فيصل سعد،، عشر ة أعوام في سودانيات

[فيصل سعد]

مرحب بالجميع و حبابكم عشرة بلا كشرة..


و نواصل..

[فيصل سعد]

منو قدامنا هنا غير الاعزاء
معتصم و عصمت و عكود؟؟

[فيصل سعد]

شروط الدخول لهذا البوست:

أي مداخلة نص سطر لا أكثر.
كلمة كلمتين، و كلمة و غتايتها.
دا بوست ذكريات و حنين و محنة و حنية،
ابعدونا من الدين و السياسة لو سمحتوا.
كتروا لينا من المديح و الغناء.
ابعدونا من القطيعة و النميمة
و الشمارات قدر المستطاع.


و تدثروا بالمحبة..

[Hassan Farah]

منو قدامنا هنا غير الاعزاء
معتصم و عصمت و عكود؟؟
-----------------------------------------------------------
هههههههههها ....وعمك شوقى....العضو رقم 40

[طارق صديق كانديك]

التحيات الزاكيات ليك ياباذخ

ظللت على الدوام محب لهذا المكان

فليت لنا ايمان العجائز كما قال الرازي!:smile:

[Hassan Farah]

وبعدين فى 265 عضو قدامك...:tongue::tongue::tongue:

[فيصل سعد]

-----------------------------------------------------------
هههههههههها ....وعمك شوقى....العضو رقم 40

سلامات يا ابو علي يا حبوب..

شوقي بدري و عبد الله جعفر
و ابو قصي الله يطراو بالخير
لو تتذكره،،

تاني منو قدامنا!!!

[فيصل سعد]

وبعدين فى 265 عضو قدامك...:tongue::tongue::tongue:

لا يا دوك،، ديل ما تشتغل بيهم كتير
فى ناس فرتقوا مع الانقسام، الله
يسهلها علينا و عليهم، و يعدل دربهم
و دربنا.. و في ناس سجلوا و ما جونا
داخلين لى هسة..

[عبد المنعم حضيري]

قالو الطريق لمن صدق وليس لمن سبق انت فتنا في التانية في الاولى بنكابس معاك كان قدرنا
ليك القومة يا باذخ وكل سنة وانت طيب

[فيصل سعد]

التحيات الزاكيات ليك ياباذخ

ظللت على الدوام محب لهذا المكان

فليت لنا ايمان العجائز كما قال الرازي!:smile:

مرحب يا حبيبنا و يا ابن عمنا و عساك طيب،،
يا خوي شوفتِك بقت نادرة كاسنان الدجاج..
بالله عليك مع سفرك الكتير دا، الرشيد اردموا
بالمهام و الأعباء شديد جدا..

يديك العافية..

[فيصل سعد]

قالو الطريق لمن صدق وليس لمن سبق انت فتنا في التانية في الاولى بنكابس معاك كان قدرنا
ليك القومة يا باذخ وكل سنة وانت طيب

انت ما سمعت ب "البكابس بلقا يابس" :smile::smile:
كيف لا يا رجل و انتم أهل الصدق و رواد المصداقية
سدنة الشفافية و أبواب السماحات..

ارقد عافية..

[عبد المنعم حضيري]

كل سنة وأنت بألف خير

https://www.youtube.com/watch?v=FXiDAa6Ckpw

[فيصل سعد]

شكرا يا منعم، و نهدي لك
هذا اللحن، و ادينا رأيك..

http://youtu.be/Cc9YHQ0nsDE

[احمد سيداحمد]

حبيبنا فيصل
كل سنة وانت طيب .

https://m.youtube.com/watch?v=FuNpX2gMPeo

[فيصل سعد]

لك وافر الشكر و التحايا يا أسمر جميل، زي ما درعها
فيك عمك العمدة عكود الله يطراو بالخير و يديو و
يديك العافية..

تسلم يا ملك..

[ناصر يوسف]

عشرة سنوات في سودانيات

اكثر عدد من المداخلات

محبة عميقة لهذا البيت ولأهل هذا البيت
وعي
ثقافة
علم
فهم
ذوق

كل شئ جميل


هنا تكتمل المعادلة .. لتعادل كل ما ذكرت عاليه

الباذخ ...

فيصل سعد

ياخي ربنا يديك العافية يا رب


معليش المداخلة جات اكتر من كلمة ورد غطاها ياخ

اعفي لي

[فيصل سعد]

عشرة سنوات في سودانيات

اكثر عدد من المداخلات

محبة عميقة لهذا البيت ولأهل هذا البيت
وعي
ثقافة
علم
فهم
ذوق

كل شئ جميل


هنا تكتمل المعادلة .. لتعادل كل ما ذكرت عاليه

الباذخ ...

فيصل سعد

ياخي ربنا يديك العافية يا رب


معليش المداخلة جات اكتر من كلمة ورد غطاها ياخ

اعفي لي

سلامات يا صاحب،، يا اخوي انت بتتكلم عني انا و لا عن قريني أو مشبهني و كدا، او احتمال تكون قاصد نديدي المستنير كاتبك المفضل!!! غايتوا على العموم كتر الف خيرك تب، و تأكد و تيقن بانني لست سوى شخص إجتمع معكم في هذه الديار و دفع مع الدافعين و خاض مع الخائضين هذه التجربةاالإنسانية الإجتماعية الثقافية السايبيرية تواصلا و محبة، و اتمنى ان نكون قد ساهمنا بالقليل في عمل يفيد الناس..

