المساعد الشخصي الرقمي

مشاهدة النسخة كاملة : ضيف على مائدة سودانيات ...! - 20 - بابكر عباس


أبو أماني
27-07-2009, 06:38 PM
gooodأحبائي الأعزاء ..
أحباء سودانيات .. لكم صادق الود والتحايا القلبية .. حقا قد سرني وأثلج صدري عمق صداقتي بكم ذهاء ما يقارب السنة أو يزيد .. قضيتها بينكم في سعادة وحبور .. وأحسست وأنا بينكم وبكم بدفء الأسرة وأحلى وشائج الإخاء والمحبة .. حيث صرتم بالنسبة لي كأفراد أسرتي رحما بل أكثر من ذلك..بحيث أقضي الساعات الطوال في رحابكم المرحة العامرة قبل وأكثر مما أقضيه مع أسرتي .. فلكم الشكر على ما وهبتموني من حب صادق إمتزج في شراييني وصار يغزو القلب ويعمر غرفه الأربع ويهرب ليعود ثانية ليمدني بالحياة .

فكرت مليئا في شكل مستقبل علاقة كل سوداني في سودانيات بالآخر! وهالني أن تكون علاقة صادقة حميمة كهذه عرضة للعيش والعمران طويلا عبر الفضاء الإسفيري والعالم الأثيري ..! وتصورت حياة شخوصها في اللاشئ وفنائهم في اللاشئ ..تماما كما يحدث يوميا بالنسبة لممثلين وممثلات نشاهدهم عبر الشاشات البيضاء والبلورية .. نعايشهم ونعاصرهم ثم يتلاشوا في اللاشئ حقيقي حزت في نفسي هذه الخاطرة .. وفكرت ثانية !..

أضع بين أياديكم عتبة أولي لتجسيد علاقة كل منا بالآخر .. وهو بوستر تتم استضافة عضو فيه ليكون مصدر حوار تعارفي يحكي لنا ما عن له أن يرويه عن نفسه فنزداد قربا منه أكثر وأكثر ومعرفة به وثيقة أكثر .. نعرف موقعه الحالي .. رقم موبايله .. عدد أفراد أسرته .. طموحاته الآنية والمستقبلية .. بعض مشاكله الخاصة التي يمكن الخوض فيها .. والمشاركة في علاجها بعض الجوانب المضيئة من حياته الماضية والتي يحلو له الخوض فيها مع الأحباء .. الخ ..

إن راقت لكم فكرتي هذه فأقترح أن يقوم كل ضيف حل بالبوستر في نهاية حلقته بترشيح من يحل بعده ضيفا على مننتسبي سودانيات .. وهكذا دواليك .. تبقى المعضلة في إختيار عضو الشرف الأول .. وأقترح أيضا أن يقوم صاحب البوستر بإختياره .. درج كبارنا على إختيار كبير القوم ليتولى ضربة البداية في كل مشروع أو عمل .. وحيث أن مجتمع سودانيات يحفل بالكبار شكلا وموضوعا وليس من بينهم من يتفضل على الآخر .. فأسمحوا لي أن أختار أكبر الأعضاء (سنا) .. فليكن ضيف الحلقة الأولى العميد الأستاذ :-

:Dخـــالـــد الحــــاج:confused:
مساهمتي الأولي معه المطالبة بنبذة صغيرة عن عميدنا والبطاقة الشخصية وتعريف مختصر ولكم جميعا خالص حبي وإعتزازي وإحترامي ...

أبو أماني
11-06-2013, 03:40 PM
اقتباس:
المشاركة الأصلية كتبت بواسطة سارة http://sudanyat.org/vb/images/buttons/viewpost.gif (http://sudanyat.org/vb/showthread.php?p=539768#post539768)
سارة كم مرة اصلو:mad::mad::mad::mad:
يصركم فى جراب مليان باعوض شحدت ربى عليكم
قال سارة قال مالكم ما بتشوفوا بابكر عباس ولا ما بتشوفوا
عادل عسوم عينكم بس فى سارة

طبعا حجة آمنة ما قصرت وعملت العليها وزيادة ونافست البروف لحد ما!:D بس لسه قرار لجنة التحكيم ما طلع ..الأستاذة رشحت لينا سارة وسارة سبق أن أخدت ليها زنقة هنا قبل سنوات .. وكان ممكن تطل علينا هنا الآن بس الظاهر إنها إتجرست أصلو الناس هنا بقوا مفتحين ما زي زمان وبيعصروا الضيف عصر الإنترنيت وكده!.. عموما نشكر الشاعرة الألمعية أمونة .. رغم إننا ما شبعنا منها ومن عذب حديثها .. وسلسبيل أشعارها ..ونمشي بإقتراح سرورة .. ونرشح لكم الزميل العزيز (الشاب)..! الأديب الأريب الشاعر المخضرم .. الأستاذ:-
:cool: بابكر عباس :cool:
وصدقوني حاتكون أجمل وناسة مع أظرف بني آدم .. يلا هجووووم!

طارق صديق كانديك
11-06-2013, 06:18 PM
سلام يا أبا أماني،
يا أخي نحن علي الهبشة ومعقول الواحد يلقى ليهو مكرفون يقشر بيهو؛ ويرفض!
جدي عباس، كان وهو عمرو سبعة أو تمانية سنين، سنة المجاعة طالع ليهو في شجرة ومكنكش ليهو في كعكول صمغ غرب شندي، كوركن ليهو مرتين من تحت الشجرة: عباس، هوي، يا عباس، أمك وأبوك ماتو
قال: وحات سيدي الحسن، كنكشتا زيادة في الكعكول

دحين، اوعة تعملوا فيها حُرفا وتحاولوا تحرجوني بالأسئلة
سؤال صعب؛ يكنكش في الكعكول.

:D:D

مبر محمود
11-06-2013, 06:34 PM
أديبنا الكبير غني عن التعريف، ولا أعتقد إننا نحتاج لبروفائل طي الحوار، لذلك سأدلف للاسئلة مباشرةً، والسوأل الأول هو:
- لأدبينا راي بخصوص المهندسين المدنيين والمعماريين، فهو ينسب لهم تطوّر الكرة الأرضية دون سواهم من أصحاب التخصصات، فهل من إفاضة في الموضوع؟

أبوبكر عباس
11-06-2013, 06:57 PM
أديبنا الكبير غني عن التعريف، ولا أعتقد إننا نحتاج لبروفائل طي الحوار، لذلك سأدلف للاسئلة مباشرةً، والسوأل الأول هو:
- لأدبينا راي بخصوص المهندسين المدنيين والمعماريين، فهو ينسب لهم تطوّر الكرة الأرضية دون سواهم من أصحاب التخصصات، فهل من إفاضة في الموضوع؟طبع أديبكم الكبير، كل يوم هو في رأي! وإعجابي ودهشتي بفروع الهندسة التي تحكي عبقرية الإنسان؛ إعجاب دائري بكل الفروع وقد تكون صادفت إعجابي بالمدنية والمعمار في واحدة من تجليات المعمار بدبي. عموما أن لمان أُعجب بحاجة بيكون إعجابي بيها عنيف ولزمن طويل كنت بعتبر البيبسي من أعظم الإنجازات البشرية.
نرجع للهندسة وبداية إعجابي بها كان مع القطر، بيتنا في مدني بفتح على طريق مدني الخرطوم وخط السكة حديد وترعة البحوث الزراعية وأنا طفل، أي زول كان بسألني: لما تكبر داير تبقى شنو؟ كنت من غير تردد بقول: سواق قطر.
بعد معارك وناساتية أقنعني صديقي المهندس مصعب عبد الرازق انو الكهربا والميكانيكا هم أبو وأم الهندسة
الغريبة وأنا في قمة إعجابي بالماكينة ونحن شباب، كان صديقي الفلاتي المتدين محي الدين كمال الدين بقول: الدنيا أفسدتها الإنجن (الماكينة بالإنجليزي)!!
ولله في إعجاب وأعاجيب خلقه شئون!

طارق صديق كانديك
11-06-2013, 07:03 PM
بيتنا في مدني بفتح على طريق مدني الخرطوم وخط السكة حديد وترعة البحوث الزراعية

المنطقة دي غنية بقصص كتيرة، فاستاد مدني على بعد خطوات منها، والسوق الصغير على مشارفها، والمدرسة الصناعية لا تبعد كثيراً عنها، ويساكنكم فيها (حموري) -على ما أعتقد- وكثيرون من مشاهير المدينة،بالله طوف بينا شوية في الأماكن دي. وأنت طايف ما تنسى أبو ظريفة،والقسم الجنوبي.

قيس شحاتة
11-06-2013, 07:14 PM
يا أبا أماني،


السّوال دا تسليك مجاري فحسب؛ يعني الغريق قدّام:
هل لشبارقة أي يد في كتابتك "أبا" بدلاً عن "أبو" أماني؟ حتى لو يكون خيالو ساي زاوَل ليك:D

ربّنا يسهّل ونخليك تتشعلق في الكعكول لحدي ما تقوم من الكرسي الساخن.

أبوبكر عباس
11-06-2013, 07:18 PM
المنطقة دي غنية بقصص كتيرة، فاستاد مدني على بعد خطوات منها، والسوق الصغير على مشارفها، والمدرسة الصناعية لا تبعد كثيراً عنها، ويساكنكم فيها (حموري) -على ما أعتقد- وكثيرون من مشاهير المدينة،بالله طوف بينا شوية في الأماكن دي. وأنت طايف ما تنسى أبو ظريفة،والقسم الجنوبي.دكان البقالة الفاتح في مطعم أبوظريفة بالسوق الجديد كان لأهلي والقهوة المقابلة للقسم الجنوبي كانت لعمي، وتقريبا جزء كبير من طفولتنا عديناهو في الدكاين دي، لعبنا كورة في برندات وميادين السوق الجديد المُنجلة لمان الله غفر لينا وتمارين أهلي مدني ودخول الكورة بعد فتح الإستاد في نهايتها (الملح) كان برنامج يومي.
طبعا يا طارق، نسيت بارات السوق الجديد والعوم في ترعة البحوث الزراعية ميطي والناس المسطحين في القطر بكشفوا لينا ولسان حالم بقول: مدنــــــــــــــــي!

