المساعد الشخصي الرقمي

مشاهدة النسخة كاملة : بيت أبوي...!

imported_mamkouna
16-08-2007, 07:30 AM
زمااااااااااااااان...
لمن إتزوجتَ و مرقتَ من بيت أبوي....كانت أجمل لحظات حياتي لمن أرجع أزور أبوي و أمي و أخواتي و أخواني . ألقاهم واقفين ليا في الباب و كلهم شوق و لهفة..خاصةً بعد إنجاب طفلتي الأولى... كنت أول ما أخش البيت..أفتح التلاجة و آكل لمن ربي يغفر لي...و بعد كدا أجري على سريري القديم و أنوم كما لم أنام من قبل..أمي راقدة قصادي..و أبوي حِسو مالي البيت...أخواتي شايلين بتي..و أخواني سندي و عضدي داخلين و مارقين..كنت بحس بأمان و سكينة من نوع غريب..نوع يصعب وصفه.
إلى أن تفرقت بنا السبل...توفيت والدتي ربنا يرحمها و يغفر ليها...تزوجت أخواتي ...هاجر من هاجر من أخواني..و صار لوالدي زوجة أخرى...
بقت زيارة بيت أبوي من أصعب و أقسى المهام على قلبي...أخش البيت و قلبي مقبوض..و أطلع منه بحزن طاغي...أقعد هناك زي الضيفة...أخاف أفتح التلاجة...سريري إختفى في ظروف غامضة..أخواتي و أخواني مافيشين...أفتقد والدتي بشدة و أحن لأيام و لا أروع..

تصدقو دا نفس إحساسي حسي؟!

أفتقد أخواتي...حنينة..إشراق...ندى..دير.بيان...واحة..بت النيل...المجدلية..قوت القلوب..أم راشد..بيان..أم سهى..أماني...بارعة..ندى عبد المنعم..لولو..سارة سرورة..سمرية..عبير خيري..إيمان محمد حسين..بنت المطر..أسماء عبد الحليم..سارة حمزة..مي هاشم..غيداء..الصندلية..ملكة سبأ..مي هاشم..ريما..نهى..مهيرة..بسملة..

أفتقد أخواني...عالم عباس..عصمت العالم..الطيب بشير..أبو جهينة..عثمان حمد...حميم..سيد قنات..بندرشاه..أبو مناهل..بابكر مخير..ناصر يوسف..رأفت ميلاد..شقليني..قارسيا..أحمد أمين..عبد الباقي..أبو قصي..خالد سعد..الجيلي..سمبتيكو..عبد العزيز خطاب..خالد تنقو..مهند الجيلي..غاندي.سجيمان...دكتور معز....نبيل..الوجيه..الأسمر...ود عثمان..طارق الحسن..عبد الله وداعة..أسعد البرير..السفير جمال..معتصم دفع الله..جمال تاج السر..خالد الأيوبي..قرض..مصدق..أب جقادو..وليد طه..زهيجان..

خلاااااااص...قلبي وجعني!

عليكم الله تعالو نتلمٌ تاني زي أيام زمان..
البيت من غيركم...شين!
imported_مُهيَّد
16-08-2007, 07:46 AM
ممكونة .....

إفتقدناك أيضاً .... وإفتقدنا كل الأحباب ...

بس دعوتك دي ما لا ناشفة كدا ....

لا بلح لا حلاوة لا جبنة ؟؟؟؟؟؟

ياريت وياريت نرجع من تاني .... دعوة للكل دون تخصيص ...


يديك ألف عافية أم أحمد ....

مُهيَّد
معتصم الطاهر
16-08-2007, 07:58 AM
ممكونة
الزولة الأصيلة ..
الفقد واحد
وياهو بيت العايلة ..
وصدقيني محناجين لمتهم زى ما هم محتاجننا ..
وأهو بيت انفتح لينا ..
وكل يوم الاسرة بتكبر وبينفتح بيت جديد
وكل بيوتي الاخوة بيوتي ...


اها مادام جيتى بيجاى
وقبال تمشى
انتي طالبانى اعتذار
عكود لاحظ انو انا كتبت السيدة ممكونة فى رد عليك
وقال لي دى الكلمة دى رسمية و ما تشبه مخاطبة أعزاء
وانت أكيد عرفتي إنها للتعظيم وليس للجفاف
أسع انت الواحد يكون جاف معاك كيف .. كان عصروني ما بجَف ؟
imported_أحمد أمين أحمد محمد
16-08-2007, 08:28 AM
الحبيبة والمقربة إلى القلب ممكونة ...
صدقيني هذا الغياب ليس بإرادتنا ... ولكني - والكثير غيري - آثرنا البقاء صامتين ونحن نتطلع إلى خضم المعارك التي كانت تجري أمامنا ..
إن سودانيات تمثل ملاذا ً سرمديا ً لكل من كان تائها ً في دروب الحياة مثلي .. لذا تمزقنا ألف ألف ألف مرة ونحن نتابع مايجري...
هل ستعود تلك الأيام الذهبية مرة أخرى ؟
لا أدري..
حقا ً لا أدري ..!
عكــود
16-08-2007, 08:51 AM
مافي نداء أبلغ من كده يا ممكونة . .
نفتقدهم/ن كلهم/ن.

