قهوة النشاط ! [الأرشيف] - الصفحة 4 - سودانيات .. تواصل ومحبة

imported_أبو أماني

07-06-2009, 05:47 PM

عيد ميلاد سعيد ابو اماني
كل سنة وانت طيب
....
النكتة دي قديمة اي نعم بس عاجبة ريم شديد.
مسطول جاي دار الرياضة ومتعود يقرا في السبورة اللاعب منو, يوم دخل الدايات بالغلط لقى مكتوب التطعيم ضد الجدري. قال: ناس شداد ديل جنو؟ الفرق الاساميها غريبة دي جابوها من وين؟
.....
مسطول (واحد تاني ما الاولاني) طلع من السجن ومشي الخانه للمعلم وقال ليهو لي ستة شهور في السجن داير لي سيجارة تعوضني الفات. المعلم قال ليهو طلبك في. بس علي شرط اوعك تستحما بعدها. صاحبك مشي ظبط سيجارتو وقام نسى. دخل الحمام يستحما. طوالي ربطت ليهو في راسو انو سطلتو فكت. وانو الزول ده غشاهو في الصنف.. رجع من دربو داك بدون ما يلبس هدومو. مشي للراجل يشاكلو. اثناء الشكلة جا زبون واتدخل بيناتم وقال: اسمع داير لي سيجارة كاربة كدة ماحصلت. رد المعلم وهو بيأشر عل المشاكلو: دايرها كدة ولا بي لباس.

إنتو الحكاية شنو يا جماعة ...؟ قصتكم شنو مع المساطيل؟؟ طييييب وكتين كدي .. هااااكم.. واحد مسطول ماشي مع زميله وصاحبه مسطول معاه بعد المغرب كده .. جاء حجر من وين ما تعرف فلقو .. وكب دم .. في جبهته .. يضمد في الجرح بالمنديل لما وصل عمود نور وقف وقال لصاحبو يوريه الفلقة .. قال ليو .. شوفها كبيرة ولا صغيرة .. صاحبه المسطول عاين في الجرح بتمعن طبيب جراح وبعد مسافة قال ليو .. والله معقولة .. فرد عليو الأول .. بتحرقني؟

مسطول تاني .. ما (الأولاني داك).. ليلة زفافه ساطل سطلة من أبو لستك .. اليوم كله داخل مارق يوزع في الإبتسامات ويقلد ده والضحك مجانا اليوم داك .. لحدما جاءت السيرة والعروس والحفلة قجت والتباشير والزغاريد والراجل قاعد جمب العروس مسلطن وما ناقش غير الفرحة السبب شنو ما عارف .. الساعة حداشر الحفلة فرتقت .. وقف مع أهل العروس لما اتلملموا وركبوا الباص .. ودعهم .. ولما دخل غرفة النوم فوجئ بوجود نصيبة لابسة أبيض مدمدمة وقاعدة في السرير الدبل .. ضرب يد بيد .. وقال .. الللللللله .. الجماعة ديل بلخمتهم دي أنا كت عارف حينسوا ليهم زول هنا ..؟؟؟ وبستحق بعد ده اقول ليكم ...

ودقي يا مزيكا ..goood مع الإعتذار للقائد نزار ... goood

imported_نزار حسن علي

07-06-2009, 05:49 PM

سودانيات
بحبكم بحبكم بحبكم

imported_أبو أماني

07-06-2009, 06:00 PM

سودانيات
بحبكم بحبكم بحبكم

بحبكم بحبكم بحبكم .. ما تحبنا كان تحبنا .. حبتك (قبورة يايابا) .. ويعني شنو كان بتحبنا ؟؟ ما نحن ظااااااطنا بنحبك موت ومكسرين فيك كمان وفي نكتك الكطعت مصارينا بالضحك .. هوووي آ أ أ أ نزار أخيرلك .. والله المها فيك أحكي ليك نكتة أخلي ليك روب س تشتغل راب ولا ميلودي .. عشان ما تقول لي .. و .. ودقي يا مزيكا ..

خلينا في الجد أحسن .. والله يا نزار .. حبنا ليك .. لو قلنا بنوصفه نكون كضبنا ..وبنسرق الضحى الأعلى كمان .. ثبت عندك ..؟؟؟ يلا يا بوص لو إقتنعت بكلامي ده أحكي لي نكتة فروم ذا هاوووس أوف ذا كلااااوي .... باااااي! gooodgooodgoood

imported_ابوريم

07-06-2009, 08:28 PM

ابو اماني
الله يجازي محنك
ريم عجبتها النكت...وبتقول ليك نكاتك حلوة ومضحكة
تحياتي

imported_ابوريم

07-06-2009, 08:47 PM

ابو امانب الظريف!
أبو ريم ظاهر عليك ترباية حبوبات زي أخوك كده .. والله بسطتني جد وشمتني في السمحات ديل .. قلت لي حبن يقوم .. وييييييين ؟؟؟ لا ترفع إيدك لا تقدر تنزلها؟ كدي ووووب وكدي وبييييين؟؟ يا أخي والله جماعة أمال ديل .. إتهازؤا بشكككككل !!! أيه قولك في الإقتراح ده الشباب الداقسين ديل جماعة الألفية التالتة عظموهن ودلعوهن بقولة (جيكس) حقوا نحن ننزع منهن اللقب ده ونغيرو بالحبن .. يعني الواحد يقول لأخوه .. والله الحبن بتاعي اليومين ديل قائم على قومة .. ولا مورم ورم .. ولما تكون الواحدة حلوة .. زولها يقول ليك .. يا أخي حبني والله قنطار شاش ما يعمل فوقه حاجة .. حبن كارب بشكل .. وأنا مثلا أنادي أم أماني في ساعة صفاء .. واقول .. تعالي يا حبن حياتي .. (الساكن أباطي) .. ولا بصفتي شاعر وكده أعمل ليها معلقة طائية .. مطلعها يقول .. يا حبيبي يا ملك الغلاط .. يا المسكنك تحت الأباط ..!!! ها..ها..هااااي..حلوة؟ عجبتكم.. أحكيها ليكم من الأول؟ أمشوا يا بتوع ال.. الل..ابا.. ط .. ات ..!!
تعرف عشان كدة الوسطية اخير منها مافي.
النكد وما ادراك ما مزاج النكد تقول بياخدو فيهو دروس عصر. دة غير صرة الوش من الصباح لمان يقرب يقع...
عندي ليك نكات كاربة بس بتودي البوست خور ابوعنجة. بتجيك في الخاص.
مواصلة للمعلقة لامرؤ الابط الحبنني
ياحبني يامورمني ومطلع عيني
من كتر اشتياقي اسكنت في انسب مكان فاضي تحت من اباطي
تخريمة
ريم بتقرا في نتائج المباريات :بنين ضد السودان
قالت لي السودان بنين ولا بنات
هييييي يكا

imported_نزار حسن علي

08-06-2009, 05:49 AM

سيد الوجاهة
صباحك فرح وسعادة وكل المعاك
بعد ابواماني في زول لو جبنه اسمو الهوي بيقسمو خايفين عليهو من الحسد
صباحك خير وفرح وسعادة ورحمه وفرج يا رب
سودانيات الحلوييييييييييييييييييييييييييييييييييييين صباحكم خير وفرح وسعاده
عندنا نكته كاربه وجديدة لنج جايه من السودان لزول عزيز الا يقول لية احكيها منتظر الإذن
مودتي بلا حدود

imported_rubs

08-06-2009, 12:25 PM

أبو ريم ظاهر عليك ترباية حبوبات زي أخوك كده .. والله بسطتني جد وشمتني في السمحات ديل .. قلت لي حبن يقوم .. وييييييين ؟؟؟ لا ترفع إيدك لا تقدر تنزلها؟ كدي ووووب وكدي وبييييين؟؟ يا أخي والله جماعة أمال ديل .. إتهازؤا بشكككككل !!! أيه قولك في الإقتراح ده الشباب الداقسين ديل جماعة الألفية التالتة عظموهن ودلعوهن بقولة (جيكس) حقوا نحن ننزع منهن اللقب ده ونغيرو بالحبن .. يعني الواحد يقول لأخوه .. والله الحبن بتاعي اليومين ديل قائم على قومة .. ولا مورم ورم .. ولما تكون الواحدة حلوة .. زولها يقول ليك .. يا أخي حبني والله قنطار شاش ما يعمل فوقه حاجة .. حبن كارب بشكل .. وأنا مثلا أنادي أم أماني في ساعة صفاء .. واقول .. تعالي يا حبن حياتي .. (الساكن أباطي) .. ولا بصفتي شاعر وكده أعمل ليها معلقة طائية .. مطلعها يقول .. يا حبيبي يا ملك الغلاط .. يا المسكنك تحت الأباط ..!!! ها..ها..هااااي..حلوة؟ عجبتكم.. أحكيها ليكم من الأول؟ أمشوا يا بتوع ال.. الل..ابا.. ط .. ات ..!!

اهاههاها والله دى :D:D:D بى صراحه من غير هدنه وشكل ,عجبتنى لمن قطعت مصارينى بالضحك الله اجازيك يا ابو امانى :D ياخى نزار بفتش فى نكت الساطيل ليه ما المسطول فاعد معانا هاهاهاها

imported_rubs

08-06-2009, 12:31 PM

والله يا روبى .. مش أمال البوص بتاعكم؟.. ومجلس الوزراء بيتكون منك وتحفة وسارة لكين صدقيني ما بخاف من واحدة فيكن وأعمل حساب عيلا ليكي إنتي.. بصراحة كده إنتي ياروبس خترية بمعنى الكلمة .. هسع دي أمانتن في ظمتك عاوزة تدردقيني أقول ليك لون (جضومي) يعني عشان سايرت الموضوع وكتبت أزرق تقومي تكنكشي في كلمة كتبتها على الماشي ساي؟ طيب أيه رائيك لو قلت ليكي .. هن أول شئ ما جضوم .. حقاتي ديل خدود راسها عدييييل .. أما الجضوم دي والتلاليش والذي منو .. فبتلاقيها على قفا من يشيل عند ناس .. هناي وهناي وهناي ..ديك ..أنا مابقول أسماء عشان ما يقوموا يزعلوا مني بس لانك خترية جد أكيد بتكوني عارفة براااك .. هوووي .. يا روبس .. بطلي الخناتة .. أسع دي أنا جبت سيرة عادل عسوم وشبارقة وشليل ..؟ عليك الله ما تلخبتي الكيمان وتسويها فيني .. عالم بتاعة مشاكل بس! صدق السماكن (شنكبة عنكبة)..
وأكان لحكاية العمر .. إتي لازم تحكّيها لامن تجيب الدم يعني؟ .. أفرض إنطسيت في نافوخي وقلت عمري الحقيقي 38 سنة بس .. وأكلت لي سنتين يعني في ظمتك دي سنتين شن طعمن؟ سنتين خسارة فيني ولا خسارة فيني؟ .. كمان جاراها لي قطر .. كاااااااااااااااااااااااااااااااام ؟ ما تفوتي! .. البت تقول (قومسيون طبي)..!.
عموما شكرا على التهنيئة الظريفة ..وعقبال عيد ميلادك يا ست الحسان .. تشاوووووو goood goood goood
اسمع يا ابو امانى خلاص انا اعترفته انك سمح ومكمل السماحه ومبسووووووووووووووطه بانى انشالله فى القريب العاجل جايه السودان وحازوركم فى البيت وما تخاف ما حادحش فيك زى جارتك ديييك باخد لى تطعيمه بتاعت تتنس واجى اسلم عليك فى بيتكم اها رائك شنو ؟؟؟ طبعا اكيد موافق على خيرةالله بكلمك قبليها بى 5 دقائق تمام ..

imported_rubs

08-06-2009, 12:35 PM

[QUOTE=تحفة حوا;148797]أبو أماني يا سيد الوجاهه والقيافة
يا الكلك ذوق ومكمل اللطافة
وخلي الباقيين غيظا يموتوا
وكان ما عجبم يمشوا يفوتوا
وقشة ما تعتر ليهم
ونملة ما تحمر ليهم
بس ما كلهم
الظريفين يفضلوا ويتفضلوا
ومحبة خالصة ومن غير بعر

[color=#8B0000][size=4]هووووووووووووى يا تحفه قلبى حاسى انو دا ماااااااااااا كلامك يابت انتى بقتى تسطلى ولا شنو ؟؟اها عشان نريحك احنا مع البعر معانا ولا مع البعر looool

imported_rubs

08-06-2009, 12:40 PM

سيد الوجاهة
صباحك فرح وسعادة وكل المعاك
بعد ابواماني في زول لو جبنه اسمو الهوي بيقسمو خايفين عليهو من الحسد
صباحك خير وفرح وسعادة ورحمه وفرج يا رب
سودانيات الحلوييييييييييييييييييييييييييييييييييييين صباحكم خير وفرح وسعاده
عندنا نكته كاربه وجديدة لنج جايه من السودان لزول عزيز الا يقول لية احكيها منتظر الإذن
مودتي بلا حدود
اها يا نزار احكى مرتضنا وعذبتنا انت اظن كان ما حكيتها ب... المهم احكى لكن حسك عينك تكون ذى دييييييييييييييييييييك عشان كان بقت ذيها واطاتك اصبحت وبتشوف برااااااااااااك :mad:
اها انا قاااعده اسمع احكى :mad: الليله خليها تطلع ما سمحه

imported_rubs

08-06-2009, 12:47 PM

سودانيات
بحبكم بحبكم بحبكم
:eek: الاخ مالو ....ابو امانى صحبك حصل ابو المجتبى ولا شنو ؟؟؟ الحق يا ابو امانى اصلا هى بتبدا كدا والله ذى الجات لى جماعتكم .. عشان كدا بحززززرك يا ابو ريم عشان الجماعه ديل ما بعرف بحصل ليهم شنو هنا طوالى ببدو حلوييين وبعدين بطشو شبكه اعمل حسابك

imported_أبو أماني

08-06-2009, 05:19 PM

ابو اماني
الله يجازي محنك
ريم عجبتها النكت...وبتقول ليك نكاتك حلوة ومضحكة
تحياتي

والله لاكين يا ابو اماني .. بايضة ليك في قفص .. معقولة بس يتكسرن فيك بنات حواء كلهن؟ والحالة سمعوا بسماحتك سمع سااااكت ..امال لو شافوك ..إنشاء الله يوم شوفتك ما يجي يايابا! حتي كمان البنات الدقدق الحليوات يفتحن لملك النكات المشير نزار .. ويعجبن بيك؟! يا أخي والله أنا تحفة .. عديييل كده .. ما تحفة دي .. تودونا في داهية كمان !! .

ريم .. ريم .. أسمعيني يمة .. عشان ظرفك ده وذوقك الرفيع ده ..أهديك نكتتين بس إنشاء الله تعجبك .. وما تعجب بابا .. أصلي عارف ذوقه ..
الأولى :-
الشافع شمشار زي أمو .. واليوم داك جات لأمو صاحبتها وجارتها في زيارة .. استقبلتها الام بالحضن والقداديم العلي الطائر حقت النسوان البسون فيها ديك .. الواحدة تخمش صاحبتها من رقبتها وتمطق ليها بصوت فرقعة عالي بالخد اليمين والشمال ..وإبتسامة مشرورة زي سندوتش الفاصوليا برغيفة توستة ..وفي سرها .. دي اسع الجابها لي شنو ؟؟ وقعدت في الصيلون وخلت الشافع قاعد معاها .. ودخلت المطبخ تجيب ليها عصير والشافع مرقت أمو وقف على حيلو وقعد يبحلق في وش المرأة ويلف ويدور حولها .. الضيفة إتوترت .. حمادة .. مالك بتسوي كده بتعايين لشنو؟ .. تصوروا الشافع رد عليها بصوت الممثل بتاع الهمبريب البقلد صوت الشفع داك وقال ليها ...
- حالتو .. يا حالتو وينو وشك .. التاااااني ؟
- (مستغربة)... وشي التاني كيف يعني ..؟
- وش وش وششششك التاني ما جبتيو معاك ليه؟
- يا ود ده كلام شنو؟
- أنا عارييييييف ..؟ ما أمي دالت إتي عندك وشين!
* * *
رباطابي وشايقي..ملحوزة.. النكتة حكاها لي سنجك وشلاخو لا وراء .. ممنوع زعل النسابة! بتونس مع صاحبه عن الغربة وعذاب الغربة ومآسي الغربة .. وختم حديثه قائلا ..والله يا احمد والله الغربة دي من شدت ما صعبة بلحيل .. الواحد كان لقى ليو شايقي (ييخاويه)!!!!
* * * goood goood goood
تسلم ريم .. والجابوها كمان .. باي ..

imported_أبو أماني

08-06-2009, 05:26 PM

اهاههاها والله دى :D:D:D بى صراحه من غير هدنه وشكل ,عجبتنى لمن قطعت مصارينى بالضحك الله اجازيك يا ابو امانى :D ياخى نزار بفتش فى نكت الساطيل ليه ما المسطول فاعد معانا هاهاهاها

أقبض .. شفتو؟؟ ما قلت ليكم البت دي خترية .. أها أسع دي عرفتني كييييييف؟؟؟
goood goood goood

imported_أبو أماني

08-06-2009, 05:52 PM

اسمع يا ابو امانى خلاص انا اعترفته انك سمح ومكمل السماحه ومبسووووووووووووووطه بانى انشالله فى القريب العاجل جايه السودان وحازوركم فى البيت وما تخاف ما حادحش فيك زى جارتك ديييك باخد لى تطعيمه بتاعت تتنس واجى اسلم عليك فى بيتكم اها رائك شنو ؟؟؟ طبعا اكيد موافق على خيرةالله بكلمك قبليها بى 5 دقائق تمام ..

أها بعد ده رائكن شنو يا ناس امال وتحفة وسارة وباقي العصابة ؟.. أعقل واحدة فيكن إعترفت بعضمة لسانها بسماحة أبو أماني والحالة لسع ما شافتو .. (إنشاء الله يوم شوفتي ما يجي يايمة) ومادام روبس المرشح الأول والآخير لرئاسة شنكبة عنكبة بعد الفشل الذريع للرئيس (السابق) أعتقد ما في كلام تاني ..غايتو ..المحيرني (البيقنع أم أماني شنووووو؟)

ملحوزة على طريقة الحبيب تكعيب :
لما عاوزة تزورينا بدل خمسة دقائق خليها خمسة يوم عشان أجهز نفسي بالميك آب وكده .. ما تفهميني غلط وتتضاحكي بخباثة .. ما عاوز أفاجئك بجمالي الطبيعي أصلو يا بت أمي .. لا يقاوم .. وبصراحة كده أنا بخاف من .. ال .. الف.. الفتنة وكده !! هيييع أبو ريم قولك شنو؟ ما جضمتهن ليك .. أأديييل كدي؟؟؟ مقهيييين تعاينوا فوقي لمن قهوتكم الجابوها بردت المرض اللللللل .. يا بت .. أماني .. جيبي لأبوك البخور ده ..بااااااي !!!

imported_ابوريم

08-06-2009, 08:46 PM

ياروبس قلتي شنو؟
بحززززرك يا ابو ريم عشان الجماعه ديل ما بعرف بحصل ليهم شنو هنا طوالى ببدو حلوييين وبعدين بطشو شبكه اعمل حسابك
ماتخافي علي عمك...(شبكتنا الثريا)
....
ماس تسمية تأبط شرا بهذا الاسم؟
الحبن حقو مشلخ لا ورا
تم تررم تم تم تم
....
ابو اماني. نكتك في السلك خصوصا التانية..(...في حشاي)
ريم نايمة. بكرة ان شاء الله بتقرا النكت وترد عليك.
....
نزار
مالك شغال في الجماعه....ارسسسسستن؟
ماتهابي. رش.

imported_نزار حسن علي

09-06-2009, 05:37 AM

سيد الوجاهة الفايته الحد
صباحكم عسل والمعاك والحواليك وكل البحبوك والبعرفوك
كم مرة نعيد الكلام في زول لو جبنا اسمو الهواء بيقسمو
صباحك خير وفرح وفرح وسعادة وان شاء الله الصحة ليك نعلات يا رب
ابوريم
صباحك خير وفرح قلنا الهدنه الناعمة مع ناس كدا بتنفع ام ناس...و...... الله غالب
امال
صباحك عسل شوقنا ماسورة محلوجة
باقي الحلوييييييييييييييييييييييين صباحكم خير وفرح وفرج
مودتي بلا حدود

imported_عبد الجليل سليمان

09-06-2009, 10:25 AM

أبو أماني :

حضور بهي يرفل في وسامة ساطعة وبادية للرشق والعيون، زارنا (شعراني) وأنا في مقر صحيفة – حكايات- قبل يومين، شعراني قال لي: لم أتصوره بهذه الوسامة والبهاء والشباب، لكن ما أدهشني في مدير (مقهى) النشاط ليست أناقتة و وسامته – الظاهره- بل ما أختبأ في داخله من جمال مهول – تحدثنا عن تجربته في الحياة – الهجرة والعودة – و تسرب الأحلام وتحققها- وعن (أماني) التشكيلية والكاركاتيرست، إبنته التي يحبها حد الجنون، وقال: عدت من الغربة من أجلها/ دون خيل أو مال:
لا خيل عندك تهديها ولا مال
فليسعد النطق إن لم يسعد الحال

كان سعيدا (نُطقة)، وفي حاله أيضا، وظل على صهوة جواده صافنا في مكتبنا زهاء 30 دقيقة – مذهلة، ثم غادرنا، ولا زلنا نحلم بعودته الوسيمة مرة أخرى، ...... إنه ابو أماني
ولولا أن (شعراني) قال لي .. إترك لي بعض كلمات وجُمل لأكتب عنه، لإستفدت ذخيرتي، وزخيرتي أيضا.

imported_نزار حسن علي

09-06-2009, 11:23 AM

الكلام دخل الحوش
عبدالجليل الراجل الراقي والقلم الجميل
تحياتنا وزارنا النبى في قهوه النشاط
لك منا كل الاماني الحلوة
مودتي بلا حدود

imported_نزار حسن علي

10-06-2009, 05:35 AM

سيد الوجاهة لحدن
صباحك خير وفرح
نور سودانيات
صباحك خير وفرح وسعادة وفرج يا رب
امال
صباحك عسل
ابوريم
صباحك عسل وكل البحبوك
روبي
صباحك عسل ينقط
نكته ديككينونه
مسطول حكي نكته لجماعة وما ضحكوا بعد ثلاثة يوم لاقاهم قال ليهم عملتوا لية شنو في النكته
ودقي يا مزيكة

imported_همس الشوق

10-06-2009, 07:12 AM

بدعوى كريمة جدن من الاستاذ / أبو اماني لهذا البوست التحفة .. بجد من الصفحة الثالته وتحديدا ً في سوق ليبيا goood ضحكت لمن إنفقعته .... تعرفوا الضحكني شنو ؟؟
انه ابو اماني بقول لي عايزنك تقيفي في صفنا ما تكوني مع ناس امال وروبس .. يأخي معقولة بس.. الحكاية فيها بيع ... وعزل ... وفي أحجام ومقاسات واعمار ... وحتى الشعر اشكال والوان ودا كله بي ثمنو .........

تعرف انا حأكون مع الحق ... وضمن المشترين ... وكمان من داخل العربية ولااااابسه النظارة

بس لعلمك سوق ليبيا دا ببيعوا فيهو بالجملة ... يعني بالدسته :D ايه رايكم يا بنات .. نشتكري كوته ونقسمها ......

وطبعا وتمشيا مع الحالة الإقتصادية الفي البلد دي فالأسعار واقعة واطة

imported_ابوريم

10-06-2009, 07:31 AM

همس الشوق
نورتي القهوة...ابو اماني دة زول عزال وبنقي كويس عشان كدة قدم ليك الدعوة...حددي اتجاهك معانا ولا معا الخيانة؟

imported_همس الشوق

10-06-2009, 09:22 AM

همس الشوق
نورتي القهوة...ابو اماني دة زول عزال وبنقي كويس عشان كدة قدم ليك الدعوة...حددي اتجاهك معانا ولا معا الخيانة؟

تسلم يا أبو ريم

القهوة منورة بي ناسا

عاد أقول ليك شنو

كدي خليني أفكر

ولحدي ما أفكر

هاكم النكته دي

قالو في مرا بدق فيها راجلها .... دق نضيف .... وهي تشيل وتكورك .... حصلونييييييي.... الراجل كتلني ................ يا أبو مرووووووووه ...... قولة يا أبو مروه جا راجل ماشي بالشارع سمع يا أبو مروه ... لز الباب ودخل ... وبقى يكورك للراجل .. يا راجل .. دا كلام شنو ..... ما تدق المرا كدا ... إنت ما عارف المرا بدقوها بي أختها .... قام الراجل ..قال ليهو قلته شنو ؟؟؟؟ نطت البدقو فيها .... قالت ليهو ... هي يا يابا ما قال حاجة دق دققك....:D

معتصم الطاهر

10-06-2009, 10:11 AM

كويس ابو أمانى !!!!

كمان بتكتّر فى الخيانة ..

اسع همس الشوق دى ما كوم عديل .. بتعزما هنا !!

همس ..و شوق .. و معاها ( مرافى ) .. فردة لنج ..
غايتو أرجا الراجياك ..دى أسع حالتو بتتمسكن ..قالت بالجملة ..
طيب بعد مداخلتين حتقول شنو ؟ ( قرع ود العباس ؟) ..

ناصر يوسف

10-06-2009, 10:18 AM

أول بالتبادي البوست ده يخربني ويعميني إن دخلت فوقو توووووشك كده من أولو

ده وصل للصفحة رقم 50 والجوكر مو بايظ

كدي أدونا فرقة إننا نقراه (درس عصُر) ونجيكم تاني صادين

وبعدين ده شنو ده يا عبد الجليل الخيانات دي

يا أخوانا ما تقولوا لينا عوووووووووووووك أبو أماني في البلد :D:D

حاجه غريبة لكن والله

نشوفكم باكر في زواج (واحه / الرباطابي)

imported_همس الشوق

10-06-2009, 10:51 AM

كويس ابو أمانى !!!!

كمان بتكتّر فى الخيانة ..

اسع همس الشوق دى ما كوم عديل .. بتعزما هنا !!

همس ..و شوق .. و معاها ( مرافى ) .. فردة لنج ..
غايتو أرجا الراجياك ..دى أسع حالتو بتتمسكن ..قالت بالجملة ..
طيب بعد مداخلتين حتقول شنو ؟ ( قرع ود العباس ؟) ..

الله
ليه الغلط يا شيخنا ياخ
والله حالتي انا جاية والنيه في أني أتضامن معاكم
نسبة لموقفكم المتأسف جدن ...... جدن ..

لكن مدام بديتو براكم

أها قول واحد
وحاقول

http://www.sudaneseonline.com/uploadpic/jan09upload/SP32-20060609-124002.jpg

ميييين يشتريييييييي

imported_rubs

10-06-2009, 12:02 PM

الله
ليه الغلط يا شيخنا ياخ
والله حالتي انا جاية والنيه في أني أتضامن معاكم
نسبة لموقفكم المتأسف جدن ...... جدن ..

لكن مدام بديتو براكم

أها قول واحد
وحاقول

http://www.sudaneseonline.com/uploadpic/jan09upload/SP32-20060609-124002.jpg

ميييين يشتريييييييي
:eek::eek: دا منو ؟؟؟؟؟؟؟؟؟ ابو امانى ... ما تفهمونه ........ بسرررررررعه

imported_rubs

10-06-2009, 12:13 PM

بدعوى كريمة جدن من الاستاذ / أبو اماني لهذا البوست التحفة .. بجد من الصفحة الثالته وتحديدا ً في سوق ليبيا goood ضحكت لمن إنفقعته .... تعرفوا الضحكني شنو ؟؟
انه ابو اماني بقول لي عايزنك تقيفي في صفنا ما تكوني مع ناس امال وروبس .. يأخي معقولة بس.. الحكاية فيها بيع ... وعزل ... وفي أحجام ومقاسات واعمار ... وحتى الشعر اشكال والوان ودا كله بي ثمنو .........

تعرف انا حأكون مع الحق ... وضمن المشترين ... وكمان من داخل العربية ولااااابسه النظارة

بس لعلمك سوق ليبيا دا ببيعوا فيهو بالجملة ... يعني بالدسته :D ايه رايكم يا بنات .. نشتكري كوته ونقسمها ......

وطبعا وتمشيا مع الحالة الإقتصادية الفي البلد دي فالأسعار واقعة واطة
ازييك يابت مشتااقين ..مرحب بيك معانا مع الخونه ديل .. والله ابو امانى طبق المثل البقول البتعملو بى ايدك اغلب اجاويدك .. والله دى اجمل هديه جابها لينا ابو امانى اريت يوم شكرك ما اجى يا ظريف يالفيف .. ابو امانى انت قلته جضومك الزورق هى وينه الجضوم تانى ما تكضب يا ابو الشنه .. وانت اختفيت وين بتعمل فى المكياج من هسى والله اكان قعدته للسنه الجايه ياكه انت ما غيرك ذى ما بقولو السمح سمح لو قام من النوم والشين شين كان اتمسح كل يوم ,فاحسن ما تضيع قروشك فى المسيح ..

تخريمه كبيييره ..
دى شنو النكت الما مهضومه دى يانزار اظنك افلسته

imported_نزار حسن علي

10-06-2009, 12:40 PM

سيد الوجاهة والقيافة واللطافة والشهامة
نهارك جميل يا ريس نحنا مع الهدنه بس في فلول نعمل ليهم شنو نحنا يا ريس في زول واحد راسة ناشف الباقين حنينين شديد بس وحاتك بقي يهضرب ومعناها خلاص ما عارف بعمل في شنو اما باقي الحلوييييييييييين نحنا مع الهدنه الناعمه حتي نتلقي تعليمات من سعادتكم
في نكته كاربة داسيها لية خمسة يوم للخميس اما باقي النكت بتمشي للخاص للزول الجميل طبعا عرفتوهو ربنا يخلي لسودانيات قولي يا رب من الحساد ام عيونن حمر
مودتي بلا حدود

imported_Nour

10-06-2009, 01:40 PM

بالله الزول يغييب يوم ونص نهار يجي يلقي الحكاية فيها طابور خامس وخيانة وتفركشوا نيفاشا اقصد الهدنة ياهمس بقيتي علي شنو.

