قالوا العروس ابت العريس

[imported_Dr. Mohammed Hassan]

بسم الله الرحمن الرحيم
(1)
حكاية الحاج ودبشير
حكاية الزمن الانين
والآهة في الحوش الكبير
في عام كبييس وعقاب شهير
والليل مغادر
الناس نيام
وناس سهرانة في العرس الشهير
تلب فجر حاج ودبشير
وصبح الصباح
الكانو نايمين صحصحوا
يارب حلم؟!
جانا من وين حاج ودبشير؟!
صرصر وشيه
حمر عينيه
نهر النسوان ادخلن
خل العيال قلبن يطير
ناسن تنطط بالفرح
ناسن من الحصل عقلن سرح
( من هسة ياناس السجم
ادوا الفرض
ما في البيوت
فوق االجوامع والحرم
مافيش سهر
مافيش سكر
مافيش
اكل
مافيش شراب
مافيش قروش
ناس اتملت من الشحم
كبرت كروش
فرحانة بالحاج ودبشير
يتبع

[imported_أبومناهل]

مافيش سهر
مافيش سكر

يتبع

ما في شنو ؟؟؟؟؟؟؟؟؟؟

[أبو الحسين]

ما في شنو ؟؟؟؟؟؟؟؟؟؟

أسأل تااااااااااااااني؟؟؟

يا رب لا تَمَحِنَّا....

؟؟؟؟؟؟؟؟؟؟؟؟؟؟؟؟؟؟؟؟؟؟؟

لكم ودي بلا حدود...

أبو الحســـــــــين....

[معتصم الطاهر]

طيب الفى شنو ؟

[ناصر يوسف]

( يتبع )

د. محمد حسن


ما زلت في إنتظار ما يتبع حتي تكتمل عندي الرؤيه

[imported_خالد الحاج]

شفقتكم دي الخلتهم يقعدوا 17 سنة :o :o
خلو الزول يساسق بي مزاجو.
علي أقل من مهلك يا دوك... ومافي عجلة حاج البشير قاااااااعد
وتضخم كرشه دليل صحة :( :(

[عكــود]

شفقتكم دي الخلتهم يقعدوا 17 سنة :o :o
خلو الزول يساسق بي مزاجو.
علي أقل من مهلك يا دوك... ومافي عجلة حاج البشير قاااااااعد
وتضخم كرشه دليل صحة :( :(
:D :D :D
النصيحة لله كنت عايز إستعجلو شوية ..
لكن هرشتك دي خوّفتني،

فليسقط الإرهاب،

عكــود

[imported_خالد الحاج]

فليسقط الإرهاب،

عكــود


والله بس ياهو :D
حقارتك فيني أنا المسيكين ده
الشكية لله.
همسة:

شوق والله يا عكود كتير.
هاآزول سمعتو ولا جابوه ليك؟

[ناصر يوسف]

د. محمد حسن يعني عن وزنك وكدي النرحب بالزول الممراح خالد الحاج

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ


ود الحاج

أخيرا جييييت

جيدن جيت واالله يا أخوي
يا أخو البنات وغتاين
يا دابي الخلا
يالزين وعديل
خالد اب رأيا سديد
أب عقلا نصيح
الزول السمح ود القبايل


ــــــــــــــــــــــــــــــــــــــــــــــــــ ــــــــــــــــــــــــــــــــــ

يعني فوق المعني كدي شفتك جيت راجع علي البوستات كدي وااااااحد واحد
قلت كدي النلحق الخال ده قبال ما يصل بوست عمنا عكود بتاع (البوخه المطبوقه) وكدي

يعني فوق المعني كدي والنعمنو كدي

يعني بكسرلك طن بتاع تلج ...

