مشاهدة النسخة كاملة : *** مصطلحات عامّية سودانية ***
الصفحات :
[
1]
2
3
4
5
6
7
8
9
10
11
12
imported_فيصل سعد
07-12-2007, 09:36 AM
الاحباب الكرام :
تحية طيبة ،،
اتمني مشاركة الجميع في تسليط الضو علي المصطلحات العامية السودانية قديمها و جديدها و الامثال و الحكم و التراث و تبادل المعلومات حولها و بسم الله نبدأ :-
ود اللحد : المكان الذي يوضع فيه الجثمان داخل القبر.
الضانقيل : الطوب الاحمر.
الانداية : محل لبيع و تعاطى الخمور البلدية .
المريسة : خمرة بلدية تتكون من تخمير الذرة .
الصارقيل : دودة صغيرة تعيش في الطين تستخدم كطعم لصيد الأسماك.
المساير : الجزء الامامى للشعر فى المشاط.
العنقريب : سرير من الخشب ينسج بالحبال .
القرقريبة : تصنع من السعف وتستخدم في العواسه.
السعن : جلد يستخدم في حمل الماء او اللبن.
الصاج : قطعة من الحديد توضع على اربع حجارة وتعاس عليه الكسرة و الحلومر.
الكشف : المشاركة المادية فى المآتم و الافراح.
القدوم : آلة نجارة لقطع الاخشاب.
imported_فيصل سعد
09-12-2007, 06:20 PM
التكل : المطبخ
النملية: دولاب لحفظ ادوات المطبخ
مترار: جهاز يدوي لغزل الخيوط
برطوش: حذاء
الاستبالة: المستشفى
سبلوقة: مجري تصريف المياه في راس البيت
المستراح: الادبخانة ، بيت الادب، الحمام
السهلة: الحوش، ساحة كبيرة داخل البيت
اللقيمات: فطائر تقدم عند الصباح مع الشاى
imported_omrashid
09-12-2007, 06:55 PM
المعراكه -بضم الميم --قطعه من القماس لزوم مسح الصاج قبل العواسه
المشلعيب---علاقه مصنوعه من الحبل لوضع الطعام وحفظه (تلاجة المساكين
الخماره --بضم الميم --اناء مصنوع من الفخار لتخمير العجين لزوم العواسه
imported_Haimoura
09-12-2007, 08:22 PM
البو
ربما نطق الكلمة يختلف قليلا من كتابتها ويمكن تسكين الواو..
وهو تحنيط وليد البقرة الميت واحضاره بالقرب من البقرة لتدر اللبن ...
imported_فيصل سعد
12-12-2007, 11:53 AM
كونشبر : قفة صغيرة يستخدمها المزارع في نقل التراب لسد الماء.
الهضليم : الشعر
التكم : قفل الباب.
الدوكه : مكان لوقد النار علي الارض.
التيوه : نواه ثمره الدوم
الدافوري : لعب كره القدم في شوارع او ميدان وسط الحله.
كدندارة : حشرة تطير حول الزرع
جربوكس : ترس ناقل السرعة في العربات.
دكوة : زبدة الفول السوداني.
مررو : فول حاجات ، فول مدمس
الدفتر : ورق شفاف رهيف يستعمل في نظافة النظارات
imported_أشتر
12-12-2007, 03:43 PM
سمعت اغنية لمحمد النصري فيها كلمة العميوق
فما هو العميوق يا فيصل ؟
imported_نسايم
12-12-2007, 04:00 PM
سمعت اغنية لمحمد النصري فيها كلمة العميوق
فما هو العميوق يا فيصل ؟
دي مابعرفها الا شايقي
الشوايقة ديل غتااات كلامهم زاتو غتيييت
نقوم نسأل عكوود
بيعرفها
imported_فيصل سعد
12-12-2007, 04:31 PM
سمعت اغنية لمحمد النصري فيها كلمة العميوق
فما هو العميوق يا فيصل ؟
يا محمد مرحب بيكم انت و نسائم بجاي. ما عارف الكلمة و الله و يكون جميل لو تدونا رصة بمعانيها قبل ما تغادروا انتوا الاتنين، الاتنين ادونا عين :D:D
عكــود
12-12-2007, 05:31 PM
سلام يا فيصل،
بوست جميل ومهم للجميع . .
وشايفك ما قصّرت
وما دام السبلوقة والأسبتالية بقوا دايرين شرح . .
ما ألوم أبو عاقلة ونسايم في سؤالهم عن العميوق
الأغنية بتقول في واحدة من مقاطعها:
"قام إتمطّق العميوق"
العميوق: شجيرة طفيلية تقوم في المزارع وتنتشر بسرعة
ريحتها بطّالة
وطعمها تعافِه البهايم
سلام وبجيك راجع أدّيك من القديم.
imported_نسايم
12-12-2007, 06:13 PM
يا محمد مرحب بيكم انت و نسائم بجاي. ما عارف الكلمة و الله و يكون جميل لو تدونا رصة بمعانيها قبل ما تغادروا انتوا الاتنين، الاتنين ادونا عين :D:D
حااااضر انا بحضر ليك في كلمااات
بس انا براااي محمد داا ما تشملنى معاهو في جملة مفيدة
imported_إيمان صالح
12-12-2007, 07:36 PM
ووووووب علي
عاد يا فيصل ياخوي
نكتوا لينا كلاما يطرشني عمري ما سمعت بيه ولا بعرفه
ده اظنه من زمن حفروا البحر
وانا صغيرة وجاهلة وحنكوشة
بري يا يمة من جنس كلامكم ده
شعرة جلدي كلبت وحاة نظري
ايمان
imported_أشتر
12-12-2007, 09:15 PM
الدفتر : ورق شفاف رهيف يستعمل في نظافة النظارات
:D:D:D:D:D
no comment
اخوي عكود ... عُلم
وتسلم يا حبيب
imported_أشتر
12-12-2007, 09:26 PM
البو
ربما نطق الكلمة يختلف قليلا من كتابتها ويمكن تسكين النون ..
يا حيمورة ... ازيك
النون البنسكن فيها دي وين ؟ !!!
بالايجار ما لقيتا !!!
اديتنا الصقيعة ...
والصقيعة ... هي المكان الواسع الفسيح او الخلا
الخلا ولا الرفيق الفسل ...
والفسل ... هو الزول البخيل
imported_شبارقة
13-12-2007, 08:47 AM
ووووووب علي
عاد يا فيصل ياخوي
نكتوا لينا كلاما يطرشني عمري ما سمعت بيه ولا بعرفه
ده اظنه من زمن حفروا البحر
وانا صغيرة وجاهلة وحنكوشة
بري يا يمة من جنس كلامكم ده
شعرة جلدي كلبت وحاة نظري
تشكروا على هذا البوست الجميل
بالله يا إيمان هسع ده كلام حنكوشة .. نكتوا لينا .. وشعرة جلدي كلبت ..ده ذاتو ما تراث وعاوز ليهو ترجمة
وهاكم:-
التبروقة : مصلاية من السعف (بت عم البرش) ما تقولوا لي البرش ده شنو؟
الفروة : مصلاية من الجلود
الدردقو : ود عم العجور ، ينبت في الجروف .. وما تقولوا لي الجروف دي شنو؟
الغباشة : الروب المضاف إليه قليل من الماء وقليل من السكر (حاجة مريحة جداً.. أحسن من إكتيفيا)
اللداية : مجموعة من الحجارة توضع عليها حلة الطعام (لزوم رفعا قليلاً عن الجمر)
السيارة : ما تفتكروها العربية ، السيارة هي الطايووق الذي يمسح به صاج الكسرة (عشان الطرقة تسير بسرعة وسهولة) عارفين الطايوق؟ شكراً
الكُنُش : المُفراكة
أم تكشو : وجبة طعام من الماء الحار المضاف إليه مسحوق الخُضرة (الملوخية) الجافة (لا لحمة ولا يحزنون)
أم شعيفة : وجبة طعام من الماء الحار المضاف إليه مسحوق البامية الجافة (نفس شرح أم تكشو)
وشكراً لكم مرة تانية لأنكم أرجعتمونا لتراثنا الجميل الذي نتمنى أن لا يندثر .. ولنا عودة مع المزيد إن شاء الله
imported_شبارقة
13-12-2007, 11:54 AM
ووووووب علي
عاد يا فيصل ياخوي
نكتوا لينا كلاما يطرشني عمري ما سمعت بيه ولا بعرفه
ده اظنه من زمن حفروا البحر
وانا صغيرة وجاهلة وحنكوشة
بري يا يمة من جنس كلامكم ده
شعرة جلدي كلبت وحاة نظري
ايمان
الحمد لله نجحت في الإقتباس ومعذرة للأخت إيمان
imported_إيمان صالح
13-12-2007, 01:28 PM
تشكروا على هذا البوست الجميل
بالله يا إيمان هسع ده كلام حنكوشة .. نكتوا لينا .. وشعرة جلدي كلبت ..ده ذاتو ما تراث وعاوز ليهو ترجمة
الكُنُش : المُفراكة
الله يا يابا الكنش اليخبتوك بيه في دقنوسك
هسه الرسول فوقك انت سالوك من عمر ايمان؟
عاد يا شبارقة يا ولدي تغالطوا الزولة في عمرها وحكنشتها
لا حكت لا بقت
بري يا يمة منكم يا ناس سودانيات
ايمان
imported_إيمان صالح
13-12-2007, 01:35 PM
الحمد لله نجحت في الإقتباس ومعذرة للأخت إيمان
بعد شنو عاد؟
لافي البلد والبلدين شايل حسي
ولا مرة لا مرتين
تاني كدي النشوفك تجيب سيرة عمري ولا حنكشتي
ايمان
imported_أشتر
13-12-2007, 02:52 PM
نرجع لمحور حديثنا وبلاش خرمجة !!!!
خش يا فيصل >>>>>>>> المايك معاك
imported_فيصل سعد
13-12-2007, 05:02 PM
بسم الله و الحمد لله و الصلاة على رسول الله.
اللهم ابعد فتحي مسعد حنفي و شبكه عن هذا البوست :D:D
الو..تست..الو ون تو..
شكرا باشمهندس ابو عاقلة :):) شكرا اختي نسايم
اولا مرحب بالعمدة عكود و تم تعيين سعادتك مديرا عاما للفحص و المراجعة هنا :D:D
و نرحب بايمان و بطلي حنكشة :D و كان دايرة ونسة دقاقه تعالي في الديوان بهناك :)
و مرحب شبارقة مقيما دائما معنا هنا :D:D و اكسر الفيزا كسر الله كل اعدائك :D:D
imported_إيمان صالح
13-12-2007, 06:31 PM
نرجع لمحور حديثنا وبلاش خرمجة !!!!
خش يا فيصل >>>>>>>> المايك معاك
بـِـسْ
imported_إيمان صالح
13-12-2007, 06:37 PM
و نرحب بايمان و بطلي حنكشة :D و كان دايرة ونسة دقاقه تعالي في الديوان بهناك :):D:D
ما دايرة
فاعدة هنا دا
عاجباني الحتة دي
ايمان
imported_فيصل سعد
13-12-2007, 06:40 PM
بـِـسْ
شكرا يا ايمان على الاضافة، و بـِـسْ معناها غور و اقطع وشك و شتت يا مطرطش يا فقر يا غتيت.
و نحنا ناس روحنا رياضية و كدا :D:D:D
اطيب التحايا.
imported_أشتر
13-12-2007, 11:58 PM
بـِـسْ
أرد بياتو كديسه من الكدايس
واحدة في راسي وكان قامت بتهرِش
والتانية معاي في الأوضة وكان قامت بت خربِش
والتالتة في كرعي ... ودي بتطير جوز وبت دَقّش ...
والكديسة في كلامنا = السحلبة وهي بت عم الجقلبة وبت خال العنكبة
وكان للعنكبة ... سكلبة وشنكبة ...
وكلمتك دي ... عملت لي كركبة ... ونص الراس حِرِق والباقي ني ...
وهل كديستكم (اذا عندكم) بتخربش ولا بتهبش ...
اذا بتخربش ... نقوم نهبش
واذا بتهبش ... نقوم نخربش
والاتنين بى طينة !!!
إسْ ...
imported_أشتر
14-12-2007, 12:07 AM
شكرا يا ايمان على الاضافة، و بـِـسْ معناها غور و اقطع وشك و شتت يا مطرطش يا فقر يا غتيت.
و نحنا ناس روحنا رياضية و كدا :D:D:D
اطيب التحايا.
(ودي بى عجينة)
وصهين ثم صهين (ودي من وصايا جدي الكتيرة)
imported_شبارقة
15-12-2007, 09:35 AM
سلامات ..وهاكم:-
التيبار : الزير
مريسيلا : سراج (مصباح) يضي بإستخدام الجاز
الرتيلا : نملة (إن شاء الله ما تضوقوا قرصتها)
العُكارة : الكسرة المخموجة بالموية والسكر وتسمى أحياناً (الموصة)
المربعة : الأوضة (الغرفة) المنفردة
الدلجة : الواطه القوية
الشتم : ود الدلوكة (آلات إيقاعية)
العمبلوق :بهيم (سخل) يتراوح عمره ما بين 4 إلى 5 شهور
السحسوح : السفنجة (الشبشب)
البيرون : السحلية
الغُلغُل : بذور القطن
الغوغاية : آلة خشبية لفصل الغلغل عن القطن.
imported_نسايم
15-12-2007, 02:02 PM
سلاااااااام جاااكم
انا جايبة لي شوية كلمااات
المترار
المحويب
الغوغاية
imported_نسايم
15-12-2007, 02:07 PM
النجامة
الملود
الواسوق
الضناب
التوريق
المرحاكة
imported_نسايم
15-12-2007, 02:08 PM
يا ايمان حبابك
وهوووي يا محمد انت وفيصل
فارقو البت
وما تقعدو واحد يصلح والتانى يرمى
روقووو
تقعد في المكان البيعجبها بي الطريقة البتعجبها
imported_إيمان صالح
15-12-2007, 04:29 PM
شكرا يا ايمان على الاضافة، و بـِـسْ معناها غور و اقطع وشك و شتت يا مطرطش يا فقر يا غتيت.
و نحنا ناس روحنا رياضية و كدا :D:D:D
اطيب التحايا.
شكراً يا فيصل على الترجمة
يلا اقطع وشك
ايمان
imported_إيمان صالح
15-12-2007, 04:35 PM
أرد بياتو كديسه من الكدايس
وهل كديستكم (اذا عندكم) بتخربش ولا بتهبش ...
اذا بتخربش ... نقوم نهبش
واذا بتهبش ... نقوم نخربش
رد بكديستكم الفي البيت عندكم مع اخواتك
ونحن ما عندنا كدايس
ياها الشلناها من اخواتك ديك
وجن قلعنها مننا
بركة القلعنها
جاتنا منهن خرباشة وهباشة
ايمان
imported_إيمان صالح
15-12-2007, 04:37 PM
يا ايمان حبابك
وهوووي يا محمد انت وفيصل
فارقو البت
وما تقعدو واحد يصلح والتانى يرمى
روقووو
تقعد في المكان البيعجبها بي الطريقة البتعجبها
تسلمي انتي يا السمحة وعديلة
خليهم ياختي
كان فارقوني انا اتسلى بمنو؟
ايمان
imported_رأفت ميلاد
15-12-2007, 04:44 PM
والله يا عمر سعد بوست ظريف
وتوثيق مفيد
إستوقفتنى كلمات كتيرة إترسبت عندنا من لغات أخرى ونستعملها بدون إنتباه
مثلآ فى الجزيرة للـ Main Canal بنقول الكنار
الأدبخانة : الأدب خانة وخانة بالتركى "مكان" أو بيت
الكورجة : ما عارف أصلها لكن غالبآ من شرق آسيا .. ممكن واحد يقول تركى لكن التركى نفسه مجموعة لغات .. سمعتها أنا عند الأفغان والأندونبسين .. ويوجد سوق فى جدة يبيع بالكورجة .. وهى أكوام تقريبية (بدون ميزان وعداد) للبضائع .. وتستعمل لدينا فى وصف عدد غير معلوم من الناس
من الأشياء القابلتنى هنا "الكارته" ونحن بنقول "الكرتة" ونحن بالنسبة لنا بقايا الأكل غالبآ التالف .. ولكن هنا باقى الأكل للأسبوع .. وغالبآ يُقدم يوم الثلاثاء .. ويكون وليمة معتبرة من ستة أصناف قُدمت خلال الأسبوع المنصرم .. ونحن الكرتة للفقراء ..
بعدين يا فيصل "المرارو" كلمة نيجيرية وهو فول الحجات
وبتزكر وأجى راجع
سلام
imported_شبارقة
15-12-2007, 04:51 PM
انا جايبة لي شوية كلمااات
المترار
الغوغاية
سلام يا نسايم .. وصحصحي معانا ..المترار (راجعي مصطلحات فيصل) والغوغاية (راجعي مداخلات العبد لله).. لكن خشي بالباقي وما عليك
مع تحياتي
imported_رأفت ميلاد
15-12-2007, 04:58 PM
هوووى يا فيصل ومحمد أبو عاقلة
الواحد يدخل يعمل مداخلة يلقاقكم قلبتو على إيمان
أبعدو دمكم .. وأعملوا حسابكم
على كيفا .. والبوست زاتو بنصادروا كان عايزين
بطلوا الكواريك
والكواريك جمع لمفردين
كوريك : ويستعمل لإخرج التراب من الأرض بعد الحفر فى البناء والزراعة وضرب اللصوص
كوراك : ومرادفها السكلى وهو الصياح بصوت عالى .. وتستعمل أيضآ مع اللصوص فى غياب الكوريك :D:D
imported_أشتر
15-12-2007, 04:59 PM
رد بكديستكم الفي البيت عندكم مع اخواتك
ونحن ما عندنا كدايس
ياها الشلناها من اخواتك ديك
وجن قلعنها مننا
بركة القلعنها
جاتنا منهن خرباشة وهباشة
ايمان
إسْ ...إسْ
وتُطلق على الحاجة المرقت من نفسك
imported_نسايم
15-12-2007, 05:01 PM
تسلمي انتي يا السمحة وعديلة
خليهم ياختي
كان فارقوني انا اتسلى بمنو؟
ايمان
يا امونة
ماف داااعي
هم بيشتغلوووك بس
وما بتسلووو عليك
بي الزات فيصل محمد اعملي فيهو ما بدااالك
imported_أشتر
15-12-2007, 05:02 PM
الغوغاية : آلة خشبية لفصل الغلغل عن القطن.
الغوغاية
عملتي شنو يعني !!!!!! لكن لحنك جميل
وتمي لينا جميلك اذا تكرمتي
إن وُجد !!!!!!
imported_نسايم
15-12-2007, 05:04 PM
والله يا عمر سعد بوست ظريف
وتوثيق مفيد
إستوقفتنى كلمات كتيرة إترسبت عندنا من لغات أخرى ونستعملها بدون إنتباه
مثلآ فى الجزيرة للـ Main Canal بنقول الكنار
الأدبخانة : الأدب خانة وخانة بالتركى "مكان" أو بيت
الكورجة : ما عارف أصلها لكن غالبآ من شرق آسيا .. ممكن واحد يقول تركى لكن التركى نفسه مجموعة لغات .. سمعتها أنا عند الأفغان والأندونبسين .. ويوجد سوق فى جدة يبيع بالكورجة .. وهى أكوام تقريبية (بدون ميزان وعداد) للبضائع .. وتستعمل لدينا فى وصف عدد غير معلوم من الناس
من الأشياء القابلتنى هنا "الكارته" ونحن بنقول "الكرتة" ونحن بالنسبة لنا بقايا الأكل غالبآ التالف .. ولكن هنا باقى الأكل للأسبوع .. وغالبآ يُقدم يوم الثلاثاء .. ويكون وليمة معتبرة من ستة أصناف قُدمت خلال الأسبوع المنصرم .. ونحن الكرتة للفقراء ..
بعدين يا فيصل "المرارو" كلمة نيجيرية وهو فول الحجات
وبتزكر وأجى راجع
سلام
مين عمر سعد
الزول دااا اسمو فيصل
ودخلنى في زرد السبيييب لما قلت ليهو
اسم تااانى
imported_أشتر
15-12-2007, 05:07 PM
النجامة
الضناب
التوريق
يا بت اتكلمي زي الناس ... دي (ديييييب لوكال لانغويتش)
وبعدين شكّلي عشان نقراها صاح
وخليني اقراك مرة صاح !!!!
imported_أشتر
15-12-2007, 05:12 PM
مين عمر سعد
الزول دااا اسمو فيصل
ودخلنى في زرد السبيييب لما قلت ليهو
اسم تااانى
الناس دي ملخبطة خلطبيطة عجيبة جدا
بين عمر سعد بتاع هناك وبين فيصل سعد بتاع هنا
اتعودو على داك ولسه ما اتأقلمو مع الهنا
داك بسب ودا ما بسب ...