أبوبكر عباس
11-06-2013, 07:31 PM
السّوال دا تسليك مجاري فحسب؛ يعني الغريق قدّام:
هل لشبارقة أي يد في كتابتك "أبا" بدلاً عن "أبو" أماني؟ حتى لو يكون خيالو ساي زاوَل ليك:D

ربّنا يسهّل ونخليك تتشعلق في الكعكول لحدي ما تقوم من الكرسي الساخن.
في دي، لا، أصلا إسمي "أبوبكر" معقدني وزهجان من تحول حركاته حسب الإعراب؛ عشان كدا بستأنس ببابكر.
غير شبارقة، أنا أصلا مهوس بالخطأ والصواب، ودا، ممكن تقول عليهو "خيال شبارقة" ضعيف في النحو السليقي، لكن المدرسي بعرفو وعندي مقدرة جيدة للقياس،
النحو في المدرسة كنت بعرفو بطريقة قياسية حقتي براي ولا أحبه ولليلة مرات بسأل: شنو الفرق في المعنى بين جاء الولدان ولّ جاء الولدين؟ ناقشت ناس كتار فيهو وإمكانية حفظ الترتيب داخل اللغة بالفواصل بدل الحركات، عموما حقو ندثر جزء من النحو مثلا: ترك الأسماء الخمسة من غير تغير في الحركة حسب موقعها:
جاء أبوبكر، وضربت أبوبكر ومررت بأبوبكر

اشرف السر
11-06-2013, 08:08 PM
بابكر عباس
سلام

عشان ما تكنكش في الكعكول
بديك اسئلة سهلة وكلاسيك جدا..
بطاقة تعريفية مفصلة (مسقط الرأس، النشأة، مراحل الدراسة وفي أي مدارس...الخ.. )
حكي كدا بالراحة وتداعى لينا بالله بطريقة كرونولوجية

أبوبكر عباس
11-06-2013, 08:43 PM
بابكر عباس
سلام
عشان ما تكنكش في الكعكول
بديك اسئلة سهلة وكلاسيك جدا..
بطاقة تعريفية مفصلة (مسقط الرأس، النشأة، مراحل الدراسة وفي أي مدارس...الخ.. )
حكي كدا بالراحة وتداعى لينا بالله بطريقة كرونولوجية
سلام يا سرنا
من دون أقراننا ببانت غرب الذين كانوا يدرسون بمدرسة القسم الثاني، كنت وأولاد أخواتي ندرس بمدارس مجمع بانت شرق ميدان المولد والمتوسط بالأهلية (أ) والثانوي بالعجلات بالسني الثانوية بعد لغوا الداخليات لعرب الجزيرة، يعني أولاد مدني صر، إمتحنت مرة واحدة (كنت شاطر) ودخلت البطري بجامعة الخرطوم خلال فترة الديمقراطية، يعني درست بطري ديمقراطي موش زي ماريل، بعد الجامعة إشتغلت بالجامعة (برضو كنت شاطر) وعملت كباحث حقلي ضمن المشروع الالماني لابحاث الإبل بالبطانة لزمن، وكنت بركب النياق أيام البحث وبعمل شغل مجنون، حتى إنو بروفسور إنغلهارت (مدير المشروع) في إحتفالات عيد ميلادوالسبعين بهانوفر وأثناء حديثه عن مشاريعم بالسودان قال: المرة دي، لقينا لينا زول مختلف جدا..
مرة ركبت ناقة لمسافة عشرين كيلو متر بدون حوية بعد أن تهنا بالبطانة، الآس (الصلب) بتاعي تزلط في تلك الرحلة وما زالت آثار تلك الزلوط موجودة والمغالطني الموية تكضب الغطاس.
بعد محاولة إغتيال حسني مبارك، توقف التمويل، وفي يوم كنت عايد من معمل سوبا لشمبات، لاقاني زميل في الطريق ماشي مكتب العمل لمعاينة، دخلت معاهو، لقيتم برضو بفتشوا لناس ليهم علاقة بالإبل، دخلت المعاينة ومشيت السعودية ومنها للإمارات وما زلت مباري الإبل من قوز لقوز حتى يفعل الله أمرا....
نسيت، أمي إسمها آمنة بت أبقناية (أبقناية بالقديم)، مولودة برفاعة وتربت بمدني بالدباغة وما زالت توانس الناس وتودهم وتحمل همومهم.

خالد غالي
11-06-2013, 08:54 PM
سلامات يابابكر

بمناسبة حديثك عن الابل .. اظن انك من القلائل في هذه الدنيا الذين يحبون عملهم .. ودي بالمناسبة نعمة تعدل اكتر من ستة علب طحنية

بصراحة .. لو اتيح ليك ترجع السودان وتشتغل هناك بمخصصات مالية اقل (طبعا) هل بترجع عشان تفيد البلد بخبرتك ؟

خال فاطنة
11-06-2013, 09:33 PM
نشكرك يا أبو أماني على كرمك الفيّاض و إنت جايب لينا مثقف قدر الضربة و أديب فذ.......

و نحي كمان الأديب الراقي لكونه فتح قلبه و تواضع...

كيفك يا بابكر؟

الأسئلة

ماذا أضافت سودانيات لأديبنا الفذ؟
بابكر عباس كثيف التواجد في البوستات ذات الطابع الصراعي (من صراع) و قليل أو نادر التواجد في البوستات الهادئة، لماذا؟
فجأة كدى و من غير مقدمات تحول بابكر عباس لعالم لغة، يرصد الأخطاء اللغوية و النحوية و علامات الترقيم..ما هي خلفيات هذا الإهتمام المفاجئ؟ هل قرأ بابكر عباس حديثا كتاب في قواعد اللغة و شال بسطونتو و جاء على المنبر، أم هو هم و إهتمام قديم؟
ما هو اجمل كتاب قرأه بابكر عباس
أي نوع من الكتابة يجذب و يشد بابكر عباس
من هو الكاتب الاسفيري المفضل بالنسبة لبابكر عباس
كيف نقرأ موقف بابكر عباس السياسي من الحالة السودانية

جايي

أبوبكر عباس
12-06-2013, 04:20 AM
سلامات يابابكر

بمناسبة حديثك عن الابل .. اظن انك من القلائل في هذه الدنيا الذين يحبون عملهم .. ودي بالمناسبة نعمة تعدل اكتر من ستة علب طحنية

بصراحة .. لو اتيح ليك ترجع السودان وتشتغل هناك بمخصصات مالية اقل (طبعا) هل بترجع عشان تفيد البلد بخبرتك ؟
- الكضب خيبة، ما برجع يا خالد، وحاليا يا غالي، الإنسان وطنو وضعو ومخصصاتو وبما إنك هاجرت وصنعت لنفسك وضع جديد؛ العودة منه بتكون صعبة، إلا مضطرا.

- تعرف العلاقة مع الإبل دي، غريبة ومتفردة وزمان أنا قلت ضاحكا هنا: أي زول ما شغال في الإبل، أو عندو علاقة بالإبل؛ بيعتبر تمومة عدد في الدنيا دي، ساكت!

أبوبكر عباس
12-06-2013, 11:18 AM
- ماذا أضافت سودانيات لأديبنا الفذ؟
- ما هو اجمل كتاب قرأه بابكر عباس
- أي نوع من الكتابة يجذب و يشد بابكر عباس
- من هو الكاتب الاسفيري المفضل بالنسبة لبابكر عباس
- كيف نقرأ موقف بابكر عباس السياسي من الحالة السودانية

جايي
سلام يا خال،
- طبعا يا اخوانا، "الاديب الفذ" دي، تقرأ بسخرية ودودة، سودانيات علمتني كيف أوصل فكرتي بطريقة مباشرة وباقل عدد من الكلمات، وسرقت أفكار كثيرة من الأعضاء وأنا رجل سريع التعلم والرصد وأعمل تنقيح لأفكاري ومعلوماتي بإستمرار وأحفظ للآخرين حقهم بداخلي.
- أجمل كتاب هو: العطر لباتريك زوسكيند
- تشدني الكتابة الوصفها الرشيد ب"الوصف الخشن"
- كاتبي الإسفيري الحالي هو: المحامي حاتم الياس
- موقفي من الوضع السياسي الراهن أقرب لموقف الحزب الليبرالي السوداني

بقية المداخلة غير المقتبسة، برجع ليها.

زول الله
12-06-2013, 01:02 PM
الاديب الاريب بابكرعباس
جاييك بي اسئلة جادة المرة دي
انتظر شوية





اقول قولي هذا واستغفر الله لي....................

