شغالة خمسة نجوم

[imported_عبد الباقي درار علم الهدي]

أبو بدر أحد سكان مدينة الرياض راجل على قدر حاله وأموره ماشه عال العال غير بعض الشطحات بين الفينة والأخرى من أم بدر ، أم بدر هي ست الكل وكلمتها هي الماشه في البيت على الأولاد وعلى أبو بدر في بعض المرات وكثيرا ما يتحاشاها أبو بدر خوفا من سطوتها .
أم بدر بعد الأولاد ما كبروا وزاد الضغط عندها والسكرى وكتر عليه الهمز واللمز في جلسات الحنك والمكسرات وكل واحدة من النسوان جاي القعدة بشغالته معاها ، الكلام ده ما وقع لأم بدر شنو يعنى هي أقل من أم خالد والله أقل من أم فيصل القاعدات يتفشخرن عليها وطلعت في راسها . شوف يا أبو بدر يا تجيب لي شغالة ذي النسوان والله البيت ده يا أنا يا إنت .
إنت شايفني جيت من بيت أبوى شغالة عندك .
أبو بدر ما زول مشاكل ( والبلاء بيكافوه بالكرامة ) سكت ولمه نفسه وطلع أحسن ما يسمع ليه كلام ما يرضيه .ومن يومها والحالة متأزمة مع بدر التي كلما دخل البيت ( ها ويش سويت ) مرات أبو بدر يكون ناسى يقول في شنو يا وليه ؟ في شنو ؟ إنت شايفني بضحك معاك والله من بكرة ما تجيب لي خبر عن الشغالة لأكون سايبه البيت وماشه أهلي ....
الوضع وصل مع أبو بدر مرحلة حرجة والهم بلغ به مبلغ عظيم حتى لاحظ ذلك صاحبه أبو عبد الله .
أبو بدر إنت اليومين ده ما إنت على بعضك !!
يا رجل خلها على الله
لا يا أبو بدر لازم أعرف إيش القصة
يا إبن الحلال ما في قصة ولا حاجة بس شوية تعب
لا لا والله ما أخليك حتى أعرف إيش المنغص عليك .
أه أه ... الوليه أم بدر يا أبو عبد الله عاوزة شغالة يا تسيب البيت .
أبو عبد الله ... شغالة والبنات عندك ويش يسون ؟
البنات قالت يالله يلحقن على مراجعة دروسن .
طيب يا أبو بدر مادام القصة كده والله لاجيبلك شغالة واخليك تنبسط ما عندنا صبر نشوفك وإنت متكدر الخاطر . بس أديني 2000 ريال وخلى الباقي على .
يا أبو عبد الله أنا ما قادر على مصاريف البيت أقوم أزيد الطين بله براتب شغالة !
يا رجال لا تشيل هم ولا راتب ولا حاجة بس إنت قول بسم الله وهات 2000 ريال وخلى الباقي على وانا المسئول .
نواصل

[imported_Nour]

عبدالباقي سلام, هم خليجيين

[بابكر مخير]

عبدالباقي سلام, هم خليجيين

نور
سلام
ما سمعتي قصة المغترب في السعودية،،
لمن رجع السودان،، جنن بتاع التكسي، "وش لون، وسيارة والكلام الذي منو،،، لمن بتاع التكسي هجموه بالمبلغ المستحق،، زولنا نطق بالعامية السودانية المجردة،، ليه يعني إتا قايلني عويرك،،،،،

دحن عبد الباقي قال::
"مرات أبو بدر يكون ناسى يقول في شنو يا وليه"
حسي بالله في "وأيش لون يا حرما"، هنا في الكلام دآ؟؟؟

وبرضو نسأل،،
هم خليجيين
لا؟!؟!؟
روس، الروس،،
حباب التيوس;);)

سلااااااااااام
بقصد بتاع الله والرسول دآكا
وسلام بمعنى
PEACE
ومن دون زعل:D:D[/

[B]ذكرتينا::
دآ إنجليزي؟
يا مرسي gooodB]

[imported_عبد الباقي درار علم الهدي]

