حجيتكم ما بجيتكم .. خيرن جانا وخيرن جاكم

[رأفت ميلاد]

التور أب جاعورة
شمّ الدم وقال حرم
شمّ الويكة وقال تمليكة
وقلب الهوبة فى الراكوبة


يتبع :tongue:

[ZEIN ABDALLA]

التور أب جاعورة
شمّ الدم وقال حرم
شمّ الويكة وقال تمليكة
وقلب الهوبة فى الراكوبة


يتبع :tongue:

سلام روفي
---------------

جانا كلب سنونه صفر
حلب الناقة في الشنقاقة
ويا ام احمد دقى المحلب
دقي المحلب في توب احمد
واحمد غايب في الركايب.
----------------
الجاعورة هي سنكيت التور...
الركايب...قافلة السفر، يعنى احمد مسافر (طفش هاجر)

[رأفت ميلاد]

سلام روفي
---------------

جانا كلب سنونه صفر
حلب الناقة في الشنقاقة
ويا ام احمد دقى المحلب
دقي المحلب في توب احمد
واحمد غايب في الركايب.
----------------
الجاعورة هي سنكيت التور...
الركايب...قافلة السفر، يعنى احمد مسافر (طفش هاجر)

جميل يا زين أتاريك حبوبة مأصلة :biggrin::biggrin:

طيب .. حجيتكم ما بجيتكم .. بجيتكم دى شنو؟؟

ده بالمناسبة سؤال ما إمتحان .. الجاعورة والركايب ذاتا معلومة جديدة

[ZEIN ABDALLA]

جميل يا زين أتاريك حبوبة مأصلة :biggrin::biggrin:

طيب .. حجيتكم ما بجيتكم .. بجيتكم دى شنو؟؟

ده بالمناسبة سؤال ما إمتحان .. الجاعورة والركايب ذاتا معلومة جديدة

حجيتكم...قلت لكم احجية وهي قصة بها ذكاء وعظة
بجيتكم ... من البج وهو الطعن او سوء القصد.
يعنى حجيتكم ما بجيتكم هي حكاية يراد بها تشغيل العقل ولا ينوى راويها
سوء او شر................................. والله اعلم

[فيصل سعد]

سلامات يا شباب:

قاليك:

بركب الكركابة الله هوي
أدلى في أم روابة الله هوي
أدلى في أم روابة الجنني
و جنن العزابة الله هوي

بت العسكر تمشي و تسكر
بت النوبة تغني طروبة
مع عروبة في الراكوبة
تشر لي توبها

ضباح كسرة بملاح
تاكل لصباح
تك تك تك
بيت العجوز وين
قدام
أدونا موية
ما عندنا

[ناصر يوسف]

عالم



حبوبات صحي صحي ياخ

ههههههههههههههه

أها يا عم رأفت

التور أبجاعورة ده
بعد ما قلب الهوبه في الراكوبة

مُش لقي بت العسكر السكرت لَط ديك بتنطط وترقص وتوبها مشعلق في طرف الراكوبه علي نغمات بت النوبة المعاها عروبة ؟

ياخي والله تفتحوا للواحد خيال لا عند غادي ياخ

[رأفت ميلاد]