تدثر بالمحبة..

[عبد المنعم حضيري]

يا سلام ليل الفرح اختيار ولا اروع
تسلم يا باذخ

[عكــود]

سلام يا باذخ وسنين مديدة من المحبة والتواصل إن شاء الله.

كن كجذور شجر اللبخ، لا تكتفي بتثبيت الجذع، بل وتضيف جمالاً خارجياً فتنمو متدلية من الفروع.

[أسعد]

تهميش التاء المربوطة

أسعد/سودانيات
شهد المجتمع السايبري جدلا عظيما عن أسباب ازاحة حرف التاء المربوطة في عنوان بوست الباذخ/فيصل سعد، حيث قام المختصين باستبعاد سبب (خطأ مطبعي)، واستدلوا بان الكاتب يعتبر من زمرة المجيدين للكتابة ولا يمكن أن تحدث هذه الهنة البسيطة منه... وتسألوا عن سبب إزاحة حرف التاء المربوطة؟
فيصل سعد،، عشر ة أعوام في سودانيات
وتمت اجراء عدة بحوثات ودراسات عميقة لهذه الظاهرة النادرة...
فنجد الصحفي (بيرتناند سيلر) وهو صحفي في جريدة الناشيونال بوست العريقة... حيث يقول أن شخصية الكاتب الحنينة تكون قد صنعت منطقة أمان للتاء المربوطة بأن قام بابعدها عن حرف الراء الحاد والذي قد يقطع التاء المربوطة ويجعلها (تاء على حل شعرها)...
بينما ذهب عالم النفس الأمريكي ذو الأصول السويدية، بأن سيكولوجية الكاتب الموغلة في الجمال قد اختلط عليها الأمر ولم تعرف هل هي (عشرة) الرقم للأعوام التي قضاها في سودانيات أم هي (عُشرة) الوصف للعلاقة التي استشعرها خلال هذه الأعوام.. وهذا الخلط سبب لديه كبكبة في أيقواناته العصبية التي عصرت على العصب الأبهامي وقام الأبهام ضغط على مفتاح SPACE وبالتالي نجمت هذه المسافة الفارغة بين عشر و التاء المربوطة...

من جهة أخرى تحدث الناقد البريطاني ذو الأصول الأمريكية :gap: (نولان فيردي) وقال: يبدو أن نفسية الكاتب قد تماهت مع جمال هذه السنوات التي قضاها في سودانيات وعن جمالها وروعتها... ولكن هذا السنوات الجميلة لم يرد لها أن تحمل رقما أنثويا... حيث أن الأنثى من برة جميلة ومن جوة شيطان لعين... وأراد أن يتعفف بتلك الأعوام التي كان جمالها الداخلي أكثر من جمالها الخارجي... ولكن الاشكالية تكمن في أن الرقم عشرة لا يمكن تذكيره مع سياق الجملة، وهنا قامت نفسية الكاتب بالتلاعب وصنعت تلك الازاحة لكي يبريء الرقم من أن يكون أنثى وفي نفس الوقت وضع التاء المربوطة بعيد كأنها خروف ضحية تم ربطه يوم التاسوعة ووضع له قشه ومويته في طرف الحوش...

وفي النهاية قامت لجنة التحكيم بترجيح كفة تحليل (نولان فيردي) وأنه التحليل الأصدق والأنسب، وفاز نولان فيردي بالجائزة الأولى وهي كرتونة شعيرية وصفيحة طحنية....

كان معكم مراسلكم أسعد
من طرف بوست سودانيات
وعمتم مساءا

[عبد المنعم حضيري]

تهميش التاء المربوطة

ولكن هذا السنوات الجميلة لم يرد لها أن تحمل رقما أنثويا... حيث أن الأنثى من برة جميلة ومن جوة شيطان لعين...
وعمتم مساءا


وفي السياق ذاته إجتمعت هيئة المحلفين بمحكمة جنايات قواعد اللغة المكونة من كل أعضاء مجمع اللغة العربية بشأن إتخاذ قرار في مخالفة العلامة الجهبذ أسعد والتي هوى بها إلى درك سحيق من التردي اللغوي وذلك بتذكيره لإسم الإشارة الوارد قبل كلمة سنوات وهي مؤنثة بدلاً من تأنيثه ...
وقدم محامو الدفاع في مرافعاتهم المتعددة عدة أسباب لهذا الخطأ الجسيم لم يكن من بينها النسيان أو السهو وإنما ركزوا كل دفاعاتهم على أن العالم الجهبذ ينحدر من أصول غير عربية وغالباً ما يكون (تاوره الضرس) وعاوده الحنين للغة أهله فذكر المؤنث وهو يقصد التأنيث ولذلك كانت جل مطالبهم هي تخفيف العقوبة غير أنهم لم يغفلوا إثبات حضارة وتقدم وحداثية آراء موكلهم ومناداته المستمرة بمساواة الأنثى بالذكر وأنه لكي يضرب مثلاً حقيقياً لذلك قام بتذكير المؤنث ......ولا نامت أعين الجندر.

عبد المنعم حضيري
مراسلكم من داخل المحكمة

[جيجي]

العنب كل مايبقى في شجرو بيحلو

[أبوبكر عباس]

تسعة سنين فقط! في سنة كنت حردان يا مرهف!

