إهداء أغنية جديدة لود الشيخ الملقب بـ زول الله

[رأفت ميلاد]

بصراحة

سأقوم بدور رجل أعمال

بصراحة

زول الله له صوت متفرد رخيم به طبقات محببة جداً .. عيب أغنياته دائماً

نص ركيك أو لحن رتيب

القصيدة المهداء لـ ود الشيخ محتاجة:

عنوان جميل والبعض القليل من الترتيب

الشاعر الغنائي رغم أنفو (ناصر يوسف) أبو البنيان

القصيدة

تدنقر تعاين تشوف الرهاب

توزع في شوفك يميناً شمالاً حتلقي السراب

أظنك مهاجر ،، مسافر مغادر لأرضٍ جديدة

مفارق الدميرة ومعاها التساب ،،


خليك في ذاتك

وسيب البنية تجيك وتمرقك

تمرقك لغادي
تشيلك تختك
تقلب في روحك
تبسمل وتقرأ

يا الله السلامه
وذاتك تكورك في روحك تتاورك
تصلي وتنوم
ما إنتي الملاذ ودربك بيفتح

شبابيك التمني التحلحل دروبك
ودروبك بتشبه عناكب الفريق

بيوت التشابك
بتشبك يديك
أظنك مسافر مهاجر مغادر

ودربك بيفتح قليبك علي قلب البنية التحبك ،، تريدك
تريدك

بصراحة

القصيدة مهزوزة شوييية فى الوزن فى مناطق ما كتيرة أبداً
بعض الكلمات (يمكن) تكون محتاجة لتبديل لزوم الغنا ما لزوم اللغة

فى النقطة دى محتاجين زول الله ذاتو مع الآتية أسماؤهم فى الإقتراحات
1- النور يوسف(على رأس القائمة)
2- هيثم الشفيع
3- جيجى
4- ود المأمون (ذواقة من الدرجة الأولى)
5- آخرين (عشان ناصر بحبها) :smile:

اللحن يتنافس فيهو كل فنانى المنبر والأختيار لينا بالأجماع

وتطلع أغنية (سوانياتـ)تية 100%

[زول الله]

جميل انو:
اول مرة اسمع رأي واضح بدون مجاملة

والأجمل انو:
الرأي دا من زول جميل جداً وشخصية مرموقة زي "الكافر" رأفت ميلاد

اول شيء الكلمة الـ بالأحمر دي معناها شنو؟؟

مفارق الدميرة ومعاها التساب ،،



ثانياً:
دا كلام جميل جداً وما اظنو طالع من الزول الاسمو ناصر البنعرفو دا
أكيد سارقه وماعلينا المهم يرتبو لينا تاني ويجيب التنازل يختو هنا قدام الناس

ثالثاً:
لو الموضوع دا زبطناهو قبال العيد ف احتمال كبير يتسجل في واحدة من القنوات
عشان نازل السودان هسه في الاسبوع دا ان شاءالله وناوي اسجل كم حاجة.

شكراً نبيلاً يشبهك يارأفت على الكلام السمح الفي الأول داك






اقول قولي هذا واستغفرالله لي...................

[ناصر يوسف]

شنو شنو شنو ؟؟؟

وناصر يوسف ده ظاااااتو منو ياخ
:075:
حكمتو بااااالغة ياخ

[رأفت ميلاد]

شنو شنو شنو ؟؟؟

وناصر يوسف ده ظاااااتو منو ياخ
:075:
حكمتو بااااالغة ياخ

أهاااا جينا للولوة .. دايرين نمشى لى قدام :mad:

[زول الله]

شنو شنو شنو ؟؟؟

وناصر يوسف ده ظاااااتو منو ياخ
:075:
حكمتو بااااالغة ياخ

أهاااا جينا للولوة .. دايرين نمشى لى قدام :mad:

ماقلت ليك؟؟
اها شوف جنس المواسير دي

عشان كدا قلت يجيب التنازل ويختو هنا دا في الصقيعة







اقول قولي هذا واستغفرالله لي..................

[معتصم الطاهر]

رأفت
زول الله

سلام ..


ياخ كدى النقول ليك انا مع ( آخرين) ..

اولا " التساب ".. التساب دا حالة فيضان النيل لما يجيب معاهو الطمي و يختو فى حيضان النيل و يتطلع منو القريرة .. و عادة ما يكون فيضان مضر ..

ثانيا ..

الشغل السمح دا داير ورشة صيغرونة و دى بتكون محضورة .. الايام دى بتتعمل بالاسكايب .. بين الفنان والشاعر و الملحن و الذواقة ..


أها ..

بالمناسبة يا زول الله ..

أنا طالبك لحنين ..