يا جماعة حاولو تنفصلو عن جميع موجاتكم العاملة وقتئذٍ
عشان ما تحرجونا ... وتدخلون في مناطق ضيقة لا قِبل لكم بها ...
imported_نسايم
15-12-2007, 05:15 PM
عملتي شنو يعني !!!!!! لكن لحنك جميل
وتمي لينا جميلك اذا تكرمتي
إن وُجد !!!!!!
فيصل سعد
طلع لي محمد ابو عاقلة برااا البوست
imported_فيصل سعد
15-12-2007, 05:16 PM
والله يا عمر سعد بوست ظريف
وتوثيق مفيد
إستوقفتنى كلمات كتيرة إترسبت عندنا من لغات أخرى ونستعملها بدون إنتباه
بعدين يا فيصل "المرارو" كلمة نيجيرية وهو فول الحجات
وبتزكر وأجى راجع
سلام
يا عمو رأفت لييي حالف و الله يا عمر سعد و بعدين يا فيصل :confused: ، بعدين يا معلم المررو لو تتذكر شركنا ليك بيو في البدوك و جبناك معانا هنا في الميز؟؟ :):)
imported_نسايم
15-12-2007, 05:18 PM
سلام يا نسايم .. وصحصحي معانا ..المترار (راجعي مصطلحات فيصل) والغوغاية (راجعي مداخلات العبد لله).. لكن خشي بالباقي وما عليك
مع تحياتي
معليش يا شبارقة
بعد ما كتبتها حتى قريتها عندكم
imported_فيصل سعد
15-12-2007, 05:28 PM
يا امونة
ماف داااعي
هم بيشتغلوووك بس
وما بتسلووو عليك
بي الزات فيصل محمد اعملي فيهو ما بدااالك
يا ايمان ما تسمعي كلام اختك دا كلو هظار في شغل في تسلية
انا و محمد و هي زاتها :D:D بعدين انا ما برضى انك تشاكلي محمد، و كان فيها دقيش تعالي دقشيني انا صاحب البوست و خليك من محمد :D و يا رأفت ميلاد ما تدي الموضوع اكبر من حجمه و شيل كواريكك عليك بالله :D:D و انا قاطع وشي تب ،،، و البوست في المزاد العلني البدفع اكتر يشيل و العملات المقبولة للدفع الفة و مودة و محنة و حسن ظن:D:D
imported_أشتر
15-12-2007, 05:29 PM
فيصل سعد
طلع لي محمد ابو عاقلة برااا البوست
يطلع شنو يا بت !!!!!
لو ضرب نفسو في ستة ما بقدر يطلعني ...
انا زول داخل النت اسّقّف ...
ومن حقي اسّقّف
المِرق ...
الطرقة ...
مشلعيب ...
أم بررو ... دا اسم أكلة
المديدة حرقتني ... ودي بداية شكلة
imported_نسايم
15-12-2007, 05:31 PM
يا ايمان ما تسمعي كلام اختك دا كلو هظار في شغل في تسلية
انا و محمد و هي زاتها :D:D بعدين انا ما برضى انك تشاكلي محمد، و كان فيها دقيش تعالي دقشيني انا صاحب البوست و خليك من محمد :D و يا رأفت ميلاد ما تدي الموضوع اكبر من حجمه و شيل كواريكك عليك بالله :D:D و انا قاطع وشي تب ،،، و البوست في المزاد العلني البدفع اكتر يشيل و العملات المقبولة للدفع الفة و مودة و محنة و حسن ظن:D:D
دااا شنو قرووش قرووش
انت مادي كدااا ليه
بي هنا عاوز تبيع بوستيك
وبي هناااك
تجمرك في عمو بابكر
imported_فيصل سعد
15-12-2007, 05:37 PM
يا زولة الحبيب داك صعب ما بتجمرك باخوي و اخوك.:D:D
كان ضرب سوبر جاكبوت ، نصيحة ما بتطلعي بيها منو؟:D:D
imported_نسايم
15-12-2007, 05:44 PM
يا زولة الحبيب داك صعب ما بتجمرك باخوي و اخوك.:D:D
كان ضرب سوبر جاكبوت ، نصيحة ما بتطلعي بيها منو؟:D:D
حلوة دي
لكن كويسة منو انو عشمك وفكااااك عكس الهوا
imported_أشتر
15-12-2007, 05:50 PM
يا ايمان ما تسمعي كلام اختك دا كلو هظار في شغل في تسلية
انا و محمد و هي زاتها :D:D بعدين انا ما برضى انك تشاكلي محمد، و كان فيها دقيش تعالي دقشيني انا صاحب البوست و خليك من محمد :D:D
تسلم يا غالي ... تسلم طوالي
هو انت قايل محمد زعيييييييل !!!!! ...
حردان ...
السّفروق ...
السّلبة ...
الكرّاب ...
imported_أشتر
15-12-2007, 05:54 PM
حلوة دي
لكن كويسة منو انو عشمك وفكااااك عكس الهوا
انت عارفه يا نسايم
عشمك دي لو ما فيها (شده) بشتنتي اي حاجة وتكوني دخّلتِي الزول في حتة ضيقة ...
imported_أشتر
15-12-2007, 06:02 PM
بوست ذات علاقة
http://sudanyat.net/vb/showthread.php?t=5385
imported_نسايم
15-12-2007, 06:15 PM
انت عارفه يا نسايم
عشمك دي لو ما فيها (شده) بشتنتي اي حاجة وتكوني دخّلتِي الزول في حتة ضيقة ...
اقعد لي جنس دااا
imported_إيمان صالح
15-12-2007, 07:06 PM
هوووى يا فيصل ومحمد أبو عاقلة
الواحد يدخل يعمل مداخلة يلقاقكم قلبتو على إيمان
أبعدو دمكم .. وأعملوا حسابكم
على كيفا .. والبوست زاتو بنصادروا كان عايزين
بطلوا الكواريك
والكواريك جمع لمفردين
كوريك : ويستعمل لإخرج التراب من الأرض بعد الحفر فى البناء والزراعة وضرب اللصوص
كوراك : ومرادفها السكلى وهو الصياح بصوت عالى .. وتستعمل أيضآ مع اللصوص فى غياب الكوريك :D:D
انت يا الشهم وحمش
ان شاء الله انت تبقى سند للمحتاجين
واللقمة للجيعانين
والجغمة للعطشانين
واللبعة للخنقانين
والعارضة لقودوين
ايمان
imported_إيمان صالح
15-12-2007, 07:10 PM
إسْ ...إسْ
وتُطلق على الحاجة المرقت من نفسك
عملات بيان الله يطراها بالخير
Ignored
ايمان
imported_إيمان صالح
15-12-2007, 07:14 PM
يا امونة
ماف داااعي
هم بيشتغلوووك بس
وما بتسلووو عليك
بي الزات فيصل محمد اعملي فيهو ما بدااالك
نسايم يا بت امي
انا المتسلية
ايمان
imported_إيمان صالح
15-12-2007, 07:18 PM
يا ايمان ما تسمعي كلام اختك دا كلو هظار في شغل في تسلية
انا و محمد و هي زاتها :D:D بعدين انا ما برضى انك تشاكلي محمد، و كان فيها دقيش تعالي دقشيني انا صاحب البوست و خليك من محمد :D و يا رأفت ميلاد ما تدي الموضوع اكبر من حجمه و شيل كواريكك عليك بالله :D:D و انا قاطع وشي تب ،،، و البوست في المزاد العلني البدفع اكتر يشيل و العملات المقبولة للدفع الفة و مودة و محنة و حسن ظن:D:D
هوي يا فيصل
اقعد في واطاة الله دي وارجى رزقك
انت ما عرضت البوست ده في المزاد؟
خلاص نقطنا بسكاتك
ورانا ارزاق وسمسرة
ايمان
imported_نسايم
15-12-2007, 07:19 PM
عملات بيان الله يطراها بالخير
Ignored
ايمان
يخسي عليك يا ايمااان
اقنووور الحمرا دي لي منو
اوعي اكون انا معاهم
imported_إيمان صالح
15-12-2007, 07:22 PM
يخسي عليك يا ايمااان
اقنووور الحمرا دي لي منو
اوعي اكون انا معاهم
اجي يا نسايم
انتي بياقنروك؟
انت يا يمة منو الزيك؟
ايمان
imported_أشتر
15-12-2007, 07:48 PM
اقعد لي جنس دااا
جنس دا في النت كتييييير ...
وشغالين بى من رأى منكم غلطا...
بيدي ما بقدر أغير ... لانو ما عندي الباسووورد بتاعك
وبلساني ما بتسمعيني الا يكون عندي رقمك ...:D:D
وكان رجعت لاضعف الـ (ايمان) اعاين بعيوني واتخارج
بس بعيوني !!!
imported_نسايم
15-12-2007, 08:56 PM
اجي يا نسايم
انتي بياقنروك؟
انت يا يمة منو الزيك؟
ايمان
مافهمت حاجة
لكن تحسباا شكرا
imported_اسامه عثمان" ابوشيبة"
16-12-2007, 06:12 AM
يالسكس بلي .. يا حلاوة بلي
مقطع من أغنية مشهورة من أغاني البنات ..
والسكس بلي اصلها من .. sex appeal في اللغة الانجليزية
والظاهر انو حبوباتنا كانو بيغنوا للخواجات ..
ومن الكلمات المتداولة والمشتقة من اللغة الانجليزية أيضا ..
الدبلسي .. من WC
والشكبزور من chock absorber
بوست شيق ومفيد ..
تحياتي ...
imported_إيمان صالح
16-12-2007, 06:25 AM
مافهمت حاجة
لكن تحسباا شكرا
نسايم
يا بتي الحاصل عليك شنو الليلة؟
قلتي لي اقنورد البالاحمر دي لي؟
قلت ليك بري
عاد انتي بياقنروك؟
نادي فيصل ده اليجي يسوي شئ فيه فائدة ويترجم
ايمان
imported_فيصل سعد
16-12-2007, 05:19 PM
ايمان انا قطعت وشي :D اتنقطت بسكاتي :D و رجيت رزقي :D و بعت البوست
كل زول مخير :D و كل زول ياكل نارو :D بعدين انا فترت من الترجمة الكتيرة دي :D لكن عشان خاطرك و خاطر نسايم :D "يا نسائم حبوبتك قالت ليك هي ما ماقنراك و ما متجاهلاك و انت ما البتجاهلوها و باقنروها" :D:D:D. كل عام و انتم بخير..
imported_آلاء فتحي مسعد
16-12-2007, 08:49 PM
:(:confused::mad::p;):D:o:rolleyes::cool::eek::)
ايوي ايوي ايوي انا فاهمة كلمات ايوي ايوي ايوي
imported_أشتر
16-12-2007, 09:39 PM
:(:confused::mad::p;):D:o:rolleyes::cool::eek::)
ايوي ايوي ايوي انا فاهمة كلمات ايوي ايوي ايوي
ايوي ... فعل كواريك ...
وما عندو أي أصل في اللغة ...
غايتو إلا ترجع للتي (فعلتها) وسكتت ...
imported_أشتر
16-12-2007, 09:45 PM
إسْ ...إسْ
وممكن تكون (اديني وشّك)*لأني ما ح أقطعو
وكل عام وانتو بخير
بابكر مخير
17-12-2007, 12:43 AM
:(:confused::mad::p;):D:o:rolleyes::cool::eek::)
ايوي ايوي ايوي انا فاهمة كلمات ايوي ايوي ايوي
ايوي ايوي ايوي
ممكن تكون جاية من قولة عربية فصحى وهي
إي والله (أيا والله بالسوداني العامي)
ولو لا حظتي يا آلاء دوما تقال كتكرار مثلها مثل إي والله، إي والله، إي والله
في الأفراح النساء بيقولن ايوي ايوي ايوي للتأكيد
يعني مثلن (حسي أبوك ينطالينا في قولت مثلن ويقول مفروض نكتبها مثلاً) والقصد أنو دا العريس إي والله إي والله
مش برضو بنقول آه آه آه لزوم التأكيد
همسة
والله أعلم
إضافة: إتنين إنجليز عاشو في السودان فترة والتقو في لندن، وكل واحد فيهم بيستعرض للتاني معرفته بكلام السودانيين، واحد سأل التاني طيب كلمة،، تشج، معناها شنو (تشج، دي بنقولها بقصد نعم وهي تخرج كصوت بتمطيق اللسان مع سقف الحلق)
التاني أجاب
it is a lazzy way to say yes
الغريبة أننا أمة عريقة لكن لسة بنستعمل الأصوات بدل الكلمات ذي حكاية ايوي أيوي أيوي وكدا
سؤال؟؟؟
أبوك عندو ذي الخترفة دي؟؟.
لو آيا يبقى وصل ولو لا أنا عارفو برضو وصل
imported_شبارقة
17-12-2007, 09:04 AM
الغريبة أننا أمة عريقة لكن لسة بنستعمل الأصوات بدل الكلمات ذي حكاية ايوي أيوي أيوي وكدا
أخونا مخير ..سلامات
فنيت ليك الحجر فننننن .... ووقع في الموية جمبلق
وأداهو ليك كف طااااخ ووقع في الواطه تراااح
imported_عبدالله عبداللطيف
17-12-2007, 09:56 AM
يا ناس البوست الجميل ده سلااااااااااااااام
الزول لما يتجول في البوست ده يحس كده انو قاعد في السودان
طبعا وبحكم النشأه خارج السودان فاتنا الكثير وعشان كده البوست ده مفيد لينا جدا
وبالمناسبة دايما يطلق علينا سودانيه تايوان
لكن يخيل لي بالبوست ده ممكن نتجاوز الصفه دي
كنت في زياره للسودان قبل فتره ومعي أحد الإخوه السعوديين وبعد رجعنا قال أكتر كلمه عجبتو في السودان أأأأأأأأأي لدرجة انو بدأ يستخدمها كتير .
يديكم العافيه جميعا ولي قدام عشان نطلع لينا بي قاموس جميل عن العامية السودانيه .
لكم تحياتي .
imported_أشتر
17-12-2007, 11:22 AM
يا المسيّر وماك مخيّر
ماك بيرقر ...
ماك إنتوش ...
و(ماك) للنفي ... يعني ماكدا بتصرف فيهو إنّه ...
و(م)ا مرات اسم موصول
ومرات كلام مسطول
يعني في (ما) لو قريناها بتجهجه الواحد
لا تعرفا ماشه لا تعرفا جايه
زي الجلابية الأنصارية
مثال واحد
ياخ ما تجي هنا تجيك الكِشة (وهنا عاوز معني الكِشة لو سمحتو لأنو الكَشّة أي زول عارفا..
أو ياخ ما تجي هنا تجيك الطائح بالا أو الطاوية حبالا (وهنا عاوز توضيح برضو يا عكود)
مثال اتنين: ما تجي هنا
وعموما هي بتعتمد على هرشة الواحد او عدما
ويا جماعة لو غلطان سكّنو لي رااسي
imported_أشتر
17-12-2007, 11:24 AM
أأأأأأأأأي لدرجة انو بدأ يستخدمها كتير .
أأأأأأأأي .. دي زي الواحد البتمتم ...
واحنا بنقول
آآآآآآآآي وقدر ما تقدر مدّها
مثال:
آآآآآآآآآآآآآي دا الشغل
imported_شبارقة
17-12-2007, 11:35 AM
يا ناس البوست الجميل ده سلااااااااااااااام
الزول لما يتجول في البوست ده يحس كده انو قاعد في السودان
أخونا عبد الله بستم ..سلامات
مرحباً بك نيابة عن صاحب البوست وحبابك ألف نيابة عن أهلنا الأسايطة
وهاكم بعض الكلمات التراثية وحاولوا معرفة معانيها لغاية ما نرجع ليكم وهي :
المحَويب - السلبَة - المَسور - الشُخب - الكجَّامة - القلابة (الهبّارة) - الرّواق - الكلول (الكنتوش) - البرطوش - السفروق - البُرمَة - الدقنوس - الجاكومة - الربيت
imported_شبارقة
17-12-2007, 11:41 AM
تجيك الطاوية حبالا (وهنا عاوز توضيح برضو يا عكود)
ود أبو عاقلة ...سلام
أحاول أنا قبل أخونا عكود ..الطاويه حبالا هي العقرب (أبعدها الله عنا وعنكم) ...وما في حاجة إسمها الطايح بالا وكل عام وأنتم بخير
imported_أشتر
17-12-2007, 12:07 PM
ود أبو عاقلة ...سلام
أحاول أنا قبل أخونا عكود ..الطاويه حبالا هي العقرب (أبعدها الله عنا وعنكم) ...وما في حاجة إسمها الطايح بالا وكل عام وأنتم بخير
شبارقة يا رائع
قبل أي حاجة لك أجر المحاولة ...
لكن أول مرة أعرف انو الطاوية حبالا هي العقرب ..
(والطائح بالا) دا اجتهاد مني ساي ... قلت يمكن يضرب معاي ..
لأنو سمعتها زمان وبطريقة سريعة جدا فدخلت الهاء مع الحاء ولخبتت على الاختصاص
ومشكور يا شبارقة ..
شبارقة معناها شنو ؟ سؤال وجيه ...:D
imported_أشتر
17-12-2007, 12:16 PM
أخونا عبد الله بستم ..سلامات
مرحباً بك نيابة عن صاحب البوست وحبابك ألف نيابة عن أهلنا الأسايطة
وهاكم بعض الكلمات التراثية وحاولوا معرفة معانيها لغاية ما نرجع ليكم وهي :
المحَويب - السلبَة - المَسور - الشُخب - الكجَّامة - القلابة (الهبّارة) - الرّواق - الكلول (الكنتوش) - البرطوش - السفروق - البُرمَة - الدقنوس - الجاكومة - الربيت
المحَويب - pass
السلبَة - الحبال
المَسور - pass
الشُخب - pass
الكجَّامة - شرك للفيران
القلابة (الهبّارة) - شرك للطيور
الرّواق - المدخل
الكلول (الكنتوش) - pass
البرطوش - الشبشب
السفروق - عكاز ملوي :D
البُرمَة - البخصة
الدقنوس - الراس
الجاكومة - pass
الربيت - شحم الخروف
imported_شبارقة
17-12-2007, 12:45 PM
شبارقة معناها شنو ؟ سؤال وجيه ...:D
أولاً : الشبارقة دي قريتي ومسقط رأسي وهي شرق واد مدني (تبعد ثلاثين كيلومتراً عن مدني) ومعظم أولاد وبنات الشبارقة يكنون أسمائهم بها ومنهم على سبيل المثال عمنا الطيب شبارقة العضو البرلماني المشهور (عن الإتحاديين في الديمقراطية الثانية والثالثة )وله قصة طريفة ومشهورة مع السيد الصادق المهدي (لا يسع المجال لذكرها هنا) ...أما أنا فإسمي الحقيقي عاصم ...مهندس جيولوجي بمدينة الرياض بالسعودية.
ثانياً : معنى كلمة شبارقة ..قالوا زمان كان في عرب رحل في تلك المنطقة شرق مدني في أماكن متفرقة(لم يكن لها إسم محدد) ، وفي أحد الأيام أضاعت إحدى نسائهم غنمايتها وكان لونها رمادياً وهم يطلقون على الغنماية كما تعلم (شاة) وعلى اللون الرمادي (أبرق) وأصبحت تلك المرأة تبحث عن غنمايتها وتسأل في كل مكان : الشاف ليهو شاه برقه منو؟ ..الشاف ليهو شاه برقه منو؟ ..وأخذت تردد ..شه برقه ..شه برقه ...شبارقه .. إلا أن وجدتها في مسقط رأسي الذي أصبح فيما بعد يسمى بالمكان الذي وجدت فيه الشاة البرقا (الشه البرقه = الشبارقة) ... والله أعلم ..حلوة مش كده؟
يا ريت كل واحد مننا يورينا ويترجم لينا الأصل الحقيقي ومعنى إسم مسقط رأسو .. وتبقى إضافة حقيقية لهذا البوست ..ولا رائكم شنو؟
المسدَيك= المعراكه= قطعه تنظف بها الدوكه
الدوكه= قطعه حديديه صلبه تتفاوت بين دائرية ومستطيله تستعمل لصناعة القرًاصة
القرًاصة= صناعة شعبية تتكون من عجين الدقيق والخميره, يتم التعامل معها كخبز ويتفاوت سمكها حسب أمزجه صانعيها والملاح إن كان غليظاً أو مي مي " بتسكين الياء"
مي مي= تغلب عليه كمية المياه , وفي معظم الحالات يستعاض عنه بالويكه
الويكه= ما تفتقت عنه الذهنيه السودانيه " الما عندها موضوع" وهي مسحوق ثمرة البامية الناشفه تدق جيداً في الفندق لتسهم في أن يكون الملاح لايوقاً وغيًاظاً.