[Hassan Farah]

تسعة سنين فقط! في سنة كنت حردان يا مرهف!
-----------------------------------------------------------
يا بكور ياخى حرام عليك ....قول الحمد لله الرجع لينا ونور الساحة من جديد والحردة عفيناها ليهو ....هم منو البحردوا غير الناس السمحين.... زى ناس فيصل سعد وناصر يوسف.....:biggrin::biggrin::biggrin:

[فيصل سعد]

تسعة سنين فقط! في سنة كنت حردان يا مرهف!

وين يا أبا الند يا غريمي،،، مع أنه الحردة ما تمت سنة، لكن الفرق بتجيبه عضويتنا في منبر سودانيات الاولاني لما كان باللون الاخضر الليموني، دا طبعا لو نسينا و اتجاهلنا انه خمسة سنين في الاشراف على منتدى الحوار ما شفعت لينا فرق الغياب يا شفاف..

** لو طليتك تلاتة أربعة أيام في "دار الحي" و جليت كورنيش و كونيكشن الدوحة و انا ماشي السودان، بتضبح لي عتوت فى الخيمة إياها، ولا بتتجول بي و تفتح الاسبيكر لسماع رسائل المعجبين و اطرائهم، و بما أن مواعيد الاجازة around the corner، فادينا جدولك و برنامجك في أبريل و رش لينا الحوافز و المغريات في الخاص، و ما تنسى تعمل لينا ابديت للعنوان و التلفونات و كدا..

يديك العافية..

[فيصل سعد]

سلام يا باذخ وسنين مديدة من المحبة والتواصل إن شاء الله.

كن كجذور شجر اللبخ، لا تكتفي بتثبيت الجذع، بل وتضيف جمالاً خارجياً فتنمو متدلية من الفروع.

حبيبنا العمدة عكود حبابك يا الكلس، ‎

و كن كالنخيل عن الأحقاد مرتفعاً بالطوب يُرمَى
فيُعطي أطيب الثمر‎، و أبقى شمعة تحترق
و تضئ للاخرين الطريق..

و ايامك هداوة و روقة..

[فيصل سعد]

-----------------------------------------------------------
يا بكور ياخى حرام عليك ....قول الحمد لله الرجع لينا ونور الساحة من جديد والحردة عفيناها ليهو ....هم منو البحردوا غير الناس السمحين.... زى ناس فيصل سعد وناصر يوسف.....:biggrin::biggrin::biggrin:



حبابك يا أبوعلي و ايامك طيبة،، يا أخوي ما
تصدق كلام المستنير بابكر، ما كان في حردة،
لكن قليل من بيات شتوي و حراق روح و
شوية مزاج معكر، و فلس و الشكية لله..

الود و الأعزاز..

[فيصل سعد]

تهميش التاء المربوطة

بالجائزة الأولى وهي كرتونة شعيرية وصفيحة طحنية....



سلامات يا عزابي يا وهم،، الكلام الفوق دا أهم حاجتين
في العشر ة أعوام و العشر سنين الفاتو ديل.. و يا معلم
نولان فيردي دقسك و ضربك في الانكل و كدا..

و حبابك عشر ة بلا كشرة..

[فيصل سعد]

عبد المنعم حضيري
مراسلكم من داخل المحكمة

محكمة شنو يا بتاع شدر أبو عشة :biggrin::biggrin:
و انا حالتي قلت تقيف معاى تقديما للسبت،
لأنه يوم الأحد الكومندان سيطلق لكم صواريخ
أرض جو معنونة و مفخخة و كدا..

ابقى طيب يا رجل يا مفخرة..

[عبد المنعم حضيري]

محكمة شنو يا بتاع شدر أبو عشة :biggrin::biggrin:
و انا حالتي قلت تقيف معاى تقديما للسبت،
لأنه يوم الأحد الكومندان سيطلق لكم صواريخ
أرض جو معنونة و مفخخة و كدا..

ابقى طيب يا رجل يا مفخرة..



وأسع يعني ما وقفت معاك؟؟؟؟؟؟؟؟؟؟

أرجع وأقرا المداخلة حقتي وحقت أسعد تاني وتعال لي يا باذخ

[فيصل سعد]

وأسع يعني ما وقفت معاك؟؟؟؟؟؟؟؟؟؟

أرجع وأقرا المداخلة حقتي وحقت أسعد تاني وتعال لي يا باذخ

يا حبوب دي اسمها هجمة مرتدة
و مناكفة و مناوشة المحبين، ماني
محتاج إعادة القراءة لكن انت محتاج
كورسات في الغتاتة دون سؤ :biggrin::biggrin:
و جهجهة العدو و تشتيت أفكاره و كدا..

[أمير الأمين]

مزيد من العطاء الباذخ



قلنا نجى بالدرب بدل "نتجلى":rolleyes:

[فيصل سعد]

مزيد من العطاء الباذخ



قلنا نجى بالدرب بدل "نتجلى":rolleyes:

انت بالذات تجي من وين ما تجي،،
بالدرب ولا بالزقاق و لا باللفة، و أن
بقيت كمان داير تتجلى، فالتجلى
بين المساكين رحمة :biggrin::biggrin:

ايامك ساكوبيس..