[معتصم الطاهر]

تدنقر تعاين تشوف الرهاب
توزع في شوفك يمينك شمالك حتلقي السراب
لعلك مسافر ،، مغادر .. مهاجر.. لأرضٍ جديدة
مفارق الدميرة زمان التساب ،،
غرقان في ذاتك
تجيك البنية وتمرقك
تمرقك بغادي .. سواحل بعيدة
تشيلك .. تخت شهيق الغريق
تقلب في روحك
تبسمل وتقرأ
يا الله السلامه
وذاتك تكورك لروحك .. تتاورك
تصلي وتنوم
ما إنتي الملاذ ودربك بيفتح
شبابيك التمني .. تتاوق لدربك
ودربك مشابك .. بخيوط العناكب .
بيوت التشابك
بتشبك يديك .. خلف ظنك
أظنك مسافر .. مهاجر .. مغادر
ودربك بيفتح قليبك .. علي قلب البنية التحبك ،،
و تريدك و تريد البحبك

كدى النقراها كدا اولا
و ليه ؟
راى فى ورشة عمل ..


اولا الكلمات بالاحمر دايرة شغل ..

انت ما بتدنقر عشان تشوف .. ( بتصنقع ) ..
بعدين بتغادر الدميرة .. زمان التساب .. افضل

بعدين الصورة الكاملة انك غرقت و تجي بت تمرقك من غرق ..
لازم الصورة التمثيلية تكتمل ..
تمرقك لساحل و انت تشيل و تخت فى نفسك و الشهيق و الغرق ..
بعدين الشبايبك بتطل على الشوارع او الحيشان ..

بعدين الزول بشبك يدينو يا مع الحبيبة و بما انو سافر وبراهو فحيشبكها خلف ظهرو او ظنو او وحدتو ..


دا مثال لأعمال الورشة ..

[عكــود]

توزع في شوفك يمينك شمالك حتلقي السراب

توزع في شوفك يمينك شمالك وشوفك سراب

العندو بليلة اليعاشيبا!

يمكن أجي تاني.

التحيات لنهلة، ناصر، رأفت، خلف الله، معتصم.

[رأفت ميلاد]

شغل ماشى جميل

ناصر أحضرنا ياخ

[عبدالحكيم]

بصراحة

سأقوم بدور رجل أعمال

بصراحة

زول الله له صوت متفرد رخيم به طبقات محببة جداً .. عيب أغنياته دائماً

نص ركيك أو لحن رتيب

القصيدة المهداء لـ ود الشيخ محتاجة:

عنوان جميل والبعض القليل من الترتيب

الشاعر الغنائي رغم أنفو (ناصر يوسف) أبو البنيان

القصيدة

تدنقر تعاين تشوف الرهاب

توزع في شوفك يميناً شمالاً حتلقي السراب

أظنك مهاجر ،، مسافر مغادر لأرضٍ جديدة

مفارق الدميرة ومعاها التساب ،،


خليك في ذاتك

وسيب البنية تجيك وتمرقك

تمرقك لغادي
تشيلك تختك
تقلب في روحك
تبسمل وتقرأ

يا الله السلامه
وذاتك تكورك في روحك تتاورك
تصلي وتنوم
ما إنتي الملاذ ودربك بيفتح

شبابيك التمني التحلحل دروبك
ودروبك بتشبه عناكب الفريق

بيوت التشابك
بتشبك يديك
أظنك مسافر مهاجر مغادر

ودربك بيفتح قليبك علي قلب البنية التحبك ،، تريدك
تريدك

بصراحة

القصيدة مهزوزة شوييية فى الوزن فى مناطق ما كتيرة أبداً
بعض الكلمات (يمكن) تكون محتاجة لتبديل لزوم الغنا ما لزوم اللغة

فى النقطة دى محتاجين زول الله ذاتو مع الآتية أسماؤهم فى الإقتراحات
1- النور يوسف(على رأس القائمة)
2- هيثم الشفيع
3- جيجى
4- ود المأمون (ذواقة من الدرجة الأولى)
5- آخرين (عشان ناصر بحبها) :smile:

اللحن يتنافس فيهو كل فنانى المنبر والأختيار لينا بالأجماع

وتطلع أغنية (سوانياتـ)تية 100%

في ما يبدو لي ..
اللحن على هذ النسق .. رغم اني لا أفقه شيئ في هذه الأشياء ..

http://www.youtube.com/watch?v=D2sFVWIqLsY

اللهم احمي وطنا واحمينا من ركيك الكلام وهابط الغناء ومياعة الفنانين والفنانات وما اكثرهم واكثرهن ..

ما تزعل يا زول الله ...

