لا بنركب دفار ورا.. لا بناكل باسطة سلا..آآآي مقدرة. [الأرشيف]

مشاهدة النسخة كاملة : لا بنركب دفار ورا.. لا بناكل باسطة سلا..آآآي مقدرة.

imported_علاء الدين الدفينة

11-06-2009, 08:29 AM

كما لم أضحك من قبل ضحكت كثيرا وأنا أستمع لهذه( الاغنية) و(المغنية) وهي (ترص ) في مفرداتها رصا....ما أعجبني حقا أن هذه المفردات(تشفي) غليل (الموجوعين ) من صنف البشرية(الخامس) بعد الاول(الناعم) والثاني(الخشن) والثالث(المعروفين) والرابع(المعرفات) والخامس(إتحاد أي من أ/ ب/ ج/ د)....
لا بنركب دفار ورا ولا بناكل باسطة سلا...آآآآآآآآي مقدرة راجل المرة حلو حلا!!!!.
والله إن كيدهن لعظيم...
لو جلست مليون سنة لاستخرج مفردة واحدة (أمغص بيها) أي زوجة لما توصلت لما سبق...
وفي رواية ترد المفردات معكوسة...
مرة الراجل حلوة حلا...!!!
وقيل أنها (فلانة)...التي لا يختلف حول جمالها إثنان...ولكن (البقول أم المك عزبا بتقع رقبة) و(خلوها في سركم) ولا تسألوا عن هذه الفلانة من تكون...وهي معروفة (بالضرورة) (وما أحلاها).
ويقال أن أحد كبااااار الصحفيين قد أشار لها (رمزا) وبكل خير....فمكث معهم (غير قليل).
عموما.....
أتساءل عن ظروف صياغة هذه المفردة....وتاريخها وناظمها....قطعا لا علاقة لها بدندنات(غسيل العدة) وفرد (الملاءآت) ...فهي ذات تكيف فريد ومؤاءمة عجيبة....
الخيال وحده لم يكن الاساس ولا (بنات عبقر) بل ولا حتى بنات(إبليس) فالامر له علاقة وطيدة بالكيديات (الاجتماعية ) و(الاقتصادية) والسياسة العامة لإدارة (قعدة القهوة)...وبعضا من ظواهر ومظاهر الثراء....و(كشكشة) الأساور و(الغويشات) (خالصة العيار) أو(المضروبة أورنيش أصفر)...
سمعتها أول مرة وأنا بأمدرمان عام 2006 مساء....فأيقظت سعيدة الحظ(أم العيال) من نومها ودموعي تغالبني من الضحك....وكان ذلك خطأ إستراتيجي....قلت لها (أسمعي الاغنية دي سمحة كيف) فرمقتني بنظرة طار لها عقلي وسقط قلبي من الخوف وردت بمستوى من الخطورة تخطى المستوى الرابع وقالت( غووور عرًس المانعك منو)؟. بعدين هي دي ذاتا تطلع شنو؟...وتقصد (الفنانة) ...فالتزمت الصمت التام وعرفت أنني الآن فعليا في (بيت الكلاوي) ...وتاني يوم(دغش) كان المكتب مفتوحا قبل السابعة صباحا وهي حالة شاذة...
:::
نواصل.

بابكر مخير

11-06-2009, 09:00 AM

imported_Nour

11-06-2009, 10:06 AM

علاء الدين يا اخوي خطاءك مع ام العيال مقدور عليه بنوسط ليك الناس ونعمل مجلس جودية ونخليها تمسحها لينا في وشنا دا لكن سيرة فلانة اختاها لانو دي لا جودية ولا مجلس امن بحلوك.

imported_علاء الدين الدفينة

11-06-2009, 10:17 AM

الحبيب علاء
سرحتا مع الموضوع في كلو،،
والجميل فيهو النظرة العالجتا بيها الأغنية بفكر ناقد محترف، لا ضد ولا معا،،
طبعن القول عنها كأغنية هابطة وغيره دآ متروك لذوق المتلقي وفهمه،، لكنك ذكرت حاجات كتيرة بتكون غايبا على المضاد وبنفس القدر على المعا،،

بس قلبي عليك
في حكاية:

دي;)
لأنه ممكن تكون أيقظتا كتييييييييرين
ذي:confused:looool

وتبقى تاني تتندم:eek::o:(
عليّْ

سلام يابا
وواصل، بس
دون ما تيقظ ناس وترتكب أخطاء، جسيمة إستراتجية
أستاذي الجليل :
تحية طيبة...ونأمل من الله أن يطول في عمرك...
أستاذي:
تمعنت ردودك وما ذادتني سوى إشفاقا على نفسي ...فأي تصريح أو تلميح مماثل سيجعلني في (لشانك التنشين)...يعني هدف...مأمول و....ميسور...
هذا ما يخص (همس الاشجان) والآمال التي لن تخرج عن كونها....آمال.
:::
بخصوص النص :
ما رأيكم في أن نتناوله على (مسارات) (تفاوضية) في محاولة للوصول ل(فهم) يتخطى ظاهره...
جاءني أحدهم بهذا التسجيل في lmp ...مصرا على سماعي له...
والحقيقة هما تسجيلين مختلفين ل(فنانتين) بصوتين وأداءين مختلفين...وما خرج من السيارة من ذاك اليوم ....وحتى الآن.
عموما:
الاولى إبتدرت الا(غنية) بقولها....:
إتلموا رجال الحلة ديل حلفوا عليً إسم الله ....أنا حلفتا بي الله راجل المرة دا ما بتخلا...
مما يعني بأننا هدف (إستراتيجي) صعب التخلي عنه ...ولا أكذب عليك ملأتني هذه المفردات(بثقة في النفس عااااااليه جدا) هي خير معين لنا أمام سلسلة هذه الاحباطات اليومية التي نعايش...هذا غير مسائل أخرى متعلقة بالصحة العامة ومشاريع الخلايا الجزعية وظاهرة الاحتباس الحراري وغيرها من الاوبئة كسارس وإنفلوزات الطيور والخنازير وحمى القطط...الخ.
لاحظ النص عاليه...به من التحدي ما يقشعر له (بدن) المستهدفات في (رجالن) ...
السؤال:
لماذا (راجل المرة)؟...والرجال غيره ماليين الدنيا....يعني من قلة الرجال؟.
دي مشاكل جاهزة .
سألت إحداهن فردت:
لأنه صاحب(تجربة) ...ولم أسألها ما المعني بهذه( التجربة) لكني تذكرت عادل إمام في (الود سيد الشغال)...وهو يطالب ببدل (وظيفة).!!!.
ولعل ما أسلفنا من حديث حول(بوبار) جلسات القهوة سبب في هذا الموقف...حيث (كل متزوجة) معجبة بزوجها...بل هي تتخطى خلافاتها معه والتي تصل أحيانا حد الضرب لإبرازه أمامهن كأفضل (رجل) وأقوى (فحل) على مر التاريخ والحاضر....وربما المستقبل...وهي (سلوكيات) (تشععل) الغيرة وتقود لمحاولات(سرقته)...بأي كيفية( أنا بقابلو بالضرا أنا بعرسو بأبشرا) يعني قد تستعين(بالشيوخ) ...في سبيل (جزبه) من (المرة الاولى)...(أنا بقابلو بي غادي أنا بعرسو بالقاضي)...
والغريب في النص:
السمحه مرتو الكبيرة والشينة مرتو الصغيره...الكبيرة عرفت مصيرا والصغيره مسكتا الغيرة!!!!
وهي مسألة (مصيرية) و(تقريرية)...الكبيرة عرفت مصيرا والصغيره مسكتا الغيره....لاحظ إنتفى نص الاولى والثانية وحل محله(كبيره وصغيره) وهو إختلاف في المفردة والدلالة معا...بل في النتيجة أيضا....
::::
الموضوع طويل ....