نور وبابكر حبابكم عشرة الدخلات ده لزوم الترجمة
ما سمعتوا بالولد الودوه يدرس في بريطانيا وختوه مع أسرة علشان يتعلم التخاطب بعد ثلاثة شهور جاء واحد قريبه يزوره طلعت الخواجيه ( يا عمر جاك ضيف ) قريبه ضحك وإتصل على الجماعة في السودان يا ناس ألحقوا زولكم قبل ما يعرب إنجلترا ...
أها نحن عاوزين نسودن الخليجين يوكت ما قدروا يسعودونا

تحياتي لكم وأهلا مرة أخرى

[imported_Nour]

بابكر وعبدالباقي ماشفتوا مغتربين الخليج لمن يجوا بالذات السيدات واطفالهم بقدونا كيف شو تبغي حليب لا ما ابغي وين الخبز والسيارة واهلين وسهلين ووش علموك وهلم جرا القصة ذكرتني بواحد سوداني مشي مصر ومشي السوق وقال للراجل لو سمحت عايز ابا بييه والراجل يقول ليه عايز تبقي ايه وهو يقول ليه ابابييه المصري قال ليه يعم روح تبقي بييه ولاباشا انا مالي واخوكم في النهاية طلع عايز كبكابيه(حمص يعني) بقي يقولها بالمصري قال الولد فاهم اوووي

[imported_عبد الباقي درار علم الهدي]