[رأفت ميلاد]

تدنقر تعاين تشوف الرهاب
توزع في شوفك يمينك شمالك حتلقي السراب
لعلك مسافر ،، مغادر .. مهاجر.. لأرضٍ جديدة
مفارق الدميرة زمان التساب ،،
غرقان في ذاتك
تجيك البنية وتمرقك
تمرقك بغادي .. سواحل بعيدة
تشيلك .. تخت شهيق الغريق
تقلب في روحك
تبسمل وتقرأ
يا الله السلامه
وذاتك تكورك لروحك .. تتاورك
تصلي وتنوم
ما إنتي الملاذ ودربك بيفتح
شبابيك التمني .. تتاوق لدربك
ودربك مشابك .. بخيوط العناكب .
بيوت التشابك
بتشبك يديك .. خلف ظنك
أظنك مسافر .. مهاجر .. مغادر
ودربك بيفتح قليبك .. علي قلب البنية التحبك ،،
و تريدك و تريد البحبك

كدى النقراها كدا اولا
و ليه ؟
راى فى ورشة عمل ..


اولا الكلمات بالاحمر دايرة شغل ..

انت ما بتدنقر عشان تشوف .. ( بتصنقع ) ..
بعدين بتغادر الدميرة .. زمان التساب .. افضل

بعدين الصورة الكاملة انك غرقت و تجي بت تمرقك من غرق ..
لازم الصورة التمثيلية تكتمل ..
تمرقك لساحل و انت تشيل و تخت فى نفسك و الشهيق و الغرق ..
بعدين الشبايبك بتطل على الشوارع او الحيشان ..

بعدين الزول بشبك يدينو يا مع الحبيبة و بما انو سافر وبراهو فحيشبكها خلف ظهرو او ظنو او وحدتو ..


دا مثال لأعمال الورشة ..

معتصم (خلف ظنك) دى راجعا لينا كتلت الموسيقا هنا

[رأفت ميلاد]

توزع في شوفك يمينك شمالك وشوفك سراب

العندو بليلة اليعاشيبا!

يمكن أجي تاني.

التحيات لنهلة، ناصر، رأفت، خلف الله، معتصم.

شوفك التانية نزلت تمام .. بس بقوا أتنين .. شوفوا لينا صرفة للأولى

التعديل:

خطر لىً الأولى تبقى توزع فى شوقك

[رأفت ميلاد]

في ما يبدو لي ..
اللحن على هذ النسق .. رغم اني لا أفقه شيئ في هذه الأشياء ..



اللهم احمي وطنا واحمينا من ركيك الكلام وهابط الغناء ومياعة الفنانين والفنانات وما اكثرهم واكثرهن ..

ما تزعل يا زول الله ...

أقتباس روح اللحن ما بضر .. لكن زول الله عندو لون خاص .. وأعتقد تجاوب الفنان مع اللحن مهم جداً


جملتك التانية يا عبد الحكيم ما مفهومة .. بتنتقد فى الكلمات ولّ زول الله .. الأزواق حق مشروع .. بس يا ريت تضيف راى واضح

[هيثم علي الشفيع]

أنا اسمي مكتوب؟؟؟؟؟:eek:



طاااااااااااااااااايب:cool:




بدايةً
سلامات كتيرة لكل الحضور
ومشكور عمنا المقدّس لهذه الفكرة البديعة
والتي آمل أن ترى النور -بأعجل ما تيسر على قول بني كوز-:biggrin::gap::biggrin:


إن شالله سأعود بمشاركة مفصّلة في الورشة
وأتمناها أن تأتي بحجم العشم



مودتي الأكيدة

[رأفت ميلاد]

سلامات يا هيثم

جايينا متأخر واللآخرون شغالين تش


يا ناصر أحضرنا ولّ نوقف كان ما عاجبك الكلام ده :mad:

[هيثم علي الشفيع]

أها يا عم رأفت ....


كدة كيف؟؟؟؟






أول ما خطر ببالي حال انتهائي من النص ، أغنية مصطفى سيدأحمد (أظنك عرفتي) لجمال حسن سعيد ، إذ ان الشاعر يبدو متاثراً بها بشكل واضح..
ولما كانت هذه الورشة لأجل كتابة نص جماعي بالإستفادة من (عضم) نص الحبيب ناصر ، فأول ما أقترحه هو ..طمس الكلمات والجمل المشابهة للأغنية المعنية واستبدالها باخرى بعيدة عنها لتزهو القصيدة بخصوصيتها وتميّزها عن غيرها...

