سنة أخري في عمر مديد إن شاء الله يا بابكر مخير... [الأرشيف]

مشاهدة النسخة كاملة : سنة أخري في عمر مديد إن شاء الله يا بابكر مخير...

imported_خالد الحاج

24-11-2008, 06:15 AM

نوارة فريقنا ..بابكر مخير..
الزول النفحة الطيبة .. ورشة العطر..
نسمة صيفنا وأخونا الكبير مقاما بابكر مخير
كل سنة وإنت طيب يا زول يا جميل...http://sudanyat.net/hageeba/sudanyat.net.ss046.wma

imported_مواطن

24-11-2008, 06:29 AM

نتـنافـس جميـعـنا في حب هـذا الوهـاج بابـكـر مخيـر ، وبصـراحـة كنـت أخـطط أن أكون أول من يفـتح بـوسـت تهنئـة لبابـكر ولكن شاءت الظروف أن يسـبقني إلى ذلك خالد وهـو سباق كدأبه.

ألـف ألــف مبـروك بعام جـديـد ووداعاً لعام إنصـرم بكل ما فيـه من أفراح وأتراح والعقبى لمائة عام تكملها بيـن أحبابك .. وباقـة ورد لك يا شفيف.

http://sudaniyat.net/up/uploading/Gift1.bmp

imported_همس الشوق

24-11-2008, 07:05 AM

http://www.majalisna.com/gallery/1739/1739_89713_1153477819.jpg

كل سنه وإنت طيب يا أطيب إنسان

وربنا يطول في عمرك ويسعد أيامك

ناصر يوسف

24-11-2008, 07:10 AM

أيا بن عمي الحاج ربنا يديك العافيه دوماً ويهنيك بأفراحك .. وللزول الجميل والبقلبنا وصفو حقيقةً د. بابكر مُخير سيد القلب الأبيض بقول ليهُ كُلِ سنه وإنت طيب يا رب وعامٌ فائتٌ مليئ بالحُب وآخرٌ قادمٌ يحمل الحُبَ لهُ عُنوان ...

وهي الدُنيا تتمازج فيها الأفراح والأتراح جنباً إلي جنب .. ودعني أُعزيكم في فقد حزب الأمه القومي برحيل د. عبد النبي نسأل الله له الرحمة والمغفره ولكم حٍنُ العزاء

imported_ود البلد

24-11-2008, 07:16 AM

[QUOTE=خالد الحاج;118102]نوارة فريقنا ..بابكر مخير..
الزول النفحة الطيبة .. ورشة العطر..
نسمة صيفنا وأخونا الكبير مقاما بابكر مخير
كل سنة وإنت طيب يا زول يا جميل

[color=#8B0000][size=4]صباح العوافى ...
وأحلى انغام القوافى ....
وأحلى ورده لزول مالى الحته ... وهو مافى ...

سنه حلوه ياعسل ....

بالجنيه ...
دلع صباحى ... الليله بس

imported_فيصل سعد

24-11-2008, 07:19 AM

ينعاد عليك بالصحة و العافية و الخير و البركة يا دكتور يا كمندان ..
كل عام و انت و الاسرة الكريمة غارقين في بحور الستر و الطمأنينة و السلام ..
و المرة دي مالها يا ود الحاج ما فيها جوكر بايظ و كدا :D:D هرشت ولا كيف ؟؟

imported_بدور التركي

24-11-2008, 07:22 AM

انا غايتو فتحت بوست للفرحة والمناسبة الجميلة دى
عايزة افرح بطريقتى
:)

شليل

24-11-2008, 07:34 AM

مشكور يا خال،
كل سنه وإنت بألف صحة وعافيه
عمر مديد وسعيد.