الفندق: إناء حديدي تسحق بداخله التوابل ولديه ملحق " يد الفندق : وهي قطعة معدنية مطاولة الحجم تستعمل في سحق التوابل, وهي مسئوله عن حالات الحوادث التي تنشأ عن الدردقه به
الدردقه= فترت والله
لكن الرجاء متابعة أي نجيله في أي فيلم هندي..
نجيله!!
imported_شبارقة
17-12-2007, 05:23 PM
يا ريت كل واحد مننا يورينا ويترجم لينا الأصل الحقيقي ومعنى إسم مسقط رأسو .. وتبقى إضافة حقيقية لهذا البوست ..
نكتة : واحد قالوا ليهو مسقط رأسك وين ؟ قال : المخدة :D:D:D
معتصم الطاهر
17-12-2007, 05:25 PM
الاحباب الكرام :
تحية طيبة ،،
اتمني مشاركة الجميع في تسليط الضو علي المصطلحات العامية السودانية قديمها و جديدها و الامثال و الحكم و التراث و تبادل المعلومات حولها و بسم الله نبدأ :-
ود الاحد : المكان الذي يوضع فيه الجثمان داخل القبر.
الضانقيل : الطوب الاحمر.
الانداية : محل لبيع و تعاطى الخمور البلدية (مريسة ، عسلية، عرقي، كجومرو).
المريسة : خمرة بلدية تتكون من تخمير الذرة .
الصارقيل : دودة صغيرة تعيش في الطين تستخدم كطعم لصيد الأسماك.
المساير : الجزء الامامى للشعر فى المشاط.
العنقريب : سرير من الخشب ينسج بالحبال .
القرقريبة : تصنع من السعف وتستخدم في العواسه.
السعن : جلد يستخدم في حمل الماء او اللبن.
الصاج : قطعة من الحديد توضع على اربع حجارة وتعاس عليه الكسرة و الحلومر.
الكشف : المشاركة المادية فى المآتم و الافراح.
القدوم : آلة نجارة لقطع الاخشاب.
http://sudanyat.net/hageeba/sudanyat.net.ss034.wma
ود الاحد : المكان الذي يوضع فيه الجثمان داخل القبر. ( ود اللّحد : وهو اللحد )
المساير : الجزء الامامى للشعر فى المشاط. ( الضفاير او السبايب )
القرقريبة : تصنع من السعف وتستخدم في العواسه. ( )
السعن : جلد يستخدم في حمل الماء او اللبن.أو السمن ( ويسمى القِربة ) و منها خشم القربة .
القدوم : آلة نجارة لقطع الاخشاب ( آلة قصيرة العود برأس حديد متعارض مع العود)
imported_شبارقة
17-12-2007, 05:39 PM
الدوكه= قطعه حديديه صلبه تتفاوت بين دائرية ومستطيله تستعمل لصناعة القرًاصة
الويكه= ما تفتقت عنه الذهنيه السودانيه " الما عندها موضوع" وهي مسحوق ثمرة البامية الناشفه تدق جيداً في الفندق لتسهم في أن يكون الملاح لايوقاً
أخونا شليل ...سلامات وتشكر على الإضافات ...ولكن الدوكة من الفخار دائماً ..والصاج كما معروف من الحديد والإثنين يستخدموا في عمل الكسرة والقراصة
اللايوق : نطلب من الإخوة في التراثيات معرفة المصدر وتزويدنا به
وشكراً لكم وكل عام وأنتم بخير .. إنتو بالمناسبة صاحب البوست ده وين ؟ :confused: مشى الحج ولا شنو ؟ :confused: ولا ماشي بمقولة يا ضيفنا لو زرتنا لوجدتنا نحن الضيوف وأنت صاحب المنزل ..على أي حال يا أخونا فيصل نحن قائمين بالواجب ومحافظين ليك على الدار لغاية ما ترجع بالسلامة
imported_suhair sharif
17-12-2007, 07:17 PM
أخونا مخير ..سلامات
فنيت ليك الحجر فننننن .... ووقع في الموية جمبلق
وأداهو ليك كف طااااخ ووقع في الواطه تراااح
ذكرتنى لى حبوبتين كده ( رحمهن الله) كن جنهن يتناقرن (يتناقرن)
فواحده كانت بتحكى فى قصه لاخريات ومندمجه وكانت بتقص:
الراجل لما قريشاته وقعن منه فى المركب (المركب) واندلقن (اندلقن)
فى البحرسوون ترررررررن شبت (شبت) فيها حبوبتى وقالت ليها
ماآآياهو سوون جنبلق.....:):)
يالله يا شبارقه ترجم مابين الاقواس
وبالجد فيصل مشى وين؟
معتصم الطاهر
17-12-2007, 08:55 PM
ووووووب علي
عاد يا فيصل ياخوي
نكتوا لينا كلاما يطرشني عمري ما سمعت بيه ولا بعرفه
ده اظنه من زمن حفروا البحر
وانا صغيرة وجاهلة وحنكوشة
بري يا يمة من جنس كلامكم ده
شعرة جلدي كلبت وحاة نظري
ايمان
ووووووب علي: كلمة عامية للهلع تعنى أن على غطاء أو حاجب .. ويقال أنها تعنى ( وا.. بِعلى ..)
عاد يا ... ياخوي : ( تقال للعودة للكلام .. )
نكتوا ( نَكَتَ يعنى نبش ..)
يطرشني ....( تعنى أن يصيبنى الطرش لو أنى سمعت به من قبل .. مثل القسم )
زمن حفروا البحر ( و هذا يعنى أنه قديم جدا .. وآخر بحر تم حفره هو قناة السويس )
صغيرة وجاهلة ( الجهل هنا لا يعنى ضد العلم بل يعنى الجهل بأمور الحياة أي انها غريرة )
بري يا يمة ( وتهني أنني أبرأ من مث هذا ..
والله أعلم ..
قالت صغيرة وجاهلة
نجيب ليك بزّة ..
جنس كلامكم
ده
شعرة جلدي كلبت
وحاة نظري
imported_أشتر
18-12-2007, 06:46 AM
القرقريبة : تصنع من السعف وتستخدم في العواسه. ( ))[/color]
ازيك يا باشمهترش (زي ما سمعت عكود قال ليك كدا)
القرقريبة ما اعتقد بتُصنع طالما هي سعف ... يعني حاجة طبيعية لكن المش طبيعي تحرمنا من صوتك ...
القدوم : آلة نجارة لقطع الاخشاب ( آلة قصيرة العود برأس حديد متعارض مع العود)
وهنا يا باش قطع الاخشاب بالفأس أو (الفرّار) والفرار أقل من الفأس حجماً والمهام التي ينجزها...
أما (القدوم) فيستخدم في كم غرض :D:D منها تقشير اللحاء وعمل (الفنيشينق) وحاجات تانية حامياني ..
والزول (المادّي قدومو) والله يكفينا شر (مد القدوم) دا زول حالتو صعبة ..
والزول العاوز قدوم برضو حالتو صعبة :D:D ..
وخلينا نسمع صوتك اذا ممكن !
imported_أشتر
18-12-2007, 06:51 AM
الراجل لما قريشاته وقعن منه فى المركب واندلقن فى البحرسوون ترررررررن
سبحان من جعل البحر بلاط !!!
ترررن في بحر !!!
وكللينغ في موية !!!
imported_شبارقة
18-12-2007, 07:15 AM
ذكرتنى لى حبوبتين كده ( رحمهن الله) كن جنهن يتناقرن (يتناقرن)
فواحده كانت بتحكى فى قصه لاخريات ومندمجه وكانت بتقص:
الراجل لما قريشاته وقعن منه فى المركب (المركب) واندلقن (اندلقن)
فى البحرسوون ترررررررن شبت (شبت) فيها حبوبتى وقالت ليها
ماآآياهو سوون جنبلق.....:):)
يالله يا شبارقه ترجم مابين الاقواس
وبالجد فيصل مشى وين؟
الأخت سهير سلامات وكل عام وأنتم بخير
يتناقرن : فعل مشتق من المناقرة والمناقرة تحدث دائماً بين الأشخاص (المكجنيين بعض) ...كدي ترجمي لي مكجنيين دي ..أوالمتشاكسين أو الذين بينهم غيرة في أمرٍ ماء (يعني الواحد ينط ليك في حلقك) وقديماً قالوا : المكجنك يحمّر ليك في الضلام.
إندلقن : من الإندلاق بمعنى الإنسكاب وهنا بمعنى وقعن
شبت : من الشب (من شب على شئٍ شاب عليه) وهنا بمعنى القيام والنط والقفز
أما المركب فلا تحتاج إلى ترجمة لأنو أي حنكوش أو حنكوشة من أولاد الزمن ده بيعرف معناها، بس يمكن يقولوا ليك السفينة!!!:D أو القارب :D أو الباخرة:D
imported_شبارقة
18-12-2007, 07:27 AM
والزول (المادّي قدومو) والله يكفينا شر (مد القدوم) دا زول حالتو صعبة ..
ود أبو عاقلة ...سلامات
المادي قدومو : المادي بوزو (القدوم عرفناهو ..البوز ده مصدرو وأصلو شنو ؟)
أهلنا في البطانة بيقولوا : الزول كان ما خايف القبيلة تلومو يركب فوق تيس الخلا الرقيق قدومو ... أها.. الرقيق قدومو دي هنا معناها شنو ؟
وإن شاء الله تكون إقتنعت بتفسير معنى كلمة شبارقة ؟
في واحد مشهور إسمو محمد الفاتح يوسف أبوعاقلة كان بيقدم برنامج دوبيت ومسادير في تلفزيون الجزيرة وبرنامج بوادينا في التلفزيون القومي ..أها الزول ده كان دخل علينا هنا ح يحيرنا ويجهجهنا مرة واحدة
imported_شبارقة
18-12-2007, 09:06 AM
كل عام وأنتم بخير
http://www.l44l.com/up/uploads/78fef96a08.gif (http://www.l44l.com/up)
http://www.l44l.com/up/uploads/0ccb9fc78d.gif (http://www.l44l.com/up)
imported_أشتر
18-12-2007, 09:32 AM
الأخت سهير سلامات وكل عام وأنتم بخير
يتناقرن : فعل مشتق من المناقرة والمناقرة تحدث دائماً بين الأشخاص (المكجنيين بعض) ...كدي ترجمي لي مكجنيين دي ..أوالمتشاكسين أو الذين بينهم غيرة في أمرٍ ماء (يعني الواحد ينط ليك في حلقك) وقديماً قالوا : المكجنك يحمّر ليك في الضلام.
المناقرة ... اعتقد انها مشتقة من منقار والمنقار هو إذا فرضنا (خشم ود أبرك) ونسبة لعدم وجود فوارق طبقية بين (أولاد الأبارك) كلهم نفس الطول ونفس مستوى المنقار وأعتقد منها طلعت مناقرة ... أي ينقر نقراً خفيفا غير جارح ومرات يتطور الأمر إلى مشكلة في وجود (مديدة تحرقم الاتنين)
والمديدة حرقتني .. جات من وين ؟
وفجأة كدا (الكُنُش) وهو ضمير يرجع للحلة دائماً بضمير
imported_أشتر
18-12-2007, 09:38 AM
ود أبو عاقلة ...سلامات
المادي قدومو : المادي بوزو (القدوم عرفناهو ..البوز ده مصدرو وأصلو شنو ؟)
الرقيق قدومو
غايتو المادي بوزو دي بتكون راجعة لبوز (الكدّارة) وهي أكتر منطقة بارزة في حالة وقوف الشخص مستقيماً .. ولكن المادي قدومو أقرب لمناطق الحواس لذا استخدام قدومو أحسن من بوزو ...
imported_أشتر
18-12-2007, 10:05 AM
أهلنا في البطانة بيقولوا : الزول كان ما خايف القبيلة تلومو يركب فوق تيس الخلا الرقيق قدومو ... أها.. الرقيق قدومو دي هنا معناها شنو ؟
الزول ما بخاف
فارس الحديدن حِمِي
http://www.alrakoba.net/ss/hageeba/khlaf_7amad/fars_al7adeeddin_7imi.mp3
imported_أشتر
18-12-2007, 10:14 AM
or]
وإن شاء الله تكون إقتنعت بتفسير معنى كلمة شبارقة ؟
*في واحد مشهور إسمو محمد الفاتح يوسف أبوعاقلة كان بيقدم برنامج دوبيت ومسادير في تلفزيون الجزيرة وبرنامج بوادينا في التلفزيون القومي ..أها الزول ده كان دخل علينا هنا ح يحيرنا ويجهجهنا مرة واحدة
وعشان ماف خيارات لازم أقتنع ... وقد تكون أقرب للحقيقة لأنو تحريف كتير من الكلمات وارد في لهجتنا العامية ...
وبرنامج بوادينا من البرامج الجميلة جدا اللي كان بعكس الواقع بدون سيناريو وإضاءة وغرفة كنترول وأسلاك كتيرة ... ودي أجمل ما فيهو
imported_فيصل سعد
18-12-2007, 04:14 PM
سلامات ايمان،نسايم،شليل،رأفت؛بابكر،معتصم،عكود،ام راشد،سهير،محمد،حيمورة،شبارقة،آلاء،اسامة،عبد الله
كل عام و انتم بخير ، واصلوا السرد و الاضافات...
بابكر مخير
20-12-2007, 04:06 AM
الهباب
الهبوب
الهبابايا
الهبابا
سجم
سجمان
سيجيمان
رماد
رمدان
سمح شرط
شرط للواطة
قاعد ساكت
بيتكلم ساكت
ماشي جري
قاعد يمشي
بابكر مخير
20-12-2007, 04:26 AM
يا المسيّر وماك مخيّر
ماك إنتوش ...
شفتا يا سيدي الماك إنتوش أو الماكنتوش الحبيب شبارقة!:eek: ردا ليك عليها وتكون عرفت أصل الكلمة، جاية من وين ومعناها حيكون تحت الإقتباس
الكلول (الكنتوش)
لمن كانت الحلاوة بالأخص الداخل في تكوينها شوكلاته، غير محبوبة في السودان نسبة لمخلفات الإستعمار من زرع فرقة وكراهية بين المستعمرات، ما هي الشكولاته من الكاكاو، والكاكاو بيزرع في غرب أفريقيا وهي مناطق كانت مستعمرة من الإنجليز ذي السودان .... وتأكيد لذلك لو تلاحظ أنو السودانيين يحبون القهوة ولست حبا في القهوة الحبشية لظرف ولطافة الأحباش ولكن لأنهم كانو نسبيا تحت إستعمار مخالف وهو الإيطالي. يعن حسي لو لقو الناس فرصة في الكوكائين ما أظنهم يمانعو عليهو لأنو بيجي من بلاد كان إستعمارها غير إنجليزي، بل إسباني (كلومبيا) ذي ما البن بتاع القهوة برضو بيزرعهو في البرازيل والشاي سيرالنكي وهي فيها أجزاء إستعمارها برتغالي ولي حسي بيسمو أسماء برتغالية ذي سيلفا.
أفتكر أفضت وأكفيت في الماكنتوش أو الماك إنتوش.
وآآآآآآآآآآآآآيا على قولك أصح من أأأأأأأأي
imported_شبارقة
23-12-2007, 07:34 AM
سلامات ..
هاكم المصطلحات دي ونشوف شطارتكم في معرفتها أو تفسيرها لغاية ما نرجع ليكم :
الغُشغُش - العدَار - الكَروَرِية - الكَدوبَه - الدَفِيس - التَرتوس - الموليته
imported_فيصل سعد
23-12-2007, 08:18 AM
سلامات ..
هاكم المصطلحات دي ونشوف شطارتكم في معرفتها أو تفسيرها لغاية ما نرجع ليكم :
الغُشغُش - العدَار - الكَروَرِية - الكَدوبَه - الدَفِيس - التَرتوس - الموليته
حبيبنا شبارقة كل عام و انت بخير.
انا غايتو عرفت ليك الكرورية و دي بركب فيها جنزير العجلة صاح يا معلم :D:D الحاجات الثانية دي اسآل منها بابكر و رآفت و الخواجة اصلها دفعتهم و كدة :D:D:D لكن قطع شك عكود بجيها ليك تمام.
imported_شبارقة
23-12-2007, 11:13 AM
حبيبنا شبارقة كل عام و انت بخير.
انا غايتو عرفت ليك الكرورية و دي بركب فيها جنزير العجلة صاح يا معلم :D:D الحاجات الثانية دي اسآل منها بابكر و رآفت و الخواجة اصلها دفعتهم و كدة :D:D:D لكن قطع شك عكود بجيها ليك تمام.
لا ما صاح :mad: حبوباتنا وجدودنا ما كانوا بركبو عجلات :mad: أين عكود وجماعتو والناس الما حناكيش ديلك ؟:mad:
بجيها : يجيه الشئ ، يعني يضايرو ويِقعِّدو ، أها الجيهه دي مصدرها وأصلها شنو؟
imported_شبارقة
23-12-2007, 12:00 PM
المحَويب - pass
السلبَة - الحبال
المَسور - pass
الشُخب - pass
الكجَّامة - شرك للفيران
القلابة (الهبّارة) - شرك للطيور
الرّواق - المدخل
الكلول (الكنتوش) - pass
البرطوش - الشبشب
السفروق - عكاز ملوي :D
البُرمَة - البخصة
الدقنوس - الراس
الجاكومة - pass
الربيت - شحم الخروف
أخونا ود أبو عاقلة سلامات وتُشكر على الإجتهاد
الكجَّامة - شرك للفيران هي شرك فعلاً ولكن أكبر حجماً وتوضع غالباً في المزارع والجروف ضد الحلوف (المرفعين وأحياناً المرعفين)والكلاب
الرّواق - المدخل (الرّواق بتشديد الراء هو أصلاً مادة كيميائية مكونة من أملاح الماغنسيوم وهي مادة تترسب عند تفاعلها مع الماء وتكون راسب جيلاتيني وأثناء ترسبه يأخذ معه في طريقه كل الشوائب ولذلك يصبح الماء الموجود في الزير رايقاً وصافياً وخالي من الشوائب عند وضع كمية من الرّواق فيه) والرّواق يشبه الطين وهو موجود على ضفاف الأنهار
الربيت - شحم الخروف (جدودنا وحبوباتنا كانوا لا يعرفون الكلسترول ومضاره .. لذلك كانوا يحبون أكل الربيت وهو الشحم المقلي أو المشوي)
السفروق - عكاز ملوي (يستخدم بكثرة عند الرعاة في شرق السودان وله خاصية الإنطلاق لمسافات بعيدة)
imported_فتحي مسعد حنفي
23-12-2007, 12:36 PM
سلامات ..
