ضيف على مائدة سودانيات ...! -16- الطيــب بشيـــر

[imported_نادر السماني]

الحبيب (أعنيها بعيدا عن الأطر السياسية ) بابكر

تعرف الموية، لا رائحة لها ولا طعم
وإتا ياكا ظاتها
أعجبني تأكيد المدح بما يشبه الذم هذا وأطربني وأطمح لبلوغ ذلك المقام وشاكر لك حسن الظن هذا مع الود المقيم .عجبتني يابا صراحتك المتناهية ودي ندر بتلقاها..[/quote]
دائما أطمح ما استطعت إلى ذلك سبيلا إلى الصراحة -رغم إزعاجها أحيانا - إلا أنها مريحة في كثير من الأحيان .

[quote]والذيك عنصر فريد وفي وجوده مثالي، بمعنى؟؟
ما مفروض تكون ولا شيوعي ولا جمهوري، لا أمة ولا إتحادي..
زول كدآ بس للناس..
من ذكرتهم أعلاه ألتقي معهم حينا وابتعد آخر لكني ما انتظمت في سلكهم الحزبي ، ولكني أحترمهم جميعا ، وربما فصلت في هذا الأمر لاحقا إن كانت له أهمية .

[imported_أبو أماني]

الحبيب أستاذ نادر ..
مازال الليل طفلا يحبو .. حدثناعن أيام الشباب والصبا والنزق .. حدثنا عن مرحلة الثانوي والجامعة قبيل دخولك القفص الذهبي .. وماتنسي أهم موضوع بلسانك الحلو ده .. قصة لقاءك إنت والحكومة بالتفصيل الغير ممل ... يلا تشاووو

العزيزة سلمي ..
نوهت لموضوع تنشيط إشتراكك لعل الإدارة تعيرنا إهتماما .. بس عشان ماتبقوا زي حبوباتنا زمان .. لما يجوا يقوموا الحج بيطلعوا جواز سفر واااااحد والمراة صحبة راكب في الجواز .. إتي وراجلك بتحبوا الضحك عشان كدي أضحككم بقصة حبوبتي الله يرحمها سفروها الحج بالطائرة بعد خراج روح أقنعوها تركب الطيارة .. وركبت وهي خائفة تترقط .. لما المضيفة عاوزة تجمع أوراق شهادة الحمى الصفراء وقفت قريب من حبوبتي وقالت بصوت يا جماعة عاوزين الشهادة .. فرفعت حبوبتي أصبع السبابة اليمين عاليا وقالت بصوتها المكسر داك .. أشهدو أن لا إله إلا الله .. وإن محمدا رسول الله والموت حق والحياة باطلة .. وكانت الرقبة تميل شمال ويمين زي مروحة الطربيزة أو أغنية ترباس ديك ...
سؤالي لك : لم تحدثيني عن نفسك كما فعل العزيز نادر .. ننتظر ... goood

[imported_أبو أماني]

الحكاية شنو يا حبان .. إيه قصة الطناش الشديد دي يا جماعة .. صرف النظر عن المساكين رحمة .. نادر السماني .. نظام تقل ولا شنو يعني ..؟؟ goood

[imported_نادر السماني]

لأول مرة أكون خارج السودان كان الشوق إلى الأهل والأصدقاء كبيرا بلا شك واكتساب صداقات جديدة كان مفرحا جدا وكانت امتحانات الفرع قد أجلت إلى أغسطس - بسبب انتفاضة يناير 82 المجيدة التي هزت النظام المايوي هزة واستنهضت الحركة الجماهيرية -
وعاد الفتى الحالم بعد أن فشل في تغيير اتجاه بعثة مصر إلى قراءة علم النفس وانغرس في الحياة الطلابية (لا أرتاح إلى كلمة الحركة الطالبية لذا ألح على استعمال الخطأ الشائع )بمدينة المنصورة وأصبح مهموما بتفاصيل ذلك المجتمع ومنحازا في الليل الأخير إلى الكتاب . وبعد أن فشل أيضا في مشروع التشرد في أوربا بسبب تلك الامتحانات!!!!
عاد ذلك الفتى ليفاجأ بأنه لا يملك مقرر الجامعة ولا يعرف ما هي المواد (إذ كان قد فارق الجامعة مع بداية العام الدراسي ولم يتعرف على زملائه وزميلاته )فلجأ إلى صديق من أصدقاء الحي والمرحلة الثانوية يدرس لغة عربية لعله يرشده إلى بعض دارسي الفلسفة في الجامعة ، فقاده إلى مجموعة تذاكر بصورة جماعية في ما يسمى حينها بالكازينو (ولا علاقة له بأدنى كازينو فهو ساحة خلفية في الجامعة بها مقاعد معظمها يحتاج إلى صيانة ) وكانت المجموعة لحظة حضورنا على وشك التوقف لاستراحة (بريييييييييك -كما تنطقها آمال حياها الله أينما ما وجدت )وقد بدأ عليهم وعليهن استغراب يصل حد الإنكار لهذا الولد (حينها )المنتعل (سفنجة ) ويضع طاقية صيادين على رأسه وعليه لحية مشعثة وبنطال جنز متسخ إلى حد ما وتي شرت بأكمام قصيرة ودون ياقة ويبتسم دون مبررويحاول بكل بساطة السؤال عن المقرر والكتب والامتحانات يوم السبت ونحن في منتصف نهار الأربعاء فبدا الأمر كوميديا ولكن كان لي رأي مختلف وهو ما هو أول امتحان فكان الجواب فلسفة يونانية فقلت وأين الكتاب فأعطتني إحداهن كتابا لأميرة حلمي مطر عن الفلسفة اليونانية على ألا أغادر الكازينو به فوافقت سعيدا وتركوني وذهبوا إلى استراحتهم وهم يتضاحكون ويتضاحكن فضحك قلبي لهذا الفرح -وهو في الحقيقة استهزاء بي وبحالي - وانكببت على أميرة لا ألوي على شيئ - واتضح لي لاحقا أنني كنت مضحكة شلة حقوقييين وحقوقية كانوا بقربي

[imported_أبو أماني]

مواصلين بكل حواسنا .. وكأني أستمع لصوت بلبل يغرد على فنن في حديقة غنأ .. واصل يا الحبيب .. وأأأأدي بركة ...goood

[imported_نادر السماني]

الموضوع دا شهر 8سنة 82 وكان يوم ماطر يعني شكشاكة وأذكر بعدها ذهبنا إلى معرض كتاب في نادي ناصر (حينما كان ثقافيا )وذهب معنا هذا الشاب ( مالي قلبت عربي ) وده زاد استغرابنا، هو إنت وكت ما قاري لزوم المعارض ليك شنو ؟؟!!!!!!!!!!!!!!!!!! .
اليوم التاني أفاجا بأنو شلة فلسفة بقى عندها أشتاذ شرِّيح وكان أبو سفنجة الذي فرض ذاته على الجامعة والشلة وفلسفة ومن ديك وعيييييييييييييييييييييييييييييييييييييييييييييييي يييييييييييييييييييييييييييك . سلمى

[imported_فتحي مسعد حنفي]

الموضوع دا شهر 8سنة 82 وكان يوم ماطر يعني شكشاكة وأذكر بعدها ذهبنا إلى معرض كتاب في نادي ناصر (حينما كان ثقافيا )وذهب معنا هذا الشاب ( مالي قلبت عربي ) وده زاد استغرابنا، هو إنت وكت ما قاري لزوم المعارض ليك شنو ؟؟!!!!!!!!!!!!!!!!!! .
اليوم التاني أفاجا بأنو شلة فلسفة بقى عندها أشتاذ شرِّيح وكان أبو سفنجة الذي فرض ذاته على الجامعة والشلة وفلسفة ومن ديك وعيييييييييييييييييييييييييييييييييييييييييييييييي يييييييييييييييييييييييييييك . سلمى

هو يعني دايرين تقولو انو السفنجات كانت حاجة غريبة في كلية الفلسفة:confused:
تكون غريبة كيف وكمال شداد المحاضر كان بيجي الجامعة ويخش يحاضر لابس سفنجة ولامن كان عايز يحترم نقسو كان بيلبس شقيانة..

[imported_أبو أماني]

هو يعني دايرين تقولو انو السفنجات كانت حاجة غريبة في كلية الفلسفة:confused:
تكون غريبة كيف وكمال شداد المحاضر كان بيجي الجامعة ويخش يحاضر لابس سفنجة ولامن كان عايز يحترم نقسو كان بيلبس شقيانة..

أمممممممك !!! أها صاحبي طلع دفعة كمال شداد .. وأنا في مجال الصحافة الرياضية بعرف أنو شداد دخل في العام 88 من عمره قبل شهرين تلاتة .. سجل يا نادر .. وواصل ..!! goood goood goood goood goood

[imported_أبو أماني]

أدرك كل الظروف المحيطة .. وأقدرها حق قدرها .. وأعلم إن إتصالات كنار .. قد أوصلت روح صديقي نادر الحلقوم .. غير أن العزاء كل العزاء في شفافيتكم المفرطة .. فهلا تكرمتما علينا بطلة حلوة (ثنائية) من طلاتكما البهية؟! .. إليكم عوامل مساعدة ..
- لكل زوجين سعيدين مثلكما .. قصة تلاقي ومجاهدة في سبيل الوصول للمراد وصرتما بحمد اللله الآن أسرة سعيدة يشار إليها بالبنان وتعتبر أنموذج للزيجات التي يخشى عليها من العين.. فهلا تكرمتما بتسليط بعض الضوء على هذا النموذج ؟.
- نادر .. تمر بكل إنسان لحظات حميمة وسعيدة كلما طافت بذاكرته .. تومض بسمة على الشفاه من عالم اللاشعور .. فهل تدعونا لنعيش معك ذكرى مثل هذه اللحظات ؟..
- السؤال الأخير (إجباري) وخاص بالمدام .. أستاذة سلمى لو أجبروك للذهاب للقمر والعيش باقي عمرك هناك .. وأجبروك على إختيار شخص واحد فقط .. فمن تختارين؟goood

[imported_نادر السماني]

مرحبتين حبيبنا فتحي ، وعذرا على التأخير

هو يعني دايرين تقولو انو السفنجات كانت حاجة غريبة في كلية الفلسفة
أبدا ما دايرين نقول بس هو ده الحصل ليس إلا ،
تكون غريبة كيف وكمال شداد المحاضر كان بيجي الجامعة ويخش يحاضر لابس سفنجة ولامن كان عايز يحترم نقسو كان بيلبس شقيانة..
ياخ كمال شداد دا كان في الخرطوم وأنحنا بنتكلم عن الفرع ( أقول نكتة 46 ولا عارفه ولا تكون انت المألفه )

[imported_نادر السماني]

يا أبا أماني لك التحيات تترى ( وقيل تترتر يمكنك الاستعانة بهيفاء )
لقد حاولت أن أرد عليك بما عنَّ لي وبعد مجهود جبار في معافرة الكي بورد وأنا لست من معافريه طقشت شيئا لا أدري ما هو فضيع عليَّ ما كتبت وليس بمقدوري اليوم المعافر فاسمح عليك سلام الله يا زين .

[imported_أبو أماني]

يا أبا أماني لك التحيات تترى ( وقيل تترتر يمكنك الاستعانة بهيفاء )
لقد حاولت أن أرد عليك بما عنَّ لي وبعد مجهود جبار في معافرة الكي بورد وأنا لست من معافريه طقشت شيئا لا أدري ما هو فضيع عليَّ ما كتبت وليس بمقدوري اليوم المعافر فاسمح عليك سلام الله يا زين .

هااازول ولا يهمك .. حرم راجينك ولو لي الحول .. بس ما تعوق علينا .. والمدام كمان goood

[imported_أبو أماني]

بدأ هذا البوست نشطا ومتحركا بصورة ملفتة .. ولكن في الآونة الأخيرة صاروا يطنشونه فيا يكون بقى دقة قديمة .. يا العيب فيني أنا .. وحاشا ان يكون الحق على الضيوف .. توقعت أن يشعلل نادر هذا البوست نارا .. بدخلاته التي تثير حراكا في أعتى البرك .. ولكن ؟؟ قالوا الغائب عذره معاه .. وأنا معاي الله .. نادر حبيبي لو كابي الزوغة على الأقل رشح لي الضيف القادم .. وعاذرك يا حبيبي مهما قسيت على ...goood

[imported_أبو أماني]

؟ ؟ ؟ ؟ ؟ ؟
goood goood goood

[imported_نادر السماني]

ااستاذ (ابو اماني)........
سلامي لك والجميع

تسلم يا اخوي انت والبوست والضيوف .....

ككم فوق رؤوسنا

من ناحيتي انا مقصرة مقصرة وده كلو لاني شغالة بي نص مكنة والصداع النصفي

يمنعني التركيز على الفكرة والكتابة وكان نادر السماني بيغطي لي لانو كانن بيكتب و الايام

دي مشغول شوية لانها الدنيا اخر سنة دراسية .

لك ا لعتبى حتى ترضى.
وبعدين ياخي شنو حكاية التهديد دي قبلها ما( اتجعلنت ) وقلت بترجانا للحول ؟


طول بالك لانو نحن ما بنكب الزوغة ولو فرض وكبيناها بنرشحك انت الضيف القادم

( خلي عامل لينا سيد البيت ) . وطباخ السم بيضوقة .

