المساعد الشخصي الرقمي

مشاهدة النسخة كاملة : الفنان منو..؟؟! (11)...وينو الدريب الكان مشيناهو؟!

imported_wadosman
26-02-2009, 10:14 AM
رقم 11

مسابقة هدية...عشان خاطر نهاية الاسبوع
المرة غيرنا للغناء الشعبى..لزوم التجديد

و جائزة قيّمة كالعادة...;)

و يلا منتظرنكم...:)

http://www.herosh.com/up/73952/951932671.wma
imported_فيصل سعد
26-02-2009, 10:41 AM
سلام يا حبوب ،
الحرف الاول عين..
imported_بدور التركي
26-02-2009, 10:52 AM
:Dرقم 11

مسابقة هدية...عشان خاطر نهاية الاسبوع
المرة غيرنا للغناء الشعبى..لزوم التجديد

و جائزة قيّمة كالعادة...;)

و يلا منتظرنكم...:)



يا سلام الدقة رهيبة لكن
بالدلوكة
:D
وينو الغرام المدة عشناهو
وينو الدريب
وليه تبقى لى جاف
وتهجر عشيش الريد
رهيبة لكن
عليك الله كثر لينا من الفن دا
عايزة ازغرد
بس خجلت منكم:D:D:D
imported_قمر دورين
26-02-2009, 10:58 AM
الحرف الاول عين..
يمكن يكون ....

الفنّان عبد الله الحاج!
imported_بدور التركي
26-02-2009, 11:04 AM
يمكن يكون ....

الفنّان عبد الله الحاج!


امكن عبد المجيد عبد الله:D
imported_wadosman
26-02-2009, 11:17 AM
سلام يا حبوب ،
الحرف الاول عين..

اهو اخونا فيصل اداكم راس الخيط
بس طبعا اكيد ما:
عثمان حسين
ولا
عثمان الشفيع
ولا
عبد الدافع عثمان
ولا
عابدة الشيخ..;)
ولا
على ابراهيم
ولا
عمر احساس
ولا
.
.
.
عبد الله الحاج...:D:D


اها منتظرنكم فى الدريب الكان مشيناهو..;)
imported_wadosman
26-02-2009, 11:19 AM
:D

يا سلام الدقة رهيبة لكن
بالدلوكة
:D
وينو الغرام المدة عشناهو
وينو الدريب
وليه تبقى لى جاف
وتهجر عشيش الريد
رهيبة لكن
عليك الله كثر لينا من الفن دا
عايزة ازغرد
بس خجلت منكم:D:D:D

شكرا يا سمين للطلة
و شكلها عجبتك شديد..

بس وين الاجاابة...؟؟

شكرا ليك..
imported_wadosman
26-02-2009, 11:24 AM
يمكن يكون ....

الفنّان عبد الله الحاج!



قمر دورين..

محاولة كويسة
و لسه فى حرف العين...
هههه...بقت زى المطارحة الشعرية
الله يجازيك يا فيصل...;)
imported_قمر دورين
26-02-2009, 11:26 AM
اهو اخونا فيصل اداكم راس الخيط
بس طبعا اكيد ما:
عثمان حسين
ولا
عثمان الشفيع
ولا
عبد الدافع عثمان
ولا
عابدة الشيخ..;)
ولا
على ابراهيم
ولا
عمر احساس
ولا
.
.
.
عبد الله الحاج...:D:D


اها منتظرنكم فى الدريب الكان مشيناهو..;)
هسي طيب فضل شنو...:confused:

ما قلنا ليك...
احنا ناس متذوفين للفن الجميل والجائزة دي دايرة ليها تردد عالي في السمع وقدرة على الإستشعار عن بعد ....
نتابع من سيفوز ودعواتنا بكل التوفيق للمشاركين
imported_wadosman
26-02-2009, 11:31 AM
امكن عبد المجيد عبد الله:D

ولا امكن عبد الحليم حافظ...زى الهوى..;):D;):D;):D;):D
imported_بدور التركي
26-02-2009, 11:33 AM
شكرا يا سمين للطلة
و شكلها عجبتك شديد..

بس وين الاجاابة...؟؟

شكرا ليك..

