت لي بالحررررررف: اوعك تاني تجيبي سيرتي في قصصك المهببة دي، لا امك لا بعرفك!!!!:eek:
و تحديداً الكلام دا بعد قصة (البول تحت الحيط)
قمت قلت ليها خير يا خالتي الحجة و تاني ما بجيب سيرتك، لذلك تجدني بقيت متباقصه من تالاها في القصصgap

المشكلة إنو التون القالت بيو الكلام ما كان واضح أداني إحساس إنها معجبه بالقصة لكين زي دايره تبري زمتها للضمان كدا:D
المهم انا ما شغاله بيها و كان كترت كلامها بقلب الرسايل لي(رسائل إلى أبي أرجو أن لا تقراها أمي) gap

أمين محمد سليمان
17-05-2013, 05:31 PM
:D:D
شفقة السنين

طيب يا أستاذة ما تنتظري عمك أبو أماني يجي يقول أن قد إعتمدنا ترشيح السيد البروف للأستاذة الشاعرة آمنة حسين, ويفرش ليك السجادة الحمراء.
يا كافي البلا انتو لندن دي ما أخدتو منها غير البرد؟:p:D

looool) عليك الله شفتي جنس الخفة دي يا وهاد !! :D
بالله اقترحتها ساي مجاملة لبكة و الجيلي :D:D، مشيت نمت و جيت لقيتها حكت قصة حياتها !! :D:D
------------
الغريبة، التلقائية دي ذاتها سبب كسيرتنا أنا و بكة و الجيلي !!! :D:D:D:D

حجة امنة
17-05-2013, 05:43 PM
:D:D:D:D

آمنة, لو سمحتي إتجاوزي وهاد في رحلة حياتك دي بالله:D:D
_______

شاكرة جداً إنك ما سرحتي شديد هنا
القصة دي تحديداً كنت عايزة أرسل ليك في الخاص ما تجيبي سيرة عنها.

______

ملحوظة:
أخونا البروف رشّح الأخت حجة آمنة لتكون ضيف على المائدة
حجة آآآآآآمنة, مش وهاد:mad:

يا زولة؟!

لا خلاس

يا ريييييييت يا ريت يا ريييييييت يا ريت من اول وريتنا ياخgap
حسع تلقى عيونك بقن قلوب قلوب، أأأ؟!!
غااايتو gap

حجة امنة
17-05-2013, 06:08 PM
ايوة الجناقير* :D:D


_____
*لو غلبتك استعيني بـ/ حمادة:p

أهااااا جيتك للجناقير gap
اول أيام من جيت و بقيت ربة منزل، كنت بعاني من شد العصيدة، عارفاني انا في بيتنا بيجيبوها لي و ياها عصيدتنا المااارنه البياكلوها بالمعلقة ديك، جيت لقيت ليك زوجي العزيز حماضة بياكل عصيدة أهلنا القويييييية ديك، كان فلعتي بيها زول بينفهقgap
من اول يوم ما جاملني طوااالي ختاها لي واضحة، عصيدتك دي يا ست البنات ماااابتنفع معاي و بتجيب لي(أم جِريطي) :D
اها انا كل يوم أصوط العصيدة و في النهاية باكلها براي و أبكيييي و باقيها في الزبالة، لحد ما حسع بسم الله ماشاءالله بقيت عندي عضلات تبش من صواطة العصيدة و خلاص إتاهلت للدوري الحداشرgap
المهم
ربك رب الخير يوم كدا واقفه جنب الباب جات واحده ماشه، شبت ليك فيني: إنتي سودااااانية؟! قلت ليها بالحيلللل مرحب بيك.
يعلم الله من ما إتعارفنا بقت زي أختي، بعدين حسستني ليك إني قاعده في أم بده، تجي ماشه الدكان لازم تغشاني تشوفني لو دايره حاجة، خبيز العيد خبزتو معاها و هاكذا أشياء
أها يوم قالت لي: تعالي لي الليلة عملت ملاح تقلية بي كول، قلت ليها كووووووول ماااابصدق، قالت لي بتعرفيو، قلت ليها بري يا بت أمي لا بعرفو لا شميتو لكن محمد قاديني الكول الكولgap
أهاااا جارتي دي طلعت من بنات الزغاوة لكن مولوده و متربيه في بحري،زغاوية تايوانgap
جريت جري شلت الملاح و الكول، لقيتها خاتاهو في علبة قزاز حنكوشة كدا، شلتو و جيت فرحاااانة، بلاهي يا مؤمنين فتحتي للعلبة كدا و رشتي ليو فوق العصيدة ديك، نسال الله السلامة و السدادgap
قلت لي محمد: أول مرة في حيااااتي أشوف لي أكل ريحتو بعر بعر!!
شلت لي لقمة كدا و قلت ليو: الله يسالني طعمو زاتتتتتو بعر بعرgap
شبكني ليك يا ما بتفهمي دا شي مغذي جدن و العلماء أثبتو إنو فيو فيتمينات و حنك نمل عاضي من النوع داgap
قلت ليو : هييييي الفيتمينات دي كان ابلعا حبوب ما بقبل على شيتك دا.
أها النجيك لي (ام جنقر) او الجناقر يا عملاتكgap
اليوما داك قالت لي جايبه ليك ام جنقر، قلت لي حماضة اوعى يكون مقلب زي الكول، طلع دخن بالروب gap
جارتي مشكوره علمتني بيعملوها كيف و إنطلقت ليك gap

أحيطك علماً يا أستاذة وهاد، أختك في لندن دي و بلا فخر أجمل من تشد العصيدة بي ملاح الكول و ال (أم-جنقر عارفاني قاصده أقولا كيفgap)

و شكرن شعبي

حجة امنة
17-05-2013, 06:10 PM
بمناسبة انو آمنة قاعدة تنضم من طرف
وتتكلم عن وهاد, يمكن نهدى؟

http://www.youtube.com/watch?v=W58wc6VM7J4

لا عادي

أخد راحتك :rolleyes:

يا قول المثل: الزره لي آمنة و الشكر لي وهاد:p

حجة امنة
17-05-2013, 06:17 PM
عليك الله شفتي جنس الخفة دي يا وهاد !! :D
بالله اقترحتها ساي مجاملة لبكة و الجيلي :D:D، مشيت نمت و جيت لقيتها حكت قصة حياتها !! :D:D
------------
الغريبة، التلقائية دي ذاتها سبب كسيرتنا أنا و بكة و الجيلي !!! :D:D:D:D

دي إسمها الخفة و نكش التفهgap

يا زول خفة خفة

و بعدين ما أحكي قصة حياتي كان حكيتا، بوستي هو ولا (أسماء في حياتنا)
ما بوستي ساااهي، ثما إنو إتا حكيت كداااا ما خليت شي، في زول سالك، غاااايتو
اها و بعد دا تماضر ما كتبت فيك كصيدةgap

لكين عجبتني حتة (أشرقت الارض بنور ربها بمقدمي الميمون) القلتها في سيرتك الذاتيهgap
إنتو تعالو زوووول سالني من سيرتي الذاتيه مافي، انا عندي سيرة ذاتيه على فكرة:rolleyes:

الجيلى أحمد
17-05-2013, 06:24 PM
إنتو تعالو زوووول سالني من سيرتي الذاتيه مافي، انا عندي سيرة ذاتيه على فكرة

غايتو ياأبا أمانى , حاتبقى فى الطريقة التحلك من الكارثة دى..

جاك الموت ياتارك الصلاة:D

أبوبكر عباس
17-05-2013, 06:34 PM
أوريك (فيبي) قامت جارية كيف؟!:D
غايتو يا حجة، لو فعلا شخصيتك بتشبه شخصية فيبي، ح أضيف للقب أجمل زولة، لقب جديد: أخطر زولة
يا أخي فيبي دي، هي فتاة أحلام كل الرجال.

حجة امنة
17-05-2013, 06:37 PM
غايتو ياأبا أمانى , حاتبقى فى الطريقة التحلك من الكارثة دى..

جاك الموت ياتارك الصلاة:D

حسع نفهم شنو:rolleyes:

أرش السيرة الذاتيه و لا كان بدري عليك gap

خالد غالي
17-05-2013, 06:44 PM
حجة آمنة عندي ليك تاني سؤال .. تلاتة اسئلة الحقيقة هن !

ماهي الاسئلة الثلاثة المفضلة لديك ؟ وماهي اجاباتها؟

عليك النبي ماريحتك :)

ياخي احكي لينا قصص ياخ .. قصص كتييرة سيبك من الاسئلة والحاجات دي :)

حجة امنة
17-05-2013, 06:45 PM
غايتو يا حجة، لو فعلا شخصيتك بتشبه شخصية فيبي، ح أضيف للقب أجمل زولة، لقب جديد: أخطر زولة
يا أخي فيبي دي، هي فتاة أحلام كل الرجال.

فيبي الهييبية الجميلة

و بالسوداني كدا الجميلة و عبيطة gap

لالا يااخوي يفتح الله

بري

جني و جن سماحة جمال الطين ديgap

حجة امنة
17-05-2013, 06:57 PM
حجة آمنة عندي ليك تاني سؤال .. تلاتة اسئلة الحقيقة هن !

ماهي الاسئلة الثلاثة المفضلة لديك ؟ وماهي اجاباتها؟

عليك النبي ماريحتك :)

ياخي احكي لينا قصص ياخ .. قصص كتييرة سيبك من الاسئلة والحاجات دي :)

خالد إتا جادي؟! أمانة ما أحكي حكي لمن أملاكم فقرgap
ذكرتني قصة الولد الممتحن أدبي، قام حفظ مقالة(سياسة بسمارك الداخلية) قامو جابو ليهم (سياسة بسمارك الخارجية) قام كتب: دعنا من سياسة بسمارك الخارجية و لنتحدث عن سياسته الداخلية!!! gap

حسع النكته القديمة دي ما نوع من انواع المعط المؤسس؟!:D

أسعد
17-05-2013, 07:40 PM
gap

سماح محمد
17-05-2013, 07:54 PM
طوالي وقفت و رفعت لي حاجبها اليمين: قصدك:rolleyes:
:D

:D:D
gap
بعرف المنظر المخيف دة كويس جدا


كاتبتي المفضلة السيدة آمنة حسين
عندي شغف أعرف سيرتك الذاتية يا أستاذة gap


والله ياأمونة وبكة فيبي دي أحلى زولة فعلا.. أنا مكسرة في أغنيتها بتاعت (سيلي كااات..سيلي كااااات..:D )

love u girl :cool:

حجة امنة
17-05-2013, 08:07 PM
gap

قرض علي كدا يا مان gap

حجة امنة
17-05-2013, 08:10 PM
:D:D
gap
بعرف المنظر المخيف دة كويس جدا


كاتبتي المفضلة السيدة آمنة حسين
عندي شغف أعرف سيرتك الذاتية يا أستاذة gap


والله ياأمونة وبكة فيبي دي أحلى زولة فعلا.. أنا مكسرة في أغنيتها بتاعت (سيلي كااات..سيلي كااااات..:D )

love u girl :cool:

Love u toooo :cool:
الله يعلم
قلتي لي كاتبتك المفضلة؟! أحي انا
موت بي غيظك يا بابكر عباااااااااس gap
السيرة الذاتية خلاس حردتها زاتو، لكين مداخلة مداخلتين برااااي بحنس رقبتي و بجيبها gap

أمير الأمين
17-05-2013, 08:18 PM
Love u toooo :cool:
الله يعلم
قلتي لي كاتبتك المفضلة؟! أحي انا
موت بي غيظك يا بابكر عباااااااااس gap
السيرة الذاتية خلاس حردتها زاتو، لكين مداخلة مداخلتين برااااي بحنس رقبتي و بجيبها gap

الشايفو اصلكِ ما محتاجة لايتها سؤال


مجبتنا العارفاها:o

وهاد ابراهيم محمد
17-05-2013, 08:38 PM
أهااااا جيتك للجناقير gap
و ال (أم-جنقر عارفاني قاصده أقولا كيفgap)


الجناقير المذكورة سابقاً, ما عندها أي علاقة بأم جنقر بتاعتك دي:D
جناقير, ومفردها جنقور :p حاجة تانية خالص
للتقريب هي أحد الخيارين الخليتيهم لي هناك.


______
بتخلوها تسرح فيكم كده ساااااي ليه البت دي
البورد ده يا كافي البلا لا فيهو غرّابة, ولا مَن جاورهم يوماً :D


______
قلت ليك حرقت أصابعي, ما تخليني أضطر أجي أكتب ليك تاني بالليل ده
موفرة الطاقة لكم سؤال لاحق لو لقيت لي فرقة فيك:p

أسعد
17-05-2013, 09:16 PM
قرض علي كدا يا مان gap
ما تستفزينش

تماضر حمزة
17-05-2013, 09:23 PM
مبالغة
الضيفة حجوج:p

غايتو موعودين بقرقرات كتيرة ولذيذة:cool:

تماضر حمزة
17-05-2013, 09:38 PM
Yesssss


In your face

In your face

يا تمممااااضر gap

خخخخخخخ
والله كل مرة بسمع ان يور فيس دي في الشكلات والمكاويات يادووبك فهمتها:D
أنا بثني بشدة
وكان جا تقويم جديد لغيرك بطالب بارجاعو ليك تاني ياخ

سؤالي: عليك الله احكي لينا موقف العقد

سؤال ولّا ماسؤال؟ دا ماسؤال أسي؟

تماضر حمزة
17-05-2013, 10:08 PM
لقيتك رادة على سؤالي قبال صفحتين:D:D

خال فاطنة
17-05-2013, 10:18 PM
و الله لكن يا بروف لقيتك عزّال و قاري مزاج البورد كويس.


ما الذي أضافته الغربة لمسيرة حجوج الشعرية؟
ماهو رأي حجوج في شعر التفعيلة؟
ماذا ينقص القصيدة إذا كتب الشاعر عن حالة أو إحساس لم يعشه؟
هل حاولت حجوج كتابة الأجناس الأدبية الأخرى/ قصة / رواية؟

حجة امنة
17-05-2013, 10:19 PM
الشايفو اصلكِ ما محتاجة لايتها سؤال


مجبتنا العارفاها:o

إتا الله يبارك فيك

عارفاها و الله ... عارفاها gap

حجة امنة
17-05-2013, 10:26 PM
الجناقير المذكورة سابقاً, ما عندها أي علاقة بأم جنقر بتاعتك دي:D
جناقير, ومفردها جنقور :p حاجة تانية خالص
للتقريب هي أحد الخيارين الخليتيهم لي هناك.


______
بتخلوها تسرح فيكم كده ساااااي ليه البت دي
البورد ده يا كافي البلا لا فيهو غرّابة, ولا مَن جاورهم يوماً :D


______
قلت ليك حرقت أصابعي, ما تخليني أضطر أجي أكتب ليك تاني بالليل ده
موفرة الطاقة لكم سؤال لاحق لو لقيت لي فرقة فيك:p

(ترا كلام ابو جنقور في فاشر ولا بنسمع)

الجنقور هو:الثياب الرثة القديمة
يعني بالسوداني كدا الدلاااااقين
حي انا gap
يختي عمك قوقل دا قايلاهو في إجااااازة ولا مصبر في قزازة؟!:rolleyes:
بعدين عملتك ما ظريفة و حركتك جبانة؛ لانك عااااارفاني اليومين ديل قاشرة بي قصة أم-جنقر قمتي جبتي الجناقير ديل و عارفاني حااجي من هنااااك منبهله بي قصتي، خير يا وهاد خير gap


ثما إنو يا الجيلي فلاحتك فيني انا، لا ياحكم ، خليو يا حكم
حكمك دا ختاها لي لمن قربت أتعوق ياخ، لكين أريد الله المانسيب زول؛ لحقت روحي في اللقطة الاخيرةgap

حجة امنة
17-05-2013, 10:36 PM
ما تستفزينش

نحنا مابنتهددش، طخو يا هريديgap

حجة امنة
17-05-2013, 10:41 PM
مبالغة
الضيفة حجوج:p

غايتو موعودين بقرقرات كتيرة ولذيذة:cool:

حبيب البي طماطم ياخ :cool:

خخخخخخخ
والله كل مرة بسمع ان يور فيس دي في الشكلات والمكاويات يادووبك فهمتها:D
أنا بثني بشدة
وكان جا تقويم جديد لغيرك بطالب بارجاعو ليك تاني ياخ

سؤالي: عليك الله احكي لينا موقف العقد

سؤال ولّا ماسؤال؟ دا ماسؤال أسي؟

شوف شوف القراية الفط سطرية gap

واللهي لمن شفت سؤالك قلت تماضر قاعد تعمل نفسسسس حركتي التافهة لمن تلقى بوست طويل بتقرا من الاخر:p

لقيتك رادة على سؤالي قبال صفحتين:D:D

لحقتي نفسك في اللقطة الاخيرة gap
كان حسع شمتي فينا أمين أب صلعة، إتي تعال يا دي، مااالك ما دايره تكتبي فيو قصيدة؟! gap

حجة امنة
17-05-2013, 11:06 PM
و الله لكن يا بروف لقيتك عزّال و قاري مزاج البورد كويس.


ما الذي أضافته الغربة لمسيرة حجوج الشعرية؟
ماهو رأي حجوج في شعر التفعيلة؟
ماذا ينقص القصيدة إذا كتب الشاعر عن حالة أو إحساس لم يعشه؟
هل حاولت حجوج كتابة الأجناس الأدبية الأخرى/ قصة / رواية؟


الخال ياخ
الأخبار و الأخلاق؟! gap

نمسك ليك واحد واحد

_ ما الذي أضافته الغربة لمسيرة حجوج الشعرية؟: الغربة أضافت لي كتير و خصمت مني كتير لكن للأسف ما قدرت أترجمو لي شعر لسع، من ما إتغربت كتبت قصيدة واااحدة بس(الجرادة في السِروال) و قرضت علي كدا.
أضافت لي: مساحة بتاعة خلوه مع نفسي و محاولة جرد حساب مع بتم روحي دي، ممكن تقول لي الجرد دا أفلا قعدت في بيت أبيك و أمك فنظرت أيهدى لك!! حااقوم أقول ليك أبداً ما ممكن مع كمية الحركة و الحيوات حولي:o
بتكون فاهم إنو الغربة بتدي الواحد مساحة مع نفسو.
خصمت مني: الضجة القلتها ليك في النقطة الفاتت، انا كنت بسرق من الحاجات الحولي الصور و القصص في كتابتي، بي دليل إني حسع فلست و بقيت أكتب في بوست واحد(رسائل إلى أمي) و البوست زاتو عبارة عن تداعيات و إسقاطات لحياتي قبل الغربة!!!
عليكم الله إسقاطات و تداعيات دي كان طلعت ما مناسبة للكلام الفوق دا أعفو لي يا عملات بابكر، مرات بركب لي وش كُتاب و مثقفين حار كداgap

_ ماهو رأي حجوج في شعر التفعيلة؟: أها كان عرفت أرد ليك على سؤالك دا أكون جد جد مثقفة، والله يا خال انا ما بكضب عليك، الكلام الكبار بتاع تفعيلة و وزن دا ما بفرزو شديد، انا كان بعرف قدر دا كان بتلقاني بتفاصح بي جاي؟! ثما إنو سؤال زي دا دسو لمن قيس شحاته ولا أسامة معاوية يجيكم للكرسي دا ياخ gap
أها بعد الهرجلة دي، ارد ليك بالجد انا محتاجة لي قراية كتيره في الموضوع دا، لانو بعد دا حقو أبطل الحنك العاضي بتاع انا ما طارحه نفسي كشاعرة و العوارة دي، لانو الحكاية دي مسئولية ، ربنا يسهل غايتو :)

_ ماذا ينقص القصيدة إذا كتب الشاعر عن حالة أو إحساس لم يعشه؟: قد ينقصها الإحساس، واخد لي بالك من قد دي، لانو الحكاية بتعتمد على الشاعر زاتو، ممكن شاعر يمر بالحالة و الإحساس زاتو و ما يقدر يخدم القصيدة او الحالة، و ممكن واحد تاني ما يكون مر بالقصة و يجضما ليك لمن القصيدة زاتا تتحير في روحا دي gap

_ هل حاولت حجوج كتابة الأجناس الأدبية الأخرى/ قصة / رواية؟: لا و الله ما حاولت، و ما أظن أحاول، لاني عارفة حدي وين و قدرتي شنو، انا ممكن أكون بعرف أحكي إلى حداً ما لكن ما عندي الخيال بتاع الرواية، يعني لو كتبت إحتمال ما أقدر أتجرد من شخصيات القصة .