سلمى

[imported_أبو أماني]

ااستاذ (ابو اماني)........
سلامي لك والجميع

تسلم يا اخوي انت والبوست والضيوف .....

ككم فوق رؤوسنا

من ناحيتي انا مقصرة مقصرة وده كلو لاني شغالة بي نص مكنة والصداع النصفي

يمنعني التركيز على الفكرة والكتابة وكان نادر السماني بيغطي لي لانو كانن بيكتب و الايام

دي مشغول شوية لانها الدنيا اخر سنة دراسية .

لك ا لعتبى حتى ترضى.
وبعدين ياخي شنو حكاية التهديد دي قبلها ما( اتجعلنت ) وقلت بترجانا للحول ؟


طول بالك لانو نحن ما بنكب الزوغة ولو فرض وكبيناها بنرشحك انت الضيف القادم

( خلي عامل لينا سيد البيت ) . وطباخ السم بيضوقة .

سلمى

مبسوط أنا لاني مشيت مخططي وعارف خاطري عندكم غالي فقمت عملت فيها زعلان .. والحمد لي ما خذلتوني .. كده عرفت سبب التأخير وصافية لبن يا (ملكة الخلية) .. عليك الله صاحبي ده لما أشبهو هو وأسرته بالعسل ما بكون قصرت في حقكم ؟.. عموما آدي الله وآدي حكمتو .. ننتظر على أحر من الجمر .. طلتكم البهية .. بس ما تطول وبطلي حركات الشوايقة دي !! يعني كشكرت ليكم وقلت برجاكم للحول تمسكوا فوقها طب !.. الواحد ما يكشكر تاني ولا شنو؟؟ الله يعينك ويعين صديقي الأثير ندورة (أب راسا متل الكورة) يلا تشششااااوووgoood

[imported_نادر السماني]

تحيات للك

ابتداءا بالاستاذ فتحي المتحفظ ا حيانا من الوقوع في شر البلية من الطربقةوالفهم الذي قد يكون مغلوطا من ناحيتي..(في الحقيقة هي مش قد ) لانو يبدو لي انه متأكد من احساسو وشكلو كدة انو رافع شعار (العترة بتصلح المشية)..والمشية دي ما دايرين نعرفا بس لازم نعرف العترة . .سلامي لالاء .
[color=#808080]الاستاذ رأفت ميلاد شكرا لك على النصائح الغالية .
استاذنا النور شكرا للمشاركة والطيب عبد الرحمن مختار رقم نعتز به ..فنعم من عرفت . شكرا لك .
العزيزة نبراس شكرا لدعواتك الجميلة ...تحياتي لك

وللوالد فردتك .

العزيز ياسر موسى دايما ضاحك ومحب للاخرين .تحياتي لك .
ياسر موسى بتخيلك دايما ضاحك سلامي لناس البيت .
شكرا .

الاستاذ ابو اماني لك الاماني الحلوة ...سلامي لأماني وام اماني واخوان اماني.

سمعتك بتقول في سرك (ناس ما بتمشي الا بالضرب والتهديد).
سلمى

[imported_جانيت]

الجميل نادر اعفوا لي







الوسيم الشكس بتاعي ابو اماني


جيتي البوست ده جات متاخرة عمى مني ما اكتر

جاااااااااااااياكم الصباح بمزاج افلفله ليكم حته حته


ويا نادر استحمل اسالتي


بتجي براها كده من غي فرامل


هسي ما عندي مزاج او بالاصح اتعكرررررررررررررر

[imported_نادر السماني]

أهلين جانيت
ويا نادر استحمل اسالتي


بتجي براها كده من غي فرامل


هسي ما عندي مزاج او بالاصح اتعكرررررررررررررر

على الرأس أنت وأسئلتك متى ما تأتِ وكيفما تكن

[imported_نادر السماني]

يا أبا أماني لك من الود أجزله ولضيوفك
لكل زوجين سعيدين مثلكما .. قصة تلاقي ومجاهدة في سبيل الوصول للمراد وصرتما بحمد اللله الآن أسرة سعيدة يشار إليها بالبنان وتعتبر أنموذج للزيجات التي يخشى عليها من العين.. فهلا تكرمتما بتسليط بعض الضوء على هذا النموذج ؟.
الأمر في اعتقادي بسيط جدا إذ إني أحببت سلمى ويبدو أنها فعلت بهدوء شديد فقد التقينا في أغسطس 82 في حوارات عن الأدب واستمرت هذه العلاقة في شكلها هذا تتعمق بشكل تدريجي آخذة من حياة الفراعة بساطتها ونبلها في جو عام حميم وإنساني وبدأت تأخذ ملامحها في 84 وفي مثل هذا الشهر في حديقة الحيوانات التي كانت مكان فراعي للمذاكرة حدث البوح ومن لحظتها والقلب يزداد ارتباطا بهذه الروح اللطيفة التي سكنتني وانغمست فيها وما استطعت ولا استطاعت النوم ونحن على خصام ، لاندعي اتفاقا كاملا فهذا ليس من طبيعة البشر لكنا نحافظ على الدوام على احترام كبير منه نستمد القدرة على احتمال الاختلاف ، ولربما لرومانسية المراهقة المستمرة استطعنا التماسك في ظل هذه الظروف .

[imported_نادر السماني]

يحب الاجواء النقية وغير المتوترة .

يبحث دائما عن الجوهر في تعامله مع الانسان .

لا يكذب ابدا مهما كان الداعي .

كلمة ( لو سمحت ) تسبق اي طلب من اي شخص حنى اولاده وانا .

لا يبادر بالكلام الجارح .

يضع مائة عذر للذي اخطأ في حقه .

دائما يستهويه الجديد والمتطور .

يمدح ما يراه لذيذ ا من الطعام ولا يعيب ما يراه عكس ذلك .

يكره الادوية وبالذات الحقن .

كريم لدرجة (حاتم) .

يحب عمله .(بشراهة).

منضبط تماما في مواعيده . عفوا لركاكة اللغة .


سلمى

[imported_عادل عسوم]

يحب الاجواء النقية وغير المتوترة .

يبحث دائما عن الجوهر في تعامله مع الانسان .

لا يكذب ابدا مهما كان الداعي .

كلمة ( لو سمحت ) تسبق اي طلب من اي شخص حنى اولاده وانا .

لا يبادر بالكلام الجارح .

يضع مائة عذر للذي اخطأ في حقه .

دائما يستهويه الجديد والمتطور .

يمدح ما يراه لذيذ ا من الطعام ولا يعيب ما يراه عكس ذلك .

يكره الادوية وبالذات الحقن .

كريم لدرجة (حاتم) .

يحب عمله .(بشراهة).

منضبط تماما في مواعيده . عفوا لركاكة اللغة .


سلمى
الفُضلى سلمى
لأن وافقت سلمى (تلك) زهيرا (ذاك)...
فقد وافقت (تماما) نادرنا ;)
لقد تلمسنا الكثير من توصيفك فيه حقا...
التحية له من جميل
ولك من نصيفة و...أميرة
...
نادر...
أين تجد نفسك:
في سوح النثر أم في فضاءات الشِعر؟
مودتي لكما

[imported_فتحي مسعد حنفي]

يا أبا أماني لك من الود أجزله ولضيوفك

الأمر في اعتقادي بسيط جدا إذ إني أحببت سلمى ويبدو أنها فعلت بهدوء شديد فقد التقينا في أغسطس 82 في حوارات عن الأدب واستمرت هذه العلاقة في شكلها هذا تتعمق بشكل تدريجي آخذة من حياة الفراعة بساطتها ونبلها في جو عام حميم وإنساني وبدأت تأخذ ملامحها في 84 وفي مثل هذا الشهر في حديقة الحيوانات التي كانت مكان فراعي للمذاكرة حدث البوح ومن لحظتها والقلب يزداد ارتباطا بهذه الروح اللطيفة التي سكنتني وانغمست فيها وما استطعت ولا استطاعت النوم ونحن على خصام ، لاندعي اتفاقا كاملا فهذا ليس من طبيعة البشر لكنا نحافظ على الدوام على احترام كبير منه نستمد القدرة على احتمال الاختلاف ، ولربما لرومانسية المراهقة المستمرة استطعنا التماسك في ظل هذه الظروف .

خلي زول تاني يجي يقول فتحي عجوز وجدو وكلام فارغ كتير ما داير..يللا بلا عترة بلا وقعة..ناس بجكسو من قبل 28 سنة وأكيد كان عمرم فوق العشرين...يللا أحسبوها براكم وأتاريهم شغالين زوغان من الأسئلة ..مرة كمبيوتر بايظ ومرة امتحانات شغالة وما عارف تاني شنو..أمال أبو أماني الما عندو كمبيوتر يسوي شنو خصوصا بعد ما أم أماني نقصت المصروف البتديهو ليهو وبقي الألف بتاعة ساعة النت كافيه في مشكلة.دا غير المشاكل التانية الما حتتحل الا أجيكم عديل بالدرب..شوايقة يارسول اللهgooodgoood

[imported_نادر السماني]

عادل يا لطيف لك التقدير والاحترام ومن قبل ذلك المودة والسلام :
نادر...
أين تجد نفسك:
في سوح النثر أم في فضاءات الشِعر؟
في الطفولة الباكرة وجدت نفسي مشغولا بالكتاب ربما لعدم القدرة على مجاراة الأولاد في لعب الكرة وألعاب العنف عموما ولميل طبيعي للسلم (لا يخلو من جبن ) كان انشغالي بالكتاب لهذا لا أفرق بين النثر والشعر في القراءة ولكن قد أفرق في زمان القراءة ففي أيام اكون مشغولا بالشعر وربما شاعر معين أو نوع من الشعر وفي أخرى الرواية أو القصة القصيرة وتشدني جدا القراءة في النقد الأدبي أو الفكري أو الديني وعموما ما يميز قراءتي هو عدم الانضباط فما يقع في يدي غالبا ما أقرأه وهو بدوره يقودني إلى تجاه جديد ربما ومع الأسف الشديد هذه الهواية بدأت في التناقص بمتتاليه هندسية لضعف النظر ليلا أصبح الكتاب الورقي يتراجع إلى درجة العدم في السنة الأخيرة إلا نهارا وقد فاجأني النهار بقصره .

[imported_نادر السماني]

عزيزنا فتحي لك التجلة والاحترام وكن قبل ذلك السلام :
خلي زول تاني يجي يقول فتحي عجوز وجدو وكلام فارغ كتير
الزول منو ؟؟؟؟!!!! حدد أبن أفصح يا زين الشباب كيتا على الشمات وهم كثر .
(عجوز ) في القرآن وردت وصفا لامرأة إبراهيم الخليل تخاطب الملكين اللذين حملا لها ولزوجها البشرى بالإنجاب (عجوز عقيم ) وعندما وصفت زوجها (بعلي شيخ )وبهذا خرجت من وصف عجوز وعن الشياخة فهي مرتبة عند الخليجييين وأنت أدرى .
أمال أبو أماني الما عندو كمبيوتر يسوي شنو خصوصا بعد ما أم أماني نقصت المصروف البتديهو ليهو وبقي الألف بتاعة ساعة النت كافيه في مشكلة.
يعمل نا ئم كما هو الآن !!!

[معتصم الطاهر]

طلب صغير لو أمكن ..

ممكن السيرة الذاتية الأدبية ..

[imported_نادر السماني]

اهلا بك استاذ عسوم .حبابك عشرة .

شكرا لرؤيتك الجميلة ...

.اعرفك قبل هذا المنتدى في منتدى التوثيق .[/color][/size]

[imported_نادر السماني]

اهلا بك استاذ عسوم .حبابك عشرة .

شكرا لرؤيتك الجميلة ...

.اعرفك قبل هذا المنتدى في منتدى التوثيق
سلمى

[imported_نادر السماني]

حبابك معتصم
طلب صغير لو أمكن ..

