محمد احمد عوض العبقرية و البساطة

[imported_عمار مكى عمر حسن]

محمد احمد عوض وعبقرية البساطة
كل من يستمع الى محمد احمد عوض يحس ببساطته .... يحس بالعبقرية الفطرية فى الصوت والاداء والتلحين واختيار المفردة.

صوتك احلى من ينابيع عذبه تجرى
صوتك اقيم من كنوز يخفيها عمرى
القى فيهو من امانينا الرضيعة نور حياتى
وضوء فجرى



كذلك الشجن العميق الصادق وهو يردد

صحيح من قمنا ضم قلوبنا
احلى غرام واجمل ريد
كنا بنحكى عن الجنة
وكل صباح املنا جديد
لكن قسمة شاءت لينا
تبقى لغيرى وابقى وحيد

او

ياراحل بدون انذار
سليتنى
وابيتنى
والله مالك والله دى الاقدار

كذلك السيرة المربوطة بالرسائل الخفية فى احقية المراة فى الكلام و ابداء الراى بل وحتى الرفض .

ابوى يا يابا ماتقول ليهو لا
وافق عليه
وانا راضيه بيه
ونواصل

[imported_مهند بشير]

العزيز عمار مكي
محمد احمد اكثر من مجرد عبقريه التى توصف بالبساطه انما هي السهل الممتنع و الذى يمس كل من له علاقه بالجمال من حوله.
اختياره لطريقه الاداء الشعبي لم يكن عبثا انما هي ملكه للتعبير الصوتي الخالص مما يضفي نوع من رنه الحزن و لوعه الشوق و جنون العشق.
يا ريت يا حبيبي يا ريت تبقي لي
وتكون من نصيبي وانسى المر بي

وطريقته في عتاب المحبوب الذى لم يتخلى عنها انما هي براءه الموقف الذى يصف فيه نفسه.
حبيبي فاكرك معاي تسعد لي سعادتي و تشقي عشان شقاي
انا فاكرك معاي وانتا مع المظاهر ما راعيت وفاي وحبك لي ظاهر

[imported_فيصل سعد]

عمار و مهند السلام و التحايا ،
رحم الله الخال محمد احمد عوض ملك الاغنية الشعبية
و وعد مني بالمساهمة معكم في هذا البوست الرائع..

توبة يا احباب انا لو غشيت داركم
بس كفاي عذاب الضقتو من ناركم

WIDTH=400 HEIGHT=350

[imported_فيصل سعد]

عشمتيني انا في حبك ليه
ما دام ناوية تجني عليه

http://sudaniyat.net/up/uploading/Ashmteeni.ram

[imported_فيصل سعد]

حسدوني في حبك عزالي من بدري
لاموني غير خبرة و جهلوني هل تدري

http://sudaniyat.net/up/uploading/hasadoni_fi_hobak.wma

[imported_فيصل سعد]

كفاية نوح يا عين ما تزيدي قلبي جراح
الفات تركني حزين ما بعوده تاني نواح


http://sudaniyat.net/up/uploading/kefaya Nooh.rm

[imported_دي مابيور]

يا خال ..

شكرا يا عمارو مهند وفيصل .
بالمناسبه البهره دي كان بقت في دكاكين الطاهر ولا الزريبه
يانا مصبحنها معاكم
والبهره دي طبعا كلام ناس امدرمان الزمان للحفله قبل شركة النور
أيام الرتاين .
و مما قد لا يعرفه الكثيرون أن الخال محمد أحمد عوض كان رياضي مطبوع
لعب "قون" في فريق الزهره واشتغل في الجزاره لفتره في سوق الشجره
شجره " ادم " .

فجوا لينا معاكم

[imported_فيصل سعد]

مرحب دي مابيور جارنا الامدرماني
و اليك هذا الشبل من ذاك الاسد...