تسلمي يا صاحبة الحديث الموزون.
imported_Sarah hamza
16-08-2007, 10:00 AM
ممكونة الحنينة

نفتقد الكثير
فاقدين المة والونسة
فاقدين البيت الكبير
فاقدنك كتير
imported_omrashid
16-08-2007, 11:30 AM
ممكونه الحبيبه

انا ايضا افتقد كل هؤلاءواتمني من الله ان يجمع الشمل في هذه الواحه

لك حبي
معتصم الطاهر
16-08-2007, 12:25 PM
الحبيبة والمقربة إلى القلب ممكونة ...
صدقيني هذا الغياب ليس بإرادتنا ... ولكني - والكثير غيري - آثرنا البقاء صامتين ونحن نتطلع إلى خضم المعارك التي كانت تجري أمامنا ..
إن سودانيات تمثل ملاذا ً سرمديا ً لكل من كان تائها ً في دروب الحياة مثلي .. لذا تمزقنا ألف ألف ألف مرة ونحن نتابع مايجري...
هل ستعود تلك الأيام الذهبية مرة أخرى ؟
لا أدري..
حقا ً لا أدري ..!

باشمهندس
بركة الشفناك

تحية
imported_خالد الحاج
16-08-2007, 02:05 PM
العزيزة ممكونة
تحيات طيبات

سنفتقد الأحباب بلا شك..
كانت أيام مليئة بالشد العصبي..طارت فيها سهام كثيرة.. أصابنا بعضها.. وأصابت سهامي
الطائشة الكثير من الأحباب.. لا أحمل علي أي شخص وأعتبرها فترة ذهبت بما فيها من جروح
وتبقي الذكرة الطيبة.. أسأل من أصابتهم ساهمي المغفرة... لا أقول هذا إستدرارا لعطف أو
محاولة لإستقطابهم ..
إن بحثنا سنجد الجميل الذي سيجعلنا نذكر الأحباب وفي وجهنا ابتسامة.
imported_رأفت ميلاد
16-08-2007, 03:54 PM
العزيزة ممكونة
تحيات طيبات

سنفتقد الأحباب بلا شك..
كانت أيام مليئة بالشد العصبي..طارت فيها سهام كثيرة.. أصابنا بعضها.. وأصابت سهامي
الطائشة الكثير من الأحباب.. لا أحمل علي أي شخص وأعتبرها فترة ذهبت بما فيها من جروح
وتبقي الذكرة الطيبة.. أسأل من أصابتهم ساهمي المغفرة... لا أقول هذا إستدرارا لعطف أو
محاولة لإستقطابهم ..
إن بحثنا سنجد الجميل الذي سيجعلنا نذكر الأحباب وفي وجهنا ابتسامة.
سلام يا ود الحاج
الحالة ليست كما وصفتها . سهامك لا تهم ويمكن أن ترد بألف سهم ويبقى الود وهكذا يتعارك الأشقاء . المشكلة فى سرير ممكونة الذى إختفى فى ظروف غامضة ولا تتجرأ أن تفتح الثلاجة ياله من شعور .
محبتى للجميع
imported_mamkouna
16-08-2007, 10:44 PM
الأخ العزيز جداً جداً ..مهيٌد...حنين يا ليل...و حنين يا نيل...
وجودك فرٌحني...خليك قريب.


السيد معتصم..
إنت لسه بتمشي الحلفايا عن طريق جبل أولياء:rolleyes:؟؟؟!!!


أحمد أمين....ياااااااااااااااااااااه..
يا للسعادة...إنت وين يا مشاغب؟
مخصوم منك....وردتين!


عكود...
هلا بهالطلة..
أولاد الماحي...معطرين سماواتنا..
و شوفتك هنا و في أوزون...مكسب!


سارة حمزة..
مفتقداك بالأكتر يا سرورة..
أخبارك شنو؟ خليكي جنبنا و ما تغيبي..سمح؟!!!


أم راشد..
بوجودك تكتمل الواحة..
شكراً لترشيحك لي...أخجلتي تواضعي...
ربنا يجعلني دايماً عند حُسن ظنك.


خالد الحاج..
بيتك مبروك..ربنا يجعل عتبتو خدرا علينا جميعاً...
وين أماني؟!!!
أصابتها "سهام" صديقة..؟؟؟!!!:p


رأفت ميلاد..
مرحب بيك..
إحساس مرير و غريب..لمن تحس إنك غريب في بيتك..
صدقني دا كان نفس إحساسي بداية اليوم دا..
لكن بدا يزول شوية شوية مع توافد الأحباب.
أمنت بالمثل البيقول..
البيت ب ناسو!
!!!
معتصم الطاهر
16-08-2007, 11:26 PM
السيد معتصم..
إنت لسه بتمشي الحلفايا عن طريق جبل أولياء:rolleyes:؟؟؟!!!