والآن..
الى محاولاتي -المتواضعة- للمساهمة بالتعديل
مستصحباً آراء واقتراحات الباش -القيّمة جداً برأي-

تصنقع تعاين
تشوف الرهاب

توزع في شوفك
يميناً شمالاً حتلقي السراب

بترجع مهاجر ،،
مسافر مغادر
لأرضٍ جديدة

مفارق الدميرة
ومعاها التساب ،،

خليك في ذاتك

وسيب البنية
تجيكا وتمرقك

تمرقك لغادي
سواحل بعيدة
تشيلك تختك
شهيق للغريق
تقلّب في روحك
تبسمل وتقرأ

يا الله السلامه
وذاتك تكورك
في روحك تتاورك
تصلي وتنوم

ما إنتي الملاذ
في دربك بترحل
غيوم الأماني
التحلحل دروبك
ودروبك بتشبه
عناكب الفريق

بيوت التشابك
بتشبك ايدينك
كأنك مسافر
مهاجر مغادر

ودربك بيفتح
قليبك شوارع
في قلب البنية
التحبك ،، تريدك
تريد البيحبك

[هيثم علي الشفيع]

فضلت حاجة واااااحدة حرقتني في كلامك الأووووول يا عم يا رأفت

واللي هي....


عيب أغنياته دائماً

نص ركيك أو لحن رتيب


الشهادة لله ...

ما انتبهت في النصوص السمعتها لودالشيخ -على قلّتها-
لي كلام ركيك..

يمكن أتفق معاك في قصة لحن رتيب دي -لحد ما-

لكن
نص ركيك..؟؟:eek::eek:

عصرت علينا شويييييية ...
على قول كانديك ردّ الله غربته

[رأفت ميلاد]

فضلت حاجة واااااحدة حرقتني في كلامك الأووووول يا عم يا رأفت

واللي هي....



الشهادة لله ...

ما انتبهت في النصوص السمعتها لودالشيخ -على قلّتها-
لي كلام ركيك..

يمكن أتفق معاك في قصة لحن رتيب دي -لحد ما-

لكن
نص ركيك..؟؟:eek::eek:

عصرت علينا شويييييية ...
على قول كانديك ردّ الله غربته

يا هيثم أنا ما قلت كل أغانيهو .. هى والله أغنية واحدة من كل أغانيهو السمعتها ليهو .. ما متذكرا لكن ممكن أفتشا ليك وهى موجودة هنا .. بس القصة ممكن تكون محرجة .. المهم شاعرا ما من سودانيات

طبعاً أنا لا شاعر ولا ناقد متخصص .. لكن من جماعة الـ على البر عوام :smile:
مرات القصيدة تكون جميلة لكن غنائياً تحتاج الى تعديل لفظى يتجاوب مع الموسيقى لزوم الغناء .. أذكر الهادى آدم قال سكن مع أم كلثوم شهر فى تلحين (أغداّ ألقاك) وأشاد بحسها الشعرى العالى وقبل كل تعديلاتها بدون تحفظ

[زول الله]

ياسلام
ياخ انا في غاية الاستمتاع بهذا الحكي الطاعم

طبعاً بشكر بصورة كبيرة كل الاخوة المشاركين في الورشة دي
وكل من قال في حقي كلمة سمحة او سمحة او سمحة:cool:

المهم اني ما ح أضيف شيء الآن بس عندي تنبيه صغيروني:
القافية البعيييدة بتتعب اللحن شديد وبـ تمطو مط اللستك
الى ان -احياناً- يفقد معاني مفرداته او القالب الصوري بتاعه
حاولو لوتكرمتم -والكلام يشمل ناصر الكابي الزوغة- تعملو قفلات قريبة للقافية
بمعنى بيتين تلاتة وقافية وهكذا
عشان اللحن يتقعد صاح ونقدر نعمل ليهو لازمات تفصل بين الكوبليهات دون تضرر الفكرة

قاااعد ومتابع







اقول قولي هذا واستغفرالله لي......................

[ناصر يوسف]

سلام وكثيف إحترام

أعتذر لعدم تواجدي هنا وعبر سودانيات في الفترة الفائتة

( قراية الكبر ياخ )
انا في كورس ماخد مني زمن كتير ( اريتو متل كورس معتصم ااطاهر ذو الفواكه الطازجات ) ضكور بث
ههههه
سواقة ساعة ونص صباحا للوصول لمكان الكورس
وساعة ونص للوصول للبيت

الليلة راكب مع زميلا لي .. يعني سايقني وقادر ادخل واقراكم وقادر أرد




هوي هه
ها ناس هووووووي

عليكم الله إنتو بي صحكم ؟؟!!!!