عجبتنى شديد
ذكرتنى حبوبتى:D

غايتو انا اخترت
عبد الدافع عثمان

اسمو عحبنى:D
أها مستنية الجائزة
imported_بدور التركي
26-02-2009, 11:34 AM
ولا امكن عبد الحليم حافظ...زى الهوى..;):D;):D;):D;):D

:D:D
الله يجازيكى بالخير
مت من الضحك
imported_wadosman
26-02-2009, 11:39 AM
هسي طيب فضل شنو...:confused:

ما قلنا ليك...
احنا ناس متذوفين للفن الجميل والجائزة دي دايرة ليها تردد عالي في السمع وقدرة على الإستشعار عن بعد ....
نتابع من سيفوز ودعواتنا بكل التوفيق للمشاركين


قمر دورين..

تستسلمى بالسرعة دى..؟؟!
لسه عندك فرصة..و ممكن نجيب مسااعدات و كدا..;)
imported_wadosman
26-02-2009, 11:43 AM
عجبتنى شديد
ذكرتنى حبوبتى:D

غايتو انا اخترت
عبد الدافع عثمان

اسمو عحبنى:D
أها مستنية الجائزة

:D:D:D
imported_بدور التركي
26-02-2009, 11:46 AM
:D:D:D

شكلى فزت بالجائزة:D
وينا الجائزة من مدة مستنياهو:p
imported_قمر دورين
26-02-2009, 06:28 PM
و ممكن نجيب مسااعدات و كدا..;)
ما قلنا ليك.. إحنا ما ناس مسابقات إحنا بس بنشجع المتسابقين!
وكدي أول شي قبل المساعدات دي....
الفنان ده صحي ببدأ بي حرف ( ع) لأني حاسة كده والله أعلم بانو مداخلة الأخ فيصل محاولة لصرف النظر عن الإسم الحقيقي للفنان....:rolleyes: :D
وبرضو حسن النية موجود....;)

أها وقت قلنا بسم الله نشارك...المسابقة بقى فيها تشويش! وقلبت فنانين من دول تانية !يعني هسي ياسمين تقول ليك عبد المجيد عبد الله وانت تقول عبد الحليم حافظ....:confused: غايتوا لوما سمعت الفنان بغني باللهجة السودانية بقول كل شي وارد....:rolleyes:
وغايتوا...:D
imported_ابوريم
27-02-2009, 03:30 PM
ودعثمان
الغنية شديدة
اول مرة اسمعها
يكون غناها عبدالوهاب الصادق في شبابو؟
ما متاكد
imported_wadosman
10-03-2009, 10:48 AM
ما قلنا ليك.. إحنا ما ناس مسابقات إحنا بس بنشجع المتسابقين!
وكدي أول شي قبل المساعدات دي....
الفنان ده صحي ببدأ بي حرف ( ع) لأني حاسة كده والله أعلم بانو مداخلة الأخ فيصل محاولة لصرف النظر عن الإسم الحقيقي للفنان....:rolleyes: :D
وبرضو حسن النية موجود....;)

أها وقت قلنا بسم الله نشارك...المسابقة بقى فيها تشويش! وقلبت فنانين من دول تانية !يعني هسي ياسمين تقول ليك عبد المجيد عبد الله وانت تقول عبد الحليم حافظ....:confused: غايتوا لوما سمعت الفنان بغني باللهجة السودانية بقول كل شي وارد....:rolleyes:
وغايتوا...:D

قمر دورين...

اها جينا راجعين تاانى...

حرف الــ ع لسه قائم و الفنان اكيد سودانى
يا سمين داير تعمل شوشرة شوية....

منتظرين...
imported_منال
12-03-2009, 12:45 PM
الفنانة عشة الفلاتية

هذا اللقاء ملطوش من ايميل

في الثامن من مارس تحية لذكرى رائدات فن الغناء في بلادنا


شقيت وتعبت ووهبت عمري كله لوطني

أول سودانية تتمرد على التقاليد وتقتحم الحياة العامة في شجاعة وجرأة قبل أكثر من ربع قرن من الزمان لتصبح مطربة مبدعة تردد الآفاق شهرتها وذلك في مجتمع متخلف ومتزمت.. ثم تنجح نجاحاً منقطع النظير رغم منافسة أساطين الفن من الرجال الذين عاصرتهم.. عائشة الفلاتية.. سيدة ظلت الى آخر رمق من حياتها تحتفظ في حرص بالغ على بعض معالم الربيع في قسمات وجهها الوضيئة.. وهي بعد خفيفة الدم.. حلوة الحديث.. رقيقة الأحاسيس.. لا تغيب الابتسامة الودودة من شفتيها الا لماماً .. ولا تتعثر في اطلاق الدعابة الطلية المرحة في سرعة بديهة حاضرة دائماً..