ممكن السيرة الذاتية الأدبية ..
طلباتك أوامر يا ملك .
بداية أنا (والعياذ بالله ) متحفظ على مسألة السيرة الأدبية هذه، ولا أصنف نفسي أديبا ،لكني على الدوام مهتم بالأدب ، عاشق لأجناسه المختلفة . وكثيرا ما أبدي رأيا أو ملاحظة أو إعجابا بنص أدبي ولحسن ظن بعض الناس فيَّ يظنون ذلك نقدا . ويندر أن أكتب ما أقول .ولكن
في المرحلة الابتدائية وربما لعدم إجادتي ألعاب أندادي فلا أجد إلا أن أحدثهم عمَّا أقرأ في الغالب القصص أقوم بحكايتها لهم فأصبح ذلك مطلوبا إلى حد ما . مما حدا بي في المرحلة المتوسطة أن أساهم في تأسيس جمعية الموسيقى والمسرح في الثورة الحارة الرابعة ( رحلت إليها 74م ) وكنا نصدر جريدة نضعها في الميدان ولكن ذلك قوبل باستهجان من البعض المتفذ في الحي . والغريب أن حوربنا من بعض( الإخوان المسلمين ) واتهمنا بالشيوعية وكانت فرصة لي التعرف على الشيوعيين وقراءة شيئا من كتبهم وأدبهم فجعلني ذلك اهتم بالقراءة وأخجل مما كنت أكتب .
وهنا أذكر بالخير صبري والطاهر وعبد الرحمن نجدي والمنصوري وبدر الدين عجاج فقد ساعدونا في مشروعنا ذاك ، ولكن البعد الأدبي والفني خفت لدرجة العدم فانشغلت بالحوار ، بل قل الصراع مع متهمينا وبما إني كنت ضعيفا في أي صراع جسدي؛ فقد اهتممت بقراءة ما استطعت الحصول عليه من كتب الشيوعية والأخوان المسلمين والجمهوريين وقد بدا في أول 77م ظهور الأخوان في العمل وسط جيلنا ، فكنت لهم خصما حتى أن أميرهم في الحارة زعم أن من سلَّم عليَّ بطل وضؤوه ولست بعابئ ، ولكني منحاز لفكرة الاشتراكية ومنحاز لرؤية محمود في قضايا المرأة ومساواتها بالرجل وبساطة الحياة الاجتماعية للجمهوريين والجمهوريات وقد كانوا كثر في ثورتنا ، ولتقيت في تلك الأيام محمودا فأسرني ببساطته ولطف حديثه وكنت مع صديق لي اسمه ياسر ( أسرته جمهورية كلها ) كثيري التردد على بيت محمود في الأولى، ولم يقف أمامي في تلك الأيام والانخراط معهم إلا مسألة الصلاة . ومن جانب آخر يشدني نيكتين الذي لم أفهمه جيدا في أسس الآقتصاد السياسي ويبهرني ماو في زحف الثورة من الريف إلى المدينة ولين بياو ( يبدو أني صادقت الصينين والسوفيت من شيوعيي الثورة في ذلك الوقت ) وقرأت وصايا البنا ولم أحبها وملخص لجاهلية القرن العشرين وكرهت تزمته ،كذلك كانت النماذج البشرية من الإخوان ليست من النوع المحبوب عندي بعكس الجمهوريين والشيوعيين فكنت أجد متعة في مصادقتهم .
معتصم أنا في غاية الأسف فكما ترى فإني سرحت وليست هذه بسيرة أدبية ولا يحزنون . وصعُب عليَّ مسحها والعودة إلى ما تطلبه إن وجد فاصفح بعين الرضا واسمح بالعودة غدا إن مُدَّ لي في الأيام .

[imported_أبو أماني]

عزيزنا فتحي لك التجلة والاحترام وكن قبل ذلك السلام :
فتحي ده يا ندورة .. رمانة منتدانا .. وتفاحة آدم القرضها ولحقنا أمات طه .. نزلنا أسفل سافلين هسع لو أبونا آدم خلى الطفاسة حقتو دي ما كنا نبرطع في الجنة لي يوم الليلة .. عشان كده أي كلام يقولوا على العين والرأس ولو إنو السمسمية عاملة عمايلة معاه مخلاياهو شغال شليخ سااااااكت!..تصدق لي يوم الليلة (جواهر الأدب ماجابو لي) وأنا الأول مرة في حياتي أعرف حاجة إسمها (ويكاب) فتشت ليها سلقط ملقط ورسلت ليو قنطار بدل يشكرني قام قال لي دي ويكة سااااك .. وأنا وحاة خوتو الماببدلها بغرزة سمسمية التانية ظاااطها أول مرة أسمع بيهاgoood
الزول منو ؟؟؟؟!!!! حدد أبن أفصح يا زين الشباب كيتا على الشمات وهم كثر .
(عجوز ) في القرآن وردت وصفا لامرأة إبراهيم الخليل تخاطب الملكين اللذين حملا لها ولزوجها البشرى بالإنجاب (عجوز عقيم ) وعندما وصفت زوجها (بعلي شيخ )وبهذا خرجت من وصف عجوز وعن الشياخة فهي مرتبة عند الخليجييين وأنت أدرى .
غايتو كلمة (عجوز) كان بتزعلوا ولا تعمل ليو تضخم في الأبوريا أنا بقولها ليو يا أخي بعضمة لسانو قال شاف شداد في جامعة الخرتوم بالسفنجة .. يعني يكون سنة كم؟ وكان عمره كم؟ لا بلااااي هو قايلنا هنود زيييييو ؟؟؟goood
أمال أبو أماني الما عندو كمبيوتر يسوي شنو خصوصا بعد ما أم أماني نقصت المصروف البتديهو ليهو وبقي الألف بتاعة ساعة النت كافيه في مشكلة.
يعمل نا ئم كما هو الآن !!!
هوووي يانادر وحاة جلابيتي الماعندي غيرها وبعزها أكتر منو..فتحي كضااااب يسرق الضحى الأعلى ..الرجال البيشلو المصاريف من نسوانهم ويسلموهم الماهية على دائرة الملين معروف لونهم شنو؟.. وكان للكومبيوتر وحاتك ياغالي .. موجود في البيت ومعاه تلات لابتوبات .. بس شلولخ ما شافهم .. أصلو خائفين من العين !.. قال أم أماني بتديو المصاريف يعني بقت على قصة (رمتني بدائها وإنسلت) دي صحوبية شنو البتوور النفس دي) goood وكان لازم لمعزتي ليو أكملهم خمسة .. بس ماحقت مازيمبي .. gooodgoood يلا واصل يا أجمل غيثار شرف البوستر .. تشششااااووو

[imported_فتحي مسعد حنفي]

انت يابو أماني قايل الناس عورا ولا شنو..أول حاجة نادر وسلمي ديل أنا عرفتهم وقابلتهم قبل ما أشوف وشك الشين دا وبعدين انت ما قلت هاشم جاب ليك الكتاب تاني داير شنو..أوعي تكون بتاجر فيهم..أما اللاب توبات دي زوية رهيبة ..انت نسيت كلامك لامن ود الزين نسي لاب توبو عندكم انت ما قلت أماني افتكرتو قولة خير..عليك الله شوف ليك طريقة عالج الزهايمر دا عشان ما تصل مرحلة الما بيعرف يرجع بيتو وبعد داك الا يربطوهو في السرير...سوري العنقريب..gooodgoood:p

[imported_نادر السماني]

فتحي تحياتي
أبا أماني لو طلبت جواهر الأدب لسلفتك إليه حتى تشبع منه وما زال العرض قائما .

[imported_فتحي مسعد حنفي]

فتحي تحياتي
أبا أماني لو طلبت جواهر الأدب لسلفتك إليه حتى تشبع منه وما زال العرض قائما .


رجل والرجال قليل..ياخ ود الزين فهمني الفلم..الزول دا متفق مع مديرو في الشغل انو لو جاب ليهو الكتاب دا حيديهو علاوة.يعني لا قراية ولا يحزنون وهو لو داير يقرا الكتاب موجود في النت وبعدين الزول دا ولله قال هاشم جابو ليهو..أظنو متفق مع زول تاني غير المدير ..goood

[imported_أبو أماني]

رجل والرجال قليل..ياخ ود الزين فهمني الفلم..الزول دا متفق مع مديرو في الشغل انو لو جاب ليهو الكتاب دا حيديهو علاوة.يعني لا قراية ولا يحزنون وهو لو داير يقرا الكتاب موجود في النت وبعدين الزول دا ولله قال هاشم جابو ليهو..أظنو متفق مع زول تاني غير المدير ..goood

أولا هاشم طه طلع (كالعادة)أضكر منك .. صحيح دقيت سدرك وقلت ليو أنا برسلوا ليو ..لكين الراجل الله يطول عمره ماهان عليو يجيني ساي والكتاب لقاو .. رغم ظروفه الإنت أدرى بها مني آنذاك ووزنو الزائد .. بعدين قوقل وحاتك يا غالي عمري ما رجعت ليو عيلا في الشديد القوي (الله يطراك بالخير يا كانديك) وقرأة الكتاب صفحة صفحة متعة لا تعوض رغم كل التقنيات الحديثة .. ولا رائك شنو يا أبو العريييييف؟ أما نجرتك لقصة مديري والله ممكن تصدق لسبب بسييييط..إنو زميلي مصري..goood نادر يا أخ إنت ومرتك الضكرانة دي ماتلحقوني تحلوني من صاحبي ده .. بعدين ما تنسى القفلة وإختيار الضيف القادم حسب ذوقك الرفيع .. وصدقني لو مرتك حرشتك (عارفك بتسمع كلامها) تعلني أنا زي ما قالت قبل ده صدقني .. مابقبل .. أنا لسع عندي قبيلة كاملة عاوز أعزمها .. يلا ننتظر goood

[imported_نادر السماني]

مواصلة لسؤال معتصم حول السيرة الأدبية -إن وجدت -
في مرحلة الثانوي كنت واحدا من محرري جريدة الحارة وهي جريدة تكتب باليد على ورق الفلسكاب وتوزع في الحارة (11) وبقية الحارات الغربية من الثورات ومن المحررين أذكر عمر إدريس -أسامة عباس -عبد الوهاب ود شيخ الحارة -خالد -عماد وغيرهم وكنا نستغل منزل الشاعر الأنسان محجوب شريف الذي غالبا ما يكون معتقلا وتذهب زوجته إلى بيت أهلها فيخلو لنا المنزل وهو جزء من بيت عمر إدريس .
في الجامعة الفرع كنت وسلمى جزء من جمعية التراث والثقافة العربية وفيما أذكر قدمت عددا من الدراسات الأدبية حاليا غير موجودة عن الطيب صالح وآخر ما أذكره عنها حيازة محمد عبد الخالق لها ولا أذكر إعادتها إن أعادها كما قدمت حينها دراسة عن شعر محمد عبد القادر وهو أحد شعراء الجامعة المميزين حينها كما كنت مشاركا بالحضور والحوارات الأدبية في المنتدى الأدبي وسلمى للجامعة وهي فترة خصبة في حياتنا .
قاد ذلك الحراك الثقافي في منتصف الثمانينات إلى تكوين جمعية ثقافية من الجمعيات والكيانات الثقافية المختلفة عرفت باسم (تجاوز للثقافة والإبداع ) التي استمرت حتى الانتفاضة ثم منها كانت بدايات تكوين اتحاد الكتاب ولكني في تلك الفترة أخذتني السياسة بهما اليومي الثقيل ( والتافه ) بلغة صديقي حسين كمبيوتر .
في المنصورة كنت مهموما بالعمل السياسي في إطار الحركة الطلابية وعموما أنا كائن شفاهي جدا والكتابة ترهقني جدا .
بعد الانتفاضة أسسنا ندوة نهارية أسبوعية في دار المعلمين قدمت فيها فعاليات ثقافية متنوعة كنت مشاركا رئيسا في كثير منها -مشافهة في الغالب - وتندر الكتابة لكني أذكر كتبت دراسة عن الحكاية الشعبية لاقت قبولا كبيرا لكنها لم تنشر وضاعت كالعادة .
مؤخرا أصبحت مشاركا في الفعاليات الثقافية وفي الغالب تكون المشاركة غير مكتوبة أو كتبت في شكل نقاط أو تكتب ولم توثق كالعادة .
ذكرتني سلمى بعد زيارة درويش للسودان في 2006 م التقينا مجموعة من الأصدقاء وأعدنا فكرة منتدى يكون دوريا في بيت واح أو اثنين من الأصدقاء وتوقف ذلك من حوالي العام تقريبا .
نر جو ألا نكون قد أثقلنا عليكم وعليكن .
وأطلقوا سراحنا مشكورين ومقدرين

[imported_نادر السماني]

أها يا أبو أماني نقول ليك مع السلامة وفتناكم بي غافية وعامرين إن شاء الله . خلاص يا نادر رشح ليهو زول سلمى

[imported_شامة ميرغني عبد الكريم]

نادر السماني أيها الرائع
شدتني مساجلاتكم البديعة ورجعت لمنتدى السرد والنقد واستبد بي الشوق لزينب بليل والاخوات وكوكبة النقادالرائعين انها أيام اشم عطرها وأحس نداها الربيعي في جدب ايامنا في هذه الغربة .....قريبا باذن الله سأكون معكم في اجازة قصيرة ويا رب ألقاكم كلكم بخير ومنتدياتكم مدورة

[imported_نادر السماني]

أستاذة شامة بيننا يا بختنا لقد سعدت جدا بهذا الاكتشاف وأحب أن أشير إل أن شامة صاحبة الحائزة التقديرية لمسابقة الطيب صالح للرواية السودانية في نسختها الأخيرة وهي إضافة حقيقية للمنتدى وأتمنى أن أشاهد لها مشاركات في المنتدى .
بخصوص زينب بليل تلك المرأة النخلة في الخاطر الكتابة عنها قريبا إن شاء الله ويدك معي لعلنا ننجز ذلك .
تحياتي لأسرتك .