القلم طاوعني تاني و قلت ارجع للكتابة
اصلي مشتاق لعيونك بلدي يا وطن الصلابة

WIDTH=400 HEIGHT=350

[imported_فيصل سعد]

صحيح من قمنا ضم قلوبنا احلى غرام و اجمل ريد
كنا بنحكي عن الجنة كل صباح املنا يزيد
لكن قسمة شاءت لينا تبقي لغيري و ابقى وحيد

http://sudaniyat.net/up/uploading/gisma.ram

[imported_فيصل سعد]

بقيت في الدنيا متغرب
بعيد عن جنة أم درمان

http://sudaniyat.net/up/uploading/Biqeet_Mo__3trib.mp3

[imported_فيصل سعد]

بقيت لو اطرى ايامك و فرحة قلبي بغرامك
اقول يا حليل زمن ريدتك حليل وقفاتي قدامك

http://sudaniyat.net/up/uploading/lo_attra2a_ayamek.mp3

[imported_عمار مكى عمر حسن]

الاعزاء
ازيكم
محمد احمد حاله غنائيه متفرده تحتاج لدراسه متانيه وعميقه حول شخصيه محمد احمد البسيطه والمتفرده فى الحى واتحاد فنانى الغناء الشعبى وبين اهليه و ال بيته ابتداء من امونه وليلى زوجاته مرورا بابنائه حتى نادى الاحرار والقطينه وحاله السمو والتلاقى الروحى الكبير بين كل تلك المكونات وتاثيرها على الحاله الغنائيه لمحمد احمد
ناصل.......
يديكم العافيه

[imported_فيصل سعد]

انت ما اتغربت مرة و لا قضيت الليل مساهر
ما اظن صادفت وحشة و لا حصل طيبت خاطر
انت انسان دنيا تانية دنيا قانونها المظاهر

http://sudaniyat.net/up/uploading/ra3m_algorba.wma

[imported_فيصل سعد]

يا ريت يا حبيبي
يا ريت تبقي لي
وتكون من نصيبي
وانسى المر بي


http://sudaniyat.net/up/uploading/ya reet habeebe.mp3

[imported_فيصل سعد]

http://sudaniyat.net/up/uploading/maa.jpg

[imported_عمار مكى عمر حسن]

فيصل
عايز افتح حوار حول ظاهره الشجن فى غنا محمد احمد والدعوه للجميع

[imported_عمار مكى عمر حسن]

والله القسمه ما معروفة
لي و ليك كانت خافية
يدوم سعدك مع غيرى
و تملأ شبابك العافية

[imported_فيصل سعد]

و عارف قلبك لي امين
في فرقتنا ما ليك ايد
لانك انت كم قاسيتي
كل صباح املنا يزيد
اقول انا من قلبي ليك مبروك
و كل ايامي تصبح عيد

شجن و تضحية
و وفاء غريب
و عجيب و محير

يا دنيا ليه محكوم
علي طول عمري
فيك اعيش محروم
كل يوم يزيد جمري
صابر و كلي هموم
حار في الصبر امري
كم قالوا عني الناس
رحت و شبابك راح

انا ذنبي ايه يا زمان
بالجور حكمت علي
حطمت كل الكان
و اهديت جهنم لي
لو كنت بس انسان
لو كان عرفت البي
كم في الغرام مأسور
ما لاقي لحظة سراح
:D:D

[imported_عمار مكى عمر حسن]

و يا عمار يا اخوي اكتب و زيدنا جراح و نواح و قلب المواجع ، و ارحم يا سمير قلبي الما نساك
و الله يجازي الكان السبب ..

فيصل اخوى
ازيك
البكا شنو ما كنا
فى محمد احمد وبس
بس محمد احمد بينى وبينك
بيفتح الكان بنفتكرو فااااات ومااااات
والله يجازى السبب زى ماقلت
احييييا ...

[imported_عمار مكى عمر حسن]

يا فاتن حرام
مالك معذبنى
من الريد والغرام
فى الدنيا حارمنى

[imported_عمار مكى عمر حسن]

صوتك يحمل
ذكريات
عاشت معانا
بتلمس الماضى
بحنانا
وتطرق الحاضر
فى قلبو
وتحيا فى
انهار دمانا
ذكريات
لو كنت تدرى
كيف احافظ
ليك عليها
وكنت راجعتى
الليالى
وعدت لى
اشواقنا فيها

[imported_عمار مكى عمر حسن]

كان مؤمل
تبقى لى وابقى ليك
وابنى عرش
الحب فى شعرى
بين ايديك
واسقى قلبى
من ودادك
واحيا فى
روضه فؤادك
غير ان البين طوانا
وهدد امالنا فى هوانا
رحت اقنع
لما اسمع
صوتك النادر
يمتع بالحديث
انسان سوانا

