الكلاب تنبح والجمل ماشي --

[omrashid]

احدي الامثال السودانيه التي احبها

ومن عنده زياده نرجو كتابتها هنا

[Garcia]

الجمل ما بشوف عوجة رقبتو ...

[omrashid]

والفيك بدربو والعيب اقدلبو
شكرا قارسيا عل المرور

[طارق الحسن محمد]

ام راشد تحياتى
تصدقى البوست دا مستقبله مشرق
جدا
والسبب انه ذخرتنا من الامثال كتيرررررررررررررررررة
قولى واحد منى
شهرا ما عندك فوقو نفقة ماتعد ايامه

[سارة]

ام راشد سلامات

فى مثل دارفورى بقول

الما معلق ليك ما تدلى


لك مودتى واحترامى

[عصمت العالم]

الاستاذه الدكتوره السيده ام راشد....
وديل اثنين من الامثله..
والرزق تلاقيط...

دق الجراف...خلى الجمل يخاف...

ويا حافر...حفرة السو..وسع مراقدك ...فيها



عميق الاعزاز

[Osman Hamad]

مثلى السودانى المفضل.

السُترة والفضيحة مُتباريات ;)

مُتباريات يعنى، ماشات مع بعض ;) ماعندها اى علاقة بإنهن لعبات كورة ضد بعض ;)

[بابكر مخير]

ذكر الشيخ بابكر بدري، ذكر قصته مع بدايت المشوار في مشروع كتابه "أمثال سودانية":
ذهب للشيخ أبوسن وقال ليهو: يا عمي أبو سن، بعمل ليا في كتاب عن الأمثال السودانية وعاوز أخد منك بعضها.
رد عليه الشيخ: أكتب أول مثل"" كل زول بي همو والفايق يهمز أمو""
عدلها البعض لتكون مستساقة الي(كل زول بي همو إلا جحا وعمو)

[بابكر مخير]

الحبيب عصمت
الظريف أنك قلت ديل إتنين ونسيت "أنو الرزق تلاقيط" من الأمثلة الأكثر شيوعا
ولي الأخ نبيل وصديقو العمدة شيوعاً مستمدة منها الشيوعية ولا شنو (شوية شمشرة) :) :)
بعدين يا صاحبي؛ الجراف تنطق بحرف الجيم وحسب علمي المتواضع أنو تقال قراف، إلا إذا كنت رجعتنا لي كلام خيلانا المصاروة والقولة: الكلام من مصر والقبلة بتنعصر
يعني نطق الكلام باللهجة المصرية وأصل الكلام عربي منسوب للجزيرة العربية ومنارتها مكة المكرمة المعصورة في القلب، قبلة الإسلام

[abu qusai]

أم راشد

سلامات والحمد لله على السلامة ، نورتي السعودية

الضايق قرصة الدبيب يخاف من مجر الحبل

سيد الرايحة يفتح خشم البقرة

يهدوا فيها تصفر لي مغاويها

ومن دارفور :

أبو صلمبويتي ولا كدكاية زول

ألمي حار ولا لعب كعونج

أبو القدح بيعرف وين يعضي أخوه

الجبل من بعيد أملس

الفي خرقو عويش ما بنط النار

جراداي في سروال ولا بعضي إلا قعادو شين

من حل في عجوز بموت


وتاني برجع ليك يا دكتورة كان الله مد في الأيام ...

أبو قصي

[أم سهى]

ام راشد
سلامات
"الداير تهري....اسكت خلي"
الليل ليك.. كان لبن عشر تكبه في عينيك"
"حليل ود الام.. البطن منه ما بتطم"
برضه برجع ليك

[Garcia]

من الأمثال الشائعة :
* التسويها بايدك تغلب اجاويدك
* سمح الغنا في خشم سيدو
* تعيس الحظ يلاقي العضمة في الفشفاش
* رزقاً تكوسلوا ورزقا يكوسلك
* قلبي على جناى وقلب جناى على حجر

ولك كل التحية العزيزة ام راشد وللمتداخلين ...