قلت لها وأنا أتأمل الـ «تي» الأخضر الموسوم على خدها:

* ايه اللي رماك في حكاية الفن دي.. ياعائشة؟
* واسرعت تقول بصوت تشوبه رنة أسف: تقول شنو؟!
وصمتت وكأنها أرادت أن تتجنب الحديث في هذا الصدد..

فمضيت أقول: ما هو لابد أن تكون في عوامل وظروف دفعتك في الطريق ده..

وانتي أساساً عندك المؤهلات والموهبة اللي بتجعل منك مطربة؟..

وسرحت عائشة بنظراتها بعيداً من خلال النافذة..

ثم قالت فجأة: أصله يا سيدي.. لما كان عمري زي سبعة سنين وكده كنت بندمج مع البنات في بيوت الأعراس واللعبات.. وعشان صوتي كان جميل وانا كنت معتزه بيهو جداً.. كنت دائماً بسيطر على الموقف واقوم بالهلولة كلها..

* وكنتو بتغنو شنو؟
* غنا النسوان الكبار.. ما ياهو.. أغاني السيرة والدلوكة.. ومرات غنا سرور وكرومه.. واوعى بالك.. في بيوت الأعراس ما بقعد في السباته عشان أرقص.. كنت مهتمة بس بأني اسمع واسرق الغنا..
* وبعدين؟
* بعدين شنو؟! ما اهلي زوجوني وانا صغيرة.. عمري 11 سنة.. واقول ليك الحق.. الحياة الزوجية ما عجبتني كله كله.. لاني بحب امرق اروح الأفراح.. والزوج من الزمن داك ما بدور زوجته تمرق من البيت.. قول الراجل زهج وطلقني!
* جننتيهو يعني؟
* واطلقت عائشة ضحكة مزغردة ومضت تقول: بعدين يا سيدي.. قعدت فوق البيت.. مع أهلي يعني.

* طيب .. برضه ما عرفنا.. الفن ده .. دخل في حياتك كيف؟
* اصلو ياود امي.. في واحد راجل صعيدي مولد هنا اسمه محمد زقالي بيعرفونا.. يقوم يجي من مصر واحد خواجه اسمه ميشيان .. ميشيان بتاع الاسطوانات.. ميشيان ده كان جاي يسوق غنايين يسجل ليهم اسطوانات في مصر.. طلب من زقالي يفتش ليهو عن واحدة بتعرف تغني.. قامو جوني فوق البيت وطلبو مني أغني.. وغنيت ليهم غنا الزمن داك البعرفو.. الخواجة انبسط جداً وكنت بتمنى يقول لي قومي تسافري معانا كنت عاوزة ابقى مشهورة..
قول ياسيدي.. الخواجة قال البنت صوتها جميل جداً وتقوم معانا.. أبويا حلف بي جدودو انه ما ممكن.. قال ياجماعة مصر دي انا ماشفتها.. كيف بتي الصغيرة دي تمشيها؟.. وبكيت وزعلت.. والخواجه قعد يترجى أبوي وقال انه مسئول عن أي حاجة تحصل لي.. وما أطول عليك ياود أمي.. في النهاية الخواجة عمل معانا كنتراتو عشرين غنوة بي ستين جنيه..
مش معقول؟
ما الجنيه الزمن داك كان جنيه.. والدنيا مازي حسه..!
الكلام ده كان زي سنة كم؟
سنة 1936م.. قول يازول سافرت مصر.. وسقت معاي الشيال بتاعي «أبوحراز» والخواجه في مصر سكنت معاهو في بيته مع زوجته واخته ووليداتو..