حجيتكم...قلت لكم احجية وهي قصة بها ذكاء وعظة

الغول وفاطنة السمحة ..
زماااان
في قديم الزمان كانت تعيش بنت اسمها فاطنة وكانت جميلة الوجه واللسان طيبة كريمة الاخلاق محبوبة من الكبار والصغارتصلي صلواتها بانتظام وتحترم الصغير والكبير وتطيع والديها.وكانت محط الانظار تعيش في قرية صغيرة تجاورها غابات كثيرة واشجار وحقول واسعة يزرعها اهلها بكل اصناف الحبوب والخضار.وكان الناس يخافون من دخول الغابة لانها ملئية بالوحوش والاشرار ويحكمها غول له انياب كالوحوش وشكل كالانسان ورؤؤس عشرة كلما قطعوا منها واحدا نبت من جديد ، كان الغول ضخما كريه الرائحة شريرا مستبدا وله جيش من الاشرار من الطيور ذات المخالب والاشجار والاحجار يأتونه بالاخبار.
وكان الغول ينام عاما كاملا ويصحو عاما كاملا وحين يريد ان ينام يضع شعر زوجته تحت رأسه الضخم حتي تبقي حبيسة حتي يصحو ويدركها ان حاولت الفرار. وكان الغول يخطف النساء ويتزوجهن بالقوة ففي كل عام يخطف واحدة من بنات القري المجاورة ويضعها في كهفه المظلم وحين ينتهي العام يقتلها ويبحث عن ضحية جديدة.
وكان اهل القري المجاورة يعرفون سنة الاختيار ووقته فيخفون بناتهم الجميلات ويحرسوهن حراسة مشددة خوفا عليهن من الغول، وكان اخوة فاطمة السبعة غلاظ شداد شجعان وكذلك ابني عمها التؤام حسن وحسين وكان كل أهل القرية يعرفون جمال فاطنة ويخافون عليها من الغول فكانوا يحذرون اهلها ويتحدثون في مجالسهم بان الغول لو اراد خطف بنت من بنات القرية فليس هناك اجمل من فاطنة. وكان الكل يعلم ان ابن عمها حسين زينة شباب القرية هو عريسها المرتقب، لذلك كله ولكثرة تردد اسم فاطنة كانت الغيرة منها تملا قلوب بنات القرية والغيظ يتملكهن فيقلن لبعضهن: ( اريت الغول يأكلا... طول ما فاطنة دي في زول بشوفنا مافي يا بنات....).
وكثر همسهن حتي صار الهمس مؤامرة اتفقن عليها وقررن ان يقمن باستدراج فاطنة وتركها لقمة سائغة للغول، فجئن الي فاطنة وطلبن منها الخروج معهن لجمع البلح من اشجار النخيل فطلبت فاطنة منهن ان يتحصلن علي موافقة اهلها فذهبن الي ابيها وامها وحبوبتها فرفضوا رفضا تاما ولكن البنات اصررن علي طلبهن فقالت لهن الحبوبة لتعجيزهن بدفق ليكن سمسم كان قدرتن لميتنو كلو ولاحبة ماتنقص نخليها تمشي معاكن)
قبلت البنات الشرط وقامت الحبوبة بتشتتي كمية كبيرة من السمسم في الحوش الكبير و لكن البنات اخذن في جمعه بنشاط كأنهن عصافير لها مناقير ومن شدة حرصهن تصادف ان جاء دجاج واكل بعض السمسم فقبضن الدجاج وذبحنه واخرجن من احشائه ما أكل من سمسم وهكذا نجحن في تنفيذ شرط الحبوبة وخرجت فاطنة معهن..
كانت فاطنة سعيدة لانها لم تخرج منذ وقت طويل فخرجت مع البنات ومشين حتي بلغن اشجار النخيل فطلبت البنات منها ان تصعد اعلي النخلة لقطع سبائط البلح . صعدت فاطنة النخلة وقامت بمهمتها وكانت البنات في الاسفل يلتقطن السبائط. وانقضي الوقت واقترب الغروب فهبطت فاطمة وسرن في طريق العودة، كانت هناك بئر في الطريق فقلت البنات لفاطنة : نلعب لعبة البير والغوايش. فسألت فاطنة عن اللعبة فقالن لها ان اللعبة تقتضي ان ترمي كل واحدة غويشتها في البير ومن ثم تخرجها والتي تخرج غويشتها اولا هي الفائزة. وتظاهرن بانهن رمين غوايشهن في البير ولكن الحقيقة انهن رمين حجارة وطلبن من فاطنة ان ترمي غويشتها ففعلت. بعد ذلك انحنت كل واحدة منهن وتظاهرن بانهن استعدن ما رمين وبقيت فاطنة وحدها عاجزة عن استرداد ما رمته. شرعت فاطنة في البكاء فالغويشة عزيزة عليها واصرت علي اخراجها واصرت البنات علي الذهاب وتركنها وحيدة وذهبن وهن يتغامزن فرحا فهن يعلمن ان الاشجار ستخبر الغول بان عروسه وحيدة قريبة. ظلت فاطنة وحدها حزينة حائرة تفكر في امرها، فهبت ريح قوية عاتية في اخرها عاصفة صفراء تصيح بصوت غليظ:
( يافاطنة السمحة : الله ليكي من الوراي)
ثم هبت عاصفة اقوي جاءت ريح حمراء تصيح بصوت كالرعد يا فاطنة السمحة ، البنات خلوك والله ليكي من الوراي)
وتكررت العواصف حتي جاءت العاصفة السوداء وقالت: يافاطنة الوراي جاكي) وظهر الغول بوجهه القبيح ورائحته النتنة
والشرر يتطاير من عيونه الكبيرة والارض تهتز تحته وتئن باكية من ضغطه عليها وصاح بصوت كالرعد: ما تخافي يا فاطنة السمحة، غويشتك تجيكي وانا بهنيكي) ثم انحني وشرب موية اليئر كلها في رشفة واحدة وتناول الغويشة بلسانه وسلمها فاطنة التي فرحت وظنت ما حدث معجزة وانه رجل طيب او ملك جاء ليساعدها فشكرته وطلبت منه ان يوصلها الي دارها لان اهلها يخافوا عليها ، فضحك الغول من سذاجتها وقال لها خيرا سوف اوصلك الي الدار. ثم نشر الغول عواصفه الكثيرة وطار بفاطنة الي كهفه المظلم في الغابة البعيدة وهي تبكي وتصرخ بعد ان ايقنت انه الغول:
(يا اخواني السبعة اولاد ابوي وأمي
انا الغول خطفني
يا حسن وحسين اولاد عمي الاتنين انا الغول خطفني)
سمعت العصافير النائمة صراخ فاطنة السمحة
ونظرت من اعشاشها ورأت الغول وهو يحملها
فانتظرت حتي اصبح الصباح
واخذت تحلق فوق بيوت اهل فاطنة وتغني :
(يا اخواني السبعة اولاد ابوي وأمي
انا الغول خطفني
يا حسن وحسين اولاد عمي الاتنين انا الغول خطفني)
فلم يفهم اهلها لغة العصافير
وسألوا البنات عن فاطنة فقلن انها ضاعت منهن في الظلام وكن يعتقدن انها وصلت البيت.
وكثرت العصافير
وكثر غنائها
واهل فاطنة يبحثون عنها بلا جدوي حتي ذهبوا الي العجوز ام كلاما يجوز
فاخبرتهم بما قالته العصافير
واخبرتهم بمكان كهف الغول وانه لابد ان يكون نائما وشعر فاطنة تحت رأسه وان عليهم ان يدركوها قبل ان يفيق ويقتلها. وعليهم قص شعرها الذي تحت رأسه والذهاب قبل ان يفيق.
وحذرتهم العجوز ان الغول له عشرة رؤوس ويجب ان يحملوا معهم سيفا عاشرا لان كل سيف يقطع رأسا واحدافقط.
ركب الاخوة السبعة وابني العم خيولهم التي نمشي وتطير وحملوا سيوفهم التسعة وسيفا عاشرا وعبروا الغابات والبحار والجبال حتي وصلوا كهف الغول مهتدين بالرائحة النتنة والعصافير التي رافقتهم في الرحلة لتريهم مكان فاطنة، وحين بلغوا الكهف قصوا شعر فاطنة واردفوها علي ظهر جواد وطاروا بعيدا والغول في نومه غافلا.
وصلت فاطنة واخوتها وابني عمها القرية سالمين وامضي الغول عامه وافاق ولما لم يجد فاطنة ثار ثورة غاضبة واضمر الانتقام، بدأ الغول رحلته للانتقام لكن العصافير سبقته وحذرت العجوز ام كلاما يجوز التي حذرت الجميع من غضبته.
وحالما ظهرت العواصف الملونة وجد الغول تسعة سيوف مشهرة في وجهه ، قطعوا راسه الاول فضحك، وقطعوا الثاني فضحك، وقطعوا الثالث ثم الرابع والخامس ختي التاسع ووقف ابن العم شاهرا سيفه لقطع العاشر ففر الغول هاربا.
وعاد الغول متخذا شكل نعجة حمراء جميلةوحين اظلمت الدنيا اقترب من مرقد فاطنة كاشفا وجهه القبيح فصاحت مذعورة وحين تجمعوا حولها اخبرتهم ان الغول جاءها ولكنهم لم يجدوا سوي نعجة حمراء. فظنوا انه كابوس من الكوابيس، الا ابن عمها فقد اخذه الشك في النعجة الحمراء فكمن في الظلام وحين اقبل الليل تحركت النعجة نحو فاطنة وحين كشف الغول عن وجهه القبيح كان ذلك اخر عهده بالحياة فقد قطع ابن العم راسه العاشر وانتهت قصة الغول وعاشت القرية في امان وطمأنينة.