[imported_نادر السماني]

ويبدو أن قد وصلنا الختام فللجميع خالص التقدير والاحترام
أرشح المرأة الخيَّرة وصاحبة الصوت القوي والصريح والرأي السديد
سارة

[imported_أبو أماني]

ويبدو أن قد وصلنا الختام فللجميع خالص التقدير والاحترام
أرشح المرأة الخيَّرة وصاحبة الصوت القوي والصريح والرأي السديد
سارة

سامن الندراني.. هي بسم الله .. العزيز نادرالسماني
والسيدة الأديبة الفضلى ..حرمه المصون سلمي ..
حقا أبهجتونا وحقيقي عشنا معكما لحظات هي بالعمر تقدّ ر .. كانت لحظة وداعكما عسيرة خفف من عسرها .. أختياركما لضيفنا القادم أما إختيار مبهج بشكل!سارة؟ سرورة؟ العــرورة؟ أمينة الدكتورة؟ شخشياً؟ ديشششششاااااك دي عملتها كيف يانادر؟ والله فعلا متلقي حجج إت ومرتك!أمري.. لله ..تصور اليومين ديل كاطعاهو معاي ناشف سبه بلا سبب.. لاكين صابر عليها عارف غنماية النرويج الزرقاء دي مابتنقدر.. أنا بتوكل على الحي الدائم وبعزمها عليك الله يا سلمى .. إتوسطي لي عندها وكان فشلتي أرفعي يديك للسماء عارفك بت شيوخ وإيدك لاااااحقة!عرفت كيف؟ تسعليني أنا؟ أسعلي نادر الأمورة القاعد جمبك ده! سادتي الحضور دقائق وندعو لمنصة الشهادة .. هي بسم الله لمائدة سودانيات..العزيزة الرائعة سارة..أبقوا معنا.
حاشية :-
أبهجني كثيرا إعلان إسم الضيف القادم .. وأبهجني قبله إطلالة شامة على خد الأدب السوداني أضاءت صفحة من صفحات هذا البوست .. فكان شرفا لي وأهلا بكي يا أديبتنا الرائعة شامة ميرغني عبد الكريم .. وبالله عليك لا تكثري الغياب (يا ديمة العطاء الحبلى بالروائع) فأديم سودانيات متعطش لحروفك المترعات بأجمل المعاني ..ويعز على أن أقولها .. فمكرها .. تشششاااووو إلى حين goood

[imported_أبو أماني]

أعلن ضيف سودانيات هذه المرة الشخصية الرائعة بكل المقاييس بل الدرة المكنونة والجوهرة الفريدة بسودانيات الزميلة سارة .. أعلم مكانة الضيف في قلوب الجميع ولذا أتوقع لقاء ساخنا وأعلم أيضا مدى مشغوليات الضيفة العزيزة .. ولكني أتصور أن تمنحنا أكبر مساحة ممكنة .. إستقبللوا معى أيها الأحباء .. بالورود والرياحين والقلوب المفتوحة على مصراعيها ..
ســــــارة .. ( الض.. ض.. ض ..)
(من القدوم أبت تطلع!) خليتها ملعون أبو التمتمة ..gooodgooodgoood

[imported_جانيت]

ابو اماني يا عثللي انت
سرورة العرورة حتتحدث
ايه ده يا اولاد
اها انا دايرة اعرف فتافيت حياتها
ورحلتها النصها انجليزي ونصها ابر

[imported_أبو أماني]

ابو اماني يا عثللي انت
سرورة العرورة حتتحدث
ايه ده يا اولاد
اها انا دايرة اعرف فتافيت حياتها
ورحلتها النصها انجليزي ونصها ابر

تحية للدكتورة الرائعة أبدا .. يسعدني أن أنتظر بجانبك إطلالة القمر البهيج .. بس ما عارف .. سارة مالها ضاربة الطناش .. يا ربي تكون حسبة البع.. عـ.. ع...عر فرقت معاها ..ولا شنو؟ عموما بعد طناشها المابغبى زول ده إتوكلت على الحي الدائم ودخلت على الإمبراطور في برجو العاجي (الخاص) وناشدتها .. بعد كان طنشت .. لوموني أنا ... gooodيلا تشششاااووو

[imported_سارة]

:eek::eek:

اولا يطرشنى ويعمى جيرانى

ثانيا:mad::mad: السؤال لغير الله مذلة وانتوا ما بتوقع بترضوا بالمذلة

ثالثا ودا الاهم ليه كدا يعنى:(


رابعا وقبل كل شىء آمنت بالله رب العزة

[imported_سارة]

ويبدو أن قد وصلنا الختام فللجميع خالص التقدير والاحترام
أرشح المرأة الخيَّرة وصاحبة الصوت القوي والصريح والرأي السديد
سارة

اخى الجميل نادر وحرمه المصون سلمى

تحية وتقدير لكم ولضيوفكم ولصاحب هذا البيت الرائع

اولا بعتذر لكم وللجميع لانشغالى بامور الدنيا وبعض الكوماج هنا وهناك:(

شكر لحسن ظنكم

وكل انحناءة دون المقام

[imported_سارة]

بسم الله الرحمن الرحيم

الاسم : أمينة ابراهيم عيسى محمد( والشهرة سارة الضارة)
الميلاد : الخرطوم بحرى الاملاك 17-12-1964
الدراسة- مدرسة الربع الاول الابتدائية الابيض حى الشيويحات- جميلة المتوسطة والكاملين
الثانوية ومنها رجوع للابيض الثانوية - جامعة الخرطوم كلية الاداب-زيدوا ليها كم معهد

وكم دبلوما__سبعة صنايع والبخت ضايعgooodgoood بعد شاب دخل الكتاب بقت

علينا درست دبلوم تمريض متخصص فى امراض الكبر والشيخوخة والان بدرس فى دبلوم متخصص (كيفية ممارضة مرضى السرطان)

عندى ولدين زى العسل ربى يخليهم

فرح ود تكتوك 23عام طالب يدرس محاسبة

عبد السلام 20 عام وسيبدا اقتصاد هذا العام ان شاء الله



يا جماعة عشان الذاكرة خربة انتوا اسالوا وانا كان الله قدرنى بجاوب والا

استعين بالجمهور:p

مع خالص محبتى لكم جميعا

[imported_أبو أماني]

مرحب بيك العزيزة عند الجميع الحبيبة للنفس والروح سارة .. وحاشاك ما ضارة .. إنتي كلك خير بس دي من ريدة (شلولخ) ليك .. أتشرف بالبداية .. حسب علمي يا سارة إنك مناضلة من الدرجة (ديشششششك!) وإن حياتك المديدة بإذن الله لما تشيلي أولاد أحفادك إنشاء الله .. مليئة بالمسالك والدروب الوعرة الشاقة التي جابهتيها وتجاوزتيها بعزم الرجال الأشاوس .. أنا شغوف جدا بمعرفة نفحات من مسيرة كفاحك في مواجهة كل العوائق والعقبات .. لكي خالص تقديريgoood

[معتصم الطاهر]

سارة

مرحب بيك

عفوا سأهريك أسئلة ..

ولكن كمقدمة .. أسئلة خفيفة ( رمية بث ) ..

1- تجربة تربية "ولدين " ..


2 - سارة وسط الناس رغم وجودها ( الوحدانى مكانا) .. واختيارا ..!!!

3- "بدون ( شكارتا)" .. سارة من المحبوبات و تكاد تكون بدون أعداء .. كيف ولماذا ؟ ..


وهدية تشبه سارة ..


http://sudaniyat.net/up/uploading/SDC10063.JPG

[imported_سارة]

مرحب بيك العزيزة عند الجميع الحبيبة للنفس والروح سارة .. وحاشاك ما ضارة .. إنتي كلك خير بس دي من ريدة (شلولخ) ليك .. أتشرف بالبداية .. حسب علمي يا سارة إنك مناضلة من الدرجة (ديشششششك!) وإن حياتك المديدة بإذن الله لما تشيلي أولاد أحفادك إنشاء الله .. مليئة بالمسالك والدروب الوعرة الشاقة التي جابهتيها وتجاوزتيها بعزم الرجال الأشاوس .. أنا شغوف جدا بمعرفة نفحات من مسيرة كفاحك في مواجهة كل العوائق والعقبات .. لكي خالص تقديريgoood

ابو امانى يا راجل يا ملك مساء الخير عليك وعلى من حولك لك خالص الشكر والتقدير
لكلماتك الطيبة فى حقى ودا من اصلك يا راجل يا جميل
قال تعالى (لقد خلقنا الإنسان في كبد) قال القرطبي رحمه الله في تفسيره :
قال علماؤنا : أول ما يكابد قطع سرته , ثم إذا قمط قماطا , وشد رباطا , يكابد الضيق والتعب , ثم يكابد الارتضاع , ولو فاته لضاع , ثم يكابد نبت أسنانه , وتحرك لسانه , ثم يكابد الفطام , الذي هو أشد من اللطام , ثم يكابد الختان , والأوجاع والأحزان , ثم يكابد المعلم وصولته , والمؤدب وسياسته , والأستاذ وهيبته , ثم يكابد شغل التزويج والتعجيل فيه , ثم يكابد شغل الأولاد , والخدم والأجناد , ثم يكابد شغل الدور , وبناء القصور , ثم الكبر والهرم , وضعف الركبة والقدم , في مصائب يكثر تعدادها , ونوائب يطول إيرادها , من صداع الرأس , ووجع الأضراس , ورمد العين , وغم الدين , ووجع السن , وألم الأذن . ويكابد محنا في المال والنفس , مثل الضرب والحبس , ولا يمضي عليه يوم إلا يقاسي فيه شدة , ولا يكابد إلا مشقة , ثم الموت بعد ذلك كله , ثم مساءلة الملك , وضغطة القبر وظلمته ثم البعث والعرض على الله , إلى أن يستقر به القرار , إما في الجنة وإما في النار.( منقول )
فمن التفسير يتضح لكل بشر اننا فى مشقة منذ ولادتنا والى مماتنا ولكن اسال الله لى ولكم تيسيير الامور
وتذليل العسير
حياتى عادية جدا ولدت لاب عنده ثلاث بنات وولد وتم انتقال والدتى من بيت جدى فى بحرى الاملاك
بعد زواجها الى مدينة ام درمان ومنها الى مدينة الابيض حيث كان عمرى حسب ما سمعت اربعة سنوات
عشنا فى مدينة الابيض الجميلة وذلك لاهتمام والدى عليه رحمة الله بالماشية
( يعنى من قمت شفت البقر والبعر) gooodgooodgooodكانت
اجمل ايام عمرى ايام الابيض حاولت والدتى ربى يمتعها بالصحة والعافية
ان تنجب لى اخ او اخت وبعد وفاة اربعة الخامس كانت
شقيقتى الوحيدة منيرة ربنا يديها العافية هى متزوجة وتعمل محامية الان بعد ان عملت مع الاستاذ
محمد على المرضى فى الابيض بوظيفة سكرتيرة
عملت وانا طالبة بالثانوى وانا طالبة بالجامعة واعمل وانا طالبة وام الان لا اعتبرها مشقة فى زمن
يعتبر فيه من لا يجد وظيفة ومن لا يقرا هو من فى مشقة حقيقية

[imported_سارة]

سارة

مرحب بيك

عفوا سأهريك أسئلة ..

ولكن كمقدمة .. أسئلة خفيفة ( رمية بث ) ..

1- تجربة تربية "ولدين " ..


2 - سارة وسط الناس رغم وجودها ( الوحدانى مكانا) .. واختيارا ..!!!

3- "بدون ( شكارتا)" .. سارة من المحبوبات و تكاد تكون بدون أعداء .. كيف ولماذا ؟ ..