[imported_Dr. Mohammed Hassan]

بسم الله الرحمن الرحيم
(2)
وباقي العيال
لما النفوس اتضايقت
والحوش صغر رغم الوساع
ومنه اتمسح صافي الضمير.
الاغترب
صوت المغني المكتئب
( لا سراب الصحرا موية...)
لا من نشف منه الغنا
والفي المجاهيل انضرب
المزارعين والدكاترة
الصيادلة
البياطرة
والايادي الماهرة عاملة
وجوك يالحاج ود بشير
الصعاليق
المطليق
والعطالة
وغنو ليك
امشي سير
ديل ما شوية عمالة
خانو دينهم بالعمالة
كاسوا للمال الوفير
يا حاجنا سير
والحول في طيز الحول يصير
والحول قصير
والحال يمحن للبصير
وفي يوم صباح
حاج ود بشير
نادى الوليد المستشار
قال ليه يا فهم الدكاترة
عايزك تشير
يتبع

[ناصر يوسف]

لا فوق


لا فض فوك


في إنتظار ما يتبع حتي اكتمال الرؤيا

[imported_Dr. Mohammed Hassan]

بسم الله الرحمن الرحيم
(3)
انا داير الم ناس الفريق
البعيدين والقراب
واعزم كمان حتى الخواجات
االعواجيز والشباب
عيزومة جد.
رايك شنو يا زين شباب البيت
و يا اب رايا خبير
اتنحنح الدوك وابتسم
( نعم الفهم
يا راسنا يا حاج ودبشير)
جوهو القلوبهم فيها شي
من حس ومن صاحي الضمير
قالولوا بي صوت مستحي وخجلان شديد:
كيفن بتعزم يا الكبير
والبيت قديم
سقفه البخر من المطر
نوافذه والباب المخلع
صفاية لي ريح الشتا
في الزيفة والبرد الشديد
والادبخانات
والملاريا الساكنه في لحم الوليد
يا شيخنا خليها العزومة
جوهو
ابين جلودا ناعمة والدقن المسبسبة بانتظام
نهرو البقولو الحق بلعنوا في الضلام
وضحكوا للحاج ودبشير
( خليك من ناسا فقر
نضمن كتر
ما بعرفو غير شين الكلام...
نبني في الصالون طوابق
ونجيه الحوش ناحية الباب والشوارع
الجوة سيبه ، ما هو فارق
ونسكن الريسان فنادق.
ونفسحهم
في نيلنا قبال المشارق)
ضحك الكبير
طلقوا المداعي
وجوهو من كل الفريق
الا بس
جارو القريب
والكان عليه الرك والامل القريب
قال ما بجي
منزول وعيان
متمدي فوق العنقريب
والشارع الكان متكسي
بي تراب سنين
وسخ سنين
بقوه بالنور منكسي
وآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآخ
من قايد الاسطول
ومن طعم الحلا
ويا سيدة لا
انت ماشبه التكل والبهدلا
ولا بتسكني في الخلا
والله لا
ما الحنة
والاصبع مقمع
باسطة من دكان سلا


يتبع
_________________

[imported_د.سيد عبدالقادر قنات]

يادكتور ما بالغت كدي عديل
ومسعول كبير في الحلة غير الله انعدم

مسعول كبير زاير البلد
تقيفو صفوف صفوف
وتهيجو الخلا بالكفوف
وتقولو عاش يحي الوطن

سامعني ولا اقول

قتليهو يا العمدة مسعول كبير غير الله انعدم

ونهايتا رموني جوة السجن
انشا الله ما ضوقوا السجن

ويادوكتور

نحن عندنا اجتماع قريب
والمسعلة انا عازم لي 22 من اصحابي
فكرك تاني في مانع ما يجو
وريحة الطيور بتحميهم ولا شن فكرك
والله انا سويتليهم مركب كبيرة وسمحة وماهلة وما خمج

وريتا زاتا الدورة دي نقعدا مع الريس
عشان البابور ما يقطع جاز

ودور بي يا البابور جاز

يديكم العافية

[imported_Dr. Mohammed Hassan]

بسم الله الرحمن الرحيم
(4)