منقول
https://www.facebook.com/HkaytZwl/posts/115628288600592

[رأفت ميلاد]

حجاوى ناس فاطنة السمحة ما جابت شعبية :frown:

نحاول حجاوى الزمن المهبب ده

الفيديو ده فاتح شهية للأمثال الشعبية الغميثة

وكلنا سروال فى جعبة :biggrin::biggrin:

https://www.youtube.com/watch?v=xMOvBDyCHVo&feature=youtu.be

[رأفت ميلاد]

ودى حجوة من الواتس آب من زمن غابر بإذن الله

جيز البرلمان الوطني السوداني خلال جلسته يوم غد قانون امن المجتمع والنظام العام الجديد . وقد أضيفت مواد جديدة للقانون على سبيل المثال مادة الحشمة وعقوبات التحرش الجنسي في أماكن العمل المُختلطة والاماكن العامة .
ومن بين البنود الخاصة بتلك المادة : أن من يحك أو يلمس خصيتيه أمام المرأه يعتبر مُتحرشًا ويدفع غرامة مالية كتعويض للشاكيين وبالعدم يُسجن بما لا يتجاوز الشهر .

وقد عبّر بعض المهتمين عن مخاوفهم من أن هذه المواد الجديدة قد تتسب بدخول أغلب السودانيين للسجن لأن حك الخصيتين لديهم موروث شعبي خصوصا وهم يعيشون بالمناطق الحارة والرطبة وبسببها تلتصق الخصيتين بالفخذين وقد اعتاد بعضهم ان يمارس هذه العادة اثناء الحديث مع الناس .


شئ عجيب انتهوا من كل قضايا الفقر والسيول والامراض والفساد المالي والاداري وقبلوا علي بيضنا .


من داخل السجن : تهمتك شنو ؟
شيكات وانت ؟
حك بيضات

[عكــود]

سلام يا رأفت،

البوست ما تخربو ..
حجاوي ناس فاطنة السمحمة جايبا دخل وزيادة.

واصل فيهو وخليك من ناس البرلمان والأمثال الشعبية الغميسة دي:smile:.

[ZEIN ABDALLA]

"شناة النيتو "
--------------

النيتو كانت بنتاً شينة المظهر وكان أبوها غنياً ويريدها أن تتزوج لكن قبح منظرها حال بينها وهذا الحلم. احتال أبوها على محمد الشاطر وأوهمه بجمالها الفتاك وحسنها البديع ما جعله يتسرع ويتقدم لخطبتها بعد أن دفع لوالدها مهراً «قنطارا من دهب» دون أن يكلف نفسه عناء التحقق من حقيقة جمالها. بعد أن تورط محمد الشاطر في هذه «الخطبة المأزق» سمع أقاويل الناس عن قبح ودمامة خطيبته «النيتو» فأرسل خادمه بشارة ليتلصص ويرى «النيتو» بعينيه ليعود ويصفها له. نجح بشارة في مهمته وأنقل لكم من الكتاب هذا الحوار الطريف ما بين محمد الشاطر وخادمه بشارة:

محمد الشاطر: كيف وش النيتو؟
بشارة: كدوسك الـ مصيته.
محمد: كيف عيون النيتو؟
بشارة: كديسك الـ زازيته
محمد: كيف خشم النيتو؟
بشارة: كنتوش ملاحك الـ تكيته.
محمد: كيف شعر النيتو؟
بشارة: صوف كديسك الـ بليته.
محمد: كيف إيد النيتو؟
بشارة: مغيزلك الـ تريته.
محمد: كيف نهد النيتو؟
بشارة: قرقادك الـ شويته
محمد: كيف بطن النيتو؟
بشارة: كرتوبك الوسط الديار رميته.
محمد: كيف ظهر النيتو؟
بشارة: قوسك الـ حنيته
محمد: كيف كفل النيتو؟
بشارة: طارك الـ دقيته
محمد: كيف كرعين النيتو؟
بشارة: ود السقد الـ سكيته وإتمطرق طالب بيته
محمد: شن يحلني من النيتو؟
بشارة: جملك إن شديته ومالك إن خليته.