أبوبكر عباس
12-06-2013, 03:12 PM
- بابكر عباس كثيف التواجد في البوستات ذات الطابع الصراعي (من صراع) و قليل أو نادر التواجد في البوستات الهادئة، لماذا؟
- فجأة كدى و من غير مقدمات تحول بابكر عباس لعالم لغة، يرصد الأخطاء اللغوية و النحوية و علامات الترقيم..ما هي خلفيات هذا الإهتمام المفاجئ؟ هل قرأ بابكر عباس حديثا كتاب في قواعد اللغة و شال بسطونتو و جاء على المنبر، أم هو هم و إهتمام قديم؟
- لم أتعود أن أخفي رايي ولمان يكون هناك إختلاف قاعد أشوف من واجبي إبداء الراي بكل حيادية. مرات لمان تكون هناك مشكلة ولم أبد رايي فيها، قاعد أشوف نفسي متخاذل ومتناقض. عموما أطمح أن أكون عادل مع نفسي.
هناك بعض البوستات إنتقمت فوقها لنفسي، مثال: الإشتباكات مع عبد المنعم الطيب، معظم السجال أخذ طابع شخصي، أعتذر عليهو.
زمان لمان كنت قاعد مع أمي واخواتي، ما كانوا بقطعوا في زول غائب قدامي ولو حصل؛ بستجدوني عشان ما أكلمو وغالبا قاعد أكلمو قدامن.
عدم تواجدي في البوستات الهادئة وأقراءها بوستات الأدب، والنصيحة كدا، ما فيها شئ جديد يأخذ بتلابيبك ويستفزك.
- بالنسبة لموضوع اللغة، أنا ضعيف جدا بقواعد اللغة وإهتمامي منصب لعلامات الترقيم وأحاول تعلمها، ودي، حاجة مختلفة، أنا شايف انها بتخلي الكلام (حتى الدارجي) مفهوم وبتقدر تعرف مقصد الكاتب. ما حصل صححت زول في المنتدى، إلا شبارقة وقيس والرشيد كنوع من المداعبة وهم يفعلون ذلك معي كنوع من المكاواة، مرات قاعد أرسل رسائل داخلية لمان أشك في وجود خطأ كبير من قبل كاتب المداخلة، لكن بشكل عام، أنا ضد تنبيه الكاتب للخطأ الإملائي والنحوي داخل البوست.
يا أخي، أنا زول حساس!

مداخلتك أرهقتني!

أبوبكر عباس
12-06-2013, 03:20 PM
عليكم الله، واحد يسألني:
حلم لم يتحقق؟

مواهب عبد العزيز نقد الله
12-06-2013, 03:43 PM
لك التحايا والشكر على بخات المرح الذكى التى تعطر بها أجواء هذا المكان .................................


حلم لم يتحقق؟ :)..................


كثيراً ما تكون الحقيقة الواقعية غير متطابقة مع الإنطباع الذى تتركه الكتابة فى الأسافير عن قضية معينة ,وعليه ,بى رغبة حقيقية للوقوف عند المرأة وبابكر عباس ..........رأى تفصيلى حقيقى عن نظرتك للنساء..... وفى رواية (النياق:p) فى عالمك ...........

خال فاطنة
12-06-2013, 05:35 PM
أهم محطة بتاعت فرح و محطة بتاعت ندم في مشوار بابكر عباس؟

أسعد
12-06-2013, 05:42 PM
زمان لمان كنت قاعد مع أمي واخواتي، ما كانوا بقطعوا في زول غائب قدامي ولو حصل
تسلط ذكوري مقيت وفيه استقصاد بائن لنصفنا الاخرة (المرأة)
عليه اتوجه بشكوى للامانة واخص بالشكوى رئيس المجلس لاتخاذ ما يلزم جراء هذا التعدي السافر ^_^

اشرف السر
12-06-2013, 09:14 PM
نسيت، أمي إسمها آمنة بت أبقناية (أبقناية بالقديم)، مولودة برفاعة وتربت بمدني بالدباغة وما زالت توانس الناس وتودهم وتحمل همومهم.

الحمد لله انك ما نسيت الجزئية دي..
طبعا اخوك عامل فيها بعرف كل ناس مدني.. بعد ما جبت سيرة أبقنايه (يلحقنا ويفزعنا)...
خلاص طلعت حقنا تب :D

أبوبكر عباس
13-06-2013, 04:05 AM
لك التحايا والشكر على بخات المرح الذكى التى تعطر بها أجواء هذا المكان .................................


حلم لم يتحقق؟ :)..................


كثيراً ما تكون الحقيقة الواقعية غير متطابقة مع الإنطباع الذى تتركه الكتابة فى الأسافير عن قضية معينة ,وعليه ,بى رغبة حقيقية للوقوف عند المرأة وبابكر عباس ..........رأى تفصيلى حقيقى عن نظرتك للنساء..... وفى رواية (النياق:p) فى عالمك ...........سلام يا مواهب،
حلم لم يتحقق ولن يتحقق، هو: محافظ مشروع الجزيرة، أو وزير زراعة بالجزيرة (مشروع الجزيرة لا يخضع لوزير الزراعة الولائي).
المرأة:
أخواتي كانن وما زالن نقطة ضعفي.
النساء في السودان حاليا كلهن مناضلات.
مفتاح نجاج علاقتي الإنسانية بالمرأة الصديقة هو إحساسي بعدم بخلها وضروري يكون معدل غيرتها النسائية أقل من ستين في المية، بعد داك لو طلبت روحي بديها ليها.

التربية والتنافس بينهن في السودان قاعد يطلع نسبة كبيرة من النسوان المشوهات جماليا (أقصد الجمال الداخلي).
بشكل عام: ان تكون إمرأة عايشة بالسودان؛ تستحق التعاطف.

أبوبكر عباس
13-06-2013, 04:07 AM
تسلط ذكوري مقيت وفيه استقصاد بائن لنصفنا الاخرة (المرأة)والله، يا أسعد، فعلا تسلط ذكوري، بعد زمن إكتشفت انو أنا كنت ظالم معاهن؟!لانو لو ما قطعن، يسون شنو؟

أبوبكر عباس
13-06-2013, 04:29 AM
الحمد لله انك ما نسيت الجزئية دي..
طبعا اخوك عامل فيها بعرف كل ناس مدني.. بعد ما جبت سيرة أبقنايه (يلحقنا ويفزعنا)...
خلاص طلعت حقنا تب :D
أبوي من ناس الخواض ودي، من أكبر الأسر بمدني، وهم من قرية كمير العوضية المغمورة غرب شندي، هاجروا لمدني بعد قيام مشروع الجزيرة، وكلهم كانو ختمية. شيخ الطيب أبو قناية، أستاذ التربية الإسلامية بمعاهد مدني وصاحب مكتبة بالسوق (من زمان نحن رسل وعي، يوجد فصل بمدرسة السني الثانوية إسمو الطيب) هو زعيم الطريقة التجانية وأصلا من قرية الجوير الملاصقة لكمير العوضية. بالرغم من انو تجاني إلا أن آل الخواض التجار الختمية كانوا يحبونه جدا ويزورونه بالدباغة بإستمرار، ومن هنا جا النسب.

أميرى
13-06-2013, 09:09 AM
علاقة بكور قلقة مع الدين ( وتقرأ مع الله) ، حسب تعليق قديم للراوي نفسه ( هيك و لا مو هيك)
السؤال:
متي بدأ بالضبط سؤالك الوجودي
في أي عمر و شنو كانت الكريتكل بوينت الأدارت جواك التساؤلات؟

حجة امنة
13-06-2013, 01:56 PM
بابكر

الأخبار و الأخلاق؟!
بعد التحية و السلام

بتصلي؟!

فيصل سعد
13-06-2013, 02:12 PM
الاخ الفاضل بابكر عباس لك وافر التحايا
و كثيف الود و عارم المحبة ; و اسئلتنا لك ثلاثة :

اولا :

لماذا يكره بابكر عباس امدرمان و يسخر منها على الدوام بيد
ان معظم اهل امدر يحبون مدني ؟

ثانيا :

ماذا اضافت الغربة لك و ماذا اخذت منك ؟

و ثالثا:

ماهو تعريف المثقف و المستنير و المتعلم و الجاهل و العالم و المتواضع والمزدري و المتكبر و النرجسي و الاناني على حسب موسوعة بابكر عباس و وجهة نظره الخاصة ؟؟

و لك وافر الشكر و التقدير ..

وهاد ابراهيم محمد
13-06-2013, 02:21 PM
تحياتنا للضيف (النبيل) بابكر,
وللمضيفين (ما عندها علاقة بالطيّارة:))


لولا العلاقة المشبوهة التي تربط (بكة) بالبروف, كنت هيأت نفسي
لماتش من (بل) مجيّه ووجيه, إنما (آآآدي البروف, وآآدي محبته).

_________


ماهو تعريف المثقف و المستنير و المتعلم و الجاهل و العالم و المتواضع والمزدري و المتكبر و النرجسي و الاناني على حسب موسوعة بابكر عباس و وجهة نظره الخاصة ؟؟

:D:D:D
بس دي ما تكون مع الرأفة يا ود سعد؟



عرفتي يا أمونة انا ضيافتكم مابياها لشنو؟:p:D

أبوبكر عباس
13-06-2013, 02:29 PM
علاقة بكور قلقة مع الدين ( وتقرأ مع الله) ، حسب تعليق قديم للراوي نفسه ( هيك و لا مو هيك)
السؤال:
متي بدأ بالضبط سؤالك الوجودي
في أي عمر و شنو كانت الكريتكل بوينت الأدارت جواك التساؤلات؟
أكثر شئ شداني في التعليم المدرسي كان علم الوراثة وقوانين مندل، وأكاد أكون تيقنت منذ ذلك الزمان أن الله لا يتدخل في إحتمالات الوجود وبحثت عن معادلة لله في هذه الإحتمالات وجدت أنه يعلم بها لكنه لا يتدخل لحدوثها.

أبوبكر عباس
13-06-2013, 02:32 PM
بتصلي؟!
هذا سؤال تعجبي!!!
الإجابة:
وفيما العجب يا صديقتي؟
لو كان إستفهامي فقط كنتي أحرجتيني
المهم فاتت عليك
لا يسمح بتكرار السؤال

عبدالله علي موسى
13-06-2013, 06:05 PM
نعم الضيف و نعم المضيف والله

عندي سؤالين واحد كويس واحد أي كلام.

