ضيف على مائدة سودانيات ...! - 21 - أمير الأمين [الأرشيف]

أبو أماني

27-07-2009, 06:38 PM

gooodأحبائي الأعزاء ..
أحباء سودانيات .. لكم صادق الود والتحايا القلبية .. حقا قد سرني وأثلج صدري عمق صداقتي بكم ذهاء ما يقارب السنة أو يزيد .. قضيتها بينكم في سعادة وحبور .. وأحسست وأنا بينكم وبكم بدفء الأسرة وأحلى وشائج الإخاء والمحبة .. حيث صرتم بالنسبة لي كأفراد أسرتي رحما بل أكثر من ذلك..بحيث أقضي الساعات الطوال في رحابكم المرحة العامرة قبل وأكثر مما أقضيه مع أسرتي .. فلكم الشكر على ما وهبتموني من حب صادق إمتزج في شراييني وصار يغزو القلب ويعمر غرفه الأربع ويهرب ليعود ثانية ليمدني بالحياة .

فكرت مليئا في شكل مستقبل علاقة كل سوداني في سودانيات بالآخر! وهالني أن تكون علاقة صادقة حميمة كهذه عرضة للعيش والعمران طويلا عبر الفضاء الإسفيري والعالم الأثيري ..! وتصورت حياة شخوصها في اللاشئ وفنائهم في اللاشئ ..تماما كما يحدث يوميا بالنسبة لممثلين وممثلات نشاهدهم عبر الشاشات البيضاء والبلورية .. نعايشهم ونعاصرهم ثم يتلاشوا في اللاشئ حقيقي حزت في نفسي هذه الخاطرة .. وفكرت ثانية !..

أضع بين أياديكم عتبة أولي لتجسيد علاقة كل منا بالآخر .. وهو بوستر تتم استضافة عضو فيه ليكون مصدر حوار تعارفي يحكي لنا ما عن له أن يرويه عن نفسه فنزداد قربا منه أكثر وأكثر ومعرفة به وثيقة أكثر .. نعرف موقعه الحالي .. رقم موبايله .. عدد أفراد أسرته .. طموحاته الآنية والمستقبلية .. بعض مشاكله الخاصة التي يمكن الخوض فيها .. والمشاركة في علاجها بعض الجوانب المضيئة من حياته الماضية والتي يحلو له الخوض فيها مع الأحباء .. الخ ..

إن راقت لكم فكرتي هذه فأقترح أن يقوم كل ضيف حل بالبوستر في نهاية حلقته بترشيح من يحل بعده ضيفا على مننتسبي سودانيات .. وهكذا دواليك .. تبقى المعضلة في إختيار عضو الشرف الأول .. وأقترح أيضا أن يقوم صاحب البوستر بإختياره .. درج كبارنا على إختيار كبير القوم ليتولى ضربة البداية في كل مشروع أو عمل .. وحيث أن مجتمع سودانيات يحفل بالكبار شكلا وموضوعا وليس من بينهم من يتفضل على الآخر .. فأسمحوا لي أن أختار أكبر الأعضاء (سنا) .. فليكن ضيف الحلقة الأولى العميد الأستاذ :-

:Dخـــالـــد الحــــاج:confused:
مساهمتي الأولي معه المطالبة بنبذة صغيرة عن عميدنا والبطاقة الشخصية وتعريف مختصر ولكم جميعا خالص حبي وإعتزازي وإحترامي ...

أبو أماني

22-06-2013, 04:27 PM

اقتباس:
المشاركة الأصلية كتبت بواسطة بابكر عباس http://sudanyat.org/vb/images/buttons/viewpost.gif (http://sudanyat.org/vb/showthread.php?p=544555#post544555)
شكرا يا أبا أماني، على الإستضافة وإن شاء الله أكون وفيت وكفيت وأُرشح الأديب الكبير أُسامة معاوية كضيف قادم
شكراعلى الأسئلة الساهلة من المشاركين.

والله على عيني يا الحبيب فالوداع دوما مّر خاصة لما يكون الضيف عثل زييك كدي..! بس الواحد لما يتطلع للضيف الجاي بعدك بكون عنده اليقين بأن بكرة أحلى أولا أحب احيي كل الزملاء المتداخلين على أسلوبهم الرائع في السجال والمناكفات والمداعبات الرشيقة التي تحلق بي حيث لا أمنيات تخيب ولا كائنات تمر .. والشكر أجزله لسعادة جنابو الطيب بشير (الفاتح لينا ولا الفاتح من سبتمبر ماعارف!) وللأديبة الراقية ماربل .. فقد كانت الهجمة المرتدة في آخر دقائق الوقت المحتسب بدل الضائع من أروع الهجمات:D.. بكة .. والله عداك العيب حاشا تب ما قصرت وعشنا معك لحظات هى بالعمر تقدر .. وكمان ختمتها مسكا حجازيا أصيلا وأنت ترشح لنا الشاب الفلتة الأديب الشامل أسامة معاوية .. :cool:
هيا رحبوا معي بضيفنا القادم العزيز أبدا :-

الأستاذ / أسامة معاوية الطيب

http://sudanyat.org/vb/image.php?u=1847&dateline=1231590952&type=profile

عكــود

22-06-2013, 04:35 PM

أحييك والله يا الزين على هذا البوست المتجدّد، الممتع، المفيد.

إدارتك للبوست، بكل لطافة وخبرة، أعطته معنىً وسهّلت إستمراريته.

ومعك أرحّب بأسامة معاوية.

كل التحية والتجلّة لك يا أبا أماني.

أبو أماني

22-06-2013, 05:47 PM

اقتباس:
المشاركة الأصلية كتبت بواسطة عكــود http://sudanyat.org/vb/images/buttons/viewpost.gif (http://sudanyat.org/vb/showthread.php?p=544683#post544683)
أحييك والله يا الزين على هذا البوست المتجدّد، الممتع، المفيد.

إدارتك للبوست، بكل لطافة وخبرة، أعطته معنىً وسهّلت إستمراريته.

ومعك أرحّب بأسامة معاوية.

كل التحية والتجلّة لك يا أبا أماني.