imported_علاء الدين الدفينة

11-06-2009, 10:35 AM

علاء الدين يا اخوي خطاءك مع ام العيال مقدور عليه بنوسط ليك الناس ونعمل مجلس جودية ونخليها تمسحها لينا في وشنا دا لكن سيرة فلانة اختاها لانو دي لا جودية ولا مجلس امن بحلوك.
يا نور أنحنا (تايبين) من كلامنا (من قبل ما نقولو ومن بعد)...بعدين أنحنا لا نوبه ولا حاجة...ولا جعليين كمان...ناس حدود ساااي.
وعرفت أن بعض سلالات الفارهات اليابانية (السيارات) أطلقوا عليها إسم (فلانة)...وفي يوم ما جاءوا بواحدة منهن للغسيل أمام (خلق الله) من بقية السيارات....فنادى أحد الغسالين (المساكين وداقسين) أخوه ( جيب .........دي لي جاي النغسلا) وما أن نطق بالاسم حتى أصبح ذي قارة أتلانتيس...يسمعوا بيهو وما له وجود في الخريطة...حتى الآن.
عموما أنا ما حمل مشاكل...زول يعشق الهدوء....درجة الادمان.
شكرا للتنبية وأنسوا موضوع فلانة دا وخلونا مع ناس (مغرزة ومقدرة ديل).مسالمين وحٌنان.

بابكر مخير

11-06-2009, 10:58 AM

imported_علاء الدين الدفينة

11-06-2009, 12:11 PM

الإبن الحبيب علاء
بقدر المسئولية الواقعة عليّْ عاتقك من تقل الأسماء؛
دفع الله والأمين،،
وعظم المهمة اللامة عليك من السيدة المصون
يحفظها ليك وقول؛؛
آآآآآآآآآآآآآآآآآمين،،
ولابد هناك كمان من مشاغل ووواجبات،،
إلا أن كتابتك،،
ممتعة، متسلسلة وهي مبعثرة، راقية وهي دارجة، واعية وهي شبابية....
إسلوبك حلاوة لكوم، تأكل منو، يوجع ليك كضومك من اللوكان،،
لكنه كمان،، بحلي ليك الخشم،،،
يسلم قلمك ويزيد يابا في فهمك،،،
وأصل وياني واقف جمبك،،
والبقول بغِم؟؟؟؟
قول ليهو:
عمي الكلام عجبو:D
ولي الما عجبو،،:confused:
يسد سمعو.........:eek::eek:
وااااااااااااصل ياباgooodgoood
وإتا الواصلloooollooool
أستاذي الفاضل والعم الفريد بابكر:
فخور بوجودك هنا ...حقا فخور بذلك وربنا لا يحرمنا منك....آمين .
موضوع الاسماء دا قصتو معانا قصة :
أنا علاء الدين...
والوالد(حفظه الله ورعاه) هو دفع الله...
والعيال هم :
الاولاد فيض الله الهطال/ وسيف الله القسام.
والبنات صولة الله / وذات الوشاح.
ودي قصة طويلة.
لم يتم إستخراج شهادة الهطال إلا بعد شهادة شرعية بأن هذا هو فعلا إسمه الذي على أساسه (ضبحنا خرفان السماية) وقد أصروا على أن الشهود لا بد وأن يكونوا من طرف الام...تحديدا أخوانها ...وهو ما حدث بالضبط.....وخرجت شهادة القسام ب(سلة الروح) وشهادة صولة بعد المثول أمام القاضي الشرعي برفاعة ...وتيسرت شهادة وشاح...
:::
وزارة الداخلية بحمد الله (عين نايمة وعين مولعة نار) بعدين أنا بقيت من مؤيدي حزب (الملكة) واحدة هنا في الدنيا والتانية ما مشكلة نخليها لي بعدين...ولصديقي حكمة (يُعجب الرجل ببعض الاشياء في المرأة فيخطئ ويتزوجها كلها)... لو أن الرجل يكتفى فقط بما يعجبه في المرأة و(يخلي الباقي)!!!!!..
وسئل شقيقي الاكبر عن موضوع (المرة التانية) وجاء رده:
لا يلدغ المؤمن من جحر مرتين...
:::
بخصوص البوست:
ورد في النص :
العجوز المرضانة تتمسح بالديانا والوش حالتو تعبانة...مغرزة...راجل المرة دا حلو حلا.
وكان أن سئل الاستاذ الفنان محمد الحسن سالم الجقر عن مفردة (البلال) في نصوص القصيدة السودانية وتكرارها في متون الاغاني فقال:
البلال يقصد به(بلال الحنة) و(بلال) (الطلح) وبلال(مِرود المشاط) ( وبلال حفرة الدخان) وهو إناء به ماء يستعان به في (تليين) أدوات الاستخدامات عاليه ...ويقول أن لذلك علاقة وطيدة بروح وحس الانثى وهو من المتعلقات ذات الصلة العالية بها وبخصوصيتها ...ويمضي الرجل بأن هذه المفردة من المفردات( الحنينة جدا)...
جاء ذلك في حوار تلفزيوني معه والبلابل...
ومن الملاحظ في قول القائلة (وربما القائل) (العجوز المرضانة تتمسح بالديانا والوش حالتو تعبانة...مغرزة...راجل المرة دا حلو حلا.) إستخدام مفردات تخطت التراث و(فلكلور) الانثى السودانية لمفردات أخرى أكثر عمومية وإستخداما (الديانا) لأداء نفس المهام( التحسينية)...لكنها هنا تأتي بسياق جديد بعيدا عن مفردات (الحنان) بل يقودنا الاستخدام لفهم آخر هو أقصى النقيض للأول...
ونلاحظ ما يبدو وكأنه حوار بين الثانية والاولى( بنفس الترتيب):
يا ضرة يا خيانة إنتي صاحية ولا نايمة...لو إنتي مرتو الاولى أنا ببقى ليهو التانية..(الثانية).
ولا بنركب رقشات ورا ولا بنأكل باسطة سلا...ولا بناكل باسطة سلا ولا بنجيبو راجل مره...(الاولى) فيما يظهر وكأنه رد على الثانية.
ويظهر التحدي ومحاولة الخروج عن كل الاعراف...
لو إنتي مرتو الاولى أنا لا أولى ولا تانية..!!!وهو ما يطرح سؤالا مهما..إن لم تكن الاولى والثانية( وهما إثنين فقط)...فمن تكون؟.
دي المشاكل الخايفين منها ذاتا...يعني لا أولى ولا تانية وربما ولا(زوجة) من (أصلو)...يعني حمرة عين كده...
لماذا هذا التحدي منهن لبعضهن البعض..؟. حول هدف واحد...وبالامكان وجود بديل (يفض) المشكلة....
المفردات ذات التصنيف (العنيف) ك (مغرزة)و(مقدرة) و(سيطرة) تكررت كثيرا في هذه الاغنية.
ربنا يستر