AMAL
17-05-2013, 11:10 PM
(ترا كلام ابو جنقور في فاشر ولا بنسمع)

الجنقور هو:الثياب الرثة القديمة
يعني بالسوداني كدا الدلاااااقين
gap

دا الجنقول ياداقسة:D
الجنقول
اسألي سعدية الصلحي كان مغالطاني

سؤالي
بتلقي روحك اكتر في الشعر ولا الكتابة الساخرة ؟

تسلمي يااحلي البنات

أمين محمد سليمان
17-05-2013, 11:18 PM
الشايفو اصلكِ ما محتاجة لايتها سؤال

:o يا عم أمير، خالتك الحجة منداحة بآخر ترس و فرامل نهي،
الله يغتي على الباقيين، so far الحوادث كلها في راس وهاد !! :D:D

جيجي
17-05-2013, 11:18 PM
عارفاها و الله ... عارفاها gapبالمناسبة يا امونة مجبتنا دي جاية من جبجبة:D
ياخ كمية من الجمال لمين جاتنا عشراقة
بالطريقة دي كلنا بنلحق خالد غالي دششششششششششش

معتصم الطاهر
17-05-2013, 11:22 PM
الاسم ..


و المدن فى حياتك

و لماذا فارقت مهنة الاسرة.

حجة امنة
17-05-2013, 11:23 PM
دا الجنقول ياداقسة:D
الجنقول
اسألي سعدية الصلحي كان مغالطاني

سؤالي
بتلقي روحك اكتر في الشعر ولا الكتابة الساخرة ؟

تسلمي يااحلي البنات

لا ياااااااخ gap
عمك قوقل الله لا تاجرو؛ كان صحي كلامك تكون واااااشماتتة أبله وهاد فينيgap

أجيك للسؤال

بتلقي روحك اكتر في الشعر ولا الكتابة الساخرة ؟: كتابة الشعر ليها ميزة؛ القصيدة أثرها أكبر لانها بتتحفظ و بتنتشر أكتر، يعني بقشر بالقصايد أكترgap
لكين الكتابة الساخرة زي ما إتفضلتي بي تصنيف كتابتيgap، الحقو يا قدعااااان انا طلعت بتاعة كتابة ساخرة يا قدعاااان:p
الكتابة الساخرة دي مريحة و الله، بعبر بيها بي مزاج و مساحة اللعب فيها أكبر من الشعر و من حتة تفعيلة و وزن و حركات ناس خال فاطنة ديلgap
الحاجة التانية في ناس خلقة الله كدا ما عندهم شغلة بالشعر و حنك النمل العاضي دا، وجدي الأسعد الأسعد نموذجاً gap(دا إسمو إغتيال الشخصية يا وجدي، عشان نضرب ليك برستيجك قدام ام النسب:D)
ف شنو، وكت الشعر إتعافن معاي، أحسن أدي نفسي فرصة في مساحة تانية.

أمين محمد سليمان
17-05-2013, 11:25 PM
إتي تعال يا دي، مااالك ما دايره تكتبي فيو قصيدة؟! gap بالله عاين الوهم دي ؟!!!!
بحيرات الملح دي كاتبنها في حماضة بتاعك ؟!! ما مكتوبه في أخوك !! :rolleyes:
بالله من الخجل ما قدرت أخش البوست !! :o

حجة امنة
17-05-2013, 11:26 PM
يا عم أمير، خالتك الحجة منداحة بآخر ترس و فرامل نهي،
الله يغتي على الباقيين، so far الحوادث كلها في راس وهاد !! :D:D

إتا
السويتا رقدت قشششش
بس أقعد لي لي شغل (الصفقة فووووق) دا gap

حجة امنة
17-05-2013, 11:34 PM
بالمناسبة يا امونة مجبتنا دي جاية من جبجبة:D
ياخ كمية من الجمال لمين جاتنا عشراقة
بالطريقة دي كلنا بنلحق خالد غالي دششششششششششش

يا زولة مجبتنا .. مجبتنا، الزول دا قاصد يكتبا كدا يا عملات (ام التيمان) gap

جيجي يا جميلة في هذا الزمن المنيل بي ستين الف نيلة gap

ممكن يكون مطلع قصيدة الكلام دا، هييي ماشفتي
اليوما داك لي شقاوتي نزلت بوست في(سودانيزاون لاين) مع إني ما بريدو، بوست عن سرقة ناس الفيس بوك لي قصيدة (الجرادة في السروال) قام واحد من ناس المصاطب الشعبية يا قول ناس سودانيز، ناس الفيس بوك البيكونو بيعلقو في البوست تحت قال لي: هيييي يا حجة امنة قصيدتك دي ما يسرقوها كان سرقوها، عامله كدا زي قصيدة الحلزونة حقة مرجان احمد مرجان، خليك من الشعر و أبقي على الحكي حكيك سمح لكن شعرك كعبgap

براااااحة ضبيت ليك ضنبي و مرقت من البوست:D

حجة امنة
17-05-2013, 11:40 PM
الاسم ..


و المدن فى حياتك

و لماذا فارقت مهنة الاسرة.

أحمدك يا ررررب أخيراً السيرة الذاتية gap

اولاً بجاوي ليك موضوع مهنة الاسرة دا، بي إختصار كدا انا من بدري عارفه حد قدراتي و حسيت إني ما بنفع في المجال دا، الطب مهنة بتحتاج لي كمية من التضحيات و مجهود جبار، دا بالنسبة للزول الداير يكون دكتور جد جد:)
يعني الوالد و الوالده لي حسع بيقرو!!! الطب متطور دي ما قالوها ساهيgap
بعدين يا باش الزول إلا يكون عوير حتان يكرر غلطات الناس القدامو:D

جاياك للاسم و توابعه gap
يتبع>>>>
ت ت تتددددااااااا(موسيقة تصويرية)

حجة امنة
17-05-2013, 11:56 PM
السيرة الذاتية، طبعاً شلت سيرة البروف صُرة في خيت و بنيت عليهاgap
آمنة زوزانا حسين محمد
آمنة زوزانا حسين...
إتو الحركة الكريهة دي بتاعة الزول في الرحلات يقول إسمو مرتين لمن يجي يعرف نفسو شنو؟! حركة كرررريهة خلاصgap
المهم
الوالد من مدينة الدويم، الوالده من سنجة
أشرقت الأرض بنور ربها بمقدمي الميمون في مستشفى سنجة في 09/10/1978

مدارس القديس سان فرانسيس الابتدائية
مدارس الراهبات(سيسترزاسكول) المتوسط و الثانوي
جامعة الخرطوم، كلية العلوم الرياضية تخصص إحصاء و حاسوب
بعد التخرج عملت ردحاً من الزمن بالجامعة ثما كلية أبتيك

في عام 2011 تزوجت ثما رحلت من الوطن فإزدانت بي المملكة المتحدةgap

أمين محمد سليمان
18-05-2013, 12:08 AM
أشرقت الأرض بنور ربها بمقدمي الميمون في مستشفى سنجة

مدارس الراهبات(سيسترزاسكول) المتوسط و الثانوي
gap يعني طلعتي حنكوشة !!
لكن شتارة تمحن !!
سئيلي الله ما سمعت بزول مولود في سنجة و قرأ في سيسترزاسكول غيرك !! :rolleyes:
سنجة كلها ما فيها حنكوش غير د. شريف التهامي و عمك كمال جار النبي و آل نجيلة، و ديل ذاتهم عيالهم ما قرو سيسترزاسكول !!
طبعا ناس الأقاليم الرجرجة - بكة و مبر و الأشياء المشابهه- بكونو قايلين سيسترزاسكول دي بقالة في العمارات !! :(

ماريل
18-05-2013, 01:48 PM
قامت وهاد جاتني في الواعيد، من ما شفتها بقيت ازغررررررررت و هي تعتذر لي ناس المركز!!!
مشينا الاستديو لقينا صحباتي و اخواتي جو و برضو قعدت ازغرت لاني الوحيدة البعرف ازغرتgap
الاستديو دا وقف على فد رجل، و وهاد تشيل و تعتذر لي ناس الاستديو
طبعاً وهاد طارحه نفسها كسيدة مجتمع راقية، غايتو اليوم داك ضربت ليها برستيجها في مقتل:D
وهاد تشيل و تعتذر: معليش يا اخوانا ما أظن جاتكم عروس زي دي قبل كدا.
المصور قال ليها: ولا أظن حتجينا تاني زيها;)

انا إعتبرت الكلام دا إطراء gap
بعد داك دخلنا بيت العرس، لقيت الصيوان قدام بيتنا زي ما كنت بحلم بيو طول عمري، الوكت داك كلو كنت ما متوتره لحد ما خلااااص بقينا داخلين على الزفه، كنت قاعده مع وهاد في العربية قمت سمعت زفة مصرية، بس قمت اتشنجت ليك، قلت لي وهاد: دا شنو الزفت ال انا سامعاو دا!!! موش قلت ليهم دايره زفة سودانية؟! خليني انزل عليهم!!!
وهاد: روقي ياخ تنزلي وين، لاحولا اصبري ياخ
قامت جات (الاء) صحبتنا و امها مصرية، قمت هجت ليك فيها، امشي يا الاء خليهم يوقفو القرف داgap
قامو وقفو الزفة المصرية و شغلو أغنية (امنة الفي الضمير مازياني)
لمن حانت لحظة الصفر نزلت و قبلها وهاد قالت لي لحد هنا و تاني ما تزغرتتيgap

النهاية

اموووووووووووووووووووووونة نجمتى المفضلة اااااااخر حاجة بلا منازع
ذكرتنى خفتك وزغاريدك دى موقف يوم حنتى خلينى احكيهو ليك...وليهم
ود جيرانا كان حابينى ويوم الحنة حقتى اتغاتتو وهو واصحابو قالو للفنان العريس
اسمو (فواز)ده اسم ود جيرانا طبعن:confused:الفنان الطيرة يشيل يغنى
(وضاااااااح المُحيا وفواز نارو حية)انا نططت ليك عيونى وقمت من الكرسى
صحباتى يجرن فينى عليهن وانا شابكاهن فكونى فكونى ياخ (انا لمان اتعصب ببقى زى اندرتيكه)
فكونى مشيت على الفنان قلعت المايك وبقيت اغنى لى خالد(ده العريس طبعا:cool:)
والجمهور فاغر فاه الدهشة وبعض الحاقدات يهمسن (دى مالا الفرحانة دى صحى عريس لقطة لكن مافى داعى للفرحة الواضحة دى:D:D..
طبعن كلمونى الناس السمعوهن بعد انتهيت من غناى)looool
امى واخواتى ملونى ليك فقر ونقة يا خفيفة يا لفيفة وهم ما فاهميين انى برسل رسالة
لود الجيران واصحابو العواليق;)
حجوجو ياخ انى احبك جدا يا بت(ام ضحكة سمحة وخلقة سمحة وكتابة سمحة)
عليك الله اسمحى لى انزل صورة عرسك عشان اعمل دعاية لمركز التجميل القبلِك ده:cool:

حجة امنة
18-05-2013, 01:57 PM
يعني طلعتي حنكوشة !!
لكن شتارة تمحن !!
سئيلي الله ما سمعت بزول مولود في سنجة و قرأ في سيسترزاسكول غيرك !! :rolleyes:
سنجة كلها ما فيها حنكوش غير د. شريف التهامي و عمك كمال جار النبي و آل نجيلة، و ديل ذاتهم عيالهم ما قرو سيسترزاسكول !!
طبعا ناس الأقاليم الرجرجة - بكة و مبر و الأشياء المشابهه- بكونو قايلين سيسترزاسكول دي بقالة في العمارات !! :(

لا انا حنكوشة حنكوشة دي مافيها كلام gap

طبعاً عمك كمال جار النبي دا الفيلا حقتو فاتحه في بيت ناس حبوبة، راجل خيّر والله.

يا مان الحنكشة تفوت تخليني وين انا

واااااااااي gap gapgap

حجة امنة
18-05-2013, 02:12 PM
اموووووووووووووووووووووونة نجمتى المفضلة اااااااخر حاجة بلا منازع
ذكرتنى خفتك وزغاريدك دى موقف يوم حنتى خلينى احكيهو ليك...وليهم
ود جيرانا كان حابينى ويوم الحنة حقتى اتغاتتو وهو واصحابو قالو للفنان العريس
اسمو (فواز)ده اسم ود جيرانا طبعن:confused:الفنان الطيرة يشيل يغنى
(وضاااااااح المُحيا وفواز نارو حية)انا نططت ليك عيونى وقمت من الكرسى
صحباتى يجرن فينى عليهن وانا شابكاهن فكونى فكونى ياخ (انا لمان اتعصب ببقى زى اندرتيكه)
فكونى مشيت على الفنان قلعت المايك وبقيت اغنى لى خالد(ده العريس طبعا:cool:)
والجمهور فاغر فاه الدهشة وبعض الحاقدات يهمسن (دى مالا الفرحانة دى صحى عريس لقطة لكن مافى داعى للفرحة الواضحة دى:D:D..
طبعن كلمونى الناس السمعوهن بعد انتهيت من غناى)looool
امى واخواتى ملونى ليك فقر ونقة يا خفيفة يا لفيفة وهم ما فاهميين انى برسل رسالة
لود الجيران واصحابو العواليق;)
حجوجو ياخ انى احبك جدا يا بت(ام ضحكة سمحة وخلقة سمحة وكتابة سمحة)
عليك الله اسمحى لى انزل صورة عرسك عشان اعمل دعاية لمركز التجميل القبلِك ده:cool:

وسخ لكين ود جيرانكمgap
واصحابو أتفه منو
وانتي عفيت منك و الله، صحباتك و بنات جيرانكم الغبيانات ديل كانن دايراتنك تسكتي ساهي يعني ولا شنو:rolleyes:

ماريلوووف ياخ

عندي قصة قريب لي دي، بعد جيت هنا أصحاب حماضة عملو ليو حفلة ظريفة كدا في صالة حلوة و فنان و برنامج، انا الوكت داك بعرف الناس طشاش طشاش، من طرفي كانت سارة فضل صحبتي بس، الباقيين كلهم أصحاب محمد، اول الحفلة كنت متغمصة شخصية عروس و كداgap
الفنان ضااااارب، النوع البيبدا الغنية بيقوم فجئتنلي كدا بيكتشف إنو ما حافظ باقي الكلام، يقوم يمد المكرفون لي الجمهورgap
يلا انا واقفه برقص و مدياهو ضهري، كان أسمع ليك صوت حماضة المايغباني:eek:
(يا غالية ياااااا، ه ههم زينة حيااااتي، ه همم مشتاق لي شوفتك لي زمن
ه مممممم و انتي عااااارفة شبابي كلو وهبتو لي حبك تمن)

الغنية دي أيام الخطوبة كان بيغنيها لي في الإسكايبي
قمت بدون ما اشعر إتنفضت ليك: حمااااااااضة
لقيتو واقف وراي و ماسك المكرفون و بيغني، بقيت أشيل و أقول ليو: حلاتو يااخواني، حلاتو حماضةgap
سارة دي دخلت في مضافرينها، و تشيل و تقرص فيني، و تقول لي فضحتيناgap

عادل عسوم
18-05-2013, 02:14 PM
اتّو البروف امين دا ساب الكرسي لي آمنة ...واللاّ لسة قاعد فوقو:confused:
:D
بالله الواحد بقا ما قادر يكتب حاجة بس ما يلقى ليهو دقيقتين الاّ وتوش جاي جاري يشوف حجة آمنة قالت شنو!
:D:D
وما طالبني حليفة يابروف ...غايتو القنطير عندك والشوت عند حجة آمنة
سؤالي ياحجة:
ماهو الفرق بين سودانيات وعكس الريح؟
مودتي

ماريل
18-05-2013, 02:48 PM
قالو السكات علامة الرضا ...انزل الصورة يعنىlooool

أمير الأمين
18-05-2013, 02:55 PM
غايتة انا خمنت الضيف القادمlooool:p

حجة امنة
18-05-2013, 03:00 PM
اتّو البروف امين دا ساب الكرسي لي آمنة ...واللاّ لسة قاعد فوقو:confused:
:D
بالله الواحد بقا ما قادر يكتب حاجة بس ما يلقى ليهو دقيقتين الاّ وتوش جاي جاري يشوف حجة آمنة قالت شنو!
:D:D
وما طالبني حليفة يابروف ...غايتو القنطير عندك والشوت عند حجة آمنة
سؤالي ياحجة:
ماهو الفرق بين سودانيات وعكس الريح؟
مودتي

ربنا يجبر خاطرك يا عادل ياخي
الفرق بين سودانيات و عكس الريح؟ :
حاجة كدا زي أسرع القطر ولا أحلى الرز باللبنgap
مافي علاقة
عكس الريح بتتفوق بالنسبة لي على كل المنتديات في إنها كانت ضربة البداية، بديت الكتابة هناك، لقيت تشجيع و دعم في البداية كان ليو أثر كبير:)
دا غير الناس الإتعرفت عليهم و علاقتي بيهم لا تقدر بي تمن

اما سودانيات ليها نكهة تانية، لما أكتب هنا بحس بي خوف، الله يعلم الخوف الوااااحد دا، لانو المجاملة بتخصم من قيمة العمل، للاسف في عكس الريح في مجاملة بعد مرات، لكن الحاجة الما بحبها هنا المناكفات و الشخصنة في الحوارات أحياناً، في عكس الريح كان قعدت تهبب لي الصباح عشان الكترابه تقوم ولاااااابهببو ليكgap

انا حالياً متوقفه من الكتابة في عكس الريح، بقيت بكتب مراااات مرات، بدون سبب، مزاج بس
مزاجية انا ياخ:o

حجة امنة
18-05-2013, 03:02 PM
قالو السكات علامة الرضا ...انزل الصورة يعنىlooool

يا بت سكات منو و بتيخ منو

إتي دايره حماضة يجي يطعنا كلنا صاح؟!gap

أوووعك تنزليها

سارة
18-05-2013, 03:16 PM
حجوج الله لا كسبك دايرة تكتلينى:D:D:D:D

انا ماعندى سؤال هسى بس لو وصفتى لى رفعة حاجب وهاد اليمين
اكون لكى من الشاكرين باقى اخيتك شبعت منو بس غلبها التقليد
اما حكاية الجناقير وهاد حاقدة ودايرة تضرب برستيجك الاصلن
مضروب دا

ماريل
18-05-2013, 03:17 PM
يا بت سكات منو و بتيخ منو إتي دايره حماضة يجي يطعنا كلنا صاح؟!gap أوووعك تنزليها
طيب ممكن ارفعا؟؟؟:Dبمزح انا يا فردة يا جميل انت واصل امتاع الجمهور بالله
مع الكتمة حقت الايام دى نرفع شعار( ما اِلك الا حججججججة)

وهاد ابراهيم محمد
18-05-2013, 04:21 PM
اما حكاية الجناقير وهاد حاقدة ودايرة تضرب برستيجك الاصلن
مضروب دا
عليك نوووور
عليك الله كلمي آمال, تغسل إضنيها كويس وتتصل ببت الصلحي, وتسمع منها الكلمة صاح:D


ثم انتي وكت شبعتي, دايرة بالوصف تاني شنو:p

وهاد ابراهيم محمد
18-05-2013, 04:28 PM
يا عم أمير، خالتك الحجة منداحة بآخر ترس و فرامل نهي،
الله يغتي على الباقيين، so far الحوادث كلها في راس وهاد !! :D:D
غايتو يا بروف بعد مرات قاعد تطلع النصيحة البت دي, قالت ليك وهاد سيدة مجتمع راقي. (بتكون جاتا حمى بعد كتبتا:D)

يعني طلعتي حنكوشة !!