عكود يا أخي الله يطوول عمرك ويخليك لوليداتك ونحن منهم! .. دائما.. ترفع لي روحي المعدنية:D!! وتخليني أحس بحبة زهو وخيلاء وغرور .. إفتقدته كثيرا .. وكل ما تشكرني رأسي يكبر وأجري ليك علي بت عمك أقول ليها شوفي أهلك رائهم فيني كيف؟ وباقي اليوم كله أقضيه بقاعة ال(في آي بي) شئ قهوة كاااربة بالجنزبيل وشئ مسحة حنان على الرأس طال شوقي ليها من أول أيام العرس وغايتو أقول ليك شنو ما عارف؟غير الله يطول عمرك ويعمر البيننا تحياتي لأسرتك وكل الأهل .. على فكرة .. علق إسم الضيف الجديد ما تنسى .. يلا .. تشششاااووو :cool:

عادل عسوم

22-06-2013, 06:00 PM

Xسلام يا اسامة معاوية الطيب البشير
ليتك تتحدث عن الوالد والاعمام من اصدقائي وفيهم حملة الدكتوراة في اللغة العربية والاقتصاد وغيره وبمن فيهم تاثرت في ميولك الادبية وسؤالي الاهم هو:
السمت الابداعي لمنطقة منحنى النيل هل هو ينتسب الى قبيلة بعينها ام للمكان ظلالا وسببا اساسا لهذا الابداع
التحية وعشم بالاثراء

أسامة معاوية الطيب

23-06-2013, 10:51 AM

شكرًا بابكر علي حسن ظنك
شكرًا أبو أماني علي كريم ضيافتك
شكرًا عكود
شكرًا عادل عسوم
اعتذر لكم جميعا

رأفت ميلاد

23-06-2013, 11:43 AM

شكرًا بابكر علي حسن ظنك
شكرًا أبو أماني علي كريم ضيافتك
شكرًا عكود
شكرًا عادل عسوم
اعتذر لكم جميعا

أعتذارك مرفوض مرفوض مرفوض

عندنا معاك نقة مهمة شديد

( فَالْجُمُوعُ إِذْ عَلِمُوا تَبِعُوهُ، فَقَبِلَهُمْ وَكَلَّمَهُمْ عَنْ مَلَكُوتِ اللهِ، وَالْمُحْتَاجُونَ إِلَى الشِّفَاءِ شَفَاهُمْ.) يارب كن مع عصمت العالم

تماضر حمزة

23-06-2013, 11:49 AM

حجة امنة

23-06-2013, 12:02 PM

صراحتن انا كنت مفتكرة بكّة حينافس حجوج، لكن يابكة ردودك مستعجلة وخميتنا ساي..

يا أسامة، اعتذارك مابفيدك!

انا عندي ليك كم سؤال، النبي تعال ياخ:p

مع ملاحظة اني مازايرة دايمة في البوست دا، عندي عنصرة وعندي ناسي.. عظمة شديدة:p

هيييييييييع
لا خلااااس أ الليدي تماضر gap

أسامة الله يرضى عليك تعال فرح ليالينا يا عملات وداللمين gap

تماضر حمزة

23-06-2013, 12:33 PM

هيييييييييع
لا خلااااس أ الليدي تماضر gap

gap

خايفة أموت بحادث زي ديانا

شبه عجييييب:D

حجة امنة

23-06-2013, 12:39 PM

خايفة أموت بحادث زي ديانا

شبه عجييييب:D

تُفي ... سريع

عويرة دي .. دا هظار ليك؟!! gap

أبوبكر عباس

23-06-2013, 12:40 PM

خايفة أموت بحادث زي ديانا

شبه عجييييب:D
أقترح ضيافة تماضر قبل تموت بدل أوسامة معاوية

أسعد

23-06-2013, 12:54 PM

شكرًا بابكر علي حسن ظنك
شكرًا أبو أماني علي كريم ضيافتك
شكرًا عكود
شكرًا عادل عسوم
اعتذر لكم جميعا
شكرا اسامة وانت تنشر بيننا ثقافة الاعتذار gap

فتح العليم

23-06-2013, 12:55 PM

شكرًا بابكر علي حسن ظنك
شكرًا أبو أماني علي كريم ضيافتك
شكرًا عكود
شكرًا عادل عسوم
اعتذر لكم جميعا

اعتذارك ما بفيدك يااسامة
ومصرين على حضورك .
ندخل في الجد .
عاوزين نعرف السيرة الذاتية للاخ اسامة .
لماذا اخترت سودانيات ؟
ايهما احسن السودان قبل الانفصال ام بعد الانفصال ؟
مارايك في التالي اسمائهم .
دكتور حسن الترابي
عبدالخالق محجوب .
الطيب صالح .
أغنية عم عبدالرحيم للفنان ا لراحل مصطفي سيد احمد .
في انتظارك

عادل عسوم

23-06-2013, 12:56 PM

شكرا اسامة وانت تنشر بيننا ثقافة الاعتذار gap
(منشورة) من زمان يااسعد
http://upload.wikimedia.org/wikipedia/commons/thumb/6/64/Crosscut_saw.JPG/280px-Crosscut_saw.JPG
:D

أسعد

23-06-2013, 01:10 PM

تعرف يا عادل
انا امس قريت دعوة ابو اماني واحتفاءكم بها
اها جيت كتبت مداخلة سؤالي الاول لاسامه
انو هل فعلا ح يشارك ولا حيعتذر gap

بس قلت اسي لو اسامة فعلا اعتذر (الناس دي ح تعلقها لي في رقبتي)

اسامة قبل كدة رشحوهو للانتخابات
جا شبك الناس شكرا فلان وشكرا علان واعتذر
جوا رشحوهو للجنة مسابقة الشعر نفس الفيلم شكرا فلان وشكرا علان واعتذر

انا خايف بعدين يجيهو ولدو يقول ليهو اديني قروش
يقوم يقول ليهو
(شكرا جدي بشير
وشكرا ابي معاوية
وشكرا لي أنا دا
وشكرا لك ابني
واعتذر لكم جميعا)gap

أبو أماني

23-06-2013, 05:35 PM

اقتباس:
المشاركة الأصلية كتبت بواسطة أسعد http://sudanyat.org/vb/images/buttons/viewpost.gif (http://sudanyat.org/vb/showthread.php?p=544826#post544826)
شكرا اسامة وانت تنشر بيننا ثقافة الاعتذار gap

* أسعد :
شكرا بتاعة قلبك يا .. خلف الله ؟؟ الراجل بندودور فيو يسحب إعتذاره تجي إتا تشكره عشان إعتذر؟ عكود.. أسعد ده أقوم أعضيه في أضانو ولا بتقوم إتا تعضيه.. بعدين تعال هيني .. نحن السودانيين أدب الإعتذار ده ما عندنا كلو كلو .. الواحد يكون غلطان ومعترف بغلطه .. بس تقول ليو إعتذر يحمر ليك ويقول ليك .. ليه أعتذر ليو أنا ..؟ هو أحسن مني بشنو؟ بالله يا أسعد خليك محضر خير وتعال ساعدني ندقسو ..
* أسامة :
أسامه أخوي ده أول طلب أطلبه منك .. ويؤسفني أن أقول ليك إعتذارك مرفوض 100 في المية وإذا أصررت سأكتم الجراح في كبدي غائرات مالها عدد!:confused: ولن أقبله إلا إذا كان السبب هو معرفتي الأكيدة بمقامك السامق الرفيع .. وتحفظك بعدم النزول إلى مقام أدنى .. في هذه الحاله لك العذر ولا جناح عليك وصافيه لبن .. أنتظر ردك مع صادق معزتي لك .. و .. تشششااااوووو:cool:

أسعد

23-06-2013, 05:52 PM

إنتو يا أخوانا أبو السعود ده عوير ولا شنو؟؟؟؟؟؟
كل ابن ادم عوير في نظر الطرف الاخر
يا ابواماني اولا احب اوضح ليك انو البيني وبين اسامة مناكفة، انا عن نفسي بتكيفّ لمن اناكف من احب...
اذا كان دي بالنسبة ليك عوارة
فانا بالنسبة لي بوستك دا كلو عوارة في عوارة
وقصص بيض بتاع كراس الابتدائي المرسوم قلوب وشاقيهو اسهم وبطاقتك الشخصية وهواياتك وبيضنتك في طفولتك وعولاقك في ثانويتك وتهومياتك بعد الزواج...