!!!

وانت و الجماعة الحلوين كلهم بتنتظرونى وعارفني بجى راجع

طبعا حبوبة زيك بتتذكر:

وا نارى الما بقيت سواق
اترك الشارع ..و أمشى بالدقداق ..

اها.. انا بمشى الحلفايا بكوبرى جبل اولياء عشان أغشى كم نفر
imported_أحمد أمين أحمد محمد
18-08-2007, 06:04 PM
ممكونة الحميمة ...
أنا كنت في حالة بيات شتوي ... لكن لا أحد غيرك يا صديقة يقدر على إعادتي للواقع..
أطالبك بالتراجع عن العقوبات التي قررت تطبيقها علي العبد لله ..
حرااااااااااااااااااااااااام عليكي ياشيخة
imported_أحمد أمين أحمد محمد
18-08-2007, 06:05 PM
معتصم الحبيب...
ما تشوف وحش يا صاحبي
عكــود
18-08-2007, 06:22 PM
عكود...
هلا بهالطلة..
أولاد الماحي...معطرين سماواتنا..
و شوفتك هنا و في أوزون...مكسب! تسلمي يا ممكونة . .
في أوزون الرذاذ ما كان من علٍ
سلامي للممكون
imported_أبومناهل
19-08-2007, 03:47 PM
ممكونة . . و أهل بيتها
لكم التحية والتقدير . .
وما أجملها من دعوة صادقة لكل الغائبين
وطالما أنتم هنا أنا على ثقة تامة من عودة
الجميع وسيعود الصفاء وتعود الإلفة
وتعود سودانيات كما كانت عالم
من المحبة والتواصل . . المهم تخلص
النوايا
imported_abubakr sidahmed
19-08-2007, 04:41 PM
ياجماعة الخير باين حاهرييكم مداخلات اليوم بعد ما " استعنت بصديق " وطلعت من صف خالد منتظر التفعييل .. اها " ممكونة" دي " الصديق" ....شايفيين كيف ...!! واسطة زي دي يا بلاش ...

ممكونة انسانة رائعة ....

مودتي
ابوبكر
imported_mamkouna
20-08-2007, 06:58 AM
العزيز جداً..أبو مناهل..
مرحب بيك كتير..
و تسلم على كلامك الحلو.
ربنا يتقبل دعوتك و تكتمل اللوحة بعودة كل الأحباب.
سلامي و شوقي لمناهل و أم مناهل.
imported_mamkouna
20-08-2007, 07:05 AM
الصديق العزيز جداً..باشمهندس أبو بكر..
هلٌت بشايرنا..
و دام الفرح لينا..
عادت ليالينا..

وجودك فرٌحني كتيييييييييير..
خليك قريب و ما تغيب.
imported_abubakr sidahmed
21-08-2007, 04:51 AM
صديقتي ممكونة الصابرة ..تزدان ايامي بتواجدي معكم..
اري هنا كتابات جد جميلة وحروفا رشيقة ولكن حراكا بطئ او متباطئ ... امل ان يكون ذلك مؤقتا ومن اثار الاجازات والامطار والفيضانات وامل ان يشد الجميع الضراع لنتعلم من بعض فالمعرفة طريق باتجاهيين ..
وفي انتظار كتاباتكم والمطر ..
imported_فيصل سعد
30-08-2007, 09:12 AM
لما افوتك من دون خاطر
او دون خاطر مني تفوتي
بلقى حبايب في كل حتة
و كل بيوت الزملاء بيوتي

شكرا ممكونة على صادق الاحساس
و الجاي احلى و اجمل بالفآل الحسن.
imported_mamkouna
02-09-2007, 10:46 AM
بوجودك...عادت للبيت إلفتو و روعتو..

شكراً على سماحة فألك يا المسافة..
و..
أبقى قريب.
imported_abu qusai
03-09-2007, 09:31 AM
الممكوووووووووونة وصابره

لك التحية ويسأل منك الخير .. مع أمنياتي بعودة كل الطيور المهاجرة إلى هذا العش الجميل .

تحية للممكون والعيال ...

أبو قصي
imported_فيصل سعد
04-09-2007, 06:22 AM
مرحبا ابو قصي و نعلك طيب يا رجل و الشوق مطر و نشوفك قريب ان شاء الله.


ممكونة شكرا لكلامك الرقيق و حسن ظنك و ما تشيلي هم .. نحن معكم في خندق الخير و الجمال دائما و ابدا :

الحسن الاكيد و الحب المنزه
عن اغراض و كيد
الروح و الجمال
و السحر الحلال
هم احسن خصال
هم اكرم نفيلة
بل اعظم خصيلة
في السودان اصيلة
من بعيد لبعيد
وري العين جمالك
لو لحظات قليلة
imported_فيصل سعد
10-09-2007, 04:24 AM
التحايا تصل الجميع هاهنا.:):)