وهدية تشبه سارة ..


http://sudaniyat.net/up/uploading/SDC10063.JPG



الجميل معتصم

شكرا اولا لحضورك هنا وشكرا ثانيا للهدية الحلوة وياخ احمد دا ياخ ديش احمد وجانيت ياخ
تربية (ولدين)
طبعا دا اصعب سؤال والاجابة عليه امر من الحنظل نعم قمت بتربية ولدين دون وجود
والدهم.. بدأت مشكلتى يوم 30-6-1989- وفى اليوم التالى لهذه الليلة تمت
محاصرتنا فى بيتى وتم تفتيش البيت وكان اكبر الاولاد ثلاثة سنوات والصغير ستة اشهر فى
بطنى مرت الليلة وكانها عشرون ليلة استدعى ابو الاولاد للتحقيق فى اليوم التالى وتم حجزه
رهن التحرىيوما كاملا عاد بعدها وقرر بعدها الخروج من البلد وهذا ما حصل ...للظروف
التى مرت شاءت ارادة المولى ان يتعثر الحمل وقرر الطبيب انزال الجنين وفى كل مرة
ادخل المستشفى لهذا الغرض يبدا قلبه فى النبض من جديد اراد له الله ان يعيش وهو الان
بخير ويبلغ العشرون عاما يعنى (انقاذى بالفطرةgoood) لم يعد ابوهم وكان قدرى
وقدرهم ان اكون المسؤل الاول والاخير عنهم كنا نقوم بزيارته ما استطعنا لذلك سبيلا.
المسالة يا باشا ما كانت سهلة لكن ربك اسمو الكريم اهى هانت والجماعة كبروا
نحمد الله ونشكر فضله


سارة وسط الناس رغم وجودها الوحدانى

هذه قسمتى وهذا نصيبى ان احب الناس واعيش معهم بوجدانى ولكنى فى الحقيقة وحيدة
وكله زول بياخد نصيبو.الناس يا معتصم يا اخوى بيرضو بحكم الناس وانا رضيت
بالقسمو لى ربى.
اما تساؤلك الاخيرهذه نعمة من الكريم بس قد يكون لى اعداء ولكن لا اعرفهم وبينى وبينك
اتمنى ان لا اعرفه.........هذه طبيعتى لا اخاصم ولا احب الشجار ولكن لما تحرن ويقوم
حق الحلب وحق الفلاتة الله ما يحضرك اليسوم داك....صدقنى يا معتصم كل من حولى
وخصوصا اسرتى يستغربون جدا جدا لتحولى المغاير كليا لطبيعتى ولا اذيع سرا فى يوم
من الايام كانت ردة فعلتى مصيبة فى البيت واصرت والدتى وسط دموعها وحليفتها
وحلفانها انه انا عاملين لى عمل يعنى انا ما طبيعية واظنو عشرين شيخ عزم فى الراس دا
بس وحياتك ما ظبتت دا دليل على انى لست طيبة كما يظن الكثيرون goood
بس لماذا دى يا معتصم رب العالمين ادانى القلب الدلقان دا ودى نعمة
نشكره بالالاف لى يوم الوقاف



تحياتى لك وللمعاك

[imported_أبو أماني]

الجميل معتصم

شكرا اولا لحضورك هنا وشكرا ثانيا للهدية الحلوة وياخ احمد دا ياخ ديش احمد وجانيت ياخ
تربية (ولدين)
طبعا دا اصعب سؤال والاجابة عليه امر من الحنظل نعم قمت بتربية ولدين دون وجود
والدهم.. بدأت مشكلتى يوم 30-6-1989- وفى اليوم التالى لهذه الليلة تمت
محاصرتنا فى بيتى وتم تفتيش البيت وكان اكبر الاولاد ثلاثة سنوات والصغير ستة اشهر فى
بطنى مرت الليلة وكانها عشرون ليلة استدعى ابو الاولاد للتحقيق فى اليوم التالى وتم حجزه
رهن التحرىيوما كاملا عاد بعدها وقرر بعدها الخروج من البلد وهذا ما حصل ...للظروف
التى مرت شاءت ارادة المولى ان يتعثر الحمل وقرر الطبيب انزال الجنين وفى كل مرة
ادخل المستشفى لهذا الغرض يبدا قلبه فى النبض من جديد اراد له الله ان يعيش وهو الان
بخير ويبلغ العشرون عاما يعنى (انقاذى بالفطرةgoood) لم يعد ابوهم وكان قدرى
وقدرهم ان اكون المسؤل الاول والاخير عنهم كنا نقوم بزيارته ما استطعنا لذلك سبيلا.
المسالة يا باشا ما كانت سهلة لكن ربك اسمو الكريم اهى هانت والجماعة كبروا
نحمد الله ونشكر فضله


سارة وسط الناس رغم وجودها الوحدانى

هذه قسمتى وهذا نصيبى ان احب الناس واعيش معهم بوجدانى ولكنى فى الحقيقة وحيدة
وكله زول بياخد نصيبو.الناس يا معتصم يا اخوى بيرضو بحكم الناس وانا رضيت
بالقسمو لى ربى.
اما تساؤلك الاخيرهذه نعمة من الكريم بس قد يكون لى اعداء ولكن لا اعرفهم وبينى وبينك
اتمنى ان لا اعرفه.........هذه طبيعتى لا اخاصم ولا احب الشجار ولكن لما تحرن ويقوم
حق الحلب وحق الفلاتة الله ما يحضرك اليسوم داك....صدقنى يا معتصم كل من حولى
وخصوصا اسرتى يستغربون جدا جدا لتحولى المغاير كليا لطبيعتى ولا اذيع سرا فى يوم
من الايام كانت ردة فعلتى مصيبة فى البيت واصرت والدتى وسط دموعها وحليفتها
وحلفانها انه انا عاملين لى عمل يعنى انا ما طبيعية واظنو عشرين شيخ عزم فى الراس دا
بس وحياتك ما ظبتت دا دليل على انى لست طيبة كما يظن الكثيرون goood
بس لماذا دى يا معتصم رب العالمين ادانى القلب الدلقان دا ودى نعمة
نشكره بالالاف لى يوم الوقاف
تحياتى لك وللمعاك

عنوان المداخلة حقيقة لمستها بنفسي .. وكلما تقترب منها ويلهبك وهج شفافيتها تحبها أكثر ولا على كيفك .. الله يحفظك يا سرورة لنا ولأهلك .. ولولديك الحلوين (زي أبوهم..goood) كيتن في ناس البعر .. لاكين ده ما بحلك من غلاسة أبو أماني :

* مافي شجرة ما هباها ريح .. أحكي لينا بكل تجرد وأمانة أول خفقة قلب صادقة في حياتك ولو الجنيات ما قع يخشوا سودانيات الرسول تملصي توبك وتتفرشخي في واطات الله دي ونحن حولك نسمع بكل حب وتحنان .. يلا يا السمحة ..! goood

سؤال خفيف : أظرف موقف مر بيك في حياتك .. مستحيل تنسيه .. يلا تشششاااوووو ... يا أخي ديششششششيك ظااااطو ....goood

[imported_فتحي مسعد حنفي]

سرورة أنا شخصيا ما عندي أسئلة عشان انتي ما خليتي لي أي سؤال ممكن أسألو فأنا قد سبق وأن عرفت منك شخصيا كل ما احتجت لمعرفته والباقي انتي قلتيهو هنا وقفلتي السكة لأي واحد داير يتشيطن..
بس عندي تعليق.. ياجماعة الما مصدق انو في مرا ممكن تكون راجل كفاية عليهو يقرا الكتبتو سارة عن نفسها بدون سؤال وأتحدي أي واحدة تانية تكتب تاريخ ميلادا وتاريخ حياتا لابالوضوح والشفافية دي. وعشان كدا بقول انها مرا راجل والرجال قليل. تسلمي ياحبي وألله يخليك لي حبايبك ويبعد عنك أولاد الحرام:o:)

[imported_عادل عسوم]

سارة البارة بأهلها وبأمها :)
سعيد ببوحك (هنا)...
سأعود بأسئلة عديدة ...بحول الله
التحية لك أبو أماني

[imported_سارة]

عنوان المداخلة حقيقة لمستها بنفسي .. وكلما تقترب منها ويلهبك وهج شفافيتها تحبها أكثر ولا على كيفك .. الله يحفظك يا سرورة لنا ولأهلك .. ولولديك الحلوين (زي أبوهم..goood) كيتن في ناس البعر .. لاكين ده ما بحلك من غلاسة أبو أماني :

* مافي شجرة ما هباها ريح .. أحكي لينا بكل تجرد وأمانة أول خفقة قلب صادقة في حياتك ولو الجنيات ما قع يخشوا سودانيات الرسول تملصي توبك وتتفرشخي في واطات الله دي ونحن حولك نسمع بكل حب وتحنان .. يلا يا السمحة ..! goood

سؤال خفيف : أظرف موقف مر بيك في حياتك .. مستحيل تنسيه .. يلا تشششاااوووو ... يا أخي ديششششششيك ظااااطو ....goood


ابوامانى يا زين ان شاء الله تسلم وعيالى فعلا حلوين زى ابوهم ( بس ابوهم على احلى شوية )gooodgoood
لا اعرف ان كان حب المتوسطة تعتبر ريح جامدة ولكنها كانت خفقة قلب تسوى الدنيا ومافيها
رحمه الله رحمة واسعة وعوض شبابه الجنة فكانت اول خفقة انتهت بوجع لم يفارقنى ولا اظن ذلك ..

تزوجت بطريقة اكثر من تقليدية وكنت ( آخر من يعلم ) لم اندم ولن اندم فى حياتى
على حياة عشتها كالملوك وكانت ثمرتها احلى ولدين فى الدنيا ربى يخليهم.


* المواقف الطريفة كثيرة والمواقف المحرجة كذلك وفى كل مرحلة من حياتى تمر مواقف
واطلق عليها طريفة الى ان ياتى موقفا اكثر طرافة.

اول موقف قد يكون محرجا لغيرى ولكنى اخذته على انه موقف طريف يذكرنى بطبائع قبيلة

الفلاتة:p كنت قد اكملت امتحانات الشهادة الثانوية وانا بالابيض واريد السفر للخرطوم

لارى امكانية فبولى بالجامعة او الاعادة وكان القطر الوسيلة الاساسية حضر معى اخى وعندما

كنت وحدى ولا احمل غير حقيبة صغيرة حاول ان يجد لى مكانا حسب تذكرتى على الدرجة الثانية الممتازة وفى اثناء بحثه وجد شابين حياهم فردوا التحية باحسن منها وعندها تشجع

ليسالهم ان كان بينهم مكانا شاغرا لى فقالوا مرحبا ساعدنى احدهم فى ادخال شنطتى وهكذا وجدت مكانا فى غرفة بيها رجل كبير جاوز السبعين وامراة عجوز تصغره وهذين الشابين
ودعنا اخى وشكر الشابين على صنيعهم وودعنى من بين دموعى ..زتحرك القطار وبدأت رحلتنا
الجميلة كنت ..مشغولة مع بداية الرحلة بمجلة كنت احبها جدا جدا وتحرك القطر فى اتجاه الرهد
اب دكنة( مسكين ما... سكنه) تقرأ الاخيرة بفتح السين والكاف والنون.

فجاة سمعت احد الشابين تحدث لاخيه بلغة اعرفها كما اعرف موقع انفى وقبل ان يرد صاحبه

اعتذر لى بادب اذا كان يمكنه محادثة اخيه بلغتهم وقلت له بالطبع ( اذنكم معاكم )وكانت لغة الفلاتة

وقبيلتى تحديدا ..اختصارا للقصة طلعوا الشباب فلاتة وبقى شاغلين قطيعة فينى:confused:

طبعا ما خلوا لى اى حتة والا اتكلموا وعلقوا عليها:mad::mad: ما تسالونى لانى ما بقول ليكم المهم لما يكون الكلام فعلا مضحك بدس راسى فى المجلة وبعمل رايحة وهكذا استمر الحال

الى ان وصلنا الخرطوم مساء اليوم الثانى وكان حضورا فى استقبالى خالى الحبيب ميرغنى عبد الماجد المهم طيلة الرحلة لم انبت ببنت شفة ولم افعل اى تصرف يجعله يشعروا او يشكوا فى
اننى اعرف ما يقولونه كانوا رقيقين مهذبين معى فى تعاملهم رغم قطيعتهم:mad: وعندما
وصلنا ساعدونى فى انزال شنطتى وبحثوا معى فوجدنا خالى حياهم خالى بحماس لانه كان
يحب الابيض وناس الابيض وعمل فترة بمحكمة الابيض وكانت عندو حبيبة من الابيض
حكيت لخالى انهم ساعدونى شكرهم خالى وطلب منهم الذهاب معنا الى البيت لقضاء الليل
قبل ذهابهم لجامعتهم اعتذروا وهنا تدخلت انا بلغة الفلاتة وقلت لهم بلهجة الآمر وبنبرة حادة
جدا ( تمشوا معانا بالذوق ولا امشيكم بطريقتى)...يا الله ...يا الله صعب وصف الموقف
والله صعب..نظروا لبعضهم البعض ووضع كل منهم يديه على راسه فواصلت وقلت لهم
مشكلتكم انكم اهلى فليس لى خيارات وانا سعدت جدا جدا رغم ما حصل...............
حاولت جاهدة ترطيب الجو
المهم انهم مشوا معانا البيت لانه فعلا ما كان عندهم حل وبعد داك حكينا لخالى
وكان موقفا طريفا رغم الاحراج :p

[imported_سارة]

سرورة أنا شخصيا ما عندي أسئلة عشان انتي ما خليتي لي أي سؤال ممكن أسألو فأنا قد سبق وأن عرفت منك شخصيا كل ما احتجت لمعرفته والباقي انتي قلتيهو هنا وقفلتي السكة لأي واحد داير يتشيطن..
بس عندي تعليق.. ياجماعة الما مصدق انو في مرا ممكن تكون راجل كفاية عليهو يقرا الكتبتو سارة عن نفسها بدون سؤال وأتحدي أي واحدة تانية تكتب تاريخ ميلادا وتاريخ حياتا لابالوضوح والشفافية دي. وعشان كدا بقول انها مرا راجل والرجال قليل. تسلمي ياحبي وألله يخليك لي حبايبك ويبعد عنك أولاد الحرام:o:)

اب احمد يا جميل
شكرا نبيلا لحسن الظن وحكاية الاعمار دى ما بنقدر ندسها ماهو باين looool فى العيون
وين حنهرب منو وين وبينى وبينك الشغلانة بقت ما فارقة اصلو الفضل فى العمر ما كتير
ربى يديك العافية ويخليك ويخلى ليك الحولك وكل من تحب

[imported_سمراء]

سبحان الله الغاليه سارة ......
منذ دخولى وانا اشاهدهذا البوست ولم احدث حتى نفسى بالدخول لاقراء مافيه ....رغم ارتفاع نسبة الشمشرة لمعرفة الاخرين وخباياهم .....
الان فقطدخلت ولا ادرى لماا تحديدا !!!
هل لانى تعودت تعقب حروفك ولهذا لحبى الجميل لك !!
وهالنى ما وجدته يا غاليه !!
منذ لقائى بك هنا وانا اذكر لكل فردبان هنالك شى خفى يربط بينى وسارة ...
طريقة الحياة بكل بساطة مع الاخرين
الطيبة
البساطة فى كل شى
واهمها.....بعض الظروف المتشابها ....
فقط نختلف فى درجة الشجاعه .....واخرها عدم الوثوق بالاخرين !! للاسف

فقط احيييك من كل قلبى يا ارقى انسان
وسيرتك تحتاج تدوين وتدريس لاجيال قادمة

كونى كما احبه لك

[الرشيد اسماعيل محمود]

سبحان الله الغاليه سارة ......
منذ دخولى وانا اشاهدهذا البوست ولم احدث حتى نفسى بالدخول لاقراء مافيه ....رغم ارتفاع نسبة الشمشرة لمعرفة الاخرين وخباياهم .....
الان فقطدخلت ولا ادرى لماا تحديدا !!!
هل لانى تعودت تعقب حروفك ولهذا لحبى الجميل لك !!