هاكم المصطلحات دي ونشوف شطارتكم في معرفتها أو تفسيرها لغاية ما نرجع ليكم :
الغُشغُش - العدَار - الكَروَرِية - الكَدوبَه - الدَفِيس - التَرتوس - الموليته
الكرورية والله اعلم هي بكرة الخيط والغشغش القش البلموهو من الواطة يولعوا بيهو النار أما العدار فهو قش القمح اما الموليتة بتروح وتجي في راسي وما قادر أقبضا وباقي الكلام يطرشني
imported_شبارقة
23-12-2007, 03:30 PM
الكرورية والله اعلم هي بكرة الخيط والغشغش القش البلموهو من الواطة يولعوا بيهو النار أما العدار فهو قش القمح اما الموليتة بتروح وتجي في راسي وما قادر أقبضا وباقي الكلام يطرشني
برافو عليك يا عم فتحي ...واحد أخونا في بوست الأسايطة قال ليك إنت مصري ولا شنو ؟ ده كده إنت برهنت ليهو إنك سوداني 99 % وخليك معانا في البوست ده عشان تبقى 100 % وشكراً ليكم
imported_شبارقة
23-12-2007, 04:04 PM
أخونا فيصل والأخوة أعضاء وزوار هذا البوست الرائع ...سلامات
خلينا ليكم البوست أقرب ما يكون في شكل مسابقات أو إختبارات ...نطرح المصطلحات ونشوف رأي الناس ..عشان نحرك البحيرات الساكنة في دواخلنا والملئية بكلام الحبوبات والجدود ..ونخلي الواحد يجتهد شوية ويبحث وينقب وفيما بعد نصحح لكل زول إجاباته وفي الآخر لو الكل قالوا (غلبتنا حيله) ساعتها بنشرح المعاني ...أفتكر ح يكون أفضل من سرد الكلمة ومعناها مباشرة ..رائكم شنو ؟؟؟
وبالمناسبة يا أخ فيصل البوست ده لقى رواج كويس وشهرة حتى من غير أعضاء سودانيات وهناك مجموعة كبيرة ح يسجلوا في سودانيات للمشاركة في هذا البوست ..لك الشكر مرة أخرى ..وفعلاً النسى قديمو تاهـ
imported_شبارقة
23-12-2007, 04:18 PM
أما العدار فهو قش القمح
قرّبت يا عم فتحي :( نديك 70 %
imported_فتحي مسعد حنفي
23-12-2007, 07:37 PM
قرّبت يا عم فتحي :( نديك 70 %
غايتو أنا أفتكر ليهو علاقة يا بالقش يا بالقمح وشكرا علي شهادة الجنسية
imported_أشتر
23-12-2007, 07:51 PM
شفتا يا سيدي الماك إنتوش أو الماكنتوش الحبيب شبارقة!:eek: ردا ليك عليها وتكون عرفت أصل الكلمة، جاية من وين ومعناها حيكون تحت الإقتباس
لمن كانت الحلاوة بالأخص الداخل في تكوينها شوكلاته، غير محبوبة في السودان نسبة لمخلفات الإستعمار من زرع فرقة وكراهية بين المستعمرات، ما هي الشكولاته من الكاكاو، والكاكاو بيزرع في غرب أفريقيا وهي مناطق كانت مستعمرة من الإنجليز ذي السودان .... وتأكيد لذلك لو تلاحظ أنو السودانيين يحبون القهوة ولست حبا في القهوة الحبشية لظرف ولطافة الأحباش ولكن لأنهم كانو نسبيا تحت إستعمار مخالف وهو الإيطالي. يعن حسي لو لقو الناس فرصة في الكوكائين ما أظنهم يمانعو عليهو لأنو بيجي من بلاد كان إستعمارها غير إنجليزي، بل إسباني (كلومبيا) ذي ما البن بتاع القهوة برضو بيزرعهو في البرازيل والشاي سيرالنكي وهي فيها أجزاء إستعمارها برتغالي ولي حسي بيسمو أسماء برتغالية ذي سيلفا.
أفتكر أفضت وأكفيت في الماكنتوش أو الماك إنتوش.
وآآآآآآآآآآآآآيا على قولك أصح من أأأأأأأأي
حبيبنا بابكر
انت كتلت فارك ولا لسه :D
غايتو انا عندي اخير ليك تكتلو عشان ما يجيب ليك الهوا*!!!!!
والكنتشة البتعمل فيها دي ما كنتشت نصاح !!!!
لفيت بينا ولفيت بينا ولفيت بينا
وضربت بينا الواطة
كان احسن تضرب بكلامي عرض الحائط وتريحني منك :D:D:D
imported_أشتر
23-12-2007, 07:53 PM
لا ما صاح :mad: حبوباتنا وجدودنا ما كانوا بركبو عجلات :mad: أين عكود وجماعتو والناس الما حناكيش ديلك ؟:mad:
بجيها : يجيه الشئ ، يعني يضايرو ويِقعِّدو ، أها الجيهه دي مصدرها وأصلها شنو؟
الجيهة دي ... اهم شي
تكون الجيهة البتجيب مطر*
imported_أشتر
23-12-2007, 07:56 PM
سلامات ..
هاكم المصطلحات دي ونشوف شطارتكم في معرفتها أو تفسيرها لغاية ما نرجع ليكم :
الغُشغُش - العدَار - الكَروَرِية - الكَدوبَه - الدَفِيس - التَرتوس - الموليته
كلامك دا باصات ساااااااي
غايتو الا (الموليتة)
والجابرنا شنو على المر غير الأمرّ منو ...
وكان ما متنا شقينا المقابر
هي نبتة برية مرة جدا .. وبرغم كدا بياكلوها ... ليه ما عارف !!!!
imported_أشتر
23-12-2007, 08:03 PM
الهباب
الهبوب
الهبابايا
الهبابا
سجم
سجمان
سيجيمان
رماد
رمدان
سمح شرط
شرط للواطة
قاعد ساكت
بيتكلم ساكت
ماشي جري
قاعد يمشي
الهبوب ... الهوا
الهبابايا ... قصدك الهملايا او البابايا
الهبابا ... الزول المقبوض اربعطاشر:D:D
سجم ... سجم الخشم وسندباد في بلاد السجم والرماد .. الرماد الذي كال حمّاد ومن قبله ناس كتيرة
سجم وسجمان وسيجيمان ..... ياها فعل وفعلان وفيعيلان دي اسأل منها فلان او علّان .. كان ما جابو ليك العلة
رماد رمدان ... دا تابع لى حمّاد
سمح شرط
شرط للواطة ... هي شرط للأرض ... دي الحاجة البتخليك تقعد وتخت يديك في راسك
قاعد ساكت .... ما فيها حاجة .. زي البسجل دخول المنتدى وما يشارك ... ادب وكدا
بيتكلم ساكت ... يعني كان سكت عندي اخير ليهو :D:D
ماشي جري ... دي ما سمعنا الا تكون زيادة مشاركة ساي
قاعد يمشي ... صيغة مبالغة
imported_أشتر
23-12-2007, 08:11 PM
أما العدار فهو قش القمح
العدار هو الذرة الرفيعة (العيش) لكن بدون قندول (يعني ذرة كاذبة) ويستخدم في اغلب الأحوال علف فقط ...
imported_شبارقة
24-12-2007, 11:43 AM
غايتو الا (الموليتة)
وهي نبتة برية مرة جدا .. وبرغم كدا بياكلوها ... ليه ما عارف !!!!
العدار هو الذرة الرفيعة (العيش) لكن بدون قندول (يعني ذرة كاذبة) ويستخدم في اغلب الأحوال علف فقط ...
الإجابات صحيحية والتقدم ملحوظ ...أنا كنت قايلك حنكوش :D:D
imported_أشتر
24-12-2007, 12:16 PM
الإجابات صحيحية والتقدم ملحوظ ...أنا كنت قايلك حنكوش :D:D
حنكوش دي بالحاء !!!
قلنا ما متنا لكن شقيناها :D:D
ذكرتني استاذ عمر ..
اللخو عندو ميول تدريسية :D
imported_فيصل سعد
24-12-2007, 12:25 PM
حنكوش دي بالحاء !!!
قلنا ما متنا لكن شقيناها :D:D
ذكرتني استاذ عمر ..
اللخو عندو ميول تدريسية :D
لا عندو ميول بوليسية :D:D، بالمناسبة شبارقة اشترى البوست دا و دفع كاش و استلم اوراقه سليمة فما تلاوز ليو و ترازيو كتير يا شوال :D:D:D:D
imported_أشتر
24-12-2007, 12:54 PM
لا عندو ميول بوليسية :D:D، بالمناسبة شبارقة اشترى البوست دا و دفع كاش و استلم اوراقه سليمة فما تلاوز ليو و ترازيو كتير يا شوال :D:D:D:D
شايف عندو نوايا استعمارية وجايب ليك مرتزقة هنا ... لكن اشتراو دي ما سمعنا بيها
الا يكون بى تحت تحت ... وشغل الطرابيز دا ما بخارج معانا
بيعت شنو البدون شهود وتواقيع !!!
لكن بالجد ... إستاهلو
كتبت اسمك في باب الشارع وعصرت ضنبك ...
وكت ما قادرين على الشغلانة دي بتنططو مالكم :D:D:D
imported_همس الشوق
24-12-2007, 01:07 PM
والله انا زمني دا كله قايله روحي مرجع في المفردات السودانية
لكن لقيت نفسي ............... ببالغ
بابكر مخير
24-12-2007, 01:20 PM
والله انا زمني دا كله قايله روحي مرجع في المفردات السودانية
لكن لقيت نفسي ............... ببالغ
أول حاجة
مرحب بيك
تاني حاجة
قبل ما تردي ولا تاخدي في الموضوع أي حاجة، اسألي فتحي سعد عن هضربت عمو بابكر دي
وإستعيني بصديق إسمو أبوعاقلة، بس أبعدي من حاجة إسمها فتحي مسعد، بجيب وجع الراس ورأفت ميلاد بيلخوت المزاج.
قلتي ليا كيف مرجع في المفردات السودانية؟؟؟
ياها كلمة برييييييدو
لي علمك هي أصل الكلمة برييييدو، يعني أربعة يايات بالعدد وبس
مرحب بيك تاني
imported_فيصل سعد
24-12-2007, 01:43 PM
شايف عندو نوايا استعمارية وجايب ليك مرتزقة هنا ... لكن اشتراو دي ما سمعنا بيها
الا يكون بى تحت تحت ... وشغل الطرابيز دا ما بخارج معانا
بيعت شنو البدون شهود وتواقيع !!!
لكن بالجد ... إستاهلو
كتبت اسمك في باب الشارع وعصرت ضنبك ...
وكت ما قادرين على الشغلانة دي بتنططو مالكم :D:D:D
اعتمدناك شاهد في البيعة و انت وقعت اثناء ما كنت مخدر و مبنج و سارح في غناء ود النصري و افيونه داك :D:D:D دقائق بعد ما لطشت مداخلتي النية ديك :D:D وقع ليك يا الحبيب :confused::confused:
imported_فيصل سعد
24-12-2007, 01:49 PM
والله انا زمني دا كله قايله روحي مرجع في المفردات السودانية
لكن لقيت نفسي ............... ببالغ
سلامات يا زولة و يشرفني ان ارحب بك بعد عمنا بابكر عمدتنا و شيخ الديوان و ابونا و كبيرنا :D:D
كدي ادينا عينة بتبالغي كيف في المفردات العامية؟
imported_شبارقة
24-12-2007, 03:20 PM
والله انا زمني دا كله قايله روحي مرجع في المفردات السودانية
لكن لقيت نفسي ............... ببالغ
مرحب بيك يا حلم الأماسي .. وورينا مرجعيتك دي ..وهاكم إلى أن ألقاكم:
1- أم بُقبُق 2- الحَويه 3- الكرّاب 4- الكَرو 5- التِعل 6 - البربور 7- الإنقايه
8- الوقايه 9- التُقابه 10- الورتابه
imported_أشتر
24-12-2007, 03:56 PM
والله انا زمني دا كله قايله روحي مرجع في المفردات السودانية
لكن لقيت نفسي ............... ببالغ
قدر ما حاولت اتمها غلبني ...
غايتو انا لقيت نفسي طيره ساي ... انتي لقيتي نفسك شنو ؟
imported_أشتر
24-12-2007, 04:00 PM
اسألي فتحي سعد عن هضربت عمو بابكر دي
معانا واحد هنا اسمو فتحي سعد ؟ ويا عمو بابكر (دي) ما طريقة ...
وإستعيني بصديق إسمو أبوعاقلة.
لا ... دي طريقة تمااااااااام التماااااام
بس أبعدي من حاجة إسمها فتحي مسعد، بجيب وجع الراس ورأفت ميلاد بيلخوت المزاج.
النصيحة دي ما تشتغلي بيها ...
بيلخوت دي جبتها من وين ولا فيها خطأ إملائي
imported_أشتر
24-12-2007, 04:09 PM
اعتمدناك شاهد في البيعة و انت وقعت اثناء ما كنت مخدر و مبنج و سارح في غناء ود النصري و افيونه داك :D:D:D دقائق بعد ما لطشت مداخلتي النية ديك :D:D وقع ليك يا الحبيب :confused::confused:
لقيتك لسه في الخاطر ...
الاغنية فيها كلمتين الا يجي عكود يشرحا
رحراح : من السياق اعتقد واضحة لكن بالضبط ما عارفه (تكون المساسقة) ؟
الفجّاج : .........................*
لدايات :
الرمّاي :
ونضاريك في العيون تظهر**
imported_أشتر
24-12-2007, 04:28 PM
مرحب بيك يا حلم الأماسي .. وورينا مرجعيتك دي ..وهاكم إلى أن ألقاكم:
1- أم بُقبُق 2- الحَويه 3- الكرّاب 4- الكَرو 5- التِعل 6 - البربور 7- الإنقايه
8- الوقايه 9- التُقابه 10- الورتابه
1- أم بُقبُق ...............
2- الحَويه ....... الناقة
3- الكرّاب ....... حبال لشد العنقريب
4- الكَرو ....... بعر الابل
5- التِعل ...........
6 - البربور ....... عصيدة تمر
7- الإنقايه ....... الفدان
8- الوقايه ....... خير من العلاج (ليها علاقة بعدة القهوة)
9- التُقابه .......نار الخلاوي
10- الورتابه ....... الجزء الذي يحمل قندول الذرة
imported_شبارقة
24-12-2007, 05:59 PM
1- أم بُقبُق ...............
2- الحَويه ....... الناقة
3- الكرّاب ....... حبال لشد العنقريب
4- الكَرو ....... بعر الابل
5- التِعل ...........
6 - البربور ....... عصيدة تمر
7- الإنقايه ....... الفدان
8- الوقايه ....... خير من العلاج (ليها علاقة بعدة القهوة)
9- التُقابه .......نار الخلاوي
10- الورتابه ....... الجزء الذي يحمل قندول الذرة
تعجبني يا ود أبو عاقلة وعيني عليك باردة وما شاء الله عليك4- الكَرو ....... بعر الابل (الكار هو بعر الإبل يا محمد وليس الكرو)
2- الحَويه ....... الناقة (قرّبت ..فعلاً لها علاقة بالإبل ..أها أبحث عنها شوية وحتعرفها)
8- الوقايه ....... (ليها علاقة بعدة القهوة) مظبوط كلامك ولكن يا ريت تفصح أكثر
10- الورتابه .....يقول ليك فلان ده يرجف زي الورتابه إذن الورتابة شئ خفيف
imported_فتحي مسعد حنفي
24-12-2007, 06:28 PM
تعجبني يا ود أبو عاقلة وعيني عليك باردة وما شاء الله عليك4- الكَرو ....... بعر الابل (الكار هو بعر الإبل يا محمد وليس الكرو)
2- الحَويه ....... الناقة (قرّبت ..فعلاً لها علاقة بالإبل ..أها أبحث عنها شوية وحتعرفها)
8- الوقايه ....... (ليها علاقة بعدة القهوة) مظبوط كلامك ولكن يا ريت تفصح أكثر
10- الورتابه .....يقول ليك فلان ده يرجف زي الورتابه إذن الورتابة شئ خفيف
1)الوقاية هي دائرة مصنوعي من القماش تامحشي ومزدانة بالسكسك توضع عليها الجبنة
2)الورتابة هي الصفقة الصغيرة في بداية نموها
3)الحوية أعتقد انها المكان الذي تحفظ فيها الابل
imported_أشتر
24-12-2007, 10:18 PM
يا شبارقة انت دايما ما بتشتغل بالحاجة البخت قداما نقط ...
انت قايلني منقطة حرفنة مني !!!!
imported_أشتر
24-12-2007, 10:20 PM
المشتهي الحنيطير يطير
ما هو الحنيطير ؟ سؤال مهم والله
imported_همس الشوق
25-12-2007, 04:34 AM
أول حاجة
مرحب بيك
تاني حاجة
قبل ما تردي ولا تاخدي في الموضوع أي حاجة، اسألي فتحي سعد عن هضربت عمو بابكر دي
وإستعيني بصديق إسمو أبوعاقلة، بس أبعدي من حاجة إسمها فتحي مسعد، بجيب وجع الراس ورأفت ميلاد بيلخوت المزاج.
قلتي ليا كيف مرجع في المفردات السودانية؟؟؟
ياها كلمة برييييييدو
لي علمك هي أصل الكلمة برييييدو، يعني أربعة يايات بالعدد وبس
مرحب بيك تاني
اشكرك عمو بابكر ............
بجد انا لسه بتعمق في دواخل الشخصيات حتى استطيع انه ... اندمج
تعرف اليايات دي بتكتر كل الما الريده تزيد ......
وشكرا للتنويه
imported_همس الشوق
25-12-2007, 04:39 AM
سلامات يا زولة و يشرفني ان ارحب بك بعد عمنا بابكر عمدتنا و شيخ الديوان و ابونا و كبيرنا :D:D
كدي ادينا عينة بتبالغي كيف في المفردات العامية؟
اهلاً بيك فيصل سعد
والله انا ما ازدانت شرفت وألق ..... بوجودي في ديوان يحوي كل هذه الكوكبه .... رغم انه اهلنا بقول قعاد البت في الديوان عيب ............. والله الديوان دا ما كنت بدخله الا انظفه بس ....
بجيك صاده ..........
imported_همس الشوق
25-12-2007, 04:44 AM
مرحب بيك يا حلم الأماسي .. وورينا مرجعيتك دي ..وهاكم إلى أن ألقاكم:
1- أم بُقبُق 2- الحَويه 3- الكرّاب 4- الكَرو 5- التِعل 6 - البربور 7- الإنقايه
8- الوقايه 9- التُقابه 10- الورتابه
حبابك شبارقه ..........
طبعا عشان اكون واضحة لقيت الاشياء لي محلوله جاااااااااهزة ...
بس بصراحة كدا ما عرفته فيهم غير الكراب .... الوقاية ............ الورتابه ...
بعدين يا محمد ابو عاقلة الكراب ما هو حبل بيشدو بيهو العنقريب .... هو دائما بيكون الجزء الشمالي من العنقريب بحيث بيكون نظم الحبال فيهو .... مختلف عن الباقي اي بالطول .... ودائما حبوباتنا كانو بدسوا فيهو الاشياء .......... يعني ترفع المرتبه تشوف العجب ..ههههههههه
imported_همس الشوق
25-12-2007, 04:46 AM
قدر ما حاولت اتمها غلبني ...
غايتو انا لقيت نفسي طيره ساي ... انتي لقيتي نفسك شنو ؟
انا لقيت نفسي حنكوشه درجه اولى
قلته لي لقيت نفسك شنو ؟؟؟؟؟؟؟؟؟؟؟؟؟:D
imported_شبارقة
25-12-2007, 07:43 AM
1)الوقاية هي دائرة مصنوعي من القماش تامحشي ومزدانة بالسكسك توضع عليها الجبنة
2)الورتابة هي الصفقة الصغيرة في بداية نموها
3)الحوية أعتقد انها المكان الذي تحفظ فيها الابل
برافو عليك يا عم فتحي .. أصبت وأفلحت في تعريف الوقايه والورتابه ..ونديك 75 %
أما الحويه فهي فعلاً لها علاقة بالإبل وبالجمال ولكنها ليست المكان الذي تُحفظ فيه الإبل.. نترك الفرصة لباقي الأخوة لمحاولة الإجابة الصحيحة
imported_أشتر
25-12-2007, 07:46 AM
حبابك شبارقه ..........
طبعا عشان اكون واضحة لقيت الاشياء لي محلوله جاااااااااهزة ...
بس بصراحة كدا ما عرفته فيهم غير الكراب .... الوقاية ............ الورتابه ...
بعدين يا محمد ابو عاقلة الكراب ما هو حبل بيشدو بيهو العنقريب .... هو دائما بيكون الجزء الشمالي من العنقريب بحيث بيكون نظم الحبال فيهو .... مختلف عن الباقي اي بالطول .... ودائما حبوباتنا كانو بدسوا فيهو الاشياء .......... يعني ترفع المرتبه تشوف العجب ..ههههههههه
:D:D:D:D
الجزء الشمالي دي بالغتي فيها ... :D:D
جهجهتي العناقريب !!!
لكن عنقريبنا قيادة يمين ... وفيهو برضو جزء جنوبي ما تنسي ...
لكن كلامك فيهو شك على ما اعتقد
او كلامي فيهو شك ...
وبقولا ليك في وشك :D...