imported_Hassan Farah

11-06-2009, 02:02 PM

يا شاب والله انت دمك خفيف بشكل-- ياخى والله الواحد خايف عليك شمس الخرطوم تبخره كله -- سرد جميل وطاقة كمون لا بد من تفجيرها --حرام تسكت- اسرد

imported_علاء الدين الدفينة

11-06-2009, 04:11 PM

يا شاب والله انت دمك خفيف بشكل-- ياخى والله الواحد خايف عليك شمس الخرطوم تبخره كله -- سرد جميل وطاقة كمون لا بد من تفجيرها --حرام تسكت- اسرد
العزيز حسن:
تحية ود وتقدير:
أولا أشكر لك وجودك في هذه المساحة....
ولعله نمط نحرص عليه ل(تهشيش) جمود ورتابة (محاولات) التحليل...
المفردات محور البوست تدور حول مسائل غاية في الاهمية وقمة في الخطورة...فهي ناتج إنفعال حقيقي وموضوعي لتباينات وتفاعلات أهم مكونات الوجود (المرأة) بين ذاتها وموضوعات هذه الذات ...وأعني بموضوعات البيئة الموضوعية المحيطة بها والممثلة لأطر تأثرها وتأثيرها...
ربما للإنهيار العام في كافة المستويات أثر واضح في تحديدها لموقفها الذي لم يكتفي بالتنازل فقط بل والرجوع للخلف بدرجات تخطت حدود السلبية...
نفس هذه الانثى كانت سابقا تنادي ب(مغص مغص يا العزابة بس تموتوا مغص يا العزابة)...و(نحنا ما دايرين إلا مغتربين)...وغيرها من نصوص تدل على عزة وأنفة عاليتين...ثم ها هي ذي نكفئ على كل هذا التاريخ لتنادي ب(تعال بالعندك وأكان ما عندك أبوي بسندك) ....
لماذا هذا التغير السريع والمفاجئ؟.
هذا سؤال ذو أهمية قصوى في تشريح هذه الحالة المتخطية لدرجة الظاهرة والتي هي الآن أقرب للواقع المعمم...
أبالاسواق هذه البضاعة ؟...نعم ...وأنت تستطيع تسوقها من أقرب دكانة...
:::
أغمض عينيك وفكر في الشارع العام...
ستجد الحقيقة.

imported_سارة

11-06-2009, 07:37 PM

بابكر مخير

11-06-2009, 08:00 PM

عفيت منها شغلها نضيف :p

شوف بقا لمن تلقا سارة وإخواتها حوليك يحومو
ياهو الراجيك الغسيل يابا بالأومو
وغير صراحتك وشجاعتك
ما شيتن تاني تلومو

imported_علاء الدين الدفينة

11-06-2009, 08:00 PM

غايتو يا علاءالدين اتخيلت منظرك وكت الهرشة داك اللهم لا شماتة

gooodgooodgoood

بس تستاهل انت الوداك للقراية ام دق شنو ؟؟؟

هو تقول بركة الخلوك نمت فى الاوضة وما رقدوك جمب بير السلمgooodgoood

نكشة على قول واحدة حبيبتنا

تحياتنا للمدام وعفيت منها شغلها نضيف نرحب بها فى قهوتنا العامرة:p
سارة يا اختي مساك الله بالخير:
اولا زولتك ما دايره وصايه....من الله ما دخلني عليها عيونا ذادن لو قلت ليك بقن اربعين ما عارف وكان خمسين الله في علمو...أخليها في البيت وأمشي المكتب لو عطست أتخيل صوتا يقول لي رحمك الله هوووووي.
اليوم داك الصحاني لي وقت حفلة مقطوعة الطاري دي شنو ما عارف...راقد في أمان الله ....شويتين ورفعت عقيرتها بالصراخ وخلق الله تكورك ...أمدرمان اليوم داك أكان فيها مليون ولا مليونيين شوية ...الدنيا كلها كاسرة في الحفلة وتولول ووووووب ...داب ما بدت تغني والناس هاجت...فبدأت التركيز....مما قالت راجل المرة دا حلو حلا حسيت بيها قاصداني ....وشلاقتي خلتني صحيت الحنينة....والسكته الياها.
بعدين يا بت الناس بير السلم يرقد جنبها عدو الله ... دي الخايفين منها...
وأبشرك ....بت خالتي....يعني حصار يحتار فيو أوباما.
بس الاغنية دي ما نحنا الكتبناها ولا نحنا البنغيها....أنحنا بتعجبنا سااااي من الله لي الله كده...