الشاهد الله, الحنكشة تبع العيلة, عشان كده إختاروا ليها السيرة الأبهة دي
زولتكم دي لي يوم الليلة انا متمحنة الخلى أسرتها الكريمة تحتويها الزمن ده كلو صبراً جميلاً وتحمّلاً طيب, شنو؟ ما بعرف. لا تمت لهم بأي صلة غير الإسم والبوهية :p:D

سارة
18-05-2013, 04:41 PM
غايتو يا بروف بعد مرات قاعد تطلع النصيحة البت دي, قالت ليك وهاد سيدة مجتمع راقي. (بتكون جاتا حمى بعد كتبتا:D)


الشاهد الله, الحنكشة تبع العيلة, عشان كده إختاروا ليها السيرة الأبهة دي
زولتكم دي لي يوم الليلة انا متمحنة الخلى أسرتها الكريمة تحتويها الزمن ده كلو صبراً جميلاً وتحمّلاً طيب, شنو؟ ما بعرف. لا تمت لهم بأي صلة غير الإسم والبوهية :p:D

انتى يا هودنة ما قدر دا:p:D:D:D
حجوج عليك دينك تحكى لينا عن احلى يوم قضيتو معاك فى الاسكلا
والحراية حارة وقصيدتك بتاعة مرقة عصر ديك
ياخ ديشك رسمى وقانونىgap

حجة امنة
18-05-2013, 05:06 PM
حجوج الله لا كسبك دايرة تكتلينى:D:D:D

انا ماعندى سؤال هسى بس لو وصفتى لى رفعة حاجب وهاد اليمين
اكون لكى من الشاكرين باقى اخيتك شبعت منو بس غلبها التقليد
اما حكاية الجناقير وهاد حاقدة ودايرة تضرب برستيجك الاصلن
مضروب دا
لا وهاد الفيها إنعرفت:rolleyes:
عليك الله شفتي رفعة حواجبينها عجيبة كيفgap
ما بتنحكي ما بتنحكي
يعني الطبيعي بعد الزول يرفع ليك حاجبو تلقائياً كدا عينو القصاد الحاجب الما مرفوع بتكون مطفية، كدي حسع جربي جربي أرفعي حاجبك اليمينgap

يلا حكمة الله زولتك دي لا عيونا الاتنين بتكون بذات النطيطةgap

دا كلو هييين مرات نكون ماشيين حته و أقوم أفور ليك دمها تقوم ترفع لي حاجبها الرفعة إياها و تطردني من العربية:(
نيييييييييط توقف ليك العربية و تقول لي: إتفضلي يا آمنة أنزلي لي من عربتي!!
واللهي صحي من لا يملك حديدته لا يملك كرامتهgap

انتى يا هودنة ما قدر دا:p:D:D
حجوج عليك دينك تحكى لينا عن احلى يوم قضيتو معاك فى الاسكلا
والحراية حارة وقصيدتك بتاعة مرقة عصر ديك
ياخ ديشك رسمى وقانونىgap

بالمناسبة اليوما داك جيت مخصوص عشان الاقيك، أحبطتيني طبعاًgap
طلعتي طويلة القامة و شلولخة عديل كداgap
أتذكر اليوما داك واحدة من ناس عكس الريح ما بقول إسمها، النوع الفاكاها في نفسو اول شي حتان في الأمة، و ذلك في ما يخص كتابتها، قالت لي بلاهي إنتي حجة آمنة!!! و طوالي بدون مقدمات قالت لي قريتي لي؟!gap
وحاتك يا الغالية الوكت داك انا كنت بعيدة من المنتدى و إسمها زاتو ما شفتو قبل كدا!! شبكتني ليك: انا زولة كتابة شديد بالمناسبة و كنت بكتب في الجرايد و بلابلابلابلا....نقه من هاكذا نوع، قلت ليها كيف يااستاذة اكيد قريت ليك، بعد شوية الجماعة قالو لي قومي أقري الفرمالة، قمت رشيت أديك سر، و قامت نهلة محكر قرت، بعد شوية زولتي الكتابة قالت لي: الشعر دا روح و القاء، حسع انا كان قمت قريت ليكم واحدة من قصايدي و الله إلا البنات القرن ديل كلهن يحردن:eek:
بس مسكت ليك في رقبتا: أها يمين بالله تقومي تقري، الليلة يا أستاذة لاااازم نسمعكgap
بقت تتمتم: لا انا ما حافظة ل..
كوركت ليك : يا ولد يا أشتر جيب اللاب توب الشايلو دا، عندك كونكشن حق نت، جيب خلينا نطلع للاستاذة قصايدا عشان تقوم تقرا و تسكت الخشامهgap

المره بقت في التحلها منيgap

أيام ياخ

حجة امنة
18-05-2013, 05:09 PM
طيب ممكن ارفعا؟؟؟:Dبمزح انا يا فردة يا جميل انت واصل امتاع الجمهور بالله
مع الكتمة حقت الايام دى نرفع شعار( ما اِلك الا حججججججة)

لا ياخ عارفاك بتهظري ياخ

لكين هظارك بقطع القلب يا ديgap
هي انا ماتشوفيني كدا، جبانة جدن على فكرة:D

عصِر يا مصر، أأأ؟!
حسع انا يا عملات المسطول لمن غسل الكديسة، قال ما ماتت من الغسيل، ماتت من العصِر gap

حجة امنة
18-05-2013, 05:16 PM
وهاد :rolleyes:

إتي حتتصلحي معاي ولا كيف

عليك الله خلي الكراهة و تعالي كبي الحنك المرتب و مهذب داكgap

موضوع رفيع الحواجبين دا خلاس دفناهو هنا، ما بجيب طاريو gap

أبو أماني
18-05-2013, 05:56 PM
اقتباس:
المشاركة الأصلية كتبت بواسطة أمين محمد سليمان http://sudanyat.org/vb/images/buttons/viewpost.gif (http://sudanyat.org/vb/showthread.php?p=537854#post537854)
يا عم أمير، خالتك الحجة منداحة بآخر ترس و فرامل نهي،
الله يغتي على الباقيين، so far الحوادث كلها في راس وهاد !! :D:D


غايتو يا .. بروف يسلم رأس وهاد ورأسك المليان الجاب لينا أروع رأس والله حق مستمتع حد العبط (يعني ريالتي قررربت تسيل) ! وكده .. من الشخصية الرائعة اللى إنتا أخترتها لينا دي .. يا بروف والله إستحقيت البروفيسورية بحق وحقيقي لآنو فترتك كانت خصبة .. بس دقست يا فرده والتسوي بإيدك يغلب أجاويدك .. على( الللاين مان) حجوج دي ظاهر لى حتطغى على كل من تعاقب على هذا البوست بما فيهم إنت و حتى الآن نجومية مطلقة .. يا أخى منكم من شلة تخلى الواحد يحرد شلته .. وكان للثماحة يحرد مرتو ظااااطها .. إنتو شنو؟ ما بشر يعنى ولا شنو .. حجة والله التلقائية العندك دي مرة كدة بتكتل ليها زول .. وأنا خائف على رقبتي .. تسلموا كلكم يا أروع ناس .. ويلا يا حجوج عليك الله بلسانك الذرب وكلامك المفارق الدرب .. جضمي لي كل زول عامل فيها ضبان ضكر .. ولزميه مواعينة .. ولتكن البداية بوهاد .. يا أخي الغايظني فيها مرة مرة كده قاعدة تخليك تفكي آخرك متعمدة .. وعاملة ليك قصة العصاء والجزرة .. والله والله ده ما تحريش ولا حاجة:D .. يا أخي شايف الناس كلها شعراء وأدباء وعلماء متربصين بيك الدوائر .. وكده .. في ظمتك ما عجبتك حكاية تربص الدوائر دي؟ والله سمعتها أمبارح القريبة دي.. يعني إستخدامها هنا ( إستاندرد) يلا إنداحي فرحي خلق الله واتجدعي يا شبه القمرا .. أكتبي رشي عبيرك فينا .. وأسكتي يا وهاد;).. على فكرة يا وهاد .. أشوف فيك يوم زي ده إنشاء الله .. قولي آمين :cool: يلا .. تشششاااو .. وإلى حين ..:cool:

أمين محمد سليمان
18-05-2013, 07:16 PM
يا أبا أماني، أنا بقترح إنو بعد خالتك الحجة، البوست ده تسقفو على كده !!

سارة
18-05-2013, 07:19 PM
يا أبا أماني، أنا بقترح إنو بعد خالتك الحجة، البوست ده تسقفو على كده !!

:L:L تراكا مرات مرات بتقول كلام سمح


على بجملة الليمان مشتاقين

آيات
18-05-2013, 10:07 PM
غايتو انا يطرشني من الضيف البجيك ومابتشوفو ده
ياخ قدر ماحاولت أتخيل ليك صورة ماقدرت كل مرة بتجيني بي شكل جديد

الصورة دي تبع السيرة الذاتية :p

اشرف السر
18-05-2013, 11:10 PM
اهل البوست سلام...

يا حجوج
والله ما رضيتا ليك...
هذا الاستقصاد البين من رفيقة الدرب (وهاد)..
اردميها بعدين وقعديها محلك في كرسي الزنقة دا وضقلي بيها زي ما ضقلت بيك..

---------------
يلا انعدلي... سعالاتي خفيفات:

السعال اللول: سعال ديكي: قلتي مدينتك المفضلة لندن.. عليك الله من اكتر 7 حاجات عجبتك قولي لينا 3 حاجات؟

السعال التني: احكي لينا اول مرة ركبتي طيارة.. كيف كان الوضع معاك؟

السعال البعدو: كيف تكون محاثيثك لما تسمعي اغنية عقد الجلاد (حجة آمنة اتصبري)؟

السعالي اليليه: 5 اعضاء من سودانيات تحرصين على قراءة بوستاتهم..

بعدو: اكعب زرة اتزريتيها في حياتك كانت وين وكيف؟

بجيك تاني كان الله هون

أمين محمد سليمان
19-05-2013, 05:06 AM
:L:L تراكا مرات مرات بتقول كلام سمح


على بجملة الليمان مشتاقين
سرور يا ستهم،
رغم الحر ... الشوق يعصر مهجتي كالبرتقالة !!
غايتو خالتك الحجة بالغت !! :D
-------------

السعال التني: احكي لينا اول مرة ركبتي طيارة.. كيف كان الوضع معاك؟
عليك الله عاين ده كمان !!

تقول ليه قرت في سيسترز سكول، يقول ليها أول مرة ركبتي الطيارة !! :rolleyes:
يا أشرف يا أخوي، مالك بقيت لي رجرجة كده إنت كمان ... السؤال ده تسألو للجيلي، لخالتك سارة، بكة ... أو أي واحد من الأشياء المشابهة الركبت الطيارات بعد سن اليأس !!
ناس سكر سكول ديل، المدرسة جت بتأجز في لندن، يعني ما بتكون متذكرة أول مرة ذاتو !!

اللهم اني أبرأ إليك من الرجرجة الهنا ديل !! :rolleyes:

معتصم الطاهر
19-05-2013, 07:13 AM
أحمدك يا ررررب أخيراً السيرة الذاتية gap

اولاً بجاوي ليك موضوع مهنة الاسرة دا، بي إختصار كدا انا من بدري عارفه حد قدراتي و حسيت إني ما بنفع في المجال دا، الطب مهنة بتحتاج لي كمية من التضحيات و مجهود جبار، دا بالنسبة للزول الداير يكون دكتور جد جد:)
يعني الوالد و الوالده لي حسع بيقرو!!! الطب متطور دي ما قالوها ساهيgap
بعدين يا باش الزول إلا يكون عوير حتان يكرر غلطات الناس القدامو:D

جاياك للاسم و توابعه gap
يتبع>>>>
ت ت تتددددااااااا(موسيقة تصويرية)

الاسم ..


و المدن فى حياتك

و لماذا فارقت مهنة الاسرة.

شفقة الاجابة ..




* هل يسمح بالاسئلة الخاصة ؟

اشرف السر
19-05-2013, 07:55 AM
* هل يسمح بالاسئلة الخاصة ؟

:L:L:L

أبو أماني
19-05-2013, 07:27 PM
اقتباس:
المشاركة الأصلية كتبت بواسطة آيات http://sudanyat.org/vb/images/buttons/viewpost.gif (http://sudanyat.org/vb/showthread.php?p=538158#post538158)
غايتو انا يطرشني من الضيف البجيك ومابتشوفو ده
ياخ قدر ماحاولت أتخيل ليك صورة ماقدرت كل مرة بتجيني بي شكل جديد

الصورة دي تبع السيرة الذاتية :p

والله يا آيات نفس الكلام الكت عاوز أقوله فعلا المخلوقة الرائعة دي الزول يتصورها بعدة أشكال .. لاكين من معرض كلامها .. حكاية الكوافير والماساج والكلام الدار هناك وعلى لسانها .. أنا غايتو بقول ( حماضة ده .. يصبروا الله سااااكت.. يا.. بت أمي):D والللليلااااا .. حجو جاتك يا أبو أماني.. الرسول فيك ..حاجة آمنة .. إتصبري ...!!:cool:

أبو أماني
19-05-2013, 07:55 PM
اقتباس:
المشاركة الأصلية كتبت بواسطة أمين محمد سليمان http://sudanyat.org/vb/images/buttons/viewpost.gif (http://sudanyat.org/vb/showthread.php?p=538068#post538068)
يا أبا أماني، أنا بقترح إنو بعد خالتك الحجة، البوست ده تسقفو على كده !!

بس لاكين عشان نسقفو المفروض باللوال نعمل البياض وهاك البياض ده ..
*********
العـزيزة الغالية حجة آمنة
لك الود مقطر في غرف القلب الأربعة وتحية لأسرتك الكريمة.. أعاهدك بالله بأن قلوب الجميع هنا بسودانيات إتفتحت ليك على مصراعيها وأولهم قلب العبدلله.. (الزي اللكونده) ده!! وعشان كده ما بعصر عليك شديد ولن أكون سادي زي الحبيب الجيلي وأمطرك بوابل من الأسئلة التعسفية وكده ولن أعرضك لنيران صديقة موجعة كتلك التي تنهمر عليك من قلعة وهاد أحب صديقاتك!.. ونوارة منتدانا كما لن ولم وكل أدوات النفي أصير كأمير الأدباء بسوح سودانيات العزيز الغالي بابكر عباس وأرجمك بأسئلة لاتخلو من خبث محبب ومكر ناعم..!:D هو سؤال فرد واحد.. بل طلب بسيط .. وهو أن تحملينا جميعا على متن يراعك الثر الرشيق في رحلة بدايتها مرحلة طفولتك مرورا بصباك (الجامعي) وحتى اليوم الذي زانت فيه حياة (حمادة) أغلى وأثمن جوهرة إسمها حجة آمنة.. و تلتها جواهرا (مهجنة) يسمونها في السعودية البذورة حفظهم الله لك بل حفظكم جميعا.. عفوا قد يطول الحكي .. وعليه نقبل السرد على دفعات أو شكل حلقات وخلي وهاد كان راجلة تجي تدخل قدومها ده!! عليك الله يا أمونة أصبري عليها شوية أصلي ناوي عليها بعدك وبعدين أخدي الصاع بصاعين:D
لكي وللبروف صادق معزتي وتقديري وتسلمي يا أروع و.. (أبذخ) .. (أيقونة).. حلت ضيفة على مائدة سودانيات .. قبيل الوداع .. تذكرت طلب أحد الزملاء في مداخلة سابقة منك (السيرة الذاتية) قوليها لينا يمكن نلقى ليك وظيفة في شركة بترولية سودانية ونعمل معاك عقد أجنبي .. يلا تشششااااووووو:cool:

أكرم المهاجر
20-05-2013, 03:08 AM
والله يا حجه أمنه
لم يسبق لي أن قرأت شيئاً يتعلق بالخيط هنا .. .. ولا أعلم حتي لماذا طرقت باب الصفحة الأخيرة وواصلت في القراءة عكس الريح.. غايتو مع أني كنت بقرأ الإقتباس بالدبل .. لكني لم أتوقف من الضحك مطلقاً مع أني بعد أقل من ساعتين مجابه بدوام يتطلب إنتباه الحواس .. لو حصلت لي أي عوارض تتعلق بالعمل .. سوف أحملك المسئولية :D
لم أقرأ من قبل ماهو أروع من ما كتبت .....
إحتمال وهاد تطلعني ما قريت شئ قبل كده ..
سوف أتجاهل الأمر إلي ما هو أبعد بالقول .. حجه امنه ..كاتبتي المفضله gap
-
معليش يا ابو اماني مع إنك نزلتا الستاره .. لكن برضوا بعد ما الستاره تنزل في ناس بتقعد تصفق ..

اشرف السر
20-05-2013, 07:38 AM
اقتباس:
المشاركة الأصلية كتبت بواسطة أمين محمد سليمان http://sudanyat.org/vb/images/buttons/viewpost.gif (http://sudanyat.org/vb/showthread.php?p=538068#post538068)
يا أبا أماني، أنا بقترح إنو بعد خالتك الحجة، البوست ده تسقفو على كده !!

بس لاكين عشان نسقفو المفروض باللوال نعمل البياض وهاك البياض ده ..
*********




بالغت معاي يا ابو اماني

يعني اسعلتي الفوق دي امشي افرشها في موقف شروني الجديد!!!

كدي البياض دا خليه بعد شويه

حجة امنة
20-05-2013, 12:04 PM
لالا هييي دا شنو

دقيقة

خلاس عقدتو، هييي قصدي رفعتووووgap

حركتكم بايخة النصيحة لي الله:rolleyes:

غايتو انا كان ما تميت جواباتي ديل ما قايمة;)

أيييي عدييييل كدا ما ق ا ي م ه

غايتو جنس لوياق موبااالغةgap

المهم

حجة امنة
20-05-2013, 12:09 PM
اقتباس:
المشاركة الأصلية كتبت بواسطة أمين محمد سليمان http://sudanyat.org/vb/images/buttons/viewpost.gif (http://sudanyat.org/vb/showthread.php?p=537854#post537854)
يا عم أمير، خالتك الحجة منداحة بآخر ترس و فرامل نهي،
الله يغتي على الباقيين، so far الحوادث كلها في راس وهاد !! :D:D


غايتو يا .. بروف يسلم رأس وهاد ورأسك المليان الجاب لينا أروع رأس والله حق مستمتع حد العبط (يعني ريالتي قررربت تسيل) ! وكده .. من الشخصية الرائعة اللى إنتا أخترتها لينا دي .. يا بروف والله إستحقيت البروفيسورية بحق وحقيقي لآنو فترتك كانت خصبة .. بس دقست يا فرده والتسوي بإيدك يغلب أجاويدك .. على( الللاين مان) حجوج دي ظاهر لى حتطغى على كل من تعاقب على هذا البوست بما فيهم إنت و حتى الآن نجومية مطلقة .. يا أخى منكم من شلة تخلى الواحد يحرد شلته .. وكان للثماحة يحرد مرتو ظااااطها .. إنتو شنو؟ ما بشر يعنى ولا شنو .. حجة والله التلقائية العندك دي مرة كدة بتكتل ليها زول .. وأنا خائف على رقبتي .. تسلموا كلكم يا أروع ناس .. ويلا يا حجوج عليك الله بلسانك الذرب وكلامك المفارق الدرب .. جضمي لي كل زول عامل فيها ضبان ضكر .. ولزميه مواعينة .. ولتكن البداية بوهاد .. يا أخي الغايظني فيها مرة مرة كده قاعدة تخليك تفكي آخرك متعمدة .. وعاملة ليك قصة العصاء والجزرة .. والله والله ده ما تحريش ولا حاجة:D .. يا أخي شايف الناس كلها شعراء وأدباء وعلماء متربصين بيك الدوائر .. وكده .. في ظمتك ما عجبتك حكاية تربص الدوائر دي؟ والله سمعتها أمبارح القريبة دي.. يعني إستخدامها هنا ( إستاندرد) يلا إنداحي فرحي خلق الله واتجدعي يا شبه القمرا .. أكتبي رشي عبيرك فينا .. وأسكتي يا وهاد;).. على فكرة يا وهاد .. أشوف فيك يوم زي ده إنشاء الله .. قولي آمين :cool: يلا .. تشششاااو .. وإلى حين ..:cool:



أبو أماني وحاط الله عقدتني عديل كدا، دا من لطفك و أخلاقك والله

إتا قايل المشكلة شنو، ما أحقدر أوفيك حقك

ف شنو، بعد وهاد تقعد بعدي هنا حا أخلي ليها المهمة ديgap

أييي يا وهاد جاك المووووت يا تارك الصلاه:p

تقوم وهاد زي البت الفالحة المهذبة تجي ترد بالنيابة عني، بدون الحركة ديك البالي بالك البتعمليها بي البالي بالك، واخده لي بالك يا سااااارة :D

حجة امنة
20-05-2013, 12:15 PM
غايتو انا يطرشني من الضيف البجيك ومابتشوفو ده
ياخ قدر ماحاولت أتخيل ليك صورة ماقدرت كل مرة بتجيني بي شكل جديد

الصورة دي تبع السيرة الذاتية :p

كلامك صحي و اللهي

انا زااااتي يطرشني و يعمي جيراني الخواجات ديلgap

صورة ماف، فديو ينفع؟! gap
الإهداء برضو للعزيز أبو أماني

http://www.youtube.com/watch?v=bb6yXCkfPsA&feature=youtube_gdata_player

جيجي
20-05-2013, 12:41 PM
كلامك صحي و اللهي

انا زااااتي يطرشني و يعمي جيراني الخواجات ديلgap

صورة ماف، فديو ينفع؟! gap
الإهداء برضو للعزيز أبو أماني

http://www.youtube.com/watch?v=bb6yXCkfPsA&feature=youtube_gdata_playerسمحة وسمرية..
محبوبتى ولفتاتها غزالة
خضرة ومسقية
جنب النيل مشتولة النالة
هواك يابنية كتبتو قصيدة
وبقولو مقالة
حبك فتح فينى معانى غناى
اداها مجاله
زهرة وبرية
وبشوق الارض عيونا كحالا
تريانا ندية بعرق الناس والناس فى بالا
ياخوفا عليا
عقل وثبات ماها الولوالة

والله يا امنة قدر ما قلت اختار من القصيدة دي ابيات بتشبهك ما قدرت
لانه كل مااختار جزء القى الجزء البعده بيشبهك اكتر

أسعد
20-05-2013, 12:58 PM
غايتو ياما شوفت في النت دا
لكن جنس البتسوي فيهو حجة امنة ما شوفنا
اول مرة القى لي زول بستغل تشابه الاسماء.