(منقول )

[رأفت ميلاد]

"شناة النيتو "
--------------

النيتو كانت بنتاً شينة المظهر وكان أبوها غنياً ويريدها أن تتزوج لكن قبح منظرها حال بينها وهذا الحلم. احتال أبوها على محمد الشاطر وأوهمه بجمالها الفتاك وحسنها البديع ما جعله يتسرع ويتقدم لخطبتها بعد أن دفع لوالدها مهراً «قنطارا من دهب» دون أن يكلف نفسه عناء التحقق من حقيقة جمالها. بعد أن تورط محمد الشاطر في هذه «الخطبة المأزق» سمع أقاويل الناس عن قبح ودمامة خطيبته «النيتو» فأرسل خادمه بشارة ليتلصص ويرى «النيتو» بعينيه ليعود ويصفها له. نجح بشارة في مهمته وأنقل لكم من الكتاب هذا الحوار الطريف ما بين محمد الشاطر وخادمه بشارة:

محمد الشاطر: كيف وش النيتو؟
بشارة: كدوسك الـ مصيته.
محمد: كيف عيون النيتو؟
بشارة: كديسك الـ زازيته
محمد: كيف خشم النيتو؟
بشارة: كنتوش ملاحك الـ تكيته.
محمد: كيف شعر النيتو؟
بشارة: صوف كديسك الـ بليته.
محمد: كيف إيد النيتو؟
بشارة: مغيزلك الـ تريته.
محمد: كيف نهد النيتو؟
بشارة: قرقادك الـ شويته
محمد: كيف بطن النيتو؟
بشارة: كرتوبك الوسط الديار رميته.
محمد: كيف ظهر النيتو؟
بشارة: قوسك الـ حنيته
محمد: كيف كفل النيتو؟
بشارة: طارك الـ دقيته
محمد: كيف كرعين النيتو؟
بشارة: ود السقد الـ سكيته وإتمطرق طالب بيته
محمد: شن يحلني من النيتو؟
بشارة: جملك إن شديته ومالك إن خليته.

(منقول )

لكن يا زين ده بالغت فيها عديل كده

فى قصة أبطالا حيوانات وطيور فى واحد أكل حاجة ما حقتو ولبد ليها .. ما متذكر تفاصيل لكن تم الإتفاق يحتكموا لبير أم سعدالله البنطها برأت ذمته

بدأ الديك ووقف قدام البير وقال (بطريقة غنائية):
أنا كان أكلتو كوكوكو .. يرمينى الله كوكوكو .. فى بير أم سعدلله .. تُلّبت تلب

بعدو الكلب:
أنا كان أكلتو هو هو هو .. يرمينى الله هو هو هو .. فى بير أم سعدلله .. تُلّبت تلب

بعدو جات الغنماية
أنا كان أكلتو ميع ميع .. يرمينى الله ميع ميع .. فى بير أم سعدلله .. تُلّبت تلب

وتستمر القصة بالمنوال ده لا من يصل الحمار المسكين ويقول
أنا كان أكلتو هئ ها هئ ها.. يرمينى الله هئ ها هئ ها .. فى بير أم سعدلله .. جملق وقع

:biggrin::biggrin:

[ZEIN ABDALLA]

لكن يا زين ده بالغت فيها عديل كده

فى قصة أبطالا حيوانات وطيور فى واحد أكل حاجة ما حقتو ولبد ليها .. ما متذكر تفاصيل لكن تم الإتفاق يحتكموا لبير أم سعدالله البنطها برأت ذمته

بدأ الديك ووقف قدام البير وقال (بطريقة غنائية):
أنا كان أكلتو كوكوكو .. يرمينى الله كوكوكو .. فى بير أم سعدلله .. تُلّبت تلب

بعدو الكلب:
أنا كان أكلتو هو هو هو .. يرمينى الله هو هو هو .. فى بير أم سعدلله .. تُلّبت تلب

بعدو جات الغنماية
أنا كان أكلتو ميع ميع .. يرمينى الله ميع ميع .. فى بير أم سعدلله .. تُلّبت تلب

وتستمر القصة بالمنوال ده لا من يصل الحمار المسكين ويقول
أنا كان أكلتو هئ ها هئ ها.. يرمينى الله هئ ها هئ ها .. فى بير أم سعدلله .. جملق وقع

:biggrin::biggrin:


حكاية بير سعد الله "