[الجيلى أحمد]

عشرة سنين ياثرثاظ
انا لله ياخ, بالله السنوات دى بقت تقفز, زمااان كانت بتجرى عادى:smile:

بعد العشرة سنين دى قطع شك بتستحق ليك عنوان بوست كارب من عمنا مخير
فلاذالت بقجتك ملئية بالمزيد:smile:

[أسعد]

وفي السياق ذاته إجتمعت هيئة المحلفين بمحكمة جنايات قواعد اللغة المكونة من كل أعضاء مجمع اللغة العربية بشأن إتخاذ قرار في مخالفة العلامة الجهبذ أسعد والتي هوى بها إلى درك سحيق من التردي اللغوي وذلك بتذكيره لإسم الإشارة الوارد قبل كلمة سنوات وهي مؤنثة بدلاً من تأنيثه ...
وقدم محامو الدفاع في مرافعاتهم المتعددة عدة أسباب لهذا الخطأ الجسيم لم يكن من بينها النسيان أو السهو وإنما ركزوا كل دفاعاتهم على أن العالم الجهبذ ينحدر من أصول غير عربية وغالباً ما يكون (تاوره الضرس) وعاوده الحنين للغة أهله فذكر المؤنث وهو يقصد التأنيث ولذلك كانت جل مطالبهم هي تخفيف العقوبة غير أنهم لم يغفلوا إثبات حضارة وتقدم وحداثية آراء موكلهم ومناداته المستمرة بمساواة الأنثى بالذكر وأنه لكي يضرب مثلاً حقيقياً لذلك قام بتذكير المؤنث ......ولا نامت أعين الجندر.

عبد المنعم حضيري
مراسلكم من داخل المحكمة
:gap::gap::gap:

من جهته نفى المتهم أن يكون من غير الناطقين بها
وايضا نفى وجود علاقة تربطه بأهل اللغة العربية :biggrin:

[عمر صديق]

الف مبروك فيصل سعد وجو د حقيقى
وربنا يديك الصحة والعافية
وعقبال تفرح باليوبيل الفضى

[فيصل سعد]

عشرة سنين ياثرثاظ
انا لله ياخ, بالله السنوات دى بقت تقفز, زمااان كانت بتجرى عادى:smile:

بعد العشرة سنين دى قطع شك بتستحق ليك عنوان بوست كارب من عمنا مخير
فلاذالت بقجتك ملئية بالمزيد:smile:

يا ابن العم، قلنا ليك باصر لينا حميل خلينا نتمطق في المرارة و نقزقز بالكمونية و نقرقش العضام، عملت مجنون، ما مشكلة شوف لينا زميلة المدرج السويدية الزمان ديك البتخلف رجلينها :biggrin::biggrin: تدينا سفة اصلية كاربة من حقتها و خلي عمنا يكتب اليكتبو.. طبعا لما قريت "شايل الجميل" افتكرته قاصدك انت يا ابشلاليف لأنه فترة كدا كان مدور فيك الجميل ابو جميل،، يا معلم عمك عندو استايل بتاع كتابة و جغمسات و انكشاحات تقول لحبيبنا اشتر ود ابو عاقلة زح أمشي اقعد في الكنبة القدام :biggrin::biggrin: و على سبيل المثال قصته بتاعة "ديك الكلجو " لو تتذكرها، انا قاعد اضحك فيها لهسة يشهد الله..

** البنج ابو سعيد ما عندك أخباره؟؟

ارقد عافية..

[فيصل سعد]

الف مبروك فيصل سعد وجود حقيقى
وربنا يديك الصحة والعافية
وعقبال تفرح باليوبيل الفضى

الله يبارك في ايامك يا عمر، اليوبيل الفضي لو لقينا طريقة لحقناو قطع شك حيكون بالمشاهرة،، و للوكت داك عكود و الطاقم الفني يكونوا جهزوا لينا تكنلوجيا بالنظرات و الاشارة، انت تعاين و تأشر و الكمبيوتر يكتب ليك المداخلة :biggrin::biggrin: و طبعا ستزداد كمية النبز و الشتيمة، و اللعنات ما تديك الدرب،، فتبقوا تستحملونا و تطولوا بالكم شديد :smile::smile:

أبقى طيب..

[فيصل سعد]

:gap::gap::gap:

من جهته نفى المتهم أن يكون من غير الناطقين بها
وايضا نفى وجود علاقة تربطه بأهل اللغة العربية :biggrin:

تقديرا لظروف انسانية انا عفيت و سامحت،
متهم الجن دا طالما داير يتزوج من المكسيك
أو كوستاريكا، فحقوا المحكمة تراعي حرمانه
و تخشى عامل السن، عشان القطر ما يفوتوا
أكتر من كدا، و الشباب كله بايركس :biggrin::biggrin:

[الجيلى أحمد]

يا ابن العم، قلنا ليك باصر لينا حميل خلينا نتمطق في المرارة و نقزقز بالكمونية و نقرقش العضام، عملت مجنون، ما مشكلة شوف لينا زميلة المدرج السويدية الزمان ديك البتخلف رجلينها :biggrin::biggrin: تدينا سفة اصلية كاربة من حقتها و خلي عمنا يكتب اليكتبو.. طبعا لما قريت "شايل الجميل" افتكرته قاصدك انت يا ابشلاليف لأنه فترة كدا كان مدور فيك الجميل ابو جميل،، يا معلم عمك عندو استايل بتاع كتابة و جغمسات و انكشاحات تقول لحبيبنا اشتر ود ابو عاقلة زح أمشي اقعد في الكنبة القدام :biggrin::biggrin: و على سبيل المثال قصته بتاعة "ديك الكلجو " لو تتذكرها، انا قاعد اضحك فيها لهسة يشهد الله..