لكن يظل دائما القانون الازلي (اي زول عاجباهو عوارتو)
فخلينا في عوارتنا عشان نخليك في عوارتك

عبدالمنعم الطيب حسن

23-06-2013, 06:26 PM

شكرًا بابكر علي حسن ظنك
شكرًا أبو أماني علي كريم ضيافتك
شكرًا عكود
شكرًا عادل عسوم
اعتذر لكم جميعا

والله انا كواحد من الجميع ديل قبلان العذرجدا،
شكرًا اسامة ...

أسامة معاوية الطيب

24-06-2013, 12:04 PM

السادة
رأفت ميلاد
تماضر حمزة
حجة آمنة
فتح العليم
أسعد
أشكر لكم مداخلاتكم
اقبلوا اعتذاري

حجة امنة

24-06-2013, 03:21 PM

السادة
رأفت ميلاد
تماضر حمزة
حجة آمنة
فتح العليم
أسعد
أشكر لكم مداخلاتكم
اقبلوا اعتذاري

قبلنا :rolleyes:

قالو ليك يا أسامة واحدة إسمها الرضية، و راجلها إسمو وِداعة الله النوع البيكون أرباب معاشات داك و نقتو بقت كُتر و قاعد ليها في البيت زي شوكة الحوتgap
أهااااا
قومي يا الرضية يوم إتشاكلي مع وِداعة الله، و قامت قاطعتو و أبت تنضم معاو من صباح الرحمن، قومن يا نسوان الحلة تعالن أشربن معاها الجبنة بي الضحوية، لمن جن مارقات مرقت تقدمهن، قامن قالن ليها: هييي يا الرضية ودعناك الله، يلا هي المفروض تقول ليهن: قبلنا وِداعة اللهgap
قامت إتذكرت إنها مكجنه وداعة الله سيد الاسم و ما دايره تجيب طاريه، قامت عوجت قدوما و قالت ليهن: قبلنا :rolleyes:

gapgap
و عليه قبلنا يا أسامة ;)

أمير الأمين

24-06-2013, 03:37 PM

قبلنا :rolleyes:

قالو ليك يا أسامة واحدة إسمها الرضية، و راجلها إسمو وِداعة الله النوع البيكون أرباب معاشات داك و نقتو بقت كُتر و قاعد ليها في البيت زي شوكة الحوتgap
أهااااا
قومي يا الرضية يوم إتشاكلي مع وِداعة الله، و قامت قاطعتو و أبت تنضم معاو من صباح الرحمن، قومن يا نسوان الحلة تعالن أشربن معاها الجبنة بي الضحوية، لمن جن مارقات مرقت تقدمهن، قامن قالن ليها: هييي يا الرضية ودعناك الله، يلا هي المفروض تقول ليهن: قبلنا وِداعة اللهgap
قامت إتذكرت إنها مكجنه وداعة الله سيد الاسم و ما دايره تجيب طاريه، قامت عوجت قدوما و قالت ليهن: قبلنا :rolleyes:

gapgap
و عليه قبلنا يا أسامة ;)
يا اخونا أعد مافى ؟:cool:

أبو أماني

24-06-2013, 04:17 PM

اقتباس:
المشاركة الأصلية كتبت بواسطة أسعد http://sudanyat.org/vb/images/buttons/viewpost.gif (http://sudanyat.org/vb/showthread.php?p=544856#post544856)
كل ابن ادم عوير في نظر الطرف الاخر
يا ابواماني اولا احب اوضح ليك انو البيني وبين اسامة مناكفة، انا عن نفسي بتكيفّ لمن اناكف من احب...
اذا كان دي بالنسبة ليك عوارة
فانا بالنسبة لي بوستك دا كلو عوارة في عوارة
وقصص بيض بتاع كراس الابتدائي المرسوم قلوب وشاقيهو اسهم وبطاقتك الشخصية وهواياتك وبيضنتك في طفولتك وعولاقك في ثانويتك وتهومياتك بعد الزواج...

لكن يظل دائما القانون الازلي (اي زول عاجباهو عوارتو)
فخلينا في عوارتنا عشان نخليك في عوارتك

قالها بدر شاكر السياب رحمه الله في إحدى روائعه الثورية .. ولم تدر بخلدي لحظتها وحقيقي يا عزيزي أسعد.. وجدت نفسي في موقف لا أحسد عليه البتة .. وإجتاحني الندم وأنا أقرأ ماخطة يراعي بحقك ولو بحسن نية .. كانت غيبة عقل ونزق كهول .. وبكل أسف جاءت بحق إنسان أكن له كل الود والمحية الصافية (إسفيريا حتى اللحظة) متمنيا أن تتجسد قريبا .. وصدقني يا أبو السعود بعد ردة فعلك الطبيعية تلك غرقت في ما يندي به جبيني خجلا على جنحتى السخيفة هذه بحقك فلك العتبى حتى ترضى وأثق في كرم أخلاقك رغم ضخامة الذلل.. فالعود الطيب يزداد طيبا كلما زادته النار إحراقا .. والشئ من معدنه لا يستغرب .. هو سلوك كريم من أخ كريم حسب يقيني.. وإن لم تسامحنى يا الحبيب فسأعض بنان الندم حتى أدميه ..ولن يكون ضميري من (الطلقاء)!.. أكرر إعتذاري مجددا .. وأقبل إعتذار الحبيب أسامة (على مضض) فقد كانت حجته دامغة لم أحر معها إلحاحا عليه!.. كعربون للصداقة وحسن النية أرجو منك أن تختار لنا من ذوقك الرفيع ضيفا بديلا لعزيزنا أسامة .. وحتى لا أوصم بالعشوائية والإرتجال.. لم أشاء ترشيحك أنت شخصيا (هذه المرة فقط) .. واللللليلااااا .. أرجى الراجيك ..! الكرة في ملعبك يا الحبيب ولك صادق مودتي .. تشششاااووو .. إلى حين :cool:

أبو أماني

26-06-2013, 04:58 PM

الحبيب عكود ..