حكمتو بااااالغه لكن ياخ

النعمنو كدي درابي الفوق ده سويتو ليهو توم وشمار فقام الشمار زي حرقنا و كده



من وكتين ست الناس

إشراق ضرار رحلت عن دنيانا ( نسأل الله لها الرحمة والمغفرة )

مسعلة المجاراة في الكتابه عندي قلت شديد ياخ

إلا من بعض الاقلام

كالرشيد اسماعيل مثلا مثلا

في ذات تألق ليه في نص تم نثره هنا في سودانيات
ولد كتابة خارجه من روح كتابته
وهكذا كتابتكم السممممممحه بتسوي فينا الفعايل

عندي كتابة كمجاراة لحديقة فواكه الباش معتصم الطاهر القلب
لكن خجلت من إني انزلها ليكم هنا والله

الدراب الفوق ده يا شباب
مجرد تلاقيط مفردات مرقت من الكلام السممممممح حق البت السمحه نهله محكر دي
وخنقني الكلام وجاء مارق هكذا دفعة واحدة
كتابة من المره الاولي
انا شايفو مجرد هرطقة قول عااااااادي جدا

لكن ...

كدي النمسك دقنوسنا الماكن ده ياخ ما يكبر ويطير

طالما النص ده عجبكم ...
سمكروه زي ما عاوزين
وأكتبوا بكان المؤلف :

تأليف أعضاء أعضاء سودانيات

وهو بمثابة هديه خااااالصة للزول الفنان

زول الله




ملهووووزة كما يقول الطيب بشير ربنا يجيبو بجاي راجع ياخ

والملهوزة للأخ/ عبد الحكيم

عبد الحكيم ... إزييييييك ياخ ونعلك طيب

قلت لي شنو ؟

انا معاك ... انا ضد المايعين من المهنقاتيه وزول الله بعيد كل البعد عنهم ياخ

بالرغم من إنو الفيديو ما فتح معاي

ابقوا عافيه ترا



يعلم الله المداخله دي بعافر فيها من الضهر ما مشت علا هسي ياخ

الشبكة
الشبكة
الشبكة

[زول الله]

وهو بمثابة هديه خااااالصة للزول الفنان

زول الله


ايوا كدا الواحد ممكن يتصرف

وبدورنا نعممه لجميع عضوية سودانيات

يللا لي قداااااام







اقول قولي هذا واستغفرالله لي.....................

[معتصم الطاهر]

المهم اني ما ح أضيف شيء الآن بس عندي تنبيه صغيروني:
القافية البعيييدة بتتعب اللحن شديد وبـ تمطو مط اللستك
الى ان -احياناً- يفقد معاني مفرداته او القالب الصوري بتاعه
حاولو لوتكرمتم -والكلام يشمل ناصر الكابي الزوغة- تعملو قفلات قريبة للقافية
بمعنى بيتين تلاتة وقافية وهكذا
عشان اللحن يتقعد صاح ونقدر نعمل ليهو لازمات تفصل بين الكوبليهات دون تضرر الفكرة

قاااعد ومتابع







اقول قولي هذا واستغفرالله لي......................



تصنقع تعاين
تشوف الرهاب

توزع في شوفك
حتلقي السراب

بترجع مهاجر ،،
مسافر مغادر
لأرضٍ الغياب

مفارق الدميرة
زمان التساب ،،

رايح فى ذاتك
سيب البنية
تجيكا وتمرقك
وقول يا حباب

أمرق لغادي
سواحل بعيدة
تشيلك تختك
شهيق للغريق

تقلّب في روحك
تبسمل وتقرأ
خرايط الطريق

يا الله السلامه
و روحك تتاورك
صلاتها و مناما

وفيها الملاذ
في دربك بترحل
غيوم الأماني
و الريد الكرامة

وخريطة دروبك
ودروبك بتشبه
عناكب الفريق

بيوت التشابك
بتشبك ايدينك
و دايما مسافر
مهاجر مغادر
و برضك غريق ..

ودربك بيفتح
قليبك شوارع
في قلب البنية
التحبك ،، رفيق
و تريد البيحبك
والريد العتيق

اها كدا كيف للحن والاغنية مع انو عندى فى حكاية القافية دى ..
لكن للغنا - مرات - بتتطلب

[معتصم الطاهر]

و أهديك هذه ..

و أظنها تمثلك و تمثلنى و كل الذين فى الشنات ( الجوة و البرة) ..
و أخص وجدى الاسعد ..


قدر النوارس ..
واقف على باب الشمس
و كل المفاتيح عندها

شوفك طشاش و منحبس
بين كفوفها و زندها

لملم ضفافك وامِش
لطيب عبيرها و رندها ..

ضيعت باكر من أمس
و الليلة كايس ودها ..

****

بتفتش وشيها مُدُن ..مُدُن
كايس عليها ..و تندها

صاحبت الموانى والسفُن
لو تلقى بلدا يشبها ..

رحلْتَ كما ترحل مُزُن
ضيّعت عفوا دربها

خيّم وراها الحزن
دى الكنت تفرح قربها

****

هاجرت من مدن السكوت
كايس الصهيل فى دربها ..