الكويس:

يا دكتور بما أنك من رواد مدرسة الشك (أو كما أظن) في هذا المنبر العامر بوجود الجميع و بما انك كما تفضلت عندك مزاج مع اللغة والمعاني: " إنا نحن نزلنا الذكر وإنا له لحافظون " في رأيك، إستناداً على اللغة والمنطق، الذكر دة هو فعلاً القرآن ولى ذكر آخر ربما أقدم من القرآن ؟ إذا السؤال بدخلك في حتات ضيقة انتقل للبعده بدون أي حرج.

التعبان:

برجك إيه يا دكتور - دة طبعاً إذا ما طلعت من مواليد واحد واحد.

تحياتي

أمين محمد سليمان
13-06-2013, 06:36 PM
لولا العلاقة المشبوهة التي تربط (بكة) بالبروف, كنت هيأت نفسي
لماتش من (بل) مجيّه ووجيه, إنما (آآآدي البروف, وآآدي محبته).

:p:D يا ستهم،
رغم أنف ماريل :( :
بكة ده واحد من أعمق تلاتة أنفار في اسافير الله الواسعة دي، الما شايف الكلام ده يتحسس عماقتو بالله !!
-----
السؤال : ح ترسل لي الكتاب بتين ؟!!

أبوبكر عباس
13-06-2013, 06:40 PM
الاخ الفاضل بابكر عباس لك وافر التحايا
و كثيف الود و عارم المحبة ; و اسئلتنا لك ثلاثة :

اولا :

لماذا يكره بابكر عباس امدرمان و يسخر منها على الدوام بيد
ان معظم اهل امدر يحبون مدني ؟

ثانيا :

ماذا اضافت الغربة لك و ماذا اخذت منك ؟

و ثالثا:

ماهو تعريف المثقف و المستنير و المتعلم و الجاهل و العالم و المتواضع والمزدري و المتكبر و النرجسي و الاناني على حسب موسوعة بابكر عباس و وجهة نظره الخاصة ؟؟

و لك وافر الشكر و التقدير ..
- سلام يا أبا النّد، يا (مثقف + مستنير + متعلم + عالم) ويا ما (جاهل + مزدري + متكبر + نرجسي + أناني).
- مدني هي الإبن الشرعي لأم درمان ودائما أم درمان ترمز عندي لثقافة الوسط الإستهلاكية السطحية. في الآونة الأخير بقيت أشوف أم درمان في لبس وغناء ندى القلعة.
- الغربة بتخليك تستمتع بخصوصيتك. الحياة الإجتماعية في السودان مرهقة وعشوائية.

وهاد ابراهيم محمد
13-06-2013, 06:49 PM
السؤال : ح ترسل لي الكتاب بتين ؟!!

هذا سؤال تعجبي!!! :D:D

لو حتطلع من نطاق (الإحراج) تبع عالِمنا بكة:)
يبقى أمونة ليها الله والبرد :D

فتح العليم
13-06-2013, 06:49 PM
أبوي من ناس الخواض ودي، من أكبر الأسر بمدني، وهم من قرية كمير العوضية المغمورة غرب شندي، هاجروا لمدني بعد قيام مشروع الجزيرة، وكلهم كانو ختمية. شيخ الطيب أبو قناية، أستاذ التربية الإسلامية بمعاهد مدني وصاحب مكتبة بالسوق (من زمان نحن رسل وعي، يوجد فصل بمدرسة السني الثانوية إسمو الطيب) هو زعيم الطريقة التجانية وأصلا من قرية الجوير الملاصقة لكمير العوضية. بالرغم من انو تجاني إلا أن آل الخواض التجار الختمية كانوا يحبونه جدا ويزورونه بالدباغة بإستمرار، ومن هنا جا النسب.

ابومانى المحترم
سعادة الدكتور عباس بابكر
لكما التحية والاحترام ، وسعيدين لاستضافة الدكتور وسعيدين جيداً كون الدكتور من ناس مدنى ومن ناس الخواض الاسرة التى نكن لها كل احترام وتقدير ولها اعمال خيرية جلية في مدنى .
شكرا لك يإبوامانى على تلك النافذة الاجتماعية وشكرا للدكتور المحترم عباس ومتابعين معاكم .
لكما التقدير والاحترام والمودة

خالد غالي
13-06-2013, 07:07 PM
انت يابابكر اعجاب البروف الشديد بيك ده سرو شنو ؟
ياخي الزول ده ماقاعد يفوت اي فرصة الا ويذكرنا فيها بانك آية من آيات الاسافير وفلتة زمانك والخ من كلمات الغزل الاسفيري !

تفتكر يعني هو مغشوش فيك ولا نحن الماقاعدين نشوف :)

أبوبكر عباس
13-06-2013, 07:07 PM
لولا العلاقة المشبوهة التي تربط (بكة) بالبروف, كنت هيأت نفسي
لماتش من (بل) مجيّه ووجيه, إنما (آآآدي البروف, وآآدي محبته).
:p:D
يعني يا وهاد، دا، تقليل من شأن البلال الأعظم؟!
"أزهد الناس في العالِم، أهله وأصحابه"

أمين محمد سليمان
13-06-2013, 07:09 PM
انت يابابكر اعجاب البروف الشديد بيك ده سرو شنو ؟
ياخي الزول ده ماقاعد يفوت اي فرصة الا ويذكرنا فيها بانك آية من آيات الاسافير وفلتة زمانك والخ من كلمات الغزل الاسفيري !

تفتكر يعني هو مغشوش فيك ولا نحن الماقاعدين نشوف :) انتو يا خالد لو كنتو بتشوفو صاح، دي كانت حالة السودان !! :rolleyes:
------
الكتاب يا بكة ياخي !!! :(

خالد غالي
13-06-2013, 07:12 PM
انتو يا خالد لو كنتو بتشوفو صاح، دي كانت حالة السودان !! :rolleyes:
------
الكتاب يا بكة ياخي !!! :(

يابروف ياخي بل الزول ده والكتاب انا برسلو ليك

حرّم البل انا شايفو في طرف نخرتك كان دنقرت ساي بقع منك :D

أمين محمد سليمان
13-06-2013, 07:14 PM
يابروف ياخي بل الزول ده والكتاب انا برسلو ليك

حرّم البل انا شايفو في طرف نخرتك كان دنقرت ساي بقع منك :D يا بكة اقرأ كلام خالد ده كويس، البتاع ده كانما جاء سريع النتائج ح تكون كارثية !! :cool:

أبوبكر عباس
13-06-2013, 07:20 PM
يا دكتور بما أنك من رواد مدرسة الشك (أو كما أظن) في هذا المنبر العامر بوجود الجميع و بما انك كما تفضلت عندك مزاج مع اللغة والمعاني: " إنا نحن نزلنا الذكر وإنا له لحافظون " في رأيك، إستناداً على اللغة والمنطق، الذكر دة هو فعلاً القرآن ولى ذكر آخر ربما أقدم من القرآن ؟ إذا السؤال بدخلك في حتات ضيقة انتقل للبعده بدون أي حرج.

التعبان:

برجك إيه يا دكتور - دة طبعاً إذا ما طلعت من مواليد واحد واحد.

تحياتي
الآية طبعا وقفت عندها كثيرا، لانو أنا عندي شك كبير بأنو القرآن الوصلنا يستحيل يكون وهو نفسو القرآن النزل على الرسول (ص)، طريقة التدوين والنقل تجعل من الإستحالة المحافظة على النص كما أُنزل؛ إحتمال كبير جدا انو تكون هناك نصوص سقطت في التدوين والنقل.
الذكر في الآية يعني طمأنينة القلب للذين يبحثون عنها.

برجي العقرب ومولود يوم عيد الهالوين 30 أكتوبر
عليك الله، موش ممكن ألعب دور إبليس في رسالتي مُحسن وخالد التجاني؟

ماريل
13-06-2013, 08:07 PM
الآية طبعا وقفت عندها كثيرا، لانو أنا عندي شك كبير بأنو القرآن الوصلنا يستحيل يكون وهو نفسو القرآن النزل على الرسول (ص)، طريقة التدوين والنقل تجعل من الإستحالة المحافظة على النص كما أُنزل؛ إحتمال كبير جدا انو تكون هناك نصوص سقطت في التدوين والنقل.
الذكر في الآية يعني طمأنينة القلب للذين يبحثون عنها.


سلامات يا دكتور
حول الجزئية الفوق دى الايمان لا يتجزأ يعنى اذا انا عندى ايمان كامل بربنا وقدرته ايمانى ده بالتأكيد
بخلينى واثقة فى مقدرته حفظ القرآن فى صدور الحفظة ونقله كما أُنزل حتى ولو بمعجزات لم نتبينها
او بهداية القاها فى قلوبهم او باى طريقة يعجز عقلنا عن تصورها فعقلنا غير مصمم لمعرفة الكليات
ليس بالضرورة ان يفهم عقلى الطريقة التى حفظ الله بها القرآن ولكن بالضرورة ان ايمانى سيجعلنى مطمئنة
ان القرآن هو(اللوح المحفوظ)....


ده مجرد تعليق على المداخلة بجيك للاسئلة الصباح كان الله مد فى الايام..