قالو فى سخلتين و قمريتين و حمار ، و القمريتين ديل عندهن عيش ، قالن للحمار : احرس لينا العيش ده .مشن كده و جن لقنو مافى .قالن لو : العيش وين ؟قالهن : انا اتلفت كدى و جيت لقيتو مافى . بعدين اتشاكلو و كلو واحد قال للتانى اتا اكلتو .قالن لو : ارح لبير سعد الله نحلف فوقو
.جات القمرية قالت :قوق قوق !اكان اكلتو يرمينى الله فى بير سعدالله و
نطت جات القمرية التانية و قالت :قوق قوق !اكان اكلتو يرمينى الله فى بير سعدالله و نطت جات السخيلة قالت :ميع ميع !اكان اكلتو يرمينى الله فى بير سعد الله و نطت جات السخيلة التانية و قالت :ميع ميع !اكان اكلتو يرمينى الله فى بير سعد الله و نطت جاء الحمار و قال :ها ها !اكان اكلتو يرمينى الله فى بير سعد الله و نطا بببببببببببب وقع فى البير

(من كتاب احاجي سودانية لعبد الله الطيب)

[بابكر مخير]

أهل الشام قالوا:
سرتك مرتك
دبر حالك..
هرتك مرتك
أستر حالك..

وقال من قائل...
طلق مرتك
ريح بالك....
التوضيح ممكن يلحاءْ
حال ما حدش إفتهم :rolleyes:

[هاني عربي]

التور أب جاعورة
شمّ الدم وقال حرم
شمّ الويكة وقال تمليكة
وقلب الهوبة فى الراكوبة


يتبع :tongue:

عمو رافت صباحاتك

ما فهمنا حاجة

[سجمان]

سلام يا مقدس..
ثم الشوق وبعدو..
بوست تريان بالذكريات الحميمة..

الذاكرة بقت خربانة لكن زمان عندنا حبوبتنا الله يرحما كانت حافظة الأحاجي دي بصورة عجيبة وفي كل يوم نسمع واحدة ..
من بعض الأحاجي البتذكرا في واحدة بتقول فيها..

في واحد رسلوهو لي حاجة ما بتذكرا فمشى لقى نسوان بتمشطن وواحدة منهن قاعدة في حفرة الدخان:biggrin: قومي يالمرا وارمي الراجل في الحفرة .. واحدة من النسوان البمشطو فيهن ديل الراجل كان زوجها قامت بالحداد عليها معطت شعرا بعد داك بعدت المناحة..
في حتة في النص كدا ما متذكرة لكن المهم قالو الزول دا أسمو برغول..
قام شافا غراب قاليها مالك الليلة يا قملة حاشكال حالة الأشعار
قالت ليهو: قملة حاشكال حالة الأشعار عشان برغول وقع في النار..
قام الغراب نتف ريشو كلو قام شافو الراعي سألو مالك الليلة ياغراب الديش منتوف الريش
قال ليهو:
غراب الديش
منتوف الريش
وقملة حاشكال
حالّة الأشعار
عشان برغول
وقع في النار
قام الراعي كسر كرعين غنمو شافو البحر سألو قال ليهو مالك الليلة يالراعي غنمك كيسور..
قال ليهو:
الراعي غنمو كيسور
وغراب الديش
منتوف الريش
وقملة حاشكال
حالّة الأشعار
عشان برغول
وقع في النار

قام البحر عكر وحومر حداداً على برغول..
تاني قام منو جا سأل البحر
قال ليهو مالك يا بحرنا عيكور
قام البحر قال ليهو
بحركم عيكور
والراعي كيسور
وغنمو كيسور
وغراب الديش
منتوف الريش
وقملة حاشكال
حالّة الأشعار
عشان برغول
وقع في النار

غايتو طشاش طاش فتقوم تفتش لينا القصة دي وتجيبا كاملة لامن أجيك بي واحدة تانية..

[رأفت ميلاد]

سلامات يا شباب:

قاليك:

بركب الكركابة الله هوي
أدلى في أم روابة الله هوي
أدلى في أم روابة الجنني
و جنن العزابة الله هوي

بت العسكر تمشي و تسكر
بت النوبة تغني طروبة
مع عروبة في الراكوبة
تشر لي توبها

ضباح كسرة بملاح
تاكل لصباح
تك تك تك
بيت العجوز وين
قدام
أدونا موية
ما عندنا

يا فيصل ده ياهو القردونك بيهو بس

تعرف أنا حبوبتى القبطية كانت بتغنى لىّ
هللو يا هللو جاب لو عروس أكبر منو
جابلو عروسة منقوشة
بتاكل ميتين قرقوشة
تشرب بير وبحر كبير
وتقول عطشانة يا أوفا