[imported_عمار مكى عمر حسن]

عشمتينى
انا فى حبك ليه
مادام
ناويه تجنى عليه

[imported_فيصل سعد]

لو فؤادك خبى حبك
من عيونك بحت بيه
لو دفنتي الشوق في قلبك
بسمتك دلت عليه

http://sudaniyat.net/up/uploading/Law-Foadi.mp3

[imported_فيصل سعد]

نغيم فاهك يا ام زين دواي
شفاي البجبر قواي

http://sudaniyat.net/up/uploading/negheem_fahik.wma

[imported_فيصل سعد]

الرشيم الاخضر
في الخديد الانضر
هم سبب آلامي
هم سبب آلامي


http://sudaniyat.net/up/uploading/Mawad-Rishaim.ram

[imported_فيصل سعد]

من غير ذنب و اسباب
جافوني الاحباب

http://sudaniyat.net/up/uploading/jafoni_alahbab.mp3

[imported_فيصل سعد]

درة اغنيات فناننا الراحل
محمد احمد عوض ، عطر الله ثراه

انا فاكرك معاي
و انت مع المظاهر
ما راعيت وفاي
و ظلمك لي ظاهر
كنت في يوم لقاي
فرحتك التظاهر
و اليوم التصنع
فنان فيه ماهر

ديمة عشان رضاك
انا باذل جهودي
ما راعيت ضناي
و بلواي و سهودي
سهرت الليالي
سليتني سلبت عودي
باب غفراني فاتح
ليك ان عدت عود

اسمع كل واشي
قوله عليك اثر
عاد و في ثوب صديقك
اتوارى و تدثر
بعد ما كنت لينا
احساسك تبعثر
نحن يانا نحن
نخلص ليك و اكتر

انا فاكرك معاي
حبيبي فاكرك معاي
تسعد بسعادتي
و تشقى عشان شقاي



http://sudaniyat.net/up/uploading/fakrak_ma3aia.mp3

[imported_عمار مكى عمر حسن]

لو سالتك
عن سنينك
وعن لياليك الزمان
ما بتقول حبانى شاعر
كان بفيض رقه وحنان

[imported_عمار مكى عمر حسن]

يسالوك الناس تجاوب
تبتدى تالف كلام
انت بس قول الحقيقه
واليكون بينا الخصام

[imported_عمار مكى عمر حسن]

انتو خونونا وبنوفى
واحرمونا نزيد مشاعر
بكره بدموعكم تجونا
لما تصحالكم ضماير

[imported_فيصل سعد]

ابوي يا يابا
ما تقول ليه لا

من زمان بحبه
و هو اللي حبيب
ما خان عهوده
اتقدم لي خطيب
عليك الله
ما تقول ليه لا
قابله بحنية
و بصدرا رحيب
قولو ان شاء الله خير
يبقى في النصيب



http://sudaniyat.net/up/uploading/aboy ya yaba.mp3

[imported_فيصل سعد]

عشان القاك و لاقيتك
اريتو لقانا يوم ما كان
تعبت تعبت
من السفر في الموج
عاوز اوصل الشطئان


http://sudaniyat.net/up/uploading/aashan_Algak.mp3

[imported_فيصل سعد]

و قادر ربنا الخلاق
اداك الخلقة و الاخلاق
هايم و ليك حبيب مشتاق
يا تومتي الزمن فراق
يا طيبة الاخلاق

http://sudaniyat.net/up/uploading/Taybat_Alakhlag.mp3

[imported_فيصل سعد]

عندي كلمة احب اقولها
عن مصيري و عن مصيرك
ايه كسبت بعد فراقي
غير الم عذب ضميرك
ما لقيتي بلاي سعادة
ما قدرت احن لغيرك

http://sudaniyat.net/up/uploading/3endi_kelma.mp3

[imported_عمار مكى عمر حسن]

انتى لو ضحيتى زيى
فى سبيل مبدا وفكره
او وقفتى تشدى ازرى
لما كانت عيشتى مره
بس هربت تركتى قلبى
بجفاك واطيلو جمره

[imported_فيصل سعد]

القلم طاوعني تاني
و قلت ارجع للكتابة
اصلي مشتاق لعيونك
بلدي يا وطن الصلابة

http://sudaniyat.net/up/uploading/alqalm.mp3

[imported_فيصل سعد]

الصباح لو لاح
عشت يومي جراح
لا طبيب جراح
لا جاب شفاي لا راح
من فريع البان
اليسح نديان
الله يا سلام

http://sudaniyat.net/up/uploading/men free3 alban.mp3

[imported_فيصل سعد]

الاخ / عمار مكي

اقترح نقل هذا البوست لمنتدى التوثيق.
ادينا راييك يا حبوب..