سارة
13-06-2013, 08:27 PM
بابكر يا جميل
ياخ والله دا خبر بخيت وسعيد تكون ضيف وضيف مثقف جدا
وراجل ما ساهل كلو كلو

انا باعتبارى ربنا شرفنى بزيارتكم والنزول ضيفة عندكم
لاحظت حاجات عجبتنى جدا جدا بس دايرة احتفظ بيها لنفسى
لكن قلت الناس تعرف حاجة عن الدكتور المتواضع جدا بكور
ماهى علاقتك بابنك عمر وكيف تريده ان يكون؟؟؟ بمعنى هل تريده
دكتور مثلك؟؟؟ وماهى علاقة بابنتك هل انت متسلط يعنى البنت
مازى الولد؟؟؟؟؟؟؟
وبجيك تانى كان مد الله فى العمر

عادل عسوم
13-06-2013, 09:37 PM
سلام يادكتور بابكر
برغم بيان الله بأن الغاية من خلق الانسان هي العبادة كما ورد في الآية الكريمة:
(وَمَا خَلَقْتُ الْجِنَّ وَالإنْسَ إِلا لِيَعْبُدُونِ )
فانه جل في علاه قد زاوج مع ذلك غاية حياتية وهي (التعارف) كما ورد في الآية الكريمة:
(يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَىٰ وَجَعَلْنَاكُمْ شُعُوبًا وَقَبَائِلَ لِتَعَارَفُوا)
ولعمري فان هذه الاسافير قد هيأت للناس سوحا رحيبة وفضاءات ممتدة للتعارف!
والتعارف هذا يضيف الى المرء فينا كما تفضلت وابنت خلال ردودك الحميمة الماضية بأنك سريع التعلم من الغير وتلك لعمري محمدة...
ولعلي بين يدي ذلك أورد مقولة الخليل ابن أحمد الباذخة:
الرِّجَالُ أَرْبَعَةٌ:
رَجُلٌ يَدْرِي وَلا يَدْرِي أَنَّهُ يَدْرِي فَذَاكَ غَافِلٌ فَنَبِّهُوَهُ...
وَرَجُلٌ لا يَدْرِي وَيَدْرِي أَنَّهُ لا يَدْرِي فَذَاكَ جَاهِلٌ فَعَلِّمُوهُ...
وَرَجُلٌ يَدْرِي وَيَدْرِي أَنَّهُ يَدْرِي فَذَاكَ عَاقِلٌ فَاتَّبِعُوهُ ...
وَرَجُلٌ لا يَدْرِي وَلا يَدْرِي أَنَّهُ لا يَدْرِي فَذَاكَ مَائِقٌ فَاحْذَرُوهُ...
والدراية ان كانت في أمر عقدي وديني فهي أولى بمظنة التثبت واليقين لان الله عندما يسائل عباده من بعد الموت فانه جل في علاه لايسائل منا عقلا واعيا ولا جدثا حيا انما يسائل فينا ما (وقر) في الروح والوجدان من كسب درايتنا خلال سِنِيّ حياتنا...
وها أنت تقول ياأخ بابكر:
الآية طبعا وقفت عندها كثيرا، لانو أنا عندي شك كبير بأنو القرآن الوصلنا يستحيل يكون وهو نفسو القرآن النزل على الرسول (ص)، طريقة التدوين والنقل تجعل من الإستحالة المحافظة على النص كما أُنزل؛ إحتمال كبير جدا انو تكون هناك نصوص سقطت في التدوين والنقل.
الذكر في الآية يعني طمأنينة القلب للذين يبحثون عنها.
لا غرو أن الايمان بهذا الكتاب لهو ركن من اركان الايمان كما تعلم ياأخ بابكر...
وبالتالي فان ال(شك) في كون هذا الكتاب الذي بين يدينا ليس بالكتاب الاصل فان ذلك يفضي بنا الى (شرخ كبير) في ايماننا وبالتالي (هدمٌ) لركن من اركان الايمان!...
...
بين يدي رابط لأفضل المواقع الاسلامية وأضبطها في أمر تناول الشبهات ومنها الشُبَهة التي تكتنف هذا الكتاب الكريم...
أهديك والأحباب اياه ويمكن لمن اراد النقل منه بأن يسجل فيه وهم لايمانعون من الاشتراك:
http://www.bayanelislam.net/
ـــــــــــــــــــــــــــــ
لعلي أعود لاحقا باسئلتي اليك
مودتي

أمين محمد سليمان
13-06-2013, 09:55 PM
يا اخوانا بالله ما تعصرو على بكة في موضوع الدين ده، بكة عندو فهم للدين قاطعو من راسو، حاولو تركزو على العماقة فلربما شفعت له يوم لا ينفع محمد بن راشد ولا نياقه !! :(

عبدالله علي موسى
13-06-2013, 10:08 PM
الآية طبعا وقفت عندها كثيرا، لانو أنا عندي شك كبير بأنو القرآن الوصلنا يستحيل يكون وهو نفسو القرآن النزل على الرسول (ص)، طريقة التدوين والنقل تجعل من الإستحالة المحافظة على النص كما أُنزل؛ إحتمال كبير جدا انو تكون هناك نصوص سقطت في التدوين والنقل.
الذكر في الآية يعني طمأنينة القلب للذين يبحثون عنها.

برجي العقرب ومولود يوم عيد الهالوين 30 أكتوبر
عليك الله، موش ممكن ألعب دور إبليس في رسالتي مُحسن وخالد التجاني؟


دة ميزان بعقرب خاطف لونين يا دكتور! دة بالمناسبة برج بجوازي جداً، إسمه "برج المرطبين"

من أشهر أسماء إبليس "حامل الضياء" فإذا أي من الرسائل السابق ذكرها أصبحت صالحة للنشر استلم أقرب مشعل و ولع في الناس دي .

ياخي أنا بومتي دي طلعت كافرة - المافي شنو؟ ولع طوالي :D.




P.S. مرة عمر إبن العبيد كان يلعب "محامي الشيطان" رياضة ذهنية بس قال لهم مختبراً اياهم " إن كانت تبت يدا أبا لهب في اللوح المحفوظ، فما لله على إبن آدم حجة"

سارة
13-06-2013, 10:27 PM
يا اخوانا بالله ما تعصرو على بكة في موضوع الدين ده، بكة عندو فهم للدين قاطعو من راسو، حاولو تركزو على العماقة فلربما شفعت له يوم لا ينفع محمد بن راشد ولا نياقه !! :(

:D:D:D:D وحات ضومتى ات ما نصيح

:cool::cool: ثم انه مشتاقون رغم الحاصل

أبوبكر عباس
14-06-2013, 05:07 AM
يابروف ياخي بل الزول ده والكتاب انا برسلو ليك
حرّم البل انا شايفو في طرف نخرتك كان دنقرت ساي بقع منك :D
المشكلة يا غالي، أمين مقتنع انو البل لا يزيدني إلا غرورا
دحين، أحسن ليهو الكتاب.
لكن وحات سيدي الحسن، أنا اليوم ماشي السودان، ح أمشي أفتش لي زول إسمو عبد الوهاب علي الحاج، الصديق الأول للبروف ويصنف حسب موسوعة البل:
مُشير أركان حرب
دا، ناس الجيلي جنبو جريوات ساكت!
شايل ليهو معاي هدية وح أحنسو تحنيس شديد عشان يجي يكتب معانا هنا

أبوبكر عباس
14-06-2013, 05:14 AM
ابومانى المحترم
سعادة الدكتور عباس بابكر
لكما التحية والاحترام ، وسعيدين لاستضافة الدكتور وسعيدين
سعادة السعيد الأستاذ فتح العليم
سعدت سعادة سعيدة بمعرفة علاقة أصلنا المشترك
يا عليم، يا أخي، عليك الله، دكتور دي، جليها، يا أخي، أولا بالتبادي، أنا ما دكتور؛ أنا حكيم غنم ساكت!
تانيا بعد التبادي، أنا في المنتدى دا، فاسخ الصريمة وداير أعوس زي الدحش المباري أمو والدكترة دي بتشكمني.

أبوبكر عباس
14-06-2013, 05:24 AM
ماهى علاقتك بابنك عمر وكيف تريده ان يكون؟؟؟ بمعنى هل تريده
دكتور مثلك؟؟؟ وماهى علاقة بابنتك هل انت متسلط يعنى البنت
مازى الولد؟؟؟؟؟؟؟
وبجيك تانى كان مد الله فى العمر
أولا بالتبادي ديك، أنا ما دكتور؛ حكيم غنم
غنووووووم
تانيا: أزيك وكيفنك؟
تالتا: أنا حاسي انو ورطهم في الدنيا وحقيقة ما عارف نوع السلاح المفروض أملكو ليهم لمواجهة زمن؛ تقول كل إرهاصاته بأنه سيكون عنيفا جدا.
بدات أفقد ثقتي في التعليم بطريقته القديمة،
أول ما قبلوني في كلية البطري، مشيت لأبوي قلت ليهو قبلوني في كلية البطري
قال لي: بتدرسوا كم سنة؟
- خمسة
- تدرسوا خمسة سنين؛ عشان تجي تدي ليك غنماية حقنة!
كنت أدري بأننا نعيش في زمنين مختلفين.
مستمتع جدا حاليا بصحبة روزاليندا (خمسة سنين).

أبوبكر عباس
14-06-2013, 05:26 AM
يا بكة اقرأ كلام خالد ده كويس، البتاع ده كانما جاء سريع النتائج ح تكون كارثية !! :cool:
النصيحة كدا يا أمين، كتابتك بدون بل، زي محاولات الجيلي الشعرية

أبوبكر عباس
14-06-2013, 05:51 AM
ايمانى ده بالتأكيد
بخلينى واثقة فى مقدرته حفظ القرآن فى صدور الحفظة ونقله كما أُنزل حتى ولو بمعجزات لم نتبينها
سلام ماريل،
ما دام مرجعك هو إيمانك وإحساسك؛ قفلتي علي نفاج الغلاط وفقط نتمنى لك مزيدا من الثبات.