إلا يجي واحد (فيصل) من أهل العلم بالشئ ... *ما فيصل سعد ... واحد تاني :D
اها واحد تاني دي زاااااتا مشكلة (واحد آخر) من الذين يعلمون ...
imported_همس الشوق
25-12-2007, 07:49 AM
السيموته ........ المقدري ..................
السكن
الرشمة .............
الشتم .......................
الرحط .................
الكول ..............
الِسعن ............
السحارة ........
imported_أشتر
25-12-2007, 07:49 AM
برافو عليك يا عم فتحي .. أصبت وأفلحت في تعريف الوقايه والورتابه ..ونديك 75 %
أما الحويه فهي فعلاً لها علاقة بالإبل وبالجمال ولكنها ليست المكان الذي تُحفظ فيه الإبل.. نترك الفرصة لباقي الأخوة لمحاولة الإجابة الصحيحة
الحوية ... ممكن تكون الحبيشي !!!! ... صغار الأبل
imported_همس الشوق
25-12-2007, 07:52 AM
:D:D:D:D
الجزء الشمالي دي بالغتي فيها ... :D:D
جهجهتي العناقريب !!!
لكن عنقريبنا قيادة يمين ... وفيهو برضو جزء جنوبي ما تنسي ...
لكن كلامك فيهو شك على ما اعتقد
او كلامي فيهو شك ...
وبقولا ليك في وشك :D...
إلا يجي واحد (فيصل) من أهل العلم بالشئ ... *ما فيصل سعد ... واحد تاني :D
اها واحد تاني دي زاااااتا مشكلة (واحد آخر) من الذين يعلمون ...
هذا حسب ما اعلم
والله اعلم
انت كان عندكم عنقريب في البيت
imported_شبارقة
25-12-2007, 07:52 AM
يا شبارقة انت دايما ما بتشتغل بالحاجة البخت قداما نقط ...
انت قايلني منقطة حرفنة مني !!!!
الرائع ود أبو عاقلة ..سلامات
الحاجات البتخت قداما نقط دي معناها تائهة منك أو ما قدرت تستحضر تفسيرها عشان كده ما بنشتغل بيها علشان نشوف إجتهادات باقي الجماعة ..لكن في بعد كم يوم كده حنرجع ونفسرها ليكم بعد ما كل الجماعة يقولوا (غلبتني حيله)
وبالمناسبة إنت أكثر واحد مجتهد في المصطلحات دي واستفادوا منك الجماعة أمثال الغالي/ مسعد حنفي وهو أيضاً أحد المميزين في هذا البوست الرائع بكم دائماً
imported_أشتر
25-12-2007, 07:54 AM
السيموته ........ المقدري ..................
السكن
الرشمة .............
الشتم .......................
الرحط .................
الكول ..............
الِسعن ............
السحارة ........
السيموته ........ حجر كريم
المقدري .................. pass
السكن ............. ثاني اكسيد الكربون (مستحدثة) شبارقة رائك شنو
الرشمة ............. ليها علاقة بالزمام
الشتم ....................... الة ايقاعية اصغر من الدلوكة
الرحط ................. (غايتو انا ما قطعتو) خليني اقطع الشك باليقين بعدين بقول ليك.
الكول .............. ريحتو مقرفة
الِسعن ............ (ذكر ... وارجعي لينا شوية)
السحارة ........ الدولاب سابقاّ بدون رفوف
imported_شبارقة
25-12-2007, 07:58 AM
الحوية ... ممكن تكون الحبيشي !!!! ... صغار الأبل
الحبيشي !!! لا إخير تقول الأرتري :D:D يا ود أبو عاقلة صغير الإبل يسمى الحاشي
imported_همس الشوق
25-12-2007, 07:59 AM
السيموته ........ حجر كريم
المقدري .................. pass
السكن ............. ثاني اكسيد الكربون (مستحدثة) شبارقة رائك شنو
الرشمة ............. ليها علاقة بالزمام
الشتم ....................... الة ايقاعية اصغر من الدلوكة
الرحط ................. (غايتو انا ما قطعتو) خليني اقطع الشك باليقين بعدين بقول ليك.
الكول .............. ريحتو مقرفة
الِسعن ............ (ذكر ... وارجعي لينا شوية)
السحارة ........ الدولاب سابقاّ بدون رفوف
ههههههههه
محمد عندك اخطأ ..... نشوف غيرك ...
بس الرحط الما قطعتوا دا مااااااااااااااااااااا أظنك حتقطعوا لانه قالو بقى دقة قديمة ....
imported_أشتر
25-12-2007, 08:01 AM
الرائع ود أبو عاقلة ..سلامات
الحاجات البتخت قداما نقط دي معناها تائهة منك أو ما قدرت تستحضر تفسيرها عشان كده ما بنشتغل بيها علشان نشوف إجتهادات باقي الجماعة ..لكن في بعد كم يوم كده حنرجع ونفسرها ليكم بعد ما كل الجماعة يقولوا (غلبتني حيله)
وبالمناسبة إنت أكثر واحد مجتهد في المصطلحات دي واستفادوا منك الجماعة أمثال الغالي/ مسعد حنفي وهو أيضاً أحد المميزين في هذا البوست الرائع بكم دائماً
ببساطة هوايتي السفر ... يعني بقول للجماعة انا ماشي الدمازين ... مع انو ما عندي فيها اي زول بعرفو ... لكن ما يمنع اني امشي ... وعرفت ناس كتيرة . وحاجات كتيرة ...
imported_أشتر
25-12-2007, 08:02 AM
ههههههههه
محمد عندك اخطأ ..... نشوف غيرك ...
بس الرحط الما قطعتوا دا مااااااااااااااااااااا أظنك حتقطعوا لانه قالو بقى دقة قديمة ....
لو كان بحر او شارع زلط ما فيهو مشكلة
لكن هم كانو بقطعو ليه ؟
imported_شبارقة
25-12-2007, 08:04 AM
حبابك شبارقه ..........
بعدين يا محمد ابو عاقلة الكراب ما هو حبل بيشدو بيهو العنقريب .... هو دائما بيكون الجزء الشمالي من العنقريب بحيث بيكون نظم الحبال فيهو .... مختلف عن الباقي اي بالطول .... ودائما حبوباتنا كانو بدسوا فيهو الاشياء .......... يعني ترفع المرتبه تشوف العجب ..ههههههههه
حبابك حلم الأماسي (وبالمناسبة هو إسم لإغنية لمحمد الأمين)
إجابتك صحيحة عن الكرّاب لكن لو كان العنقريب متجه للجنوب برضو ح يكون الكراب شمالي (هسس ما يسمعنا سلفاكير ولا باقان أموم)
imported_أشتر
25-12-2007, 08:08 AM
حبابك حلم الأماسي (وبالمناسبة هو إسم لإغنية لمحمد الأمين)
إجابتك صحيحة عن الكرّاب لكن لو كان العنقريب متجه للجنوب برضو ح يكون الكراب شمالي (هسس ما يسمعنا سلفاكير ولا باقان أموم)
اها عاجبك كدا ...
اللهم لا تشمت بي الأخوان ...
عشان تاني ما تقنطري روحك :D:D:D
imported_شبارقة
25-12-2007, 08:15 AM
السيموته ........ حجر كريم
المقدري .................. pass
السكن ............. ثاني اكسيد الكربون (مستحدثة) شبارقة رائك شنو
الرشمة ............. ليها علاقة بالزمام
الشتم ....................... الة ايقاعية اصغر من الدلوكة
الرحط ................. (غايتو انا ما قطعتو) خليني اقطع الشك باليقين بعدين بقول ليك.
الكول .............. ريحتو مقرفة
الِسعن ............ (ذكر ... وارجعي لينا شوية)
السحارة ........ الدولاب سابقاّ بدون رفوف
الغالية حلم الأماسي والغالي ود أبو عاقلة
التهنئة لود أبو عاقلة لأنو عرف مجموعة كبيرة
الرشمة ............. ليها علاقة بالزمام مظبوط ولكن الرشمة هي السلسلة الرابطة بين الزمام والأذن
الرحط ................. (غايتو انا ما قطعتو) الرحط سواءاً من القماش أو الجلد هو يقابل الإسكيرت حالياً
imported_أشتر
25-12-2007, 08:19 AM
الرحط سواءاً من القماش أو الجلد هو يقابل الإسكيرت حالياً
يعني نشوف لينا اسكيرت نقطعو ولا شنو يا شبارقة :D:D:D
بالغت لكن !!!!
imported_همس الشوق
25-12-2007, 08:43 AM
لو كان بحر او شارع زلط ما فيهو مشكلة
لكن هم كانو بقطعو ليه ؟
أبو عاقلة ارجع اقرا الكلام تاني ........... هو بصحح في كلامي
imported_همس الشوق
25-12-2007, 08:45 AM
الغالية حلم الأماسي والغالي ود أبو عاقلة
التهنئة لود أبو عاقلة لأنو عرف مجموعة كبيرة
الرشمة ............. ليها علاقة بالزمام مظبوط ولكن الرشمة هي السلسلة الرابطة بين الزمام والأذن
الرحط ................. (غايتو انا ما قطعتو) الرحط سواءاً من القماش أو الجلد هو يقابل الإسكيرت حالياً
شبارقة انت كنت شغالة في محلات (ابو مرين )
بس الرحط لا ........ الحط لا يمكن ان يكون من القماش ... بعدين ما عندو علاقة بالاسكيرت ....
غيرو
imported_شبارقة
25-12-2007, 09:32 AM
شبارقة انت كنت شغالة في محلات (ابو مرين )
بس الرحط لا ........ الحط لا يمكن ان يكون من القماش ... بعدين ما عندو علاقة بالاسكيرت ....
غيرو
الرحط عندنا في الجزيرة وفي غرب السودان كذلك هو ما كان تلبسه نساؤنا قديماً ويغطي المنطقة التي يُغطيها الإسكيرت حالياً ..هذا ما قصدته وأعرفه ..وفي أوائل القرن الماضي كان الفتيات يلبسن الرحط فقط لا غير وكانت صدورهن مكشوفة !!..في قمة البراءة ولم تكن هناك أي تحرشات بهن (وأسألوا جدودكم)والإسكيرت هنا تشبيه للرحط ..وإن كان هناك معنىً آخر للرحط فمنكم نستفيد ..والسودان بلد كبير وواسع وتختلف فيه المسميات والتعريفات.
أما الرحط البقطعوهو في إحتفالات الزواج يا ود أبو عاقلة فهو مصنوع من السعف تلبسه العروس على ملابسها ويكون مربوط بسعفة رقيقة (تقوم مقام الحزام ) ويقوم العريس بقطع تلك السعفة كنوع من الطقوس التي تدل على بدء الحياة الزوجية والدخول فيها وهذا الطقس يتم للعروس البكر فقط أما العروس التي سبق لها الزواج فلا يتم عمل هذا الطقس لها... وكانوا بيقولوا ده القطع رحتا .. إشارة للزوج الأول أو الزوج الحالي فقط ..أي إشارة لأول زوج دخل بها ..والله أعلم
imported_همس الشوق
25-12-2007, 09:46 AM
الرحط عندنا في الجزيرة وفي غرب السودان كذلك هو ما كان تلبسه نساؤنا قديماً ويغطي المنطقة التي يُغطيها الإسكيرت حالياً ..هذا ما قصدته وأعرفه ..والإسكيرت هنا تشبيه للرحط ..وإن كان هناك معنىً آخر للرحط فمنكم نستفيد ..والسودان بلد كبير وواسع وتختلف فيه المسميات والتعريفات.
أما الرحط البقطعوهو في إحتفالات الزواج يا ود أبو عاقلة فهو مصنوع من السعف تلبسه العروس على ملابسها ويكون مربوط بسعفة رقيقة (تقوم مقام الحزام ) ويقوم العريس بقطع تلك السعفة كنوع من الطقوس التي تدل على بدء الحياة الزوجية والدخول فيها وهذا الطقس يتم للعروس البكر فقط أما العروس التي سبق لها الزواج فلا يتم عمل هذا الطقس لها... وكانوا بيقولوا ده القطع رحتا .. إشارة للزوج الأول أو الزوج الحالي فقط ..أي إشارة لأول زوج دخل بها ..والله أعلم
هنا كلامك مضبوط 100% بس اهم نقطة هي انه العريس لمن يقطع الرحل بيرميهو على الناس ... وعاد البت البقع فيها دا فال السرور حتتزوج في اسبوعها .......... مجرد مسلمات لا اساس لها من الصحة بل حركه حلوه ...............
طبعاً اهلنا زمان ما كانوا بقولوا ماشين (رقيص العروس) بيقولوا ( قطع الرحط ) وسبحان الله كان المشاهدة مختلطة يعني رجال ونسوان ........
فهمت يا ابو عاقلة
imported_شبارقة
25-12-2007, 09:59 AM
وفي أوائل القرن الماضي كان الفتيات يلبسن الرحط فقط لا غير وكانت صدورهن مكشوفة !!..في قمة البراءة ولم تكن هناك أي تحرشات بهن (وأسألوا جدودكم)
[QUOTE=حلم الاماسي;84621]
طبعاً اهلنا زمان ما كانوا بقولوا ماشين (رقيص العروس) بيقولوا ( قطع الرحط ) وسبحان الله كان [color=#FF0000]المشاهدة مختلطة يعني رجال ونسوان ........
فهمت يا ابو عاقلة
ألم أقل لكم أعلاه في قمة البراءة ولم تكن هناك أي تحرشات بهن ...كان الزمن غير الزمن والناس غير الناس ..وعشان كده البوست ده ناجح ومستمر في الصفحة الأولى بسبب مصطلحات أهلنا القديمة وكلامهم السمح ..وشكراً لكم
imported_أشتر
25-12-2007, 10:35 AM
شبارقة انت كنت شغالة في محلات (ابو مرين )
سيد ابراهيم ابومرين ... متخصص في الحاجات دي وهو صديق الوالد عليهما رحمة الله
حتى النت بقي ضيق
imported_أشتر
25-12-2007, 10:38 AM
أبو عاقلة ارجع اقرا الكلام تاني ........... هو بصحح في كلامي
يا ستي معاك حق ... انا غلطان ... لكن المشكلة بمسك في اي حاجة وما تهتمي كتير
imported_همس الشوق
25-12-2007, 10:41 AM
سيد ابراهيم ابومرين ... متخصص في الحاجات دي وهو صديق الوالد عليهما رحمة الله
حتى النت بقي ضيق
هههههههههههه
محلا ت أبو مرين من اشهر المحلات في أمدرمان في بيت متعلقات العروس ..... والتجهيز للعرس من الالف للياء ........
عقبالك
imported_أشتر
25-12-2007, 10:42 AM
يا ود أبو عاقلة أما العروس التي سبق لها الزواج فلا يتم عمل هذا الطقس لها... وكانوا بيقولوا ده القطع رحتا .. إشارة للزوج الأول أو الزوج الحالي فقط ..أي إشارة لأول زوج دخل بها ..والله أعلم
دي معلومة جديدة لكن جات متأخرة ما دام حلم الأماسي قالت خلاص عهدو انتهى
imported_همس الشوق
25-12-2007, 10:43 AM
يا ستي معاك حق ... انا غلطان ... لكن المشكلة بمسك في اي حاجة وما تهتمي كتير
ما تهتم للايام ظروف بتعدي
imported_همس الشوق
25-12-2007, 10:47 AM
[QUOTE=شبارقة;84617]وفي أوائل القرن الماضي كان الفتيات يلبسن الرحط فقط لا غير وكانت صدورهن مكشوفة !!..في قمة البراءة ولم تكن هناك أي تحرشات بهن (وأسألوا جدودكم)
ألم أقل لكم أعلاه في قمة البراءة ولم تكن هناك أي تحرشات بهن ...كان الزمن غير الزمن والناس غير الناس ..وعشان كده البوست ده ناجح ومستمر في الصفحة الأولى بسبب مصطلحات أهلنا القديمة وكلامهم السمح ..وشكراً لكم
[color=#008000]فعلا يا شبارقة ....
زمان الزمن كان زين ........... وما فيهو الشين ..... رغم انه زمان كان في (جكسه في خط 6) (والميني جوب ) ........ بس الناس نفوسها كانت طيبة .......... وعلاقتهم ببعض جميلة ..... لانه زمان الرجل الكبير كان ابو الكل ..... والمراة كذلك
بجد نفسي كان اكون من ذاك الجيل
imported_أشتر
25-12-2007, 10:48 AM
هنا كلامك مضبوط 100% بس اهم نقطة هي انه العريس لمن يقطع الرحل بيرميهو على الناس ... وعاد البت البقع فيها دا فال السرور حتتزوج في اسبوعها .......... مجرد مسلمات لا اساس لها من الصحة بل حركه حلوه ...............
زي الخواجات ... العروس بترمي (بوكيه ورد) ورا ضهرها وسعيدة البقع فيها ...
ناس تجدع ورد وناس تجدع سعف ...
غيتو عادة ما ليها لازمة
imported_أشتر
25-12-2007, 10:51 AM
[QUOTE=شبارقة;84626]
فعلا يا شبارقة ....
زمان الزمن كان زين ........... وما فيهو الشين ..... رغم انه زمان كان في (جكسه في خط 6)
عشان كدا شلنا كاس افريقيا مرة واحدة بس ...
عدم الزول البهدف :D:D:D
imported_همس الشوق
25-12-2007, 10:53 AM
زي الخواجات ... العروس بترمي (بوكيه ورد) ورا ضهرها وسعيدة البقع فيها ...
ناس تجدع ورد وناس تجدع سعف ...
غيتو عادة ما ليها لازمة
هههههههههههههههههههه
صاح والجدعة موجوده في كل العالم ........... بس كل شعبه عنده جدعتوا ......
وكمان في في الجرتق العريس برش الناس بالعطور ....... دلاله على الفال السمح ... وعندنا جدعة بالحلاوه ..... دي عشان الله يحليها على العرسان .......
ابو عاقلة .....
رأيك شنو في بخ اللبن ؟؟؟؟؟؟؟؟؟؟؟؟؟؟:D
imported_همس الشوق
25-12-2007, 10:56 AM
[QUOTE=حلم الاماسي;84637]
عشان كدا شلنا كاس افريقيا مرة واحدة بس ...
عدم الزول البهدف :D:D:D
هههههه
هسه الناس كلها بقت حارسه مرمى
imported_شبارقة
25-12-2007, 11:01 AM
سلامات ... وهاكم إلى أن ألقاكم :
1- التمليكه (أو التمليقه) 2- المخلوفه 3- العنقره 4- التَرَس
5- القِرَه
imported_أشتر
25-12-2007, 11:03 AM
هههههههههههههههههههه
صاح والجدعة موجوده في كل العالم ........... بس كل شعبه عنده جدعتوا ......
وكمان في في الجرتق العريس برش الناس بالعطور ....... دلاله على الفال السمح ... وعندنا جدعة بالحلاوه ..... دي عشان الله يحليها على العرسان .......
ابو عاقلة .....
رأيك شنو في بخ اللبن ؟؟؟؟؟؟؟؟؟؟؟؟؟؟:D
انا عندي لو العريس شربو كان أحسن ...
بعدين احنا كنا بنجي لم نسمع صوت الساوند بس ... غير كدا بنعمل نايمين ...
imported_أشتر
25-12-2007, 11:04 AM
[QUOTE=محمد أبوعاقلة;84639]
هههههه
هسه الناس كلها بقت حارسه مرمى
ههههههههههههههههههههههههههههههههههههههههههههه
قوية دي ...
وبرضو مغلوبين :D:D:D
ومغلوبة على امرها برضو
imported_فتحي مسعد حنفي
25-12-2007, 11:06 AM
سلامات ... وهاكم إلى أن ألقاكم :
1- التمليكه (أو التمليقه) 2- المخلوفه 3- العنقره 4- التَرَس
5- القِرَه
عندي هنا برضو اتنين
1) التمليكة نبات عشوائي ينبت في كردفان ويتفرك ملاح زي الورق.
2) العنقرة هي الرقبة من الخلف
imported_أشتر
25-12-2007, 11:07 AM
سلامات ... وهاكم إلى أن ألقاكم :
1- التمليكه (أو التمليقه) 2- المخلوفه 3- العنقره 4- التَرَس
5- القِرَه
1- التمليكه (أو التمليقه) .......... اسم أكلة
2- المخلوفه .....................