نزار يعني النكتة حاتقولها متين احكي لي اربعة خمسة اتناشر كلمة منها كدا والباقي بتموا براي

imported_تحفة حوا

10-06-2009, 03:40 PM

مرحب بيك يا عبد الجليل بي جاي وشكرا لاشادتك بي عمنا أبوأماني وهو يستاهل كل خير
ناصر ازيك وهارد لك على الهزيمة في المجادعة الانترنتية احنا طبعا بنشجع أبوأماني :D
ود الطاهر يا ظريف ينصر دينك عجبتني في بوست مرافي بهناك ودا كمان رائيي goood
الرجل السوداني رغم انو فياض بالمشاعر لكنه لا يجيد التعبير عنها بي حلو الكلام
هموسة يا عسل مرحب بيك بي جاي وأها راييك شنو سماحة أبو أماني ولا دهب بروناي :D ( عشان أبو أماني يقتنع )
نور مشتاقين وما تغيبي
نزار شفت الله غالب البتقولا دي هي الخلتني افتكرتك اغتربت في ليبيا خالي كان مغترب هناك وعداها لينا الله غالب وباهي :D

imported_أبو أماني

10-06-2009, 04:32 PM

أبو أماني :

حضور بهي يرفل في وسامة ساطعة وبادية للرشق والعيون، زارنا (شعراني) وأنا في مقر صحيفة – حكايات- قبل يومين، شعراني قال لي: لم أتصوره بهذه الوسامة والبهاء والشباب، لكن ما أدهشني في مدير (مقهى) النشاط ليست أناقتة و وسامته – الظاهره- بل ما أختبأ في داخله من جمال مهول – تحدثنا عن تجربته في الحياة – الهجرة والعودة – و تسرب الأحلام وتحققها- وعن (أماني) التشكيلية والكاركاتيرست، إبنته التي يحبها حد الجنون، وقال: عدت من الغربة من أجلها/ دون خيل أو مال:
لا خيل عندك تهديها ولا مال
فليسعد النطق إن لم يسعد الحال

كان سعيدا (نُطقة)، وفي حاله أيضا، وظل على صهوة جواده صافنا في مكتبنا زهاء 30 دقيقة – مذهلة، ثم غادرنا، ولا زلنا نحلم بعودته الوسيمة مرة أخرى، ...... إنه ابو أماني
ولولا أن (شعراني) قال لي .. إترك لي بعض كلمات وجُمل لأكتب عنه، لإستفدت ذخيرتي، وزخيرتي أيضا.

المهم أن أورد الحقيقة ..والحقيقة .. أني في بوستر يتعلق بزيارة العزيزة سرورة لصحيفة حكايات أثناء إجازتها المقتضبة للسودان تناولت خلالها مع الأعزاء عبد الجليل وأمير شعراني وجبة فول .. كااااربة حسدتها عليها ..قلت إني لازم أتشرف بزيارة هذا الثنائي الرائع وأتعوض الله في عدم لقاء الملكة الغير متوجة في مملكة (ال..ال..!!) العزيزة سارة ونسيت حرصي على عدم ظهور شخصيتي الحقيقية (خوفا على بنات حواء من الفتنة) ونسيت أنو ممكن ناس الشعراني وبن سليمان يغفلوني أثناء الزيارة ويلتقطوا لي صورة وينشروها في المنتدى والدنيا تنقلب بي هنا .. وترتفع نسبة الطلاق بصورة مذهلة تلكم الليلة على (مقياس ريختر) والحكاية تجوط .. هوا أنا ناقص؟ قبل حوالي شهرين إبن عمي العزيز ود سعد الشيخ سرب صورة من صوري القديمة للغائبة الحاضرة أبدا أمال (وبقينا في حاو وتر)! لما الفكي النصراني هي .. قصدي الطبيب البريطاني النفساوي عالجها (ببعر الفريزيان!) حتين شويتين كدي يابنات أمي شمت العافية وقامت تكابس!.. ولو أنها لسع في طور النقاهة يعني لسع مارجعت زي زمان ولارائيك شنو يا أبو مجتبى .. كلامي مو ..صح؟.

عموما بعد شد وجذب بيني وبين نفسي قررت أخوض المغامرة وأملى شروطي .. و أقنعت روحي إني لازمن في يوم من الأيام ((المعجبات!!)) يشوفني وتوقد نار تصبح رماد .. بس قررت أني أكون حازم مع ناس حكايات .. هو أسمهم ظاطو يطير رحمن القلب.. وفعلا .. لو قلتو .. كل واحد بيتغزل في التاني .. ولا أبو الحصين يشهد ليو ضنبو .. ما مهم المهم أني دخلت على مكتب العزيز أبدا عبد الجليل .. وزي ما قالت سارة حقيقي أصغر من صورته يجي عشرة سنين.. شاب لطيف ظريف .. بشوش .. بل نموذج مجسد لشباب من جيل شباب ناس الباش ودكتور مخير .. ويعني ممكن جوازا نقول أبو أماني .. ولما دخل المكتب أمير فاجاءته بالسلام عليو بإسمو .. بحلق فيني وحقيقي كان مندهش..كان من سماحتي الفايتة الحد ما عارف وأكان من خفة دمي المكسرة فوقي أم أماني ليوم الليلة (وصابره)! .. ماعارف؟ عموما على قولة عبد الجليل كانت 30 دقيقة مستقطعة من عمر الزمان مرت كمرور فراشة تودع الرحيق في أكمام الورود .. لا تقتطفه!.. وتفارقنا على أمل اللقاء المستمر .. عبر الأثير السوداني وعبر المحيط السوداني .. ولنا لقاء وعقبال لشوفة الباقيين .. شكرا عزيزي عبد الجليل وعزيزي أمير الشعراني .. وحقا ليس جديرا بسودانيات إلا من كان سوداني (أصيل) وليس جدير بأن يطول القمم من لم يكن قمة .. لكم حبي خالصا لوجهه تعالى .. goood

imported_أبو أماني

10-06-2009, 05:10 PM

[QUOTE=همس الشوق;149111][B] بدعوى كريمة جدن من الاستاذ / أبو اماني لهذا البوست التحفة .. بجد من الصفحة الثالته وتحديدا ً في سوق ليبيا goood ضحكت لمن إنفقعته .... تعرفوا الضحكني شنو ؟؟
انه ابو اماني بقول لي عايزنك تقيفي في صفنا ما تكوني مع ناس امال وروبس .. يأخي معقولة بس.. الحكاية فيها بيع ... وعزل ... وفي أحجام ومقاسات واعمار ... وحتى الشعر اشكال والوان ودا كله بي ثمنو .........

تعرف انا حأكون مع الحق ... وضمن المشترين ... وكمان من داخل العربية ولااااابسه النظارة

بس لعلمك سوق ليبيا دا ببيعوا فيهو بالجملة ... يعني بالدسته :D ايه رايكم يا بنات .. نشتكري كوته ونقسمها ...وطبعا وتمشيا مع الحالة الإقتصادية الفي البلد دي فالأسعار واقعة واطة..

*** ***

والله صدقيني شرفتي ونورتي يا همس .. أو كما تدلعك الرائعة تحفة .. يا ..(هموسة) غايتو البنات ديل عندهن أسماء دلع بيعرفنهن براااهن !! أسع دي بتي السميتها على المرحومة والدتي (فاطمة) لموها فوقها أمها وأخواتها سموها (توتا)! توتا؟؟ خلاااس يا بت قاردن سيتي وكان تمر الشمالية باكر دي جابوه لينا نسميها عشوشة يعني!ولا الواحدة يكون شكلها قرررريب من العزيز عادل عسوم كده!.. وتكورك ليها صاحبتها بكل أريحية .. يا .. سوسو.. وات لما تسمع يا سوسو .. تتلفت بسرعة ولهفة تقوم تتصدم .. وطوووالي تتذكر الباذنجان الأسود المرتك قالت ليك ما تنسي تجيبو معاك من السوق .. كدي الناخد لي شفطة من فنجان القهوة الرهيبة دي وأسعلكم .. مسعولين من الخير .. إتو عادل عسوم ده متضامن مع أمال الشيخ ولا شنو يا بنات أمي ؟؟ المحيرني قدر ما شاغلتو وناكفتو .. وهابشتو .. أصلو ما عبرني .. عرك إيدو في الواطا دي .. علما بأني بعمل كده حبا في جرجرتو لقهوتنا .. واستقطاب قلمه الرشيق وأسلوبه اللذيد في تسخين القعدة .. سارة .. أوعي تكوني زودتي ليو الجرعة حقت الهناي داك؟؟ أكان لملكة الروعة أمال .. فالظاهر عليها قنعت باطن وظاهر بعد التحالف التم بين الوجيه أبو أماني وستات النسوان على حدهن .. تحفة وسارة وروبس .. ويا همس يا أختي لا تتعبي حالك خليك مع ناس البيع .. والنبشركن اليومين ديل كبارنا وتيجان رؤوسنا ناس ود الحاج الخال والباشا وبابكر مخير وكمية مهولة من علماء وعظماء سودانيات مجتمعين لمناقشة موضوع مشروع تحقيق العدالة السماوية بتطبيق مبدأ التعددية الزوجية .. وإجازة قانون مناهض لقانون (سياسة البروف أمال في تسويق الرجال) بتطبيق مشروع .. تبديل القديم بجديد .. وأحلالي وأحلالي يمة يعني أفك الكومر العندي ده بإثنين تلاتة .. ليكزيس؟ أنا غايتو مكسر في الركشات اليابانية الصنع .. هووووي يا باشا ما تحمر وتقول تداخل تخصصات ولا بتاع!!! أبقي لا داخل همس goood goood goood

imported_أبو أماني

10-06-2009, 05:25 PM

كويس ابو أمانى !!!!

كمان بتكتّر فى الخيانة ..

اسع همس الشوق دى ما كوم عديل .. بتعزما هنا !!

همس ..و شوق .. و معاها ( مرافى ) .. فردة لنج ..
غايتو أرجا الراجياك ..دى أسع حالتو بتتمسكن ..قالت بالجملة ..
طيب بعد مداخلتين حتقول شنو ؟ ( قرع ود العباس ؟) ..

ياخ ألبنية أقنعتها بصعوبة تجي بي جاي عشان بدور أنور بيها مقهانا حتى لو كان النتيجة خسارة الحرب..ما يهمني! في ذمتك طلتها سااااكت ما بالدنيا ؟؟ أنا خلني قول إتا ده! .. بعدين يا أخي وين حصافتك وديبلوماسيتك المشهور بيها ديك .. خلي البنية التتوهط في البمبر ونظبط ليها فنجان قهوة كاااارب بالبع.. هي بالهبهان .. وبعدين الله كريم .. عارفو أسع برضو كريم ..!! بس كان تروق المنقة .. أسع كان قامت فرنبت .. عليك الله ما خسارة كبيرة علينا.. يا أخي دي بالملكات العندها دي كان قلبت مع ناس شنكبة عنكبة .. نان أم الحسين ما إتنفخت !! أنا يا المعتصم يا أخوي ليوم الليلة قلعت عادل عسوم بيد أمال وقواتها الغازية .. لي حسع حارقة حشاي والله بس تقول حرقة حشا الهلال .. في طمبل وكلتشي .. بعدين تعال يا باش حتى كان بقينا (قرع ود العباس) مالو قرع ود العباس ؟ عيبو لي .. ما بسوي حلة الملاح ؟.. الرسول عليك يا ود القبائل حاول صافيها .. همس .. همس .. ما تاخدي في كلام الباشا ده .. بيهظر ساااااكت !! gooodgooodgoood

imported_أبو أماني

10-06-2009, 05:36 PM

أول بالتبادي البوست ده يخربني ويعميني إن دخلت فوقو توووووشك كده من أولو

ده وصل للصفحة رقم 50 والجوكر مو بايظ

كدي أدونا فرقة إننا نقراه (درس عصُر) ونجيكم تاني صادين

وبعدين ده شنو ده يا عبد الجليل الخيانات دي

يا أخوانا ما تقولوا لينا عوووووووووووووك أبو أماني في البلد :D:D

حاجه غريبة لكن والله

نشوفكم باكر في زواج (واحه / الرباطابي)

البشارة يا شباب قهوتنا إزدانت برأس حربة كاااارب .. أهلا ناصر يوسف مرحبتين حبابك واليوم السعيد الليلة جابك .. يا بت .. زمزم .. صينية قهوة حبشية كااااربة وصحن فشار وبخور جيبيهو لينا في ضل الدليب ... أسع عليكم الله في دليب أكتر من البرمي فيو ده؟ ناصر ناصر .. ما تسخن على الخط .. أدخل على طول نحن في رجاك .. أمال .. عادل .. واللللييييلا .. ناصر جاء ...وأنا ملللللي ...! gooodgooodgoood

imported_أبو أماني

10-06-2009, 05:47 PM

الله
ليه الغلط يا شيخنا ياخ
والله حالتي انا جاية والنيه في أني أتضامن معاكم
نسبة لموقفكم المتأسف جدن ...... جدن ..

لكن مدام بديتو براكم

أها قول واحد
وحاقول

http://www.sudaneseonline.com/uploadpic/jan09upload/SP32-20060609-124002.jpg

ميييين يشتريييييييي

الليلة أمانا ما وقع راجل .. بيع أديييييل كدي؟ الظاهر على بقيت زي الجاء يتفولح جاب ضقلها يتلولح .. قالوا الماعندو كبير يشريلو كبير .. أها أنا بستنجد بكبارنا .. يجازي محنك يا معتصم الوداك تهبشها شنو؟! همس الشوق .. يعني كان شلنا التلاتة نقط من الشوق تبقي همس السوق وبرضو محمدنا .. يا أختي أستهدي بالله .. ونحن والله ما حمل بيع وشراء وحاجات زي كده .. أنا شخصيا عندي كوم لحم فوق أكتافي ديل .. والظروف صعبة والمواصلات منعدمة وقروش البيع كان يوم كان يومين بتكمل .. دحين يا بت الكرام إستهدي بالله .. ورجعي الراجل الوسيم القيافة ده الزريب... هي البيت حقو .. وأنعلي إبليس .. ده أنا غلبببببببببببباااااااااان !!! الله يسامحك يا المعتصم عاجبك كدي؟..بعد كت نافخ وفارد طولي أسع بقيت فارد البطانية لمكوة هدوم العيال .. أشوف فيكن يوم يا بنات حواء...

imported_أبو أماني

10-06-2009, 05:58 PM

:eek::eek: دا منو ؟؟؟؟؟؟؟؟؟ ابو امانى ... ما تفهمونه ........ بسرررررررعه

ها يا بت ها .. روبس .. أتي إنطسيتي في نافوخك ده؟ .. أبو أماني يلقى السماحة والوجاهة والبسمة الضاوية وييين ؟.. والله كان بقى سمح زي ده .. يبوس إيده وش وضهر وغرته لصرته التوقيع .... AMAL

هسع ينط لي شبارقة ويقول .. اللللللللله يا أبو أماني النوع ده جبتو من وين؟ روبس عاوزة تتهني بطلة أبو أماني .. وووووين يا فردة؟ مش لما تشوفي حلمة ودانك باللوال .. أقول ليك قولة؟ إستني ليلة القدر .. إنتي بخيتة صدقيني بتجيك ... تشاووو

imported_أبو أماني

10-06-2009, 06:17 PM

مرحب بيك يا عبد الجليل بي جاي وشكرا لاشادتك بي عمنا أبوأماني وهو يستاهل كل خير
ناصر ازيك وهارد لك على الهزيمة في المجادعة الانترنتية احنا طبعا بنشجع أبوأماني :D
ود الطاهر يا ظريف ينصر دينك عجبتني في بوست مرافي بهناك ودا كمان رائيي goood
الرجل السوداني رغم انو فياض بالمشاعر لكنه لا يجيد التعبير عنها بي حلو الكلام
هموسة يا عسل مرحب بيك بي جاي وأها راييك شنو سماحة أبو أماني ولا دهب بروناي :D ( عشان أبو أماني يقتنع )
نور مشتاقين وما تغيبي
نزار شفت الله غالب البتقولا دي هي الخلتني افتكرتك اغتربت في ليبيا خالي كان مغترب هناك وعداها لينا الله غالب وباهي :D

حقيقي يا تحفة بدون أدنى مجاملة ليك وبكل صدق كلامك البي الأزرق ده عجبني جد .. فعلا الرجل السوداني مثالي بمعنى الكلمة في تعامله مع الجنس الآخر عموما وحبيبته أو زوجته أو خطيبته على وجه الخصوص .. بس عيبه زي ما تفضلتي (إنه لايجيد التعبير .. أو الأسلوب المناسب لهذا التعبير) .. أديكم مثل بسيييط نحن زمان لما كنا شباب .. ما تبحلقوا لي والله وديني وإيماني بتكلم صاح كنا شباب زييكم كده .. كان الواحد لما يلقى فرصة نادرة جدا ليقول لمحبوبته كلمة حب أو يعبر عن مكنون قلبه .. بدل يربط حبه بحاجات حلوة رومانتيك يقوم يقول ليها .. طبعا بعد تلاتة أربعة بلعات ريق .. والبلعوم طالع نازل زي تاكسي الخرتوم .. والعرق داك خليو سااااكت بشكير ما ينشفو .. والله العظيم يا هنايا .. حبك (حبك مطلّـع .. دي..ن..) بالله ده كلام يا مرسي ؟..
بعدين يا تحفة صاحبي نزار ده .. مش كان في ليبيا بس .. ده بنكاته الكتييرة دي وكلها مساطيل يكون كان ساكن مع القذافي في بيتو ... ودقي يا مزيكة ...gooodgooodgoood!!!

imported_Nour

11-06-2009, 06:14 AM

صباح الخير يامرتادين (مشوا البمشوا القهوة كتير بيقولوا ليهم مرتادي القهاوي) كيف حالكم , تحفة حواء كيف حالك والله برضوا مشتاقين قلتي لي نزار بكون في ليبيا عارفة مغتربين ليبيا ديل ذي شغل التطوع لا شكرة لا مال عشان كدا بيقولوا الله غالب كتير

imported_فيصل سعد

11-06-2009, 06:30 AM

السلام و التحايا للجميع هنا و عساكم بخير ..

عذرا اخونا و حبيبنا ابو اماني ، انا كنت في اجازة طارئة قصيرة بالسودان
و لم احظى بلقياكم، ظروف وعكة المت بالوالدة و كنت جاري في اجراءات
التشطيب و ترحيلهم لمنزلهم الجديد بالوادي الاخضر شرق الحاج يوسف، لكن في
تلك الزحمة سجلت زيارة لحوشكم العامر و علمت من الصغار بان والدتكم وداد بالسعودية
و لم اجد ناجي و نادر، و وقفت على الاطلال (منزلنا السابق) و غسلت بعض الحزن و ربما صحيته و الحمد لله على كل حال، سجلت زيارة لعمتك الست ببري المحس و اظنها ما عرفتني كويس لطول الغياب و جري السنين .. عموما الجايات اكتر و بنتلاقى في ساعة خير ان شاء الله و التحايا للاولاد و امهم مع عميق مودتي و تقديري ..

سيد الوجاهة مداخلتنا دي زي ليها تسعة يوم معاك هنا
مالك ما رديت عليها ؟؟
عموما نكرر عذرنا و اعفو عننا يا الحبيب و ما تشيل في خاطرك الغالي
و بنتلاقى في ساعة خير و زمن اجمل ان شاء الكريم ..

اطيب التحايا ..

معتصم الطاهر

11-06-2009, 07:55 AM

الله
ليه الغلط يا شيخنا ياخ
والله حالتي انا جاية والنيه في أني أتضامن معاكم
نسبة لموقفكم المتأسف جدن ...... جدن ..

لكن مدام بديتو براكم

أها قول واحد
وحاقول

http://www.sudaneseonline.com/uploadpic/jan09upload/SP32-20060609-124002.jpg

ميييين يشتريييييييي

:eek::eek: دا منو ؟؟؟؟؟؟؟؟؟ ابو امانى ... ما تفهمونه ........ بسرررررررعه

جهرك ؟
شحتفك ؟

وهل يخفى القمر ؟

أسع لو نشرنا صورة أبو أماني كان عملتو شنو ..
كان المنبر فقد عشرة و بقينا فى تر .. و حوش ..

معتصم الطاهر

11-06-2009, 07:56 AM

الله
ليه الغلط يا شيخنا ياخ
والله حالتي انا جاية والنيه في أني أتضامن معاكم
نسبة لموقفكم المتأسف جدن ...... جدن ..

لكن مدام بديتو براكم

أها قول واحد
وحاقول

http://www.sudaneseonline.com/uploadpic/jan09upload/SP32-20060609-124002.jpg

ميييين يشتريييييييي

لكن لقيتك هبّاشة

دا نكتيه من وين ؟
الله يجازى محنك يا قوقل ..

imported_ابوريم

11-06-2009, 09:38 AM

صباح البن وريحة القلوة وجمال اللمة
نزار ما تعلم ايدك المهابا
الاخوة الاعداء
ابو اماني
ولكل من جانا وقال سلام
ليكم النكتة
من ايام التوجه الحضاري اياه
قالوا بنات الحور قالو ليهن اجهزن جاينكن شهداء البوسنة. اررررر قامن اتجهزن بسرعه. تاني قلو ليهن شهداء الشيشان...فرررررر استعدن.
شهداء السودان. تم سكتن. اتلفتن علي بعض. وبصوت واحد: دايرين نقرا

imported_أبو أماني

11-06-2009, 10:35 AM

سيد الوجاهة مداخلتنا دي زي ليها تسعة يوم معاك هنا
مالك ما رديت عليها ؟؟
عموما نكرر عذرنا و اعفو عننا يا الحبيب و ما تشيل في خاطرك الغالي
و بنتلاقى في ساعة خير و زمن اجمل ان شاء الكريم ..

اطيب التحايا ..

أشيل في خاطري من أعز الناس كيف يا أبو الفياصل .. أبدا يا غالي .. بس والله زعلت لعدم شوفتك والزعلني زيارتك للست نور من غير ما أكون موجود .. حرمتي من أجمل لحظات.. طبعا ما بتنسى مدي معزة العمة الست أطال الله عمرها لكم وحبها وصداقتها الخرافية لعمتك وعمتي سعاد أحمد الشيخ .. الله يطراهم جميعا بالخير .. ولم شملنا على درب المحبة .. آممممين.. تحياتي لأسرتك الكريمة وماتغيب من القهوة .. أصلو ما أظن غيرك يقدر يحقق لينا الآمل ويرجع لينا أمال .. وعاد كان أمال جات تلقى في رجال كتااااار يسوو في الجنس دا .. gooodgoood

imported_نزار حسن علي

11-06-2009, 11:03 AM

سيد الوجاهة والقيافة
نهارك جميل وسعيد ومبسوط اربعة وعشرين قيراط وكل الحولك والمعاك
شفته يا ريس الحريم ديل ما بنفع فيهم اي شئ خوتن خوت لستك ساكت
ابوريم
نهارك جميل وسعيد وكل المعاك يا رب نحنا في الهدنه باوامر الريس هدنه ناعمه مع ناس .....
التحالف القبطي الشيوعي
كنته في حفلة في السودان خليط اهل السودان الحلويين اقباط وشيوعييييييييييين قال لينا ده عرس تحالف قبطي شيوعي
دول الاعتدال
احسن ليكم تتصلحوا معانا السعودية ما بتنفعكم في شئ بغشوكم زي حرب الخليج(المصريين)
نور
نهارك عسل ينقط والمعاك
امانه في زمتك مما ولدوك سمعتي باسم نزار تغشك اعداء الامة العربية تقول ليك من مغتربين لليبيا
جاياكم نكته كاربه استعدوا واربطوا الاحزمة
ودقي يا مزيكة

imported_Nour

11-06-2009, 12:42 PM

نزار الtake off متين اقصد النكتة متين الاحزمة دي رابطينها لينا زمن.

imported_أبو أماني

11-06-2009, 03:44 PM

جهرك ؟
شحتفك ؟

وهل يخفى القمر ؟

أسع لو نشرنا صورة أبو أماني كان عملتو شنو ..
كان المنبر فقد عشرة و بقينا فى تر .. و حوش ..

هازول ها .. والله كان نشرتو صورة أبو أماني .. أكان .. أجزوا ... لوم ...!!!

imported_همس الشوق

11-06-2009, 03:49 PM

[QUOTE=rubs;149161]ازييك يابت مشتااقين ..مرحب بيك معانا مع الخونه ديل .. والله ابو امانى طبق المثل البقول البتعملو بى ايدك اغلب اجاويدك .. والله دى اجمل هديه جابها لينا ابو امانى اريت يوم شكرك ما اجى يا ظريف يالفيف .. ابو امانى انت قلته جضومك الزورق هى وينه الجضوم تانى ما تكضب يا ابو الشنه .. وانت اختفيت وين بتعمل فى المكياج من هسى والله اكان قعدته للسنه الجايه ياكه انت ما غيرك ذى ما بقولو السمح سمح لو قام من النوم والشين شين كان اتمسح كل يوم ,فاحسن ما تضيع قروشك فى المسيح ..

روبس

ازيك ياخ والله مشتاقين عديل

اخبارك شنو

خليك قربية بس

لو ما بعتم كلهم في فرد كرتله goood

imported_همس الشوق

11-06-2009, 03:51 PM

بالله الزول يغييب يوم ونص نهار يجي يلقي الحكاية فيها طابور خامس وخيانة وتفركشوا نيفاشا اقصد الهدنة ياهمس بقيتي علي شنو.

نزار يعني النكتة حاتقولها متين احكي لي اربعة خمسة اتناشر كلمة منها كدا والباقي بتموا براي

نور يا عسل
ازيك ياخ

بقيت ظالم goood

ياختي قالو الموت مع الجماعة عرس

imported_همس الشوق

11-06-2009, 03:59 PM

[QUOTE=همس الشوق;149111][B] بدعوى كريمة جدن من الاستاذ / أبو اماني لهذا البوست التحفة .. بجد من الصفحة الثالته وتحديدا ً في سوق ليبيا goood ضحكت لمن إنفقعته .... تعرفوا الضحكني شنو ؟؟
انه ابو اماني بقول لي عايزنك تقيفي في صفنا ما تكوني مع ناس امال وروبس .. يأخي معقولة بس.. الحكاية فيها بيع ... وعزل ... وفي أحجام ومقاسات واعمار ... وحتى الشعر اشكال والوان ودا كله بي ثمنو .........

تعرف انا حأكون مع الحق ... وضمن المشترين ... وكمان من داخل العربية ولااااابسه النظارة

بس لعلمك سوق ليبيا دا ببيعوا فيهو بالجملة ... يعني بالدسته :D ايه رايكم يا بنات .. نشتكري كوته ونقسمها ...وطبعا وتمشيا مع الحالة الإقتصادية الفي البلد دي فالأسعار واقعة واطة..

*** ***

والله صدقيني شرفتي ونورتي يا همس .. أو كما تدلعك الرائعة تحفة .. يا ..(هموسة) غايتو البنات ديل عندهن أسماء دلع بيعرفنهن براااهن !! أسع دي بتي السميتها على المرحومة والدتي (فاطمة) لموها فوقها أمها وأخواتها سموها (توتا)! توتا؟؟ خلاااس يا بت قاردن سيتي وكان تمر الشمالية باكر دي جابوه لينا نسميها عشوشة يعني!ولا الواحدة يكون شكلها قرررريب من العزيز عادل عسوم كده!.. وتكورك ليها صاحبتها بكل أريحية .. يا .. سوسو.. وات لما تسمع يا سوسو .. تتلفت بسرعة ولهفة تقوم تتصدم .. وطوووالي تتذكر الباذنجان الأسود المرتك قالت ليك ما تنسي تجيبو معاك من السوق .. كدي الناخد لي شفطة من فنجان القهوة الرهيبة دي وأسعلكم .. مسعولين من الخير .. إتو عادل عسوم ده متضامن مع أمال الشيخ ولا شنو يا بنات أمي ؟؟ المحيرني قدر ما شاغلتو وناكفتو .. وهابشتو .. أصلو ما عبرني .. عرك إيدو في الواطا دي .. علما بأني بعمل كده حبا في جرجرتو لقهوتنا .. واستقطاب قلمه الرشيق وأسلوبه اللذيد في تسخين القعدة .. سارة .. أوعي تكوني زودتي ليو الجرعة حقت الهناي داك؟؟ أكان لملكة الروعة أمال .. فالظاهر عليها قنعت باطن وظاهر بعد التحالف التم بين الوجيه أبو أماني وستات النسوان على حدهن .. تحفة وسارة وروبس .. ويا همس يا أختي لا تتعبي حالك خليك مع ناس البيع .. والنبشركن اليومين ديل كبارنا وتيجان رؤوسنا ناس ود الحاج الخال والباشا وبابكر مخير وكمية مهولة من علماء وعظماء سودانيات مجتمعين لمناقشة موضوع مشروع تحقيق العدالة السماوية بتطبيق مبدأ التعددية الزوجية .. وإجازة قانون مناهض لقانون (سياسة البروف أمال في تسويق الرجال) بتطبيق مشروع .. تبديل القديم بجديد .. وأحلالي وأحلالي يمة يعني أفك الكومر العندي ده بإثنين تلاتة .. ليكزيس؟ أنا غايتو مكسر في الركشات اليابانية الصنع .. هووووي يا باشا ما تحمر وتقول تداخل تخصصات ولا بتاع!!! أبقي لا داخل همس goood goood goood

شرف الله مقدارك

الله يسلمك
الله يبارك فيك
الله يسلم

ياخ والله يا ابو اماني انا جيت وكلي نوايا حسنه ..... وقلته يا بت ياهم الرجال دي ساسك وتاج راسك .... أقيفي معاهم شجعيهم ..... مالن يا يمة رجالنا رجال السرور والعظمة .... والله ما بتاقلو بي ذهب الخزائن ...
بس مشكلتي جعلية وعويييييييييييييييرا ...:p
يعني يا دوبي انا بسلم وعايزة اقعد في البنبر في شان اشرب القهوة يجي معتصم يقزز كيعانو ويقول دي شنو الجابها هنا ؟؟؟؟ مالي انا يا يابا .... أجي

خارج القهوة
ياخ والله بوست زي الورد .. والتحية موصولة للاخ معتصم وما تشيل في بالك ... :rolleyes:

imported_زكريا الدقير

11-06-2009, 04:07 PM

مساء سعيد ومعتق بالحب والجمال

imported_همس الشوق

11-06-2009, 04:39 PM

ياخ ألبنية أقنعتها بصعوبة تجي بي جاي عشان بدور أنور بيها مقهانا حتى لو كان النتيجة خسارة الحرب..ما يهمني! في ذمتك طلتها سااااكت ما بالدنيا ؟؟ أنا خلني قول إتا ده! .. بعدين يا أخي وين حصافتك وديبلوماسيتك المشهور بيها ديك .. خلي البنية التتوهط في البمبر ونظبط ليها فنجان قهوة كاااارب بالبع.. هي بالهبهان .. وبعدين الله كريم .. عارفو أسع برضو كريم ..!! بس كان تروق المنقة .. أسع كان قامت فرنبت .. عليك الله ما خسارة كبيرة علينا.. يا أخي دي بالملكات العندها دي كان قلبت مع ناس شنكبة عنكبة .. نان أم الحسين ما إتنفخت !! أنا يا المعتصم يا أخوي ليوم الليلة قلعت عادل عسوم بيد أمال وقواتها الغازية .. لي حسع حارقة حشاي والله بس تقول حرقة حشا الهلال .. في طمبل وكلتشي .. بعدين تعال يا باش حتى كان بقينا (قرع ود العباس) مالو قرع ود العباس ؟ عيبو لي .. ما بسوي حلة الملاح ؟.. الرسول عليك يا ود القبائل حاول صافيها .. همس .. همس .. ما تاخدي في كلام الباشا ده .. بيهظر ساااااكت !! gooodgooodgoood

أبييييييييييييييييييييييييييييييييييت

imported_أبو أماني

11-06-2009, 06:44 PM

[QUOTE=rubs;149161]ازييك يابت مشتااقين ..مرحب بيك معانا مع الخونه ديل .. والله ابو امانى طبق المثل البقول البتعملو بى ايدك اغلب اجاويدك .. والله دى اجمل هديه جابها لينا ابو امانى اريت يوم شكرك ما اجى يا ظريف يالفيف .. ابو امانى انت قلته جضومك الزورق هى وينه الجضوم تانى ما تكضب يا ابو الشنه .. وانت اختفيت وين بتعمل فى المكياج من هسى والله اكان قعدته للسنه الجايه ياكه انت ما غيرك ذى ما بقولو السمح سمح لو قام من النوم والشين شين كان اتمسح كل يوم ,فاحسن ما تضيع قروشك فى المسيح ..