سلام مربع .. توقفت كثيرا .. أمام عزوف بعض الزملاء وعدم إستجابة ضيافتي لهم بحجج معظمها أعقله وأستجيب له والبعض أتحفظ عليه وأقبل العذر على مضض فالنفس البشرية كما قال فرويد ..شديدة التعقيد .. ولكن تكرار الظاهر ه هذي جعلني أشك .. فربما كنت فاكيها في روحي وقائل إني .. أسدي خدمة للمنتدى بينما العكس أنا الحين حقيقي (كونفيوزد :confused:) فهلا كفيتني إحتمال الحرج فيما لو رشحت شخصا وإعتذر أيضا مما قد يدفعني لصرف النظر عن الأمر برمته ؟؟ ولك إن إرتأييت أن ترشح عنى شخصا حسب نظرتك .. ولك أن تدلني .. سواء السبيل .. لك مودتي

حجة امنة

26-06-2013, 06:22 PM

لا يا أبو أماني ياخ

ما تزعلني منك gap

البوست دا من أحب البوستات المرت علي في النت دا كلو، ما سودانيات بس :)

واصل بالله

يلا على بركة الله gap

عكــود

26-06-2013, 06:24 PM

سلام يا زين،

لا تُحبط يا أصيل فتطفئ شمعتك.
للناس أسبابها.

واصل ترشيحاتك وسيستمر البوست بإذن الله.

أبو أماني

27-06-2013, 02:03 PM

اقتباس:
المشاركة الأصلية كتبت بواسطة عكــود http://sudanyat.org/vb/images/buttons/viewpost.gif (http://sudanyat.org/vb/showthread.php?p=545575#post545575)
سلام يا زين،

لا تُحبط يا أصيل فتطفئ شمعتك.
للناس أسبابها.

واصل ترشيحاتك وسيستمر البوست بإذن الله.

عكود .. يا أخي إنتا والله واحة وريفة الواحد يستفئ ظلها كل ما إشتد الهجير .. الله يخليك لينا يا ..أب شنب .. الشايقي الجنب وعشانك بكاتل الريح وعشانك قليبي جريح..يا..سمح..ياااااا زين .. لك تقديري .. وكلامك أوامر ..تشششاااووو!
* بس عذرا كدي نديها صنة .. وامخمخ ليكم بمزااااد الضيف الجاي ..

اقتباس:
المشاركة الأصلية كتبت بواسطة حجة امنة http://sudanyat.org/vb/images/buttons/viewpost.gif (http://sudanyat.org/vb/showthread.php?p=545574#post545574)
لا يا أبو أماني ياخ

ما تزعلني منك gap

البوست دا من أحب البوستات المرت علي في النت دا كلو، ما سودانيات بس :)

واصل بالله

يلا على بركة الله gap

والله يا ست الكل كانت القشة والبعير..وفشلت فشلا ذريعا في إستقطاب..شخصين من أحب الناس للقلوب جميعا وليس قلبي وحده .. هما توم آند جيري .. سوري قصدي إسامة وأسعد أو جوز اللوز.. (بهذر يا جماعة)!! تقوموا كمان تدوني سخة كااااربة.. أصلكم اليومين ديل بقيتوا على الهبشة ..!! حقيقي كانت أمنية ..أن يزينا مائدتي وهذا البوست فهما ملاحة المائدة عند الأكل وفاكهتها عند التحلية .. الإحباط جاء مكملا لعدة إحباطات تعيها مثلي .تشل وتشمل كل من كان سوداني هذه الأيام !!.. عموما تفدى لكي الرقاب يا حجة لكي معزتي يلا .. تشششاااوووgap
بالجمبة كده :
التقريظ أعلاه يملأني زهوا .. وقد إنتفخت أوداجي حتى كادت تنفجر آآآآه لو شفتي المنظر على الطبيعة:eek: .. تفحطي كيلو!!! ..

أبو أماني

27-06-2013, 02:42 PM

درجنا في كل مرة ومنذ سنين على ترشيح ضيف من قدامى الزملاء .. ولكن هذه المرة أطل على سماء سودانيات .. بل دار في فلكها كوكبا .. متوهجا.. يعج باطنه بالنفائس والمطايب .. شخص حديث العهد بسودانيات ومازال في مهد التعارف ولكنه مذ خطواته الأولى .. كان له القدح المعلى في حب الناس وأنا أولهم.. هذا الشخص له عدة أصدقاء حميمين هنا ..وعلى راسهم الرائع أبدا مبر .. الذي يحدفنا دوما بالورود والدرر .. وحتى العبد لله إتعكلت فيه وقال ليو بصراحة تامة عند التحية إنو عيكليتة بدرجة (مشير) .. (بس ما برقص)!!:D والظاهر عليو ما صدقني .. عشان كده .. اوريه العكلتة الأمها بت عم أبوها .. واقدم لكم بدون سابق إذن أو معرفة وثيقة .. الحبيب :-

:cool: الأستاذ / ثروت سوار الدهب :cool:

عكود الرسول عليك جييهو لي ووهطو في الكرسي .. وأعدكم بمساجلات ظريفة ظرف حجة أمنة ..كيتن في وهاد وكل حسان سودانيات .. يلا تششااااووو :cool:

أبو أماني

30-07-2013, 09:10 PM

مرت شهور وإنقطعت الأسباب بيننا .. ولكل ظروفه .. بس مقبلين على عيد .. عساه سعيد رغم التحفظات البوردرابية ... أتمنى لكم كل الخير والسعادة .. وقد حرك أشجاني فاصل (تشات) جمعني بالأديب الأريب الأستاذ الدكتور الرائع أبو مازن أحمد زين وقد بلغني بوصول عزيز خطاب وفتحي مسعد السودان وإنه يوم الخميس الجاي تجمع البوردراب كلهم من أسرة سودانيات ولنا لقاء عبر اللقاء المباشر والأثير إنشاء الله .. لكم حبا صادقا من القلب .. وتحية خاصة للشاب الظريف الذي طنشنا بكل سهولة ويسر وعدم إهتمام لا نحسد عليه ..العزيز: -

:cool: الأستاذ / ثروت سوار الدهب :cool:

تشششااااووو:cool:

الرشيد اسماعيل محمود

02-08-2013, 01:20 AM

سلام يا أبو أماني،،
ياخي البوست دا توثيقي بامتياز، وانا عن نفسي قاعد استفيد من تجارب وحكاوي الآخرين القاعدة تتم استضافتهم هنا. ما دام ثروت طنّشك، أنا برشِّح ليك بعد العيد، صاحبنا أمير الأمين.
بالله ما تقول أيّ حاجة، أدفرو برسالة في الخاص، وخليهو يجيك بمعنويات ما بعد رمضان.

ويلا تشااااو

أبو أماني

22-12-2013, 05:18 PM

اقتباس:
المشاركة الأصلية كتبت بواسطة الرشيد اسماعيل محمود http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=550963#post550963)
سلام يا أبو أماني،،
ياخي البوست دا توثيقي بامتياز، وانا عن نفسي قاعد استفيد من تجارب وحكاوي الآخرين القاعدة تتم استضافتهم هنا. ما دام ثروت طنّشك، أنا برشِّح ليك بعد العيد، صاحبنا أمير الأمين.
بالله ما تقول أيّ حاجة، أدفرو برسالة في الخاص، وخليهو يجيك بمعنويات ما بعد رمضان.