3- العنقره ...... الرقبة
4- التَرَس .... مرتفع ترابي لحجز مياه السيول
imported_همس الشوق
25-12-2007, 11:08 AM
سلامات ... وهاكم إلى أن ألقاكم :
1- التمليكه (أو التمليقه) 2- المخلوفه 3- العنقره 4- التَرَس
5- القِرَه
العنقرة دي ... موش الجزء بين الرقبة والراس .........بتظهر لمن الواحد يكون حالق جدييييييييد ..(والله اعلم)
القره .... على ما اعتقد هو نوع من انواع الصمغ ...
imported_أشتر
25-12-2007, 11:11 AM
العنقرة دي ... موش الجزء بين الرقبة والراس .........بتظهر لمن الواحد يكون حالق جدييييييييد ..(والله اعلم)
زي ما بقولو اولاد بمبا .... الأفا
imported_شبارقة
25-12-2007, 11:21 AM
عندي هنا برضو اتنين
1) التمليكة نبات عشوائي ينبت في كردفان ويتفرك ملاح زي الورق.
2) العنقرة هي الرقبة من الخلف
إنت دائماً رائع ومنور البوست ...يلا إجتهد في الباقيات ..وشكراً
imported_شبارقة
25-12-2007, 11:23 AM
1- التمليكه (أو التمليقه) .......... اسم أكلة
2- المخلوفه .....................
3- العنقره ...... الرقبة
4- التَرَس .... مرتفع ترابي لحجز مياه السيول
ود أبو عاقله يا رائع الإجابتين صحيحتين واصل..
imported_شبارقة
25-12-2007, 11:31 AM
العنقرة دي ... موش الجزء بين الرقبة والراس .........بتظهر لمن الواحد يكون حالق جدييييييييد ..(والله اعلم)
القره .... على ما اعتقد هو نوع من انواع الصمغ ...
الغالية (أغنية ود اللمين).. سلامات
الإجابة الأولى صاح
القره (بكسر القاف ..وطبعاً القاف عندنا مرققة) تكون شنو؟
وشاعرنا قال : الشم خوخت بردن ليالي الحره والبراق برق من مينا جاب القره
شوف عيني الصقير بجناحو كفت الفِره
الليله أم خدود تلقاها مرقت بره
أها الفِره شنو ؟ والقِره شنو ؟
imported_أشتر
25-12-2007, 12:12 PM
الغالية (أغنية ود اللمين).. سلامات
الإجابة الأولى صاح
القره (بكسر القاف ..وطبعاً القاف عندنا مرققة) تكون شنو؟
وشاعرنا قال : الشم خوخت بردن ليالي الحره والبراق برق من مينا جاب القره
شوف عيني الصقير بجناحو كفت الفِره
الليله أم خدود تلقاها مرقت بره
أها الفِره شنو ؟ والقِره شنو ؟
القرة ... نسمات الخريف
الفرة ... اسم طائر
imported_همس الشوق
25-12-2007, 12:26 PM
الغالية (أغنية ود اللمين).. سلامات
الإجابة الأولى صاح
القره (بكسر القاف ..وطبعاً القاف عندنا مرققة) تكون شنو؟
وشاعرنا قال : الشم خوخت بردن ليالي الحره والبراق برق من مينا جاب القره
شوف عيني الصقير بجناحو كفت الفِره
الليله أم خدود تلقاها مرقت بره
أها الفِره شنو ؟ والقِره شنو ؟
بري يا شبارقه ... عاد اكذب عليك
يخربني ما عرفتهم
imported_همس الشوق
25-12-2007, 12:28 PM
القرة ... نسمات الخريف
الفرة ... اسم طائر
ود ابو عاقلة يا اخوي
انت عبد المنطلب الفحل ببقى ليك شنو ؟
imported_أشتر
25-12-2007, 12:39 PM
ود ابو عاقلة يا اخوي
انت عبد المنطلب الفحل ببقى ليك شنو ؟
عبد المطلب ما ببقي لي ... لكن عندنا قرابة مع الفحل :D:D
اها اديني عين ... خمسة وخميسة
imported_فتحي مسعد حنفي
25-12-2007, 12:39 PM
الغالية (أغنية ود اللمين).. سلامات
الإجابة الأولى صاح
القره (بكسر القاف ..وطبعاً القاف عندنا مرققة) تكون شنو؟
وشاعرنا قال : الشم خوخت بردن ليالي الحره والبراق برق من مينا جاب القره
شوف عيني الصقير بجناحو كفت الفِره
الليله أم خدود تلقاها مرقت بره
أها الفِره شنو ؟ والقِره شنو ؟
الفرة نوع من الطيور خفيفة الوزن والقرة الا تكون برضو نوع من الطيور أو الكلام الفيهو احتجاج
imported_شبارقة
25-12-2007, 03:10 PM
القرة ... نسمات الخريف
الفرة ... اسم طائر
رائع يا ود أبو عاقلة ...شايفك إستفدت من بيوت الشعر المذكورة والإجابات صحيحة
القره : نسمات الخريف (والأصح هي البرد)
imported_شبارقة
25-12-2007, 03:13 PM
الفرة نوع من الطيور خفيفة الوزن والقرة الا تكون برضو نوع من الطيور أو الكلام الفيهو احتجاج
عمنا فتحي يا مبدع في المصطلحات التراثية رغم حصولك على جنسية أولاد شمال الوادي :D
الفره : نوع من الطيور (إجابة صحيحة)
القره : (أيوه الكلام فيهو إحتجاج) وراجع مداخلة ود أبو عاقلة السابقة والرد عليها من جانبي ..وتسلم يا غالي
imported_شبارقة
25-12-2007, 03:18 PM
بري يا شبارقه ... عاد اكذب عليك
يخربني ما عرفتهم
أغنية ود اللمين ...يا غالية
خليك معانا في البوست ده عشان كلامك الدخلتي بيهو أول يوم معانا يبقى حقيقة :D
imported_شبارقة
25-12-2007, 05:44 PM
سلامات ... وهاكم إلى أن ألقاكم :
1- العلاله 2- الورده 3- الدوانه 4- الجَضَه 5- الطِرق
إنتو يا جماعة مسئولين من الخير ..صاحب البوست ده (أخونا فيصل سعد) وين؟؟ فتح البوست ده وفرتق منو ولا شنو ؟ أظنو ماهو حريف بالمصطلحات العامية :p:p:D:D
على أي حال كتر خيرو ...هو السبب في دخولنا لهذا البيت الرائع... وأين زعيمنا عكود كذلك؟
imported_فتحي مسعد حنفي
25-12-2007, 06:43 PM
سلامات ... وهاكم إلى أن ألقاكم :
1- العلاله 2- الورده 3- الدوانه 4- الجَضَه 5- الطِرق
إنتو يا جماعة مسئولين من الخير ..صاحب البوست ده (أخونا فيصل سعد) وين؟؟ فتح البوست ده وفرتق منو ولا شنو ؟ أظنو ماهو حريف بالمصطلحات العامية :p:p:D:D
على أي حال كتر خيرو ...هو السبب في دخولنا لهذا البيت الرائع... وأين زعيمنا عكود كذلك؟
2)الوردة هي احمي وبنقول فلان ميرود
الجضة )هي الضجيج أو الهرج
العلالة )ممكن تكون العلة أو المرض)
imported_أشتر
25-12-2007, 07:14 PM
سلامات ... وهاكم إلى أن ألقاكم :
1- العلاله 2- الورده 3- الدوانه 4- الجَضَه 5- الطِرق
؟
1- العلاله ...... الغبار
2- الورده ..... كلام استاذ فتحي صاح (الحمى لكن كتبا غلط)
3- الدوانه ..... جاية من تدوين ( دوّن) وقد ترجع للخلاوي غالبا
4- الجَضَه .... هي الجضة (ضجة وازعاج)
5- الطِرق .... السّنْ .. للسكين والحربة والفاس وادوات القطع الأخرى
صاحب البوست قلنا ليك كتب اسمو في الباب و(هجّ) ولمتين الهجعة ما معروف
imported_أشتر
25-12-2007, 07:17 PM
سلامات ... وهاكم إلى أن ألقاكم :
كلام مذيعين ... لكن ناقصة الموسيقى التصويرية
imported_فيصل سعد
26-12-2007, 07:04 AM
كلام مذيعين ... لكن ناقصة الموسيقى التصويرية !!
عبد المطلب ما ببقي لي ... لكن عندنا قرابة مع الفحل !!
إنتو يا جماعة مسئولين من الخير ..صاحب البوست ده (أخونا فيصل سعد) وين؟؟ فتح البوست ده وفرتق منو ولا شنو ؟ أظنو ماهو حريف بالمصطلحات العامية !!
صاحب البوست قلنا ليك كتب اسمو في الباب و(هجّ) ولمتين الهجعة ما معروف
:D:D:D:D:D:D
هجّ : يعني طش ، شتت؛ اتخارج، كسح، فر، زاغ او احتمال يكون فزع زي ود ابو عاقلة محمد و الفزعات دائما بعملوها الطيارات و خليه يجي يوريك طيارة يعني شنو؟
"فزع يجيب زيادة فول و عيش و طحنية".:D:D
الهجعة : " جانا الخبر شايلوا النسيم في الليل يوشوش في الخمائل هش الزهر بكت الورود و سالت مشاعر الناس جداول" الهجعة اسم الغنية دي "رجع البلد"
الوردة : حديدة مدورة تركب في القلووظ قبل ما تتقرض الصامولة و هنا اسمها الواشر (Washer)
و الوردة في الفستان او الحديقة ـ ولا احتمال صاحبة الطرمبة البشتري منها محمد في الفتيحاب :D:D
بعدين يا شبارقة يا خوي دحين البوست دا انت ما اشتريت و نحن بعنا و لا نسيت :D:D زول عجيب نحن نجر و انتوا تتكبسنوا؟ :D:D، شكرا للسؤال يا ملك و كتر خيرك و تسأل عنك العافية و ما اديتنا رايك في الغنية؟ ابقوا طيبين.
بابكر مخير
26-12-2007, 07:36 AM
فوفو
طيب نقول حسي وهسع
بعدين حكاية يعني دي شنو ليه ولئ الناس بتقولا طوالي، وحكاية طوالي وعلى طول وكلمة كدا، بتستعمل في اوكات واقوات
شوف وشيف العايزو والباقي أرميهو ولا أجدعو بعيد غادي، وماشي غادي وبالعربي الفصيح غادي معناها عكس غادي بتاعتنا، مش بيقول غادي ورايح، يعني الغادي هو الجايي ولا الجاي والرايح هو الماشي والماشي معناها الساير على القدميين ولا الكرعيين والضلافيين والجلافيط
وكدا
imported_شبارقة
26-12-2007, 07:44 AM
2)الوردة هي الحمي وبنقول فلان ميرود
الجضة )هي الضجيج أو الهرج
العلالة )ممكن تكون العلة أو المرض)
عمنا فتحي ...سلامات
دائماً عندك إجابتين صحيحتين والباقي ....:D
الجضة فعلاً هي الضجة وطبعاً عندنا في السودان كلمات كثيرة جداً بنغير فيها مواضع الحروف حتى كلماتنا الدراجة بيحصل فيها التغيير مثلاً ناس بيقولوا مرعفين وناس بيقولوا مرفعين ...وناس بيقولوا إزعاج وناس بيقولوا إجعاز ...وده موضوع كبير ممكن نفتح ليهو بوست براهو
العلاله (راجع إجابة ود أبو عاقلة)
imported_شبارقة
26-12-2007, 07:53 AM
1- العلاله ...... الغبار
2- الورده ..... كلام استاذ فتحي صاح (الحمى لكن كتبا غلط)
3- الدوانه ..... جاية من تدوين ( دوّن) وقد ترجع للخلاوي غالبا
4- الجَضَه .... هي الجضة (ضجة وازعاج)
5- الطِرق .... السّنْ .. للسكين والحربة والفاس وادوات القطع الأخرى
صاحب البوست قلنا ليك كتب اسمو في الباب و(هجّ) ولمتين الهجعة ما معروف
ود أبو عاقلة يا مبدع ...سلامات
الطَرق .... السّنْ .. للسكين والحربة والفاس وادوات القطع الأخرى (كلامك صحيح ولكن ده الطرق بفتح الطاء ..لكن المقصودة هنا بكسر الطاء ...تطلع شنو ؟;))
imported_فيصل سعد
26-12-2007, 08:08 AM
فوفو
طيب نقول حسي وهسع
بعدين حكاية يعني دي شنو ليه ولئ الناس بتقولا طوالي، وحكاية طوالي وعلى طول وكلمة كدا، بتستعمل في اوكات واقوات
شوف وشيف العايزو والباقي أرميهو ولا أجدعو بعيد غادي، وماشي غادي وبالعربي الفصيح غادي معناها عكس غادي بتاعتنا، مش بيقول غادي ورايح، يعني الغادي هو الجايي ولا الجاي والرايح هو الماشي والماشي معناها الساير على القدميين ولا الكرعيين والضلافيين والجلافيط
وكدا
بابكر باشا مخير:
هسع و هسة و هسا و حسي و حسع و بسة و قصة و اخرها لسة:
كنت معاهو هسة اللي شعوري حس
ولع نار غرامي و مشتاق ليه لسة
دي كان بقولوها ل "ابو بت" بتاعكم داك لو تتذكر؟ :D:D:D
imported_شبارقة
26-12-2007, 08:12 AM
:D:D:D:D:D:D
الوردة : حديدة مدورة تركب في القلووظ قبل ما تتقرض الصامولة و هنا اسمها الواشر (Washer)
و الوردة في الفستان او الحديقة ـ ولا احتمال صاحبة الطرمبة البشتري منها محمد في الفتيحاب :D:D
ما اديتنا رايك في الغنية؟ ابقوا طيبين.
يا صاحب البوست ...سلام
الوردة : حديدة مدورة تركب في القلووظ قبل ما تتقرض الصامولة و هنا اسمها الواشر (Washer)
و الوردة في الفستان او الحديقة ـ ولا احتمال صاحبة الطرمبة البشتري منها محمد في الفتيحاب :D:D
كلامك مظبوط وصحيح يا فيصل ولكن الورده بتاعتك دي بفتح الواو .. أما المقصودة هنا بكسر الواو .. أها تطلع شنو ؟
والأغنية هي واحدة من روائع ود اللمين القديمة:جانا الخبر شايل النسيم في الليل يوشوش في الخمائل هش الزهر بكت الورود وسالت مشاعر الناس جداول
رجع البلد .. رجع البلد.. . بعد السنين المرة .... السنين المرة ....يادوب العيون سهرن هجد .. العيون سهرن هجد
لكن منو القال ليك إسمها الهجعه؟
imported_شبارقة
26-12-2007, 08:23 AM
فوفو
الجاي والرايح هو الماشي والماشي معناها الساير على القدميين ولا الكرعيين والضلافيين والجلافيط
وكدا
د. مخير ...سلامات
نشكرك على مداخلاتك ...لكن عاوزين نشوف حرفنتك في تفسير كلماتنا التراثية التي تنداح في هذا البوست الرائع .
الساير على القدميين ولا الكرعيين والضلافيين والجلافيط
السير على القدمين والكرعين والضلافين ...دي معقولة ..لكن السير بالجلافيط دي أول مرة نسمع بيها ... وبعدين يار يت تورينا جلفوط وجلافيط دي أصلها من وين ؟:cool:
imported_فيصل سعد
26-12-2007, 08:29 AM
يا صاحب البوست ...سلام
لكن منو القال ليك إسمها الهجعه؟
يا صاحب البوست اسم الاغنية "رجع البلد" = الهجعة = العودة
اما الوردة فجاوبك خواجة فتحي قبيل و قال ليك الحمة و سخانة الراس.
بعدين الباشكاتب في حروف اسمك بيقول "و هجعة زول بعد ترحال" تمام..
http://sudanyat.net/hageeba/sudanyat.net.ss034.wma
imported_شبارقة
26-12-2007, 08:41 AM
سلامات ..
أمونه الصباح قالتلو النِعال والطِرق إنهَرن ...ما قالتلو جيب ..!! شيلهن يا الحبيب ..غَشهِن النقلتي والترزي القريب ..بس يأم الحسن طقهن آبيزيد ..طقهن آبيعيد ..إنطقن زمن وإن طق الزمن لازمك توب جديد وبأي التمن غصباً للظروف والحال الحَرن......شان يا أم الرحوم ما تنكسفي يوم لو جاراتنا جن مارقات لي صفاح أو بيريك نجاح ..دهـ الواجب إذن وإيه الدنيا غير لمت ناس في خير أو ساعة حُزن
بعد الكلام الجميل المذكور أعلاه أفتكر فسرنا كلمة الطِرق (بكسر الطاء)
مع تحياتنا للشاعر الكبير محمد الحسن سالم حميد ونترحم على الفقيد المبدع مصطفى سيد أحمد .
imported_أشتر
26-12-2007, 09:21 AM
سلامات ..
أمونه الصباح قالتلو النِعال والطِرق إنهَرن ...ما قالتلو جيب ..!! شيلهن يا الحبيب ..غَشهِن النقلتي والترزي القريب ..بس يأم الحسن طقهن آبيزيد ..طقهن آبيعيد ..إنطقن زمن وإن طق الزمن لازمك توب جديد وبأي التمن غصباً للظروف والحال الحَرن......شان يا أم الرحوم ما تنكسفي يوم لو جاراتنا جن مارقات لي صفاح أو بيريك نجاح ..دهـ الواجب إذن وإيه الدنيا غير لمت ناس في خير أو ساعة حُزن
بعد الكلام الجميل المذكور أعلاه أفتكر فسرنا كلمة الطِرق (بكسر الطاء)
مع تحياتنا للشاعر الكبير محمد الحسن سالم حميد ونترحم على الفقيد المبدع مصطفى سيد أحمد .
يعني كان في داعي تكسر فيني ضلعة قبل ما تكسر لي الراء بتاعتك دي !!!
كسرتك ما في محلها ... وكسرتي دشدشتني
وهردت لهاتي بالكسرات
imported_أشتر
26-12-2007, 09:24 AM
يا صاحب البوست ...سلام
الوردة : حديدة مدورة تركب في القلووظ قبل ما تتقرض الصامولة و هنا اسمها الواشر (Washer)
و الوردة في الفستان او الحديقة ـ ولا احتمال صاحبة الطرمبة البشتري منها محمد في الفتيحاب :D:D
كلامك مظبوط وصحيح يا فيصل ولكن الورده بتاعتك دي بفتح الواو .. أما المقصودة هنا بكسر الواو .. أها تطلع شنو ؟
والأغنية هي واحدة من روائع ود اللمين القديمة:جانا الخبر شايل النسيم في الليل يوشوش في الخمائل هش الزهر بكت الورود وسالت مشاعر الناس جداول
رجع البلد .. رجع البلد.. . بعد السنين المرة .... السنين المرة ....يادوب العيون سهرن هجد .. العيون سهرن هجد
لكن منو القال ليك إسمها الهجعه؟
هنا جدادة الخلا طردت جدادة البيت
ويا فيصل (المكاكا):D:D ماف ليها داعي
imported_أشتر
26-12-2007, 09:26 AM
د. مخير ...سلامات
لكن السير بالجلافيط دي أول مرة نسمع بيها ... وبعدين يار يت تورينا جلفوط وجلافيط دي أصلها من وين ؟:cool:
اصلها من عفشة الخروف والتي مر عليها الحول وحولها يوما كاملا
خصوصا بعد النزفية
imported_أشتر
26-12-2007, 09:51 AM
:D:D:D:D:D:D
هجّ : يعني طش ، شتت؛ اتخارج، كسح، فر، زاغ او احتمال يكون فزع زي ود ابو عاقلة محمد و الفزعات دائما بعملوها الطيارات و خليه يجي يوريك طيارة يعني شنو؟
كلو فزعة وليها طيارتا:D:D:D
كان طيران حربي ... فزعو براو ... دي (بِغِم ما بنقدر نقولا) لاحظ لى بِغِم دي
وكان سودانطير ... الطيارة فوكرز ... ودي خت لي فيها (الفوكس)
وكان طيارة رش ... دي ما تاخد فيها اي حاجة:D:D:D رشه وبتروح
imported_بسمله
26-12-2007, 09:52 AM
بوست حلو خالص و الله
بحب اشارك فيهو ...
السيفنجه : يعنى الشبشب الى الواحد بيتحرك بيهو فى البيت .
عندى اقتراح بسيط كدا ...
لو سمحتم يعنى لو بس ممكن برضو تتناولو لينا الامثال السودانيه و شرحا برضو .. و المناسبه الى بتقال فيها ..