** البنج ابو سعيد ما عندك أخباره؟؟

ارقد عافية..
ياسلام ياثرثار يامسافة ,
الاأيام الجميلة مع رميات ودالحاج, ,وشوتات ود الطاهر, ودخلات الطيب بشير وجدعات عكود وبندرشاه وشليل وأشتر..
حاأتصل بالبنج شليل وبجيبو من ايدو,
وعد..

يااخى مشتاق شديد لود الحاج,
ماعارف الدبارة كيف!

[أبوبكر عباس]

يااخى مشتاق شديد لود الحاج,
ماعارف الدبارة كيف!
حتى لو عبرت بهناك يا جيلي، ما ح تلاقيهو، لأنو خالد بالجنة!

[الجيلى أحمد]

حتى لو عبرت بهناك يا جيلي، ما ح تلاقيهو، لأنو خالد بالجنة!
حاقد انت يااخى..

أهم شي بعدين يبعدوك منى,
غايتو كان لقيتك جمبى فى الجنة مابعيد أحردا:tongue:
حاتعديها لينا كلها غلاط,
ورانا حور عين راجيات
فاضيين نحنا!

[فيصل سعد]

يا نديد شيطان كتابتك خابرنوا تب و فوق راسنا الا شيطان علم غيبك يطرشنا و يعمينا، بقت عليك قصة الزول المشاكل صاحبه تلاتين سنة داك، مشى قال ليو العفو و العافية، صاحبه قال ليو صافية لبن الا مالك جاي تعتذر بعد السنين دي كلها، قال ليو سمعت الامام في صلاة الجمعة قال يلتقي المتخاصمان يوم القيامة و صراحة كدا انا ما داير اشوف خلقتك دي بهناك.. اها هسة انت و الجيلي ارسو ليكم علي بر :075::075:

[اسراء المهدي]

مساء الخير عليك ياباذخ وعلى ضيوفك الكرام

اها انا جيت ورا وناوية اكابس مع منعم يمكن نحجز لينا ضرا سوا

عشرة سنين طيبة ونديانة محبة والجايات اطيب

[جيجي]

اجي يايمة
انتو فيصل سعد دا بقى ما بصافح ولاشنو
غايتو يافيصل بس الزعلة الياها

[أبوبكر عباس]

اجي يايمة
انتو فيصل سعد دا بقى ما بصافح ولاشنو
غايتو يافيصل بس الزعلة الياها

شهر أربعة الزول دا جاي دبي وناوين نعمل ليهو استقبال وبرامج تليق بالمقام السامي، عليك الله، ما تعملي حركات الزوغة بتاعتك ديك وتقفلي تلفوناتك، الفاتو مسامحنك فوقن، لكن فيصل أهم كتير من ناس الرشيد الرجرجة، المهم لو زغتي، بنكلم دكتور زين والعرجون وتماضر

[فيصل سعد]

اجي يايمة
انتو فيصل سعد دا بقى ما بصافح ولاشنو
غايتو يافيصل بس الزعلة الياها

أها انتي هنا قطع شك تاخدي نقلة في فنون الدردقة
و تقليل الصبر و شحتفة روح المحبين :biggrin::biggrin:
لكن في الحقيقة انا بجهبز ليك في رد يليق بسماحتك
و سماحة مداخلتك دي لاني شايفك جليتيني بهناك
و ما داير و ما بستحمل تكرار الصدود :tongue::tongue:

[فيصل سعد]

مساء الخير عليك ياباذخ وعلى ضيوفك الكرام

اها انا جيت ورا وناوية اكابس مع منعم يمكن نحجز لينا ضرا سوا

عشرة سنين طيبة ونديانة محبة والجايات اطيب

سلام يا إسراء و مرحبا بك و ضلك محجوز
تب، و منعش و وريف كظل هجليج..

يديك العافية..

[فيصل سعد]

الشكر موصول موصول و ممتد للجميع هنا، لكم مجدد التحايا و التقدير و المودة و الأعزاز،، و لكم و عبركم جميعا، نهدي هذا اللحن الجميل للعزيزة الغالية جيجي نوارة المنبر و عطر شذاه الفواح و و رونق صبحه و نهاره و دجاه، و فيوض عبير سحره و جماله، و عنوان محبته و لطفه و نقاه،، لها و لكم جميعا موفور الصحة و باذخ الأمنيات الطيبة..


http://youtu.be/3SYdgj7B51o

[نزار حسن علي]

الحبيب كل سنه وانت طيب

[جيجي]

أها انتي هنا قطع شك تاخدي نقلة في فنون الدردقة
و تقليل الصبر و شحتفة روح المحبين :biggrin::biggrin:
لكن في الحقيقة انا بجهبز ليك في رد يليق بسماحتك
و سماحة مداخلتك دي لاني شايفك جليتيني بهناك
و ما داير و ما بستحمل تكرار الصدود :tongue::tongue::biggrin:وين التكرار دا
الاولى ديك قلنا ليك شالها الهوا
التانية دي والله ما شفتها اختك عاملة عملية في عينها
يعني في عين مربطة وبكابس بالتانية
ا

[فيصل سعد]

:biggrin:وين التكرار دا
الاولى ديك قلنا ليك شالها الهوا
التانية دي والله ما شفتها اختك عاملة عملية في عينها
يعني في عين مربطة وبكابس بالتانية
ا

هنا يا نور جناني و قبلة حناني
يا جواهر عقد القصيد..

مداخلة رقم 36

http://sudanyat.org/vb/showthread.php?t=26323

و تسلمي من كل شر..