imported_فيصل سعد

24-11-2008, 08:01 AM

WIDTH=400 HEIGHT=350

بابكر مخير

24-11-2008, 08:17 AM

الأحباء
منو فيكن ولا فيكم؟؟ بيجي الأول في ذاكرتي ولا خاطري
ولا منو فيكم الفسحتا ولا حتتو أكبر في قلبي الصغير بالنسبة لي قلوبكم الكبيرة..
إتن وإتو؟؟
جنايا والله الولدتو
لكن بس عاوز أقول ليكم الحقيقة؟؟
مدون "مدينة بابكر مخير" الساعة صفر بداية 24 نوفمبر رسلتني بي مسج،،
خلعتني بالفرحة قبال أتلذذ بالتهنئة...
مبروك يا جدو:eek::eek:
مع عيد ميلادك بزف ليك خبر؟؟
أنا حابل....... وتقرير الطبيب في إيميلك........
دخلتا النت والشفقة والعجلة إتلاشت ما العادة؟؟
بفتح النت عشان أدخل سودانيات ولين حسي يا دوبك ralized أني دخلتا البيت قبال أمشي البوستة أستلم تلغراف الفرح..
لقيت هنا؟؟
زيطا وزمبليطا،،
إحتفالية...
دموعي رقرقت معها..
"الكبر بيخفف القلب وبتقل الكرعيين"
حباني، حبيباتي "حبيباتي دي،،، ما خلاص،،، الحب بقى،، خالى من شرور ومطامع، برئ ولله ما للشهوات"
شكرن ليكم؟؟
العمر ما بكبر مع الوكت بيصغر فترة الحياة
والعمر ذي شمعة لمن تمر الأيام وعليها وتفوت نتتلاشا
والعمر ذي بالة القطن، لما يتردم عليها الحمل ترهف
والزول الكان صغير (ناس إتن وإتو) ذي قالب حديد، قوي ومتماسك وسميك ومع إستمرار الخبط واللبع والدق بيضعف ويفتفت ويتسطح
بتعرفوهو بكرآ، لمن تجيكم الحالة المرضية دي "بعد عمرن طويل وجميل"
زهج دون سبب، إكتائب بلا مبرر، زهج تشيل روحك معاها في راس نخرتك "" أوعك تعطس، بتطير،، هه""
لكم كل المحبة
دمت
كل حبيبة وحبيب

معتصم الطاهر

24-11-2008, 08:46 AM

أول حاجة مبروك لمدون

وانت جاييك بروقة ...

عكــود

24-11-2008, 08:52 AM

كل سنة وأنت "طفل" سودانيات المدلّل
دلالاً تستحقّه و "يلبأ لك"

ألف مبروك لمدّون

شكراً يا خال

imported_منال

24-11-2008, 09:02 AM

أبو الكل
كل سنة وانت طيب

عمر مديد و رأى سديد
http://img.123greetings.com/eventsnew/birth_balloons/1008-012-25-1042.gif

imported_سوزان حمد

24-11-2008, 09:13 AM

http://www.vip70.com/smiles/data/wow8.gif

http://www.vip70.com/smiles/data/wow32.gif

الزهور والوردي شتلوها جوة قلبي
عشان أبوي بابكر غالي عندي

كل سنة وإنت طيب ياأروع زول
وعقبال 100 سنة
وسنة سعيدة عليك إن شاءالله

imported_عادل عسوم

24-11-2008, 09:26 AM

دكتورنا بابكر
حاولنا ننزل ليك أغنية (الباسل بابكر) وما قدرنا :rolleyes::)
المحبة والقبول من ربنا ياغالي ويكفيك حب الناس دي كلها
نسأل الله صادقين بأن يمد في عمرك ويمتعك بتمام صحتك وعافيتك يااااارب
باذن الله قريب نتقابل

imported_أسامة الكاشف

24-11-2008, 09:29 AM

عقبال ما تطفي الشمعه الميه
وربنا يمتعك دائما بنعم الصحه والعافية وراحة البال

imported_منال

24-11-2008, 01:31 PM

http://www.youtube.com/v/1NwZCoMI50c&hl=en&fs=1

ومن البطانة بريدها مووووووووووت ... اظن الداية دفنت صرتى هناك goood

http://www.youtube.com/v/OwjSXfsuhto&hl=en&fs=1

imported_Hassan Farah

24-11-2008, 05:05 PM

"الكبر بيخفف القلب وبتقل الكرعيين"

قلت لى كبرت خلاص وقلبك خف وكرعينك تقلن-- سلامتك يا حبوب وسموك على الحبوب- انشإ الله يا بابكر يجبدك جدك فى خفة الروح وسعة الصدر وطول العمر----

imported_شبارقة

24-11-2008, 05:33 PM

عمَّنا بابكر ود مخير ... متـَّعك الله بالصحة والعافية وراحة البال والطمأنينة ... يا رجل يا طيب

