خَلّي الناس تموت ، والهم يفوت

[imported_الزوول]

.
السلام عليكم
كمعظم السودانيين
يشكل الشعر الغنائي عندي ضلعاً مهماً من أضلاع الأغنية
ولأن نشأتي كانت في مكان (هامشي)
صلتنا بالدنيا فيه كانت لا تتعدى الراديو الذي يلتقط أمدرمان ليلاً على موجة الMW وإذاعة الكويت وصوت العرب نهاراً على SW بمساعدة الهوائي
أهم ما كان يجذبنا في الراديو هو الأغاني
المشكلة تتمثل في ضرورة التقاط كلمات الأغنية مباشرة من فم المغني
ليتسنى لنا ترديدها فيما بعد
وفي كثير من الأحيان لا يسعنا الالتقاط الدقيق للكلام
بسبب ضعف راديو امدرمان الشديد وتجني باقي المحطات عليه
أو ربما لعدم وضوح النطق لدى المغني
وربما أيضاً لقلة حصيلتنا –وقتئذ- من المفردات
فنضطر في كثير من الأحيان الى تركيب الكلمات حتى يستقيم الوزن الموسيقي للحن
عندما استرجع هذه الأغاني فيما بعد ... تصيبني الدهشة (لشتارة) الكلمات التي كنا ندخلها في الأغاني
طمأنني الفنان صلاح مصطفى أنني ليس الوحيد في (نجر) الكلمات
فقد ذكر في لقاءه تلفزيوني شاهدت إعادته قبل أيام أن كثير من الناس لديهم نفس المشكلة
مشكلة السماع الخاطئ
أواصل...
.........

[imported_الزوول]

أبدأ بالفنان صلاح مصطفى نفسه
أغنية غالي الحروف لصلاح مصطفى ومصطفى سند
فقد كنت أنطق البيت الذي يقول
حبيبي .. خَلّي النار تموت .. والهم يفوت
ولا أدري كيف طاوعتني نفسي لهذا التغيير المرعب
حبيبي ... خَلّي الناس تموت والهم يفوت
ويبدو أن الفنان صلاح مصطفى على موعد دائم معي لتحريف أغانيه
فهذه أغنيتة الرائعة التي أحمد الله ان " مشاترتي" فيها لم تكن عظيمة
اساسق بالدريب الجاي بحداكا
اقول يمكن يصادف مرة القاكا
"عشان" ما ينشرح قلبي الأصلو حباكا
الصحيح
أسالمك ..ينشرح قلبي الأصلو حباكا
وفي ظني أنه – أي الفنان صلاح مصطفى – هو السبب
فقد كان يمد كلمة اسالمك هذه بطريقة تجعل نطقها أقرب الى ما ظننت

أواصل
..............................

[imported_عادل عسوم]

عزيزنا الزول
(بوست) ظريف جاء في وقته ل(يميت) من نار (الملاسنات) الكثيرة ويرخي من الشد النفسي الذي يعيشه الكثير من الأحباب...:)
أبدأ لك بصلاح مصطفى ذاته:
كنت أتغنى معه شالة ال(صقُر) بدلا عن شال الصبر :D
أبراهيم عوض:
يمكن (شيبوا) والناس مابتريح (مع أحسان التخريج) :(
بدلا عن يمكن شئ يفوح
سيد خليفة:
أبني رشّي ياسماري
بدلا عن أبني عشك ياقماري
:D
ولكن هناك ايضا الأخطاء الكثيرة في أمر أحكام المعاني في القصائد المغناة...
أذكر للمرحوم الدكتور عبدالله الطيب لقاء أذاعي بدأ المخرج -خلال فاصل قصير-في بث أغنية (بدينا معاكي قصة ريد طريفة خلاص لأنها من طرف واحد) وأظنها للراحل محمد أحمد عوض...فجأة تعالى صوت البروف قائلا (أوقف هذا السخف) فسأله المقدّم عن سبب غضبه ...فقال له (أين وجه الطرافة في ذلك)؟! ألأن قصة حبهما من طرف واحد؟!:mad:
فلم يستطع المقدم المسكين الأجابة :D
مودتي

[imported_كيشو]

أبدأ بالفنان صلاح مصطفى نفسه
أغنية غالي الحروف لصلاح مصطفى ومصطفى سند
فقد كنت أنطق البيت الذي يقول
حبيبي .. خَلّي النار تموت .. والهم يفوت
ولا أدري كيف طاوعتني نفسي لهذا التغيير المرعب
حبيبي ... خَلّي الناس تموت والهم يفوت
ويبدو أن الفنان صلاح مصطفى على موعد دائم معي لتحريف أغانيه
فهذه أغنيتة الرائعة التي أحمد الله ان " مشاترتي" فيها لم تكن عظيمة
اساسق بالدريب الجاي بحداكا
اقول يمكن يصادف مرة القاكا
"عشان" ما ينشرح قلبي الأصلو حباكا
الصحيح
أسالمك ..ينشرح قلبي الأصلو حباكا
وفي ظني أنه – أي الفنان صلاح مصطفى – هو السبب
فقد كان يمد كلمة اسالمك هذه بطريقة تجعل نطقها أقرب الى ما ظننت

أواصل
..............................


الزوول الزين
أغنية غالي الحروف كلمات عبد الباسط سبدرات
أكتب لي يا ما الدنيا نورا وبهجتا صارت بلاك غيمة شتا

[imported_كيشو]

عزيزنا الزول
(بوست) ظريف جاء في وقته ل(يميت) من نار (الملاسنات) الكثيرة ويرخي من الشد النفسي الذي يعيشه الكثير من الأحباب...:)
ولكن هناك ايضا الأخطاء الكثيرة في أمر أحكام المعاني في القصائد المغناة...
أذكر للمرحوم الدكتور عبدالله الطيب لقاء أذاعي بدأ المخرج -خلال فاصل قصير-في بث أغنية (بدينا معاكي قصة ريد طريفة خلاص لأنها من طرف واحد) وأظنها للراحل محمد أحمد عوض...فجأة تعالى صوت البروف قائلا (أوقف هذا السخف) فسأله المقدّم عن سبب غضبه ...فقال له (أين وجه الطرافة في ذلك)؟! ألأن قصة حبهما من طرف واحد؟!:mad:
فلم يستطع المقدم المسكين الأجابة :D
مودتي

يا عسوم
بروف عبد الله الطيب رحمه الله لم يعطه السودان حقه
الأغنية لترباس، وما ها استايل محمد أحمد عوض

[imported_كيشو]

أنا المرحوم أحمد الجابري ضيع زمني كلو وخاصة عندما يقول "جرعني كاس"

[imported_كيشو]

أنا المرحوم أحمد الجابري ضيع زمني كلو وخاصة عندما يقول "جرعني كاس"

دي الشبكة الدخلني فيها أحمد الجابري وهو يغني ويقول "جرعني كاس":)

[imported_أسامة الكاشف]

قال الزووول:
أو ربما لعدم وضوح النطق لدى المغني
يعني كان صلاح مصطفى سوى فيك كده
طيب أبو علي كيف "حسن عطيه":D:D

بعدين انت كان تخليك في "الصفقي"
والبنقز القسمتوه ثلاثة شتامهgoood
ملك ومال غنا البنادر
شوف ناس القضارف "كيشو" كيف
الغنا بيوصلهم هيروغوفلي
تقولي منو وتقولي شنو

مودة بحجم المحبة لكل أهلنا الشايقية

[imported_خالد الحاج]

الزول الزين سلام

كان شقيقي محمد الحاج مغرم بأغنية صلاح ابن البادية "حسنك أمر" .. وكان يغنيها هكذا
(حسنك أمن وأحمل صباي بات الهول الهول) :D
طبعا لم يسلم من طولة لسان خالك إلي وقت قريب :o

يتخيل لي السبب في طريقة أداء الفنانيين .. حكيت من قبل قصة (أبوشوك) جارنا الشايقي
دخلت عليه مرة وسمعته يدندن مع أغنية حسن عطية "يا ماري عند الأصيل" ودار حوار بينا
سلام يا عم أبوشوك شايفك مبسوط ؟
أبوشوك: ده حسن عطية يا ولدي ملك العود .
أسه يا عم أبوشوك عليك الله فاهمو بيقول شنو ؟
أبوشوك : والله يا ولدي كان جيت للنصيحة بلا جملة "يا ماري عند الأصيل" ماني فاهمو بيقول شنو لكن قالوا ده فنان المثقفين . :D:D


هنالك أغاني لا تحوج الإنسان كي يخطيء فيها لانها أساسا مجوبكة ...
أغنية اللحو البيقول فيها (لايكة الناس لبااااانة ) وكان شفتو الحنينة أيه يعني كريوكاوطبعا مافي فرد زول عاقل يقول لي ود اللحو يا أخي تحية كريوكا بقت كونتينر وماها الرشيقة شي :D

أو أغنية محمد ميرغني من كلمات المرحوم حسن الزبير :
"لا بتكالمي لا بتسالمي لا بتودي لا بتجيبي
لاكي معانا يالكاتلانا قبال يومنا"
الشكية لله :( تمثال الحرية دي ؟؟

بوست ظريف بجيك راجع بمزيد من المحن ...

[imported_wadosman]

الزول..

بوست جميل لا يخلو من الطرافة ..
متاابعين معك و مع مداخلات الاخوان التى حكت عن الكثير
من حكايات الاغاانى و نطق الكلماات المختلفة..

ناس الشرق بحكم اللهجة المحلية و عدم تمرسهم و معرفتهم الشديدة
باللغة العربية كانوا ينطقون الكثير من الكلمات بشكل مخالف جدا
و بالتحديد فى اغنيات وردى الذى يحبون اغنيااته..
بعود بالكثير من الامثلة انشاء الله..

تحياات..

[imported_عادل عسوم]

يا عسوم
بروف عبد الله الطيب رحمه الله لم يعطه السودان حقه
الأغنية لترباس، وما ها استايل محمد أحمد عوض
كيشو شكلك بتريد ترباس :D
الأغنية لمحمد أحمد عوض (فور شور) :rolleyes:
أما البروف رحمه الله فهو بالفعل لم يجد التقدير الذي يتناسب ...
الجماعة قالوا البروف (مسّخ) علي أبوعبيدة حسن أغنية (ياناس شوفوا لي حلل) goood
أبوعبيدة بقا لمن واحد يطلبا منو في أي حفلة يشاكلو :mad:
:D

[imported_كيشو]

كيشو شكلك بتريد ترباس :D
الأغنية لمحمد أحمد عوض (فور شور) :rolleyes:
أما البروف رحمه الله فهو بالفعل لم يجد التقدير الذي يتناسب ...
الجماعة قالوا البروف (مسّخ) علي أبوعبيدة حسن أغنية (ياناس شوفوا لي حلل) goood
أبوعبيدة بقا لمن واحد يطلبا منو في أي حفلة يشاكلو :mad:
:D

عارفك بتجيني راجع، عشان كدا قلت ليك دا ما استايل محمد أحمد عوض
المهم أخوك قديم ومعلوماتي دي من الجاهلية :)

[imported_الزوول]

عزيزنا الزول
كنت أتغنى معه شالة ال(صقُر) بدلا عن شال الصبر :D
أبراهيم عوض:
يمكن (شيبوا) والناس مابتريح (مع أحسان التخريج) :(
بدلا عن يمكن شئ يفوح
سيد خليفة:
أبني رشّي ياسماري
بدلا عن أبني عشك ياقماري
:D
ولكن هناك ايضا الأخطاء الكثيرة في أمر أحكام المعاني في القصائد المغناة...
أذكر للمرحوم الدكتور عبدالله الطيب لقاء أذاعي بدأ المخرج -خلال فاصل قصير-في بث أغنية (بدينا معاكي قصة ريد طريفة خلاص لأنها من طرف واحد) وأظنها للراحل محمد أحمد عوض...فجأة تعالى صوت البروف قائلا (أوقف هذا السخف) فسأله المقدّم عن سبب غضبه ...فقال له (أين وجه الطرافة في ذلك)؟! ألأن قصة حبهما من طرف واحد؟!:mad:
فلم يستطع المقدم المسكين الأجابة :D
مودتي
السلام عليكم
عادل عسوم حبابك
غايتو شالا الصقر دي بالغت فيها
لكني وبحكم خبرتي الكبيرة في "جوبقة" الغناء فإنني أتفهم وبمنتهي التعاطف دوافعك
فالمهم هو الوزن الموسيقي
وشالا الصقر تؤدي اللحن تماماً وربما أحسن في قول :):)
وكذلك شيبوا .. والناس مابتريح
ولكني أبني رشّي ياسماري دي ما قدرت أظبطها
...
حكاية أخرى مشهورة للدكتور عبدالله الطيب
حينما "مسّخ علينا أغنية ابوعبيدة حسن القنبلة في ذلك الوقت
يا ناس .. شوفولي حلل
حينما قال أن الحلل في اللغة هو " ذكر التمساح"
شخصياً .... منذ ذلك اليوم لم أدندن بها إطلاقاً
حتى ولو في سري
:p:p:p

مودتي

.....

[imported_الزوول]

الزوول الزين
أغنية غالي الحروف كلمات عبد الباسط سبدرات
أكتب لي يا ما الدنيا نورا وبهجتا صارت بلاك غيمة شتا

مولانا عصام
يعني لو ما غالطت يعرفوك محامي كيفن؟
من ألقاب مصطفى سند المشهورة " غالي الحروف"
وأنا أصر اصراراً وألح الحاحاً على انو غالي الحروف لمصطفى سند
وممكن تسنعين بالخال خلود في الحتة دي
آل غيمة شتا آل ...:):):)

...

[imported_wadosman]

الزول...

للذكرى....


http://sudaniyat.net/wadosman/uploading/gali_al_hroof.wma

[imported_كيشو]

مولانا عصام
يعني لو ما غالطت يعرفوك محامي كيفن؟
من ألقاب مصطفى سند المشهورة " غالي الحروف"
وأنا أصر اصراراً وألح الحاحاً على انو غالي الحروف لمصطفى سند
وممكن تسنعين بالخال خلود في الحتة دي
آل غيمة شتا آل ...:):):)

...

مصطفى سند غالي الحروف فعلاً، ولكن أغنية غالي الحروف شاعرها سبدرات وهو ما ساهل
انت وعادل نازلين غلاط سااكت
نحنا يا دكتور بنسمع قبل الأغنية وبعدها
يعني من ما تجي المذيعة أو المذيع تقول نستمع الآن إلى فاصل غنائي إلى أن تعود وتقول استمعنا إلى فاصل غنائي (الله يغفر لينا هججنا وما زلنا نشتكي من آثار ذلك) :)

[imported_عادل عسوم]

مصطفى سند غالي الحروف فعلاً، ولكن أغنية غالي الحروف شاعرها سبدرات وهو ما ساهل
انت وعادل نازلين غلاط سااكت
نحنا يا دكتور بنسمع قبل الأغنية وبعدها
يعني من ما تجي المذيعة أو المذيع تقول نستمع الآن إلى فاصل غنائي إلى أن تعود وتقول استمعنا إلى فاصل غنائي (الله يغفر لينا هججنا وما زلنا نشتكي من آثار ذلك) :)
كيشو
واحد صاحبنا كان من يقعد في الكشتينة يقول للجماعة (التمساح جاكن) والجماعة يقولوا خلاص الزول دة حيغلبنا كلنا...لكن من قولة تيت يقوم واحد يجرو ليك خمسين...:mad:
صاحبنا يتنفّض ويقيف ويقول للجماعة نحنا أصلنا ولاد فقرا والكشتينة دي ماها (كارا) هولنا :D
تسلم يامولانا :D

[imported_كيشو]

كيشو
واحد صاحبنا كان من يقعد في الكشتينة يقول للجماعة (التمساح جاكن) والجماعة يقولوا خلاص الزول دة حيغلبنا كلنا...لكن من قولة تيت يقوم واحد يجرو ليك خمسين...:mad:
صاحبنا يتنفّض ويقيف ويقول للجماعة نحنا أصلنا ولاد فقرا والكشتينة دي ماها (كارا) هولنا :D
تسلم يامولانا :D

تعرف يا عادل
أنا كنت مهتماً بالأدب واشتغلت مدرس أدب وبلاغة سنتين
الحكاية ما غلاط ولكنها خبرة يعني دندن بالغنية وأنا أقول ليك بتشبه منو
مرة غالطوني في المنبر هنا في الفنان عبد الله محمد، وكان هناك من لم يسمع به، وفي النهاية طلع كلامي صاح
إنت والزوول شوفوا ليكم "حلل"goood

[imported_wadosman]

تعرف يا عادل
أنا كنت مهتماً بالأدب واشتغلت مدرس أدب وبلاغة سنتين
الحكاية ما غلاط ولكنها خبرة يعني دندن بالغنية وأنا أقول ليك بتشبه منو
مرة غالطوني في المنبر هنا في الفنان عبد الله محمد، وكان هناك من لم يسمع به، وفي النهاية طلع كلامي صاح
إنت والزوول شوفوا ليكم "حلل"goood

كيشو..

سلاااام يا زول و تحياات كتاار و قلنا ندخل ركن النقاش دا
بس فليق ما فينا...سمح..؟؟؟

طبعا يعتبر الشاعر مصطفى سند من الاصدقاء المقربين جدا للفنان صلاح مصطفى
و لما لا فهم كانوا يكونون مع اخرين شلة البوستة الشهيرة و التى كان تضم الكثيرين
من المبدعين فى هذا البلد...و انا دايما كنت اسال ما هى علاقة هذه البوست بكل هذا الابدااع
و الكمية المهولة من الشعراء و الفنانين الذين عملوا بالبوستة بداية بمبارك المغربى و مصطفى
سند و صلاح مصطفى و محجوب سراج و محمد يوسف موس و طبعا اخرين...

اغنية غالى الحروف كتبها مصطفى سند للفنان صلاح مصطفى و هى بالتاكيد ليست
اول تعامل بينهما فلقد كانت شارع الصبر اول الاغنيات و جاءت بعدها غالى الحروف
و غلطان بعتذر و اخيرا كان عشان خاطرنا خلى عيونك الحلوة......
الشاعر سبدرات لم يكتب للفنان صلاح مصطفى اى اغنية رغما عن اعماله الكثيرة مع مجموعة
من الفنانين و الفنانات...

و يلا كوم سلااااااااااااااام...

[imported_كيشو]

كيشو..

سلاااام يا زول و تحياات كتاار و قلنا ندخل ركن النقاش دا
بس فليق ما فينا...سمح..؟؟؟

طبعا يعتبر الشاعر مصطفى سند من الاصدقاء المقربين جدا للفنان صلاح مصطفى
و لما لا فهم كانوا يكونون مع اخرين شلة البوستة الشهيرة و التى كان تضم الكثيرين
من المبدعين فى هذا البلد...و انا دايما كنت اسال ما هى علاقة هذه البوست بكل هذا الابدااع
و الكمية المهولة من الشعراء و الفنانين الذين عملوا بالبوستة بداية بمبارك المغربى و مصطفى
سند و صلاح مصطفى و محجوب سراج و محمد يوسف موس و طبعا اخرين...

اغنية غالى الحروف كتبها مصطفى سند للفنان صلاح مصطفى و هى بالتاكيد ليست
اول تعامل بينهما فلقد كانت شارع الصبر اول الاغنيات و جاءت بعدها غالى الحروف
و غلطان بعتذر و اخيرا كان عشان خاطرنا خلى عيونك الحلوة......
الشاعر سبدرات لم يكتب للفنان صلاح مصطفى اى اغنية رغما عن اعماله الكثيرة مع مجموعة
من الفنانين و الفنانات...

و يلا كوم سلااااااااااااااام...


يا ود عثمان
أول شي احترام وتعظيم سلام
تصدق؟ شككتني ولا غرو فأنت تستحق لقب مسئول المكتبة الغنائية
ولكن وبما أنني سوداني يختلف معك في الحتة دي، وإنت عملتها ركن نقاش فالغلاط أحسن لي من الهزيمة:
يا زول الأغنية كلمات سبدرات :D
تحيات ومودة

[imported_wadosman]

يا ود عثمان
أول شي احترام وتعظيم سلام
تصدق؟ شككتني ولا غرو فأنت تستحق لقب مسئول المكتبة الغنائية
ولكن وبما أنني سوداني يختلف معك في الحتة دي، وإنت عملتها ركن نقاش فالغلاط أحسن لي من الهزيمة:
يا زول الأغنية كلمات سبدرات
تحيات ومودة

كيشو...

يا زول تحيااات
و لا ركن نقاش ولا حااجة..الظاهر زدنا الملح شوية..:D
طبعا فى النهااية الغرض هو الوصول للمعلومة الصحيحة لا اكثر
و ذلك للفائدة العامة...

حتى قريب جدا كنت دايما اقول ان شااعر اغنية ليلة السبت لصلاح بن البادية
هو محمد يوسف موسى و بغالط كمان فيها لغاية ما اكتشفت اخيرا اننى لم اكن
على صواب فشاعر الاغنية هو الشاعر الفلسطينى مين كدا القاضى..
ايضا اغنية وردى سليم الذوق كنت اخلط فى شااعرها دايما حتى عرفت ان من كتبها
هو ابرااهيم الرشيد...

اذكر ايضا اننى مرة فتحت بوست باغنية بدرى من عمرك انت لسه شباب
فدار جدل طويل حول شااعرها و ملحنها استمر طويلا فكان هناك من يقول ان الاغنية
كتبها عبد الرحمن مكاوى و الاخرين يقولون لا..حتى تيقنا و بعد سماع المعلومة من الشاعر
اسحق الحلنقى شخصيا حيث قال انه هو من كتب هذه الاغنية...

غالى الحروف بدون اى شك شااعرها هو مصطفى سند كما ذكرت من قبل
و هى فعلا اغنية من نوع الاغنياات التى تبارح ذاكرة اى منا...
و ان كنت ارى ان اجمل ما كتب مصطفى سند لصلاح مصطفى هى اغنية عشان خاطرنا..

تسلم....

[imported_خالد الحاج]

كيشو سلام
العمدة عكـــود عندو قناعة أني زول غالاط حتى أن محمد ابنه شهد في مرة لصالحي ضد والده
أتمني عكــود يشوف غلاطك هنا :D
لوووووووووووول يا أخي أنا أتاريني مسكييييييييين :(

[imported_شبارقة]

ده بوست جميل يا د. الزوول ولكن قبل ما ننداح في أخطائنا الشائعة المضحكة والمحرجة في ترديد أغانينا خليني أول حاجة أطقطق ليك كيشو وود عثمان :

يا كيشو أهلنا قالوا لو في إتنين قالوا ليك رأسك مافي ...أهبشو
أغنية غالي الحروف أول مرة إستمعت إليها كان سنة 1973م وما زلت أستمتع بسماعها لأنها واحدة من أجمل أغنيات صلاح مصطفى وهي من كلمات الشاعر المرحوم مصطفى سند كما ذكر الإخوة.

ويا ود عثمان أغنية عشان خاطرنا التي كتب كلاماتها برضو الشاعر مصطفى سند لم يتغنى بها صلاح مصطفى بل محمد ميرغني ..

عشان خاطرنا خلى عيونك الحلوات تخاطرنا
ولما تمرى أبقى أقيفى و أسألى عن مشاعرنا

زمان غنينا لعينيك أغانى تحنن القاسين
هديناك معزتنا مشينا وراك سنين وسنين
بنينالك قصور بالشوق فرشنا دروبا بالياسمين
وقلنا عساك تزورينا ترشى البهجة فى ساحاتنا بعينيك تضويها
حلاتك إنت ماشة براك شايلة الدنيا بأزهار أو بالفيها

زمان بارينا ضحكاتك لقينا صداها جاى معاك وجايينا
وحاتك تانى لما تفوتى أبقى أقيفى سالمى الناس وحيينا
كفاية علينا لما نشوف بسيماتك تصابحنا وتماسينا
عشان نتملى من عينيك
عشان نلقى الصباح مسحور
يعاين لصباح خديك
جهرتى الدنيا يا غربتنا
ياروعتنا ما هماك جهرتينا .

[imported_كيشو]

كيشو سلام
العمدة عكـــود عندو قناعة أني زول غالاط حتى أن محمد ابنه شهد في مرة لصالحي ضد والده
أتمني عكــود يشوف غلاطك هنا :D
لوووووووووووول يا أخي أنا أتاريني مسكييييييييين :(

يا خال
زيارة عزيزة من بركات غلاطنا
طيب بدينا معاهو قصة ريد، عادل عسوم قال بغنيها محمد أحمد عوض وأنا قلت ترباس، دي مالكم ما أفتيتو فيها
وشايف شبارقة ظهر وماشي عليهو
سبدرات هو شاعر الأغنية، خليكم معاي

[imported_كيشو]

ده بوست جميل يا د. الزوول ولكن قبل ما ننداح في أخطائنا الشائعة المضحكة والمحرجة في ترديد أغانينا خليني أول حاجة أطقطق ليك كيشو وود عثمان :

يا كيشو أهلنا قالوا لو في إتنين قالوا ليك رأسك مافي ...أهبشو
أغنية غالي الحروف أول مرة إستمعت إليها كان سنة 1973م وما زلت أستمتع بسماعها لأنها واحدة من أجمل أغنيات صلاح مصطفى وهي من كلمات الشاعر المرحوم مصطفى سند كما ذكر الإخوة.

ويا ود عثمان أغنية عشان خاطرنا التي كتب كلاماتها برضو الشاعر مصطفى سند لم يتغنى بها صلاح مصطفى بل محمد ميرغني ..

عشان خاطرنا خلى عيونك الحلوات تخاصمنا
ولما تمرى أبقى أقيفى و أسألى عن مشاعرنا

زمان غنينا لعينيك أغانى تحنن القاسين
هديناك معزتنا مشينا وراك سنين وسنين
بنينالك قصور بالشوق فرشنا دروبا بالياسمين
وقلنا عساك تزورينا ترشى البهجة فى ساحاتنا بعينيك تضويها
حلاتك إنت ماشة براك شايلة الدنيا بأزهار أو بالفيها

زمان بارينا ضحكاتك لقينا صداها جاى معاك وجايينا
وحاتك تانى لما تفوتى أبقى أقيفى سالمى الناس وحيينا
كفاية علينا لما نشوف بسيماتك تصابحنا وتماسينا
عشان نتملى من عينيك
عشان نلقى الصباح مسحور
يعاين لصباح خديك
جهرتى الدنيا يا غربتنا
ياروعتنا ما هماك جهرتينا .

يا شبارقة ما بهبش راسي ولا حاجة
وكونك تسمع الأغنية من سنة1973 لا يعطيك الحق في أن تغير شاعرها
وبعدين مصطفى سند في أغنية عشان خاطرنا ما قال
خلي عيونك الحلوات تخاصمنا
ولكنو قال
خلي عيونك الحلوات تخاطرنا
راجع حفظ
سبدرات هو الجواب الصحيح

[imported_wadosman]

ويا ود عثمان أغنية عشان خاطرنا التي كتب كلاماتها برضو الشاعر مصطفى سند لم يتغنى بها صلاح مصطفى بل محمد ميرغني ..



شبارقة...

سلاااااام

كلااامك صح مئة المئة..
انا لخبطت فى الاغنية دى...فعلا هى من اغنيات محمد ميرغنى
و الحان حسن بابكر و كانت الاغنية الاولى فى احد المهرجانات
خلال فترة السبعينات..

شكرا ليك..

[imported_شبارقة]

شبارقة...

سلاااااام

كلااامك صح مئة المئة..
انا لخبطت فى الاغنية دى...فعلا هى من اغنيات محمد ميرغنى
و الحان حسن بابكر و كانت الاغنية الاولى فى احد المهرجانات
خلال فترة السبعينات..

شكرا ليك..

شكرا ً أخي ود عثمان على إقتناعك لكن البقنع أخوي كيشو بعدم أحقية سبدرات في غالي الحروف منو؟؟ يا كيشو غالي الحروف لصاحب البحر القديم المرحوم مصطفى سند وهو كان معانا هنا في خميس مشيط ... سبدرات كتب أغنية رجعنالك رجوع القمرة لوطن القماري

[imported_كيشو]

شكرا ً أخي ود عثمان على إقتناعك لكن البقنع أخوي كيشو بعدم أحقية سبدرات في غالي الحروف منو؟؟ يا كيشو غالي الحروف لصاحب البحر القديم المرحوم مصطفى سند وهو كان معانا هنا في خميس مشيط ... سبدرات كتب أغنية رجعنالك رجوع القمرة لوطن القماري

تخريمة : الجدول بتاع نوع الخط ولون الخط وحجم الخط إتلحس عندي .. الحاصل شنو ؟؟ شوفوا لينا حلل ( مش حلل أبو عبيدة حسن (وش بيغمز بالجنبة))

اجتهاد كبير ومقدر يا عاصم
صحيح رجعنالك لسبدرات ودي مافيها جدال، خلينا في المامعترفين بيها دي (غالي الحروف):p

[imported_شبارقة]

(غالي الحروف):p
بمناسبة غالي الحروف وبالرجوع إلى موضوع البوست حدثني أحدهم قبل قليل بأنه كان يتغنى بهذه الأغنية صغيرا ً ويقول : لفة محب شال الصبر خت الصبر .. ( لفة محب بدلا ً من لهفة محب وكان فاكروا محب بتاع المغامرون الخمسة :D)

[imported_الزوول]

السلام عليكم
لكن يا عصام كيشو ما لقيتك http://www.sudaneseonline.com/db/attention/070_Thumb_Up.gif
أهم شىء الثبات على المبدأ
....
ايام طفولتنا وسرقة المنقة من الجناين
كان عندنا واحد كده اسمو حسين
حسين ده كان فيهو شىء لله كده
وأضيفت ليهو بعض من "الكيشوية" :D:D
كنا لما يقبضونا في الجنينة نقوم جارين كلنا
حسين ده كان شوية تقيل في عملية الهروب دي
فكان غالباً ما يتقبض
الجماعة يقبضوهو وجيوب عراقيهو مليانة منقة وممكن يكون شايل ليهو منقة في ايدو
الجماعة: يا ود أحمد سعيد مالك بتسرق المنقة
حسين : ده ما أنا
فتصيب الجماعة الدهشة : يا زول كيفن ده ما انت وجيوبك مليانة منقة
حسين : لا ..ده ما أنا
ويستمر حوار الطرشان هذا والذي لا ينكسر حسين أبداً فيه ويصر على انه ليس هو من سرق المنقة
حتى يصيب الجماعة الملل .. ويتركوه أو يضربوه سوطين ثم يتركوه
أو تصيبهم نوبة من الضحك لأصرار حسين على انه ليس هو فيتركوه بدون عقاب
غايتو يا عصام كيشو انا حا أفتش لو كان عندك قرابة مع حسين زولنا ده :):):)

[imported_الزوول]

قال الزووول:
أو ربما لعدم وضوح النطق لدى المغني
يعني كان صلاح مصطفى سوى فيك كده
طيب أبو علي كيف "حسن عطيه":D:D

السلام عليكم
..
اسامة الكاشف حبابك
ياخوي حسن عطية ده أنا أكتر زول متكيف منو
لأنو كلنا كنا - اولاد الريف والبندر- في الهوا سوا
زول واحد بيفهم كلامو مافي
الا الناس المثقفين يا قول الخال خالد الحاج
.....
أرجى الراجيك يى غادي ... :):):)

[imported_الزوول]

السلام عليكم
عودة للبوست ومن ثم لردودكم الجميلة ...
.....
أغنية الحقيبة الشهيرة
عقلي انشغل بهواك والحكمة عيني
لاجة ومجافية النوم يا اربعيني******
هذه
أنا أعذر نفسي فيها تماماً
فهي بالإضافة الى عدم وضوح التسجيل الحقيبي
و( أكل) عوض الكريم عبدالله للحروف والكلمات وربما للجمل أحياناً
فكلماتها الحقيقية من الصعوبة بمكان
كل ما ذكرت أعلاه
يعطيني العذر لأدندن بها
عقلي انشغل بهواك والحكمة عيني
لا الجو مجافي النوم ..يا أربعيني

.......
وأرجو الا يسالني أحد عن معنى الجو المجافي النوم هذه :):):)

.....

[imported_كيشو]

السلام عليكم
عودة للبوست ومن ثم لردودكم الجميلة ...
.....
أغنية الحقيبة الشهيرة
عقلي انشغل بهواك والحكمة عيني
لاجة ومجافية النوم يا اربعيني******
هذه
أنا أعذر نفسي فيها تماماً
فهي بالإضافة الى عدم وضوح التسجيل الحقيبي
و( أكل) عوض الكريم عبدالله للحروف والكلمات وربما للجمل أحياناً
فكلماتها الحقيقية من الصعوبة بمكان
كل ما ذكرت أعلاه
يعطيني العذر لأدندن بها
عقلي انشغل بهواك والحكمة عيني
لا الجو مجافي النوم ..يا أربعيني

.......
وأرجو الا يسالني أحد عن معنى الجو المجافي النوم هذه :):):)

.....


تعرف يا الزوول
أنا وطارق شبو كنا ساكنين في عمارة بطرس في غرفة واحدة، وكنا نقدم برنامج حقيبة الفن بالتبادل مرة أقوم بدور المذيع وهو يغني ومرة العكس (طبعاً دا سر كبير يا كابتن)

[imported_شبارقة]

عارفين يا جماعة ... ظهر فنان في مناطقنا في منتصف ثمانينيات القرن الماضي إسمو معاذ حسن أو معاذ موسى على ما أذكر ...عمل حفلات بالكوم والردوم وأخد شهرة واسعة جدا ً وليهو تسجيلات كاسيت ما ليها حد ... وهي كلها ترديد لأغاني الفنانين الكبار .... المهم الزول ده بشتن الغنا بشتنة عجيبة خالص خالص :mad: وخرّب المعنى نوهائي :D...أغنية واحدة بيغنيها صاح مافي (الحاجات الما فاهما بيقطعا من رأسو :D) .... ولو شفت الجماعة المستمعين آخر إنبساطة وهجيج وعرضة والعكاكيز في السماء :D ... يأخي والله بلدنا دي فيها حاجات عجيبة خلاص :D:D

[imported_الزوول]

هنالك أغاني لا تحوج الإنسان كي يخطيء فيها لانها أساسا مجوبكة ...
أغنية اللحو البيقول فيها (لايكة الناس لبااااانة ) وكان شفتو الحنينة أيه يعني كريوكاوطبعا مافي فرد زول عاقل يقول لي ود اللحو يا أخي تحية كريوكا بقت كونتينر وماها الرشيقة شي :D

أو أغنية محمد ميرغني من كلمات المرحوم حسن الزبير :
"لا بتكالمي لا بتسالمي لا بتودي لا بتجيبي
لاكي معانا يالكاتلانا قبال يومنا"
الشكية لله :( تمثال الحرية دي ؟؟
...
الخال خلود أزيك
الأغاني المجوبقة أصلاً دي موضوع براهو يعني يستاهل بوست منفرد
وما أكثرها
ناس الحقيبة شابكين بنات الناس "الجاهلة" ومفتكرين بيشكروا فيها
يا قول حميد في رائعته ست الدار
البوليس صاقع شيوعية
وفاكر نفسو بنبذ فينا
....
ده كلو هين.. كدى شوف دي

ستة وستة جوني
من النوم صحوني
في القلاي قلوني
في الفندك دقوني
في الفنجان كبوني
هنية للشربوني
أنا يا ناس الله لي الليلة....
ممكن زول يقول لي ستة وستة ديل منو؟ أو يعني شنو :confused::confused:

[imported_الزوول]

الزول..

بوست جميل لا يخلو من الطرافة ..
متاابعين معك و مع مداخلات الاخوان التى حكت عن الكثير
من حكايات الاغاانى و نطق الكلماات المختلفة..

ناس الشرق بحكم اللهجة المحلية و عدم تمرسهم و معرفتهم الشديدة
باللغة العربية كانوا ينطقون الكثير من الكلمات بشكل مخالف جدا
و بالتحديد فى اغنيات وردى الذى يحبون اغنيااته..
بعود بالكثير من الامثلة انشاء الله..

تحياات..
ود عثمان
كم أنا سعيد بمرور ملك منوعات المنابر السودانية
وكم أنا طامع في تزيين البوست ببعض ما بجود به ود عثمان
وأظن أن أحداً يملك كل هذه المكتبة الضخمة النادرة من التسجيلات السودانية ، لا بد أنه يملك كثير مما يثري هذا البوست بالقفشات والمواقف الطريفة
شكراً للحن " خلي الناس تموت والهم يفوت"
وفي انتظار قفشات أخوانا أهل الشرق الحبيب

....

[imported_الزوول]

السلام عليكم
أغنية جبل مرة
لعبدالكريم الكابلي وأداء أبو عركي البخيت وأحياناً عبدالكريم الكابلي نفسه
فيها الشىء الكثير الذي لم أفهمه
ولم اقتنع بتأليفه
......
وزهر ناير نادي وبسام
بالحيل زاير في شطر السام
جيران وجداول هيمانة
وصنوبرة نادية وريانة
كذا مردة في صورة بانة
طرّتنا ... العزيزة العاجبانا
الدرنة تفوح حتى معانا
.....وأسباب عدم اقتناعي كثيرة
للكلمات التي لا تحمل أي معنى ... حتى وإن كان (مشاتر)
شطر السام ده شنو؟
كذا عرفتها .. فما هي مردة
"الدرنة" دي يا ربي نبات والا شنو؟
غايتو يمكن يكون بيقصد البطاطس
ولكن... هل للبطاطس رائحة تفوح ؟
وكيف تكون الجيران والجداول "هيمانة" ؟
أسئلة كثيرة لم استطع الإجابة عليها
وصرت اتجنب الدندنة بها
.......
حتى عرفت الكلمات الصحيحة
الجميلة والبليغة
وزهر ناير ...نادي وبسام
بلحيل زاهر ريشة رسام
خيران وجداول هيمانة
طرتنا العزيزة العاجبانا
الدرنا تكون هسة معانا
ونشوف في عيونا العاجبانا
وتتم الصورة الفنانة
ولكني وحتى الآن أيضاً لم أعرف كيف تكون الجداول والخيران ..هيمانة؟
..............................
أهديكم اياها
.....
http://sudaniyat.net/up/uploading/gabal_mara.mp3
.

[imported_كيشو]

السلام عليكم
أغنية جبل مرة
لعبدالكريم الكابلي وأداء أبو عركي البخيت وأحياناً عبدالكريم الكابلي نفسه
فيها الشىء الكثير الذي لم أفهمه
ولم اقتنع بتأليفه
......
وزهر ناير نادي وبسام
بالحيل زاير في شطر السام
جيران وجداول هيمانة
وصنوبرة نادية وريانة
كذا مردة في صورة بانة
طرّتنا ... العزيزة العاجبانا
الدرنة تفوح حتى معانا
.....وأسباب عدم اقتناعي كثيرة
للكلمات التي لا تحمل أي معنى ... حتى وإن كان (مشاتر)
شطر السام ده شنو؟
كذا عرفتها .. فما هي مردة
"الدرنة" دي يا ربي نبات والا شنو؟
غايتو يمكن يكون بيقصد البطاطس
ولكن... هل للبطاطس رائحة تفوح ؟
وكيف تكون الجيران والجداول "هيمانة" ؟
أسئلة كثيرة لم استطع الإجابة عليها
وصرت اتجنب الدندنة بها
.......
حتى عرفت الكلمات الصحيحة
الجميلة والبليغة
وزهر ناير ...نادي وبسام
بلحيل زاهر ريشة رسام
خيران وجداول هيمانة
طرتنا العزيزة العاجبانا
الدرنا تكون هسة معانا
ونشوف في عيونا العاجبانا
وتتم الصورة الفنانة
ولكني وحتى الآن أيضاً لم أعرف كيف تكون الجداول والخيران ..هيمانة؟
..............................
أهديكم اياها
.....
http://sudaniyat.net/up/uploading/gabal_mara.mp3
.


جبل مرة التانية يا الزوول بتاعت خليل اسماعيل (كمان قولوا لي خليل إبراهيم:))
واحد قال دي حصة جغرافيا عدييل

[imported_wadosman]

جبل مرة التانية يا الزوول بتاعت خليل اسماعيل (كمان قولوا لي خليل إبراهيم:))
واحد قال دي حصة جغرافيا عدييل

:D:D:D:D:D

غايتو يا كيشو لقيتك خطرى...!!!

[imported_الزوول]

السلام عليكم
هنالك عدة كلمات غريبة متداولة في الغناء السوداني
يستعملها الشعراء لتؤدي معاني لا تؤديها غيرها
كلمة "البين"
لم أعثر لها على أصل في العربية إلا في العبارة المتعارف عليها
"إصلاح ذات البين"
وبالتشديد للياء فالبيّن تعني "الواضح"
ولا أظن أن هذا المعنى هو ما اراده شعرائنا
وإن كانت مستعملة ومشهورة في لغات أخرى
لو أخذنا النطق الشفاهي لها
فيبدو أن أصلها هو الكلمة الانجليزية (Pain) بمعنى الألم
لأن شعرائنا غالباً ما يستعملونها لوصف الألم
وإن كان بعضهم يستعملها بمعنى الفراق
.....
نسيم الروض زورني في الماسية وجيب لي الطيب
من جنايت آسيا وانعش روحي من ألم البين هوي
.....
وأصبحنا رغم البين ...روح واحدة في جسدين
.....
لكنى رغم البين رغم الفراق الطال
كانت مشاعرى تقول ابدا فراقنا محال
ما ليا غيرك شريك ما ليك غيرى ماال
جمعت قلوبنا محبه ربطت حياتنا امال
يا حبيب كفانا خصامنا كفاناهم وضنا
ما بتقدر انت تلومنى وما بعاتبك انا
ما كان بيدنا شقا وما كان بيدنا هنا
حسد القدر فرقنا هو العلينا جنا
......
أنساني وأنا أنساك
والحلوة القضيتا معاك
تصير مرة
ونتقاسم مرارة البين
أنا وياك
......
حبيبي أكتب لي ... وانا أكتب ليك
بالحاصل بي ...والحاصل بيك
الحاصل بي ...أنا شوق وحنين
وأقيم الليل...هات وأنين
فارقني حبيب ...فارقني سنين
أتحكم بيني... وبين البين
ماليك أمان ... ياذا الزمان
آه .. ياليالي زمان
الله عليك


هذه بعض الأمثلة ولكن هنالك الكثير الذي لا يسعنا ذكره هنا
.............

[imported_حسين محي الدين]

السلام عليكم
لكن يا عصام كيشو ما لقيتك http://www.sudaneseonline.com/db/attention/070_Thumb_Up.gif
أهم شىء الثبات على المبدأ
....
ايام طفولتنا وسرقة المنقة من الجناين
كان عندنا واحد كده اسمو حسين
حسين ده كان فيهو شىء لله كده
وأضيفت ليهو بعض من "الكيشوية" :D:D
كنا لما يقبضونا في الجنينة نقوم جارين كلنا
حسين ده كان شوية تقيل في عملية الهروب دي
فكان غالباً ما يتقبض
الجماعة يقبضوهو وجيوب عراقيهو مليانة منقة وممكن يكون شايل ليهو منقة في ايدو
الجماعة: يا ود أحمد سعيد مالك بتسرق المنقة
حسين : ده ما أنا
فتصيب الجماعة الدهشة : يا زول كيفن ده ما انت وجيوبك مليانة منقة
حسين : لا ..ده ما أنا
ويستمر حوار الطرشان هذا والذي لا ينكسر حسين أبداً فيه ويصر على انه ليس هو من سرق المنقة
حتى يصيب الجماعة الملل .. ويتركوه أو يضربوه سوطين ثم يتركوه
أو تصيبهم نوبة من الضحك لأصرار حسين على انه ليس هو فيتركوه بدون عقاب
غايتو يا عصام كيشو انا حا أفتش لو كان عندك قرابة مع حسين زولنا ده :):):)

بس ما أكون
شكرا للبوست الظريف يا حبان

مودتي

[imported_الهادي أحمد علي]

تعالوا يا أحباب دقوا وسكسكوا معاي لما أكون في الحمام:

الفراق منك عرفو من حسني
بسألهم عنك قالوا ما في موت
تسألهم عني ليه
الفراق منك قالوا شايلنك كل يوم محرور
الفراق منك قالوا شايلنك
تملأ أوضاتك فيها ناس وكجور
و أبكي حرماني وإنت لافي بعيد

ودي طبعاً أغنية ثنائي العاصمة

ناس قراب منك عرفو ســر حـزني
بسألهم عنك
قالوا ما سمعوك تسألهم عني
ناس قراب منك بسألهم عنك
قالوا شايفنك كل يوم مسرور
ناس قراب منك قالوا شايفنـك
تقضي أوقاتك في هناء وحبور
وأبكي حرماني وإنت لاهي بعيد
...
يا حليل حبك لما كان صافــي
وينو لي قلبك لما كان وافــي
كنت حاني عطوف ليه بقيت جافي

بس والله أجايب وغرايب ربي يغفر لينا

[احمد زين]

واحد فنان وبيغني في حفلة:

يا عااااااازة الفراق بي طال
وسال سيل المطر هطال

واحد تاني:
ارجوك يا نسيم روح ليهو
باشواقي وصرح ليهو
اذكر صفوتي وسعادي

نفس الواحد:
وجه القمر سافل:D:D

[imported_سمراء]

غايتو ده احلى بوست يطقشنى الليلة ...

ويا الزوول لو داير تشوف البشتنة الجد جد لتحريف الاغانى امشى اسمع لى
حسين واحمد الصادق :D ومن لف لفهم
تسمع العجب العجاااااااااااب !!

تخريمة :

لكن ياكيشو دخلت جينيس للارقام القياسية فى الغلاط :D

[imported_فيصل سعد]

الزوول و الجمع الطيب هنا
لكم وافر التحايا:

سبدرات قطع الوزير الهمام في مايو و الانقاذ و لكنه ليس بشاعر اغنية "غالي الحروف" و اعتقد احدى قصائده تغنيها البلابل .. بدينا معاه قصة ريد سمعناها عند كمال ترباس لكن ما تستبعد يكون لافحها و شاديها من المرحوم محمد احمد عوض اصلو ترباس مشهور بلفح اغاني الناس :D:D

في موضوع البوست و السمع انا حتى الآن يجهجهني سمع و ترديد "قولي ليه حبيبك امسك المجنون الليلة وين يا روحي" و الصحيح كما تعلمون "امسى كالمجنون" و كذلك كان يجهجهني الراحل سيد خليفة عندما ينداح و ينتشي في رائعة الراحل ادريس جماع في مقطع "ثم ضاع المسومني وين طوت في القلب حسرة" و الصحيح كما تعلمون "ثم ضاع الامس مني و انطوت في القلب حسرة" ..

ارقدوا عافية ..

[imported_فيصل سعد]

ويا الزوول لو داير تشوف البشتنة الجد جد لتحريف الاغانى امشى اسمع لى
حسين واحمد الصادق :D ومن لف لفهم
تسمع العجب العجاااااااااااب !!


:D


شكر الله و طه و نادر و مسعود و ابو طالب و احمد بورتسودان و صباحي
و ود القلع برضوا بعفصوا الغناء تعفيص شديد :D:D

يديهم العافية .. و يقلل ضرسنا ..

[imported_الزوول]

اقتباس:
المشاركة الأصلية كتبت بواسطة سمراء http://sudanorg.tk/vb/images/buttons/viewpost.gif (http://sudanorg.tk/vb/showthread.php?p=302346#post302346)
غايتو ده احلى بوست يطقشنى الليلة ...

ويا الزوول لو داير تشوف البشتنة الجد جد لتحريف الاغانى امشى اسمع لى
حسين واحمد الصادق :D ومن لف لفهم
تسمع العجب العجاااااااااااب !!

تخريمة :

لكن ياكيشو دخلت جينيس للارقام القياسية فى الغلاط :D



...
سمراء ازيك

يا شقية نكتي الشيء ده من وين ؟؟

الحمد لله شفتي (بعض من) تجليات كيشو وموهبته

عشان تعرفي لما سميناهو ملك الغلاط

ما كان من شوية :):)

...

[imported_فيصل سعد]

وأرجو الا يسالني أحد عن معنى الجو المجافي النوم هذه :):):)



سلامات و مراحب يا الزوول و الجو المجافي
النوم دا قطع شك ماهو جو فول :D:D

[imported_شبارقة]

يقال والعهدة على الراوي أن المطرب أبو داوود قالوا ليهو في فنان شاب سمعناهو بيغني في أغنيتك : كيف الحياة غير ليمك، وغناها كالآتي: «كيف الحياة غير نيمك» فضحك أبو داوود وقال ليهم : خلاص خلوهو يكملها ويقول مرة واحدة:
كيف الحياة غير «نيمك» ٭٭ ومن بعدك اصبح حظي زي «برسيمك» :)

[imported_شبارقة]

شوف عناقيد ديسا تقول عنب في كروم ٭٭ شوف وريدها الماثل زي زجاجة روم
القوام اللادن والحشا المبروم ٭٭ والصدير الطامح زي خليج الروم أذكر بأن الفنان مجذوب أونسة في بداية حياته الفنية كان يتغنى بهذه الأغنية كثيرا ً وكان بيقول : الصدير الطافح زي خليج الروم ... فأنتبه له المرحوم محجوب عبد الحفيظ وصححه في عموده الساخر والمشهور وقتها ( يا عيني) وأذكر أنه قال مخاطبا ً أونسه : ده صدير ده ولا ّ بلا ّعة :)

[imported_شبارقة]

ستة وستة جوني
من النوم صحوني
في القلاي قلوني
في الفندك دقوني
في الفنجان كبوني
هنية للشربوني
أنا يا ناس الله لي الليلة....
ممكن زول يقول لي ستة وستة ديل منو؟ أو يعني شنو :confused::confused:

:D:D
ستة وستة يعني الساعة 6 و 6 دقائق

[imported_الزوول]

اقتباس:
المشاركة الأصلية كتبت بواسطة شبارقة http://sudanorg.tk/vb/images/buttons/viewpost.gif (http://sudanorg.tk/vb/showthread.php?p=302675#post302675)
:D:D

ستة وستة يعني الساعة 6 و 6 دقائق




السلام عليكم

عاصم ازيك
والله كلامك برضو منطقي
لأنو انا تفسيري ليها
انو 12 واحد من الشباب نوعية (ضخم الجثة ، عريض المنكعين)
وسبحان الله تفسيري ماشي مع سياق الكلام
يعني واحد صحوهو من النوم
وراحو قلوهو في القلاي
ودقوهو بالفندك

يكونو منو غير 12 شلولح؟؟؟؟ :)looool:)

....

[imported_سمراء]

اقتباس:
المشاركة الأصلية كتبت بواسطة الزوول http://sudanorg.tk/vb/images/buttons/viewpost.gif (http://sudanorg.tk/vb/showthread.php?p=302585#post302585)
سمراء ازيك

يا شقية نكتي الشيء ده من وين ؟؟

الحمد لله شفتي (بعض من) تجليات كيشو وموهبته

عشان تعرفي لما سميناهو ملك الغلاط

ما كان من شوية :):)

...





والله يادكتور نحنا اصلنا غطاسين ، وبحاتين من قديم الازل :D
اهو غطسنا وجبنا نحمد سيدنا ...صيد ثمين وسمين !!

بس اكتر شى كيفنى النصيحه لياقة كيشو :D

[الرشيد اسماعيل محمود]

الزول وكل المتداخلين سلامات..
البوست سمح والله..
اكتر حاجة ملفتة وجاذبة النقاش الهاديء والواعي..
واسلوب الونسة الرايقة البتقدم معلومة بصورة لطيفة وسلسة.
ونسة الكبار أتاريها سمحة.
ياسلام عليكم.
تحية خاصة لكيشو صاحب الملكات والمواهب المدفونة.
رغم تعصبو لزميل المهنة سبدرات.

[imported_شبارقة]

الزول وكل المتداخلين سلامات..
البوست سمح والله..
اكتر حاجة ملفتة وجاذبة النقاش الهاديء والواعي..
واسلوب الونسة الرايقة البتقدم معلومة بصورة لطيفة وسلسة.
ونسة الكبار أتاريها سمحة.
ياسلام عليكم.


شكرا ً يا الرشيد على الإشادة الغليضة دي ياخ ... وخليك معانا لأنك إنت ذاتك كبير (رغم شبابك) .

هناك أغنية حقيبة مشهورة يا الرشيد هي أغنية (أحرموني ولا تحرموني سنة الإسلام السلام)بتقول في أحد مقاطعها:

طاف خيالك والليل كافر ٭٭ شفت بدرو المتجلي سافر
قالـّي جملة وعقد الأظافر ٭٭ قالـّي طبع الريم أصلو نافر
قـُتلو علِّ (تريم) النوافر ٭٭ وعلّ راء الريم يبقى لام

طبعا ً واضح يا الرشيد أن راء (ريم) عندما تكون لام تصبح (ليم) ولكنني سمعت أحد زملائي الطلبة (لما كنا في الثانوي) يتغنى بها هكذا :
وعلّ راء الريم يبقى (لان) :) لااااااان (بكل وضوح).. فصححته بعد جهد ٍ جهيد ... وأذكر سألنا مدرس اللغة العربية عن معنى كلمة (ليم) ... وما طلعنا منو بفائدة تذكر :) ... وكان بجواره مدرس آخر يستمع إلينا فأذكر أنه لم يتداخل معنا ولكنه بدأ يردد في مطلع أغنية أبو داوو : كيف الحياة غير ليمك

[الرشيد اسماعيل محمود]

المشاركة الأصلية كتبت بواسطة شبارقة http://sudanorg.tk/vb/images/buttons/viewpost.gif (http://sudanorg.tk/vb/showthread.php?p=303061#post303061)
هناك أغنية حقيبة مشهورة يا الرشيد هي أغنية (أحرموني ولا تحرموني سنة الإسلام السلام)بتقول في أحد مقاطعها:

طاف خيالك والليل كافر ٭٭ شفت بدرو المتجلي سافر
قالـّي جملة وعقد الأظافر ٭٭ قالـّي طبع الريم أصلو نافر
قـُتلو علِّ (تريم) النوافر ٭٭ وعلّ راء الريم يبقى لام

طبعا ً واضح يا الرشيد أن راء (ريم) عندما تكون لام تصبح (ليم) ولكنني سمعت أحد زملائي الطلبة (لما كنا في الثانوي) يتغنى بها هكذا :
وعلّ راء الريم يبقى (لان) :) لااااااان (بكل وضوح).. فصححته بعد جهد ٍ جهيد ... وأذكر سألنا مدرس اللغة العربية عن معنى كلمة (ليم) ... وما طلعنا منو بفائدة تذكر :) ... وكان بجواره مدرس آخر يستمع إلينا فأذكر أنه لم يتداخل معنا ولكنه بدأ يردد في مطلع أغنية أبو داوو : كيف الحياة غير ليمك

شبارقة سلامات...
والله ليم دي بالرغم من انها قريبة من نيم زي ماقلت انت بس ماعارفها بالضبط..
قبل كدة في زول قال لي معناها روح..
انا كنت فاكر ليم بمعني شفاه..من لمَي وهي سمرة الشفاه
في الانجليزي Lym بتعني التوافق والوفاق
وضمنيا كدة حاجة كدة زي الرضا..
ياربي تكون مقتبسة من الانجليزي
بمعني كيف الحياة غير رضاك..؟؟

[الرشيد اسماعيل محمود]

من طرائف السَماع للأغاني..
سيف الجامعة قبل كدة قال انو لزمن طويل كانت اغنية عُشرة الايام
حقت عثمان حسين..
عُشرة الأيام..
مابِصح تنساها..
قاعد يغنيها :
لابس احسن ساعة.

[imported_شبارقة]

من طرائف السَماع للأغاني..
سيف الجامعة قبل كدة قال انو لزمن طويل كانت اغنية عُشرة الايام
حقت عثمان حسين..
عُشرة الأيام..
مابِصح تنساها..
قاعد يغنيها :
لابس احسن ساعة.

:D:D:D

[imported_الزوول]

شكراً للأحباء
فيصل سعد
الرشيد اسماعيل
سمراء
عاصم شبارقة
والحقيقة يا جماعة ده بوست بقى موروث لجميع أعضاء سودانيات بعد أن تمت أرشفته ووضعه على الرف
ثم بادرت سمراء بنفض الغبار عنه وإحيائه مرة أخرى
وقد كنت أظن (بحسن ظني) انها فعلت ذلك اعجاباً بالبوست
حتلى ظهرت مآربها الأخرى المتمثلة في الأعجاب بلياقة أخونا كيشو العجيبة loooollooool
.....

[imported_الزوول]

....
قلبي همّالو ... خديدك وجمالو
معذب في هواك مالو
....
طبعاً أخوكم كان يعتقد انو الشاعر ده .... شايل هم الحبيب
دي مفروغ منها :)
بس الكان محيرني ... هو الحبيب ده مشكلتو شنو شايلين ليهو الهم :confused::confused:
يا ربي يكون عندو امتحان؟
يا ربي يكون قبضوهو ناس الأمن وناوين يجلدوهو ؟؟:eek:
وبيني وبينكم كدي
أنا ذاتي بقيت شايل هم المحبوب ده
لامن ربك رب الخير
وداني موقع كدي ...لقيت فيهو القصيدة مكتوبة
اتاريها
قلبي .... هام ... مالو *** خديدك وجمالو
معذب ... في هواك مالو
يعني كان في داعي للإدغام بغنة ده ؟؟؟
هسع في زمتكم ...
كتو عارفينها؟ loooollooool

...

[imported_كيشو]

شكراً للأحباء
فيصل سعد
الرشيد اسماعيل
سمراء
عاصم شبارقة
والحقيقة يا جماعة ده بوست بقى موروث لجميع أعضاء سودانيات بعد أن تمت أرشفته ووضعه على الرف
ثم بادرت سمراء بنفض الغبار عنه وإحيائه مرة أخرى
وقد كنت أظن (بحسن ظني) انها فعلت ذلك اعجاباً بالبوست
حتلى ظهرت مآربها الأخرى المتمثلة في الأعجاب بلياقة أخونا كيشو العجيبة loooollooool
.....

أهو فينا حاجة تعجب والحمد لله (بس فات عليكم تسألو عن معنى اللَياقة)goood

[imported_كيشو]

الزول وكل المتداخلين سلامات..
البوست سمح والله..
اكتر حاجة ملفتة وجاذبة النقاش الهاديء والواعي..
واسلوب الونسة الرايقة البتقدم معلومة بصورة لطيفة وسلسة.
ونسة الكبار أتاريها سمحة.
ياسلام عليكم.
تحية خاصة لكيشو صاحب الملكات والمواهب المدفونة.
رغم تعصبو لزميل المهنة سبدرات.

سلامات يا الرشيد
بالله القطيعة دي ليها شهرين وانا ما جايب خبر؟
وبعدين كلامك (أدناه):) دا (بدر الدين حرّم علينا كلمة "تحت"):Dتحية خاصة لكيشو صاحب الملكات والمواهب المدفونة
يا زول القال ليك مدفونة منو؟ كدي أمشي دكاني وفتش حتلاقي حاجات كتيرة

[imported_كيشو]

....
قلبي همّالو ... خديدك وجمالو
معذب في هواك مالو
....
طبعاً أخوكم كان يعتقد انو الشاعر ده .... شايل هم الحبيب
دي مفروغ منها :)
بس الكان محيرني ... هو الحبيب ده مشكلتو شنو شايلين ليهو الهم :confused::confused:
يا ربي يكون عندو امتحان؟
يا ربي يكون قبضوهو ناس الأمن وناوين يجلدوهو ؟؟:eek:
وبيني وبينكم كدي
أنا ذاتي بقيت شايل هم المحبوب ده
لامن ربك رب الخير
وداني موقع كدي ...لقيت فيهو القصيدة مكتوبة
اتاريها
قلبي .... هام ... مالو *** خديدك وجمالو
معذب ... في هواك مالو
يعني كان في داعي للإدغام بغنة ده ؟؟؟
هسع في زمتكم ...
كتو عارفينها؟ loooollooool

...

يا دكتور
أشرت في بوست الأسايطة وفي بداية هذا البوست إلى أنني والأخ طارق شبو كنا بنقدم برنامج حقيبة الفن لما كنا ساكنين في عمارة بطرس في أسيوط، يعني الحقيبة دي كنا معذبنها ليك عذاب شديد، وأحياناً كنا نخش على بعض الفنانين زي عبد الله محمد، أمس كنا في التلفون مع واحد أسيوطي مولانا الونسة خلتني أقول ليهو "ناس المعزة اتلوّمو"، فضحك ولما سألتو قال لي أيوة بتذكرها :)

[imported_سفيان ابوقصيصة]

العزيز الزول...تحياتي..
مشكوره والله سمراء نكتت لينا البوست الجميل والراقي دا...
والبغوص في الاعماق ما بطلع الا الدرر..
استرسالا في موضوع البوست..اذكر اني كنت اردد نشيد لمحمد وردي كالاتي..

نحن في الشدة بأسونيا تجلى
وكذلك..
ليس في شرعتنا هم وموولا

اما اخونا كيشو الغالاط ذكرني بالزول المشى لزيارة واحد في بيتو ودق الباب جاهو الصوت من جوه قاليهو انت منو..؟
فاليهو..انا
قاليهو..علي الطلاق دا ما انت..!

دمتم

[imported_كيشو]

العزيز الزول...تحياتي..
مشكوره والله سمراء نكتت لينا البوست الجميل والراقي دا...
والبغوص في الاعماق ما بطلع الا الدرر..
اما اخونا كيشو الغالاط ذكرني بالزول المشى لزيارة واحد في بيتو ودق الباب جاهو الصوت من جوه قاليهو انت منو..؟
فاليهو..انا
قاليهو..علي الطلاق دا ما انت..!

دمتم

تحياتي يا أبو قصيصة
الغلاط أحياناً أحسن خيار للواحد وخاصة لما يكون وسط الأصدقاء، أنا دكتور الزوول آثرت معه الغلاط لأني عندي معاهو قصة تانية؛ فلو اتراجعت حيقوم يستغل التراجع دا ضدي، عشان كدا مشيت مرفوع الرأس في غلاط ظريف مع ناس ظريفين لا يغلّت علي ولا يوسخ إيدي :)

[imported_طارق صديق كانديك]

يا دكتور
أشرت في بوست الأسايطة وفي بداية هذا البوست إلى أنني والأخ طارق شبو كنا بنقدم برنامج حقيبة الفن لما كنا ساكنين في عمارة بطرس في أسيوط، يعني الحقيبة دي كنا معذبنها ليك عذاب شديد، وأحياناً كنا نخش على بعض الفنانين زي عبد الله محمد، أمس كنا في التلفون مع واحد أسيوطي مولانا الونسة خلتني أقول ليهو "ناس المعزة اتلوّمو"، فضحك ولما سألتو قال لي أيوة بتذكرها :)

:D:D

الحبيب كيشو

مسك الله بالمودة

ياخ الحقيبة دي الما مست روحه بشئ من الفرح تبقى عليهو القالو المعري ( خرب المزاج ليس له علاج ) :)

تأمل معي رائعة ابو صلاح : خلي العيش حرام حين قال :

خلي العيش حرام مادام أرى الموت يحل
مابين الرميش فوق للطريف الكحيل
****
هز صدرو ميل فدع الخصر النحيل
درّاج المقل شبه المهر الوحيل
النوم مني فرّ وقلبي ناوي الرحيل
من غير المنام طيف الخيال مستحيل
****
ولا لان إشتياقي وقلبي أصبح وجيل
واتمنت محاسنك روحي يلمع ده جيل
ولا من جمال يرفع لي قدرك يجل
يتمنى الهلال ينصاع لي قدميك حجل
****
ومن فوق لي الحسود لو كان غضب او قبل
ما بنخاف رصاص من غيرو تشفي السدل
بالحب كم غدير فينا وجريح منسبل
لاقينا الهلاك بي جرعة من سلسبيل
****
بنخوض الرماح لوكان تزيد أو تقل
ونخاف من ضميراً أهيف منفتل
ونقابل المدافع بالثبات والعقل
ونخاف سيف عيونو إن لمعت يضرب صقل
****
يالمنك معار تكحل شويدن الخميل
علمت الغصون مع النسيم كيف تميل
مختارك يحاكي الشولة ودمعو الهميل
التختارو لينا لاشك جميل ياجميل

فكنت على يقين أنك ممن صفت روحه ذات حقيبة ولو في اسيوط ... !!:D

الزوول مساء الخير والجمال

[imported_سمراء]

أهو فينا حاجة تعجب والحمد لله (بس فات عليكم تسألو عن معنى اللَياقة)goood

كيشو والله اسع لو مادقنك الهارشنا بيها دى ....كنت نزلته ليك اغنية كلك حلو هنا:D
بتاعت الود فرفور ديك !!
بس نسوى شنو ؟ الله غالب :D

[imported_كيشو]

:D:D

الحبيب كيشو

مسك الله بالمودة

ياخ الحقيبة دي الما مست روحه بشئ من الفرح تبقى عليهو القالو المعري ( خرب المزاج ليس له علاج ) :)
الزوول مساء الخير والجمال

حبيبنا كانديك
فكنت على يقين أنك ممن صفت روحه ذات حقيبة ولو في اسيوط ... !!:D

كان معنا في أسيوط زميل عزيز وشاعر مجيد هو الأستاذ المحامي عبد المنعم سرور، كانت الحقيبة القاسم المشترك بيننا، وكان سرور مهتماً بشعر الحقيبة ويحفظ الكثير منه فاستمتعت بصحبته وأشعاره هو وأشعار الحقيبة، والمسرحيات الشعرية
يا حليل زمان يا طارق

[imported_كيشو]

كيشو والله اسع لو مادقنك الهارشنا بيها دى ....كنت نزلته ليك اغنية كلك حلو هنا:D
بتاعت الود فرفور ديك !!
بس نسوى شنو ؟ الله غالب :D

خلاص يا ستي نزلي لي أغنية تستوعب الدقنgoood

[imported_سفيان ابوقصيصة]

:D:D

الحبيب كيشو


تأمل معي رائعة ابو صلاح : خلي العيش حرام حين قال :

خلي العيش حرام مادام أرى الموت يحل
مابين الرميش فوق للطريف الكحيل
****
هز صدرو ميل فدع الخصر النحيل
درّاج المقل شبه المهر الوحيل
النوم مني فرّ وقلبي ناوي الرحيل
من غير المنام طيف الخيال مستحيل
****
ولا لان إشتياقي وقلبي أصبح وجيل
واتمنت محاسنك روحي يلمع ده جيل
ولا من جمال يرفع لي قدرك يجل
يتمنى الهلال ينصاع لي قدميك حجل
****
ومن فوق لي الحسود لو كان غضب او قبل
ما بنخاف رصاص من غيرو تشفي السدل
بالحب كم غدير فينا وجريح منسبل
لاقينا الهلاك بي جرعة من سلسبيل
****
بنخوض الرماح لوكان تزيد أو تقل
ونخاف من ضميراً أهيف منفتل
ونقابل المدافع بالثبات والعقل
ونخاف سيف عيونو إن لمعت يضرب صقل
****
يالمنك معار تكحل شويدن الخميل
علمت الغصون مع النسيم كيف تميل
مختارك يحاكي الشولة ودمعو الهميل
التختارو لينا لاشك جميل ياجميل


الزوول مساء الخير والجمال

الاعزاء...د الزول..طارق..كيشو...
والمتداخلين...
علمت الغصون مع النسيم كيف تميل
http://www.sudanorg.tk/upload/uploads/rem.mp3


يسعد ايامكم بكل الجمال...

[imported_جيجي]

وفوق تاني
شكرا يازول ان منحتني ضحكة من القلب
وبعض الذكريات

[اسمر]

حكاية أخرى مشهورة للدكتور عبدالله الطيب
حينما "مسّخ علينا أغنية ابوعبيدة حسن القنبلة في ذلك الوقت
يا ناس .. شوفولي حلل
حينما قال أن الحلل في اللغة هو " ذكر التمساح"
شخصياً .... منذ ذلك اليوم لم أدندن بها إطلاقاً
حتى ولو في سري
:p:p:p

مودتي

.....


http://www.songs.alrakoba.net/azizwagali/aboobayda_hassan/Abo%20obida%20Hassan_Ya%20Nas%20Shofo%20Li%20Halla l.mp3


كده كيف يا دوك:p:p:p

[imported_جيجي]

http://www.songs.alrakoba.net/azizwagali/aboobayda_hassan/Abo%20obida%20Hassan_Ya%20Nas%20Shofo%20Li%20Halla l.mp3


كده كيف يا دوك:p:p:pوالله حننني شديد
اها وياربي الناس شافوا ليه حلل
غايتوا والله لو اتكل على الناس بلا يخربوا مابحلو
الا غايتو حلل الطيب عبدالله القالو
اسمر كيفنك ياخ

[اسمر]

والله حننني شديد
اها وياربي الناس شافوا ليه حلل
غايتوا والله لو اتكل على الناس بلا يخربوا مابحلو
الا غايتو حلل الطيب عبدالله القالو
اسمر كيفنك ياخ

سلام يا G2
انا تمام احمدالله
انت كيفك
ـــــــــــــــــــــــــــــــــ
غايتو حلل عبدالله الطيب ده صعب شديد:o:o:o


تحياتي

[imported_شبارقة]

عربدت بى هاجسات الشوق إذ طال النوى
وتوالت زكرياتى .. عطرات ... بالهوى



الكلام الجميل الفوق ده هو أحد مقاطع (همسات) التي كتب كلماتها الشاعر الراحل/ محمد محمد علي وتغنى بها أبو داوود

سمعت أحد الفنانين المحليين الذين يرددون أغاني الكبار ... سمعته يقول :

-

-

-

عربجت بي هاجسات الشوق.

(عربجت) :D

[imported_الزوول]

عربدت بى هاجسات الشوق إذ طال النوى
وتوالت زكرياتى .. عطرات ... بالهوى



الكلام الجميل الفوق ده هو أحد مقاطع (همسات) التي كتب كلماتها الشاعر الراحل/ محمد محمد علي وتغنى بها أبو داوود

سمعت أحد الفنانين المحليين الذين يرددون أغاني الكبار ... سمعته يقول :

-

-

-

عربجت بي هاجسات الشوق.

(عربجت) :D
...
:D:D:D

كدي نجتهد في تحليل الكلام ده
عربجت ... ترجع إلى عربجي
والعربجي هو الذي يقود العربة
وعلى ما أذكر يا عاصم
في مصر بيسمو سواق الكارو (ألعربجي)
هاجسات الشوق
أسم علم اعتاد أصحاب البصات السفرية اطلاقه على سياراتهم
مثل (سابحات) و(عابرات) ... الخ
وعليه يؤول البيت للمعنى التالي
انطلق بي بص (سابحات الشوق)
إلى وين ..
الله أعلم
والله أعلم
...
بالله لقيتني كيف !!!

[imported_جيجي]

...
:D:D:D

كدي نجتهد في تحليل الكلام ده
عربجت ... ترجع إلى عربجي
والعربجي هو الذي يقود العربة
وعلى ما أذكر يا عاصم
في مصر بيسمو سواق الكارو (ألعربجي)
هاجسات الشوق
أسم علم اعتاد أصحاب البصات السفرية اطلاقه على سياراتهم
مثل (سابحات) و(عابرات) ... الخ
وعليه يؤول البيت للمعنى التالي
انطلق بي بص (سابحات الشوق)
إلى وين ..
الله أعلم
والله أعلم
...
بالله لقيتني كيف !!!مية المية يادوك
جماعة شبارقة اليعربجوا في عربيجهم:)
اضحك الله سنيكما

[imported_شبارقة]

...
:D:D:D


وعلى ما أذكر يا عاصم
في مصر بيسمو سواق الكارو (ألعربجي)

...
بالله لقيتني كيف !!!

وفي السودان كمان

لقيتك مبرراتي كبير وخطير:)

[imported_شبارقة]

جماعة شبارقة اليعربجوا في عربيجهم:)
اضحك الله سنيكما

والله يا جيجي كل ما أسمع المقطع ده أقعد أضحك

وبالمناسبة هي أغنية جميلة جدا ً (كلمات ولحن وأداء) يا ريت ود عثمان يتحفنا بيها

[imported_فتحي مسعد حنفي]

والله حننني شديد
اها وياربي الناس شافوا ليه حلل
غايتوا والله لو اتكل على الناس بلا يخربوا مابحلو
الا غايتو حلل الطيب عبدالله القالو
اسمر كيفنك ياخ




انتي ما سمعتي الراحل وردي وهو بقول الكلام فيهو كلام:confused::confused: حلل عبدالله الطيب دا أبعدي منو عشان مايجيب ليك كلام..نصيحة أسمر دا ما مضمون عندو شوتات أضفر من شوتات عمك فتحي.:D:D

[imported_الزوول]

...
غايتو أهل البندر ديل مرات عندهم كلام يعرفو براهن
نحن (أهل الريف) لا ندغم الكلمات
نعطي لكل كلمة حقها
خذ مثلاً أغنية صلاح بن البادية التي يقول فيها:
قالو الجمال يا غالي بيك كانت نهايتو وأولو
ونحن في هواك يا غالي لا بنطيق بعاد لا بنحملو

ينطق أهل البندر في هواك ككلمة واحدة فتسمعها (فهواك)


صعب إني أفهمكم بدون صوت منطوق gapgapgap
المهم
كنت كثيراً ما أردد أغنية الحقيبة

ينوحن لي حماماتن
حمن عيني غماماتن
بريدن شوقي للماتن

....
ويأخذني العجب في هذا الذي يشتاق للأموات
واحدة ماتت ... تاني المشتاق لها شنو :confused::confused:
حتى صرت اتجنبها لعدم استساغتي الشوق للأموات
..
حتى سمعتها ذات مرة من فنان يبدو أن أصله من خارج أهل البندر
وفهمت أنه يقصد (لى لماتهن) أي الاجتماع بهن
...

[imported_الزوول]

...

http://www.youtube.com/watch?v=HCZNSs6uwko
...

[عكــود]

يُرفع لعناية شبارقة، كيشو والجميع.
مع تحياتي للزوول عوض (عبد الله) طه، يا شبارقة :)

[احمد زين]

البوست ده انا ما شفتو زمان ليه
ياخ ده بوست مهم
ويا كيشو ارجاني عاد

[أزهري سيف الدين]

بوست جميل، الغريبة يا أحمد زين زي اللمحت اسمك في الصفحة 2 :)

أشهر نطق غلط ونحن صغار، كان في أغنية الطيف (حتى الطير رحل خلاني، ما طيّب لي خاطر)، طبعاً هي الطيف وليس الطير.

البوست دا ذكرني كلام د. محمد عبد الله الريح الكان انتشر قبل فترة:
________________
من طرائف وفضاااائح فنانين اللفح
________________

ود الريح
د.محمد عبدالله الريح
أو حساس محمد حساس

قال مرة بيحضر في حفلة الفنان بغني
قال: أحلى من لؤلؤة بضة *سيييييبك*
من شط البحرين..

حساس قال
أنا ما واجعاني قصة إنو قال
*(سيبك)*
بدل ( صيدت)
.. الواجعني إنو كان بيأشر بيدو
(جدعة قنعاااااانة كدا )
بمعنى حركة (سيبك) دي ..

وواحد تاني ماسك الرق
يغني وهو مغمض عيونو من الطرب واﻻستمتاع
مالك مجافي الناس ..
*عايش براك في غرفة*

ودي القوية
قال ليك فى واحد من فنانين الغفلة ديل
فى مدني بغني بمناسبة عيد الأم
أمى الله يسلمك ..
يا *مرضعانى* الطيبة *بالشطر* اليمييييييين ..
الله يسلمك ..
نزلوهو من المسرح طوااااالي
وحلف قال :
طول عمرو قايل ترباس بغنيها كدا..
ههها ههها ههههها ههها هائل هائل يا ابني ..

[شبارقة]

يُرفع لعناية شبارقة، كيشو والجميع.
مع تحياتي للزوول عوض (عبد الله) طه، يا شبارقة :)

تشكر يا عمدة ع سرعة الإستجابة وياها المحرية فيك

أخونا العوض ده أنا من زمان بتلخبط في إسمو مرة بمحمد طه ومرة بأحمد طه ومرة بعبد الله طه ههههههه لكن يخيل لي عندو جِداً إسمو أحمد طه :D

[نبراس السيد الدمرداش]

صباح القفشات
التحيات الطيبات لروح الخال
وللزوول وصحبه

خالا لينا من مدعي الثقافة وتاعبنا تعب شديد
منطرب مع وردي
الغزال الفوق السلم (بكسر السين واللام)
جدي قال ليهو يا ولدي ثقافتك طايره عليك

[الجيلى أحمد]

بوست الغُلاط الشهير😂😂

[عكــود]

تشكر يا عمدة ع سرعة الإستجابة وياها المحرية فيك

أخونا العوض ده أنا من زمان بتلخبط في إسمو مرة بمحمد طه ومرة بأحمد طه ومرة بعبد الله طه ههههههه لكن يخيل لي عندو جِداً إسمو أحمد طه :D

ههههههههه
جدو أحمد طه ده موضوع غلاط جديد.
برضو نشوف رأي مولانا كيشو في المسألة دي.

[احمد زين]

بوست جميل، الغريبة يا أحمد زين زي اللمحت اسمك في الصفحة 2 :)

ازيك يا ابو الزهور وبركة بالشوفة
لقيتو في صفحة ٣ لكن ده ما انا والله اعلم
شايف مولانا كيشو رجع في كلامو واعترف بغالي الحروف لمصطفى سند
والحمد لله

[احمد زين]

طبعا اشهر الأخطاء في الغناء خطأ شيخنا بادي محمد الطيب وطبعا بادي وابوداؤود ديل غلطاتهم عندنا مغفورة
في اغنية ليلة بروقا
شيخ بادي بقول طن ابريز يرجح بي جراما
والصحيح طان ابريز يرجحبو جراما
يعني جرام واحد منها يرجح بي طن دهب
الغريب انه بادي يعلم تماما انها خطأ وعندما حاول أحدهم تنبيهه قال ليهو يا ولدي انا عارف لكن جرت على اللسان خلاص
رحم الله بادي

[شبارقة]

الخطأ السماعي موجود بكثرة في كلامنا وغناوينا وحكاوينا.. أغنية ملك الطيور لعبد الرحمن الريح ووبغنيها أحمد الجابري ظهرت في بداية التمانينيات وكانت تردد كثيراً من خلال الرادي ، مرات اللحن بودي الكلمات لمحل تاني، كنا بنتغالط ( كيشو ما كان معانا هههه) بنتغالط هل هي: ملك الطيور ولَّ مالي كالطيور وسط الرياض نشوان