مذكرات الف جنيه / الحلقة الاولى

[imported_عزة كمال]

( في جيب فقير عدمان )
كر علي الناس ديل لو عندهم رحمة يخلوني للزول ده .... جيبو فياااااااااااضي انا حاكلم ليه زول يشغله
اااااااااااااااحييييييييييييييي
الزول ده ماعندو قروش بنات ولا شنو ؟؟؟ مابراحة ياخي الدنيا طايرة
ياخي قطعت قلبي ما تطبقني زي الناس ما عندك هدوم تطبقها ؟؟:confused:
الله يقطعك ....
ما تجري كده ............. محصل شنو ؟البص الزحمة ده ما تركبو بجي واحد فاضي
عنيد ..... خلاص اركب
اخيرا حنقعد
هي ....هي
شايلني موديني وين ؟؟؟؟
( في جيب الكمساري )
انا مابحب الكماسرة بلصقوني مع القروش و انا مابحب الزحمة ........... هي ما تختني لا مع الرجال الالاف و لا الشفع الجنيهات شوف لي خمسين سمحة كدة ختني جنبها ...........
ياخي طق طق براحه وجعت راسنا
يتبع ..........................

[imported_بسمله]

( في جيب فقير عدمان )
كر علي الناس ديل لو عندهم رحمة يخلوني للزول ده .... جيبو فياااااااااااضي انا حاكلم ليه زول يشغله
اااااااااااااااحييييييييييييييي
الزول ده ماعندو قروش بنات ولا شنو ؟؟؟ مابراحة ياخي الدنيا طايرة
ياخي قطعت قلبي ما تطبقني زي الناس ما عندك هدوم تطبقها ؟؟:confused:
الله يقطعك ....
ما تجري كده ............. محصل شنو ؟البص الزحمة ده ما تركبو بجي واحد فاضي
عنيد ..... خلاص اركب
اخيرا حنقعد
هي ....هي
شايلني موديني وين ؟؟؟؟
( في جيب الكمساري )
انا مابحب الكماسرة بلصقوني مع القروش و انا مابحب الزحمة ........... هي ما تختني لا مع الرجال الالاف و لا الشفع الجنيهات شوف لي خمسين سمحة كدة ختني جنبها ...........
ياخي طق طق براحه وجعت راسنا
يتبع ..........................



:p يا يمه لكن جهجهه السنين

رهيبه يا عزه ضحكتينى يا بتى

الله يديك العافيه واصلى

[imported_عزة كمال]

ياخي ما تزحي شويه الضيق شنو ؟؟؟؟؟؟؟؟
ـ انت ياالعشرين عشان كبيرة يعني تعفصي في الناس ؟؟؟؟؟؟؟ ملونه كدة ماعرفناك قروش ولا فركة
ـ كللللللللللللام يا عوض دكام ..... شوفو شوفو كمان الاف بقا ليها صوت تتكلم .... دنيا
ـ معليش مابتدي حريف بس زحي شويه
ـ انا يابت يعني عاجباني الزحمه دي ما ده الكمساري المسلط ده ربطنا بالاستك
ـ اصبرو ياخوانا شويه خلو يعدنا عشان نخلص .
ـاحي يادوب اتنفست انشا الله مايربطنا تاني
ـ وااااااااي تاني دخل يدو يا ربي داير يسوي شنو ؟
بركه الحمد لله ماشالني مع السلامه يا سكينه انشا الله يشترو بيك حاجه سمحه
ـ جلي الشماته كان ما الف جنيه كحيانه كان كتي خمسين كان عملتي شنو ؟؟؟؟؟؟
ـ اتو حارقين رزكم فوق كم
. لكن هي هي براحه يا كمساري انا داير اقع امسكني
ـ مع السلامه انشا الله تقعي في حته سمحه ( دي جزات الشماته )
ـ الكمساري ده غبيان خلاص في زول في الزمن ده تقع منو قروش و مايحس بيها ؟؟؟؟
خلاص مشى ... اسه نسوي شنو ياخيتي بركه الوقعتي معاي عشان تخاويني , ارحكي نزح ما يجينا زول يعفصنا ولا حاجه ارحكي تحت الحيطه دي ..........
ـ جر زح كدا كمان ما ناقصنا غير الكلاب
ـ الله يقطعك صحي كلب ما قروش بتشمشم في شنو ؟؟ اللحمه بتجي بعد يشتروها ما هسي
ـ وووب علي ياخيتي عايني الشماسي داااك لمحنا و قام جايينا اتجهزي لريحه السليسيون
يتبع .......................