ويلا تشااااو :L

الحبيب الرشيد عذرا .. فقد زهجت من محاحاة الضيوف وزوغانهم وفضلت أتفرغ لمشاكلي كل الشهور الفاتت دي والسنة دلوقتي تلفظ أنفاسها الأخيرة .. بوسترك كان بتاريخ 2/8/2013 ودلوقت السنة باقي عليها إسبوع وشوية .. المهم لك العتبى .. حتى ترضى .. أن ما زال العرض قائم .. فهي دعوة صريحة للحبيب أمير ليحل ضيفا خفيف الظل على المائدة .. ولكم كل الحب .. يلا .. تششششااااوووو :D

زول الله

22-12-2013, 06:17 PM

ناصر يوسف

23-12-2013, 09:53 AM

أمير الأمين

23-12-2013, 03:58 PM

إنتو جادين ؟
الكرسى دا جلس عليهو كتاب وشعراء واشباه انبياء :D
يا اح نحن ناس كواليس ومشاهدات ورصد تقاطعات looool بس !
المهم عشان خاطر الحبيب ابو امانى اللى ريط وجوده فى المنتدى
بحواراته الشيقة فى الكرسى وعشان ضرورة وجوده هو...هنا
نتوكل على بركة الله ونقول اللهم اجعل الاسئلة على شاكلة
"كتابك المقضل...ووجبتك المفضلة ....الخ":p

حجة امنة

23-12-2013, 04:08 PM

قال كاتبك المفضل و وجبتك المفضله و قال إيه قال الخ gap

ماف ليك.. تنسلخ زيك و زي الشعراء و أشباه الانبياء و النبلاء دي زيادة من عندي :D

زول الله

23-12-2013, 07:15 PM

بالله عليك يا امير الامين تكلمنا عن تلكم المدينة التاريخ

رفاعه ،، رفاعة العِلم ،، رفاعه الإنسان ،، رفاعه البكان ( جغرافياً )
وخثوووووووثاً خُثوثاً كدي تحكي لينا عن فريق العُوَرَه ياخ looool :p :p
مرحبمبك وحبابك عشرة بلا كشرة في هذا الكرسي الدافيء - عشان السقط وكدا

اولن بالتبادي لايق لينا ويكة ناصر الفوق دي بإسهاب - لاحظ بإسهاااب دي

وثم نجيك بي باقي البهارات

اقول قولي هذا واستغفر الله لي.................

أمير الأمين

24-12-2013, 06:59 PM

ياسلام ابوالاماني السندسية
شوفتك هنا ترد الروح وتجبر خاطر المجروح يعلم الله
ياخي بتخلينا نحس بالزمن الجميل اللحقناه وبالأجمل الفاتنا
ماتستسلم للإحباطات ياحبيبنا
عشان ماتبقى علينا إثنين إنت وبلدنا المهتريء وبنحبو
خليك زي جروفنا الأبت تطاطي للنيل وكلما يكسر عليها تفضل تناضل لحدما ينحسر هو

معاك نقدم الدعوة الماخمج لـ الأمير ود اللمين عشان مغروضين فيهو جد جد
وعايزنو يجي هنا دا عشان نرشو ليك لمن يعرف حاجة زاتو
أهي فرصة وجاتنا لحد عندنا غايتو إلا يعمل رايح

اقول قولي هذا واستغفر الله لي....................

حباب ود الشيخ
نحن ناس محبة وشورة وود مع اهلنا المتصوفة
وقلنا دخلت ود الشيخ هنا تكون حجاب وضرا من الاسئلة
التعسفية نجى نلقاك "قانص" لينا...looool:p:mad:
غايتو الله فىّ.. و"شوت" ساكت اكان غلبتنا الاجابة بى حاى
بنتمها ليك فى الموبايل.. بس خليها فى سرك وانتو ناس اسرار:(

AMAL

24-12-2013, 07:11 PM

سلام ابواماني
وحباب البرينس:cool:

ادينا بطاقتك قولة خير وفتحة خشم looool

أمير الأمين

24-12-2013, 07:14 PM

مو أمير الامين ده ،،،

خلوه علي أنا ده ياخ ،،،

إن ما بان وظهر في باقي السنه دي ،،، أصلي حأكون معاه بمشيئة الله بداية يناير القدامنا ده ،،، أجيبو ليكم فوووووووووو

ومن هسي دي أنا حاجز لي سُعال أو طلب ياخ

بالله عليك يا امير الامين تكلمنا عن تلكم المدينة التاريخ

رفاعه ،، رفاعة العِلم ،، رفاعه الإنسان ،، رفاعه البكان ( جغرافياً )
وخثوووووووثاً خُثوثاً كدي تحكي لينا عن فريق العُوَرَه ياخ looool :p :p
اووه حبيبنا ناصر
عارفة رفاعة دى مدينة طهور.. تحيط بيها حدقات الفة وتحنان
بتتفتح "سحارتها" لاصحاب القلوب الكبيرة بس ..(سؤالك قطعا من هناك)
بتعطى من غير جزاء .. انسانها بسيط متواضع للحد المدهش داك..
رغم حصول اغلبهم على شهادات عالية..تغيب روح هذه الشهادات فى ملماتنا
وفى افراحنا..هل هى شكل من الالفة ؟ قد تكون ...!!
"فريق العورا" مجموعة من بعض الشخصيات تصنف كل شخص انفعالى او زهجى
او شديد الغضب "بالعوير"..عملوا جمعية باشتراك (اى والله :D)..
بتضم اى شخص يقوم بفعل "عوير" حسب التصنيف الفوق داك.. ويحاولو يخفو من حدة سلوكه...الحاد ..
قطعا لو زارو المنتدى ممكن يسجلو كم عضو معاهم :D:p

أمير الأمين

24-12-2013, 07:17 PM

قال كاتبك المفضل و وجبتك المفضله و قال إيه قال الخ gap

ماف ليك.. تنسلخ زيك و زي الشعراء و أشباه الانبياء و النبلاء دي زيادة من عندي :D
الله يجبر بى خاطركِ يا اخ
يعلم الله شوفتكِ ساكت ترد الروح
اسالى ساكت.. سماح:(

أمير الأمين

24-12-2013, 07:22 PM

سلام ابواماني
وحباب البرينس:cool:

ادينا بطاقتك قولة خير وفتحة خشم looool
حباب ست الناس
الاسم : امير الامين حسن
العمر : 43+:Dlooool
المهنة : بكالريوس زراعة جامعة الخرطوم
الحالة الاجتماعية : متزوج ولى احمد ومى ووائل
احمد خلص IGCSE السنة دى
مى على وش أمتحان IGCSE (دعواتكم ليها)
ووائل فى G7
امهم ايمان حسن خريجة حقوق جامعة القاهرة

النور يوسف محمد

25-12-2013, 08:12 AM

ناصر يوسف

25-12-2013, 09:11 AM

حباب ست الناس
الاسم : امير الامين حسن
العمر : 43+:Dlooool
المهنة : بكالريوس زراعة جامعة الخرطوم
الحالة الاجتماعية : متزوج ولى احمد ومى ووائل
احمد خلص IGCSE السنة دى
مى على وش أمتحان IGCSE (دعواتكم ليها)
ووائل فى G7
امهم ايمان حسن خريجة حقوق جامعة القاهرة

