اي شايقي عنصري !!!!! [الأرشيف] - سودانيات .. تواصل ومحبة

imported_نسايم

21-04-2008, 08:36 PM

دي بقت اللهجة السايدة في السودان
افتح خشمك وقول انا شايقي او انا شمالي
وشوف البيحصل ....
اولا السودان بيتمتع بي تنوع قبلي جميل
فيهو الشرق وفيهو الغرب وفيهو الشمال وفيهو الجنوب
وكل جزء فيهو قبايلو البتفخر وتعتز بي موروث قبيلتها
وكذلك الشمال ....
بقينا نحي تراث اهل الغرب وكمان الجنوب
لكن نكون حذرييين اتجاه الشمال
وبقت اي حاجة او اي كلمة تفسر بي عنصرية
قبل فتره قريت بوست فيهو اسما الشوارع
ومنها شارع بي اسم الملك نمر
جات واحدة من العضوات
وقالت الاسم ينصب ويندرج تحت بند العنصرية
مين السماهو وليش سمهو كدا مامعارفة بس بتعرف انو ملك الجعلييين
فلازم يكون عنصري
والاخوان المثقفاتية بينسلخو عن شماليتهم وبيتجهو للغرب او الجنوب وحتى الشرق
شوفونا صحي شمالييين لكن احنا اتخلينا فاقبلونا

imported_كيشو

21-04-2008, 08:49 PM

يا نسايم
شكرا على هذا البوست، أنا ما شايقي
المشكلة في حالة الدفاع الخاتننا فيها الناس
نحنا مسلمين ندافع
نحن شماليين ندافع
نحن عاديين ندافع
شنو الجاذب في حياتنا؟

imported_فتحي مسعد حنفي

21-04-2008, 09:33 PM

واحنل الحلب بنكون وين في التصنيف بتاعك :confused:عشان لو بالمنطقة بنكون حلب جعليين زي ما في عبيد شايقية:D;)

imported_رأفت ميلاد

21-04-2008, 10:15 PM

كيفك يا نسايم

الشارع الذى عليه اللغو ليس شارع المك نمر إنما شارع الزبير باشا.. هو ما كان ملك الجعليين .. هو كان شيخ النخاسيين.. يعنى أكبر تاجر عبيد .. العبودية الإتفتحت جراحاتها الآن .. وولدت كل الحاصل هسة .. لامن يكون بأسمه من أكبر وأجمل الشوارع فى الخرطوم .. والله حاجة ما تشرف .. يعنى المستعمر نفسه حاربه ونفاه نجى نحن نفتخر بيه :eek:

قالوا شايقى قال لى واحد يا عب ودوهو للقاضى .. القاضى كان شايقى .. سأله : أنت قلت للراجل ده يا عب ? قال ليهو يا مولانا أنا قولى سيبو أنت قولك شنو :D:D:D

العبودية كانت موجودة لعهد قريب .. وتسببت فى آلام فى هذا الوطن.. والشمال مسئول عنها كاملآ .. وهؤلاء أصحاب الذقون فتحوا الجراحات ونخروا القبلية من أجل تفرق الصفوف ويطيب لهم المقام ..

هذه ليست دعوة للعنصرية ولا العنصرية المقابلة .. ولكن يجب أن لا نتعصب ولا نستاء .. فما يحدث الآن فى محاصرة الشماليين بالعنصرية لا شيئ مقابل ممارسة العبودية .. وما أدراك ما هى العبودية .. أن يساق البشر كالأنعام ويباع فيهم ويشترى .. بيان بالذنب وإعتذار موثق ليس بالشيئ السيئ ولا إقلال بالكرامة فى جريمة هكذا فى حق الإنسانية ..

http://www.ahmedelnubi.com/mktba/kids/Images/AlIslam/9A99P04.jpg

لهؤلاء كان يصدرهم الزبير باشا رحمة

imported_خالد الحاج

21-04-2008, 10:55 PM

سلامات نسايم..
القول ما قال رأفت يا إبنة الأخت ...

http://sudanyat.net/vb/showthread.php?t=1473
الزبير باش رحمة ليس أكثر من مجرد تاجرآ للرقيق.

عكــود

22-04-2008, 05:18 AM

رأفت
خالد

ياخوانا إستهدوا بالله
الجاب سيرة الزبير باشا منو؟
نسايم بتتكلّم عن شارع المك نمر
وفعلاً كان في موضوع عنّو.

وده كلّو ما الموضوع
الموضوع ياهو ده:
بقينا نحي تراث اهل الغرب وكمان الجنوب
لكن نكون حذرييين اتجاه الشمال
وبقت اي حاجة او اي كلمة تفسر بي عنصرية

سلام يا نسايم،
موضوعك سمح . .
بس الله يعينك علي الجلاكين ديل :D

imported_كيشو

22-04-2008, 06:19 AM

imported_رأفت ميلاد

22-04-2008, 09:09 AM

رأفت
خالد

ياخوانا إستهدوا بالله
الجاب سيرة الزبير باشا منو؟
نسايم بتتكلّم عن شارع المك نمر
وفعلاً كان في موضوع عنّو.
:D
تعرف يا عكود إذا إنفتح موضوع عن شارع المك نمر .. يكون إمتداد لمؤامرات الكيزان .. ولخبطة الكيمان .. دول أبناء أبالسة ..
لكن أنا عندى راى فى شلرع السيد على والسيد عبدالرحمن :D:D:D
سلام يا كيشو
الزبير باشا غلطان، وأهل الشمال غلطانين، طيب المطلوب شنو؟

الإعتذار ليس شخصى .. الشماليين الحاليين لم يستعبدوا أحد إستعباد فعلى .. لا يوجد عبيد يطالبون بالإنعتاق .. المطلوب وثيقة إعتراف .. مجسم محبة .. يوم وفاق يحتفل به سنويآ .. نصب لضحايا العبودية على نمط الجندى المجهول .. إعادة كتابة تاريخ فى المدارس بالحقائق المجردة وليس تبجيل للنخاسة ومشعلى الحروب .. فى كتابة التاريخ يمر مرور مشبع بالفخر بمذبحة العبدلاب والفنج لمملكة سوبا التى صارت مثلآ للخراب .. وهذا جزء من العنصرية العقائدية فى النفوس .. وهذا لا يقل عن إبادة الإسلاميين الجدد للجنوبيين أو إعدام محمود محمد طه .. هذا لا يختلف عن التغاضى عن العبودية فى عهد الخليفة عبدالله وحروب الإبادة .. لا يختلف عن تبجيل الزبير رحمة .. لا أطالب بتزوير التاريخ ولكن ليروى مجردآ .. لا أعترض على مزابح اليهود ولا الحروب الصليبية ولا الوثيقة العمرية إذا كانت فقط جزء من التاريخ وليس عقيدة وتبجيل .. ومطالبة بتجديدها..
أما التمسك بالكرامة والتمادى فى التحدى .. ينقل ذنب الأجداد الى الأحفاد ..
أما عن الحلب تقصد نا نحن ولا ناس فتحى ؟:D:D
كلمة حلبى أو كافر أو يا بتاع الفسيخ أو ... عمرها لم تكن فاصل عنصرية .. إذا تعدت المداعبة تقترن بالجهل .. أهلنا تقلدوا المناصب .. أصابوا الغنى .. كانوا أصحاب وطن وعرض وكرامة .. لم يتحيز ضدهم القانون .. وليس فقط المسييحيين السودانيين .. بل الجاليات الإغريقية والهندية واليهودية والشامية والأرمنية والأثيوبة وقبيلة المولدين من هذا الخليط ..
العنصرية هى هضم الحقوق .. كما يحدث الآن .. وكما بدأ فى عهد نميرى ومستشاره المأفون .. إعتدوا على كرامتنا .. أملاكنا .. هويتنا .. فنحن لا ننتظر الإعتذار فنحن فى صف واحد مع كل المتضررين .. وكلنا نصبوا لهزيمة التخلف والطغاة ..
وليس هناك وجه شبه مع العبودية المعنية

imported_نسايم

22-04-2008, 09:45 AM

يا نسايم
شكرا على هذا البوست، أنا ما شايقي
المشكلة في حالة الدفاع الخاتننا فيها الناس
نحنا مسلمين ندافع
نحن شماليين ندافع
نحن عاديين ندافع
شنو الجاذب في حياتنا؟
العزيز كيشو ...
دي بقت اللهجة
وبقت دي لغة الحوار السائدة
انا مابقول ماف عنصرية
بس بقت حتى الحاجات الطبيعية
البتمثل موروث الشمال بقت تحارب
ديل حتى العملة الجديدة في ناااس
حاربوها لانو قالو مشلخة شايقي
دااا كلام دااا

imported_نسايم

22-04-2008, 09:51 AM

واحنل الحلب بنكون وين في التصنيف بتاعك :confused:عشان لو بالمنطقة بنكون حلب جعليين زي ما في عبيد شايقية:D;)

تحياااات وسلاماااات يا عمو
دا الكلام البجيب الهوا وهو الجاب لي اهل الشمال المشاكل
الحلب ديل احلي ناس انا اتربيت بينهم نقادة شندي
انا ماخبيرة في الانساب بس ورينى انت نصنفكم وين

imported_نسايم

22-04-2008, 10:00 AM

عمو رافت اول حاجة سلامات...
كالعادة بتجيب اصل الكلام
انت بتقول انو الشمالييين هم السببو العبودية في السودان ....
اول حاجة ايوا هم استعبدو ودي عادة ما ابتدعوها ولا جابوها هم كان العالم كلو
يفعلها العرب ...
اوروبا ...
امريكا ...
الكل فعلها ولا زالت توجد لها اثار
وماشايفة زول حاربهم بل بي العكس شايفييين بلاد العم سام هي ارض الحريات
وعلي فكرا انت عارف اعصار كاترينا ضرب احياء الجاااتو او احياء الامريكان
من اصل افريقي او اسيوي او امريكا اللاتينية وامريكا ما حركت ساكن
واتصلحت بي جهود فردية لا اتصدرت الاخبار لا زموووهم بيها لسة هي بلد الساواة والحرية
واحنا احفاد المستعبدييين ديل المفترض نتحاسب بدل اجدادنا
ما اظن
راااجعة ليك تانى

imported_رأفت ميلاد

22-04-2008, 10:02 AM

تحياااات وسلاماااات يا عمو
دا الكلام البجيب الهوا وهو الجاب لي اهل الشمال المشاكل
الحلب ديل احلي ناس انا اتربيت بينهم نقادة شندي
انا ماخبيرة في الانساب بس ورينى انت نصنفكم وين
:D:D:D:D
دى حقو يقراها شوقى بدرى عشان يشوف الخواجة منو .. تعرفى يا نسايم ياهم بتوع الفراد والفسيخ .. حلب شندى .. بعد ده راح أناديك يا مقدس :D:D

imported_نسايم

22-04-2008, 10:05 AM

وتوضيحة انا ماقصدي البوست عن الزبير باشا
قبل فترة اتفتح بوست عن اسماء الشوارع
وجات سيرة شارع المك نمر ملك الجعلييين
وردت عليهو واحدة من المتداخلات انو دي عنصرية
مع انو انا متاكدة انو ماف زول عارف
مين السماهو ولا الاسباب

imported_فتحي مسعد حنفي

22-04-2008, 12:33 PM

تحياااات وسلاماااات يا عمو
دا الكلام البجيب الهوا وهو الجاب لي اهل الشمال المشاكل
الحلب ديل احلي ناس انا اتربيت بينهم نقادة شندي
انا ماخبيرة في الانساب بس ورينى انت نصنفكم وين

وبعد لأي فسر الماء بالماء وجيتك يا عبد الموجود تعين لقيتك تتعان..
يعني أنا أسألك سؤال تقومي تردي علي بنفس السؤال وهو أنا كان عارف الاجابة كان سألت من أصلو؟
دي نفوتها بس تقولي لي انت بت منو في شندي عشان اعرف اللسان الطويل دا جا من وين:D:D وعشان ما تتلخبطي حأبدأ أنا أهلي أنا في شندي آل شفيق ومحمد همام...وعمي عباس حنفي صاحب اللكوندا الورا لوكاندة المحطة ونسايبنا كتار ...هاشم عباس صبحي وميرغني محمد مصطفي والمرحوم مصطفي محمد مصطفي وأخوهم الكبير حسن وديل بقولوا ليهم أولاد العميد وفي غيرهم كتير..وبالمناسبة أنا من مداخلاتك دايما بكون عندي احساس انك بتعرفيني شخصيا..وللا انا غلطان:confused::confused:
بالمناسبة أنا من خلال غربتي اكتشفت ان الحلب وبالذات أقباط السودان هم أكثر الناس انتماءا للسودان ودا كلام قالوا ليك عمك رأفت;)وأظنك انتي ذاتك حلبية زينا..

imported_منال

22-04-2008, 12:50 PM

وعشان ما تتلخبطي حأبدأ أنا أهلي أنا في شندي آل شفيق ومحمد همام...وعمي عباس حنفي صاحب اللكوندا الورا لوكاندة المحطة ونسايبنا كتار ...هاشم عباس صبحي وميرغني محمد مصطفي والمرحوم مصطفي محمد مصطفي وأخوهم الكبير حسن وديل بقولوا ليهم أولاد العميد وفي غيرهم كتير..وبالمناسبة أنا من مداخلاتك دايما بكون عندي احساس انك بتعرفيني شخصيا..وللا انا غلطان:confused::confused:
بالمناسبة أنا من خلال غربتي اكتشفت ان الحلب وبالذات أقباط السودان هم أكثر الناس انتماءا للسودان ودا كلام قالوا ليك عمك رأفت;)وأظنك انتي ذاتك حلبية زينا..

كدى يا خواجه خلى السلبطة :p:p لمن عمو رافت يجى يورينا الحلب و الاقباط و يفض الاشتباك :D:D:D بعدين نخلى ناس القرير و الطمبارة و خلود يقولو حاجة فى الغنا السمح ده :p:p
بعدين يا الجيلى الحقنى .....و افزعنى.... و انجدنى بالسودان الوطن و الهوية ....هسه عمو معتصم فى دقنسو شايل كلامو و جاييك..... و نخلى عمو بابكر لظروفو للرد .... و يا فيصل جهزت الاغنية اللات العرضة حقت الجعليين ....شبارقة اعرض و هز عصاتك و انا بنكع اديك الشبال ...عمو عكود جهز الفصيدة الكاربة ديك ....خلى الحلب يورنا الانتماء دى كيفين :confused::confused::confused:

imported_نسايم

23-04-2008, 07:03 PM

سلامات نسايم..
القول ما قال رأفت يا إبنة الأخت ...

http://sudanyat.net/vb/showthread.php?t=1473
الزبير باش رحمة ليس أكثر من مجرد تاجرآ للرقيق.
الخال الراقي ....
انا ما اتكلمت عن الزبير باشا ولا تاريخو البوست المعنى ماعندو اصلا علاقة بي العنصرية
ولا بي الشمالييين لكن بي قدرة قادر اتحول لي العنصرية في السودان

imported_كيشو

23-04-2008, 09:24 PM

الزبير باشا غلطان، وأهل الشمال غلطانين، طيب المطلوب شنو؟
هل يريد أحفاد المتضررين من أخطاء أجدادنا نقل تجربة اليهود مع المحرقة؟
هل سيركب أحفاد الزبير باشا من المعارضة الحالية لنظام الإنقاذ سفينة حماقة جدهم لمحاربة الحكومة أم لتدمير السودان، وتجيير شرف أخواتهم وأمهاتهم ليوم اثنين آخر جديد؟
هل يكفي الاعتذار ممن لم يشارك في تلك الممارسات البغيضة، ولا يؤيدها الآن؟ هل يقبل مثل هذا الاعتذار أحفاد المتضررين؟
السؤال الذي نريد عنه إجابة:
لماذا تتم محاصرتنا نحن أهل الشمال؟ ولماذا يتهمنا الناس بالعنصرية؟ ولماذا الاتهام بالعنصرية لاتجاه واحد؟ ألا يمكن أن تصدر العنصرية من الطرف الآخر؟ الحلب عندنا يمكن أن يشتكوا من العنصرية أيضاً
إننا الآن محشورون في الزاوية، خلونا نتنفس

[B][size=5]سلام يا كيشو

[color=#FF0000]الإعتذار ليس شخصى .. الشماليين الحاليين لم يستعبدوا أحد إستعباد فعلى .. لا يوجد عبيد يطالبون بالإنعتاق .. المطلوب وثيقة إعتراف .. مجسم محبة .. يوم وفاق يحتفل به سنويآ .. نصب لضحايا العبودية على نمط الجندى المجهول .. إعادة كتابة تاريخ فى المدارس بالحقائق المجردة وليس تبجيل للنخاسة ومشعلى الحروب ..
شكراً يا رأفت، السؤال هل يكون الاعتذار مقبولاً؟
وكلامك أدناه أتفق معك على بعضه:
كلمة حلبى أو كافر أو يا بتاع الفسيخ أو ... عمرها لم تكن فاصل عنصرية .. إذا تعدت المداعبة تقترن بالجهل .. أهلنا تقلدوا المناصب .. أصابوا الغنى .. كانوا أصحاب وطن وعرض وكرامة .. لم يتحيز ضدهم القانون .. وليس فقط المسييحيين السودانيين .. بل الجاليات الإغريقية والهندية واليهودية والشامية والأرمنية والأثيوبة وقبيلة المولدين من هذا الخليط ..
العنصرية هى هضم الحقوق .. كما يحدث الآن .. وكما بدأ فى عهد نميرى ومستشاره المأفون .. إعتدوا على كرامتنا .. أملاكنا .. هويتنا .. فنحن لا ننتظر الإعتذار فنحن فى صف واحد مع كل المتضررين .. وكلنا نصبوا لهزيمة التخلف والطغاة ..
وليس هناك وجه شبه مع العبودية المعنية

هاك السؤال دا:
هل يواجه الشماليون نوعاً من العنصرية من أبناء الجنوب؟
إن أسوأ شيء هو امتداد المعارضة لتشمل كل وسيلة، والنتيجة هي تعريض السودان كله للخطر، ليتنا ننظر إلى ما بعد حياتنا الخاصة، إلى حياة أجيال نحن نشارك بهمة في زرع ألغام تجعل حياتهم جحيماً، إننا نبيعهم ونتحول كلنا الزبير باشا

imported_رأفت ميلاد

24-04-2008, 05:39 AM

صباح الخير يا كيشو

هاك السؤال دا:
هل يواجه الشماليون نوعاً من العنصرية من أبناء الجنوب؟
إن أسوأ شيء هو امتداد المعارضة لتشمل كل وسيلة، والنتيجة هي تعريض السودان كله للخطر، ليتنا ننظر إلى ما بعد حياتنا الخاصة، إلى حياة أجيال نحن نشارك بهمة في زرع ألغام تجعل حياتهم جحيماً، إننا نبيعهم ونتحول كلنا الزبير باشا

دعنا نضع الأوراق على الطاولة مكشوفة بدون رتوش وموازنات لفظية.. الجنوبيين (أغلبهم) لا يحملون عنصرية نحو الشماليين .. إنهم يكرهونهم .. حتى وإن لم يظهرونه جهارأ .. ودائمآ تفاجأ به ..

إذا أردنا أن نجعلها خصلة فيهم .. أو تحويلها الى عنصرية مضادة فنكون كذابون .. قد يحس كثير من الشماليين الذين لم يشاركو فى حرب الجنوب فعليآ أو حتى لم يرو الجنوب بغرابة هذا الأمر .. لأنهم يرون الجنوبيين يعيشون بأمان فى الشمال ولا داعى لهذا الحقد.

ولكن هؤلاء آتون من جحيم حرب إبادة وخوف وإذلال من من العام 1955 حتى الآن .. مات الرجال أمام أطفالهم .. ومات الأطفال إن لم يكن فقط بالرصاص أيضآ بالمجاعات وإفترستهم الضوارى فى الغابات ..

ومن لم يحضر هذه المعمعة وردته الأخبار كيف أبيد أهله من حسن بشير الى البشير .. هذا غير العبودية .. التى هى إذلال للبشرية أكثر من الموت ..

فكيف تريد بلفظة سريعة إلحاق عنصرية برجل مقهور .. العنصرية يمارسها القادر على المستضعف .. ولا نزال نشعر بقهر الإنجليز فى مقتل ود حبوبة ..

فلماذا هذه رجل وهذه "كراع"

كما قلت لك الإعتذار ليس من شخص الى شخص .. ولا ملة الى ملة .. بل (إشهار)
وسيزيل كل شيئ إذا إقترن بإرجاع الحقوق .. وليس بيان أجوف من بيانات الصادق المهدى ..

مودتى

imported_كيشو

24-04-2008, 06:24 AM

صباح الخير يا كيشو

دعنا نضع الأوراق على الطاولة مكشوفة بدون رتوش وموازنات لفظية.. الجنوبيين (أغلبهم) لا يحملون عنصرية نحو الشماليين .. إنهم يكرهونهم .. حتى وإن لم يظهرونه جهارأ .. ودائمآ تفاجأ به ..

إذا أردنا أن نجعلها خصلة فيهم .. أو تحويلها الى عنصرية مضادة فنكون كذابون .. قد يحس كثير من الشماليون الذين لم يشاركوا فى حرب الجنوب فعليآ أو حتى لم برو الجنوب بغرابة هذا الأمر .. لأنهم يرون الجنوبيين يعيشون بأمان فى الشمال ولا داعى لهذا الحقد.

ولكن هؤلاء آتون من جحيم حرب إبادة وخوف وإذلال من من العام 1955 حتى الآن .. مات الرجال أمام أطفالهم .. ومات الأطفال إن لم يكن فقط بالرصاص أيضآ بالمجاعات وإفترستهم الضوارى فى الغابات ..

ومن لم يحضر هذه المعمة وردته الأخبار كيف أبيد أهله من حسن بشير الى البشير .. هذا غير العبودية .. التى هى إذلال للبشرية أكثر من الموت ..

فكيف تريد بلفظة سريعة تريد إالحاق عنصرية برجل مقهور .. العنصرية يمارسها القادر على المستضعف .. ولا نزال نشعر بقهر الإنجليز فى مقتل ود حبوبة ..

فلماذا هذه رجل وهذه "كراع"

كما قلت لك الإعتذار ليس من شخص الى شخص .. ولا ملة الى ملة .. بل (إشهار)
وسيزيل كل شيئ إذا إقترن بإرجاع الحقوق .. وليس بيان أجوف من بيانات الصادق المهدى ..

مودتى

أستاذنا رأفت
كلامك مفيد، وقد أضاف لي حقاً، فلك الشكر
أنا لم أشارك في حرب الجنوب
ولا أحس تجاه الجنوبيين إحساساً سلبياً
وقد حدثت لي مناسبات أعتبرها إيجابية، فقد كان يلعب معي في فريق واحد زميل جنوبي، وفي السنة التي جلسنا فيها لامتحان الشهادة طلب منه والدي الانتقال للسكن معنا بالبيت، وقد ترافقنا في تلك السنة، ولم نكن نصطدم إلا في الملعب، فقد كنت مدافعاً وكان مهاجماً
واجتماعياً كان لي عدد من الأصدقاء من أبناء الجنوب
تجربتي الخاصة هي تجربة قد تكون موجودة وبظروف أفضل وعلى نطاق واسع
المشكلة هي في النظرة العامة للموضوع من الجنوبيين، وكيف تنتهي
أنا مصر بأن السياسة أضرت كثيراً بهذه القضية

imported_رأفت ميلاد

24-04-2008, 11:03 AM

:Dكدى يا خواجه خلى السلبطة :p:p لمن عمو رافت يجى يورينا الحلب و الاقباط و يفض الاشتباك :D:D:D بعدين نخلى ناس القرير و الطمبارة و خلود يقولو حاجة فى الغنا السمح ده :p:p
بعدين يا الجيلى الحقنى .....و افزعنى.... و انجدنى بالسودان الوطن و الهوية ....هسه عمو معتصم فى دقنسو شايل كلامو و جاييك..... و نخلى عمو بابكر لظروفو للرد .... و يا فيصل جهزت الاغنية اللات العرضة حقت الجعليين ....شبارقة اعرض و هز عصاتك و انا بنكع اديك الشبال ...عمو عكود جهز الفصيدة الكاربة ديك ....خلى الحلب يورنا الانتماء دى كيفين :confused::confused::confused:
يا منال الحلب ناس فتحى ديل أولاد عمومتنا .. فرقنا منهم عبدالله بن السرح سااااكت .. أها كل واحد شاف معايشو .. نحن ركزنا على الفراد وهم بقوا فى الكوانين :D هسة شوفى الأسامى دى :

وعشان ما تتلخبطي حأبدأ أنا أهلي أنا في شندي آل شفيق ومحمد همام...وعمي عباس حنفي صاحب اللكوندا الورا لوكاندة المحطة ونسايبنا كتار ...هاشم عباس صبحي وميرغني محمد مصطفي والمرحوم مصطفي محمد مصطفي وأخوهم الكبير حسن وديل بقولوا ليهم أولاد العميد وفي غيرهم كتير..
شايفة الأسامى المحشورة دى .. جابوها من وييييين ؟ وضح يا خواجة :D

بعدين يا منال كان فيها شبال حرم بدوبى أخير من عكود .. وقبال وجع الضهر كنت بعرض أخير من شبارقة .. :D

عقدة اللون الأبيض يا منال دخلت مع الإستعمار التركى والإنجيزى .. والحلب هم الغجر .. وكان جنس مهمش فى السودان .. وطبعآ بمزاجم .. لا أحد يستطيع أن يفهم دواخلهم لإنفصالهم البيئى داخل المجتمع .. ولهم قوانينهم وعلاقتهم الخاصة .. علاقتهم بالمجتمع الخارجى فقط للمنفعة .. وكانوا يمتهنون وظائف هامشية جدآ ولكنهم يتفردون بها ويتقنونها ولم ينافسهم فيها أحد .. كانوا مستحقرون على أنهم يعيشون خارج تقدم الحضارة .. فأصبح لقبهم (حلب) إستحقار وهكذا عم المستعمر ثم كل البيض .. أهلنا الأقباط والمصريين كانوا مقربين من الإنجليز فى توزيع الوظائف .. لذا كانوا غير محبوبين .. ولكن بدأ الإنصهار بعد زوال الإستعمار .. وأصبحت حلبى لا تتعدى المداعبة .. نكون نحن حلب معفنين ولما تبقى فى بناتنا يبقن حلا وحمار

والدى رحمه الله كان أخضر اللون .. كان فى بعثة المساحة فى منطقة والدى حلفا .. كان ضمن المجموعة (حلبى) من أهل فتحى .. وكان "يشاغل" الحلفاويات عند النهر .. إشتكن لرجالهن .. جاء الرجال بعكاكيزهم لمعسكر المساحين وهم يعلمون بينهم قبطى .. نادوا أن يخرج لهم القبطى إبن الكلب ليأدبوه .. خرح والدى وكان سريغ الغضب .. فقالوا له ما تزعل يا أستاذ نحن دايرين فقط القبطى .. قال ليهم أنا القبطى .. قالوا ليه تف من خشمك يا شيخ :D

imported_منال

24-04-2008, 11:22 AM

:D

بعدين يا منال كان فيها شبال حرم بدوبى أخير من عكود .. وقبال وجع الضهر كنت بعرض أخير من شبارقة .. :D

دا الكلام يا عمنا ...اهو كلنا عند الفرح و اللعب سودانيين اهل بهجة و عرضة لا قبيلة و لا جنس ما بعرفو الربة و الهجيج :p:p
عقدة اللون الأبيض يا منال دخلت مع الإستعمار التركى والإنجيزى .. والحلب هم الغجر .. وكان جنس مهمش فى السودان .. وطبعآ بمزاجم .. لا أحد يستطيع أن يفهم دواخلهم لإنفصالهم البيئى داخل المجتمع .. ولهم قوانينهم وعلاقتهم الخاصة .. علاقتهم بالمجتمع الخارجى فقط للمنفعة .. وكانوا يمتهنون وظائف هامشية جدآ ولكنهم يتفردون بها ويتقنونها ولم ينافسهم فيها أحد .. كانوا مستحقرون على أنهم يعيشون خارج تقدم الحضارة .. فأصبح لقبهم (حلب) إستحقار وهكذا عم المستعمر ثم كل البيض .. أهلنا الأقباط والمصريين كانوا مقربين من الإنجليز فى توزيع الوظائف .. لذا كانوا غير محبوبين .. ولكن بدأ الإنصهار بعد زوال الإستعمار .. وأصبحت حلبى لا تتعدى المداعبة .. نكون نحن حلب معفنين ولما تبقى فى بناتنا يبقن حلا وحمار
اوفيت و اوجزت و ما قصرت و صحى بدأ الانصهار تعبير جميل يا شيخنا.....
والدى رحمه الله كان أخضر اللون .. كان فى بعثة المساحة فى منطقة والدى حلفا .. كان ضمن المجموعة (حلبى) من أهل فتحى .. وكان "يشاغل" الحلفاويات عند النهر .. إشتكن لرجالهن .. جاء الرجال بعكاكيزهم لمعسكر المساحين وهم يعلمون بينهم قبطى .. نادوا أن يخرج لهم القبطى إبن الكلب ليأدبوه .. خرح والدى وكان سريغ الغضب .. فقالوا له ما تزعل يا أستاذ نحن دايرين فقط القبطى .. قال ليهم أنا القبطى .. قالوا ليه تف من خشمك يا شيخ :D

ابوك اسدر ليها عامل كل بيوت الفقرا بيوتى .... كل القبائل و الاجناس و السحنات كمان اللتنا السمحة دى بنعتز بيها بالحيل ياعمنا و هى ادتنا التنوع و التمازج العجيب ده شوف انت لون بشرتك بنى و ابوك اخضر زى وصف الشايقية ديلاك .... و الحلبى الله يدى العافية عشان اتلفهم علينا باللون السمح ده :D:D

كمان يا عمنا ورينا العلاقة بين الشايقية و الشلك غير انهم الاثنين طوال فى القامة و الشين الى تجمعهم دى جابتها الظروف ما اظن....

imported_فتحي مسعد حنفي

24-04-2008, 12:30 PM

ابوك اسدر ليها عامل كل بيوت الفقرا بيوتى .... كل القبائل و الاجناس و السحنات كمان اللتنا السمحة دى بنعتز بيها بالحيل ياعمنا و هى ادتنا التنوع و التمازج العجيب ده شوف انت لون بشرتك بنى و ابوك اخضر زى وصف الشايقية ديلاك .... و الحلبى الله يدى العافية عشان اتلفهم علينا باللون السمح ده :D:D

كمان يا عمنا ورينا العلاقة بين الشايقية و الشلك غير انهم الاثنين طوال فى القامة و الشين الى تجمعهم دى جابتها الظروف ما اظن....

يامنال كيفنك:)عمك رأفت دا شغال بي طريقة أنا وأخوي الكاشف وما تعرفي هو مداخلتو للشرح وللا للدفاع عن الحلب واقحام بعض البيض في زمرة الحلب أصحاب الاسم. الاسمهم الحقيقي نور أو غجر وليس كل طويل شعر مسبسبهو فتاة:D أما اذا جينا ليهو هو ذاتو أي رأفت فدا يا بتي عبد حلب زي عبيد الشايقية وديل مجموعة ما شوية منهم فريد طوبيا وناس فاخوري وفايز فارس ومجموعة كبيرة من نادي الكاثوليك زي أندريا واستامبولية وفورساتتي وديل خواجات اتزوجو جنوبيات ما عدا اندريا وماريا فورساتتي فديل أمهم اثيوبية وبيسموهم هناك الحنفص وهم بالمناسبة من أجمل النساء في العالم ولهم في كل سنة مهرجان يقام في أريتريا يأتيه الحنفص من كل أرجاء العالم تجدي فيه جمال خرافي مش فرفور (تلقي هسع عمك رأفت بيفكر يحضر المهرجان الجاي):D
أما أنا ورأفت فكلانا ننحدر من نفس المنشأ وان كنا من مكانين بعيدين عن بعضهما مثل الشمال والجنوب فهو صعيدي من قبلي وأنا اسكندراني من بحري والاتنين من أصول مصرية زي ما السودان فيهو الغالبية مخلوطة بمن هم من اصول عربية فلا نجد في السودان أعراق لم تختلط الا في مناطق النوبيين من محس وكنوز وشلالية ولو انو الشلالية في الأصل مصريين لأن الشلال تعتبر جزء من أسوان...
انتو مالكم دايرين تدخلونا في كلام يجيب لينا الهوا :confused:ما نخللي الناس في حالهم ونحن في حالنا حلب ولا انشالله فلاتة وبمناسبة الفلاتة شوفوا احنا نظرتنا ليهم كيف وهم في الحقيقة من أكبر القبائل الأفريقية المنتشرة في كل أفريقيا ويسمون الفولاتا..وقد عرفت هذه الحقيقة في احدي سفرياتي الأفريقية وكنت في داكار عاصمة السنغال وكنت في ضيافة شخص سنغالي من أصل فولاتي شرح لي الكثير عن هذه القبيلة الضخمة وانتشارها في أفريقيا حتي أصبح لها فروع في معظم أرجاء القارة الأفريقية ....
أما الأسامي يا عمو رأفت فهي أكيد بتكشف أصول الناس فبالطبع اسم ميلاد وجرجس وبطرس ودرياس وشنودة وممكن اكتب ليك اسامي لامن تتعب من القراية:Dديل أكيد لازم يكونوا أقباط ونجي بقي للمهم نجي لي ناس حسن وحسين وعلي وعثمان وعمر وغيرهم من الأسماء العربية..هنا الخلط العربي واضح وكلهم لامن تهبشهم بيطلع ليك روحو شريفي وجدو من الصحابة دا لو ما طلع من آل البيت..
أنا هنا عايز أقول أب سنينة ما يضحك علي أب سنتين والسودان شعب انصهرت في تركيبتو عدة أعراق حتي صار هناك عرق سوداني بغض النظر عن اللون أو اللهجة والما عاجبو يشوف ليهو جرين كارت في امريكا ويخللي لينا لحمة الراس العاجبانا دي :)

imported_منال

24-04-2008, 12:44 PM

يامنال كيفنك:)عمك رأفت دا شغال بي طريقة أنا وأخوي الكاشف وما تعرفي هو مداخلتو للشرح وللا للدفاع عن الحلب واقحام بعض البيض في زمرة الحلب أصحاب الاسم. الاسمهم الحقيقي نور أو غجر وليس كل طويل شعر مسبسبه فتاة:D والسودان شعب انصهرت في تركيبتو عدة أعراق حتي صار هناك عرق سوداني بغض النظر عن اللون أو اللهجة والما عاجبو يشوف ليهو جرين كارت في امريكا ويخللي لينا لحمة الراس العاجبانا دي :)

عمنا الخواجه والله انت العسل ذااااااااااااااااااتو ... عمى رافت بشرح لتواصل الاجيال :p:p:p ادنا المفيد عن الاقباط و الحلب و ده المهم و كان لازم يهبشك ريدة ساكت :D:D و الكلام الليك بتاع الانصهار صاح لمن غلط جاب لينا خلطة زينة (لحم راس) و عاجبنا اللون البنى و كمان فى مقولة بتقول الانصهار ده ادى السودانيين الذكاء و التميز و تلقاهم كلهم بعدلو الميل و يخضو السيل .....و الجرين كارت خليناهو لاهلو

imported_رأفت ميلاد

24-04-2008, 03:36 PM

أستاذنا رأفت
أنا مصر بأن السياسة أضرت كثيراً بهذه القضية
بلا نقاش و لا مغالطة .. الساسة إستفادوا من زرع الخلافات .. وأيضآ تحكمهم المناطق الإنتخابية للإنحياز .. وليس إنحياز بالوطن .. وها هو أمامك حزب الأمة لا يستطيع سحب تورطه فى فتن كردفان ولا إدانة الجنجويد ..أما الطغمة الحاكمة مستمتعة بالفتة فى البلاد من أقصاها الى أقصاها بما يطول من عمرها فى البقاء .. وعلى إستعداد لتقسيم السودان الى أجزاء حتى لو بقيت لهم رقعة الخرطوم ..

عن قصة صديقك ذكرتنى قصة أخرى ليست مطابقة .. عندما كنت طالب فى المرحلة الوسطى فى مدرسة المدينة عرب .. أتوا لنا بطفل جنوبى إسمه جون .. كنت أسبقه بسنتين دراسيتين .. كان يبدوا من أسرة ميسورة فى الجنوب ذبحت فى حادث مؤلم .. كان متوحش كلفرخ الأسد ويشعر بيننا فى قلب الجزيرة كأنه محاط بوحوش مفترسة .. أوكلوا لى رعايته وأخبروه بأنى مسيحى مثله .. لم أكن فى وقتها بالحكمة الكافية فى عمرى ولكنى قبلت التوكيل كواجب مدرسى .. أصبح ملازم لى ألبى طلباته ويأكل معى (نظام الأكل فى الداخلية كل نفرين فى صحن) .. أمن لى كثيرآ وأصبح يتابعنى كظلى .. أجده أمام فصلى .. عندما أصحو أجده واقفآ منتظرآ .. ولكنه لم يأمن أصدقائى .. والأطفال كانوا لا يقدرون الموقف .. كأطفال .. فكانوا يضايقونه فيتنمر ويهتاج ..
صورته لا تفارقى عندما إفترقنا للمدرسة الثانوية وهو جزين بدون إبداء ذلك .. لا أعرف عنه خبر بعد ذلك .. هذا ما قصدته بالترسبات التى تبقى فى الدواخل ..
مودتى

imported_كيشو

24-04-2008, 04:46 PM

بلا نقاش و لا مغالطة .. الساسة إستفادوا من زرع الخلافات .. وأيضآ تحكمهم المناطق الإنتخابية للإنحياز .. وليس إنحياز بالوطن .. وها هو أمامك حزب الأمة لا يستطيع سحب تورطه فى فتن كردفان ولا إدانة الجنجويد ..أما الطغمة الحاكمة مستمتعة بالفتة فى البلاد من أقصاها الى أقصاها بما يطول من عمرها فى البقاء .. وعلى إستعداد لتقسيم السودان الى أجزاء حتى لو بقيت لهم رقعة الخرطوم ..

عن قصة صديقك ذكرتنى قصة أخرى ليست مطابقة .. عندما كنت طالب فى المرحلة الوسطى فى مدرسة المدينة عرب .. أتوا لنا بطفل جنوبى إسمه جون .. كنت أسبقه بسنتين دراسيتين .. كان يبدوا من أسرة ميسورة فى الجنوب ذبحت فى حادث مؤلم .. كان متوحش كلفرخ الأسد ويشعر بيننا فى قلب الجزيرة كأنه محاط بوحوش مفترسة .. أوكلوا لى رعايته وأخبروه بأنى مسيحى مثله .. لم أكن فى وقتها بالحكمة الكافية فى عمرى ولكنى قبلت التوكيل كواجب مدرسى .. أصبح ملازم لى ألبى طلباته ويأكل معى (نظام الأكل فى الداخلية كل نفرين فى صحن) .. أمن لى كثيرآ وأصبح يتابعنى كظلى .. أجده أمام فصلى .. عندما أصحو أجده واقفآ منتظرآ .. ولكنه لم يأمن أصدقائى .. والأطفال كانوا لا يقدرون الموقف .. كأطفال .. فكانوا يضايقونه فيتنمر ويهتاج ..
صورته لا تفارقى عندما إفترقنا للمدرسة الثانوية وهو جزين بدون إبداء ذلك .. لا أعرف عنه خبر بعد ذلك .. هذا ما قصدته بالترسبات التى تبقى فى الدواخل ..
مودتى

بمناسبة المدينة عرب، أنا نسيبي كان محاسب موطنه آخر صرفيته، عمل بالمدينة عرب، ولكنه بدأ حياته في الجنوب وكذلك حياته العملية، وهو يتقن بعض لعات الجنوب وكذلك نسيبتي وأهلها، كانت ملكال بلدهم، هم شايقية الجنوب ثم الكوة
من الجنوبيين الذين كانت لنا معهم صلات قوية احد زملاء الوالد، يتحث العربية بطلاقة، ويوم زيارته لبيتنا يكون يوم الصخب والونسة في شتى الاتجاهات، ما في كراهية ولا عنصرية
أما الساسة السودانيون فهم شغالين رزق اليوم باليوم، وما عندهم موقف سياسي بعيد المدى، أما التضحية فهذه تقع مثل الفاس في الرأس وبعدين يجوا الناس يقولوا والله فلان ضحى عشان المبدأ (طبعاً هناك استثناءات معروفة ومتفق عليها)
نسايم ست البوست دا يبدو إنو حقها راح :)

imported_Hassan Farah

26-04-2008, 04:15 PM

imported_فتحي مسعد حنفي

26-04-2008, 06:22 PM

ونسايبنا كتار ...هاشم عباس صبحي
الليييلة يا فتحى مسعد حنفى--انا نسابتك ديل اولاد عباس صبحى ما عندى معاهم تأر--- حدث هذا فى الخمسينات فى بورتسودان الثانوية--كانا اثنان-- واحد دفعتنا طويل وادنينو كبار-والتان استاذ تاريخ دأيما خاتى ايدو فوق حنكو--وذات مسإ شبت شكلة بينى وبين اب ودنين كبار فى الداخلية--واخد علقة مظبوطة-- ولسؤ حظى يجى اخوهو الاستاذ مارا على الداخلية-- اصلو كان نبطشى ليلتها-- استدعانا الاثنين الى المكتب واول ما وقفت امامه انتباه نزل على بالبسطونة حتى سال الدم من مرفقى واخذت اى المستشفى--الله يجازيه لا زالت الاثار عل -مرفقى-----

ما قلت ليك انت راجل عجوز يا حسن:p أب أضنين دا هاشم وهو زوج بنت أختي بت عمتي بنظام السودان والكبير دا البروفسير الراحل حسن عباس صبحي وانت بالمناسبة عندك حظ وقعت مع زول عمرو ما شاكل لكن لسانو طويل ساكت وهو معلم في المعاش هسع ولسة عايش في شندي وذريتو معظمهم خلصوا الجامعة ..
أما علقتك دي فياخوي بصراحة ريحتني عشان انت زول بتاع شبك وحاسدني علي الخواجيات الرضو يتزوجوني ياحاسد:D:D
وتارك ما عندي وكان داير تاخدو أمشي شندي وقول لي أي زول داير بيت هاشم صبحي بيوصلوك ليهو طوالي;)

imported_Hassan Farah

27-04-2008, 08:10 AM

imported_فتحي مسعد حنفي

27-04-2008, 11:08 AM

يا فتحى انا هاشم ما عندى معاه تار اصلو اخد حقو فى وقتها--بالله سلم عليه--- والمرحوم الله يغفر له--لكن انت شمتان فى شنو-- اكان للخواجيات - عندنا منهم فرد واحدة-- 45 سنة مع بعض فى السرإ والضرإ--توجت باربعة من الحفيدات والاحفاد وعين الحسود فيها عود--نحن مش زى البعض-- ينطط زى العبلاج----

أها أنا كدا فهمت الحكاية.. أتاريها ضربت فيك وتر حساس;)لا قادر تسكت لا قادر تتكلم يالمفتوح:D
45 سنة في السراء والضراء ولا قاصد في السر بكسر السين:D وبعدين ياخ بالعكس أنا كدا حسيت انو في حاجة بتربطنا ..أنا اتورطت وهربت وانت لسة مورط بس العملية بقت تو ليت للهروب ولا مفر غير التمنيات الطيبة ليك مع خواجيتك ألله يصبرها.
بعدين كدي نعمل عملية حسابية بسيطة :-- 45 سنة زواج من خواجية معناه بالميت كان عمرك 23 سنة يعني 68 سنة هسع;)كدا الحكاية وضحت وأتاريني أنا من البداية بقول الراجل دا بيخرف مالو وأهو خرفك طلع مبرر:p ألله يديك العافية وطولة العمر:D:D

imported_Hassan Farah

27-04-2008, 11:34 AM

imported_فتحي مسعد حنفي

27-04-2008, 11:46 AM

يا فتحى سعد يرحم الوالدين--- الحكاية حساب ولا كواشة--- كدى ارجع لبوست ك عن احمد سليمان-- سنة63 كنت فى جامعة موسكو فى كورس اللغة وعمري 20 سنة---الحمدلله انا فى65 الان والمدام من داك الزمن اتعرفت عليها وتزوجنا عام1965 وبنتى الكبيرة دكتورة ليلى من مواليد 66 وسلوى ولدت فى75 وعندنا حاجات عسل --ارسل عنوانك على الخاص ابعت لك الصور-- يمكن يحصل النسب-- حلب وراضين بيكم----

كدا ياخوي احما دفعة واحدة لأني سنة 63 دخلت الجامعة وكدا انت دفعة الشفيع السيد وطه سيد أحمد طه والمرحوم د0عصمت اسحاق ومرسال العب الكان في لينن جراد علي ما أظن:)
مافي داعي للخاص وعنواني البريدي: [email protected] or: [email protected]
العنوان بالدرب: 38 شارع عبدالله أبو السعود00000مصر الجديدة 00القاهرة.
موبايل: 20122422959+
أها كدا ما ظنيتني قصرت بس المهم ما فينا قتلة من المافيا الروسية لزوم التصفية:D:D:D

بالمناسبة بت خالي خيرية عبد المنعم كانت فترة في روسيا مع زوجها جعفر التركي وأفتكر كانوا في كييف.

imported_عادل عسوم

28-04-2008, 07:54 PM

صباح الخير يا كيشو

دعنا نضع الأوراق على الطاولة مكشوفة بدون رتوش وموازنات لفظية.. الجنوبيين (أغلبهم) لا يحملون عنصرية نحو الشماليين .. إنهم يكرهونهم .. حتى وإن لم يظهرونه جهارأ .. ودائمآ تفاجأ به ..

إذا أردنا أن نجعلها خصلة فيهم .. أو تحويلها الى عنصرية مضادة فنكون كذابون .. قد يحس كثير من الشماليين الذين لم يشاركو فى حرب الجنوب فعليآ أو حتى لم يرو الجنوب بغرابة هذا الأمر .. لأنهم يرون الجنوبيين يعيشون بأمان فى الشمال ولا داعى لهذا الحقد.

ولكن هؤلاء آتون من جحيم حرب إبادة وخوف وإذلال من من العام 1955 حتى الآن .. مات الرجال أمام أطفالهم .. ومات الأطفال إن لم يكن فقط بالرصاص أيضآ بالمجاعات وإفترستهم الضوارى فى الغابات ..

ومن لم يحضر هذه المعمعة وردته الأخبار كيف أبيد أهله من حسن بشير الى البشير .. هذا غير العبودية .. التى هى إذلال للبشرية أكثر من الموت ..

فكيف تريد بلفظة سريعة إلحاق عنصرية برجل مقهور .. العنصرية يمارسها القادر على المستضعف .. ولا نزال نشعر بقهر الإنجليز فى مقتل ود حبوبة ..

فلماذا هذه رجل وهذه "كراع"

كما قلت لك الإعتذار ليس من شخص الى شخص .. ولا ملة الى ملة .. بل (إشهار)
وسيزيل كل شيئ إذا إقترن بإرجاع الحقوق .. وليس بيان أجوف من بيانات الصادق المهدى ..

مودتى
أستاذنا رأفت
هذا الذي يجب أن يقال!
صدقوني كثيرا ماأجد العذر لأهلنا في الجنوب أو في الغرب وأيضا في الشرق (نوعا ما) عندما يبدي بعضهم الكره تجاه البقية الباقية في سوداننا هذا...فلو تركنا أمر حمل السلاح جانبا فهم معذورون بحق في ما تراكم في نفوسهم من أحن وموجدة!...
الأحساس بالغبن والظلم والدونية في غير أرضك يؤلم أيما أيلام ياأخت نسايم ...فما بالك بذات الأحساس وهو يراودك وأنت على أرضك وبين أهلك؟!!!...
أضم صوتي ألى صوت أخي رأفت وأقول مايقول...
مودتي

imported_نسايم

07-05-2008, 08:54 PM

العبودية كانت موجودة لعهد قريب .. وتسببت فى آلام فى هذا الوطن.. والشمال مسئول عنها كاملآ .. وهؤلاء أصحاب الذقون فتحوا الجراحات ونخروا القبلية من أجل تفرق الصفوف ويطيب لهم المقام ..
استاذ رافت مساااك فل
عاوزة اسالك هل شمال السودان هو البستعبد
هل نحن من اوجدنا العبودية
هل نحن من اوجدنا تجارة الرقيق الابيض
وعن اصحاب الذقووون
لي عودة لانهم صارو شماعة يعلقو عليها
كل سقط

imported_نسايم

08-05-2008, 12:01 PM

وبعد لأي فسر الماء بالماء وجيتك يا عبد الموجود تعين لقيتك تتعان..
يعني أنا أسألك سؤال تقومي تردي علي بنفس السؤال وهو أنا كان عارف الاجابة كان سألت من أصلو؟
دي نفوتها بس تقولي لي انت بت منو في شندي عشان اعرف اللسان الطويل دا جا من وين:D:D وعشان ما تتلخبطي حأبدأ أنا أهلي أنا في شندي آل شفيق ومحمد همام...وعمي عباس حنفي صاحب اللكوندا الورا لوكاندة المحطة ونسايبنا كتار ...هاشم عباس صبحي وميرغني محمد مصطفي والمرحوم مصطفي محمد مصطفي وأخوهم الكبير حسن وديل بقولوا ليهم أولاد العميد وفي غيرهم كتير..وبالمناسبة أنا من مداخلاتك دايما بكون عندي احساس انك بتعرفيني شخصيا..وللا انا غلطان:confused::confused:
بالمناسبة أنا من خلال غربتي اكتشفت ان الحلب وبالذات أقباط السودان هم أكثر الناس انتماءا للسودان ودا كلام قالوا ليك عمك رأفت;)وأظنك انتي ذاتك حلبية زينا..
لو ما عرفت انت ياعمو فتحي البيعرف منو...
انا ما حلبية ياعمو
انا شااايقيية وجعلية
جدي باسبااار العونى جد العونية
لكن مربية عندكم وبس كااان جنى حلب
يمكن عقدة لوووون وكدا

imported_نسايم

08-05-2008, 12:12 PM

أستاذنا رأفت
هذا الذي يجب أن يقال!
صدقوني كثيرا ماأجد العذر لأهلنا في الجنوب أو في الغرب وأيضا في الشرق (نوعا ما) عندما يبدي بعضهم الكره تجاه البقية الباقية في سوداننا هذا...فلو تركنا أمر حمل السلاح جانبا فهم معذورون بحق في ما تراكم في نفوسهم من أحن وموجدة!...
الأحساس بالغبن والظلم والدونية في غير أرضك يؤلم أيما أيلام ياأخت نسايم ...فما بالك بذات الأحساس وهو يراودك وأنت على أرضك وبين أهلك؟!!!...
أضم صوتي ألى صوت أخي رأفت وأقول مايقول...
مودتي
اول حاجة انا ماضد انو هم اتظلمو
زي ماكتير اتظلمو في جوانب مختلفة
لكن هل الظلم يبرر سلوك درب الغضب والحقد علي كل شمالي
وفي فرق لما افخر بي تراثي وموروثي
وبين اكون عنصري
وسلخ الجلد ونكرااان الشمال ما بيشيل الغضب من القلوووب ولا بيقرب
الواجب انو اهل الغرب ينسو الماااضي بما فيه او ان يتسامحو
لانو ما احنا الظلمنا
ولا بنقدر ننسي تراثنا ولا ننسي الشمال
ولا حا ابطل اذكر انى شايقية
او جعليه
مش بي دافع العنصرية
لكن دا لانى شمالية