imported_علاء الدين الدفينة

11-06-2009, 08:11 PM

شوف بقا لمن تلقا سارة وإخواتها حوليك يحومو
ياهو الراجيك الغسيل يابا بالأومو
وغير صراحتك وشجاعتك
ما شيتن تاني تلومو
عم بابكر :
أسعد الله مساك.
شوف ....كل معركة (من أجل الحرية) دايرة شوية صبر ....ولا بد من ضحايا...
وأنا توكلت على الله.....وشوية دفره منكم وبنصل لي حاجة ترضي كل الاطراف...
:::
أنا خليني ....سمعت واحد في التسجيل قال ليها إديك العافية يا منى....يعني الفنانة اسمها منى...طيب منى دي ربنا يديها العافية ليه؟...عشان (فشت غبينتو) دي ما دايره ذكاء ولا إجتهاد...الزول ممكون وصابر....ساكت من بداية الحفلة ومما منى قالت الللللليل مغرزة راجل المره حلو حلا قاليها إديك العافية...
بيني وبينك دا ممكون جد.
بعدين يا عم بابكر الواضح ما سمح؟. مش أحسن مما يجوها شايلين كراساتهم ويدقو الباب ويقوليها بابا وين؟.

imported_سارة

11-06-2009, 08:13 PM

شوف بقا لمن تلقا سارة وإخواتها حوليك يحومو
ياهو الراجيك الغسيل يابا بالأومو
وغير صراحتك وشجاعتك
ما شيتن تاني تلومو

عمو بابكر يا رائع

سلامات وشوقنا اردب سمسم

انت اسكت ساكت زولك اديهو يومين بستانى كان جابو ليهو الغناية فى البيت

يقول يطرشنى ويعمى جيرانىgooodgoood

ودقى يا مزيكا على قول المسطول نزار

imported_سارة

11-06-2009, 08:17 PM

سارة يا اختي مساك الله بالخير:
اولا زولتك ما دايره وصايه....من الله ما دخلني عليها عيونا ذادن لو قلت ليك بقن اربعين ما عارف وكان خمسين الله في علمو...أخليها في البيت وأمشي المكتب لو عطست أتخيل صوتا يقول لي رحمك الله هوووووي.
اليوم داك الصحاني لي وقت حفلة مقطوعة الطاري دي شنو ما عارف...راقد في أمان الله ....شويتين ورفعت عقيرتها بالصراخ وخلق الله تكورك ...أمدرمان اليوم داك أكان فيها مليون ولا مليونيين شوية ...الدنيا كلها كاسرة في الحفلة وتولول ووووووب ...داب ما بدت تغني والناس هاجت...فبدأت التركيز....مما قالت راجل المرة دا حلو حلا حسيت بيها قاصداني ....وشلاقتي خلتني صحيت الحنينة....والسكته الياها.
بعدين يا بت الناس بير السلم يرقد جنبها عدو الله ... دي الخايفين منها...
وأبشرك ....بت خالتي....يعني حصار يحتار فيو أوباما.
بس الاغنية دي ما نحنا الكتبناها ولا نحنا البنغيها....أنحنا بتعجبنا سااااي من الله لي الله كده...

بس انت يا علاء يا ودامى نصيحة كدى لى الله

انت المفروض تبوس ايدك وش وضهر:mad: وكت بى عمايلك الارعة دى

لقيت الناس صابرة عليك ومتمسكين بيك ومحاصرنك كمان

هو ما بركة الما جابوك فى كرتلة زى اخوانا وحدييييين

البعرفونا ان شاء الله ما يحضروناgooodgoood

وتانى اخبتى يامزيكا

imported_عادل عسوم

11-06-2009, 08:29 PM

دفع الله
ياخي أنت زول كتّاب والله...
(لك قدرة فائقة على أن تجعل من الفسيخ شربات) :p
و(شرباتك) دة أعدك بأن (يجيب ليك ناس كتاااار):D:D
قيل بأن معهد الدراسات المجتمعية اليهودي (وهو أعلى منظمة يهودية عالمية تعني بالدراسات المجتمعية العالمية) قد قام بعمل دراسة مجتمعية ميدانية داخل المجتمع المصري بُعيد حرب النكسة في عام 67م
الدراسة كان جل تركيزها على الأغاني الشعبية وضمن ذلك مانصطلح نحن عليه ب(أغاني البنات)!...
الشاهد في ذلك كانت افادة الباحثين الذي قاموا بدراسة تلك الأغاني !
فقد افاد أولئك بأن المجتمع المصري يعد مجتمعا لا يمكن التعويل البتة على انكساره وقبوله بالأمر الواقع الذي يفرضه أحتلال سيناء...
وعليه...
فقد أتخذت السلطة السياسية اليهودية -مكرهة- قرار السلام (والذي يحسبه الكثيرون بأنه نتاج لاجتياز الجيش المصري لخط بارليف)!
فيقال بأن الأغاني الشعبية وأغاني البنات في مصر بعيد حرب 67 قد شهدت تغييرا كبيرا لفسيفساء مكوناتها اللفظية بعد أن أضاف (الضمير والوجدان المجتمعي المصري) العديد من الكلمات والأوصاف التي تعلي من شأن الجندي المصري!...
ثم ان نبرة الوطنية قد ارتفع رتمها كثيرا -حتى- داخل أماكن اللهو والبارات والسينمات ودور العرض والمسارح الفردية والكثير من الأماكن التي صرفت عليها المراكز اليهودية مباشرة وبصورة غير مباشرة! ..وهي (أماكن) قد عولت عليها تلك المراكز كثيرا بأن تكون بؤر أرتكاس وتثبيط للهمم للشباب على الأخص!
وبذلك فان مثل هذه الأغاني (التي ذكرت) تكون دوما (نقاط أستشعار) تحدد أهتمامات المجتمع و(حتات وجعه) التي تكتنف حراكه بل وتساعد كثيرا في توجيه (بوصلات) الحلول أيجابا كان ذلك أم سلبا...
بصدق فان أمر (الفاقد الزواجي) من المطلقات وكذلك أعداد العانسات الكبير قد وصل الى مرحلة ال(ظاهرة) في مجتمعنا السوداني!
ويجدر بنا أن نعقد لها الورش والسمنارات ونناقش سبل حلولها في كل سوح التلاقح والتفاكر...
ولأن أعدنا النظر الى(حلاوة راجل المرة) فانا نجدها لا تقتصر على ملئ ثغرة العنوسة والترمل فقط ...وانما هي (حلاوة) تستصحب سد وملئ ثغرات كثييييييرة ...منها المعاناة الأقتصادية والتطلع الى سمت حياة مافتئت الأجيال الناشئة تعايشها سماعا ورؤية من خلال الوسائط ...ثم من خلال شئ من مخالطة للشريحة المرفهة التي (نبتت) فجأة على أديم خارطة المجتمع السوداني!...
بيني وبينك الغنية عجبتنا كلنا :p
:D:D
أختم باشادة حقيقية ليراعك هذا الجميل