[فيصل سعد]

الحبيب كل سنه وانت طيب

مرحب يا حبيبنا و يا قريبنا
و التهاني مستمرة،، كيف حالك
و كورنيش الدوحة هذه الأيام..

[فيصل سعد]

شهر أربعة الزول دا جاي دبي وناوين نعمل ليهو استقبال وبرامج تليق بالمقام السامي، عليك الله، ما تعملي حركات الزوغة بتاعتك ديك وتقفلي تلفوناتك، الفاتو مسامحنك فوقن، لكن فيصل أهم كتير من ناس الرشيد الرجرجة، المهم لو زغتي، بنكلم دكتور زين والعرجون وتماضر

انت يا السيادي ما اديتنا الحوافز و المغريات لهسة، و صراحة انا زو ل لا يحب المفاجآت و السيربرايز و كدا، فالحق رش لينا الكمونية سريع، خلينا نعمل مقارنة مع عرض دوحة الخير، و بيني و بينك في محاولة اكسب الودين :smile::smile: ذهابا عن طريق دبي و عودة عن طريق الدوحة أو العكس اعتمادا على أسعار و حجوزات تذكرة "فلاي دبي" دبي-الخرطوم-دبي.. لأنه قدامى تذكرتين كالقري -دبي - كالقري كونيكشن لندن و كالقري-الدوحة -كالقري مباشرة بدون كونيكشن و التذكرتين سعرهم تقريبا واحد و حيازتهم مقدور عليها تب، و كمان لو بقيت محظوظ و اشتغلت معاك في المزرعة، فسهول و جبال و جليد البراري ممكن يغني لي "انا ابكيك للذكرى" و كدا :tongue::tongue:

انا إجازتي شهر واحد فقط، داير لي منو 14 يوم في السودان، و الباقي تب حقكم و حق الطريق و كدا، و انا مسافر منفردا و خفيف :smile::smile:

ختيناك في الصورة اونلاين
فورينا تدابيرك اوفلاين..

الجيلى حطب النار قال الزولة
دي ما غناية :075::075:

http://youtu.be/G6kbg1WYKdE

[نبراس السيد الدمرداش]

وجودك بحفل المكان يا حبوب
عشرة و عشرة تامه ان شاءالله

واحترامي اليك من صميم قلبي غير ما اشعر


https://www.youtube.com/watch?v=gmfB1EP7QMs

[معتصم الطاهر]

تجربة وزاد و اشتياقات

[فيصل سعد]

[COLOR="Navy"]وجودك بحفل المكان يا حبوب
عشرة و عشرة تامه ان شاءالله..



سلامات يا بنت عمي و مبروك الوليد يتربى فيعزكم..
و لك أكيد المودة و الاحترام بكامل الشعور و تمام
اليقين و باذخ التخصيص..

[فيصل سعد]

تجربة وزاد و اشتياقات

بالاكتر و الله يا حبيبنا يا باش يا هاش
يا صادق البسمات،، يا حي الشعور..

[عزة السودان]

التحيه لك فيصل سعد..
قلنا تكمل عشرة العشر أعوام. .بعدين نجي..من سبق اكل النبق ...وانا المتحير ولالميت في مكابسة وبلح عبدالمنعم وﻻفي عنب جيجي. ..واكيد تفاصيل روعتك جواك..وسنين اﻻلفه ده قمر يضوي ليلات سودانيات...http:// أغاني وأغاني 2011- 12 -- عشرة الأيام -- عصام نور: http://youtu.be/0Y_jbMW8wqk

[فيصل سعد]

لك التحايا الطيبة يا عزة السودان و تدوم
ايامك خيرا و محبة، و اكيد بكرة فى رمشة
عين تلقى نفسك عشرة سنين في هذه الديار
الطيبة تواصلا و محبة بإذن الله..

يديك العافية..

[عبد المنعم حضيري]

مساء الخير عليك ياباذخ وعلى ضيوفك الكرام

اها انا جيت ورا وناوية اكابس مع منعم يمكن نحجز لينا ضرا سوا

عشرة سنين طيبة ونديانة محبة والجايات اطيب

التحيه لك فيصل سعد..
قلنا تكمل عشرة العشر أعوام. .بعدين نجي..من سبق اكل النبق ...وانا المتحير ولالميت في مكابسة وبلح عبدالمنعم وﻻفي عنب جيجي. ..واكيد تفاصيل روعتك جواك..وسنين اﻻلفه ده قمر يضوي ليلات سودانيات...http:// أغاني وأغاني 2011- 12 -- عشرة الأيام -- عصام نور: http://youtu.be/0Y_jbMW8wqk



كاتبتان أديبتان كبيرتان

إزددت شرفاً بمجاورة إسراء في حضرة الباذخ والتحلية ببلح عزة معهما

تحياتي

[أبو أماني]

سلامات يا صاحب،، يا اخوي انت بتتكلم عني انا و لا عن قريني أو مشبهني و كدا، او احتمال تكون قاصد نديدي المستنير كاتبك المفضل!!! غايتوا على العموم كتر الف خيرك تب، و تأكد و تيقن بانني لست سوى شخص إجتمع معكم في هذه الديار و دفع مع الدافعين و خاض مع الخائضين هذه التجربةاالإنسانية الإجتماعية الثقافية السايبيرية تواصلا و محبة، و اتمنى ان نكون قد ساهمنا بالقليل في عمل يفيد الناس..