و نبدا .. يعنى شنو القسمه تضحك على الصفاح ؟
imported_شبارقة
26-12-2007, 10:16 AM
بوست حلو خالص و الله
بحب اشارك فيهو ...
السيفنجه : يعنى الشبشب الى الواحد بيتحرك بيهو فى البيت .
عندى اقتراح بسيط كدا ...
لو سمحتم يعنى لو بس ممكن برضو تتناولو لينا الامثال السودانيه و شرحا برضو .. و المناسبه الى بتقال فيها ..
و نبدا .. يعنى شنو القسمه تضحك على الصفاح ؟
حبابك بسمله ...وإنتي شاركتي already ...دخلتي توش ..زي الواحد البقول ليك : ممكن أدخل ؟ وتلاقيهو دخل وقعد جنبك كمان ..طيب إستأذن ليه؟:D:D
طبعاً البوست ده بتاع أخونا فيصل سعد وأنا إشتريتو منو ..لذلك ح تلقيني طوالي متحكر فيهو ..وبابنا مفتوح وبنرحب بكل الحبايب الزيك في أي لحظة وبدون إستئذان;)
ومعليش ما قدمنا ليك ليمون ولا هزينا ليك كانون:D:D
imported_أشتر
26-12-2007, 10:16 AM
يعنى شنو القسمه تضحك على الصفاح ؟
اذا فرضنا انو الصُّفاح ... (ضربٌ) من الجنون ... وقد يكون ... كذلك
فمن الطبيعي القسمة تضحك
وانتي زاااااتك قسمتك بتضحك من هسي
لى يوم الصفاح تكون انشرطت
او تكون سكتت من زمااااااان
imported_أشتر
26-12-2007, 10:21 AM
السيفنجه : يعنى الشبشب الى الواحد بيتحرك بيهو فى البيت .
ناس (العمارات السوامق) وصلو ...
يا بت انا سافرت بسفنجة من مطار لى مطار
والوضع عادي
imported_بسمله
26-12-2007, 10:26 AM
حبابك بسمله وإنت شاركتي already ...دخلتي توش ..زي الواحد البقول ليك : ممكن أدخل ؟ وتلاقيهو دخل وقعد جنبك كمان ..طيب إستأذن ليه؟:D:D
طبعاً البوست ده بتاع أخونا فيصل سعد وأنا إشتريتو منو ..لذلك ح تلقيني طوالي متحكر فيهو ..وبابنا مفتوح وبنرحب بكل الحبايب الزيك في أي لحظة وبدون إستئذان;)
ومعليش ما قدمنا ليك ليمون ولا هزينا ليك كانون:D:D
:D
اشتريتو منو ؟ سمعنا تجت تحت كدا شمار
شمار : يعنى خبر كدا يرضى فضولك من غير ما يكون عندك فيهو لا يد لا كراع
كراع : يعنى رجل ... هنا مقصود بيها رجل انسان
قالو فيصل سعد اداك ليهو هديه بمناسبه العيد :D
و الله الليمون كان مهم غايتو لكن مافى مشكله بالمناسبه انت من الشبارقه الى هى جنب مدنى و لا ديك شبارقه تانيه ؟
imported_أشتر
26-12-2007, 10:29 AM
:D
اشتريتو منو ؟ سمعنا تجت تحت كدا شمار
شمار : يعنى خبر كدا يرضى فضولك من غير ما يكون عندك فيهو لا يد لا كراع
كراع : يعنى رجل ... هنا مقصود بيها رجل انسان
قالو فيصل سعد اداك ليهو هديه بمناسبه العيد :D
و الله الليمون كان مهم غايتو لكن مافى مشكله بالمناسبه انت من الشبارقه الى هى جنب مدنى و لا ديك شبارقه تانيه ؟
أولاً : الشبارقة دي قريته ومسقط رأسه وهي شرق واد مدني (تبعد ثلاثين كيلومتراً عن مدني) ومعظم أولاد وبنات الشبارقة يكنون أسمائهم بها ومنهم على سبيل المثال عمنا الطيب شبارقة العضو البرلماني المشهور (عن الإتحاديين في الديمقراطية الثانية والثالثة )وله قصة طريفة ومشهورة مع السيد الصادق المهدي (لا يسع المجال لذكرها هنا) ...أما أنا فإسمي الحقيقي عاصم ...مهندس جيولوجي بمدينة الرياض بالسعودية.
ثانياً : معنى كلمة شبارقة ..قالوا زمان كان في عرب رحل في تلك المنطقة شرق مدني في أماكن متفرقة(لم يكن لها إسم محدد) ، وفي أحد الأيام أضاعت إحدى نسائهم غنمايتها وكان لونها رمادياً وهم يطلقون على الغنماية كما تعلم (شاة) وعلى اللون الرمادي (أبرق) وأصبحت تلك المرأة تبحث عن غنمايتها وتسأل في كل مكان : الشاف ليهو شاه برقه منو؟ ..الشاف ليهو شاه برقه منو؟ ..وأخذت تردد ..شه برقه ..شه برقه ...شبارقه .. إلا أن وجدتها في مسقط رأسي الذي أصبح فيما بعد يسمى بالمكان الذي وجدت فيه الشاة البرقا (الشه البرقه = الشبارقة) ... والله أعلم ..حلوة مش كده؟
imported_بسمله
26-12-2007, 10:32 AM
اذا فرضنا انو الصُّفاح ... (ضربٌ) من الجنون ... وقد يكون ... كذلك
فمن الطبيعي القسمة تضحك
وانتي زاااااتك قسمتك بتضحك من هسي
لى يوم الصفاح تكون انشرطت
او تكون سكتت من زمااااااان
:D :D
انشرطت :D
تعرف يا ابو عاقله .... و الله برضو ما فهمت ...
:p
السيفنجه من مكان لى مكان واو واو ..
عمارات شنو يا ابنى احنا ناس المنشيه و الاجر على الله :p
يا ابو عاقله و الله ابدا بالعكس تماما بحييك على الاقل انت عملت حاجه مافى زول قبلك عملا .. بحييك بشده . :)
imported_بسمله
26-12-2007, 10:38 AM
أولاً : الشبارقة دي قريته ومسقط رأسه وهي شرق واد مدني (تبعد ثلاثين كيلومتراً عن مدني) ومعظم أولاد وبنات الشبارقة يكنون أسمائهم بها ومنهم على سبيل المثال عمنا الطيب شبارقة العضو البرلماني المشهور (عن الإتحاديين في الديمقراطية الثانية والثالثة )وله قصة طريفة ومشهورة مع السيد الصادق المهدي (لا يسع المجال لذكرها هنا) ...أما أنا فإسمي الحقيقي عاصم ...مهندس جيولوجي بمدينة الرياض بالسعودية.
ثانياً : معنى كلمة شبارقة ..قالوا زمان كان في عرب رحل في تلك المنطقة شرق مدني في أماكن متفرقة(لم يكن لها إسم محدد) ، وفي أحد الأيام أضاعت إحدى نسائهم غنمايتها وكان لونها رمادياً وهم يطلقون على الغنماية كما تعلم (شاة) وعلى اللون الرمادي (أبرق) وأصبحت تلك المرأة تبحث عن غنمايتها وتسأل في كل مكان : الشاف ليهو شاه برقه منو؟ ..الشاف ليهو شاه برقه منو؟ ..وأخذت تردد ..شه برقه ..شه برقه ...شبارقه .. إلا أن وجدتها في مسقط رأسي الذي أصبح فيما بعد يسمى بالمكان الذي وجدت فيه الشاة البرقا (الشه البرقه = الشبارقة) ... والله أعلم ..حلوة مش كده؟
:)
حلوه خالص القصيصه دى و الله جدا عجبتنى و يا سلام عليك ..
لكن بالجد فظيعه القصه ..
تعرف يا محمد ابو عاقله . فى برنامج بتاع شعر كدا كان بيقدمو استاذ اسمو محمد الفاتح ابو عاقله لامن شفت اسمك اتذكرتو و هو رجل مثقف اكن له الكثير من الاحترام يعنى ..
عندك بيهو اى علاقه ؟
شبارقه انت متاكد انك اشتريت البوست دا ظ ما يجينا فيصل سعد يقول بوزنا ليهو البوست كمان
:eek:
imported_شبارقة
26-12-2007, 10:45 AM
:D
شمار : يعنى خبر كدا يرضى فضولك من غير ما يكون عندك فيهو لا يد لا كراع
كراع : يعنى رجل ... هنا مقصود بيها رجل انسان
و الله الليمون كان مهم غايتو لكن مافى مشكله بالمناسبه انت من الشبارقه الى هى جنب مدنى و لا ديك شبارقه تانيه ؟
1- الشمار معروف وكان أهلنا زمان بيقولوا ...الموضوع ده راح شمار في مرقه يعنى راح ساكت ..والمرقه لما تكون ماها طاعمه يقولوا ليك أديها شمار (عشان تطعم) وبرضو ما بتطعم !!!
ومصطلح شمار بتاعكم ده (وبالمناسبة هي أصلاً شغل نسوان ) وهو تصليح الخبر وتظبيطه مع بعض الإضافات الجانبية (لزوم التشويق) مع زيادته طبعا ً بالشد والمط :D
وبقي الشمار داخل في كل حاجة من الشمار السياسي إلى الشمار الإقتصادي والشمار الإجتماعي وهلم جرا.
2- كراع : يعنى رجل ..رجل ولا إمرأة ؟ ههههههه:D:D تشكيل الحروف مهم جدً في هذا البوست العجيب .. وبالمناسبة كراع كلمة عربية فصحى ولكن للأسف خاصة بالحيوان فقط :rolleyes:
3- نعم الشبارقة جنب مدني ...رفعتي معنوياتي ...أول مره ألقى زول في البوست ده وبيعرف الشبارقة.. كتر خيرك ..إنتي من وين؟:confused:
4- يجب عليك المرور على جميع المداخلات السابقة في هذا البوست عشان ما تجيبي لينا كلمة تم شرحها من قبل .. وتسلمي يا الغالية
imported_شبارقة
26-12-2007, 11:00 AM
:)
تعرف يا محمد ابو عاقله . فى برنامج بتاع شعر كدا كان بيقدمو استاذ اسمو محمد الفاتح ابو عاقله لامن شفت اسمك اتذكرتو و هو رجل مثقف اكن له الكثير من الاحترام يعنى ..
عندك بيهو اى علاقه ؟
:eek:
إرجعي للصفحة رقم 6 في هذا البوست وحتلقي رد أبو عاقلة على هذا السؤال:mad::mad:
imported_بسمله
26-12-2007, 11:02 AM
:D
يا شبارقه لو ما بيعرفوها خليهم يعرفوها ..
انا سمعت بيها لكن ما حصل شوفتها يعنى ...
بعدين ما تشوف القلاصه دى ساى قبل سنتين ما كنت بعرف اى شى
البركه فى الطيب بشير و خالد الحاج و باش مهندس معتصم ...
ربنا يديهم العافيه
شكرا جزيلا .
imported_شبارقة
26-12-2007, 11:08 AM
أولاً : الشبارقة دي قريته ومسقط رأسه وهي شرق واد مدني (تبعد ثلاثين كيلومتراً عن مدني) ومعظم أولاد وبنات الشبارقة يكنون أسمائهم بها ومنهم على سبيل المثال عمنا الطيب شبارقة العضو البرلماني المشهور (عن الإتحاديين في الديمقراطية الثانية والثالثة )وله قصة طريفة ومشهورة مع السيد الصادق المهدي (لا يسع المجال لذكرها هنا) ...أما إسمه الحقيقي فهو عاصم ...مهندس جيولوجي بمدينة الرياض بالسعودية.
ثانياً : معنى كلمة شبارقة ..قالوا زمان كان في عرب رحل في تلك المنطقة شرق مدني في أماكن متفرقة(لم يكن لها إسم محدد) ، وفي أحد الأيام أضاعت إحدى نسائهم غنمايتها وكان لونها رمادياً وهم يطلقون على الغنماية كما تعلم (شاة) وعلى اللون الرمادي (أبرق) وأصبحت تلك المرأة تبحث عن غنمايتها وتسأل في كل مكان : الشاف ليهو شاه برقه منو؟ ..الشاف ليهو شاه برقه منو؟ ..وأخذت تردد ..شه برقه ..شه برقه ...شبارقه .. إلا أن وجدتها في مسقط رأسي الذي أصبح فيما بعد يسمى بالمكان الذي وجدت فيه الشاة البرقا (الشه البرقه = الشبارقة) ... والله أعلم ..حلوة مش كده؟
تُشكر يا ود أبو عاقلة على الإجابة وتُشكر غاليتنا بسمله على السؤال
imported_شبارقة
26-12-2007, 11:13 AM
:D
يا شبارقه لو ما بيعرفوها خليهم يعرفوها ..
انا سمعت بيها لكن ما حصل شوفتها يعنى ...
بعدين ما تشوف القلاصه دى ساى قبل سنتين ما كنت بعرف اى شى
البركه فى الطيب بشير و خالد الحاج و باش مهندس معتصم ...
ربنا يديهم العافيه
شكرا جزيلا .
والبركة فينا نحن كمان ناس فيصل وود أبو عاقة وعمنا فتحي المصري ود. مخير ..مالنا ؟:mad::mad:...نحن مشاركين في البوست ده عشان الحناكيش الزيكم ...عاوزين نربط ليهم الماضي بالحاضر ..وعشان ما ينسوا قديمهم والنسى قديمو ......(كمليها) وحبابك عشرة بلا كشرة يا الغالية
imported_بسمله
26-12-2007, 11:14 AM
:mad:نكتة : واحد قالوا ليهو مسقط رأسك وين ؟ قال : المخدة :D:D:D
:D
مسقط راسى دى مافى ليها داعى هسه تطلعونى حنكوشه بالجد :mad:
انا من مدنى يا شبارقه و ساكنه المنشيه بس ..
اجابه سؤالك يعنى
imported_بسمله
26-12-2007, 11:16 AM
والبركة فينا نحن كمان ناس فيصل وود أبو عاقة وعمنا فتحي المصري ود. مخير ..مالنا ؟:mad::mad:...نحن مشاركين في البوست ده عشان الحناكيش الزيكم ...عاوزين نربط ليهم الماضي بالحاضر ..وعشان ما ينسوا قديمهم والنسى قديمو ......(كمليها) وحبابك عشرة بلا كشرة يا الغالية
النسى قديمو تاه ....
و البنريدو تاييه ...
و احنا و الله ما حناكيش و لا حاجه و الحنكشه هى ذاتا شنو ؟
يعنى بالضبط ؟ :confused:
imported_شبارقة
26-12-2007, 11:22 AM
بوست حلو خالص و الله
بحب اشارك فيهو ...
عندى اقتراح بسيط كدا ...
لو سمحتم يعنى لو بس ممكن برضو تتناولو لينا الامثال السودانيه و شرحا برضو .. و المناسبه الى بتقال فيها ..
و نبدا .. يعنى شنو القسمه تضحك على الصفاح ؟
الغالية بسمله
إقتراحك جميل ...
القسمة تضحك على الصفاح : يضرب هذا المثل للواحد أو الواحدة الذي يخطط أو تخطط لشئ وتكون المحصلة شئ مخالف (مثلاً الواحد يكون خاطب ليهو واحدة وبعدين يصافحها واحد غيرو ... أها هنا القسمة مش تضحك بس ..دي تنشرط عديل كده ) قال قسمة قال ...
imported_بسمله
26-12-2007, 11:25 AM
الغالية بسمله
إقتراحك جميل ...
القسمة تضحك على الصفاح : يضرب هذا المثل للواحد أو الواحدة الذي يخطط أو تخطط لشئ وتكون المحصلة شئ مخالف (مثلاً الواحد يكون خاطب ليهو واحدة وبعدين يصافحها واحد غيرو ... أها هنا القسمة مش تضحك بس ..دي تنشرط عديل كده ) قال قسمة قال ...
,و الله حاجه محزنه ياخى ..
:mad:
imported_شبارقة
26-12-2007, 11:33 AM
:mad:
:D
انا من مدنى يا شبارقه و ساكنه المنشيه بس ..
....
و احنا و الله ما حناكيش و لا حاجه و الحنكشه هى ذاتا شنو ؟
يعنى بالضبط ؟ :confused:
قالوا : قول لي يا حبيبي شن بعمل وراكا --- (نقط كده ) ..و في سرعة لقاكا ..ولا أسيبا مدني وأجي أسكن حداكا ...قول لي يا حبيبي أنا حيران معاكا ..
مدني دي طبعاً عاصمتنا وحبيبتنا الجميلة وبالرغم من ظلم الزمن لها حالياً وما طرأ عليها من إهمال ستظل في قلوبنا وكما كانت دوماً مهداً للثقافة والشعر والغناء والرياضة والجمال.
انا من مدنى يا شبارقه و ساكنه المنشيه بس ..(ما مشكلة إن شاء الله تسكني في هونولولو ظاتو :D:D..بس ماتنسي مدني والقرى المحيطة بمدني;);))
imported_أشتر
26-12-2007, 11:44 AM
الغالية بسمله
إقتراحك جميل ...
القسمة تضحك على الصفاح : (مثلاً الواحد يكون خاطب ليهو واحدة وبعدين يصافحها واحد غيرو
قطع شك ... هنا في شك
والمثل لو مافيو شك ... ما قال طق
مفروض يكون واحد عاقد علي واحدة وما دخل عليها ... واختلفو ... ويتزوجا واحد غيرو
imported_أشتر
26-12-2007, 11:48 AM
قول لي يا حبيبي شن بعمل وراكا --- (نقط كده ) ..و في سرعة لقاكا ..
ولا أسيبا مدني وأجي أسكن حداكا ...
قول لي يا حبيبي أنا حيران معاكا ..[/color]
عارف ... دي من الأغاني الجميلة جدا جدا ... وفيها حنين غريب
ياخ عليك الله لو فيك حيل او فيصل (متلقي الحجج ... بكون فيهو حيل) جيبوها لينا هنا ...
imported_همس الشوق
26-12-2007, 11:49 AM
قالوا : قول لي يا حبيبي شن بعمل وراكا --- (نقط كده ) ..و في سرعة لقاكا ..ولا أسيبا مدني وأجي أسكن حداكا ...قول لي يا حبيبي أنا حيران معاكا ..
مدني دي طبعاً عاصمتنا وحبيبتنا الجميلة وبالرغم من ظلم الزمن لها حالياً وما طرأ عليها من إهمال ستظل في قلوبنا وكما كانت دوماً مهداً للثقافة والشعر والغناء والرياضة والجمال.
انا من مدنى يا شبارقه و ساكنه المنشيه بس ..(ما مشكلة إن شاء الله تسكني في هونولولو ظاتو :D:D..بس ماتنسي مدني والقرى المحيطة بمدني;);))
مالو اعياهو النضال بدني
وروحي ليه مشتهية ود مدني
اذا قدر لي اكون في مدينة غير امدرمان
فسأقول
أمدرمان
امدرمان
امدرمان
ثم ود مدني
يكفي انها انجبت لنا العملاق الفنان محمد الامين ..... والعقد الفريد الذي لا تسع هذه الاسطر ذكرهم ..
لكل اهل مدني والقرى المجاورة كل احترام وتقدير .....
imported_فيصل سعد
26-12-2007, 11:49 AM
,و الله حاجه محزنه ياخى ..
:mad:
محزنة بس، انت تقعدي تتناولي في الامثال دي و تجي تقولي محزنة :D:D رفعت ضغط "الاستوبر" بتاع البوست دا عارفاه منو؟ و لا عارفه وظيفتة؟، كدي خمني و تعالي :confused::confused:
بعدين يا بت عمي الجاب ليك شمار هدية البوست لشبارقة دا منو المطرطش دا :D:D الراجل دفع كاش من عرق جبينه، فما تهمليه و تبخسي البيعة و ما ترخي اضانك لشمارات غير جيدة السحن و الغربلة.
السفروق ، الكنش ، الوسن ، الرشيم ، الكدندارة، التمربونا، القهوة الداشرة، ابو عديلات، الرندوق ، الصير، الكرك ، الجنزير، الفافنوس، الطرفة، الرجرجة، الدهماء.
imported_بسمله
26-12-2007, 11:50 AM
قالوا : قول لي يا حبيبي شن بعمل وراكا --- (نقط كده ) ..و في سرعة لقاكا ..ولا أسيبا مدني وأجي أسكن حداكا ...قول لي يا حبيبي أنا حيران معاكا ..