imported_علاء الدين الدفينة

11-06-2009, 08:48 PM

دفع الله
ياخي أنت زول كتّاب والله...
(لك قدرة فائقة على أن تجعل من الفسيخ شربات) :p
و(شرباتك) دة أعدك بأن (يجيب ليك ناس كتاااار):D:D
قيل بأن معهد الدراسات المجتمعية اليهودي (وهو أعلى منظمة يهودية عالمية تعني بالدراسات المجتمعية العالمية) قد قام بعمل دراسة مجتمعية ميدانية داخل المجتمع المصري بُعيد حرب النكسة في عام 67م
الدراسة كان جل تركيزها على الأغاني الشعبية وضمن ذلك مانصطلح نحن عليه ب(أغاني البنات)!...
الشاهد في ذلك كانت افادة الباحثين الذي قاموا بدراسة تلك الأغاني !
فقد افاد أولئك بأن المجتمع المصري يعد مجتمعا لا يمكن التعويل البتة على انكساره وقبوله للأمر الواقع الذي يفرضه أحتلال سيناء...
وعليه...
فقد أتخذت السلطة السياسية (مكرهة) قرار السلام (والذي يحسبه الكثيرون بأنه نتاج لاجتياز الجيش المصري لخط بارليف)!
فيقال بأن الأغاني الشعبية وأغاني البنات في مصر بعيد حرب 67 قد شهدت تغييرا كبيرا لفسيفساء مكوناتها اللفظية بعد أن أضاف (الضمير والوجدان المجتمعي المصري) الكثير من الكلمات التي تعلي من شأن الجندي المصري!...
ثم ان نبرة الوطنية قد ارتفع رتمها كثيرا -حتى- داخل أماكن اللهو والبارات والسينمات ودور العرض والمسارح الفردية والكثير من الأماكن التي صرفت عليها المراكز اليهودية مباشرة وبصورة غير مباشرة ..وهي (أماكن) قد عولت عليها تلك المراكز بأن تكون بؤر أرتكاس وتثبيط للهمم للشباب على الأخص!
وبذلك فان مثل هذه الأغاني (التي ذكرت) تكون دوما (نقاط أستشعار) تحدد أهتمامات المجتمع و(حتات وجعه) التي تكتنف حراكه بل وتساعد كثيرا في توجيه (بوصلات) الحلول أيجابا كان ذلك أم سلبا...
بصدق فان أمر (الفاقد الزواجي) من المطلقات وكذلك أعداد العانسات الكبير قد وصل الى مرحلة ال(ظاهرة)!
ويجدر أن نعقد لها الورش والسمنارات...
ولأن أعدنا النظر الى(حلاوة راجل المرة) فانا نجدها لا تقتصر على ملئ ثغرة العنوسة والترمل فقط ...وانما هي (حلاوة) تستصحب سد وملئ ثغرات كثييييييرة ...منها المعاناة الأقتصادية والتطلع الى سمت حياة مافتئت الأجيال الناشئة تعايشها سماعا ورؤية من خلال الوسائط ...ثم من خلال شئ من مخالطة للشريحة المرفهة التي (نبتت) فجأة على أديم خارطة المجتمع السوداني!...
بيني وبينك الغنية عجبتنا كلنا :p
:D:D
أختم باشادة حقيقية ليراعك هذا الجميل
أستاذي الرائع:
عادل...
تحية إجلال وتقدير لعظيم شخصك..
بينكم تحلو الاطلالة...
ربما تنسينا الآلام والاوجاع الوقوف على أسبابها/ وتداعياتها....
من المصائب العظيمة التي صاحبت مسيرة شعبنا بعده ثم عزوفه عن إنتهاج سبل إستخدام أدوات البحوث العلمية في عمليات التحاليل الاستقصائية وإعمال هذه الادوات في أجساد القضايا محور البحث....أو ما يجب أن تكون عليه...
مثل هذه المفردات أدوات جيده للوصول لحقائق عظيمة تمس عصب الانسجة الحساسة لبقاء مجتمعنا وإستمراره بصورة منهجية..
قد نتخطاها لأسباب عدة ...لكنها لا تفعل فهي باقية ببقاء الظروف التي أوجدتها...والظرف الموضوعي لا يذوب ولا يتوه ولا يتبخر فقط لمجرد صدور قرار بذلك ...أو لمجرد التشاغل عنه ومحاولة كنسه من الواقع....قد يزول بزوال الضرورة التي أدت لوجوده....ويمكننا هنا أن نأخذ بعضا من المتغيرات ذات الاثر الواضح في تشكل مثل هذه (الاوضاع) كالاقتصاد مثلا....وتطور مفاهيم الافراد والجماعات بصورة فردية أو جماعية ...أو حتى تطور الوعي الجمعي للمجتمع محور البحث...
يطول الحوار أستاذي.....لكنك حقا مدرسة الحرف الجذاب.

imported_المليجي

11-06-2009, 09:02 PM

سارة يا اختي مساك الله بالخير:
اولا زولتك ما دايره وصايه....من الله ما دخلني عليها عيونا ذادن لو قلت ليك بقن اربعين ما عارف وكان خمسين الله في علمو...أخليها في البيت وأمشي المكتب لو عطست أتخيل صوتا يقول لي رحمك الله هوووووي.
اليوم داك الصحاني لي وقت حفلة مقطوعة الطاري دي شنو ما عارف...راقد في أمان الله ....شويتين ورفعت عقيرتها بالصراخ وخلق الله تكورك ...أمدرمان اليوم داك أكان فيها مليون ولا مليونيين شوية ...الدنيا كلها كاسرة في الحفلة وتولول ووووووب ...داب ما بدت تغني والناس هاجت...فبدأت التركيز....مما قالت راجل المرة دا حلو حلا حسيت بيها قاصداني ....وشلاقتي خلتني صحيت الحنينة....والسكته الياها.
بعدين يا بت الناس بير السلم يرقد جنبها عدو الله ... دي الخايفين منها...
وأبشرك ....بت خالتي....يعني حصار يحتار فيو أوباما.
بس الاغنية دي ما نحنا الكتبناها ولا نحنا البنغيها....أنحنا بتعجبنا سااااي من الله لي الله كده...