غايتو حكاية العُمُر دي أنا شخصياً حأتعامل مع علامة الــ + دي غايتو ،، أسكُت وكِب ،، ههههههههه

ُمَ ياخ إتكلم لينا عربي ياخ ،،، عاوز تشمِت فيني كاتبي المفضل الكاتب الرايق بابكر عباس مُش ؟؟

قلت لي العيال بيقروا في شنو ؟؟ هههههههههه

جيجي

25-12-2013, 01:21 PM

واااو
مائدة دسمة
بنكهة حبوبتي الرفاعية

جيجي

25-12-2013, 01:24 PM

امير
في السعودية يبيع الناس حياتهم حرياتهم انسانيتهم فكرهم بعدة ريالات
ماذا تقول

أبو أماني

26-12-2013, 04:10 PM

اقتباس:
المشاركة الأصلية كتبت بواسطة أمير الأمين http://sudanyat.org/vb/images/buttons/viewpost.gif (http://sudanyat.org/vb/showthread.php?p=567857#post567857)
إنتو جادين ؟
الكرسى دا جلس عليهو كتاب وشعراء واشباه انبياء :D
يا اح نحن ناس كواليس ومشاهدات ورصد تقاطعات looool بس !
المهم عشان خاطر الحبيب ابو امانى اللى ريط وجوده فى المنتدى
بحواراته الشيقة فى الكرسى وعشان ضرورة وجوده هو...هنا
نتوكل على بركة الله ونقول اللهم اجعل الاسئلة على شاكلة
"كتابك المقضل...ووجبتك المفضلة ....الخ":p

حقيقي غبت أيام بعد آخر بوستر نزلته مطالبا أبو أحمد بالجلوس على المائدة .. وجيت أتسحب .. خوفا من إستمرارية الطناش .. والصدمة .. ولكني فوجيئت بأريحية أهنلنا الحلوين .. وعادت رياحين غابت شهورا وسنينا عن الواحات .. ولقيت ود النور وزول الله وجيجي وناصر يوسف وحاجة آمنة .. ودبت الحياة في جسد البوستر الذي كاد أن يلفظ أنفاسه الآخيرة لولا إستجابتي لدعوة رائعة من الأديب الأروع الرشيد بإستضافة من فاق الجميع روعة .. هنيئا لنا ولسودانيات بكم أيها الأحباب وعليكم إكرام ضيفنا الحبوب ...:L

معتصم الطاهر

26-12-2013, 09:43 PM

و نستمر فى الونسة

1-
ما هو مشروعك الأدبي؟

2-
ربما زاملت الطيب برير من هنا أسأل عن علاقة .. الجامعة و النشاط الأدبي و تطور و اثراء الحياة الادبية او فقرها.؟

3-
الغربة .. السبب .. الأهداف و ماذا فعلت لتحققها .؟

أمير الأمين

27-12-2013, 12:07 PM

بسم الله الرحمن الرحيم

سلام يا صاحب ،،

سؤالين من بحر الخفيف ،

1) عضوين بالمنتدى تتمنى أن تلقاهم وبالترتيب :D
2) فى ملامحك براءة و(آثار طفل فى الرمال) فمتى تضطر الى كتابة عبارة جافة ؟؟؟

تحيات وشوق
مرحبتين بالحبيب
المنتدى ملئ بالناس الجميلين (والشنين برضو:D) البتمنى الواحد يلتقى بيهم
رغم هشاشة العلاقة الاجتماعية فى سودانيات (مقارنة بغيره)..من القلب كنت اتمنى ان احظى بلقاء المرحومين خالد الحاج واشراق ضرار..
بالنسبة للشق الثانى اعتقد فى داخل كل منا بعض سوء "تشوهات" نحجبها قسرا خلف الكى بورد .. لا نجملاَ ..و لكن يدور فى ظنى حينها ان الامر لا يستحق فقط

أمير الأمين

27-12-2013, 12:12 PM

غايتو حكاية العُمُر دي أنا شخصياً حأتعامل مع علامة الــ + دي غايتو ،، أسكُت وكِب ،، ههههههههه

ُمَ ياخ إتكلم لينا عربي ياخ ،،، عاوز تشمِت فيني كاتبي المفضل الكاتب الرايق بابكر عباس مُش ؟؟

قلت لي العيال بيقروا في شنو ؟؟ هههههههههه
مسألة العمر دى محسومة يا صاحب (43+) ولا شهر زيادةlooool
ان شاء الله بعد كم سنة كده..!!
اها حتة قراية الاولاد انا عملت كوبى بيست بس ما نى عارف معناها ذاتىlooool
الا فى حضورك لى جدة الجاى (والمنتظرنو طبعا) تقعد معاهم يشرحوه ليك

أمير الأمين

27-12-2013, 12:18 PM

واااو
مائدة دسمة
بنكهة حبوبتي الرفاعية

اهلا يا صديقة
فى عامى الرابع توفى الوالد وانتقلنا من الخرطوم للعيش فى البيت الكبير فى رفاعة
بيت الاسرة الممتدة ..لجدتى من حهة الوالدة عليهما الرحمة تاثير و افضال كثيرة
علىَ.. ففد كانت إمراة حكيمة ذات بعد نظر سديد..

أمير الأمين

27-12-2013, 12:38 PM

امير
في السعودية يبيع الناس حياتهم حرياتهم انسانيتهم فكرهم بعدة ريالات
ماذا تقول
قطعا التنميط و التعميم مخل بتفسير اى ظاهرة..وبختلف معاكى كلياً ان السودانى
المقيم فى السعودية الاقرب الى الانسان السودانى الاصيل مقنع الكاشفات الكريم و الشهم
الشبيه بانسان الزمن الجميل و السبب بسيط انو ما اتعرض للضغوط الاقتصادية فى الغالب التى اتعرض ليها غيره فى السودان وساعده وضعه المالى المستقر عموما على الاحتفاظ "بى حاجاته الاصلية"..زيادة على ذلك المجتمع السعودى مجتمع مغلق بالكامل لا يقبل الاخر ويخافه..(عكس المجنمعات الخليجية الاخرى الاكثر انفتاحاً )..لا تاثير له عليه..
طبعا لا قاعدة للشاذ:D

جيجي

27-12-2013, 01:43 PM

اهلا يا صديقة
فى عامى الرابع توفى الوالد وانتقلنا من الخرطوم للعيش فى البيت الكبير فى رفاعة
بيت الاسرة الممتدة ..لجدتى من حهة الوالدة عليهما الرحمة تاثير و افضال كثيرة
علىَ.. ففد كانت إمراة حكيمة ذات بعد نظر سديد..

