قال عكـود يومآ:.. (الحنينة) هي أرقّ أوتار الطنبور..

[imported_الطيب بشير]

تقول العرب (الـلّـيم) ..هو أرقّ أنواع الحنين..

إيه الحياة غير ليمك..من حالك أصبح.. حظّي زي لون هضليمك (يعني زي لون شعرك)..

و يا شباب مهما نقاسي..الـلّـيم قاسي قاسي

و كثير من الشعر و الغناء

و جارتنا في طابت إسمها الـلّـيم

كتب لي الرائع عكود ذات لطف
جنـــابو،

إنت عارف في سِـلِـك (وتر) في الطنبور إسمو الحنينة؟

الرابط (http://sudaniyat.net/vb/showthread.php?t=1791)

و لا نريد أن نرى ناس الجزيرة يحتكروا مصطفى سيدأحمد أو أبا عركي أو الكاشف أو محمد الأمين..مثل ما احتكر آل أبي جهينة محمد وردي:p ..يستطيع عكود أن يدندن بوتر الحنينة في منتدى البركل..و يشدو بوتر :confused: ؟؟؟الأوتار التانية إسمها شنو يا خرابة؟؟..يستطيع أن يجوب بسماحة ابتسامة عمامته كل المنتديات..و هاهو طارق الحســن بيننا يؤكّـد ذلك
كتب عكود أكثر من مرة أنه عاد..و سيعود
لكنه غااااائب في الركايب
و بعد عكود سنتابع البقية
نريدكم هنا
في بيتكم
نحتكم للجمال..و نضمّـد إبداع بعضنا..فـهــلآ؟؟

الطيب بشير الطيب/ ميامي/ فلوريدا الأحـد خمسطاشر أبريل 2007

.

[معتصم الطاهر]

بصراحة يا الطيب

قبال يجى عكود

نطرد السبب الطفّش عكود

بس هو شنو ؟

[imported_خالد الحاج]

http://sudaniyat.net/upload/uploading/s1.jpg

http://sudaniyat.net/upload/uploading/s2.jpg

سلامات يا شباب..
ليتك يا طيب تقول له أننا نفتقده ...هنا ... وفي البركل...
وعكود يا باش ما بيطفش... وما في سبب يطفشو...
أظنها مشغوليات والله أعلم...
في حديث تلفوني قبل يومين نقل لي خبر جميل...
سيكون عكود والأسرة بيننا هذا الصيف إن شاء الله...
ويا عكــــــــــــــود.... ما تجيب لينا النبيشة وأدينا طلة.

[imported_الطيب بشير]

بصراحة يا الطيب

قبال يجى عكود

نطرد السبب الطفّش عكود

بس هو شنو ؟

هلا معتصم

دحين (طفّـش) دي هنا بالخليجي؟..ولا بالسوداني؟

ع شان المعنى بيختلف

[imported_الطيب بشير]

في حديث تلفوني قبل يومين نقل لي خبر جميل...سيكون عكود والأسرة بيننا هذا الصيف إن شاء الله...
ويا عكــــــــــــــود.... ما تجيب لينا النبيشة وأدينا طلة.
مرحبتين يا خالد الحاج يا حـبّـــوب
الزول دة في التلفون قال لي زي جلغماية مرة إنو جايي يكتب هنا
المرة الفاتت في البوست بتاعي (أعاد عكود أم عاودني ضلالي)..رجع رضّـانا بي يومين و تاني رجع لي ضلالو القديم هو لي رقبتو..:D
هسع انت وكتو اليجيك أقبضو من عمامتو (الوقّـة) دي..و أفرح به بنات سودانيات..سجن سجن غرامة غرامة:(
و بننتظر..

[imported_الطيب بشير]

.

أريـــــــــتــــــك تـبـقـى طـيّــب إنـت....أنا البي كـلّـو هيّن (http://www.youtube.com/watch?v=uXJ2APYznZg)

.