[imported_عمار مكى عمر حسن]

فيصل اخوى ازيك
معليش على الانقطاعه بس الواحد بعد ما شاب دخلو الكتاب والواحد بى كبرو رجع يقرا
افتكر الوضوع مكانو منتدى التوثيق وانا موافق
يديك العافيه

[imported_فيصل سعد]

اتقدم طالبا من الامين العام و المشرف الفني بنقل هذا البوست لمنتدى التوثيق
بعد ان حصلنا على موافقة صاحبه اعلاه . و على حسب سياسات و لوائح و قوانين المنبر ..
و ذلك لمحتواه التوثيقي لملك الاغنية الشعبية الفنان الراحل محمد احمد عوض طيب الله ثراه..

و لكم اطيب التحايا و وافر الاحترام و التقدير.

[imported_سمراء]

gooodgooodgoood

ريحتونى راحه الله يريحكم محل ماتقبلو ...
الزول ده غايتو ماعادى ربنا يرحمو ويغفر ليهو

[imported_فيصل سعد]

WIDTH=400 HEIGHT=350

WIDTH=400 HEIGHT=350

WIDTH=400 HEIGHT=350

WIDTH=400 HEIGHT=350

WIDTH=400 HEIGHT=350

WIDTH=400 HEIGHT=350

[imported_حافظ اسماعيل احمد]

قولي ياغيم المحبة الفي يوم حسيت بغربة الدموع الفي خدي سالت في خدودي حبة حبة
والسواقي الديمة تفرح فوق جروف النيل فرحنا
ولو علي الحق عظمتك فوق جدار الكون بشيلك المعزرة لاني لا اتذكر من هذه التحفة سوي تلك المقاطع
هذا الرائع كان اول من استمعت له في حياتي باهذه الاغنية ويامراكبي عدينا علي توتي ودينا
ايام مرت وسنين راحت كم ضلينا فيك ياليل مارتاحت مشاعرنا من الشايلاه والفيها ماعارفين سبب ليها ما قايلين نعيش ونشوف وننسي ايام زمان والخوف ننسي شقانا فيك ياليل وتبالغ مشاعرنا لوتنسي البنسيها كل الدنيا والفيها
تغني محمود عبد العزيز بعدد من اغنياته لم استطع ان ارفعها

[imported_عمار مكى عمر حسن]

ماذا عن الغنا الخفيف
ملكه الطرحه
الغيرت للتوب
خلتنا فى حيره
وفى هواها ندوب

[imported_عمار مكى عمر حسن]

ابوى يا يابا
ماتقول ليه لا

[imported_فيصل سعد]

ابوى يا يابا
ماتقول ليه لا

السلام و التحية ..
اين انت يا عمار !!

[imported_فيصل سعد]

http://www.sudanesesongs.net/uploads/monthly_02_2010/post-47230-1267269638_thumb.jpg

[imported_فيصل سعد]

توبة يا أحباب


توبة يا أحباب لو غشيت داركم
بس كفاي عذاب الضقتو من ناركم

مُش من الإنصاف تظلموا احبابكم
الواهبين الروح و ضحُّوا علشانكم
ليه كل يوم بسأل و أنشُد أخباركم
و النسيم عارف حالي و أحوالكم

بالله يا أحباب بي قلبي رحماكم
قصدتوا نسيانو و هو ما نساكم
ما بحب في الدنيا إلا إيّاكم
وريتو ايه الحب حبَّ فنياكم

ياريتنا يا أحباب ما هويناكم
ما عرفنا الحب و ما رأيناكم
يا أطبّاء الكون أشفوا مرضاكم
ديل أحق الناس بي سجياكم

http://www.youtube.com/watch?v=ZZtX2_9oXlU