أما حبوبتى الغرباوية
كانت مسميانة قندول عيش الريف
قندول عيش الريف
كان فكو بقع وكان مسكو بقيف
(وبعدا تجى الكلكة وهى بتقول)
حاج جقود كدا جقجقنا
وبالكربّشن كده كربشنا

ما تسألنى من ترجمة
:biggrin::biggrin:

[رأفت ميلاد]

عالم



حبوبات صحي صحي ياخ

ههههههههههههههه

أها يا عم رأفت

التور أبجاعورة ده
بعد ما قلب الهوبه في الراكوبة

مُش لقي بت العسكر السكرت لَط ديك بتنطط وترقص وتوبها مشعلق في طرف الراكوبه علي نغمات بت النوبة المعاها عروبة ؟

ياخي والله تفتحوا للواحد خيال لا عند غادي ياخ



أنت ما كان عندك حبوبة ولّ شنو :eek:

[رأفت ميلاد]

سلام يا رأفت،

البوست ما تخربو ..
حجاوي ناس فاطنة السمحمة جايبا دخل وزيادة.

واصل فيهو وخليك من ناس البرلمان والأمثال الشعبية الغميسة دي:smile:.



عذبناك يا عمدة وبعدين قال لىّ بعرسك وتانى قال ما بعرسك :biggrin::biggrin:

[رأفت ميلاد]

حكاية بير سعد الله "

قالو فى سخلتين و قمريتين و حمار ، و القمريتين ديل عندهن عيش ، قالن للحمار : احرس لينا العيش ده .مشن كده و جن لقنو مافى .قالن لو : العيش وين ؟قالهن : انا اتلفت كدى و جيت لقيتو مافى . بعدين اتشاكلو و كلو واحد قال للتانى اتا اكلتو .قالن لو : ارح لبير سعد الله نحلف فوقو
.جات القمرية قالت :قوق قوق !اكان اكلتو يرمينى الله فى بير سعدالله و
نطت جات القمرية التانية و قالت :قوق قوق !اكان اكلتو يرمينى الله فى بير سعدالله و نطت جات السخيلة قالت :ميع ميع !اكان اكلتو يرمينى الله فى بير سعد الله و نطت جات السخيلة التانية و قالت :ميع ميع !اكان اكلتو يرمينى الله فى بير سعد الله و نطت جاء الحمار و قال :ها ها !اكان اكلتو يرمينى الله فى بير سعد الله و نطا بببببببببببب وقع فى البير

(من كتاب احاجي سودانية لعبد الله الطيب)

فك لينا زيادة من الكتاب ده باخ

[رأفت ميلاد]

أهل الشام قالوا:
سرتك مرتك
دبر حالك..
هرتك مرتك
أستر حالك..

وقال من قائل...
طلق مرتك
ريح بالك....
التوضيح ممكن يلحاءْ
حال ما حدش إفتهم :rolleyes:
لا مفهوم وغالباً ناس أستر حالك يوهو حالنا البقينا فبهو :biggrin::biggrin:

[رأفت ميلاد]

عمو رافت صباحاتك

ما فهمنا حاجة

أشرب ليك كبايىة لبن مقنن وأمش نوم :biggrin::biggrin:

[رأفت ميلاد]

سلام يا مقدس..
ثم الشوق وبعدو..
بوست تريان بالذكريات الحميمة..

الذاكرة بقت خربانة لكن زمان عندنا حبوبتنا الله يرحما كانت حافظة الأحاجي دي بصورة عجيبة وفي كل يوم نسمع واحدة ..
من بعض الأحاجي البتذكرا في واحدة بتقول فيها..

في واحد رسلوهو لي حاجة ما بتذكرا فمشى لقى نسوان بتمشطن وواحدة منهن قاعدة في حفرة الدخان:biggrin: قومي يالمرا وارمي الراجل في الحفرة .. واحدة من النسوان البمشطو فيهن ديل الراجل كان زوجها قامت بالحداد عليها معطت شعرا بعد داك بعدت المناحة..
في حتة في النص كدا ما متذكرة لكن المهم قالو الزول دا أسمو برغول..
قام شافا غراب قاليها مالك الليلة يا قملة حاشكال حالة الأشعار
قالت ليهو: قملة حاشكال حالة الأشعار عشان برغول وقع في النار..
قام الغراب نتف ريشو كلو قام شافو الراعي سألو مالك الليلة ياغراب الديش منتوف الريش
قال ليهو:
غراب الديش
منتوف الريش
وقملة حاشكال
حالّة الأشعار
عشان برغول
وقع في النار
قام الراعي كسر كرعين غنمو شافو البحر سألو قال ليهو مالك الليلة يالراعي غنمك كيسور..
قال ليهو:
الراعي غنمو كيسور
وغراب الديش
منتوف الريش
وقملة حاشكال
حالّة الأشعار
عشان برغول
وقع في النار

