المساعد الشخصي الرقمي

مشاهدة النسخة كاملة : الكشة .......... الكشة ........... الكشة

imported_عزة كمال
30-07-2007, 10:05 AM
اقابل بكرة كيف العيد وعايش فرقتك هسع .........
يدور هذا المقطع الحنين من اغنية حمد الريح في راسها فتهيج دواخلها و تفيض دموعا لتحجب عنها رؤية ذلك الحاجز الحديدي القاسي الممتد امامها معلنا عن حرب ضروس على وشك ان تخوضها مع الدنيا .
الجو جميل صبيحة يوم الوقفة لعيد الفطر المبارك ...
خرجت
( يافتاح يا يا عليم يا رزاق يا كريم )
في يدها الطواقي التي سهرت ليلتها تحيكها لتستطيع ان تؤمن ثمن العروسة ( بت ام لعاب )
في راسها ,,, بدور,,,, ابنة الخمس سنوات لتلعب بها صباح العيد .......
كما الاطفال .........
ولكن ......

الكشة ....... الكشة ...... الكشة ......
الدفار .......... الغرامة ............. العيد .............. بدور
بت ام لعاب .........
imported_نادر محمد
16-08-2007, 11:41 AM
لو تأمل عساكر الكشة للحظة انهم يأخذون تلك اللعبة من احضان الطفلة...

لوعرفو ان ود الورنيش المتقرفص في دفارهم يعود اخر اليوم بالكثير من غبار الاحزية والقليل

من الخبزلأخوانة الصغار...
لو...

لو...


لو عرفو المغصة الفي بطون الناس كان كشو الدنيا كلها وخلو لينا بتاع الليمون بس.

نصيحة لاتقربي اخبار الفساد المالي للسطة حفاظاً علي شفافية دواخلك

دام ابداعك الشفيف
imported_omrashid
17-08-2007, 08:24 AM
عزه --عزيزتي

تناقشين قضايا حيويه ومهمه باسلوب قصصي

وهذا ابداع

لك ودي
معتصم الطاهر
17-08-2007, 09:29 AM
عزة كمال

هل لي أن أسجل إعجابى ..
الكبيـــر
والكتـيـــــــــــــر
ولَمسِك للأشياء الكبيرة بيد صغيرة ولكنها كمشرط الجراح ..
imported_عزة كمال
19-08-2007, 09:11 AM
احبائي لكم مني كل الشكر و التقدير فقد انست بلقائكم
في بلدنا الحبيب عدد لا يستهان به من المواضيع المؤلمة التي تحتاج الى ليمونة زي ما قال الاخ نادر
لكن نعمل شنو قدرنا ..........
نمص الليمون و نتجرع الاسية و الالم مع البسطاء الذين لا يستطيعون الوصول الى العامة فهي اذا وصيتنا ان نوصل صوتهم عبر الحبيبة
سودانيات ..........
معتصم الطاهر
19-08-2007, 09:19 AM
العزيزة عزة

كنت قد سألت سؤال من قبل ولم يجاب عليه
هل كنت تدرسين فى النيل الأبيض من قبل ..

تانيا ..
نود لو يكونلك بوست واحد لكل القصص القديمة لأننا نحتاج لنقرأ ارشيف و اسلوب عزة ..
imported_عزة كمال
19-08-2007, 09:40 AM
لو...........
لو..........
لو بايدينا
كان خلينا الحلم حقيقة
وكان ايدينا.... رغم صغرها
قدرت تملى الدنيا اغاني
قدرت تدي لنعمة عروسة
قدرت تدفع حق اللقمة
و تمسح عننا حق العوزة
قدرت تمحي الحظ العاثر
وقدرت ترسم بسمة حنينة
وقدرت قدرت
و قدرت قدرت
اطفال العالم الثالث
imported_عزة كمال
22-08-2007, 10:06 AM
الاخ معتصم الطاهر
بدا اقدم اعتذاري عن عدم الرد
و انا اتخرجت من جامعة الاحفاد ........ شبهتني على وحدة في النيل البيض ولا شنو ؟؟؟
اما بخصوص الطلب بتاعك ارجو انك تقدم طلب و اللجنة حتنظر في امرو :rolleyes: :rolleyes:
imported_mohmmed aldareer
23-08-2007, 10:30 AM
لو...........
لو..........
لو بايدينا
كان خلينا الحلم حقيقة
وكان ايدينا.... رغم صغرها
قدرت تملى الدنيا اغاني
قدرت تدي لنعمة عروسة
قدرت تدفع حق اللقمة
و تمسح عننا حق العوزة
قدرت تمحي الحظ العاثر
وقدرت ترسم بسمة حنينة
وقدرت قدرت
و قدرت قدرت
اطفال العالم الثالث


الصديقه عزه

لو بادينا ......

لو بادينا.....

لو بادينا....

نسرب لون الفرح المافي

ندوزن وتر الحزن النازف

نتاتي الفرح الاصبح جافي

برضو بقولك ادي في ايدك وايد حبانا

وحت الايد االكشحت تراب بضهرنا عشان مانجافي

لو اتلمت

بنبني الحلم الوطن الرايح وساكن في جوانا مرافي

@ @ @

زمان قالو

الطشاش في بلد العمي شوف

لكن لو قلبتي المثل

الشوف في بلد العمي طشاش

بكون ابلغ

بتمنى انو نطش عشان نرجع بالوان اجمل



لك كل الود
imported_عزة كمال
24-08-2007, 09:13 PM
طشاش و نطش و مطشش
طششنا زاتو ياخ
لكن ما مشكله
نرجع الوان اجمل
مسطول طاشي