أبو بدر سلم أبو عبد الله القريشات وعلى عجل زف البشرى لأم بدر التى دخل عليها الخبر كالصاعقة وبدأت تتهيأ لذلك اليوم الذي ستخطو فيه الشغالة داخل البيت وسرح خيالها بعيدا مع لمة أم خالد وأم فيصل وكيف أنه بإمكانها الآن أن تتحدث عن وجع القلب بسبب الشغالة وكيف وكيف ، وعاش أبو بدر أجمل أيامه في البيت كيف لا يكون ذلك وقد أمن جانب أم بدر
ومضى الحال سريعا بأم بدر وهي تحسب أيام وساعات في إنتظار المولود الجديد .
يوم السبت يوم عادي في بيت أبو بدر يبدأ بصراخ الأم وهى تنادي المتأخرين عن المدرسة أنه لا تلفزيون بعد اليوم هذا ديدنها كل صباح ، إلا أن ذلك السبت كان يوم غير عادي فبعد أن غادر أبو بدر البيت كالعادة رن هاتفه المحمول ::
ألو ، هلا أبو عبد الله حياك الله
أهلين أبو بدر وينك يا رجل ، عندي ليك خبر يفرحك
ألحق يا أبو عبد الله هات من الآخر.
الشغالة وصلت وموجودة الآن .
إنت صادق يا أبو عبد الله .
نعم وهي الآن في مكتب الإستقدام ،روح إنت والمدام وإستلموا الشغالة .
مع السلامة يا أبو عبد الله وربنا يقدرنا على جمايلك
لا جمايل ولا شيء يا رجل بس أدعيلنا معاك .
غير أبو بدر وجهته وعاد أدراجه ودلف مسرعا للبيت ليزف البشرى لأم بدر التى ما إن سمعت الخبر حتى كاد أن يغمى عليها ، أسرعي يا حرمة وخلينا نلحق نجيب الشغالة .
تحرك أبو بدر وحرمه وفي الطريق أبو بدر يلقى آخر الوصايا على حرمه بتجهيز الغرفة المخزن وترتيبها وإبعاد الشغالة عن أنظار بدر وأخوانه .
وصل أبو بدر مكتب الإستقدام ونزل تاركا حرمه في العربة الفورد القديمة والتى لطالما صرخت أم بدر من أجل تغير هذه السيارة ( الفشيلة ) .
السلام عليكم .
مرحبا أي خدمة .
أنا أبو بدر من طرف أبو عبد الله عندنا شغالة طرفكم .
إتفضل دقيقة واحدة .
تجول أبو بدر بنظره في المكتب و هو يتحسر كيف أنه لم يتمكن من عمل مكتب بهذه الفخامة والكم الهائل من العمالة التي تدير العمل .
تفضل يا أبو بدر ...
بسم الله ، دخل أبو بدر مكتب كبير وبه رجل تبدو على ملامحه الهيبة والوقار فسلم عليه أبو بدر ثم جلس على أقرب كرسي بجانبه .
أهلا أبو بدر ترى نحن موصين عليك من أبو عبد الله ، وأبشرك الشغالة موجودة والآن تقدر تستلمها بس توقع لنا على بعض الأوراق لزوم النظام فقط .
أبشر وأنا جاهز .
شهيد الحق .
نعم بابا .
سلم أبو بدر الشغالة تبعه ولا تنسى خليها توقع على ورقة المغادرة .
حاضر بابا .
تفضل مع شهيد الحق .
خرج أبو بدر خلف شهيد الحق بعد أن شكر الرجل ، توجه شهيد الحق لغرفة نائية في طرف المكتب وأخرج مفتاحا من جيبه وفتح الغرفة وصاح بأعلى صوته ( ستانا) .
الله المستعان ويش إسمها ( سوناتا ) لا لا بابا هادي إسمها ستانا.
خرجت ستانا على صوت شهيد الحق وهي تحمل في يدها حقيبة صغيرة وتضع على رأسها خمارا يبدو أنه وضع لها من خلال وضعة الخمار التى تركت جزءا من الشعر يتدلى على أكتافها ،
نظر أبو بدر لستانا وقد أهاله المنظر أهو أما م إمراة حقيقة أم خيال مما يراه في التلفاز والمسلسلات .إمراة طويلة القوام متناسقة الجسم وجه يجعلك تتمنى النظر فيه دوما . إبتسامه ساحرة جعلت أبو بدر يلعن أم بدر التى لم تبتسم فيه وجه منذ سنين طويلة وإذا إبتسمت عرف أن هناك طلبات .أجال أبو بدر عينيه بسرعة وتفحص الشغالة من قدميها حتى أعلى رأسها كل ذلك وهو يجرى مقارنة سريعة بين ما يرى وبين الغول الذي ينتظر أسفل في السيارة ( سبحان الله هذة الأميرة سوف تكون خدامة لأم بدر) والله الفقر والحاجة لو كانت رجلا لقتله أبو بدر .
خلاص يا صديق نحن نمشى .مع السلامة أبوي ( هذا ستانا مافي فطور إنت لازم أعطى أكل في البيت )
تقدمت ستانا خلف أبو بدر الذي لولا خوفا من سطوة أم بدر لتركها تمشى أمامه إجترما لها
وما إن وقع نظر أم بدر على الشغالة حتى تغير وجهها وبدأت تهمم بكلام لم يفهمه أبو بدر فضلا عن الشغالة المسكينة
تحرك أبو بدر فورا صوب أقرب بقالة وأحضر ما لذ وطاب من الكيك والعصيرات والشوكلاته
أمسكي يا حرمة شهيد الحق يقول سوناتا ما فطرت .
جعل يتفطر عمرك إن شاء الله طول عمرى أطلع معاك بدون فطور يوم واحد ما جبت لي عصيرات من وين نزلت عليك الرحمة اليوم .
نواصل

[imported_عبد الباقي درار علم الهدي]

بابكر وعبدالباقي ماشفتوا مغتربين الخليج لمن يجوا بالذات السيدات واطفالهم بقدونا كيف شو تبغي حليب لا ما ابغي وين الخبز والسيارة واهلين وسهلين ووش علموك وهلم جرا القصة ذكرتني بواحد سوداني مشي مصر ومشي السوق وقال للراجل لو سمحت عايز ابا بييه والراجل يقول ليه عايز تبقي ايه وهو يقول ليه ابابييه المصري قال ليه يعم روح تبقي بييه ولاباشا انا مالي واخوكم في النهاية طلع عايز كبكابيه(حمص يعني) بقي يقولها بالمصري قال الولد فاهم اوووي :D:D:D
إنت عارفه المصريين ديل ناس مستهبلين خلاص
وحكاية أولاد المغتربين ده حكاية تانية خالص
بت عمي إتولدت في السعودية أها سافرت مع أمها السودان إجازة ورجعت
أها الجماعة سألوها كيف السودان قالت ( كويس بس بينومو في الشارع ) قاصده الحوش طبعا gooodgoood
تحياتي ...