علاء الدين يا اخوي
مساء الخير
الشغله جابت ليها هرشة ونومه في بير سلم
انا غيتو حعمل ساتر وبلاش من قصة العرس دي من اساسا وخلينا نستمتع بالاغاني الحلوة دي والمكايدات الظريفه
الله يرحم زمان كانو بغنو لينا احنا العزابه اسي بقو بغنو لي راجل المرة
سارة عازمة المدام للجبنه وديها وتعال لينا بجاي الحريق مدور
وعلاء دا حلو حلا :D
تحياتي..

imported_علاء الدين الدفينة

11-06-2009, 09:12 PM

بس انت يا علاء يا ودامى نصيحة كدى لى الله

انت المفروض تبوس ايدك وش وضهر:mad: وكت بى عمايلك الارعة دى

لقيت الناس صابرة عليك ومتمسكين بيك ومحاصرنك كمان

هو ما بركة الما جابوك فى كرتلة زى اخوانا وحدييييين

البعرفونا ان شاء الله ما يحضروناgooodgoood

وتانى اخبتى يامزيكا
إزيك يا ساره:
تصدقي الأرانب ربنا يحفظهم مساندين وزارة الداخلية وضاربين طناش عن بابا..!!! ومرات مصارعة وشكل وتهديد ...وأنا المسيكين بين بين ...على الهبشه...كان كوركت كديسه أقرأ يسن...وبي هناك خالتا (ربنا يطول عمُرا) عين حمرا...وعين شي تاني...
وكان قلتا الله قال يقولو ليك الله ما بتعرفوا إلا في دي بس ....ما المصحف كلو كلام الله ما تختار إلا فمثنى وثلاث ورباع....أعمل شنو ؟...أبلع باقي الكلام بلع....ومافي زولا يساند ...السند عند الله....
بعدين العارفنكم عارفنكم وضاربين طناش...أكان دفرونا شوية ما أحسن ليهم ولينا؟.

imported_علاء الدين الدفينة

11-06-2009, 09:25 PM

علاء الدين يا اخوي
مساء الخير
الشغله جابت ليها هرشة ونومه في بير سلم
انا غيتو حعمل ساتر وبلاش من قصة العرس دي من اساسا وخلينا نستمتع بالاغاني الحلوة دي والمكايدات الظريفه
الله يرحم زمان كانو بغنو لينا احنا العزابه اسي بقو بغنو لي راجل المرة
سارة عازمة المدام للجبنه وديها وتعال لينا بجاي الحريق مدور
وعلاء دا حلو حلا :D
تحياتي..
المليجي سلام وانشاالله تمام.
إنت خايف كدا مالك؟...ياخي قرب بس والله كريم ما بتجيك عوجه...إنت موقفك لي حسي سليم ما زينا نحنا شايكاتنا طايره...بعدين القطر دا كلو مفتشين ما تقول كلام ينحسب عليك...المعركة دي معركة كل الاحرار....وهن دايرات كده...تفتكر يعني الاغنية دي مكتوبة بي إيعاز مننا نحنا؟...لا أعتقد بوجود مؤامرة...بس هن خايفات من موضوع عرس الكيمان...يعني تشيل كوم كومين حسب قدرتك...عشان كده إستهدفونا بالخطط دي...
ونحنا تحديدا في خط النار ساندونا وتزكروا قصة التور الاحمر...
:::
وكان عاوز ساترإحزر الكلام عن الاماسي فهو بداية كل المآسي....وأسأل غيري..
بببعدين موضوع الجبنة دا عدى عليك كيف؟...دا ح ينتهي بتوب وتلاجة وسوار وكده...أنا عشان أتفادى فخ الجبنه دا قلت ليها قالوا بقت حراااام عديل كده ...مش من المنبهات.؟. بلا جبنه بلا مشاكل....ديل عارفات بيعملن في شنو ...وبعدين أقول ليك...أكتر الكائنات الاستفادن من الموبايل....وشششششششش النهار كلو....قايلن بقولن في شنو؟....تحاريش ساي....الله يقطع الموبايلات ويقطع يوما.

imported_عثمان

13-06-2009, 05:30 PM

العزيز علاء... أيامك ورد أنت وضيوفك
نقتك لذيييييذة وراكوبتك عااااامرة "متابع ومستمتع"

التحية/ عثمان الطيب

imported_همس الشوق

13-06-2009, 07:06 PM

سمعتها أول مرة وأنا بأمدرمان عام 2006 مساء....فأيقظت سعيدة الحظ(أم العيال) من نومها ودموعي تغالبني من الضحك....وكان ذلك خطأ إستراتيجي....قلت لها (أسمعي الاغنية دي سمحة كيف) فرمقتني بنظرة طار لها عقلي وسقط قلبي من الخوف وردت بمستوى من الخطورة تخطى المستوى الرابع وقالت( غووور عرًس المانعك منو)؟. بعدين هي دي ذاتا تطلع شنو؟...وتقصد (الفنانة) ...فالتزمت الصمت التام وعرفت أنني الآن فعليا في (بيت الكلاوي) ...وتاني يوم(دغش) كان المكتب مفتوحا قبل السابعة صباحا وهي حالة شاذة...
:::
نواصل.