:)
مرحب يا ود حبوبتي
انا طبعا حبوبتي عندهاا اصول في رفاعة عشان كدا قلت ليك بطعم حبوبتي الرفاعية
مازالت الى الان تذهب لعزاءات رفاعة

جيجي

27-12-2013, 01:47 PM

قطعا التنميط و التعميم مخل بتفسير اى ظاهرة..وبختلف معاكى كلياً ان السودانى
المقيم فى السعودية الاقرب الى الانسان السودانى الاصيل مقنع الكاشفات الكريم و الشهم
الشبيه بانسان الزمن الجميل و السبب بسيط انو ما اتعرض للضغوط الاقتصادية فى الغالب التى اتعرض ليها غيره فى السودان وساعده وضعه المالى المستقر عموما على الاحتفاظ "بى حاجاته الاصلية"..زيادة على ذلك المجتمع السعودى مجتمع مغلق بالكامل لا يقبل الاخر ويخافه..(عكس المجنمعات الخليجية الاخرى الاكثر انفتاحاً )..لا تاثير له عليه..
طبعا لا قاعدة للشاذ:Dمافي داعي ازرزرك كتير
اكيد انا ما قاصدة الشهامة وقنيع الكاشفات- هسه كان خليتونا من خير قنيع مش كان احسن:p مقنعنا مالكم:)

اوعى تزوق بالمقنع والمغلق:p

أمير الأمين

29-12-2013, 01:38 PM

و نستمر فى الونسة

1- ما هو مشروعك الأدبي؟

مرحب بالباش
الاحلام /الطموحات /الاماكانات اقل من مشروع بكثير ما يُكتب هنا وهناك
مجرد "ونسة" او تواصل مع البعض فى دنيا الاسافير الملئ بالدهشة

2-
ربما زاملت الطيب برير من هنا أسأل عن علاقة .. الجامعة و النشاط الأدبي و تطور و اثراء الحياة الادبية او فقرها.؟

لم التقى الاديب برير إلا فى الاسافير..و مرة او مرتين وجها لوجه..فى جدة
سمعت عن قدرته الفائقة على القاء الشعر ولم احظى بجلسة استماع له.
فى الجامعة اذكر حاولنا مع بعض الاصدقاء كتابة صحف حائطية فى شمبات
وايضا تكوين جمعية للمسرح...محاولات لم تنجح لطغيان النشاط السياسى في الجامعة
على المناشط الاخرى

3- الغربة .. السبب .. الأهداف و ماذا فعلت لتحققها .؟
دفعنا يقين عدم وجود الوظيفة المناسبة بعد التخرج الى الهجرة ..البقاء فى الوطن يعنى الحصول على وظيفة مدرس كاحسن تقدير..جئت الى السعودية ولم تكن فى البال (عدم توفر مقومات الزراعة مقارنة بالسودان)..اشتغلت لفترة فى المجال الزراعى لفترة قصيرة لم يعجبنى الحال تحولت بعدها الى ابحاث ودراسات التسويق ..مجال وجدت فيه نفسى كثيرا..

أمير الأمين

29-12-2013, 01:42 PM

:)
مرحب يا ود حبوبتي
انا طبعا حبوبتي عندهاا اصول في رفاعة عشان كدا قلت ليك بطعم حبوبتي الرفاعية
مازالت الى الان تذهب لعزاءات رفاعة

ان شاء الله يكونوا "هدو" فيكى*

* الجمال طبعا المقصود looool

أبو أماني

06-01-2014, 07:07 PM

ان شاء الله يكونوا "هدو" فيكى*

* الجمال طبعا المقصود looool

الحبيب تكعيب امير سلام وشوق والذي بعده .. وكل عام وإنت بخير وعافية .. معليش عشان عاوز أغلبك معاي شوية كده .. أحب أتعرف عليك أكتر وأكتر .. لماذا ؟ لا تسألني فأنا نفسي أجهل السبب!.. المهم رغبة ملحّة في التعرف على هامة لا يستهان بها من عقولنا المهاجرة ..وما أكثرها هذه الأيام بالذات .. فهلا سمحت وفتحت لي باب بيتك أولا ثم قلبك الذي يحوي أكثر من أربعة غرف ديلوكس حسب يقيني.. وحدثتني حديثا مسهبا حميما عن نفسك والنشأة وبعض المحطات الحنينة التي مررت بها ؟؟؟.
Pl. be my guest and take your time
يلا.. تشششااااووو مؤقتا .. :dance:

نزار حسن علي

07-01-2014, 11:00 AM

ابواماني
اشواقنا بلا ضفاف

أمير الأمين

08-01-2014, 05:20 PM

الحبيب تكعيب امير سلام وشوق والذي بعده .. وكل عام وإنت بخير وعافية .. معليش عشان عاوز أغلبك معاي شوية كده .. أحب أتعرف عليك أكتر وأكتر .. لماذا ؟ لا تسألني فأنا نفسي أجهل السبب!.. المهم رغبة ملحّة في التعرف على هامة لا يستهان بها من عقولنا المهاجرة ..وما أكثرها هذه الأيام بالذات .. فهلا سمحت وفتحت لي باب بيتك أولا ثم قلبك الذي يحوي أكثر من أربعة غرف ديلوكس حسب يقيني.. وحدثتني حديثا مسهبا حميما عن نفسك والنشأة وبعض المحطات الحنينة التي مررت بها ؟؟؟.
Pl. be my guest and take your time
يلا.. تشششااااووو مؤقتا .. :dance:
أهلا وحباب ابو امانى
سؤالك سعب (على قول الاثيوبى والحقوق لماريل) مع الذاكرة الخربة غايتو
الجواب بكون بالتقسيط حسب التساهيل..فمعذرة..فى الطفولة البكر
مازلت اتذكرت جارتنا المصرية جوار نادى الاسرة سابقا..وسرب
البط السارح فى الحوش الضيق...رحلة العودة ليلا الى رفاعة ...
حنينية الاسرة الكبيرة فى الحوش الواسع التى انستنا فجيعة فقد الوالد
فى تلك السن ..اصرار الوالدة على عدم الارتباط مجددا والتفرغ لتربية
اولادها الاربعة ..(لهما الرحمة)..
تعرض اخى الاصغر لحادث وهو فى سن الرابعة ادى الى جرح وشق فى لسانه
اورثه صوتا غليظا وهو فى تلك السن (اسميناهو البالغ)
واورثنى كرها شديد للضجيج والاصوات العالية والصخب
...و ميلا للهدوء ..

ناصر يوسف

09-01-2014, 02:55 PM

أهلا وحباب ابو امانى
فى الطفولة البكر
مازلت اتذكرت جارتنا المصرية جوار نادى الاسرة سابقا..وسرب
البط السارح فى الحوش الضيق....