[بابكر مخير]

سألت العروس الحلوة
تشربي شنو؟
ترددت وبخجل لاهو متصنع ولامفتعل.
أيوو حاجة
طيب أبوك ما بيشرب عشان نجيب ليهو حاجة يشربها؟
كان سؤالي التاني ليها ونحن في طريقنا لشراء "حاجة باردة".
ردت وببراءة الطفولة مضاف لها ذكاء الشوايقة وعفوية أبوها:
أبوي بيشرب موية دايماً لمن يأكل شطة:mad: :mad: ........
إنتهى
يا ابوالبشير أخاف أنو عكود يكون شرب موية كتير بعد ما أكل شطة كتيرة ولخبتت ليهو بطنو ويكون دا سبب غيابو، غير كدا ما شايف ليهو عذر;)
المهم الشمار حيكون عندك فك طلاسمو في خلال العشر يوم الجايات لمن أرجع الإمارات وبعون الله أركب الصعاب وأتوجه الي غرب الامارات في البحث الجاد عن عكود والشطة البتشرب موية كتير
حبي وإعجابي بزهرة عكود الحلوة الحبيبة

ولك يا دفعة همسة(أمبارح كان في فكرة عقد جمعية عمومية < لمرافيت > ضباط الشرطة المفصوليين تعسفيا ولكن لأسباب أجل أم لغى الله أعلم)
المحبة والمودة

[imported_أبوجهينة]

أبو بشير الطيب
صباح الخير يا جنابو

و لا نريد أن نرى ناس الجزيرة يحتكروا مصطفى سيدأحمد أو أبا عركي أو الكاشف أو محمد الأمين..مثل ما احتكر آل أبي جهينة محمد وردي

لا تنسى إنو أنا برضو بالفرع التاني محتكر مصطفى سيد أحمد.:p

نجي للطنبور أو الربابة

هناك وتر في الربابة إسمه ( المسيكينة ) و هو الذي يلامسه أصبع الخنصر و هو أشد الأوتار ( شداً ) عند دوزنته مع بقية الأوتار.

غياب العكود هنا كالربابة التي ينقصها وتر ... فيأتي دِفْق الصوت كصوت دون رجْع ..
نفتقدك يا عكود

[imported_الطيب بشير]

مرحبتين يا كومندان يا دكتور يا صاحب
و الله بنية عكود "سـت أبوها"..سيرتها العطرة نافسـت عكود أكثر من مرة..و كل من يأتي من تالا عمو عكود لازم يكون طيب..اليجاور السعيد يسعد..و ما تنسى (سعيد الدنيا يدّي قريرو طلّـة)..فما بالك بأهلها..

[color=#CC0000]ولك يا دفعة همسة(أمبارح كان في فكرة عقد جمعية عمومية < لمرافيت > ضباط الشرطة المفصوليين تعسفيا ولكن لأسباب أجل أم لغى الله أعلم)
بالنسبة للبوليص يا سعادتك
و الله نشد من أزركم
و نقف من خلفكم
و نريد أن نعرف "تعليماتنا"
لكن للتوضيح، و حتى لا يلتبس على البعض..أنا قدّمت استقالتي..و تمّ قبولها .. و سافرت في اللوتري بتاع أمريكا..يعني "في الحـتّـة دي:D " ما مظلوم أبدآ..يجمعني الهم العام مع شرفاء أعزاء مثلكم..لا حدود لدعمي لهم..لكن لا شيء شخصي البتّـة..نحن اترفتنا من التلفزيون شفاهة و سفاهة من الطيب مصطفى قريب الإنقلابي!!
تمنياتي لكم بكل التوفيق..
و أنا منتظر "ثابت" لأي تعليمات
.

[imported_يسرا مصطفي]

في ريحة جروف بي هني
ياربي جايي من وين ؟؟
وكمان ريحة طمبور؟؟
يابي هني في ؟؟

[imported_الجيلى أحمد]

اللوترابى, ودالشيخ , راجل ميامى..