روبس

ازيك ياخ والله مشتاقين عديل

اخبارك شنو

خليك قربية بس

لو ما بعتم كلهم في فرد كرتله goood

والله يا أبو ريم يا أخوي باقي لي أنا ورطتكم بعزومة همس الشوق دي .. يا أخي النصيبة دي من ختت كراعها في القهوة .. والرجاجيل حالتهم تحنن وتمشط كمان .. خليك منهم عندك أنا القدامك ده .. ال AMAL بطولها وعرضها ما حركت سبيبة من رأسي .. بقول ليك بس ماتكلم زول .. تصوور بقيت بالليل ما قع أنوم .. غمدت عيني كدي أشوف ليك أم أماني ماشة على في السرير وشايلة ليها شريط البلزقوه في الخشم داك ووراها نسوان إتنين ما بعرفهن لكين بالقريحة كدي عرفت فوقن .. همس الشوق .. تخينة يا أبو ريم جنس تخن .. مريم الغضبان تقصر .. وشايلة ليها حبل هول تيل أبيض .. وباقي لي بسمع صوت أمال لاكين ما شايفها .. تقول ليهن أربطنوا كيويس .. العامل لي فيها سمح ده .. النشوفو بيجيب ليك كم يا أم أماني .. والله بخلقتو دي كان جاب ليك مصاريف الشهر الجاي ما قصر .. وأنا أدور أكورك وأستنجد .. يا ود مخير .. يا معتصم ..يا خالد.. الحقوني يا جماعة ..عيلا باقي لي صوتي ما قع يطلع .. وزول سمعني مافي .. وشالوني ليك طب العصب .. هن نان نسوان نصاح .. الإيرانيات ما زيهن .. وتصدق لما جو يختوني .. يختوني شنو؟ يرموني في البوكس الهايلوكس (دبل قبين) أنقر بطرف عيني ماكحلت ليك السواق حق البوكس .. أنقر طلع منو؟.. هو في غيرو؟.. ما عادل عسوم والشئ الخلاني صحيت من النوم زي المجنون .. كان قاعد جمبو في الكرسي القدامي .. قيقراوي بدمه ولحمه ..وقبل أصحى كويس .. لمحت بقعر عيني التانية بعد البوكس ما تحرك بشوية شليل ووراه شبارقة صحيت يا أبو ريم .. عرقان عرقن يا أبو ريم.. عرقي يخر .. ريقي ناشف وحلقي يطق بطن منفوخة متل الحق .. وطوالي على علبة (السيوبر بعر) بلعت منها حبتين .. يا أخوي هوي .. أخير لينا نبلع البعر ولا نتباع آخر الشهر .. نجيب المراسيل من الدكان في البستلة .. ولا يطلعونا في الكرتلة .. ونبقي شمار حريم الحلة .. قال سوق ليبيا قال .. نزار .. هوي .. عرست بعد رجعت من ليبيا ولا ما عرست لسع ؟ كان عرست ياكا اللحقت أمات طه .. وكان ما عرست .. قرررط على كده!.. والله يا سارة كان لميتها ليك في فكي القماير ده .. عيلا أكربو ليك علقة .. ما أخدها نشال ليلة المولد .. الحمد لله طلع حلم! بسم الله الرحمن الرحيم .. أنا يا أخواني بقيت بهلوس ولا شنو .. دحين الماشة على دي ما ياها أم أماني وجمبها همس الشوق .. اللماهن ياربي مع بعض شنو؟ وشنو الشايلاها أم أماني في إيدها دي .. وووووب على .. وووب على .. جابت ليها كمان مكوة كهرباء؟.. أنا لي أسع دعاي على تحفة حواء في المفراكة حقت الكهرباء ما وصل السماء ..وأثارها لسع ما بيرت! تجيني بمكوة كهرباء؟؟ يا أخواني ده ما تشويه لسماحتي عديييل كدي ..؟؟ يا أخوي هوي الحكاية مابدهاش ..سارة .. سارة .. عليك الرسول أفتحي لي شباك حياتك تااااني .. خليني أتلب .. تولللوببببببت. goood المرة دي جات سليمة !!!

imported_سارة

11-06-2009, 07:28 PM

اولا بالتبادى ارحب بهمس الشوق واخوات النضال والاخوة الاعداء وعلى راسهم بتاع ليبيا داك

وبعدين يا نزار يعنى انت كيفن ما تكون مجنون وقذافيكم اب طيارة واحدة دا قال ملك افريقيا

ياخ لف بلا مساطيل بلا لمة :mad: وبعدين احسن ليك تحسن اسلوبك معانا وتخليك من

حكاية القيافة وفايت الناس مسافة ما خلاص المستور بان وعبدالجليل (عبودى ) من حكايات

رسل لى الصورة بالالوان قال وجاهة قال مخير الله فى ملكه اناوحات الرقد وختى راسو صعيد

يا هذا المدعو ابو امانى وزمرته لا اخسر فيهم ولا ربع بعراية. بعدين خلاصة الموضوع

شوفوا يا جماعةالخير عشان ما يكون فى اى لولة فى الموضوع وتجوا تعملوا ليهوشمار وكرعين

انا اليومين دى شباك حياتى مغلق للصيانة يعنى الجوةجوة والبرة برة ما تزهجوناوتخلونا الواحد

يقوم يلفها ليكم فى نص القهوة ويفرتق صواميل روسينكم: جد والله اليومين قافلة معاى للطيشmad::mad: وبصراحة افجر ليكم القنبلة ما داير اكلم اى زول ولا زولاية فيكم ماعندى

معاكم اى موضوع

اى تحانيس اى كسير تلج اى حركات جيش بقت ما بتقسم معانا:mad:

الا هل بلغت اللهم فاشهد

وش محمر مكرهب لمن غلط:mad:

imported_ابوريم

11-06-2009, 10:32 PM

ابو اماني
الله يستر الشغلة كبرت وبقت تجيب كوابيس فيها بكاسي دبل كبينة...ياحفيظ...اصبر ياخوي نشوف شيخ الجكس عشان يلقن سمهن القدر غداهن...اعمل حسابك عبد الجليل دة سقاك شيتاً غريب...نسيت الزول الاكل عندهم الفول الشهر الفات؟ يكون كجروك...نقبل وين تاني ما ياهو الاحتلال عديل؟
دقيقة نشوف تفسير الاحلام. المشكلة دة شغل بشبه المافيا والزمن داك لا في شريط لاصق لا بكاسي...دواب ساي وسوق ليبيا زاتو ما فتحو
...
الباقين
شايفكم شايلين حس ليبيا وناسها(انت زاتك ياوجيه)...اقيفوا على جنب. احلى مكان وناسها بشر بحق وحقيقة. وبناتهم يتدفقن انوثة (كنت بدرسن في الثانوي 4سنوات) يوميا راجع بيت العزابة بي ورود وبوست كاردز ده غير العضات(سفاسف) الباب يدق وتدخل الهوت بوتات. ايام. كلو موثق بي الصور...تقول لي ناس قريعتي راحت
نزار كنت وين في ليبيا؟

imported_نزار حسن علي

12-06-2009, 07:51 AM

سيد الوجاهة والقيافة والظرافة واللطافة لحدن
ابوريم الراجل الراقي وقمه الذوق
ابوالمجتبي ياراجل يا ضكران
اعداء الامة العربية
قوي الاعتدال
الطابور الخامس

اللهم يا احد يا صمد
لى احبه ونعم السند
تقبل منهم كل طاعة وسجد
وابعد عنهم كل شر وحسد
وارزقهم كل خير بلا عدد
جمعة مباركة

imported_ابوريم

12-06-2009, 08:26 AM

اللهم يا احد يا صمد
لى احبه ونعم السند
تقبل منهم كل طاعة وسجد
وابعد عنهم كل شر وحسد
وارزقهم كل خير بلا عدد
جمعة مباركة

نزار(نيزو) خفيف الدم وسيد اللطافة
صباح الخير.
شنو يعني القهوة قافلة يوم الجمعة؟
نشغل مديح بدل نكتة الصباح؟
خلاص نواصل بعد الصلاة. بس دي نكتة عن البدو في ليبيا. الواحد لما يجي يقول انا بيقول (انا بيدي) وتنطق (nabeedi)
المهم بدوي لاعب كورة سجل هدف الحكم ناداه عشان يسجل رقمه من الفنيلة البدوي قال:نبيدي احرزتو. صفر الحكم ولغى الهدف وحسب عليهو لمسة يد.
وتم تررم تم تم تم

imported_همس الشوق

12-06-2009, 05:28 PM

[QUOTE=همس الشوق;149333]

والله يا أبو ريم يا أخوي باقي لي أنا ورطتكم بعزومة همس الشوق دي .. يا أخي النصيبة دي من ختت كراعها في القهوة .. والرجاجيل حالتهم تحنن وتمشط كمان .. خليك منهم عندك أنا القدامك ده .. ال AMAL بطولها وعرضها ما حركت سبيبة من رأسي .. بقول ليك بس ماتكلم زول .. تصوور بقيت بالليل ما قع أنوم .. غمدت عيني كدي أشوف ليك أم أماني ماشة على في السرير وشايلة ليها شريط البلزقوه في الخشم داك ووراها نسوان إتنين ما بعرفهن لكين بالقريحة كدي عرفت فوقن .. همس الشوق .. تخينة يا أبو ريم جنس تخن .. مريم الغضبان تقصر .. وشايلة ليها حبل هول تيل أبيض .. وباقي لي بسمع صوت أمال لاكين ما شايفها .. تقول ليهن أربطنوا كيويس .. العامل لي فيها سمح ده .. النشوفو بيجيب ليك كم يا أم أماني .. والله بخلقتو دي كان جاب ليك مصاريف الشهر الجاي ما قصر .. وأنا أدور أكورك وأستنجد .. يا ود مخير .. يا معتصم ..يا خالد.. الحقوني يا جماعة ..عيلا باقي لي صوتي ما قع يطلع .. وزول سمعني مافي .. وشالوني ليك طب العصب .. هن نان نسوان نصاح .. الإيرانيات ما زيهن .. وتصدق لما جو يختوني .. يختوني شنو؟ يرموني في البوكس الهايلوكس (دبل قبين) أنقر بطرف عيني ماكحلت ليك السواق حق البوكس .. أنقر طلع منو؟.. هو في غيرو؟.. ما عادل عسوم والشئ الخلاني صحيت من النوم زي المجنون .. كان قاعد جمبو في الكرسي القدامي .. قيقراوي بدمه ولحمه ..وقبل أصحى كويس .. لمحت بقعر عيني التانية بعد البوكس ما تحرك بشوية شليل ووراه شبارقة صحيت يا أبو ريم .. عرقان عرقن يا أبو ريم.. عرقي يخر .. ريقي ناشف وحلقي يطق بطن منفوخة متل الحق .. وطوالي على علبة (السيوبر بعر) بلعت منها حبتين .. يا أخوي هوي .. أخير لينا نبلع البعر ولا نتباع آخر الشهر .. نجيب المراسيل من الدكان في البستلة .. ولا يطلعونا في الكرتلة .. ونبقي شمار حريم الحلة .. قال سوق ليبيا قال .. نزار .. هوي .. عرست بعد رجعت من ليبيا ولا ما عرست لسع ؟ كان عرست ياكا اللحقت أمات طه .. وكان ما عرست .. قرررط على كده!.. والله يا سارة كان لميتها ليك في فكي القماير ده .. عيلا أكربو ليك علقة .. ما أخدها نشال ليلة المولد .. الحمد لله طلع حلم! بسم الله الرحمن الرحيم .. أنا يا أخواني بقيت بهلوس ولا شنو .. دحين الماشة على دي ما ياها أم أماني وجمبها همس الشوق .. اللماهن ياربي مع بعض شنو؟ وشنو الشايلاها أم أماني في إيدها دي .. وووووب على .. وووب على .. جابت ليها كمان مكوة كهرباء؟.. أنا لي أسع دعاي على تحفة حواء في المفراكة حقت الكهرباء ما وصل السماء ..وأثارها لسع ما بيرت! تجيني بمكوة كهرباء؟؟ يا أخواني ده ما تشويه لسماحتي عديييل كدي ..؟؟ يا أخوي هوي الحكاية مابدهاش ..سارة .. سارة .. عليك الرسول أفتحي لي شباك حياتك تااااني .. خليني أتلب .. تولللوببببببت. goood المرة دي جات سليمة !!!

هههههههههههههههههههههههه

والله حننتني يا ابو اماني

ليه الجرسة دي كلها
وكمان بقى فيها كوابيس وأحلام
يا ساتر أستر

كدي شوف الصورة دي بتشبه الصورة الحلمته بيها

http://www.travelterrific.com/images/woman.jpg

imported_همس الشوق

12-06-2009, 08:57 PM

لكن لقيتك هبّاشة

دا نكتيه من وين ؟
الله يجازى محنك يا قوقل ..

ههههههههههههههههههههههه

الشهرة متاعب يا باش مهندز goood

imported_همس الشوق

12-06-2009, 09:09 PM

لكن لقيتك هبّاشة

دا نكتيه من وين ؟
الله يجازى محنك يا قوقل ..

ههههههههههههههههههههههه

الشهرة متاعب يا باش مهندز goood

imported_فيصل سعد

13-06-2009, 03:32 AM

أشيل في خاطري من أعز الناس كيف يا أبو الفياصل .. أبدا يا غالي .. بس والله زعلت لعدم شوفتك والزعلني زيارتك للست نور من غير ما أكون موجود .. حرمتي من أجمل لحظات.. طبعا ما بتنسى مدي معزة العمة الست أطال الله عمرها لكم وحبها وصداقتها الخرافية لعمتك وعمتي سعاد أحمد الشيخ .. الله يطراهم جميعا بالخير .. ولم شملنا على درب المحبة .. آممممين.. تحياتي لأسرتك الكريمة وماتغيب من القهوة .. أصلو ما أظن غيرك يقدر يحقق لينا الآمل ويرجع لينا أمال .. وعاد كان أمال جات تلقى في رجال كتااااار يسوو في الجنس دا .. gooodgoood

هذا عهدنا بك ايها الاخ الحبيب ...
و ربنا يديم الخوة و المحبة و الاحترام ...
اما موضوع اجيب ليكم قريبتي آمال و كدا :D:D فانا الزولة خليتها قاعدة معاكم
هدية و رضية و سافرت و جيت لقيتها طشت :D:D و مرقتكم برة الشبكة :D:D
Persona De Grata و كدا و الحالة لسة انا ما رسلت ليها صورتك يا سيد الوجاهة
كما تدعي في اخوك زورا و بهتانا :D:D غايتوا افتش ليها في التاريخ و اسأل عنها الاجداد
و اسأل عنها المستقبل اللسة سنينه بعاد و افتش ليها في اللوحات محل الخاطر الما عاد
و في الاعياد في احزان عيون الناس و في الضل الوقف ما زاد و اناديها :D:D

imported_نزار حسن علي

13-06-2009, 04:08 PM

سيدالوجاهة
نهارك جميل وكل المعاك غايتويا ريس الحريم ديل قصتن قصة ديل اعداء الجمال والسلام طبعا ارهابيين عشان كده شغالين لينا لكن نودييييييهم وين غوانتنامو حا يقفلوهو نوديهم تورا بورا
باقي الحلوييييييييييييين وخاصة مرافي وهمس ونور و....و....و.......
اما اعداء الامة العربية
.........................
مودتي بلا حدود

imported_أبو أماني

13-06-2009, 05:04 PM

[QUOTE=أبو أماني;149355]

هههههههههههههههههههههههه

والله حننتني يا ابو اماني

ليه الجرسة دي كلها
وكمان بقى فيها كوابيس وأحلام
يا ساتر أستر

كدي شوف الصورة دي بتشبه الصورة الحلمته بيها أنا يا أخواني بقيت بهلوس ولا شنو .. دحين الماشة على دي ما ياها أم أماني وجمبها همس الشوق .. اللماهن ياربي مع بعض شنو؟

http://www.travelterrific.com/images/woman.jpg

تصوووري يا همس .. نفس الشخصية الشفتها مع أم أماني ماشة على !!.. لكين تعالي النسعلك روسين النيفة ديل حقات ضان ولا غنم؟؟ وبتسوي بيهن شنو؟؟ تكونيش فاتحة ليك مطعم في حي القمائر إنتي وسارة؟ .. والله والله يا همس .. كان عارف الحكاية كده ما كت كبيت الجرسة في البوستر السابق داك .. والله لاكين تجارة رابحة .. بي جاي روسين نيفة .. وسارة تسوق الب.. ب.. بعدين بقول ليك.. بالمناسبة دي أهديكما يا ريا وسكينة .. أغنية ..
البأســــــــــــــــــــــــــــــــــــــــم
سبااااانا .. أحب طرفه .. الكحيل .. مهداة أيضا للعزيز عادل عسوم .. لإعادة تلحينها وتوزيعها مع كل رأس .. نزار .. نزار .. بالله اديهم واحدة .. فيها إبتسامات .. تشاووو gooodgooodgoood

imported_نزار حسن علي

14-06-2009, 05:59 AM

سيد الوجاهة الفايته الحد
صباحك عسل وكل المعاك والحولك والبحبوك
سوفته يا ريس الحريم ديل حاسدات كيف مره بعر ومره راس نيفه وغايتو يا ريس هن عارفان نفسهن قصتن بايظه وكان لهناية دي راح ليها الدرب في المويه
سودانيات الحلوييييييييييييييييييييييييييييييييييييييييييييي ييييييييييييييييييييييييييييييييييييييييييين
صباحكم عسل ينقط..................................
مودتي بلا حدود

imported_Nour

14-06-2009, 07:26 AM

ناس القهوة صباحكم زين . همس لكن الكابوس دي جبتيها من وين دا ارهاب عديل كدا.

سارة النبي الزعلك منو

imported_سارة

14-06-2009, 07:45 AM

ناس القهوة صباحكم زين . همس لكن الكابوس دي جبتيها من وين دا ارهاب عديل كدا.

سارة النبي الزعلك منو

نور يا نور يا الكلك نور

صبحك الله بالخير

اولا بشكرك للاهتمام لانك الزول الوحيد السأل من زعلى:mad::mad:

لكن الزعلنى وورم فشفاشى شكيتو شكيتن لا تتعطل لا تتبطل تمشى كدى بس تلاقى ناس آمييييين

وشاحدة ربى تلاقيهو عجاجة وكتاحة تكندكو وتدفنو هو حى ويطش من بيتهم وبعداك تلاقيهو مطرة

حدها النخرة تدقو المطرة وبعدين تجيهو حمى ام برد ويبدأ يهلوس

اخد نفس واجيك تانى

imported_ابوريم

14-06-2009, 09:11 AM

ابو اماني
ولا يهمك. الجماعه الرسلوهم ليك ديل محرشين ساكت والمحرًش ما بكاتل. شوف عدوك وين وبدون هدنات وسلام رشو على طول. ونحن معاك...ديل عندهم اسلوب القتل بالايادي الناعمة.
...
من طرائف دار الرياضة ام درمان.
طبعا ابواب دار الرياضة تفتح للدخول مجانا بعد بداية الشوط الثاني للمباراة بحوالي 10 دقايق. وحينها يبدأ المتفرجون بالتعليق على الداخلين بالصياح بعبارة واحدة: ملح. ملح. ملح.
مرة واحد من الداخلين حرقتو الكلمة. طلع قروش من جيبو وراها للناس. ضحكوا وقالو ليهو : مرسًل.
وتم تررم تم تم تم

بابكر مخير

14-06-2009, 09:16 AM

نور يا نور يا الكلك نور

صبحك الله بالخير

اولا بشكرك للاهتمام لانك الزول الوحيد السأل من زعلى:mad::mad:

لكن الزعلنى وورم فشفاشى شكيتو شكيتن لا تتعطل لا تتبطل تمشى كدى بس تلاقى ناس آمييييين

وشاحدة ربى تلاقيهو عجاجة وكتاحة تكندكو وتدفنو هو حى ويطش من بيتهم وبعداك تلاقيهو مطرة

حدها النخرة تدقو المطرة وبعدين تجيهو حمى ام برد ويبدأ يهلوس

اخد نفس واجيك تانى

لا حول الله

بابكر مخير

14-06-2009, 09:17 AM

لا حول الله

غايتو يا سرو
من شدة قوة دعوتك:eek::eek:
لمن:confused:
قولي إتدسآ;)

imported_تحفة حوا

14-06-2009, 10:04 AM

ناس القهوة سلام ربي يديم عليكم الصحة والعافية
نزار ما مستنيين نكتك ولا جراب الحاوي فضى
امال ان شاء الله خير
روبس وين انتي
عمي ود مخير مرحب بيك بي جاي
سرورة النبي زهجتك دي قبال ما تفك كان ما قبلتي علي أبوريم دا

imported_ابوريم

14-06-2009, 10:31 AM

تحفة حوا
تمي المقطع ياروح آدم
تحفة:
سرورة النبي زهجتك دي قبال ما تفك كان ما قبلتي علي أبوريم دا
قلنا قبيل
المحرش ما بكاتل.

imported_نزار حسن علي

14-06-2009, 10:46 AM

سيد الوجاهة الفايته الحد
نهارك جميل
اعداء الامة العربية
وينكم
اعداء الجمال والسلام
غربتكم طالت
الحلوييييييييييييييييييييييييييييييييييييييييييييي يييييييين
مشتاقييييييييييييييييييييييييييييييييييييييييييييي ييييييييييييين
مودتي بلا حدود

imported_فيصل سعد

14-06-2009, 12:14 PM

القهوة تفتقد المشاكسة روبس :D:D
و لو سيد القهوة ما سأل عنها و تفقد احوالها
وجب علينا كزبائن ان نفقدها و نرسل سلامنا
لها و لكل دفتر الغياب ..

imported_تحفة حوا

14-06-2009, 03:22 PM

تحفة حوا
تمي المقطع ياروح آدم
تحفة:

قلنا قبيل
المحرش ما بكاتل.

شكرا ليك على باقي المقطع
أنا لا بحب الكتال لا من ناسوإلا انتو الاضطريتونا لي كدا
نكتة سريعة لي ريم وأبو ريم يقفل اضنيو
مرة أيام كاس العالم 96
جا راجل لي مرتو وقال ليها : جايننا ضيوف
قالت ليهو : بيبيتوا
قال ليها : لا روماريو
:D :D :D

imported_أبو أماني

14-06-2009, 03:39 PM

القهوة تفتقد المشاكسة روبس :D:D
و لو سيد القهوة ما سأل عنها و تفقد احوالها
وجب علينا كزبائن ان نفقدها و نرسل سلامنا
لها و لكل دفتر الغياب ..

عودا حميدا بن العم العزيز .. وطبعا .. كعادتك في المبادرات الطيبة .. نبهت الجميع لغياب شعلة منتدانا ونوارة قهوتنا .. روب..س .. وووووين يا روبس؟ .. أوعى تكوني متفرغة لتعميم الكوتة الرسلتها ليك سرورة بالدي إتش إل .. حقت شنو؟ لكين ما بسعلك!!أظهري وباني يا ست الكل .. والله القهوة يجيبوها لينا ويرجعو الجبنة بصمة خشمها .. تعالي يا البتهرشي ناس كده.. وتهددي منصب ناس كده! خليتيهم طاروا طيرة أب ريش من الدريش .. والله مشتاقييييييين .. يعني نكات نزار .. ومكاواة أبو أماني الجمجار ده ما وحشتك ؟؟ goood goood goood

imported_ابوريم

14-06-2009, 03:47 PM

مرة أيام كاس العالم 96

:D :D :D

تحفة
طلعتي حفيانة في الكورة.
96 ده ياتو كاس عالم ؟ قصدك 94؟

imported_أبو أماني

14-06-2009, 04:19 PM

تحفة
طلعتي حفيانة في الكورة.
96 ده ياتو كاس عالم ؟ قصدك 94؟

أوعك تغلط في تحفة حواء دي يا أبو ريم ..والله والله كان ما عشان خاطر بنيتي الحليوة ريم كت وريتك Yahoo..!! .. تشب ليها فوق حلقها جب.. يعني إت قائلها قدرك ولا لحم سدرك؟؟ كأس العالم 94 ولا كان 96 المسكينة لسع ما ولدوها يا أخي .. بتحمر لي مالك .. الواحد مايجامل ولا شنو يعني ؟!.. و.. و بيني وبين نفسي .. ( والله أبو أماني وكت يكضب بكون شكله جعان بشكككل!) المحيرني يا أبو ريم .. طيبة قلب أستاذنا ود مخير الله يطراه بالخير سودانيات على حدها شابكنو ليك يا عمو .. يا بابا وواحدين متخننها خااالس وبقولوا جدو وحبيب قساي .. ما جمل شيل .. مسردب لهن وعمره ما قهم ليو زول .. يا أخي تصور أنا توت عنخ آمون القدامك ده .. قرررربت أقول ليو يا عمو بابكر .. بس الحق لله خجلت !!باقي لي بعد ده وبعد ما سمعت نسوان كبااااار يقولن لو كدي .. زي ناس هناية وهناية ..وهناية وهنـــاية الطافشة دييييييك! أكان لجنس ده يا أني العينت د. مخير الأب الروحي الليلي .. ودقي يامزيكة goood

imported_تحفة حوا

14-06-2009, 04:24 PM

تحفة
طلعتي حفيانة في الكورة.
96 ده ياتو كاس عالم ؟ قصدك 94؟
والله فغلا أنا ما عندي في الكورة لكن حضرت كاس العالم قبل التشقير وكنت الفريق البشجعو بيشيل الكاس :D
ولما يكون لاعب السودان بشجع الفريق التاني عشان ضغطي ما يرتفع وأزهج زهجة سارة :mad:
أصلوا السودانيين ما عندهم اي لياقة بدنية ومشهورين في دول الخليج بالكسل والركلسة وشرب الشاي والقهوة ( قال قهوة نشاط قال )
وفعلا تلقى السوداني لما يمشي في الشارع الناس تفوتوا وهو لسة ينكاش goood
عشان كدا لينا كم زمن عارضنكم للبيع زول اشترى مافي goood
أحي اتفشيت شوية فيك يا أبو ريم
سارة تعالي كملي :D

imported_عادل عسوم

14-06-2009, 04:24 PM

أبو أماني ياملك
طولنا من (قعدة) القهوة وشايف جوك زباين كتار جداد (بضم الجيم) :D:D
ياخي بي مناسبة تنظيم المريخ لبطولة سيكافا حقو تعمل استنفار و(تحديث) للكراسي والطرابيز وال(عدة) :rolleyes:
:D:D
مودتي

imported_تحفة حوا

14-06-2009, 04:34 PM

أوعك تغلط في تحفة حواء دي يا أبو ريم ..والله والله كان ما عشان خاطر بنيتي الحليوة ريم كت وريتك Yahoo..!! .. تشب ليها فوق حلقها جب.. يعني إت قائلها قدرك ولا لحم سدرك؟؟ كأس العالم 94 ولا كان 96 المسكينة لسع ما ولدوها يا أخي .. بتحمر لي مالك .. الواحد مايجامل ولا شنو يعني ؟!.. و.. و بيني وبين نفسي .. ( والله أبو أماني وكت يكضب بكون شكله جعان بشكككل!) المحيرني يا أبو ريم .. طيبة قلب أستاذنا ود مخير الله يطراه بالخير سودانيات على حدها شابكنو ليك يا عمو .. يا بابا وواحدين متخننها خااالس وبقولوا جدو وحبيب قساي .. ما جمل شيل .. مسردب لهن وعمره ما قهم ليو زول .. يا أخي تصور أنا توت عنخ آمون القدامك ده .. قرررربت أقول ليو يا عمو بابكر .. بس الحق لله خجلت !!باقي لي بعد ده وبعد ما سمعت نسوان كبااااار يقولن لو كدي .. زي ناس هناية وهناية ..وهناية وهنـــاية الطافشة دييييييك! أكان لجنس ده يا أني العينت د. مخير الأب الروحي الليلي .. ودقي يامزيكة goood
كاس العالم 98 وانتو الصادقيين بس انا كنت قدر شنو ما بوريكم انتو عايزين تطلعوا لي شهادة ميلاد
ود مخير أبونا كلنا بي طيبتو مش بي عمرو
يا جدو أبو أماني قول أمين ندرا علينا لما يجيك حفيد (هي قصدي الحفيد رقم 10 )
تاني ما ح نناديك إلا بي جدو
انتو قايلنا بنتعقد من العمر والله انتو بتتعقدوا اكتر مننا عشان عشمانيين في فرصة تانية وتالتة ورابعة
عادل عسوم عودا حميدا
أها ايش لونك ؟
غيرتو ولا لسة معانا ؟:D

imported_rubs

14-06-2009, 04:38 PM

ها يا بت ها .. روبس .. أتي إنطسيتي في نافوخك ده؟ .. أبو أماني يلقى السماحة والوجاهة والبسمة الضاوية وييين ؟.. والله كان بقى سمح زي ده .. يبوس إيده وش وضهر وغرته لصرته التوقيع .... AMAL

هسع ينط لي شبارقة ويقول .. اللللللللله يا أبو أماني النوع ده جبتو من وين؟ روبس عاوزة تتهني بطلة أبو أماني .. وووووين يا فردة؟ مش لما تشوفي حلمة ودانك باللوال .. أقول ليك قولة؟ إستني ليلة القدر .. إنتي بخيتة صدقيني بتجيك ... تشاووو
الله والله يا ابو امانى اكان بقيت انت دا :eek: ما تعبته معاى .. ويييينه البسمه دى وييينه السماحه ياخى اخير لينا كان نكون سرحاااانيين بى سماحتك هسى بعد شوفنا الحاله دى والله اخير نقفل القهوه ونفتحها حلاق ولا رايك شنو يا... ابو امانى ابو امانى انت ما عندكم مرايه كان ما عندكم اخير ليك عشان النفسيات وكدا ... يااااا حليلك يا ام امانى الصبرتى وصومتى وما فطرتى مسكيييينه

imported_rubs

14-06-2009, 04:42 PM

القهوة تفتقد المشاكسة روبس :D:D
و لو سيد القهوة ما سأل عنها و تفقد احوالها
وجب علينا كزبائن ان نفقدها و نرسل سلامنا
لها و لكل دفتر الغياب ..
يااا سلام عليك يا ابو الفياصل يا كللك زوق لكن فى ناس اكان ربطو الزوق فيهم بتفكه براااه طبعا بتكون عرفتهم looool.. انت كيف والسودان كيف انشالله اتبسطه معنو باين من الزقنى اتبسطه جدا انشالله شيلته دليفرى معاك ;)..