وسجلتي شنو؟
أغاني كثيرة ما بتذكرها كلها.. لاكين أول غنوة سجلتها اسطوانة يا حنوني عليك بزيد في جنوني ومن زمن بنادي لاكين لطشا عبدالعزيز داؤود وحسع قاعد يغنيها !! وكانت أغانيا ناجحة جداً.. وكان الزمن داك الفونوغرافات راقدة.. واللي ماعنده فونوغراف اشترى ليهو واحد عشان يسمع عائشة الفلاتية وكان بيوزع الاسطوانات» البازار السوداني» الخواجه كاتيفانيدس وولده ديمتري ومحلهم في المحطة الوسطى.. ولما كنت في مصر كان بيزوروني ناس عظيمين جداً.. الاستاذ بشير عبدالرحمن وهو سوداني بيشتغل في وزارة الزراعة في مصر.. والف لي غنوه بتقول «البنيه ست العربية».
* ومنو مؤلفين أغنياتك التانيه؟
* أغلبهم عبدالرحمن الريح..
* وكنتي مرتاحة في مصر؟
* الزمن داك لبس التوب ما كان عند المصريين.. فكانوا الاولاد بيزفوني ويقولوا .. تعالوا شوفو الوليه الله لابسه كفن.. زهجت وغيرت ملابسي..
* طيب .. وبعدين؟
* بعدين جات سنة 1940 وكانت الحرابه العالمية قايمة الوكت داك.. حرب دوليه كبيره خالص .. عندك مصر لما مشيت ليها لقيتا ضلمه.. يعني الواحد في بيته ما يولع نور بالليل الا لمبه بسيطه..
* الله !! انتي رجعتي مصر تاني؟
* الكنترات ما عشرين غنيه.. سجلت منهم شويه وجيت السودان ورجعت تاني مصر عشان اسجل الباقي.. ولو ما سافرت كانو أهلي بيدفعو تعويض.. والزمن داك الناس مع القروش في تلتله.. واوعى بالك السفر لمصر كان بالقطر لغاية حلفا وبعدين بالباخرة لغاية الشلال واسوان.. وتاني بالقطر لحد القاهرة.. وصممت عائشة للحظات وارسلت نظرات ساهمة عبر النافذة ثم تمتمت قائلة:
الفن ده.. يا ما شفنا منه الويل وسهر الليل!..
ثم استرسلت تقول: غايتو لما جيت من مصر الحكومة جندتني للترفيه عن الجنود كنت بغني طوالي كل يوم.. في معسكرات كيلو خمسة.. وكيلو سته.. وخشم القربة.. وفي معسكرات الامريكان في وادي سيدنا.. ووصلت لغاية كرن في اثيوبيا.. لاكين بعد ده.. خفت .. تاني ما مشيت لي قدام قامو قالو لي تقومي طرابلس عشان الترفيه عن جنودنا هناك وفي كفرة وطبرق وكدي.. ما قدرت ما عندي مروه لي ده كله.. قلت ليهم انا بنتظر العساكر لما يجو من الميدان ولما يرجعو هنا قبلي.. وبالفعل كنت بغني للجنود العائدين والمسافرين حتى الجرحى في مستشفى النهر الحسه بقي وزارة الصحة.. لاكين لليبيا سافرو ناس أحمد المصطفى وحسن عطيه ومحمد احمد سرور..
* وكنتي بتغني شنو للجنود؟
* كنت بغني الأغاني الوطنية والحماسية والشجاعة..
* زي شنو كده؟
* عندي غنوتين الفتهم براي.. واحدة بتقول «يجو عايدين» والتانية «الليمون سلامته بريه»..
* والليمون تقصدي بيهو شنو؟
* الليمون.. ما نحن لونا أسمر ..
* يعني ليموني.. والا شنو؟
* وزغردت عائشة في ضحكة مرحة من الأعماق ثم استرسلت قائلة: وفيها كوبليه بقول:
جاهل صغير وحمامه
يوم لبسو الكمامه
ودوهو خشم القربة
ياربي عوده سلامه