تدثر بالمحبة..
والحق يقال .. إن فيصلا.. ومذ أن عاصرته طفلا يافعا في أواخر ذاك العهد الذهبي ظهرت عليه ملامح الذكاء المبكر والتميّز بين أقرانه ..ولا أنكر إنه كان طفلا كارثيا في بعض المواقف .. غير إن بوادر الذكاء والتمييز كانت بائنة منذ بواكير طفولته ظهرت عليه تصرفات متزنة وهو صبيا في التين وأقل عندما عاصرته في الكويت شق طريقه في الحياة بخطوات ثابتة ونفذ بكل جسارة كل السيناريو الذي أثق بأنه قد أعده سلفا .. مما يحمد له أن تمثل تماما بوالده عمنا المرحوم سعد الشيخ والذي كان علما بين أقرانه ومن طلائع مثقفي وعلماء ذلك العهد بخاصة في مجال الإعلام كما إن والدته حفظها الله تنتسب لأهلنا الخوجلاب وهي تنتسب لأعرق البيوت فإبن عمي الحبيب ينحدر من أصول من ساهموا في جزء من تاريخ هذا البلد الأغر وهو كالعبد لله يدعى ود الحيشان التلاتة وهي ترمز لتوتي - المقرن - بري وتعتبر بحري هي الأصل .. الحديث عن الباذخ يطول ولن أطيل عليكم هنيئا لك يا بن العم بعشرة أعوام بين هؤلاء النشامى الذين شكلوا سودانيات .. وهنيئا لنا بك .. دمت بخير .. :cool:

[بابكر مخير]

بعد العشرة سنين دى قطع شك بتستحق ليك عنوان بوست كارب من عمنا مخير
فلاذالت بقجتك ملئية بالمزيد:smile:

http://ar.wikipedia.org/wiki/%D8%A8%D9%82%D8%AC%D8%A9

وعليه
ممكن البقجة
تتملي آي شئ. طيب وطِيب
والطيب صنفاً، كريم وعطآي
والطيب نوعان،
زيتي ولي الفي عمرنا
موية كلونيآ
كوووووووووكي ورشو
معايا
الحسيب النسيب
قلتا ليك الحق :mad::mad::mad::mad:

[بابكر مخير]

والحق يقال .. إن فيصلا.. ومذ أن عاصرته طفلا يافعا في أواخر ذاك العهد الذهبي ظهرت عليه ملامح الذكاء المبكر والتميّز بين أقرانه ..ولا أنكر إنه كان طفلا كارثيا في بعض المواقف .. غير إن بوادر الذكاء والتمييز كانت بائنة منذ بواكير طفولته ظهرت عليه تصرفات متزنة وهو صبيا في التين وأقل عندما عاصرته في الكويت شق طريقه في الحياة بخطوات ثابتة ونفذ بكل جسارة كل السيناريو الذي أثق بأنه قد أعده سلفا .. مما يحمد له أن تمثل تماما بوالده عمنا المرحوم سعد الشيخ والذي كان علما بين أقرانه ومن طلائع مثقفي وعلماء ذلك العهد بخاصة في مجال الإعلام كما إن والدته حفظها الله تنتسب لأهلنا الخوجلاب وهي تنتسب لأعرق البيوت فإبن عمي الحبيب ينحدر من أصول من ساهموا في جزء من تاريخ هذا البلد الأغر وهو كالعبد لله يدعى ود الحيشان التلاتة وهي ترمز لتوتي - المقرن - بري وتعتبر بحري هي الأصل .. الحديث عن الباذخ يطول ولن أطيل عليكم هنيئا لك يا بن العم بعشرة أعوام بين هؤلاء النشامى الذين شكلوا سودانيات .. وهنيئا لنا بك .. دمت بخير .. :cool:

الحسيب النسيب
قبل "توجه" عليك
ربنا يستر:cool::cool:
حقيقي الايام تجري بحلوها ومرها
حلوها لمتنا
ومرها من أفتقدنا
بالله إتا يا فيصل
"أقدم" مني بي سنة :rolleyes:

[فيصل سعد]

العزيزان أبا أماني و بابكر مخير:

لكم التحايا للمرور الكريم و مشاركتكم و حضوركم الباهي قلادة
تزين جيد هذا البوست، و بكم و معكم تواصلا و محبة..


http://youtu.be/MBTfUauMwyg

عارم الود، و كثيف المحبة..

[ناصر يوسف]

تهميش التاء المربوطة

وتمت اجراء عدة بحوثات ودراسات عميقة لهذه الظاهرة النادرة...
فنجد الصحفي (بيرتناند سيلر) وهو صحفي في جريدة الناشيونال بوست العريقة... حيث يقول أن شخصية الكاتب الحنينة تكون قد صنعت منطقة أمان للتاء المربوطة بأن قام بابعدها عن حرف الراء الحاد والذي قد يقطع التاء المربوطة ويجعلها (تاء على حل شعرها)...


وفي النهاية قامت لجنة التحكيم بترجيح كفة تحليل (نولان فيردي) وأنه التحليل الأصدق والأنسب، وفاز نولان فيردي بالجائزة الأولى وهي كرتونة شعيرية وصفيحة طحنية....