عكود زولآ سمح بالحيل,
وكلامو عن الحنينه فى بكانو
والإتنين نسمة ودعاش فى هذه الدار

بنسأل منو كتير والله,

ياها عوايدك ياأبوالبشير


ودالحاج
دا والله خبر جميل
وكلنا حانجى بى هناك..
أدينى التفاصيل وحاأكون معاكم طيران..


بلا شغل بلا بطيخ..:mad:

[imported_الطيب بشير]

في ريحة جروف بي هني
ياربي جايي من وين ؟؟
وكمان ريحة طمبور؟؟
يابي هني في ؟؟

تحـســبوا لعــب؟؟

هـلا هلا بالأخــت يسرا مصطفي

جروف..و (حروف)..نغم..دوبيت..و قرّاصــة ذاتو عندنا

مرحب بيك لا داخل

هل أتاك حديث آل عـكــود؟؟

.

[imported_الطيب بشير]

:D اللوترابى, ودالشيخ , راجل ميامى..
عكود زولآ سمح بالحيل,
وكلامو عن الحنينه فى بكانو
والإتنين نسمة ودعاش فى هذه الدار

بنسأل منو كتير والله,

ياها عوايدك ياأبوالبشير
:mad:
حباب جيلي القوم
تحية و شوق يا مطموس :D
صح لسانك .. حنينة ..إنسان بماكينة ملاك ..
أحيانآ أجدها too good to be true
و عكود لا يقل عنها ..عنك ..روعة ..
لا يحجب بسمة عن أحد
نريدهما معآ
معنا .. في سودانيات ..
حنينة موجودة .. و عكود غايب
وحشتنا كتاباتو ..
أشعار آل عكود ..
ود بادي ..
مناكفاته لي/ لك..
حتى حمار التيمان وحشنا يا شيخ الجيلي ..:D :D
دفننا راسنا في الرمال فترة كافية
قلنا سودانيات لا تحتمل فتح كل الملفات ذاك الوقت ..الأزمة
و الحمد لله ..نحن الآن أفضل..
عكود ..ما ا ا ا ا ا مبسوط ..
عاوزين نراضيهو
بالضغط العاطفي
بالتنازلات
I don't know
قولوا إنتو؟
تسلم يا الجيلي

.

[imported_الطيب بشير]

أبو بشير الطيب
صباح الخير يا جنابو



لا تنسى إنو أنا برضو بالفرع التاني محتكر مصطفى سيد أحمد.:p

نجي للطنبور أو الربابة

هناك وتر في الربابة إسمه ( المسيكينة ) و هو الذي يلامسه أصبع الخنصر و هو أشد الأوتار ( شداً ) عند دوزنته مع بقية الأوتار.

غياب العكود هنا كالربابة التي ينقصها وتر ... فيأتي دِفْق الصوت كصوت دون رجْع ..
نفتقدك يا عكود

أبو جهينة يا غالي ..لومك علي ..و على جهلي التقني
دنكلت لك مداخلة غليدة ..بإقتباسات و ألوااااان ..و بعثتها ..لكني لم أجدها هنا!!
قلت لي في وتر في الربابة إسمه ( المسيكينة ) ؟
دة أكيد جميل ..المساكين ديل أهم ناس
تحياتي ياغالي ..و ما قلت لي أمين وين؟ معاكم بالمملكة لسع؟


.

[imported_أبوذر بابكر]

وحبابين "طيب القوم"

ود أبواتى لحاقين بعيد

تعرف عجبتنى "جيلى القوم" الفوق دى
طوالى قلت أجيرها لسعادتكم

ومعاها كمان "القيام لكم"

وفعلا والله يا ابو البشير أنا مما جيت صاد للحلة النديانة دى
ما شايف اخونا عكود

شريكى فى "جب" الإسم

ياخى أهلنا ديل ذاتن ناس عجيبين
يعنى ما لقو إلا يسمونا على "كنية"

طيب كان يسوها "جُندب" عديل

ما علينا

خلينا فى سؤالنا عن عكود

وكان لميت فيهو أغريهو السلام والتحايا

بعد ما تشيل إنت منها ما يكفيك ويزيد

[imported_wadosman]

الاخ الطيب...