تخريمه ابو امانى فاضى من المسيح عشان افتقدنا

imported_عادل عسوم

14-06-2009, 04:45 PM

كاس العالم 98 وانتو الصادقيين بس انا كنت قدر شنو ما بوريكم انتو عايزين تطلعوا لي شهادة ميلاد
ود مخير أبونا كلنا بي طيبتو مش بي عمرو
يا جدو أبو أماني قول أمين ندرا علينا لما يجيك حفيد (هي قصدي الحفيد رقم 10 )
تاني ما ح نناديك إلا بي جدو
انتو قايلنا بنتعقد من العمر والله انتو بتتعقدوا اكتر مننا عشان عشمانيين في فرصة تانية وتالتة ورابعة
عادل عسوم عودا حميدا
أها ايش لونك ؟
غيرتو ولا لسة معانا ؟:D
تحفتنا الجميلة
تشكري على الترحيب يابت القبايل
لكن يابت العم مالقيتي تختي اسمي دة الاّ تحت (فرصة تانية وتالتة ورابعة دي) :mad:
أها دة باقي ليكي ما بيقطعني البحر بي غادي :p
:D:D

imported_rubs

14-06-2009, 04:55 PM

اولا بالتبادى ارحب بهمس الشوق واخوات النضال والاخوة الاعداء وعلى راسهم بتاع ليبيا داك

وبعدين يا نزار يعنى انت كيفن ما تكون مجنون وقذافيكم اب طيارة واحدة دا قال ملك افريقيا

ياخ لف بلا مساطيل بلا لمة :mad: وبعدين احسن ليك تحسن اسلوبك معانا وتخليك من

حكاية القيافة وفايت الناس مسافة ما خلاص المستور بان وعبدالجليل (عبودى ) من حكايات

رسل لى الصورة بالالوان قال وجاهة قال مخير الله فى ملكه اناوحات الرقد وختى راسو صعيد

يا هذا المدعو ابو امانى وزمرته لا اخسر فيهم ولا ربع بعراية. بعدين خلاصة الموضوع

شوفوا يا جماعةالخير عشان ما يكون فى اى لولة فى الموضوع وتجوا تعملوا ليهوشمار وكرعين

انا اليومين دى شباك حياتى مغلق للصيانة يعنى الجوةجوة والبرة برة ما تزهجوناوتخلونا الواحد

يقوم يلفها ليكم فى نص القهوة ويفرتق صواميل روسينكم: جد والله اليومين قافلة معاى للطيشmad::mad: وبصراحة افجر ليكم القنبلة ما داير اكلم اى زول ولا زولاية فيكم ماعندى

معاكم اى موضوع

اى تحانيس اى كسير تلج اى حركات جيش بقت ما بتقسم معانا:mad:

الا هل بلغت اللهم فاشهد

وش محمر مكرهب لمن غلط:mad:
وبعللللللللللللللللللللللللىيه مالك يا سروره دا منو الزعلك دا وقطع قلبك بى الزعل دا بس قولى لى عشاشن ااديبو ليك ادبه وابيعو مع الجماعه الطيبين انت بس قولى لى منو ( اريتو اطلع ابو امانى عشان اتفشه ) ...
انا بس اغيب يومين القى الرجال ديل قلبو الواطه ما قلته ليكم هدنه لالالالاال والف لاالالال انت ما صدقتونى ديل عايزين الحش بس وكان على المزيكتو ضاربه داك ارجانى خلى كل جمعه مرسل برقيه تهنيه :mad: .. اما ابو ريم الوقع لينا فى الودع دا بنحاول نفهم مويتو هسسسسى واما راس قليص استنى ليه ما اليله يومو استنو لى بس خلونى انجيكم راجعه بس الليله ارجونى :mad::mad:

imported_أبو أماني

14-06-2009, 05:48 PM

وبعللللللللللللللللللللللللىيه مالك يا سروره دا منو الزعلك دا وقطع قلبك بى الزعل دا بس قولى لى عشاشن ااديبو ليك ادبه وابيعو مع الجماعه الطيبين انت بس قولى لى منو ( اريتو اطلع ابو امانى عشان اتفشه ) ...
انا بس اغيب يومين القى الرجال ديل قلبو الواطه ما قلته ليكم هدنه لالالالاال والف لاالالال انت ما صدقتونى ديل عايزين الحش بس وكان على المزيكتو ضاربه داك ارجانى خلى كل جمعه مرسل برقيه تهنيه :mad: .. اما ابو ريم الوقع لينا فى الودع دا بنحاول نفهم مويتو هسسسسى واما راس قليص استنى ليه ما اليله يومو استنو لى بس خلونى انجيكم راجعه بس الليله ارجونى :mad::mad:

سارة .. سارة .. الرسول عليك ما تقولي ليها أبو أماني .. أنا ما خائف منها ولا حاجة لكين بس عشان (بعزها شديييييد) وما داير اغلط معاها ..بعدين ..هي ..هي ..هي ذاتها مالها؟ القومها علينا كدي شنو؟ أكيد لمتها فيها Amal حرشتها وزقزقتها علينا .. أنا عارف أمال دي من زماااان صاراها لي .. وشايلة مني شيل تقيل تقولي سحابة مطرة عبادية .. تلقيها شاكوش أبو أماني لي هسع دي مورم فوق دقنوسها المليان ده!! وعشان كدي اليومين ديل كابة الزوغة .. غايتو الله يستر ويجيب العواقب سليمة كدي زح غادي يا نزار ..نكتة شنو ده أسع وكت نكت؟ خلني النطيب بي خاطر أختك دي .. أستاذه روبس .. تشربي قهوة ؟.. والله قهوتنا الليلة حاجة عجب.. نورت بطلتك البهية .. يا بت زمزم جيبي البارد والساخن والمخارجة كيف يا الله؟!.

أبو ريم .. باقي لي يا أخوي .. الحكاية قلبت .. أعمل حسابك ناس شليل وقيقا وأبو مجتبى عرفوها بتقلب في الآخر .. قاموا من بدري شتتوا من القهوة .. وكان لعادل عسوم داك أنا بطني عليو دم .. نحن ينبذونا ويعولقونا ويجضمونا وشي أمات كفوف وشي شلاليت ..وشئ صور البعاتي يشوفها يتحصبن.. وعادل يهشكوا ليك فيو زي الشافع الوالدنو الليلة .. والغريبة وكتين (المصاصة) تقع من خشموا .. وهو يطق ليك البكية .. وعارفو طبعا يا نزار .. زولك بكااااااي .. هو نان جنس بكاء.. يا ود أمي .. ما بخجل عديييييل كدي .. لكين عارف قالوا البكاء للشفع كيويس .. بيوسع ليو الرئتين حقاتو .. أبكي ياعدولة .. الله لا كربها!!.

أها بعد ضحكتوا وإتكيفتوا علينا بمزاجنا .. هلا هلا على الجد .. أسمعي يا روب س يا أختي ما في مرتن بتهرش ليها راجل .. وأنا أديت تعليمات .. ينفذوا الخطة (4/3/2) أربعة نسوان وثلاثة جاريات (ماملكت إيمانكم) وإثنين إسبير للأربعة الأولانيات .. وهذا حق شرعي لكل رجل مسلم .. هوا أنا قبت حاقة من عندي ؟؟؟؟ خموا وصروا بقى ...
gooodgooodgooodgoood gooodgooodgoood gooodgoood

imported_نزار حسن علي

15-06-2009, 06:07 AM

سيد الوجاهة والقيافة
صباحك خير وفرح وكل المعاك
روبي
صباحكم خير وسعادة
سروره
صباحك عسل
تحفه حواء
صباحك خير وفرح
نور
صباحك عسل ينقط........
امال
صباحك خير وفرح وشوقنا ماسورة محلوجة
سودانيات الحلوييييييييييييييييين صباحكم خير وفرح وفرج يا رب
مودتي بلا حدود

imported_ابوريم

15-06-2009, 06:47 AM

والله فغلا أنا ما عندي في الكورة لكن حضرت كاس العالم قبل التشقير وكنت الفريق البشجعو بيشيل الكاس :D
ولما يكون لاعب السودان بشجع الفريق التاني عشان ضغطي ما يرتفع وأزهج زهجة سارة :mad:
أصلوا السودانيين ما عندهم اي لياقة بدنية ومشهورين في دول الخليج بالكسل والركلسة وشرب الشاي والقهوه قال قهوة نشاط قال )
وفعلا تلقى السوداني لما يمشي في الشارع الناس تفوتوا وهو لسة ينكاش goood
عشان كدا لينا كم زمن عارضنكم للبيع زول اشترى مافي goood
أحي اتفشيت شوية فيك يا أبو ريم
سارة تعالي كملي :D
تحفة حوا وروح آدم
صباح الخير
التشقير؟
كأس العالم للتجميل؟
,,,,,,,,,
طيبي عرفنا السودانيين أها السودانيات ....؟
،،،
والسودانية بتمشي كيف؟
,,,,,,,,,
بقوا يدفعوا لينا مهور ولا شنو؟ هنود؟
...
حمد لله على سلامة الفشة.
...
استعانة بصديق؟ بس مشغولة مع الوصفات البعرية.

imported_ابوريم

15-06-2009, 06:51 AM

روبس
اما ابو ريم الوقع لينا فى الودع دا
صباح الخير
بخيتين وسعيدين.

بنحاول نفهم مويتو هسسسسى
صعب.

imported_تحفة حوا

15-06-2009, 10:10 AM

.. وكان لعادل عسوم داك أنا بطني عليو دم .. نحن ينبذونا ويعولقونا ويجضمونا وشي أمات كفوف وشي شلاليت ..وشئ صور البعاتي يشوفها يتحصبن.. وعادل يهشكوا ليك فيو زي الشافع الوالدنو الليلة .. والغريبة وكتين (المصاصة) تقع من خشموا .. وهو يطق ليك البكية .. وعارفو طبعا يا نزار .. زولك بكااااااي .. هو نان جنس بكاء.. يا ود أمي .. ما بخجل عديييييل كدي .. لكين عارف قالوا البكاء للشفع كيويس .. بيوسع ليو الرئتين حقاتو .. أبكي ياعدولة .. الله لا كربها!!.
أها بع

بالغت يا أبو أماني وخليتني اتخيل المنظر :D
يعني عشان عادل زول طيب يتسم بالحلم والأناءة تقول علي كدي ;)
إلا تستاهل يا عادل (ولا اعدي بي غادي )أها ما أخير ليك احنا

goood .. أسمعي يا روب س يا أختي ما في مرتن بتهرش ليها راجل .. وأنا أديت تعليمات .. ينفذوا الخطة (4/3/2) أربعة نسوان وثلاثة جاريات (ماملكت إيمانكم) وإثنين إسبير للأربعة الأولانيات .. وهذا حق شرعي لكل رجل مسلم .. هوا أنا قبت حاقة من عندي ؟؟؟؟ خموا وصروا بقى ..
عفيت منك يا روبس
هرشتيو هرشة خليتي يشوفنا تسعة تسعة
انتو الهدنة انتهت مش كدا :D
gooodgooodgooodgoood gooodgooodgoood gooodgoood
ابو اماني وين فلولك المندحرة

imported_تحفة حوا

15-06-2009, 10:17 AM

تحفة حوا وروح آدم
صباح الخير
التشقير؟
كأس العالم للتجميل؟
,,,,,,,,,
طيبي عرفنا السودانيين أها السودانيات ....؟
،،،
والسودانية بتمشي كيف؟
,,,,,,,,,
بقوا يدفعوا لينا مهور ولا شنو؟ هنود؟
...
حمد لله على سلامة الفشة.
...
استعانة بصديق؟ بس مشغولة مع الوصفات البعرية.

ابو ريم سلم لي علي ريم
وبي مناسبة البيبي الفوق
ح أحكي لي ريم نكتة وانت قفل اضنيك مش تفنجل لي عينيك وتستغل استعجالي واخطائي الاملائية :D
قالوا كان في ناس كتار راكبين ليهم لوري وماشين في دقداق
كانت في مرة قاعدة وكان في قزم مديها ضهرو
قامت شالتو وختتو في كرعينا وقالت هي الوليد دا ما بيقدر علي الوقفة بيقع
زولك اتلفت وعاين ليها بي خلعة
لمن شافتو قالت : سجمي هو انت بي شنبك
:D :D :D

imported_ابوريم

15-06-2009, 10:40 AM

........ياروح آدم
زولك اتلفت وعاين ليها بي خلعة
شليق لكين. ما كان يسردب.
...
طيب مادام بقيتي تردي بي نكت. نحن زاتنا نعمل هدنة. مؤقتا بس.
مرة عندنا في بيت المال الجماعه متلمين بيكتبوا في الكروت. اها كل زول يقول فلان الفلاني . يردو عليهوسغيل ما بسلم. فلان الفلاني ده حزب ... دة ماعارف شنو. المهم جا ذكر عمنا(م) رحمة الله. قام واحد قال: ياخي دة زاتو عميان ما بشوف. رد المرحوم (ع) وما يبقي .ياخي انت عازمو سمك؟
و
تم تررم تم تم تم

imported_تحفة حوا

15-06-2009, 10:54 AM

........ياروح آدم

شليق لكين. ما كان يسردب.
...
طيب مادام بقيتي تردي بي نكت. نحن زاتنا نعمل هدنة. مؤقتا بس.
مرة عندنا في بيت المال الجماعه متلميت بيكتبوا في الكروت. اها كل زول يقول فلان الفلاني . يردو عليهوسغيل ما بسلم. فلان الفلاني ده حزب ... دة ماعارف شنو. المهم جا ذكر عمنا(م) رحمة الله. قام واحد قال: ياخي دة زاتو عميان ما بشوف. رد المرحوم (ع) وما يبقي .ياخي انت عازمو سمك؟
و
تم تررم تم تم تم
الكلمة المظللة دي ما فهمتها :D
والليلة الظاهر يوم النكت
نكتة تانية لي ريم
فنان والشيالين بتاعنو كانوا في حفلة والحفلة اتأخرت الفنان اخد ليو نومة لكن الشيالين ما ناموا ولمن بدأت الحفلة كانوا نعسانيين شديد وقالوا ما ح يقدروا يغنوا
المهم اصروا عليهم وقالوا اغنية واحدة بس
بدأ الفنان يغني : يا السفروك
الشيالين :ايوووة
الفنان : بالقطر ودوك
الشيالين : أيووووووة
الفنان : يالسفروك (وناسك خلاااااص استوا )
الشيالين : جك ( بي معنى نعم )
:D :D :D
معليش نكتة مفروض تتقال

imported_ابوريم

15-06-2009, 11:08 AM

الكلمة المظللة دي ما فهمتها :D
والليلة الظاهر يوم النكت
نكتة تانية لي ريم
فنان والشيالين بتاعنو كانوا في حفلة والحفلة اتأخرت الفنان اخد ليو نومة لكن الشيالين ما ناموا ولمن بدأت الحفلة كانوا نعسانيين شديد وقالوا ما ح يقدروا يغنوا
المهم اصروا عليهم وقالوا اغنية واحدة بس
بدأ الفنان يغني : يا السفروك
الشيالين :ايوووة
الفنان : بالقطر ودوك
الشيالين : أيووووووة
الفنان : يالسفروك (وناسك خلاااااص استوا )
الشيالين : جك ( بي معنى نعم )
:D :D :D
معليش نكتة مفروض تتقال

......ياروح آدم
حلوة تصدقي فهمتها رغم انها مابتتكتب.
تاني نقعد ننقطها كويس قبل نرسلها.
...
الكحلاوي الله يرحمو كان بيغني انا يا طير. المهم مافي واحدة عبرتوا بالرقيص قدامو غير واحدة بس وكانت ما بتتقابل من الشنا. المهم لمن قنع قعد يأشر عليها ويكرر ياطير ياطير....
المهم انتبهت المرة وعاينت ليهو وقالت : بس
رد عليها يبسبس د.......ابوكي.
و
تم تررم تم تم تم

imported_تحفة حوا

15-06-2009, 11:39 AM

......ياروح آدم
حلوة تصدقي فهمتها رغم انها مابتتكتب.
تاني نقعد ننقطها كويس قبل نرسلها.
...
الكحلاوي الله يرحمو كان بيغني انا يا طير. المهم مافي واحدة عبرتوا بالرقيص قدامو غير واحدة بس وكانت ما بتتقابل من الشنا. المهم لمن قنع قعد يأشر عليها ويكرر ياطير ياطير....
المهم انتبهت المرة وعاينت ليهو وقالت : بس
رد عليها يبسبس د.......ابوكي.
و
تم تررم تم تم تم
كان في واحد شين شنا شديدة اسمو بلة جابوا ليو ولد وكان شين زيو جاوا صاحبو الرباطابي يزوروا ويهني لما لقى المولود شين زي أبو قال ليهو دا حقو تسمو زاد الطين (عشان يبقى زاد الطين بلة )
:D :D :D

imported_عادل عسوم

15-06-2009, 11:45 AM

المشاركة الأصلية كتبت بواسطة أبو أماني
.. وكان لعادل عسوم داك أنا بطني عليو دم .. نحن ينبذونا ويعولقونا ويجضمونا وشي أمات كفوف وشي شلاليت ..وشئ صور البعاتي يشوفها يتحصبن.. وعادل يهشكوا ليك فيو زي الشافع الوالدنو الليلة .. والغريبة وكتين (المصاصة) تقع من خشموا .. وهو يطق ليك البكية .. وعارفو طبعا يا نزار .. زولك بكااااااي .. هو نان جنس بكاء.. يا ود أمي .. ما بخجل عديييييل كدي .. لكين عارف قالوا البكاء للشفع كيويس .. بيوسع ليو الرئتين حقاتو .. أبكي ياعدولة .. الله لا كربها!!.
كتبت تحفة حوا
بالغت يا أبو أماني وخليتني اتخيل المنظر
يعني عشان عادل زول طيب يتسم بالحلم والأناءة تقول علي كدي
إلا تستاهل يا عادل (ولا اعدي بي غادي )أها ما أخير ليك احنا
تحفتنا الجميلة
غايتو الحلم والأناة ديل يابت عمي جابن لينا جنس بشاتن :mad::mad:
أبوأماني
كدي هاك النكتة (المنقولة) دي ليك (حصريا) :mad:
وكمان معاك نزار:mad:
وأبوريم بتاح الودع دة :p
وأبوالمجتبى :mad:
و...
و...
و...
...
القصة دي يشهد الله ما حصلت لي .... دي منقولة ...

مرة في أحد المساجد والإمام يصلي بينا...

بديت أسمع الجهة اللي يميني وإحنا ساجدين ... صوت واحد صغير يقول

شعععععن .. وكأنه واحد يحاول يشغل سيارة..

ثم صوت واحد كبير يصرخ، وهكذا كل ماسجدنا أو ركعنا

نسمع كلمة شعععععن وبعدها صرخة أو نحنحة ..

المهم الصوت كل مرة يقرب وأنا أسمع

شععععععن...

ثم يتلوه نحنحة إ حممم إحمم وأحس النحنحة مفتعلة ...

المهم وصل الصوت لجار جاري وسمعته يفز....

لحدي ما وصل جاري.. المهم ما عرفت السر إلى أن وصلني الدور ...

أتاريه طفل مآخذ مفتاح أبوه وجالس يشغلنا من وراء..

والمشكلة انه مجرب المفتاح على الجماعة كلهم ..

طبعا اللي يسوي نفسه تقيل وما يفز
يقول عنه الصغير : حلبانه السياله
(يعني بذلك خربانة السيارة)

imported_ابوريم

15-06-2009, 11:53 AM

كان في واحد شين شنا شديدة اسمو بلة جابوا ليو ولد وكان شين زيو جاوا صاحبو الرباطابي يزوروا ويهني لما لقى المولود شين زي أبو قال ليهو دا حقو تسمو زاد الطين (عشان يبقى زاد الطين بلة )
:D :D :D
...
الله يجازي محنك ياتحفة
ضحكتيني لمن شرقت وقحقحت
اتاريك ظريفة كدة وانا ماعارف.
ما حأجيب احلى منها. خلاص.

imported_همس الشوق

15-06-2009, 02:21 PM

شايفة القهوة قلبت نكات وكدا

بس الهدنة لا بد منها

على العموم مشاركة اتمنى نعجبكم

ضب سكران قال للحيوانات:
أنا لوما السكر ومبارات الجكس
كان بقيت تمساح؛؛؛؛؛؛؛؛؛؛؛؛؛

imported_أبو أماني

15-06-2009, 04:18 PM

تحفتنا الجميلة
غايتو الحلم والأناة ديل يابت عمي جابن لينا جنس بشاتن :mad::mad:
أبوأماني
كدي هاك النكتة (المنقولة) دي ليك (حصريا) :mad:
وكمان معاك نزار:mad:
وأبوريم بتاح الودع دة :p
وأبوالمجتبى :mad:
القصة دي يشهد الله ما حصلت لي .... دي منقولة ...
مرة في أحد المساجد والإمام يصلي بينا...
بديت أسمع الجهة اللي يميني وإحنا ساجدين ... صوت واحد صغير يقول
شعععععن .. وكأنه واحد يحاول يشغل سيارة..
ثم صوت واحد كبير يصرخ، وهكذا كل ماسجدنا أو ركعنا

نسمع كلمة شعععععن وبعدها صرخة أو نحنحة ..
المهم الصوت كل مرة يقرب وأنا أسمع
ثم يتلوه نحنحة إ حممم إحمم وأحس النحنحة مفتعلة ...
المهم وصل الصوت لجار جاري وسمعته يفز....
لحدي ما وصل جاري.. المهم ما عرفت السر إلى أن وصلني الدور ...
أتاريه طفل مآخذ مفتاح أبوه وجالس يشغلنا من وراء..
والمشكلة انه مجرب المفتاح على الجماعة كلهم ..
طبعا اللي يسوي نفسه تقيل وما يفز
يقول عنه الصغير : حلبانه السياله
(يعني بذلك خربانة السيارة)

والله يا عادل تخيلت المنظر وكدت أروح فيها من الضحك .. لأنو حقك علىّ أثناء الضحك شرقت وقررربت اتلحس .. يا أخي عليك الله لو تقلت معاك المزح ما تأخد في خاطرك مني ولا مثقال ذرة لأني والله والله من شدت حبي ليك (الغير مبرر بالنسبة لي) يعني لله في لله كده .. بحبك زي منو يا ربي؟ .. منو يا ربي؟ .. منو؟؟؟ لا يا أخ ما تبالغ .. ما زي أم أماني ..وأنا بحب أعاكسك لأكين والله ياعدولة قلبي أبيض من (سجل الهلال) من بطولات جوية .. وأعمل حسابك من الطابور الخامس البيحاول يندس بيناتنا .. أأأي تحفة حواء .. هوووي يا تحفة أوعيك تحاولي الدخول بين التفاحة وقشرتها ..التفاحة منو؟ أنا عارف كدي أسألي عدولة .. عموما أنا وعدولة سمن على عسل حتى بالأمارة بيحاول يتودد لي اليومين ديل ويحنكني عشان أناسبه وأعرس بتو .. (الظاهر عليو مكنة سماحتي وشبابي المتجدد مشت فوقه يا إتي!) ويكون والله أعلم صدق نجرة العشرين مليار دورار ديك ..أطلعي منها يا تحفة حواء واسمعي كلامي ده كيويييييييس .. أكان إتي تحفة حواء .. عدولة عندنا يعتبر تفاحة أدم .. لا ما ديك البتقوم في الحلقوم .. تفاحة جد ..جد .. ده شنو ده ..ده ؟ قوومتي نفسّي .. جنننننك لخبتة .. إتو يا أخوانا همس الشوق ماله ما بنسمع اليومين ديل ؟؟ وكان لملكة الروعة AMAL لا حس لا خبر .. الحاصل شنو ياجماعة والله جد القهوة من غير أمال وسارة زي بيت البكاء ..يا أخوانا ما تفقدوا أمال دي .. أنا والله كان بإيدي كان بالقطر أمشيلها في بلد النصارى القاعدة فوقها ديك !.. إت قلت إسمها شنو يا نزار؟؟ goood goood goood

imported_AMAL

15-06-2009, 11:53 PM

ازيكم
:p:p:p:p

imported_ابوريم

16-06-2009, 07:56 AM

ناس القهوة صباحكم بن.
امال
حمد لله على السلامة
نزار اوع تكون كورتك فكت؟ ونكاتك كملت؟
روبس
وينك؟
تحفة الظريفة
اظهري
سيد القهوة
دايرين بنابر زيادة.
عادل عسوم وأبوريم بتاح الودع دة
روبس قالت : الوقع لينا في الودع. اشرح ليك ولا تجي روبس تشرح ليك؟
تعالي فهمي عمك.

imported_شبارقة

16-06-2009, 08:02 AM

ازيكم
:p:p:p:p

كيفنكم ؟ أنا لي زمان ما شفتكم ... شوقنا متل شوك الكتر طعن الجسم لامن خـِدر

أنصار سنة مشو رحلة عائلية
الرجال مشو الجريف شرق والنسوان مشن الجريف غرب :D

ملحوظة : حظهن ودوهن الجريف غرب ... نحن لو طلعنا رحلة نسوانا بنرميهن في البحر :D
للسمك أكان السمك يرضى بيهن :) ... بلا هدنة بلا بطيخ :mad:

imported_ابوريم

16-06-2009, 08:31 AM

شبارقة:
للسمك أكان السمك يرضى بيهن ... بلا هدنة بلا بطيخ
حولا.
كلام والله.
اعلان حرب عديل.
...
قال ليك الجماعة قاعدين ينسطلوا جنب الخور. شافو السواري جاي من هناك دسوا ليك المسائل. البوليس فتش مالقى اي حاجة الابس ورق برنسيس. قال ليهم يلا على النقطة. رد عليهو واحد: ياجنابو الخور دة بجيب جنايز داير تقبضنا بي ورقة برنسيس.
تم تررم تم تم تم

ناصر يوسف

16-06-2009, 09:48 AM

لحدي ما وصل جاري.. المهم ما عرفت السر إلى أن وصلني الدور ...

أتاريه طفل مآخذ مفتاح أبوه وجالس يشغلنا من وراء..

والمشكلة انه مجرب المفتاح على الجماعة كلهم ..

طبعا اللي يسوي نفسه تقيل وما يفز
يقول عنه الصغير : حلبانه السياله
(يعني بذلك خربانة السيارة)

هههههههههههههههههههه

:p:p:p

وااااااااااااااااااااااااااااااااااااااااااااو

لا لا ملعوووووووووووبه

بالجد قلت لي الشافع جرب كل الموديلات ؟؟

لا لا مباااااااااااالغه والله ضحكت لآمن عويناتي كبن دموعهن

imported_تحفة حوا

16-06-2009, 10:58 AM

آمال حمدا لله على السلامة وألف مرحب goood
شبارقة :mad:
انت امباريح اتغديت سمك وحليت بطيخ ولا شنو ؟
أبو ريم النكتة دي ممكن تكون لي ريم بس مع بعض التعديلات ;)
واحد مسطول شاف واحد عندو شامة كبيرة فوق عينو الشمال, قاليهو بالله عليك دي عين ولا غين .
:D :D :D

imported_AMAL

16-06-2009, 11:01 AM

كيفنكم ؟ أنا لي زمان ما شفتكم ... شوقنا متل شوك الكتر طعن الجسم لامن خـِدر

أنصار سنة مشو رحلة عائلية
الرجال مشو الجريف شرق والنسوان مشن الجريف غرب :D

ملحوظة : حظهن ودوهن الجريف غرب ... نحن لو طلعنا رحلة نسوانا بنرميهن في البحر :D
للسمك أكان السمك يرضى بيهن :) ... بلا هدنة بلا بطيخ :mad:

هييييي يااقلية
انت في حوش النسوان وبتفك في البنبان:mad:
اعمل لاين واقيف بيهاند
نحنا بس عاملين خاطر لوضعك كاقلية وكدا
ومراعين حقوقكم
اها شوف دا
http://www.almassrawy.com/forum/showthread.php?t=26718

ابو ريم سلااام
بالله شبارقة دا ادو قلبو
ونحنا باقين علي الهدنة
ولن نستجيب لاي استفزازات او خروقات

ولا نامت اعين السمك زاتوgoood

imported_عادل عسوم

16-06-2009, 11:06 AM

والله يا عادل تخيلت المنظر وكدت أروح فيها من الضحك .. لأنو حقك علىّ أثناء الضحك شرقت وقررربت اتلحس .. يا أخي عليك الله لو تقلت معاك المزح ما تأخد في خاطرك مني ولا مثقال ذرة لأني والله والله من شدت حبي ليك (الغير مبرر بالنسبة لي) يعني لله في لله كده .. بحبك زي منو يا ربي؟ .. منو يا ربي؟ .. منو؟؟؟ لا يا أخ ما تبالغ .. ما زي أم أماني ..وأنا بحب أعاكسك لأكين والله ياعدولة قلبي أبيض من (سجل الهلال) من بطولات جوية .. وأعمل حسابك من الطابور الخامس البيحاول يندس بيناتنا .. أأأي تحفة حواء .. هوووي يا تحفة أوعيك تحاولي الدخول بين التفاحة وقشرتها ..التفاحة منو؟ أنا عارف كدي أسألي عدولة .. عموما أنا وعدولة سمن على عسل حتى بالأمارة بيحاول يتودد لي اليومين ديل ويحنكني عشان أناسبه وأعرس بتو .. (الظاهر عليو مكنة سماحتي وشبابي المتجدد مشت فوقه يا إتي!) ويكون والله أعلم صدق نجرة العشرين مليار دورار ديك ..أطلعي منها يا تحفة حواء واسمعي كلامي ده كيويييييييس .. أكان إتي تحفة حواء .. عدولة عندنا يعتبر تفاحة أدم .. لا ما ديك البتقوم في الحلقوم .. تفاحة جد ..جد .. ده شنو ده ..ده ؟ قوومتي نفسّي .. جنننننك لخبتة .. إتو يا أخوانا همس الشوق ماله ما بنسمع اليومين ديل ؟؟ وكان لملكة الروعة AMAL لا حس لا خبر .. الحاصل شنو ياجماعة والله جد القهوة من غير أمال وسارة زي بيت البكاء ..يا أخوانا ما تفقدوا أمال دي .. أنا والله كان بإيدي كان بالقطر أمشيلها في بلد النصارى القاعدة فوقها ديك !.. إت قلت إسمها شنو يا نزار؟؟ goood goood goood
أنا من ناحية كنت زعلان فكنت زعلان بالجد بالجد ياأبوأماني :mad::mad:
لكن بيني وبينك مادام في (مريارات دورارات) ...هي مالو نطقها بس بيتور النفس كدي :confused:
مادام ياحبيبنا بقيت من أهل المريارات بنراجع موقفنا :p
أصلو (الجماعة) قالو (السياسة هي فن الممكن)
وسلم لي على التفاح الفي الرقاب والقفاف كللللو gooodgoood
تسلم ياحبيب

imported_AMAL

16-06-2009, 11:16 AM

آمال حمدا لله على السلامة وألف مرحب goood
شبارقة :mad:
انت امباريح اتغديت سمك وحليت بطيخ ولا شنو ؟
أبو ريم النكتة دي ممكن تكون لي ريم بس مع بعض التعديلات ;)
واحد مسطول شاف واحد عندو شامة كبيرة فوق عينو الشمال, قاليهو بالله عليك دي عين ولا غين .
:D :D :D
تحفة ازيك مشتاقين
شبارقة دا خليه نحنا خالينو لي هيام
كلما يفتح خشمو القمته بنتا :p
الجنة لوج يافردة
نربي فيكم وتربو في عمايلكم:mad:

imported_عادل عسوم

16-06-2009, 11:44 AM

هههههههههههههههههههه

:p:p:p

وااااااااااااااااااااااااااااااااااااااااااااو

لا لا ملعوووووووووووبه

بالجد قلت لي الشافع جرب كل الموديلات ؟؟

لا لا مباااااااااااالغه والله ضحكت لآمن عويناتي كبن دموعهن
تسلم ياناصر يااخوي
صدقني أنا كلما أقراها أضحك :D:D

imported_تحفة حوا

16-06-2009, 11:44 AM

تحفة ازيك مشتاقين
شبارقة دا خليه نحنا خالينو لي هيام
كلما يفتح خشمو القمته بنتا :p
الجنة لوج يافردة
نربي فيكم وتربو في عمايلكم:mad:
هههههههه
يا أبو البنات البنعرفو انو ابو البنات حنين
ما تروق وتروق المنقة والكيوي وكمان التفاح :D
عادل عسوم الليلة بمرقنا من البلد :p

imported_عادل عسوم

16-06-2009, 12:03 PM

كتب أبوريم
عادل عسوم
اقتباس:
وأبوريم بتاح الودع دة

روبس قالت : الوقع لينا في الودع. اشرح ليك ولا تجي روبس تشرح ليك؟
تعالي فهمي عمك.
العمى اليعمي عدوك
:mad::mad:
بالله يا(أخت) روبس (أغشي) البوستر بتاع حبيبنا طارق كانديك حق زيارتنا لي الأستاذ هاشم و(أتفرجي) في الصور وقولي لي أبوريم دة عمك منو فينا :p
وبعدين ياأبوريم وقعت في ودع والاّ الودع وقع فوقك والاّ أنت البتوقع الودع كلو عندنا واحد مادام (الزولة) الذكرت الكلام دة شهادتا عندنا مقبولة و(مهضومة) ;)
:D:D

imported_rubs

16-06-2009, 12:06 PM

ازيكم
:p:p:p:p
ازيك يا اموله والله والله اشتقنا ليك انت يا بت بتغصسى كدا وين :confused:
عليك الله اقعدى حبه وضبى لينا ناس القهوه دى عذبونا