* ماعندك حاجة تانية عن الحرب؟
* وعقدت عائشة ما بين حاجبيها وقالت في نبرات جادة:
كيفن؟ غنيت أيام غارت الطيارات التليانية على الخرطوم وام درمان.. فيها كوبليهات بقول فوقا:
خطريه بريطانيا دوله قوية
بحري وسما
ياهتلر الألماني وموسليني الطلياني
لو تضرب السوداني تصبح ريال براني
مابسير هنا
طيارة جاتنا تحوم
شايلة القنابل كوم

يا محمد عثمان الجائزة مجلية و الخرمجة حاصلة و الفنانة خطرية

الخوف من القنابل
imported_الجيلى أحمد
14-03-2009, 12:34 AM
ودعثمان

ياجلكين

ياأخى إنتا زول تحفة..

دا غنا بديع


كان قلنا ليك شكرآ ماأظنها تكفيك ,
شكرآ برضو وشكرآ

وشكرآ
imported_فيصل سعد
14-03-2009, 02:40 AM
سلام و شوق و تقدير صديقنا ود عثمان ..
و خبارو مافي زول/ة عرف عبد الله الحاج دا :D:D
imported_قمر دورين
14-03-2009, 10:50 AM
و خبارو مافي زول/ة عرف عبد الله الحاج دا :D:D

ود عثمان
سلاام
بالجد كده المسابقة دي فيها تشويش شديد على المشاركين..:cool:
قلنا عبد الله الحاج قولتو لا بعدين قلبتوها خليجي..:D.....أها آخر شي الكلام الفوق ده
سؤال بس!!
انت لجنة الحكم دي أعضاءها منو بالضبط....عشان نعرف بس ما أكتر...;)
imported_wadosman
15-03-2009, 05:19 AM
ودعثمان
الغنية شديدة
اول مرة اسمعها
يكون غناها عبدالوهاب الصادق في شبابو؟
ما متاكد


ابو ريم...

منور ياخى هنا...و شكرا على حضورك هنا

عبد الوهاب الصادق طريح الفراش الان و ندعو
له بالشفاء...هو فعلا غنى هذه الاغنية فى مرحلة من المراحل
لكن من يغنى الان ليس هو.....!!

تحيااات...
imported_wadosman
15-03-2009, 05:26 AM
الفنانة عشة الفلاتية

هذا اللقاء ملطوش من ايميل



منال...

الف حمد لله بالسلامة

غايتو ما بسألك...!!!!

زى جماعة سياسة بسمارك الداخلية و الخارجية
و حاجات زى دى بيتذكروها ناس فيصل و جماعته...ههههه

رغما عن الزوغان من موضوع الحلقة..هههه...اضافة سمحة منك
و هى تفتح لنا باب للتوثيق لهذه الفنانة الكبيرة و هى الفنانة التى اثرت
مكتبة الغناء السودانى بالكثير من الاغنياات الجميلة اضافة الى مواقفها
الطريفة التى تحكى عنها خلال مسيرتها الفنية الطويلة...

اضافة قيمة و ثرة تستحقين عليها جائزة استثنائية بالتاكيد و سنحول هذا
الامر للجنة الجوائز بعد التوصية بمنحك جائزة خااصة...

اها...اخبار السمسم شنو..؟؟؟؟

تحيااات....
imported_wadosman
15-03-2009, 08:08 AM
ودعثمان

ياجلكين

ياأخى إنتا زول تحفة..

دا غنا بديع


كان قلنا ليك شكرآ ماأظنها تكفيك ,
شكرآ برضو وشكرآ

وشكرآ

الحبيب الجيلى...

تسلم يا جميل

لك كل التحية و التقدير و الاستماع الجميل...

كل الود...
imported_wadosman
15-03-2009, 08:09 AM
سلام و شوق و تقدير صديقنا ود عثمان ..
و خبارو مافي زول/ة عرف عبد الله الحاج دا :D:D

الحبيب فيصل...

كيفك يا حبيب..؟؟؟

ياخى خليك مع الزمن...ههههههههه
imported_wadosman
15-03-2009, 08:16 AM
ود عثمان
سلاام
بالجد كده المسابقة دي فيها تشويش شديد على المشاركين..:cool:
قلنا عبد الله الحاج قولتو لا بعدين قلبتوها خليجي..:D.....أها آخر شي الكلام الفوق ده
سؤال بس!!
انت لجنة الحكم دي أعضاءها منو بالضبط....عشان نعرف بس ما أكتر...;)



قمر دورين...