يا اخوانا البعرف الشاعرة حجة امنة يمدني بي عنوانها
لانو البتعمل فيهو حجة امنة (الصورة) هو اكثر من انتحال شخصية لاسم حجة امنة (الأصل)

أسعد
20-05-2013, 01:00 PM
المصيبة انو حجة امنة (التقليد) بتعملها في شكل هظار وضحك
ولكن يا اختي هنالك قراء سذج يصدقون ما تقولون
عليه نأمل منكم الابتعاد عن هذه اللعبة القذرة في انتحال شخصية حجة امنة (الاصل)

حجة امنة
20-05-2013, 01:13 PM
اهل البوست سلام...

يا حجوج
والله ما رضيتا ليك...
هذا الاستقصاد البين من رفيقة الدرب (وهاد)..
اردميها بعدين وقعديها محلك في كرسي الزنقة دا وضقلي بيها زي ما ضقلت بيك..

---------------
يلا انعدلي... سعالاتي خفيفات:

السعال اللول: سعال ديكي: قلتي مدينتك المفضلة لندن.. عليك الله من اكتر 7 حاجات عجبتك قولي لينا 3 حاجات؟

السعال التني: احكي لينا اول مرة ركبتي طيارة.. كيف كان الوضع معاك؟

السعال البعدو: كيف تكون محاثيثك لما تسمعي اغنية عقد الجلاد (حجة آمنة اتصبري)؟

السعالي اليليه: 5 اعضاء من سودانيات تحرصين على قراءة بوستاتهم..

بعدو: اكعب زرة اتزريتيها في حياتك كانت وين وكيف؟

بجيك تاني كان الله هون


يا مان وهاد انا نقشت ليك نومتا؛ دا إستهداف رسمي لي صورتي كحنكوشة و سيدة مجتمع راقية، لكين أصبر لي gap

يلا الننعدل لي سوعالاتك الكوتار و موساخ ديل gap

_السعال اللول: سعال ديكي: قلتي مدينتك المفضلة لندن.. عليك الله من اكتر 7 حاجات عجبتك قولي لينا 3 حاجات؟ :
اول حاجة عجبتني في لندن دي: روحي دي، والله جد، لقيت ليك روحي بقدر أعيش في بلد غريب و بقدر أعتمد على روحي بشكل كان مثير للإعجاب لي روحي دي، يعني انا و الحمدلله و بفضل الله من أول شهر كنت بقدر أمشي أي محل دايراهو، بقدر أقضي شغلاتي براي، مرة كدا النسوان ملمومات في بيت زوجة صاحب زوجي-بعد داك هي زاتا بقت صحبتي- مشيت براي لمن وصلت و بقينا نتعرف و نتونس، قالو لي ليك كم سنة هنا، قلت ليهم تلاته شهور، النسوان ديل قعدن يتشهقن فيني: تلااااته شهور بسسسس:eek:، التقول ليك انا قعدت سنننننه و نص حتان بقيت اطلع براي البتقول قعدت سنة و هاكذا:rolleyes:
يلا انا النفعني إنو حماضة رضي الله عنه gap من اول يوم قطعا معاي عشرة صفر، قال لي: شوفي انا مااااافاضي ليك، هاك دي بطاقة البص و شوفي شغلتك بي وين:rolleyes:
بعد عشرة يوم من ما وصلت لندن و كان شهر 10 أتذكر و البرد دا يقول ليك يا غربتي:(، قال لي: قومي جيبي لبن من الدكان!!! قلت ليو: هييي نحنا في عاداتنا و تقاليدنا عيب البنات يمشن الدكان، قال لي: خيررررر يا آمنة بكره بضرب لي والدتك نشوف موضوع عاداتكم و تقاليدكم ديgap
طواااالي ضبيت ضنبي و مشيت جبت اللبن:rolleyes:
أها بقيت بتعامل ليك مع لندن كسائحة، شايله بطاقتي و خريطتي و حايمة في أماااانة اللهgap
_الحاجة التانية، لندن حنينة ما زي باقي المناطق ، بالذات المنطقة النحن فيها دي، أغلب الناس الفيها صومال و هنود و باكستان، والله يوم الجمعة تشوفم مارقين للصلاة تقول حسسسسع من دربم دا و بيمشو على فلسطين يحرروها، أم بدة بس، حلتنا دي فيها أكتر من تلاته جوامع، يا زول بهجة gap
_ الحاجة الاخيرة، لقيت زوجي علاقاتو كتيرة و طيبة مع السودانيين و الاجناس التانية، كل فترة بيتلمو و الصراحة إحتوني بي كرم و طيبة ما بقدر أوصفها.


السعال التني: احكي لينا اول مرة ركبتي طيارة.. كيف كان الوضع معاك؟: اول مرة ركبت الطيارة كان عمري سنتين، كنا ماشيين نيجيريا مع الوالد مشى يشتغل هناك، قعدنا كم سنة و رجعنا السودان، بعد داك سنة 87، 89 الإنقلاب لقانا في مصرgap، قبلها مشينا تركيا، يا مان ماتشوفني كدا، حنكوشة و الله اناgap، سنة 2004 مشيت الأردن رحلة علمية تبع الجامعة، عليك الله ما حددتها معاك، قلت داير المرة الاولة رشيتك بالمرارات كلهن:L


السعال البعدو: كيف تكون محاثيثك لما تسمعي اغنية عقد الجلاد (حجة آمنة اتصبري)؟: بتضايق
كدا بس بدون تفاصيلgap

السعالي اليليه: 5 اعضاء من سودانيات تحرصين على قراءة بوستاتهم..:
-حافظ حسين
-مي هاشم
-بابكر عباس
-ام التيمان
-البروف امين محمد سليمان

بعدو: اكعب زرة اتزريتيها في حياتك كانت وين وكيف؟:
لا حولاااا حسع نفسي قام لمن إتذكرتها gap
الموقف دا في التوب ثري حق المواقف الكعبة المرت بي، كنت شغالة في كلية أبتيك، كنت بدرس كورسات ال icdl كورسات عن برنامج ال OFFIICE أها مرة جابو لينا قروب من شركة النيل الازرق للبترول على ما أتذكر، مديرنا الهندي كان بيتكبكب في ناس شركات البترول ديل لانهم بيجيبو قروش سمحة للكلية، قام مسكني ال (مدرا قروب) يا قولو، دا كان قروب مدرا الاقسام في الشركة، كلهمممم رجال كبااار و محترمين كدا، ما عدا أتنين كانو صغار، ديل كانو بتاعين قسم ال IT ، بيكونو قدري او أكبر مني شوية، ديل كرهوني، عاملين فيها مجضمين الكمبيوتر، كل ما اشرح حاجة يسالوني من الحاجة المتقدمه، بقرررب أقول ليهم ياخ إنتو بعد البريك حق الشاي ما تجو، طبعاً حسع آيات و أبو أماني ما قادرين يتخيلو منظري و انا أستاذة و محترمة و كدا، بالجد لمن أدرس ببقى زول تاني، المهم، أخر يوم المحاضرة كانت عن الإنترنت، يلا المشكلة إنو شبكة الكلية الايام ديك ضربها فايروس غريب، لمن توصل جهازك بالنت و تفتح المتصفح مرات توووووووف بيفتح ليك صفحات إباحية، صفحة كدا فيها بنات صينيات لابسات ما لابساتgap
أها أخرررر حاجة كانت في المحاضرة إني أوصل الجهاز بالنت و أشرح ليهم عن التصفح في النت، قمت يا مؤمن يا مصدق ترااااخ وصلت الجهاز و نسيت ليكم موضوع الفايروس، و اللابتوب حقي موصل بالبروجكتر و الشاشة كدر الضربة منعكسه على الحيطة، وصلت و فتحت المتصفح و بقيت مدنقره بفتش في الكتاب عشان ما أكون نسيت ليهم حاجة، الوكت داك زولاتي الصينيات جن و قعدن يسون في حركاتهن و انا مدنقرررررره، بقيت أسمع ليك الولدين الصغار بيقولو لي: أستاذه أحم أحم أستاذه
إتلفت لقيت ليك أعمامك أبين دقون مدنقرين في أجهزتهم و عاملين غمرانين، و الولدين بتاعين ال IT الوسخين يتبسمو، رفعت راسي للشاشة القى ليك زولاتي المابيغبني:eek:
والله لي حسع بتذكر كنت لابسه فستان لونو بني طويل كدا و معاو بلوزة برتقالي و الطرحة بني و برتقالي و برونزي، انا كلي بعد داك بقيت برتقالي، وقفت زي 25 ثانية بعاين للشاشة العين البتكون صغيرررره كدا و بي تركيز، قمت طوالي قبلت على الجهاز و قفلت الصفحة ديك و واصلت عاااادي، بعد المحاضرة إنتهت مشيت سلمت روحي للمشرفة الاكاديمية إسمها سماح كانت قدامي في الكلية بي دفعتين، قلت ليها ناس البترول حيكونو قالو الاستاذة قررت تورينا قلة ادبها أخر حلقة، سماح دي اليوم كلو تضحك فيني، اها القصة ما إنتهت هنا، نفسسسس اليوم بالليل كان حنة عمي، جينا متاخرين، انا طوالللي تلبت في ساحة الرقيص، كان القى ليك الولدين الكريهين بتاعين ال IT ، طواااالي ضبيت ضنبي و خليت الرقيص، جوني من هنااااك : ياأستااااااذهgap

حجة امنة
20-05-2013, 01:19 PM
شفقة الاجابة ..




* هل يسمح بالاسئلة الخاصة ؟

أسئلة خاصة؟! gap

هو تاني الفضل شنو

يا باش أسال سااااهي الحبة ما بتجيك

الرهيفة التنقدgap

لكين المشكلة ناس أبو أماني و البروف شايفاهم رفعو خلاس
انا تاني كان قعدت أكتر من كدا دي بتبقى سقالة واللهي gap

حجة امنة
20-05-2013, 01:27 PM
سرور يا ستهم،
رغم الحر ... الشوق يعصر مهجتي كالبرتقالة !!
غايتو خالتك الحجة بالغت !! :D
-------------
عليك الله عاين ده كمان !!

تقول ليه قرت في سيسترز سكول، يقول ليها أول مرة ركبتي الطيارة !! :rolleyes:
يا أشرف يا أخوي، مالك بقيت لي رجرجة كده إنت كمان ... السؤال ده تسألو للجيلي، لخالتك سارة، بكة ... أو أي واحد من الأشياء المشابهة الركبت الطيارات بعد سن اليأس !!
ناس سكر سكول ديل، المدرسة جت بتأجز في لندن، يعني ما بتكون متذكرة أول مرة ذاتو !!

اللهم اني أبرأ إليك من الرجرجة الهنا ديل !! :rolleyes:

شايفة يا وهاد الناس البتفهم gap
بالمناسبة يا بروف، موضوع الحملة المضاده العاملاها وهاد دي ليها علاقة أكيده بي موضوع صلعتك الروجو ليو في النت دا، حسع لو عملنا لجنه لتقصي الحقائق الموضوع دا حيطلع أخطر من ما تتصور
الموضوع دا طلع من يدي يا بروف و بقى في رجلي و شتو خلاس

معاً لوقف الإشاعات و إغتيال الشخصيات gap

حجة امنة
20-05-2013, 01:32 PM
والله يا حجه أمنه
لم يسبق لي أن قرأت شيئاً يتعلق بالخيط هنا .. .. ولا أعلم حتي لماذا طرقت باب الصفحة الأخيرة وواصلت في القراءة عكس الريح.. غايتو مع أني كنت بقرأ الإقتباس بالدبل .. لكني لم أتوقف من الضحك مطلقاً مع أني بعد أقل من ساعتين مجابه بدوام يتطلب إنتباه الحواس .. لو حصلت لي أي عوارض تتعلق بالعمل .. سوف أحملك المسئولية :D
لم أقرأ من قبل ماهو أروع من ما كتبت .....
إحتمال وهاد تطلعني ما قريت شئ قبل كده ..
سوف أتجاهل الأمر إلي ما هو أبعد بالقول .. حجه امنه ..كاتبتي المفضله gap

معليش يا ابو اماني مع إنك نزلتا الستاره .. لكن برضوا بعد ما الستاره تنزل في ناس بتقعد تصفق ..

ربنا يجبر خاطرك بحق جاه النبي يا أكرم يأخي
طمنتني و اللهgap
انا كنت شايله هم بعد جابوني بعد البروف و الرشيد، الرشيد كريه ياخ، بيقّعد ليك الكلام لمن يحيرك في صنقورك دا، دي دعوة عشان ترجع كم صفحة لي ورا عشان تستفيد ليك حاجة بدل الورجقه حقتي ديgap

حجة امنة
20-05-2013, 01:39 PM
بالغت معاي يا ابو اماني

يعني اسعلتي الفوق دي امشي افرشها في موقف شروني الجديد!!!

كدي البياض دا خليه بعد شويه

لالالا هيييي أقيف ما تجدع الورقة؛ عندنا قيدومه بكره :D

وهاد جايه

وهاد جايه gap

بي مناسبة ما تجدع الورقة دي، قال ليك بعد حكومة نميري أيام الأزمات ديك، أزمة الغاز، أزمة العيش، حصلت أزمة في السجاير، واللهي صحيgap، أها البيكون شايل ليو سجارة دا بيكون ود عز، اليوما داك جماعة عندهم عرس، قام واحد من الشباب عندو سجاره ملبدا إسبوووع مخصوص للعرس دا، قام جا داخل ليك الحفلة يبشر بالسجارة، كل شوية يرفع السجارة و الزناد يولعا و ياخد نفس، و النسوان ديل يقولن ليك أيوي يو يووووووووي، يقوم يمرق برا الحفلة سريع يطفيها و يجي تااااني يلفع الزناد و يولع السجارة و النسوان ديل يكوركن، اها في واحد متابعو ليك لمن مشى أخر شي يرمي السجارة لمن لقاها كملت قال ليو : لالالا خليها بكرة عندنا قيدومه gap

حجة امنة
20-05-2013, 01:50 PM
سمحة وسمرية..
محبوبتى ولفتاتها غزالة
خضرة ومسقية
جنب النيل مشتولة النالة
هواك يابنية كتبتو قصيدة
وبقولو مقالة
حبك فتح فينى معانى غناى
اداها مجاله
زهرة وبرية
وبشوق الارض عيونا كحالا
تريانا ندية بعرق الناس والناس فى بالا
ياخوفا عليا
عقل وثبات ماها الولوالة

والله يا امنة قدر ما قلت اختار من القصيدة دي ابيات بتشبهك ما قدرت
لانه كل مااختار جزء القى الجزء البعده بيشبهك اكتر

يا جيجي انا كلمتك قبل كدا، الزول لمن يكون جميل دا البيحصل ليو
بيشوف الجمال في كل شي و يقدر يعمل من الفسيخ شرباتgap
عاد نسوي ليك شنو كان إنتي كداgap

انا ما بعرف يا جيجي أعبر عن نفسي بصورة كدا جادة، عليك الله حاولي أفهميني براك كدا gap
المهم
هاك أسمعي الولد الممتاز دا

http://songs.alrakoba.net/abobaker/shbab/3esmat/42.mp3

مصابيح الفرح- عصمت بكري

حجة امنة
20-05-2013, 01:53 PM
غايتو ياما شوفت في النت دا
لكن جنس البتسوي فيهو حجة امنة ما شوفنا
اول مرة القى لي زول بستغل تشابه الاسماء.


يا اخوانا البعرف الشاعرة حجة امنة يمدني بي عنوانها
لانو البتعمل فيهو حجة امنة (الصورة) هو اكثر من انتحال شخصية لاسم حجة امنة (الأصل)

شطبنا يا وجدي الأسعد الأسعد gap
خلاس
ب بح
إتا تعال نسالك لكين ما تتضايق، إتا غيرت إسمك ليه؟!!gap


المصيبة انو حجة امنة (التقليد) بتعملها في شكل هظار وضحك
ولكن يا اختي هنالك قراء سذج يصدقون ما تقولون
عليه نأمل منكم الابتعاد عن هذه اللعبة القذرة في انتحال شخصية حجة امنة (الاصل)

وهاد ابراهيم محمد
20-05-2013, 02:08 PM
البنيات المن حلاتن عشرقن
ركّن على غصني بيقوقن
نَقَدَن قندول غناي..
ونقّطن شهد ولبن
وفاتن مشن.
(أزهري محمد علي)

حجة آمنة تُمشّط روحها بحِن الصديقات, ما رأيت زهرة يحجّها ذا القدر من الفراشات*, مثلك
كلما تأملت إجتماعهن إليك, وخيوط السحر التي تنسج المتانة التفترشها علائقكن, تساءلت عن كم صفاء ورحابة الإنسان فيك الذي يستوعب الإختلافات ذي جميعها, يصهرها, ويسكبها أقراط وقلائد.
كيفك والصديقات والأدراج المستّفة بالذكريات؟



________
*يوم عقدك يا السمحة, والاستديو ممتلئ بالحسان في إنتظار النوّارة
والزفة البنوّتية.. عرفت أن بحيرة البجع, هي أنتِ.


ومفتقداك يا غالية.

حجة امنة
20-05-2013, 03:50 PM
البنيات المن حلاتن عشرقن
ركّن على غصني بيقوقن
نَقَدَن قندول غناي..
ونقّطن شهد ولبن
وفاتن مشن.
(أزهري محمد علي)

حجة آمنة تُمشّط روحها بحِن الصديقات, ما رأيت زهرة يحجّها ذا القدر من الفراشات*, مثلك
كلما تأملت إجتماعهن إليك, وخيوط السحر التي تنسج المتانة التفترشها علائقكن, تساءلت عن كم صفاء ورحابة الإنسان فيك الذي يستوعب الإختلافات ذي جميعها, يصهرها, ويسكبها أقراط وقلائد.
كيفك والصديقات والأدراج المستّفة بالذكريات؟



________
*يوم عقدك يا السمحة, والاستديو ممتلئ بالحسان في إنتظار النوّارة
والزفة البنوّتية.. عرفت أن بحيرة البجع, هي أنتِ.


ومفتقداك يا غالية.

انا حاأسّقِف على كدا :)

معتصم الطاهر
20-05-2013, 05:13 PM
في سؤال حارقنى من زمن كنت فى الجامعة .. كنت داير اسألو لى بت أسعد*

لكن أوجهو ليك

البنات السمحات لامن يعرفن انهن سمحات .. حتى لو يتواضعن و يعرفن انو فى " شلة معجبين" او قروب معجبين .. بمشى المحلات البتمشيها زز
شعرون بكون شنو ؟
السؤال دا بمناسبة حضورك لجلسات حديقة معمار وكدا؟


* سارة حسبو.