عاد لكن أصلي ما بسألك يا علاء يا اخوي
ما لقيت غير الأغنية دي تيقظ فيها أم العيال ...
ما هو شوف واحد من الاثنين يا انت غياااااااااظ ولا مسكين أوي .:D....
الاغنية دي بتعمل التهاب حاد في بنكرياس مرت اي راجل ....goood

بابكر مخير

13-06-2009, 07:36 PM

imported_علاء الدين الدفينة

14-06-2009, 07:43 PM

العزيز علاء... أيامك ورد أنت وضيوفك
نقتك لذيييييذة وراكوبتك عااااامرة "متابع ومستمتع"

التحية/ عثمان الطيب

عثمان سلام ومرحب بيك:
شايفك عامل مهادن....كراع جوه وكراع بره...ياخي إطمئن ...ناسنا ديل زي ناس المجلس الوطني...عين في الفوق وعين في التحت ...خليك زيهم وما تخاف...شفتا ليك حكومة سجنوها؟..ترانا زي ناس الحكومة ...أمريكا وروسيا( الإتنين) قد دنا عزابها...وسودانا فوق ..فوق ..فوق...لامن وصل الشمس والسخانة الياها..ولسة قاعدين أكان صاح وأكان كضب...شفت كيف؟.
وهاك واحدة:
واحدات زي الغوغل ايرث يمسحن في الدنيا مسح ...أربعين عين وإمكن أكتر زولا كان قال بغم يلقى الشي الما بتقال... متابعاهو زي رسوم المدرسة مافي حلل مافي حلل وتجي الغبيانة دي تقول بتجيبو راجل مرة..!!! الحكمة بتجيبو جيب تقول خروف... ورجال النسوان مما سمعو الكلام دا بقو يقدلو ...صلاح إدريس شنو ؟..ما ساءلين في اوباما.. وانا اولهم من اليوم داك وبقيت اشوف الدنيا بنفسج بنفسج...
دحين ما تخاف.

imported_علاء الدين الدفينة

14-06-2009, 07:59 PM

عاد لكن أصلي ما بسألك يا علاء يا اخوي
ما لقيت غير الأغنية دي تيقظ فيها أم العيال ...
ما هو شوف واحد من الاثنين يا انت غياااااااااظ ولا مسكين أوي .:D....
الاغنية دي بتعمل التهاب حاد في بنكرياس مرت اي راجل ....goood

همس الشوق ألف مرحب بيك والضل كبييييير بس ما تقعدي قريب منها...بدون تحريش ربك يستر..
أنا سمعت الاغنية (وفكفكتها) سمعتها في خمسة دقايق وبفكفك فيهاتلاته سنة...وكل يوم بلقى الجديد ...أغنية منظومة من يورانيوم ...مشعه درجة الخطورة...والرعب....وأنا بي طيبة خاطر (عملت ليها لفت نظر) ما قاصد شي...بالله فجأة والقى الرد نووي...يا شيخة دي أغنية ولا كهرباء..البتسمع كلها تنشف..
السؤال:
من أين جاءت الفكرة من الاساس؟؟ ولماذا؟..
لا بنركب دفار ورا ولا بناكل باسطة سلا والبنجيبو راجل مرا؟.
ركوب الدفارات في زمنا كان مدعوم بالنجدة والعمليات...والبركبو قدام ليهم واسطة ...وناس ورا ديل بصلو دايخين ومصوفنين...وباسطة سلا دي كنا بنسافر ليها من رفاعة لي مدني ...وناس القرى بمشو بالحمير الله يكرمك ...بصلو أكان في يومين أكان تلاته...وبجو راجعين ليهم جضوم .. والفنانة المخضرمة تنفي الامرين معا في إشارة إلى أنهما من متعلقات الدرجة التانية ...وإمكن التالته...وعشان تتفرد بضيف( والبتجيبو زاتو راجل مرة) لاحظوا بالله لي (والبنجيبو) ..دي كلمة تدعي الاحساس بالعظمة ...والخوف...خلتنا ماشين ونتلفت ..أي لحظة تجي واحدة تكرفسك ويتم تقييد القضية ضد مجهول...تاني الcia ما تلقى ليك خبر.
الاغنية دي جد خطيرة ومرقت من الرقابة كيف ما عارف.

imported_علاء الدين الدفينة

14-06-2009, 08:05 PM

علاء الدين دفع الله الأمين
يابا
في هجيما أكبر من بتاعتك دي
وأوعك تقولها بي صوتن ينسمع
والله
غايتو
مخك في رأسك وتعرف خلاصك

الأغنية وربنا يكرم السامعين
إسمها أو بتتردد فيها قولة؟؟؟؟
الماعندها:eek::eek:
شنو كدآ:confused::confused:
ولا ماتكون مرآ
ورآ،، ورآ :mad::o:cool::(

وأنا برررررررررررررررررررررآ

عم بابكر سلام...
إنشاالله إنت طيب..
يا دوبك جيت في المليان...إنت في نص الحوش ما إنت براااا ولا شي.
قول والدار أمان ...أديني (همزة وصل) وخلي لي الباقي بجيب ليك خبرو..

imported_مرافي

15-06-2009, 10:56 PM

كما لم أضحك من قبل ضحكت كثيرا وأنا أستمع لهذه( الاغنية) و(المغنية) وهي (ترص ) في مفرداتها رصا....ما أعجبني حقا أن هذه المفردات(تشفي) غليل (الموجوعين ) من صنف البشرية(الخامس) بعد الاول(الناعم) والثاني(الخشن) والثالث(المعروفين) والرابع(المعرفات) والخامس(إتحاد أي من أ/ ب/ ج/ د)....
لا بنركب دفار ورا ولا بناكل باسطة سلا...آآآآآآآآي مقدرة راجل المرة حلو حلا!!!!.
والله إن كيدهن لعظيم...
لو جلست مليون سنة لاستخرج مفردة واحدة (أمغص بيها) أي زوجة لما توصلت لما سبق...
وفي رواية ترد المفردات معكوسة...