حسّك هنا و صداك يفوت
هارب من مناسك حبها

قدرك مقسم فى البيوت
و قدر النوارس .. غلبها ..

[رأفت ميلاد]

تصنقع تعاين
تشوف الرهاب

توزع في شوفك
حتلقي السراب

بترجع مهاجر ،،
مسافر مغادر
لأرضٍ الغياب

مفارق الدميرة
زمان التساب ،،

رايح فى ذاتك
سيب البنية
تجيكا وتمرقك
وقول يا حباب

أمرق لغادي
سواحل بعيدة
تشيلك تختك
شهيق للغريق

تقلّب في روحك
تبسمل وتقرأ
خرايط الطريق

يا الله السلامه
و روحك تتاورك
صلاتها و مناما

وفيها الملاذ
في دربك بترحل
غيوم الأماني
و الريد الكرامة

وخريطة دروبك
ودروبك بتشبه
عناكب الفريق

بيوت التشابك
بتشبك ايدينك
و دايما مسافر
مهاجر مغادر
و برضك غريق ..

ودربك بيفتح
قليبك شوارع
في قلب البنية
التحبك ،، رفيق
و تريد البيحبك
والريد العتيق

اها كدا كيف للحن والاغنية مع انو عندى فى حكاية القافية دى ..
لكن للغنا - مرات - بتتطلب

والكلام لـ زول الله

من ناحيتى القصة غنائياً كده جميلة ومنسابة .. لكن الكوبليه البـ الأخضر تقيل شوية وأتخيل لى مفرملو البـ أحمر

رأيكـ/م شنو

[هيثم علي الشفيع]

تصنقع تعاين
تشوف الرهاب

توزع في شوفك
حتلقي السراب

بترجع مهاجر ،،
مسافر مغادر
لأرضٍ الغياب

مفارق الدميرة
زمان التساب ،،

رايح فى ذاتك
سيب البنية
تجيكا وتمرقك
وقول يا حباب

أمرق لغادي
سواحل بعيدة
تشيلك تختك
شهيق للغريق

تقلّب في روحك
تبسمل وتقرأ
خرايط الطريق

يا الله السلامه
و روحك تتاورك
صلاتها و مناما

وفيها الملاذ
في دربك بترحل
غيوم الأماني
و الريد الكرامة

وخريطة دروبك
ودروبك بتشبه
عناكب الفريق

بيوت التشابك
بتشبك ايدينك
و دايما مسافر
مهاجر مغادر
و برضك غريق ..

ودربك بيفتح
قليبك شوارع
في قلب البنية
التحبك ،، رفيق
و تريد البيحبك
والريد العتيق



عم رأفت والباقيين .........كيفنكم؟؟؟

أوافقك في إنو النص كدة...بقى منساب غنائياً وقابل للتلحين

لكن

أختلف معاك في نقاط الخلل
واللي هي -برأي المتواضع- اللونتها أنا بالأحمر
لأنو ورود كلمتين معرفتين بالألف واللام وراء بعض
عطّل إنسياب الإيقاع


والله أعلم






يمممممكن أجي أقدم مقترحات بخصوص القلتو ، ويمكن لأ..
(مزاجي مشخمل* شديد اليومين ديل)




_________________
* براءة إختراع الكلمة تخص الدكتور/محمد عبدالله الريح

[ناصر يوسف]

عم رأفت والباقيين .........كيفنكم؟؟؟

أوافقك في إنو النص كدة...بقى منساب غنائياً وقابل للتلحين

لكن

أختلف معاك في نقاط الخلل
واللي هي -برأي المتواضع- اللونتها أنا بالأحمر
لأنو ورود كلمتين معرفتين بالألف واللام وراء بعض
عطّل إنسياب الإيقاع


والله أعلم






يمممممكن أجي أقدم مقترحات بخصوص القلتو ، ويمكن لأ..
(مزاجي مشخمل* شديد اليومين ديل)




_________________
* براءة إختراع الكلمة تخص الدكتور/محمد عبدالله الريح



كلنا ذلكم الرجل يا صديقي

الشخمله حاصله والله

إنتو أقول ليكم قوله يا شباب ..

و أخص بالقول

ود الشيخ زول الله ورأفت صاحب المفترع ...

هسي معتصم الطاهر ده ما جاب ليكم نص باااااااتع
لاهو محتاج لسمكره ولا سمكرجيه

اهاااااااا

ما تمسكوا في نص معتصم ده وتثنوا ترشيحي لزول الله
يقراه
يحسو
يلحنو
يغنيه
وتبقي أغنية من رحم سودانيات
زي الثنائية الحصلت ما بين محمد حسن العالم الشيخ وزول الله ود الشيخ في أغنية ( جواز سفر صادر من الخرطوم )

[رأفت ميلاد]

سلام

ياهيثم هبشت راسى وكل البكتبو أحساس وأنتوا أصحاب الإحساس


يا ناصر قصيدة معتصم جميلة جميلة جميلة
وكان أداها لينا خير وبركة ..