تخريمه :
ساره انت وين ؟؟ اشتقنا لى سرحاتك

imported_rubs

16-06-2009, 12:10 PM

كيفنكم ؟ أنا لي زمان ما شفتكم ... شوقنا متل شوك الكتر طعن الجسم لامن خـِدر

أنصار سنة مشو رحلة عائلية
الرجال مشو الجريف شرق والنسوان مشن الجريف غرب :D

ملحوظة : حظهن ودوهن الجريف غرب ... نحن لو طلعنا رحلة نسوانا بنرميهن في البحر :D
للسمك أكان السمك يرضى بيهن :) ... بلا هدنة بلا بطيخ :mad:
الله ينصرك انا زاتى من زمااااااااااان كلمتهم هدنه شنو هو فى راجل بعملو معاه هدنه ولا اتفاق احسن عديل كدا نوضح نوايانا وزى ما بقولو قتلوك ولا جوك جوك .. والواحد اهدن فى البيت وكمان فى القهوه .. واتفش وين ؟؟؟؟؟:confused:

imported_rubs

16-06-2009, 12:13 PM

:o دى شنو النكت الحامضه دى نزار يا نزار انت وين عليك الله تعال اديهم نكت من نكتك عشان اامنو ..

imported_عادل عسوم

16-06-2009, 12:26 PM

هههههههه
يا أبو البنات البنعرفو انو ابو البنات حنين
ما تروق وتروق المنقة والكيوي وكمان التفاح :D
عادل عسوم الليلة بمرقنا من البلد :p
:D:D
تحفتنا
ولا يهمك
مادام الفواكه (في حدود) المذكورة أعلاه فلا مانع :p
بس أختي لينا الموز بتاع دكتور بابكر وأبوريم داك :D:D

imported_عادل عسوم

16-06-2009, 03:01 PM

تحفة ازيك مشتاقين
شبارقة دا خليه نحنا خالينو لي هيام
كلما يفتح خشمو القمته بنتا :p
الجنة لوج يافردة
نربي فيكم وتربو في عمايلكم:mad:
اتنين بتاعين مزاج اللتنين (دقشوهن) بي تلات بنات ورا بعض ;)
قاعدين ليهم في (قعدة) معا بعض قام واحد قال للتاني
-تعرف ياصاحبي
ربنا دة بالجد بيحبنا كتير!
-وكيف عرفت يافردة؟!
-لأنو عرفنا ماعندنا حاجة تدخلنا الجنة عشان كدة أدانا التلات بنات ديل (نخش بيهن) :D:D
شبارقة :mad:
أنا قلت أتنين (بتاعين مزاج)
سمح؟
:D:D

imported_أبو أماني

16-06-2009, 03:24 PM

تسلم ياناصر يااخوي
صدقني أنا كلما أقراها أضحك :D:D

تهئئئئئئي هي هي هييييي ..!!
كلما تقراها ..؟ ولا كلما تتذكر عملت الشافع يا أبو عديلة ..؟ على فكرة الود لما حاول يشغل السيارة .. البطارية ..كانت كيييييييييييف؟؟؟!.. يجازي محنك يا عادل .. goood goood goood

imported_سارة

16-06-2009, 04:19 PM

:mad::mad::mad::mad:

والله يا جماعة مافى شىء بطير لى الزعلة دى الا شكلة كاربة

يلا يابنات مخسمات بالنبى قولوالى منو وخلو الباقى عليى

ابو امانى دا بقى دقة قديمة ما منو اى نكهة ولا حتى ناس خشمى قادر عليهو ديلك شوفوا لى زول

سمح عشان الشكلة ذاتها تكون ليها هيبةgooodgooodgoood ما تجيبوا لى اخونا داك

بتاع البتاع دا مروة ما عندو اديهو ليكم لطشة واحدة يرقد هردبيس اها قلتو شنو

بسرعة قبال الزعلة تفك

روبس ياخ مشتاقون أدييل كدا

imported_أبو أماني

16-06-2009, 04:48 PM

ازيكم
:p:p:p:p

زينا من غيرك يمة..زي السجم والندم
يا ست السماح .. والذوق ..والفهــم ..
القهوة من غيرك .. لا .. بن .. لافحم
والمكاواة ..مسيييييخة .. من غير طعم
* * *
يلا يا أم البنية .. خلي أبو مجتبى يعرف حاجة.. وكان لناس أبو أماني وأبو ريم .. وأبوالزفت وجميع فلول الأبوات .. ديل خليهم ساااكت .. سارة قالت عليهم .. دقة قديمة .. خليها تصبر لي ملكة .. ال.. ب.. بع... هي مالها سدت لي في حلقي .. مرحب بيك AMAL goood goood goood

imported_شبارقة

16-06-2009, 04:51 PM

:mad::mad::mad::mad:

شوفوا لى زول سمح عشان الشكلة ذاتها تكون ليها هيبةgooodgooodgoood

يا زولة ... السمح ما بشاكل ولا بيشاكلوهو ... ما سمعتي بأغنية االزول الوسيم في طبعو دائما ً هادئ :)

وإن كنتي ما زلتي مـُصـِرة فأنا غايتو جاهز :D

وبمناسبة مُصـِرة دي زمان واحد من أبناء جيراننا قال لأمه : يمه إنتي صارة وشك كده ليه ؟

قالت ليهو : إن شاء الله يصروك في بعرة .

أها يا خبيرة البـ .... الزول يصروهو في بعرة كيفن؟:D

imported_تحفة حوا

16-06-2009, 04:52 PM

:mad::mad::mad::mad:

والله يا جماعة مافى شىء بطير لى الزعلة دى الا شكلة كاربة

يلا يابنات مخسمات بالنبى قولوالى منو وخلو الباقى عليى

ابو امانى دا بقى دقة قديمة ما منو اى نكهة ولا حتى ناس خشمى قادر عليهو ديلك شوفوا لى زول

سمح عشان الشكلة ذاتها تكون ليها هيبةgooodgooodgoood ما تجيبوا لى اخونا داك

بتاع البتاع دا مروة ما عندو اديهو ليكم لطشة واحدة يرقد هردبيس اها قلتو شنو

بسرعة قبال الزعلة تفك

روبس ياخ مشتاقون أدييل كدا
سارة لا ازيك ولا كيفك ولا اي حاجة ( عشان الزهجة تزيد وما تفك )
بالله قبلي لينا عليهم كلهم دون استثناء
أنا لي زمن مستنياك
كل البنقول علي موسى يطلع فرعون
قلنا هدنة شوفي عملوا شنوا
المديدة حرقتني
وصيتي ليك
لا تصالحي لا تهادني لا تستسلمي وكتري من :mad:
سيري وأنا وراك بالتحريش
أصلي ما زهجانة (اسفة ) انا زعلانة :(
زول سمح ما في كلهم زي بلة ووليدو :D

imported_سارة

16-06-2009, 05:22 PM

يا زولة ... السمح ما بشاكل ولا بيشاكلوهو ... ما سمعتي بأغنية االزول الوسيم في طبعو دائما ً هادئ :)

وإن كنتي ما زلتي مـُصـِرة فأنا غايتو جاهز :D

وبمناسبة مُصـِرة دي زمان واحد من أبناء جيراننا قال لأمه : يمه إنتي صارة وشك كده ليه ؟

قالت ليهو : إن شاء الله يصروك في بعرة .

أها يا خبيرة البـ .... الزول يصروهو في بعرة كيفن؟:D

شوف يااخ شوشو ( هذه الشوشوة باعتبار انى صدقت سمحاتكم المزعومة) الولد قال لى امو مالك يمة صارة قدومك

قالت ليهو من ابوك يصرك فى بعرة حمار هذا اولا ثانيا انا نوعية سمحاتكم دى ما بتقسم معانا

انادايرة الغنو ليهو الزول السمح فايت الكوبار والقدرو لو شافوهو ناس ابو فلانة كانو يعقروا

ثالثا ودا الاهم خلاص انا ماعندى مزاج اشاكل عندى مزاج اتغاتت عليك ينفعgooodgoood

imported_سارة

16-06-2009, 05:27 PM

سارة لا ازيك ولا كيفك ولا اي حاجة ( عشان الزهجة تزيد وما تفك )
بالله قبلي لينا عليهم كلهم دون استثناء
أنا لي زمن مستنياك
كل البنقول علي موسى يطلع فرعون
قلنا هدنة شوفي عملوا شنوا
المديدة حرقتني
وصيتي ليك
لا تصالحي لا تهادني لا تستسلمي وكتري من :mad:
سيري وأنا وراك بالتحريش
أصلي ما زهجانة (اسفة ) انا زعلانة :(
زول سمح ما في كلهم زي بلة ووليدو :D

تحفة ياغالية الله وكيلك ديل بلة ووليدو زاتهم ما يرضوا بيهم

هسى مخسمة بالنبى شلاضيم ابو امانى دا كان لمينا بعر الزريبة كلو بينفع فوقو؟؟؟؟

وبعدين هدنة شنو انا اكتشفت انه صبرنا عليهم قايلنو خوف الله وكيلك شفتهم بيقوا يتضاربو

وشى رسايل فى الخاص وجماعة ناشرين صورهم ومستحمين بصابون اومو بس وحاتك

كلو ما بجيب مريسة تامزينوماخلاس الفيكم اتعرفت والنوع الممسح لمن بيلالى داك

وااااى يا بطنى gooodgooodgoood غايتو فى ناس كدى شنات برةgoood

imported_شبارقة

16-06-2009, 05:33 PM

زول سمح ما في كلهم زي بلة ووليدو :D

وااااى يا بطنى gooodgooodgoood غايتو فى ناس كدى شنات برةgoood

ما مشكلة ... الأخلاق الأخلاق ;)

داك الرماد وداك قدحو :D

راغب علامة كلامو صاح وليهو حق ... تستاهلن .. أقلّ من جزاكن goood

نحن زاتنا نستاهل ... سليلات أمهرا قريبات مننا لكن ... شقي الحال يقع في القيد :mad:

imported_سارة

16-06-2009, 05:38 PM

ما مشكلة ... الأخلاق الأخلاق ;)

داك الرماد وداك قدحو :D

راغب علامة كلامو صاح وليهو حق ... تستاهلن .. أقلّ من جزاكن goood

نحن زاتنا نستاهل ... سليلات أمهرا قريبات مننا لكن ... شقي الحال يقع في القيد :mad:

كان المقدور وقع كتر البتابيت عيييييييب

سليلات الامهرا مباركات عليكم سيروا والقلب داعيلكم

غايتو الصور الشفاتها عينى دى gooodgooodgoood نقول اللهم يزيد صبرنا:mad:

قال امهرا قال

أصحى يا برييييييييييييييشgooodgoood

imported_عادل عسوم

16-06-2009, 05:41 PM

تحفة ياغالية الله وكيلك ديل بلة ووليدو زاتهم ما يرضوا بيهم

هسى مخسمة بالنبى شلاضيم ابو امانى دا كان لمينا بعر الزريبة كلو بينفع فوقو؟؟؟؟

وبعدين هدنة شنو انا اكتشفت انه صبرنا عليهم قايلنو خوف الله وكيلك شفتهم بيقوا يتضاربو

وشى رسايل فى الخاص وجماعة ناشرين صورهم ومستحمين بصابون اومو بس وحاتك

كلو ما بجيب مريسة تامزينوماخلاس الفيكم اتعرفت والنوع الممسح لمن بيلالى داك

وااااى يا بطنى gooodgooodgoood غايتو فى ناس كدى شنات برةgoood
أديهم ياسارة أديهم :mad:
أنا عازمك كباية عصير كدي تعالي أشربي وواصلي (كفاحك) :p
http://mail.google.com/mail/?ui=1&view=att&th=121de01d11f419a7&attid=0.2&disp

imported_شبارقة

16-06-2009, 05:44 PM

كان المقدور وقع كتر البتابيت عيييييييب

:D:D:D
يعني خلاص نكضم ... ونرضى بالمقسوم ... وننهزم ؟

ونعترف بمقولة : كل بعرة وليها كيـّال :D

imported_تحفة حوا

16-06-2009, 05:58 PM

:D:D:D
يعني خلاص نكضم ... ونرضى بالمقسوم ... وننهزم ؟

ونعترف بمقولة : كل بعرة وليها كيـّال :D
لا وانت الصادق الطيور على أشكالها تقع ( خلقة وأخلاق )
بعدين الشنة جابتكم جاريين كدي عشان عارفين روحكم :D
حبوبتي الله يرحمها قالت الشنا في خشم الباب كان نادوها بتجي goood
وعاني الجا يتكبكب دا خايف نقول عليهو شين
بتنزلو صوركم مالكم ؟

imported_شبارقة

16-06-2009, 06:00 PM

خلاص انا ماعندى مزاج اشاكل عندى مزاج اتغاتت عليك ينفعgooodgoood

أي حاجة منك تنفع ... وحتى لو تفقع زاتو نحن راضيين ... وما مهم بس مهم شوفة عيونك يا اللذيذة الكلكي جنك يا الجميلة الكلي منك ;)

إنت ما النوع البشاكلوهو ... نحن نشاكل ناس آمال وروبس وتحفة حوا واللآتي على الهامش.
أنا عازمك كباية عصير كدي تعالي أشربي وواصلي (كفاحك) :p

على جنب : يا ود عسوم تعال نضحك على سارة دي بكلمة كلمتين ونكسر ليها التلج عشان نضمن جانبها ونستقطبها وبعدين نفكها عكس الهواء :D

imported_عادل عسوم

16-06-2009, 06:08 PM

يا ود عسوم تعال نضحك على سارة دي بكلمة كلمتين ونكسر ليها التلج عشان نضمن جانبها ونستقطبها وبعدين نفكها عكس الهواء
شبارقة
ياخي أنت زول صاحبي وبريدك (اكتر من ريدة أبوأماني لي) :D
بس يااخوي كدي جيب أضانك جاي

بيني وبينك سارة دي وعدتني ترسل لي زيارة (مجانية) للسويد
(بالمناسبة هي في السويد والاّ النرويج) :D:D
وكمان يمكن أناسبا واتزوج بتها وكدة
فبالله ماتخرب علينا (الخطة) ياصاحبي :mad:
:D

imported_سارة

16-06-2009, 06:13 PM

أديهم ياسارة أديهم :mad:
أنا عازمك كباية عصير كدي تعالي أشربي وواصلي (كفاحك) :p
http://mail.google.com/mail/?ui=1&view=att&th=121de01d11f419a7&attid=0.2&disp

منو اليدوهم ؟؟؟؟؟؟ الشينين؟؟؟؟؟؟؟؟؟

يديهم الكود واللاقوط من كل شجرة عود

بس انا ياعادل بقيت بصدق كلام حبوبتى ريم

يا مآمنة للرقال يا مآمنة للمية فى الغربال

انا ما اشربش شىء برة البيت:p

imported_شبارقة

16-06-2009, 06:13 PM

لا وانت الصادق الطيور على أشكالها تقع ( خلقة وأخلاق )

عاد نسوي شنو ؟! كلما حاولنا نهرب يقولوا لينا : غطي قدحك غطي قدحك :mad:

القدح المعلى:D

imported_تحفة حوا

16-06-2009, 06:17 PM

شبارقة
ياخي أنت زول صاحبي وبريدك (اكتر من ريدة أبوأماني لي) :D
بس يااخوي كدي جيب أضانك جاي

بيني وبينك سارة دي وعدتني ترسل لي زيارة (مجانية) للسويد
(بالمناسبة هي في السويد والاّ النرويج) :D:D
وكمان يمكن أناسبا واتزوج بتها وكدة
فبالله ماتخرب علينا (الخطة) ياصاحبي :mad:
:D
هي يا ما يعرس ركبين العدو :mad:
انت قايلا نديدتك ولا قدرك :mad:
الواحد تلقى قدر جدي ومولود من سنة حفروا البحر ويقول داير يعرس :mad:
انت قايل سارة دي حبوبة ولا شنو ؟:mad:
دي لسة 16 سنة عمر الزهور والهنا :D
بعدين هي انطست في نافوخا عشان تديك انت بتها :D
اي برد بي لسانا المسكينة سجلت خروج
والكلام حرقني ورديت بدلا :mad:
وأوعك تقبل علي البينا كانت عامرة وأخير ليك شعرة معاوية ما تنقطع واتقي شر الحليم اذا غضب :mad:
أحي goood

imported_سارة

16-06-2009, 06:18 PM

أي حاجة منك تنفع ... وحتى لو تفقع زاتو نحن راضيين ... وما مهم بس مهم شوفة عيونك يا اللذيذة الكلكي جنك يا الجميلة الكلي منك ;)

إنت ما النوع البشاكلوهو ... نحن نشاكل ناس آمال وروبس وتحفة حوا واللآتي على الهامش.

على جنب : يا ود عسوم تعال نضحك على سارة دي بكلمة كلمتين ونكسر ليها التلج عشان نضمن جانبها ونستقطبها وبعدين نفكها عكس الهواء :D

كان غيرك اشطر ياجميل ( يا جميل دى باعتبار انو ان انتصيت فى نظرى وعافيتى وصدقتك )

انا انت وعادل الاتنين بوديكم البحر وبرجعكم العطش قاطع قلبكم

دايرين تجربوا اناما عندى مانع والمية تكدب الغطاسgooodgooodgoood

قال عكس الهوى قال

انا سرورة تفكونى عكس الهوى؟؟ والله يا شوشو شكلك كدا وقعت معاى وقعة سودة وما سمو عليك

ماشى يا باشا ماشى

imported_سارة

16-06-2009, 06:22 PM

عاد نسوي شنو ؟! كلما حاولنا نهرب يقولوا لينا : غطي قدحك غطي قدحك :mad:

القدح المعلى:D

اذا سلمنا جدلا بهذا المثل البائت

القداحة زاتها خشوم بيوت gooodgooodgoood

وكت اصلو الموضوع بقى سيك سيك معلق فيك

الواحد يقع وقعة مجيهة مالنا ومال العواجيز والكدامير والشلاضيم

الواحد تشوفو واقف زى المرتبة الما مترزة وراء وقدام كلو واحد gooodgoood

واااى يا بطنى ويامصارينى من القدوحات ديل شنات برة يا يمة:p

imported_تحفة حوا

16-06-2009, 06:26 PM

عاد نسوي شنو ؟! كلما حاولنا نهرب يقولوا لينا : غطي قدحك غطي قدحك :mad:

القدح المعلى:D
هي انت صدقت
القداحا مالية البلد في زول قاعد يغطي قدحو الزمن دا
الواحد كان عرسا غريبة
يقول هي كان فيها خير مرقت من زريبتا
وكان كانت بت أهلو يقول غطي قدحك
وتلقاها في الحالتين جميلة وفايتة الناس حلا
وتلقاهو لمن شافا من سماحتا فتح خشمو وقهى
وقعد يتكبب والعرق يتصبصب
وما خلا رسالة ولا جواب طاير ولا خلا شعر لي شاعر
ما تغطوا قدح الشينات
جنس افترا

imported_سارة

16-06-2009, 06:27 PM

هي يا ما يعرس ركبين العدو :mad:
انت قايلا نديدتك ولا قدرك :mad:
الواحد تلقى قدر جدي ومولود من سنة حفروا البحر ويقول داير يعرس :mad:
انت قايل سارة دي حبوبة ولا شنو ؟:mad:
دي لسة 16 سنة عمر الزهور والهنا :D
بعدين هي انطست في نافوخا عشان تديك انت بتها :D
اي برد بي لسانا المسكينة سجلت خروج
والكلام حرقني ورديت بدلا :mad:
وأوعك تقبل علي البينا كانت عامرة وأخير ليك شعرة معاوية ما تنقطع واتقي شر الحليم اذا غضب :mad:
أحي goood

تحفة بركة الرديتى عليهو

عافية منك وراضية عليك

هى كان جات على البنت هينة

بكرة الله بيكرمنا وبنلقى القدح وبنجيب البنية

لكن مزروبة بالنبى

كان الله ادانى بت

برميها ولا بقنع منها:mad::mad::mad:

هووى يا عادل يا اما تمشى عدل وتتعدل معاى يا اما على نفسها جنت براقش

وانت بتعرفنى زى جوع بطنك حلبية ولسانى متبرى منى

قال بتى قال

ام بنتو:mad:

imported_تحفة حوا

16-06-2009, 06:32 PM

سارة ياختي
هربوا خلاص وعرفوا ان الله حق goood
أكبر تواجد بالمنتدى كان: 313 بتاريخ 29-06-2007 الساعة 09:27 PM
‏تحفة حوا, ‏منتصر محمود حامد, ‏Mema, ‏سارة, ‏شوقي بدري, ‏فخري الزين

imported_سارة

16-06-2009, 06:39 PM

سارة ياختي
هربوا خلاص وعرفوا ان الله حق goood
أكبر تواجد بالمنتدى كان: 313 بتاريخ 29-06-2007 الساعة 09:27 PM
‏تحفة حوا, ‏منتصر محمود حامد, ‏Mema, ‏سارة, ‏شوقي بدري, ‏فخري الزين

الله اكبر ولا نامت اعين القداحين gooodgooodgoood

شوفى بالله الناس فى الخط... الجميل منتصر والرائعة ميما وعمك بجلالة قدره شوقى بدرى

والعزيز فخرى الزين اهى دى صحبة ترد الروح الروح بلا شوشو بلا عدولا بلا لمة

imported_فخري الزين

16-06-2009, 07:07 PM

[QUOTE=سارة;150328]الله اكبر ولا نامت اعين القداحين gooodgooodgoood

شوفى بالله الناس فى الخط... الجميل منتصر والرائعة ميما وعمك بجلالة قدره شوقى بدرى

والعزيز فخرى الزين اهى دى صحبة ترد الروح الروح بلا شوشو بلا عدولا بلا لمة[/QUO
سلاااااااااااااااااااااااااااام
والله انا كنت بخش اقرا واطلع لكن وكت جبتو اسمي قلت نشارك انشاء الله بي شكرا
وكمان كان اديتونا اذن بنخش تقيييييييييييييييل
تحياتي

imported_همس الشوق

16-06-2009, 07:40 PM

ناس القهوة ازيكم

سارة وتحفة وروبس وكل أخوات النضال
اخباركم شنو والله مشتاقين

آمال حمدا لله على السلامة والله القهوة نورت

ابو اماني ازيك يا اخوي الاخبار شنو والله انا ما منعني الا الشديد القوي ..... ظروف يمة

اها يا جماعة شايفاكم جبتو حبش للقهوة ... الكلام دا ماااااا بجيب الهوى ..... اصلو انتو لو ما جبتو سليلات أمهر ديل ما بتتكيفو للقهوة ..... حالتكم سعبة

باقي العدو الظاهر منهم والمستتر .... سلام بدون كلام

imported_عادل عسوم

16-06-2009, 07:47 PM

منو اليدوهم ؟؟؟؟؟؟ الشينين؟؟؟؟؟؟؟؟؟

يديهم الكود واللاقوط من كل شجرة عود

بس انا ياعادل بقيت بصدق كلام حبوبتى ريم

يا مآمنة للرقال يا مآمنة للمية فى الغربال

انا ما اشربش شىء برة البيت:p
سارة
ياسارااا
ياتحفة أعملي معروف خليها تتلفت جاي
كدي (أسمعيني مرة) :D
أولا حبوبتك (ريم) الله يديها العافية ماكضبت
لكن كدي أتذكري هي ماقالت ليكي حاجة تانية؟!
يعني زي أنو الرُجال ديل هن زاااااتن خشم بيوت :confused:
شي أبواب (سُنُط)
وشي أبواب (زنكي)
وشي صريف سااااي يربطوهو بي دلقان :D
وكمان ياسارة ماتنسي أنو في الابواب التانية ال(ملتي لوكس) وكدة :p
فياستي شبارقة دة (البنيات) الله يحفظن ويغتيهن شكلهن مسخنات ليهو راسو
وبقى على قول خالا لي ...هو(الضكر) الوحيد في البيت :D
وفي السودان وكت ينزلو أجازة يبكونو ضكرين بس (هو والديك) بس :D:D

imported_سارة

16-06-2009, 08:08 PM

[QUOTE=سارة;150328]الله اكبر ولا نامت اعين القداحين gooodgooodgoood

شوفى بالله الناس فى الخط... الجميل منتصر والرائعة ميما وعمك بجلالة قدره شوقى بدرى

والعزيز فخرى الزين اهى دى صحبة ترد الروح الروح بلا شوشو بلا عدولا بلا لمة[/QUO
سلاااااااااااااااااااااااااااام
والله انا كنت بخش اقرا واطلع لكن وكت جبتو اسمي قلت نشارك انشاء الله بي شكرا
وكمان كان اديتونا اذن بنخش تقيييييييييييييييل
تحياتي

فخرى ويا فخرنا بحضورك البهى

اذنك معاك ياود الشيخ انت تدخل وتتوهط

نحن الضيوف وانت رب المنزل

imported_سارة

16-06-2009, 08:10 PM

ناس القهوة ازيكم

سارة وتحفة وروبس وكل أخوات النضال
اخباركم شنو والله مشتاقين

آمال حمدا لله على السلامة والله القهوة نورت

ابو اماني ازيك يا اخوي الاخبار شنو والله انا ما منعني الا الشديد القوي ..... ظروف يمة

اها يا جماعة شايفاكم جبتو حبش للقهوة ... الكلام دا ماااااا بجيب الهوى ..... اصلو انتو لو ما جبتو سليلات أمهر ديل ما بتتكيفو للقهوة ..... حالتكم سعبة

باقي العدو الظاهر منهم والمستتر .... سلام بدون كلام

حبابك يا ست الناس وستى انا

ابو امانى شنو البتسالى منو؟؟؟

يسال منو بوليص الحركة

imported_سارة

16-06-2009, 08:13 PM

سارة
ياسارااا
ياتحفة أعملي معروف خليها تتلفت جاي
كدي (أسمعيني مرة) :D
أولا حبوبتك (ريم) الله يديها العافية ماكضبت
لكن كدي أتذكري هي ماقالت ليكي حاجة تانية؟!
يعني زي أنو الرُجال ديل هن زاااااتن خشم بيوت :confused:
شي أبواب (سُنُط)
وشي أبواب (زنكي)
وشي صريف سااااي يربطوهو بي دلقان :D
وكمان ياسارة ماتنسي أنو في الابواب التانية ال(ملتي لوكس) وكدة :p
فياستي شبارقة دة (البنيات) الله يحفظن ويغتيهن شكلهن مسخنات ليهو راسو
وبقى على قول خالا لي ...هو(الضكر) الوحيد في البيت :D
وفي السودان وكت ينزلو أجازة يبكونو ضكرين بس (هو والديك) بس :D:D

بس اى حاجة يكون فيها ملتى ( يعنى تعددية) ما بتقسم معاناgooodgooodgoood

imported_شبارقة

16-06-2009, 08:27 PM

.... حالتكم سعبة

طالما بقيتي تقلبي الصاد سين حتخارجي معانا وبالذات لو جابت ليها شهقة :D
وسلميلي على مدلينا ;) أمها سليلة أمهرا وابوها من القطينة :D

imported_شبارقة

16-06-2009, 08:46 PM

فياستي شبارقة دة (البنيات) الله يحفظن ويغتيهن شكلهن مسخنات ليهو راسو ..وبقى على قول خالا لي ...هو(الضكر) الوحيد في البيت :D
وفي السودان وكت ينزلو أجازة يبكونو ضكرين بس (هو والديك) بس :D:D
:D:D
يجازي مـِحـَنك

imported_ابوريم

16-06-2009, 11:31 PM

سارة وجحافلها
فخري دة ما شفتو في الصور؟
بقى
فخرى ويا فخرنا بحضورك البهى

اذنك معاك ياود الشيخ انت تدخل وتتوهط

نحن الضيوف وانت رب المنزل
اوعك تصدق كلامهن
ديل غشن ابليس زانو.

imported_شبارقة

17-06-2009, 07:13 AM

سلاااااااااااااااااااااااااااام
كان اديتونا اذن بنخش تقيييييييييييييييل
تحياتي

خُش تقيل ... لكن ... حوالينا لا علينا ... يا دخري الحوبه

وأضرب معانا في المليان ولا نامت أعين النسوان :D

imported_تحفة حوا

17-06-2009, 07:37 AM

سارة وجحافلها
فخري دة ما شفتو في الصور؟
بقى

اوعك تصدق كلامهن
ديل غشن ابليس زانو.