من زمان قلنا ليكم ما تلتفتوا للشوشرة البره...بره
بعدين كيف يكون البيغنى دا خليجى..؟؟؟هههههه

اعضاء لجنة التحكيم معروفين و طبعا
It is top confidential we can not disclose

غايتو احتمال نضع بعض المسااعدات للمساعدة...يعنى اغنية اخرى
بصوت نفس الفنان.....
imported_wadosman
15-03-2009, 08:27 AM
انا عقلى ضااع
ما بين الوجنه و البسمه


اغنية اخرى بصوت الفنان موضوع المسابقة......





http://www.herosh.com/up/73952/975322656.wma
imported_قمر دورين
15-03-2009, 08:04 PM
انا عقلى ضااع
ما بين الوجنه و البسمه


اغنية اخرى بصوت الفنان موضوع المسابقة.....





ود عثمان
مساااءك خير

انت هسي سيد الشي ذاااااااااتوا براك قلت عقلك ضاع ما بين الوجنة والبسمة أها دايرنا احنا المشاركين نعرف الفنان !! كيف تجي دي بس!! (وش ضاحك)

الأغنية التانية برضو جميلة
يا جماعة الوشوش مالها ما بتشتغل!!!!!

خلاص برضو (وش بعرفو براي)
imported_wadosman
16-03-2009, 07:03 AM
ود عثمان
مساااءك خير

انت هسي سيد الشي ذاااااااااتوا براك قلت عقلك ضاع ما بين الوجنة والبسمة أها دايرنا احنا المشاركين نعرف الفنان !! كيف تجي دي بس!! (وش ضاحك)

الأغنية التانية برضو جميلة
يا جماعة الوشوش مالها ما بتشتغل!!!!!

خلاص برضو (وش بعرفو براي)

ههههههه

ما من زماااان...!!!

خلاص ترقبى النتيجة اليوم...و اكيد الفنان اسمو يبدا بحرف العين
بس طبعا ما عبد الكريم الكابلى...;)
آيات مبارك
16-03-2009, 08:12 AM
ود عثمان
سلامات

الفنان هو عبد الله محمد
imported_wadosman
16-03-2009, 10:02 AM
ود عثمان
سلامات

الفنان هو عبد الله محمد

ايااات...

طولنا ما سمعنا منك..!!!
ولا خلاص اكتفيتى بالجوائز..؟؟؟

طبعا الكلاام الفوق ضمنيّا يعنى ان الفنان ليس هو عبد الله محمد

حاولى تانى لسه فاضل فنانين كتاار يبدا اسمهم بحرف العين...;)
عبد الدافع عثمان ما واحد منهم...:D
imported_wadosman
19-03-2009, 09:37 AM
اخر يوم...........!!!
imported_بدور التركي
19-03-2009, 09:39 AM
اخر يوم...........!!!

خلاص القيامة ح تقوم:D
imported_wadosman
19-03-2009, 09:53 AM
خلاص القيامة ح تقوم:D

ياخى اول قولى السلاام عليكم

غلبتكم يعنى..؟؟؟؟

جيبى اضاانك..!!
imported_بدور التركي
19-03-2009, 09:56 AM
ياخى اول قولى السلاام عليكم

غلبتكم يعنى..؟؟؟؟

جيبى اضاانك..!!
ولو اديتك اضانى
ح اسمع بشنو تانى


وعليكم السلام:D
imported_wadosman
19-03-2009, 09:59 AM
ولو اديتك اضانى
ح اسمع بشنو تانى


وعليكم السلام:D

هههههه

تسمعى بالسماعة الداخليه...
imported_بدور التركي
19-03-2009, 10:01 AM
:Dهههههه

تسمعى بالسماعة الداخليه...