أبو أماني
20-05-2013, 06:03 PM
اقتباس:
المشاركة الأصلية كتبت بواسطة حجة امنة http://sudanyat.org/vb/images/buttons/viewpost.gif (http://sudanyat.org/vb/showthread.php?p=538711#post538711)
أسئلة خاصة؟! gap

هو تاني الفضل شنو

يا باش أسال سااااهي الحبة ما بتجيك

الرهيفة التنقدgap

لكين المشكلة ناس أبو أماني و البروف شايفاهم رفعو خلاس
انا تاني كان قعدت أكتر من كدا دي بتبقى سقالة واللهي gap

يا بت رفعو شنو؟؟ يرفع ذكرك في العالمين إنشاء الله إتي مطرطشة ولا مطوفشة يا بت نرفع شنو؟ قلنا حا.. نسقف بث!! مازال الليل طفلا يحبو .. على اليمين الشافع ده ما زال يحبو حتى الآن بتذكر المفردة دي من حفلات الصباء .. شافع الحن ده يحبو لي هسع ؟:D .. الحكاية وما فيها يا حجة السرور أنا وأشرف عاملين زي سواق حافلة جبرة والكمساري الليلها .. يدوس في الأبنص .. والدخاخين تقول يا غربتي والحافلة تتطوطح زي المشعليب في مواجهة حبة هواء والركاب ينقنقوا ما تتحرك يا بني آدم .. والله اسع ننـزل والكمساري يا كافي البلا يا حايد المحن واقف هنوووووك يكورك ويأشر لركاب لا وجود لهم .. وكل الهدف الحافلة تشحن ركاب باي هووك أور كرووك فيخمتي يا خواجية ؟؟ يعني حافلتنا كان ما شمعت من المتداخلين .. رفع مافي!.. وريني جوابك على كلامي وبعدين يفرجها ربك .. والله في رأس لساني وحارقاني بلحيل .. لاكين حتى كان تزعلى مني بقولها .. قلبي مع .. (حمادة بيه) .. غايتو يا وهاد يا أختي ما عارف أي حاجة لاكين على بلاطة كده!.. الراجل ده طال عمره .. داخل الجنة بالمزيكة .. ليه؟ ما عارف! :D يلا تشششاااووو ..إلى حين .. :cool:

أبو أماني
20-05-2013, 06:20 PM
اقتباس:
المشاركة الأصلية كتبت بواسطة أكرم المهاجر http://sudanyat.org/vb/images/buttons/viewpost.gif (http://sudanyat.org/vb/showthread.php?p=538597#post538597)
والله يا حجه أمنه
لم يسبق لي أن قرأت شيئاً يتعلق بالخيط هنا .. .. ولا أعلم حتي لماذا طرقت باب الصفحة الأخيرة وواصلت في القراءة عكس الريح.. غايتو مع أني كنت بقرأ الإقتباس بالدبل .. لكني لم أتوقف من الضحك مطلقاً مع أني بعد أقل من ساعتين مجابه بدوام يتطلب إنتباه الحواس .. لو حصلت لي أي عوارض تتعلق بالعمل .. سوف أحملك المسئولية :D
لم أقرأ من قبل ماهو أروع من ما كتبت .....
إحتمال وهاد تطلعني ما قريت شئ قبل كده ..
سوف أتجاهل الأمر إلي ما هو أبعد بالقول .. حجه امنه ..كاتبتي المفضله gap
-
معليش يا ابو اماني مع إنك نزلتا الستاره .. لكن برضوا بعد ما الستاره تنزل في ناس بتقعد تصفق

تسلم يا مهاجر على مشاركتك الرائعة .. بس يا أخي طبظتها في اللآخر!.. منو القال ليك نسدل ستارة وماعارف شنو؟.. مسرح حجة آمنة ده بترفع الستارة عنه المرة الأولى بث ولا تسدل بتاتا إلا بأمر منها شخشيا .. فيخمت .. عليك الله حاورها لينا وخليها تورينا البدائع .. باين عليك داهية كبيرة يلا يا عثل .. تشششااااووو مؤقتا .. :cool:
*****
ياحجة .. حجوج .. ما تعملي لي فيها رائحة .. سوعالي حق مسيرة حياتك ما رديتي عليو لسع .. إتي قايلاني وهاد .. ولا شنو .. أنا جن أحمر راكب .. أبو أماني .. بي دستوركم يا .. أسيادي .. هممممممممممممم:mad:

معتصم الطاهر
20-05-2013, 06:24 PM
اقتباس:
ن على بلاطة كده!.. الراجل ده طال عمره .. داخل الجنة بالمزيكة .. ليه؟ ما عارف! :D يلا تشششاااووو ..إلى حين .. [/COLOR][/B][/COLOR][/SIZE][/FONT]:cool:
[/I]

الزول دا دخل الجنة ..
مش لسه داخل

أمير الأمين
20-05-2013, 06:29 PM
الزول دا دخل الجنة ..
مش لسه داخل
يا باش نقلت العنب ولا شنو ؟:p:D

جيجي
20-05-2013, 06:32 PM
يا باش نقلت العنب ولا شنو ؟:p:D ياحاقد انت نسيت التين والزيتونlooool

أبو أماني
20-05-2013, 06:35 PM
اقتباس:
المشاركة الأصلية كتبت بواسطة معتصم الطاهر http://sudanyat.org/vb/images/buttons/viewpost.gif (http://sudanyat.org/vb/showthread.php?p=538802#post538802)
الزول دا دخل الجنة ..
مش لسه داخل

لقيتك يا ود الطاهر .. صاحب معاني بعيدة خلااااااس .. ياود إت حريف كده التقول بس البرنس بعد جاء الزعيم.. حقيقي حمادة في جنتين .. ربنا يهنيه ويهني آله به .. ويخلي لينا شاعرتنا الرقيقة حجة بس باقي ليك تهمت (أسعد) لحجة دي ما بتدوش الرأس.. معقولة يتهما بالتزوير وإنتحال الشخصية يا أخي أبو السعود ده بغير من حجة دي ولا شنو؟؟؟ أنا شايف إنو القصة كلها غيرة مهنية فكلاهما شاعر لا يشق له غبار.. وأديب حامل الأدب في دفار .. ده رائي في القضية وكده ..:cool: يلا تشششاااووو

أكرم المهاجر
20-05-2013, 06:52 PM
تم رفع الستارة ...
لا ل يحي البطل المطلق الحضور .. بل ليبدأ عرضاً جديداً
شكرن يا أبو أماني ياااخ + :cool:
يا حجه والله لن أسألك خشية أن يأتي علي شخصي التخين يوم وليس في وجهه مزعة لحم ..أظن أعداء السمنة ومحبي الرشاقة يتجاسرون gap
لكني نظرت فتدبرت ..
من أي طبقات جاء وصف (حجه) لأمنة التي بحسب سردها دون ال35 .. لو الحسبه ناقصه الجمع والإجازات الرسمية وهلم جرا .. الله يخون الخاين gap
نضميك دا حجي (حبوبات) رأسو عديل .. مازالت بعض مداخلاتك هنا .. جالبة للحبور .. ضحكت أكثر من مره وطيف حرفك يعابث خيالي ...تذكرت تلك السعيدة في مرقدها (حبوبتي) ...
-

أبوبكر عباس
20-05-2013, 07:05 PM
سؤال ساهل أخير:
هل يا حجة، قاعدة تصلي بإنتظام؟
لو السؤال شخصي؛ أعفي لي

عكــود
20-05-2013, 07:11 PM
شكراً أبو أماني والله!
ألف شكر.

يا حجة، ده "شبع وبعبعة" يا عملاتك.

شكراً ليك كتير،
مع تحياتي لشباب ال IT اللاقوك في الحفلة.
:D

طبعاً متخيّل تعليقاتهم.
:D

أسعد
20-05-2013, 07:57 PM
في سؤال حارقنى من زمن كنت فى الجامعة .. كنت داير اسألو لى بت أسعد*

لكن أوجهو ليك

البنات السمحات لامن يعرفن انهن سمحات .. حتى لو يتواضعن و يعرفن انو فى " شلة معجبين" او قروب معجبين .. بمشى المحلات البتمشيها زز
شعرون بكون شنو ؟
السؤال دا بمناسبة حضورك لجلسات حديقة معمار وكدا؟


* سارة حسبو.
شحححححححححححححححححححكح
جميل الارتباط دا يا باشا
ولمن يطلع من شاعر
قطع شك بكون ارتباط حقيقي
لانو الشاعر ذو نظيرة عميقة
لكن البقنع الديك* منو؟!


* الديك مقصود بيها بت اسعد**



** بت اسعد مقصود بيها سارة حسبو gap

حجة امنة
20-05-2013, 08:04 PM
في سؤال حارقنى من زمن كنت فى الجامعة .. كنت داير اسألو لى بت أسعد*

لكن أوجهو ليك

البنات السمحات لامن يعرفن انهن سمحات .. حتى لو يتواضعن و يعرفن انو فى " شلة معجبين" او قروب معجبين .. بمشى المحلات البتمشيها زز
شعرون بكون شنو ؟
السؤال دا بمناسبة حضورك لجلسات حديقة معمار وكدا؟


* سارة حسبو.

سارة قصبو يا عملات سوسن سنادة gap

والله يا باشا ما عارفة أقول ليك شنو في سؤالك العامل زي الشرك داgap

لكين انا عن نفسي ما حصل كنت عاصره على موضوع السماحة دا، إذا فرضنا جدلاً إنها في:D
يعني من ما كنت صغيرة ما أظن كان عندي أي شلة معجبينgap
عشان أنتبه إنهم مبارييني، عشان أكون قربت ليك من إجابة سؤالك أحكي ليك قصة
عندي صحبتي، النوع البيكون جذاب لمن مزعج داك، لدرجة البنات ما بيصاحبوها و هي عارفة الحاجة دي، البت دي بدون مبالغة لمن تدخل محل أي زول قاعد بيعاين ليها، من ما تدخل محل طوااالي بتستلم المكرفونgap
مره إتكلمت معاها في الحكاية دي، قالت لي: يا آمنة العاجبني فيك ثقتك في نفسك عالية، قلت ليها: لا يختي القصة ما ثقة القصة إني بعرف كيف و بتين أمسك المكرفونgap

ياخي ما عارفة أقول ليك شنو، إحتمال كان عندي شلة معجبين و انا ما عارفة:rolleyes:
والله الفترة طالت من الايام ديك، إحتمال و اللهgap

و تعال نسالك جلسات معمار دي وين؟! فِجة البنات السمحات بيقعدن ولا شنوgap
والله يطرشني و يعمي جيراني، أيام كنا في الجامعة البنات السمحات كانن بيقعدن في (المين رود) و الحاجة التانية انا ما كنت بريد أمشي هندسة نهاااائي، و أولاد كليتنا كانو بيتغاظو من البنات البيمشن هناكgap


غايتو للضمان ردي لي سؤالك: ما عارفه شعور البنات السمحات لمن يمشن محل و يلقن شلة المعجبين مباريهن gap

حجة امنة
20-05-2013, 08:10 PM
اقتباس:
المشاركة الأصلية كتبت بواسطة حجة امنة http://sudanyat.org/vb/images/buttons/viewpost.gif (http://sudanyat.org/vb/showthread.php?p=538711#post538711)
أسئلة خاصة؟! gap

هو تاني الفضل شنو

يا باش أسال سااااهي الحبة ما بتجيك

الرهيفة التنقدgap

لكين المشكلة ناس أبو أماني و البروف شايفاهم رفعو خلاس
انا تاني كان قعدت أكتر من كدا دي بتبقى سقالة واللهي gap

يا بت رفعو شنو؟؟ يرفع ذكرك في العالمين إنشاء الله إتي مطرطشة ولا مطوفشة يا بت نرفع شنو؟ قلنا حا.. نسقف بث!! مازال الليل طفلا يحبو .. على اليمين الشافع ده ما زال يحبو حتى الآن بتذكر المفردة دي من حفلات الصباء .. شافع الحن ده يحبو لي هسع ؟:D .. الحكاية وما فيها يا حجة السرور أنا وأشرف عاملين زي سواق حافلة جبرة والكمساري الليلها .. يدوس في الأبنص .. والدخاخين تقول يا غربتي والحافلة تتطوطح زي المشعليب في مواجهة حبة هواء والركاب ينقنقوا ما تتحرك يا بني آدم .. والله اسع ننـزل والكمساري يا كافي البلا يا حايد المحن واقف هنوووووك يكورك ويأشر لركاب لا وجود لهم .. وكل الهدف الحافلة تشحن ركاب باي هووك أور كرووك فيخمتي يا خواجية ؟؟ يعني حافلتنا كان ما شمعت من المتداخلين .. رفع مافي!.. وريني جوابك على كلامي وبعدين يفرجها ربك .. والله في رأس لساني وحارقاني بلحيل .. لاكين حتى كان تزعلى مني بقولها .. قلبي مع .. (حمادة بيه) .. غايتو يا وهاد يا أختي ما عارف أي حاجة لاكين على بلاطة كده!.. الراجل ده طال عمره .. داخل الجنة بالمزيكة .. ليه؟ ما عارف! :D يلا تشششاااووو ..إلى حين .. :cool:


لا من ناحية داخل الجنة ... داخل بإذن الله gap

والله الرجل طيب و متدين

قبلني بي عِلاتي؛ ربنا يصبرو و يجعلها في ميزان حسناتو gap

حجة امنة
20-05-2013, 08:16 PM
اقتباس:
المشاركة الأصلية كتبت بواسطة أكرم المهاجر http://sudanyat.org/vb/images/buttons/viewpost.gif (http://sudanyat.org/vb/showthread.php?p=538597#post538597)
والله يا حجه أمنه
لم يسبق لي أن قرأت شيئاً يتعلق بالخيط هنا .. .. ولا أعلم حتي لماذا طرقت باب الصفحة الأخيرة وواصلت في القراءة عكس الريح.. غايتو مع أني كنت بقرأ الإقتباس بالدبل .. لكني لم أتوقف من الضحك مطلقاً مع أني بعد أقل من ساعتين مجابه بدوام يتطلب إنتباه الحواس .. لو حصلت لي أي عوارض تتعلق بالعمل .. سوف أحملك المسئولية :D
لم أقرأ من قبل ماهو أروع من ما كتبت .....
إحتمال وهاد تطلعني ما قريت شئ قبل كده ..
سوف أتجاهل الأمر إلي ما هو أبعد بالقول .. حجه امنه ..كاتبتي المفضله gap
-
معليش يا ابو اماني مع إنك نزلتا الستاره .. لكن برضوا بعد ما الستاره تنزل في ناس بتقعد تصفق

تسلم يا مهاجر على مشاركتك الرائعة .. بس يا أخي طبظتها في اللآخر!.. منو القال ليك نسدل ستارة وماعارف شنو؟.. مسرح حجة آمنة ده بترفع الستارة عنه المرة الأولى بث ولا تسدل بتاتا إلا بأمر منها شخشيا .. فيخمت .. عليك الله حاورها لينا وخليها تورينا البدائع .. باين عليك داهية كبيرة يلا يا عثل .. تشششااااووو مؤقتا .. :cool:
*****
ياحجة .. حجوج .. ما تعملي لي فيها رائحة .. سوعالي حق مسيرة حياتك ما رديتي عليو لسع .. إتي قايلاني وهاد .. ولا شنو .. أنا جن أحمر راكب .. أبو أماني .. بي دستوركم يا .. أسيادي .. هممممممممممممم:mad:

بلا بلا بلا gap
بي دستوركم يا أبو أماااااااااااني


http://www.youtube.com/watch?v=HQflxj6p6og&feature=youtube_gdata_player


يا أبو أماني كدي بعد تسمع الأغنية دي و تستهدى بالله تعال وريني مسيرة حياتي ياتا دي القاديني بيها من أمس ديgap
ياخي انا ما خليت ليك قصة حايمة في مسيرتي دي gap

حجة امنة
20-05-2013, 08:23 PM
تم رفع الستارة ...
لا ل يحي البطل المطلق الحضور .. بل ليبدأ عرضاً جديداً
شكرن يا أبو أماني ياااخ + :cool:
يا حجه والله لن أسألك خشية أن يأتي علي شخصي التخين يوم وليس في وجهه مزعة لحم ..أظن أعداء السمنة ومحبي الرشاقة يتجاسرون gap
لكني نظرت فتدبرت ..
من أي طبقات جاء وصف (حجه) لأمنة التي بحسب سردها دون ال35 .. لو الحسبه ناقصه الجمع والإجازات الرسمية وهلم جرا .. الله يخون الخاين gap
نضميك دا حجي (حبوبات) رأسو عديل .. مازالت بعض مداخلاتك هنا .. جالبة للحبور .. ضحكت أكثر من مره وطيف حرفك يعابث خيالي ...تذكرت تلك السعيدة في مرقدها (حبوبتي) ...
-

رحمة الله عليها، حبوبتك و حبوبتي حاجة آمنة والدة أبوي:)
وصف (حجة) دا برااااك فسرتو، ياهو كلام الحبوبات دا الجايب لي الهواgap

سبحان الله قبييييل كنت بنكت هنا لقيت مداخله قديمة، شلتها قشرت بيها في سودانيز gap
هاك

عندنا واحده حبوبتنا إسمها *** الله يرحما النوع الخوااااااااف داك, مرة جات لي حبوبتي حاجة امنة الله يرحمنا كلنا
حبوبة *** : هيي يا امنة أختي ما سمعتي الحصل؟
حاجة امنة : أهاااا
حبوبة *** : قالو اليومين ديل في بعاتيه حايمة في الحلة !
حاجة امنة : سجم امك , خلاس أرجعي بيتك قوبال ما الواطة تمغرب و تلاقيك البعاتيه تنجمك .
أساسا حبوبة *** كانت معروووفة بالجبن
اها أثناء ما هم بيتكلمو سمعتم عمتنا مكشكشه كدا إسمها **** , قامت جرت سريع لبست ليها توب أسود و نكشت شعرا و إتلبدت لي حبوبة *** في لفة بيتم , جنب بيت بيبيعو فيو الفحم و اساسا في إشاعة إنو مسكون .
جات حبوبة*** ماشه و تتلفت قامت **** فجاءة طلعت ليها من ورا حيطة الجالوص المهردمة و قالت ليها : اوووووو(صوت مخيف)
حبوبة ***: وووب علي,الليلة عاد يا البدوي,يا منجد العيان,سجمي يا سيدي الحسن
**** قالت جرت لانها خافت من الجماعة الندهتم ديل ما يسختوها
اها حبوبة *** بدل ما تجري بيتم جات راجعه تاااني لي حاجة امنة !
حاجة امنة : بسم الله مالك ؟! لاقتك البعاتيه ؟
حبوبة *** : أريتا يا بت امي كان لاقتني , لاقاني شيتاً مافرزتو , راجل أسود طوييييييل قدر ما رفعت راسي ما حصلت راسو ,
و الساعة ال لطشني أم كف , لمن وشي بقى بي ضهري , و قام إستعدلو لي بي كف تاني , و لمن ندهت شيوخي و الأولية الصالحين طار يا بت امي في السما !!

النهاية gap

حجة امنة
20-05-2013, 08:24 PM
سؤال ساهل أخير:
هل يا حجة، قاعدة تصلي بإنتظام؟
لو السؤال شخصي؛ أعفي لي

عافية ليك gap

بقيت بصلي بإنتظام و الحمدلله :)

حجة امنة
20-05-2013, 08:26 PM
شكراً أبو أماني والله!
ألف شكر.

يا حجة، ده "شبع وبعبعة" يا عملاتك.

شكراً ليك كتير،
مع تحياتي لشباب ال IT اللاقوك في الحفلة.
:D

طبعاً متخيّل تعليقاتهم.
:D

شفت كيف بلاهي

موقف عجيب ياخ، موقف جبرة يا عملات المسطول gap

شكراً ليكم يا عمدة :)

حجة امنة
20-05-2013, 08:30 PM
شحححححححححححححححححححكح
جميل الارتباط دا يا باشا
ولمن يطلع من شاعر
قطع شك بكون ارتباط حقيقي
لانو الشاعر ذو نظيرة عميقة
لكن البقنع الديك* منو؟!


* الديك مقصود بيها بت اسعد**



** بت اسعد مقصود بيها سارة حسبو gap

لا خلاس gap

يا وجدي قبييييييل قلت ليك ب بح ، سقفنا، شطبناااااا

إيه دا

الفااااتحة يا أبو أماني خلينا نشوف لينا موضوع تاني gap

معتصم الطاهر
20-05-2013, 09:07 PM
لكن البقنع الديك* منو؟!


* الديك مقصود بيها بت اسعد**



** بت اسعد مقصود بيها سارة حسبو gap

بقيت ترفع الكورنر و تجرى تضربا هيد فى القون

أمين محمد سليمان
20-05-2013, 11:50 PM
خالها يا حبيبنا

و الله لكن يا بروف لقيتك عزّال
بعد ما جابو الفيديو، الله يسألك : عزال أنا و لا حماضة !! :rolleyes:

أمين محمد سليمان
20-05-2013, 11:53 PM
يا اخوانا بالجد ... الفي الفيديو الفوق دا خالتي الحجة و لا دا حنك زي بتاع عمك ماريل ؟!!