Imported_كباشي

24-11-2008, 06:06 PM

العزيز د. بابكر مخير
كل عام وأنت بخير والعام القادم من علايل البروف للمزالق ومن فتيح للخور قدلة يامولاي حر في وطنك وفي قراره مشارك بين الأحباب باسم وضاحك وجو الضريح الفاح طيبه عابق تهدي للمهدي السلام .

imported_نبيل عبد الرحيم

25-11-2008, 01:22 AM

الحبيب بكرى
كل عام وأنت بخير وبصحه وعافيه

imported_مكي محمد الحسن

25-11-2008, 06:14 AM

الدكتور العزيز بابكر مخير
توقد شمعة ..تطفئ أخري..توقد شمعة ..ت..
الله ينعم عليك بالسعادة والعمر المديد
كل سنة وانت طيب

imported_AMAL

25-11-2008, 10:07 AM

http://sudaniyat.net/up/uploading/784807241.gif
العمر كلو ياسيد المحبة

imported_تاج السر الملك

25-11-2008, 02:33 PM

العزيز بابكر
متعك الله بالصحة و العافية
يالمخير و ما ك مسير
تحياتنا
الملك

بابكر مخير

25-11-2008, 03:23 PM

أول حاجة مبروك لمدون

شكرن الحبيب

وانت جاييك بروقة ...

أقول ليك حا أبقى جِد
تقول ليا جاييك بالروقة...
هو في وكت؟؟؟؟؟
غايتو أريت تلحق، لكن بي تأخيرك دآ!!!
ما ظنيتو;)

بابكر مخير

25-11-2008, 03:55 PM

ديلاloooollooool
خالد الحاج، أخويا الصغير كبير في قلبي لمن ماليهو بالكامل
هاشم طه، أنا
همس الشوق، بنيتي العزيزة الشوق ليها بجاهروبو لكن من خوف العين بيهمسو بيهو
ناصر يوسف، روحي الطالعة ونازلا وحلمي البتمنا يكون حقيقة ملازمني وطوالي معايا
ود البلد، عزيز وغالي وإسمك أحسنتا في إختيارو من واقعك لأنو بيعكس عزتنا، أصلنا وفصلنا
فيصل سعد، أقول شنو ولا شنو ونسيب دي بتجي بعد يكفي أنك فيصل وكل السعادة
بدور التركي، آهااااااااااااااااااااا، دي ياها زاتها، كلي دون إقتسام ولا تجزءا
شليل 07، حبيب وزين كل الشباب وكلامو حكم وقولو يخليك بس تقول نعم
معتصم الطاهر، عمدتنن تاج رأسنا خليني أكتب لين متين لا بيكفي ولا بينصف
عكود، حنين وبفرح ذي بسمتو وليهو قلب ذي حق أماتنا الزمان
منال، منو البيتختا في خانتا ماهي برآها قداااااااااااام وبعيدة المنال
شيرين، نوارة حلتنا ضوايتنا حارتنا قمرنا وشمسنا برااااااااااااااااااانا
عادل عسومي، شيخنا العالم في الفقة والعلوم والتعامل النقي الحضاري
أسامة الكاشف، وليدي الحبيب جانا وجاب لينا سطور حروفها نور وكلمتها عطور
حسن فرح، شقيقي قبال قريبي حسنته انه هو ظاتو لانو هو الحُسن والفرح
شبارقة، عزيز، غالي وحبيب تمنيت دوما يكون عندي معارف متلو
كباشي، وصفه ما بيحتاج سطور رقة في التعامل بيعرف يفرض عليك تحترمه لأنو بيجيد الإحترام
نبيل عبد الرحيم، عظيم بي إرثو وعزيز بي نسبو وعندو ست حبيايب هي ستنا كلنا
مكي محمد الحسن، جذور راسخة، أصل تليد، خلطة المستقبل مع الماضي
آمال، أمل ونظرة لي قدام والماضي عندها أصل متجسد ومتجدد حق أُمات وحبوبات
تاج السر الملك، تاج متحكر في راس كتاب الكلمة الحلو وعندو سرها ومالكها..
ليهم :D
عظيم التشكرgoood
كونهم متذكرني..........