حاجة تحير فعلا والله...
تعرفي ياسمرا انا ماحصل يوم دخلت البوست ده الا امس..
لما شفت اسم سارة في اخر مشاركة..والله العظيم..سبحان الله
ياخ سارة دي امرأة نخلة بكل اختصار..الله يديه العافية..
انتي عارفة انو الوضوح هو البخلي الزول كبير في نظر الاخرين حتي
لو اختلفو معاهو..حقيقي عملة نادرة في زمن مغتغت.
تخريمة:
البوست ده ياريت يتثبت..ياخ انا ساهرت اقراهو من البداية لغاية آذان الصبح
لقيت نفسي يادوبك في صفحة عشرين..ممتع والله.
ابو اماني الله يدي العافية..قطع مصاريني بالضحك.
ويلا تشاااااو..:D:D

[imported_سارة]

سارة البارة بأهلها وبأمها :)
سعيد ببوحك (هنا)...
سأعود بأسئلة عديدة ...بحول الله
التحية لك أبو أماني

عادل يا غالى
رزقنا الله واياكم رضاء الوالدين
فما رضاء الله الا فى رضاء الوالدين وما بقاء الكون الا بحنان الابوين
ابوا الانسان بعد الله اولى بالمحبة ( بر والديك لكى ابنك يبرك)
اسعدنى وقوفك هنا وانتظرك وانتظر اسئلتك على الرحب والسعة

[imported_سارة]

سبحان الله الغاليه سارة ......
منذ دخولى وانا اشاهدهذا البوست ولم احدث حتى نفسى بالدخول لاقراء مافيه ....رغم ارتفاع نسبة الشمشرة لمعرفة الاخرين وخباياهم .....
الان فقطدخلت ولا ادرى لماا تحديدا !!!
هل لانى تعودت تعقب حروفك ولهذا لحبى الجميل لك !!
وهالنى ما وجدته يا غاليه !!
منذ لقائى بك هنا وانا اذكر لكل فردبان هنالك شى خفى يربط بينى وسارة ...
طريقة الحياة بكل بساطة مع الاخرين
الطيبة
البساطة فى كل شى
واهمها.....بعض الظروف المتشابها ....
فقط نختلف فى درجة الشجاعه .....واخرها عدم الوثوق بالاخرين !! للاسف

فقط احيييك من كل قلبى يا ارقى انسان
وسيرتك تحتاج تدوين وتدريس لاجيال قادمة

كونى كما احبه لك

الحبيبة القريبة الى النفس سمراء

اسعدتنى كلماتك الطيبة وفرحت من قلبى ان هناك من يشبهنى
يا جميلة ....اتمنى ان تكونى احسن حظا منى :p ربى يسعدك يا غالية...لست شجاعة كما
تخيلتىlooool ولكنى واقعية جدا واتعامل مع امور حياتى كلها خيرها وشرها بانى انا المسؤل الاول
والاخير من ادارة البوصلة لا اخجل من نفسى طالما اننى لم ارتكب ما يغضب الله ولم اخرج
من الملة لا اهرب من واقعى ...الحياة بسيطة وجميلة نحن من نعقدها صدقينى يا اخية
ابدأ مع كل من حولى بالثقة الى ان يثبت العكس وبالى طويييييييل قد اعطى اكثر من فرصة
لكن صدقينى لما اقفل مفتاح انجليزى ما يحل القضية gooodgoood) ادير رموتى
واتوقف فى كل المحطات (بس اى زول محطتو تشخشخ بقفلها طوالى وما برجع وراء نهائيا)
سمراء يا حبيبة سعدت جدا بحضورك صدقينى وشكرا لكلماتك الطيبة يا طيبة
مودتى يا حبيبة

[imported_الأغبش]

سروره كيف حالك ياوديعه :p

سؤالي : ما هو أكثر ما افتقدته ساره وتنوي تعويضه لأبنائها ؟؟

[معتصم الطاهر]

http://sudaniyat.net/up/uploading/SDC10116.JPG

[imported_سارة]

حاجة تحير فعلا والله...
تعرفي ياسمرا انا ماحصل يوم دخلت البوست ده الا امس..
لما شفت اسم سارة في اخر مشاركة..والله العظيم..سبحان الله
ياخ سارة دي امرأة نخلة بكل اختصار..الله يديه العافية..
انتي عارفة انو الوضوح هو البخلي الزول كبير في نظر الاخرين حتي
لو اختلفو معاهو..حقيقي عملة نادرة في زمن مغتغت.
تخريمة:
البوست ده ياريت يتثبت..ياخ انا ساهرت اقراهو من البداية لغاية آذان الصبح
لقيت نفسي يادوبك في صفحة عشرين..ممتع والله.
ابو اماني الله يدي العافية..قطع مصاريني بالضحك.
ويلا تشاااااو..:D:D


اخى العزيز الرشيد

تعرف من حظى ان يكون الذين احبهم حضورا ...وحتما البقية تأتى
شكرا لكلماتك الطيبة وشكرا للثقة فى اخيتك وشكرا نبيلا لانك هنا
فلا يحلو الكلام الا بحضوركم
فلا تحرمونا

مودة واحترام يشبهك

[النور يوسف محمد]

بسم الله الرحمن الرحيم

سارة ..
ايها العطر الخريفى ..
برائحة الدعاش , وطعم الخرافة .. مشتاقين والله
لا زلت أذكرك وأنا أتلمس خطاى فى هذا المنتدى ..
وقرأتك حينها بين السطور وفوق الظنون ومن عبر حدقات الأمل ..
فكنت كما النقاء .. ودفق الينابيع ,, وقطرات الطل ..
لا يجد القارئ مشقة فى الوصول الى محبة منك يبتغيها ..

سارة يا لطيفة ..
ماذا اضاف لك الفضاء وماذا أخذ ؟؟؟

[imported_سارة]

سروره كيف حالك ياوديعه :p

سؤالي : ما هو أكثر ما افتقدته ساره وتنوي تعويضه لأبنائها ؟؟

اخى جميل الخلقة والاخلاق غبوش سلامات ليك خاصة وللحلوين حولك خاصة جدا

الابناء هم الهدية القيمة التى حبانا الله بها ...( ربى ما تحرم بيت من الاطفال) فى زمن
اصبح الكون عبارة عن صفحات كتاب امامك تقلب صفحاته متى ما اردت وتغوص بين سطوره
دون رقيب او عتيد ...هنا تختلف الامور تماما ...عشت كما ذكرت حياة عادية جدا وجميلة
جدا نلت حقوقى كاملة من ماكل ومشرب وملبس وتعليم واخترت ان اعمل واخترت مساق
تعليمى ..لم افقد غير اختيار حياتى الخاصة لم اكن الاولى ولكن جرى العرف ان لا نختار
فوالدى رحمه الله كان حبيبا عطوفا جميلا جدا جدا لا يدع لك مجالا لمخالفته ...لم اندم
على اختياره ولكنى وعدت نفسى ان لا اتدخل فى حياة ابنائى الخاصة اقول لهم راى دون
الزام واساعدهم ان هم طلبوا مساعدتى ...ولكن اشترط عليهم وهم يعرفون قوة شروطى
والتزامى بها لا اتحمل نتائج اخطائهم
هذا من ناحيتى اما اذا حصل معهم مثل ما حصل معى وتدخل والدهم فى حياتهم فلا دخل لى
بما يحصل... انا اديت واجبى وربيتهم وعلمتهم كيف يدافعون عن حقوقهم ..لا اتدخل بينهم
وبين والدهم بتاتا مهما كانت الاسباب ...اذا طلبوا راى اقول راى صراحة دون الزام.

[imported_سارة]

http://sudaniyat.net/up/uploading/SDC10116.JPG


تسلم الايادى يا جميل
وعبرك لهم فردا فردا تحية وسلام

[imported_yassir musa]

سارة الحارة وابو أماني الماحار لكن بكاي سعدت بالتدفق الشعوري الساخن وجمال الضيف ومستوى القبول والحب الغارق فيه سارة طبعا ده بالدنقلاوي ....عندي سؤال واحد يا سارة انتي اولاد الفلاتة في القطر كانوا بقطعوا بالرطانة وانتي فاهمة وعاملة ما فاهمة !!!السؤال كانوا بقطعوا في ياتو حتة ؟ السؤال التاني الحتة الضحكتك ياتا ؟ الله يحفظ الأولاد ويخليك ليهم

[imported_سارة]

بسم الله الرحمن الرحيم

سارة ..
ايها العطر الخريفى ..
برائحة الدعاش , وطعم الخرافة .. مشتاقين والله
لا زلت أذكرك وأنا أتلمس خطاى فى هذا المنتدى ..
وقرأتك حينها بين السطور وفوق الظنون ومن عبر حدقات الأمل ..
فكنت كما النقاء .. ودفق الينابيع ,, وقطرات الطل ..
لا يجد القارئ مشقة فى الوصول الى محبة منك يبتغيها ..

سارة يا لطيفة ..
ماذا اضاف لك الفضاء وماذا أخذ ؟؟؟


تبهرنى حروفك كعادتك ويشرقنى طعمها وتنزل بردا وسلاما على نفسى..نقاء دواخلك
يعطر المكان ...........سعدت وسعد المكان بك ايها الجميل..انا ايضال اشتقت لك
كن كما عرفتك دائما... قمرا ينير عتمة الليل البهيم . كم اسعدنى وجودك ياغالى

سؤالك ماذا اضاف لك الفضاء وماذا أخذ ؟؟؟ سؤال مهم والاجابة عليه تحتاج تجرد
وصدق...فاعذرونى ان كنت قاسية فى بعض احكامى ولكن هذا ما احس به.

لنبدا بالاضافة او ماذا تعلمت من الفضاء اضاف لى الكثير والمهم وبعض الاشياء
اصبحت نقاط مهمة فى حياتى...اذدادت حصيلتى اللغوية وتعلمت مفردات جديدة فى حياتى
فهمت الكثير من امور الحياة..قرأت تجارب البعض فكانت حصص تربوية مهمة
وكنت فى كل مرة احس باننى لم اتعلم بعد هذا على المستوى الثقافى او الاكاديمى على المستوى
الاجتماعى تعرفت على ناس من مختلف الاجناس والاعمار والمستويات وكانت هى المدرسة الحقيقة معرفة الناس كانت من اهم الاضافات فتعلمت من الكل واهم محصلة خرجت بها
انه( ليس كل ما يلمع ذهبا) هناك ناس تقرأ لهم وتبهرك حروفهم ولكن عندما تقابلهم تتمنى
ان كانوا فقط اقلاما تكتب وهناك من تقرا لهم وبعد ان تراهم تندم انك لم تعرفهم من قبل
فالفضاء اضاف لى اكثر من ما اخذ محبة الناس ورضاهم هى نعمة اشكر الله عليها
اخذ منى الفضاء وقتى وبعض الخصوصية لكن ماحدش بتعلم ببلاش:p
اخى الحبيب النور مجرد انك هنا يشعرنى بالامان
شكرا نبيلا ايها النبيل

[معتصم الطاهر]

حدثينا ..عن
نساء ( سودانيات ) الموقع ..
أفضل ما فيهن و عيوبهن ..

http://sudaniyat.net/up/uploading/SDC100621.jpg

[imported_نبراس السيد الدمرداش]

ست البنات
متابعاك بمزاااااااااااااج
ربنا يديك عافيه و يقويك
و يوفقك و يخلي ليك عيالك

انتي جميييييييييييييييييييله يا سرور
جميله في كل شيء حتى لما تزعلي
انا فخوره بمعرفتك بدون مجامله

[imported_سارة]