حجة امنة
21-05-2013, 11:09 PM
يا اخوانا بالجد ... الفي الفيديو الفوق دا خالتي الحجة و لا دا حنك زي بتاع عمك ماريل ؟!!

هههههه دا شنو يااااخوانا، زول يمسك البروف دا يقعدو في الضل و يوريو الحاصل، الزول دا أفرزوليهو ديل من ديلا gap

و إتا يا أسعد بدل قاعد تطوطر كدا قعد عمك أب صلعة دا في بطن المنتدى دا و أشرح ليو الحاصل gap

حجة امنة
21-05-2013, 11:11 PM
يا أبو أماني


و ياأخوانا بعد دا العفو و العافية

انا عاجزه عن الشكر للمساحة الطيبة و جميلة دي

والله

غايتو جزاكم ماااابقدر عليو

ف شنو

خليتكم لي الله gap

أسعد
22-05-2013, 06:21 AM
يا اخوانا بالجد ... الفي الفيديو الفوق دا خالتي الحجة و لا دا حنك زي بتاع عمك ماريل ؟!!
يا أميننا
نحن نعلم تماما بأن التمردغ في نعيم الحياة المنفتح يهلك روح الفراسة لدى الانسان
وأي نعم عارفين انك عايش في بلاد منفتحة على الاخر فاهلكت روح الفراسة عندك
بس لكن ما قدر دا ياخ !!
فأنت يا عزيزي لو تأملت وتدبرت في الفيديو بتبصر لادركت أن الفي الفيديو دي خارج نطاق تغطية البشرية وأنها لا تأكل ولا تشرب ناهيك أن تبول
فكيف بلاهي عليك اسلمت نفسك لهذه السذاجة التي تجعلك تشك -لمجرد الشك- انو خالتك الفي المنتدى دا هي نفس الملاك الفي الفيديو
ولو تأملت قليلا بتبصر وانت تستجمع قصة بولها -أي خالتك الحجة في المنتدى دا- في بلاد الفرنجة ومع الاخذ بالاعتبار توقيعها البولي لأدركت ان خالتك الحجة في هذا المنتدى لا تمت بصلة للملاك الفي الفيديو.
ولكن ليس على الأصلع حرج.
فلو كنت تملك بعض شعيرات يقمن صلب تفكيرك وتأملاتك بأن تتيح لك فرصة برمهن وفكهن وثم برمهن مرة اخرى لما وصلت بك السذاجة هذا الدرك السحيق.
وأيضا ليتك تستصحب معك قول الشاعر المجيد بشرى الفاضل في اتهامه لخالتك الحجة بانها راجل يكتب باسم انثى، وأنت تعلم أن بشرى الفاضل من فاطحلة الشعر الذين يملكون بصيرة وعمق في رؤية ما لا يمكن رؤيته، لذلك نستنتج من قول بشرى الفاضل انو لو خالتك الحجة ما طلعت راجل يبقى قطع شك هذا الاتهام يستبعدها من ان تكون الشاعرة الواردة في الفيديو، فلا يمكن يخيب شك الشاعر بشرى الفاضل في ان تكون خالتك الحجة راجل وان خاب فانه لن يخيب ان تكون انثى مثل الانثى الواردة في الفيديو.
عليه يا اميننا فاني اقولها لك وانا موقن يقين لا شك فيه انو الفي الفيديو لا تمت بصلة لخالتك الحجة.






تنويه:
قد تأتي صديقتها وهاد وتشهد لها بأن الفي الفيديو هي نفسها خالتك الحجة
ولكن يبقى السؤال هل ح تصدق وهاد وتكضبني أنا؟!
انا ما ح استجدي عواطفك من حتة الجنس للجنس رحمة -نحن الرجالة-
ولا ح استجدي عقلك في حتة الجندر للجندر رحمة -في شهادة زور وهاد لخالتك الحجة-
بس في راجل بصدق كلام مرة ويخلي كلام الراجل؟!

أمين محمد سليمان
22-05-2013, 10:00 PM
يا عم أسعد،
روح فراسة بتاعت قلبك ؟!
أخوك مات فيه الانسان ذاتو، تقول لي فراسة ؟!! :rolleyes:
ما ممكن ياخي تجيبو لينا زول بكتب بمفردات حبوبتي الله يرحمها و شعر عامي من زقاقات ابوروف، و تجو تقولو لينا انها قرت العام و العالي في سكرسكول، لا ... و اسمها آمنة !!
مافي زول يا أسعد قرأ سكرسكول إسمو آمنة :cool: ، إسم آمنة ده ممكن تلقاه في سنجة بنات الأبتدائية، أبوروف الأبتدائية (ب)، في (أ) ما بتلقاه، تقول لي سكرسكول !!
و ده كلو كوم و الفيديو كوم، الطيارة البتلقي في الشعر ده ما ممكن يكون توقيعها (كفايه يا ناس الإنقاذ تبولو فوق رأسنا دا و تقولو دي المطرة) !! أمبسبل ياخي !! :(
و بالمناسبة : عمك بشرى الفاضل كان غلطان لمن قال خالتك الحجة راجل،
اديك سر ؟! :D : خالتك الحجة ما راجل، خالتك الحجة الدرويشة بت ضياء !! :(

زول الله
23-05-2013, 06:50 AM
يا عم أسعد،
روح فراسة بتاعت قلبك ؟!
أخوك مات فيه الانسان ذاتو، تقول لي فراسة ؟!! :rolleyes:
ما ممكن ياخي تجيبو لينا زول بكتب بمفردات حبوبتي الله يرحمها و شعر عامي من زقاقات ابوروف، و تجو تقولو لينا انها قرت العام و العالي في سكرسكول، لا ... و اسمها آمنة !!
مافي زول يا أسعد قرأ سكرسكول إسمو آمنة :cool: ، إسم آمنة ده ممكن تلقاه في سنجة بنات الأبتدائية، أبوروف الأبتدائية (ب)، في (أ) ما بتلقاه، تقول لي سكرسكول !!
و ده كلو كوم و الفيديو كوم، الطيارة البتلقي في الشعر ده ما ممكن يكون توقيعها (كفايه يا ناس الإنقاذ تبولو فوق رأسنا دا و تقولو دي المطرة) !! أمبسبل ياخي !! :(
و بالمناسبة : عمك بشرى الفاضل كان غلطان لمن قال خالتك الحجة راجل،
اديك سر ؟! :D : خالتك الحجة ما راجل، خالتك الحجة الدرويشة بت ضياء !! :(
من الآآآآخر آآخر شيء
:D:D:D





اقول قولي هذا واستغفر الله لي...................

ماريل
23-05-2013, 09:25 AM
امونة انا ما سالتك لسه ياخ..
السؤال الاول :-لماذا جاوبتى على سؤال بابكر عباس؟؟
السؤال الثانى:-هل طريقتك التلقائية التى تنم عن صدق كبير وُجِهت بانتقاد من اصدقائك وصديقاتك واسرتك لدرجة اصابت يوما بالاحباط؟؟
السؤال الثالث:-هل الشخصية البسيطة ومنطلقة وتلقائية للمرأة يمكن ان تثير لها المتاعب خصوصا ومجتمعنا يعانى من بعض اشكال الفصام الحاد بين ما ينادى به وما يشكل وجدانه حقيقتا(مثلا مثلا يقولو ليك حقوق المرأة وهم فى الحقيقة عاكمنها فى اقصى الزوايا المظلمة )

أبوبكر عباس
23-05-2013, 10:01 AM
السؤال الاول :-لماذا جاوبتى على سؤال بابكر عباس؟؟ليش انتي ما إعترضتي على رئيسك الحزبي لمان جاوب على السؤال دا؟

ماريل
23-05-2013, 10:12 AM
ليش انتي ما إعترضتي على رئيسك الحزبي لمان جاوب على السؤال دا؟

ازيك يا بابكر
اولا رئيسى الحزبى منو؟؟؟؟؟؟؟
ثانيا انا لم اعترض على السؤال ولا على الاجابة انا حبيت اشير لانو جحة امنة زولة تلقائية وبسيطة
ومباشرة وغير معقدة وممكن الاسئلة البعتبرا الغير خطوط حمرا تجاوب عليها ببساطتها المعهودة
واظن ان حتى لو امنة ما قاعدة تصلى كانت جاوبت بنفس الصدق.شرحى ده كتل سؤالى واجابة حجة امنة
شكرا ....

حجة امنة
23-05-2013, 10:22 AM
يا عم أسعد،
روح فراسة بتاعت قلبك ؟!
أخوك مات فيه الانسان ذاتو، تقول لي فراسة ؟!! :rolleyes:
ما ممكن ياخي تجيبو لينا زول بكتب بمفردات حبوبتي الله يرحمها و شعر عامي من زقاقات ابوروف، و تجو تقولو لينا انها قرت العام و العالي في سكرسكول، لا ... و اسمها آمنة !!
مافي زول يا أسعد قرأ سكرسكول إسمو آمنة :cool: ، إسم آمنة ده ممكن تلقاه في سنجة بنات الأبتدائية، أبوروف الأبتدائية (ب)، في (أ) ما بتلقاه، تقول لي سكرسكول !!
و ده كلو كوم و الفيديو كوم، الطيارة البتلقي في الشعر ده ما ممكن يكون توقيعها (كفايه يا ناس الإنقاذ تبولو فوق رأسنا دا و تقولو دي المطرة) !! أمبسبل ياخي !! :(
و بالمناسبة : عمك بشرى الفاضل كان غلطان لمن قال خالتك الحجة راجل،
اديك سر ؟! :D : خالتك الحجة ما راجل، خالتك الحجة الدرويشة بت ضياء !! :(

لقيتك جادي مع الجدادة gap
الله يسالني تباري المرض الإسمو وجدي دا إلا يمرقك في الكوشة gap

لكين شفتني وانا متغمصة شخصية التلفيزونgap
و شبكت ليك نادية : انا أرى و انا أعتقد gap
عليك الله يا بروف إتصلح معانا، دي كلها رتوش و مكياجات تلفزيون ساااهيgap
ما تشمت فينا المدعو أسعد دا :rolleyes:
لكين عليك الله شفت الفلم بتاع الدرويشة دا عجيب كيف:eek:
لاحولااااااا

عشان الشباب المصطحين، هاكم الرابط gap

http://www.sudaneseonline.com/cgi-bin/sdb/2bb.cgi?seq=msg&board=430&msg=1368473803&rn=1


الحاجة التانية، شفت الحيوان الضبح العسكري في إيست لندن، حسبي الله و نعم الوكيل، ديل كرهونا أفريقيا زاتا

حجة امنة
23-05-2013, 10:26 AM
من الآآآآخر آآخر شيء
:D:D:D





اقول قولي هذا واستغفر الله لي...................


حتى أنت يا زول الله gap

حجة امنة
23-05-2013, 10:54 AM
امونة انا ما سالتك لسه ياخ..
السؤال الاول :-لماذا جاوبتى على سؤال بابكر عباس؟؟
السؤال الثانى:-هل طريقتك التلقائية التى تنم عن صدق كبير وُجِهت بانتقاد من اصدقائك وصديقاتك واسرتك لدرجة اصابت يوما بالاحباط؟؟
السؤال الثالث:-هل الشخصية البسيطة ومنطلقة وتلقائية للمرأة يمكن ان تثير لها المتاعب خصوصا ومجتمعنا يعانى من بعض اشكال الفصام الحاد بين ما ينادى به وما يشكل وجدانه حقيقتا(مثلا مثلا يقولو ليك حقوق المرأة وهم فى الحقيقة عاكمنها فى اقصى الزوايا المظلمة )

ماريل يا حبيبة، أكاد أجذم إنك عااااارفه الأجابة gap
المهم
سؤال بابكر قلبي أكلني منو، لكين جاوبت بي إختصار، الناس القرو (رسائل إلى أمي) بيكونو قرو إني كتبت قبل كدا إني كنت بفطفط و بهمل في الصلاة، أرجو ربنا يغفر لي، ما عشان عندي راي في الصلاة ولا لاني ما دايره أصلي، لكن كسل بس، نسال الله السلامة، الحاجة دي كانت واحده من أسباب عدم رضى والدتي عني:o
حسع بتكوني إتطمعتي مني زيادة بي المعلومات الجيت بهلتها فوق دي gap

السؤال الثانى:-هل طريقتك التلقائية التى تنم عن صدق كبير وُجِهت بانتقاد من اصدقائك وصديقاتك واسرتك لدرجة اصابت يوما بالاحباط؟؟:
أها نجيك لي الإحباط،انا مابعرف إحباط دا زاتو شنو!! إحتمال يكونو هم البيحسو بالإحباط، والله يحبطو و يلقو العافية gap
دي انا كدا
مرة عندي صحباتي قررو يعملو لي إجتماع مغلق بي سبب الدوراب حقي دا، قمت قلت ليهم والله انا ما بقدر أتغير عشانكم، ممكن إنتو تريحو روحكم مني و نفركش القصة، بلا صحوبية بلا لمة :)
قالو لي: إنتي ماسكانا من يدنا البتوجعنا gap
أها صحباتي عندهم خيار إنهم ما يبقو صحباتي، ناس بيتنا ما عارفه شعورهم شنو، لكن ما عندهم خيار تاني، حالياً ما عارفه شعور أسرتي الجديدة:)

بالتاكيد الصفات ال إتفضلتي و وصفتيني بيهن ديل عندهن ميزات و للاسف سيئات، بعد كبرت بقيت أحاول أتعايش مع السيئات و الحسنات دي.:o
مابغش عليك ولا على رقبتي و أقول دايره أتغير، لانو التغيير عشان ترضي الناس بيشوه البني أدم، و يبقى لا لما في إنو يكون غراب ولا حيطول إنو يبقى طاوؤس :)

السؤال الثالث:-هل الشخصية البسيطة ومنطلقة وتلقائية للمرأة يمكن ان تثير لها المتاعب خصوصا ومجتمعنا يعانى من بعض اشكال الفصام الحاد بين ما ينادى به وما يشكل وجدانه حقيقتا(مثلا مثلا يقولو ليك حقوق المرأة وهم فى الحقيقة عاكمنها فى اقصى الزوايا المظلمة ):

تعالي إتي دي ردي يا زولة gap

حجة امنة
23-05-2013, 10:58 AM
ليش انتي ما إعترضتي على رئيسك الحزبي لمان جاوب على السؤال دا؟

بابكر تعال ال نسالك، إتا سالتني ليش يا عملاتك gap

ياأخوي إتا قايلني رئيس الحزب ولا شنو؟!!! gap

ماجد تاج
23-05-2013, 11:13 AM
ـ



مرة بديت أكتب بوست عنك قلت فيه حجة آمنة بنت من نور ..

خليته شوية لظروف ..

سؤالي يا زوزانا ( كدا صاح الاسم دا ؟ ) :

هل بتعتقدي أنو شكلك ( وانتي بمقياس سمحة .. حلوة .. لذيذة بتاخدي تلاتة من تلاتة ) عنده أثر في

تقييم الاخرين وتقبلهم لنتاجك الادبي ؟

قصيدة الى حمار الوحش قبلة مثال ؟



ـ

حجة امنة
23-05-2013, 11:33 AM
ـ



مرة بديت أكتب بوست عنك قلت فيه حجة آمنة بنت من نور ..

خليته شوية لظروف ..

سؤالي يا زوزانا ( كدا صاح الاسم دا ؟ ) :

هل بتعتقدي أنو شكلك ( وانتي بمقياس سمحة .. حلوة .. لذيذة بتاخدي تلاتة من تلاتة ) عنده أثر في

تقييم الاخرين وتقبلهم لنتاجك الادبي ؟

قصيدة الى حمار الوحش قبلة مثال ؟


ـ

ماجد تاج، أين أنت يا رجل gap
شفتو شفتو البوست في سودان دوت نت، كنت بفتش في قصايدي في قوقل و الرابط جاب لي بوست (حجة امنة بنت من نور)، قمت إندهشت ليك لاني ما عرفت كاتب البوست، ما حتتخيل عرفتك كيف، شلت محل الإقامة الكاتبو هناك (هنا او هناك.. لا فرق المهم أني ما زلت انا )و قوقلتو قام لقطك ليgap

الإجابة على سؤالك بتلقاها فوق gap
أمانتن تجيك، حسع دا كلام زول معتمد على شكلو gap

خليني أرد ليك على سؤالك بالجد و بدون هظار، انا بديت كتابة في المنتديات سنة 2005 و أول مرة أظهر في التلفزيون سنة 2007 و الوكت داك كانت قصايدي إشتهرت إلى حداً ما في النت قبل ما الناس يشوفو الفديو، بعدين عندك هنا في سودانيات قصايدي نزلت من 2005 و الناس إتجاوبت معاها و ردو لي حتى قبل ما يشوفوني:)
طيب انا ممكن ما أقدر أرد ليك على سؤالك لانو دي انا ما ممكن أكون محايده، حااقوم أحول ليك السؤال إنت يا ماجد تاج على أي أساس فتحت بوست (حجة آمنة بنت من نور) ؟!

معليش كنت دايره أسالك سؤال تاني، قصيدة (إلى حمار الوحش قبلة) دخلها شنو ؟! ما فهمت سؤالك دا والله

على العموم للمصطحين ناس بروف أمين ابو صلعة، دا الفديو القاصدو ماجد

http://www.youtube.com/watch?v=xfACSDpz1fA&feature=youtube_gdata_player

ماجد تاج
23-05-2013, 12:08 PM
ـ


غايتو تاني يمكن خممممسة يوم ما أشاكل لي زول .. حجة آمنة بتتونس معاي

:D

أبداً يا حجة ، ما قصدته هو السؤال المعتاد بتاع تأثير الشكل في تلقي الناس للمنتوج الفني الادبي وخلافه

يعني لما تلقي قصيدة وتقعدي تتلفتي بعويناتك المنططات ديل ، والناس من نوعية البروف وأسعد الشين دا تقعد تشهق وتتوقع

ممكن بعد داك أي واحد منهم يجي يقدم نقد حقيقي للقصيدة الانتي قلتيها ؟

خليني أرد ليك بالهظار يمكن أكون أوضح شوية ..

لما بديت أكتب البوست داك كنت منبهر بقدرتك العالية على تحويل الاخر من الطرف البعيد للمقعد المجاور

قدرتك على انك توحي للمستمع بأنك بتونسيه

( دا بالمناسبة أجمل ما في موهبتك باقي لي )

بتخلي أي كلام تقوليهو حلو ..

حتى لو كان الحديث بيحمل جواه محطات توقف ، نظرة العيون النجل وقلبتها البتكسر الرقبة كش دي ما بتخليك تقيف

تظل معلق في البسمة البتلوح وتختفي شان ترجع ليك اكبر وأوسع من احتمالك

وتفوت عليك محل مفروض تقيف ..

قصدت اثر الجمال ال ( من النوع دا ) في اخفاء مكامن الروعة في كلامك مش العكس ..

على كل ما عارف لكن الى حمار الوش قبلة كنت أفضل أقراها قبل ما أسمعها منك في الفيديو دا تحديداً

كل ما أرجع للفيديو ألقى روحي ركزت غلط ..

مرة في لمحة خجل بسييييطة تلوح تخلعك تقول دي حجة آمنة

:D

ومرة في نظرة غيظ عجيبة تلوح من المذيعة تخليك تضحك وما تسمع جزء من الكلام

ومرة، ومرة .. وهكذا يعني ..

الى حمار الوحش قبلة يخيل لي انتي غيرتي رايك لما جيتي تتكلمي عنها في البداية ليه ما عارف ..

وكلامك القلتيهو شوش على المتلقي ( أنا ع الاقل ) برضو ليه ما عارف ..

غايتو يا زولة يديك العافية وكويس انك بتصلي

لأنه بعد الاداك ليه ربنا دا كله لو ما صليتي وحمدتي وشكرتي كان ح تبقى قصة ..