Ismat

25-11-2008, 04:02 PM

الف مبروك..
وانت لا تزال فى ميعة الصبا ونضار الشباب...
طبعا شباب الذين عبروا منذ سنوات بوابات الخمسين...والان مداخل الستين...وما بعد الستين..
وستصبح جدا عنما قريب.يا حبيب...
الف مبروك...ومزيدا من العطاء

معتصم الطاهر

25-11-2008, 04:07 PM

الحبيب مخير

يا زول دا حالتو خبر ساى ..داير يجيب خبرك ..
دحين كان جاء ولد و انحلت البنية بالسلامة و سمتو بابكر ..دحين بتطش بالخلا ساى ..؟؟؟

أها

جدو عديل ...
الله يجيبكن يا نسايم و بسملة ..

imported_الجيلى أحمد

26-11-2008, 07:00 AM

العزيز مخير

صباح الخيرات

عمر مديد
ملؤه الحب والعطاء والهناء
وراحة البال
كل سنة وأنت طيب

imported_خالد الحاج

26-11-2008, 06:43 PM

شكرن الحبيب

أقول ليك حا أبقى جِد
تقول ليا جاييك بالروقة...
هو في وكت؟؟؟؟؟
غايتو أريت تلحق، لكن بي تأخيرك دآ!!!
ما ظنيتو;)
لووووووووووووووووووول :D:D:D

بابكر مخير

26-11-2008, 09:50 PM

الحبيب عصمت
شكرن ليك ويا زول إتا قرببببببببببتا لينا
أنا حسي بشوف ليا طريقة أقيف بيها على كدآ
وبستني أشوف لمن إتا وخلود تلحقوني واقعد أتفرج عليكم:D:D
الحبيب الغالي الجميل الجيلي
الثقيلا في حكاية عيد الميلاد، تذكرك أنو عدد سنينك كتر
وباقي أيامك قصر،،
لكن تهنئتك دي فرحتني بالمعادلة المحزنة دي

imported_nagwa

30-11-2008, 06:48 AM

كل سنه وإنت طيب وبصحه وعافيه
اارب السنة الجاية تكوون حققت كل الاماانى الجميلة

بابكر مخير

30-11-2008, 08:14 AM

كل سنه وإنت طيب وبصحه وعافيه
اارب السنة الجاية تكوون حققت كل الاماانى الجميلة

الحبيبة نجو
عليها مشكورا
ومنك مقبولا
إن جات حسي ولا بعد ما مشينا
..
قلتي ليا السنة الجاية؟؟؟؟؟؟؟؟؟
....
يما جيتي بلتهليل والتبشير
بعد ما خلاص حضرنا ال wheel chair
حبوب السكر وحبوب الضغط وواحدات للتنشيط بعد التكسير...
شكرن ليك الحبيبةloooollooool
وعقبال في المية بتاعتك، شايلها صحة وعافية

imported_أشتر

30-11-2008, 08:30 AM

بابكر مخير

30-11-2008, 08:44 AM

طبعن انا بدخل مطشش وبطلع كذلك ...
واحيانا بكعبل كوعي بوعي:D
ولو كتبنا ليك كلام كتييييييير برضو بنقصر ...
لكن الحواس شغالة مع فوضى تعتبر نوبات اسنثنائية (اتذكرت هنا احلام مستغانمي سامحني)
أيها الرجل ... (الكلمة دي املا بيها خشمك وصر لي عيونك صرة تحدي عليك الله)
ويا ريتني اقدر اقول فيك الكلام الما انكتب
واجلي المقاطع بالدهب
وافرد صباح حسنك وشاح ...
كل يوم وانت بخير
وكل صباح فيك الخير ...

الحبيب أبو العقل
لو خليت مربع الكتابة فاضي
صورة المربع الأحمر بتملى لي قلبي وفؤادي
شكر وكتير الإمتنان ليك يا سلاحي في وجه الأعادي
ما ياك العكازة والركازة الوكت الحوج ليها الخلق بنادي
..........
شكرن لي كل حرف وكلمة منك
يا سيدي، سيد أسيادي

imported_بدور التركي

30-11-2008, 08:44 AM

http://sudaniyat.net/up/uploading/Untitled-1.gif

بابكر مخير

30-11-2008, 10:02 AM

http://sudaniyat.net/up/uploading/Untitled-1.gif

شمعتي ذبلت

WIDTH=400 HEIGHT=350

شمعتك يما

http://sudaniyat.net/up/uploading/bdur.png

imported_بدور التركي

30-11-2008, 10:27 AM

شمعتى
وحيدة
فى ليل
دامس
ما انطفت..

بابكر مخير

30-11-2008, 11:18 AM

شمعتى
وحيدة
فى ليل
دامس
ما انطفت..

نلحق نضرب
999