تعرف قصيدتك أنت بتخيل ليها نغم فرايحى راقص .. أما قصيدة معتصم دايرة نغم رايق بكاى .. الزول يسمعا بالعود يا يكون فى سفرة طويلة بالعربية ولّ مستلقى والقزازة تحت السرير .. أو ولّ .... صعبة دى :rolleyes:

[عبد المنعم حضيري]

في حضرة جمالكم
نسجل حضور
وبِينَات كلامكم
تفرهد زهور
حِنيييين سلامكم
وفايح عطور

مع التحايا القلبية رأفت زول الله ناصر والباقين كلهم

واصلوا

[ناصر يوسف]

سلام

ياهيثم هبشت راسى وكل البكتبو أحساس وأنتوا أصحاب الإحساس


يا ناصر قصيدة معتصم جميلة جميلة جميلة
وكان أداها لينا خير وبركة ..

تعرف قصيدتك أنت بتخيل ليها نغم فرايحى راقص .. أما قصيدة معتصم دايرة نغم رايق بكاى .. الزول يسمعا بالعود يا يكون فى سفرة طويلة بالعربية ولّ مستلقى والقزازة تحت السرير .. أو ولّ .... صعبة دى :rolleyes:
شكرا ليك يا مقدس
البوست ده فيه قيمة مضافة للبورد
ويا ريت لو معتصم برضو يدي زول الله الإذن
حقيقي النص بتاع معتصم نص بديع وجميل للغاية
مش زي تلاقيط مفرداتنا الشينة دي ياخ

يلا يا باش

[ناصر يوسف]

في حضرة جمالكم
نسجل حضور
وبِينَات كلامكم
تفرهد زهور
حِنيييين سلامكم
وفايح عطور

مع التحايا القلبية رأفت زول الله ناصر والباقين كلهم

واصلوا
شكرا يا حضيري يا زول يا راقي
وربنا يقدرنا دايما نقدم للناس ما يفيد وينفع

[وهاد ابراهيم محمد]

هذا نسيج في روحه وترجمانه, يبز عمل القز والنول الفارسي.
فكرة جميلة يا عم رأفت, كالحَباب وأندى.
ومعمولة بحب :smile:
شكرا ليكم كلكم.

[ناصر يوسف]

هذا نسيج في روحه وترجمانه, يبز عمل القز والنول الفارسي.
فكرة جميلة يا عم رأفت, كالحَباب وأندى.
ومعمولة بحب :smile:
شكرا ليكم كلكم.


وهاد كيفنك وأريتك طيبه

تعرفي يا بت العم

الفكرة راقت لي وعجبتني شديد

بإنو في زول تاني بينادي بذات الدعوة الإتكلمنا عنها في وقت ما

وفي شباب هنا حققوا القول ده ،،،
والقول بيقول

سودانيات ( تُنتج فناً ،، وعياً مُضيفاً للناس ما ينفعهم )

زول الله ومحمد حسن عالم الشيخ ( غناء )

عصام عيسي رجب وبله محمد الفاضل وعضو المنبر الخااااامل / خامل كعضو طبعاً الفنان /محمود ( مجموعة أغنيات )

[النور يوسف محمد]

بسم الله الرحمن الرحيم

رأفت ،
أيقونة المحبة والجمال ،
أعذرنى يا صديق على التأخير ،

الفكرة جريئة ،
وإخضاع النص الشعرى ( للسمكرة ) أمر قد يرفضه الكثيرون ،
لكن لا مجال للمجادله فى كونه يعطى النص زخماً ، حركة وفوران ،

ـــــــــــ

من حيث النص افلح الأخوان معتصم وهيثم فى المعالجة ،
وتجدنى أميل الى (معمل ) الباش لمحافظته على نكهة النص الأول ،
وإن كنت أتمنى لو أنه أصر على رأيه المتعلق بالقافية ،

وللأخ زول الله أقول ،
أتمنى أن تتحرر من سجن القافية ،
( ياخ الشعراء بناضلوا من أجل هذه الغاية ) :smile:
الرتابة التى عناها رأفت سببها هذه القوافى المتقاربة ،
والقفلات البعيدة يا سيدى بتديك براح فى تنويع اللحن ، وبتظهر ملكاتك الصوتية الممكن بسهوله تخفيها موسيقى النص ،
فى حين أن القفلات القريبة بتفرض عليك لحن سريع وما بتقدر تاخد راحتك فى الغناء

أعجبتنى ملاحظة هيثم الذكية ،
وبالمناسبة أنا لمست فيه نفس المحجوب فى بعض أغانى وردى ذات الرتم السريع


الفكرة هائلة ،،

[رأفت ميلاد]

هذا نسيج في روحه وترجمانه, يبز عمل القز والنول الفارسي.
فكرة جميلة يا عم رأفت, كالحَباب وأندى.
ومعمولة بحب :smile:
شكرا ليكم كلكم.