قام البحر عكر وحومر حداداً على برغول..
تاني قام منو جا سأل البحر
قال ليهو مالك يا بحرنا عيكور
قام البحر قال ليهو
بحركم عيكور
والراعي كيسور
وغنمو كيسور
وغراب الديش
منتوف الريش
وقملة حاشكال
حالّة الأشعار
عشان برغول
وقع في النار

غايتو طشاش طاش فتقوم تفتش لينا القصة دي وتجيبا كاملة لامن أجيك بي واحدة تانية..
عايتو وقعنا فى جنس حبوبة :biggrin::biggrin:

يا زول زيدنا

قصتك زي قصة السخلة كريت

أمها قالت ليها أمشى البيت يا كريت
قالت ليها أبيت
قالت للعصاية دقى كريت عشان أبت تمشى البيت
قالت ليها أبيت
قالت للنار أحرقى العصاية عشان أبت تدق كريت عشان أبت تمشى البيت
قالت ليها ابيت
قالت للقربة أطفى النار عشان أبت تحرق العصاية عشان أبت تدق كريت عشان أبت تمشى البيت
قالت ليها أبيت
قالت للشوكة قدى القربة عشان أبت تطفى النار عشان أبت تحرق العصاية عشان أبت تدق كريت عشان أبت تمشى البيت
قالت ليها أبيت
قالت ليها يا شوكة أنا غنماية باكلك
قالت ليها خلاس خلاش بقد القربة
القربة قالت ليها خلاس خلاس بطفى النار
النار قالت ليها خلاس خلاس بحرق العصاية
العصاية قالت ليها خلاس خلاس بدق كريت
كريت قالت ليها خلاس خلاس بمشى البيت

[عماد سلمان]

سلام وتحية.


(افتحوا لي الباب ياوليداتي، القش كسّر قريناتي، واللبن قطّع ضريعاتي)

المقطع أعلاه من حجوة الغول والغنماية واولادها.
سمعت الحجوة من اكثر من حبوبة.
والآن قرأتها بأكثر من لهجة، والقصة منتشرة كذلك بأكثر من لغة.
وجيرانكم الالمان ينسبون القصة لتراثهم، حقق في الموضوع.

وينطبق هذا الكلام على كثير من القصص والأساطير.

[رأفت ميلاد]

سلام وتحية.


(افتحوا لي الباب ياوليداتي، القش كسّر قريناتي، واللبن قطّع ضريعاتي)

المقطع أعلاه من حجوة الغول والغنماية واولادها.
سمعت الحجوة من اكثر من حبوبة.
والآن قرأتها بأكثر من لهجة، والقصة منتشرة كذلك بأكثر من لغة.
وجيرانكم الالمان ينسبون القصة لتراثهم، حقق في الموضوع.

وينطبق هذا الكلام على كثير من القصص والأساطير.

سلامات ي عماد طلتك تفرح

كل الحجاوى تلقاها فى مجتمعات تانية مع فوارق صغيرة .. بنتى (25سنة) لامن كانت فى الإبتدائى كتبت قصة (كريت) فى طلب من المعلمة المهتمة بحجاوى الشعوب .. زارتنا فى البيت وقالت فى حجاويهم لديهم قصة مشابهه .. وأستأذنت أن تنقل (كريت) الى متحف الأطفال

التداخل هذا نجده أيضاً فى الأمثال .. مثلاً مثل (أذا كنت فى أرضهم فأزرع كما يزرعون) مثل ألمانى شائع

[سجمان]

سلام لي صاحب البوست العجيب..

(حليل قبة مهيدي الزارع القليدي
الحبو شقاني من القصر دلاني)

غايتو ما عارف الناس معروفة ليهم قصة فاطنة السمحة..
لكن المقطع الفوق دا من قصة فاطنة تاني اسمها فاطنة القصب اللحمر..

كدي يا حبوبة خواجة تمها لينا..:gap: