مشاهدة النسخة كاملة : كرت كرتونة حكومة سودانيات الوطنية
imported_منال
14-05-2008, 06:33 AM
الحبيبة نعمات نستاذنك لفتح بوست الحكومة و ننسحب تكتيكيا بهدف الحكومة الديمقراطية و نسبة لتسمية اسمك بمتمرد وارهابى كبير (نحن فى الخرطوم بتجيب لينا الهوا) ...اعزائنا الاعضاء طبعا سهرنا طول الليل فى الفيديو كونفرنس و بعد مدولات و جر الحنك السنين وفك الكود توصلنا من انه لابد ان نتدخل تدخل ثورى سوفت من غير انقلاب و لا ثورات دموية و مقلبنا الترابى القال ( ح يقلب الموازين السياسية) سبقنا و غيرنا خارطة السودان كلو ...اها اليلقى ليهو بلد اسمو السودان يقلبو او يشقلبو ...انتهينا من تجهيز ميثاق الحكومة و الدستور وتوابعه من موجهات عمل و خطط خمسية و عشريه بنقيف هنا عشان اطفالنا الجاين يعملو خطتهم براهم ما بناخذ زمنا و زمن غيرنا وكمان تفاكرنا و تباحثنا الى ان توصلنا الى التسمية المناسبة للوطن فاخترنا جمهورية السودان الديمقراطية الشعبية من قولة تيت ...عشان ما نجادل و نتاخر كتير و نكون ارضينا كل الفرقاء بتاعين الكلام البكاى عن الديمقراطية ...والشعبية دى لمناصرتنا للريف السودانى و كل ما هو شعبى وهذا من الثوابت التى لا خلاف عليها و كمان مشينا على صقر الجديان داك قولنا نطيرو عشان ساجورنا ينفك مع جناحتو اختارنا شمس نصت نهار الحارقة جوفنا دى عشان تكون شعار(بفهم انو كل الانقلابات بتاعتنا واضحة زى الشمس و بالنهار كمان) و بصراحة كان خلافنا بس على اشعة الشمس دى تكون ذهبية ام حمراء ما توصلنا لشى قولنا لود ابوعاقلة ظبط الشعار فى الفرن بمزاااااج كلنا متفقين على الفكرة ياخى!!! و ما عندنا مارشات و لا اغانى او اناشيد مع الاحتفاظ بالارث من الاغانى الثورية و الجهادية اختارنا كلمات الشاعر امل دنقل (لا تحلمو بعالم سعيد فخلف كل قيصر يموت يولد قيصر جديد و ح تغنيها عقد الجلاد ) تسمعوها معانا فى الاول كدا نهريكم بيها بعدين نشوف خيرها فى غيرها ...اها الدستور سمح بالحيل ما فيهو ثغرة يضمن الحقوق و المجانيات بتاعت اللستة الطويلة ديك و ما فيهو اى تفرقة من اى نوع و لا تاتيه اى شائبة بعد داك قلنا نفكر فى شكل السودان الكبير ده خرجنا بانه لابد من العودة الى نظام الحكم المحلى بتاع الخمسة اقاليم ديلاك و لابد ان نصطحب معنا الارث السياسى فهو من عبقرية هذا الشعب و بى كدا نكون انفكينا من 26 ولاية و قصرنا الظل الادارى و بضربة واحدة اتخلصنا من رهط الولاة و مساعدى الوالى و الحكومات الولائية و برلمانتها و كل مخصصاتها من قسمة الثروة و البترول مكسب كبير يا سودانيات و ملعون ابوك يا فدرالية او كونفدرالية و خلينا كمان decentralization تمشى شوية نجربها يعنى فى ظل هذا المنعطف الخطيرو الغريبة سريع جدا وافق المجتمعون على هذه الفكرة بالبركة و الحدود ترجع لما قبل الاستقلال ذاتو دى ما محل خلاف ...تجاوزناها اها جينا لتشكيل الحكومة الهدوء سيد الموقف لابد ان تفق على ثوابت اساسية نطت منال قالت الكلام ده اها دايرة شنو يا بت العم ..شوفو الجماعة القبلنا وصولنا نحن النساء الى حصة غير معتبرة و مختلفين عليها حتى فى القانون 25% مقاعد للنساء اها دى للبرلمان يا بت الشيخ ... ايوة عارفين نحنا ماعندنا برلمان قريب لكن من الاول كدة فى تشكيل حكومة سودانيات ادونا حصتنا و نحنا اكثرية معتبرة ليها وزنها اها ده الكلام ما بنفع معانا زول مورم جضمو كدا عرفتو طبعا.. و حاتكم ما اشتغلت بيهو نمسك يا اخونا من الاول قصة رئيس جمهورية السودان الديمقراطية تكون مرا ..افى عليك يا منولة عايزة تجيبى النسوان فى الرئاسة كمان نحن قاعدين وين ما فى البلد الطين دى عوجة كبيرة ..دقيقة بس ادونى فرصة قام واحد مبرم شنبو حرم و على الطلاق الرئاسة دى لا ...كونن معقولات و خلن جنكن ده و كرسى الرئاسة لراجل الرجالة تطير ...بس انا ح اطالب يكون فى رئيس تانى مش فى نائب تانى المجربة قبل ده.. شوفو البت دى بتقول شنو مالك بتحمر لى كدا بطالب بريس تانى للجمهورية (مبتكرة ابداع سودانيات) و ليس مساعد ريس عشان تبقى القسمة عادلة قاموا المجتمعين وافقو على مضض و اهو يضمنو النساء فى المرحلة دى و بعدين ممكن يقلبو إههههههههى ...لكن برضو تختو فى اعتباركم انو السسته ح تكون فى اى وزارة او اقاليم (بجى راجل و مرا) كدى اصبرى شوية يا منال خلينا نمرق من الرئاسة العملتيها دى لا... لا الثوابت ياها الثوابت القسمة ح تمشى على كل المؤسسات الرئاسية و الدستورية و الاقليمية و الشعبية اها النسوان ديل طمعن خلى بالك .. طبعا طناش شديد و الضغط متزايد قامو وافقو .. نبدأ طوالى فى تشكيل الحكومة واحدة تانية قالت ياجماعة الثوابت دى حقو نمشى فيها شوية و نضيف العمر الافتراضى للحكومة سنة واحدة ذات برنامج و خطط قومية استراتجية واضحة و عشان ما نتلغوث و نهبر الهبرة الجامدة و نبعد من الحرمنة و شغل السوق و بطانة السوء ...ايوة ارتسمت البسمة على الوجوه الجماعة لسه فى البر كمان بضيف حقو كل زول يقدم كشف حساب للجنة الحسبة و يورى فيهو عدد بيوته ان وجدت و رصيده فى البنك و عدد العربات .. يا بت عاد ده كلام تقولى رصيد و بيوت شنو نحن ناس قريعتى راحت ..لا يا جماعة دى حكومة اختصرت الطريق و قالت انها ديمقراطية عشان بتكون فيها كل مقومات الحكم الراشد من نزاهة و محاسبية و شفافية الكل تحمس و قال موافقين باجماع مدهش ... وجيانا للعب الجد تشكيل الوزارت و تسمية الوزارات و مهامها و صلاحياته مع العلم كل المجموعة عمرها الافتراضى و التجريبى سنة واحدة لا غير (توقيع جميع المؤتمرين) تانى فى زول بى اشر عايز فرصة اها قام وقف وقال برشح السيد عصمت العالم للرئاسة الجمهورية التانى قال بثنى بقيت اتلفت لزول يقول الرئيس التانى مرت ثانيتن طوالى جريت المايك و قلت ارشح منال رئيس تانى بصوت مخنوق زول ثنى (هوى يا بنوت الكرسى ده شدة ولضدة بس ) و كدا ضمنت انى خشيت الحكومة رئيس حتة واحدة مع عصمت فن عديل كدا( اها الفى ايدو المايك ببقى رئيس) جيانا للاقاليم كل اقليم ليهو رئاسة منفصلة تدير شئون الحكم و كانو انفصلو براهم بكون ده خيارخم و كانو اتلمو مع الناس اكيد بتكون فى واحدة جاذبة وكدا (ألمنى حنانك) نبدا بالترشيح يا شباب زول اول برشح السيد شوقى بدر لرئاسة اقليم الجنوب موافقين طوالى ترشيح تانى السيد عكود للاقليم الشمالى ايوة تمام التمام السيد بابكر مخير رئيس للاقليم الاوسط اجماع كامل السيد حسن فرح وزير للاقليم دارفور و السيد الخواجة لرئاسة اقليم كردفان السيد الجيلى للاقليم الشرقى (الجيلى خلى البيات الشتوى و ابقى مارق على البحر الاحمر نلقاك ع الشاطى) نمشى على الوزارات السيد المهندس معتصم الطاهر و زير التنمية و العمران و السكان – السيد رافت ميلاد وزير الداخلية ( تنوع و تجانس لكن موقعك حساس ) السيد فيصل سعد وزير الدفاع و القائد العام للقوات المسلحة (انقلابى كبيراعملو حسابكم من الخرمجة) السيد خالد الحاج و زير الثقافة و الاعلام السيد محمد ابوعاقلة وزير التعليم العالى و البحث العلمى و الاتصالات الاستاذة نعمات حمود وزيرة التربية و التعليم الاستاذة لنا جعفر وزير العدل و النائب العام (دى جديدة اعملو حسابكم ) الاستاذة ام راشد وزيرة رئاسة الجمهورية والرعاية الاجتماعية الاستاذة سارة حمزة وزيرة الصحة الاستاذة الاستاذة الاء فتحى مسعد وزير الشباب و الرياضة السيد كيشو وزير الزراعة و الموارد الطبيعية السيد شبارقة وزير الحكم المحلى و التراث القومى (جديدة لنج ) و بقية الاعضاء وزراء فى وزارات اقليمية التسجيل بالداخلى لدى الامين العام لسودانيات .. جينا للمخصصات و الامتيازات يطلب من الرئاسة الصياغة و نرفع الاجتماع لفترة راحة و تبرع السيد فيصل سعد باحضار الفول المظبط من ودجبريل والبارد و السمسمية (اعمل حسابك صحن الفول قاد الى اثنين فارين عاين كويس الكلاب الضالة ما تشوفك) وبعد داك اتلمينا تانى فى الاجتماع المصور و تحاورنا بعدما ما شبعنا بالفول طوالى بدينا نقسم فى الكيكة اللت المخصصات و قدمت الرئاسة المقترح بان محدودية الوزارت للتجربة و على الوزير ان يختار مساعد واحد لتسهيل عملية الضبط و المراجعة وكانت المفاجاة بان كوتة البنزين لعربة واحدة فقط للوزير بالسواق و الماهية جنهين و توفير وجبة بوش عدس ويوم فول فطور فقط مع كباية واحدة عصير ليمون(شبارقة عندك الخاص حقك الفطور ام بقبق و الغداء ام رقيقة و العشاء فت فول) و الرجوع للمنزل فى تمام الثالثة بظ تتغدوا مع اولادكم تخلو الترطيب و الحوامة و شمارات الوزارت تنمو العصير الساعة خمسة مساء كل واحد يطلع كرسيهو قدام بابو عشان تناقشو مع الشعب و تتونسو تشوفو مشاكلو معياشة يعنى بعد صلاة المغرب تدخلو جوه البيت تكونو مع حكوماتكم البيتية تناقشهن بوعى فى مسائل الحكم و الادارة و تذاكرو مع الاولاد الساعة التاسعة تشوفو النوم طوالى كده بنضمن وزارات عاملة ناشطة و فاعلة عشان وزرائها عندهم برنامج محدد ينومو و يصحو بدرى عشان مصلحة البلاد و العباد مسئولية الله يقدركم عليه الغلبت سوار الدهب و سلفه العسكرى الطرطور... الاجازة جمعة بس (كمان اجاوة لكل الشعب اكتب قرار رقم واحد) ما عندنا حرس خاص عشان ما خايفين من زول و لاحظتو ما عندنا اى اجهزة متخصصة و لا جهاز امن و لا يحزنون و حتى جهاز لرعاية المراة و الطفل القصة ذاتها جندرة ديمقراطية ما فى داعى نفصل المراة و الطفل و تكون وزارات مهمشة و الامن ده من اختصاص الداخلية و الدفاع (شيلو شيلتكم فيها تسريح لمجندين عتاولة من ارث انظمة سابقة و مستندات و حصون يجب ان تندك مش ديمقراطية) بعدين لم نشرع كمجتمعين لترشيح وزارة للمالية و تحتها بنك السودان و لا وزارة للطاقة و البترول و تحتها الكهرباء و المعادن عشان هى وزارات ديكورية ساكت اللعبة تدار من اى قسم فى وزارة و بجرة قلم قررنا ان ننهى هذه الممالك العتيقة المحصنة و ان نقسم مهامها و اختصاصاتها على بقية الوزارت ذات الصلة و بى كده نكون ضمنا اولا الاستمرارية و عدم الشكل و الصراع حول السلطة و الثروة و بنعمل جادين و حادبين على المصلحة العليا للوطن و المواطن و ح يكون فى بنك واحد فقط تجارى بنعرف الداخل و الوارد و حركة السير للقروش المنهوبة انها تركة مثقلة لذا قطناها ناشف ما عايزين حاجة اسمها وزارة استثمار محلى او ولائى حرمنة تانى مافى و نقطع درب التسهيلات و الشيكات الطايرة .. اها يازول خلينا نقول راينا فى التشكيل .. اقيفو دقيقة اتذكرت المعارضة و الحكومة طبعا بما اننا الينا على انفسنا ان نمضى قدما فى المسار الديمقراطى الشائك لابد ان تكون هنالك احزاب معارضة وسوف يتربصون بنا و يرصدون كل شاردة و واردة و يحاسوبنا (و يتلتلونا و يطلعو عينا) كمان اها ده الخافينو أزول ما تخاف تب نجيهم هسه نطلب تشكيل حزب واحد للاصلاح الديمقراطى يجمع شتات كل الوان الطيف السودانى و ليس له مؤسسية جامدة (عشان ما يموتو يبقى هش) عليهم مراقبتنا واسداء النصح و المشورة و عدم التعرض لنا كحكومة .. كدى خلى البرا ده نحن فى الحكومة يازول اسكت هسه بنطلع قرار بتوقيفكم و عزلكم و نامر بحبسك(واحد مشاتر) سكتا اها... ياخونا ما تروووقو قلنا انها تجربة لمدة سنة بس و نجى نقييم المسار ... نحن فى المسار ده ذاتو تقصدو شنو يعنى رايح ليكم الدرب فى الموية طيب نقوم نطلب من خلود ان يجهز لنا خارطة طريق تفك الضيق لبرنامج عمل عام للحكومة الموقرة وكل وزير بوزارته يقدم برنامجو العملى والغذائى (مالجلب المؤنة له من الخارج بتبريد عالى الجودةلانها مكلفة جدا اب صلعة و نحن ناس شريفين ناكل الكسرة و نشرب الموية تقشف كامل لنهضة البلد) و تقدم فى الاجتماع القادم الاجتماع القادم بكرة الحاضر يكلم الغائب و النايم يصحى الجنبو اكان ذاتو ما نايم و ما عايزن ململة فى الكراسى الوثيرة دى نرفع الاجتماع يا فيصل ابقو ظراف لحظات و نواصل البرنامج
خارج النص
حلمنا و من حقنا ان نحلم جميعا شاركونا
imported_أشتر
14-05-2008, 08:40 AM
اعزائنا الاعضاء طبعا سهرنا طول الليل فى الفيديو كونفرنس و بعد مدولات و جر الحنك السنين وفك الكود توصلنا من انه لابد ان نتدخل تدخل ثورى سوفت من غير انقلاب و لا ثورات دموية
:D:D قبل ما أدخل جوه واتوه في الموضوع ...
تدخل ثوري سوفت (سوفت كير) ... من أجهزة السوفت وير ومن ثم !! تشهر مصانع الأسلحة إفلاسها (أحسن من افلاس البشر)
وتاني حاجة و كمان مشينا على صقر الجديان داك قولنا نطيرو عشان ساجورنا ينفك
خلي صقر الجديان يرك في أي حتة ... بس نغير المسمى بتاعو من صقر الجديان لى صقر الجدعان ... ويبقى لا فكو وطار ولا دقينا طار ...
imported_سارة
14-05-2008, 08:59 AM
تطلعونا من المولد بدون حمص
:mad::mad:
يافيها يا نفسيها
نعلن تمردنا الواضح على هذه الحكومة العميلة
وسنضرب بيد من حديد
صدر تحت توقيعى اليوم سارة
((رئيس حركة الجهل والملاوة ))
imported_أشتر
14-05-2008, 09:14 AM
تطلعونا من المولد بدون حمص
:mad::mad:
يافيها يا نفسيها
نعلن تمردنا الواضح على هذه الحكومة العميلة
وسنضرب بيد من حديد
صدر تحت توقيعى اليوم سارة
((رئيس حركة الجهل والملاوة ))
خلي الملاواه والمكاواه واديها صنة يا سارة ..
سارة الضّارة ...
خلاص بدينا !!!
imported_أشتر
14-05-2008, 09:16 AM
جمهورية السودان الديمقراطية الشعبية
اعتقد ناقصة كلمة !!! وتتم الناقصة
imported_فتحي مسعد حنفي
14-05-2008, 09:16 AM
يابت أكتبي وواصلي بالطريقة البتعجبك وفي المواضيع البتعجبك وفضفضي وطلعي كل الجواك وختيهو في السياسة علي الأقل نضمن اننا بعيدين عن الشظايا المتطايرة في الاجواء السايبرية....كلام شبارقة أخدي منو أولو وأرمي السطر الأخير أما ود أبو عاقلة فدا زول حاسد ساكت ما تشتغلي بيهو عشان عايز يجيب ليك احباط:Dوخلليك مع سارة ولو انها ممكن تتسبب ليك في مشاكل بي لسانها الطويل وعكاكيزها الدافناهم برة جنب الباب.... والكتبتيهو روعة ومنتهي الجمال شككني في انك دورتي مع عمو سمسمية:D:D:D
imported_كيشو
14-05-2008, 09:42 AM
تطلعونا من المولد بدون حمص
:mad::mad:
يافيها يا نفسيها
نعلن تمردنا الواضح على هذه الحكومة العميلة
وسنضرب بيد من حديد
صدر تحت توقيعى اليوم سارة
((رئيس حركة الجهل والملاوة ))
يا سارة
أديتي السودان كلو درس بليغ
المعارضة قبل قيام الحكومة
اسم حركتك مناسب لحركات قائمة حالياً، تبيعيه بي كم بعد أن طار منك بدل اللبس وأخوانو
imported_سارة
14-05-2008, 09:50 AM
خلي الملاواه والمكاواه واديها صنة يا سارة ..
سارة الضّارة ...
خلاص بدينا !!!
لن نرد على كلماتكم الا بالسلاح وسننقل معركتنا ة الى كل مكان تتواجدون فيه
لا دى مد ذراع بس ارجو الراجيكم:p
imported_سارة
14-05-2008, 09:52 AM
يابت أكتبي وواصلي بالطريقة البتعجبك وفي المواضيع البتعجبك وفضفضي وطلعي كل الجواك وختيهو في السياسة علي الأقل نضمن اننا بعيدين عن الشظايا المتطايرة في الاجواء السايبرية....كلام شبارقة أخدي منو أولو وأرمي السطر الأخير أما ود أبو عاقلة فدا زول حاسد ساكت ما تشتغلي بيهو عشان عايز يجيب ليك احباط:Dوخلليك مع سارة ولو انها ممكن تتسبب ليك في مشاكل بي لسانها الطويل وعكاكيزها الدافناهم برة جنب الباب.... والكتبتيهو روعة ومنتهي الجمال شككني في انك دورتي مع عمو سمسمية:D:D:D
سنتجاوز هذه المفردات
ونكتفى بقولنا ( هذا من أثر السمسمية )
أب احمد ياخ بعيدا عن معتركات السياسة مشتاقوووووون
imported_سارة
14-05-2008, 09:53 AM
يا سارة
أديتي السودان كلو درس بليغ
المعارضة قبل قيام الحكومة
اسم حركتك مناسب لحركات قائمة حالياً، تبيعيه بي كم بعد أن طار منك بدل اللبس وأخوانو
أنا بحب الناس البتفهمها وهى طايرة
نرجو مساعدتنا فى الحصول على كم بعد ليعطى الحركة رونقها
imported_عادل عسوم
14-05-2008, 10:21 AM
أنتي يامنال حكومتك دي مافيها وزارة ثروة حيوانية ؟:mad:
:D
imported_أشتر
14-05-2008, 10:30 AM
أنتي يامنال حكومتك دي مافيها وزارة ثروة حيوانية ؟:mad:
:D
:D:D:D:D:D:D
والله عندي رد واقف لي هنا لكن خايفين المعارضة تزعل:D:D
بابكر مخير
14-05-2008, 10:30 AM
السيد بابكر مخير رئيس للاقليم الاوسط
حسي يا منو
أمانة عليك وأمنتك ليا التكون في منال اليد وإن كان حلم، صعيب يتحقق
الإقليم الأوسط
مشروع الجزيرة والقطن بقى دقة قديمة
يعني مقري يكون في مدني؟؟ محل نادي إتحاد مدني وأهلي مدني وأنا هلالابي
ولا بعد ما ناس الموسيقي الفنانين العظيمين سابوها، أمشي أصن هناك
لا الحبيبة؟؟؟ نسيتي أنو المتعافي من ناس هناك، معقول يديني فرصة والله يسمع في زول برا العصبة بتاعت التماسيح ماش الأوسط إلا يجي يغزو الإقليم (ما هو صاحب تجربة في صد الغزوات على دار الإذاعة والكباري،،، أمدرمان ديك خليها ما رئيسو يوم "نشل جنازة البحر" قال: يشرفنا ما في واحدا بيناتنا في مجلس قيادة... من أمدرمان،،،، شفتي نسى ليك حنان فيصل أبوصالح)
منو العزيزة
كدي عليك الله شوفي إقليمين سمين وغني كدي فيهو بترول ولا دهب ولا يورنيم
بس عليك الله ما عايز فيهو جبهجية
imported_شبارقة
14-05-2008, 12:02 PM
:D:D:D:D:D:D
والله عندي رد واقف لي هنا لكن خايفين المعارضة تزعل:D:D
ردك ده خليك صاريهو في طرفك يا فردة ... والمعارضة ما محتاجة للمديدة البتحرق :D
imported_شبارقة
14-05-2008, 12:03 PM
كدي عليك الله شوفي إقليمين سمين وغني كدي فيهو بترول ولا دهب ولا يورنيم
الإقليم موجود ...لكن المي حامي ما لعب قعونج :D:D
imported_أشتر
14-05-2008, 12:22 PM
لن نرد على كلماتكم الا بالسلاح وسننقل معركتنا ة الى كل مكان تتواجدون فيه
يا ريت ...
الواحد زاتو بفتش على معارك سوفت( وير ما تكون):D
imported_عادل عسوم
14-05-2008, 12:22 PM
ردك ده خليك صاريهو في طرفك يا فردة ... والمعارضة ما محتاجة للمديدة البتحرق :D
مسك العصاية من النص مابينفع ياسيادة وزير الحكم المحلي و...شنو؟:eek: :mad::D
imported_أشتر
14-05-2008, 12:23 PM
الإقليم موجود ...لكن المي حامي ما لعب قعونج :D:D
المصطلحات أثرت فيك يا شبارقة ...
انتقل للموجة المتوسطة لو سمحت
imported_أشتر
14-05-2008, 12:24 PM
مسك العصاية من النص مابينفع ياسيادة وزير الحكم المحلي و...شنو؟:eek: :mad::D
خلاص ... اكتل ليو الدش في يدو !!!
imported_منال
14-05-2008, 12:24 PM
كدى ادوها صنة ايها الرفاق الما شيلن سلاح ده من المحظورات طبعا ... انت ما تفكرو شوية انو هى سنة واحدة تجربة بس و بعدين الوزارت دمجناها مع بعض و المعارضة التدور يا سارة ياختى ...لكن لازم نشكه سوسته بس كيتا لود ابوعاقلة النسوان قادمات بقوة من موقع سودانيات يحملن برامج و خطط متفق عليها
عم بابكر امسك قوى فى الاوسط ده ان عندى ليك مفاجاة لمن الناس تروق بجيك بالداخلى .. اها نمشى تانى لشفرة و الكود حول .....محمد خليك على الخط حول
imported_أشتر
14-05-2008, 12:28 PM
قولنا لود ابوعاقلة ظبط الشعار فى الفرن بمزاااااج كلنا متفقين على الفكرة ياخى!!!
لو على مزاجي ح تشتغلوعلى الأقل سنة كاملة بدون ورق مروس (وشعارات فضفاضة)
imported_أشتر
14-05-2008, 12:38 PM
كدى ادوها صنة ايها الرفاق الما شيلن سلاح ده من المحظورات طبعا ... انت ما تفكرو شوية انو هى سنة واحدة تجربة بس و بعدين الوزارت دمجناها مع بعض و المعرضة التدور يا سارة ياختى لكن لازم نشكه سوسته بس كيتا لود ابوعاقلة النسوان قادمات بقوة من موقع سودانيات يحملن برامج و خطط متفق عليها ... محمد خليك على الخط حول
خلي بالك من مصطلحاتك ... عاوزين نكون ديمقراطيين بقدر الامكان ...
غايتو لو علي نعمل حاجة نسميها المدينة السياسية وتحتوي على جناح واحد تحت مسمي قوى الشعب العاملة (مش العاملة نايمة) وقوات نظامية تحت مسمى وطني بدل جندي والرتب تبدأ من وطني حسن ثم وطني جيد ثم وطني جدن ثم وطني بامتياز ثم وطني فوق ما تتصور وهكذا دلاليك عشان ما نكون مربوطين بالوطن بوظيفة واسترزاق بس ...
imported_منال
14-05-2008, 12:44 PM
خلي بالك من مصطلحاتك ... عاوزين نكون ديمقراطيين بقدر الامكان ...
غايتو لو علي نعمل حاجة نسميها المدينة السياسية وتحتوي على جناح واحد تحت مسمي قوى الشعب العاملة (مش العاملة نايمة) وقوات نظامية تحت مسمى وطني بدل جندي والرتب تبدأ من وطني حسن ثم وطني جيد ثم وطني جدن ثم وطني بامتياز ثم وطني فوق ما تتصور وهكذا دلاليك عشان ما نكون مربوطين بالوطن بوظيفة واسترزاق بس ...
والله مشكلتى كبيرة مع المصطلحات بتجيب لى الهوا دائما لكن لى العذر رئيس وكدا :D:D و الجو عند مكهرب ما بفرز لسه حول
وقوات نظامية تحت مسمى وطني بدل جندي والرتب تبدأ من وطني حسن ثم وطني جيد ثم وطني جدن ثم وطني بامتياز ثم وطني فوق ما تتصور وهكذا دلاليك عشان ما نكون مربوطين بالوطن بوظيفة واسترزاق بس ...
لعناية وزير الدفاع و الداخلية حول
imported_فتحي مسعد حنفي
14-05-2008, 12:45 PM
خلي بالك من مصطلحاتك ... عاوزين نكون ديمقراطيين بقدر الامكان ...
غايتو لو علي نعمل حاجة نسميها المدينة السياسية وتحتوي على جناح واحد تحت مسمي قوى الشعب العاملة (مش العاملة نايمة) وقوات نظامية تحت مسمى وطني بدل جندي والرتب تبدأ من وطني حسن ثم وطني جيد ثم وطني جدن ثم وطني بامتياز ثم وطني فوق ما تتصور وهكذا دلاليك عشان ما نكون مربوطين بالوطن بوظيفة واسترزاق بس ...
دلاليك شنو يا فنان انت دورت سمسمية ولا شنو؟ذكرتني صول في الثانوي كان بتاع الكديت الانتو ما حضرتوهو...الراجل دا كان عندو جملة مشهورة .يكون بيتكلم معاك وفجأة يقول ليك من الآن فصايص ويقصد فصاعدا:D:D:D دي زي دواليك ودلاليك بتعتك دي:p
imported_منال
14-05-2008, 12:47 PM
لو على مزاجي ح تشتغلوعلى الأقل سنة كاملة بدون ورق مروس (وشعارات فضفاضة)
يا زول دى خرمجة عديل كدا نحنا بناسس لحكومة ديمقراطية بأسنانها مولدةشفت الناس نازلين مطر كيف كيف ما يكون عندنا ورق مروس و اختام و شعار رمز يعنى (الشعرات دى ما حقتنا يا جنى ) حول
imported_منال
14-05-2008, 12:50 PM
خلاص ... اكتل ليو الدش في يدو !!!
اضبط
اول محاولة ارهابية و تكتكية يا فردة الشغل الزى ده ما قلنا بالداخلى خلينا فى العلنى بالاساسيات حول
imported_أشتر
14-05-2008, 12:52 PM
دلاليك شنو يا فنان انت دورت سمسمية :p
مقصودة يا خواجة ... وكان على سمسميتي احسن تخليك في سمسيتك دي احسن ليك ...
انا عندي السم سم مية في المية وبي لوعة والباقي خلي!!!!
imported_منال
14-05-2008, 12:56 PM
أنتي يامنال حكومتك دي مافيها وزارة ثروة حيوانية ؟:mad:
:D
يا عادل يا اخوى غايتو لمنا كم وزارة عشان نعملها ديمقراطية و نجيبها من الاخر
مسك العصاية من النص مابينفع ياسيادة وزير الحكم المحلي و...شنو؟
ده مربط الفرس ما عايزين عصا نايمة و عصا قايمة ( بنصحى كل الحكومة با فردة ) تبليغ لكل الوزارء و الرؤساء حول عاجل
imported_أشتر
14-05-2008, 01:00 PM
يا زول دى خرمجة عديل كدا نحنا بناسس لحكومة ديمقراطية بأسنانها مولدةشفت الناس نازلين مطر كيف كيف ما يكون عندنا ورق مروس و اختام و شعار رمز يعنى (الشعرات دى ما حقتنا يا جنى ) حول
ماهو الديمقراطية الواحد مفروض يقول فيها أي حاجة ... من خرمجة ولى فوق ... بغض النظر تجي في راس منو ... زي ما قالو لينا كدا ... لكن ما كان كلام مقنع ... فقررت اشوف لي ديمقراطية براي اطبقا في نفسي ... لو لقيتا حلوة بستمر فيها ولو لقيت نفسي في ورطة بتفكفك غير مأسوف عليها...
واليومين دي مشونا بأي حاجة لغاية ما يقول ليها كوني...
كوني كما أود...
imported_عادل عسوم
14-05-2008, 01:00 PM
يا زول دى خرمجة عديل كدا نحنا بناسس لحكومة ديمقراطية بأسنانها مولدةشفت الناس نازلين مطر كيف كيف ما يكون عندنا ورق مروس و اختام و شعار رمز يعنى (الشعرات دى ما حقتنا يا جنى ) حول
تمترسا بالديمقراطية , واستصحابا لقيم العدل , وأهتماما بمصالح البلوريتاريا ,وحرصا على فصل السلطة التشريعية عن التنفيدية :
فأننا نقترح الشعار التالي...
(برااااانا عرفنا سبب أزانا ياناس)
بالله أيه رأيك يامنال في الخطاب الثوري دة؟ :rolleyes:
imported_أشتر
14-05-2008, 01:03 PM
اضبط
اول محاولة ارهابية و تكتكية يا فردة الشغل الزى ده ما قلنا بالداخلى خلينا فى العلنى بالاساسيات حول
ليست محاولة ارهابية بقدر ما هي ( فك البضايقك عكس الهوا):D
لمتين اقعد أحول انا !!!!
دا اسمو استغلال للموارد البشرية قد يعود سلبا لمستقبل البلد ... ومستقبلي على وجه الخصوص ...
حوّلي ...
imported_أشتر
14-05-2008, 01:06 PM
فأننا نقترح الشعار التالي...
(برااااانا عرفنا سبب أزانا ياناس)
وإذا عُرف الأذي ... بطل العزا...
برضو احسن من (نشبع مما نلبع)
imported_منال
14-05-2008, 01:07 PM
:D
ولكن ... أترك الأحلام يا خليل وأصحى ;)
يا شبارقة الراجل لسه حايم فى الخرطوم خلو لا تجيب سيرتو : D:Dاااى سنفتح كل البيبان والطاقة والنفافيج كمان عشان نقدل سوا فى القصر الجمهورى انا غايتو حاجزة مكتب الرئيس الفى قاعة الصداقة قالو و لا الف ليلة و ليلة .. ودابوعاقلة ما تحمر لى ماشة ارطب فيهو كم يوم القصر كلو و القيادة و مكاتبها الفخمة و الوزارات دى طرفى منها .. شفت النزاهة دى كيف :D:D:D
imported_منال
14-05-2008, 01:11 PM
:p:pليست محاولة ارهابية بقدر ما هي ( فك البضايقك عكس الهوا):D
لمتين اقعد أحول انا !!!!
دا اسمو استغلال للموارد البشرية قد يعود سلبا لمستقبل البلد ... ومستقبلي على وجه الخصوص ...
حوّلي ...
يا زول من البداية كدا الفنجطة حصلت اسمع جاى استغلال موارد شنو انت مش عرفت مهمتك يا ملك اوع من الشبكة الطاشة الخلت الجماعة يتخيلو انو الجنجويد فى دارفور بس :D:D:D
بينى و بينك مستقبلك مضمون يا شاب خليك قريب و حول :p:p:p:p
imported_أشتر
14-05-2008, 01:12 PM
يا شبارقة الراجل لسه حايم فى الخرطوم خلو لا تجيب سيرتو : D:Dاااى سنفتح كل البيبان والطاقة والنفافيج كمان عشان نقدل سوا فى القصر الجمهورى انا غايتو حاجزة مكتب الرئيس الفى قاعة الصداقة قالو و لا الف ليلة و ليلة .. ودابوعاقلة ما تحمر لى ماشة ارطب فيهو كم يوم القصر كلو و القيادة و مكاتبها الفخمة و الوزارات دى طرفى منها .. شفت النزاهة دى كيف :D:D:D
نزاهة شنو يا مواطنة ...
القصر الجمهوري انا ما عارف ليه سموه جمهوري وفي حياتي ما دخلتو ...
الجمهوري طلع بتاع ناسات ... آسات وشياب بس ...
وين يا شباب ...تنشوفو في الصورة ...
imported_منال
14-05-2008, 01:14 PM
تمترسا بالديمقراطية , واستصحابا لقيم العدل , وأهتماما بمصالح البلوريتاريا ,وحرصا على فصل السلطة التشريعية عن التنفيدية :
فأننا نقترح الشعار التالي...
(برااااانا عرفنا سبب أزانا ياناس)
بالله أيه رأيك يامنال في الخطاب الثوري دة؟ :rolleyes:
فى السلك يا عادل اهو لازم نبدع فى سودانيات و نغير ابو الخطاب الثورى ذاتو ما عايزن و همات نحنا مع المحلى ده الشعارات الكبيرة مزعجة و راجيك تتم باقى الخيط الفصل دى ما معانا كدى النثبت رجلينا
imported_أشتر
14-05-2008, 01:15 PM
يا شبارقة الراجل لسه حايم فى الخرطوم خلو لا تجيب سيرتو : D:D :D:D:D
وهنا برضو حايم ... http://sudanyat.net/vb/imgcache/110.imgcache.jpg
imported_عادل عسوم
14-05-2008, 01:18 PM
وإذا عُرف الأذي ... بطل العزا...
برضو احسن من (نشبع مما نلبع)
كدي شوفو لينا وزارة بعدين أسألونا من اللبع والشبع :D
وهو في أدي أكتر مما تاكلو براكم :mad:
imported_منال
14-05-2008, 01:18 PM
نزاهة شنو يا مواطنة ...
القصر الجمهوري انا ما عارف ليه سموه جمهوري وفي حياتي ما دخلتو ...
الجمهوري طلع بتاع ناسات ... آسات وشياب بس ...
وين يا شباب ...تنشوفو في الصورة ...
ما تغرق ياجنى خلى الجمهورى و الشعبى بقى احزاب سياسية المصطلحات فيها مشكلة عويصة ما علينا شنو يعنى الا نغنى فى المركب خلى الشباب اركب ده التحول الديمقراطى ذاتو و العن ابو الساسية شفتو التخطيط بودى لوين :p:p:p
صورتك الخايف عليها :D:D:D
imported_منال
14-05-2008, 01:21 PM
وهنا برضو حايم ... http://sudanyat.net/vb/imgcache/110.imgcache.jpg
انت اقعد فتش فى الصور يا وزير لما يقوم بيك لغم او يرسلو ليك ارهابى يخمشك بفد ايد فى بيوت الاشباح ما نلم فيك خليك فى الخط يا فردة
imported_أشتر
14-05-2008, 01:23 PM
كدي شوفو لينا وزارة بعدين أسألونا من اللبع والشبع :D
وهو في أدي أكتر مما تاكلو براكم :mad:
مممممما جيت وفقدت وزارة الثروة الحيوانية قلبي اكلني ...
الشبع الصحي صحي ... جلد ولحم :D:D:D:D
imported_أشتر
14-05-2008, 01:26 PM
انت اقعد فتش فى الصور يا وزير لما يقوم بيك لغم او يرسلو ليك ارهابى يخمشك بفد ايد فى بيوت الاشباح ما نلم فيك خليك فى الخط يا فردة
هو الوزير لو عملا كلها كراسي وترطيبات شن فايدتو ...
(الميدان) اهم حاجة وبعد كدا نشوف باقي الساحات ...
imported_عادل عسوم
14-05-2008, 01:27 PM
مممممما جيت وفقدت وزارة الثروة الحيوانية قلبي اكلني ...
الشبع الصحي صحي ... جلد ولحم :D:D:D:D
ياتا فيهم (ثروة) والا (حيوانية)؟ :rolleyes:
imported_منال
14-05-2008, 01:27 PM
سامعة صوت دانات و السلاح الضرب دور فى امدرمان هسه ... الساعة الثانية بتوقيت الخرطوم المحلى .. اها الانقلاب شكلو ما انتهى مدورة جد جد.. بعدين ناس امدرمان اول يوم يطلعو و جونا البنكت و القصص و الماساة انو ست الشاى ماتت مفتحة عيونا جنب كشك الاتصالات بتاع سوداتل (خلعة ساكت) و طفلة عمرها سنتين اصيبت برايش و رجل مسن اصيب برصاصة فى الراس فى سريرو قاعد
نكتة اولى
فى شارع العرضة اخونا جنوبى لقى الناس جارين قام جرى ناحية الجنود و هى بقول ليهم فى شنو... فى شنو قامو ردوا انت الفى شنو
imported_منال
14-05-2008, 01:33 PM
ياتا فيهم (ثروة) والا (حيوانية)؟ :rolleyes:
اصبرو لو القصة كدا بس عازماكم فى سوق الناقة الخرطوم اتنين ... ناكلكم و نجيهكم (علينا جاى و احد شية و كبدة ابل و كوارااااااااع ) :D:D:D...برى يا يمة ما بنمشى سوق الناقة الاصلى داك الجماعة مرابطين فى امدرمان و السوق حقهم كراع واحدة ما تعتبو ....
imported_خالد الحاج
14-05-2008, 02:31 PM
استقالة وزير الثقافة والإعلام السوداني الوجيه خالد الحاج
قدم الوجيه "حلوة دي :D " خالد الحاج وزير الثقافة والإعلام استقالته من الحكومة الجديدة وقد عبر سيادته عن استنكاره وشجبه الشديدين علي منح رئيسة الحكومة حقيبة وزارة السياحة والفنادق لأهل الهامش (سارة النرويج) وأوضح سيادته أن هذه الحقيبة هي وزارة لا توجد في الواقع وأن فندقي السودان والهلتون وفندق المريديان لا يحتاجون إلي وزير ناهيك عن وزيرة مبدعة و-شديدة ولضيضة- زي سارة المهمشة;)
(نحن يهمشنا الله :D ) .
imported_سارة
14-05-2008, 03:16 PM
استقالة وزير الثقافة والإعلام السوداني الوجيه خالد الحاج
قدم الوجيه "حلوة دي :D " خالد الحاج وزير الثقافة والإعلام استقالته من الحكومة الجديدة وقد عبر سيادته عن استنكاره وشجبه الشديدين علي منح رئيسة الحكومة حقيبة وزارة السياحة والفنادق لأهل الهامش (سارة النرويج) وأوضح سيادته أن هذه الحقيبة هي وزارة لا توجد في الواقع وأن فندقي السودان والهلتون وفندق المريديان لا يحتاجون إلي وزير ناهيك عن وزيرة مبدعة و-شديدة ولضيضة- زي سارة المهمشة;)
(نحن يهمشنا الله :D ) .
:D:D:D
الشكية لاب ايدا قوية مالك عليا داير تيتم وليداتى ضحكت لمن قلبى وجعنى
بكمل ضحكتى واجيك يا وجيه
قال وازرة بدون وزير (( ما طول عمر السودان عندنا وزارة بدون وزراء ووزراء بدون وزرات
ولا خلاص جات علينا لهم غفور رحيم ولنا شديد العقاب )
imported_شبارقة
14-05-2008, 04:02 PM
تمترساً بالديمقراطية , واستصحاباً لقيم العدل والمساواة, وأهتماماً بمصالح البلوريتاريا ,وحرصاً على فصل السلطة التشريعية عن التنفيدية :
فأننا أصدرنا ...
قطع شك إنت القائد وإنت الرئيس *** واصل كفاحك وخليك حريص ;);)
imported_كيشو
14-05-2008, 05:06 PM
يا منال
ما تنسي البرلمان، بيريحك يعني أي واحد ما لاقية ليه وزارة دخلي البرلمان، البرلمان دايرلو رئيس ونائب رئيس ورائد وأمين عام ورؤساء لجان
بعدين أنا شيليني من الزراعة لأنها ما تخصصي وخليني مستشار أو أي حاجة كدة تحافظ لي علي البدلات (بفتح الدال وتسكينها)
أما أخوي شبارقة دا زول جيولوجيا يعني ما تنسيه من البترول
إيه رأيك في استشاراتي؟
imported_شبارقة
14-05-2008, 05:57 PM
ما تنسي البرلمان، بيريحك يعني أي واحد ما لاقية ليه وزارة دخلي البرلمان، البرلمان دايرلو رئيس ونائب رئيس ورائد وأمين عام ورؤساء لجان
يعني ح يشيل سودانيات كلها :(
بعدين أنا شيليني من الزراعة لأنها ما تخصصي وخليني مستشار أو أي حاجة
فعلاً يا منال أخونا عصام ده بتاع قانون عشان كده ممكن يروح للعدل بدون المساواة :D
أما أخوي شبارقة دا زول جيولوجيا يعني ما تنسيه من البترول
عشان كده أرهبنا عمنا ود مخير وقلنا ليهو : المي حامي ما لعب قعونج :D
imported_عادل عسوم
14-05-2008, 07:45 PM
قطع شك إنت القائد وإنت الرئيس *** واصل كفاحك وخليك حريص ;);)
غايتو جنس حسادتك مالاقتني ياشبارقة .
تتقفطنو أنتا وكيشو في الوزارت ونحنا تودونا التوج :mad:
ياخي العدل والمواساة مابرضو (جمعية) بتاعة الشيخ عبدالجليل النذير الكاروري (قريبك):rolleyes::D
imported_أشتر
14-05-2008, 09:42 PM
ياتا فيهم (ثروة) والا (حيوانية)؟ :rolleyes:
الثروة دي خليها علي ... وانت شيل الحيوانية عفيتا ليك عفو الله والرسول ...
ثروة ثروة حتى النصر ...
رايك شنو نديك شارع الثروة بالشنقيطي وتسكت ... ايجارات بس لى جنا جنا جناك...
اسمعني ... انت الجداد تابع للثروة الحيوانية وللا زيّنا مع الطيور الما بنعرف ليها خرطة ...
وللا اقول ليك ... خليو زكاة ماشية وتكون طلعت منها وبرّيت ذمتك ... :rolleyes:
imported_عادل عسوم
14-05-2008, 10:47 PM
كتب محمد أبوعاقلة
رايك شنو نديك شارع الثروة بالشنقيطي وتسكت ... ايجارات بس لى جنا جنا جناك...
نحنا يا ود أخوي أبوعاقلة ناس خرطوم ساااااي أشترينا فيها من التمانينات ...وأمدرمان دي عمرها مادخلت الراس بالرغم من قربها لي أهلنا في الشمالية ...(أمدرمان دي بحبوها ناسا القدااااام ناس شوقي بدري وأهل العرضة وبيت المال وودنوباوي)...
أما أنتا شكلك من ناس أمدرمان (لكن زول ثورات سااااااي) :D
عشان كدة ياود أخوي مبروك عليك (الثروة) وشارع الثورة كمان (لزوم هتاف ثورة حتى النصر):)
أما (الحيوانية) فشايف منال عندها فيها راي ... لكن ماعندنا مانع لو (قدرت) مرقتها لينا من التشكيلة... على الأقل مابعيدة شديد من الهندسة الكيميائية (وزي ماقلت فيها زكاة ماشية تبرّي الذمة):cool:
imported_فيصل سعد
15-05-2008, 06:27 AM
و الله انتوا سرحتوا سرحة بت لذين :D:D:D
قرر السيد وزير الدفاع و القائد العام للقوات المسلحة و بصفته الرسمية كنائب لرئيس الجمهورية و الذي سافر في مأمورية خارجية ، قرر رفض استقالة السيد وزير الثقافة و الاعلام و عليه مواصلة مهامه و اضافة الهيئة العامة للاتصالات و البريد و البرق و الانترنت و الاقمار الصناعية لوزارته و يتم تعيين ناصر يوسف ابو رحيق مديرا عاما للهيئة القومية للاذاعة و التلفزيون و المسرح، كما قرر نقل الوزيرة "سارة النرويج" من وزارة السياحة و تعيينها وزيرة دولة بالدفاع و مستشارة لشؤون الامن القومي و الاستخبارات العسكرية .. و ان يتولى السيد رأفت ميلاد وزارة السياحة و الاستثمار و يتولى الرباطابي وزارة الداخلية و شليل 07 وزارة الزراعة و الغابات و مهند بشير وزيرا للثروة الحيوانية و السمكية ، و وفقا للصلاحيات المخولة و التفويض الممنوح اصدر سيادته القرارات التالية :
1. حل جهاز الامن و المخابرات و تقديم كل المخالفات و المخالفين لوزارة العدل. و اطلاق سراح جميع المعتقلين السياسيين. و منح قطعة ارض زراعية اكرامية لجميع اسر الشهداء و قطعة ارض سكنية اكرامية درجة اولى لكل ضحايا التعذيب.
2. صرف مستحقات جميع مفصولي الصالح العام باثر رجعي و تسوية معاشات المستحقين.
3. التعليم و الخدمات الصحية مجانا لكل اهل السودان دون استثناء و دون شروط و قيود.
4. توفير الخيم و مواد الاغاثة للسكن المؤقت لكل المحتاجين و النازحين و ضحايا الحروب، منع ايجار البيوت و المساكن للسودانيين و قصره للاجانب و للمكاتب و الاعمال التجارية فقط.
5. انشاء جهاز الضمان الاجتماعي لصرف الاعانات المالية لمحدودي الدخل و العاطلين و المعاقين عن العمل و اصحاب الاحتياجات الخاصة و المرضى و المسنين.
6. قفل كل السفارات الخارجية و ارجاع كل المبعوثين في الخارج لارض الوطن . كل السودانيين لا يحتاجون جواز سفر و لا رسوم للعودة للبلاد فقط الجنسية و البطاقة الشخصية . الغاء ضريبة الرواتب و الدخل لكل العمال و الموظفين و حصرها في رجال الاعمال و المستثمرين و اصحاب المشاريع و المؤسسات المالية و التجارية.
7. انشاء جهاز الرقابة المالية و الثراء الحرام و اصدار القوانيين و اللوائح لتسهيل عمله و مسائلة جميع المواطنين افرادا و مؤسسات عن مصادر الدخل و الاموال و اصدار شهادات المصادرة و البراءة تحت اشراف النائب العام و وزير العدل.
8. تفعيل دور السودان في الجامعة العربية و الاتحاد الافريقي و الامم المتحدة و تعيين المندوبين الدائمين في تلك المنظمات على التوالى و هم عادل عسوم ، شبارقة ، و كيشو ..
هذا و ستتوالى المراسيم و القرارات تباعا ، فترقبوا ..
و السلام عليكم و رحمة الله تعالى و بركاته ..
imported_أشتر
15-05-2008, 06:48 AM
نحنا يا ود أخوي أبوعاقلة ناس خرطوم ساااااي أشترينا فيها من التمانينات ...وأمدرمان دي عمرها مادخلت الراس بالرغم من قربها لي أهلنا في الشمالية ...(أمدرمان دي بحبوها ناسا القدااااام ناس شوقي بدري وأهل العرضة وبيت المال وودنوباوي)...
أما أنتا شكلك من ناس أمدرمان (لكن زول ثورات سااااااي) :D
عشان كدة ياود أخوي مبروك عليك (الثروة) وشارع الثورة كمان (لزوم هتاف ثورة حتى النصر):)
أما (الحيوانية) فشايف منال عندها فيها راي ... لكن ماعندنا مانع لو (قدرت) مرقتها لينا من التشكيلة... على الأقل مابعيدة شديد من الهندسة الكيميائية (وزي ماقلت فيها زكاة ماشية تبرّي الذمة):cool:
وانا أشيل وادردق فيك عشان تقول لي الثروة بالنص أو تطلع بالسلالم ...
أتاريك طلعت طوف لا خليت ناس الحوش ولا الضاقت بيهم ...
وضيعت حقك شمار في مرقة ... آآآآآآه .. يا ثورة آه !!!!
على فكرة : شي جميل تكون ساكن الخرطوم / ريفي أمدرمان...
imported_أشتر
15-05-2008, 06:51 AM
و الله انتوا سرحتوا سرحة بت لذين :D:D:D
و السلام عليكم و رحمة الله تعالى و بركاته ..
كل ما ينشر في المنتدى لا يعبر بالضروري عن رأي الشعب .. وانما يعبر فقط عن رأ ي كاتبه
imported_شبارقة
15-05-2008, 07:49 AM
غايتو جنس حسادتك مالاقتني ياشبارقة .
تتقفطنو أنتا وكيشو في الوزارت ونحنا تودونا التوج :mad:
نثرنا كنانتنا ووجدناك أصلبها عوداً ولكن ...خليك في هندستك وربي عيالك :D:D وفعلاً ما في رئيس جاءنا من الخرطوم ... رأئك شنو في الرعاية الإجتماعية ؟ :D
imported_شبارقة
15-05-2008, 08:00 AM
تفعيل دور السودان في الجامعة العربية و الاتحاد الافريقي و الامم المتحدة و تعيين المندوبين الدائمين في تلك المنظمات على التوالى و هم عادل عسوم ، شبارقة ، و كيشو ..
عليك الله يافيصل ما لقيت لي إلا الإتحاد الإفريقي !!! ده أنا إتحاد مدني بخاف منو .. قال إفريقي قال !
دي مشكلة دارفور براها تجيب لي الخزي بيزي والجقدوس :mad:
imported_فيصل سعد
15-05-2008, 08:02 AM
عليك الله يافيصل ما لقيت لي إلا الإتحاد الإفريقي !!! ده أنا إتحاد مدني بخاف منو .. قال إفريقي قال !
دي مشكلة دارفور براها تجيب لي الخزي بيزي والجقدوس :mad:
يا زول المشكلة شبعت حل و انتهت زمان ، بعدين صدقني نحن الحتات الما ضامنينها و فيها جهجهة و بجي منها هواء :D:D لازم نودي ليها واحد حقنا و زولنا جد :D:D لقفل كل الثغرات و لتأمين المسيرة و كدة فدحين اجتهد و صابر نحن ما بنقصر و اجرك على الله ..بعدين دي برضو فرصة تجيب معاك مصطلحات جديدة بدل الليلاتك ديل :
"من هسع جهجهتونا ..كدي وريني إنت إنجعصت كيف في مداخلتي بدون ما تعمل إقتباس .. نديك الأمن العام والمخابرات طوالي"
"ده إنت خطير يا فيصل .. وذلك عند رجوعنا للمداخلة رقم 54 "
imported_عادل عسوم
15-05-2008, 08:09 AM
وانا أشيل وادردق فيك عشان تقول لي الثروة بالنص أو تطلع بالسلالم ...
أتاريك طلعت طوف لا خليت ناس الحوش ولا الضاقت بيهم ...
وضيعت حقك شمار في مرقة ... آآآآآآه .. يا ثورة آه !!!!
على فكرة : شي جميل تكون ساكن الخرطوم / ريفي أمدرمان...
مااااحأبرد ليك بطن وأوريك ساكن وين ياأبوعاقلة لكنها (خرطوم خرطوم) وأسأل عكود;)
أما حقي الراح يازول أنت طلعت بتاح عرضحالات ساااااي نحنا واسطاتنا (تلحم) ويتخيل لي تلحم دي زمنكم دة مافي ...وشوية شوية كان مالقيتني ماسك وزارة البترول لومني:mad::D
مودتي
imported_عادل عسوم
15-05-2008, 08:13 AM
عليك الله يافيصل ما لقيت لي إلا الإتحاد الإفريقي !!! ده أنا إتحاد مدني بخاف منو .. قال إفريقي قال !
دي مشكلة دارفور براها تجيب لي الخزي بيزي والجقدوس :mad:
أنا غايتو في الجامعة العربية لأن منطوق المرسوم يقول (على التوالي) :p:D
imported_شبارقة
15-05-2008, 08:21 AM
"ده إنت خطير يا فيصل .. وذلك عند رجوعنا للمداخلة رقم 54 "
ده إنت مُصِر تدخلني في عِبَك ؟ رأئك شنو نديك وزارة جاغوم بن بلاع :D:D عشان تبلعنا مرة واحدة
يا زول انا بكلمك من مكتبه شخشيا :D:D لكن تاني مافي جغم و بلع ، الاكل قراريص و البلع ريق و الجغم شاي احمر منعنع و عاش كفاح سودانيات الثورة :D:D امشي اقرأ المناصب و اعمل مراجعة .. بعدين صفا انتباه .. للاتحاد الافريقي در ..
imported_فيصل سعد
15-05-2008, 08:23 AM
أنا غايتو في الجامعة العربية لأن منطوق المرسوم يقول (على التوالي) :p:D
ايوة يا حبوب اقبض فيها قوي ، و اشتغل بجهد مضاعف واضعا مصلحة البلاد و العباد فوق كل اعتبار ، بس نصيحة ابعد من البكالوجيا و الحبكانة و كسر الضلع الايام ديل :D:D و ركز في شغلك ، يمين المنصب دا قلعنا ليك من عين الحسود و عين الشمس، و ضربنا عرض الحائط باقرب الاقربين و اصحاب الحظوة و النفوذ و هلمجرا :D:D
imported_أشتر
15-05-2008, 08:34 AM
مااااحأبرد ليك بطن وأوريك ساكن وين ياأبوعاقلة لكنها (خرطوم خرطوم) ;)
ما فارقة كتير ما دام ريفي أمدرمان !!!! نحنا واسطاتنا (تلحم) ويتخيل لي تلحم دي زمنكم دة مافي ...وشوية شوية كان مالقيتني ماسك وزارة البترول لومني:mad::D
مودتي
تلحم دي شنو ... (ستالين) ... انت قصدك تلخم ... والظاهر عليك اتلخمت ... ما قالو البترول دغمسوه جوه وزارة عشان المطامع وكدا !!!! انا عارف جماعتك ديل كلهم عينم في البترول ... لكن عاملين رايحين ... يتمسكنون حتى يتمكنون وللوكت داك اكون أنا في خبر لحسة ... منصوب بالدقسة ...
imported_فيصل سعد
15-05-2008, 08:36 AM
وشوية شوية كان مالقيتني ماسك وزارة البترول لومني:mad::D
مودتي
يا زول كان كدة امانة ما اتلومت ، امشي راجع خطاب الرئيسة لانه واضح انه البترول و الطاقة و المالية ما عندهم وزارات مركزية هم و كافة الموارد تدار شؤونهم شعبيا بين الجماهير و حكام الاقاليم .. قلنا ليك ركز في شغلك و انسى الكاش و المصالح و الامتيازات لاننا في مرحلة بناء و تاسيس و ترميم و معالجات و رد مظالم و اعادة ثقة ..
imported_أشتر
15-05-2008, 08:39 AM
يمين المنصب دا قلعنا ليك من عين الحسود و عين الشمس، و ضربنا عرض الحائط باقرب الاقربين و اصحاب الحظوة و النفوذ و هلمجرا :D:D
تااااااااااااااااااااااااااااااااااني ... شكلو كدا التاريخ ح يعيد نفسو ...
يا وزير الدفاع !!!
وقيس على كدا كل العمليات العسكرية المبوشة ... والتي قد تكون فشنك ...
قد شنو !!! قطع شك !!!
imported_سارة
15-05-2008, 08:39 AM
قرر السيد وزير الدفاع و القائد العام للقوات المسلحة و بصفته الرسمية كنائب لرئيس الجمهورية و الذي سافر في مأمورية خارجية ، قرر رفض استقالة السيد وزير الثقافة و الاعلام و عليه مواصلة مهامه و اضافة الهيئة العامة للاتصالات و البريد و البرق و الانترنت و الاقمار الصناعية لوزارته و يتم تعيين ناصر يوسف ابو رحيق مديرا عاما للهيئة القومية للاذاعة و التلفزيون و المسرح، كما قرر نقل الوزيرة "سارة النرويج" من وزارة السياحة و تعيينها وزيرة دولة بالدفاع و مستشارة لشؤون الامن القومي و الاستخبارات العسكرية
هيييييع وتانى هيييييع
نحن نثق فى مؤهلاتنا ونثق تماما ان هناك من الحادبين على مصلحة الوطن وهم مناصرينا
وهناك الكثير من قوى الشر من يريد تهميشنا:mad:
وسنريكم يا هؤلاء كيف ستكون استخبارتنا فى بيوتا لم تسمعوا عنها ابدا:p
imported_عادل عسوم
15-05-2008, 08:40 AM
كتب شبارقة
نثرنا كنانتنا ووجدناك أصلبها عوداً
شوف صيغ القادة ياأبوعاقلة...كلام يخلى الواحد يتلب هسسسسسي دة :o
لكن مالك جيت خربتها بي جاي ياشبارقة :mad:
ولكن خليك في هندستك وربي عيالك
أما دي
وفعلاً ما في رئيس جاءنا من الخرطوم ...
صدقت ...واحد كان من أمدرمان والتاني من بحري...لكن الأتنين من الشمالية (الزمان) ياشبارقة ;)
رأئك شنو في الرعاية الإجتماعية
شغل ال(رعاية) دة ماااأظن نقدر عليهو...نحنا ولاد بحر وجروف يااخوي:D
imported_فيصل سعد
15-05-2008, 08:53 AM
تااااااااااااااااااااااااااااااااااني ... شكلو كدا التاريخ ح يعيد نفسو ...
يا وزير الدفاع !!!
وقيس على كدا كل العمليات العسكرية المبوشة ... والتي قد تكون فشنك ...
قد شنو !!! قطع شك !!!
يا حبوب مافي اي عمليات عسكرية الا لصد غزو اجنبي و القوات المسلحة بكاملها اتجهت للتنمية و التعمير و حراسة الموارد و المنشئات و المشاريع و الصناعة و الانتاج ، انت غائب عن اجتماعات و ما متابع نشرات و غاطس في الاتصالات و غرقان و سابح بين افرانك عشان كدة معذور :D:D لكن بطل جغمسة يا سعادة الوزير و ركز و اركز و ارتكز :D:D:D انا ما داير فايلك يحوم في ردهات مكاتبنا خصوصا انك اخ و صديق كفاح مشترك مشارك و منفذ لهذا التغيير و ان قلت درجة حماسك ...
معتصم الطاهر
15-05-2008, 09:00 AM
كدى أول حاجة خلينا نشيد بهذا الفكر السياسي المتقدم والذى وإن طرح على هيئة كوميدياء سوداء إلا أنه يظهر تمكن من الكاتبة ..
ثانيا ..
و حتي يتم اثراء الموضوع .. وبجدية أكثر
أطالب كل من ذكر اسمه لتولي منصب أن يطرح برنامج من ( 10 نقاط) لوزارته أو منصبه بدءاً من رئيس الجمهورية ونوابه و مستشاريه ..
المتداخلون خاصة الذين هم بدون حقائب .. يعتبروا معارضة وطنية لنقد البرامج ..
و هكذا نثرى النقاش ..
imported_سارة
15-05-2008, 09:10 AM
كدى أول حاجة خلينا نشيد بهذا الفكر السياسي المتقدم والذى وإن طرح على هيئة كوميدياء سوداء إلا أنه يظهر تمكن من الكاتبة ..
ثانيا ..
و حتي يتم اثراء الموضوع .. وبجدية أكثر
أطالب كل من ذكر اسمه لتولي منصب أن يطرح برنامج من ( 10 نقاط) لوزارته أو منصبه بدءاً من رئيس الجمهورية ونوابه و مستشاريه ..
المتداخلون خاصة الذين هم بدون حقائب .. يعتبروا معارضة وطنية لنقد البرامج ..
و هكذا نثرى النقاش ..
يا هندسة سلامات ياخ سائلين عنكم والشوق اردب سمسم
ما تجوط لينا الشغلة انا شخصيا فرصى كبيرة كان فى الحكومة كان فى المعارضة
بنت شيوخ وايدى لاحقة ساركز على قصة الامن والاستخبارات دى اصلو عندى تار قديم
والما بسد التار ابو .... الله يكرم المارين من هنا
:(:(:(
نحن حياتنا حتكون كلها معارضه وللا شنو.. ما إشتغلتو بينا الشغله..
ساره أنا حإتشاكل معاك داير الأمن والإستخبارات .. أخوك ممكن يطور آليات التعذيب إبتداء من الجضًيم بالذردية مروراً ب قرًيض كديسه مع شاي الصباح وصولا ل..
غايتو جنس غايتو - أو كما يقال-
imported_فيصل سعد
15-05-2008, 09:36 AM
شكرا معتصم ، و مزيدا لاثراء الحوار :
حكومة سودانيات الوطنية
السيد عصمت العالم ، رئيس الجمهورية
الاستاذة منال، رئيسة الجمهورية
السيد فيصل سعد، وزير الدفاع و القائد العام للقوات المسلحة
الاستاذة سارة ، وزيرة الدولة لشؤون الدفاع و الامن القومي و الاستخبارات
السيد مهند بشير ، وزير الثروة الحيوانية و السمكية
الاستاذة سارة حمزة وزيرة الصحة
السيد الرباطابي، وزير الداخلية
الاستاذة لنا جعفر، وزيرة العدل و النائب العام
السيد خالد الحاج ، وزير الثقافة و الاعلام
الاستاذة الاء فتحى مسعد، وزيرة الشباب و الرياضة
السيد المهندس معتصم الطاهر و زير التنمية و العمران و السكان
الاستاذة ام راشد، وزيرة رئاسة الجمهورية والرعاية الاجتماعية
السيد رافت ميلاد ، وزير السياحة و الاستثمار
الاستاذة نعمات حمود ، وزيرة التربية و التعليم
السيد محمد ابوعاقة ،وزير التعليم العالى و البحث العلمى و الاتصالات
السيد شليل 07 ، وزير الزراعة و الغابات
السيد شوقى بدري ، رئيس و حاكم اقليم الجنوب
السيد عكود ، رئيس و حاكم اقليم الشمال
السيد بابكر مخير، رئيس و حاكم الاقليم الاوسط
السيد الجيلى احمد ، رئيس و حاكم الاقليم الشرقي
السيد فتحي مسعد حنفي ، رئيس و حاكم اقليم كردفان
السيد حسن فرح، رئيس و حاكم اقليم دارفور
السيد كيشو ، المندوب الدائم في الامم المتحدة
السيد شبارقة ، المندوب الدائم في الاتحاد الافريقي
السيد عادل عسوم ، المندوب الدائم في الجامعة العربية
معتصم الطاهر
15-05-2008, 09:37 AM
المعارضة الحقة ؟
أن يكون لديك برنامج ..
تدعم برامج الحكومة .. التي توافقك
و تنقد ما ترى أنه ناقص أو ليس أولوية
انتو قايلين المعارضة دى لعب ؟
imported_كيشو
15-05-2008, 09:39 AM
:(:(:(
نحن حياتنا حتكون كلها معارضه وللا شنو.. ما إشتغلتو بينا الشغله..
ساره أنا حإتشاكل معاك داير الأمن والإستخبارات .. أخوك ممكن يطور آليات التعذيب إبتداء من الجضًيم بالذردية مروراً ب قرًيض كديسه مع شاي الصباح وصولا ل..
غايتو جنس غايتو - أو كما يقال-
يا شليل ياخي ما أدوك وزارتي ومرقوني من البلد ذاتا انت ما شايف؟
imported_فيصل سعد
15-05-2008, 09:42 AM
:(:(:(
نحن حياتنا حتكون كلها معارضه وللا شنو.. ما إشتغلتو بينا الشغله..
ساره أنا حإتشاكل معاك داير الأمن والإستخبارات .. أخوك ممكن يطور آليات التعذيب إبتداء من الجضًيم بالذردية مروراً ب قرًيض كديسه مع شاي الصباح وصولا ل..
غايتو جنس غايتو - أو كما يقال-
كدي امشي اقرأ مداخلة رقم 54 و تعال راجع يا ود عمك :D:D
يا شليل ياخي ما أدوك وزارتي ومرقوني من البلد ذاتا انت ما شايف؟
يا كيشو يا خوي إنت ودوك للأمم المتحده ، لكن أخوك طيبو على خاطرو بإنو يرجعوهو الغابه.
imported_فيصل سعد
15-05-2008, 09:47 AM
يا شليل ياخي ما أدوك وزارتي ومرقوني من البلد ذاتا انت ما شايف؟
يا زول انت المرقة ما عاجباك ولا كيف :D:D بعدين القرار طلع حسب طلبك و كدة :D:D
بعدين وزارتك براك ابيتها، فدحين انكرب و ظبط امورك و ما بتجيك عوجة تب :D:D
imported_كيشو
15-05-2008, 09:56 AM
بصفتي المندوب هناك عايز لي مساعد غالات، وآخر كضاااب عشان كل مرة أرسل واحد
كما يرجى من السادة الوزراء موافاتي بسياساتهم العامة وعمايلهم الظاهرة والباطنة عشان التبرير طبعا
ويمنع على وزراء الدفاع والداخلية والعدل والتخطيط العمراني وحكام الأقاليم اتخاذ أي قرارات تمس المواطنين وخاصة المواطنين المهمشين إلا بعد التشاور معنا حتى نستطيع التنسيق والترتيب مع المجتمع الدولي ومنظمات حقوق الإنسان ومنظمات المجتمع المدني وقناة الجزيرة والبي بي سي والحرة،،،،،،،،
عشان ما تحرجونا يا جماعة
كما يرجى عدم إطلاق الوعود، والتقليل من الخطب والتجمعات الجماهيرية
ويرجى مراجعة نشرات الأخبار والتركيز على الصياغة ووضع الكلمات والجمل في مكانها، واللقاءات المباشرة لا يسمح بها إلا لعدد معين من المذيعين
عشان ما تحرجونا يا جماعة
كما يرجى الاقتصاد في التصريحات والاعتدال فيها وعدم الإسراف
عشان ما تحرجونا يا جماعة
يافيصل دا شنو السويتو فيني دا عايز تحملني أوزار السودان مع الجماعة الهناك ديلك ماااالك؟ قصدك تنتقم من الظلاميين؟ تطفشني لي نيو يورك وتحرم أهلي وأصحابهم من النزول عندي في البيت ماااالك؟ وتضيع علي تضييع الوقت والمرقة كل يوم من الشغل للفاتحة ماااالك
يا خوي أنا تبت وبقيت مولع غيرني:D
imported_كيشو
15-05-2008, 10:16 AM
يا زول انت المرقة ما عاجباك ولا كيف :D:D بعدين القرار طلع حسب طلبك و كدة :D:D
بعدين وزارتك براك ابيتها، فدحين انكرب و ظبط امورك و ما بتجيك عوجة تب :D:D
يا خوي الأرضة جربت الحجر، اتوكلت على الله بس وري الجماعة ينفذوا طلباتي الفوق ديك
imported_فيصل سعد
15-05-2008, 10:48 AM
يا خوي الأرضة جربت الحجر، اتوكلت على الله بس وري الجماعة ينفذوا طلباتي الفوق ديك
اسمع يا شيخنا :D:D الله يعينك ، اما بخصوص طلباتك فمافي ميزانية لمساعدين فغالط براك و كضب براك و اطلع باقل الخسائر:D:D و هنالك تحدي و صعوبات و انت بمجهودك و خبرتك و عوننا و دعمنا بتتسهل ان شاء الله .. نحن ما شغالين بالامم المتحدة كثير غير انه عاوزين نثبت انسانية شعبنا و كرامته و حل مشاكله و التحول الديمقراطي و نبذ العنف و الارهاب و التطرف و التاكيد على الحقوق و الحريات و التعددية الثقافية و الدينية و اننا عندنا دستور و قانون متماشي مع مواثيقهم بل متقدم عليها و عندنا مشاريع تنمية تحتاج دعم و مساندة حرة دون شروط و قيود و لوي اذرع ، دا كل الدايرنوا منهم و معتمدين عليك تخطط شغلك على تلك الاسس .. لاحظ انه مافي سفارات خارجية و بعثات دبلوماسية و ما عندنا وزارة خارجية حاليا حسب الاولويات و دا بيضغطك باعباء و مهام اخرى عند الحوجة و حسب الطلب ، ممكن تعين موظف اداري و محاسب و مترجم يعاونوك و يفضل يكونوا سودانيين ، اما البكيات و الفواتح و كافة الاجتماعيات فتاكد انا او احد زملائك سيقوم بالواجب انابه عنك ، و اما اهلك فحنحولهم ليك بهناك كان قدروا على التذاكر و كدة و بجوك و بونسوك فما تشيل هم .. تغيير مافي و لا بايدي و لا بايدك ، فانكرب يا حبة :D:D و يمين كان ولعت و لا كان ضويت ما عندك طريقة مخارجة الا بعد سنة تظبط امورك مع الحكومة الجاية .. سلام و ارقد عافية ..
imported_سارة
15-05-2008, 10:51 AM
:(:(:(
نحن حياتنا حتكون كلها معارضه وللا شنو.. ما إشتغلتو بينا الشغله..
ساره أنا حإتشاكل معاك داير الأمن والإستخبارات .. أخوك ممكن يطور آليات التعذيب إبتداء من الجضًيم بالذردية مروراً ب قرًيض كديسه مع شاي الصباح وصولا ل..
غايتو جنس غايتو - أو كما يقال-
شليل ياااخ ما تخلينا نخرح من طورناوننتقم من معارضينا:mad:
نحن نستعين بفطاحلة فى ام دلاديم فى العالم....و....و مرورا بغوانتنامو
imported_فيصل سعد
15-05-2008, 10:58 AM
شليل ياااخ ما تخلينا نخرح من طورناوننتقم من معارضينا:mad:
نحن نستعين بفطاحلة فى ام دلاديم فى العالم....و....و مرورا بغوانتنامو
سعادة الوزير و سعادة الوزيرة : ارجو ظبط النفس ، و لاحظو نحن حكومة ديمقراطية روحها القانون و حقوق الانسان .. فبالله عليكم خزعبلات القهر و لغاويس التعذيب و العنف الغير مبرر دي حقوا تجلوها و تطوروا اساليب جديدة في الحفاظ على امن البلاد و سيادتها و كرامة مواطنيها ..
لكم التحايا ..
imported_كيشو
15-05-2008, 11:02 AM
اسمع يا شيخنا :D:D الله يعينك ، اما بخصوص طلباتك فمافي ميزانية لمساعدين فغالط براك و كضب براك و اطلع باقل الخسائر:D:D و هنالك تحدي و صعوبات و انت بمجهودك و خبرتك و عوننا و دعمنا بتتسهل ان شاء الله .. نحن ما شغالين بالامم المتحدة كثير غير انه عاوزين نثبت انسانية شعبنا و كرامته و حل مشاكله و التحول الديمقراطي و نبذ العنف و الارهاب و التطرف و التاكيد على الحقوق و الحريات و التعددية الثقافية و الدينية و اننا عندنا دستور و قانون متماشي مع مواثيقهم بل متقدم عليها و عندنا مشاريع تنمية تحتاج دعم و مساندة حرة دون شروط و قيود و لوي اذرع ، دا كل الدايرنوا منهم و معتمدين عليك تخطط شغلك على تلك الاسس .. لاحظ انه مافي سفارات خارجية و بعثات دبلوماسية و ما عندنا وزارة خارجية حاليا حسب الاولويات و دا بيضغطك باعباء و مهام اخرى عند الحوجة و حسب الطلب ، ممكن تعيين موظف اداري و محاسب و مترجم يعاونوك و يفضل يكونوا سودانيين ، اما البكيات و الفواتح و كافة الاجتماعيات فتاكد انا او احد زملائك سيقوم بالواجب انابه عنك ، و اما اهلك فحنحولهم ليك بهناك كان قدروا على التذاكر و كدة و بجوك و بونسوك فما تشيل هم .. تغيير مافي و لا بايدي و لا بايدك ، فانكرب يا حبة :D:D و يمين كان ولعت و لا كان ضويت ما عندك طريقة مخارجة الا بعد سنة تظبط امورك مع الحكومة الجاية .. سلام و ارقد عافية ..
يا زول ما في عوجة، وانا عارف الشغلانة هناك مرسومة وكل المناديب شغلهم ديكورات، والقرارات طالعة طالعة، و مجهودي ذي ما قلت نضمي
الكضب بشتغل توريات سااكت
الغُلاط بتذكر لي نفر نفرين من الجماعة وأقلدهم
لكين يا خوك لو عزموني حفلاتم ديك البقيفو فيها الناس وشايلين في يديهم كبايات صغيرة كدي فيها شيتاً أصفر وأحمر، دي أسوي فيها شنو؟
imported_أشتر
15-05-2008, 11:07 AM
لكين يا خوك لو عزموني حفلاتم ديك البقيفو فيها الناس وشايلين في يديهم كبايات صغيرة كدي فيها شيتاً أصفر وأحمر، دي أسوي فيها شنو؟
فكها ليمينك ...
imported_أشتر
15-05-2008, 11:14 AM
انا ما داير فايلك يحوم في ردهات مكاتبنا خصوصا انك اخ و صديق كفاح مشترك مشارك و منفذ لهذا التغيير و ان قلت درجة حماسك ...
لم تقل درجة حماسي أخي الوزير كما تعتقد ... (طبعن شايل كدوس وبتكلم ببجاحة غير مألوفة)
يعني عشان العتاد الحربي كلو في يدك بقيت تملطش في الوزرا العندهم مستقبل ...
ويحك يا مدفعجي !!!!
imported_عادل عسوم
15-05-2008, 11:17 AM
يسرنا أحاطة الحكومة الموقرة بأن الجامعة العربية (منشغلة) هده الأيام في حلحلة مشكلة لبنان ونسبة لأختيارنا من قبل الأمين العام لقيادة وفد التفاوض مع حزب الله وتيار المستقبل فقد عقدنا العزم على السفر للركلسة (أقصد الأستقرار) في بيروت لمدة شهر شهرين ...نرجو شاكرين زيادة المخصصات أد (نحن) هنا بالأضافة الى التمثيل العربي فاننا نمثل جمهورية السودان الديمقراطية :cool:
صورة الى وزارة الخارجية
صورة الى وزارة المالية
imported_فيصل سعد
15-05-2008, 11:19 AM
لكين يا خوك لو عزموني حفلاتم ديك البقيفو فيها الناس وشايلين في يديهم كبايات صغيرة كدي فيها شيتاً أصفر وأحمر، دي أسوي فيها شنو؟
طلع ديكورات دي من بالك تماما :D:D الحفلات خليهم يدوك كركدي و لا قرفة و لا جنزبيل و كان بتجر و بتبخ :D:Dمطق معاهم كاس كاسين ما تزيد ،، و اختى الاسلودانس نهائي مشاكله كتيرة و انت ما ناقص ..
imported_فيصل سعد
15-05-2008, 11:25 AM
يسرنا أحاطة الحكومة الموقرة بأن الجامعة العربية (منشغلة) هده الأيام في حلحلة مشكلة لبنان ونسبة لأختيارنا من قبل الأمين العام لقيادة وفد التفاوض مع حزب الله وتيار المستقبل فقد عقدنا العزم على السفر للركلسة (أقصد الأستقرار) في بيروت لمدة شهر شهرين ...نرجو شاكرين زيادة المخصصات أد (نحن) هنا بالأضافة الى التمثيل العربي فاننا نمثل جمهورية السودان الديمقراطية :cool:
صورة الى وزارة الخارجية
صورة الى وزارة المالية
للاسف الوزارتين الاتنين ديل ما عندهم وجود في حكومة ثورة سودانيات ..
اجازة اسبوعين مصدقة لك ، بس دبر مصاريف سكنك و اعاشتك و اجازتك
و خلي الامين العام يظبط ليك نثريات مهمتك و خليه يكلمنا قبل تكليفك في المرات القادمة ..
ما تمثل السودان في الموضوع دا لاننا ما عندنا بيه شغلة ، و لعلمك لبنان اعترضت دخولنا الجامعة العربية ، نفذ مهمة الامين العام في اسبوعين فقط و لو هم قاعدين شهرين تعال انت قضي ليك كم يوم معانا هنا بالخرطوم محتاجينك في بعض المهام و بالمرة تشوف اهلك و اصحابك بدل الصرمحة في شارع الحمراء :mad::mad:
تحياتنا ..
imported_أشتر
15-05-2008, 11:33 AM
يسرنا أحاطة الحكومة الموقرة بأن الجامعة العربية (منشغلة) هده الأيام في حلحلة مشكلة لبنان ونسبة لأختيارنا من قبل الأمين العام لقيادة وفد التفاوض مع حزب الله وتيار المستقبل فقد عقدنا العزم على السفر للركلسة (أقصد الأستقرار) في بيروت لمدة شهر شهرين ...نرجو شاكرين زيادة المخصصات أد (نحن) هنا بالأضافة الى التمثيل العربي فاننا نمثل جمهورية السودان الديمقراطية :cool:
صورة الى وزارة الخارجية
صورة الى وزارة المالية
ياتو أمين عام اختارك ... اوعى يكون بتاعنا دا ...
ياخ مشاكل البلد لسه معقدة ... كمان ماشي تحلحل مشاكل الناس التانية ...
والعراق ما فيو مشاكل .. وللا عشان هناك في ربشة وهنا في روشة !!!!
imported_فيصل سعد
15-05-2008, 11:38 AM
ياتو أمين عام اختارك ... اوعى يكون بتاعنا دا ...
ياخ مشاكل البلد لسه معقدة ... كمان ماشي تحلحل مشاكل الناس التانية ...
والعراق ما فيو مشاكل .. وللا عشان هناك في ربشة وهنا في روشة !!!!
يقصد عمرو موسى طبعا ، بعدين سؤالك دا ما بسألوا وزير بحث علمي و اتصالات يا حبوب
فلازم تملأ مركزك يا اللخو :D:D
imported_عادل عسوم
15-05-2008, 11:41 AM
للاسف الوزارتين الاتنين ديل ما عندهم وجود في حكومة ثورة سودانيات ..
اجازة اسبوعين مصدقة لك ، بس دبر مصاريف سكنك و اعاشتك و اجازتك
و خلي الامين العام يظبط ليك نثريات مهمتك و خليه يكلمنا قبل تكليفك في المرات القادمة ..
ما تمثل السودان في الموضوع دا لاننا ما عندنا بيه شغلة ، و لعلمك لبنان اعترضت دخولنا الجامعة العربية ، نفذ مهمة الامين العام في اسبوعين فقط و لو هم قاعدين شهرين تعال انت قضي ليك كم يوم معانا هنا بالخرطوم محتاجينك في بعض المهام و بالمرة تشوف اهلك و اصحابك بدل الصرمحة في شارع الحمراء :mad::mad:
تحياتنا ..
:mad::mad:
طيب
يابت القروش الأتبرعت بيها قطر لي خزان الحامداب ديك باقي منها كم؟:cool:
" الباقي موجود مع الرئيس و الرئيسة و قاعدين منتظرنك معاي هنا برة يا سيادتك" ..
imported_عادل عسوم
15-05-2008, 11:44 AM
يقصد عمرو موسى طبعا ، بعدين سؤالك دا ما بسألوا وزير بحث علمي و اتصالات يا حبوب
فلازم تملأ مركزك يا اللخو :D:D
والله صبقتني يافيصل
كمان مديهو الأتصالات فوق البيعة (أقصد فوق المهام)؟:mad:
:D
imported_أشتر
15-05-2008, 11:44 AM
يقصد عمرو موسى طبعا ، بعدين سؤالك دا ما بسألوا وزير بحث علمي و اتصالات يا حبوب
فلازم تملأ مركزك يا اللخو :D:D
خليني اول حاجة أملا جيوبي بعدين أملا مركزي ... ولو عندك أي املاءآت بعد كدا انا حاضر ...
اها قصرت معاك ...
سعادة الوزير الهمام صاحب المستقبل :
لا ما قصرت تب :mad::mad: بس جيوبك دي تملاها من ورثة و لا من تصميم و كدة بس .. نحن هبر و ملي ما عندنا الا تهبر قضايا و هموم و مصالح و تطلعات شعبك و تتملي مسؤلية و هم :D:D
imported_منال
15-05-2008, 12:12 PM
و حتي يتم اثراء الموضوع .. وبجدية أكثر
أطالب كل من ذكر اسمه لتولي منصب أن يطرح برنامج من ( 10 نقاط) لوزارته أو منصبه بدءاً من رئيس الجمهورية ونوابه و مستشاريه ..
المتداخلون خاصة الذين هم بدون حقائب .. يعتبروا معارضة وطنية لنقد البرامج ..
و هكذا نثرى النقاش ..
الى الامام دائما ايها الوزاء و الرؤساء و المعارضون
دمتم ذخرا للشعب السودانى
imported_فيصل سعد
16-05-2008, 06:47 AM
والله صبقتني يافيصل
كمان مديهو الأتصالات فوق البيعة (أقصد فوق المهام)؟:mad:
:D
يا زول انا ما اديتو :D:D ادو مجهوده و علمه و كفاءته و بسالته النادرة في الصف الامامي لحركة التغيير و كدة :D:D
imported_فيصل سعد
16-05-2008, 06:49 AM
الى الامام دائما ايها الوزاء و الرؤساء و المعارضون
دمتم ذخرا للشعب السودانى
تمام يا صاحبة الفخامة ...
بابكر مخير
16-05-2008, 07:44 AM
السيد بابكر مخير رئيس للاقليم الاوسط
حسب السلطات المخولة لبابكر مخير
رئيس الإقليم الأوسط
قرر الأتي:
# الغاء جميع القوانيين المقيدة للحريات
# الغاء قوانيين ما سمي حينها بقوانين الشريعة 1983
# إستقطاب الرأسمال الوطني
(ناس زماااان، كونتمخلوس أخوان، مرهج، جورج مشرقي G B الG M H)
# تشيكل مجلس إستشاري كارب عشان يلحق الإندلق ويرمرم النكسر ويفرح ويلطف الحياة؛؛ من السادة
* الحبيين!؟!؟ شيوخ البكاء
* أهل المزاج التائبين
* ذوي العلاقات الوطيدة مع أهلنا دول الحضارة الدائمة جيرانا الفي الشرق
دي كدا عربون صدق في القصد يا بنيتي الحبيبة منو
القرارات ستأتي تباعن
يلآ عليك تنشيط باقي الحكومة
imported_فيصل سعد
16-05-2008, 08:41 AM
حسب السلطات المخولة لبابكر مخير
رئيس الإقليم الأوسط
قرر الأتي:
# الغاء جميع القوانيين المقيدة للحريات
# الغاء قوانيين ما سمي حينها بقوانين الشريعة 1983
# إستقطاب الرأسمال الوطني
(ناس زماااان، كونتمخلوس أخوان، مرهج، جورج مشرقي G B الG M H)
# تشيكل مجلس إستشاري كارب عشان يلحق الإندلق ويرمرم النكسر ويفرح ويلطف الحياة؛؛ من السادة
* الحبيين!؟!؟ شيوخ البكاء
* أهل المزاج التائبين
* ذوي العلاقات الوطيدة مع أهلنا دول الحضارة الدائمة جيرانا الفي الشرق
دي كدا عربون صدق في القصد يا بنيتي الحبيبة منو
القرارات ستأتي تباعن
يلآ عليك تنشيط باقي الحكومة
السيد رئيس و حاكم الاقليم الاوسط
المحترم،،
لك الشكر يا الحبيب على تنورينا بالملامح الرئيسية الاساسية لخطة و برنامج عملكم، و ارجو ان تشمل مشروع الجزيرة و المناقل الرعاية الكاملة و المتابعة و اعادة الاعمار و رعاية شؤون المزارعين و العمال و تثبيت و دعم شراكتهم و اجورهم المجزية ، نرجو التركيز في خدمات الري و الماء و الكهرباء و الطرق و النقل و زيادة الرقعة الزراعية و تنويع المحاصيل و انشاء مشاريع جديدة و تامين فرص عمل و زيادة الصادرات و تحسينها ، كما نرجو الاهتمام بالتعليم و الصحة و الشباب و الثقافة و الرياضة و برامجهم و نشاطاتهم،، واضع في عين الاعتبار ريادة اقليمكم العامر كفرا و وترا و استمرارية و مواصلة العطاء و الابداع..
وفقكم الله و سدد خطاكم.
بابكر مخير
16-05-2008, 09:45 AM
السيد رئيس و حاكم الاقليم الاوسط
المحترم،،
لك الشكر يا الحبيب على تنورينا بالملامح الرئيسية الاساسية لخطة و برنامج عملكم، و ارجو ان تشمل مشروع الجزيرة و المناقل الرعاية الكاملة و المتابعة و اعادة الاعمار و رعاية شؤون المزارعين و العمال و تثبيت و دعم شراكتهم و اجورهم المجزية ، نرجو التركيز في خدمات الري و الماء و الكهرباء و الطرق و النقل و زيادة الرقعة الزراعية و تنويع المحاصيل و انشاء مشاريع جديدة و تامين فرص عمل و زيادة الصادرات و تحسينها ، كما نرجو الاهتمام بالتعليم و الصحة و الشباب و الثقافة و الرياضة و برامجهم و نشاطاتهم،، واضع في عين الاعتبار ريادة اقليمكم العامر كفرا و وترا و استمرارية و مواصلة العطاء و الابداع..
وفقكم الله و سدد خطاكم.
الي الحبيب وزير الدفاع
السيد فيصل سعد وزير الدفاع و القائد العام للقوات المسلحة
نعلم أن هناك مؤامرة تحاك على البلاد وقد عم خبر أنكم
(انقلابى كبيراعملو حسابكم من الخرمجة)
في كل سبل الإعلام العالمي ومصدر هذه المعلومة الزائفة وبلا شك إبنتنا الحبيبة منو، لم نصدق الخبر وعملنا على تكذيبه بكل السبل المتاحة والغير متاحة،،، لكن بيني وبينك كدا،،، منو ما بنقدر نكذب ليها كلام.
المهم سيادتكم؛
نحن قد شكلنا لجنة لإختيار لجنة لتنظر في تشكيل لجان لدراسة الموضوع الذي تفضلتم برفعه لنا.
لكن يا صاحبي العملو الجبهجية دا في السودان ما بيتصلح
وقد وصلت اللجنة المنبثقة عن اللجنة الأولى التي أوصت بتكوين لجان لدراسة توصياتكم للأتي، أن اللجان التي شكلت بموجب تكوين لجنة من قبل اللجنة التي شكلناها قد رفعت تقريرها للجنة التانية والتي بدورها رفعتها للجنة الأولى التي شكلناها لتشكيل لجنة لتشكيل لجان ...... ووووووووووووووب من دا:
المهم وخلاصتو!!!!!
إحنا في الأوسط والشمالي والجنوبي والشرقي والغربي نمسح البلد بالواطة ونقول كدي نشمر ونقول بسم الله ونبدا من جديد
imported_فيصل سعد
16-05-2008, 10:27 AM
الي الحبيب وزير الدفاع
نعلم أن هناك مؤامرة تحاك على البلاد وقد عم خبر أنكم
في كل سبل الإعلام العالمي ومصدر هذه المعلومة الزائفة وبلا شك إبنتنا الحبيبة منو، لم نصدق الخبر وعملنا على تكذيبه بكل السبل المتاحة والغير متاحة،،، لكن بيني وبينك كدا،،، منو ما بنقدر نكذب ليها كلام.
المهم سيادتكم؛
نحن قد شكلنا لجنة لإختيار لجنة لتنظر في تشكيل لجان لدراسة الموضوع الذي تفضلتم برفعه لنا.
لكن يا صاحبي العملو الجبهجية دا في السودان ما بيتصلح
وقد وصلت اللجنة المنبثقة عن اللجنة الأولى التي أوصت بتكوين لجان لدراسة توصياتكم للأتي، أن اللجان التي شكلت بموجب تكوين لجنة من قبل اللجنة التي شكلناها قد رفعت تقريرها للجنة التانية والتي بدورها رفعتها للجنة الأولى التي شكلناها لتشكيل لجنة لتشكيل لجان ...... ووووووووووووووب من دا:
المهم وخلاصتو!!!!!
إحنا في الأوسط والشمالي والجنوبي والشرقي والغربي نمسح البلد بالواطة ونقول كدي نشمر ونقول بسم الله ونبدا من جديد
الحبيب رئيس و حاكم الاوسط:
تحية طيبة و بعد ،،
استلمنا مكتوبكم الاخير و تمعنا حروفكم و ما بينها و قلبناها جميع الجهات :D:D و من هنا جاءت تسمية صاحبة الفخامة لنا "بالانقلابي" كما ورد في شمارك الفوق دا :D:D ، اما هواجس و محن الجبهجية نحن مثلك نعلمها و ندركها، و لكن يا الحبيب ما بنقدر نقرضهم كلهم عشوائيا و نخلق ظلم و نملأ المجتمع بالجراحات و الاحقاد ،، و برضو هم سودانيين زينا لهم حق المواطنة ، انا اتفقت مع الرئيس و الرئيسة و وزيرة العدل و البرلمان انه اي جبهجي و حليف و مؤيد و مشارك و مشترك مع النظام السابق يثبت اجرامه و فساده و مخالفاته يحاكم و يقدموا جميعا للمحاكمة العادلة و بالقانون و مافي استثناء و تسويات ، كل كوادرهم الفاسدة المعتدية على حقوق الشعب و الوطن يحاكموا بالقانون و كل الطفيليين تصادر مكاسبهم الغير مشروعة و ما امتلكوا بغير حق و العقاب يشمل جميع اقارب و نسائب و اصدقاء و معارف اعضاء حكومتنا الحالية و ليست هناك شفاعة لصلة رحم و قربى و مافي واسطات و اجاويد و خلافه و حناخد اي مليم سرق و نهب و نرجعوا خزينة الدولة، اما بقية الجبهجية و كوادرهم المؤيدة لنظامهم السابق و التي ثبت عدم تورطها و مخالفتها فهم احرار في انتمائهم السياسي و فكرهم و قناعاتهم و لهم كامل الحرية في العمل والعيش الكريم اتفقوا معنا ام اختلفوا طالما ملتزمين بالقوانيين و النظم و الدستور. ابدأ من جديد يا سيادتك و رمم القديم و توكل على الله يعينك و ينصرك..
imported_منال
16-05-2008, 04:48 PM
استقالة وزير الثقافة والإعلام السوداني الوجيه خالد الحاج
قدم الوجيه "حلوة دي :D " خالد الحاج وزير الثقافة والإعلام استقالته من الحكومة الجديدة وقد عبر سيادته عن استنكاره وشجبه الشديدين علي منح رئيسة الحكومة حقيبة وزارة السياحة والفنادق لأهل الهامش (سارة النرويج) وأوضح سيادته أن هذه الحقيبة هي وزارة لا توجد في الواقع وأن فندقي السودان والهلتون وفندق المريديان لا يحتاجون إلي وزير ناهيك عن وزيرة مبدعة و-شديدة ولضيضة- زي سارة المهمشة;)
(نحن يهمشنا الله :D ) .
هو متين بليت كراعيك ياخال عشان تدم استقالتك ... اديها صنه و لا انت قالب زى ناس كدا و بقيت (شايقيجويدى ) بتاع مقاومة مسلحة نمرة لكن :p:p:p وقام اخوكم ود الذين يغازل فى المعارضة باسم المهمشين (ريس كبير) و و جيه رغم انف الكثيرين بس اقبل التكليف الى حين صدور قرار اخر:D
imported_منال
16-05-2008, 04:55 PM
حسب السلطات المخولة لبابكر مخير
رئيس الإقليم الأوسط
قرر الأتي:
# الغاء جميع القوانيين المقيدة للحريات
# الغاء قوانيين ما سمي حينها بقوانين الشريعة 1983
# إستقطاب الرأسمال الوطني
(ناس زماااان، كونتمخلوس أخوان، مرهج، جورج مشرقي G B الG M H)
# تشيكل مجلس إستشاري كارب عشان يلحق الإندلق ويرمرم النكسر ويفرح ويلطف الحياة؛؛ من السادة
* الحبيين!؟!؟ شيوخ البكاء
* أهل المزاج التائبين
* ذوي العلاقات الوطيدة مع أهلنا دول الحضارة الدائمة جيرانا الفي الشرق
دي كدا عربون صدق في القصد يا بنيتي الحبيبة منو
القرارات ستأتي تباعن
يلآ عليك تنشيط باقي الحكومة
اووووووووووووووووووووو الرؤساء نازلين تقيل ... ده الشغل ... ده الشغل ... النضيف كمان واصل يابا و اضيف الى اللستة اصحاب الخيال الواسع بفعل الدانات فى امدرمان (ناس منو و جماعتها:D) و الله الاندلق و الانكشح و الانكسر كلو ما زى عنقريب الجنازة اووووووووووووعك ايدكم معانا ايها الرؤساء (ده النداء)
imported_منال
16-05-2008, 04:58 PM
انا اتفقت مع الرئيس و الرئيسة و وزيرة العدل و البرلمان انه اي جبهجي و حليف و مؤيد و مشارك و مشترك مع النظام السابق يثبت اجرامه و فساده و مخالفاته يحاكم و يقدموا جميعا للمحاكمة العادلة و بالقانون و مافي استثناء و تسويات ، كل كوادرهم الفاسدة المعتدية على حقوق الشعب و الوطن يحاكموا بالقانون و كل الطفيليين تصادر مكاسبهم الغير مشروعة و ما امتلكوا بغير حق و العقاب يشمل جميع اقارب و نسائب و اصدقاء و معارف اعضاء حكومتنا الحالية و ليست هناك شفاعة لصلة رحم و قربى و مافي واسطات و اجاويد و خلافه و حناخد اي مليم سرق و نهب و نرجعوا خزينة الدولة، اما بقية الجبهجية و كوادرهم المؤيدة لنظامهم السابق و التي ثبت عدم تورطها و مخالفتها فهم احرار في انتمائهم السياسي و فكرهم و قناعاتهم و لهم كامل الحرية في العمل والعيش الكريم اتفقوا معنا ام اختلفوا طالما ملتزمين بالقوانيين و النظم و الدستور. ابدأ من جديد يا سيادتك و رمم القديم و توكل على الله يعينك و ينصرك..
هذا هو خط سير الثورة و نهجها العدلى واصل يا الحبيب و كل الجموع معانا الثورة ماشة كويس يا ريس
imported_عادل عسوم
16-05-2008, 05:00 PM
كتب Babiker Mukhayer
إحنا في الأوسط والشمالي والجنوبي والشرقي والغربي نمسح البلد بالواطة ونقول كدي نشمر ونقول بسم الله ونبدا من جديد.
ياجماعة حصلوا عمنا بابكر دة ب(ملمّع) و(أسبري) يمسّح بيهو البلد... بدل الواطة :):D
أحتراماتي أستاذنا بابكر
imported_منال
16-05-2008, 05:01 PM
خليني اول حاجة أملا جيوبي بعدين أملا مركزي ... ولو عندك أي املاءآت بعد كدا انا حاضر ...
اها قصرت معاك ...
سعادة الوزير الهمام صاحب المستقبل :
لا ما قصرت تب :mad::mad: بس جيوبك دي تملاها من ورثة و لا من تصميم و كدة بس .. نحن هبر و ملي ما عندنا الا تهبر قضايا و هموم و مصالح و تطلعات شعبك و تتملي مسؤلية و هم :D:D
الوزير المعنى هنا يقوم بالرصد و المتابعة ( المحاكمة خليها لى ناسها )
وقفة اجلال
نحن هبر و ملي ما عندنا الا تهبر قضايا و هموم و مصالح و تطلعات شعبك
imported_منال
16-05-2008, 05:10 PM
:(:(:(
نحن حياتنا حتكون كلها معارضه وللا شنو.. ما إشتغلتو بينا الشغله..
ساره أنا حإتشاكل معاك داير الأمن والإستخبارات .. أخوك ممكن يطور آليات التعذيب إبتداء من الجضًيم بالذردية مروراً ب قرًيض كديسه مع شاي الصباح وصولا ل..
غايتو جنس غايتو - أو كما يقال-
يا جنى نحنا داخرينك (لمرحلة الثورة الوطنية الديمقراطية ) شيل مواعينك و ضبظ حساباتك و املا الساحات و شيل الساحة الخضراء بره و راها النفرة الخضراء ... خليك قريب انسى المعارضة و التعذيب الدروب فتحناها من ضربة الكبرى الجديد نتلب و لا شيخ تلب و تانى الزانة ذاتها مابتتلقى امسك الجمرة صاح
imported_منال
16-05-2008, 05:15 PM
يا زول انا ما اديتو :D:D ادو مجهوده و علمه و كفاءته و بسالته النادرة في الصف الامامي لحركة التغيير و كدة :D:D
يا عادل الاجابة الفوق دى و لو عندك عليها اى حاجة (قشة) الرجاء مدنا بها بالداخلى نحن بتاعين التغيير و ما عندنا احتكارية و لا خلود و جمود كراسى منتظرين تنفيذ البرامج و الخطط هى الفيصل
imported_عادل عسوم
16-05-2008, 05:31 PM
يا عادل الاجابة الفوق دى و لو عندك عليها اى حاجة (قشة) الرجاء مدنا بها بالداخلى نحن بتاعين التغيير و ما عندنا احتكارية و لا خلود و جمود كراسى منتظرين تنفيذ البرامج و الخطط هى الفيصل
السيدة الرئيسة
نحن لا نطعن (أبدا) في ذمة أو تأريخ السيد الوزير أبوعاقلة أذ تاريخه النضالي قد سارت به الركبان
لكننا نود لفت نظر سيادتكم (هي الرئيسة مش بيقولوليها سيادتكم برضو؟ :rolleyes:)...نلفت النظر الى عدم تناسب (الزي) الذي يتزيّا به السيد الوزير أبوعاقلة مع طابع الوزارة ...وذلك من حيث العدد الهائل من الجيوب (في الجلابية والعراقي):eek:
وهذا هو الدليل:
كتب محمد أبوعاقلة
خليني اول حاجة أملا جيوبي بعدين أملا مركزي ... ولو عندك أي املاءآت بعد كدا انا حاضر ...
اها قصرت معاك ...
imported_منال
16-05-2008, 05:36 PM
:D
السيدة الرئيسة
نحن لا نطعن (أبدا) في ذمة أو تأريخ السيد الوزير أبوعاقلة أذ تاريخه النضالي قد سارت به الركبان
لكننا نود لفت نظر سيادتكم (هي الرئيسة مش بيقولوليها سيادتكم برضو؟ :rolleyes:)...نلفت النظر الى عدم تناسب (الزي) الذي يتزيّا به السيد الوزير أبوعاقلة مع طابع الوزارة ...وذلك من حيث العدد الهائل من الجيوب (في الجلابية والعراقي):eek:
وهذا هو الدليل:
يا ولدى من غير تفخيم او تفحيم نحنا ناس و نسة ساكت (قلت ليك بالداخلى ) لكن و الله ود ابو عاقلة الزى بتاعو شنو ما عارفة كان سالتنى الا عارفهو جنو زارير (قفل جيوب) و كان بقى بس بتاع (الجلابية والعراقي) بكون معاهو للطيش :D و بغنى ليهو الغنى السمحح البعجب يا بلدى يا حبوب يا ابو جلابية وتوب ... و ما يفوتك يادوب بقنينا نسمع الغنى ده فى القنوات فكو اسرو
نلفت النظر الى عدم تناسب (الزي) الذي يتزيّا به السيد الوزير أبوعاقلة مع طابع الوزارة
انسى موضوع الزى ده و خليك معاهو فى البرنامج بس اصلو هو بغطس كتير :p:p
imported_رأفت ميلاد
16-05-2008, 08:26 PM
منال كيفك
جيتك متأخر وكدة .. وشايف الحكومة إتكونت وبتعديلات وزارية كمان .. كمان مشينا على صقر الجديان داك قولنا نطيرو عشان ساجورنا ينفك مع جناحتو اختارنا شمس نصت نهار الحارقة جوفنا دى عشان تكون شعار
دى بداية موفقة .. شمس نص النهار .. هبوبه .. فيضان .. تصحر .. أي حاجة بس صقر الجديان هو الجاب لينا الجلا
قلنا نفكر فى شكل السودان الكبير ده خرجنا بانه لابد من العودة الى نظام الحكم المحلى بتاع الخمسة اقاليم ديلاك و لابد ان نصطحب معتا الارث السياسى فهو من عبقرية هذا الشعب و بى كدا نكون انفكينا من 26 ولاية و قصرنا الظل الادارى و بضربة واحدة اتخلصنا من رهط الولاة و مساعدى الوالى و الحكومات الولائية و برلمانتها و كل مخصصاتها من قسمة الثروة و البترول
كدى رجعتينا للإنجليز عديل كده .. والله يا ريت .. الواحد يقرا التاريخ كلو ويعمل عكسو بالظبط وكلو بظبط انا ح اطالب يكون فى رئيس تانى مش فى نائب تانى المجربة قبل ده..
أها دى لغة ما ديمقراطية أبدآ قصة رئيس تانى مرا .. مجربنها فى البيت .. الواحد يطلع برئاسة صورية .. نائب زاتا فيها قولان .. ياهو التهميش ياهو التهميش .. دايره تطلعى بالرأى السديد والمايل للجمبك .. قديمة .. شيلن رئاسة عديل ويا حليل الرأى الآخر السيد رافت ميلاد وزير الداخلية
دى بالغتى فيها .. أنا العسكرى كان ساكن فى الحلة التانية بجيب لى الأرتكاريا .. دايرانى على راسم
يا زولة الحيكومة والمريسة حلوة .. لكن نحن ناس الما بعجبنا العجب .. يعنى كان عملتينى وزير الداخلية تلقينى تانى يوم إعتقلت ليك رئيس الجمهورية والمره المعاهو .. تعرفى أخلقى لى وزارة متفردة كدى .. تكون محسوبة فى الحكومة وبراتا .. وزير المعارضة مثلآ .. أنضجض ليك الجماعة نجاض ..
بجيكى للباقى
imported_عادل عسوم
16-05-2008, 08:47 PM
يا زولة الحيكومة والمريسة حلوة ..لكن نحن ناس الما بعجبنا العجب .. يعنى كان عملتينى وزير الداخلية تلقينى تانى يوم إعتقلت ليك رئيس الجمهورية والمره المعاهو .. تعرفى أخلقى لى وزارة متفردة كدى .. تكون محسوبة فى الحكومة وبراتا .. وزير المعارضة مثلآ .. أنضجض ليك الجماعة نجاض ..
بجيكى للباقى
__________________
رأفت ميلاد
نحنا ماصدقنا لقينا لينا وزير داخلية (رؤوف) ياأستاذنا (رأفت) :D
بس ياأستاذنا في الزي دي المريسة حلوة
بالله تاني شكّل لينا الكلام عشان في ناس مخهم بيروح بعيد :p;)
أحتراماتي
imported_رأفت ميلاد
16-05-2008, 09:45 PM
بس ياأستاذنا في الزي دي
بالله تاني شكّل لينا الكلام عشان في ناس مخهم بيروح بعيد :p;)
أحتراماتي
:D:D:D:D
الإتنين حلوات .. والإتنين ما لاقنهم
كدى أدى كحلة لى دى نفسى فى .. بقنية .. وشربوت .. ودكاى .. وكوجومورو (http://www.sudaneseonline.com/cgi-bin/sdb/2bb.cgi?seq=msg&board=160&msg=1208246458&func=flatview)
imported_كيشو
16-05-2008, 09:47 PM
[QUOTE=رأفت ميلاد;97810][B][size=5][color=#00008B]
يا زولة الحيكومة والمريسة حلوة .
يا رأفت:
الحيكومة مصطلح هنا، فإذا كانت حلوة فهذه مهادنة لا تليق بوزير داخلية
أما المريسة دي حقو تشكلها ذي ما قال عادل عشان الخبراء يقولوا رأيهم
imported_أشتر
16-05-2008, 10:22 PM
[B][size=5][color=#00008B]
يا زولة الحيكومة والمريسة حلوة .يا رأفت:
أما المريسة دي حقو تشكلها ذي ما قال عادل عشان الخبراء يقولوا رأيهم
الحكومة شكلتوها ما قلنا حاجة ... وسميناها رضينا ...
اها التانية دي خلوها كدا مطاطية وديمقراطية وكلو واحد يفسرا حسب احتياجاتو الشخصية*اذا اقتضت الضرورة ذلك ... فما اي حاجة بتتشكل تعتبر تنظيم لعملية إدارية ... فإدارة الرأس تحتاج لهكذا كلمات ...
حتى تضرب الدلجة وتنفصل عن الواقع بوقعة أكبر ...
imported_عادل عسوم
16-05-2008, 10:25 PM
الحكومة شكلتوها ما قلنا حاجة ... وسميناها رضينا ...
اها التانية دي خلوها كدا مطاطية وديمقراطية وكلو واحد يفسرا حسب احتياجاتو الشخصية*اذا اقتضت الضرورة ذلك ... فما اي حاجة بتتشكل تعتبر تنظيم لعملية إدارية ... فإدارة الرأس تحتاج لهكذا كلمات ...
حتى تضرب الدلجة وتنفصل عن الواقع بوقعة أكبر ...
سيادة الوزير أبوعاقلة شكلك مع المقولة البتقول...لا تضيّق واسعا :p:D
imported_أشتر
16-05-2008, 10:33 PM
السيدة الرئيسة
نحن لا نطعن (أبدا) في ذمة أو تأريخ السيد الوزير أبوعاقلة أذ تاريخه النضالي قد سارت به الركبان
لكننا نود لفت نظر سيادتكم (هي الرئيسة مش بيقولوليها سيادتكم برضو؟ :rolleyes:)...نلفت النظر الى عدم تناسب (الزي) الذي يتزيّا به السيد الوزير أبوعاقلة مع طابع الوزارة ...وذلك من حيث العدد الهائل من الجيوب (في الجلابية والعراقي):eek:
وهذا هو الدليل:
ياخوي انا غير الجيوب الأنفية ما عندي شي تاني ... وبعض جيوب المقاومة ...
والتعبير مجازي واحنا وعهد الاتصالات وثورة المعلومات ... جيوبنا بقت تحويلات ومصارف خارجية في منها (تحت تحت) واغلبها شبكات وشيكات وغسيل قروش انت ما عندك معاو قضية ... ودايما بننشر غسيلنا بره عشان ينشف ... وننشف ريقكم بالوعود حتى أعود ...
وإلى أن أعود ... خليك مغلغل ...
imported_أشتر
16-05-2008, 10:35 PM
سيادة الوزير أبوعاقلة شكلك مع المقولة البتقول...لا تضيّق واسعا :p:D
دي ما زي ... إن المطعم غير مفتوح ... لأنه مغلق !!!
imported_فيصل سعد
16-05-2008, 10:36 PM
و الله انتوا سرحتوا سرحة بت لذين :D:D:D
قرر السيد وزير الدفاع و القائد العام للقوات المسلحة و بصفته الرسمية كنائب لرئيس الجمهورية و الذي سافر في مأمورية خارجية ، قرر رفض استقالة السيد وزير الثقافة و الاعلام و عليه مواصلة مهامه و اضافة الهيئة العامة للاتصالات و البريد و البرق و الانترنت و الاقمار الصناعية لوزارته و يتم تعيين ناصر يوسف ابو رحيق مديرا عاما للهيئة القومية للاذاعة و التلفزيون و المسرح، كما قرر نقل الوزيرة "سارة النرويج" من وزارة السياحة و تعيينها وزيرة دولة بالدفاع و مستشارة لشؤون الامن القومي و الاستخبارات العسكرية .. و ان يتولى السيد رأفت ميلاد وزارة السياحة و الاستثمار و يتولى الرباطابي وزارة الداخلية و شليل 07 وزارة الزراعة و الغابات و مهند بشير وزيرا للثروة الحيوانية ..
لعناية السيد رافت ميلاد الذي اتضح بما لا يدع مجالا للشك انه لم يقرأ البوست كاملا .. و تنوية للجميع بقراءة المداخلة الاولي لرئيسة الثورة و المداخلة رقم 54 لسيادتنا و الونسة في باقي المداخلات:D:D لتجنب التغريد خارج السرب و هكذا حلجان صواميل و شتارة ايقاعات :D:D مع اكيد حبنا و ودنا و تحياتنا و تقديرنا ،، سيروا و عين الله ترعاكم..
imported_أشتر
16-05-2008, 10:40 PM
لعناية السيد رافت ميلاد الذي اتضح بما لا يدع مجالا للشك انه لم يقرأ البوست كاملا .. و تنوية للجميع بقراءة المداخلة الاولي لرئيسة الثورة و المداخلة رقم 54 لسيادتنا و الونسة في باقي المداخلات:D:D لتجنب التغريد خارج السرب و هكذا حلجان صواميل و شتارة ايقاعات :D:D مع اكيد حبنا و ودنا و تحياتنا و تقديرنا ،، سيروا و عين الله ترعاكم..
بجيكى للباقى
يا فيصل الشفقة ليك شنو ... وهكذا صبر ماف ...
واذا ما بتعرف تبلو ... ما تنشف ريقنا ...
imported_رأفت ميلاد
17-05-2008, 12:01 AM
لعناية السيد رافت ميلاد الذي اتضح بما لا يدع مجالا للشك انه لم يقرأ البوست كاملا .. و تنوية للجميع بقراءة المداخلة الاولي لرئيسة الثورة و المداخلة رقم 54 لسيادتنا و الونسة في باقي المداخلات:D:D لتجنب التغريد خارج السرب و هكذا حلجان صواميل و شتارة ايقاعات :D:D مع اكيد حبنا و ودنا و تحياتنا و تقديرنا ،، سيروا و عين الله ترعاكم..
يا فيصل زى ما قال ليك أبوعاقلة الشفقة تطير .. جايك وفاضى ليك .. باين ما لاحظت أول المداخلة بالإشارة للتعديلات الوزارية
منال كيفك
جيتك متأخر وكدة .. وشايف الحكومة إتكونت وبتعديلات وزارية كمان ..
سياحة فى الهجير دة .. دى الخطوة الأولى لزحلقت الوزير .. وزير داخلية لى وزير سياحة وبعدين والى ثم سفير وللطراوة ..باين مخصصاتك لازم ينظر فيها ويفات يا فيصل :D:D
وبعدين الحيكومة دى فاتتنى والله .. وجات حلوة مع حلوة دى :D:D .. المريسة ما بتتشكل مع غياب العربى فى الكمبيوتر .. كل زول يضوقا بمزاجو
imported_فيصل سعد
17-05-2008, 06:38 AM
يا فيصل زى ما قال ليك أبوعاقلة الشفقة تطير .. جايك وفاضى ليك .. باين ما لاحظت أول المداخلة بالإشارة للتعديلات الوزارية
سياحة فى الهجير دة .. دى الخطوة الأولى لزحلقت الوزير .. وزير داخلية لى وزير سياحة وبعدين والى ثم سفير وللطراوة ..باين مخصصاتك لازم ينظر فيها ويفات يا فيصل :D:D
وبعدين الحيكومة دى فاتتنى والله .. وجات حلوة مع حلوة دى :D:D .. المريسة ما بتتشكل مع غياب العربى فى الكمبيوتر .. كل زول يضوقا بمزاجو
معليش يا سيادتك ،، حبال الصبر ناقصة و المداخلات بالقطارة ما انتبهنا ليها :D:D انت عارف حالنا الايام دي في لجان كنس آثار الانقاذ :D:D و حجم العمل و ضغطه ، يمين انا الاولاد لي اسبوع بشوفهم الصباح و انا مارق المكتب دا لو ما كنت بايت فيه و لا مسافر و متجول بين الاقاليم الخمسة .. وزارة السياحة اقرب لتخصصك و خبرتك من الداخلية و دا سبب التعديل مع اعتبار ان تنقل خبرات دقة و نظم العمل و التطوير و الاستفادة من تجاربك في محطة سويسرا ، و دايرين نبعدك من الرصاص عشان ما تعوق ليك زول فش غبينة :D:D و تاكد العدل و القانون و القصاص برد المظالم و بمحى الجروح ، و الداخلية بتور النفس و بتزيد الزهايمر :D:D و نحن ما دايرين ليك التعب و الاكل الكعب :D:D لانوا ما صدقنا لقينا وزير مميز و متميز و مافي زحلقة يا ود عمك و مافي طراوة ، و ابقى قريب ..
imported_منال
17-05-2008, 09:55 AM
يا فيصل زى ما قال ليك أبوعاقلة الشفقة تطير .. جايك وفاضى ليك .. باين ما لاحظت أول المداخلة بالإشارة للتعديلات الوزارية
سياحة فى الهجير دة .. دى الخطوة الأولى لزحلقت الوزير .. وزير داخلية لى وزير سياحة وبعدين والى ثم سفير وللطراوة ..باين مخصصاتك لازم ينظر فيها ويفات يا فيصل :D:D
وبعدين الحيكومة دى فاتتنى والله .. وجات حلوة مع حلوة دى :D:D .. المريسة ما بتتشكل مع غياب العربى فى الكمبيوتر .. كل زول يضوقا بمزاجو
اها الطراوة جبت ليها كلام تانى
المريسة ما بتتشكل مع غياب العربى فى الكمبيوتر .. كل زول يضوقا بمزاجو
عرب بجا نوبة و حلب كلهم يا راقت رؤف معانا فى الحلقة ... المخصصات بتخليك تخت المراقبة دايما و العيون منقجلة و وزير الاتصالات قال بليقط بره و جوه و بنشر كمان اعمل خسابم الحكيومة عندها مؤسسية قوية .. بلبل رجلينك كوبس و بارى الجماعة دى خارج النص
imported_منال
17-05-2008, 10:01 AM
الحكومة شكلتوها ما قلنا حاجة ... وسميناها رضينا ...
اها التانية دي خلوها كدا مطاطية وديمقراطية وكلو واحد يفسرا حسب احتياجاتو الشخصية*اذا اقتضت الضرورة ذلك ... فما اي حاجة بتتشكل تعتبر تنظيم لعملية إدارية ... فإدارة الرأس تحتاج لهكذا كلمات ...
حتى تضرب الدلجة وتنفصل عن الواقع بوقعة أكبر ...
يا زول انت اول من قكه الشفرات و بل الريق بجك موية كبير ما عندو كوز :D:D:D و هكذا الرضوة و الارتضاء ... التنظيم مية مية ما فى زول سودانى بنظم بدق الدلجة اسال ناس العمم الصقراء :p:p:p الانقصال عن الواقع بوقعة اكبر نعتبرها اكبر ادفايس للحكومة و الثورة ما عاوزة تكون وصية و نصيخة يقومو يقال ده انقاذى زى دخ كتر منو يا وزير
imported_شبارقة
17-05-2008, 12:31 PM
إنطلاقاً من واقع عملي كمندوب دائم في الإتحاد الإفريقي فأنا حقيقةً (تأملوا حقيقةً دي ;)) أنظر بترقب وحذر كبيرين لمشاكل القارة الافريقية وصراعات الغرب ومحاولتهم تفتيت وحدة دولنا وتحويلها الي دويلات متصارعة كما إنني أنظر الي السودان والصراعات المحتدمة فية ومايحدث في دارفور ومانراه من شاد والتحركات الغربية للهيمنة علي مواردنا والتي يمكن للغرب ان يفعل كل شيء من أجل وضع إستراتيجية محكمة لنقل كل الثروات ولكن هل يعي حكامنا (ناس فيصل ومنال ومنو ومنو ديلك ) مسئولة التوحد لنبذ الصراعات والتناحر وأن تتحكم دبلوماسية الوعي بقضايانا الملحة ووضع إستراتيجيات محكمة لنتجاوز أولاً خلافاتنا الشخصية (كما يفعل حفيد المهدي هذه الأيام ;)) وأن نتوحد باسم القارة التي تجمعنا ومن ثم ندرك كنه الاشياء لأن المتأمل للواقع الإفريقي يجده واقع مخيف جداًوينذر بالانفجار وبالحروب المتواصلة (سياسة المديدة حرقتني)
الكلام كثير جدا والقضايا أكبر وملحة وعميقة ومتجذرة (ومتنجدرة ;) والكلام للأخوات الوزيرات والوكيلات وكده ...) ولكني أخشى من المهددات (ناس فيصل وود أبو عاقلة وسارة).
هل يمكننا تغيير المفاهيم السياسية أو الكيمياء التحليلية (يا عسوم يا بتاع الهندسة الكيميائية إنت) لهولاء الساسة أم نراقب من علي البعد وينفض السامر وتصبح الاجندة حبيسة أضابير الإدارك ؟! (رأئك شنو يا ود أبو عاقلة في أضابير الإدراك دي ؟) ...(يأخ أنا بعد الدرر دي مفروض أكون رئيس الوزراء في حكومتكم المن ورق دي :D) وفي المرة الجايه ح أعقد ليكم مقارنة من داخل دهاليز الإتحاد ما بين الكلب الأكل الدريش (يا خالد الحاج) والديك القلب الريكة وزنقة المرعفين في الطاحونة .. وأدونا فندقكم ندق ونديكم وكان أبيتو تدونا كاروشة تأكلكم:D..
ناصر يوسف
17-05-2008, 02:34 PM
http://sudanyat.net/vb/imgcache/126.imgcache.jpg (http://www.l44l.com/up)
ونِحنَ بَس بِنعاين سَاااااااااااااااااااااااااااااااااااااااااااااااا اااي كِدَه بَلَا شَغَلَه النَشوف آخرتها معاكم
imported_فيصل سعد
17-05-2008, 10:24 PM
http://sudanyat.net/vb/imgcache/126.imgcache.jpg (http://www.l44l.com/up)
ونِحنَ بَس بِنعاين سَاااااااااااااااااااااااااااااااااااااااااااااااا اااي كِدَه بَلَا شَغَلَه النَشوف آخرتها معاكم
تعاين شنو يا ود عمك ، امشي اقرأ مداخلة رقم 54 و دا جزء منها :
قرر السيد وزير الدفاع و القائد العام للقوات المسلحة و بصفته الرسمية كنائب لرئيس الجمهورية و الذي سافر في مأمورية خارجية ، قرر رفض استقالة السيد وزير الثقافة و الاعلام و عليه مواصلة مهامه و اضافة الهيئة العامة للاتصالات و البريد و البرق و الانترنت و الاقمار الصناعية لوزارته و يتم تعيين ناصر يوسف ابو رحيق مديرا عاما للهيئة القومية للاذاعة و التلفزيون و المسرح، كما قرر نقل الوزيرة "سارة النرويج" من وزارة السياحة و تعيينها وزيرة دولة بالدفاع و مستشارة لشؤون الامن القومي و الاستخبارات العسكرية .. و ان يتولى السيد رأفت ميلاد وزارة السياحة و الاستثمار و يتولى الرباطابي وزارة الداخلية و شليل 07 وزارة الزراعة و الغابات و مهند بشير وزيرا للثروة الحيوانية و السمكية ، و وفقا للصلاحيات المخولة و التفويض الممنوح اصدر سيادته القرارات التالية :
imported_منال
18-05-2008, 07:10 AM
إنطلاقاً من واقع عملي كمندوب دائم في الإتحاد الإفريقي فأنا حقيقةً (تأملوا حقيقةً دي ;)) أنظر بترقب وحذر كبيرين لمشاكل القارة الافريقية وصراعات الغرب ومحاولتهم تفتيت وحدة دولنا وتحويلها الي دويلات متصارعة كما إنني أنظر الي السودان والصراعات المحتدمة فية ومايحدث في دارفور ومانراه من شاد والتحركات الغربية للهيمنة علي مواردنا والتي يمكن للغرب ان يفعل كل شيء من أجل وضع إستراتيجية محكمة لنقل كل الثروات ولكن هل يعي حكامنا (ناس فيصل ومنال ومنو ومنو ديلك ) مسئولة التوحد لنبذ الصراعات والتناحر وأن تتحكم دبلوماسية الوعي بقضايانا الملحة ووضع إستراتيجيات محكمة لنتجاوز أولاً خلافاتنا الشخصية (كما يفعل حفيد المهدي هذه الأيام ;)) وأن نتوحد باسم القارة التي تجمعنا ومن ثم ندرك كنه الاشياء لأن المتأمل للواقع الإفريقي يجده واقع مخيف جداًوينذر بالانفجار وبالحروب المتواصلة (سياسة المديدة حرقتني)
الكلام كثير جدا والقضايا أكبر وملحة وعميقة ومتجذرة (ومتنجدرة ;) والكلام للأخوات الوزيرات والوكيلات وكده ...) ولكني أخشى من المهددات (ناس فيصل وود أبو عاقلة وسارة).
هل يمكننا تغيير المفاهيم السياسية أو الكيمياء التحليلية (يا عسوم يا بتاع الهندسة الكيميائية إنت) لهولاء الساسة أم نراقب من علي البعد وينفض السامر وتصبح الاجندة حبيسة أضابير الإدارك ؟! (رأئك شنو يا ود أبو عاقلة في أضابير الإدراك دي ؟) ...(يأخ أنا بعد الدرر دي مفروض أكون رئيس الوزراء في حكومتكم المن ورق دي :D) وفي المرة الجايه ح أعقد ليكم مقارنة من داخل دهاليز الإتحاد ما بين الكلب الأكل الدريش (يا خالد الحاج) والديك القلب الريكة وزنقة المرعفين في الطاحونة .. وأدونا فندقكم ندق ونديكم وكان أبيتو تدونا كاروشة تأكلكم:D..
وأدونا فندقكم ندق ونديكم وكان أبيتو تدونا كاروشة تأكلكم
هههههههه ده كلام وزير التراث صحى و بالحيل كدى ده كلام فى السلك يافردة شفت الرئاسة دى ماشة معاك كيف:p:p كدى اصبر انت بتكاوش على كلو الداخلى و الخارجى و كمان النهب المسلح ياراجل :D:D:D اها منتظرين جيتك اثلو البيت ده بسع الجميع
imported_منال
18-05-2008, 07:25 AM
http://sudanyat.net/vb/imgcache/126.imgcache.jpg (http://www.l44l.com/up)
ونِحنَ بَس بِنعاين سَاااااااااااااااااااااااااااااااااااااااااااااااا اااي كِدَه بَلَا شَغَلَه النَشوف آخرتها معاكم
يا وزير الكلام دى بيدينك انت لسه بقلم الرصاص تعاين كيف و انت وزير و عندك الاذاعة الفيها المرتزقة و المعارضة صاحية و شالو حسك اعمل حسابك خليك فى الخط يا ناصر
imported_نعمات حمود
18-05-2008, 09:16 AM
منالنا ..الحتحقق منالاتنا ..ودي ومحبتي تسبق مطالبي ...
نرجع:اولا يا منو انا بحبك لكن ما عرفتي راحتي وين ...تربية شنو الانا بتوزره...دي قزاز ساي
وانا عندي عقدة منها اولا درست تربية الجزيرة وبعد اتخرجت وفهمت غلطتي رجعت جامعة السودان وبديت من الصفر ودرست الاعلام وبعد ت من المعلمين المفلسين ولكن العقدة موجودة حتي بعد الاغتراب
فانا بعتزر من المنصب دا ..لكن ممكن تشوفولي وظيفة مستحدثة مناسبة وانا بصراحة في راسى بتاعة مني مناوي......(كبير ..مساعدي ..رئس الجمهورية )عاجباني جنس عجب وبتريحني وعبرها بحقق احلامي وطموحي ...
ملحوظة :اذا وافقتوا خلاص والا حاعمل منظمة (للعدل والمساواة)ويابلد جاتك متمردة ..
وردوا لي سريع العمر ماشي والطمع زايد...
لكم جميعا اطنان محبة
نعمات
imported_عادل عسوم
18-05-2008, 09:33 AM
منالنا ..الحتحقق منالاتنا ..ودي ومحبتي تسبق مطالبي ...
نرجع:اولا يا منو انا بحبك لكن ما عرفتي راحتي وين ...تربية شنو الانا بتوزره...دي قزاز ساي
وانا عندي عقدة منها اولا درست تربية الجزيرة وبعد اتخرجت وفهمت غلطتي رجعت جامعة السودان وبديت من الصفر ودرست الاعلام وبعد ت من المعلمين المفلسين ولكن العقدة موجودة حتي بعد الاغتراب
فانا بعتزر من المنصب دا ..لكن ممكن تشوفولي وظيفة مستحدثة مناسبة وانا بصراحة في راسى بتاعة مني مناوي......(كبير ..مساعدي ..رئس الجمهورية )عاجباني جنس عجب وبتريحني وعبرها بحقق احلامي وطموحي ...
ملحوظة :اذا وافقتوا خلاص والا حاعمل منظمة (للعدل والمساواة)ويابلد جاتك متمردة ..
وردوا لي سريع العمر ماشي والطمع زايد...
لكم جميعا اطنان محبة
نعمات
ياجماعة الناس الوجيهين ديل (يعاينوليكي كيف زاااتو ...وجعتي رقبتنا يانعمات) :mad:
أنا رأيي الناس الوجيهين ديل تودوهم مندوب دائم في الجامعة العربية
وبعدين وزارة الطاقة دي ماكويسة ...مالكن رامنها برة كدي:D:confused:
imported_شبارقة
18-05-2008, 09:37 AM
وردوا لي سريع العمر ماشي والطمع زايد...
لكم جميعا اطنان محبة
نعمات[/B]
أنا غايتو يا نعمات يا أختي خائف من كلمة أطنان دي لأنو واضح أنو خَمِّك بالطن وكده ..:D عشان تلحقي الزمن :D:D ونحن البقول عاوز يبقى وزير صحة بنديهو الشباب والرياضة والعاوز المالية بنديهو الحكم المحلي وذلك محاولةً منا لمحاربة اللبع والبلع والشفط والإزدراد :D:D
imported_فيصل سعد
18-05-2008, 09:37 AM
صدر قرار رئاسي رقم 3/ن/ح بنقل الاستاذة نعمات حمود وزيرة التربية و التعليم و تعيينها وزيرة للمالية و الاقتصاد الوطني و ان تدمج وزارة التربية مع التعليم العالي و البحث العلمي تحت اشراف الوزير الهمام صاحب المستقبل محمد ابوعاقلة مع زيادة راتبه و مخصصاته مراعاة لزيادة حجم العمل و الاعباء الملقاه على عاتقه ، و الله يدينا خيركم ساي :D:D:D
imported_شبارقة
18-05-2008, 09:39 AM
صدر قرار رئاسي رقم 3/ن/ح بنقل الاستاذة نعمات حمود وزيرة التربية و التعليم و تعيينها وزيرة للمالية و الاقتصاد الوطني :D:D:D
إعتراض يا ريس ..إنت ما شفت مداخلتي السابقة ولاّ شنو !!! :mad::mad:
imported_شبارقة
18-05-2008, 09:42 AM
وبعدين وزارة الطاقة دي ماكويسة ...:D:confused:
ونحن بندافر ونعافر من زمان عشان شنو؟ ما عشان نفوز بوزارة الطاقة دي يا حبوب :mad:
imported_فيصل سعد
18-05-2008, 09:43 AM
إعتراض يا ريس ..إنت ما شفت مداخلتي السابقة ولاّ شنو !!! :mad::mad:
مشي يا معلم و ما تعترض كتير :D:D بالله عليك زي نعمات دي :D:D العسمت رقبة عادل دا :D:D بزعلوها و لا برفضوا ليها طلب؟؟؟
imported_عادل عسوم
18-05-2008, 09:45 AM
ونحن بندافر ونعافر من زمان عشان شنو؟ ما عشان نفوز بوزارة الطاقة دي يا حبوب :mad:
شبارقة
كل زول يكشف ورقو (أقصد يقدم مؤهلاتو) :mad::mad::mad:
:D
imported_فيصل سعد
18-05-2008, 09:51 AM
ونحن بندافر ونعافر من زمان عشان شنو؟ ما عشان نفوز بوزارة الطاقة دي يا حبوب :mad:
اسمعوني كويس يا مناديبنا الاعزاء شبارقة و عدولة :D:D الواحد ممكن يحلم و يأمل و يتمنى و يشتهى و يسرح بخياله و كدة ، لكن لما تجي وزارة الطاقة دي تفتحوا و تصحوا و تركزوا في الواقع بشدة :D:D لانه نجوم السماء اقرب ليكم من وزارة الطاقة و كان ما مصدقني امشوا اسألوا غنم ابليس السارحين وراهم ديك :D:D
imported_نعمات حمود
18-05-2008, 09:57 AM
Arabic]ياجماعة الناس الوجيهين ديل (يعاينوليكي كيف زاااتو ...وجعتي رقبتنا يانعمات) :mad:
أنا رأيي الناس الوجيهين ديل تودوهم مندوب دائم في الجامعة العربية
وبعدين وزارة الطاقة دي ماكويسة ...مالكن رامنها برة كدي:D:confused:
ياجماعة مافي زمن ولو قعدنا للت والعجن دا حنكون زي الجمعية التاسيسية زمان كراسي جميلة يصحو وينومو لليلة ما عرفنا كانو بقولو في شنو ...
وبعدين طاقة وتعدين شنو المشاكل دي كلها في عدم الطاقة نحن طاقتنا وراسمالنا كلو من فوق والمشكلة دا مزيف (اقصد علاقتنا بفوق جعجعة فقط )عشان كدا غطس حجرنا كل يوم مشكلة جديدة
لازم الصدق الداخلي في كل خطوة ...
وانا بصراحة تعبت وعايزه اتستت وخلوني بعيد ...اي واحد في الوزاراة دي مرتو تموت حاكون مرت االوزير وهاك يامنجهية وسماحة وكل يوم افتتح ليكم مشروع وكل يوم عيزومة مالي ومال الهموم دي
ولك محبتي وبهدي ليك اغنية :
سمح انت و....شرط انت و...وعسل انت ...
وتسلم من وجع الرقبة ...
نعمات[/B]
imported_نعمات حمود
18-05-2008, 10:05 AM
يا فردتي ..ود سعد انا متاكدة من انو قلبك علي ..وخجلتني بسماحتك معاي ....انا المالية دي بجد لمن قريته (وزيرة مالية )اقشوشرتا عديل لانو حلم قديم في العقل الباطني ...فجاة يظهر على الواقع مشكور يا ود سعد جد استحقيت التفريدة الابدية ...
لك عميق التواصل
النعمه
imported_فيصل سعد
18-05-2008, 10:11 AM
شبارقة
كل زول يكشف ورقو (أقصد يقدم مؤهلاتو) :mad::mad::mad:
:D
ورقوا و لا فاصوليتوا :D:D
انا غايتو لابد بالجواكر كلها :D انت شن قولك ..
بابكر مخير
18-05-2008, 10:19 AM
صدر قرار رئاسي رقم 3/ن/ح
:D:D:D
يا شيخنا ما قلنا أنقلونا من الاوسط
هو شنو الحكاية واسطة
طيب نوسط منو؟ عشان نتنقل من الاوسط
مستنين القرار الرئاسي حتى لو كان 100000000000/ن/ح
imported_نعمات حمود
18-05-2008, 10:19 AM
=شبارقة;97936]أنا غايتو يا نعمات يا أختي خائف من كلمة أطنان دي لأنو واضح أنو خَمِّك بالطن وكده ..:D عشان تلحقي الزمن :D:D ونحن البقول عاوز يبقى وزير صحة بنديهو الشباب والرياضة والعاوز المالية بنديهو الحكم المحلي وذلك محاولةً منا لمحاربة اللبع والبلع والشفط والإزدراد :D:D
يا خوي شبارقة ات مالك مضيقة علي كدا ...اولا خوفك ما في محلو كل شي كتير مسيخ الا المحبة وانا شايفة الفي قلبي لود سعد بس براه اكتر من الطن وناهيك ناس عادل ومهند ونوفل ولسه بقول انشاءالله اتملي فل محبة واغطي كل مساحاتي الداخلية ...
وبعدين انا شايفة لو اديتوني السودان دا كلو ما بعوضني يوم واحد من ايام غربتي وانا في عز الصبا لم انم ولم ازق نعيم ودفء وحميمية وطني ...وامان بلدي ...الذي لا تعدله اي وزارة ..
وريح بالك انا خلاص عايزه ارتاح واتستت في بيت وزير او رئس ولازم اكون مرت الوزير او الرئس
حاشوف لي فكي كارب ويمكن يقول لي جيبي لي (علقة من الريس او الوزير )وكدا صعبة حااطر اجيب ليه مقال في ورقة من مواضيعكم في سودانيات دي واهو الحمدللة كلهم بكتبوا هنا ..
لك طنيييين محبة
نعمات[/B]
imported_فيصل سعد
18-05-2008, 10:25 AM
الرجاء من السادة و السيدات الوزراء و الوزيرات و حكام الاقاليم و المناديب الخارجيين و كافة اعضاء الحكومة حضور الاجتماع الهام في السابعة مساء اليوم لمناقشة بعض القضايا الهامة و العاجلة و الطارئة .. الاعتذار المسبق مطلوب كتابة قبل ساعتين من الموعد المحدد .
و لكم وافر الشكر و التقدير..
imported_عادل عسوم
18-05-2008, 10:28 AM
الرجاء من السادة و السيدات الوزراء و الوزيرات و حكام الاقاليم و المناديب الخارجيين و كافة اعضاء الحكومة حضور الاجتماع الهام في السابعة مساء اليوم لمناقشة بعض القضايا الهامة و العاجلة و الطارئة .. الاعتذار المسبق مطلوب كتابة قبل ساعتين من الموعد المحدد .
و لكم وافر الشكر و التقدير..
نحنا من الساعة واحدة الضهر حنكون في الأستاد (أقصد في مجلس الوزراء) :(
imported_فيصل سعد
18-05-2008, 10:35 AM
يا شيخنا ما قلنا أنقلونا من الاوسط
هو شنو الحكاية واسطة
طيب نوسط منو؟ عشان نتنقل من الاوسط
مستنين القرار الرئاسي حتى لو كان 100000000000/ن/ح
افو يا الحبيب افو :D:D انت الزيك ما بطلب و يترجأ
شوف المكان البيعجبك و امشي اقعد فوقه توش و ما تتلفت و ما تشاور :D:D بعدين المنصب الدايرو اشر عليه و انا بجيبوا ليك لاعندك في الاوسط على طبق من ذهب و كدة :D:D
بس ابدأ في تنفيذ الخطط المتفقة و المجازة من امس ديك :D:D و لا نسيتها :D:D
imported_شبارقة
18-05-2008, 10:54 AM
صدر قرار رئاسي رقم 3/ن/ح بنقل الاستاذة نعمات حمود وزيرة التربية و التعليم و تعيينها وزيرة للمالية و الاقتصاد الوطني :D:D:D
مبروووك عليك الليله يا نعومه إنت رقووووك ونحن فطونا
و مبروووك عليك الليله يا نعومه ....http://sudanyat.net/vb/imgcache/131.imgcache.jpg (http://www.l44l.com/up)
يا ريت تخشوا علينا بالموسيقى وكده :D:D
imported_شبارقة
18-05-2008, 11:00 AM
أنا خلاص عايزه ارتاح واتستت في بيت وزير أو رئس ولازم اكون مرت الوزير او الرئس
بعد ده ح نتصارع في الرئاسة أو الوزارة حتى الموت عشان التستته :D:D ولا نامت أعين الجبناء ..وسلمولي على حريمنا:D:D:D
imported_شبارقة
18-05-2008, 11:20 AM
وبعدين انا شايفة لو اديتوني السودان دا كلو ما بعوضني يوم واحد من ايام غربتي وانا في عز الصبا لم انم ولم ازق نعيم ودفء وحميمية وطني ...وامان بلدي ...الذي لا تعدله اي وزارة ..
ومال نحن نقول شنو ؟! نحبو إلى الستين :D وما زلنا نحمل أقلامنا وأوراقنا (منذ شبابنا) خارج حدود الوطن...آآآآه ولكن آآآه
وما همّاك وعيد لا خشيت الزمن
يا شعباً غناهو تسلم يا وطن ونفديك يا وطن
imported_فيصل سعد
18-05-2008, 11:23 AM
بعد ده ح نتصارع في الرئاسة أو الوزارة حتى الموت عشان التستته :D:D ولا نامت أعين الجبناء ..وسلمولي على حريمنا:D:D:D
ما قلتوا نوبة :D:D:D
حقوا الزول يبقيك وزير ، لكن لوك الصبر بس ..
:D:D:D:D:D:D
imported_أشتر
18-05-2008, 11:56 AM
وزير يتغزل في وزيرة !!!!
ديمقراطية شنو دي !!!
لو ما مزنوق كنا خشينا في القصة دي النشوف نهايتا شنو !!!
ياها زاااااتا غايتو جِنس غايتو !!!!!!!
imported_شبارقة
18-05-2008, 12:02 PM
وزير يتغزل في وزيرة !!!!
ديمقراطية شنو دي !!!
خليك مع الزمن ..ما ياها دي الشفافية ذاتا العسّمَتْ رقبتنا يا معلم :D:D
imported_عادل عسوم
18-05-2008, 12:21 PM
خليك مع الزمن ..ما ياها دي الشفافية ذاتا العسّمَتْ رقبتنا يا معلم :D:D
مش الوزارة دي تدفع كم ياشبارقة وأخليها ليك:p:D
imported_نهى أحمد
18-05-2008, 02:39 PM
لا وزاره تجيني منك..
رغم إنك
إنت عارف
إنو منك.
imported_منال
18-05-2008, 02:44 PM
وزير يتغزل في وزيرة !!!!
ديمقراطية شنو دي !!!
لو ما مزنوق كنا خشينا في القصة دي النشوف نهايتا شنو !!!
ياها زاااااتا غايتو جِنس غايتو !!!!!!!
حسادة ساى يا اللخو نحن برضو ناس حبكانات و المنى حنانك ذاتو :p:p:pو الشفافية ذاتها زى ماقال شبارقة انت خلى الجدية الكتيرة دى و كون فى الاجتماع فى المواعيد والرصد بتاعك تمام التمام
imported_منال
18-05-2008, 02:46 PM
قرار تعين الاستاذة سمية ادم فى رئاسة القصر الجمهورى بدرجة وزير و سوف تصدرالمهام لاحقا
المطلوب الاتصال بها يا حضرة الوزير لتشرفنا فى الاجتماع و تودى القسم
imported_منال
18-05-2008, 02:50 PM
الرجاء من السادة و السيدات الوزراء و الوزيرات و حكام الاقاليم و المناديب الخارجيين و كافة اعضاء الحكومة حضور الاجتماع الهام في السابعة مساء اليوم لمناقشة بعض القضايا الهامة و العاجلة و الطارئة .. الاعتذار المسبق مطلوب كتابة قبل ساعتين من الموعد المحدد .
و لكم وافر الشكر و التقدير..
اها الاجتماع اونلاين .. الفيديو بتاعك ما شغال ياريس .. شوف ودابوعاقلة تبظ فيهو قدر شنو .. تباع المساعلة كبيرة بالحيل .. دحين المعارضين بسو فى شنو يا وزيرنا ... يا جماعة اعتذار مافى العشاء كارب و التحلية مديدة تمر و حاجات تانية مفاجاة من فيصل سعد
imported_شبارقة
18-05-2008, 03:31 PM
مش الوزارة دي تدفع كم ياشبارقة وأخليها ليك:p:D
بدفع ما يساوي تمن الحاجة دي : :D:D:Dhttp://sudanyat.net/vb/imgcache/132.imgcache.jpg (http://www.l44l.com/up)
imported_شبارقة
18-05-2008, 03:44 PM
لا وزاره تجيني منك..
رغم إنك
إنت عارف
إنو منك.
أولاً: زعلانين منك لغيابك الطال بدون مبرر ... ومشتاقين لشخبطاتك ... رغم إنك عارفه إنو منك ..لا الزمن ولا المسافة ولا الخيال ولا الإستوزار :D ح يشغلونا عنك ...(هسع ينط لينا ود أبو عاقلة ويقول ليك: وزير بيغازل في حفيدة الوزير صاحبو :D)
ثانياً : المناصب كلها أصبحت غير شاغرة بسب غيابك ولكن مافي مشكلة ح نشوف ليك الجماعة في الإذاعة يمكن يدوك منصب في برنامج الأطفال ...وسلميلي على ماما حليمة الككوها طلع النيمه :D:D :D
imported_عادل عسوم
18-05-2008, 06:05 PM
بدفع ما يساوي تمن الحاجة دي : :D:D:Dhttp://sudanyat.net/vb/imgcache/132.imgcache.jpg (http://www.l44l.com/up)
مشكور ومانعدم جيبك ياشبارقة ياخوي...بس (زي ماكعارف) الحساب مدفوع ومعاهو دعوة طيبة و...غنية :p:D
imported_طارق الحسن محمد
18-05-2008, 07:31 PM
سلام يا بشر
اول سوال البوست دا
ملطلط على قول شليل
ولا انا الملطلط ؟؟؟
تنبيه :
ملطلط ولا شى اخر
مدخل ثانى :
والله راسه من كرعينه ما عرفتــــــــــــو . . . ! ! ! !
لا
اول
ولا
اخر
ولا
ذروة
انا بصراحة عندى اشكالية دخول لاى بوست فى البورد دا
بخش من اخر البوست
والقصة دى لا انا ولا بن عمى خالد الحاج
قدرنا نحلها .. ... !!
خاتمة :
دحين
يا تركبونا يا تدونا قروشنا وننزل
سلام
يا بشر
imported_فتحي مسعد حنفي
18-05-2008, 08:32 PM
خاتمة :
دحين
يا تركبونا يا تدونا قروشنا وننزل
سلام
يا بشر
داير رايي ونصيحتي أنزل أحسن قبال ما يلبسوك تهمة وانت راجل كان قدر رسمتك الفي البروفايل بتاعك من ناحية الشهبرة والكلمة التانية ديك..والله نسيتا لكن أظنها اللهبرة..دا معناهو يازول انت ما بتحمل جوع الحراسات فشوف ليك حتة جنبنا وأقعد اتفرج ساي... ليك وحشة والواحد كان عارف المرتزقة بجيبوك كنا ساهمنا في الدفع:D:D:D
imported_طارق الحسن محمد
18-05-2008, 08:43 PM
خاتمة :
دحين
يا تركبونا يا تدونا قروشنا وننزل
سلام
يا بشر
ليك وحشة والواحد كان عارف المرتزقة بجيبوك كنا ساهمنا في الدفع:D:D:D
امسك عندك .......... ! ! ! ! !
فتحى مسعد حنفى وبنك اقليمى مقره الخرطوم
يتهمو بالتمويل والشروع فيه لصالح الحركة المتمردة
فتحى يا حبيب
الشوق اد كـــــــــــده اهـــــــــــــــــــــــــــو
imported_فتحي مسعد حنفي
18-05-2008, 11:01 PM
امسك عندك .......... ! ! ! ! !
فتحى مسعد حنفى وبنك اقليمى مقره الخرطوم
يتهمو بالتمويل والشروع فيه لصالح الحركة المتمردة
فتحى يا حبيب
الشوق اد كـــــــــــده اهـــــــــــــــــــــــــــو
ياريت من بؤك لباب السما...كنت علي الأقل خنصرت لي حبة قروش وبنيت لي بيت جنب الحرامية يمكن يشغلوني معاهم..انشالله مقرو المعيلق:p
imported_فيصل سعد
19-05-2008, 06:19 AM
ياريت من بؤك لباب السما...كنت علي الأقل خنصرت لي حبة قروش وبنيت لي بيت جنب الحرامية يمكن يشغلوني معاهم..انشالله مقرو المعيلق:p
سعادة فتحي مسعد افندي حنفي
حاكم اقليم كردفان ، المحترم
قلل من السمسمية الايام دي ،، و انكرب جهز خطة عملك و الاستراتيجية.
imported_فيصل سعد
19-05-2008, 06:26 AM
لا وزاره تجيني منك..
رغم إنك
إنت عارف
إنو منك.
صدر قبل قليل قرار رئاسي رقم 04/ن/أ بتعيين الاستاذة / نهى احمد وزيرة للطاقة و التعدين و الموارد الطبيعية على ان تباشر مهامها فورا صباح الغد بعد اداء القسم الرئاسي امام السيد الرئيس و السيدة الرئيسة و نرجو من الوزراء المختصين التعاون الكامل و الدعم و العون لانجاز مهام مرحلة البناء و التأسيس.
وفقكم الله و سدد خطاكم.
imported_فيصل سعد
19-05-2008, 07:08 AM
امسك عندك .......... ! ! ! ! !
فتحى مسعد حنفى وبنك اقليمى مقره الخرطوم
يتهمو بالتمويل والشروع فيه لصالح الحركة المتمردة
فتحى يا حبيب
الشوق اد كـــــــــــده اهـــــــــــــــــــــــــــو
صدر قرار رئاسي رقم 05/ط/ح/م بتعيين السيد / طارق الحسن محمد مستشارا اقتصاديا و اميننا عاما لديوان المراجع العام بدرجة وزير مركزي و يتبع مباشرة للسيدة الرئيسة، و على السادة وكلاء الوزارات تقديم الكشوفات المالية و صور من العهد و الامانات و سجلات الاستلام و كشوف ممتلكاتهم و براءات الذمة و كافة الميزانيات و ما يتعلق بالتدقيق و المراجعة و فتح مكتب للديوان داخل كل وزارة و التعاون الكامل مع اتيام المراجعة الدورية و العشوائية و تقديم كل التسهيلات لانجاز مهام و عمل الديوان ..
imported_منال
19-05-2008, 07:26 AM
صدر قبل قليل قرار رئاسي رقم 04/ن/أ بتعيين الاستاذة / نهى احمد وزيرة للطاقة و التعدين و الموارد الطبيعية على ان تباشر مهامها فورا صباح الغد بعد اداء القسم الرئاسي امام السيد الرئيس و السيدة الرئيسة و نرجو من الوزراء المختصين التعاون الكامل و الدعم و العون لانجاز مهام مرحلة البناء و التأسيس.
وفقكم الله و سدد خطاكم.
بعد التداول فى مؤسسة الرئاسة و نسبة لوجود الطامعين فى ثروات بلدنا القومية حتى من الوزراء و المعاونين راينا ان نلغى من التشكيلة الوزارية ما يسمى بالطاقة و البترول حفاظا على نزاهة الوزراء و عليه تم تعين الاستاذة نهى احمد وزير شئون البرلمان و الموسسة التشريعية و المجالس المحلية على ان تباشر مهامها فورا فى مسودة تشكيل البرلمان (لانو فى ناس روحهم محرقاهم عايزين ينضموا و يحاسبو قالو ) :D:D:D
imported_أشتر
19-05-2008, 09:16 AM
صدر قرار رئاسي رقم 3/ن/ح
ان تدمج وزارة التربية مع التعليم العالي و البحث العلمي تحت اشراف الوزير الهمام صاحب المستقبل محمد ابوعاقلة مع زيادة راتبه و مخصصاته مراعاة لزيادة حجم العمل و الاعباء الملقاه على عاتقه ، و الله يدينا خيركم ساي :D:D:D تداعيات القرار3 نون حا ... من ناحية نفسية واجتماعية ...
أيها المواطنون الأحرار الأخيار ...
كافة قطاعات قوى الشعب العاملة ...
طلاب وطالبات المدارس والجامعات والمعاهد العليا ...
وأيضا لا أنسى خلاوي ودالفادني وهمشكوريب والزريبة ... وبعض الخلاوي المتفرقة هنا وهناك في فيافينا الحبيبة ...
تحية من عند الله مباركة طيبة ورحمة منه وبركات ...
لا يسعني إلا أن اشكر سيادتكم للثقة التي اوليتموها لي وربنا يقدرنا على جزاكم ... ويقتضي الدمج زيادة أيضا في المخصصات والبدلات والعلاوات وما إلى ذلك حتى يتسنى لي القيام بواجباتي المهنية على أكمل وجه ...
وفقني الله وإياكم في النهوض بالوطن والمواطن ...
ملحوظة ... لي بعض المطالب أتمنى أن تنال اعجابكم ... :D
١- سيارة لاندكروزر موديل الفين وتمانية فل اوبشن مع سائق ...
٢- سيارة ميتسوبيشي باجيرو للخدامة الفلبينية ...
٣- سيارة لاندكروزر تانية موديل الفين وتمانية عادي لمدير مكتبي والقائم بالاعمال الخاصة.
٤- قطعة أرض وبناء فيلا من تلاتة طوابق تحول ملكيتها لي مباشرة بعد آخر طوبة ... أو البناي يرفع يدو ... أيهما أسرع ...
٥- تذكرة سفر مجانية لكل رحلاتي الداخلية والخارجية على مدار العام ...
٦- رفع معنوياتي كعزابي أعاني الأمرّين ... الصبر والوحدة ...
٧- والجدير بالذكر هو قلة الكتاب المدرسي المتداول حاليا في ايدي الطلاب والطالبات وقلة الأدب أيضا ... لذا لابد من الجهات ذات الاختصاص أن تُباشر عملها لمحو الآثار السالبة التي تُخلفها القنوات الفضائية والشارع البذئ ... وأن نتحرى الدقة فيما يقول السفهاء منّا ...
بالنسبة لمتفرغي البحث العلمي سوف ياكلو نيم إن لم ننتبه لمطالبهم خصوصا وهم يقولون ما لايفعلون ...
أأسف لهذا الغيض لانو فاض بيّا ومليت ... وسوف أتابع ما انقطع من حديث في أقرب وقت ممكن لأنو جاني واحد كج ... لذا وجب التنويه ...
السادة الصحفيين ... أيّ أسئلة ...
لا يسعني الا أن أقول شكراً للسيد رئيس الجمهورية والسيدة حرمه ... وعازمكم غدا في باريس بعد بكرة اذا لقيتو نفسكم فاضيين (عزومة مراكبية) وكان ما جيتو تكونو وفرتو ...
ولا نامت أعين الجبناء ...
صدر تحت توقيعي قبل شوية ...
محمد أبوعاقلة
وزير التربية والتعليم العالي و البحث العلمي
نسخة لمجلس الوزراء الموقر ...
نسخة مخبأة في محرك قوقل ومافي زول يسألني ...
imported_فيصل سعد
19-05-2008, 09:48 AM
تداعيات القرار3 نون حا ... من ناحية نفسية واجتماعية ...
أيها المواطنون الأحرار الأخيار ...
كافة قطاعات قوى الشعب العاملة ...
طلاب وطالبات المدارس والجامعات والمعاهد العليا ...
وأيضا لا أنسى خلاوي ودالفادني وهمشكوريب والزريبة ... وبعض الخلاوي المتفرقة هنا وهناك في فيافينا الحبيبة ...
تحية من عند الله مباركة طيبة ورحمة منه وبركات ...
لا يسعني إلا أن اشكر سيادتكم للثقة التي اوليتموها لي وربنا يقدرنا على جزاكم ... ويقتضي الدمج زيادة أيضا في المخصصات والبدلات والعلاوات وما إلى ذلك حتى يتسنى لي القيام بواجباتي المهنية على أكمل وجه ...
وفقني الله وإياكم في النهوض بالوطن والمواطن ...
ملحوظة ... لي بعض المطالب أتمنى أن تنال اعجابكم ... :D
١- سيارة لاندكروزر موديل الفين وتمانية فل اوبشن مع سائق ...
Approved
Faisal Saad
٢- سيارة ميتسوبيشي باجيرو للخدامة الفلبينية ...
Not Approved
Faisal Saad
٣- سيارة لاندكروزر تانية موديل الفين وتمانية عادي لمدير مكتبي والقائم بالاعمال الخاصة.
Approved, Toyota Corolla 2008 for your Executive Assistant
Faisal Saad
٤- قطعة أرض وبناء فيلا من تلاتة طوابق تحول ملكيتها لي مباشرة بعد آخر طوبة ... أو البناي يرفع يدو ... أيهما أسرع ...
No way, But approved for 72,000 U.S. $ loan to buy your land and build your villa, and pay it back in 144 Months
Faisal Saad
٥- تذكرة سفر مجانية لكل رحلاتي الداخلية والخارجية على مدار العام ...
Approved
Faisal Saad
٦- رفع معنوياتي كعزابي أعاني الأمرّين ... الصبر والوحدة ...
هنا بقى اتلومت لوم شديد يا ود عمك :D:D انت قايلني ابراهيم روثمان و لا آدم سفير :D:D امورك دي تباصرها براك يا شفت و تاكل نارك ، بعدين انت قعدتك عزابي دي زاتها ما عاجباني و جايبا لينا هوى فلازم تجتهد و تتأهل و تودع العزوبية و شرورها يا معلم و تريحنا من طلباتك الغريبة دي :D:D قال رفع معنويات قال الوزير المسخوت بتاع المزز و الشطوط و ام فتفت و كبدة الابل آخر الزمن داير يشيلنا القفة :p:p:p
٧- والجدير بالذكر هو قلة الكتاب المدرسي المتداول حاليا في ايدي الطلاب والطالبات وقلة الأدب أيضا ... لذا لابد من الجهات ذات الاختصاص أن تُباشر عملها لمحو الآثار السالبة التي تُخلفها القنوات الفضائية والشارع البذئ ... وأن نتحرى الدقة فيما يقول السفهاء منّا ...
بالنسبة لمتفرغي البحث العلمي سوف ياكلو نيم إن لم ننتبه لمطالبهم خصوصا وهم يقولون ما لايفعلون ...
أأسف لهذا الغيض لانو فاض بيّا ومليت ... وسوف أتابع ما انقطع من حديث في أقرب وقت ممكن لأنو جاني واحد كج ... لذا وجب التنويه ...
السادة الصحفيين ... أيّ أسئلة ...
لا يسعني الا أن أقول شكراً للسيد رئيس الجمهورية والسيدة حرمه ... وعازمكم غدا في باريس بعد بكرة اذا لقيتو نفسكم فاضيين (عزومة مراكبية) وكان ما جيتو تكونو وفرتو ...
ولا نامت أعين الجبناء ...
صدر تحت توقيعي قبل شوية ...
محمد أبوعاقلة
وزير التربية والتعليم العالي و البحث العلمي
نسخة لمجلس الوزراء الموقر ...
نسخة مخبأة في محرك قوقل ومافي زول يسألني ...
...
imported_شبارقة
19-05-2008, 11:01 AM
...
Approved
Faisal Saad
٢-Not Approved
Faisal Saad
٣-
Approved, Toyota Corolla 2008 for your Executive Assistant
Faisal Saad
٤-
No way, But approved for 72,000 U.S. $ loan to buy your land and build your villa, and pay it back in 144 Months
Faisal Saad
لحظة يا ريس ... إنت رئيس حكومتنا ولاّ حكومة الجنوب؟ !! :D:D هسع أهل العوض والبوليتاريا (الذين لا يعرفون الفرق ما بين البرجوازية والدسنتاريا :D) والمهمشين والكادحين والصابرين والعرقانين والمدبرسين والمحبطين والفقراء والمساكين من المواطنات والمواطنين الذين أولوك ثقتهم بيفهموا ليك كلامك ده !! :mad:
التوقيع : زعيم المعارضة (بعد ما أديتو الطاقة والتعدين للأخت نهى)
ملحوظة : المرة الجايه ح نرفع السلاح .... وما بنتهاون حتى الموت وما بنسيب دبابة تفوت:mad:
imported_منال
19-05-2008, 02:02 PM
تداعيات القرار3 نون حا ... من ناحية نفسية واجتماعية ...
وفقني الله وإياكم في النهوض بالوطن والمواطن ...
اها نبداك من وين ياجنى .. من التاهيل النفسى ولا تاهيل وزير جديد
٥- تذكرة سفر مجانية لكل رحلاتي الداخلية والخارجية على مدار العام ...
٦- رفع معنوياتي كعزابي أعاني الأمرّين ... الصبر والوحدة ...
احلم معاك انو الحزن سكة سفر فاتت بعيد و انو الباقى من العمر ....
أأسف لهذا الغيض لانو فاض بيّا ومليت ... وسوف أتابع ما انقطع من حديث في أقرب وقت ممكن لأنو جاني واحد كج ... لذا وجب التنويه ...
ولا نامت أعين الجبناء ...
صدر تحت توقيعي قبل شوية ...
محمد أبوعاقلة
وزير التربية والتعليم العالي و البحث العلمي
نسخة لمجلس الوزراء الموقر ...
نسخة مخبأة في محرك قوقل ومافي زول يسألني ...
ااووووووووووووووك وزير مجهبز جهبزا ما خلى شى الحنكوش :D:D:D ده كلو باقى ليك تانى فى زول بشيلو كتاب يقرا .. مافى يقطع السكة و يحافظ على زمنو و عمرو و يعمل انقلاب للبيع وبرضو لا نامت أعين الجبناء ...
ما خليت شى تب ياوزيرنا فكنت خير خلف و زحلقت السلف
imported_منال
19-05-2008, 02:06 PM
Approved
Faisal Saad
٢-Not Approved
Faisal Saad
٣-
Approved, Toyota Corolla 2008 for your Executive Assistant
Faisal Saad
٤-
No way, But approved for 72,000 U.S. $ loan to buy your land and build your villa, and pay it back in 144 Months
Faisal Saad
لحظة يا ريس ... إنت رئيس حكومتنا ولاّ حكومة الجنوب؟ !! :D:D هسع أهل العوض والبوليتاريا (الذين لا يعرفون الفرق ما بين البرجوازية والدسنتاريا :D) والمهمشين والكادحين والصابرين والعرقانين والمدبرسين والمحبطين والفقراء والمساكين من المواطنات والمواطنين الذين أولوك ثقتهم بيفهموا ليك كلامك ده !! :mad:
التوقيع : زعيم المعارضة (بعد ما أديتو الطاقة والتعدين للأخت نهى)
ملحوظة : المرة الجايه ح نرفع السلاح .... وما بنتهاون حتى الموت وما بنسيب دبابة تفوت:mad:
يا زعيم اصلو الوزراء ديل فى اجتماع الليل وانا ما برتاح ليهو ضمة!!!!!! سوا البدع شى رطانة و شى انجليزة و قرارات مبتورة دحين فى ليلة ديك بنطرا أهل العوض والبوليتاريا (الذين لا يعرفون الفرق ما بين البرجوازية والدسنتاريا والمهمشين والكادحين والصابرين والعرقانين والمدبرسين والمحبطين والفقراء والمساكين من المواطنات والمواطنين وحاتك كانو فى شيخهم ... و انت تعال لحظة كل يوم عندك وزارة و معارضة اركز ياخى الراجينا كتير الهبر و الراحات الجماعة رطبو بالحيل و بقو من اصحاب المزاج العالى :D:D:D
imported_منال
19-05-2008, 02:14 PM
...
امورك دي تباصرها براك يا شفت و تاكل نارك ، بعدين انت قعدتك عزابي دي زاتها ما عاجباني و جايبا لينا هوى فلازم تجتهد و تتأهل و تودع العزوبية و شرورها يا معلم و تريحنا من طلباتك الغريبة دي قال رفع معنويات قال الوزير المسخوت بتاع المزز و الشطوط و ام فتفت و كبدة الابل آخر
مسالة مستعجلة
عاجل للوزير المعنى ان يبذل كل ما فى وسعه و ما يضيق و يعالج امر العريس الوزير المسخوت (ويعرس ليهو ) وان طلب مثنى و ثلاث و رباع و ان داير يخلف بزوجة شهيد هن كثر و الحمدلله و نرجو التفاكر مع كل اعضاء الحكومة الموقرة لحل المسالة بموافقته :p:p لانو وزير مهم كل الملفات فى ايدو ما يقوم يخستك بينا ويغطس حجرنا
صدر تحت توقيعى بالقصر الجمهورى بعد الاجتماع مباشرة
imported_نعمات حمود
19-05-2008, 02:26 PM
وزير يتغزل في وزيرة !!!!
ديمقراطية شنو دي !!!
لو ما مزنوق كنا خشينا في القصة دي النشوف نهايتا شنو !!!
ياها زاااااتا غايتو جِنس غايتو !!!!!!!
ياود ابو عاقلة :
مالو الغزل دا شي عادي والمفروض يخصص ليه وزارة ترعاهو ..
عارف الجوطة والجوغة الحاصلة في بلدنا دي سببها شنو ؟؟؟
الكبت ...الكبت ...والكبت (للحريات والمشاعر و...و,,,)
لازم نخلي الناس تحب براحته..وتلاقي وتواعد براحته ..وتتغزل براحتها
لانوالحاجات دي متطلبات حياتية يومية لاي شخص بالفطرة يعني بس المهم تكون بطريقة مهذبة
وماتجي زي ناس النظام العام كل مايشوفوا ليهم بت مع ولد يمنعوهم
اطالب بحرية التعبير من الان ..
تعرف الخوف بعد دا كلو ما نلقى احساسنا وحاجاتنا الجميلة ويكون فات اوانها ...
انا زاتي لو ما شغلتني حكاية وزارتي دي كنت عايزة اتغزل فيك ما شاءالله عليك ابو الوجاهة وكمان تجيك عليها وزارة ...ياخوي بري حتى كان مرتك ماتت انا خليني بعيد ما عندي قدرة علي الضرار
ولك محبتي
نعمات
imported_منال
19-05-2008, 02:42 PM
[اطالب بحرية التعبير من الان ..
تعرف الخوف بعد دا كلو ما نلقى احساسنا وحاجاتنا الجميلة ويكون فات اوانها ...
انا زاتي لو ما شغلتني حكاية وزارتي دي كنت عايزة اتغزل فيك ما شاءالله عليك ابو الوجاهة وكمان تجيك عليها وزارة ...
ولك محبتي
نعمات
يا وزيرة امسكى قوى صرح وقال هو عزابى ده المهم بعدين كان مطلق و لا مرتو مقنجرة ولا فى الاجازة الحكومة كلها معاك فى مسالة الزواج نباركها يا ود ابوعاقلة ... الماذون يا فيصل و احضرونا يا جماعة.. البضرا نحن ذاتنا ما معاك لكن القصة مكتملة يلا نعقد مبروك اول عرسان فى الحكومة منال تزغرد ااااااااااايوى........ اااااااااااايوى.. ااااااااااايوى شبارقة يهز و يعرض و انا بنكع و ادى الشبال و الحفلة دورت و الغناى منو... الجماعة جبجبة و سكسكة و رقيص نضيف... تيييييت ااااااااااايوى ااااااااااايوى العرسان جو الزفة .. النجرى نحضر الجرتق .. الليل .. الليل .. العديل و الزين .. الليلة الحكومة تقدمو و تبرا ااااااااااايوى ااااااااااايوى ابشر يا عريس عروسو سمحمة محفلة ياعديلة ااااااااااايوى و مبروك عليك الليلة يا نعومة ااااااااااايوى ااااااااااايوى
نصدر القرار التالى نصه بالاجماع
الاستجابة لكل مطالب الوزير المسخوت القبيل دى فى شان العرس تم يلا بلا لمة ااااااااااايوى ااااااااااايوى ااااااااااايوى
imported_عادل عسوم
19-05-2008, 02:45 PM
يا وزيرة امسكى قوى صرح وقال هو عزابى ده المهم بعدين كان مطلق و لا مرتو مقنجرة ولا فى الاجازة الحكومة كلها معاك فى مسالة الزواج نباركها يا ود ابوعاقلة ... الماذون يا فيصل و احضرونا يا جماعة.. البضرا نحن ذاتنا ما معاك لكن القصة مكتملة يلا نعقد مبروك اول عرسان فى الحكومة منال ااااااااااايوى........ اااااااااااايوى.. ااااااااااايوى شبارقة يهز و يعرض و انا بنكع و ادى الشبال و الحفلة دورت و الغناى منو... الجماعة جبجبة و سكسكة و رقيص نضيف... تيييييت ااااااااااايوى ااااااااااايوى العرسان جو الزفة .. النجرى نحضر الجرتق .. الليل .. الليل .. العديل و الزين .. الليلة الحكومة تقدمو و تبرا ااااااااااايوى ااااااااااايوى ابشر يا عريس عروسو سمحمة محفلة ياعديلة ااااااااااايوى
نصدر القرار التالى نصه بالاجماع
الاستجابة لكل مطالب الوزير المسخوت القبيل دى فى شان العرس تم يلا بلا لمة ااااااااااايوى ااااااااااايوى ااااااااااايوى
شنو يعني مابتدعونا للعرس دة:mad::mad::mad:
imported_منال
19-05-2008, 03:00 PM
[size=4][color=#FF0000]تداعيات القرار3 نون حا ... من ناحية نفسية واجتماعية ...
٦- رفع معنوياتي كعزابي أعاني الأمرّين ... الصبر والوحدة ...
وعازمكم غدا في باريس بعد بكرة اذا لقيتو نفسكم فاضيين (عزومة مراكبية) وكان ما جيتو تكونو وفرتو ...
تمت كل الامنيات و الطلبات الايد لاحقة يا عريس و العزومة لكل العزابة و المتزوجين يمتنعون و العسل اكان فى باريس ما بنحصلو احنا خلينا مجدوعين فى الخرطوم دى :D:D اها انشاالله تباركو لى هههههههههههه:D:D:D
imported_منال
19-05-2008, 03:10 PM
اها بعد صبح الصباح و الناس فترانة من العرس .. دخلنا المكتب نشوف شغلنا قال:p:p و الله ما فى سكرتيرة و لا مدير مكتب الترابيزذاتها فاضية و لا عصير و لا بارد و لا جبنة سجمى .. سجمى الحاصل شنو يكون فى انقلاب ما كلمونى .. رن الموبايل و يازولة انحنا السهر هدانا ما قدرنا نجى ... طيب نوموا نوم العافية لكن ما قطتعتو قلبى لامن رجفت و عرقت و الضغط 290 ... تانى لمن تكونو دايرين تنموا كلمونى .... دى حكومة شنو .. و الاجتماع الامبارح كانو فى شنو مانى عارفة غايتو !!!!!!!![/
imported_فيصل سعد
20-05-2008, 02:10 AM
مسالة مستعجلة
عاجل للوزير المعنى ان يبذل كل ما فى وسعه و ما يضيق و يعالج امر العريس الوزير المسخوت (ويعرس ليهو ) وان طلب مثنى و ثلاث و رباع و ان داير يخلف بزوجة شهيد هن كثر و الحمدلله و نرجو التفاكر مع كل اعضاء الحكومة الموقرة لحل المسالة بموافقته :p:p لانو وزير مهم كل الملفات فى ايدو ما يقوم يخستك بينا ويغطس حجرنا
صدر تحت توقيعى بالقصر الجمهورى بعد الاجتماع مباشرة
يا فخامة الرئيسة الوزراء العزابة ديل ما تدلعيهم و ترخي ليهم الحبل :D:D لازم تشديهم و تكربيهم شوية و لازم يتعلموا النظام و الظبط و الربط ، اي زول ما يجي المكتب في مواعيده و يغيب يوم يتخصم اسبوع من راتبه و كان كررها ياخد انذار ، و هاتريك غياب :D:D يمشي البيت طوالي ، لانه ال Waiting List مليانة ناس خبرة و علم و كفاءة مخلصين و حادبين على الوطن،، و بعض وكلاء الوزارات و وزراء الدولة المتميزين همة و نشاط و عطاء منتظرين فرصهم في الترقية ،، فاحسن كل زول يركز و يجود عمله و يهتم بشغله و يفتح عيونه الاتنين كويس و لا عذر لمن انذر..
imported_منال
20-05-2008, 07:41 AM
يا فخامة الرئيسة الوزراء العزابة ديل ما تدلعيهم و ترخي ليهم الحبل :D:D لازم تشديهم و تكربيهم شوية و لازم يتعلموا النظام و الظبط و الربط ، اي زول ما يجي المكتب في مواعيده و يغيب يوم يتخصم اسبوع من راتبه و كان كررها ياخد انذار ، و هاتريك غياب :D:D يمشي البيت طوالي ، لانه ال Waiting List مليانة ناس خبرة و علم و كفاءة مخلصين و حادبين على الوطن،، و بعض وكلاء الوزارات و وزراء الدولة المتميزين همة و نشاط و عطاء منتظرين فرصهم في الترقية ،، فاحسن كل زول يركز و يجود عمله و يهتم بشغله و يفتح عيونه الاتنين كويس و لا عذر لمن انذر..
صباحك زين يا جنرال فيصل سعد اولا لازم تديهم جكة فى الدفاع الشعبى تشكل كتيبة رقم 1999999 و كدا بكونو مرابطين فى المدارس :D:D الحكومة دى اغلبها عزابة و عزابيات قلت اخير زيتنا فى بيتنا نعمل العرس الجماعى و اهو الهبرة تكون كمية مرة واحدة (الراجل و مرتو) .. كدى ياخى النشوف ناس الاقاليم ديل الناقصهم شنو فى الحيكومات و نسد الخانة ... و بالمرة نشوف ابيى بتاعت البترول دي الضرب الفى المنطقة العسكرية شنو، البترول وين حقوله و رونا و نحنا بنعرف البحميها ، و انتو امشو الخلا الواسع داك سوا الرجالة هناك ورانا مهام تاريخية جسام يلا نشمر .. :p:p
imported_نعمات حمود
20-05-2008, 08:32 AM
الاخوان والاعزاء ..ممنولتنا ود سعدنا ...
والله جيهتوني ...
عريس مره واحدة ...حققتوا لي حلم اكبر من احلامي بكتير ....
وبعدين عليكم الله بسمتو دي براها ما بتعادل قروش خليل الانا جاريه وراها والله حقا (يهب لمن يشاء بغير حساب )ويامنال سيرتك دي والله في اضاني ...زي صوت حرم النور وسيدي دوشكا ...الاتنين ديل بحبهم وصوتهم في اضاني كان على طول ...
والله رغم اني مابحب الحصر في زول واحد وكان عندي طموح في كم زول في المنبر دا لكن كل شئ قسمة
ولو الولد دا طلع عينو زايغة حا اعمل جاك شان خان على طول ...
حارجع ليكم لاني فترانه من رقيص العروس وكدا ....قطع الرحط يعني بالبلدي ...
لكم مودتي
نعمات
imported_منال
20-05-2008, 02:18 PM
الاخوان والاعزاء ..ممنولتنا ود سعدنا ...
والله جيهتوني ...
عريس مره واحدة ...حققتوا لي حلم اكبر من احلامي بكتير ....
وبعدين عليكم الله بسمتو دي براها ما بتعادل قروش خليل الانا جاريه وراها والله حقا (يهب لمن يشاء بغير حساب )ويامنال سيرتك دي والله في اضاني ...زي صوت حرم النور وسيدي دوشكا ...الاتنين ديل بحبهم وصوتهم في اضاني كان على طول ...
والله رغم اني مابحب الحصر في زول واحد وكان عندي طموح في كم زول في المنبر دا لكن كل شئ قسمة
ولو الولد دا طلع عينو زايغة حا اعمل جاك شان خان على طول ...
حارجع ليكم لاني فترانه من رقيص العروس وكدا ....قطع الرحط يعني بالبلدي ...
لكم مودتي
نعمات
نعومة صباحية مباركة
انت تستاهلى سيرة من كل نساء السودان يقفن طابور لمقام العرسان الاتنين .. بسمتو دي براها ما بتعادل قروش خليل ابشر يا عريس .. و الغزل جاء عندك خلاص و بدانات كمان خليل شنو يا نعمات انسى انت عروس ....مابحب الحصر في زول واحد وكان عندي طموح في كم زول في المنبر كفاية طمع و جربى دى و رينا بعدين كان عينو زايغة ندى كرتو بقرار جمهورى :D:D:D
imported_منال
20-05-2008, 02:24 PM
فاحسن كل زول يركز و يجود عمله و يهتم بشغله و يفتح عيونه الاتنين كويس و لا عذر لمن انذر..
ده الكلام على الجميع ان يركزوا و كفاية هبرات و خفسات و متاوقات وزير الدفاع ده ما بجيبا البر اظنو انذار ... تااااااااااااااااااح ... تراااااااااااااااااااااااح
imported_أشتر
20-05-2008, 03:51 PM
خليك مع الزمن ..ما ياها دي الشفافية ذاتا العسّمَتْ رقبتنا يا معلم :D:D
أي شفافية تقصد أيها الوزير المجهجه ... قالو لي قلعوها لكن ما متأكد !!!! او زي الدقش اضاني
الرجاء من سيادة الوزير المجهجه المحافظة علي رقبته غير معسمة .. ولا يتلفت كثيرا لزلات الالسنة ...
imported_أشتر
20-05-2008, 04:18 PM
هنا بقى اتلومت لوم شديد يا ود عمك انت قايلني ابراهيم روثمان و لا آدم سفير امورك دي تباصرها براك يا شفت و تاكل نارك ، بعدين انت قعدتك عزابي دي زاتها ما عاجباني و جايبا لينا هوى فلازم تجتهد و تتأهل و تودع العزوبية و شرورها يا معلم و تريحنا من طلباتك الغريبة دي قال رفع معنويات قال الوزير المسخوت بتاع المزز و الشطوط و ام فتفت و كبدة الابل آخر الزمن داير يشيلنا القفة
يعني الواحد يا يكضب او يركب وش فوكس حتي تمشو معاهو عديل ... دي الشفافية بتاعتي وعاجباني وكان للشفافية البتعسم الرقبة دي لا دايرة لا بتنفع معاي ...
الواحد نفسو يكون صريح معاكم لكن انتو بتجرجرونا لمزالق انا ما بقدر عليها ...
ومن مقومات الوزير الناجح ...
عدم الالتفات لهكذا خزعبلات ...
وبعدين تبرا وتستبري من ودروثمان وآدم سفير وحسن كفتيرة:D .. وياخي قدر ما باصرتها لقيتا ما بتتباصر ولا حاجة ... وطبعن دا واحد من عيوب الشهرة وعيون الشارع العام ... وزارتي دي ما بتتحمل اي فرفرة لذا لن اطير .... انا لن اطير ... الطيران المدني الانتا عارفو براك:D
وياخي رجاء لو سمحت : ما تلطخ سمعة الوزير زميلك ببرجقة لا تودي ولا تجيب ... ولا تخدم ايّ من القضايا العامة والتعليم بصفة خاصة ...
وفيها شنو لو خليت البيت مِلك فور ايفر ...
وبعدين منو الاداك الصلاحية الكاملة في التصرف بمتطلبات الوزرا ...
على العموم*اولادك قرايتكم علي وما تشيل ليهم هم ... وبهتم بيهم شخصياً طول ما انا على راس عملي ...
ولو سمحت ما تركب راسك وتركبنا معاك التونسية ...
اوكي يا راستا ....
imported_أشتر
20-05-2008, 04:26 PM
سمح انت و....شرط انت و...وعسل انت ...
وتسلم من وجع الرقبة ...
نعمات[/B]
مقدمة : لوزيرة انتهكت الأجواء الرئاسية بميج ملون ...
imported_أشتر
20-05-2008, 04:31 PM
ما خليت شى تب ياوزيرنا فكنت خير خلف و زحلقت السلف
:D:D كان سلفا صالح ... الرماد كال حماد ... وكان سلفا متشدق بالصلاح ... خم الرماد كال حماد :D:D:D*
imported_أشتر
20-05-2008, 04:53 PM
ياود ابو عاقلة :
مالو الغزل دا شي عادي والمفروض يخصص ليه وزارة ترعاهو ..
عارف الجوطة والجوغة الحاصلة في بلدنا دي سببها شنو ؟؟؟
الكبت ...الكبت ...والكبت (للحريات والمشاعر و...و,,,)
لازم نخلي الناس تحب براحته..وتلاقي وتواعد براحته ..وتتغزل براحتها
لانوالحاجات دي متطلبات حياتية يومية لاي شخص بالفطرة يعني بس المهم تكون بطريقة مهذبة
وماتجي زي ناس النظام العام كل مايشوفوا ليهم بت مع ولد يمنعوهم
اطالب بحرية التعبير من الان ..
تعرف الخوف بعد دا كلو ما نلقى احساسنا وحاجاتنا الجميلة ويكون فات اوانها ...
انا زاتي لو ما شغلتني حكاية وزارتي دي كنت عايزة اتغزل فيك ما شاءالله عليك ابو الوجاهة وكمان تجيك عليها وزارة ...ياخوي بري حتى كان مرتك ماتت انا خليني بعيد ما عندي قدرة علي الضرار
ولك محبتي
نعمات
السادة المساخيت ...
السيدات الممسحات ...
تعتبر كلمة الوزيرة نعمات دعوة صريحة لكسير التلج ورفع معنويات اللاتي يعانين التهميش الحسي في مجتمع يتحكم فيه العرف والشارع العام علي اكثر من صعيد ... بدءاً بالصعيد الطاهر وانتهاءاً بنمولي ...
ومن هذا المنطلق اشجب وبشدة (شدة ولضة) مثل هذه التصريحات والتي لا تفضي إلا لبناء مصانع إضافية من التلج حتى تفئ الى أمر الله :D
ولو سمحتي مشروعك دا محتاج للمزيد من شياطين الأُنس والجن وكوتة من الكونياك المعتق وعلى الريق فبحضور ام الكبائر سوف نضمن لكل من تمشي على رجلين سوف لن تسلم من تلج أحدنا ... ونكون حينها قد أسدلنا الستار وصوبنا رصاصة الرحمة علي الحتة الفيها زحمة وعلى جسد المواطن الهزيل والذي يعاني من ويلات الغرائز والمحن والتي أبعدته عن التفكير في أي مجال إبداعي آخر ... حيث انها العقل المسيطر على بقية الحواس ... والمكتف بالوحيح والزول مستّف ...
ولكني اتفق من حيث المبدأ اذا كان صوت الغريزة المبحوح والنباح المباح بدون خدوش ولا رتوش ولا أي آثار جانبية على المدى القصير كان أم الطويل ... حتى لا يدقن راسن بالسما ويمرقن الكبرياء للشارع :D
ومن الواضح أن الكثيرات وكسِيرات الجناح والكاسرات كرونا شغفهن لكلمة تسد رمقهن لقرمة من هذا التلج باااااااردة ... ولكن !!! الخوف نلقاها باردة ... ثم نحتاج لوسيلة من وسائل تغييب الوعي ... حتي الصباح .. ثم تسكت كل حاجة مأسوف عليها ... ومكسوف منها ...
وللتوضيح أكثر لهذا المشروع الغير مشروع لابد من نشر الوعي التلجي لدى السواد الأعظم من الجكس الرهو ... والطشاشات التساسق فوق قفيّا كان مزمبع ... ولسه ما زالت مزمبعة كالرهاب ...
ولضمان الجودة والتوزيع العادل نتعهد نحن وراس الدولة بوضع الخطوط الحمراء عقب أي عملية تكسير وين ما تكون ... عشان العملية لو زادت عن حدها بتتقلب لضدها وتتقلب علينا وثم نستخرج شهادات ميلاد جديدة باسم سادن وقوامو لادن ...
وبطّلي ياخي حركاتِك ...
وكترّي من زيــــاراتِك ...
ما انتي العسـل زاتِك ...
(نموذج لكسير تلج ني) وكان نيّاً بفعل الشفقة السودانية التي لا تنتظر الأشياء أن تستوي علي موية باردة ...
ثم انتِ
انتي يا كل الدواير ... والمحاور ...
يا حكايات الصبا ...
(نموذج لكسير تلج مأسس)
القطر الشالك انت يتكسر حته حته ...
يتكسر حته حته وتسلم لي انت ...
(نموذج مبشتن بشتنة ما يعلم بيها الا ربنا) ونفر غير كريم مروا مرور الكرام ...
لذا ... الرجاء من جميع الوزراء وأصحاب المناصب القيادية الحساسة عليهم النظر بعين الاعتبار لتصريحاتهم وتحري الدقة فيها والتي قد لا تخدم مصالح الشعب القاعد على الهبشة ... فمثل هذه التصريحات قد تحدث شرخاً في الرأي العام السوداني والذي لن يتوانى على الإطلاق في إطلاق العنان لمخيلته التي لا تحدها حدود ... ويقوم يفوت الحدود ويدخل في حدود بعرفا براو ... ولو اقمنا عليهم الحدود مااااااااا بنلقى زول سليم ...
imported_أشتر
20-05-2008, 05:06 PM
الاخوان والاعزاء ..ممنولتنا ود سعدنا ...
والله جيهتوني ...
عريس مره واحدة ...حققتوا لي حلم اكبر من احلامي بكتير ....
وبعدين عليكم الله بسمتو دي براها ما بتعادل قروش خليل الانا جاريه وراها والله حقا (يهب لمن يشاء بغير حساب )ويامنال سيرتك دي والله في اضاني ...زي صوت حرم النور وسيدي دوشكا ...الاتنين ديل بحبهم وصوتهم في اضاني كان على طول ...
والله رغم اني مابحب الحصر في زول واحد وكان عندي طموح في كم زول في المنبر دا لكن كل شئ قسمة
ولو الولد دا طلع عينو زايغة حا اعمل جاك شان خان على طول ...
حارجع ليكم لاني فترانه من رقيص العروس وكدا ....قطع الرحط يعني بالبلدي ...
لكم مودتي
نعمات
طبعن كان شفتي حالة الوزير ... بقي صغيييييييييييير ...
الجضوم حمّرن ... والعيون محل تقبّل ما عرفت وين ... وكان شفتي الخجل فيني سمح سماحة
ويا حليل شعبيتي ... نزلت لأدني مستوياتا ... وانا الكنت عارف ... يا ريتني ما كنت عارف ...
ومثل هكذا تحرش اعمل معاهو شنو واتصرف كيف ...
ضربة مزدوجة وعملية مباغتة ما عندي ليها قدرة وما عندي الخبرة الكافية للتعامل مع مواقف زي دي لاني لسه جديد وكدا ولا امتلك الاستراتيجية المناسبة للخروج من عنق الزجاجة أو ... أخلي البغلة في الابريق:D:D
الاخوان والاعزاء ..ولو الولد دا طلع عينو زايغة حا اعمل جاك شان خان على طول ...
وكل عين زائغة الموت ... لذا جان جاك روسو لو قام تاني برضو بتكون عينو زايقة:D:D:D:D
imported_منال
21-05-2008, 07:36 AM
...
السيدات الممسحات ...
تعتبر كلمة الوزيرة نعمات دعوة صريحة لكسير التلج ورفع معنويات اللاتي يعانين التهميش الحسي في مجتمع يتحكم فيه العرف والشارع العام علي اكثر من صعيد ... بدءاً بالصعيد الطاهر وانتهاءاً بنمولي ...
ومن هذا المنطلق اشجب وبشدة (شدة ولضة) مثل هذه التصريحات والتي لا تفضي إلا لبناء مصانع إضافية من التلج حتى تفئ الى أمر الله :D
ولكني اتفق من حيث المبدأ اذا كان صوت الغريزة المبحوح والنباح المباح بدون خدوش ولا رتوش ولا أي آثار جانبية على المدى القصير كان أم الطويل ... حتى لا يدقن راسن بالسما ويمرقن الكبرياء للشارع :D
ومن الواضح أن الكثيرات وكسِيرات الجناح والكاسرات كرونا شغفهن لكلمة تسد رمقهن لقرمة من هذا التلج باااااااردة ... ولكن !!! الخوف نلقاها باردة ... ثم نحتاج لوسيلة من وسائل تغييب الوعي ... حتي الصباح .. ثم تسكت كل حاجة مأسوف عليها ... ومكسوف منها ...
وللتوضيح أكثر لهذا المشروع الغير مشروع لابد من نشر الوعي التلجي لدى السواد الأعظم من الجكس الرهو ... والطشاشات التساسق فوق قفيّا كان مزمبع ... ولسه ما زالت مزمبعة كالرهاب ...[/B]
ولضمان الجودة والتوزيع العادل نتعهد نحن وراس الدولة بوضع الخطوط الحمراء عقب أي عملية تكسير وين ما تكون ... عشان العملية لو زادت عن حدها بتتقلب لضدها وتتقلب علينا وثم نستخرج شهادات ميلاد جديدة باسم سادن وقوامو لادن ...
وبطّلي ياخي حركاتِك ...
وكترّي من زيــــاراتِك ...
ما انتي العسـل زاتِك ...
(نموذج لكسير تلج ني) وكان نيّاً بفعل الشفقة السودانية التي لا تنتظر الأشياء أن تستوي علي موية باردة ...
ثم انتِ
انتي يا كل الدواير ... والمحاور ...
يا حكايات الصبا ...
(نموذج لكسير تلج مأسس)
القطر الشالك انت يتكسر حته حته ...
يتكسر حته حته وتسلم لي انت ...
(نموذج مبشتن بشتنة ما يعلم بيها الا ربنا) ونفر غير كريم مروا مرور الكرام ...
[B]لذا ... الرجاء من جميع الوزراء وأصحاب المناصب القيادية الحساسة عليهم النظر بعين الاعتبار لتصريحاتهم وتحري الدقة فيها والتي قد لا تخدم مصالح الشعب القاعد على الهبشة ... فمثل هذه التصريحات قد تحدث شرخاً في الرأي العام السوداني والذي لن يتوانى على الإطلاق في إطلاق العنان لمخيلته التي لا تحدها حدود ... ويقوم يفوت الحدود ويدخل في حدود بعرفا براو ... ولو اقمنا عليهم الحدود مااااااااا بنلقى زول سليم ...
صباحك زين ايها الوزير المسخوت و نحنا الممسحات و النضيرات ..راضنين :D:D لكن تنبيه تانى لمصطلحاتك و فاولاتك الكتيرة ... و لا اطلب منك ان تستمر فى كسير التلج و بلعه بارد .. خلى براى ببلعو و اقرقشو ... انت كن بخير و هدى اللعب و احتمل الجكس و تانى خليك مجندر ههههههه:D:D
imported_أشتر
21-05-2008, 08:51 AM
صباحك زين ايها الوزير المسخوت و نحنا الممسحات و النضيرات ..راضنين :D:D لكن تنبيه تانى لمصطلحاتك و فاولاتك الكتيرة ..:D:D
والزين ياهو صباحك ...
فاولات شنو يا منال؟ ... ما سمعت لي صفارة ضمير ...
ولو في زول كلامي ما عجبو يعمل نايم بقدر الامكان ... مع إني متأكد انو جواي حلو أكتر من اللازم:D:rolleyes:
يا بت انا بكتب ساي على غباي ...
والكتابة عندي موضة بقشر بيها احيانا لفض نزاع أو آكل بيها راس ناشف ...
وارجوكم ما تتحسسو ساي
imported_منال
21-05-2008, 09:09 AM
والزين ياهو صباحك ...
فاولات شنو يا منال؟ ... ما سمعت لي صفارة ضمير ...
ولو في زول كلامي ما عجبو يعمل نايم بقدر الامكان ... مع إني متأكد انو جواي حلو أكتر من اللازم:D:rolleyes:
يا بت انا بكتب ساي على غباي ...
والكتابة عندي موضة بقشر بيها احيانا لفض نزاع أو آكل بيها راس ناشف ...
وارجوكم ما تتحسسو ساي
ولو في زول كلامي ما عجبو يعمل نايم بقدر الامكان ... مع إني متأكد انو جواي حلو أكتر من اللازم
وبرضو اعلم علم اليقين و متاكدة تماما من جواك زى براك حلو كتير ... و الكتابة عندك احساس مفرط .. و الق و رونق ... امكن تكون فى بعض المرات صالحة لفض النزاع .... يا حسس :D:D
imported_فيصل سعد
21-05-2008, 09:12 AM
وفيها شنو لو خليت البيت مِلك فور ايفر ..
ما هو حيكون ملكك يا سيادتك اتوماتيك بعد ما تسدد اقساطه و كدة ، بعدين لو ركبت التونسية لاي سبب :D:D بيعه و سدد العليك و برضك كسبان يا ابن العم هامش ربح و فرق عملة و هكذا كسور و بواقي خصوصا و انه سلفيتك بدون فوائد ثابتة او مركبة ..
وبعدين منو الاداك الصلاحية الكاملة في التصرف بمتطلبات الوزراء ؟
صلاحية قطعتها من راسي دا :D:D و نجرتها نجر بضراعي الاخدر دا :D:D
على العموم*اولادك قرايتكم علي وما تشيل ليهم هم . وبهتم بيهم شخصياً طول ما انا على راس عملي ...
ولو سمحت ما تركب راسك وتركبنا معاك التونسية ...
اوكي يا راستا ..
اوكي يا رندوق بس انا اولادي موديهم الكلية الحربية يخدموا الوطن و يصلوا بالكفاءة و العلم و المجهود ، دا ما يمنع الشكر على اهتمامك و الذي اتمنى تعميمه لكافة ابناء الوطن العزيز ..
بعدين يا رفيق العمر ما حرام عليك امبارح تخليني امشي بدون عشاء بعد طول انتظار لكوارعك الفي فرن الماكنتوش و الفلاش الابت تنجض ديك :D:D تاني ما بجيك الا و حلتي معاي يا سيادتك ..
imported_فيصل سعد
21-05-2008, 09:17 AM
وبرضو اعلم علم اليقين و متاكدة تماما من جواك زى براك حلو كتير ... و الكتابة عندك احساس مفرط .. و الق و رونق ... امكن تكون فى بعض المرات صالحة لفض النزاع .... يا حسس :D:D
حلوين حلاوة غاليين غلاوة
لو كنت داير تنسى الشقاوة
شيل المحنة و انسى العداوة
imported_أشتر
21-05-2008, 09:25 AM
وبرضو اعلم علم اليقين و متاكدة تماما من جواك زى براك حلو كتير ... و الكتابة عندك احساس مفرط .. و الق و رونق ... امكن تكون فى بعض المرات صالحة لفض النزاع .... يا حسس :D:D
لا فض فوك يا حسس يا أصلي ...:D
imported_أشتر
21-05-2008, 09:28 AM
بعدين يا رفيق العمر ما حرام عليك امبارح تخليني امشي بدون عشاء بعد طول انتظار لكوارعك الفي فرن الماكنتوش و الفلاش الابت تنجض ديك :D:D تاني ما بجيك الا و حلتي معاي يا سيادتك ..
لو في طريقة ابقى اخطبوط كنت بقيت ... ما حبا فيو لكن اياديهو مغرية :D:D:D وبس
imported_أشتر
21-05-2008, 09:53 AM
صلاحية قطعتها من راسي دا و نجرتها نجر بضراعي الاخدر دا
وانت ياتو حاجة ما قطعتها من راسك ... تشيل وتقطع لينا ... وياخي اقطع لينا بالدايرو بس ما تقطع وشك الحلو علينا (كسير تلج خمسة لينيا)
على العموم*اولادك قرايتكم علي وما تشيل ليهم هم . وبهتم بيهم شخصياً طول ما انا على راس عملي ...
ولو سمحت ما تركب راسك وتركبنا معاك التونسية ...
اوكي يا راستا ..
اوكي يا رندوق بس انا اولادي موديهم الكلية الحربية يخدموا الوطن و يصلوا بالكفاءة و العلم و المجهود ، دا ما يمنع الشكر على اهتمامك و الذي اتمنى تعميمه لكافة ابناء الوطن العزيز ..
طلعت احسن من اخوانا الشوايقة كان بقولو للولد كان نجح للطورية وكان فشل للعسكرية ... شايفك موديهم العسكرية دايركت ومسلحين بالعلم والكفاءة ... بلاك تخرب يا ودسعد ...
ياخي بطل تدغمس لينا الكلام وسط الكلام ...
الكلام الزادوهو حبة وجابوهو ليك !!!
imported_أشتر
21-05-2008, 09:54 AM
حلوين حلاوة غاليين غلاوة
لو كنت داير تنسى الشقاوة
شيل المحنة و انسى العداوة
وكُتر الحنية كيفن بتداوى اخخخخخخخخ انا من الحنية ..
وما تشيل مع الحنية هم...
imported_منال
21-05-2008, 10:36 AM
ولضمان الجودة والتوزيع العادل نتعهد نحن وراس الدولة بوضع الخطوط الحمراء عقب أي عملية تكسير وين ما تكون ... عشان العملية لو زادت عن حدها بتتقلب لضدها وتتقلب علينا وثم نستخرج شهادات ميلاد جديدة باسم سادن وقوامو لادن ...
في إطلاق العنان لمخيلته التي لا تحدها حدود ... ويقوم يفوت الحدود ويدخل في حدود بعرفا براو ... ولو اقمنا عليهم الحدود مااااااااا بنلقى زول سليم ...
يا محمد اوحت اسطرك تلك الى (عملية تكسير وين ما تكون ...الخطوط الحمراء ...شهادات ميلاد جديدة باسم سادن وقوامو لادن ) فى إطلاق العنان لمخيلتنا التي لا تحدها حدود ... و راينا ان نواصل فى كسير التلج و المجاراة و الجديع ... مش حكومنتا :D:D:D و كان حاكمونا و اقامو الحد ح نبقى مرتزفة و التانية ديك سدنة
تخريمة
انا معاك فى الهترشة و الرشاشات
imported_أشتر
21-05-2008, 11:03 AM
يا محمد اوحت اسطرك تلك الى (عملية تكسير وين ما تكون ...الخطوط الحمراء ...شهادات ميلاد جديدة باسم سادن وقوامو لادن ) فى إطلاق العنان لمخيلتنا التي لا تحدها حدود ... و راينا ان نواصل فى كسير التلج و المجاراة و الجديع ... مش حكومنتا :D:D:D و كان حاكمونا و اقامو الحد ح نبقى مرتزفة و التانية ديك سدنة
تخريمة
انا معاك فى الهترشة و الرشاشات
الهترشة تجعلني أبدو منبرشاً لا ألوي على شئ ... والانبراشة شأنها شأن التلج حيث يلتقيان في نقطة أكبر من صفر وأصفر من الواحد الصحيح ... وهل صحيح الحي بلاقي حبايبو لو صابرين .
ثم ماذا بعد ... سادن ... خالٍ من المدعو الأمان .. وخاو على عروشي ... تلكم الغابة ... وهذا أنا ...
منطقو يا مجو ... حتى لا ينقطع الرجاء ...
imported_أشتر
21-05-2008, 11:07 AM
هل السياسة سخيفة لهذا الحد ...
ولماذا تعالج الرياضة ما تفسدة السياسة ...
ولماذا لا تعمل السياسة كما ينبغي لننال عن طريقها كاس العالم ...
مجرد أسئلة
imported_لنا جعفر
21-05-2008, 12:57 PM
ياشباب يالهنا سلام
انا كنت وين ؟ تخيلو بلغ بي التخلف درجة اني ماقادرة اقرا عنوان البوست ده
اها يامنال أو ياود ابوعاقلة .......اشرحو لي فهموني
والله انا بحسب كلام الفرد(بكسر الفاء كسرا مسسببا لعاهة دائمة) ما قاعد افهم النكت بسهولة الا بعد شرح مسهب خالص وطويل ........ودمي تقيل جدا ....ومابحب الا مواضيع النكد والتنظير الذي لاطائل من وراءه
واحد صاحبنا كده الله يطراهو بالخير ....قال :- انه لنا جعفر مدافع شرس عن الديمقراطية وحقوق الانسان والاقليات الدينية والعرقية ولو الواحد بقى عميل وحاول يقوم بعمل عدائي ضد المدعوين عاليه ممكن يخطط بسلامة تامة وتحت نظر لنا جعفر من غير ماتعرف
قام ساله زميلنا التاني !!!!!!!كيف الكلام ده نحن كلنا عايزين نقلب بس خايفين من لسان النجاضة دي
قام داك قال ليهو :- يتم الموضوع تحت نظر لنا جعفر لانه بتستريب من ضلها ولو شافت الناس كتل وجماعات وكلام وهرولة قطع شك حاتعرف لانه انفها شبر وبتشوف في الضلام زاتو لكن بس عشان ننجى يكون التخطيط في شكل نكتة !!!!!!!!وزولتك حاتجلي جلى السنين
طبعا كلام الشباب ده والله لي حد بعيد صحيح ومستقيم مع كوني مابفهم اسمي زاتو الابالسياسة
اها المقدمة المملة دي عشان اقول ليكم أنا لحد بعيد مافاهمة الكلامات البتقولو فيها ده...........
عايزة زول يديني دروس خسوسية ده نمرة واحد
نمرة اتنين ياشباب انا يسرني انه اعلن ليكم انه انا فهمت من افتتاحية البوست انه انا حايدوني وزارة تربية وتأليم (طبعا دي طريقة الكلام البتخلي المرتزقة يجلوك ويخلوك سليم وما يدوسو ليك على طرف بعدين والله اصلا مافارقة معاي كتير لاننا باختسار كده يااولاد امي نحن رطانة وكده)
المهم انا تربية ده ما ايزو مرة واهد كده ............مالية ده مالو
خارجية ...نتفسه (نتفسح).............دفآ ده كويس بردو
رئيس هكومة .......والله كمان مابتال
تأليم ده............ها . ها . ها ، ما ايزين ماكم ،فركيشة بس ونمشي نأمل هركة برانا ونسلحو من دبيرة من هناك
تاني كلام بتاع ارب نهن ماايزين ده هقارة منكم بس
ودي ياشباب واشرحو لينا التيرمنولوجي بسرعة
والكلمة دي شكلها بتجيب لي فيصل سعد كاروشة :D:D:D:D:D:D
imported_منال
21-05-2008, 01:24 PM
ياشباب يالهنا سلام
انا كنت وين ؟ واحد صاحبنا كده الله يطراهو بالخير ....قال :- انه لنا جعفر مدافع شرس عن الديمقراطية وحقوق الانسان والاقليات الدينية والعرقية نمرة اتنين ياشباب انا يسرني انه اعلن ليكم انه انا فهمت من افتتاحية البوست انه انا حايدوني وزارة تربية وتأليم (طبعا دي طريقة الكلام البتخلي المرتزقة يجلوك ويخلوك سليم وما يدوسو ليك على طرف بعدين والله اصلا مافارقة معاي كتير لاننا باختسار كده يااولاد امي نحن رطانة وكده)
المهم انا تربية ده ما ايزو مرة واهد كده ............مالية ده مالو
ودي ياشباب واشرحو لينا التيرمنولوجي بسرعة
والكلمة دي شكلها بتجيب لي فيصل سعد كاروشة :D:D:D:D:D:D
و ينك يا لنا ياخى انا بفتش عليك فى المنفى فى مرسى السفن ... تعالى هنا ده مقرك ... وزارة جاهزة و منتظرين برنامجك و متل ما رشحوك اصحابك برضو هنا رشحناك ... و شفتى براك الخستقة قدر شنو .. و الجقلبة .. و الهبر كمايات ... و شى طلبات و التانية تهديدات... اها يا اختى انكربى معنا فى حكيومة السجم الرماد ... و اصلى فى الوزارة ... الالم خلى لناسو ود ابوعاقلة بجضمو و بجيب خبرو ... والتيرمنولوجي ما معنا اصلو و ده طرفنا منو ....و خلى نغنى يا حاجة سوى كاروشة :D:D:D مع الاعتذار للاغنية ... خليك قريب يا بت امى و باقى النكت و الفهم برسلها ليك فى ايميل و هاك ده العنوان
[email protected]
imported_منال
21-05-2008, 01:33 PM
هل السياسة سخيفة لهذا الحد ...
ولماذا تعالج الرياضة ما تفسدة السياسة ...
ولماذا لا تعمل السياسة كما ينبغي لننال عن طريقها كاس العالم ...
مجرد أسئلة
يا محمد يا ود لدى انت متاثر بالمباريات بتاعت المرتزقة ديل ... سيب الهم ده لناسو يلعبو لعبهم ... السياسة تفسد اى شى حتى الملاح البايت فى الحلة (عشان ياكلو الناس الفقارى كم مرة .. بفعل قطع الكهرباء لانو سد مروى ح يغذى العاصمة و الجماعة ضربو قبل ما تجى معركة امدرمان و يرسلو جيش جرار لحمايتو ... و الثسن تعبث بمقدراتنا و ثروتنا و تحرب حقول البترول بفعل الساسة ) و الطريق الى كاس العالم برضو عايز سياسة و تخطيط ... و وزير نجيض :D:D:D
خارح النص
احلم بانو كاس العالم ممكن يكون مرة فى استاد الخرطوم ... و قيس عاايز ليك كم سنة عشان يتحقق
imported_أشتر
21-05-2008, 05:47 PM
ياشباب يالهنا سلام
انا كنت وين ؟ تخيلو بلغ بي التخلف درجة اني ماقادرة اقرا عنوان البوست ده
اها يامنال أو ياود ابوعاقلة .......اشرحو لي فهموني
والله انا بحسب كلام الفرد(بكسر الفاء كسرا مسسببا لعاهة دائمة) ما قاعد افهم النكت بسهولة الا بعد شرح مسهب خالص وطويل ........ودمي تقيل جدا ....ومابحب الا مواضيع النكد والتنظير الذي لاطائل من وراءه
واحد صاحبنا كده الله يطراهو بالخير ....قال :- انه لنا جعفر مدافع شرس عن الديمقراطية وحقوق الانسان والاقليات الدينية والعرقية ولو الواحد بقى عميل وحاول يقوم بعمل عدائي ضد المدعوين عاليه ممكن يخطط بسلامة تامة وتحت نظر لنا جعفر من غير ماتعرف
قام ساله زميلنا التاني !!!!!!!كيف الكلام ده نحن كلنا عايزين نقلب بس خايفين من لسان النجاضة دي
قام داك قال ليهو :- يتم الموضوع تحت نظر لنا جعفر لانه بتستريب من ضلها ولو شافت الناس كتل وجماعات وكلام وهرولة قطع شك حاتعرف لانه انفها شبر وبتشوف في الضلام زاتو لكن بس عشان ننجى يكون التخطيط في شكل نكتة !!!!!!!!وزولتك حاتجلي جلى السنين
طبعا كلام الشباب ده والله لي حد بعيد صحيح ومستقيم مع كوني مابفهم اسمي زاتو الابالسياسة
اها المقدمة المملة دي عشان اقول ليكم أنا لحد بعيد مافاهمة الكلامات البتقولو فيها ده...........
عايزة زول يديني دروس خسوسية ده نمرة واحد
نمرة اتنين ياشباب انا يسرني انه اعلن ليكم انه انا فهمت من افتتاحية البوست انه انا حايدوني وزارة تربية وتأليم (طبعا دي طريقة الكلام البتخلي المرتزقة يجلوك ويخلوك سليم وما يدوسو ليك على طرف بعدين والله اصلا مافارقة معاي كتير لاننا باختسار كده يااولاد امي نحن رطانة وكده)
المهم انا تربية ده ما ايزو مرة واهد كده ............مالية ده مالو
خارجية ...نتفسه (نتفسح).............دفآ ده كويس بردو
رئيس هكومة .......والله كمان مابتال
تأليم ده............ها . ها . ها ، ما ايزين ماكم ،فركيشة بس ونمشي نأمل هركة برانا ونسلحو من دبيرة من هناك
تاني كلام بتاع ارب نهن ماايزين ده هقارة منكم بس
ودي ياشباب واشرحو لينا التيرمنولوجي بسرعة
والكلمة دي شكلها بتجيب لي فيصل سعد كاروشة :D:D:D:D:D:D
رشحت حلقك لاذاعات الشدر ... والمنتظر من عودة المدعو الخطر ...
فهل خطر ببالك ان تصبحي وزيرة في يوم ما ... تلك أمانيّهم ... الأماني التي تخيب ... ثم عشم إبليس في الجنة ...
دراما تُحاكي الغير واقع ... أو ربما نتنسم ولو قليلا هوا سايب ...
اها نقوم نجيك بالسياسة يا بت جعفر ... وقالو السياسة بالمهله ...
بيان خسوسي رقم واحد ...
اطلعي منها ... اعني الوزارة بالطبع ... وزارة التربية والتأليم العالي المركز في كم حتة ... لانو يا بت جعفر دي من اختساسي انا شخصيا ... ورجاءا تشوفي ليك جيهة قبلي عليها ... قبل ما تقولي اي حاجة ... وبطريقتك دي بتوديني الصالح العام والله يستر ما تبقي علي حكاية خالي الوزير الشالوهو قبل كدا والجابوهو صالح طلع طالح ...
وحاليا لا أملك أي نفس طويل خسوسا والدنيا ليل ... والليل ما زمن سياسة ... سياستنا حدها الساعة اتنين الا تلت والباقي نظريات جلها فشنك والباقي ربربة .... ثم يتغالطون ويتغالطون بقلوبٍ شتى .... شتى جِنس شتات ... شتات يا فردة ... ويبوظون العلاقات الانسانية حتى يفرقهم الكلاشنكوف وتصحى القضية...
آآآخ ثم آآآخ ... قد اسرح ... اشرح طوالي ...
ثم ماذا بعد !!!
اللخت تبع منو ؟
ولو عندك (حق) ما تسكتي ... ولا سكتت فوهة البنادق ...
imported_أشتر
21-05-2008, 09:39 PM
يا محمد يا ود لدى انت متاثر بالمباريات بتاعت المرتزقة ديل ... سيب الهم ده لناسو يلعبو لعبهم ... السياسة تفسد اى شى حتى الملاح البايت فى الحلة (عشان ياكلو الناس الفقارى كم مرة .. بفعل قطع الكهرباء لانو سد مروى ح يغذى العاصمة و الجماعة ضربو قبل ما تجى معركة امدرمان و يرسلو جيش جرار لحمايتو ... و الثسن تعبث بمقدراتنا و ثروتنا و تحرب حقول البترول بفعل الساسة ) و الطريق الى كاس العالم برضو عايز سياسة و تخطيط ... و وزير نجيض :D:D:D
خارح النص
احلم بانو كاس العالم ممكن يكون مرة فى استاد الخرطوم ... و قيس عاايز ليك كم سنة عشان يتحقق
سكت يا منال ... عن السؤال المباح ... والحاجات التي تؤرق بفعل فاعل ...
وعادتي ... اقلع جلد النهار عشان الليل كدا كدا ساترنا ...
خارح النص
احلم بانو كاس العالم ممكن يكون مرة فى استاد الخرطوم ...
تصدقي قبل كدا عملت موضوع بالخصوص دا ... اسمو (الساعة ستة بتوقيت الخرطوم ... والقيامة قرّبت تقوم) لكن الاستاد كان في ام درمان ... كيتا على ناس الخرطوم الجافين والرافعين القزاز ... وكان للتوقيت دا لا بزيد ولا بنقص ...**
imported_فيصل سعد
22-05-2008, 02:55 AM
يا اخوانا و اخواتنا التشكيل الوزاري دا شيلو معاكم كل صفحة منعا لتضارب الاختصاصات و الصلاحيات و عشان الناس ما تدقس و تنسى مواقعها و كدة :D:D:
حكومة سودانيات الوطنية
السيد عصمت العالم ، رئيس الجمهورية
الاستاذة منال، رئيسة الجمهورية
السيد فيصل سعد، وزير الدفاع و القائد العام للقوات المسلحة
الاستاذة سارة ، وزيرة الدولة لشؤون الدفاع و الامن القومي و الاستخبارات
السيد مهند بشير ، وزير الثروة الحيوانية و السمكية
الاستاذة سارة حمزة وزيرة الصحة
السيد الرباطابي، وزير الداخلية
الاستاذة لنا جعفر، وزيرة العدل و النائب العام
السيد خالد الحاج ، وزير الثقافة و الاعلام
الاستاذة الاء فتحى مسعد، وزيرة الشباب و الرياضة
السيد المهندس معتصم الطاهر و زير التنمية و العمران و السكان
الاستاذة ام راشد، وزيرة رئاسة الجمهورية والرعاية الاجتماعية
السيد رافت ميلاد ، وزير السياحة و الاستثمار
الاستاذة نعمات حمود ، وزيرة المالية و الاقتصاد الوطني
السيد محمد ابوعاقة ،وزير التربية و التعليم العالى و البحث العلمى و الاتصالات
السيد شليل 07 ، وزير الزراعة و الغابات
الاستاذة نهى احمد ، وزيرة شؤون البرلمان و الموسسة التشريعية و المجالس المحلية
السيد شوقى بدري ، رئيس و حاكم اقليم الجنوب
السيد عكود ، رئيس و حاكم اقليم الشمال
السيد بابكر مخير، رئيس و حاكم الاقليم الاوسط
السيد الجيلى احمد ، رئيس و حاكم الاقليم الشرقي
السيد فتحي مسعد حنفي ، رئيس و حاكم اقليم كردفان
السيد حسن فرح، رئيس و حاكم اقليم دارفور
السيد كيشو ، المندوب الدائم في الامم المتحدة
السيد شبارقة ، المندوب الدائم في الاتحاد الافريقي
السيد عادل عسوم ، المندوب الدائم في الجامعة العربية
imported_فيصل سعد
22-05-2008, 05:18 AM
تنويه للسادة الوزراء و كل المسئولين و قيادات حكومة سودانيات الوطنية :
بعد السلام و التحية ، الرجاء التحلي بالنزاهة و كريم الخصال و الطهر و عفة اليد و اللسان
و الابتعاد عن الرشوى و الظلم و المحسوبية و الفساد، يجب ان تكونوا عونا و سند،ا خيرا
و عطاء و تجرد و نكران ذات ، لابد ان تبذلوا الغالي و النفيس لخدمة و تقدم و تنمية و تعمير
بلادكم، و ان تحافظوا على امن و سلامة شعبكم العظيم نحو العيش الحر الكريم،
و لابد ان تحافظوا على سيادة بلدكم و كرامة مواطنيه و صيانة وحدته الوطنية ..
ارضاء لله طاعة و تقوى و ارضاء لضمائركم و انفسكم ..
و لكي لا تصنفوا كهؤلاء :
WIDTH=400 HEIGHT=350
imported_منال
22-05-2008, 09:50 AM
تصدقي قبل كدا عملت موضوع بالخصوص دا ... اسمو (الساعة ستة بتوقيت الخرطوم ... والقيامة قرّبت تقوم) لكن الاستاد كان في ام درمان ... كيتا على ناس الخرطوم الجافين والرافعين القزاز ... وكان للتوقيت دا لا بزيد ولا بنقص ...**
يا محمد القزاز خلو زمان الجماعة مشو خطوة قدام ...بقى اسمو عصير بلح فى كريستال زى مابقولو عندنا فى الخرطوم (معلومة الكريستال هو شركة عصير معلب فى باقات) بعدل المزاااااج :D:D:D
اها ناس الخرطوم ما جافين و رافعين راياتم فوق و برضو سودانا فوق فى كل استادات امدرمان يا كابتن:p:p
imported_منال
22-05-2008, 09:52 AM
تنويه للسادة الوزراء و كل المسئولين و قيادات حكومة سودانيات الوطنية :
بعد السلام و التحية ، الرجاء التحلي بالنزاهة و كريم الخصال و الطهر و عفة اليد و اللسان
و الابتعاد عن الرشوى و الظلم و المحسوبية و الفساد، يجب ان تكونوا عونا و سند،ا خيرا
و عطاء و تجرد و نكران ذات ، لابد ان تبذلوا الغالي و النفيس لخدمة و تقدم و تنمية و تعمير
بلادكم، و ان تحافظوا على امن و سلامة شعبكم العظيم نحو العيش الحر الكريم،
و لابد ان تحافظوا على سيادة بلدكم و كرامة مواطنيه و صيانة وحدته الوطنية ..
ارضاء لله طاعة و تقوى و ارضاء لضمائركم و انفسكم ..
غايتو يا فيصل من شفت المصيبة الكاربة دى اتحسست مسدسى وين... مش قاعدة فى كرسى
imported_لنا جعفر
22-05-2008, 02:06 PM
فيصل ومنا
ود لامتناهي
وشكرا ع الافكار
انا والله لو كنت استشرتوني في موضوع الصور ده كنت حا اقول ليكم
انه البور بوينت ده عاملينه لي بحوث و لي عمل شئ اشبه بتركيب الافلام (غير الموفي ماكر)
اها ماكان في بالي انه ممكن البور يعملو فيهو كده
عموما المرة الجاية اعرضو لينا فيهو ابحاث او صور كتيرة وجميلة وبينها فواصل مبتكرة وحلوة
مش صور العصابة دي
الفكرة حسه مفهومة ومبلوعة ..........لكن افضل الطبيعة بدل النحس ده
كفاية الجرايد وتلفزيون السودان المصادر...ماممكن صورهم هنا كمان
imported_فيصل سعد
23-05-2008, 06:36 AM
كفاية الجرايد وتلفزيون السودان المصادر...ماممكن صورهم هنا كمان
فقط لكي لا ننسى المجرمين و الجرم و الاجرام ..
imported_فيصل سعد
23-05-2008, 06:43 AM
هذا و قد صدر قرار رئاسي طارئ بواسطة نائب رئيس الجمهورية باعفاء جميع الوزراء و المسئولين الذين تغيبوا عن الاجتماعات و مراسم التعيين دون سبب او اعتذار مكتوب .. و على السيدة الرئيسة التشاور مع الرئيس لانه لا بد من تعيين وزراء في المناصب الشاغرة و سد النقص سريعا و تامين المسيرة و انطلاق النهضة و البناء و التعمير ...
imported_أشتر
23-05-2008, 07:42 AM
غايتو يا فيصل من شفت المصيبة الكاربة دى اتحسست مسدسى وين... مش قاعدة فى كرسى
مصيبة شنو يا منال !!!
الله يكفينا شر المصايب ما ظهر منها وما بطن
imported_فيصل سعد
23-05-2008, 07:47 AM
مصيبة شنو يا منال !!!
الله يكفينا شر المصايب ما ظهر منها وما بطن
قصدها المصيبة دي يا حبوب :
تنويه للسادة الوزراء و كل المسئولين و قيادات حكومة سودانيات الوطنية :
بعد السلام و التحية ، الرجاء التحلي بالنزاهة و كريم الخصال و الطهر و عفة اليد و اللسان
و الابتعاد عن الرشوى و الظلم و المحسوبية و الفساد، يجب ان تكونوا عونا و سند،ا خيرا
و عطاء و تجرد و نكران ذات ، لابد ان تبذلوا الغالي و النفيس لخدمة و تقدم و تنمية و تعمير
بلادكم، و ان تحافظوا على امن و سلامة شعبكم العظيم نحو العيش الحر الكريم،
و لابد ان تحافظوا على سيادة بلدكم و كرامة مواطنيه و صيانة وحدته الوطنية ..
ارضاء لله طاعة و تقوى و ارضاء لضمائركم و انفسكم ..
و لكي لا تصنفوا كهؤلاء :
WIDTH=400 HEIGHT=350
imported_أشتر
23-05-2008, 07:51 AM
يا محمد القزاز خلو زمان الجماعة مشو خطوة قدام ...بقى اسمو عصير بلح فى كريستال زى مابقولو عندنا فى الخرطوم (معلومة الكريستال هو شركة عصير معلب فى باقات) بعدل المزاااااج :D:D:D
اها ناس الخرطوم ما جافين و رافعين راياتم فوق و برضو سودانا فوق فى كل استادات امدرمان يا كابتن:p:p
ههههههههه بالغتي يا فردة ... انتي من زمن الكريستال ...
غايتو آخر مرة في النادي الأرمني بقيادة المايسترو عماد لوفا كانت القشرة أكياس نايلون ...
كيس نايلو والهوا شايلو
والرايات البيض يداعبها الهواء ...
وبعدين !!!
دا شنو يا رئيس؟!!!!
imported_أشتر
23-05-2008, 07:53 AM
قصدها المصيبة دي يا حبوب :
[B][color=#CC0000][size=5]
هو انت قاعد !!!!
رجعت بالصفحة لقيت المصيبة في اضاني وعيوني ... ورد لسؤالي ...
احذر ... أمامك مطب !!!
imported_فيصل سعد
23-05-2008, 08:02 AM
هو انت قاعد !!!!
رجعت بالصفحة لقيت المصيبة في اضاني وعيوني ... ورد لسؤالي ...
احذر ... أمامك مطب !!!
هي كان بقت على مطب هينة بنهدي السرعة :D:D لكن بجغمستك دي يا منقة :D:D الله يكفينا شر الدقداق و الحفر و الردمية خاصة شكبزوربراتنا تعبانة و كدة :D:D انتظرنا منك سلك امبارح ، لكن الظاهر عليك غتست ليك في قعدة و حلل و مزز و شطوط يا حبرتجي :D:D اتوقعتك ترد لاختنا الوزيرة لنا جعفر لانها انتقدت الترمنلوجي بتاعك و كدة بانه زي الغناء الهابط و هكذا شحاوير :D:D
imported_أشتر
23-05-2008, 09:05 AM
هي كان بقت على مطب هينة بنهدي السرعة :D:D لكن بجغمستك دي يا منقة :D:D الله يكفينا شر الدقداق و الحفر و الردمية خاصة شكبزوربراتنا تعبانة و كدة :D:D:D:D
انتو وكت شكبزوربراتكم تعبانة بتنططو مالكم ... نصيحتي تشوف ليك مساعد ثاني يتلقى الواقعة ... الزمن ما معروف يا خوي فيصل ... والضغط بقى كتير ... الصنفرة واجبة ... والدبرياش حرقنا ميتين اهلو ... اهم حاجة تظبط قماشاتك ... وتملا سدرك هوا ... والله يكفينا شر البنشرة ... والواحد ما بتمنى ليك تمشي على عجل حديد ...
فيما يخص السلك ... يازول في السلك ... والسلك في بالي ... وبالي مشغول يا حبيب
فيما يخص الوزيرة لنا ... رديت لكن ضربت بكلامي عرض الحيطة وعملت منو نايمة ... وكان رديت تاني امكن اخرب الموضوع ... وبما اني عارف نفسي كج ... فاحسن اعمل نايم انا ... عسى ولعل!
imported_منال
24-05-2008, 11:33 AM
ههههههههه بالغتي يا فردة ... انتي من زمن الكريستال ...
غايتو آخر مرة في النادي الأرمني بقيادة المايسترو عماد لوفا كانت القشرة أكياس نايلون ...
كيس نايلو والهوا شايلو
والرايات البيض يداعبها الهواء ...
وبعدين !!!
دا شنو يا رئيس؟!!!!
برضو انت قديم شوية من زمن كيس النايلون يافردة ... الشيلة و المسكة بقت على عينك يا تاجر و فى قزازة العصير اكان كفتريا ولا حديقة عامة اها شن قولك :p:pو فى نصت نهار و البيوت ديك شغالة تش .... و انت برضو بتجيب الهوا يا جنى :D:D:D... (شريعة و الجلدة سريعة):mad::mad::mad:
دا شنو يا رئيس؟!!!!
دى ما جغمستك و خستقتك يا وزير شفت سوقتنا لى وين يا سايق الفايت :p;);):)
خلى الشغب ياخى .. اظنك عرفت المصيبة شنو ... مش برضو مفروض اعمل حسابى اخير نعمل رايحين يافردة
imported_فيصل سعد
24-05-2008, 11:51 AM
برضو انت قديم شوية من زمن كيس النايلون يافردة ... الشيلة و المسكة بقت على عينك يا تاجر و فى قزازة العصير اكان كفتريا ولا حديقة عامة اها شن قولك :p:pو فى نصت نهار و البيوت ديك شغالة تش .... و انت برضو بتجيب الهوا يا جنى (شريعة و الجلدة سريعة)
دى ما جغمستك و خستقتك يا وزير شفت سوقتنا لى وين يا سايق الفايت :
خلى الشغب ياخى .. اظنك عرفت المصيبة شنو ... مش برضو مفروض اعمل حسابى اخير نعمل رايحين يافردة
هسة بالله دة حوار بين رئيسة و وزير :D:D و لا بين معلمة و زبون في انداية و خانة :D:D.. قلنا ليك الناس ديل تعلميهم النظام و الانظباط في العمل :D:D تقعدي تتونسي معاهم في ظبطة الراس و تغني ليهم كمان :D:D المهم انا المرة دي مشيتها ليكم بحساب "و لا تكن فظا غليظ القلب فينفضوا من حولك" لكن ونستكم دي تاني بعد الدوام الرسمي تموها تلفونات و تكست-مسيج و كدة :D:D
imported_فيصل سعد
24-05-2008, 12:05 PM
السيدة فخامة الرئيسة منال :
الرجاء تنفيذ هذا القرار فورا خلال هذا الويك-اند بدون استثناء ..
و لك الشكر و التقدير..
هذا و قد صدر قرار رئاسي طارئ بواسطة نائب رئيس الجمهورية باعفاء جميع الوزراء و المسئولين الذين تغيبوا عن الاجتماعات و مراسم التعيين دون سبب او اعتذار مكتوب .. و على السيدة الرئيسة التشاور مع الرئيس لانه لا بد من تعيين وزراء في المناصب الشاغرة و سد النقص سريعا و تامين المسيرة و انطلاق النهضة و البناء و التعمير ...
imported_منال
24-05-2008, 12:13 PM
هسة بالله دة حوار بين رئيسة و وزير :D:D و لا بين معلمة و زبون في انداية و خانة :D:D.. قلنا ليك الناس ديل تعلميهم النظام و الانظباط في العمل :D:D تقعدي تتونسي معاهم في ظبطة الراس و تغني ليهم كمان :D:D المهم انا المرة دي مشيتها ليكم بحساب "و لا تكن غليظ القلب فينفضوا من حفظا ولك" لكن ونستكم دي تاني بعد الدوام الرسمي تموها تلفونات و تكست-مسيج و كدة :D:D
يا فيصل تابع البوست ده من الاول ما ح تلقى جنس البنقول فيهو ده صحى... و الظبط و الربط انتمى... و انحنا مع المحاسبية لنهاية ان بقينا حيين ... الونسة ذاتها فيها شفافية مالو ياخى ما تعاكس .. مرة مرة بنخرمج و اهو فى ناس صاحين .. بس و الله خفت تجيب لى ده ما شغل نسوان ساى و ضحكت من جوه قلبى للتلميح الذكى ... اها خليك معانا فى الخط "و لا تكن غليظ القلب فينفضوا من حفظا ولك" و لا تكن ايضا متابع بعد الدوام و انت عارف الجماعة ما عندهم دوام و تمام :D:D:D بعدين انا جنى ونسة حبوبات و قلت البوست ده سايقو لوين الجنى ده ... لكن خليك مصصح و كدى النشوف الجماعة الطيبين ديل غطسو وين ما جو ورونا برامجهم اها نعمل نداء تانى و الدعوة الى عداء عمل اليوم بحدائق القصر عند الساعة الخامسة الحاضر يكلم الغايب منتظراكم
imported_منال
25-05-2008, 07:18 AM
فى اجتماع مشترك لمجلس الوزراء و رئاسة الجمهورية و رؤساء الاقاليم لعمل assessment لفترة العمل السابقة و مع اصطحاب الرؤى و قرائتنا للواقع و تخطيطا للمستقبل توصلنا الى الاتى :-
- بما ان الكثير من روساء الاقاليم لم يبلغ عن مكان و جوده و انشغلو امكن فى الاصلاح و اللملمت الجراح و بما انهم طافشين خليناهم طاشين ( لانو نما الى علمنا بان كل اقليم يطمح بان يكون مستقل و صاحب سيادة وطنية ... قلنا اخير يجربوا مسدارهم براهم و يشيلو شيلتهم و الكيكة اتقسمت ... شوقى مع اخوانو الجنوبين فى عوالم زى رؤى الاطفال حوالم... التنمية تمت للانسان الجنوب و قطعو الدرب على الدخول الى الغابة تب البيوت و الشوارع و نيو سايت فى كل مدينة تشهد للوردات المكاسب التى اغتنموها و الدستور تم تانى سودان جديد فى حيز الجنوب فقط .. و كانك يا نيفاشا كنت حبر على ورق و تعب لاطائل منه... المهم دولة الجنوب تكون او لا تكون تلك هى الحقيقة !!! و الفترة الانتقالية بتاعت شنو و الاستفتاء هو شنو نحن عندنا صراع قبائل و اولاد ذوات عشان ما نقول بيوتات اللتكم دى ... وفروا وقتكم الانفصال لا محالة ... اها امشو خضراء عليكم سوا العايزنو ... الا القومية لا تجيبو سيرتها ... و العلمانية هى ذاتها خشم بيوت ... اها انا قمت اغنى بوجعتى لمن بطنى ماصتنى و بقت اشوف طمام ... طمام (شوف عينى الشم خوخت بردن ليالى الحلة شوف عينى الصقير بجناحو كفت الفرة .. الليلة ضوقنا المرة فى بلدا مع الحرة .. شن ضل العمارات ابن تمرة برا... ضقنا الحنضل اليانكى و بلعنا المرة) وناس الشمال ليهم الله و عيشة السوق يا عكود خبراك تعال شوف السدود ... و التوطين و اعادة التوطين و العرب الفتارى ... الشرق زولو ما قال خبر و لا ليهو اتر .. فى اقتراح يمشو يشوفو عقابهم فى ارتريا و اثيوبيا و يكبرو كومهم ... ( نحنا حفايا فى بلدك التلفت فوق كتفينا.. مدى العين نفشت فينى الريش صفقت جريت فرحان... ما تغطنى انا انا عرقان من و جهى الفيك و فجائنى النهار) اما الغرب له السيادة و الريادة يكون او لا يكون .. و كونو براهم دولة مستقلة (من الاقليمين ... قوت عينها ... ام خيرا بره و جوه ... و دى عمايل اليانكى ... يا ابو السرة كوج العين تخبر الشينة من الزين ... تفرز الطارى من السارى ... الاوسط الله معاك يا ود مخير و ما اظن تتحير دق فى الوتر و خلى الكمنجات لناسها ... و نمرق غادى انت البقيت دخرى الحوبة لناس مجنونة و النشوف اخرتا) ( ميز ريحة المطرا او اتخيل بيتنا رزاز انا حلفت بنات الشجر الماطر ما تنزل صفقة تعرى صفير الريح ...يلقى غناهو ليل الليل الماطر )اها الوزراء الاعزاء طوالى الكشف بتاع الاحتياطى جاهز و اصلو الحاشية كبيرة و البطانة سمحة و ملونة و معدة مسبقا ... قاموا فى جماعة حنبقوا لانهم ضاعو و ح يضيع املهم فى المافيا التى ربطت مع بعضها و نسال ناس كده.... قمنا قلنا النديهم فرصة تانية يفكوا الارتباط و يسوا امورهم ... قمت حكيت راسى و عاينت من تحت النضارة لود ابوعاقلة لقيتو مورم جضمو الكلام ما واقع ليهو... طوالى هواقتراح النحل الحكيومة و نقدم استقالات جماعية ...(ابقو الف) أزول انت ماك نصيح و ين لاقاك وزير محصص و نجيض قدم استقالتو الا تسويها براك جا هو صوت انت واحد شفت و متفتح على العالم الخارجى و الارصدة فى ماليزيا و الغسيل جاف و ما بوضح ... هرج و مرج و كوراك شديد و ضرب تربيزة تحت و فوق ( و النار تعذب فى عقال العرش ولمينا ..هى لم رميمنا... مروقوبنا فى وادى الضلمة ) ( اليقباها ما يقبانى ... ) و لا خصانا يا ابو السرة... اها النسو شنو رفعنا الاجتماع الى حين ..................
imported_فيصل سعد
25-05-2008, 08:06 AM
القوات المسلحة تقدم مذكرة شديدة اللهجة موضحة بعض القصور و عدم الاهتمام بمتطلباتها الاساسية من قبل الحكومة ، و اشارت الى فجوات امنية و تضارب صلاحيات قد يؤدي الى فوضى و انفلات امني ، كما ناشدت بوقف تسليح المليشيات و القبائل و سحب كل انواع الاسلحة و حصرها و مصادرتها ، كما طالبت بحل جهاز الامن الوطني الداخلي و الخارجي و الاجهزة التابعة له ، و ان تستلم وزارة الداخلية كل مهام و مسؤليات تلك الاجهزة الفاسدة العميلة الفاشية، اشارت المذكرة بوضوح ان هناك تذمرا و سخطا و غضبا لدى القادة و كبار الظباط و صف الظباط و الجنود و اعطت مهلة زمنية محددة لرئاسة الجمهورية للنظر في جميع المطالب بلا استثناء ..
تحيا القوات المسلحة زودا عن الوطن و سيادته و استقلاله..
عاشت قومية القوات المسلحة نصر ، فداء ، عزيمة و تضحية ..
شعب واحد ، جيش واحد ..
imported_منال
25-05-2008, 09:10 AM
القوات المسلحة تقدم مذكرة شديدة اللهجة موضحة بعض القصور و عدم الاهتمام بمتطلباتها الاساسية من قبل الحكومة ، و اشارت الى فجوات امنية و تضارب صلاحيات قد يؤدي الى فوضى و انفلات امني ، كما ناشدت بوقف تسليح المليشيات و القبائل و سحب كل انواع الاسلحة و حصرها و مصادرتها ، كما طالبت بحل جهاز الامن الوطني الداخلي و الخارجي و الاجهزة التابعة له ، و ان تستلم وزارة الداخلية كل مهام و مسؤليات تلك الاجهزة الفاسدة العميلة الفاشية، اشارت المذكرة بوضوح ان هناك تذمرا و سخطا و غضبا لدى القادة و كبار الظباط و صف الظباط و الجنود و اعطت مهلة زمنية محددة لرئاسة الجمهورية للنظر في جميع المطالب بلا استثناء ..
تحيا القوات المسلحة زودا عن الوطن و سيادته و استقلاله..
عاشت قومية القوات المسلحة نصر ، فداء ، عزيمة و تضحية ..
شعب واحد ، جيش واحد ..
توضيح من رئاسة الجمهورية لمن يهمهم الامر و من طرف واحد
غايتو بنخاف عديل من المذكرات دى و كل السوابق بتشير الى انها تمهيد الى انقلاب حتمى اتى ... و هناك مشكلة بين الاجهزة الامنية و العسكرية كعادتنا السودانيين نتشاكل حتى فى السلاح و التأسد لمن لا ندرى ... عليه يجب اخذ التحوط اللازم من هذه المذكرة ... اووووووووووووعك يا جماعة انتو وين ..... سجمنا زول برد مافى
عاد يا فيصل ياولدى براى شن قدرى ارد عليك ده شيتن اصلو لا شفتو و لا ضقتو و لا انزريتو قبل ده ... افزعونى و الحقونى ... اخيرليكم ... يا ابمرووووووووووة ... حلقى و جعنى ... مضيت على كل مطالبكم و فيها زيادة كمان تسهيل الاجراءات ابنكية لكل الجنرلات يمرقوا قروشهم و كروشهم بره البلد وكل المظارات تحت امرتهم وين ما يكونو عايزين يصيفو كمان .... اها قصرت .. ابقو جاى
imported_somiaadam
25-05-2008, 01:39 PM
سلامات يا منوله ومن قبل يحصل تغيير انا ابارك ليكي بصفه جندريه ذي مابقولو ا
ودايراكي اول قرار وزاري تعملي تشيلي ود ابو عاقله من الوزاره بتاعتو للصالح العام لانو انا مخلوعه لي يومين افتح سودانيات اقرا في مطالبوا دي وبعد تشيلو قولي لي البترول ده الناس دي كلها واقفه علي ماتجي السودان في الوقت ده تحير الناس وتمحنهم ومايعرفوا البسووها خليك في اغترابك ده وبعد تحقق مطالبك دي بعدين ننظر في امرك.
وبعدين السيره العملتوها دي اولي بيها انا اعملها لخالتي ومبروووك عليك بنديك ليها عشان بالمره نطلعها من موضوع الوزارات ده وكده نكون وفرنا كتيييييييير من القروش عشان نعين بيها العطاله ولا رايكم شنو
imported_فيصل سعد
26-05-2008, 06:05 AM
توضيح من رئاسة الجمهورية لمن يهمهم الامر و من طرف واحد
[B
عاد يا فيصل ياولدى براى شن قدرى ارد عليك ده شيتن اصلو لا شفتو و لا ضقتو و لا انزريتو قبل ده ... افزعونى و الحقونى ... اخيرليكم ... يا ابمرووووووووووة ... حلقى و جعنى ... مضيت على كل مطالبكم و فيها زيادة كمان تسهيل الاجراءات ابنكية لكل الجنرلات يمرقوا قروشهم و كروشهم بره البلد وكل المطارات تحت امرتهم وين ما يكونو عايزين يصيفو كمان .... اها قصرت .. ابقو جاى [/B]
السيدة / فخامة رئيسة الجمهورية ،، المحترمة الموقرة
بعد السلام و التحايا الطيبة ،،
مطالب القوات المسلحة ابسط كثيرا من ما ذهبت فيه اعلاه ، مطالبها سترة و رغيفة و كرامة و سلامة ، و حل الاجهزة التي تعوق عملها و تتداخل و تتشابك و تتسلبط في صلاحياتها، القوات المسلحة ليس فيها تماسيح و طفيليين اصحاب كروش و ارصدة بنكية مشبوهة و لا يطمع منتسبيها لاجازات و تصييف خارجي،، لان مصيفها تراب الوطن و وحدته و عزته و كرامة مواطنيه. انتهى عهد الفساد و المحسوبية و السمسرة و الاستقطاب السياسي و الايدلوجي و الجهوي بلا رجعة داخل قواتكم المسلحة.. و تبا لحكم الفرد لا ،، و بلى و انجلى ،، و عهد فساده و استبداده الله لا عادو ،، نحن نقف مع كافة الوطنيين صفا واحدا لدحر الظلم و الفساد و الاستبداد،، و لمحاربة الطفيليين سارقي قوت الشعب و سماسرة الربا و اللصوص و اباطرة النهب و الثراء الحرام ،، و نحن مرابطين لكسر شوكة مراكز القوى في اجهزة الامن العميلة و الفاسدة و المتسلطة على رقاب شعبنا الصابر المكلوم .. تم اعلان حالة الطوارئ و التأهب و رفعت درجة الاستعداد و تم الاعتقال و التحفظ على جميع قيادات اجهزة الامن باذن وزارة العدل و النيابة العامة و حاصرت القوات المسلحة جهاز الامن و احتلت مباني الجهاز و تولت ادارته مؤقتا الى ان يسلم للداخلية،، كما اطلقت سراح جميع المعتقلين السياسيين بامر وزارة العدل مع اعطائهم حق التقاضي في شأن اعتقالاتهم و تعذيبهم و تظلماتهم،، و تشكلت لجنة عسكرية عليا للنظر في كوادر الجهاز و اصدار الاوامر بمحاكمة المخالفين و تسريح فائض العمالة و تحويل اصحاب الخبرة بعد اجتياز حسن سير و سلوك كل حسب خبرته و تخصصه و مجاله .. نتمنى النظر في بقية المطالب و سرعة الرد و لكم وافر التحايا و عميق التقدير و الاحترام ...
imported_منال
26-05-2008, 07:39 AM
السيدة / فخامة رئيسة الجمهورية ،، المحترمة الموقرة
بعد السلام و التحايا الطيبة ،،
مطالب القوات المسلحة ابسط كثيرا من ما ذهبت فيه اعلاه ، مطالبها سترة و رغيفة و كرامة و سلامة ، و حل الاجهزة التي تعوق عملها و تتداخل و تتشابك و تتسلبط في صلاحياتها، القوات المسلحة ليس فيها تماسيح و طفيليين اصحاب كروش و ارصدة بنكية مشبوهة و لا يطمع منتسبيها لاجازات و تصييف خارجي،، لان مصيفها تراب الوطن و وحدته و عزته و كرامة مواطنيه. انتهى عهد الفساد و المحسوبية و السمسرة و الاستقطاب السياسي و الايدلوجي و الجهوي بلا رجعة داخل قواتكم المسلحة.. و تبا لحكم الفرد لا ،، و بلى و انجلى ،، و عهد فساده و استبداده الله لا عادو ،، نحن نقف مع كافة الوطنيين صفا واحدا لدحر الظلم و الفساد و الاستبداد،، و لمحاربة الطفيليين سارقي قوت الشعب و سماسرة الربا و اللصوص و اباطرة النهب و الثراء الحرام ،،
الا ده يكون حلمك يا فيصل يا ابوى للقوات المسلحة التى انت بصدد تشكيلها ... و وضع اطار و خطط العمل لها و تخطيط الخطوط الحمراء ليها عشان ما تتجاوزها .
نحن مرابطين لكسر شوكة مراكز القوى في اجهزة الامن العميلة و الفاسدة و المتسلطة على رقاب شعبنا الصابر المكلوم .. تم اعلان حالة الطوارئ و التأهب و رفعت درجة الاستعداد و تم الاعتقال و التحفظ على جميع قيادات اجهزة الامن باذن وزارة العدل و النيابة العامة و حاصرت القوات المسلحة جهاز الامن و احتلت مباني الجهاز و تولت ادارته مؤقتا الى ان يسلم للداخلية،، كما اطلقت سراح جميع المعتقلين السياسيين بامر وزارة العدل مع اعطائهم حق التقاضي في شأن اعتقالاتهم و تعذيبهم و تظلماتهم،، و تشكلت لجنة عسكرية عليا للنظر في كوادر الجهاز و اصدار الاوامر بمحاكمة المخالفين و تسريح فائض العمالة و تحويل اصحاب الخبرة بعد اجتياز حسن سير و سلوك كل حسب خبرته و تخصصه و مجاله .. نتمنى النظر في بقية المطالب و سرعة الرد و لكم وافر التحايا و عميق التقدير و الاحترام ...
كلنا معاك فى هذا و ستجد الصف الوطنى كله موحد من اجل هذه الغايات السامية ... و ان كان للتوقيع للتنفيذ من زولة الرئاسة ابصم عليها بالعشرة و كتار كمان بجوا مغمضين و يمضوا ... سدد الله خطاكم و ابقوا عشرة على تراب الوطن الغالى... و حدونا عشان التشرذم و الصراع القبلى ... ح يجرونا للقرون الوسطى و العصر الحجرى ذاتو لكن فى ناس مندسين عايزين كده .. المهم نكون صاحين و واعين
imported_سوسي
27-05-2008, 02:50 PM
غايتو يا جماعة حالتكم صعبة :)
بس اعملو خطة تكتيكية وكل زول يمسك حاجة ;)
عشان بعدين ما تلخبطو في المقاعد ;)
انا غايتو من حسع حنافس منال في القصر الجمهوري :p لانة بارد ومرطب ;)
وانا بحب الترطيب:p
imported_منال
29-05-2008, 09:41 AM
غايتو يا جماعة حالتكم صعبة :)
بس اعملو خطة تكتيكية وكل زول يمسك حاجة ;)
عشان بعدين ما تلخبطو في المقاعد ;)
انا غايتو من حسع حنافس منال في القصر الجمهوري :p لانة بارد ومرطب ;)
وانا بحب الترطيب:p
سوسى ما دام الكرسى ليك براى بزح ... عشان ما بدور اكنكش فى الكرسى ده و مقتنعة انى ما مخلده فيهو .. و الجماعة الحارسنو كتار ...اها فى اكتر من كده ازح براى و لا اقالة و لا استقالة ... و لا استقيل يا ثقيل بتاعت مايو ديك :p:p احير اعدل توبى و امرق بشييييش ...
imported_منال
29-05-2008, 09:53 AM
هسة بالله دة حوار بين رئيسة و وزير :D:D و لا بين معلمة و زبون في انداية و خانة :D:D.. انت ماك عارف ياوزير فى غزل بين الوزراء و النسوان فى كل الحكومات السابقة اها اشمعنى يعنى لما اشغالو واعرف اتجاهاتو كمان اكان فى العصير;);)
قلنا ليك الناس ديل تعلميهم النظام و الانظباط في العمل :D:D تقعدي تتونسي معاهم في ظبطة الراس و تغني ليهم كمان :D:D
الحسادة شنو ياخى الوزير ده مهم فى ايديو كل الشبمات و الاتصالات و الكروت ... لذا يجب ان نسوقو بكيفو ذاتو عشان ممكن يركبنا التونسية فى لحظة ...
المهم انا المرة دي مشيتها ليكم بحساب "و لا تكن فظا غليظ القلب فينفضوا من حولك" لكن ونستكم دي تاني بعد الدوام الرسمي تموها تلفونات و تكست-مسيج و كدة :D:D
يا زول وقت العمل ذاتو بنلقى فيهو فرقة بس انت خفف الحساب و العقاب ... و انا طلبت ليك فنجان جبنة... هاهاهااهاهاهاهاااهااااها جرا الكرسى وقعد للونسة الدقاق :D:D:D... دفاع شنو ...مش قلت ليكم الزول ده بتاع انقلابات .. كلام القصير ما بنسمع
imported_أشتر
19-06-2008, 09:16 AM
يا زول وقت العمل ذاتو بنلقى فيهو فرقة بس انت خفف الحساب و العقاب ... و انا طلبت ليك فنجان جبنة... هاهاهااهاهاهاهاااهااااها جرا الكرسى وقعد للونسة الدقاق :D:D:D... دفاع شنو ...مش قلت ليكم الزول ده بتاع انقلابات .. كلام القصير ما بنسمع
كلام الليل لا يمحاهو النهار ... إلا اذا كانت (بايتة)
ملحوظة
يوجد غرض شرير لرفع هذا البوست ...لذا نرجو أخذ الحيطة والحذروالحكمة في بطن الشاعر!!!
imported_منال
19-06-2008, 09:23 AM
كلام الليل لا يمحاهو النهار ... إلا اذا كانت (بايتة)
ملحوظة
يوجد غرض شرير لرفع هذا البوست ...لذا نرجو أخذ الحيطة والحذروالحكمة في بطن الشاعر!!!
لا حولة يا محمد تعرف كم كان غيابك مؤثر على الحكيوكة السمها ما فاير ... المهم انو عارفين الغرض نبيل يا سيادة الوزير
imported_أشتر
19-06-2008, 09:30 AM
لا حولة يا محمد تعرف كم كان غيابك مؤثر على الحكيوكة السمها ما فاير ... المهم انو عارفين الغرض نبيل يا سيادة الوزير
الكلام الكتير هو الضيّع علينا اي حاجة ...
ناس تبدا شغل ... واحنا نتكلم
وناس تنتهي شغلا ... واحنا نتكلم
وناس تموت واحنا لسه بنتكلم ... ونتألم
imported_منال
19-06-2008, 09:35 AM
الكلام الكتير هو الضيّع علينا اي حاجة ...
ناس تبدا شغل ... واحنا نتكلم
وناس تنتهي شغلا ... واحنا نتكلم
وناس تموت واحنا لسه بنتكلم ... ونتألم
اها البقول البغلة فى الابريق منو ...............
وناس تنتهي شغلا ... واحنا نتكلم
وكمان نجى نتفاصح و نقول بدينا من حيث انتهى الاخرون ... و نطلع نحنا هنود و هم يستوردو و يلبعو كم لبعة و فى النص ممكن جدا تنقطع و ما تصل كلو كلو او تصل خربانة .......... مغصة تقتل
vBulletin® v3.8.8 Beta 2, Copyright ©2000-2026