ـ

حجة امنة
23-05-2013, 12:47 PM
غايتو يا ماجد تاج دغمست القصة دغمسة العدو gap

لكين انا غايتو بعتبر كلامك الفوق دا إطراء

أحبطتني ياخ؛ انا حالتي قمت من الكرسي و بقيت شايلاو في يدي للضمانgap

قلت ماجد تاج دا دخل، كطع شك بيكون جاي يرمي كرسي في الكلوب يا عملات المصريين :D


عندي نقطة مهمة، لو رجعت لي قصايدي القبل الفديوهات:p حتلقى إنو الحضور أغلبو من الجنس الناعم، ديل يكونن مالن يا الله، يا زول بعد الفديوهات برضو الشابات ديل فضلن معجبات بالكلام دا و بيلمس حاجة فيك تقطع نفس خيل القصايد gap

أمير الأمين
23-05-2013, 01:36 PM
غايتو يا ماجد تاج دغمست القصة دغمسة العدو gap

لكين انا غايتو بعتبر كلامك الفوق دا إطراء

أحبطتني ياخ؛ انا حالتي قمت من الكرسي و بقيت شايلاو في يدي للضمانgap

قلت ماجد تاج دا دخل، كطع شك بيكون جاي يرمي كرسي في الكلوب يا عملات المصريين :D


عندي نقطة مهمة، لو رجعت لي قصايدي القبل الفديوهات:p حتلقى إنو الحضور أغلبو من الجنس الناعم، ديل يكونن مالن يا الله، يا زول بعد الفديوهات برضو الشابات ديل فضلن معجبات بالكلام دا و بيلمس حاجة فيك تقطع نفس خيل القصايد gap
معقولة يااخ امنة
عم ماجد فنجل البروف واسعد من فوق الكرسى
واتوهط فى محلهم ....:D

حجة امنة
23-05-2013, 02:29 PM
معقولة يااخ امنة
عم ماجد فنجل البروف واسعد من فوق الكرسى
واتوهط فى محلهم ....:D

طبعاً يا أمير كلمة (اخ امنة) الشتها دي وقعت لي في جرح gap
تتذكر يا أمير ناس كراكة و ناجي الملك و الكرور ديل كانو بيقولو شنو؟!gap

إستلم يا ماجد تاج؛ ناس أمير الأمين ديل الرعيل الاول في عكس الريح، كانو بيقولو لي أخونا حجة امنةgap

أها كيف ليك

حجة امنة
23-05-2013, 02:32 PM
ياااااخوانا بحر الويكة دا نجيب ليو كِسرة من وين؟!!!! gap

تعال يا أبو أماني فك القراء الأعزاء من الفلم العاضي دا gap


بعد دا العفو و العافية جد جد gap

سارة
23-05-2013, 02:47 PM
ياااااخوانا بحر الويكة دا نجيب ليو كِسرة من وين؟!!!! gap

تعال يا أبو أماني فك القراء الأعزاء من الفلم العاضي دا gap


بعد دا العفو و العافية جد جد gap

غايتو لو كان ماجد تاج صاحبى ما حصل المولد دا
كنت على بالليمان زعلت وبكيت عدييل كدا
ياخ حمد الله بسلامتك وحجوج ما قصرت
ان شاء الله ما تقصر ايامك وربنا يخلى ليك حماضة ويخليك ليهو
يا اجمل واحلى بنية عرفتها:cool::cool::cool:

أمين محمد سليمان
23-05-2013, 04:48 PM
معقولة يااخ امنة
عم ماجد فنجل البروف واسعد من فوق الكرسى
واتوهط فى محلهم ....:D يا زول حلال عليه !!
أنا غايتو رفعت يدي ظاهر باطن !! :D:D

أبو أماني
23-05-2013, 04:59 PM
اقتباس:
المشاركة الأصلية كتبت بواسطة سارة http://sudanyat.org/vb/images/buttons/viewpost.gif (http://sudanyat.org/vb/showthread.php?p=539402#post539402)
غايتو لو كان ماجد تاج صاحبى ما حصل المولد دا
كنت على بالليمان زعلت وبكيت عدييل كدا
ياخ حمد الله بسلامتك وحجوج ما قصرت
ان شاء الله ما تقصر ايامك وربنا يخلى ليك حماضة ويخليك ليهو
يا اجمل واحلى بنية عرفتها:cool::cool::cool:

لاكين يا سرورة ما بالغتي عديييييل كدي .. إتي يظهر عليك كلام سرورة العرورة ده جد جد .. كلامك ده إذن (خروج من المائدة) لزولة ولا زول ماعارف! عاوزين نقعدها في الكرسي ده أطول مدة ممكنة .. دعوات دكتورة أمينة إنشاء الله مستجابة بس تلميحها بالهرب مرفوضة لسع الوكت بدري يا إتي .. طبعا مامكن يا أمونة ياحبيبتي يستر علينا من حماضة:D .. طبعا إنتي دلوقت متهمة بتزوير وإنتحال شخصية عديييل كدي!.. وما مكن تهمة فظيعة زي دي تمر عليك ساي مهما كان .. نحن عاوزين نطمئن بعد إبليس الملع..! ده ما خلى الفار ينقز في عبنا .. عليك الله أكدي لكل دعى يدعوا عليك بالباطل إنك الشاعرة الرقيقة الفنانة التي جضمت العامية جضيم حبوبتي لشخصى الضعيف زمان!.. وأكدي ليهم إنو خفة الدم وسحر الكلام مضاف ليهو السماحة البتتنطط من العيون النجلاء في الفيديو والجمال الطبيعي وخلت الحاقدين يقولوا ما يقولوا ..هي فعلا حكرا على ضيفتنا العزيزة الغالية حجة آمنة.. يلا يا أوضح أبن أفقصح .. يا .. أخ أمونة ... ولكي صادق تقديري وثقتي المطلقة .. بالتلاتة :D

حجة امنة
23-05-2013, 05:37 PM
غايتو لو كان ماجد تاج صاحبى ما حصل المولد دا
كنت على بالليمان زعلت وبكيت عدييل كدا
ياخ حمد الله بسلامتك وحجوج ما قصرت
ان شاء الله ما تقصر ايامك وربنا يخلى ليك حماضة ويخليك ليهو
يا اجمل واحلى بنية عرفتها:cool::cool::cool:

ماجد صحبك شكلو بعد القنطيره القنطروني ليها عمك معتصم و عمك أسعد و البروف اب صلعة جا شات بي مزااااج gap

تسلمي يا ست الناس :cool:
يشهد الله إنتي من الناس البعتز جداً بي معرفتم، و اليوما داك كان ما لاقيتك كان المغصه شقتني،دايره أديك سر متعبنيgap إنتي من الناس البيتعدو على أصابع يديني الاتنين ال لاقيتم في النت دا و لقيتم بيشبهو شخصياتهم في النت نفس الشخصية الدغرية و الطيبة و المباشره العرفتك بيها لقيتها قدامي يوم لاقيتك.

والله يا أمينة الدنيا دي يا عملات حماضة: أكل و شراب و أخرتا كوم تراب، الزول غير السيره الطيبة و الناس الجميلين داير شنو تاني:o

أبوي عندو حركة معاطه كدا كان بيعملا لينا، بعد حسع كبرت بديت أفهمها، كان كل فترة و التانية بيلمنا و يقول لينا: انا ما عندي ليكم شي أورثكم ليو غير السمعة الطيبة و أعلمك علم ينفعكم.
كنت بعد نطلع من الإجتماع بقول ليهم أبوكم دا داير يحرمنا من الميراث ولا شنوgap
ربنا يطول عمرو و يديهو العافية.

حجة امنة
23-05-2013, 05:44 PM
اقتباس:
المشاركة الأصلية كتبت بواسطة سارة http://sudanyat.org/vb/images/buttons/viewpost.gif (http://sudanyat.org/vb/showthread.php?p=539402#post539402)
غايتو لو كان ماجد تاج صاحبى ما حصل المولد دا
كنت على بالليمان زعلت وبكيت عدييل كدا
ياخ حمد الله بسلامتك وحجوج ما قصرت
ان شاء الله ما تقصر ايامك وربنا يخلى ليك حماضة ويخليك ليهو
يا اجمل واحلى بنية عرفتها:cool::cool::cool:

لاكين يا سرورة ما بالغتي عديييييل كدي .. إتي يظهر عليك كلام سرورة العرورة ده جد جد .. كلامك ده إذن (خروج من المائدة) لزولة ولا زول ماعارف! عاوزين نقعدها في الكرسي ده أطول مدة ممكنة .. دعوات دكتورة أمينة إنشاء الله مستجابة بس تلميحها بالهرب مرفوضة لسع الوكت بدري يا إتي .. طبعا مامكن يا أمونة ياحبيبتي يستر علينا من حماضة:D .. طبعا إنتي دلوقت متهمة بتزوير وإنتحال شخصية عديييل كدي!.. وما مكن تهمة فظيعة زي دي تمر عليك ساي مهما كان .. نحن عاوزين نطمئن بعد إبليس الملع..! ده ما خلى الفار ينقز في عبنا .. عليك الله أكدي لكل دعى يدعوا عليك بالباطل إنك الشاعرة الرقيقة الفنانة التي جضمت العامية جضيم حبوبتي لشخصى الضعيف زمان!.. وأكدي ليهم إنو خفة الدم وسحر الكلام مضاف ليهو السماحة البتتنطط من العيون النجلاء في الفيديو والجمال الطبيعي وخلت الحاقدين يقولوا ما يقولوا ..هي فعلا حكرا على ضيفتنا العزيزة الغالية حجة آمنة.. يلا يا أوضح أبن أفقصح .. يا .. أخ أمونة ... ولكي صادق تقديري وثقتي المطلقة .. بالتلاتة :D


أخ أمونة؟! ههههههه يااخوانا زول يمسك مني أبو أماني دا gap

يا مان أييييي كلام وجدي الأسعد دا صاح، انا ما حجة آمنة ال قاعده تقلب في عويناتها النجلاء في الفديو الفوق دا:rolleyes:
نجلاء فتحي؟! هييي يكا gap









انا البروف أمين أب صلعة :D





يااخوانا بحر الويكة دا نلقى ليو كِسرررررره من وين gap

والله ياأبو أماني الله يديك العافية و يجعل ليك الكرسي دا في ميزان حسناتك، ما تتخيل خفف عني قدر شنو في هذه الغربة التي لا ترحم:)
الف الف شكر.

AMAL
23-05-2013, 05:47 PM
ياحجوج
تاني في لندن دي الا تمرقي لابسة مضاد سواطير:D

حجة امنة
23-05-2013, 06:06 PM
ياحجوج
تاني في لندن دي الا تمرقي لابسة مضاد سواطير:D

و الله يا آمال ما تتخيلي زعلانه كيف من الزول أبو ساطور دا :(

ليه ياخ، و كمان يهتف الله أكبرررر

حسبنا الله و نعم الوكيل

يأخي دي موامره ضد الإسلام يا عملات الكيزان:)

الناس البيعملو الحركات دي في بلد الكفار القاعدين فيها دي و البلد تصرف عليهم و يعلمو ليهم في وليداتهم و يحشو فيهم النهار النهار و هم يشيلو و يلدو في العيال الليل الليل و بعد دا أخر الجزء أذى :(
الجهاد دا ما يمشو يجاهدو في بلدم بدل ما يملونا فقر نحنا المسلمين القاعدين هنا ديل لا يدنا لا كراعنا

تتذكري ضربة بلجيكا ؟! أتذكر الأيام ديك انا يادوووب لي كم شهر من ما جيت، أها مشكلتي الكبيره مع محمد إنو من ما تصبح الواطه لااازم يفتح الأخبار يشوف الحاصل في البلد و يشوف الجو فيو مطره ولا شمش و هاكذا، انا طبعاً كرهتي في الدنيا الأخبار، كدا بس خلقة اللهgap
بقوم أقعد أنقنق ليك في الراجل، يقوم يجوط ليك فيني: إنتي دايره تقعدي جاهلة كدا و ما تعرفي البلد حاصل فيها شنووووو؟!!
بقوم براحة بقش ليك البزاق البيطير في وشي من الهيجة و التشنج حقو دا و بقول ليو : أييييي بقعد جاهلة كدا موش إنت راجل البيت، إنت شوف و كلمنيgap
أها يوم ضربة بلجيكا كنا بنتغدا قامو جابو الضربة في التلفزيون، قمت انا بقيت بسمع و لقطت ليك belgian قلت ليو إتا بيلجن دي وين؟!!! نسيت ليك كلو كلو إنو بيلجن دي ياها بلجيكا gap
قام قال لي شفتي جامع الباكستان الورانا دا، بس هناااااك :eek:
انا تاني يوم شلت ليك الكلام صُرة في خيت و ضربت لي ناس بيتنا و صحباتي و عيييييك، شبكتهم ليك اللييييييلة ما شفتو، الحله الجنبنا الإرهابيين ضربو فيها النار عدموهم طفاي النار، هيا يما هيييي الله مرقك يا بت امي و ... فلم
و بقيت لمن أمرق الشارع بحس الشارع كلو بيعاين لي، أييي ما مسلمة و سوداء كمانgap
أهاااا ربك رب الخير، بعد كم يوم أخو محمد جانا في البيت، شبكتو ليك: كنت ويييين يوم الضربة حقة ناس بيلجن؟! و الله شافنا يا ود امي و ربنا يرجعنا بلدنا سالمين و ....
قال لي: آمنة إنتي جااااادة، كدي برااااحة كدا، بيلجن دي وين و نحنا وينgap
غايتو إتفضحت قدام أبو النسب، الجهل مصيبة يا بت أمي gap

أمير الأمين
23-05-2013, 06:28 PM
طبعاً يا أمير كلمة (اخ امنة) الشتها دي وقعت لي في جرح gap
تتذكر يا أمير ناس كراكة و ناجي الملك و الكرور ديل كانو بيقولو شنو؟!gap

إستلم يا ماجد تاج؛ ناس أمير الأمين ديل الرعيل الاول في عكس الريح، كانو بيقولو لي أخونا حجة امنةgap

أها كيف ليك

يااخ
دى ايام ليها ايقاع (حقت حسين خوجلى:D)
صحبة تعشرق بالروح
وحكاوى وذكريات حميمة
مازالت فى الخواطر
سلام ليهم جميعا اينما كانوا:cool:

ماجد تاج
23-05-2013, 09:39 PM
غايتو يا ماجد تاج دغمست القصة دغمسة العدو gap

لكين انا غايتو بعتبر كلامك الفوق دا إطراء

أحبطتني ياخ؛ انا حالتي قمت من الكرسي و بقيت شايلاو في يدي للضمانgap

قلت ماجد تاج دا دخل، كطع شك بيكون جاي يرمي كرسي في الكلوب يا عملات المصريين :D


عندي نقطة مهمة، لو رجعت لي قصايدي القبل الفديوهات:p حتلقى إنو الحضور أغلبو من الجنس الناعم، ديل يكونن مالن يا الله، يا زول بعد الفديوهات برضو الشابات ديل فضلن معجبات بالكلام دا و بيلمس حاجة فيك تقطع نفس خيل القصايد gap
ـ


عليك الله ما تعتبريو .. هسي ال بيحبط منو

:D

أنتي طبعاً أكيد عارفة أكتر من يمجد جمال المرأة منو

في البوست داك برضو أغلب المتداخلين إن ما كانو كلهم كانو من الجنس الناعم

فيهم الانعم في المنتدى داك بالمناسبة

بعدين بالنسبة للكرسي والكلوب وكدا ياخ والله الحق دي لعنة تنبأت بيها جيجي

ويبدو أنها حلت بقوة ، الله يجيب صاحبتها واسترضيها يمكن تنفك

أنا ما بتاع مشاكل لكن عندي شوييييية عكلتة كدا أنا ذاتي قاع ازهج منها والله

الله يديك العافية يا زولة ، زينتي مقعد أبو اماني والله




ـ

ماجد تاج
23-05-2013, 09:42 PM
غايتو لو كان ماجد تاج صاحبى ما حصل المولد دا
كنت على بالليمان زعلت وبكيت عدييل كدا
ياخ حمد الله بسلامتك وحجوج ما قصرت
ان شاء الله ما تقصر ايامك وربنا يخلى ليك حماضة ويخليك ليهو
يا اجمل واحلى بنية عرفتها:cool::cool::cool:
ـ


تصدقي من زمن الرشيد ما عتبت البوست دا يا سارة

لكن اتاري دعوات الاخوان بالغيب بتجلب السعادة فعلاً

:D

الله يسعدك ياخ وين ما تقبلي ..


ـ

أمير الأمين
24-05-2013, 12:28 PM
يا بطل شلو جقو تتباصر ليك
بوسر نبم وباسورد للمنتدى البى
هناك عشان تخلى حالة
"مرة ابكى ومرة افرح ومرة تغلبنى القراية"
وتتوهط "الباردة" دة بقناعة:D

الجيلى أحمد
24-05-2013, 01:55 PM
أنا غايتو رفعت يدي ظاهر باطن !! :D:D
فعل ذلك
بينما الافق يعتصر مهجته كما البرتقالة..

أمين محمد سليمان
24-05-2013, 02:45 PM
فعل ذلك
بينما الافق يعتصر مهجته كما البرتقالة.. غايتو يا اللات، ماجد تاج ما خاتي عليك كلو كلو !! :D:D

أبو أماني
24-05-2013, 08:14 PM
اقتباس:
المشاركة الأصلية كتبت بواسطة ماجد تاج http://sudanyat.org/vb/images/buttons/viewpost.gif (http://sudanyat.org/vb/showthread.php?p=539559#post539559)
ـ


عليك الله ما تعتبريو .. هسي ال بيحبط منو

:D

أنتي طبعاً أكيد عارفة أكتر من يمجد جمال المرأة منو

في البوست داك برضو أغلب المتداخلين إن ما كانو كلهم كانو من الجنس الناعم

فيهم الانعم في المنتدى داك بالمناسبة

بعدين بالنسبة للكرسي والكلوب وكدا ياخ والله الحق دي لعنة تنبأت بيها جيجي

ويبدو أنها حلت بقوة ، الله يجيب صاحبتها واسترضيها يمكن تنفك

أنا ما بتاع مشاكل لكن عندي شوييييية عكلتة كدا أنا ذاتي قاع ازهج منها والله

الله يديك العافية يا زولة ، زينتي مقعد أبو اماني والله

:L
يا أخي دي زينت مقعدي ولا حلقت ليو صلعة عدييييل .. كمان تشبه صلعة البروف الشايلينها الطيقان في العيدان دي .. سعادتي يا ماجد .. إني بالصدفة عترت بهذه الجوهرة عن طريق الجوهرة التانية اللي هي البروف ..وبالصدفة برضو إكتشفت عمق العلاقة الإسفيرية والمادية التي تربط معظم العقول المهاجرة بره السودان .. ولقيت ليك إنه علاقتهم حميمة للكوتاش .. وأوثق من علاقات الطفولة والصبا والجامعة وأقوي من علاقة الزمالة بل تجاوزت صلة الدم .. يا أخي إنتو والله ناس عسل ينقط في الجوف ووالله أنا سعيد بمعرفتكم والإنتساب إليكم أكتر من سعادتي بإستلام مرتب الشهر ظاطو عشان كده أنا دلوقت بتحايل بكل السبل لإبقاء هذه العسولة أطول مدة ممكنة على هذه المائدة .. هي نهمة وأكولة بشراهة لكن برضو بتفتح نفسك وشهيتك وبتلهط معاها بمزاج بس دودروها لي.. شايفكم ما زرزرتوها في المجالات الأدبية والشعرية يعني .. حجة عليك الرسول إتصبري .. تحياتي ماجد .. وتحياتي للجميع بدون فرز وإذا سألتم عنا .. فلا ينقصنا سوي عدم مشاهدتكم والسلام ...:cool:

حجة امنة
24-05-2013, 08:20 PM
أبو أماني و الله إنت راقل عسل gap

بعد دا أديني خاطرك قداااامي سفر

اليومين الجايات ديل حااغيب كالعادة

عشان كدا نرشح زول تاني

الغالية الحبيبة وهاد :L

يلا العفو و العافية

أبو أماني
24-05-2013, 08:21 PM
اقتباس:
المشاركة الأصلية كتبت بواسطة الجيلى أحمد http://sudanyat.org/vb/images/buttons/viewpost.gif (http://sudanyat.org/vb/showthread.php?p=539644#post539644)
فعل ذلك
بينما الافق يعتصر مهجته كما البرتقالة..:L


الجيلي يا أخ البرتقالة دي ما عصرتها عصر الجن يا أخي .. كدي خليها عليك الله وفكر معاي .. لمّحت في مداخلة سابقة بإستقبال الزميلة وهاد في المائدة بعد حجة .. ومن ديك وعييييك .. زولتي عضت جلابيتها وكسحت وتاني ما شفت ليها أيتها مداخلة عليك الله قول ليها أبو أماني قال ليك باردون .. أنا بهظر ساي وما بستدعيك عيلا برااااك أوباما تقولي ما في مانع .. إتو خائفين من المائدة دي ليه يا أخوانا ؟؟ على الليمان مذكورة في القرآن وفي سورة كاملة كمان .. عالم تخلى الواحد يعمل شنو ما عارف ؟؟؟ .. يلا تشششااااووو يا .. خواحة ...:cool:

لنا جعفر
24-05-2013, 08:25 PM
ياحجوج وابو أماني سلامات
ياخ مافي طريقة تسوو لي مداخلات تكميلية ؟؟:D:o
ولا ملحق ولا اي شي ؟؟
معليش ياخوانا الجري والطشيش والشغلة حموني آخد لي دور
فلو ممكن نلاقي الحجة اللوز دي بيكون خير وبركة
وان مافي طريقة قولو ليها اتعاقبنا ولا السودانيين بيقولوها كيف؟؟:D:D:D
يا أمونة ياخ مسختي اللعب بعدك واللهي
كل المحبة ياود يانغش انت ياحلو يازوزانا جد جد:D

أبو أماني
24-05-2013, 08:34 PM
اقتباس:
المشاركة الأصلية كتبت بواسطة حجة امنة http://sudanyat.org/vb/images/buttons/viewpost.gif (http://sudanyat.org/vb/showthread.php?p=539730#post539730)
أبو أماني و الله إنت راقل عسل gap

بعد دا أديني خاطرك قداااامي سفر

اليومين الجايات ديل حااغيب كالعادة

عشان كدا نرشح زول تاني

الغالية الحبيبة وهاد :L

يلا العفو و العافية
والله ياحجة على عيني ورأسي بس بكل أسف رأسي أصلع زي راس أمين .. وأي حاجة أقول على رأسي بتنزلق طوووالي .. تقع!!.. دحين يا أختي عشان خاتري وأنا البريدك موووت من غير أشوفك .. (أشوف الله والرسول يا بت أمي )!!:D خليك هنا وبلاش تقارق .. يعني شوية كده!.. بعدين على فكرة لما تزهجي مننا إختاري لينا شخصية على ذوقك بس مش وهاد .. في ميثاق بيني وبينها .. ووعدتها بعدم ترشيحها الآن.. لظروف قدرتها شخصيا .. لاكين لاحقا .. عشان كده .. أكتمي غلك ده شوية .. عارفك لابتة ليها .. قبال كل شئ هاوديني .. سيرتك الذاتية .. بح .. المراحل الحياتية.. بح .. وعاوزة تزوغي ببساطة كده .. يا أخي ما صدقنا لمينا فيك .. خلى عندك ذوق .. وإلا والله أشتكي لحمادة بيه أخلى البزاق البتطاير داك يملاء وشك:D .. يجازي محنك يا حجة قصة البزاق البتطائر دي ضحكتي بلحيل لانو أم أماني بتعاني منها الأمرين .. خسوسا لما أكون سافي .. يلا تشششاااووو إلى حين .. :cool:

حجة امنة
24-05-2013, 08:40 PM
ياحجوج وابو أماني سلامات
ياخ مافي طريقة تسوو لي مداخلات تكميلية ؟؟:D:o
ولا ملحق ولا اي شي ؟؟
معليش ياخوانا الجري والطشيش والشغلة حموني آخد لي دور
فلو ممكن نلاقي الحجة اللوز دي بيكون خير وبركة
وان مافي طريقة قولو ليها اتعاقبنا ولا السودانيين بيقولوها كيف؟؟:D:D:D
يا أمونة ياخ مسختي اللعب بعدك واللهي
كل المحبة ياود يانغش انت ياحلو يازوزانا جد جد:D

لنو الشافوها جنو :cool:

تسلمي يا ست البنات

عاد إنتي فاضية لينا من أعتقد و أرى و اللات و الهبل gap

المهم حسسسسع برشح ليك زول تتفسحي فيو gap

حجة امنة
24-05-2013, 08:43 PM
اقتباس:
المشاركة الأصلية كتبت بواسطة حجة امنة http://sudanyat.org/vb/images/buttons/viewpost.gif (http://sudanyat.org/vb/showthread.php?p=539730#post539730)
أبو أماني و الله إنت راقل عسل gap

بعد دا أديني خاطرك قداااامي سفر

اليومين الجايات ديل حااغيب كالعادة

عشان كدا نرشح زول تاني

الغالية الحبيبة وهاد :L

يلا العفو و العافية
والله ياحجة على عيني ورأسي بس بكل أسف رأسي أصلع زي راس أمين .. وأي حاجة أقول على رأسي بتنزلق طوووالي .. تقع!!.. دحين يا أختي عشان خاتري وأنا البريدك موووت من غير أشوفك .. (أشوف الله والرسول يا بت أمي )!!:D خليك هنا وبلاش تقارق .. يعني شوية كده!.. بعدين على فكرة لما تزهجي مننا إختاري لينا شخصية على ذوقك بس مش وهاد .. في ميثاق بيني وبينها .. ووعدتها بعدم ترشيحها الآن.. لظروف قدرتها شخصيا .. لاكين لاحقا .. عشان كده .. أكتمي غلك ده شوية .. عارفك لابتة ليها .. قبال كل شئ هاوديني .. سيرتك الذاتية .. بح .. المراحل الحياتية.. بح .. وعاوزة تزوغي ببساطة كده .. يا أخي ما صدقنا لمينا فيك .. خلى عندك ذوق .. وإلا والله أشتكي لحمادة بيه أخلى البزاق البتطاير داك يملاء وشك:D .. يجازي محنك يا حجة قصة البزاق البتطائر دي ضحكتي بلحيل لانو أم أماني بتعاني منها الأمرين .. خسوسا لما أكون سافي .. يلا تشششاااووو إلى حين .. :cool:


تحياتنا لي ام اماني و ربنا يخليك ليهم و يخليهم ليك :L

خلاس وهاد عفيتا بس لمن تكون عندها زمن ماهل تجي برااااها تسلم نفسهاgap

طيب أرشح منو

أرشح منووووو


خلاس سارة

أبو أماني
24-05-2013, 08:59 PM
اقتباس:
المشاركة الأصلية كتبت بواسطة حجة امنة http://sudanyat.org/vb/images/buttons/viewpost.gif (http://sudanyat.org/vb/showthread.php?p=539753#post539753)
تحياتنا لي ام اماني و ربنا يخليك ليهم و يخليهم ليك :L

خلاس وهاد عفيتا بس لمن تكون عندها زمن ماهل تجي برااااها تسلم نفسهاgap

طيب أرشح منو

أرشح منووووو


:L خلاس سارة :L


والله نعم الترشيح .. سعدنا بإستضافتك وصدقيني البروف خسر مساحات كتيرة بعد أختارك!.. كيتن على المارقوت بقولها! أما سارة فهي إنسانة بكل ما تحمل الكلمة من معنى .. وهي صورة حية تملاء برواز الأخت والأم والحبيبة والخالة والعمة والحبوبة والبنية الحليوة وفي معظم المواقف إمراءة شامخة كالسنديانة وحينا راجل مكمل الرجالة على حدها أختيارك موفق سارة شخصية مثيرة وهي كوردة يانعة الرحيق تتحلق حولها الفراشات والنحل بحثا عن رحيق .. فهل من رحيق يا وردتي اليانعة ؟ نحن موعودون بضيافة متميزة ..:D سارة أها رائيك شنو ؟ بتكّسري كلام حجة أمونة حبيبتك كيتن في أبي أماني.. ؟ واللللليلا .. أنا برررره:cool:

فيصل سعد
24-05-2013, 09:10 PM
يا اخوانا بحر الويكة دا نلقى
ليو كِسرررررره من وين gap


السلام و التحايا للاخت الزميلة الفاضلة حاجة آمنة و عذرا للتاخير و سامحي الشديد و القوي .. و انت تودعين هذه المائدة و صاحبها "النجيض" عمنا و خالنا و سنيرنا الباذخ ابو اماني له و لكم وافر المحبة و الاعزاز في تحريك الساكن و الجامد ..

سؤال او اسئلة توقعتيها من المشاركين و لم تاتي في هذا اللقاء ؟؟
و ارجو ان تتكرمي بالاجابة عليها ..

و قبل المغادرة ايضا ارجو تنويرنا برايك الواضح الصريح عن سلبيات و ايجابيات المنبر من وجهة نظرك الخاصة .. و ما هي رؤيتك لمستقبل هذا المنبر في ايجاز ..

و لكم اطيب التحايا ..

سارة
24-05-2013, 09:20 PM
سارة كم مرة اصلو:mad::mad::mad::mad:
يصركم فى جراب مليان باعوض شحدت ربى عليكم
قال سارة قال مالكم ما بتشوفوا بابكر عباس ولا ما بتشوفوا
عادل عسوم عينكم بس فى سارة

حجة امنة
24-05-2013, 09:24 PM
السلام و التحايا للاخت الزميلة الفاضلة حاجة آمنة و عذرا للتاخير و سامحي الشديد و القوي .. و انت تودعين هذه المائدة و صاحبها "النجيض" عمنا و خالنا و سنيرنا الباذخ ابو اماني له و لكم وافر المحبة و الاعزاز في تحريك الساكن و الجامد ..

سؤال او اسئلة توقعتيها من المشاركين و لم تاتي في هذا اللقاء ؟؟
و ارجو ان تتكرمي بالاجابة عليها ..

و قبل المغادرة ايضا ارجو تنويرنا برايك الواضح الصريح عن سلبيات و ايجابيات المنبر من وجهة نظرك الخاصة .. و ما هي رؤيتك لمستقبل هذا المنبر في ايجاز ..

و لكم اطيب التحايا ..

فيصل إتا جادي؟!gap

بقت عليك قصة ال جا ورا و حجز الضرا gap

يا زول انا خلاس قمت و وكحت ليك سارة

بي جازكم معاها gap

لكن أمري لله أرد على أسالتكgap
ما كنت خاته تصور للاسئلة لكن كنت خايفة من القعده بعد الرشيد و البروف:L

لكن الحمدلله الحكاية مشت زي الباسطة و كلو في محلو gap

سلبيات و إجابيات المنبر من وجهة نظري:

الحِده في النقاشات و شخصنة الحوارات قد تصل لحد مزعج

في المقابل الحمدلله العلاقات بصورة عامة طيبة و أحس إنو الجميع على كل الأطراف واعيين تماماً و بيجمعهم حب المكان و بيعتبرو أمانة بعد رحيل خالد الحاج رحمة الله عليه.

حاجة تانية عاجباني، سودانيات فيها أقلام تستحق الإعجاب و الحسد من باقي المنتديات.

منهم حافظ حسين و للاسف فقدناهو بي سبب السلبيات المذكوره أعلاه.
أتمنى أتمنى يرجع يكتب هنا تاني.

حجة امنة
24-05-2013, 09:27 PM
سارة كم مرة اصلو:mad::mad::mad::mad:
يصركم فى جراب مليان باعوض شحدت ربى عليكم
قال سارة قال مالكم ما بتشوفوا بابكر عباس ولا ما بتشوفوا
عادل عسوم عينكم بس فى سارة

يا زولة هوووي إنكربي و بطلي حركاتك دي

انا مشيت فتشت البوستي دا صفحة صفحة و ماشفتك قعدتي قبل كداgap

بعد دا انا الحبة دي ما عندي ليكم

و يا زولة للضمان كان طلعتي قعدتي برشح يا عملاتك بابكر عباس gap

أمين محمد سليمان
24-05-2013, 09:54 PM
سارة يا وهم :cool:
جايبنك بعد ما وهاد أبت و قالت عندها ظروف ...إنت ما عندك ظروف مالك ؟ صغيرة ولا جاهلة ؟!!
خلي عندك كرامة و أوعى توافقي !! :rolleyes:

حجة امنة
24-05-2013, 09:59 PM
سارة يا وهم :cool:
جايبنك بعد ما وهاد أبت و قالت عندها ظروف ...إنت ما عندك ظروف مالك ؟ صغيرة ولا جاهلة ؟!!
خلي عندك كرامة و أوعى توافقي !! :rolleyes:

دقيقة ياخ إتا جاي بي صلعتك دي تحمش في النيران

الزولة دي مشيت لقيتا قعدت ياخ شوووف و إتعلم من الايام gap
:L


بسم الله الرحمن الرحيم

سارة ..
ايها العطر الخريفى ..
برائحة الدعاش , وطعم الخرافة .. مشتاقين والله
لا زلت أذكرك وأنا أتلمس خطاى فى هذا المنتدى ..
وقرأتك حينها بين السطور وفوق الظنون ومن عبر حدقات الأمل ..
فكنت كما النقاء .. ودفق الينابيع ,, وقطرات الطل ..
لا يجد القارئ مشقة فى الوصول الى محبة منك يبتغيها ..

سارة يا لطيفة ..
ماذا اضاف لك الفضاء وماذا أخذ ؟؟؟

حجة امنة
24-05-2013, 10:03 PM
خلاس أخر ترشيح

بابكر عباس

علييييييك الله تعال أقعد

وهاد ابراهيم محمد
24-05-2013, 10:13 PM
سارة يا وهم :cool:
جايبنك بعد ما وهاد أبت و قالت عندها ظروف ...إنت ما عندك ظروف مالك ؟ صغيرة ولا جاهلة ؟!!
خلي عندك كرامة و أوعى توافقي !! :rolleyes:

كان ما جبتو سيرة وهاد أيامكم ما تنعدل كلو كلو;)

______
على فكرة..
حاولت أقنع ليك عمكم حسين شخصياً يجي يشهد لصالح كريمته زوزانا
قال لي هي زاتا المقعدا مع ناس جاهلة شنو (جاهلة دي قالا بصورة ألطف من كده كتيير طبعاً:p)
فبمناسبة الكرامة دي, إرجع إعتقد في آمنة زوزانا حسين, والشهيرة بحجة آمنة
من سكات, وتنولك البركة.

وهاد ابراهيم محمد
24-05-2013, 10:18 PM
انتو الوش الـ ببوس من طرف ده, مستباح قدر ده معاكم ليه يا عالم:p:D
اذا كان لازم ولابد تستخدمو اللون الأصفر,
الوش أبو سنون مشرّمة ده gap عيبو شنو؟
ولكم في أمونة إسوة حسنة :) (يا الله ما تخزلني).

حجة امنة
24-05-2013, 10:20 PM
كان ما جبتو سيرة وهاد أيامكم ما تنعدل كلو كلو;)

______
على فكرة..
حاولت أقنع ليك عمكم حسين شخصياً يجي يشهد لصالح كريمته زوزانا
قال لي هي زاتا المقعدا مع ناس جاهلة شنو (جاهلة دي قالا بصورة ألطف من كده كتيير طبعاً:p)
فبمناسبة الكرامة دي, إرجع إعتقد في آمنة زوزانا حسين, والشهيرة بحجة آمنة
من سكات, وتنولك البركة.

قلتي لي جاهلة قالا بصورة ألطف من كده ؟!!!
يا زولة جاهلة حقة أبوي بعرفا زي جوع بطني ما ألطف ولا حاجة gap

المهم
عمليتك ما ظريفة و حركتك جبانة :p
انا غايتو العلي عملتو و بعد دا

هلله ما بزيدكم يا عملات الأستاذ بابكر عباس gap

أمين محمد سليمان
24-05-2013, 10:22 PM
خلاس أخر ترشيح

بابكر عباس
يا هملتك يا بكة !!! :(
ثم أشاح وجهه كي لا يرى دموعه أحد !!

حجة امنة
24-05-2013, 10:23 PM
انتو الوش الـ ببوس من طرف ده, مستباح قدر ده معاكم ليه يا عالم:p:D
اذا كان لازم ولابد تستخدمو اللون الأصفر,
الوش أبو سنون مشرّمة ده gap عيبو شنو؟
ولكم في أمونة إسوة حسنة :) (يا الله ما تخزلني).

والله يا وهاد بالجد الوش البيبوس دا حيرني في صنقوري دا

قبل كدا سالتهم منو

حسع انا شايفاني بقيت مرات مرات بستخدمو gap

وهاد ياخ ما تتحنفشي كدا و تقبلي تجي تقعدي ياخ
أوعدك أقعد أتفرج سااااهي

أمين محمد سليمان
24-05-2013, 10:26 PM
انتو الوش الـ ببوس من طرف ده, مستباح قدر ده معاكم ليه يا عالم:p:D أنا غايتو بستعملو لسارة عادي، اللهي في مقام بكة بالنسبة لي !! :cool:
-----------
بالجمبة كده :
إنت يا وهاد، ظروفك شنو البتحميك تجي تتبلي زيك و زي القبالك ؟!!

حجة امنة
24-05-2013, 10:29 PM
يا هملتك يا بكة !!! :(
ثم أشاح وجهه كي لا يرى دموعه أحد !!

بينما الأفق يعتصر مهجته كالبرتقالة برضك ؟!! gap

وهاد ابراهيم محمد
24-05-2013, 10:32 PM
وهاد ياخ ما تتحنفشي كدا و تقبلي تجي تقعدي ياخ
أوعدك أقعد أتفرج سااااهي

انا لما أجي, إنتي مش تتفرجي ساهي, إنتي تكوني مافي كلو كلو:p
كفاية السعيتيهو فيني لغاية هسي:D

____________
بالجمبة كده :
إنت يا وهاد، ظروفك شنو البتحميك تجي تتبلي زيك و زي القبالك ؟!!

بعد ده فاضل ليك تقرا الجوابات الفيها كمان:D:D

لنا جعفر
24-05-2013, 10:37 PM
لنو الشافوها جنو :cool:

تسلمي يا ست البنات

عاد إنتي فاضية لينا من أعتقد و أرى و اللات و الهبل gap

المهم حسسسسع برشح ليك زول تتفسحي فيو gap

طيب ياخ ما اهو انتي قاعدة تتونسي اهو...
شوتي لينا اجابة كم سؤال وخلينا ندخل بوست ابو اماني الجميل ده..
اسأل؟؟؟
بسألك وبسأل البترشحيهو ...بس ما تجيبي اناس صعيبين gapgapgap
قولتي شنو ياخ؟؟
انتي تعااالي
انا شفتك لايف بس ما تخيلت انك تكوني الكارثة دي ..
لايف يعني حضرت الحلقات
عشان ما بالك يمشي كده زلا كده gap

أمين محمد سليمان
24-05-2013, 10:43 PM
بينما الأفق يعتصر مهجته كالبرتقالة برضك ؟!! gap بكة ما عندو أحاسيس و مهج و برتقال و بالتالي ما عندو حاجة يعصرها !! :rolleyes:
------------

بعد ده فاضل ليك تقرا الجوابات الفيها كمان:D:D يا ستهم عليك الله ما تشاكليني، شاكلي عمك أبوماني الجاء فت الجوبات !! goood

سارة
25-05-2013, 06:52 AM
أنا غايتو بستعملو لسارة عادي، اللهي في مقام بكة بالنسبة لي !! :cool:
-----------
بالجمبة كده :
إنت يا وهاد، ظروفك شنو البتحميك تجي تتبلي زيك و زي القبالك ؟!!

:D:D:D:D:D:D

شكرا يا عمو:cool::cool:

أبو أماني
26-05-2013, 08:59 AM
اقتباس:
المشاركة الأصلية كتبت بواسطة سارة http://sudanyat.org/vb/images/buttons/viewpost.gif (http://sudanyat.org/vb/showthread.php?p=539768#post539768)
سارة كم مرة اصلو:mad::mad::mad::mad:
يصركم فى جراب مليان باعوض شحدت ربى عليكم
قال سارة قال مالكم ما بتشوفوا بابكر عباس ولا ما بتشوفوا
عادل عسوم عينكم بس فى سارة





فعلا سارة سبق إستضافتها بالمائدة لاكين ده كان قبل سنتين تلاتة ودلوقت العالم إتغيير وفي ناس جداد دخلوا .. فما المانع أن نستضيفها ثانيا ؟ عموما عارف عرق الحلب لما يتخلط مع عرق الفلاتة لو عصلجت معاك.. يبقى ولا مؤاخذة حمار وحرن !.. :D أقترح الأستاذ الأديب الأريب الشاعر المخضرم بابكر عباس ده إقتراحي أنا في القضية يعني يا أخ حجة ;) سارة معليش عشان خاتري أدخلي برجلك اليمين والحاي الله والكاتل الله .. ننتظر ردك النهائي .. فيسا.. فيسا على قول الليبيين ...تشاو:cool:

أبو أماني
26-05-2013, 07:03 PM
انتظر موقف أي من جوز اللوز .. يلا ما توقفوا علينا الشغل يا شباب البوست كان راشي تمام التمام .. عين السواد والرماد يا .. بت أمي ... يلا تشششاااووووlooool:(:)