ابوريم ازيك :
أأأأاااي شفنا الصور
ما اياهو شكل السودانيين قايلين روحكم لبنانيين ولا ليبيين ؟ goood
الله يصبرنا بس :(
ولا انتو عندكم عيون واحنا ما عندنا
ويا متحدثا بعيوب الناس لك عيوب وللناس السن
فخري رحبنا بي عشان طيب كلامو ( ما قالوا ليك الملافظ سعد :D )
بعدين الأذن تعشق قبل العين أحيانا واحنا كلنا رجال ونسوان
بنحب الكلام الحلو
فما تبقوا انانيين تسمعوا وما تدوا
واخ أنا من أنانيتكم وحب الذات عندكم

imported_ابوريم

17-06-2009, 07:43 AM

شبارقة
فخلري دة الحروم ديل كتلن قلبو.
ماشايف كسير التلج الفوق دة.
...
النسوان الغشن ابليس.
تعرف لما يطلعن يقدمن ضيفاتن في خشم الباب: الله يسلمك. سلمي علي فلانة. الرسول تجونا تاني. النبي فيك. خسمتك وما عارف شنو.
ابليس خلاص يقنع ويشيل عدتو ويتخارج يشوف غيرهن. بس طوالي يبدن في القطيعة واكل لحم البشر ويقيفن مسافة اطول من القعدوها جوة البيت.
....
روبس
قلتي لي نكت حامضة؟ قصدك شنو يعني ملاح بيت مخمر (بالمصري)
ما عارف تحفة سكتت ليه وما ردت علي مساختك دي ولا آآآه ده حلف الفضول!
شبارقة نشن علي الريسين الكبار وخلي البلي راسو بجي بعد داك.

imported_jezabell

17-06-2009, 07:58 AM

طالما بقيتي تقلبي الصاد سين حتخارجي معانا وبالذات لو جابت ليها شهقة :D
وسلميلي على مدلينا ;) أمها سليلة أمهرا وابوها من القطينة :D

دي منو المن القطينة دي؟؟ حلتناااااااا ومحل اسرتنا :D

بعدين منو الماسك القهوة دي بالله؟ بمعنى البوزع في الشاي منو والبهب في النيران منو
بس عشان الواحد يكون عارف يقعد وين بالضبط :D:D

imported_تحفة حوا

17-06-2009, 08:08 AM

دي منو المن القطينة دي؟؟ حلتناااااااا ومحل اسرتنا :D

بعدين منو الماسك القهوة دي بالله؟ بمعنى البوزع في الشاي منو والبهب في النيران منو
بس عشان الواحد يكون عارف يقعد وين بالضبط :D:D
رشا مرحب بيك بيتك ومطرحك
goood goood goood
تقعدي وين ما عايزة ;)
مافي زول يقدر يفتح خشمو ولا يقول ليك بغم goood
دي قهوة في الظاهر ساحة حرب في الواقع
بعد تقعدي بنوريك الحاصل

imported_تحفة حوا

17-06-2009, 08:16 AM

شبارقة
فخلري دة الحروم ديل كتلن قلبو.
ماشايف كسير التلج الفوق دة.
...
النسوان الغشن ابليس.
تعرف لما يطلعن يقدمن ضيفاتن في خشم الباب: الله يسلمك. سلمي علي فلانة. الرسول تجونا تاني. النبي فيك. خسمتك وما عارف شنو.
ابليس خلاص يقنع ويشيل عدتو ويتخارج يشوف غيرهن. بس طوالي يبدن في القطيعة واكل لحم البشر ويقيفن مسافة اطول من القعدوها جوة البيت.
....
روبس
قلتي لي نكت حامضة؟ قصدك شنو يعني ملاح بيت مخمر (بالمصري)
ما عارف تحفة سكتت ليه وما ردت علي مساختك دي ولا آآآه ده حلف الفضول!
شبارقة نشن علي الريسين الكبار وخلي البلي راسو بجي بعد داك.
ملحوظة :أخطاءك الاملائية كترت :D
قطيعة انت من زمن النسوان بيقطعن ما خليناها ليكم :D
والحمدلله الغشينا ابليس وقدرنا , الكلام انتو العاملين معاهو تحالف
روبس تقول الدايرة ومساخة زول يريدك وياكل ليك الزلط ولا زول يكجنك ويعد ليك الغلط
كلنا ريسينا كبار وعاقلات وصابرات عليكم
الله يهديكم

imported_rubs

17-06-2009, 08:59 AM

بسم الله نبدا عاد جاكم السم القدر قداكم ... الليله استنو ...
اولا بنرحب بى الاستاذ فخرى كيه كدا للباقين وكان عجبكم ..
تانيا عااااااااااااااااااااااافيه منكم يا بنات يالبترفعو الراس زهم اظنهم من عرس سى السيد هوووووى وتانى هوووووى انت ما عارفين الموضوع بقه فيهو خلع اكان ضرس اكان راجل كلو واحد ..
تالتاانت ماااااااالك ياود امى (ابو ريم ) مش بقولو الواضح ما فاضح نكتكم مااااااااااااااااااعجبانى اخير لى منها نكت واحد كدا مافى داعى نجيب اسمو عشان ما تبقى قطيعه فيه لكن لما اظهر بنديها ليه فى وشو ...
رابعا انت يا تحفه فيضل سعد غير اسمو looool(الملافظ سعد)
والاهمه من دا كلو الما اسماش قطس ويييين وهو عااارف نفسو
اما نجى لموضوع شوشو العندو اعتراض وعامل مقتى قدحو .. لا يا ولد امى ما قررررتك لى ضورتك اكان غتيتو انت قايله هينه ولا لينه والله اكان ما الغربه دى وبقتو قاعدين لينا حارسين معانا البيت اكان بقى كلام تانى قال قدح قالشبارقه سؤال بس (انت بتاكل مع ناس البيت بتخت طوبه ولا بتاكل طوالى ;))
انا يا بنات ما كلمتكم من اول وقلته ليكم هدنه شنو ديل امه ما بتنفع معاها رحمه وعينهم فاااااارقه ..بيتهم فيهو العيش اكوسو الكسره البايته من الجيران .. قال حبش قال :mad::mad:والله اكان عرستوهم برضو احسن لينا عشان نشوف لينا رجال كدا اردو الروح مش الشنه الما معروفه مخمره ولا فطيره ..
تخريمه : ما تقولو اخطاء املائيه انا حف الجنب الضاد ما شقال عندى خربان عشان كدا استعوطها بضاد .. انشالله فهمتو وكان ما فهمت ما ضرورى :mad:

imported_شبارقة

17-06-2009, 09:22 AM

والبهب في النيران منو ... بس عشان الواحد يكون عارف يقعد وين بالضبط :D:D

غايتو النسوان غير النيران ما شايفين ليهن أي مكان goood

imported_تحفة حوا

17-06-2009, 09:44 AM

نكتة مخصوصة لي رشا
مجموعة من المحس مغتربين فى السعودية قاعدين عطالة قام جاء واحد من السودان
وقال ليهم :انشاء الله تكونوا كلكم شغالين ؛ قام واحد
قال ليهو :مافى شى شغال الا المكيف دا.
:D :D :D

imported_فيصل سعد

17-06-2009, 09:48 AM

نكتة
مجموعة من المحس
:D :D :D

:mad::mad::mad:

imported_jezabell

17-06-2009, 09:54 AM

غايتو النسوان غير النيران ما شايفين ليهن أي مكان goood

اخخخخخخخخخ انا
وانتو وينها قلوبكم البتطفيهن؟ :D

سمح زح لي النقعد جنبك وصب لينا فنجان قهوة بالله.. ما تخاف بقراو ليك بعد اتمو :D :D

imported_jezabell

17-06-2009, 09:58 AM

نكتة مخصوصة لي رشا
مجموعة من المحس مغتربين فى السعودية قاعدين عطالة قام جاء واحد من السودان
وقال ليهم :انشاء الله تكونوا كلكم شغالين ؛ قام واحد
قال ليهو :مافى شى شغال الا المكيف دا.
:D :D :D

عاجبك كدة اهو فيصل حمّر ليك :D
طيب خدي النكتة دي يا تحفة عشان افشك في الرجال ديل شوية..
قال ليك واحد قال لمرته تعرفي إن الخلفاء العباسيين كان عندهم ألقابهم زي (المعتصم بالله) (المتوكل على الله)(الواثق بالله) تفتكري لو كنت أنا واحد منهم كان حيناسبني ياتو لقب؟ قالت ليو: إما أعوذ بالله أو منك لله :D:D

imported_تحفة حوا

17-06-2009, 10:03 AM

:mad::mad::mad:
والليلة :p
فيصل سعد انت محسي :eek:
والله ما عارفة :D
بعدين انا ما بقتنع بالحاجات دي وأصابع يدك ما زي بعض
وكل جنس ليهو مميزات وعيوب
أها هاك دي بس ما يطلع ود الزومة قريبك :D
ود الزومة طبعاً مشهور بالمواقف الطريفة مرة مشى حفلة عرس وبعدين جابو ليهم العشاء هو والشلة بتاعتو وكان العشاء عبارة عن فتة باللحمة ولسوء الحظ كان فوق الرز عضم كبير واحد بتاع لحمة قام واحد من الشلة خطف العضم وبدأ يأكل فيهو قام ود الزومة ما كضب وكشح ليك الفتة كلها في الواطة .. الجماعة سالوهو بي زعل : ليه يا ود الزومة عملت كدا قال ليهم يعني هو سرق الجوكر أنا ما بدكها !!!!
:D :D :D

imported_فيصل سعد

17-06-2009, 10:11 AM

يا جماعة انتوا سيد القهوة
و سيد الوجاهة و اركان حربه
نزار طاشين وين الايام دي ؟؟

لانه شايف شبارقة مناوب تماما
و سادي وردية و نبطشية و مورم
فشافيشكم بمزاج و كدا:D:D

imported_ابوريم

17-06-2009, 10:25 AM

يا تحفة
قلتي لي:
روبس تقول الدايرة ومساخة زول يريدك وياكل ليك الزلط ولا زول يكجنك ويعد ليك الغلط
متمني القى لي واحدة منكن عندها مبدأ. ذمتكم معروفة لسسسسستك.
النكت النبزتها روبس دي منو الحكاها؟
اكتر من نصهم منك؟
بعدين ريم قالت ليك ياخالتو نكتك قديمة ومنقولة وكلها سامعاها.
أما العنصرية ومحس وما عارف شنو احسن تبعدوا منها لانها بتفتح باب ما بنقفل.
.....
نجي لي روبس:
هوي
فرزي.
ما تلخبتي الكيمان.
خلي كل شي في محلو.
اظنك فهمتي.
...
بعدينتخريمه : ما تقولو اخطاء املائيه انا حف الجنب الضاد ما شقال عندى خربان عشان كدا استعوطها بضاد .. انشالله فهمتو وكان ما فهمت ما ضرورى
دة كلو وحرف واحد بس ضارب؟
الضارب مخك اظنو.

imported_rubs

17-06-2009, 10:51 AM

عاجبك كدة اهو فيصل حمّر ليك :D
طيب خدي النكتة دي يا تحفة عشان افشك في الرجال ديل شوية..
قال ليك واحد قال لمرته تعرفي إن الخلفاء العباسيين كان عندهم ألقابهم زي (المعتصم بالله) (المتوكل على الله)(الواثق بالله) تفتكري لو كنت أنا واحد منهم كان حيناسبني ياتو لقب؟ قالت ليو: إما أعوذ بالله أو منك لله :D:D
سلام يا رشا مرحب بيك دايما معانا
نكته فى السلك فشيتينى حبه .عليك الله فتشى لينا واحده تانى كده عشان نزغرد

imported_rubs

17-06-2009, 10:58 AM

يا تحفة
قلتي لي:

متمني القى لي واحدة منكن عندها مبدأ. ذمتكم معروفة لسسسسستك.
النكت النبزتها روبس دي منو الحكاها؟
اكتر من نصهم منك؟
بعدين ريم قالت ليك ياخالتو نكتك قديمة ومنقولة وكلها سامعاها.
أما العنصرية ومحس وما عارف شنو احسن تبعدوا منها لانها بتفتح باب ما بنقفل.
.....
نجي لي روبس:
هوي
فرزي.
ما تلخبتي الكيمان.
خلي كل شي في محلو.
اظنك فهمتي.
...
بعدين
دة كلو وحرف واحد بس ضارب؟
الضارب مخك اظنو.
الله ما جاب لخبتت كيمان ونبره منها ولو جيت لى الجد انا ما فهمتك ..
واحمد الله قريت واتخرجته واشتغلته وعرسته وعندى جيل بربى فيه وبعد دا كلو لو بقى موخى ضارب اكون بس من زوقك ( شكرا)

imported_rubs

17-06-2009, 11:02 AM

والليلة :p
فيصل سعد انت محسي :eek:
والله ما عارفة :D
بعدين انا ما بقتنع بالحاجات دي وأصابع يدك ما زي بعض
وكل جنس ليهو مميزات وعيوب
أها هاك دي بس ما يطلع ود الزومة قريبك :D
ود الزومة طبعاً مشهور بالمواقف الطريفة مرة مشى حفلة عرس وبعدين جابو ليهم العشاء هو والشلة بتاعتو وكان العشاء عبارة عن فتة باللحمة ولسوء الحظ كان فوق الرز عضم كبير واحد بتاع لحمة قام واحد من الشلة خطف العضم وبدأ يأكل فيهو قام ود الزومة ما كضب وكشح ليك الفتة كلها في الواطة .. الجماعة سالوهو بي زعل : ليه يا ود الزومة عملت كدا قال ليهم يعني هو سرق الجوكر أنا ما بدكها !!!!
:D :D :D
:D:D حلوه
تصديقى ما عارفه فهمتها كيف مع موخى الضارب دا :confused:

imported_فيصل سعد

17-06-2009, 11:06 AM

سلام يا رشا مرحب بيك دايما معانا
نكته فى السلك فشيتينى حبه .عليك الله فتشى لينا واحده تانى كده عشان نزغرد

تزغردي شنو يا روبس
ما كانش العشم برضو،
شكيت محنك :D:D

ملهوزه : كل الناس هنا كل الناس صحاب كل الناس اهل
و يا شباب امزحوا و اتونسوا بدون زعل و خشونة الله يعزكم ..

imported_rubs

17-06-2009, 11:10 AM

يا جماعة انتوا سيد القهوة
و سيد الوجاهة و اركان حربه
نزار طاشين وين الايام دي ؟؟

لانه شايف شبارقة مناوب تماما
و سادي وردية و نبطشية و مورم
فشافيشكم بمزاج و كدا:D:D
الله اديك العافيه يا فيصل لانك انت الدايما بتسال عننا وعن الغايبين شكرا ليك لانك زوق
وصح انتو وين سيد القهوه اظهر وبان عليك الامان وما تخاف كان جيتنا واعترفته بى الالحتلال التام نزوجك احلى النسوان ( فى الحلم قول امين)..يا بنات ما تفهمو غلط دى دردقه ونان نرجعو كيف ... والله اشتقنا لى خيالك الواسع اظهر سريع

imported_rubs

17-06-2009, 11:12 AM

غايتو النسوان غير النيران ما شايفين ليهن أي مكان goood
وعشان كدا احنا ملازمنكم عشان انتو النيران البتحرق واطيها

imported_rubs

17-06-2009, 11:22 AM

عوووووك نزار انت وين ؟؟؟:confused:

imported_rubs

17-06-2009, 11:34 AM

تزغردي شنو يا روبس
ما كانش العشم برضو،
شكيت محنك :D:D

ملهوزه : كل الناس هنا كل الناس صحاب كل الناس اهل
و يا شباب امزحوا و اتونسوا بدون زعل و خشونة الله يعزكم ..
:eek:والله نسيت انت محسى معليش امسحها فى تحفه :D ومن الليله كدى وحده التجيب سيرت محسى تانى :mad: تلقانى بالمرصاد ..اها لقيتنى كيف يا فيصل ;)

imported_فيصل سعد

17-06-2009, 11:42 AM

:eek:والله نسيت انت محسى معليش امسحها فى تحفه :D ومن الليله كدى وحده التجيب سيرت محسى تانى :mad: تلقانى بالمرصاد ..اها لقيتنى كيف يا فيصل ;)

لقيتك في طشاشي دليل
و في حر الهجيرة مقيل

اكان يطمر فيك يا مشاكسة:D:D

imported_تحفة حوا

17-06-2009, 12:06 PM

[QUOTE=ابوريم;150521]يا تحفة
قلتي لي:

[font=Tahoma][size=3][font=Tahoma]متمني القى لي واحدة منكن عندها مبدأ. ذمتكم معروفة لسسسسستك.
النكت النبزتها روبس دي منو الحكاها؟
اكتر من نصهم منك؟
[size=5]أنا عارفة وقلت ليك خليها سامحين ليها
بعدين ريم قالت ليك ياخالتو نكتك قديمة ومنقولة وكلها سامعاها.
بس أبوها ما كان سامع وضحك لمن شرق وريم مسامحنها أطلع منها انت بس
ريم يا عسولة انتي في صف كم ؟
أما العنصرية ومحس وما عارف شنو احسن تبعدوا منها لانها بتفتح باب ما بنقفل.
انت شكلك يا رباطابي يا محسي يا شايقي
حزازيات ؟ انتو بتعرفوا تراعوا للمشاعر يعني ولا يخايفين انت أكيد ما جعلي

imported_تحفة حوا

17-06-2009, 12:08 PM

يا جماعة انتوا سيد القهوة
و سيد الوجاهة و اركان حربه
نزار طاشين وين الايام دي ؟؟

لانه شايف شبارقة مناوب تماما
و سادي وردية و نبطشية و مورم
فشافيشكم بمزاج و كدا:D:D
الجماعة كلهم مافيشين انت مالك خايف
البورمو شبارقة انت ما تفشو
ولا ما نعشم فيك

imported_همس الشوق

17-06-2009, 12:34 PM

حبابك يا ست الناس وستى انا

ابو امانى شنو البتسالى منو؟؟؟

يسال منو بوليص الحركة
هههههههههههههههههههههههههه
تسلمي يا سرورة

والله بس لزوم المشاكسة وبس

عليك الله اديهم الرجال دي في حناننم

فاقعين مرارتنا ياخ

imported_ابوريم

17-06-2009, 02:32 PM

ابوريم ازيك :
أأأأاااي شفنا الصور
ما اياهو شكل السودانيين قايلين روحكم لبنانيين ولا ليبيين ؟ goood
الله يصبرنا بس :(
ولا انتو عندكم عيون واحنا ما عندنا
ويا متحدثا بعيوب الناس لك عيوب وللناس السن
فخري رحبنا بي عشان طيب كلامو ( ما قالوا ليك الملافظ سعد :D )
بعدين الأذن تعشق قبل العين أحيانا واحنا كلنا رجال ونسوان
بنحب الكلام الحلو
فما تبقوا انانيين تسمعوا وما تدوا
واخ أنا من أنانيتكم وحب الذات عندكم
الاخت:
تحفة حواء
تحياتي.
عندما قلت فخري الفي الصور ما قصدي اعيبو ولا ولا شكلو سوداني ولا غيرو
قصدي
اشير لتناقضكم. شنفتوهو معانا في الصور وبشعتوا بينا ماقلنا حاجة مافينا مهند ولا نحن دون جوانات وتاني جيتو ورحبتو بيهو ودة الخلاني استغرب!
.....
تاني حاجة
قصة الملافظ سعد
صح
قالو لي الكلام دة ولكن
الزول القالو اعتذر
وارجعي اقري لو -ماقريتي -
ولانو ملافظي فعلا (سعد )واتحدى زول في المنتدى دة من سنة 2004 من يوم سجلت يجيني بي لفظ ما(سعد) قلتو في حق اي عضو او عضوة.
اما اذا كانت القصة لخبتة ومطاعنات فاربأ بنفسي عن الخوض في ذلك.

imported_ابوريم

17-06-2009, 02:36 PM

ماااااااالك ياود امى (ابو ريم ) مش بقولو الواضح ما فاضح نكتكم مااااااااااااااااااعجبانى اخير لى منها نكت واحد كدا مافى داعى نجيب اسمو عشان ما تبقى قطيعه فيه لكن لما اظهر بنديها ليه فى وشو ...
رابعا انت يا تحفه فيضل سعد غير اسمو looool(الملافظ سعد)
:mad:

الاخت روبس
تحياتي
هذا ماقصدته بعدم لخبتة الكيمان وشغل المطاعنات دة ما بتعامل بيهو

imported_ابوريم

17-06-2009, 02:43 PM

الله ما جاب لخبتت كيمان ونبره منها ولو جيت لى الجد انا ما فهمتك ..
واحمد الله قريت واتخرجته واشتغلته وعرسته وعندى جيل بربى فيه وبعد دا كلو لو بقى موخى ضارب اكون بس من زوقك ( شكرا)
الاخت روبس
تحياتي
ان شاء الله تكوني فهمتي.
....
الاهم من كدة بعتذر عن كلمة مخك ضارب وبتأسف وبسحبها.
...
اما موضوع قرايتك وعرسك تربية الاجيال فهذا ما لم أخض فيه ولن افعل.
....
بخصوص الزوق. بي عدم زوقي دة بربي في أجيال من اولاد وبنات الناس التانين .لي 19 سنة والحمد لله دي اول مرة يتهموني بعدم الزوق.
...
لجميع رواد القهوة
اي زول ماخد من خاطري من بطلب منو العفو والسماح لوجه الله تعالى.
واقعدوا عافية.

imported_أبو أماني

17-06-2009, 04:37 PM

الاخت روبس
تحياتي
ان شاء الله تكوني فهمتي.
....
الاهم من كدة بعتذر عن كلمة مخك ضارب وبتأسف وبسحبها.
...
اما موضوع قرايتك وعرسك تربية الاجيال فهذا ما لم أخض فيه ولن افعل.
....
بخصوص الزوق. بي عدم زوقي دة بربي في أجيال من اولاد وبنات الناس التانين .لي 19 سنة والحمد لله دي اول مرة يتهموني بعدم الزوق.
...
لجميع رواد القهوة
اي زول ماخد من خاطري من بطلب منو العفو والسماح لوجه الله تعالى.
واقعدوا عافية.

هووووي زحوا لي كدي .. أنا لما القى لي شكلة زي دي بتكييف جنس كيف! بس البوم شبه الخراب .. والحق لله زول حقاني وما بقصر في حق الأخوان وما قع أظلم لي زول ضمه بس الحقيقة يعني أنا جني ما جن اللخبتة وكان درتو النصيحة المتشاكلين اللتنين ديل صحباني مووت وما بفرز واحد من التاني .. وكان درتو النصيحة بقولها .. اولا في التبادي روبس غلطت بلحيل في حق أبو ريم .. يعني مهمن كان كيفن تقول لإبو ريم .. الملافظ سعد .. خليك من أبو ريم يعني هسع دي كان سمعك فيصل سعد .. حيكون موقفك شنو من منظمة حقوق الإنسان؟ وكان لإبي ريم داك خلوه سااااكت .. في زول في الدنيا بقول لسيدة حسناء راقية ظريفة تهفهف زي روب..س دي .. مخك ضارب .. كيف يعني؟ وقعها لي .. بس كدي وقعها لي أصلو هو ده مخ ولا لستك عربية؟ بعدين أنا القدامك ده يا روبس كان زول قال لي مخك ضارب على الليمان أضاربو ليك جنس مضاربة .. في سوق الأوراق المالية ماحصلت .. عان ده عليك الرسول! هوووي يا روبس .. كل شئ ولا الحقارة..أوعك تسكتي ليو يابت..ماعندكم مفراكة كهربائية؟ والله سرها باتع ..عاد دي بتأدب الرجاجيل ديل جنس أدب! وكان ما مصدقاني أسعلى أم أماني
بعدين يا أبو ريم يا أخ إتا زول راقي ومثالي وظريف ومربي أجيال .. وكان لروبس مربة خوخ ولا برقوق ما عارف .. فكيف .. تخلطوا بين الشكل والملاطفة .. والمناكفة والمشاكسة ؟ عموما شكلتكم الإفتعلتوها دي إنتو الإثنين الرائعين ديل أثبتت لي بالبرهان القاطع أنو أكثر إثنين مثاليين وقلوبهم أبيض من الحليب هما حبائبي الحلوين .. عادل عسوم والراقية أمال .. ياخي قدرما لغوت في حقهما .. وووواحد فيهم كش مني مافي .. لهما خالص حبي وإعزازي ..ولكما كمان .. ما تحمروا لي كلكم عندي في مرتبة واحده .. كمان برضو موقفكم ده أثبت لي بالدليل القاطع والبرهان الساطع .. إنو لكل فعل ردة فعل مساوية له في الحركة ومضادة له في الإتجاه ومافيش حد يسألني لأني ما عارف علاقة الكلام الأخير ده بالموضوع بس كلام حلو مش؟.
روبس .. يأ أعلى نخلات بلادي .. أبو ريم .. ياجبلا ما بتهزه ريح .. شايف هنوك في ركن قصي من المقهي .. تربيزة .. فوقها شمسية قاعدين تحتها .. الحبيب تكعيب ود مخير ومعاه قيقراوي الظاهر بوكو بيحنك فيو يرجع القهوة وينثر إبداعاتو .. يلاكم عليهم أنا طلبت الجبنة وبطلوا شكل بالله.. والله الواحد ما عارف يعمل شنو مع (الشفع) ديل .. أأأأأي شفع .. أمشوا إتضامنوا اللتنين وأرفعو على قضية .. goood تشاوووووو goood

imported_أبو أماني

17-06-2009, 05:01 PM

سارة لا ازيك ولا كيفك ولا اي حاجة ( عشان الزهجة تزيد وما تفك )
بالله قبلي لينا عليهم كلهم دون استثناء
أنا لي زمن مستنياك
كل البنقول علي موسى يطلع فرعون
قلنا هدنة شوفي عملوا شنوا
المديدة حرقتني
وصيتي ليك
لا تصالحي لا تهادني لا تستسلمي وكتري من :mad:
سيري وأنا وراك بالتحريش
أصلي ما زهجانة (اسفة ) انا زعلانة :(
زول سمح ما في كلهم زي بلة ووليدو :D

معذورة يا ست الحسان .. ماشفتيني في الزحمة دي ظنيتك .. هارد لك .. حاولي مرة أخرىgooodgooodgoood

imported_تحفة حوا

17-06-2009, 05:01 PM

الاخت روبس
تحياتي
ان شاء الله تكوني فهمتي.
....
الاهم من كدة بعتذر عن كلمة مخك ضارب وبتأسف وبسحبها.
...
اما موضوع قرايتك وعرسك تربية الاجيال فهذا ما لم أخض فيه ولن افعل.
....
بخصوص الزوق. بي عدم زوقي دة بربي في أجيال من اولاد وبنات الناس التانين .لي 19 سنة والحمد لله دي اول مرة يتهموني بعدم الزوق.
...
لجميع رواد القهوة
اي زول ماخد من خاطري من بطلب منو العفو والسماح لوجه الله تعالى.
واقعدوا عافية.
انت بتهظر ولا جادي ؟
اذا جادي بالله طول بالك الحكاية كلها مشاكسة
وأنا بريد مشاكستك goood
وما زعلانين منك وحبن الابط اتفشى
والحكاية كلها هظار (تغيظونا بي ليبيات ولا لبنانيات ولا حبش )
ما فارقة معانا بنتغاظ ونرد ولمن نقفل اللاب توب بنكون مبتسمين لا بنشيل من زول لا بنزعل
كلو دا هظار في هظار
مافي ليك اي عفو وسماح لاننا ما ماخدين في خاطرنا أصلا
يا حليلك يا عادل ياصاحب الاناءة والحلم نغلط فيك وما بتزعل
ويا شبارقة المورم فشفاشنا بس لابدين ليك :D
انا تاني ح أكسر ليكم تلج مادام انتو حساسين كدا ودا اكتشاف اول مرة اكتشفوا ;)
ياأبوريم ياظريف ياراقي كدا احسن ولا المشاكسة
(خليك كاواي وشاواي الناس تحبك وتريدك )

imported_AMAL

17-06-2009, 05:10 PM

http://sudaniyat.net/up/uploading/shkll.gif

الزينيين;):D:mad:

ابواماني
سيبم يتشاكلو
اتشاكلوالزينيين :D
يعني جات علي روبس وابوريم
لم كراسيك والكبابي السمحة دي
الدم لي الركب

imported_أبو أماني

17-06-2009, 05:24 PM

ما مشكلة ... الأخلاق الأخلاق ;)

داك الرماد وداك قدحو :D

راغب علامة كلامو صاح وليهو حق ... تستاهلن .. أقلّ من جزاكن goood

نحن زاتنا نستاهل ... سليلات أمهرا قريبات مننا لكن ... شقي الحال يقع في القيد :mad:

الله يبرد حشاء والديك يارب .. يا أخي والله ريحتني جنس راحة .. الغريبة يا شبارقة يا أخوي التقول الحروم ديل كتلن قلبي بعمل ولا حاجة .. أقول لما أدخل القهوة أوريهن العين الحمراء وحاتك يا غالي .. كان شفت أمال ولا تحفة ولا روبس ولا سارة ساااااكت تلقاني بركت لهن في الواطة دي ويا التلج عاد الليلة ماوقعت معاي .. هو جنس كسير .. أم أماني ما ضاقت زيو.. اسلخن سلخن يومن ..ديل المنجضاتننا ..قال هدنة .. قال .. يا أخي بنات أمهرا ديل واحلاتن الواحدة لمن تتكلم معاك تكييفك.. خاصة لما تكسر التلج ..هي بس التلج يطير .. تكسر الكلام وتقول ليك إنتا أمباريح .. شلت ستة شاي وباقي .. أربعة قرش .. مش ناس ديل .. تناديك بكلمة .. هووووي ..هوي ها .. مالك أطرش ما بتسمع؟ ولا مطنشني .. يطنشوك يا يابا في الترقيات إنشاء الله!..goood

imported_تحفة حوا

17-06-2009, 05:36 PM

الله يبرد حشاء والديك يارب .. يا أخي والله ريحتني جنس راحة .. الغريبة يا شبارقة يا أخوي التقول الحروم ديل كتلن قلبي بعمل ولا حاجة .. أقول لما أدخل القهوة أوريهن العين الحمراء وحاتك يا غالي .. كان شفت أمال ولا تحفة ولا روبس ولا سارة ساااااكت تلقاني بركت لهن في الواطة دي ويا التلج عاد الليلة ماوقعت معاي .. هو جنس كسير .. أم أماني ما ضاقت زيو.. اسلخن سلخن يومن ..ديل المنجضاتننا ..قال هدنة .. قال .. يا أخي بنات أمهرا ديل واحلاتن الواحدة لمن تتكلم معاك تكييفك.. خاصة لما تكسر التلج ..هي بس التلج يطير .. تكسر الكلام وتقول ليك إنتا أمباريح .. شلت ستة شاي وباقي .. أربعة قرش .. مش ناس ديل .. تناديك بكلمة .. هووووي ..هوي ها .. مالك أطرش ما بتسمع؟ ولا مطنشني .. يطنشوك يا يابا في الترقيات إنشاء الله!..goood
أبوأماني دا ما المزعلنا منكم
انتو عاملين زي ضل الدليب البرمي بعيد
مع نسوانكم صرة وش وخلقة الواحد لو شاف صورتو في المراية يقوم جاري وينسى انها صورتو
وكان في كميرا صورتو بالغلط (زي جوال ابو ريم ) ما يقدر يواجه صورتو الصارة ويمسحا بي سرعة
الخلقة الصارة دي الاحنا مقابلنها الله المستعان
ولما تشوفوا انثى تانية كان قردة تتبسمو
عشان كدا احنا هنا بنديكم على راسكم
وكل ما تزيدوا ظرافة نحنا نزيد سخافة عشان بنتخيل منظر نسوانكم وكانهن موكلاتننا بالدفاع عنهن
لكن انا دايرة استقيل من نقابة المحامين دي اصلي لقيت كل واحدة محكمة بي حالها وانا المسكينة :D
أها عندك لي بديل

imported_أبو أماني

17-06-2009, 05:43 PM

حبابك يا ست الناس وستى انا

ابو امانى شنو البتسالى منو؟؟؟

يسال منو بوليص الحركة

المحيرني وخلاني قرررربت أصدق حكاية شيخ القمائر ده .. المعلومات دي بتجيبيها من وين؟ تصوري دعوتك أصابتني في مقتل .. عربيتي وعربية أم أماني وعربية الولد ما مرخسات .. والتلاثة كشوهم أمبارح .. 150 جنيه طالبك يا سارة .. همس ..عليك الله شوفي جنس حسادة سارة دي .. شافتنا منسجمين قالت يا فيها يا .. أجيب عاليها واطيها .. غايتو قالوا كل ذي نعمة محسود ..وأنا احمد الله على نعمة همس الشوق .. وموتوا بغيظكم يا بتوع ال .. ب.. ب.. على فكرة إتي يا سارة رسالة الماجستير حقتك كانت في ياتو نوع من ال.. ب .. بع.. هي مالها مابيه تمرق ؟؟ goood

imported_jezabell

17-06-2009, 05:49 PM

روبس
اتلمي يا بت
الملافظ سعد
وفيصل سعد
وسعد الصغير :D:D

ياااااااا ابا ريم
مالك يا رجل يضيق صدرك ببعض الترهات التي تأت ممن خلقن من ضلع اعوج؟ (دة اللي هو احنا) :D..
الا تستمع لقول الرسول الكريم فينا؟ نحن قوارير.. انا قارورة وروبس قارورة وكذلك تحفة ومن لف لفنا.. ومن هذا الذي انطلق قبل شوية بقول ليك بلييييييييييز وي ار جست جوكينق هنا في هذا البورد..
هسي مداخلتك الاخيرة في صحويني داك لي يوم الليلة تسمع في كلامنا دة..