والدراية ان كانت في أمر عقدي وديني فهي أولى بمظنة التثبت واليقين


سلام يا عادل،
الأمر العقدي يا عادل هو أمر ظني، فكيف يكون أولى بالتثبيت؟
اللهم إلا تكون قاصد تثبيت النعامة لرأسها في الرمل!

لا غرو أن الايمان بهذا الكتاب لهو ركن من اركان الايمان كما تعلم ياأخ بابكر...
وبالتالي فان ال(شك) في كون هذا الكتاب الذي بين يدينا ليس بالكتاب الاصل فان ذلك يفضي بنا الى (شرخ كبير) في ايماننا وبالتالي (هدمٌ) لركن من اركان الايمان!...

يا أخوانا، قصة أركان للدين دي، ما لافقة معاي، ما ممكن تشبهوا الدين البنيان، إذا إنهار منه ركن (عمود)؛ إنهار الدين كلو! الدين ما عندي ليهو أركان ولا أعمدة، أصلا هو كائن هلامي يتشكل عند أي زول حسب شكل ماعونو
زي ما قال ليكم البروف، رؤيتي للدين مختلفة لرؤيتكم وما عندي أي غضاضة انو انتو تطلقوا على رؤيتي دي، أي وصف أو تلميح إنتو دايرنو، ما دام هو من زاوية شوفكم فقط يا عملات الرشيد
إنت من الناس الإتعلمت منه مباشرة وغير مباشرة أثناء الحوارات

ماريل
14-06-2013, 09:06 AM
صباح الخير يا دكتور بالمناسبة انت بترت مداخلتى وكده اوحيت للقرأ بشئ تانى خالس خالس وكانى اتحدث عن ايمانى انا دى ماريل
الجزء الانت اقتبستوا من مداخلتى مُخل كليا بالمداخلة لانك بترتها انت اقتبست فقط(ايمانى ده بالتأكيد
بخلينى واثقة فى مقدرته حفظ القرآن )وحمرت كلمة (ايمانى)

سلام ماريل،
ما دام مرجعك هو إيمانك وإحساسك؛ قفلتي علي نفاج الغلاط وفقط نتمنى لك مزيدا من الثبات.




عموما انا قلت(الايمان لا يتجزأ يعنى اذا انا عندى ايمان كامل بربنا وقدرته ايمانى ده بالتأكيد
بخلينى واثقة فى مقدرته حفظ القرآن )

اذا دى افتراضية وقصدت بيها ضرب مثل هذا المثل استطيع باطمئنان ان اسقطه على اى مؤمن انت بترت مداخلتى عشان تزوغ منها
كلامى ح اعيدو ليك بشكل يخيلنى بره القوس :
(الايمان لا يتجزأ يعنى الشخص المؤمن بالله وقدرته يكون اليقين فى قدرته على حفظ القرآن من المسلمات بمعنى ان الايمان بقدرة الخالق تجعل المؤمن على يقين بان الخالق قادر على حفظ القرآن باى طريقة مثلا هداية القاها فى قلوب الحفظة او حتى بمعجزة لم نتبينها او بطريقة لا يستطيع العقل البشرى استيعابها لان العقل البشرى غير مصمم على معرفة الكليات فهو يدرك فقط الجزئيات)

ده ملخص مداخلتى بعد مرقت روحى منها يلا تعال برواقة غالطنى زى ما داير...

الرشيد اسماعيل محمود
14-06-2013, 03:24 PM
يا بابكر
من هو ممثلك المفضّل؟
(الصديك وكت الضيك)



بالرغم من إنو بعض إجاباتك كانت مميّزة وعميقة، لكن برضو الله يعوضنا في البروف، تلاتة مكالمات من بكّة بس جعلت علي بصرهِ غشاوة.

الرشيد اسماعيل محمود
14-06-2013, 03:51 PM
الدين ما عندي ليهو أركان ولا أعمدة، أصلا هو كائن هلامي يتشكل عند أي زول حسب شكل ماعونو

كنت داير أسألك طيّب بتصوم؟، طبعاً عشان أقدر أتخيّل شكل ماعونك، لكن لقيت إنو سؤال شخصي جدّاً، خليتو.
يا بابكر:
الكاتب النبيل، شخصية اسفيرية أثّرت في سودانيات وقدّمت للناس مصطلحات اسفيرية جديدة لاقت رواجاً وانتشاراً كبيرين، زي (حننتني، أعفي لي، وحاة سيدي الحسن، بزعل منّك) وغيرها من المفردات، أصبح الناس يستخدمونها فيما بينهم، مع نسبها لمقترحها الكاتب النبيل.
السؤال:
تقبُّل غالبية الاعضاء لهذه المفردات في التعامل الاسفيري، هل ممكن نعتبرو خطوة إيجابية في امكانية تقبُّل الناس لمشروع الكاتب النبيل التنويري؟

عندك 16 مداخلة ليك في سودانيات أنا بعتبرهم مداخلات عظيمات، بمداخلتك لنديدك فيصل سعد، بقن 17

أمين محمد سليمان
14-06-2013, 06:07 PM
:D:D:D:D وحات ضومتى ات ما نصيح

:cool::cool: ثم انه مشتاقون رغم الحاصل يا ستهم، عليك الله أنا كان نصيح بجي اكتب معاكم ؟!
بعدين شايفك طواااالي الشوق عاصر مهجتك كالبرتقالة !!
أوصيك بالصبر، و حاولي تركزي على الآخرة !! :cool:
------------
ده ملخص مداخلتى بعد مرقت روحى منها يلا تعال برواقة غالطنى زى ما داير... يا بكة، خالتك ماريل دي ما جات من أجل حوار، أنا بقترح تشتكيها طوالي !!
------------


بالرغم من إنو بعض إجاباتك كانت مميّزة وعميقة، لكن برضو الله يعوضنا في البروف، تلاتة مكالمات من بكّة بس جعلت علي بصرهِ غشاوة. تلاتة مكالمات شنو يا رش، بكة بتكلم معاي أكتر من الإبل البالينا بيها دي :rolleyes: ، و لمعلوميتك الزول ده في التلفون أعمق من كتابتو هنا، و لو رسل لي الكتاب و إتصلح معاي في موضوع محسن يكن معه في نفس المنزلة !!

أمير الأمين
14-06-2013, 06:37 PM
أوصيك بالصبر، و حاولي تركزي على الآخرة !! :cool:

والسِبح والذى منو علينا looool:p

عكــود
14-06-2013, 07:33 PM
سلام يا بابكر؛

أنا أم درمان أنا السودان

ما مدى صحة هذه المقولة؟
وهل ناس أم درمان هم السودان (كما يعتقدون)؟
ثمّ، هل المبدع، في مختلف المجالات، يحتاج ل (تصديق) من أم درمان حتّى يُكتب عند الناس مبدع؟

ألا ترى أن ناس أم درمان يُغالون في تمجيد ناسهم لحد، قد يصل، إلغاء الآخرين؟

AMAL
14-06-2013, 08:06 PM
الطريقة البابكرية في الحوار
هل هي نسخة معدلة من الطريقة الملاسية ؟
ثلاثة اسماء تسعد حين تراها في قائمة الحضور
وتلاتة تتمني يختفوا من سودانيات

أمين محمد سليمان
14-06-2013, 10:27 PM
الطريقة البابكرية في الحوار
هل هي نسخة معدلة من الطريقة الملاسية ؟
غايتو يا ستهم عصرتي على بكة، الله يسامحك غايتو !
يا بكة، اشتكي آمال دي و لا تشتكيها إنت ؟!! :(

طارق صديق كانديك
15-06-2013, 06:25 AM
يا اخوانا بالله ما تعصرو على بكة في موضوع الدين ده، بكة عندو فهم للدين قاطعو من راسو، حاولو تركزو على العماقة فلربما شفعت له يوم لا ينفع محمد بن راشد ولا نياقه !! :(

الحالة ما رسل الكتاب:D

طارق صديق كانديك
15-06-2013, 06:26 AM
يابكة، غير (حسين شندي، وصديق سرحان) بتحب تسمع لمنو.؟

سؤال خفيف لا (يغلت) عليك ولا يوسخ ايديك.:D

تماضر حمزة
15-06-2013, 08:05 AM
http://www.youtube.com/watch?v=11_czR9Yadg

النور يوسف محمد
15-06-2013, 09:11 AM
بسم الله الرحمن الرحيم

زعلان من روحى قلت أفوت كرنفال حجة آمنة ، أجى الدافورى بتاع بابكر ده :)
ثم كون إنك الضيف البعدا مباشرة ، دى مش تحدى ليك خصوصاً إنها رفعت سقف الشفافية والظرافة ؟

على ما أذكر إنك كنت بتعتقد فى جدوى ( توجيه المنتديات )
وأنه لابدّ أن ترسم خطوط واضحة للمنتدى تحدد مساره وتعاطيه للأحداث ، بالطبع دون أن يمارس إقصاء للأفكار المخالفة ، هل مازلت عن تلك القناعة ؟؟؟

المباشرة الشديدة فى إبداء الرأى فى المواضيع الخلافية كنهج أنت من رواده ،
الا تعتبر أنها فى كثير من حالتها ( تجرح ) وربما لا تجد القبول ، إذا كان الغاية منها أصلاً الإصلاح ؟؟
لماذا لا يستحدم بعض من أوراق السلوفان فى ردودك ؟؟

ودا بقودنى لطرحك القديم المتعلق بتأثير العلاقات الإجتماعية على فعالية الجوار ،
وأتسائل ، ألا يمكن أن نجيّر العلاقات الودودة لتكون دافعا للنقاس بدل أن تكون خصماً عليه ؟؟

ترقية فكرة سودانيات فى ديمقراطية إدارة العمل المنبرى ،
ألا توافقنى أنها لم تجد حظها من البحث والتحليل والدراسة الواعية ؟؟؟

التومجيريون
ماهى آثارهم على المنتدى ـ سلباً وإيجاباً ؟؟؟

أسعد
15-06-2013, 03:54 PM
بابكر بحكم انك ممن يدعو للحوار والمثقافة
وبعد مضي اكثر من عشرة اعوام من الحوارات والمثاقفات السايبرية
اها لسة بتؤمن بالقصص الميتة بتاعة الحوار والبطيخ؟!