مدني دي طبعاً عاصمتنا وحبيبتنا الجميلة وبالرغم من ظلم الزمن لها حالياً وما طرأ عليها من إهمال ستظل في قلوبنا وكما كانت دوماً مهداً للثقافة والشعر والغناء والرياضة والجمال.
انا من مدنى يا شبارقه و ساكنه المنشيه بس ..(ما مشكلة إن شاء الله تسكني في هونولولو ظاتو :D:D..بس ماتنسي مدني والقرى المحيطة بمدني;);))
و الله يا شبارقه انا غايتو ما بشوف اى مكان فى الدنيا دى زى الجزيره و عندى كدا تعصب زياده للجزيره و ناس الجزيره مع انو انا عارفه انو الموضوع ما صح يعنى .
مدنى دى ياخى اجمل مكان فى الدنيا رغم انو مافيها حاجه بس برضو جميله جدا .
و لا مره ما نسيتا يعنى و لو سهوا ..
القرى المحيطه بى مدنى طبعا ياخى و اولوم الشبارقه ...
قصرت معاك ؟ :p
imported_همس الشوق
26-12-2007, 11:51 AM
الخيل تجقلب والشكر لي حماد
imported_بسمله
26-12-2007, 11:54 AM
محزنة بس، انت تقعدي تتناولي في الامثال دي و تجي تقولي محزنة :D:D رفعت ضغط "الاستوبر" بتاع البوست دا عارفاه منو؟ و لا عارفه وظيفتة؟، كدي خمني و تعالي :confused::confused:
بعدين يا بت عمي الجاب ليك شمار هدية البوست لشبارقة دا منو المطرطش دا :D:D الراجل دفع كاش من عرق جبينه، فما تهمليه و تبخسي البيعة و ما ترخي اضانك لشمارات غير جيدة السحن و الغربلة.
السفروق ، الكنش ، الوسن ، الرشيم ، الكدندارة، التمربونا، القهوة الداشرة، ابو عديلات، الرندوق ، الصير، الكرك ، الجنزير، الفافنوس، الطرفة، الرجرجة، الدهماء.
فيصل سعد
سلامات سلامات :D
كل سنه و انت طيب ..
ياخى انت عارف انا علشان اشارك فى البوست دا فاتحه اغانى الحقيبه و قاعده ...
كدى هسه ورينى وسن يعنى شنو ؟
الفافنوس دا سمعتو فى غنيه للكابلى اتذكر .. بس برضو ما عارفاهو يعنى شنو ..
:(
ابو عديلات دا مش مفروض يكون مرض كدا بيشبه اللوز ؟ اعتقد يعنى ..
كدا اسعفنى ياخى
imported_شبارقة
26-12-2007, 11:56 AM
الحنكشه هى ذاتا شنو ؟
يعنى بالضبط ؟ :confused:
غاليتنا بسمله .. سلامات
طبعاً زي ما لاحظتي البوست ده خاص بالقديم والمتقادم .. أما الحنكشة ومشتقاتها فهي طبعاً من الزمن الحديث (ثمانينيات القرن الماضي وكده..) حناكيش على وزن حلمنيش وحرافيش (بتاعت نجيب محفوظ) وبالمناسبة مصطلح حنكوش وحلمنتيشي أنا سمعتها في مصر برضو ومن زمان .. كانوا بيقولوا : يا واد يا حلمنتيشي إنت .. أو يا واد يا حنكوشي إنت ... لكن ما هي الأصول ..الله أعلم ...أما الحرافيش فنجيب محفوظ قال مشتقة من الحارة وهو طبعاً معظم قصصه كانت عن وفي الحارات .. وكان الأتراك بيقولوا حارة مافيش (أي لا توجد حارة) وللحارة الموجودة بيقولوا (حارة فيش ..خطأً من عندهم ..يقصدون توجد حارة) ولذلك كان نجيب محفوظ يضحك من كلامهم ولذلك أطلق عليهم إسم الحرافيش ...والله أعلم
imported_أشتر
26-12-2007, 12:00 PM
الخيل تجقلب والشكر لي حماد
بالضبط ... دا العملو معانا فيصل
شكرا صاحب البوست
شكرا صاحب البوست
اها فيصل دا هنا في مقام حمّاد
والخيل البتجقلب دي ... خليها ساي
imported_بسمله
26-12-2007, 12:04 PM
الخيل تجقلب والشكر لي حماد
سلامات سلامات
ربنا يخليك و الله امدر ذاتا جميله منها شعراء الحقيبه ياخى ..
و السودان كلو جميل
imported_شبارقة
26-12-2007, 12:06 PM
الخيل تجقلب والشكر لي حماد
غاليتنا أغنية ود اللمين .. سلامات
إنت قاصدانا أنا وود أبو عاقلة عدييييل بمثلك ده :mad::mad:
imported_فيصل سعد
26-12-2007, 12:07 PM
فيصل سعد
سلامات سلامات :D
كل سنه و انت طيب ..
ياخى انت عارف انا علشان اشارك فى البوست دا فاتحه اغانى الحقيبه و قاعده ...
كدى هسه ورينى وسن يعنى شنو ؟
الفافنوس دا سمعتو فى غنيه للكابلى اتذكر .. بس برضو ما عارفاهو يعنى شنو ..
ابو عديلات دا مش مفروض يكون مرض كدا بيشبه اللوز ؟ اعتقد يعنى ..
كدا اسعفنى ياخى
ابو عديلات صاح ، الوسن يعني النعاس "لو لحظة من وسني تغسل عني حزني تحملني ترجعني الي عيون وطني يا وطني يا وطني" الباقي بجوا المعلمين ديل بتموه ليك .
انت يا بسملة من مدني و ساكنة المنشية اكيد عندك معرفة بآل الكارب او آل دكتور الفاضل النور شمس الدين الشافعي ... صاح و لا ما غلط؟
imported_شبارقة
26-12-2007, 12:09 PM
بالضبط ... دا العملو معانا فيصل
شكرا صاحب البوست
شكرا صاحب البوست
اها فيصل دا هنا في مقام حمّاد
والخيل البتجقلب دي ... خليها ساي
نتضامن معكم ونشد من أزركم
imported_همس الشوق
26-12-2007, 12:09 PM
بالضبط ... دا العملو معانا فيصل
شكرا صاحب البوست
شكرا صاحب البوست
اها فيصل دا هنا في مقام حمّاد
والخيل البتجقلب دي ... خليها ساي
الخيل دي انت وشبارقة ..........
انتو شبارقة دي معناها شنو ؟؟؟؟؟؟؟؟؟؟؟؟
imported_همس الشوق
26-12-2007, 12:11 PM
الحسنة في المنعول زي الشرا في القندول
ههههههه
دي مقصود بيها منوووووووو:rolleyes:
imported_شبارقة
26-12-2007, 12:16 PM
مالو اعياهو النضال بدني
وروحي ليه مشتهية ود مدني
اذا قدر لي اكون في مدينة غير امدرمان
فسأقول
أمدرمان
امدرمان
امدرمان
ثم ود مدني
يكفي انها انجبت لنا العملاق الفنان محمد الامين ..... والعقد الفريد الذي لا تسع هذه الاسطر ذكرهم ..
لكل اهل مدني والقرى المجاورة كل احترام وتقدير .....
الغالية أغنية ود اللمين ..سلامات
لا نريد أن نُحيد بهذا البوست عن هدفه الأساسي .. ولكن الكلام جاب الكلام ومدني في قلوبنا كما هي أم درمان وكما هو كل السودان ..وعازين مشاركاتك عشان تثري لينا البوست الجميل ده .. ولك كل الود
imported_شبارقة
26-12-2007, 12:17 PM
انتو شبارقة دي معناها شنو ؟؟؟؟؟؟؟؟؟؟؟؟
أها تاااني جاب سيرة البحر !!!:mad::mad:
راجعي مداخلات ود أبو عاقلة وح تعرفي الرد :mad:
imported_فيصل سعد
26-12-2007, 12:18 PM
الحسنة في المنعول زي الشرا في القندول
ههههههه
دي مقصود بيها منوووووووو:rolleyes:
و الله يا بت العم دي خليها في سرك ساي ;););)
و شيلي معاها "اتق شر من احسنت اليه" :confused: و"ظلم ذوي القربى" :confused: و "ضل الدليب البرمي بعيد" :confused:و ضايريهم سمح و اطبليهم و ارميهم اقرب بحر.
imported_شبارقة
26-12-2007, 12:23 PM
و ضايريهم سمح و اطبليهم و ارميهم اقرب بحر.
هههههه يرموا الأمثال ولا يرمو الناس الما بيحفظو المعروف ؟
imported_همس الشوق
26-12-2007, 12:23 PM
و الله يا بت العم دي خليها في سرك ساي ;););)
و شيلي معاها "اتق شر من احسنت اليه" :confused: و"ظلم ذوي القربى" :confused: و "ضل الدليب البرمي بعيد" :confused:و ضايريهم سمح و اطبليهم و ارميهم اقرب بحر.
والله ليك من وجع الليك
imported_همس الشوق
26-12-2007, 12:24 PM
اها وروني المثل دا
عمية تحفف مجنونه تقول ليها حواجب سود ومقرونة
imported_همس الشوق
26-12-2007, 12:27 PM
عيب المال ولا عيب سيدو
imported_أشتر
26-12-2007, 12:30 PM
نرجع لمحور حديثنا ...
شبارقة >>>>>> معاك المايك
imported_همس الشوق
26-12-2007, 12:36 PM
شقي الحال يلقى العظم في الفشفاش
والله دا قاصدني بيهو عدييييييل
بابكر مخير
26-12-2007, 12:46 PM
د. مخير ...سلامات
نشكرك على مداخلاتك ...لكن عاوزين نشوف حرفنتك في تفسير كلماتنا التراثية التي تنداح في هذا البوست الرائع .
الساير على القدميين ولا الكرعيين والضلافيين والجلافيط
السير على القدمين والكرعين والضلافين ...دي معقولة ..لكن السير بالجلافيط دي أول مرة نسمع بيها ... وبعدين يار يت تورينا جلفوط وجلافيط دي أصلها من وين ؟:cool:
طيب الحبيب
أكان أنا وريتك ليها كيفن، بتعترف لي عمك أنو رباطابي ناجع وغرابي ناجض وسوداني ناجز
(مش برضو في العدالة الناجزة بتاعت مايو ديك)
وبعدها بتقتنع بأي كلمة أذكرها وتصدقها أنها صحيحة مية في المية
آهااااااااااااااااااااااا
بعد عمر يالحبيب بتوصل لي سننا دي ودي المرحلة الفيها العضلات بتبقى جلافيط، وبما أنو المشي بيعتمد أساسا على العضلات وهي الفي الحقيقة البتمشي الزول، يبقى الإنسان بيمشي بالجلافيط الكانت عضلات.
أما عن الأصل، جلفط الشئ بمعنى خلطه حتى أفقده شدته
بعدين ما تنسى أننا عرب مستعربة وعكس ما يقوله العرب العاربة أصحاب اللغة التي هي أصلها يمكن أن يكون من التيقراي أو التقرينا وتشاركها في ذلك لغة اهل الأكسوس (الأحباش) ونحن ننطق كلمة أحباش بقصد أنها إسم دولة حين هي في الأصل فعل، بمعنى تحبش القوم آي تجمع القوم
العرب العارة تقول:
(عجمي فالعب به وبما أننا عاربة ينطبق علينا العجمية فنرد الصاع صاعيين ونقلبها ونشقلبها وتبقى .....)
والله لو قايل الكلام دا ما صاح مية في المية هو على الأقل 99.999999 %
المرة دي وعشانك ود أحويا بالمجان، لكن تاني إلا بالكاش او النكتوت وبعض الناس ما بيعرفوها إلا إن قلت قنذب
ليك الف تحية وعيدك مبارك
imported_فيصل سعد
26-12-2007, 12:47 PM
شقي الحال يلقى العظم في الفشفاش
والله دا قاصدني بيهو عدييييييل
لماذا؟ يا حلم انت كج؟ :D:D و لا حظك كدقيق فوق شوك نثروه ثم قالوا لحفاة يوم ريح اجمعوه و لا قاعدة تتجغمسي و تدقسينا ساي؟ :D:D:D
شبارقة : يقولوا ليك الزول دا جحمان او الزولة دي جحمانة ، هات المعنى يا حبيب و حلل لينا الجحمنة و انواعها ؟ :eek::eek::eek:
imported_همس الشوق
26-12-2007, 12:55 PM
لماذا؟ يا حلم انت كج؟ :D:D و لا حظك كدقيق فوق شوك نثروه ثم قالوا لحفاة يوم ريح اجمعوه و لا قاعدة تتجغمسي و تدقسينا ساي؟ :D:D:D
شبارقة : يقولوا ليك الزول دا جحمان او الزولة دي جحمانة ، هات المعنى يا حبيب و حلل لينا الجحمنة و انواعها ؟ :eek::eek::eek:
ان كج الكج والعياز بالله ........ ما تذكرني ...
بعيد عنك والحمد لله انا حظي زي الموية الانكشحت في الرمله ... بتقدر تخمها
الجحمان على ما اعتقد انه الزول الشرفان الجنو اكل .......... والله اعلم
imported_بسمله
26-12-2007, 12:56 PM
ابو عديلات صاح ، الوسن يعني النعاس "لو لحظة من وسني تغسل عني حزني تحملني ترجعني الي عيون وطني يا وطني يا وطني" الباقي بجوا المعلمين ديل بتموه ليك .
انت يا بسملة من مدني و ساكنة المنشية اكيد عندك معرفة بآل الكارب او آل دكتور الفاضل النور شمس الدين الشافعي ... صاح و لا ما غلط؟
تعرف يا فيصل
ناس الكارب ديل مش من الاسر العريقه بس لكن من الاسر المحترمه جدا فى مدنى ..
بعرفوم شديد انا غايتو .
ال دكتور الفاضل انا ما بعرف منهم زول بس الوالد بيعرفوم طبعا .
و من هناك راشد دياب الى هو اصولو من الدرجه تحديدا .
لى ما جبت سيرتو ؟ :mad:
غايتو انا بحب الفن التشكيلى ... :)
imported_فيصل سعد
26-12-2007, 01:27 PM
تعرف يا فيصل
و من هناك راشد دياب الى هو اصولو من الدرجه تحديدا .
لى ما جبت سيرتو ؟ :mad:
غايتو انا بحب الفن التشكيلى ... :)
ما جبت سيرته لاني ما بعرف ناس الدرجة كثير و علاقتي بآل الفاضل بواسطة الخوة و الزمالة و العشرة الطويلة بآل الطيب السني بمدني القبة الخال احمد الطيب السني و شقيقه محمد الطيب السني و اولاد اختهم عادل محمد ابراهيم و اخوانه الفاتح و صلاح و اسماعيل و الخاتم و عبد الباقي نعم الاخوان و اكثر من اهل و ساكنين بانت في مدني. آل الشافعي اختنا دكتورة عشة حسين الشافعي زوجها الدكتور حسن يوسف هاشم عم و جار عزيز ببري المحس. و اولاد عمها الظابط محمد الامين و شقيقة اسماعيل الشافعي اخ و صديق عزيز. آل الكارب اصدقاء كرام في السودان و كندا.
imported_شبارقة
26-12-2007, 03:59 PM
نرجع لمحور حديثنا ...
شبارقة >>>>>> معاك المايك
قلنا نديهم صنه شويه كدي ونشوفهم لكن أكان واصلوا في البسووا فيهو ده أيانا أنا وإنت الشايلين عفشنا ومشتتين ...جداد بره الطرد جداد البيت .. وكان شتتنا والله صاحبك فيصل ده يلقى بوستو ده في الصفحة الأخيرة:D:D
imported_شبارقة
26-12-2007, 04:03 PM
المرة دي وعشانك ود أخويا بالمجان، لكن تاني إلا بالكاش او النكتوت وبعض الناس ما بيعرفوها إلا إن قلت قنذب
ليك الف تحية وعيدك مبارك
قنذب ؟ إنت قايلنا حبش ولا شنو؟:D:D
imported_شبارقة
26-12-2007, 04:09 PM
الجحمان على ما اعتقد انه الزول الشرفان الجنو اكل .......... والله اعلم
نعم هذا هو تفسير الجحمان لكن نريد الأصل ..جحم يجحم فهو جحمان ...سمعتوا بي جاحوم بن بلاع؟
imported_شبارقة
26-12-2007, 04:27 PM
شبارقة : يقولوا ليك الزول دا جحمان او الزولة دي جحمانة ، هات المعنى يا حبيب و حلل لينا الجحمنة و انواعها ؟ :eek::eek::eek:
صاحب البوست ...سلام
جحمان مصدرها عربيٌ فصيح :كانت العرب تقول : جحمة الأسد والمقصود بها عينه لإشتدادها
وكانت العرب تقول : جحمت النار : أي إشتد أوارها ...وكانوا يقولون جحم النار أيضاً
إذن الجحم هو الإشتداد مطلقاً ولذلك يطلق الجحم على شدة الجوع وعلى لهيب المعدة عند الجوع ...ولعيني هو الجحم بذاته ...ولذلك نقول جحمان للشخص الذي إشتد عليه الجوع ...والله أعلم ... بعض الناس بيقولوا جحمان وشرفان ...أها شرفان دي مصدرها شنو ؟
imported_أشتر
27-12-2007, 08:15 AM
نعم هذا هو تفسير الجحمان لكن نريد الأصل ..جحم يجحم فهو جحمان ...سمعتوا بي جاحوم بن بلاع؟
لو دخلت قوقل إمكن اجيب خبرو وامكن لا ...
لكن (يطرشني)
imported_شبارقة
27-12-2007, 08:32 AM
سلامات ...وهاكم إلى أن ألقاكم :
1- المخروقه 2- الماشه 3 - الضغلوب 4 - القده 5- الإندراوه 6- أم دقوقه
7- العراميس 8- الدبس 9- الربوبه 10- الحتلوب
imported_أشتر
27-12-2007, 08:44 AM
سلامات ...وهاكم إلى أن ألقاكم :
1- المخروقه 2- الماشه 3 - الضغلوب 4 - القده 5- الإندراوه 6- أم دقوقه
7- العراميس 8- الدبس 9- الربوبه 10- الحتلوب
1- المخروقه >>> منطقة التقاء الورك بالحوض
2- الماشه تتنى >>> ماشة الكانون ...سيخة لتحريك الفحم
3 - الضغلوب >>> ...........................
4 - القده >>> خشبة مستطيلة تستخدم في البناء
5- الإندراوه >>> الشلاقة ... أو الذي يسير على غير هدى
6- أم دقوقه >>> اعتقد أكلة
7- العراميس >>> وهي الفراغات ما بين الطوب
8- الدبس >>> العجوة
9- الربوبه >>> العكرانة:D
10- الحتلوب >>> ...........................
imported_فيصل سعد
27-12-2007, 08:49 AM
لو دخلت قوقل إمكن اجيب خبرو وامكن لا ...
لكن (يطرشني)
جاحوم بن بلاع دا الا يكون عبد الرحيم محمد حسين مع الاعتزار لاهله و ذويه :D:D:D
imported_شبارقة
27-12-2007, 09:13 AM
1- المخروقه >>> منطقة التقاء الورك بالحوض
2- الماشه تتنى >>> ماشة الكانون ...سيخة لتحريك الفحم
3 - الضغلوب >>> ...........................
4 - القده >>> خشبة مستطيلة تستخدم في البناء
5- الإندراوه >>> الشلاقة ... أو الذي يسير على غير هدى
6- أم دقوقه >>> اعتقد أكلة
7- العراميس >>> وهي الفراغات ما بين الطوب
8- الدبس >>> العجوة
9- الربوبه >>> العكرانة:D
10- الحتلوب >>> ...........................
يا سلام عليك يا ود أبو عاقلة ويا سلام عليك لما تنداح ألقاً وتألقاً وإبتساماً:
5- الإندراوه >>> الشلاقة ... أو الذي يسير على غير هدى (أهلنا بيقولوا : الجن بيداوه كعبه الإندراوه)
9- - الربوبه >>> العكرانة:D (قرّبت)
4 - القده >>> خشبة مستطيلة تستخدم في البناء (القده القاصدا أنا جاي منها عنقريب القد)
8- الدبس >>> العجوة (الدبس القاصدو أنا دبساً تاني أو دبساً آخر)
نديك 80 % ونشوف غيرك ..وما قصرت
vBulletin® v3.8.8 Beta 2, Copyright ©2000-2026