... سمعتها أول مرة وأنا بأمدرمان عام 2006 مساء....فأيقظت سعيدة الحظ(أم العيال) من نومها ودموعي تغالبني من الضحك....وكان ذلك خطأ إستراتيجي....قلت لها (أسمعي الاغنية دي سمحة كيف) فرمقتني بنظرة طار لها عقلي وسقط قلبي من الخوف وردت بمستوى من الخطورة تخطى المستوى الرابع وقالت( غووور عرًس المانعك منو)؟. بعدين هي دي ذاتا تطلع شنو؟...وتقصد (الفنانة) ...فالتزمت الصمت التام وعرفت أنني الآن فعليا في (بيت الكلاوي) ...وتاني يوم(دغش) كان المكتب مفتوحا قبل السابعة صباحا وهي حالة شاذة...
:::
نواصل.
اخي علاء
صاحب الاسم المركب
تحياتي،،،،،،،،،،
والله هو الراجل بلا مره اولى طعمو شنو؟؟؟؟
والله بس واحدة غبيانة الالفت الغنية دي
هي ما بتمغصنا عشان الراجل مرغوب واسهمه طالعه بس غبيانات الما جربن هذا المدعو الزواج وماعارفات مغصكم !!!!
بتمغصنا عشان نحن عارفييين البير وغطاها ؟؟؟كان عندو عمار اليسوي مع الاولى
وسلااااام

imported_علاء الدين الدفينة

17-06-2009, 05:56 PM

اخي علاء
صاحب الاسم المركب
تحياتي،،،،،،،،،،
والله هو الراجل بلا مره اولى طعمو شنو؟؟؟؟
والله بس واحدة غبيانة الالفت الغنية دي
هي ما بتمغصنا عشان الراجل مرغوب واسهمه طالعه بس غبيانات الما جربن هذا المدعو الزواج وماعارفات مغصكم !!!!
بتمغصنا عشان نحن عارفييين البير وغطاها ؟؟؟كان عندو عمار اليسوي مع الاولى
وسلااااام
يا مرافي آلاف المراحب:
وبدون زعل....
أنحنا الفينا معروفه....لكن ما في واحد ولو من طراز وماركة ( حمادة بت) بغني بي فهم (عكس) أنحنا كان غلبتنا الحيلة ( وكثيرا ما بتغلبنا) عندنا دروب غير...بس بنات حواء حيرن إبليس وقالن القالنو....أنحنا لقينا الشغلانه مربوبه وزدناها موية....يعني الاسهم إرتفعت نقول خلوها التنزل؟...
الحكاية ما في أنحنا فرحانيين بالاغنية....الحكاية ناس الاغنية فرحانين بينا.
بعدين الاولى دي في الراس ....بس الدايرننا ديل (وبإصرار) وتصريح صريييييح لدرجة الاعلان في بيان رسمي ...ديل نسوي ليهم شنو؟.

imported_مرافي

19-06-2009, 11:35 PM

يا مرافي آلاف المراحب:
وبدون زعل....
أنحنا الفينا معروفه....لكن ما في واحد ولو من طراز وماركة ( حمادة بت) بغني بي فهم (عكس) أنحنا كان غلبتنا الحيلة ( وكثيرا ما بتغلبنا) عندنا دروب غير...بس بنات حواء حيرن إبليس وقالن القالنو....أنحنا لقينا الشغلانه مربوبه وزدناها موية....يعني الاسهم إرتفعت نقول خلوها التنزل؟...
الحكاية ما في أنحنا فرحانيين بالاغنية....الحكاية ناس الاغنية فرحانين بينا.
بعدين الاولى دي في الراس ....بس الدايرننا ديل (وبإصرار) وتصريح صريييييح لدرجة الاعلان في بيان رسمي ...ديل نسوي ليهم شنو؟.

اخي علاء

الدايرنكم ديل العمر كلو تقولو علي غناهم هابط!!!!!!!!

حسع عشان قالن راجل المرا بقى غناهم عاجبكم !!!!!

قاااااااادر الله في ملكه!!!!؟؟؟؟؟؟؟؟؟؟؟؟

imported_علاء الدين الدفينة

21-06-2009, 02:04 PM

اخي علاء

الدايرنكم ديل العمر كلو تقولو علي غناهم هابط!!!!!!!!

حسع عشان قالن راجل المرا بقى غناهم عاجبكم !!!!!

قاااااااادر الله في ملكه!!!!؟؟؟؟؟؟؟؟؟؟؟؟

تحياتي للمرافئ.....
الحكاية ما في البغنو الاغنية ديل خليناهم لي الله..ولا في عضم الاغنية..الحكاية في الايحاءآت الفي الاغنية...مما تحسها تحس بي نفخة ...نفخة دي بداية بس ...بالعربي بجينا تضخم (في الذات)...يعني بنعاين من تحت لي فوق لا بعجبنا العجب ولا الصيام في رجب...وأكان السمحات زعلننا بنرفع صوت المسجل...والشريط بالجنبتين ما فيهو غير الاغنية دي...وتاني ما بنجيب شريط غيرو...كلما نمشي السوق بنشتريو...يعني كل يوم بنطلع حق الشريط من المصاريف ...يعني زي مرقة ماجي من حيث الاهمية....وكدا.
بعدين أنا قاموسي ما فيو كلمة هابط دي ..كل حاجة عندي ليها تبرير...دايما بقول ( لا تعاتبوا من يسقط...إبحثوا عمن دفعه نحو الاسفل...لتحافظوا على من لا يزال متصفا بالثبات ...واقفا)...ودي ترجمتها (الشردن خلهن...أقرع الواقفات)...
بعدين يا مرافئ أقول ليك حاجة:
كنت عيان...مشيت الدكتور...كتب لي حقنة...الممرضة (البتدي الحقنة)مصرية...سألتني عن سوداني في المستوصف إسمه عوض وهو من المحبوبين لكل الاصطاف...هل عوض قريبك؟..قلت نعم (وهو لا قريبي ولا شي لكن_ خفت_ من طعنة الحقنة) ...قالت لي (ما بضربك الابره) يعني( ما بطعنك حقنة) فقارنت بينها وبين العندنا في البلد( تعال النطعنك) ..جيب حق الفطور...الخ...شوفي المقارنة (أضربك إبره) (أطعنك حقنة)...والللللللله لامن إنتهت ما قايل البت دي أدتني حقنة...وحاجات تانية.
السبب في الاتجاه نحو (أبعاد أخرى خارج دائرة المألوف) وجود ما يستحق لنرفع أعناقنا ميممين صوب آفاق أرحب...لدى الرجل السوداني حجة قوية للتفكير في تجديد التجارب...عن نفسي وبصرااااحة ....أنا خواف...يعني كمسنجي بنادي الركاب للركوب...وما بركب إلا في الدور الاخييييير

imported_طيبان

21-06-2009, 09:13 PM

أخليها في البيت وأمشي المكتب لو عطست أتخيل صوتا يقول لي رحمك الله هوووووي.

غايتو تجيبوا للواحد الخُلعة عديل كدة :D

شكرا يا أستاذ علاء الدين علي هذه التحليل والإستراحة الممتع/ة ..
تحياتي وإحترامي