تخريمة : يا دكتور بابكر, اولاد بمبة اعجبوك طبعا فى ,
الأمثال التى لا تخلو من سخرية و كل مرة فى مسلسل
الواحد بيسمع مثل جديد :D انا عجبنى دة غايتو :
( المابيعرف ارقص بيقول الارض مايلة ) :p :D :D

[abu qusai]

الغشيمة تفرح بي طهارته ( يعني تفرح بختانها )

[طارق الحسن محمد]

أم راشد

سلامات والحمد لله على السلامة ، نورتي السعودية

الضايق قرصة الدبيب يخاف من مجر الحبل

سيد الرايحة يفتح خشم البقرة

يهدوا فيها تصفر لي مغاويها

ومن دارفور :

أبو صلمبويتي ولا كدكاية زول

ألمي حار ولا لعب كعونج

أبو القدح بيعرف وين يعضي أخوه

الجبل من بعيد أملس

الفي خرقو عويش ما بنط النار

جراداي في سروال ولا بعضي إلا قعادو شينمن حل في عجوز بموت
وتاني برجع ليك يا دكتورة كان الله مد في الأيام ...

أبو قصي

نفهـــــــــــــــم بس لو سمحت

مودتى

[طارق الحسن محمد]

ام راشد
سلامات
"الداير تهري....اسكت خلي"
الليل ليك.. كان لبن عشر تكبه في عينيك"
"حليل ود الام.. البطن منه ما بتطم"
برضه برجع ليك

ام سهى
اشرحى ماتحته خط
وشكرا

[طارق الحسن محمد]

ذكر الشيخ بابكر بدري، ذكر قصته مع بدايت المشوار في مشروع كتابه "أمثال سودانية":
ذهب للشيخ أبوسن وقال ليهو: يا عمي أبو سن، بعمل ليا في كتاب عن الأمثال السودانية وعاوز أخد منك بعضها.
رد عليه الشيخ: أكتب أول مثل"" كل زول بي همو والفايق يهمز أمو""
عدلها البعض لتكون مستساقة الي(كل زول بي همو إلا جحا وعمو)
الاخ بابكر
اعتقد انه فى صيغتين للمثل
الاولى وهى ( منتهى قلة الادب ) مبطل اى شى وقاعد الزول يهمز فى امه :D :D
والتانية صيغة معدلة وهى الهم يزمو
زمة نفس وكدة يعنى :D :D
مودتى
تخريمة
(شمشار كيف لكن :D )

[طارق الحسن محمد]

الاستاذه الدكتوره السيده ام راشد....
وديل اثنين من الامثله..
والرزق تلاقيط...

دق الجراف...خلى الجمل يخاف...

ويا حافر...حفرة السو..وسع مراقدك ...فيها



عميق الاعزاز
دا مشابه لى
اضرب العايرة تخاف المربوطة
مودتى

[أبو العز الجنوبي]

أم راشد
تحياتي وسلامي
من الغرب:
الموية ما بتروب والفاجرة ما بتوب.
دبيب في خشمو جراداي ولا بعضي.
تعليقات:
بعد اذنك ام راشد عجبني الموضوع قلت اعلق شوية على ماورد:

والفيك بدربو والعيب اقدلبو
شكرا قارسيا عل المرور
قصدك شنو؟؟؟
أبو صلمبويتي ولا كدكاية زول
دي على وزن لالوب بلدنا ولا تمر الناس
الغشيمة تفرح بي طهارته ( يعني تفرح بختانها )
بالغت....يعني نطق الكلام باللهجة المصرية وأصل الكلام عربي منسوب للجزيرة العربية ومنارتها مكة المكرمة المعصورة في القلب، قبلة الإسلام
الجاب العصر هنا شنو؟؟؟
انت (عروبيتك دي ما داير تخليها؟؟؟) نقوم نفتح ليك بوست؟؟؟
ابقو عافية

[طارق الحسن محمد]

أم راشد

سلامات والحمد لله على السلامة ، نورتي السعودية

الضايق قرصة الدبيب يخاف من مجر الحبل

سيد الرايحة يفتح خشم البقرة

يهدوا فيها تصفر لي مغاويها

ومن دارفور :

أبو صلمبويتي ولا كدكاية زول

ألمي حار ولا لعب كعونجأبو القدح بيعرف وين يعضي أخوه

الجبل من بعيد أملس

الفي خرقو عويش ما بنط النار

جاداي في سروال ولا بعضي إلا قعادو شين

من حل فري عجوز بموت


وتاني برجع ليك يا دكتورة كان الله مد في الأيام ...

أبو قصي


ابوقصى تحياتى
ايضا
اشرح ما تحته خط
مودتى

[abu qusai]

ام راشد
سلامات
"الداير تهري....اسكت خلي"


عجبني شديد يا أم سهى

[omrashid]

الي كل المتداخلين الشكر علي تواجدكم هنا واسفه قد لا استطيع متابعة هدا البوست لاني مسافره وحاغيب كم يوم

شايف يا ابو قصي --ام سهي حافظاني حفظ --

والداير تهري اسكت خلي
وكما قال ودمخير
الفايق يهمز امو
لكم جميعا مودتي

[mamkouna]

أم راشد...
تحياتي و أشواقي و إعجابي الشديد بموضوعك اللذيذ ده.

عندي (( غرام )) شديييييييد مع الأمثال و الحِكَم..يمكن لأني قليصة و تربية حبوبات!! :p
هاكِ نماذج..تتحدث كلها عن الممكونات الصابرات...Vs ..الممكونين الصابرين!
* ملحوظة:
الأمثال المنشورة لا تعبر بالضرورة عن رأي صاحبة المداخلة. :rolleyes:





يا مآمنة للرجال...يامآمنة للموية في الغربال.

العِرِس أربعين يوم...و الباقي سُترة حال!

الجنا...قوٌاد الهوان...!!

في صدرك...و ناوي غدرك!

الراجل كان دارِك نَجٌسِك...و كان أبَاكِ مَغٌصِك!!!

طَفيت نيرانو و مَليت مصرانو..قلٌل معاشي و هجر فراشي!!!

[طيب الاسماء]

شنو يا شباب ...
كملتوها كلها ...
يعني الواحد يطلع منه سايييييييييي بدون مثل

لا والله
يا فيها
يا نجوطا ليكم :D :D :mad: :p

أها هاكم دا:

الحسنة في الملعون ذي الشكر لي حماد

والخيل تجقلب ذي الشرا في القندول

[د.سيد عبدالقادر قنات]

دكتورة أم راشد

تحياتي

أن الأمثال الشعبية

هي حكم توارثنها عن أجيال سبقت

وفي الفترة الأخيرة قل الأنتاج

ونود أن نضيف ،

وأن كان بعضها ربما كانت كلماته


فيها كثير من المشاترة

ومع ذلك تظل وتبقي أمثال وحكم شعبية


((المشتهي الحنيطير يطير))

((((المشتهي لوبة عفن أندفن))))

(((( الشقي بعترن ليهو بيضاتو )))

((( غلفا وشايلة موسا تطهر )))









(((((قمل أم كنفوس بكتلو بي ضري البيت ))))


ا ((( القاصدك يحدر ليك في الضلمة )))

(((( هدوها من الدواحة رقدت خلا ))))


((((( السكران في ذمة الواعي )))


(((الكلام بالخيوت والسفر بالبيوت )))

(((( الحمار ولد عشان يرتاح )))



وأن شاء ألله نرجع


يديكم العافية

[Garcia]

أم راشد...
تحياتي و أشواقي و إعجابي الشديد بموضوعك اللذيذ ده.

عندي (( غرام )) شديييييييد مع الأمثال و الحِكَم..يمكن لأني قليصة و تربية حبوبات!! :p
هاكِ نماذج..تتحدث كلها عن الممكونات الصابرات...Vs ..الممكونين الصابرين!
* ملحوظة:
الأمثال المنشورة لا تعبر بالضرورة عن رأي صاحبة المداخلة. :rolleyes:





يا مآمنة للرجال...يامآمنة للموية في الغربال.

العِرِس أربعين يوم...و الباقي سُترة حال!

الجنا...قوٌاد الهوان...!!

في صدرك...و ناوي غدرك!

الراجل كان دارِك نَجٌسِك...و كان أبَاكِ مَغٌصِك!!!

طَفيت نيرانو و مَليت مصرانو..قلٌل معاشي و هجر فراشي!!!



يا ممكونة ليه الانتقائية فى اختيار الامثال دى :mad: ...
عليه نرفض وندين ونستنكر :p :p :D :D

[أبو الحُسين]

العين بصيري والإيد قصيري...

[د.سيد عبدالقادر قنات]

((( حبل المهلة أحل وأربط ))

يديكم العافية

[طارق الحسن محمد]

الي كل المتداخلين الشكر علي تواجدكم هنا واسفه قد لا استطيع متابعة هدا البوست لاني مسافره وحاغيب كم يوم

شايف يا ابو قصي --ام سهي حافظاني حفظ --

والداير تهري اسكت خلي
وكما قال ودمخير
الفايق يهمز امو
لكم جميعا مودتي
ام راشد تمشى وترجعى بالسلامة

وتجى تلقينا زى ما انحنا
والبوست وصل السقف
مودتى

[Soma]

الخيل تجقلب زي الشري في القندول...

وفي رواية اخري :الخيل تجقلب والشكر لحماد ..ما عارفة حماد ده منو :)

[mamkouna]

يا ممكونة ليه الانتقائية فى اختيار الامثال دى ...
عليه نرفض وندين ونستنكر :p :p

عزيزي جارسيا..
الظاهر ما إنتبهت للحتة دي :cool: ...
* ملحوظة:
الأمثال المنشورة لا تعبر بالضرورة عن رأي صاحبة المداخلة :rolleyes:


و..عشان ما تزعل يا سيدي :mad: ..هاك المجموعة دي:


العِرِس..يفٌرح القعونج في البحر.
(( للجماعة السعيدين في حياتهم الزوجية.. زي ناس جارسيا ديل )) :D

يدور القمح...و يرجع ل طاحونو.
(( مهما بعدت...مصيرك ترجع إلى مسقط رأسك )).

جارك القريب...و لا ود أمك البعيد.
(( قد يكون جارك أحنٌ عليك من أخوك ود أمك و أبوك ))

سرارة اللعوت...تتلاقى ساعة الموت.
(( بعض الأهل لا يجتمعوا إلا في المناسبات الحزينة..كشجرة اللعوت التى لا تلتقي أغصانها إلا بعد قطعها ))

البلد بلد أبونا..و الغُرُب يطردونا.
(( ده عملوهو لناس العمالة الأجنبية )) :p

جدادة الوادي..الطردت جدادة البيت.
(( لمن يكون الضيف ثقيل و رافع الكُلفَة )) :p

شقي الحال..يلقى العضم في الفشفاش.
(( كناية عن سوء الحظ...))

أريتها مَحَنٌتَك...مَحَنٌة الجدادة..كاك كاك!!
(( الجدادة لا تُطعم أو ترضع كتاكيتها..وتهتم فقط بنفسها...لذلك تُعتبر مَحَنٌتَها ناقصة)).

[Garcia]

عزيزي جارسيا..
الظاهر ما إنتبهت للحتة دي

الغالية ممكونة
اكيد شفت ولاحظت الديباجة بتاعتك دى :D
وقصدى الدعابة فقط وتسلمى للاضافات
الاخرى من الامثال ...
وتحية عطرة ليك وللممكونين ...

[mamkouna]

الغالية ممكونة
اكيد شفت ولاحظت الديباجة بتاعتك دى
وقصدى الدعابة فقط وتسلمى للاضافات
الاخرى من الامثال ...
وتحية عطرة ليك وللممكونين ...

راجع الأمثال الأضفتها مؤخراً..
أهدي ليك و لأسرتك العزيزة... المثل الأول. ;) :p :D

[Garcia]

العِرِس..يفٌرح القعونج في البحر.
(( للجماعة السعيدين في حياتهم الزوجية.. زي ناس جارسيا ديل ))

looooooooool@ mamkouna

الله اديم السعادة ياممكونة ... ويسعد كل القعونج بحرا وبرا ;) :D :D
تسلمى يا زولة يا شفيفة ويسعدك واسرتك الجميلة ...

[رأفت ميلاد]

العزيزة أم راشد

المثل

الكلاب تنبح والجمال ماشة

يقال إنه أمدرمانى أى نابع من أمدرمان القديمة
مسـتقى من درب الأربعين عندما تمر القوافل محملة الى مصر تخرج الكلاب فى أطراف أمدمان خلف القافلة تنبح وطبعآ لا يعيق سـير القافلة

ومن الأمثال الأمدرمانية القديمة يقال أنه منسوب الى ود نفاش

يقال أهل أمدرمان القديمة ينامون على أسـطح المنازل . وكانت السـلطة الإنجليزية تمنع هذه الظاهرة . (لا أدرى لماذا مسـتعمر والسلام) .

كانوا الدوريات ليلآ تراقب الظاهرة . ود نفاش نائم (فلقو) العسـكرى الإنجليزى بحجر وقال ليه (أنزل يا مجنون) ود نفاش قال ليه (يا خواجة هسـه مجنون النايم ولا مجنون البطقع)

وصار مثل ( جنا وقرب يطقع) أو (هو المجنون إلا يطقع)

القصة على مسـئولية حبوبتى الله يرحما.

تحياتى

[Osman Hamad]

العِرِس..يفٌرح القعونج في البحر.

اول مرة فى حياتى اعرف ياممكونة انو العِرسان لمن يمشوا شهر العسل بيشيلو معاهم القعونج ;)
اسى لو ما بوست ام سهى دا، كان بعدين الواحد يتلوم مع بت الناس البـِعرسها ;)
عليك الله اسى يرضيك كان الواحد يمشى شهر العسل بدون قعونج ;) دايرة المستثمرين يقولو فينى شنو؟؟

[معتصم الطاهر]

الاستاذه الدكتوره السيده ام راشد....
وديل اثنين من الامثله..
والرزق تلاقيط...

دق الجراف...خلى الجمل يخاف...

ويا حافر...حفرة السو..وسع مراقدك ...فيها



عميق الاعزاز
ديل ثلاثة

عشان كبرت وكلامك بقى كلو حِكم ما قادر تعد

[طارق الحسن محمد]

:اول مرة فى حياتى اعرف ياممكونة انو العِرسان لمن يمشوا شهر العسل بيشيلو معاهم القعونج ;)
اسى لو ما بوست ام سهى دا، كان بعدين الواحد يتلوم مع بت الناس البـِعرسها ;)
عليك الله اسى يرضيك كان الواحد يمشى شهر العسل بدون قعونج ;) دايرة المستثمرين يقولو فينى شنو؟؟

عثمان ازيك
ركز ياخوى
ساكى قعو ولاشنو ؟؟؟؟؟ :D :D :D

[أبو العز الجنوبي]

دكتور سيد:
باااااااااااااااااااالغت عدييييييييييييييييييل ....
في حاجات عايزه ليها شرح زي ما بتعمل ممكونة...المشتهي الحنيطير يطير))

((((المشتهي لوبة عفن أندفن))))

(((( الشقي بعترن ليهو بيضاتو )))

((( غلفا وشايلة موسا تطهر )))
مشى يتفولح جاب ضقلها يتلولح..ده ما عارف يشرحوه كيف، رغم اني سمعت الاستاذ السر احمد قدور بيشرحه في اذاعة وادي النيل زمان...
الشقي يلقى العظم في المرارة....وفي رواية اخرى الفشفاش
واضحة دي .. مش زي بتاعتك يا دكتور عايزه ليها شرح....

[طارق الحسن محمد]

[QUOTE=mamkouna]أم راشد...
تحياتي و أشواقي و إعجابي الشديد بموضوعك اللذيذ ده.

عندي (( غرام )) شديييييييد مع الأمثال و الحِكَم..يمكن لأني قليصة و تربية حبوبات!! :p
هاكِ نماذج..تتحدث كلها عن الممكونات الصابرات...Vs ..الممكونين الصابرين!
* ملحوظة:
الأمثال المنشورة لا تعبر بالضرورة عن رأي صاحبة المداخلة. :rolleyes:





يا مآمنة للرجال...يامآمنة للموية في الغربال.

العِرِس أربعين يوم...و الباقي سُترة حال!

الجنا...قوٌاد الهوان...!!في صدرك...و ناوي غدرك!

الراجل كان دارِك نَجٌسِك...و كان أبَاكِ مَغٌصِك!!!

طَفيت نيرانو و مَليت مصرانو..قلٌل معاشي و هجر فراشي!!!

[/QUOT
ممكونة اشرحى ماتحته خط
تانيا
طَفيت نيرانو و مَليت مصرانو..قلٌل معاشي و هجر فراشي
دا شكلك نجرتيهو براك
لانه كلام زولة ممكنووووووووووووووووووووووونة
:D :D :D

[طارق الحسن محمد]

دكتورة أم راشد

تحياتي

أن الأمثال الشعبية

هي حكم توارثنها عن أجيال سبقت

وفي الفترة الأخيرة قل الأنتاج

ونود أن نضيف ،

وأن كان بعضها ربما كانت كلماته


فيها كثير من المشاترة

ومع ذلك تظل وتبقي أمثال وحكم شعبية


((المشتهي الحنيطير يطير)) ((((المشتهي لوبة عفن أندفن))))

(((( الشقي بعترن ليهو بيضاتو )))

((( غلفا وشايلة موسا تطهر )))









(((((قمل أم كنفوس بكتلو بي ضري البيت ))))


ا ((( القاصدك يحدر ليك في الضلمة )))

(((( هدوها من الدواحة رقدت خلا ))))
((((( السكران في ذمة الواعي )))


(((الكلام بالخيوت والسفر بالبيوت )))

(((( الحمار ولد عشان يرتاح )))



وأن شاء ألله نرجع


يديكم العافية

دكتور سيد
اشرح ماتحته خط
اما باقى الكلام ( المشاتر ) واضح
اما المشى بالبيوت والكلام بالخيوط
حسب اعتقادى هى نبوة
فرح ةد تكتوك بالقطار او العربات
والتلفون
مودتى

[طارق الحسن محمد]

:D شنو يا شباب ...
كملتوها كلها ...
يعني الواحد يطلع منه سايييييييييي بدون مثل

لا والله
يا فيها
يا نجوطا ليكم :D :D :mad: :p

أها هاكم دا:

الحسنة في الملعون ذي الشكر لي حماد

والخيل تجقلب ذي الشرا في القندول
الـــــــــــ طيب
طيب الاسماء
عشان ما تجوطنا ساكت
بيقولو
يا فيها يا نفسيها
اوك :D
مودتى لك

[طارق الحسن محمد]

شهرا ما عندك فوقو نفقة ما تعد ايامو

[صلاح الحاج]

الشاطرة بتغزل برجل حمارة

الناجحة من عشها زوزايا

التركى ولا المتورك



(ومن الامثال العربية )


عش رجبا ترى عجبا

العلى راسه بطحا بيحسس عليها

[Dr. Mohammed Hassan]

دفن الليل اب كراعا برة

سيد امي بي سيده

البباري الجداد بودي الكوشة

ومشتاقين يا دوك

[سارة]

سلام يا حلوين دا مثل انا قاصدة بيهو زول ولا زولاية هنا :D والفى راسو بطحة

يطبب عليها

المثل بقول:-

الرميتو ما خنقتو تورور لى الواقف :p

[نزار حسن علي]

وليدا ما وليدك ما بقول ابو

وجني البعشوم ما بوالف حتي كان جريو ربو
( البعشوم دي في ناس كده لو سكروهم ما بعرفوا معاناها شنو)

ودقي يا مزيكة

[طارق الحسن محمد]

سلام يا حلوين دا مثل انا قاصدة بيهو زول ولا زولاية هنا :D والفى راسو بطحة

يطبب عليها

المثل بقول:-

الرميتو ما خنقتو تورور لى الواقف :p

حبوبة
اشرحى :D :D

[شوقي بدري]

آسف للتأخير ام الاولاد عندها مثل بتقول

الببارى الجداد بودى الكوشه والببارى الغنم بتحك بالحيطه

من الامثال التى تعجبنى

اولاد ام خير اخيرم خير والخلا أخير من خير .

وبمناسبه اللعوت الذى ورد ذكره المثل يقول

ما بنقبض , جنيه فى لعوته

(( اللعوت شجيرات تنمو فى شكل اغصان تنبت من الارض بدون ساق يصعب المرور بينها . ))

لاختنا ممكونه نضيف لمجموعتها العظيمه المثل بيقول

سجم الدلكته وادانى عنقرتو

عن الكعوبيه يقولون

او ل كعوبيه العرقوبيه . تانى كعوبيه العزوبيه . ثالت كعوبيه اخد المره بلا نيه . رابع كعوبيه الحس عالى واليد خليه .

(( العرقوبيه .. عدم وجود الدابه ))

(( الحس عالى .. بمعنى الاسم معروف ولكن الفقر حاصل ))

لكم التحيه

[بابكر مخير]

شوقي؛ كان جدنا بابكر بدري قد إشتهر وسط أهله الرباطاب ومن طبيعة أهل الريف حين يكون له قريب في الحضر، يعني ذلك المنزلة مؤمنة وعليه كان يقصده العديد من أهله وقولته في هذا: (إسم كبير مسئولية لكن اليد خوية) وأُذكرك مثل عمتك مدينة الشهير الذي كانت تكرره دوماً (ود المضوي أكان بضوي، كان ضوى خشم بيت أمو)

[mamkouna]

الجنا...قوٌاد الهوان...!!
ممكونة اشرحى ماتحته خط

طارق..
الجنا..هو فلذة كبدك... أو جنا الحَشَا..
قوٌاد...هو إسم الفاعل من (( قاد..يقود..فهو قائد و قوٌاد ))
الهوان...هو الذل و الإهانة و التحقير و غيره من أصناف سوء المعاملة.

المقصود من المثل أن بعضهن يضطر لإحتمال ما لا يُحتمل من أجل عيون الأطفال و فلذات الأكباد.

فهمتني؟؟؟!!

[بابكر مخير]

شوقي الوداك الرآي العام شنو؟آسف للتأخير ام الاولاد عندها مثل بتقول

الببارى الجداد بودى الكوشه والببارى الغنم بتحك بالحيطه

من الامثال التى تعجبنى

اولاد ام خير اخيرم خير والخلا أخير من خير .

وبمناسبه اللعوت الذى ورد ذكره المثل يقول

ما بنقبض , جنيه فى لعوته

(( اللعوت شجيرات تنمو فى شكل اغصان تنبت من الارض بدون ساق يصعب المرور بينها . ))

لاختنا ممكونه نضيف لمجموعتها العظيمه المثل بيقول

سجم الدلكته وادانى عنقرتو

عن الكعوبيه يقولون

او ل كعوبيه العرقوبيه . تانى كعوبيه العزوبيه . ثالت كعوبيه اخد المره بلا نيه . رابع كعوبيه الحس عالى واليد خليه .

(( العرقوبيه .. عدم وجود الدابه ))

(( الحس عالى .. بمعنى الاسم معروف ولكن الفقر حاصل ))

لكم التحيه

الحبيب شوقي
إتذكر كلام أم الأولاد وإستغفر
مع حبي ومودتي

[نادر محمد]

ام راشد تحياتي

مغرم انا بالامثال...

ولي حبوبة خفيفة الظل لها الرحمة عمقت من غرامي...

(الهامل بي جيب موية برودة)

(علي شناتو قامت ليهو سنة في لهاتة:p )

(البلمو النمل يطاهو الفيل)

(ناس البكا صبرو والجيران كفرو)

(الما بكابس يصبح يابس:cool: )

(بليلة مباشر:) ولا ضبيحة مكاشر:mad: )

(عيب الزاد ولا عيب سيدو)

(ام العشرة ماتت تحت ضل شجرة)

(ضربني وبكا... سبقني واشتكا:confused:


ولي عودة...

[elmhasi]

أمثال نوبية مترجمة ..


البقع براهو ما ببكي ..

البشيل حجر تقيل بشيل برأسو ..

[طارق الحسن محمد]

مثل اريترى ومعذرة
لعفونته
المستعجل يكمل خراه ظراط
:eek:

[elmhasi]

طارق..
الجنا..هو فلذة كبدك... أو جنا الحَشَا..
قوٌاد...هو إسم الفاعل من (( قاد..يقود..فهو قائد و قوٌاد ))
الهوان...هو الذل و الإهانة و التحقير و غيره من أصناف سوء المعاملة.

المقصود من المثل أن بعضهن يضطر لإحتمال ما لا يُحتمل من أجل عيون الأطفال و فلذات الأكباد.

فهمتني؟؟؟!!

ممكونة

سمعت المثل ده برواية تانية ..

الجنا قيد هوان .. أي رباط .. والله أعلم ..

وبقولوا عندنا :

سنوية حبل واسوق .. أي السنة بتنتهي بمجرد ختت الواسوق ..
ويضرب هذا المثل في الخصام .. والصبر علي الشدائد ..
كأن يقول لك يا زول أصبر عليه .. سنوية حبل واسوق .. ومعروف أن الزراعة تبدأ بالواسوق ’’ وهي كلمة نوبية ‘‘ لألة الزراعة التي ترفع بها حيضان الزرع ، وبعدها تكون عملية الزراعة علي السقاية .

[omrashid]

يا سلام يا شباب مستمرين في البوست

والداير تهري اسكت خلي

[أمير عمر]

** السواي ما حداث

** الكلب بريد خانقو

** تسويه كريت تلقاه في جلدها .... (طارق الحسن ... أشرح دا بليز لو ماكان غلط):D

.......

ومشكورة يا أم راشد

[أمير عوض]

دة حاجة بسيطة للاخوة محبى الجمال
قالو السمح سمح لو زرعو عشر يقوم قمح
والشين شين لو زرعو قروش يقوم بالدين:p