و برضو نسأل معااك...!!!
والله حقيقة افتدقنا الاخ عكود...

[imported_wadosman]

ياا اخوى الطيب
زول تنقااسى دا كان ما جابو
تاانى مافى فاائدة.....

http://andorra.indymedia.org/uploads/2006/11/algioum.wma

[imported_الطيب بشير]

وحبابين "طيب القوم"

ود أبواتى لحاقين بعيد

تعرف عجبتنى "جيلى القوم" الفوق دى
طوالى قلت أجيرها لسعادتكم

ومعاها كمان "القيام لكم"

وفعلا والله يا ابو البشير أنا مما جيت صاد للحلة النديانة دى
ما شايف اخونا عكود

شريكى فى "جب" الإسم

ياخى أهلنا ديل ذاتن ناس عجيبين
يعنى ما لقو إلا يسمونا على "كنية"

طيب كان يسوها "جُندب" عديل

ما علينا

خلينا فى سؤالنا عن عكود

وكان لميت فيهو أغريهو السلام والتحايا

بعد ما تشيل إنت منها ما يكفيك ويزيد

أهلآ يا مطر ..

أطربني جدآ لقب "طيب القوم"

و شعرت أنني غوث الزمان .. رغم شخيري و انتظام أنفاسي

أما الغالي عكود..فقد هاتفني ..و رددت عليه ..ثم هاتفني .. مرتين أخريين..

كل ذلك كان في يوم واحد ..

و عكود (ما بيحسبها) مع الأخوان ..يهاتفني كل ما قصرت بحقه

سأبلغه هطولك هنا ..

و المنك وصلت كل الناس يا أرقى الناس

.

[imported_الطيب بشير]

الاخ الطيب...
و برضو نسأل معااك...!!!
والله حقيقة افتدقنا الاخ عكود...
.
حباب ود عثمان ..
زول تنقااسى دا غناهو حنين ..كدأب آل عكود
عسى الله أن يأتني بهم جميعآ

.

[imported_الطيب بشير]

.

و سـؤال عن مجموعة من الغائبين توافقآ أو تضامنآ..
الأخـت ملكة سبأ..و ما جابها بوست خاص سابق
العزيز محمد حميد..و كان بالخاطر بوست منفصل ..لكن شكلها فكرة ما ناجحة
أبومناهل (مع ظهور طفيف رغم زعلات الجيلي ع شانو)
نحن سألنا..أكتر من مرة..
لو مافي (أدلة) على الإهتمام..(يحفظ) البلاغ ..
مع الشكر لكل من (فتح) نافذة الجرد (العريضة)

.

[imported_يسرا مصطفي]

تحـســبوا لعــب؟؟

هـلا هلا بالأخــت يسرا مصطفي

جروف..و (حروف)..نغم..دوبيت..و قرّاصــة ذاتو عندنا

مرحب بيك لا داخل

هل أتاك حديث آل عـكــود؟؟

.

:eek:
:eek:
:eek:
نان الكان كديالنمشي اجيب لي غيار واجي ولا اقولك برسل اجيب دولابي هني :D ;)

[imported_رأفت ميلاد]

نفتقده والله يا الطيب بشير

روحه السمحة وقلمه الراقص يضعه أين ما يريد وكيف ما يريد
يوزع الفرحة ويغازل الروح

نفتقده بشدة

سلامى

[imported_الطيب بشير]

:eek:
:eek:
:eek:
نان الكان كديالنمشي اجيب لي غيار واجي ولا اقولك برسل اجيب دولابي هني :D ;)

come casual
يا يسرا ما تعملي تكليف
توب جارات و بس
حبابك تاني

:D

[imported_الطيب بشير]

نفتقده والله يا الطيب بشير

روحه السمحة وقلمه الراقص يضعه أين ما يريد وكيف ما يريد
يوزع الفرحة ويغازل الروح

نفتقده بشدة

سلامى

مرحبتين حبيبنا رأفت ميلاد
عكــود بيتدلّـل..
عرف قدره و محـبّـة الناس له
عاوز يزيدنا (كـوز):(
شكرآ للمؤازرة يا رأفت يا ميلاد الفرح

.