قصدك بالأذن الوسطى:D
خربانةlooool
ههههههههههههههههههههههه
imported_قمر دورين
19-03-2009, 10:02 AM
اخر يوم...........!!!
ود عثمان
يسعد صباحك....
آخر يوم....:confused:
المسابقة اتقلبت لي مزاد ولا شنو....:D

أها الفنّان منو....:confused:
imported_wadosman
19-03-2009, 10:03 AM
:D


قصدك بالأذن الوسطى:D
خربانةlooool
ههههههههههههههههههههههه

خلاص نكتب ليك...;)

الشوف كيف..؟؟؟
imported_بدور التركي
19-03-2009, 10:03 AM
:confused:
ود عثمان
يسعد صباحك....
آخر يوم....:confused:
المسابقة اتقلبت لي مزاد ولا شنو....:D

أها الفنّان منو....:confused:


ههههههههههههههه
دا اخر يوم من عمرى
:D

صباح الجمال يا قمرنا كلنا:p
imported_بدور التركي
19-03-2009, 10:04 AM
خلاص نكتب ليك...;)

الشوف كيف..؟؟؟


طشاش خالص:D
imported_wadosman
19-03-2009, 10:06 AM
:confused:
ود عثمان
يسعد صباحك....
آخر يوم....:confused:
المسابقة اتقلبت لي مزاد ولا شنو....:D

أها الفنّان منو....:confused:

قمر دورين...

صبااحاتك ندية

هههههههههه

القصة طولت و دايرين نشوف غيرها
لكن كمان باقى لينا شين نرجع الجائزة الخزنه تاتى
و الوقت نهاية اسبوع و كدا...

ما عارفين نعمل شنو.؟؟ قدر ما سهلنا للناس يجى فيصل يلخبطهم
من جديد..غايتو ما فضل الا نقول الحرف التانى...و دى ممكن..;)
imported_wadosman
19-03-2009, 10:08 AM
طشاش خالص:D

ما عندك مشكلة..
عندنا نظارات كل المقاسات...:D
imported_بدور التركي
19-03-2009, 10:12 AM
ما عندك مشكلة..
عندنا نظارات كل المقاسات...:D

عرفتو عرفتو
بسرعة جيب الجائزة
قبل ما اجى اخنقكgoood
الجائزة شنو ؟
لو عجبتنى ح اقول الفنان..
looool
imported_wadosman
19-03-2009, 10:19 AM
عرفتو عرفتو
بسرعة جيب الجائزة
قبل ما اجى اخنقكgoood
الجائزة شنو ؟
لو عجبتنى ح اقول الفنان..
looool

الجائزة ما قلنا اسبوع سياحى
فى هاايتى...;)
imported_بدور التركي
19-03-2009, 10:21 AM
الجائزة ما قلنا اسبوع سياحى
فى هاايتى...;)

ح اروح براى:D
هايتى دى وين؟
ما مشيتها قبل كدا
جيب لينا نبذة عنها
imported_wadosman
19-03-2009, 10:29 AM
ح اروح براى:D
هايتى دى وين؟
ما مشيتها قبل كدا
جيب لينا نبذة عنها

خلاص اختارى المكان التعرفيهو...;)

دا طبعا فى حالة فوزك بالجائزة....:D
imported_wadosman
23-03-2009, 05:02 AM
الفنان هو........؟؟؟

الفرصة الاخيرة...!!!:confused:
imported_قمر دورين
24-03-2009, 05:04 PM
الفنان هو........؟؟؟

الفرصة الاخيرة...!!!:confused:
الموضوع بدأ مسابقة ....بعدين قلت ( آخر يوم)....قلبت مزاد...
أها آخر شي ( الفرصة الأخيرة )
بقى فيها تقرير مصير ولا شنو.....:D

أها برضو الفنان منو؟؟؟ :confused:
imported_بدور التركي
24-03-2009, 05:08 PM
خلاص اختارى المكان التعرفيهو...;)

دا طبعا فى حالة فوزك بالجائزة....:D


بختار جزيرة بينى فى ماليزيا
بس شوف لى مرافق ما ح امشى براى
هناك مليان قرود فى الجزيرة وانا بخاف منهم:D
imported_wadosman
24-03-2009, 08:37 PM
الموضوع بدأ مسابقة ....بعدين قلت ( آخر يوم)....قلبت مزاد...
أها آخر شي ( الفرصة الأخيرة )
بقى فيها تقرير مصير ولا شنو.....:D

أها برضو الفنان منو؟؟؟ :confused:

قمر دورين..