بالجد كدة ابوريم دة احلى زول حايم في الاسافير دي بس مشكلتو احمق زي ابوالدقيق وانا قلت ليو الكلام دة قبل كدة.. لو طولت لينا بالك شوية والقصة لا تتعدى الونسة والهزار واصلن الناس بتخش المنتديات عشان تفرق علي روحها من قرف الدنيا الحوالينا دة..

لك العتبى يا عزيزي حتى ترضى..

____________
تنويه:
يجب ان يكون الرد كالاتي: (حصل خير يا ستي ولا يهمك.. واصلا انا زااتي اعتذرت ليك وقلت ليك انا اسف لاني اتسرعت وفهمتك غلط وكذلك فهمت روبس :D
لكن يمين الله تجي تشيل كلامي دة وتقعد تلون لي وتصحح باللحمر زي عادتك اقفل ليك البورد دة كلو :D:D

imported_jezabell

17-06-2009, 05:51 PM

ابو اماني ازيك يااااخ
ما بلقى لي في قهوتكم دي شيشة النبي؟ :D:D

imported_عادل عسوم

17-06-2009, 06:01 PM

سارة باللاّي تعالي نتشاكل عشان الناس ديل كل واحد يجي طابق قلمو ويحجز:mad:
:D:D

imported_أبو أماني

17-06-2009, 06:01 PM

دي منو المن القطينة دي؟؟ حلتناااااااا ومحل اسرتنا :D

بعدين منو الماسك القهوة دي بالله؟ بمعنى البوزع في الشاي منو والبهب في النيران منو
بس عشان الواحد يكون عارف يقعد وين بالضبط :D:D

مين قال القطينة يا شباب .. دي مسقط رأس أجدادنا .. جبل اولياء .. الدويم .. القطينة .. حلة عمر أبو حسبو .. الخ.. الخ .. كلهم اهلنا .. كما جميع السودانيين.. عذرا رشا .. أهلا بكي في دارك .. نوارة وزهرة .. وأريج يضمخ مقهانا .. أختاري المكان وياهلا بكي في كل زمان ياولد ..حقوس .. مبخر كارب وصينية قهوة مدنكلة عشان ستهن .. أبقى لا داخل ..

حاشية :-
والله غريبة ظاهرة كسير التلج المستمرة دي .. والله أم أماني كان شافتني في مقام تكسير جمع مؤنث سالم زي دي .. باقيلكم الشهادة بلحق أقولها ؟..اللهم لا نسألك رد القضاء..

imported_شبارقة

17-06-2009, 06:04 PM

ما بلقى لي في قهوتكم دي شيشة النبي؟ :D:D

بحجر قضيم ... تنفع ؟ :D

imported_همس الشوق

17-06-2009, 06:09 PM

الليلة ووووووووب
سجمنا

شكله ليها ضل

يا جماعة قولوا بسم الله وإستهدوا بالله

الموضوع وما فيه هزار ودردشة اسفيرية الناس ما بتقصد بيها حاجة .... من غير زعل ومن غير حرارة نفس ... يا جماعة خلونا نشرب القهوة دي بي مزاج

فتكم بعافية

imported_jezabell

17-06-2009, 06:10 PM

بحجر قضيم ... تنفع ؟ :D

ياااخ كان بي حجر محراكة راضية :D:D

imported_أبو أماني

17-06-2009, 06:12 PM

أبوأماني دا ما المزعلنا منكم
انتو عاملين زي ضل الدليب البرمي بعيد
مع نسوانكم صرة وش وخلقة الواحد لو شاف صورتو في المراية يقوم جاري وينسى انها صورتو
وكان في كميرا صورتو بالغلط (زي جوال ابو ريم ) ما يقدر يواجه صورتو الصارة ويمسحا بي سرعة
الخلقة الصارة دي الاحنا مقابلنها الله المستعان
ولما تشوفوا انثى تانية كان قردة تتبسمو
عشان كدا احنا هنا بنديكم على راسكم
وكل ما تزيدوا ظرافة نحنا نزيد سخافة عشان بنتخيل منظر نسوانكم وكانهن موكلاتننا بالدفاع عنهن
لكن انا دايرة استقيل من نقابة المحامين دي اصلي لقيت كل واحدة محكمة بي حالها وانا المسكينة :D
أها عندك لي بديل

هووووي يا رجال أنا بحذركم .. أعملوا حسابكم من تحفة دي .. والله باقي لي كده .. خابزانا وعاجنانا .. وانا ملللللي .. غايتو أنا خائف عليكم لانكم لقلاقين وهباشين لكين أنا غير مرتي أصلي ما قاعد اعاين لمرأة .. صدقوني والله هن بيعاينن لي براااااهن يعني أنا في إيدي شنو أعملو .. مرة وحااااة نظري كت لاعب مع صحباني كونكان وكت قافل لي على بت ديناري .. تصدقوا بالله جريتها وفكيتها بايظ من غير ما أتمعن فيها .. معقول أرفع عيني أعاين لمرأة؟! أنا أبوكي يا أماني .. هيييييييييييييييع ..goood..

imported_تحفة حوا

17-06-2009, 06:15 PM

ياااخ كان بي حجر محراكة راضية :D:D
وب علي يا رشا ما بالغتي :D
حجر محراكة :eek:
الله يجازي محنك :D
أها يا أبوريم زولة عسل زي رشا دي بزعلو منو
وكلنا بنفتش عن القفشات والضحك :D

imported_تحفة حوا

17-06-2009, 06:18 PM

هووووي يا رجال أنا بحذركم .. أعملوا حسابكم من تحفة دي .. والله باقي لي كده .. خابزانا وعاجنانا .. وانا ملللللي .. غايتو أنا خائف عليكم لانكم لقلاقين وهباشين لكين أنا غير مرتي أصلي ما قاعد اعاين لمرأة .. صدقوني والله هن بيعاينن لي براااااهن يعني أنا في إيدي شنو أعملو .. مرة وحااااة نظري كت لاعب مع صحباني كونكان وكت قافل لي على بت ديناري .. تصدقوا بالله جريتها وفكيتها بايظ من غير ما أتمعن فيها .. معقول أرفع عيني أعاين لمرأة؟! أنا أبوكي يا أماني .. هيييييييييييييييع ..goood..
تفتكر ؟
يعني افتح لي مخبز

imported_AMAL

17-06-2009, 06:18 PM

ابو اماني ازيك يااااخ
ما بلقى لي في قهوتكم دي شيشة النبي؟ :D:Dhttp://sudaniyat.net/up/uploading/aaaaa

رشا حاتم منورة

imported_شبارقة

17-06-2009, 06:20 PM

وسلميلي على مدلينا ;) أمها سليلة أمهرا وابوها من القطينة :D

دي منو المن القطينة دي؟؟ حلتناااااااا ومحل اسرتنا :D

مين قال القطينة يا شباب .. دي مسقط رأس أجدادنا .. جبل اولياء .. الدويم .. القطينة .. حلة عمر أبو حسبو .. الخ.. الخ .. كلهم اهلنا .. كما جميع السودانيين

هو شنو هو ؟ من جبنا سيرة القطينة كلكم جيتو ناطين وعملتوا فيها أسيادا ...

الجكسويا إسمها مدلينا ... أمها سليلة أمهرا وأبوها من شرق أثينا ...وقرت معانا الجامعة في القطينة :D وكانت بتخاف من تور عفينه :)

وسلمولي على الجعفريات ;) وكل الجكس بتاع النيل الأبيض وناس كوستي يا آمال وأنا لي في القوز غزال ;)

imported_أبو أماني

17-06-2009, 06:23 PM

ياااخ كان بي حجر محراكة راضية :D:D

يا ولد .. ها .. حقوس .. يا أخوانا الحبشي ده أضانه تقيلة ولا شنو ..؟ حقوس .. ويجيني الصوت من بعيد في القهوة .. أيوا يا جدو أبو أماني .. اكطعها في حناني .. جيب واحد شيشة حجر محراكة بالتفاح فيومي .. وظبطها كوييييس .. قال جدو قال..يجلدوك بجلد بقر ويمسحوك بالبعر حق ناس بروف سرورة .. المحفضة ومنفضة من (عرس الكورة) ..

imported_شبارقة

17-06-2009, 06:30 PM

ياااخ كان بي حجر محراكة راضية :D:D

:D:D:D

مرة سألت الجماعة في بوست مصطلحاتنا العامية بتاع أخونا فيصل سعد السمع الرعد وصنقر قعد :D سألتهم عن المحراكة ما عرفوها ... ألاقيك عارفاها وعارفا حجرا كمان وأنا كنت زمني ده كلو مخدوع وقايلك حنكوشة :mad:
ضيعتيني لكن :D

imported_AMAL

17-06-2009, 06:31 PM

هو شنو هو ؟ من جبنا سيرة القطينة كلكم جيتو ناطين وعملتوا فيها أسيادا ...

الجكسويا إسمها مدلينا ... أمها سليلة أمهرا وأبوها من شرق أثينا ...وقرت معانا الجامعة في القطينة :D وكانت بتخاف من تور عفينه :)

وسلمولي على الجعفريات ;) وكل الجكس بتاع النيل الأبيض وناس كوستي يا آمال وأنا لي في القوز غزال ;)

اللههههههههههه

تاني جاب سيرة البحر ياعبدو لا

:D:D

imported_شبارقة

17-06-2009, 06:41 PM

بمناسبة سليلات أمهرا وبمناسبة قهوتكم الما فيها مزيكا دي :mad: شنو رأئكم نسمع ونشوف :D

http://www.youtube.com/v/_obaYp1tBdA&hl=en&fs=1

imported_jezabell

18-06-2009, 08:28 AM

:D:D:D

مرة سألت الجماعة في بوست مصطلحاتنا العامية بتاع أخونا فيصل سعد السمع الرعد وصنقر قعد :D سألتهم عن المحراكة ما عرفوها ... ألاقيك عارفاها وعارفا حجرا كمان وأنا كنت زمني ده كلو مخدوع وقايلك حنكوشة :mad:
ضيعتيني لكن :D

دقيقة بالله يا شبارقة.. انا زولة ملتي كلتشرز وكدة يااااخ :D يعني مثقفة بالعربي الفصيح..
بعدين ما تنسى يا شبارقة انو راس مسقطي القطينة :D فبالتالي كان لازم تمر علي المحراكة دي.. ياااخ كان نطيت الحيطة لي بيت ناس فخري دة ساااااي بلقاها مدورة طحن :D:D

اها.. ان شاء الله تكون جمعت؟ :D:D

imported_jezabell

18-06-2009, 09:14 AM

مين قال القطينة يا شباب .. دي مسقط رأس أجدادنا .. جبل اولياء .. الدويم .. القطينة .. حلة عمر أبو حسبو .. الخ.. الخ .. كلهم اهلنا .. كما جميع السودانيين.. عذرا رشا .. أهلا بكي في دارك .. نوارة وزهرة .. وأريج يضمخ مقهانا .. أختاري المكان وياهلا بكي في كل زمان ياولد ..حقوس .. مبخر كارب وصينية قهوة مدنكلة عشان ستهن .. أبقى لا داخل ..

حاشية :-
والله غريبة ظاهرة كسير التلج المستمرة دي .. والله أم أماني كان شافتني في مقام تكسير جمع مؤنث سالم زي دي .. باقيلكم الشهادة بلحق أقولها ؟..اللهم لا نسألك رد القضاء..

يا سلام عليك يا ابواماني يا سيدهم انت ياااخ.. بس خلاص انا لقبك دة ياهو زاااااااتو البناسبني.. بلا ايقونة بلا اقحوانة.. اصلن ايقونة دي انا اتسلبطت فيها غيرة سااااي من نعمات :D:D

اها بس شترتها بي الحاشية دي.. في داعي يعني تورينا انك هراش كدة يا ابواماني يااااخ :p

imported_jezabell

18-06-2009, 09:16 AM

http://sudaniyat.net/up/uploading/aaaaa

رشا حاتم منورة

هههههههههههههههههههه
كان ما اخاف الكضب بكون انا الماسكة اس الهارت دي :D:D

منورة بي وجودك يا امال ;)

imported_شبارقة

18-06-2009, 09:43 AM

بعدين ما تنسى يا شبارقة انو راس مسقطي القطينة :D :D:D

:D:D

سمعنا بالرأس الكبير والرأس الصغير لكن الرأس المسقطي ده ما سمعنا بيهو :D

واحد سألوهو وقالوا ليهو مسقط رأسك وين ؟ قال : المخدة :D

رأس مسقطي دي على وزن الزول الكان عاوز يقول : رأسي داش قام قال : داشي رأس :D

imported_فخري الزين

18-06-2009, 09:47 AM

دقيقة بالله يا شبارقة.. انا زولة ملتي كلتشرز وكدة يااااخ :D يعني مثقفة بالعربي الفصيح..
بعدين ما تنسى يا شبارقة انو راس مسقطي القطينة :D فبالتالي كان لازم تمر علي المحراكة دي.. ياااخ كان نطيت الحيطة لي بيت ناس فخري دة ساااااي بلقاها مدورة طحن :D:D

اها.. ان شاء الله تكون جمعت؟ :D:D
هوووووووي يا حوا الكاشف سألك هسي
انا كرهتي في الدنيا المحراكه و المحركه وخاصه عند النسوان وخاصه لما الواحده تكون طالعه والغريبه بعد المحركه والجرجره والكبكبه الواحده تطلع ذي ماهي يكون ليه ؟

ماجمعت

imported_jezabell

18-06-2009, 09:48 AM

:D:D

سمعنا بالرأس الكبير والرأس الصغير لكن الرأس المسقطي ده ما سمعنا بيهو :D

واحد سألوهو وقالوا ليهو مسقط رأسك وين ؟ قال : المخدة :D

رأس مسقطي دي على وزن الزول الكان عاوز يقول : رأسي داش قام قال : داشي رأس :D

لوووووووووووووووووووول

خلي بالك الخرف دخل خلاص :D

الراس المسقطي دة يا عسل :D يعني المولود في السقط وديل بيكونوا من برج الحوت وكدا:D
و انت الله يخليك الليلة بس شايل سنارتك وحايم لي صيدهم ان شاء الله يطلع ليك سلطعون :p :p

التعديل كبكبة مني سااااااااي :D

imported_jezabell

18-06-2009, 09:52 AM

هوووووووي يا حوا الكاشف سألك هسي
انا كرهتي في الدنيا المحراكه و المحركه وخاصه عند النسوان وخاصه لما الواحده تكون طالعه والغريبه بعد المحركه والجرجره والكبكبه الواحده تطلع ذي ماهي يكون ليه ؟

ماجمعت

لسة رايح؟
موش قلت ليك اخير القعدة ام بوم :D:D

امشي كدة يا كضاب.. وحااة الله مما عرفتك ما حصل طلعت معاك الا بنيولوك يجنن :p:p

imported_فخري الزين

18-06-2009, 11:10 AM

شايقي جارو جعلي جاتو ليلة القدر قالت ليه اطلب اي حاجه بس علي شرط الحاجه البتطلبها بتجي لي جارك قدرها مرتين قال ليها قدي لي عيني دي

imported_عادل عسوم

18-06-2009, 11:20 AM

شايقي جارو جعلي جاتو ليلة القدر قالت ليه اطلب اي حاجه بس علي شرط الحاجه البتطلبها بتجي لي جارك قدرها مرتين قال ليها قدي لي عيني دي
(يشوي) اضنين عدوك و(يجعل) ليهو كومة في ضهرو :mad:

:D

imported_أبو أماني

18-06-2009, 03:50 PM

الله اديك العافيه يا فيصل لانك انت الدايما بتسال عننا وعن الغايبين شكرا ليك لانك زوق
وصح انتو وين سيد القهوه اظهر وبان عليك الامان وما تخاف كان جيتنا واعترفته بى الالحتلال التام نزوجك احلى النسوان ( فى الحلم قول امين)..يا بنات ما تفهمو غلط دى دردقه ونان نرجعو كيف ... والله اشتقنا لى خيالك الواسع اظهر سريع

أها ظهرت بس عليك الله أوفي بوعدك .. شرطا تكون من أي جهة في بلاد الشام .. الخليجيات مكجنن .. والسودانيات يسوون خمة نفّـــس وشحتفة روح .. خلونا نشوف شبابنا شوية .. وكان على أم العيال .. ما شايقية .. بكم مليون (سد الخشم) المواضيع بتمشي .. أها ودعتك الله الأمانة في الذمة .. شوفي لأخيك .. حاجة من بيت الكلاوي .. الله يطول عمرك والزمان ما يدمرك يا بت العم ... تشاووووو gooodgoood

imported_أبو أماني

18-06-2009, 04:09 PM

http://sudaniyat.net/up/uploading/shkll.gif

الزينيين;):D:mad:

ابواماني
سيبم يتشاكلو
اتشاكلوالزينيين :D
يعني جات علي روبس وابوريم
لم كراسيك والكبابي السمحة دي
الدم لي الركب

غايتو يا إيمولا ماعارف اقول ليك شنو؟ يا أخي إنتي كده ... (ماعارف بسووها كيف!) .. ماقلت ليكم يا روبس إيمولا دي روح سودانيات ودينمو القهوة ومش كده وبس يا أخي دي .. نكهة الحياة ظااااطها .. معقولة تلتقطي الصورة التاريخية دي للثنائي الرائع ده أثناء الشكلة ؟ عليك الله يا أمال عملتيها كييييف؟ والله يا بت الشيخ النصيحة لي الله ما بتنقدري .. رغم الضحك المن الأعماق .. حنيت على حالة أبو ريم ..خصوصا وضربة (روبس) الخطافية ليو في كرشو الماكنة دي .. يا أخواني والله أم أماني دي رحمة من السماء!! .. وكان للنصيبة أم عصيبات ديك .. المحيرني هي إتعلمت الكاراتيه ده وين؟ .. الحمد لله الفتحتي لي بصيرتي .. وبعد ده ياني الجاري ليكم مع (روبس) سنة ناعمة .. كان جابت لي المتجمد الشمالي بكسروا ليها .. أهلنا أولاد بمبة قالوا في المثل (اليد الما بتللوي .. تتباس ) ..أبو ريم والللللييييلا .. (روبس) جااااااتك .. ومعاها همس الشوق وسرورة كمان .. ود أمي (كنينة) تلبد؟؟!! goood goood goood

imported_أبو أماني

18-06-2009, 06:05 PM

يا جماعة انتوا سيد القهوة
و سيد الوجاهة و اركان حربه
نزار طاشين وين الايام دي ؟؟
لانه شايف شبارقة مناوب تماما
و سادي وردية و نبطشية و مورم
فشافيشكم بمزاج و كدا:D:D

تسلم يا بن العم .. دايما سباق .. العزيز دوما نزار والله غيابك طال .. والقعدة في القهوة من غيرك .. بقت زي القعاد في البيت والموية والكهرباء كاطعات وإنت في إجازة مرضية والمرأة داخلة مارقة تطنطن .. غير النقة ما عندها شئ .. وحشتنا نكاتك الظريفة وطلتك الأظرف ولسانك البينقط عسل .. بعدين ما تزعل من جنسو زول .. وكان في زول زعلك حقك على وامسحها لي .. في .. وين يا ربي .. وين ياربي .. أمسحها لي في وش شبارقة القاعد جمبي ده .. ولا أقول ليك .. خليك ظريف وأدينا طلة .. مالك يابا اليومين ديل ما فاضي .. ولا ... هلســــــــونا ؟؟ غايتو كان لي انا داك .. هلســـــونا يا أحوي؟؟؟ goood goood goood

imported_أبو أماني

18-06-2009, 06:26 PM

هوووووووي يا حوا الكاشف سألك هسي
انا كرهتي في الدنيا المحراكه و المحركه وخاصه عند النسوان وخاصه لما الواحده تكون طالعه والغريبه بعد المحركه والجرجره والكبكبه الواحده تطلع ذي ماهي يكون ليه ؟

ماجمعت

كيفك ياحلو يا ظريف .. طبعا الصورة توضح أنك لسع صغنوني وأصغر مني بكمين سنة كده وجابت ليها سماحة كمان! بس الضمان شنو تكون جديدة؟.. ده لفت نظر للجنس اللطيف!.. عشان الزحمة وكده .. بالله قوم يا أخي نحن لينا شهور نخفف في دمنا ونكسر في التلج ونسوي ليهن يا ذبيدة لا تموعي عشان نخفف وقع زرقتنا وشناتنا الطالعة لينا في الكرتلة دي ..ويادوب الحلوين بقوا يدونا ريق حلو وكان لروبس ديك .. عييييييك بتبتها ليك تب .. بقت تقعد أبو أماني تقوم أبو أماني لما الكوتش بتاعها بقى يحمر ليها .. يا أخي والله نوورت القهوة ..يا ولد حقوس تعال شوف عمك ود الزين يشرب شنو .. يا بت زمزم واحد شيشة أمريكاني للمعلم .. قلت لي شنو يا فخفخ .. البنية دقستك وفكت فيك مكنة الملتي كلتشرز والذي منو..؟ وإت آ االمسيكين صدقت وقلت دي مكطعة السمكة وديلها .. مش؟؟ يا عمي ها .. والله على قول عمو شبارقة الواحدة لو قرت الصوربون .. المحراكة تجيها في الشيلة .. قال كافوري وقاردن سيتي .. عرب كوبر وعرب بري ديل مالهم .. قالوليك ما عندهم آيسكريم ولا شنو؟؟؟ هيييي مخير الله! goood goood goood

imported_أبو أماني

18-06-2009, 08:14 PM

والله كلام تحفة حواء صاح 100% النصيحة لي الله الراجل مننا تجضموا مرتو في البيت وتسقيهو الموية بدودها ولا بعرها ماعارف ..يجي يفش غلو في أي بت حواء تلاقيه ويعمل ليها فيها ضبان ضكر .. بإعترافي الليلة ماخد لي (بستفة) كاااربة من أم أماني والقايظني وهارد مصاريني من جووه .. ما قدرت أقول ليها بغم .. لانها على حق .. عشان كده اتحملوني كان حاولت أفك كربتي وأفش غلي فيكم وعليكم الرسول ما فيكم زول يزعل مني.. عادل.. متلبد مالك ما تخاف ما بهبشك الليلة.. شايفك ما تتضارى ..ما إحنا دافننوا سواء..
* البداية بسارة (ب..بع..بع..) هي مالها ما بتمرق يا أخواني؟
طبعا سارة مرة تسخن ومرة تبرد .. زي براد شاي الضحوية .. واليومين ديل جاره سنة ناعمة شوية ..لكين بقول ليها شوفي يا أختي ..في عالم الويست مثلا ..إتنين حرفاء ما بلعبوا زملان بعض .. تعرفي ليه لانو كل زول عاوز يثبت تفوقه على التاني .. عشان كده يا بت أمي فكينا الإرتباط وهدنة تم كهي نهي .. قطع ناشف .. نزار أرجع باللبس خمسة واستنفر القوات .. قال هدنة قال وغشونا بررررراحة وإحتلوا القهوة والرجال طفشوا .. ما تقولي لي اتجمعتوا وبقيتوا قوة ضاربة وبتاع علي الليمان يجيكم قيقا بعد خلص كورس المتفجرات وشليل بعد دخل قيادة الحربية وبقي أركانحرب وعادل عسوم وأبو المجتبى وأبو ريم .. عيلا تعرفوا حاجة ..
* شبارقة :-
شوف يا معلمة .. النسون ديل ما يفتكروا إنهن ممكن يغشنك .. ويدودروك بالكلام المعسول وصكوك الجنان البوزعن فيها دي .. والله يا معلم ما تقول لي!! غير عملك ورحمة الله تأشيرة تدخلك هناك مافي .. أسمع كلامي ده كيوييييس .. عموما نصيحتي أي غبينة تجيك من أم البنات سامح ليك لوجه الله تعالى .. تعال فشها في سودانيات .. (من طرف يا ملك).
* أبو ريم .. وأبو المجتبى .. أبو أماني ..وأي أبو مكني روحه بإسم بت ..
ديل عموما .. قضيتهم بايظه خااااالس خالس .. هو من ما ساب الولد وسمى روحه بإسم البت تعرفوه .. ضلعة كبيرة في منظمة who the week husbands orgnization
غايتو اللتنين الباقيين ما بعرف تاريخهم كيويس .. لكين أبو ريم ده جاتني معلومات ما تخرش الميية من جهات وثيقة الصلة .. إنو في البيت شبعان غبينة .. والقول على ظمة الراوي من شدة الغبينة العندو .. قالوا صحبانو ملقبنو بالهاي لوكس .. (دبل غبينة) أبو ريم .. أبو ريم .. وين يا فرده ؟؟ والله مشتاقين .. مالك ما ظاهر .. التقول صورة أمال العلقتها دي جد جد ..
* ملك الأعده كلها .. نزار ..
حقيقي غياب نزار اليومين ديل حيرني .. أنا غايتو صابر ومتحمل .. لكين البصبر فردتو روبس شنو ؟؟ نزار والله مش أنا وروبس بس .. صدقني القهوة كلها مشتاقة ليك .. وعشان أرضيك ترجع بسرعة اهديك النكتة دي ..بس لاكين من ليبيا ...
القيامة قامت وحساب الأنبياء والأمم بدأ .. آخر شي أمة محمد (صلعم) جو كلهم يهللوا .. الله أكبر .. لا إله إلا الله ... ماعدى الفلول الأخيرة وكانوا الشعب الليبي .. طبعا كلهم شتر ومشاترين .. هتافاتهم مخالفة السنة والفريضة .. زيد تحدى .. زيد يا الصقر الوحيد .. طظ طظ في أمريكا .. بالروح بالدم .. نفديك يا .. قدافي .. وطبعا تمت محاسبتهم على هذا اللغو وحجزوهم في حوازة لحدي البت في أمرهم .. مر يوم وأسبوع وإثنين وهم مهملين .. يوم عمر المختار .. شاف ليك إبليس طائر كورك ليه .. إبليس .. تعال إهني يا موسخ .. جاء إبليس إيه يا مختار عاوز إيه؟ عمر مختار .. إت حاييم وتتلصص ما سمعت شي؟ .. إبليس قررب جمب أضان عمر مختار وقال ليو همسا.. لو قالوا حيودوكم النار وافقوا طوولي !! نوافق بالنار يا موسخ ؟؟ إبليس قال ليو .. أيوه أخير ليكم لانو سمعت تحت تحت كدي قالوا لو رفضتوا حيرجعوكم ليبيا تااااااني ... ودقي يا مزيكة ...

* الحبيب تكعيب .. أين وعدك بالمداومة ؟
طبعا ما عندكم بخت وإلا كان بوكو مزاجو يكون رائق والحيكومة الصغيرة راضية عنو وكل يوم والتاني يجيكم في القهوة ناطي بخفة دمو وأدبو وعلمو .. ورائع كلماتو .. دعواتكم بعودة أحلى أعلام النشاط عشان القعدة تحلووووو ... مالك يا الحبيب ؟ في ظمتك دي الحنكوش الحنتوش أبو أماني السمح ده ما وحشك ؟؟

* قيقراوي :-
عملتها ظاااااهرة يا قيقا .. يا أخي معقول كطيعة مررررره واحدة كده؟ ولا القصة فيها إن ولا أي واحدة من إخياتها ..ولا أظن عائلة إن كلها معاك ؟؟ أظهر وبان يا راجل ده الأهوة من غيرك يابيه مالهاش طعم خالص ..

شليل : شليل وينو؟ ختفوا الدودو .. شليل وين راح .. ختفوا التمساح .. بري بري يا ود أمي يبراء شليل ويستبراء .. الله يغطيهو منكن يا بنات حواء ونفك التعريجة .. محفض ومنفض وواقع وراء الزارباهو الملائكة .. هوووي يا شليل ما تهرش منهن والله كلهن هراشات وهوراطات سااااكت .. ااااا أب سون لك الحبة ..

المعتصم : يا أخوي تعال لينا وما تتلفت جاي ولا جاي .. وظيفة وزير الحربية والدفاع مفصلة عليك تفصيل .. تعال إستلم منصبك خلي ناس همس الشوق وسارة وأمال يعرفن حاجة

كانديك : وينك يا أخ .. أنا ما... راجيك ..!!!

