عذراً

[imported_ود البدوي]

أستميحكم عذراً ناس سودانيات لطول تأخري عن مشاركتكم لظروف طارئة . وأشكر كل من تقدم لنا بالتهنئة والمباركة لزواجي الذي كان في الأيام الماضية. ويللا جينا

[imported_عبدالله الشقليني]

حبيبنا ود البدوي
مبرووووووووووووووووووووك
وأصبحتَ زي ما بقولوا ناس الموبايلات :
إنتَ بقيت من الشريحة غير المُستَهدَفة ،
وبقيت زينا ..
بيت مال ، مال ، مال ،
ثم عيال

[imported_سارة]

ود البدوى وعروسته الرائعة سلامات وحمد الله على السلامة

يؤسفنى جدا ان ازدحم وقتى ولم أسعد بمقابلتكم وهذا حظى العاثر دائما لكن قريبا

فى اجازة طويلة باذن الله ساراكم

مودتى وتقديرى لك وللعروس


سارة

[imported_د.سيد عبدالقادر قنات]

أخونا ود البدوي

ألف مبروك

تغلبك بالعيال وتغلبا بالمال الحلال


يديكم الصحة والعافية والولدة الناجحة

[imported_ود البدوي]

الأستاذ شقليني:
جزاك الله عنا كل خيرٍ فيا نعم المرحب بالقدوم
سألت الله أن ينجيك خلِّي من الآفات والسقم الأليم
ويُرضي والديك عليك دوماً ويوم الحشر تظفرُ بالنعيم
وفي الجنات تلقي بها خلودا وتنظر عندها وجه الكريم

[imported_ود البدوي]

الأخت سارة:- سلام عليك. وبإذن الله نتلاقي وأشكر لك هذا الشعور الطيب.
وإن شاء الله إجازة سعيدة وهنية.

[imported_ود البدوي]

د سيد عبدالقادر قنات: مشكور عزيزي على هذه الإطلالة العظيمة, وطبعاً متزوج عشان كدة بقول ليك إديك المال الحلال والعيال الكتار وبعد دالك الحج بس.

[imported_خالد الحاج]

أستميحكم عذراً ناس سودانيات لطول تأخري عن مشاركتكم لظروف طارئة . وأشكر كل من تقدم لنا بالتهنئة والمباركة لزواجي الذي كان في الأيام الماضية. ويللا جينا

حلوة ظروف طارئة دي يا ود البدوي :D :D
إريتها ظروف خالك بعد ده :o :o

[imported_أبو العز الجنوبي]

ود البدوي
الف الف مبروك، تغلبها بالمال الحلال، وتغلبك بالعيال الفحال
ومرحب بيك وبالعودة....
ونور لينا الدرب نشوف الزواج فيك...

[جميلة]

???

[imported_ود البدوي]

الخال العزيز سلام عليك:
شايف عاجباك كلمة ظروف طارئة دي:
وبعدين إنتو بقيتو كبار ياخال بعد دا عرس مافي. في عمرة وحج بس

[imported_ود البدوي]

أبو العز الجنوبي : مشكور يا سيدي علي هذا الترحيب والحفاوة (إن شاء الله معزوم فيها)

[imported_ود البدوي]

الأخت جميلة: مشكورة جداً وما قصرتي :بس خليهم قصرين بدل واحد . أنا واحد والمدام واحد