أبو أماني
15-06-2013, 07:22 PM
اقتباس:
المشاركة الأصلية كتبت بواسطة أمين محمد سليمان http://sudanyat.org/vb/images/buttons/viewpost.gif (http://sudanyat.org/vb/showthread.php?p=543403#post543403)
يا اخوانا بالله ما تعصرو على بكة في موضوع الدين ده، بكة عندو فهم للدين قاطعو من راسو، حاولو تركزو على العماقة فلربما شفعت له يوم لا ينفع محمد بن راشد ولا نياقه !! :(

ههههههههااااااي .. شنو يا بروف ؟ قضيت فترة عقوبتك وجيت تتسلى بحبيبي المسيكين ده؟؟ أسع دي في ضمتك دي كان ما قاصد تكربنو سيرة محمد بن راشد دي جايبها مالك ..؟ عالم ما تستاهل غير البل الياباني الأصلي .. بكة .. هووووي يا بوكو .. عليك الرسول بلو لينا خليه يتبشكر شهر .. ما ينشف .. قال ما تعصرو على بكة .. والبتسوي فيه ده شنو؟؟ يعني عشان لقيته مسكين وأمرو هيين تقوم تتجدع كمان على حسابه .. بابكر ما تخاف منو .. أنا معاك في الخطوط الخلفية .. وسارة معانا كمان بعيصيباتها ديك.. بلو يا أخ ولا أقول لك إتا مش قلت دكتور غنم ؟؟ هي نان القاعد لها شنو؟؟ ما تشوف شغلك يا أخي .. :D

فوق البيعة: -
مطلوب من ضيفنا العزيز .. أن يحدثنا عن الحياة العاطفية منذ ميعة الصباء وحتى قيود الزوجية الحريرية ... أأأأأي حريرية .. بتعاين لي مالك ؟؟؟ والله أسع أكلم ... يلا تشششااااوووو مؤقت على وزن إفراج مؤقت ..مع صادق تحياتي لكل الأعزاء المتداخلين ..

ماريل
17-06-2013, 09:21 AM
السيد الفاضل الدكتور بابكر عباس بهدى ليك أُغنية ((غيابك طال)) واتمنى تكون ومن حولك بكامل الصحة وموفور العافية...

أبو أماني
17-06-2013, 06:28 PM
اقتباس:
المشاركة الأصلية كتبت بواسطة ماريل http://sudanyat.org/vb/images/buttons/viewpost.gif (http://sudanyat.org/vb/showthread.php?p=543898#post543898)
السيد الفاضل الدكتور بابكر عباس بهدى ليك أُغنية ((غيابك طال)) واتمنى تكون ومن حولك بكامل الصحة وموفور العافية...رب


العزيزة ماربل سلامات .. الظاهر عليه دكتورنا الهمام البل كتر عليه وغيابه طال بالله يا بروف أتبنه شوفو لينا لابت في ياتو (زريبة) اباذر .. ماترجع لينا دكتورنا للمائدة الأكل ده ما بيبرد يا اخواني .. على فكرة إنشاء الله رجعت للبروف الكتاب!..عالم تحب البل زي عيونها .. رجعوا ليو يا أخي .. :D

طارق صديق كانديك
17-06-2013, 06:38 PM
مساء الخير يا حبيبنا ابا أماني

الدكتور زي ماقلت حبوبتي عليها الرحمة ( جلدو تخين) البل ما بسوي ليهو شئ :)

هو الآن في ربوع كسلا أو إن شئت(أورشليم السودانية) :D

خالد غالي
17-06-2013, 07:02 PM
يابابكر

بما انك في اورشليم ارجو منك تجيب لي معاك حجر من جبل الطور وباغة موية من نبع سريا وياحبزا لو جبت معاك كمان رطبا جنيا :D

أبوبكر عباس
17-06-2013, 11:16 PM
آسف للتأخير والحمد لله الذي أسرى بي لجبل الطور ومعبد سليمان
صورة وفيديو:
http://www.youtube.com/watch?v=aXRD-ByIJp4&feature=youtu.be
http://www.sudanyat.org/vb/uploaded/2110_1371507064.jpg

تماضر حمزة
18-06-2013, 07:20 AM
كتابك يابكّة، أروع الأفلام على الاطلاق.



http://www.youtube.com/watch?v=4F5sPA5E27o&list=PL09F8B1FC6FA56877

هل صحيح حتعتزل الأسافير بعد البوست دا؟

عادل عسوم
18-06-2013, 08:24 AM
آسف للتأخير والحمد لله الذي أسرى بي لجبل الطور ومعبد سليمان
صورة وفيديو:
http://www.youtube.com/watch?v=aXRD-ByIJp4&feature=youtu.be
http://www.sudanyat.org/vb/uploaded/2110_1371507064.jpg
سلام يا بابكر الذي اسرى به خالد التجاني الى جبال كسلا وضريح (سيدي)
:D
يابابكر لان كانت (شواهد) التاريخ والأديان تتبدى للناس بمثل ما فعلت بك وبخالد لما نال الناس في سبيلها كل ما نالهم!
...
لان كنت لم تزل في كسلا فأجبني اذ سأعطيك رقم قريبي هناك لتستوثق منه الكثير...
مودتنا التي سبقت محبتنا
:)

أبو أماني
18-06-2013, 05:25 PM
اقتباس:
المشاركة الأصلية كتبت بواسطة طارق صديق كانديك http://sudanyat.org/vb/images/buttons/viewpost.gif (http://sudanyat.org/vb/showthread.php?p=543968#post543968)
مساء الخير يا حبيبنا ابا أماني

الدكتور زي ماقلت حبوبتي عليها الرحمة ( جلدو تخين) البل ما بسوي ليهو شئ :)

هو الآن في ربوع كسلا أو إن شئت(أورشليم السودانية) :D


الحبيب كانديك .. شوقنا ليك بحر والله يا رائع .. قلت لي زولي جلدو خشن ؟ يا أخي حرااام عليك .. الراجل رقيق بمعناها اللغوي مش (الجعلي) !:D بعدين طالما راح كسلا أكيد حا يغيب عننا كم يوم كده.. طبعا شفت كسلا وعارف سحرها نتمنى له إقامة طيبه مع أهلنا هناك وعودا حميدا .. وأتمنى أيضا أن لا يطول إنتظار بروفنا الحبيب لكتابه العجيب .. غايتو يادكتور بكة .. يحلك الحلا .. بلا ... يلا تشاو وننتظر عودة العندليب الأسمر .. :cool:
:cool:

أبوبكر عباس
20-06-2013, 06:18 PM
يا بابكر
من هو ممثلك المفضّل؟
أنتوني هوبكين وجمال حسن سعيد

كنت داير أسألك طيّب بتصوم؟، طبعاً عشان أقدر أتخيّل شكل ماعونك، لكن لقيت إنو سؤال شخصي جدّاً، خليتو.
الآية قالت: "وعلى الذين يطيقونه فدية طعام مسكين" ودا بيعتي انو الناس البتقدر تصوم وعاوزة تفطر؛ تفطر وتطعم المساكين يعني سؤالك لا معنى له ما دام الخياين موجودات!
يا بابكر:
الكاتب النبيل، شخصية اسفيرية أثّرت في سودانيات وقدّمت للناس مصطلحات اسفيرية جديدة لاقت رواجاً وانتشاراً كبيرين، زي (حننتني، أعفي لي، وحاة سيدي الحسن، بزعل منّك) وغيرها من المفردات، أصبح الناس يستخدمونها فيما بينهم، مع نسبها لمقترحها الكاتب النبيل.
السؤال:
تقبُّل غالبية الاعضاء لهذه المفردات في التعامل الاسفيري، هل ممكن نعتبرو خطوة إيجابية في امكانية تقبُّل الناس لمشروع الكاتب النبيل التنويري؟مشوار الإستنارة والوعي طويل وصعب وربنا يوفقنا لمزيد من الوعي.

أبوبكر عباس
20-06-2013, 06:35 PM
سلام يا بابكر؛

أنا أم درمان أنا السودان

ما مدى صحة هذه المقولة؟
وهل ناس أم درمان هم السودان (كما يعتقدون)؟
ثمّ، هل المبدع، في مختلف المجالات، يحتاج ل (تصديق) من أم درمان حتّى يُكتب عند الناس مبدع؟

ألا ترى أن ناس أم درمان يُغالون في تمجيد ناسهم لحد، قد يصل، إلغاء الآخرين؟سلام حباب العمدة
أعتقد انو وجود المؤسسات التعليمية والثقافية بالعاصمة ومن ثمّ إستقرار معظم الأفندية بالعاصمة، أداهم وصاية عبر إذاعة أم درمان على بقية السودان.
وجود الإذاعة بأم درمان جعلت بقية السودان يُفتن بأم درمان والوسط.
بشكل عام، مساهمة متعلمي أمدرمان والوسط في صياغة دولة قومية كانت ضعيفة ومقولة: أنا أم درمان أنا السودان؛ مقولة تمني أكثر من أنها حقيقة.

أبوبكر عباس
20-06-2013, 06:37 PM
يابكة، غير (حسين شندي، وصديق سرحان) بتحب تسمع لمنو.؟

سؤال خفيف لا (يغلت) عليك ولا يوسخ ايديك.:Dأنا ما بحب حسين شندي
بحب أسمع أي أغنية من يد تماضر وفي اللحطة دي، محمد مسكين.

أبوبكر عباس
20-06-2013, 06:52 PM
الطريقة البابكرية في الحوار
هل هي نسخة معدلة من الطريقة الملاسية ؟
ثلاثة اسماء تسعد حين تراها في قائمة الحضور
وتلاتة تتمني يختفوا من سودانيات
اللا وعي بتاع الإنسان دا؛ خطير يا آمال
أنا معجب بطريقة إثارة ملاسي للقضايا وقد أكون تأثرت به من غير ما أشعر!
ما عارف!
لكن من يومي لديح ومسيخ وعوير وغالاط
أتذكر مرة وأنا بخامسة إبتدائي ضيعت حصة رياضيات كاملة في مغالطة للأستاذ وجميع طلاب الصف حول مسألة هندسية ورفضت كلو كلو أجلس
بعد نهاية الحصة، الأستاذ جا راجع بالشباك وشكرني على موقفي الصامد وأقر بصحة كلامي، شكر الأستاذ لي ما زال وقعه عليّ عظيما.

الشئ الواضح يا آمال انو الاسافير دي، كلها مفتوحة على بعض وكلنا قاعدين نتعلم من بعض
ثلاثة السعد: حافظ حسين
الثلاثة التانين: لا يوجد ونحن أصلنا ناس محبة

أبوبكر عباس
20-06-2013, 11:47 PM
ولّ أسيبها مدني وأجي أسكن حداك؟
مرحب يا تماضر
غيرك انتي ومحمد مسكين، ما في زول معترف بمسكتني!
قول لي يا حبيبي انا حيران معاك
تتا تيتا تيتا تتم تم
تنتا تاني

أبوبكر عباس
20-06-2013, 11:51 PM
يابابكر
بما انك في اورشليم ارجو منك تجيب لي معاك حجر من جبل الطور وباغة موية من نبع سريا وياحبزا لو جبت معاك كمان رطبا جنيا :D
الفيديو والصور مهديات ليك يا غالي
نسيت أرفع ليك الحجر من جبل الطور، لكني تذكرت طلبك بالقضارف، قلت لي السواق كدي أقيف لي جنب جبل تواوا خليني أشيل لخالد حجر وأقول ليهو دا، من المقام
ح يفرزن كيف؟ غير انو داقس؛ الحجر حجر!

أبوبكر عباس
20-06-2013, 11:53 PM
هل صحيح حتعتزل الأسافير بعد البوست دا؟أكيد
حابي أعتزل وأنا في القمة
ضروري الزول يستفيد من تجربة فيصل العجب

أبوبكر عباس
20-06-2013, 11:56 PM
بابكر بحكم انك ممن يدعو للحوار والمثقافة
وبعد مضي اكثر من عشرة اعوام من الحوارات والمثاقفات السايبرية
اها لسة بتؤمن بالقصص الميتة بتاعة الحوار والبطيخ؟!
ما ح أقول ليك: الرد الرد كباري وسد
لكن أقول:
الرد الرد
مزيد من الحوار واليمقراطية

أبوبكر عباس
21-06-2013, 12:10 AM
بكرة تقطيع مداخلة النور

أبوبكر عباس
21-06-2013, 08:38 AM
على ما أذكر إنك كنت بتعتقد فى جدوى ( توجيه المنتديات )
وأنه لابدّ أن ترسم خطوط واضحة للمنتدى تحدد مساره وتعاطيه للأحداث ، بالطبع دون أن يمارس إقصاء للأفكار المخالفة ، هل مازلت عن تلك القناعة؟؟؟
سلام يا نور،
الخطوط العريضة الواضحة مهمة وهي توجه رسالة المنتدى وبتكون مرجع لكثير من الخلافات، مثلا على المستوى السياسي ممكن المنتدى يتبنى إرساء قيم الديمقراطية، بناءً على هذا النهج يمنع نشر أي مادة تدعم المؤتمر الوطني وعدم منح العضوية لأي زول ينتمي للمؤتمر الوطني
المباشرة الشديدة فى إبداء الرأى فى المواضيع الخلافية كنهج أنت من رواده ،
الا تعتبر أنها فى كثير من حالتها ( تجرح ) وربما لا تجد القبول ، إذا كان الغاية منها أصلاً الإصلاح ؟؟
لماذا لا يستحدم بعض من أوراق السلوفان فى ردودك ؟؟
المباشرة قد تكون مُحرجة في وقتها، لكن أثرها الإصلاحي مستقبلا سوف يكون حاضرا وما بتتنسي.
ودا بقودنى لطرحك القديم المتعلق بتأثير العلاقات الإجتماعية على فعالية الجوار ،
وأتسائل ، ألا يمكن أن نجيّر العلاقات الودودة لتكون دافعا للنقاس بدل أن تكون خصماً عليه ؟؟
خلال سنيني الأولى بالمنتدى لم تكن لي علاقات إجتماعية بالمنتدى وكنت أتجنبها وكثير من الإشتباكات مع عبد الجليل والمرحوم وشليل خضتها دون أدنى معلومات من خارج الحوار، مع مرور الزمن فقدت كثيرا من علاقاتي الإجتماعية الحقيقية لصالح علاقات بديلة بالمنتدى واعتقد دا خصم كثيرا من حيادي القديم.
ترقية فكرة سودانيات فى ديمقراطية إدارة العمل المنبرى ،
ألا توافقنى أنها لم تجد حظها من البحث والتحليل والدراسة الواعية ؟؟؟
لترقية فكرة إدارة المنتدى؛ لا بد من تحويل ملكيته لجمعية عمومية
التومجيريون
ماهى آثارهم على المنتدى ـ سلباً وإيجاباً ؟؟؟
مثلا: بابكر عباس - نعوم: بعد التمجرة الطويلة توصلنا لفهم بعضنا
أم التيمان - آمال: التمجرة بين البنات صعب تخطيها
ماجد - شليل: لو ماجد عاد مرة أُخرى، الوضع سوف يكون أحسن كثير

عموما، التمجرة هي قمة الشخصنة للحوار وهي سالبة جدا على المنتدى، سكوت أعضاء المنتدى على بدايات التمجرة قاعد يساهم سلبا في نموءها.

أبوبكر عباس
21-06-2013, 08:43 AM
شكرا يا أبا أماني، على الإستضافة وإن شاء الله أكون وفيت وكفيت وأُرشح الأديب الكبير أُسامة معاوية كضيف قادم
شكراعلى الأسئلة الساهلة من المشاركين.

ماريل
22-06-2013, 08:52 AM
أكثر شئ شداني في التعليم المدرسي كان علم الوراثة وقوانين مندل، وأكاد أكون تيقنت منذ ذلك الزمان أن الله لا يتدخل في إحتمالات الوجود وبحثت عن معادلة لله في هذه الإحتمالات وجدت أنه يعلم بها لكنه لا يتدخل لحدوثها.

سلامات ..شوية غلات اذا سمحت ظروفك
قانون مندل(قانون الاحتمالات) لاحظ معاى(احتمالالالالالالالالالالات)
الاحتمال البجى ده الاختارو منو؟؟مِش هى اصلا عدة احتمالات ؟؟

أبوبكر عباس
22-06-2013, 10:35 AM
سلامات ..شوية غلات اذا سمحت ظروفك
قانون مندل(قانون الاحتمالات) لاحظ معاى(احتمالالالالالالالالالالات)
الاحتمال البجى ده الاختارو منو؟؟مِش هى اصلا عدة احتمالات ؟؟بالرغم من انو الضيافة إنتهت، لكن ما مشكلةن نديكم مداخلة هوادة.
يا سيدة ماريل، ما دام أقريتي بأنها إحتمالات يجب أن تخضع لقانون الإحتمالات. وحسب تجربة مندل النتائج قاعدة تكون مؤكدة للنسب المئوية للإحتمالات.
حاجة تاني: لو ربنا أصلا هو محدد المولود الناتج، شنو فائدة فحوصات قبل الزواج؟

الطيب بشير
22-06-2013, 10:52 AM
.
دكتور بابكر يا حبوب
سؤال .. غالبني جوابو من عشرين ســنة
ما هو سر إرتباط الزائر بكسلا بوشيجة عاطفة لا تنفصم عراها؟ لا أفادتني دراسات محســن خالد، و لا شعراء الأغنية، و لا حكاوي موية توتيل أسكتت الجرح المنوسر.. لم تسقطه بالتقادم زيجتان و ألف تحية رددنا بأحـســـن منها خارج الخطة (السكنية)؟
لو جاوبتني بشكرك بالباب و الشباك، ع شان أفوت أستاذك بتاع المسألة..

تقديري

.

أبوبكر عباس
22-06-2013, 11:18 AM
.
لا أفادتني دراسات محســن خالد، و لا شعراء الأغنية، و لا حكاوي موية توتيل أسكتت الجرح المنوسر.. لم تسقطه بالتقادم زيجتان و ألف تحية رددنا بأحـســـن منها خارج الخطة (السكنية)؟

صديقي محمد سليم بقول: التمر يدمل مؤقتا جرح الحب الغائر "خارج الخطة السكنية"
التمر عنده هو القبل العميقة تحت ضوء القمر
الروشتة: ثلاثة تمرات كل ثلاثة سنوات وبالمرة تعمل ليك حجة لبيت المقدس.

بعد الطيب بشير دا، ولا هللة