سلااام

ياخى بقت لينا حاره نرجع الجائزة
قلنا نصهين شوية و نحسب ليكم الزمن الاضاافى..;)

اها برضو الفنااان منو..؟؟؟
imported_wadosman
24-03-2009, 08:39 PM
بختار جزيرة بينى فى ماليزيا
بس شوف لى مرافق ما ح امشى براى
هناك مليان قرود فى الجزيرة وانا بخاف منهم:D

كترى من الموز معاااك

دا طبعا فى حالة فوزك بالجائزة...;)
imported_بدور التركي
25-03-2009, 07:13 AM
كترى من الموز معاااك

دا طبعا فى حالة فوزك بالجائزة...;)

ان شاء الله ح اكون من الفائزين
انت بس شيل معاى الصبر نلوكو



بشيل معاى موز ونبق:p
صباحاتو يا جميل
imported_wadosman
25-03-2009, 09:22 AM
ان شاء الله ح اكون من الفائزين
انت بس شيل معاى الصبر نلوكو



بشيل معاى موز ونبق:p
صباحاتو يا جميل

و تسالى و حلاوة سمسمية
و برضو قالوا الصبر عاقبو الحلو...و الكستر..;)
imported_بدور التركي
25-03-2009, 09:24 AM
و تسالى و حلاوة سمسمية
و برضو قالوا الصبر عاقبو الحلو...و الكستر..;)

وبعد الصبر ح نشرب من الحالى الحلوgoood
imported_ابوريم
25-03-2009, 09:58 PM
اللواييق العكاليت ود عثمان وياسمين
ازيكم
مسابقتكم دي لحقت المدبلج
ما خلاص؟
imported_بدور التركي
26-03-2009, 07:40 AM
ابو ريم ازيك مشتاقين وكدا:p
كلم اللايق ود عثمان يدينا الحل
روحى اتشحتفت:p
imported_wadosman
26-03-2009, 12:28 PM
اللواييق العكاليت ود عثمان وياسمين
ازيكم
مسابقتكم دي لحقت المدبلج
ما خلاص؟

ابو ريم...

كيفك يا حبيب..؟؟؟

طولك روحك و بالك و خليك قريب

و الفنان منو..؟؟؟؟
imported_wadosman
26-03-2009, 12:30 PM
ابو ريم ازيك مشتاقين وكدا:p
كلم اللايق ود عثمان يدينا الحل
روحى اتشحتفت:p

طبعا مشتاقين دى ما لى انا...:mad:

عشان كدا حناخر الاجابة...حتى يتبين الخيط الابيض من الخيط الاسود..;)
imported_wadosman
28-03-2009, 08:41 PM
اغنية وين الدريب الكان مشينااهو
تعنى بها الكثير من الفنانين الشعبيين امثال محمود على الحاج
و الفنان عبد الوهاب الصادق و الذى ندعو له بالشفاء و هو طريح
الفراش الابيض منذ فترة طويلة...

جاءت الاغنية موضوع المسابقة بصوت الفنان الشعبى عبد الرحيم سليمان
و هو من فنانى دار فلاح للغناء الشعبى و سنعود بنبذه وافيه عنه لاحقا
ان شاء الله...

حاولنا المستحيل و قدمنا الكثير من المساعدات حتى يتمكن الجميع من معرفة
الفنان موضوع المسابقة و لكن كلها لم تجدى ابدا...

و عليه لم ينجح احد فى هذه المسابقة و تعود الجائزة الى الخزنه و ستكون جائزة
المسابقة رقم (12) مضاعفة و سنراعى فى المسابقة القادمة السهولة ما امكن
حتى يتمكن الجميع من الوصول للحل و الظفر بالجائزة و التى سوف تكون
اسبوع مع تذاكر الطائرة خلال فترة الربيع و شم النسيم و سنحدد لاحقا المكان
بعد الرجوع لبرنامج احتفالات شم النسيم التى على الابواب..goood

شكرا لكل من تداخل هنا و شكرا لكل من ساهم فى حركة هذا البوست و شكرا
ايضا لكل من تصفح من بعيد لبعيد...;)

و خليكم قريبين و ما تمشوا بعيد...

شكرا للجميع...