وبنت المصرية ياخ لووووول :sarcastic_blum:

أنا طبعاً اليومين ديل أكتركم سعادة بإني ملازم الزول الجميل الحُلُو أمير الأمين ده لحام ستلين بس ،،، ههههههه

حقيقي زول زي النسمه ،،، سوداني أصيل وبـــــــس

أمير الأمين

10-01-2014, 03:09 PM

وبنت المصرية ياخ لووووول :sarcastic_blum:

أنا طبعاً اليومين ديل أكتركم سعادة بإني ملازم الزول الجميل الحُلُو أمير الأمين ده لحام ستلين بس ،،، ههههههه

حقيقي زول زي النسمه ،،، سوداني أصيل وبـــــــس
غايتو إلا نكون لعبنا معاها "عريس وعروس برئية " لللووووووول
بالجنبة كده
يا ريت لو كل الناس فى صفاء قلبك:thank_you2:

أمير الأمين

10-01-2014, 03:22 PM

نواصل...
درست كل المراحل فى رفاعة..وتجمعنى بالدراسة محبة كبيرة
لم اتبرم او اتضايق منها ..قطا..ربما للدهشة المصاحبة لكل معلومة
جديدة متاحة او علاقات الود و الصداقات التى تجمعنا مع الزملاء
وقد تكون تلك الاريحية والعلاقة المتميزة التى تجمعنا باساتذة افاضل
لم تكن علاقة طالب و استاذ بل اقرب الى صديق او اخ اكبر وقدوة ومثل اعلى
وبقى منها الاحترام والعرفان من جانبى اذا لمتنا دروب الحياة بعد ذلك.

أمير الأمين

10-01-2014, 03:36 PM

جامعة الخرطوم اصابتنى بالاحباط عند دخولها:shok:
كنت اتخليها فضاء اوسع ..به كثير من الاعتناء والرعاية
وتغلبت علي الخيبة بالقراءات المتعددة فى كل اتجاهات المعرفة..
(افتقد حقيقى الكتاب/ القراءة فى السعودية بنين بسبب المعلوم)
لم انضم لحزب سياسى فى حياتى ولم اصفق لزعيم/قائد ملهم
ولم اتصور مع celebrity لوووووول

أمير الأمين

10-01-2014, 04:45 PM

عن الخاص
اول نبض للقلب عندما كنت فى سادسة ابتدائى (اى والله وش خجلان)
لوردة من مدنى من بانت :declare:كان يعمل اباها مديرا للمدرسة
الثانوية بنات كانوا جيران لنا ..الاسم بالكامل والتقاطيع مازالت محفورة
فى الذاكرة.. بعدها طبعا حدث ولا حرج:grin:

أمير الأمين

10-01-2014, 04:51 PM

اخيرا
نشأت فى بيئة صوفية سمانية
نلوذ يها من كدر الحياة
فى محبة وتواصل
من غير تفريط..

ختاما
كتر خيرا ابو امانى ..
وشكرا على الاستضافة
واظننى قلت كل العندى

فيصل سعد

12-01-2014, 02:51 AM

أبو أماني

12-01-2014, 02:57 AM

اخيرا
نشأت فى بيئة صوفية سمانية
نلوذ يها من كدر الحياة
فى محبة وتواصل
من غير تفريط..

ختاما
كتر خيرا ابو امانى ..
وشكرا على الاستضافة
واظننى قلت كل العندى

الأخ العزيز الفاضل والحبيب للقلب والنفس معا .. شكرا جزيلا على طلتك الأنيقة الباهية والتي أبهجتنا غاية البهجة بأسلوبك الرفيع السلس الحنون والأريحية التي أنا نفسي أحسدك عليها .. كفيت ووفيت وعلمنا منك مالم نك نعلم .. وكمان فتحت آفاق رحبة وشجعت ناس عزيزين علينا بالعود الأحمد من جديد لدار سودانيات العامرة ومائدتها الدسمة بكم ومعكم .. أرجو منك أو من المتداخلين بدون فرز .. ترشيح الشخصية القادمة للمائدة .. وأثق في روعة إختياركم .. وإثرا ودفع هذا البوستر شبه الوثائقي للأمام .. ونحن معكم وبكم ومنكم نتحسس السعادة نعانقها ونقاوم بها المرارات والإحباطات المحيطة بنا .. لكم الحب أنبله ودمتم .. :russian:

فيصل سعد

12-01-2014, 03:09 AM

أرجو منك أو من المتداخلين بدون فرز .. ترشيح الشخصية القادمة للمائدة .. وأثق في روعة إختياركم .. وإثرا ودفع هذا البوستر شبه الوثائقي للأمام .. ونحن معكم وبكم ومنكم نتحسس السعادة نعانقها ونقاوم بها المرارات والإحباطات المحيطة بنا .. لكم الحب أنبله ودمتم .. :russian:

اعتقد انه قد حان الوقت ليجلس الحبيب ود عثمان " مرحبا بعودته و ايابه" على هذا الكرسي .. و ارشحه لكم ضيفا على مائدة ابواماني العامرة .. فالرجل كنز و مخزون استرايجي فنيا و رياضيا و تقنيا .. لما لا و هو من المحاربين القدامى بسودانيات حادي ركب و زميل مسيرة و صاحب اعلى المشاركات في هذا المنبر الشامخ ..

أمير الأمين

12-01-2014, 08:57 AM

مرحب حبابك امير و التحايا عبرك للعم و الخال ابو اماني ..

و سؤالنا لك حول الغربة ما لها و ما عليها و ما هو مستقبل
العودة و الاستقرار النهائي بارض الوطن .. ثم حدثنا قليلا عن
الاشراف على المنتدى و مهامه و بايجاز حول تجربتك .. ثم اخيرا
اين يقف امير الامين سياسيا و فنيا و رياضيا و ان لم ينضم لحزب
او يتصور مع سيلبرتيس..

و دمت بالف خير..
قبل كل شئ الف حمدا لله على الشوفة والطلة
باين المكان كان فاقدك ...
اكيد معاك فى ترشيح ود عثمان صانع الجمال فى هذا المكان
بالنسبة للغربة اعطتنى كاغلب الناس الاستقرار والاسرة الصغيرة
الاختلاط بثقافات متعددة وانماط بشرية لم تكن متاحة من قبل..
التعلم لافاق ومستويات قطعا لم تكن متاحة فى الوطن..(توفر مزيج
هائل من اصحاب الخبرات المختلفة)..
لا افكرفى العودة قريبا فالبلد ما زال طارداً
بالنسبة للاشراف والمنتدى اعتقد ان الطموحات اكبر من ما تم إنجازه
ونتمنى ان يعفو لنا الاعضاء عن الهفوات والتقصير
سياسيا انا مع من يساوى بينى وبين الاخر مهما كانت مظلته..
ويصون الوطن ويوفر لقمة كريمة لانسانه.
الوجدان تريان بجمال اغانى الحقيبة مرورا بالعظماء وردى
عثمان حسين الخ واخر العنقود مصطفى سيد احمد
هلالابى (من التلفزيون)
وبرضو برشلونى:locomotive:
تحياتى ود سعد وابقى بالف خير

النور يوسف محمد

12-01-2014, 09:45 AM

بسم الله الرحمن الرحيم

أمير ياخ قبل أن تغادر الكرسى ،
أود أن أقول لك ـ ومن كل قلبى ـ أنك من ألطف الناس الذين قابلتهم ،

لا أدرى ،
ربما لأن كل معارفى من رفاعة على قدر عال من الظرف والسماحة ،
ربما لأنك تفردت عنهم بمسحة من التواضع ، هى جوهر ما يأسرنى من صفات ،،

شكراً يا صديق
ونشكر هذا الفضاء الذى جمعنا بأمثالك ،،،

أمير الأمين

13-01-2014, 04:08 PM