سلامات يا وهاد
ناصر ده عندى فيهو حق مشاع :smile: السمكرة بتعبير النور فى القصيدة لغنائها شيئ معمول بيهو لكن فى العادة بين الشاعر والفنان أو الملحن .. ياخ الكابلى سمكر لـ أبى فراس الحمدانى :biggrin::biggrin:

غايتو تغيير كلمة لإيجاد موسيقى معقولة جداً .. بس إضافة ما واقعة لى .. الحذف أيضاً ممكن لكن لـ كوبليه كامل أو بيت .. بس ما لى كلمة تنقص

حق الشاعر لازم يفضل زى ماهو

[ناصر يوسف]

بسم الله الرحمن الرحيم

رأفت ،
أيقونة المحبة والجمال ،
أعذرنى يا صديق على التأخير ،

الفكرة جريئة ،
وإخضاع النص الشعرى ( للسمكرة ) أمر قد يرفضه الكثيرون ،
لكن لا مجال للمجادله فى كونه يعطى النص زخماً ، حركة وفوران ،

ـــــــــــ

من حيث النص افلح الأخوان معتصم وهيثم فى المعالجة ،
وتجدنى أميل الى (معمل ) الباش لمحافظته على نكهة النص الأول ،
وإن كنت أتمنى لو أنه أصر على رأيه المتعلق بالقافية ،

وللأخ زول الله أقول ،
أتمنى أن تتحرر من سجن القافية ،
( ياخ الشعراء بناضلوا من أجل هذه الغاية ) :smile:
الرتابة التى عناها رأفت سببها هذه القوافى المتقاربة ،
والقفلات البعيدة يا سيدى بتديك براح فى تنويع اللحن ، وبتظهر ملكاتك الصوتية الممكن بسهوله تخفيها موسيقى النص ،
فى حين أن القفلات القريبة بتفرض عليك لحن سريع وما بتقدر تاخد راحتك فى الغناء

أعجبتنى ملاحظة هيثم الذكية ،
وبالمناسبة أنا لمست فيه نفس المحجوب فى بعض أغانى وردى ذات الرتم السريع


الفكرة هائلة ،،

ود ابوي يوسف

جنابو النور

تحية واحترام يا حبوب
تعرف يا النور

والله العظيم انا البوست ده بعاين ليه كيف كيف كده ياخ

قال شنو قال ،،،

مجررررد تلاقيط مفردات حنقتنا ومرقناها ،،، عاملين ليها قومه وقعده :075:

سلامات يا وهاد
ناصر ده عندى فيهو حق مشاع :smile: السمكرة بتعبير النور فى القصيدة لغنائها شيئ معمول بيهو لكن فى العادة بين الشاعر والفنان أو الملحن .. ياخ الكابلى سمكر لـ أبى فراس الحمدانى :biggrin::biggrin:

غايتو تغيير كلمة لإيجاد موسيقى معقولة جداً .. بس إضافة ما واقعة لى .. الحذف أيضاً ممكن لكن لـ كوبليه كامل أو بيت .. بس ما لى كلمة تنقص

حق الشاعر لازم يفضل زى ماهو

يا أخوي ،، مُش مجرد حق مُشاع وبس ،،، انا ياني أخوك ( السغنتووووووووتي) ياخ ،،، وفي القلب محبة يعلم مداها الله

الشاعِر ده مو ده ياخ ؟؟؟!!!

نعلو أنـــــــــا ده يا مقدس ؟؟؟

غايتو ،، حِكمتو باااااااالغة ياخ

يا حبوب ،، زي ما قلت ليكم فوق
تلاقيط المفردات دي خنقتني ومرقتها

طالما شفتو إنها ممكن تبقي كلام كويس وممكن تبقي أغنية وشنو شنو داك

إعتبروها حقتكم كلكم ،،، تسمكروها ،، تشخبطوها ،،، تلخبطوها ،،، تغيروها ،،،

والله العظيم فرحان بيكم ياخ وفرحان بالبوست ده ظاتو كمان

النص ده مِلِك خاص بسودانيات ولكم مُطلق الحًريَه فيه



ـــــــــــــــ زول الله الآن معاي في السودان الشقيق ،،، ربما نتلاقي مساء اليوم أو صباح باكر بمشيئة الله

كل سنة وعموم أهل سودانيات بألف خير يا رب