سارة الحارة وابو أماني الماحار لكن بكاي سعدت بالتدفق الشعوري الساخن وجمال الضيف ومستوى القبول والحب الغارق فيه سارة طبعا ده بالدنقلاوي ....عندي سؤال واحد يا سارة انتي اولاد الفلاتة في القطر كانوا بقطعوا بالرطانة وانتي فاهمة وعاملة ما فاهمة !!!السؤال كانوا بقطعوا في ياتو حتة ؟ السؤال التاني الحتة الضحكتك ياتا ؟ الله يحفظ الأولاد ويخليك ليهم

gooodgooodgoood
ياسر يا قلب عاش من شافك ياخ..وجودك يشرح القلب ,,,,,,,,,,ما قلنا بلاش اسئلة تعسفية
gooodgooodgoood كل ما بتذكر بضحك بس ما بقول ليك
والله يحفظك ويحفظ ليك من تحبهم

[imported_سارة]

حدثينا ..عن
نساء ( سودانيات ) الموقع ..
أفضل ما فيهن و عيوبهن ..

http://sudaniyat.net/up/uploading/SDC100621.jpg

معتصم يا جميل

تحياتى عبرك للبنت الحديقة جانيت وكانت لنا ايام فى قلبى ذكراها
نساء سودانيات الموقع وانا منهن ...صعب ان يتحدث الانسان عن نفسه ولكن احيانا يكون
نهمس لانفسنا بصوت مسموع بغرض محاسبة النفس...نساء سودانيات طبيعيات جدا جدا
فيهن الصادقة ...فيهن البريئة ....فيهن الخجولة ...فيهن الهادئة ..فيهن البسيطة
فيهن الشجاعة..فيهن البريئة..فيهن القوية ..فيهن الضعيفة...فيهن الودودة وفيهن الشريرة
ما لايعجبنى احيانا احس من بعضهن بعض السطحية...وعدم الجدية وقد تصل ل اللامبالاة
لكن صدقنى تسعة وتسعين منهن بخير ويكيلو العين لامن تفضل

اها يا باشا ما داير تعرف عن الجنس الاخر ؟؟؟؟؟؟؟؟gooodgoood

[معتصم الطاهر]

اها يا باشا ما داير تعرف عن الجنس الاخر ؟؟؟؟؟؟؟؟gooodgoood


سألتك عن أصدقائى

أما أعدائى فأنا أدرى بهم ..

ذكرتينى بصديقى أزهرى عندما جاء أحدهم ليحدثنى عنه ، فقلت له لا أقبل منك أن تكمل كلامك
فأنا أدرى بعيوبه منك .. و بها جعلته صديقى و أفخر ..

[imported_سارة]

ست البنات
متابعاك بمزاااااااااااااج
ربنا يديك عافيه و يقويك
و يوفقك و يخلي ليك عيالك

انتي جميييييييييييييييييييله يا سرور
جميله في كل شيء حتى لما تزعلي
انا فخوره بمعرفتك بدون مجامله


نبراس

يا وردة تفتح الروح ضلفتين دعواتى تطل على نواقذ الامل
ان التقى بك ثانية ........ولو فى زحل فمثلك افاخر بمعرفته
ولكى تشد الرحال يا اخية
كونى كما عرفتك وردا ينفح بالشذى حتى انوف السارقيه



لاسرتك الكريمة محبة واحترام

[imported_جانيت]

سارة(امينه)
بحبك لله
والله عندك في قلبي مكانه ما يعلم بيعا الا الله
ماعندي ليك سؤال بس الله يحفظك ويحفظ ليك اولادك من كل بلاء

[محمد علي]

الحبيبه ساره ...

والجميل ابو اماني ...

تحايا صادقه ومحبه من القلب لكما ...

سؤالي للحبيبه ساره ...

متي تحسي بطعم الحياه والحب والسعاده ؟؟؟

طبعا دا سؤال فتح شهيه وكده لسه ح اجيك بي اسئله من بيت الكلاوي ...

وانتي عارفه انو انا تخصص اسئله:D

[imported_سارة]

سألتك عن أصدقائى

أما أعدائى فأنا أدرى بهم ..

ذكرتينى بصديقى أزهرى عندما جاء أحدهم ليحدثنى عنه ، فقلت له لا أقبل منك أن تكمل كلامك
فأنا أدرى بعيوبه منك .. و بها جعلته صديقى و أفخر ..


اقدر لك هذا واحترمه
واتمنى ان تقول لهم ,,,اقصد اعدائك:p انا احد نساء سودانيات ..لهم منى كل معزة واحترام
بس هذه المعزة وذلك الاحترام بشروط اكيدloooollooool
وتحية مقدرة لصديقك ازهرى ولمن معه

[imported_سارة]

سارة(امينه)
بحبك لله
والله عندك في قلبي مكانه ما يعلم بيعا الا الله
ماعندي ليك سؤال بس الله يحفظك ويحفظ ليك اولادك من كل بلاء

الاخت الحبيب جوجو سعادتى لا توصف بهذه المحبة والتقدير بس مشكلتى يا جميلة
من يخصونى بمحبتهم بتعبوا معاى شديييد وانا بخاف عليك لانه خوتى متعبة جدا جدا
واسالى كتيرين ...
شرف لى ان احظى بمكانة عندك يا اخية وانتىكمان ربى يحفظك ويحفظ ليك من تحبين
وعقبال ما نشوف عيالك

[imported_سارة]

الحبيبه ساره ...

والجميل ابو اماني ...

تحايا صادقه ومحبه من القلب لكما ...

سؤالي للحبيبه ساره ...

متي تحسي بطعم الحياه والحب والسعاده ؟؟؟

طبعا دا سؤال فتح شهيه وكده لسه ح اجيك بي اسئله من بيت الكلاوي ...

وانتي عارفه انو انا تخصص اسئله:D


اخى العزيز جدا وغالى على قلبى جدا جدا محمد

يسلم قلبك الجميل يا جميل

كم سعدت انك معنا هنا فى سودانيات شكرا لله وشكرا لمن هداك الينا

مرحب بيك وباسئلتك

متى احس بطعم الحياة والحب والسعادة؟؟

الحياة جميلة واجمل ما فيها رضا الله والوالدين وزوج حنون وابناء بارين وعملا ناجحا وعلما نافعا دا طبعا حسب وجهه نظرى... رزقنى الله باحلى ابوين فى الدنيا وكرمنى الله بمرافقة والدى فى مرضه طيلة السنتين وكنت اقرب شخص له لانه كان معى فى بيتى وكانت واختى منيرة ووالدتى ايضا ولكنى كنت اقربهم ...الى ان توفاه الله بين يديا ...والدتى ربى يمتعها بالصحة والعافية اعمل جاهدة لبذل كل ما يرضيها ويسعدها دعواتها تسعدنى جدا وترضينى وتخفف عنى كل ما يؤلمنى ....لو تضايقت فى شغلى واتصلت عليها مجرد سماع صوتها حتى ولو كانت مريضة يريحنى....ابنائى ربى يديهم العافية رغم سنهم وما يصاحبها من صعوبات عليهم وعليا الا اننى راضية عنهم وعن سلوكهم وتصرفاتهم...اعتبر نفسى ناجحة فى عملى لانى
راضية بما اقدمه وممنونة لما اكسبه ..لا زلت اتعلم وربنا يجعله علما نافعا.
الزوج وجوده فى حياة المرأة مهم جدا ولكن هذا لا يعنى ان الحياة لا تستقيم الا بوجوده
تصعب الحياة وتقسو احيانا ولكنها تستمر ...وقد تنجح جدا فقط يجب على الانسان ان ينظر
لما هو عنده ولا يتحسر لما هو مفقود.
الحب والسعادة رغم اهمية وجودهم ولكن نحن من نصنعهم نحن من نحدد ما يسعدنا احس بالحب والسعادة من كلمة صادقة وصادقة هذه خت مليون خط تحتها فالصدق يا اخى
الحبيب هو جوهر المحبة والسعادة قل لى يا (اخية) بصدق تجدنى فى حب وسعادة
لو ضحك احد ابنائى من قلبه يفر قلبى من مكانه
نقول اللهم ادمها نعمة واحفظها من زوال

كن جميلا ترى الوجودا جميلا احيانا احس بان ايليا ابو ماضى كتب هذا الكلام خصيصا لى

شفت الثقة دى كيفgooodgoood


ابو حميد سعدت انك هنا وساسعد ان شرفتنى مرة تانية

[imported_نبراس السيد الدمرداش]

يا بت
انا موش قلت ليك بطلي حوامه
وامشي ذاكري
يوم 8 قرب
والله احرش عليك وليداتك

[imported_أبو أماني]

يا بت
انا موش قلت ليك بطلي حوامه
وامشي ذاكري
يوم 8 قرب
والله احرش عليك وليداتك

هوي يا نبروسة .. أبعدي بعيد وأعملي شخيت .. طبعا ما عارفة إنو سرورة دي سنترلوك قلبي وهي بالنسبة ليك الضرة رقم .. (3) الثانية عارفاها زي جوع بطنك .. !! goood

سارة سرورة .. ديششششش أبو الهوب ظاااطو يا إيال برنو؟؟ والله مشتاقين ومتين تظلم النرويج وتضئ جنبات السودان بعودة الحبيب المنتظر .. سؤال على الطائر .. الله أكرمك بولدين بسم الله ما شاء الله زي الأمر..ربنا يحفظهم..ما موقفك من غياب (البنت) من أحضان أمومتك الدافيئة الرائعة؟؟ لكي تقديري وخالص محبتي ..

[imported_AMAL]

سرور صاحبتي








انتي بتصاحبي الكيزان ديل كيف:confused::mad:goood








ابوها ازيك ياخ

[imported_سارة]

يا بت
انا موش قلت ليك بطلي حوامه
وامشي ذاكري
يوم 8 قرب
والله احرش عليك وليداتك


حبكم يجاذبنى قلبى وتدفعنى نفس تتوق للقاءكم

كيف الخلاص

[imported_الجيلى أحمد]

سلام ياجميل

لابت ليك بالباذوكا والرشاشات,
منتظر صاحبى حاتم يجيب الكلاشات..:D

أعملى ساتر يافردة:D

__________________________

أبوامانى ازيك يااخى

[imported_سارة]

:mad:
هوي يا نبروسة .. أبعدي بعيد وأعملي شخيت .. طبعا ما عارفة إنو سرورة دي سنترلوك قلبي وهي بالنسبة ليك الضرة رقم .. (3) الثانية عارفاها زي جوع بطنك .. !! goood

سارة سرورة .. ديششششش أبو الهوب ظاااطو يا إيال برنو؟؟ والله مشتاقين ومتين تظلم النرويج وتضئ جنبات السودان بعودة الحبيب المنتظر .. سؤال على الطائر .. الله أكرمك بولدين بسم الله ما شاء الله زي الأمر..ربنا يحفظهم..ما موقفك من غياب (البنت) من أحضان أمومتك الدافيئة الرائعة؟؟ لكي تقديري وخالص محبتي ..



ابو امانى يا زين

اشتاق لامى ولوسادة امى مافى شك ولكن.................اه من لكن هذه ربك يسهل كل امر قاسى
فى البداية كله بامر الله لكن كل ما فى حياتى وما يجعلنى مؤمنة حقا بان ما قسمه الله لى هو الافضل
حتى ولو كنت اتطلع لغيره....انا كام لا احس بان هناك فرق كبير بين البنت والولد رغم انى
ليس لى شقيق واخى الوحيد هو من ابى ربى يديه العافية وطول العمر....ساكذب ان قلت لك
لم اشتهى ان تكون عندى بنت امشط ضفائرها ولكن اراد الله ان يكون نصيبى صبيان ربى يخليهم

خلينى احكى قصة طريفة ..مرضت اختى من ابى وكان عندها بنت واحدة عمرها ذلك الوقت خمسة سنوات وهى اكبر من ابنى الصغير بستة اشهر وكانت اختى تحتاج الراحة الكاملة من
غضروف كاد يودى بحياتها وهى تسكن فى بيت الاسرة بالابيض لغياب زوجها فى المهجر
اقترحت عليها ان تكون البنت معاى ولو لفترة حتى تتعافى هى جبت البنت معاى وادخلتها
المدرسة وكنت طايرة بيها السماء يعجبنى اذهب للسوق وانتقى فستاين البنات والحذية الملونة
وكانت حنونة جدا ودافئة جدا احضر من عملى تقوم بتسريح شعرى ولا تنام الا فى حضنى
كم سعدت بها.... ولكن اولادى طلعوا عينها اولاداللذين:mad:ما بتمر ساعة الا ويخبتوها
غيرة فايتة الحد المهم انها جلست سنة ونصف السنة رجعت بعدها لامها بحمد الله وحمدت الله
انه ما جات بنت فوق الاولاد والا كان فطسوها:p
بس فى الاول قلت لك ان ربى اراد ان يكونوا اولاد صبيان فهذا ما جعل مهمتى سهلة فى
ظروفى انفة الذكر ودى نحمد الله عليها

[imported_أبو أماني]

:mad:



ابو امانى يا زين

اشتاق لامى ولوسادة امى مافى شك ولكن.................اه من لكن هذه ربك يسهل كل امر قاسى
فى البداية كله بامر الله لكن كل ما فى حياتى وما يجعلنى مؤمنة حقا بان ما قسمه الله لى هو الافضل
حتى ولو كنت اتطلع لغيره....انا كام لا احس بان هناك فرق كبير بين البنت والولد رغم انى
ليس لى شقيق واخى الوحيد هو من ابى ربى يديه العافية وطول العمر....ساكذب ان قلت لك
لم اشتهى ان تكون عندى بنت امشط ضفائرها ولكن اراد الله ان يكون نصيبى صبيان ربى يخليهم