يوم العزوما الماخمج
اتقيف الحاج ودبشير
صبغ الشعر المصفف
ودقنه والشنب المحفف
وكل الضيوف قاعدين حضور
وقال كلمته عن السلام ونضافة الحوش الكبير
والقول رصين
مليان بلاغة وابتداع
-بس بي تحت
ما فعله شين-
وبالمختصر
ياضييوفنا كايس قربكم
داير العروس
بعض الضيوف من الخجل صوتهم كتم
والباقي بالقول الجهير
قالولو خلينا نمشي ونستشير
وجوك يا لبنية البشتهوك
قبلانة بالحاج ودبشير؟؟
نفخت..
وحدجت بالنظر
عينيها كا ن شر مستطير
اقبلوا به كيف؟!
مازبل البيت للخريف
ما بملى تيبار
وما بشوف كان في الطبق كسرة ورغيف
زولكم بدور المنجهة ولبس البدل والدنيا صيف
شوف حال عيله وشكلتهم
عيال صباح
عيال غرب
وعيال صعيد
لابعرفو خيلا لا جويد
لا بشيلو سيف
السافل المهدود نزيف
اقبل بو كيف؟!
وانا بي وراي اعوج رهيف.

وجوهو الضيوف
والله يا حاج ودبشير
شكرا كتير للضيفة والخير الوفير
علا العروس ابت العريس
والكلمة واحدة ومافي غير
نطلب الله
وانشاء الله عامر
وانفض سامر الناس
وزولنا الكان مامل
صار كسير
جاهو الوليد المستشار
قال ليه بس .. لقيتها ليك
خلي العروس الشينة ام انفا كبير
عشان رضاك
اقطع بحر
امشي الحجاز
ازور امارات الخليج
مصر الكنانة
جبال الارز والشام
والمغرب المليان هجيج
واجيبها ليك احسن عروس
فصيحة ما بتعرف رطانة
وحنينة زي ناعم الحرير
و......
و......و........
وآخ يازمن
والساقية ملت
من قصة الحاج ودبشير

[ناصر يوسف]

والساقيه لسه مدوره

[imported_Dr. Mohammed Hassan]

بسم الله الرحمن الرحيم

ما في شنو ؟؟؟؟؟؟؟؟؟؟
:D

[imported_Dr. Mohammed Hassan]

بسم الله الرحمن الرحيم

أسأل تااااااااااااااني؟؟؟

يا رب لا تَمَحِنَّا....

؟؟؟؟؟؟؟؟؟؟؟؟؟؟؟؟؟؟؟؟؟؟؟

لكم ودي بلا حدود...

أبو الحســـــــــين....

اسأل ولا يهمك الشباب جاهزين

[imported_Dr. Mohammed Hassan]

بسم اله الرحمن الرحيم
( يتبع )

د. محمد حسن


ما زلت في إنتظار ما يتبع حتي تكتمل عندي الرؤيه

ولا تكتمل الرؤى الا بتلاقح الافكار
اثمن المتابعة

[imported_Dr. Mohammed Hassan]

بسم الله الرحمن الرحيم
طيب الفى شنو ؟
الفي الضبايح
سكينك سنينة؟ :D

[imported_Dr. Mohammed Hassan]

بسم الله الرحمن الرحيم
شفقتكم دي الخلتهم يقعدوا 17 سنة :o :o
خلو الزول يساسق بي مزاجو.
علي أقل من مهلك يا دوك... ومافي عجلة حاج البشير قاااااااعد
وتضخم كرشه دليل صحة :( :(

شفقتكم دي القدت .... :rolleyes:
تمها سكت مالك
الحمدلله بدينا
وهسة اتفرغنا نحيي كل الذين منتظرين العريس

[imported_Dr. Mohammed Hassan]

بسم الله الرحمن الرحيم
:D :D :D
النصيحة لله كنت عايز إستعجلو شوية ..
لكن هرشتك دي خوّفتني،

