المساعد الشخصي الرقمي

مشاهدة النسخة كاملة : البعاتى

رأفت ميلاد
17-01-2015, 04:41 PM
البعاتى

البعاتى فى (الحجا) هو الإنسان الذى يموت ويقوم من الموت .. من سيمائهم إى (البعاعيت) ليس لهم أقدام بل لهم حوافر حمير

حجاوى البعاتى أقلقت منامنا كأطفال وأدخلت خوف فى قلوبنا من المقابر .. تخلصت من الخوف من الظلمة والبعاتى بالنوم فى مقابر البكرى عندما كنا فى المسالمة وفى أمدرمان كنا نتحدى بالمبيت فى الخرابات التى كانوا يقولون أنها مسكونة بالشياطين

المصريين قالوا (البخاف من البعبع بطلعلو)

سبب طرق الموضوع ده أفلام الـ(Zombie) المجتاحة السينما العالمية السخيقة جداً .. وليس هذا الموضوع ولكن الخوف ..

الموضوع له بقية :011:
شوقي بدري
17-01-2015, 05:02 PM
القريب الي القلب لك التحية ، والي العائلة . ابن اختي الطبيب المهدي مالك عمل في الدمازين في اول ايامه . كان هنالك موظف شاب اسمه عثمان عاجباه نفسه ويتعامل مع اهل البلد بتعالي ويتعمد اسائتهم ويتحرش بالنساء بالمفتوح. المهدي كان مؤدبا جدا ومحبوب عن الناس لا يدخن ولا يشرب وهو رقيق العود يكره المشاكل . وكان ينصح عثمان بان يتعامل مع الناس بلطف وهم يسكنون في نفس الميز .
وعثمان جاي من الحلة كالعادة في الليلن يطلع ليه البعاتي في الخور. ملفلف بالكفن وريحته عفنة . ويقول ليه ازيك يا عثمان . يقوم جاري جري شديد . يقيف لياخد نفس البعاتي يكون منتظره ويقول ليه جاري مالك يا عثمان ؟ نفس الريحه الكريهة والنخنخة . عثمان حصل ليه انهيار تام . وارجعوه الخرطوم للعلاج .
المهدي عرف من ناس البلد . انها حيلة بتلفلفوا كم شاب وكل واحد شايل جدادة ميتة او عضم عفن . وبيكونوا في اماكن متفرقة . وطبعا الانسان لو ما عنده الخلفية ما بيخاف .
البديري
17-01-2015, 07:28 PM
ههههههههههه
رأفتنا...بعاتى الكيزان:biggrin::biggrin:


غايتو البوست دا لو علمى بجيك راجع ان شاءالله، ولو سياسى، يكون هذا فراق بينى وبين هذا البوست
رأفت ميلاد
17-01-2015, 08:31 PM
القريب الي القلب لك التحية ، والي العائلة . ابن اختي الطبيب المهدي مالك عمل في الدمازين في اول ايامه . كان هنالك موظف شاب اسمه عثمان عاجباه نفسه ويتعامل مع اهل البلد بتعالي ويتعمد اسائتهم ويتحرش بالنساء بالمفتوح. المهدي كان مؤدبا جدا ومحبوب عن الناس لا يدخن ولا يشرب وهو رقيق العود يكره المشاكل . وكان ينصح عثمان بان يتعامل مع الناس بلطف وهم يسكنون في نفس الميز .
وعثمان جاي من الحلة كالعادة في الليلن يطلع ليه البعاتي في الخور. ملفلف بالكفن وريحته عفنة . ويقول ليه ازيك يا عثمان . يقوم جاري جري شديد . يقيف لياخد نفس البعاتي يكون منتظره ويقول ليه جاري مالك يا عثمان ؟ نفس الريحه الكريهة والنخنخة . عثمان حصل ليه انهيار تام . وارجعوه الخرطوم للعلاج .
المهدي عرف من ناس البلد . انها حيلة بتلفلفوا كم شاب وكل واحد شايل جدادة ميتة او عضم عفن . وبيكونوا في اماكن متفرقة . وطبعا الانسان لو ما عنده الخلفية ما بيخاف .

حبيبنا شوقى بدرى طلتك تفتح النفس والله

فعلاً مواصفات البعاتى الفاتنى أذكرها هى (الريحة العفتة وهو نخناخ* فى الكلام) الموضوع فعلاً هنا عن (الخوف) وإنسان زى عثمان ده أكيد جبان وبعوض جبنو فى حقارة الآخر خاصة إذا كان الآخر بسماحة ناس الدمازين (فى حينها) وأعتذر لناس الدمازين على الإضافة الإستدراكية لأن الزمن ما عاد الزمن .. عندما سمعت بعمليات تصفية جسدية فى الدلنج أصبت بصدمة .. تلك الأرض التى كانت قطعة من الجنة حينما زرتها

لب الموضع يحتاج حضورك يا حبيبنا

*نخناخ إذا كان إستعمال المفردة قد أندثر معناها كما المتحدث وأنفه مغلقة
رأفت ميلاد
17-01-2015, 08:39 PM
ههههههههههه
رأفتنا...بعاتى الكيزان:biggrin::biggrin:


غايتو البوست دا لو علمى بجيك راجع ان شاءالله، ولو سياسى، يكون هذا فراق بينى وبين هذا البوست

يا البديرى (علمى) دى علمى وعلمك .. بس ممكن يجيب حتى من القوقل أو ذات تجربة أو دراية .. الموضوع (الخوف) .. أقول ليك سر أنا كان خيرونى يختونى فى قفص مغلق مع كلب أو أسد يمكن أختار الأسد :biggrin::biggrin:

لدى صديق جسور ولكن نقطة ضعفو فى (صارقيلة)

السؤال: كيف بتولّد الخوف داخلنا ويقضى على الشجاعة

ملحوظة:
مجرى البوست يجيب ما يجيب ومافى تحجيب لأى مسار .. والسياسة واردة
حسين عبدالجليل
18-01-2015, 01:52 AM
تحياتي أخ رأفت :

أثناء بحثي في اللغة المصرية القديمة(هيروغولفية) عن معني الكلمة القرانية "هيت " ( وقالت هيت لك) والتي وجدت أنها تعني "تعريت , أصبحت عارية" وذكرت ذلك في بوست سابق, أثناء ذلك البحث في الأنترنت عرفت أن كلمة " بع " كانت تعني , عند المصريين القدماء , حاجة قريبة من "بع آتي- بعاتي " حقتنا .

It would leave the body at the time of death. During the days the Ba would make itself useful, at night it would return to the tomb. At this time, it would look for the person to which it belonged. This would be the mummy
ترجمة الكلام الفوق المنقول من "الرموز والتعريفات المصرية"
http://www.egyptartsite.com/symlst.html
"ال بع يخرج من جسد الميت لحظة الوفاة , يهيم و يتجول في النهار و في المساء يعود البع للمقبرة و يبحث عن جسد المتوفي التابع له "

منقول من "مثلوجيا المصريين القدماء."
http://www.egyptianmyths.net/ba.htm
هذه هي رموزال ال بع :
http://www.egyptianmyths.net/images/bahover.gif http://www.egyptianmyths.net/images/ba.gif

ياخ ثقافتنا السودانية المتمثلة في لغتنا اليومية المحكية تذخر برموز تاريخية هامة لم يفكك أغلبها بعد و كثير مما ينسب للمصريين القدماء هو في الاصل نابع من حضارتنا النوبية و التي أصبحت اللهجة السودانية و عاء لها .

يعني أهلنا أضافوا آتي ل بع للتصبح بعاتي ومازالت الذاكرة الجمعية السودانية المتمثلة في اللغة تذخر بالكثير الذي لم يتم اكتشافه بعد .
شوقي بدري
18-01-2015, 03:05 AM
الاستاذ حسن لك التحية .البعاتي اتت من كلمة البعث .بمعني ان الانسان يبعث حيا بعد موته . وانه يخرج من القبر وهو ينخنخ لان انفه ينكسر بسبب ضغط القبر . ويقولون هم ترب البنية. وان البعض قد اودع صبية عند النبي صلي الله عليه وسلم. وعندما عادوا وجدوها قد ماتت . فقالوا ان النبي صلي الله عليه وسلم قد فرط في الوداعة . فدعي الله . وبعثت الصبية , ولكن ذريتها صارت تخرج من القبر . وهذه الخرافات التي يؤمن بها بعض السودانيين . ولكن حدث كثيرا ان البعض اصيب بالتخشب . واعتبره حتي الاطباء من الموتي . ولكنه صحصح وقام واكل الطعام .
البعض كان يداعب البعثيين ويسمي البعثي بالبعاتي .
فيصل سعد
18-01-2015, 03:12 AM
رأفت أفندي ميلاد،، كيفنك يا خواجة يا بتاع الجرجير و العطرون،،، قلت لي بتلاوز من بوبي :biggrin::biggrin: صاحبنا و أخونا و زميلنا في بيت المال يوسف عماد الدين خاطر كان و لا يزال بلاوز من الكديسة،، و كان بيشارك في برنامج جنة الأطفال، و كان اشولنجي حريف قدم و طائرة و تنس، في نادي الشاطئ زمان لو داير تكسب منافسته في تنس الطاولة خلي زول يجدع ليه عضم عضمين مقرشة و يلم كدايس النادي حول الطربيزة و البرندة، وشوا بحمر و اعصابو بتبوظ، و دي الطريقة الوحيدة البيها ممكن تغلبوا و تطقطقوا و تكسب :biggrin::biggrin:

ما الفرق بين البعاتي و السحار و ود امبعلو و شيطان الكوشة؟؟؟
رأفت ميلاد
18-01-2015, 10:13 AM
تحياتي أخ رأفت :

أثناء بحثي في اللغة المصرية القديمة(هيروغولفية) عن معني الكلمة القرانية "هيت " ( وقالت هيت لك) والتي وجدت أنها تعني "تعريت , أصبحت عارية" وذكرت ذلك في بوست سابق, أثناء ذلك البحث في الأنترنت عرفت أن كلمة " بع " كانت تعني , عند المصريين القدماء , حاجة قريبة من "بع آتي- بعاتي " حقتنا .

It would leave the body at the time of death. During the days the Ba would make itself useful, at night it would return to the tomb. At this time, it would look for the person to which it belonged. This would be the mummy
ترجمة الكلام الفوق المنقول من "الرموز والتعريفات المصرية"
http://www.egyptartsite.com/symlst.html
"ال بع يخرج من جسد الميت لحظة الوفاة , يهيم و يتجول في النهار و في المساء يعود البع للمقبرة و يبحث عن جسد المتوفي التابع له "

منقول من "مثلوجيا المصريين القدماء."
http://www.egyptianmyths.net/ba.htm
هذه هي رموزال ال بع :
http://www.egyptianmyths.net/images/bahover.gif http://www.egyptianmyths.net/images/ba.gif

ياخ ثقافتنا السودانية المتمثلة في لغتنا اليومية المحكية تذخر برموز تاريخية هامة لم يفكك أغلبها بعد و كثير مما ينسب للمصريين القدماء هو في الاصل نابع من حضارتنا النوبية و التي أصبحت اللهجة السودانية و عاء لها .

يعني أهلنا أضافوا آتي ل بع للتصبح بعاتي ومازالت الذاكرة الجمعية السودانية المتمثلة في اللغة تذخر بالكثير الذي لم يتم اكتشافه بعد .




سلامات يا حسين

تعرف اللغة الهروغلوفية دايرة خبير آثار نوبى يتعمق فيها .. أعتقد الهروغلوفية هى النوبية مكتوبة ..

زمان صاحبى محسى رحمه الله شرح لى إسم توت عنخ آمون وقال لى النطق الصحيح على ما أذكر (دود عنج آمو) حاجة ليها دخل بالموية ما متذكر .. المهم التكوين من اللغة النوبية يحمل نفس موسيقى الإسم

لكن يا حسين ليه كلمة (هيت) لك أعتبرتها واردة من اللغة المصرية القديمة والقراآن عربى .. لكن غريبة النتيجة الغير غريبة عن الحدث (تعريت)
رأفت ميلاد
18-01-2015, 11:41 AM
الاستاذ حسن لك التحية .البعاتي اتت من كلمة البعث .بمعني ان الانسان يبعث حيا بعد موته . وانه يخرج من القبر وهو ينخنخ لان انفه ينكسر بسبب ضغط القبر . ويقولون هم ترب البنية. وان البعض قد اودع صبية عند النبي صلي الله عليه وسلم. وعندما عادوا وجدوها قد ماتت . فقالوا ان النبي صلي الله عليه وسلم قد فرط في الوداعة . فدعي الله . وبعثت الصبية , ولكن ذريتها صارت تخرج من القبر . وهذه الخرافات التي يؤمن بها بعض السودانيين . ولكن حدث كثيرا ان البعض اصيب بالتخشب . واعتبره حتي الاطباء من الموتي . ولكنه صحصح وقام واكل الطعام .
البعض كان يداعب البعثيين ويسمي البعثي بالبعاتي .

:biggrin::biggrin:
تعرف قصة ترب البنية تدخل فى متعة سرد الحجاوى والأصلها أساطير لكن حبوباتنا ماقصرن فى نسبها للرسول :gap:
تعرف هنا رغم تقدم الطب وقلَت فرصة الخطأ .. بقوة القانون ممنوع دفن الميت فبل ثلاثة أيام ويكون تحت العناية الطبية .. الموضوع سابقة دفن أنسان حى .. سمع صوته تحت الأرض وعملت الخرافات على التردد فى إنقاذه وتم قرار فتح القبر بعد فوات الأوان

غايتو البعثيين بعاعييت :biggrin::biggrin:
رأفت ميلاد
18-01-2015, 12:00 PM
رأفت أفندي ميلاد،، كيفنك يا خواجة يا بتاع الجرجير و العطرون،،، قلت لي بتلاوز من بوبي :biggrin::biggrin: صاحبنا و أخونا و زميلنا في بيت المال يوسف عماد الدين خاطر كان و لا يزال بلاوز من الكديسة،، و كان بيشارك في برنامج جنة الأطفال، و كان اشولنجي حريف قدم و طائرة و تنس، في نادي الشاطئ زمان لو داير تكسب منافسته في تنس الطاولة خلي زول يجدع ليه عضم عضمين مقرشة و يلم كدايس النادي حول الطربيزة و البرندة، وشوا بحمر و اعصابو بتبوظ، و دي الطريقة الوحيدة البيها ممكن تغلبوا و تطقطقوا و تكسب :biggrin::biggrin:

ما الفرق بين البعاتي و السحار و ود امبعلو و شيطان الكوشة؟؟؟

:biggrin::biggrin:
يعنى ده ما محتاج فكى .. كديسة تاكل عشاو

غايتو الفرق بين الجماعة ديل هو الفرق بين الحبوبات ومستواهن التعليمى والثقافى والجغرافى :biggrin::biggrin:

عندنا فى الجزيرة حاجة إسمها (أبو لمبة) ما عارف بدخل فى كاتقورى الجن ولّ الشيطان .. أبو لمبة ده بظهر ليك بالليل زى نور عربية أو لورى أو بطارية .. المهم تباريهو كدليل للسكة ويطلعك فى سقط لقط

يوم جايين من ود الشافعى كدارى ماشين بركات أنا ومحمد الفاتح .. محمد الفاتح من أولاد مدنى .. بالليل التركترات بتشتغل رغم أنو ممنوع فبطلعوا بشغل أسود .. قمت سرحت ليك بمحمد الفاتح بأبو لمبة .. قام التركتر قلب ناحيتنا وكشف ليك عن كلاب محاوطين مرفعين .. فقلت ليهو ياخوى كنت بخوف فيك لكن الكلام دخل الحوش .. فرد جرية ما وقفنا إلا فى السوريبة كابسنا لينا حجة جوة صربفا :biggrin::biggrin:

غايتو طلعنا بكورة لبن ورسلوا جابوا ليهم بكس ودانا بركات
عبدالحكيم
18-01-2015, 12:13 PM
:biggrin::biggrin:
يعنى ده ما محتاج فكى .. كديسة تاكل عشاو

.. فرد جرية ما وقفنا إلا فى السوريبة كابسنا لينا حجة جوة صربفا :biggrin::biggrin:

غايتو طلعنا بكورة لبن ورسلوا جابوا ليهم بكس ودانا بركات

بعاتي يا جبان ..
البعاتي اليعضيك في لسانك .. وأضانك
عشان كده تخاف الداعشيين :gap:
حسين عبدالجليل
18-01-2015, 03:41 PM
الاستاذ حسن لك التحية .البعاتي اتت من كلمة البعث .بمعني ان الانسان يبعث حيا بعد موته . وانه يخرج من القبر وهو ينخنخ لان انفه ينكسر بسبب ضغط القبر . ويقولون هم ترب البنية. وان البعض قد اودع صبية عند النبي صلي الله عليه وسلم. وعندما عادوا وجدوها قد ماتت . فقالوا ان النبي صلي الله عليه وسلم قد فرط في الوداعة . فدعي الله . وبعثت الصبية , ولكن ذريتها صارت تخرج من القبر . وهذه الخرافات التي يؤمن بها بعض السودانيين . ولكن حدث كثيرا ان البعض اصيب بالتخشب . واعتبره حتي الاطباء من الموتي . ولكنه صحصح وقام واكل الطعام .
البعض كان يداعب البعثيين ويسمي البعثي بالبعاتي .


أخونا العزيز و أستاذنا شوقي بدري :
تحياتي الحارة :

أول مرة أسمع ب "ترب البنية" , أحتمال تكون القصة مامنتشرة عند ناس الشمالية .

بخصوص التخشب و عودة بعض المدفونين خطأ لوعيهم و خروجهم من القبر فهذا هو الاساس لافلام "الزومبي" التي تصنعها هوليوود . أهلنا الأفارقة في هاييتي عندهم أعتقاد بأنو بعض السحرة بأستخدامهم لل "فودو " بيقوموا بأستخراج بعض المدفونين خطأ (و هم أحياء فاقدي الوعي) و استعبادهم مدي الحياة لأن أهلهم بينكرونهم بعد خروجهم من القبر .
رأفت ميلاد
18-01-2015, 03:43 PM
بعاتي يا جبان ..
البعاتي اليعضيك في لسانك .. وأضانك
عشان كده تخاف الداعشيين :gap:

بركة العجبتك :smile:
حسين عبدالجليل
18-01-2015, 04:49 PM
لكن يا حسين ليه كلمة (هيت) لك أعتبرتها واردة من اللغة المصرية القديمة والقراآن عربى .. لكن غريبة النتيجة الغير غريبة عن الحدث (تعريت)

تحياتي أخ رأفت :

نعم القرآن الكريم في أجماله نزل بلسان عربي مبين ولكن فيه كلمات قليلة غير عربية (مثل "قسورة" و تعني "أسد" باللغة الحبشية القديمة) ربما لنفس السبب, تلاقح اللغات, الذي نجد به كلمات عربية (كحول , جبر , خوارزميات ) في اللغة الانجليزية .

التفسير الكلاسيكي ل "هيت لك " هو : هَيت : اسم فعل أمر بمعنى هَلُمَّ ، تَعَالَ ، أَسْرِعْ" وهذا تفسير غير مقنع لي لانو "هلم لك " مابتلفق في ذلك الموقف الذي صورته لنا الآيات القرانية السابقة ل "هيت لك" .

كنت زمان قرأت في مجلة مصرية رأي كاتب بأنو "هيت لك" هي كلمة فرعونية قديمة . ولأني زول هباش بحثت عن قاموس هيروعليفي أنجليزي و بحثت فيهو حتي و جدت كلمة "هيت " بالفرعونية و تعني عندهم "تعريت - خلعت ملابسي " وهذا المعني يتوافق بالضبط مع ذلك الموقف التصويري الذي وضحته لنا الآيات القرانية السابقة لقولها "هيت لك" . فامرأة العزيزة جهزت نفسها لأغواء فتاها و ممارسة الجنس معه , لذا فهي قالت له "لقد تعريت لك" . بعدين الايات اللاحقة تتحدث عن قميص يوسف وهل قد من قبل أم من دبر . لاتتحدث الآيات ابدا عن ملابس(قميص) امرأة العزيز, لأنها لم تكن تلبس ملابس في تلك اللحظة - كانت عارية .

من الحاجات الجميلة التي تنتج عن مثل حواراتنا هذه انو الواحد فينا بيزداد علما كل مرة عن طريق شيخنا قوقل . حسع و أنا بجهز للرد علي سؤالك هذا وقع في عيني كتاب < الاتقان في علوم القرآن > لجلال الدين السيوطي وفيه أورد بعض الالفاظ القرآنية الواردة بغير لغة قريش الحجازية http://www.maaber-new.com/books/Itkan_Sayouti.pdf
وفيه يقول:
" - 2808هيت لك أخرج ابن أبي حاتم عن ابن عباس قال هيت لك هلم لك بالقبطية "

يعني بعض المفسرين القدامي عرفوا أن "هيت" هي كلمة قبطية ولكنهم أخفقوا في معرفة المعني لعدم أستحواذهم علي الأدوات (قوقل و قواميس) التي بحوذتنا الآن .
رأفت ميلاد
18-01-2015, 06:08 PM
أول مرة أسمع ب "ترب البنية" , أحتمال تكون القصة مامنتشرة عند ناس الشمالية .


قصة ترب البنية سمعتا بيهيا أنا يمكن تكون أمدرمانية :biggrin::biggrin:
المهم (ترب) ما جاية من مقابر وفى ناس بسموا المقابر الترب .. ترب دى من تيراب أو بمعنى نسلها
رأفت ميلاد
18-01-2015, 06:39 PM
تحياتي أخ رأفت :

نعم القرآن الكريم في أجماله نزل بلسان عربي مبين ولكن فيه كلمات قليلة غير عربية (مثل "قسورة" و تعني "أسد" باللغة الحبشية القديمة) ربما لنفس السبب, تلاقح اللغات, الذي نجد به كلمات عربية (كحول , جبر , خوارزميات ) في اللغة الانجليزية .

التفسير الكلاسيكي ل "هيت لك " هو : هَيت : اسم فعل أمر بمعنى هَلُمَّ ، تَعَالَ ، أَسْرِعْ" وهذا تفسير غير مقنع لي لانو "هلم لك " مابتلفق في ذلك الموقف الذي صورته لنا الآيات القرانية السابقة ل "هيت لك" .

كنت زمان قرأت في مجلة مصرية رأي كاتب بأنو "هيت لك" هي كلمة فرعونية قديمة . ولأني زول هباش بحثت عن قاموس هيروعليفي أنجليزي و بحثت فيهو حتي و جدت كلمة "هيت " بالفرعونية و تعني عندهم "تعريت - خلعت ملابسي " وهذا المعني يتوافق بالضبط مع ذلك الموقف التصويري الذي وضحته لنا الآيات القرانية السابقة لقولها "هيت لك" . فامرأة العزيزة جهزت نفسها لأغواء فتاها و ممارسة الجنس معه , لذا فهي قالت له "لقد تعريت لك" . بعدين الايات اللاحقة تتحدث عن قميص يوسف وهل قد من قبل أم من دبر . لاتتحدث الآيات ابدا عن ملابس(قميص) امرأة العزيز, لأنها لم تكن تلبس ملابس في تلك اللحظة - كانت عارية .

من الحاجات الجميلة التي تنتج عن مثل حواراتنا هذه انو الواحد فينا بيزداد علما كل مرة عن طريق شيخنا قوقل . حسع و أنا بجهز للرد علي سؤالك هذا وقع في عيني كتاب < الاتقان في علوم القرآن > لجلال الدين السيوطي وفيه أورد بعض الالفاظ القرآنية الواردة بغير لغة قريش الحجازية http://www.maaber-new.com/books/Itkan_Sayouti.pdf
وفيه يقول:
" - 2808هيت لك أخرج ابن أبي حاتم عن ابن عباس قال هيت لك هلم لك بالقبطية "

يعني بعض المفسرين القدامي عرفوا أن "هيت" هي كلمة قبطية ولكنهم أخفقوا في معرفة المعني لعدم أستحواذهم علي الأدوات (قوقل و قواميس) التي بحوذتنا الآن .



مافى شكك يوجد إنتقال فى اللغات بعضها البعض يا حسين .. لكن (كحول , جبر , خوارزميات) ما أعتقد عربية بل من السريانية أو الكردية أو من تلك المنطقة فى الشام .. إستعرابهم أتى بتمدد الممالك العربية فى بلاد الشام والعراق ولست متأكداً ولكن إسم (جبرة) كثير لدى السريان والأقباط

السؤال كلمة (قميص) واردة فى الفرنسى chemise وبتنطق شميز وفى الإيطالية camicia وتنطق كميسه .. فهل وردت للعرب أو أتت منهم؟

بمناسبة الأقباط يدعون أنهم سلالة الفراعنة وتوجد شكوك حول روايتهم لبعد اللغة القبطية تماماً عن النوبية الأقرب الى الهيروغلوفية .. قرأت من قبل عن نسلهم أصلاً أتى من آسيا وكانوا أكثر تقدماً من الوطنيين فحكموهم

أنط ليك لى حدوتة نانية .. يوم فى محفل أفريقى ناس الصليب الأحمر نصبوا ليهم خيمة وختوا فيها حبشات يعملن قهوة وطبعاً جابنا الدرب .. معاهن فى الخيمة هنقارية حارة شديد أتسلبطت فيها وكيت ليها عن المجراب .. أهتمت شديد وقالت لى بلغتنا نحن أسمنا المجر ما هنقاريا ونزحنا من جبال روسيا وأستقر معظمنا فى هنقاريا وما حولها لكن فى مجموعة كبيرة أتفقدت فى الهجرة دى فيمكن ديل الوصلوا عندكم
رأفت ميلاد
18-01-2015, 09:55 PM
يا حسين شوف ترب البنية

https://www.youtube.com/watch?v=IN6E5e1uypk
طارق صديق كانديك
18-01-2015, 10:07 PM
غايتو البعثيين بعاعييت :biggrin::biggrin:[/COLOR][/B]

:tongue:
أسعد
18-01-2015, 10:41 PM
كل فعل بطولي يحمل في داخله خوف
لأن الخوف والشجاعة وجهان لعملة واحدة
والعملة الواحدة هي حب الذات
أسعد
18-01-2015, 10:47 PM
يقول المثل العظيم (لو عاوز تعرف فاطنة، شوف محمد في السوق)
بالتالي (لو عاوز تعرف الخوف، شوف الشجاعة في السوق)
لذلك كدي حاول اتقصى وابحث لينا في مفهوم الشجاعة الحقيقي
حينها سندرك جيدا ما هو الخوف ولماذا نخاف
حسين عبدالجليل
19-01-2015, 03:36 AM
يا حسين شوف ترب البنية

https://www.youtube.com/watch?v=IN6E5e1uypk

تحياتي يارأفت :
بمناسبة السحاحير , أخوك طبعا من منطقة ناوا أبا و أما . و أسطورة أنو نحن سحاحير دي شاطبة راسنا و لانعرف ماهو مصدرها . هل لها علاقة بسحرة فرعون ؟ الله أعلم, و جائز لكون ناوا تقع بالقرب من دنقلا العجوز. وهي منطقة غنية بالأثار و حتي بقايا مسجد أتفاقية البقط / مسجد عبدالله بن أبي السرح يوجد بناوا .

في أحدي المرات حضرت أحدي قريباتنا من ناوا للخرطوم (كنا نركب الباخرة حتي كريمة ومن كريمة نأخذ القطار للخرطوم). قطر كريمة تأخر جدا في الوصول حتي ساعة متأخرة في الليل , فأهل قريبتنا الكانوا عايزين يستقبلوها رجعوا بيوتهم . بعد رجوعهم وصل قطارها و لم تجد من يستقبلها . لحسن أو سوء حظها كانت قد تعرفت علي سيدة شايقية في القطر . أها الشايقية بطيبة السودانيين قالت لقريبتنا مافي مشكلة , ياحجة أمشي معاي بيتنا و الصباح تمشي أهلك . مشوا و هناك مشكورين عشوها و طلعوا السراير و فرشوهم في الحوش .

فجأة كدا راجل الشايقية يسأل قريبتنا " أها انتي من وين ياحاجة؟ "
" من ناوا ياولدي ! "

بعد تلك الأجابة المقتضبة جدا لذلك السؤال الذي لم هنالك داع لسؤاله , قريبتنا قالت الليل كلوا لاهي نامت بالخوف (من السكين) , لاهم ناموا بالخوف . لأانو راجل الشايقة طول الليل كان بيسن في سكينه و يقول: "و الله الليلة ال بيسل ضنبو , الله قال ب قولو! "
ماهر حسن محمد بيك
19-01-2015, 08:00 AM
سلامات يا حسين

تعرف اللغة الهروغلوفية دايرة خبير آثار نوبى يتعمق فيها .. أعتقد الهروغلوفية هى النوبية مكتوبة ..

زمان صاحبى محسى رحمه الله شرح لى إسم توت عنخ آمون وقال لى النطق الصحيح على ما أذكر (دود عنج آمو) حاجة ليها دخل بالموية ما متذكر .. المهم التكوين من اللغة النوبية يحمل نفس موسيقى الإسم

لكن يا حسين ليه كلمة (هيت) لك أعتبرتها واردة من اللغة المصرية القديمة والقراآن عربى .. لكن غريبة النتيجة الغير غريبة عن الحدث (تعريت)
سمعت في قناة ديسكفري الإسم كالتالي
toud-ang-amn
باللغة النوبية ( الفاديجا) التي يتحدث بها الفاديجا و الحلفاويين و السكوت و المحس
تود .... معناها ابن
أنج .... معناها الروح
أمن .... الماء
يمكن ترجمتها الى
ابن ماء الحياة
و ترجمة اخرى
ابن النيل
النيل هو مصدر الحياة في المناطق النوبية
رأفت ميلاد
19-01-2015, 05:14 PM
:tongue:

تعرف يا كانديك أب شوك كتب صدام ظهر على وجه القمر .. قلت ليهو يعنى شنو ما قام بعاتى :biggrin::biggrin:
رأفت ميلاد
19-01-2015, 05:20 PM
كل فعل بطولي يحمل في داخله خوف
لأن الخوف والشجاعة وجهان لعملة واحدة
والعملة الواحدة هي حب الذات

يقول المثل العظيم (لو عاوز تعرف فاطنة، شوف محمد في السوق)
بالتالي (لو عاوز تعرف الخوف، شوف الشجاعة في السوق)
لذلك كدي حاول اتقصى وابحث لينا في مفهوم الشجاعة الحقيقي
حينها سندرك جيدا ما هو الخوف ولماذا نخاف

تعرف يا أسعد فى مشاعر فى الإنسان (الحزن الفرح الخوف الشجاعة الكآبة وغيرهم) أعتقد أى إنسان عندو نقص فى المشاعر دى ما طبيعى

فى ناس بنعدم عندهم الخوف .. هؤلاء لا يحوزون على لقب شجاع .. ولكن طبيعتهم إجرامية .. إبراهيم شمس الدين مثالاً
رأفت ميلاد
19-01-2015, 05:28 PM
تحياتي يارأفت :
بمناسبة السحاحير , أخوك طبعا من منطقة ناوا أبا و أما . و أسطورة أنو نحن سحاحير دي شاطبة راسنا و لانعرف ماهو مصدرها . هل لها علاقة بسحرة فرعون ؟ الله أعلم, و جائز لكون ناوا تقع بالقرب من دنقلا العجوز. وهي منطقة غنية بالأثار و حتي بقايا مسجد أتفاقية البقط / مسجد عبدالله بن أبي السرح يوجد بناوا .

في أحدي المرات حضرت أحدي قريباتنا من ناوا للخرطوم (كنا نركب الباخرة حتي كريمة ومن كريمة نأخذ القطار للخرطوم). قطر كريمة تأخر جدا في الوصول حتي ساعة متأخرة في الليل , فأهل قريبتنا الكانوا عايزين يستقبلوها رجعوا بيوتهم . بعد رجوعهم وصل قطارها و لم تجد من يستقبلها . لحسن أو سوء حظها كانت قد تعرفت علي سيدة شايقية في القطر . أها الشايقية بطيبة السودانيين قالت لقريبتنا مافي مشكلة , ياحجة أمشي معاي بيتنا و الصباح تمشي أهلك . مشوا و هناك مشكورين عشوها و طلعوا السراير و فرشوهم في الحوش .

فجأة كدا راجل الشايقية يسأل قريبتنا " أها انتي من وين ياحاجة؟ "
" من ناوا ياولدي ! "

بعد تلك الأجابة المقتضبة جدا لذلك السؤال الذي لم هنالك داع لسؤاله , قريبتنا قالت الليل كلوا لاهي نامت بالخوف (من السكين) , لاهم ناموا بالخوف . لأانو راجل الشايقة طول الليل كان بيسن في سكينه و يقول: "و الله الليلة ال بيسل ضنبو , الله قال ب قولو! "



:biggrin::biggrin:

تعرف يا حسين فى تقليباتى فى فيديوهات البعاعيت فى اليو تيوب واحد قال أربعة من السحرة النازلوا موسى من ناوا :biggrin::biggrin:
فى واحد قال كلام معقول جداً .. قال ناس ناوا أكتر ناس الشمالية قاوموا دخول الإسلام عليهم ومن حيلهم النجحت ببراعة لجعل الناس تركهم فى حالهم حيلة السحاحير .. فكانوا ليلاً بتناوبون على ضفة النيل وأصدار أصوات مخيفة لطرد أى متطفل
رأفت ميلاد
19-01-2015, 05:32 PM
سمعت في قناة ديسكفري الإسم كالتالي
toud-ang-amn
باللغة النوبية ( الفاديجا) التي يتحدث بها الفاديجا و الحلفاويين و السكوت و المحس
تود .... معناها ابن
أنج .... معناها الروح
أمن .... الماء
يمكن ترجمتها الى
ابن ماء الحياة
و ترجمة اخرى
ابن النيل
النيل هو مصدر الحياة في المناطق النوبية
هو ذا فعلاً الكلام القالوا لى المرحوم حامد حسن .. أكيد الفراعنة كانوا النوبيين وليس الأقباط
صديق عيدروس
19-01-2015, 06:11 PM
تحياتي يارأفت :
بمناسبة السحاحير , أخوك طبعا من منطقة ناوا أبا و أما . و أسطورة أنو نحن سحاحير دي شاطبة راسنا و لانعرف ماهو مصدرها . هل لها علاقة بسحرة فرعون ؟ الله أعلم, و جائز لكون ناوا تقع بالقرب من دنقلا العجوز. وهي منطقة غنية بالأثار و حتي بقايا مسجد أتفاقية البقط / مسجد عبدالله بن أبي السرح يوجد بناوا .

في أحدي المرات حضرت أحدي قريباتنا من ناوا للخرطوم (كنا نركب الباخرة حتي كريمة ومن كريمة نأخذ القطار للخرطوم). قطر كريمة تأخر جدا في الوصول حتي ساعة متأخرة في الليل , فأهل قريبتنا الكانوا عايزين يستقبلوها رجعوا بيوتهم . بعد رجوعهم وصل قطارها و لم تجد من يستقبلها . لحسن أو سوء حظها كانت قد تعرفت علي سيدة شايقية في القطر . أها الشايقية بطيبة السودانيين قالت لقريبتنا مافي مشكلة , ياحجة أمشي معاي بيتنا و الصباح تمشي أهلك . مشوا و هناك مشكورين عشوها و طلعوا السراير و فرشوهم في الحوش .

فجأة كدا راجل الشايقية يسأل قريبتنا " أها انتي من وين ياحاجة؟ "
" من ناوا ياولدي ! "

بعد تلك الأجابة المقتضبة جدا لذلك السؤال الذي لم هنالك داع لسؤاله , قريبتنا قالت الليل كلوا لاهي نامت بالخوف (من السكين) , لاهم ناموا بالخوف . لأانو راجل الشايقة طول الليل كان بيسن في سكينه و يقول: "و الله الليلة ال بيسل ضنبو , الله قال ب قولو! "



:like2:
البديري
19-01-2015, 08:06 PM
السؤال: كيف بتولّد الخوف داخلنا ويقضى على الشجاعة



كويس يا حبيبنا،
إنت جبت خُلاصة البوست وهي ;''كيف بتولّد الخوف داخلنا ويقضى على الشجاعة''!
اولاً ;التربية
تانياً ;التربية
ثالثاً ;التربية
دى من ناحية سلوكية، من ما الشخص يتولد وحتى يموت!
نحن للآسف كسودانيين، إتربينا على ; إنو السودانى ممكن يضارب قبيلة لى وحدو!...لكن بخاف من الكلب!!!
السودانى ممكن يخوف بلد!
ولكن بخاف من صوت كيس النايلون المُشربك فى السلك الشايك بتاع الحيطة!!!
السودانى ممكن يفرتك حفلة عرس!
لكن ما ممكن يفرتك شريط كست إتشربك فى ''هيد'' المُسجل!!! لانو بخاف ينقطع!!!!
نحن إتربينا فقط على مواجهة الواقع، والخوف من المجهول للآسف!!!
يتبع.......
البديري
19-01-2015, 08:30 PM
من ناحية علمية يا حبيب;
الشجاعة والخوف عبارة عن غُدد، تتمركز فى المخيخ وتحت الكبدة لكل البشر!
وسبحان الله الحيوانات بتحسها وبتشمها من على البُعد، وبتعرف الزول دا خايف ولا مؤستانس (مؤستانس دى صاح بتتكتب كدا؟).. ما علينا،،
يا حبيب، نحن إتربينا على الخوف من المجهول! والخوف من مابعد المجهول! والخوف من الاستقرار فى هذا المجهول!!!
فنتجت تراكمات لا حصر لها من الخوف من هذا المجهول!!!
فمثلاً; لماذا نخاف من الموت؟ والميتين؟!
سا احكى لك قصصى فى المشارح من رومانيا وحتى هولندا..!!
سيتبع باذن الله...وتصبحون على خير ان شاءالله
أسعد
19-01-2015, 08:45 PM
فى ناس بنعدم عندهم الخوف .. هؤلاء لا يحوزون على لقب شجاع .. ولكن طبيعتهم إجرامية .. إبراهيم شمس الدين مثالاً
بالعكس الناس الطبيعتهم اجرامية
الدافع الرئيسي لاعمالهم هذه هو الخوف
الزي ناس ابراهيم شمس الدين زي الحجاج بن يوسف وغيرهم من السفاحين
يحاربوا الخوف الذي بداخلهم باظهار افعال يعتقدون انها تدل على الشجاعة...
عبدالحكيم
20-01-2015, 08:00 AM
بركة العجبتك :smile:

قلنا شويه كده نخفض درجة التأهب في التعامل مع رأفت ميلاد ..
إلى اللون الازرق بدلا عن اللون البرتقالي ..
ومعروف اللون البرتقالي: يشير الى حالة تأهب قصوى وخطر عال .
وصرفك قليلا عن هاجسك (الاسلام ) .. لعلك ترضى .

إقتراح .. فتح بوست باسم بعاعييت المنتدى مع التكرم بتحديد من هم :tongue:
فيما يشبه دواعش المنتدى ..:gap:
يا .. خواف .
رأفت ميلاد
20-01-2015, 12:29 PM
:like2:

:eek::eek:

لايك شنو يا عيدروس .. أنت كنت حاسى حسين سحار :biggrin::biggrin:
رأفت ميلاد
20-01-2015, 12:33 PM
كويس يا حبيبنا،
إنت جبت خُلاصة البوست وهي ;''كيف بتولّد الخوف داخلنا ويقضى على الشجاعة''!
اولاً ;التربية
تانياً ;التربية
ثالثاً ;التربية
دى من ناحية سلوكية، من ما الشخص يتولد وحتى يموت!
نحن للآسف كسودانيين، إتربينا على ; إنو السودانى ممكن يضارب قبيلة لى وحدو!...لكن بخاف من الكلب!!!
السودانى ممكن يخوف بلد!
ولكن بخاف من صوت كيس النايلون المُشربك فى السلك الشايك بتاع الحيطة!!!
السودانى ممكن يفرتك حفلة عرس!
لكن ما ممكن يفرتك شريط كست إتشربك فى ''هيد'' المُسجل!!! لانو بخاف ينقطع!!!!
نحن إتربينا فقط على مواجهة الواقع، والخوف من المجهول للآسف!!!
يتبع.......

من ناحية علمية يا حبيب;
الشجاعة والخوف عبارة عن غُدد، تتمركز فى المخيخ وتحت الكبدة لكل البشر!
وسبحان الله الحيوانات بتحسها وبتشمها من على البُعد، وبتعرف الزول دا خايف ولا مؤستانس (مؤستانس دى صاح بتتكتب كدا؟).. ما علينا،،
يا حبيب، نحن إتربينا على الخوف من المجهول! والخوف من مابعد المجهول! والخوف من الاستقرار فى هذا المجهول!!!
فنتجت تراكمات لا حصر لها من الخوف من هذا المجهول!!!
فمثلاً; لماذا نخاف من الموت؟ والميتين؟!
سا احكى لك قصصى فى المشارح من رومانيا وحتى هولندا..!!
سيتبع باذن الله...وتصبحون على خير ان شاءالله

ياخ لازم تتابع لمست وتر حساس شديد برجع ليهو بمزاج
رأفت ميلاد
20-01-2015, 12:36 PM
بالعكس الناس الطبيعتهم اجرامية
الدافع الرئيسي لاعمالهم هذه هو الخوف
الزي ناس ابراهيم شمس الدين زي الحجاج بن يوسف وغيرهم من السفاحين
يحاربوا الخوف الذي بداخلهم باظهار افعال يعتقدون انها تدل على الشجاعة...

وجهة نظر معقولة برضو .. هتلر أنتحر قبال يوصلوا ليهو .. يا أسعد تعتقد الإنتحار شجاعة أو جبن
رأفت ميلاد
20-01-2015, 12:39 PM
قلنا شويه كده نخفض درجة التأهب في التعامل مع رأفت ميلاد ..
إلى اللون الازرق بدلا عن اللون البرتقالي ..
ومعروف اللون البرتقالي: يشير الى حالة تأهب قصوى وخطر عال .
وصرفك قليلا عن هاجسك (الاسلام ) .. لعلك ترضى .

إقتراح .. فتح بوست باسم بعاعييت المنتدى مع التكرم بتحديد من هم :tongue:
فيما يشبه دواعش المنتدى ..:gap:
يا .. خواف .

غايتو بعاعيت المنتدى لحدى هسة فيصل وسماح وأسامة وتماضر :biggrin::biggrin:
طارق صديق كانديك
20-01-2015, 01:20 PM
تعرف يا كانديك أب شوك كتب صدام ظهر على وجه القمر .. قلت ليهو يعنى شنو ما قام بعاتى :biggrin::biggrin:

:biggrin::biggrin:

ــــــــ

تعرف ياخواجة في المنطقة الواقعة مابين مارنجان والشكابة بقولو بحوم فيها (اب لمبة) بالليل، والكلام ده يعني قبل ما تكون اللمبات دي منتشرة على الأعمدة والكهرباء متوفرة. فكان مع الظلام الدامس فكرة أب لمبة دي رائجة جدا، غايتو فكرة مواجهة المخاوف فكرة أعتقد انها جيدة وربما أزالت الخوف المسيطر على الشخص من الشئ البخاف منو.

أخوك بعد رحلات كتيرة بالطيران بقى بخاف من الطيران الواحد ده، وواحد أخوي كاشف كده، بخاف من الأماكن المرتفعة. ياخي الانسان ده تركيبة عجيبة.:biggrin:
رأفت ميلاد
20-01-2015, 08:10 PM
:biggrin::biggrin:

ــــــــ

تعرف ياخواجة في المنطقة الواقعة مابين مارنجان والشكابة بقولو بحوم فيها (اب لمبة) بالليل، والكلام ده يعني قبل ما تكون اللمبات دي منتشرة على الأعمدة والكهرباء متوفرة. فكان مع الظلام الدامس فكرة أب لمبة دي رائجة جدا، غايتو فكرة مواجهة المخاوف فكرة أعتقد انها جيدة وربما أزالت الخوف المسيطر على الشخص من الشئ البخاف منو.

أخوك بعد رحلات كتيرة بالطيران بقى بخاف من الطيران الواحد ده، وواحد أخوي كاشف كده، بخاف من الأماكن المرتفعة. ياخي الانسان ده تركيبة عجيبة.:biggrin:

تعرف يا كانديك أنا ذاتى عندى فوبيا المناطق العالية لكن ما أظن ده بدخل فى نطاق الخوف لكن الطيارة ما بتدخل فى الفوبيا دى وبركب عادى

تعرف سليمان أخوى كان عندو نفس المشكلة من المناطق العالية لكن كان بتفوق على نفسو .. مثلاً فى التخرج أخد كأس فى تمارين الثقة عشان تسلق كشافات دار الرياضة ونزل بجبل حتى سنتر الميدان .. يوم أنا وهو فى خزان جبل إولياء بنصطاد على جمب كدة .. فى شباب فى علب الخزان على حيطة رفيعة كده على هاوية بصطادوا .. نادونا وقالوا لينا تعالوا هنا السمك ضارب تمام .. قام طوالى مشى ليهم وقعد معاهم فترة ما قصيرة وأستأذن قال ليهم (معليش أخوى عندو مشكلة مع المناطق العالية) وهو ذاتو كان تعبان :biggrin::biggrin:
الرشيد اسماعيل محمود
21-01-2015, 12:12 AM
كل فعل بطولي يحمل في داخله خوف
لأن الخوف والشجاعة وجهان لعملة واحدة
والعملة الواحدة هي حب الذات
وجدي الأسعد
فيلسوف معاصر وعزابي كمان
أسعد
21-01-2015, 08:37 AM
وجهة نظر معقولة برضو .. هتلر أنتحر قبال يوصلوا ليهو .. يا أسعد تعتقد الإنتحار شجاعة أو جبن
ياخ انا بقول ليك الشجاعة والخوف وجهان لعملة واحدة
عشان كدة الانتحار هو خوف وشجاعة
كدي يا عم رأفت ادينا مفهومك انت للشجاعة
قرقاش
21-01-2015, 08:48 AM
احبه المنتدى تحيه طيبه..
اولا اتمنى من اخونا رافت ان يراجع البوست المسمى ..pk للحبيب الرائع ..المدوخنا وراءه ..اسعد الاسعد ..
اما موضوع الخوف فالفت نظركم الى الخوف الحقيقى ..
من المعروف ان الارض كوكب ..وان مجرتنا فيها ملايين الكواكب ..وان فى الكون ملايين المجرات .. ياللهول .. كيف يكون ههذا الكون .. ومن نحن ..؟ ثم تخيل هذه الشمس ومايحدث فيها من انفجارات ..لاحول ولاقوه الا بالله ..
لو تاملتم ....والله هنا الخوف الحقيقى ..
من خلق هذا الكون ..؟ ومن رب هذا الكون ..؟ ...كل دين وكل فيلسوف وكل عالم..يشير ويؤكد ان هناك خالق ..وان الخالق امرنا بالعباده ..كيف نعبده ..؟ واين..؟ فى المسجد ...؟ ام فى الكنيسه ..؟ ام فى المحراب ..؟
فى سبعينات القرن الماضى امضيت فى مدينه كلكتا الهنديه حوالى خمسه عشر يوم فى منطقه تسمى ( كدر بور ) وفى شارعنا الريئسى ..حينما نتجول كنا نشاهد معابد متعدده .. لو قلت لك ان هناك الف معبد صدقنى وكل معبد له شموعه وله الضامين كفوف اياديهم ومتعبدون لصنم مضاءه حوله الشموع ...
اعتقد ان فلم pk وترجمتها السكران ...كان ينبغى ان يسمى المرعوب
أسعد
21-01-2015, 08:56 AM
كل فعل بطولي يحمل في داخله خوف
لأن الخوف والشجاعة وجهان لعملة واحدة
والعملة الواحدة هي حب الذات
يا الرشيد ياخ المقولة دي عظيمة جدا لكن انا متواضع ليكم ساااااي ^_^
عندك مثلا واحد اسمه اسامة كان شجاع واتوكل على الله واتزوج
وعندك مثلا واحد اسمه الرشيد كان خواف واتوكل على الله وبقى متردد وخائف
أها الاتنين الفوق ديل هم بالضبط وجهين لعملة واحدة، الأول كان شجاع عشان عاوز يثبت للمجتمع انه شجاع وانه ما بخاف والاثبات هنا طبعا عشان الناس تصفق ليهو، يبقى دا فعل أناني لحب الذات عشان تسمع صفقة كبيرة وكدة...
الثاني كان جبان وخواف ودا برضو فعل أناني عشان ما يسمع شماتة الناس فيهو واستهزائهم بيهو لأنو اتورط في الزواج...
شوفت كيف الشجاعة والخوف وجهين لعملة واحدة؟!

طبعا في ناس حرفاء تانية، مثلا واحد اسمه وجدي، اها الناس الحرفاء ديل نقشوا خديعة الحياة، وبدل ما يكون وجه للعملة دي، قام شال العملة دي واتبرع بيها في كشف زواج الخواف التاني... ومضى للحياة يبتهج فيها ولم تكن افعاله مصدرها اشراطات المجتمع الحوله :biggrin:
أسعد
21-01-2015, 08:59 AM
نسيت اضيف انو الشخصيات المذكورة في المداخلة أعلاه، هي من خيال الكاتب ولا توجد لها علاقة بالواقع...
وأي قاريء يفتكر ان الشخصيات هذه عندها علاقة بالواقع، يبقى دا قاريء يحب يشخصن الاشياء العامة سااااي
فيصل سعد
21-01-2015, 09:04 AM
غايتو بعاعيت المنتدى لحدى هسة فيصل وسماح وأسامة وتماضر :biggrin::biggrin:

لا بأس لا بأس يا جلكنة :biggrin::biggrin:
و طالما البعثيين قدامنا، فلا
خوف علينا و لا نحزنون :tongue::tongue:
رأفت ميلاد
21-01-2015, 06:18 PM
ياخ انا بقول ليك الشجاعة والخوف وجهان لعملة واحدة
عشان كدة الانتحار هو خوف وشجاعة
كدي يا عم رأفت ادينا مفهومك انت للشجاعة

والله ده سؤال صعب شديد يا وجدى .. أنا حسب إمكانياتى الشجاعة عندى مرتبطة بالنخوة .. يعنى أنا بعتقد كان فى ناس لابدين فى الخور ما بقطعو لكن شوقى بدرى بقطعو :biggrin: لكن كان جانى صوت مرة بتكورك فى الخور ما أظن أتردد أجرى ألحقا

يوم يا وجدى نايم فى الحوش دخلت أشرب .. لقيت لىّ حرامى حايم فى البيت .. فى الأول أفتكرتو زول من ناس البيت فى الضلمة لكن جمعت لامن شعرت بيهو بتسحب بطريقة عجيبة كدة .. بدل ما أجرى وراهو جريت سريرى أكوس عكازى .. لامن جيتو راجع لقيتو نط الحيطة .. جريت بالباب وشقيت العشر (منطقة بيت الترابى قبال ما تتبنى) لحقنى أخوى الله يرحمو ورجعنى وقال لى كده خطر بكونوا أكتر من واحد لابدين .. المهم تانى يوم جارنا الطيب سكا الحرامى وزملاء الحرامى كانوا فى الحيطة قشطوهوا فى راسو نقلوهو العناية المركزة .. لامن حكوا لى القصة مشيت عاينت للحيطة محل الحرامى نطة لقيت ليك حجر مدنكل .. حمدت الله الرجعنى أكوس العكاز :biggrin::biggrin:

يعنى لو كنت بشجاعة الطيب وسكيت الراجل بدون سلاح كان أكلت نيم :tongue:
رأفت ميلاد
21-01-2015, 06:43 PM
احبه المنتدى تحيه طيبه..
اولا اتمنى من اخونا رافت ان يراجع البوست المسمى ..pk للحبيب الرائع ..المدوخنا وراءه ..اسعد الاسعد ..
اما موضوع الخوف فالفت نظركم الى الخوف الحقيقى ..
من المعروف ان الارض كوكب ..وان مجرتنا فيها ملايين الكواكب ..وان فى الكون ملايين المجرات .. ياللهول .. كيف يكون ههذا الكون .. ومن نحن ..؟ ثم تخيل هذه الشمس ومايحدث فيها من انفجارات ..لاحول ولاقوه الا بالله ..
لو تاملتم ....والله هنا الخوف الحقيقى ..
من خلق هذا الكون ..؟ ومن رب هذا الكون ..؟ ...كل دين وكل فيلسوف وكل عالم..يشير ويؤكد ان هناك خالق ..وان الخالق امرنا بالعباده ..كيف نعبده ..؟ واين..؟ فى المسجد ...؟ ام فى الكنيسه ..؟ ام فى المحراب ..؟
فى سبعينات القرن الماضى امضيت فى مدينه كلكتا الهنديه حوالى خمسه عشر يوم فى منطقه تسمى ( كدر بور ) وفى شارعنا الريئسى ..حينما نتجول كنا نشاهد معابد متعدده .. لو قلت لك ان هناك الف معبد صدقنى وكل معبد له شموعه وله الضامين كفوف اياديهم ومتعبدون لصنم مضاءه حوله الشموع ...
اعتقد ان فلم pk وترجمتها السكران ...كان ينبغى ان يسمى المرعوب

والله يا قرقاش فتحت pk لقيتو فلم هندى غلبنى أكملو ياخ .. لكن راجع لهو على مسئوليتك ..
ياخ ما الهنود ما براهم البعدو الأصنام .. مشيت الفاتيكان لقيت ليك تمثال ضخم لـ بيتر .. ياخ كراعو أتسهكت من كترة التبرك ..
رأفت ميلاد
21-01-2015, 06:45 PM
نسيت اضيف انو الشخصيات المذكورة في المداخلة أعلاه، هي من خيال الكاتب ولا توجد لها علاقة بالواقع...
وأي قاريء يفتكر ان الشخصيات هذه عندها علاقة بالواقع، يبقى دا قاريء يحب يشخصن الاشياء العامة سااااي

:biggrin::biggrin::like2:
رأفت ميلاد
21-01-2015, 06:47 PM
لا بأس لا بأس يا جلكنة :biggrin::biggrin:
و طالما البعثيين قدامنا، فلا
خوف علينا و لا نحزنون :tongue::tongue:

ياخ أنت لاقى تبقى بعاتى بين سماح وتماضر .. ده ما يوم البعث ذاتو ياخ :biggrin::biggrin:
شوقي بدري
21-01-2015, 09:40 PM
نعرف يا رأفت الشجاعة ما قروش بيجخلوها الخزنة وكت ما يدوروها يطلعوها . تصرف الانسان بيختلف حسب الظروف . كنت بمشي مع بناتي اسطبلات الخيل . وخيل الخواجات ديل قدر الافيال ز ولابسين حديد الصوت يخوف ¨:واقل رفسة معناها الموت . والحصين جمب بعض . بناتي بخشوا بين الحصين وتحت رجلينها . وانا بكون خايف عليهم جدا . الموضوع تعود .
كنت بجي من توتي عايم في الليل . لاني متعود علي المنطقة وكنت بسيوق المعدية .مرتين واجهت مسدس بكل برودة لانه المسدس بعيد من فهمي . لكن السكينقد تزعجني جدا لانني طعنت عدة مرات . ولانه انا عارف انه مافي حاجة اسمها سحار ولا بعاتي كنت بمشي اي حتة في ملكال في الليل والقش عالي .
مرة جايين من كوبنهاجن بعد ويك اند كله سهر وعدم نوم . ركبنا الهيدروفويل . وهي باخرة ترتفع من الماء بزلاقات . كان معاي حسين ود الحاوي والرشيد عبد الحليم حامد . جات ريح قوية كاد المركب ان ينقلب وتدفقت المشروبات . وانزل الكابتن المركب لمستوي الماء . ولكن الموج كان يضرب الشبابيك والناس في هلع . انا ما صحيت الا لمن ا المركب وصل الميناء . لقيت الناس بتعاين لي . في مرة قالت لي راجلها . ده يا يكون شجاع او يكون مجنون . الرشيد قعد يكورك فيني . يقول لي كيف تنوم والناس كان حتموت . قلت له ... الدنيا شتاء الموية تلج عند الانسان 5 دقائق ويتجمد . ومافي حاجة حنقدر نعملها . اخير انوم وانا تعبان . الرشيد رفض يركب معاي العربية . ولفترة ما كان بيجيني حردان . انا فكرت يمكن نومتي نوع من الجبن او الهروب الواقع ز او جنون مين عارف ؟ لكن انا ما كنت شايف شجاعة .
بعد زلزال اليمن في 1982 مشيت اليمن بسبب مشكلة . واليمنيين استغربوا لحضوري . وانا نايم في فندق سبأ اسمع ليك اللمبة بتاعة السقف الضخمة تتكسر علي البلاط . وهزة شديدة . واصلت النوم . استحميت وحلقتا نزلت للفطزر القي ليك الناس كلها بره الهوتيل . سالوني ... ما حسيت بالزلزال قلتا ليهم ايوة ولمبتكم اتكسرت . بعد كم يوم مشيت صنعاء لمقابلة المسئول . والغيت الطيارة . ادوني سواق يضرب في القات ويغني مع المسجل ويغرود ويغمض عيونه والطريق كله هاويات .المسئل العاضي المشيت ليه مات في هاوية في الطريق دة بعد مدة قصيرة . اخدتا نومة . بعد شوية اسمع ليك صراخ وخبيط في العربية .... مصري طلعوا من السيارة ندبحو ... اشوف ليك يمنيين باشروا علي . قلت ليهم بغضب مصري ؟؟ .. مصري شنو ؟؟ انا سوداني . وواصلت النوم . واحد يمني قال لا دا سوداني اذا مصري كان يبكي . وصلنا الهوتيل السواق كان بيحكي لليمنيين في القصة مع بعض التهويل . بتاع الاستقبال قال له . انني لم اخف من الزلزال حتي . كان هنالك الاخ بابكر محمد عبد الله عبد السلام والاخ حسن .شبكوا اليمنيين ... السوداني مابيخاف ... وده كلام فاضي كل المشكلة اني ماجمعتا كويس وما كنت فاهم الحاصل . وما فكرت انه اليمنيين عندهم نار مع المصريين . لا شجاعة ولا بطيخ عدم تفهم للموقف .
قرقاش
22-01-2015, 08:25 AM
والله يا قرقاش فتحت pk لقيتو فلم هندى غلبنى أكملو ياخ .. لكن راجع لهو على مسئوليتك ..
ياخ ما الهنود ما براهم البعدو الأصنام .. مشيت الفاتيكان لقيت ليك تمثال ضخم لـ بيتر .. ياخ كراعو أتسهكت من كترة التبرك ..

رافت اؤكد لك لن تندم ابدا ..خليه سهره كده مع الاسكونى فرونى ...
تلغراف خاص ...اها طارق وصلكم ..طمنونا ...
هيثم علي الشفيع
22-01-2015, 09:21 AM
نسيت اضيف انو الشخصيات المذكورة في المداخلة أعلاه، هي من خيال الكاتب ولا توجد لها علاقة بالواقع...
وأي قاريء يفتكر ان الشخصيات هذه عندها علاقة بالواقع، يبقى دا قاريء يحب يشخصن الاشياء العامة سااااي


:biggrin::biggrin::like2:


أنا برضو :like2::biggrin::biggrin::like2::gap::gap::like2:: tongue::tongue::like2:

بعدين يا عم رأفت

أنا عشان (بخاف).....
بخش البوست دة

أقرا وأطلع:075:
قرقاش
22-01-2015, 02:33 PM
قال الشاعر ....

و ياما لفيت وطفت
وف ليله راجع في الضلام قمت
شفت الخوف …
كأنه كلب سد الطريق
وكنت عاوز أقتله ..
بس خفت
عجبي !!”
صلاح جاهين عليه الرحمه
رأفت ميلاد
22-01-2015, 05:44 PM
نعرف يا رأفت الشجاعة ما قروش بيجخلوها الخزنة وكت ما يدوروها يطلعوها . تصرف الانسان بيختلف حسب الظروف . كنت بمشي مع بناتي اسطبلات الخيل . وخيل الخواجات ديل قدر الافيال ز ولابسين حديد الصوت يخوف ¨:واقل رفسة معناها الموت . والحصين جمب بعض . بناتي بخشوا بين الحصين وتحت رجلينها . وانا بكون خايف عليهم جدا . الموضوع تعود .
كنت بجي من توتي عايم في الليل . لاني متعود علي المنطقة وكنت بسيوق المعدية .مرتين واجهت مسدس بكل برودة لانه المسدس بعيد من فهمي . لكن السكينقد تزعجني جدا لانني طعنت عدة مرات . ولانه انا عارف انه مافي حاجة اسمها سحار ولا بعاتي كنت بمشي اي حتة في ملكال في الليل والقش عالي .
مرة جايين من كوبنهاجن بعد ويك اند كله سهر وعدم نوم . ركبنا الهيدروفويل . وهي باخرة ترتفع من الماء بزلاقات . كان معاي حسين ود الحاوي والرشيد عبد الحليم حامد . جات ريح قوية كاد المركب ان ينقلب وتدفقت المشروبات . وانزل الكابتن المركب لمستوي الماء . ولكن الموج كان يضرب الشبابيك والناس في هلع . انا ما صحيت الا لمن ا المركب وصل الميناء . لقيت الناس بتعاين لي . في مرة قالت لي راجلها . ده يا يكون شجاع او يكون مجنون . الرشيد قعد يكورك فيني . يقول لي كيف تنوم والناس كان حتموت . قلت له ... الدنيا شتاء الموية تلج عند الانسان 5 دقائق ويتجمد . ومافي حاجة حنقدر نعملها . اخير انوم وانا تعبان . الرشيد رفض يركب معاي العربية . ولفترة ما كان بيجيني حردان . انا فكرت يمكن نومتي نوع من الجبن او الهروب الواقع ز او جنون مين عارف ؟ لكن انا ما كنت شايف شجاعة .
بعد زلزال اليمن في 1982 مشيت اليمن بسبب مشكلة . واليمنيين استغربوا لحضوري . وانا نايم في فندق سبأ اسمع ليك اللمبة بتاعة السقف الضخمة تتكسر علي البلاط . وهزة شديدة . واصلت النوم . استحميت وحلقتا نزلت للفطزر القي ليك الناس كلها بره الهوتيل . سالوني ... ما حسيت بالزلزال قلتا ليهم ايوة ولمبتكم اتكسرت . بعد كم يوم مشيت صنعاء لمقابلة المسئول . والغيت الطيارة . ادوني سواق يضرب في القات ويغني مع المسجل ويغرود ويغمض عيونه والطريق كله هاويات .المسئل العاضي المشيت ليه مات في هاوية في الطريق دة بعد مدة قصيرة . اخدتا نومة . بعد شوية اسمع ليك صراخ وخبيط في العربية .... مصري طلعوا من السيارة ندبحو ... اشوف ليك يمنيين باشروا علي . قلت ليهم بغضب مصري ؟؟ .. مصري شنو ؟؟ انا سوداني . وواصلت النوم . واحد يمني قال لا دا سوداني اذا مصري كان يبكي . وصلنا الهوتيل السواق كان بيحكي لليمنيين في القصة مع بعض التهويل . بتاع الاستقبال قال له . انني لم اخف من الزلزال حتي . كان هنالك الاخ بابكر محمد عبد الله عبد السلام والاخ حسن .شبكوا اليمنيين ... السوداني مابيخاف ... وده كلام فاضي كل المشكلة اني ماجمعتا كويس وما كنت فاهم الحاصل . وما فكرت انه اليمنيين عندهم نار مع المصريين . لا شجاعة ولا بطيخ عدم تفهم للموقف .

تعرف يا شوقى قصصك دى زى بقلوا (توكل) وهى مواكبة الواقع .. القصة ما برود أو ما تجميع .. الواحد لامن يواجه ما لا مفر منو أخطر شيئ فى اللحظات ديك الـ(panic) .. فى ناس كتير فى الزلازل وما شابه بموتوا من سوء التصرف من حالة الذعر البتصيب الإنسان من تصرفات غلط ويروحوا زى ما بقولوا تحت الرجلين

بعدين أعتقد رياضة الملاكمة أفادتك كتير على قدرة التحكم فى النفس وقت الحوجة ودى شجاعة ما بعدها شجاعة.

قصة الملاكمة دى ذكرتنى صاحبى فى الديم أتعرفت بيهو وهو راجع من الكويت زمن لبعة صدام وضاع منو القدامو والوراهو وكان فى منتهى الطمأنينة .. كان ملاكم فى شبابه وزن خفيف كدة .. يوم سألتو الهداك على الملاكمة شنو .. قال ليّ (قرار الملاكمة ده كان أفضل قرار إتخذتو فى حياتى .. كنا ـ والكلام ليهوـ صعاليك قدام السينما ندق الناس ونبيع التذاكر سوق سوداء .. أتفقت مع شلتى نتعلم الملاكمة عشان نأدب الناس صاح .. قابلت الكوتش وأنا متقندف ورامى كتفى يمين .. الحال ما عجبو فقال لىّ "كدى نجرب إمكانياتك قبال نبتدى" نادى ليهو زول هلفوت كدة وقال ليهو "جرب لينا الزول ده" ضحكت ودخلت الحلبة أتقصع .. الزول ده دقانى دقة ما أخدتها فى حياتى خبت سريع وشديد بقيت أقابض فى الحبل .. الكوتش وأنا بين الميتة والحياة قال لىّ "تستمر معانا ولّ يفتح الله" المهم أنا الجيت أتعلم أأدب الناس تأدبت ومن ديك أصلو ما أتحرشت بزول وشفت لىّ شعلانة زى خلق الله .. وما مديت بدى على زول إلا فى حلبة الملاكمة) :smile:
رأفت ميلاد
22-01-2015, 05:48 PM
رافت اؤكد لك لن تندم ابدا ..خليه سهره كده مع الاسكونى فرونى ...
تلغراف خاص ...اها طارق وصلكم ..طمنونا ...
أوعدك بكرة الجمعة باليل وصابح مئجز موش فلم هندى معناهو طويل :biggrin::biggrin:

هو طارق رجع يعنى :eek: بديهو ليك برضو يوم الجمعة كان ما إتصل بتصل بيهو
رأفت ميلاد
22-01-2015, 05:51 PM
أنا برضو :like2::biggrin::biggrin::like2::gap::gap::like2:: tongue::tongue::like2:

بعدين يا عم رأفت

أنا عشان (بخاف).....
بخش البوست دة

أقرا وأطلع:075:

:biggrin::biggrin:

خايف مننا ولّ من البعاتى .. يا زول بعاتى دى صناعة آدمية .. ما بخوف إلا بنى آدم .. لا تقول لى شيطان أو بعاتى
رأفت ميلاد
22-01-2015, 05:53 PM
قال الشاعر ....

و ياما لفيت وطفت
وف ليله راجع في الضلام قمت
شفت الخوف …
كأنه كلب سد الطريق
وكنت عاوز أقتله ..
بس خفت
عجبي !!”
صلاح جاهين عليه الرحمه

الله يرحمو صلاح جاهين كان بقول درر
أسعد
22-01-2015, 08:27 PM
والله ده سؤال صعب شديد يا وجدى .. أنا حسب إمكانياتى الشجاعة عندى مرتبطة بالنخوة .. يعنى أنا بعتقد كان فى ناس لابدين فى الخور ما بقطعو لكن شوقى بدرى بقطعو :biggrin: لكن كان جانى صوت مرة بتكورك فى الخور ما أظن أتردد أجرى ألحقا

يوم يا وجدى نايم فى الحوش دخلت أشرب .. لقيت لىّ حرامى حايم فى البيت .. فى الأول أفتكرتو زول من ناس البيت فى الضلمة لكن جمعت لامن شعرت بيهو بتسحب بطريقة عجيبة كدة .. بدل ما أجرى وراهو جريت سريرى أكوس عكازى .. لامن جيتو راجع لقيتو نط الحيطة .. جريت بالباب وشقيت العشر (منطقة بيت الترابى قبال ما تتبنى) لحقنى أخوى الله يرحمو ورجعنى وقال لى كده خطر بكونوا أكتر من واحد لابدين .. المهم تانى يوم جارنا الطيب سكا الحرامى وزملاء الحرامى كانوا فى الحيطة قشطوهوا فى راسو نقلوهو العناية المركزة .. لامن حكوا لى القصة مشيت عاينت للحيطة محل الحرامى نطة لقيت ليك حجر مدنكل .. حمدت الله الرجعنى أكوس العكاز :biggrin::biggrin:

يعنى لو كنت بشجاعة الطيب وسكيت الراجل بدون سلاح كان أكلت نيم :tongue:
هههههههه
تعرف يا عمنا الخوف والشجاعة هي غرائز مقسومة بين البشر، زيها وزي الغنى والفقر، الصحة والمرض والعلم والجهل... أسي تقدر تلوم انسان فقير وتشكر الغني؟ أو مثلا تلعن المريض وتمدح العندو الصحة؟! وهكذا

خلينا ناخد المثالين ديل:
أسد لمن يشوف ليهو زول في الغابة، بقوم يسكه ويجري وراه...
الغزال لمن يشوف ليهو زول في الغابة، بقوم جاري منو ويهرب...
أها في الحالة دي الأسد شجاع والغزال جبان صاااااح؟
مع انو ردود افعال الاسد والغزال كانت على حسب غريزتهم واتصرفوا بناء على قسمتهم ونصيبهم في الحياة...
دا من ناحية
من الناحية الفي الشارع التاني
الشجاع في حاجة بتلقاهو جبان في حاجات تانية
والخواف في حاجة بتلقاهو شجاع في حاجات تانية
رأفت ميلاد
23-01-2015, 06:19 PM
هههههههه
تعرف يا عمنا الخوف والشجاعة هي غرائز مقسومة بين البشر، زيها وزي الغنى والفقر، الصحة والمرض والعلم والجهل... أسي تقدر تلوم انسان فقير وتشكر الغني؟ أو مثلا تلعن المريض وتمدح العندو الصحة؟! وهكذا

خلينا ناخد المثالين ديل:
أسد لمن يشوف ليهو زول في الغابة، بقوم يسكه ويجري وراه...
الغزال لمن يشوف ليهو زول في الغابة، بقوم جاري منو ويهرب...
أها في الحالة دي الأسد شجاع والغزال جبان صاااااح؟
مع انو ردود افعال الاسد والغزال كانت على حسب غريزتهم واتصرفوا بناء على قسمتهم ونصيبهم في الحياة...
دا من ناحية
من الناحية الفي الشارع التاني
الشجاع في حاجة بتلقاهو جبان في حاجات تانية
والخواف في حاجة بتلقاهو شجاع في حاجات تانية

يا وجدى الأسد بهاجم الإنسان لسببين .. الأول بكون ملاوز منو .. يعنى كان مشيت فى حالك وختيت دربو ما بشتغل بيك الشغلة والسبب تانى بكون عجوز أو عضير وجعان فالأنسان أسهل فريسة ليهو

فى مثل خواجات بقول: الدب بكتل دفاع عن النفس والأسد بكتل عشان جعان أما الإنسان الحيوان الوحيد البكتل عشان المتعة
قرقاش
24-01-2015, 02:27 PM
https://encrypted-tbn1.gstatic.com/images?q=tbn:ANd9GcQHYoCdn4BJPpPiJUP5xjG1KyDpdAJch L7S6nWCyAikVqSo7nvO
رأفت ميلاد
25-01-2015, 02:07 AM
https://encrypted-tbn1.gstatic.com/images?q=tbn:ANd9GcQHYoCdn4BJPpPiJUP5xjG1KyDpdAJch L7S6nWCyAikVqSo7nvO

يا قرقاش الحلفاوى بشجعوه عشان يعمل حاجة خطرة كدة وهو متردد .. واحد قال ليهو (يا زول ما تخاف الموت واحد) رد عليه (ما ده المصيبة ذاتو) :biggrin::biggrin:
حسين عبدالجليل
25-01-2015, 07:00 PM
https://encrypted-tbn1.gstatic.com/images?q=tbn:ANd9GcQHYoCdn4BJPpPiJUP5xjG1KyDpdAJch L7S6nWCyAikVqSo7nvO

لكن مادقست ياقرقاش ياقريبي !

هذا كلام من لايؤمن باللآخرة .

أما من يؤمن بالآخرة كزعيم الهنود الحمر سياتل فقد قال :(في خطبته الاخيرة وعند لحظة إستسلامه, للحكومة الامريكية)
"فليكن الرجل الأبيض عادلاً إذن وليرأف بشعبي، لأن الموتى ليسوا أبداً بلا حول.. هل قلت موتى؟.. ليس ثمة موت.. ثمة فقط تبديل عوالم.! "
رأفت ميلاد
25-01-2015, 07:25 PM
لكن مادقست ياقرقاش ياقريبي !

هذا كلام من لايؤمن باللآخرة .

أما من يؤمن بالآخرة كزعيم الهنود الحمر سياتل فقد قال :(في خطبته الاخيرة وعند لحظة إستسلامه, للحكومة الامريكية)
"فليكن الرجل الأبيض عادلاً إذن وليرأف بشعبي، لأن الموتى ليسوا أبداً بلا حول.. هل قلت موتى؟.. ليس ثمة موت.. ثمة فقط تبديل عوالم.! "


مسطول يا حسين قاعد فى المقابر يتأمل قال (والله يوم القيامة ده كان لغوهو أمانة ما أتمقلبوا الجماعة ديل)

تعرف جابو لىّ ولد كردى سنى ودى أول مرة أعرف بالقصة دى كنت قايلم كلهم علويين .. بشتكى عشان ساب صديقتو الكردية العلوية .. قال فى عقد القران بشربوا نبيز وده حرام .. قلت ليهو حرام عندكم وحلال عندهم موش أمكن هم الصاح :tongue: قال لى ما ممكن عشان نحن أكتر منهم .. قلت ليهو الكترة ما كفاية .. أنت هسة موش بتؤمن بى الله أها البوزيين والهندوس أكنر منكم .. قام سكااااات وقال لى ياخ ديل (كفار) قالا بالعربى كدة :biggrin::biggrin:

جرجرتو فى قصة الكترة دى لامن نطط عيونو قمت خفت عليهو قلت ليهو ياخ أنا بهزر معاك ساى .. قال لى (شايزى) ياخوفتنى .. شايزى يعنى shit :biggrin::biggrin:
حسين عبدالجليل
25-01-2015, 07:41 PM
تعرف جابو لىّ ولد كردى سنى ودى أول مرة أعرف بالقصة دى كنت قايلم كلهم علويين ..


بالعكس يارأفت, فالاكراد أغلبهم من السُنَة .
رأفت ميلاد
25-01-2015, 08:19 PM
بالعكس يارأفت, فالاكراد أغلبهم من السُنَة .

الولد برضو قال لى كدة .. لكن نحن عمدنا كمية من العلويين مهولة حلا وحمار .. والسنة ديل زمنى كلو كنت قايلم أتراك

لكن فيهم برضو كتير قرآنيين
الهادي أحمد علي
26-01-2015, 09:36 AM
تحياتي عمي رأفت وجميع الجميلين الهنا ،،

حقيقي بوست رائع كروعتكم ، مسكني من طرف هدومي وأجبرني على قراءة ‏كل كلمه فيه من أول حرف وحتى بداية مداخلتي هذه ، و بمناسبة مسك ‏الجلابية هناك طُرفه تُحكى عن جماعه أرادوا تحدي أحدهم ، وراهنوه بمبلغٍ ‏من المال ، فإن كان شجاعاَ فليذهب للمقابر في هذا الليل ويدق هناك وِتداً بين ‏القبور علامة وتأكيداً لفعله الشجاع هذا ، ‏
فحمل صاحبنا الوتد في يُمناه ، وحمل شاكوشاً في يُسراه ، ولكنه قبل ذلك حمل ‏في القلب خوفاً جعله لا يعي إن كانت قدماه تلامسان الأرض أم تغوصان فيها ، حمل معه ‏أيضاً قصص الذين ذهبوا ولم يعودوا أبداً سالمين ، فسار في ليل القرية البهيم ‏التي لم تستطع كثرة نجومه من أن تزيد السماء إلا وحشةً و قرباً للأرض التي ‏تغطت بالسواد والحفر ، وكان صوت نخنخة العفاريت يأتيه من كل مكان ، ‏تحمله الريح فيضرب إذنيه ويملأه بالأسف على قبول هذا التحدي ، وهذا ‏الرهان الذي لن يكسبه بسلام أبداً ، المهم ركب صاحبنا الصعاب والخوف ‏وتوسط المقابر ، ودق الوتد هناك بعد أن ضرب بالشاكوش يده مرةً ، ورُكْبتيه ‏مرات ، كما لامس الشاكوش جبهته كثيراً فأحدث نتوءاً مؤلماً رغم التخدير الذي سرى في أطرافه وأوصاله ، وما أن أنغرس نصف طول الوتد في الأرض ، حتى تنفس صاحبنا نصف ‏الصعداء ، وحدثته نفسه المرعوبة بإطلاق ساقيه للريح ، وهو لا يلوي على ‏قبر ذو أوتاد وعلامات. و ما أن هم بذلك حتى إنفتل الساقان ، وسقط ، فقام ‏مستنداً على ظلام الليل وغلاوة روحه التي باتت في قبضة المجهول ، فما نجحت محاولته ‏الثانية ، ولا الثالثة ، فأراد الصياح بأعلى صوته حين أدرك أن أحدهم قد ‏أمسك بطرف جلبابه بقوةٍ ، و أصبح يشده للأرض شداً ، فما خرج منه صوت ‏ولا حشرجة ولا همس ، وحاول الصياح وحاول النهوض ، وحاول ، وحاول ‏، إلى أن سقط مغشياً عليه ، فجأء أصحابه الذين كانوا يختبئون قريباً فحملوه ‏غمران ، بعد أن خلصوا جلبابه من قبضة الوتد.
أسعد
26-01-2015, 10:45 AM
فى مثل خواجات بقول: الدب بكتل دفاع عن النفس والأسد بكتل عشان جعان أما الإنسان الحيوان الوحيد البكتل عشان المتعة
الانسان يا عمنا بكتل عشان المتعة لأنه فقد بوصلة ذاته وبالتالي فقد الاحساس بالمتعة بذاته عشان كدة الانسان هو الكائن الوحيد القاعد يبحث عن السعادة في الاشياء من حوله

وكدليل على فقدان الانسان لبوصلة ذاته على سبيل المثال تسميته للاشياء مثل دي شجاعة ودا خوف
أنت بطل وانت جبان
والأسد ملك الغابة والغزال خواف وجبان
مع انه فعليا التصنيف دا غير موجود في حياة الحيوانات
يعني مثلا ما ح تلقى القرود طالعين في الشجرة بضحكوا في الغزال لأنه قام جاري من الأسد
ولا ح تلقاهم قاعدين يصفقوا للأسد لانه هجم على الصياد وقتله
ولا ح تلقاهم قاعدين يتراهنوا على منو الأقوى في صراع الفيل مع وحيد القرن...
أسعد
26-01-2015, 10:55 AM
لكن مادقست ياقرقاش ياقريبي !

هذا كلام من لايؤمن باللآخرة .

أما من يؤمن بالآخرة كزعيم الهنود الحمر سياتل فقد قال :(في خطبته الاخيرة وعند لحظة إستسلامه, للحكومة الامريكية)
"فليكن الرجل الأبيض عادلاً إذن وليرأف بشعبي، لأن الموتى ليسوا أبداً بلا حول.. هل قلت موتى؟.. ليس ثمة موت.. ثمة فقط تبديل عوالم.! "

غايتو يا حسين شغلتك دي شغلة خوف ساااااي :gap:
اسي علاقة كلام الزول الجابو عمنا قرقاش بي الايمان بالاخرة شنو؟!
https://encrypted-tbn1.gstatic.com/images?q=tbn:ANd9GcQHYoCdn4BJPpPiJUP5xjG1KyDpdAJch L7S6nWCyAikVqSo7nvO
كلام الزول دا واضح انو بتكلم عن إشكالية الخوف من الموت، وعن أننا بنخاف من الموت الغائب ونستبدله بالحياة الحاضرة وبالتالي لمن يكون الموت حاضرا بنقعد نتشعبط في قشة الحياة الغائبة!!
الرجل لم ينكر القيامة وبل لم يتطرق لها من اساسو
قرقاش
26-01-2015, 12:15 PM
غايتو يا حسين شغلتك دي شغلة خوف ساااااي :gap:
اسي علاقة كلام الزول الجابو عمنا قرقاش بي الايمان بالاخرة شنو؟!
https://encrypted-tbn1.gstatic.com/images?q=tbn:ANd9GcQHYoCdn4BJPpPiJUP5xjG1KyDpdAJch L7S6nWCyAikVqSo7nvO
كلام الزول دا واضح انو بتكلم عن إشكالية الخوف من الموت، وعن أننا بنخاف من الموت الغائب ونستبدله بالحياة الحاضرة وبالتالي لمن يكون الموت حاضرا بنقعد نتشعبط في قشة الحياة الغائبة!!
الرجل لم ينكر القيامة وبل لم يتطرق لها من اساسو

الحبايب حسين واسعد ...اسعد الله ايامكم بكل خير ..
نعم يااخ حسين ..وكما قال اسعد الرجل لم يتطرق للقيامه او الايمان ..بل يرى ان الخوف لايستحق كل هذه الهيلمانه لانه طالما انا حى فاين هذا الموت .؟ وعندما ياتى الموت اكون انا قد ذهبت ... اما قومه يوم القيامه ...مافى زول جاب سيرته ..
الا مسؤل عن الخير...
عندكم فى.... ناوا ......الامور كيف ..؟ صحى فى واحدين مستعجلين .. ليوم القيامه
عادل عسوم
26-01-2015, 12:51 PM
الحبايب حسين واسعد ...اسعد الله ايامكم بكل خير ..
نعم يااخ حسين ..وكما قال اسعد الرجل لم يتطرق للقيامه او الايمان ..بل يرى ان الخوف لايستحق كل هذه الهيلمانه لانه طالما انا حى فاين هذا الموت .؟ وعندما ياتى الموت اكون انا قد ذهبت ... اما قومه يوم القيامه ...مافى زول جاب سيرته ..
الا مسؤل عن الخير...
عندكم فى.... ناوا ......الامور كيف ..؟ صحى فى واحدين مستعجلين .. ليوم القيامه

:biggrin:
حسين عبدالجليل
26-01-2015, 03:23 PM
غايتو يا حسين شغلتك دي شغلة خوف ساااااي :gap:
اسي علاقة كلام الزول الجابو عمنا قرقاش بي الايمان بالاخرة شنو؟!
https://encrypted-tbn1.gstatic.com/images?q=tbn:ANd9GcQHYoCdn4BJPpPiJUP5xjG1KyDpdAJch L7S6nWCyAikVqSo7nvO
كلام الزول دا واضح انو بتكلم عن إشكالية الخوف من الموت، وعن أننا بنخاف من الموت الغائب ونستبدله بالحياة الحاضرة وبالتالي لمن يكون الموت حاضرا بنقعد نتشعبط في قشة الحياة الغائبة!!
الرجل لم ينكر القيامة وبل لم يتطرق لها من اساسو

الحبايب حسين واسعد ...اسعد الله ايامكم بكل خير ..
نعم يااخ حسين ..وكما قال اسعد الرجل لم يتطرق للقيامه او الايمان ..بل يرى ان الخوف لايستحق كل هذه الهيلمانه لانه طالما انا حى فاين هذا الموت .؟ وعندما ياتى الموت اكون انا قد ذهبت ... اما قومه يوم القيامه ...مافى زول جاب سيرته ..
الا مسؤل عن الخير...
عندكم فى.... ناوا ......الامور كيف ..؟ صحى فى واحدين مستعجلين .. ليوم القيامه

تحياتي للإخوين أسعد و قرقاش :

نصف الكوب الفارغ الانا علقت عليه هو: "و عندما يكون الموت فإني لست موجودا" . عندما يكون الموت فقط جسدك يكون غير موجود , ولكن وعيك بذاتك موجود . أنت موجود . وهذا ماقاله عمنا سياتل : لايوجد عدم , يوجد إنتقال من عالم لآخر .

فى.... ناوا ..... آخر الأخبار عندي , إنو فى واحدين مستعجلين .. ليوم القيامه وفي واحدين بتعاملوا كانما مافي قيامة !
رأفت ميلاد
26-01-2015, 05:32 PM
تحياتي عمي رأفت وجميع الجميلين الهنا ،،

حقيقي بوست رائع كروعتكم ، مسكني من طرف هدومي وأجبرني على قراءة ‏كل كلمه فيه من أول حرف وحتى بداية مداخلتي هذه ، و بمناسبة مسك ‏الجلابية هناك طُرفه تُحكى عن جماعه أرادوا تحدي أحدهم ، وراهنوه بمبلغٍ ‏من المال ، فإن كان شجاعاَ فليذهب للمقابر في هذا الليل ويدق هناك وِتداً بين ‏القبور علامة وتأكيداً لفعله الشجاع هذا ، ‏
فحمل صاحبنا الوتد في يُمناه ، وحمل شاكوشاً في يُسراه ، ولكنه قبل ذلك حمل ‏في القلب خوفاً جعله لا يعي إن كانت قدماه تلامسان الأرض أم تغوصان فيها ، حمل معه ‏أيضاً قصص الذين ذهبوا ولم يعودوا أبداً سالمين ، فسار في ليل القرية البهيم ‏التي لم تستطع كثرة نجومه من أن تزيد السماء إلا وحشةً و قرباً للأرض التي ‏تغطت بالسواد والحفر ، وكان صوت نخنخة العفاريت يأتيه من كل مكان ، ‏تحمله الريح فيضرب إذنيه ويملأه بالأسف على قبول هذا التحدي ، وهذا ‏الرهان الذي لن يكسبه بسلام أبداً ، المهم ركب صاحبنا الصعاب والخوف ‏وتوسط المقابر ، ودق الوتد هناك بعد أن ضرب بالشاكوش يده مرةً ، ورُكْبتيه ‏مرات ، كما لامس الشاكوش جبهته كثيراً فأحدث نتوءاً مؤلماً رغم التخدير الذي سرى في أطرافه وأوصاله ، وما أن أنغرس نصف طول الوتد في الأرض ، حتى تنفس صاحبنا نصف ‏الصعداء ، وحدثته نفسه المرعوبة بإطلاق ساقيه للريح ، وهو لا يلوي على ‏قبر ذو أوتاد وعلامات. و ما أن هم بذلك حتى إنفتل الساقان ، وسقط ، فقام ‏مستنداً على ظلام الليل وغلاوة روحه التي باتت في قبضة المجهول ، فما نجحت محاولته ‏الثانية ، ولا الثالثة ، فأراد الصياح بأعلى صوته حين أدرك أن أحدهم قد ‏أمسك بطرف جلبابه بقوةٍ ، و أصبح يشده للأرض شداً ، فما خرج منه صوت ‏ولا حشرجة ولا همس ، وحاول الصياح وحاول النهوض ، وحاول ، وحاول ‏، إلى أن سقط مغشياً عليه ، فجأء أصحابه الذين كانوا يختبئون قريباً فحملوه ‏غمران ، بعد أن خلصوا جلبابه من قبضة الوتد.





سلامات يا الهادى

والله حكى طاعم ومتعوب عليهو زى ما بقول العمدة عكود

شكراً ياخ على متعة السرد

مرحب بيك كتير
أسعد
26-01-2015, 10:24 PM
نصف الكوب الفارغ الانا علقت عليه هو: "و عندما يكون الموت فإني لست موجودا" .
حتى دي يا حسين ما عندها علاقة بي يوم القيامة
فعليا عندما يموت الانسان يصبح غير موجود في الحياة الدنيا....

اعتقد يا حسين انت ما قريت الكلام وبنيت عليه فرضيتك
انت شوفت القائل منو ومن ثم افترضت كفران المقولة دي
لذلك اعتقد لو كان تم ذكر القائل على سبيل المثال الامام علي بن اب طالب كرم الله وجه، اعتقد ما كان ح يكون عندك اعتراض على المقولة دي وبل يمكن تأييدها وتدعم بالشرح والأمثلة...

الاطار الديني مجهجهك يا حبيب ^_^
عادل عسوم
26-01-2015, 10:43 PM
حتى دي يا حسين ما عندها علاقة بي يوم القيامة
فعليا عندما يموت الانسان يصبح غير موجود في الحياة الدنيا....

اعتقد يا حسين انت ما قريت الكلام وبنيت عليه فرضيتك
انت شوفت القائل منو ومن ثم افترضت كفران المقولة دي
لذلك اعتقد لو كان تم ذكر القائل على سبيل المثال الامام علي بن اب طالب كرم الله وجه، اعتقد ما كان ح يكون عندك اعتراض على المقولة دي وبل يمكن تأييدها وتدعم بالشرح والأمثلة...

الاطار الديني مجهجهك يا حبيب ^_^

تعرف يا اسعد
كل أمر عندما ينبني على (أساس) يؤمل في أن يكون البناء القائم عليه ارسخ وادعى لأن يعمر أطول. ..
فالتاسيس على خواء يظل يراوح مكانه فيستنزف الجهد والمال والزمن ولايضمن أحد أن يكون الناتج ايجابا...
انظر إلى مجالس التشريع الغربية فهاهي ولعشرات السنوات ظلت تقدم رجلا وتؤخر أخرى ولم تستقر بعد على رأي قاطع في أمر الإجهاض وزواج المثليين وعقوبة الإعدام وغير ذلك كثير...
الإطار الديني الذي تعيبه علي صاحبك حسين دا يعتبر (اساس) يريح الحضارات والشعوب والشخوص عندما يختصر للناس جهدا ومالا وزمنا كثيرا فلاينشغلون بأمور (قطعية الدلالة) يحويها هذا إطار ويؤسس لها...
فالمرجعية للأفكار والمفاهيم ينبغي أن يكون الإطار الديني هو المرتكز الذي تبنى عليه...
ولتسمح لي ان أدعوك والأحباب إلى قراءة كتاب احسب ان فيه من الفائدة الكثير وهو (دستور الأخلاق في القران) لمؤلفه أستاذي الفاضل الدكتور محمد عبدالله دراز وهو خلاصة لأطروحته لنيل الدكتوراة من جامعة السوربون...
تحياتي لك ولصاحب البوست
أسعد
26-01-2015, 11:00 PM
يا عادل ياخ الاطار الديني دا لم يحدده لا رب العباد ولا رسوله الكريم
بل قام به برسمه بشر امثال ابن تيمية وغيرهم ممن يطلق عليهم (الأئمة)
وقيامهم برسم الاطار الديني هذا فقط لمصالحهم الذاتية...

الاطار الديني بكون عامل زي زي الاغطية التي تحد من رؤية الحصان وتمنعه من استخدام قدرة بصره ان يرى بزوية 360 درجة... وبالتالي لا يرى الا الاشياء التي تقع امامه!!
الرشيد اسماعيل محمود
26-01-2015, 11:17 PM
يا عادل ياخ الاطار الديني دا لم يحدده لا رب العباد ولا رسوله الكريم
بل قام به برسمه بشر امثال ابن تيمية وغيرهم ممن يطلق عليهم (الأئمة)
وقيامهم برسم الاطار الديني هذا فقط لمصالحهم الذاتية...


http://www.sudanyat.org/vb/showthread.php?t=31149
غايتو ابن تيمية لو طلع من الصحابة، شيل شيلتك!
أسعد
26-01-2015, 11:23 PM
http://www.sudanyat.org/vb/showthread.php?t=31149
غايتو ابن تيمية لو طلع من الصحابة، شيل شيلتك!
قول شلت شيلتي
البحجز ام العروس مني منو؟!
الرشيد اسماعيل محمود
26-01-2015, 11:31 PM
قول شلت شيلتي
البحجز ام العروس مني منو؟!

السيد المسيح قال:
(اجهدوا أنفسكم لتدخلوا من الأبواب الضيقة)، اعمل القريب بتلقي نفسك قربت من البعيد!
ما يستفاد من السطر الفوق :
لم في العروس الأول، حتى فكر في البلم أمها منك
حسين عبدالجليل
26-01-2015, 11:41 PM
الاطار الديني مجهجهك يا حبيب ^_^

قول شلت شيلتي
البحجز ام العروس مني منو؟!


أيوا الأطار الديني مجهجني !

لكن إنت, العرس و و لوازمه مجهجهين باكاتك الثلاثة!
أسعد
26-01-2015, 11:43 PM
السيد المسيح قال:
(اجهدوا أنفسكم لتدخلوا من الأبواب الضيقة)، اعمل القريب بتلقي نفسك قربت من البعيد!
ما يستفاد من السطر الفوق :
لم في العروس الأول، حتى فكر في البلم أمها منك
اسهل حاجة انك تلقى العروس
لكن صعب جدا تلقى ام العروس

الانسان لانه ظلوم جهول، لذلك تجدهم جميعا يبحثون عن العروس اولا
لذلك أنا الوحيد من دون البشرية أبحث عن أم العروس اولا،،،
لذلك قال الشاعر:
أعطني ام العروس... اعطك أسرة كلها أمجاد وركشات
أسعد
26-01-2015, 11:45 PM
أيوا الأطار الديني مجهجني !

لكن إنت, العرس و و لوازمه مجهجهين باكاتك الثلاثة!
أنا من زمرة المجهجهين من يومهم ^_^
الرشيد اسماعيل محمود
27-01-2015, 01:06 AM
لذلك قال الشاعر:
أعطني ام العروس... اعطك أسرة كلها أمجاد وركشات
دا شاعر ولا سمسار؟
أسعد
29-01-2015, 05:58 PM
أعمال انيميشن عظيمة تتناول سيرة صناعة البعاتي وأثره في علاقات الناس

https://www.youtube.com/watch?v=2xp22IYL2uU

https://www.youtube.com/watch?v=P1N_4LxusuI