[عكــود]

جنــــابو الطيّب الحبّــوب،

قرض مرّة قال "سودانيات جارية في دم عكود" ويقيني أنّه صادق . .
سودانيات لم أفارقها ولا أستطيع
فقط إبتعدت عن الكتابة
ولم أبتعد عن من يكتب
فهم أقرب من أن أطيق لهم فراقا
أقرأ بانتظام وأتفاعل بكل ما يحدث هنا
الآن أعود للكتابة وما مناداتك و "ليمك" إلا حقنة طلق
لمولود قد تشكّل واكتمل
ساعدته أنت على الصرخة الأولى

على جنب:
بجيك في بوست السلطة والقرّاصة
وكذلك شملة أبوجهينة

الأحباب،
معتصم
خالد
بابكر
أبوجهينة
يسرا مصطفى
الجيلي
أبوذر المطر
ود عثمان
رأفت

ما دلقتوه تجاهي هنا . .
أكبر من أن أقاومه
أو
من أن يطاوعني قلمي على الرد عليه
أو
من أن أطنّشه
فـ شوفوا لي مخارجة
دام حبّكم

سآتيكم فرداً فرداً لأقبّل الأيادي.

[imported_الطيب بشير]

بركة الجيت يا عكــود
و جبر الخواتر أهم ملامحنا..
أشـكـرك..
و أوّل ما تتوهّــط..عاوزينـك تمســك الرايــة و تنادي معانا الحــلوين

[عكــود]

الباش الطاهر . .
خالد أدّاك المفيد . .
وأنا حالي بلاكم حال "فرخ القطا الأمّاتو ركّن وفرّن".

خالد يا خال الكل . .
نبيشة الأحباب حباااابا ومرحبابا
تزيد ردمية مدماك المعزّة الثابت وراسخ.

بابكر مخيّر الحبيب . .
لقاءك كان كالنسمة
فقد حباك الله القبول عند الناس
وفي قلوب الأطفال خاصة إن كانت هداياهم
عروس مولد وصفاء نيّة
المنطقة الغربية في إنتظار "سعادتك".

أبوجهينة أيّها الروّاسي،
والله ما قرأتك إلا وكنت مبتسماً مبتهجاً
يملأني إحساس أن الدنيا ما زالت بالخير الوفير
وطنابيرك عادة ما "تسعد قلوبنا وتفرحِن"
ولا مجال لغياب "المسيكينة" منّهِن.

[عكــود]

يسرا مصطفى . .
يا شهاباً شَلع في سماء سودانيات،
نصيحة لوجه الله
أينما قرأتِ إسم الطيّب بشير لا تتردّدي في الدخول
تجدين كرنفالاً من الكِلَم الجميل
وأقلاماً مصاحبة لا تقل روعة
وزي ما قال ليك الطيب
توب جارات وسفنجة كفاية
دخول الجروف لا يحتاج قشرة

راجل سيسيليا السمح
صدقت في عوايد جنابو
وحرصو على التمام والنظام
مع حرصه على أشياء أُخرى :D
ليك وحشة
ولنا لقاء

أبوذر يا "جندب بن جنادة"
(عليك الله دي ما أرحم منها أبوذر؟)
يا زول والله الحجّاج ما قصّروا
ده كلّو هيّن حتى النفي مقدور عليهو
بس الخوف من "يموت وحده" دي. :D
هطولك في غيابي أرسل برقه العبّادي فوصلني والدُعاش
أسرج طيب القوم راحلتي وملأ جرابي زاداً كلّه محبّة
فغذّيت السير نحو وديانكم الرويانة.

ود عثمان وزول تنقاسي،
زي ركّتك على قلبي باللحن الجميل
مافي متيلها
فكيف أقدر أخالف قليبي؟

رأفت ذو الوجه المريح البشوش،
وجودك هنا وأحرفك يؤكّدان كم كان غيابي أخرقاً
فأنت من جملة من أحبّهم لوجه الله وأتشوّق لقياهم.
لك كل المودّة.

[عكــود]

بركة الجيت يا عكــود
و جبر الخواتر أهم ملامحنا..
أشـكـرك..
و أوّل ما تتوهّــط..عاوزينـك تمســك الرايــة و تنادي معانا الحــلوين

جبر الخواتر أهم ملامحنا . .
جبر الخواتر أهم ملامحنا . .
جبر الخواتر أهم ملامحنا . .

أشكرك يا جنابو . .
إنت الحديس السمح ده قاعد تجيبو من وين؟
الحلوين بناديهم
وادودرهم
وأشتّت (لبعضهم) موية السكّر.

إتذكّرت هسٍّسسسسع ده بيت عاجبني سمعتو في أغنية شايقية ،
بيقول الشاعر:
القمرية رغم النِبلة، صوت الطلقة والحاحاي*
مالي غناها عصريّاتنا يوم ما خلّت القوقاي

*الحاحاي: عملية طرد الطيور من قناديل الذرة والقمح عند إستوائها.

[معتصم الطاهر]

الباش الطاهر . .
خالد أدّاك المفيد . .
وأنا حالي بلاكم حال "فرخ القطا الأمّاتو ركّن وفرّن".

.[/color]

عكود

حبابك ليمون

أها يالحبيب ..

جيتنا بى هنا بنجيك بهناك

قايلنا زيّك .. تذكرة و حق تاكسى

متاكاة
منو هن أماتو ..

وفرّن وين ؟

[عكــود]

جيتنا بى هنا بنجيك بهناك

قايلنا زيّك .. تذكرة و حق تاكسى عارفك بتسوّيها أيّها الكلس (كنت بدّيك لقباً أقوى، لكن جنابو حجزو قبلك).
و في دي فايتني ركعتين
بس إن الله مدّ في الأيّام بقضّيهِن
وأنال ثوابِن.

أمّا الإجابة على متاكاتك تحتاج الإستعانة بصديق/ة
ولا تقبل إستبدال السؤال.

[imported_الطيب بشير]

عارفك بتسوّيها أيّها الكلس (كنت بدّيك لقباً أقوى، لكن جنابو حجزو قبلك).
.
;)
منـوّر يا آل عـكــود
الباشمهندس شوف ليهو اللّـقـب البعدو طـوّالي:eek:
تقاس خبرات الطيارين بالساعات أو بالأميال..لا فرق :D :D
لووول و الله بركة الجيت
.

[بابكر مخير]

يا طيب القوم
فتحت فينا الحبيب عكود
احنا كتبنا سطرين قام صاحبك ملانا سطور
كلام عجب، غنا وطرب
الغريبة الزول دا، تلقاه ساكن مسكين، هادي وبتحس بيهو جد حنين
لكن الشئ مو هين،
أظنك عارف كيفن تثيرو وتفتح خزنة أدبو وفنو (ما بوليس يا جنابو، تجيب الريح من قرونو)
يديك العافية والحبيب عكود وكل سودانية وسوداني سودانيات

[imported_الطيب بشير]

بابكر مخير يا دكتور
و الله عكـود عاوز ليهو زول راااايق..موش كيبور الخواجات المعصلج دة
عكود يشبهكم ..زولآ ونّـاس..
لكن الجيلي قاعد يفتنني فيهو
و بنات البورد بيريدن عكـود:mad:
غير كدة يا سعادتو ما عندو عوجة..يعرف الغنا و الشعر، كشايقي أصيل، و يفهم واجب الأصحاب
بالمناسبة تلفونات عكود ماها زي تلفونات ناس الخليج
نحن مسمينهم شارلي شابلن..قدر السلام و المجاملة و عيلا تسمع (أها ما نعطّـلكـم)
لكن و الله النصيحة عكود ونّاس ..يضرب المرة الأولى و التانية.. و لو ما لحقت ضربت ليهو..تاني بيضرب..
أها ..الزول عمدة طـب..
تسلم يا سعادتك..