تحفة حواء : رفعنا الهدنة .. بس حسب الإتفاق .. هدنتنا سواء مستمرة وعليك امان الله .. ندافع لبعض بكل بسالة .. كيتن في أمال وأركانحربها .. و.. مارشات عسكرية .. وقرآآآآن ... goood goood goood

imported_سارة

18-06-2009, 10:44 PM

اخى الحبيب ابو امانى تحية وتقدير تليق بك و بضيوفك اما بعد ( اناجادة والله ما تحوص لى عيونك )

دخلت فى قهوتكم العامرة ورب العالمين يشهد لم يكن فى نفسى اى سوء تجاه اي انسان

وخاصة رواد القهوة وضيوفها كنت ادخل وربى يعلم وكانى ادخل بيتى وفى حضن اسرتى

اضحك من قلبى واكتب من قلبى وارد من قلبى الكل عندى اخوان واخوات اعزاء واشهد الله

على ذلك لم اقصد ان امس اى انسان من قريب او بعيد قد يحتد الهزار وقد تنفعل الاحاسيس

ولكن مافى القلب فى القلب ثابت كما ثبتت فى الراحتين الاصابع

ولكن علمت اننى اخطأت او هناك من فهم كتابتى خطأ لذلك وجب هنا الاعتذار لك اولا لمنحك

لى هذه المساحة لاحوم واجول احمل ما احمل من بعر ومن ريحة غنم وتيوس لذلك اعتذر لك

اولا ومن بعدك لكل الاخوة والاخوات جميعا وحتى للقراء الاعزاء

لم اقصد ان يكون دمى ثقيلا يوما ولم اتمنى ان امس اواجرح انسان عزيز لذلك اكرر اعتذارى

واسفى والمى لكل من تسببت له فى مضياقات او لمست له جانب يؤلمه او جرحته

فيجب ان تعذرونى اريد ان احاسب نفسى واستريح والى ان يقضى الله امرا كان مفعولا

لكم منى محبة واحترام وتقديرا تعجز مفرداتى الركيكة عن وصفه

سارة

imported_ابوريم

19-06-2009, 01:18 PM

سارة!
جادة؟
أكييد دي فرة لي كرة
أصلا بقولو
الحرب كروفر.

imported_تحفة حوا

20-06-2009, 08:09 AM

تحفة حواء : رفعنا الهدنة .. بس حسب الإتفاق .. هدنتنا سواء مستمرة وعليك امان الله .. ندافع لبعض بكل بسالة .. كيتن في أمال وأركانحربها .. و.. مارشات عسكرية .. وقرآآآآن ... goood goood goood

أبو أماني :
ماشي أماني في البيت تتلقى عنك المفاريك بكل أنواعها وأنا هنا :D
خلي زول تاني يقول ليك بغم goood
أها عندي ليك اقتراح :
الدنيا صيف والناس زهجانة
نقوم نقلب القهوة إلى كشك عصير
انت تجهز العصاير وأنا بكسر التلج
وأول كاسة عصير لي :
أبو ريم عشان ينسى القديم :D
تاني كاسة لي شبارقة عشان المحنة تجي مارقة :D
تالت كاس لي عادل عسوم عشان شعر معاوية يقوم :D
وتلاتة اربع كاسات للحسان الراقيات الظريفات ;)

يلا نادي علي أبو الحرقص ولا حقوس خلي يوزع العصاير
:D :D :D
تاني مادايرين وشوش محمرة

imported_ابوريم

20-06-2009, 08:19 AM

تحفة حواء
أبو ريم عشان ينسى القديم
ههههههههههه
ذكرتيني
من نسى قديمو تاه
عايني قلوبنا بيضا ما بتشيل من جوة غير المحنًة - بتشديد النون- يالا جيبي نكتة تحت الحساب بس تكون جديدة

imported_تحفة حوا

20-06-2009, 08:21 AM

تحفة حواء

ههههههههههه
ذكرتيني
من نسى قديمو تاه
عايني قلوبنا بيضا ما بتشيل من جوة غير المحنًة - بتشديد النون- يالا جيبي نكتة تحت الحساب بس تكون جديدة
لو كنت ما شايل كنت ناديتني بالاسم التاني
:D :D :D

imported_ابوريم

20-06-2009, 08:24 AM

لو كنت ما شايل كنت ناديتني بالاسم التاني
:D :D :D
مش العافية درجات؟
هاك...
يا...
روح ادم!
حلوين؟

imported_تحفة حوا

20-06-2009, 08:32 AM

مش العافية درجات؟
هاك...
يا...
روح ادم!
حلوين؟
عارف يا أبوريم أنا لمن سميت نفسي تحفة حوا ما عشان أشكر نفسي ( شكار نفسو ابليس :D )
سميت نفسي كدا عشان أكون روح أدمي (ادم حقي ) زي ماهو روحي :p
وانت الوحيد الفطنت لي كدا :D
ولمن ناديتني تحفة حوا قلتا الليلة ابو ريم مالو ؟
حلوين ومن زمان وسلم لي علي صاحبتي ريم

imported_ابوريم

20-06-2009, 08:48 AM

تسلمي ياذوق!
....
دايرين نلملم البنابر ديل. نرتب البكان.
وننضف الحتة من كسلر الكبايات والفناجين وجبنات الطين الاتكسرن. بفتح الكرتونة اطلع العدة الجديدة. الجبنة لازم تجهز. ناس شبارقة وابو اماني ديل جايين في السكة.
...
مافي زول ينزل لينا غنا مسجلنا مكسر.

imported_فيصل سعد

20-06-2009, 09:05 AM

أبو أماني :
ماشي أماني في البيت تتلقى عنك المفاريك بكل أنواعها وأنا هنا :D
خلي زول تاني يقول ليك بغم goood
أها عندي ليك اقتراح :
الدنيا صيف والناس زهجانة
نقوم نقلب القهوة إلى كشك عصير
انت تجهز العصاير وأنا بكسر التلج
وأول كاسة عصير لي :
أبو ريم عشان ينسى القديم :D
تاني كاسة لي شبارقة عشان المحنة تجي مارقة :D
تالت كاس لي عادل عسوم عشان شعر معاوية يقوم :D
وتلاتة اربع كاسات للحسان الراقيات الظريفات ;)

يلا نادي علي أبو الحرقص ولا حقوس خلي يوزع العصاير
:D :D :D
تاني مادايرين وشوش محمرة

و نحن تطلعونا من الجنة و سقطها :D:D
سمح ،، انا استاهل و كدا، و عوجة تب مافي
ابو ريم شرب زي الانا رويت واحد ، لكن
انت اصبري لي بلم فيك و بجضمكم انت
و صاحباتك الغتات ديلك :mad::mad::mad:

imported_أبو أماني

20-06-2009, 09:41 AM

و نحن تطلعونا من الجنة و سقطها :D:D
سمح ،، انا استاهل و كدا، و عوجة تب مافي
ابو ريم شرب زي الانا رويت واحد ، لكن
انت اصبري لي بلم فيك و بجضمكم انت
و صاحباتك الغتات ديلك :mad::mad::mad:

ووووووب علي .. يا فيصل .. حتى إتا بتغير على تحفة حواء؟.. حالتي قايل روحي برااااي!..
والله يا تحفة نصيبتك نصيبة .. دي ضريبة الشهرة وكده ..

يا أخوانا شوفوا لينا حل في زعلة سارة دي ورجعوها لينا زي زمان .. ما تقول اليومين طاقاني خرمة .. ب .. ب.. بع .. (يا أخواني أصصصصصلها بقت ما بتمرق من حلقي مالها؟)سارة هووووي والله شيتن بلاك ببقي ما في إتي في سودانيات ما أقل من ود الحاج ولا ود مخير .. النصيحة بقولها اكان عجبم !!! يلا بالله فكيها .. وتعالي تحفة حواء عندها ليك عصير فريش كااااارب .. يا أخوانا نزار ما قلللللع ؟ .. أتبنوهو يا جماعة ما يكون (الجماعة) طبقوا فيو تعاليم البروف AMAL
goood شنكبة .... goood عنكبة .. !!!

imported_تحفة حوا

20-06-2009, 09:43 AM

و نحن تطلعونا من الجنة و سقطها :D:D
سمح ،، انا استاهل و كدا، و عوجة تب مافي
ابو ريم شرب زي الانا رويت واحد ، لكن
انت اصبري لي بلم فيك و بجضمكم انت
و صاحباتك الغتات ديلك :mad::mad::mad:
اعتذارات بالكوم
والله سقط سهوا :eek:
يا حقوس جيب مخلوط فواكه مشكلة عشان نتلافى المشكلة :D
بعدين مش اتفقنا مافي وشوش محمرة
ومافي داعي للتهديد وإلا

imported_عادل عسوم

20-06-2009, 11:15 AM

أبو أماني :
ماشي أماني في البيت تتلقى عنك المفاريك بكل أنواعها وأنا هنا :D
خلي زول تاني يقول ليك بغم
أها عندي ليك اقتراح :
الدنيا صيف والناس زهجانة
نقوم نقلب القهوة إلى كشك عصير
انت تجهز العصاير وأنا بكسر التلج
وأول كاسة عصير لي :
أبو ريم عشان ينسى القديم
تاني كاسة لي شبارقة عشان المحنة تجي مارقة
تالت كاس لي عادل عسوم عشان شعر معاوية يقوم :D
وتلاتة اربع كاسات للحسان الراقيات الظريفات

يلا نادي علي أبو الحرقص ولا حقوس خلي يوزع العصاير
تاني مادايرين وشوش محمرة
شنو حكاية (الكاسات) دي ياتحفتنا :mad::D
العصير متين كانو ب(يقسموهو) بالكاسات؟!:confused:
قولي (كباية شُب)
قولي (كوز) المونيوم :p
ولو ديل ماخارجو معاكي قولي (قلاص) وكدة :D
أما (شعرة معاوية) بتاعتك دي فذكرتيني واحد أخونا عندو عربية كابريس تعتبر جديدة نوعا ما...الراجل دايما يلقى فيها تهريب زيت وكل مايمشي لي ميكانيكي يقول ليهو المسألة دي من (الصوفة)
أها يغيرو ليهو صوفة الجن دي وتااااااني الحال يرجع لي حالو:confused:
يقوم يمشي لي ميكانيكي تاني برضو يقول ليهو دا من ال(صوفة)!
المهم أخد بعضو وساق العربية ومشي لي ورشة ووقفا ليهم وقال لي مدير الورشة:
-شوف ياابن العم العربية دي بالله عدموها لي الصوفاية :mad::mad:
:D:D
انتي كمان شابكانا شعرة وما شعرة:mad:
:D:D

imported_rubs

20-06-2009, 11:27 AM

http://sudaniyat.net/up/uploading/imagesCAHBZ5D6.jpg

هااى زحو كدا ماتهبشو ساكت دى ما ليكم دى لى ابو ريم بس ...
مع الاعتزار الشديييييييد والله ما اجيب زعل
كيتن كدى فى امال وابو امانى القاعدين اسخنو فى الشكله

تخريمه :
لو عارفنى تعبته قدر شنو عشان انزل الصوره دى اسال فيصل اكان فضل فيه روح بعد ما بريتو عديل كد

imported_rubs

20-06-2009, 11:43 AM

أها ظهرت بس عليك الله أوفي بوعدك .. شرطا تكون من أي جهة في بلاد الشام .. الخليجيات مكجنن .. والسودانيات يسوون خمة نفّـــس وشحتفة روح .. خلونا نشوف شبابنا شوية .. وكان على أم العيال .. ما شايقية .. بكم مليون (سد الخشم) المواضيع بتمشي .. أها ودعتك الله الأمانة في الذمة .. شوفي لأخيك .. حاجة من بيت الكلاوي .. الله يطول عمرك والزمان ما يدمرك يا بت العم ... تشاووووو gooodgoood
http://sudaniyat.net/up/uploading/imagesCATRVMH3.jpg
اها كيف يابو الرجال انشالله مناسبه.. يابت تحفه جيب عصير للعروس الجديده ..
بس بينى وبينك مساااافه حتى اقنعتها

imported_تحفة حوا

20-06-2009, 11:46 AM

شنو حكاية (الكاسات) دي ياتحفتنا :mad::D
العصير متين كانو ب(يقسموهو) بالكاسات؟!:confused:
قولي (كباية شُب)
قولي (كوز) المونيوم :p
ولو ديل ماخارجو معاكي قولي (قلاص) وكدة :D
أما (شعرة معاوية) بتاعتك دي فذكرتيني واحد أخونا عندو عربية كابريس تعتبر جديدة نوعا ما...الراجل دايما يلقى فيها تهريب زيت وكل مايمشي لي ميكانيكي يقول ليهو المسألة دي من (الصوفة)
أها يغيرو ليهو صوفة الجن دي وتااااااني الحال يرجع لي حالو:confused:
يقوم يمشي لي ميكانيكي تاني برضو يقول ليهو دا من ال(صوفة)!
المهم أخد بعضو وساق العربية ومشي لي ورشة ووقفا ليهم وقال لي مدير الورشة:
-شوف ياابن العم العربية دي بالله عدموها لي الصوفاية :mad::mad:
:D:D
انتي كمان شابكانا شعرة وما شعرة:mad:
:D:D
لوووووووووووووووول (حقة رشا ديك )
ما بالغت ياعادل عسوم يعني نقول الكلمة بي كل براءة داير تدخلنا في المنكر مالك :eek:
بالله دي أمة دي
واحد يغلط لي مخصوص أخطاء املائية
والتاني يملا لي الحتة وشوش محمرة ويهدد ويتوعد
وواحد داير يقلب المعروف شي تاني
واشماتة بنات حوا فيني
تاني النسمع لي واحد يقول السودانيات وريق ناشف عشان تعرفوا انكم انتو السبب
وتاني شوفوا اليديكم وش ولا حتى الأصفر دا :)

imported_تحفة حوا

20-06-2009, 11:53 AM

http://sudaniyat.net/up/uploading/imagesCATRVMH3.jpg
اها كيف يابو الرجال انشالله مناسبه.. يابت تحفه جيب عصير للعروس الجديده ..
بس بينى وبينك مساااافه حتى اقنعتها
ما عندها أخوات
عايزة لي واحدة راسبة في الاملاء عشان الفي بالي يقعد يومو كلو يصحح :D
وواحدة نكدية صارة وشها ورافعة اصبعا السبابة للتهديد والوعيد :D
وواحدة ما بتعرف في الدين أي شي عشان الفي بالي يقعد يفهم لمن ريقو يجف وليهو يشرب الكيوي :D
goood goood goood

imported_عادل عسوم

20-06-2009, 11:56 AM

لوووووووووووووووول (حقة رشا ديك )
ما بالغت ياعادل عسوم يعني نقول الكلمة بي كل براءة داير تدخلنا في المنكر مالك :eek:
بالله دي أمة دي
واحد يغلط لي مخصوص أخطاء املائية
والتاني يملا لي الحتة وشوش محمرة ويهدد ويتوعد
وواحد داير يقلب المعروف شي تاني
واشماتة بنات حوا فيني
تاني النسمع لي واحد يقول السودانيات وريق ناشف عشان تعرفوا انكم انتو السبب
وتاني شوفوا اليديكم وش ولا حتى الأصفر دا :)
:D:D
الكاسات ديل كفاية ابوأماني هارينا بي كاسات المريخ القال محمولة جوا وماعارف شنو داك :mad::mad:
وبعدين تعالي
أنتي دة بخل شنو دة العليكي
شايلا ليك (كاس) صغيروني قدر دة وتقسمي بيهو العصير:p
شوفي ناس روبس ديل من الصباح يوزعوا لا خلو ورود ولا (عرايس) :p
:D:D

imported_rubs

20-06-2009, 12:13 PM

شنو حكاية (الكاسات) دي ياتحفتنا :mad::D
العصير متين كانو ب(يقسموهو) بالكاسات؟!:confused:
قولي (كباية شُب)
قولي (كوز) المونيوم :p
ولو ديل ماخارجو معاكي قولي (قلاص) وكدة :D
أما (شعرة معاوية) بتاعتك دي فذكرتيني واحد أخونا عندو عربية كابريس تعتبر جديدة نوعا ما...الراجل دايما يلقى فيها تهريب زيت وكل مايمشي لي ميكانيكي يقول ليهو المسألة دي من (الصوفة)
أها يغيرو ليهو صوفة الجن دي وتااااااني الحال يرجع لي حالو:confused:
يقوم يمشي لي ميكانيكي تاني برضو يقول ليهو دا من ال(صوفة)!
المهم أخد بعضو وساق العربية ومشي لي ورشة ووقفا ليهم وقال لي مدير الورشة:
-شوف ياابن العم العربية دي بالله عدموها لي الصوفاية :mad::mad:
:D:D
انتي كمان شابكانا شعرة وما شعرة:mad:
:D:D
هاها:D:Dوالله دى بالغته فيها ضحكتنى

ضحك الله ساكت بس اسكتنى

imported_rubs

20-06-2009, 12:40 PM

:D:D
الكاسات ديل كفاية ابوأماني هارينا بي كاسات المريخ القال محمولة جوا وماعارف شنو داك :mad::mad:
وبعدين تعالي
أنتي دة بخل شنو دة العليكي
شايلا ليك (كاس) صغيروني قدر دة وتقسمي بيهو العصير:p
شوفي ناس روبس ديل من الصباح يوزعوا لا خلو ورود ولا (عرايس) :p
:D:D
http://sudaniyat.net/up/uploading/imagesCAFS84ZY.jpg
ولا تزعل يا عادل .. كلو الا زعل ناس القهوه دى

imported_عادل عسوم

20-06-2009, 12:42 PM

http://sudaniyat.net/up/uploading/imagesCAFS84ZY.jpg
ولا تزعل يا عادل .. كلو الا زعل ناس القهوه دى
لأ أنا عاوز كوكاكولا :mad:
:D:D

imported_rubs

20-06-2009, 12:54 PM

لأ أنا عاوز كوكاكولا :mad:
:D:D
حاضر يا عادل ولا تزعل هاك وبى تلجو كمان عشان ما نتعب تحفه
http://sudaniyat.net/up/uploading/imagesCAIWPDD7.jpg

imported_أبو أماني

20-06-2009, 03:36 PM

http://sudaniyat.net/up/uploading/imagesCATRVMH3.jpg
اها كيف يابو الرجال انشالله مناسبه.. يابت تحفه جيب عصير للعروس الجديده ..
بس بينى وبينك مساااافه حتى اقنعتها

هي شحدت ربي عليك يا روبس .. تتجازي .. وت... (عذرا ما بتركب إلا باللهجة الشايقية!) معقولة بس ذوقك رفيع بالمستوى ده؟ صدقيني قبلااااان وفرحاااان طائر السماء خسوسا لأنها بتحمل ملامح كتييييرة منك .. يا إخي إنتي إنشاء الله لا تفوتي لا تموتي وتطبقي عمر عروسي المقترحة دي مرتين .. وأنا والله ووالله من شدة ريدتي ليك عشان بتشبهك يعني وافقت عليها على طول أهو على الأقل الواحد يتم باقي عمره خيال مع ال Copy ووكتين ما لقي الأصل ..
thank you dear ..عادل .. عدولة أخت عروسي دي عزباء.. وكمان أصغر منها بكمين سنة كده وكمان أسمح منها.. رائك شنو ..ما تخاف الصغيرة وآخر العنقود .. نان هو عنقود نصاح؟! ما يهمك من أم العيال مفراكة مفراكتين والحال يمشي ولا حدي يموت .. لو عصلجت برسل ليها أم أماني تقنعها .. ولا على شنو؟ ما جمبك روبس والله دي تقنع ليك إبليس ظاطو .. تاني يوم تلقاهو بيصلي بجماعة .. إت قائل روبس دي هينة .. عليك الله نان شوف جنس النصيبة الجابتها لي دي ؟؟ روبس أحيييييييي أنا عليك .. قالت إيه .. ياتحفة جيبي العصير .. يا بت تحفة .. صكي على العصير جيبي قهوة سوداء وكمان من غير سكر .. يا ولد حقوس .. جيب لي قهوة ومعاها شيشة بحجر طاحونة .. هملللللتك يا أبو أماني.. goood goood goood

imported_همس الشوق

20-06-2009, 07:58 PM

غايتو يا ناس القهوة يخسسسسيييييييييييييييي عليكم يا جماعة انا لو غلطته ونزلته صورتي بس دي خلقة الله أعلم فيها شنو ..... وانتو قادني الاخلاق ....... الأخلاق ... قلته خلاص يا بت اتنفخي ثقة ونزلي صورتك وبرضو ديل أخوانك

لكن للأسف لقيت الناس كلهم نفروا مني
وكجننوني

هسه انا داخلة في نفسيات :mad:

imported_همس الشوق

20-06-2009, 08:05 PM

http://sudaniyat.net/up/uploading/imagesCATRVMH3.jpg
اها كيف يابو الرجال انشالله مناسبه.. يابت تحفه جيب عصير للعروس الجديده ..
بس بينى وبينك مساااافه حتى اقنعتها

يا النبي في حواك
عاد يا روبس ما بناقشك يعني سيد وجهاء المنتدى ما لقيتي ليهو غير ام وش كله نخرة دي ... يخسي عليك

ياخ والله يا أبو اماني عروسك علي ... انسى زولة روبس دي يا كافي البلاء شنا وخالة كمان

تحفة يا بت عصير شنو
دي جيبي ليها جلكوز ... تصلب طولها دا
المرا إمكن تموت في وقفتها دي

imported_ابوريم

20-06-2009, 09:51 PM

http://sudaniyat.net/up/uploading/imagesCAHBZ5D6.jpg

هااى زحو كدا ماتهبشو ساكت دى ما ليكم دى لى ابو ريم بس ...
مع الاعتزار الشديييييييد والله ما اجيب زعل
كيتن كدى فى امال وابو امانى القاعدين اسخنو فى الشكله

تخريمه :
لو عارفنى تعبته قدر شنو عشان انزل الصوره دى اسال فيصل اكان فضل فيه روح بعد ما بريتو عديل كد

روبس
ياراقية
هديتك مقبولة. وسماح وصافية لبن.
قلت الحق الم الورد اختو في الزهرية فبل يذبل.
وليك كل الود والمحبة.
وللجميع مودتي.

imported_ابوريم

20-06-2009, 09:55 PM

ما عندها أخوات
عايزة لي واحدة راسبة في الاملاء عشان الفي بالي يقعد يومو كلو يصحح :D
goood goood goood
ياروح ادم
غادي غادي عروسكم دي شوفو غيرنا..
انتي لاقية حصص مجانية في الإملاء. بتعرفي ست فلَه؟

imported_rubs

21-06-2009, 07:24 AM

ناس القهوه صباح الخير والله اشتقت ليكم دوووون فرز (اها يا ابو ريم لحدى هنا الاملاء كيف ؟looool)...
والله القهوه دى بقت ما بتتشرب كل ما اجى ابلعها القاها واقفه فى حلقى وحلفت ما تنزل الا بى نكته كاااااااااااااااااااربه كدا من نزار :eek: هى صحى انتو نزار ويين يا ولد يا نزاااار يا نزااار والله غاطس غطسه .. ابو امانى شنو طالق شفعك وما بتعرفهم كان رجعو البيت ولا لا شنو بس فاضى تجند فيهم قووم فز شوف الجنى دا طار وين شكيتكم على الله صغير وجاهل غطستو خلاص لحقتو ابو المجتبى ..قوم خلى قاعد مبارى لى عجوز النصاره دى ,لاصق فيها التقول ما صدقته لقيت وحده طرده بيك ..وكان على عادل فاضى هو من القعاد والجوغير بى الببسى والعجب المصحح اللغوى داك شكيتك على النبى قومو شوفهو قالو مشى اغرف ليه بلاعه لحدى هسى ما ظهر تانى يا ربى اكون لقى ليه بعره جوه ونزل اجيبها قام غطس .. غايتو مااااا بعرف تطلعوه الليله تطلعوه كان بى الفقره ...

تخريمه :
نزار اظهر ولا عجبتك فكرت غيب وتعال ديك كانت بى عوزرها وعزرها دا ما بيخارج معاك
القهوه من غيرك باااااااااااااااااااااااااااااااااايخه ذى نوكت ناس كدا (من غير زعل يا الفى بالى ;))

imported_تحفة حوا

21-06-2009, 07:37 AM

ياروح ادم
غادي غادي عروسكم دي شوفو غيرنا..
انتي لاقية حصص مجانية في الإملاء. بتعرفي ست فلَه؟
أبو ريم كيفك
نحنا ماقاعدين نغلط في الاملاء أو القواعد وما بنلخبط بين الفاء والقاف والذال والزاي .........وغيرا :rolleyes:
نحنا أخطاءنا مطبعية يعني الفاء قاف والباء ياء
انت قاصد زول تاني بس ما قادر تفتو :D
ومنو أبلة فلة دي ؟ :confused:
بالله سلم لي علي صاحبتي وأسألا لو قلتا ليها لغز ح تعرف تجاوبو ؟;)

imported_تحفة حوا

21-06-2009, 07:44 AM

ناس القهوه صباح الخير والله اشتقت ليكم دوووون فرز (اها يا ابو ريم لحدى هنا الاملاء كيف ؟looool)...
والله القهوه دى بقت ما بتتشرب كل ما اجى ابلعها القاها واقفه فى حلقى وحلفت ما تنزل الا بى نكته كاااااااااااااااااااربه كدا من نزار :eek: هى صحى انتو نزار ويين يا ولد يا نزاااار يا نزااار والله غاطس غطسه .. ابو امانى شنو طالق شفعك وما بتعرفهم كان رجعو البيت ولا لا شنو بس فاضى تجند فيهم قووم فز شوف الجنى دا طار وين شكيتكم على الله صغير وجاهل غطستو خلاص لحقتو ابو المجتبى ..قوم خلى قاعد مبارى لى عجوز النصاره دى ,لاصق فيها التقول ما صدقته لقيت وحده طرده بيك ..وكان على عادل فاضى هو من القعاد والجوغير بى الببسى والعجب المصحح اللغوى داك شكيتك على النبى قومو شوفهو قالو مشى اغرف ليه بلاعه لحدى هسى ما ظهر تانى يا ربى اكون لقى ليه بعره جوه ونزل اجيبها قام غطس .. غايتو مااااا بعرف تطلعوه الليله تطلعوه كان بى الفقره ...

تخريمه :
نزار اظهر ولا عجبتك فكرت غيب وتعال ديك كانت بى عوزرها وعزرها دا ما بيخارج معاك
القهوه من غيرك باااااااااااااااااااااااااااااااااايخه ذى نوكت ناس كدا (من غير زعل يا الفى بالى ;))
يا بت يا مشاكسة
أبو أماني دا سألك ما كفاية زعلان وحردان العروس :(
قال أول مرة يشوف لي زول أسمح منو :(
عقدتيو وقال إلا يمشي للطبيب النفسي ( عذرا أبو أماني أجلنا التحالف البينا شوية :D )

نزار قال ح يجيب نكتة ماحصلت ولا انحكت
أظنو مشى يجيبا من جزر القمر بعد ما يعدي على القذافي ويسلم عليهو :D

imported_Nour

21-06-2009, 08:26 AM

ناس القهوة صباح الخير ومشتاقين , سارة ياحبيبة ماتاخدي في خاطرك الحكاية كلها هظار في هظار وماتبقي حساسة خالص اهو ياستي احنا بنجي هنا نفرق مع بعض وعلي بعض ولو في اي سوء تفاهم بفتكر انك وضحتيه وخلاص ماتغيبي. تحفة همس ربس امال وبقية اخوة السلاح كيف حالكم وفي خبر من نزار ولا مافي هو ما قال مافي ليبيا الغطسة تاني شنو.

ابواماني عليك الله ماحقروا بيك دي عروس يجبوها ليك اصلا وكت مارق لي ناس السبعين فعرس الشحرورة صباح اهو جن تعرفه ولا الجن الما بتعرفو.

imported_ابوريم

21-06-2009, 08:33 AM

أبو ريم كيفك
نحنا ماقاعدين نغلط في الاملاء أو القواعد وما بنلخبط بين الفاء والقاف والذال والزاي .........وغيرا :rolleyes:
نحنا أخطاءنا مطبعية يعني الفاء قاف والباء ياء
انت قاصد زول تاني بس ما قادر تفتو :D
ومنو أبلة فلة دي ؟ :confused:
بالله سلم لي علي صاحبتي وأسألا لو قلتا ليها لغز ح تعرف تجاوبو ؟;)
روح ادم وست الكل!
صباح الخير
ومالو نفتو!
دا الورد لسة ما دبلش. يادوب متصالحين امبارح. غايتو عندكن جنس حسادة. ابيت ما بقول روبس.
...
ست فلة دي اول واحدة فتحت مدرسة خياطة نسوية. فهمتي؟
...
هاتي اللغز

imported_ابوريم

21-06-2009, 08:34 AM

نور:
ناس القهوة صباح الخير

صباح النور يانور منورة!

imported_تحفة حوا

21-06-2009, 08:44 AM

روح ادم وست الكل!
صباح الخير
ومالو نفتو!
دا الورد لسة ما دبلش. يادوب متصالحين امبارح. غايتو عندكن جنس حسادة. ابيت ما بقول روبس.
...
ست فلة دي اول واحدة فتحت مدرسة خياطة نسوية. فهمتي؟
...
هاتي اللغز
مالو أنا بحب الخياطة وعندي مكنة في البيت وبخيط فوط كرشي رهيبة goood
بعدين أنا ما قاصدة روبس براك بتجيب سيرة البعر هي البحر
يلا اللغز لي ريم بس وأبو ريم لو غلب ريم :D
شئ لو كتر حراسو سرق فما هو ؟ ;)
وما وريتني ريم في سنة كم ؟ ولا السؤال عن السنين سؤال غير مسموح :D

imported_ابوريم

21-06-2009, 08:46 AM

السر
...
ريم مواليد 2001 وفي سنة تانية ماشة تالتة

imported_تحفة حوا

21-06-2009, 08:47 AM

ناس القهوة صباح الخير ومشتاقين , سارة ياحبيبة ماتاخدي في خاطرك الحكاية كلها هظار في هظار وماتبقي حساسة خالص اهو ياستي احنا بنجي هنا نفرق مع بعض وعلي بعض ولو في اي سوء تفاهم بفتكر انك وضحتيه وخلاص ماتغيبي. تحفة همس ربس امال وبقية اخوة السلاح كيف حالكم وفي خبر من نزار ولا مافي هو ما قال مافي ليبيا الغطسة تاني شنو.

ابواماني عليك الله ماحقروا بيك دي عروس يجبوها ليك اصلا وكت مارق لي ناس السبعين فعرس الشحرورة صباح اهو جن تعرفه ولا الجن الما بتعرفو.
نور ازيك وين ليك فترة ما ظاهرة ؟
سارة زولة حساسة ونحنا فاقدنها جد
سارة ولا تزعلي ومافي زول عايز يزعل زول
الله يلعن ابليس بس

imported_rubs

21-06-2009, 08:48 AM

هي شحدت ربي عليك يا روبس .. تتجازي .. وت... (عذرا ما بتركب إلا باللهجة الشايقية!) معقولة بس ذوقك رفيع بالمستوى ده؟ صدقيني قبلااااان وفرحاااان طائر السماء خسوسا لأنها بتحمل ملامح كتييييرة منك .. يا إخي إنتي إنشاء الله لا تفوتي لا تموتي وتطبقي عمر عروسي المقترحة دي مرتين .. وأنا والله ووالله من شدة ريدتي ليك عشان بتشبهك يعني وافقت عليها على طول أهو على الأقل الواحد يتم باقي عمره خيال مع ال Copy ووكتين ما لقي الأصل ..
thank you dear ..عادل .. عدولة أخت عروسي دي عزباء.. وكمان أصغر منها بكمين سنة كده وكمان أسمح منها.. رائك شنو ..ما تخاف الصغيرة وآخر العنقود .. نان هو عنقود نصاح؟! ما يهمك من أم العيال مفراكة مفراكتين والحال يمشي ولا حدي يموت .. لو عصلجت برسل ليها أم أماني تقنعها .. ولا على شنو؟ ما جمبك روبس والله دي تقنع ليك إبليس ظاطو .. تاني يوم تلقاهو بيصلي بجماعة .. إت قائل روبس دي هينة .. عليك الله نان شوف جنس النصيبة الجابتها لي دي ؟؟ روبس أحيييييييي أنا عليك .. قالت إيه .. ياتحفة جيبي العصير .. يا بت تحفة .. صكي على العصير جيبي قهوة سوداء وكمان من غير سكر .. يا ولد حقوس .. جيب لي قهوة ومعاها شيشة بحجر طاحونة .. هملللللتك يا أبو أماني.. goood goood goood
ولا تزعل اكان هى رضت بى ابو امانى بتلحق اختها تاباك يا عادل الاحرم كان ادبتها لكنها الظاهر عليها بت رضييييه وافقت ومن ما قلته ليها عادل صاحب ابو امانى طوالى اتجهزت وقالت لى تب مافى قول تانى واهديييييييييييييك لابسه واقفه للعقد ..ز زغرتن يا بنوت .. ها يا تحفه اجى انت لسه ما كسرتى التلج النبى قوام عشان العروس قالت حرراااانه .. مبروك انشالله بيت مال وعيال يا عادل

http://sudaniyat.net/up/uploading/imagesCAHGKLY7.jpg

imported_تحفة حوا

21-06-2009, 08:52 AM

السر
...
ريم مواليد 2001 وفي سنة تانية ماشة تالتة
ريمو خلاص أنا ح أعرفك بي بتي قدرك كدا مشتركة في اسبيس تون بي اسم (كازوها ) اسم في مسلسل كونان
ولو عندك ايميل اتونسي معاها بالمسنجر