كان معكم مراسلكم أسعد
من طرف بوست سودانيات
وعمتم مساءا

وفي ذات المنحي وبعد ان ذاع سيط امر هذه اللجنة
وبعد هذا التقرير الوافي الشافي الكافي ( ياااااا كافي البلاء )
من مراسل سودانيات هناك
إجتمعت لجنة أخري عبر قنوات التواصل الاجتماعي جميعها
فما سلم الماسينجر بانواعه المختلفة ولا برامج الفايبر وال imo والإسكايب والفيس بوك وغيرها
وتكونت اللجنة من عضوين يعتبرا من فطاحلة لغة الضاد ومن سدنتها
فمن أقصي أقاصي الكرة الارضية تصدي للرد علي تقرير مراسلنا هناك

الاديب الاريب رشيدويه بن سماعين من دمازين الخير
وتنادي لنداءه من بروكسل اديبنا ( الطير المهاجر ) ويمكن هنا تأنيث الطائر لدي بعض المغرضين
اديبنا وشاعرنا الفحل أسااااااكه بن معاوية

وبصوت واحد صرخوا بمثل ما صرخت الملكة اليزابيث ذات نهار بريطاني بااااارد

أجي ياااااا تور شين

وذلك لدي قراءتهم لتقرير مراسلنا من هناك وتغاضوا عن التذكير للمؤنث وركزوا جييييدا علي إراد مراسلنا اسعد الاسعد حين قوله


=أسعد;628069]تهميش التاء المربوطة

وتمت اجراء عدة بحوثات ودراسات عميقة لهذه الظاهرة النادرة...
فنجد الصحفي (بيرتناند سيلر) وهو صحفي في جريدة الناشيونال بوست العريقة... حيث يقول أن شخصية الكاتب الحنينة تكون قد صنعت منطقة أمان للتاء المربوطة بأن قام بابعدها عن حرف الراء الحاد والذي قد يقطع التاء المربوطة ويجعلها (تاء على حل شعرها)...

[نزار حسن علي]

الحبيب
سلامات
انا بعدك في التسجيل بتزكر اتصلت بي دكتورة حنينه وقالت لي مبروك وما كنته بعرف زول واتعرفته بالحبايب هنا الباش وبقيه العقد الفريد وكانت ايام حلوة حتي الخال الله يرحمه مرة اتصل انا ومرة يتصل هو ونسة ممتعه مرات يقول لي كنته بصلح في الحمام والله يا فيصل ربنا يدوم المحبه والموقع للخال في ميزان حسناته

[فيصل سعد]

الحبيب
سلامات
انا بعدك في التسجيل بتزكر اتصلت بي دكتورة حنينه وقالت لي مبروك وما كنته بعرف زول واتعرفته بالحبايب هنا الباش وبقيه العقد الفريد وكانت ايام حلوة حتي الخال الله يرحمه مرة اتصل انا ومرة يتصل هو ونسة ممتعه مرات يقول لي كنته بصلح في الحمام والله يا فيصل ربنا يدوم المحبه والموقع للخال في ميزان حسناته

نسأل الله له واسع الرحمة و المغفرة
ذاك الأخ الصديق البشوش الكلس..
آمين يا رب العالمين..

و تسلم يا نزار يا حبوب..

[فيصل سعد]

و بصوت واحد صرخوا بمثل ما صرخت الملكة اليزابيث ذات نهار بريطاني بااااارد أجي يااااا يا ود تور شين..



سلامات يا كونفو باندا
يا ود يا متجلي يا باهر،،

في رواية أخرى، جاء في الأثر أن جلالتها صرخت "سجمنا و ووب ووبين علينا،، ما هجمتنا يا انت ياخليفة سيدنا،، بتشذ و بتبالغ يا عبد الله لكن، ياييي، او ماي لورد" :gap::gap:

شفت كيف، لما تنجر، تنجر على سلم و دوزنة ابو أماني
و صحبه و حليفه و من لف لفه و كدا :biggrin::biggrin:

[ناصر يوسف]

سلامات يا كونفو باندا
يا ود يا متجلي يا باهر،،

في رواية أخرى، جاء في الأثر أن جلالتها صرخت "سجمنا و ووب ووبين علينا،، ما هجمتنا يا انت ياخليفة سيدنا،، بتشذ و بتبالغ يا عبد الله لكن، ياييي، او ماي لورد" :gap::gap:

شفت كيف، لما تنجر، تنجر على سلم و دوزنة ابو أماني
و صحبه و حليفه و من لف لفه و كدا :biggrin::biggrin:

😂😂😂
هههههههه

كل نجار بنجر بكي بوردو يا باذخ

ياخي الود اسعد ده زول تحفه والله

[فيصل سعد]

😂😂😂
هههههههه

كل نجار بنجر بكي بوردو يا باذخ

ياخي الود اسعد ده زول تحفه والله

سيبك منو، بكرة بتزوج و بتأهل و ببقى ترعة
زيك،، زي ما قال شيخك معتصم :biggrin::biggrin:

[الرشيد اسماعيل محمود]

علي كدا نهدي ليك خمسة سنين بصوت ود اللمين+ تلاتة سنة بصوت بلال موسي+ سنة سنتين شوية بصوت نجاة غرزة والعشرة سنين بتكون تمّت!
مزيد من التواصل في محراب سودانيات!

[فيصل سعد]

سنة سنتين شوية بصوت نجاة غرزة والعشرة سنين بتكون تمّت!
مزيد من التواصل في محراب سودانيات!

الرشيد ياخ ما تتصلح معانا شوية و ادينا
الغنية بصوت تاني و كلك مفهومية :wink::wink:

التحايا و التقدير..