فليسقط الإرهاب،

عكــود
افو
ماقلتو
( انا ما بخاف
انا ما بعرف الخوف
وان كشكش كديس تلقاني قايم صوف)

فليسقط الارهاب

[imported_Dr. Mohammed Hassan]

بسم الله الرحمن الرحيم


د. محمد حسن يعني عن وزنك وكدي النرحب بالزول الممراح خالد الحاج

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ


ود الحاج

أخيرا جييييت

جيدن جيت واالله يا أخوي
يا أخو البنات وغتاين
يا دابي الخلا
يالزين وعديل
خالد اب رأيا سديد
أب عقلا نصيح
الزول السمح ود القبايل


ــــــــــــــــــــــــــــــــــــــــــــــــــ ــــــــــــــــــــــــــــــــــ

يعني فوق المعني كدي شفتك جيت راجع علي البوستات كدي وااااااحد واحد
قلت كدي النلحق الخال ده قبال ما يصل بوست عمنا عكود بتاع (البوخه المطبوقه) وكدي

يعني فوق المعني كدي والنعمنو كدي

يعني بكسرلك طن بتاع تلج ...
عليك الله يا ناصر ده طن؟!
طيب القطب الشمالي يكون شنو .. كيلو! :D

[ناصر يوسف]

بسم الله الرحمن الرحيم


عليك الله يا ناصر ده طن؟!
طيب القطب الشمالي يكون شنو .. كيلو! :D


ــــــــــــــــــــــــــــــــــــــــــــــــــ ــــــــــــــ


لا لا يا دكتور

ما أصلو ...

يعني فوق المعني كدي ....

والنعمنو كدي الواحد زي داير يقول ...


ما هو الحكاية ؟؟؟
غنمايتنا ما .....


لالا هو في الواقع ...



يعني ....

أوروروووووووووووووووك




يعني الواحد يا دكتور علا يدق الروراي في الخلا ؟؟

إلا الله محمد رسول الله

ده بدل ما تساند أخوك من مصايب ود الحاج البخمخم ليهو فوقها دي ؟؟ :D :D :D :D

[imported_mohamed hemaid]

الواحد راسو لفا..
الداير يعرس منو يا جماعة ؟؟ ود البشير وللا ود يوسف؟. :D

دكتور ود الحسن سلامات..
تاني سؤال..
هل ستقبل العروس الجديدة بالتصليحات
القديمة ام سيكون هناك توسيع للصالون
وتعلية للسور الجديد؟؟
ان شاء الله تقبل بس..

[ناصر يوسف]

ود يوسف عررررررررررررررس
يا ود حميد

عرس

سودانياااااااااااااات

.....

[imported_Dr. Mohammed Hassan]

سخااااااااااااااانة يا غاااااااااااااانا

[imported_Deer]

سخااااااااااااااانة يا غاااااااااااااانا

يا دوك...
والله ضحكتي قربت تقرتق المبني العتيق وتملا الشارع.... قلت لي سخانة؟!!!!!!!!! قالوا السر لي سره والغريب يندخرلوا... الفيكم نحن تب عرفناها وبعد دا لو ما عملتوا حسابكم بنقبل علي الهجين... قال هجين!!! عمرنا دا كله ما بيأكلونا في الذرة الهجين ولا أنا اختلت علي الاختساس...

بيني وبيني العريس لو فيهو نفع ما بيقولو ليهو لأ... و الدليل ألولو

اتقيف الحاج ودبشير
صبغ الشعر المصفف
ودقنه والشنب المحفف
الصبغة حرمتها خليناها مش قلتو بتكتل؟!!! و بتعمل الفشل الكلوي؟!!!! هسه زولك دا المظهر BIG ZERO ياربي الجوهر كيف؟!!!! وأوعك تجيب لي سيرة التعويض اياها.... بعد دا ما بتشتغل معانا...

والشماااااااار لسه متواصل...