خلينى احكى قصة طريفة ..مرضت اختى من ابى وكان عندها بنت واحدة عمرها ذلك الوقت خمسة سنوات وهى اكبر من ابنى الصغير بستة اشهر وكانت اختى تحتاج الراحة الكاملة من
غضروف كاد يودى بحياتها وهى تسكن فى بيت الاسرة بالابيض لغياب زوجها فى المهجر
اقترحت عليها ان تكون البنت معاى ولو لفترة حتى تتعافى هى جبت البنت معاى وادخلتها
المدرسة وكنت طايرة بيها السماء يعجبنى اذهب للسوق وانتقى فستاين البنات والحذية الملونة
وكانت حنونة جدا ودافئة جدا احضر من عملى تقوم بتسريح شعرى ولا تنام الا فى حضنى
كم سعدت بها.... ولكن اولادى طلعوا عينها اولاداللذين:mad:ما بتمر ساعة الا ويخبتوها
غيرة فايتة الحد المهم انها جلست سنة ونصف السنة رجعت بعدها لامها بحمد الله وحمدت الله
انه ما جات بنت فوق الاولاد والا كان فطسوها:p
بس فى الاول قلت لك ان ربى اراد ان يكونوا اولاد صبيان فهذا ما جعل مهمتى سهلة فى
ظروفى انفة الذكر ودى نحمد الله عليها

العزيزة دكتورة أمينة .. تحية خالصة صادقة من القلب وإليه .. حقيقي أنتى شخصية مؤثرة جدا بل (لصقة) عدييييل كده .. لأنك من النوع الذي يلصق بذاكرة من يقابله فتنطبع صورته في تلافيف خلايا العقل الباطن..وقد حدث هذا الأمر معى مذ التقيتك لأول مرة .. أول شكيت أن يكون هذا الوضع نتاج طبيعي لما تروجين له من منتجات (الماعز)!!goood لاكين راجعت نفسي وقلت ما مكن الب.. ب..بع... ع...ررر يكون مفعولو قوي بالدرجة دي .. وإلا المسكينة أم أماني كانت هسع دي كانت تكون لازقه في طرفي من كترة الجرعات الأخدتهم دون جدوى! أمينة كانت لحظات إستضافتك بالمائدة أروع لحظات .. ويعز على أن أشعر بأني والحبائب قد حاصرناك بصورة حادة .. بس ده من حبنا ليك .. ربنا يخليك لنا ولأهلك .. مصدر شكل دائم ونطلب منك في ختام ضيافتك كلمة ضافيه من كلامك العسل وإختيار موفق لمن يحل بعدك .. بس ما تكرري الناس الجو .. هاتي من بيت الكلاوي عارفك ذوقك عالي .. ننتظر .. وتشاو!

[imported_سارة]

شكرا جميلا لكم جميعا لتحملكم ثرثرتى والشكر موصول للانسان الجميل ابو امانى
اعتذر بشدة لانشغالى بامور قد لا تسمن ولا تغنى من جوع ولكن هى حياتنا نعيشها
بكل عيوبنا وحسناتنا .............ليخرج طعمها كما تعودنا حلوا تتخلله مرارة ولونا
ابيضا احيانا يميل الى السواد وفى كل خير
اتمنى ان يمتعنى الله بالعافية وطول العمر لاراكم اهل سودانيات فردا فردا جلوسا فى هذا
الكرسى وقبل ان اغادره افتح ذراعى لاستقبال الجميلة سفيرة الخرمجة والنوايا
الزى العسل (((سمراء))
قلتى انك تشبهينى وهذا شرف فقط يقتلنى الفضول لمعرفة وجه الشبه وكم كنت اتمنى ان
اكون اشبهك فانتى القمر فى سماه
فاهلا ومرحبا بك
اعتذر للاخت امال والاخ الجيلى بجاوب ليكم على اى سؤال دايرنه فى الخاص ولو فى زول
حرقص ليهو سؤال برضو يجينى فى الخاص نظام جعلتية وكدا

[imported_أبو أماني]

قضينا معك سارة أجمل لحظات ضيافة وسعدنا بصحبتك المبهجة عبر رحلة حياتك المثيرة .. لكي ولولديك ووالدتك وكل أحبابك كل الحب الصادق وأشكرك على إختيارك نجمة ضاوية من نجوم سودانيات .. خير سلف لخير خلف ..

هيا ياشباب نستقبل .. ست الحسان ..
gooodgoood سـمراء gooodgooodgoood
أولن في التبادي لا نعرف معظمنا عنك غير كلمة سمراء .. نريد في البداية نبذه تعريفية كاملة عنك وبعدها شيلي شيلت .. كدي مدي إيدك للمائدة الأكل ما يبرد .. هاك ورك الجدادة ده .. عاملاو سارة بمزااااج .. برااااحة .. الشرفة تطير ... ننتظر goood

[imported_الجيلى أحمد]

لووووووول,

أول حاجة عمرك كم..??:D
وبتحبى منو..??
مقرشة ولامفلسة??

وبعد داك حاأجيك للأسئيلة بتاعت,
فنانك المفضل منو
ومثلك الأعلى منو..:D


غايتو حاتتعبى معاى جنس تعب ..:D:D
__________________________
أبوأمانى ازيك تانى يااخى,
و
ciaaaaaaaaaaaaaaaaaao
gooodgoood

[imported_أبو أماني]

لووووووول,

أول حاجة عمرك كم..??:D
وبتحبى منو..??
مقرشة ولامفلسة??

وبعد داك حاأجيك للأسئيلة بتاعت,
فنانك المفضل منو
ومثلك الأعلى منو..:D


غايتو حاتتعبى معاى جنس تعب ..:D:D
__________________________
أبوأمانى ازيك تانى يااخى,
و
ciaaaaaaaaaaaaaaaaaao
gooodgoood

والله مشتاقين يا أبو الجيلي يا لذيذ يا رائق .. يا أظرف (ماركسي) شاهدته عيناي كيتن في (ناس كده!goood) كيفك وكيف عيالك وأسرتك ربنا يحفظم .. آمين ويردكم لينا سالمين (وسمينين) زي حجم ناس سمراء .. وعلى ذكر سمراء .. يا أخوي مالها فلانة دي رافعة القزاز وعاملة لينا فيها ليمونة في بلد يحكمها (أخونا بتاع الكدايس) ده؟؟ البت بالله إختارتها سارة قمنا قدمناها أسبوع عشرة يوم من يوم ترشيحها (تكونش فاكراه ترشيح إنتخابات؟؟) وكمان عاملة فيها (تقيلة) ولا رائحة ما عارف .. قمت قلت يمكن تكون زولتي فاكاها في روحها حبتين وعاوزة شوية شمارات ورفع سعر .. قلت ما يخالف .. عملت ليها بوستر مناشدة من بيت الكلاوي وعملت ليها (ياذبيدة لا تموعي) زولتك جات قشرت بي .. بإسلوب السيوبر ستارز داك وورتني إنها مشغووووووولة goood هاك المشغولية دي يا إتا!! ووعدت بأن تتعطف وتحن في حالتي وتشوف موضوعي قلت يا زول كبر دماغك شوية ما هي في النهاية إمرأة ونظرت ليها بمنظور بعيد عن الماركسية بكم فرسخ كده .. نظرت ليها نظرة (كوز) لعاشق الموز !!goood ورسلت ليها رسالة عتاب رقيق في الخاس .. وزولتك لسع عاملة أضان الحامل طرشا .. تكون يا ربي عاوزة شوية تحانيس زيادة .. ولا أوسط ليها عمو .. حقيقي يا الجيلي يا أخوي وما عليك مدسة .. أنا باللول فكرت قلت يمكن تكون مشغولة جد جد خسوسا واليومين ديل ناس المفوضية حقت الإنتخابات بتعمل (ري كروت تينق) لناس الفرز الليل اللصواط .. سمعت قالوا مجموعة أصواط الناخبين في الشقين من البلاد .. عملت 28 الف صوط بث ..!! والله أعلم قالوا حيتقاسموها ناس المؤتمر على طريقة الثروة والسلطة .. بس من غير نيفاشا .. ينفشك يا يابا إنت ونوال الزغبي دي .. (قصدي سمراء) ينفشكم النفش .. مرتبة جدي الله يرحموا قولوا آمين .. يلا تشاووووgoood

[imported_سمراء]

:D:D:D

نرحب بالعزيزة سمراء ....ترحيب كتير وبنقول ليها
خلاص غيرنا راينا منك انكشحى وشتتى الدنيا براها شكلات وعنكبات ويمكن تجيك
تربيزة طائرة فى وشك looool

[imported_سمراء]

وبعدين انا ما بتكلم الا فى حضور شيخى
الجيلى :D:D
جيبو لى وبعدين نبداء

[imported_أبو أماني]

وبعدين انا ما بتكلم الا فى حضور شيخى
الجيلى :D:D
جيبو لى وبعدين نبداء

يا بت ما تبطلي حنكشة ما عارفة ليها .. وما تخليني أفك آخري .. هي براها صورتك المثبتاها دي بالبسمة اللا مبالية الجانبية دي .. مطلعة دييييشششششششش منو ماعارف كده .. تقومي تتميها موية كمان وتعملي لي .. (شوشو هانم)! ده إسم الدلع بتاع الجيكسوية حقتي على فكرة قومي على إجاباتك لاني المرة الجاية .. بتصرف بطريقة (عمو) فتحي .. بلعب بلياردو وما يهمنيش .. يلا بلا لكاعة معاك .. تششششاااوووووgoood

[imported_أبو أماني]

شكرن على الطناش المتعمد يا سمراء..!
البتعمليو ده يا سمراء يا نظام مكاواة وتخفيف دم على حسابي يا إستخفاف بي ومافي ليو ثالث! ..
غايتو يا سمراء .. عملتيو مسيخ وأشتر ومشاتر .. يعني الحبيبة سرورة إختارتك دونن خلق الله وأنا عملت ليك يا ذبيدة لا تموعي .. وإستعطفتك عدييييل كدي تدخلى البوستر .. ولما طنشتيني ومعاي المتداخلين ..عملت ليك مناشدة في بوست آخر .. رديتي على البوست الآخر يعني نظام ناقشة كل شئ وبرضو مطنشة وكيتن عليك أبو أماني (إنت ومواضيعك ولا حاجة عندي)! قلنا رضينا وقبلنا بكل طيب خاتر .. جائز نظامك نظام تقل.. وحبة (show) بس طلع من نوع التقل البيحتل بي سيدو وما يطلع تاني .. شكرا .. ياذوق على هذا الطناش ومردودة ليك في الأفراح .. عموما لجاءت مكسور الخاتر منك .. للعزيز عبد العزيز عبد الله .. ليكون ضيفا على مائدة سودانيات وقبال أقشقش دميعات الغبينة بقول ليكم حاشاه ما بيطلع زي.. (ناس كده)! وما بيعمل فوقها ليمونة في بلد قرفانة!.
أعزائي محبي المائدة .. فورقيت أباوت .. سمراء أعذروها حيث يبدو إن لا يرتقى هذا البوستر المتواضح لمستوى طموحاتها المتطلعة للإذاعة والتليفيزيون والقنوات الفضائية..أو كما قالت هي بعضمة لسانها ما يشير لذلك!.. وإستقبلوا معي العزيز أبدا:-
عبــد العـــزيز عــبد الله
أهلا بك عزوز ضيفا عزيزا على المائدة كدي عليك الله هاك ملاح التقلية ده ختو في الطربيزة الجمبك دي .. وناولني (سرويس) اللحمة المحمرة ده .. الشطة ما بدورها خليها جمبك.. والضلع (عمك) فتحي ممنوع منو عشان (القاووت) .. بابكر مخيّر كتر من سلطة المايونيز دي قالوا كيويسة مع الزهايمر .. سارة قللي من النشويات عشان (تخسي) شوية..! المواطن نعتذر ليو .. فسيخ مافي ولا جبنة (مخمرة)! وكذلك بعتذر لزملائنا الحلفاويين ناس نبيل (تركين نهي)! .. أها يا الحبيب لنتعرف على بعضنا في البداية قلت لي الحالة الإجتماعية كييييييييف؟؟ رامي سنارتك ولا قابض؟؟ يعني معرس ولا عازب؟؟ يلا فضفض..ونسيني عملية أختك سمراء .. الله يسامحها تـورّت .. نـفـّسـي.. وفوق كم ما عارف!!! يلا تشاووووو* * * * *

[imported_عبدالعزيز عبدالله]

[B]. وإستقبلوا معي العزيز أبدا:-
[size=7][align=center][color=#008000]عبــد العـــزيز عــبد الله
أهلا بك عزوز ضيفا عزيزا على المائدة كدي عليك الله هاك ملاح التقلية ده ختو في الطربيزة الجمبك دي .. وناولني (سرويس) اللحمة المحمرة ده .. الشطة ما بدورها خليها جمبك.. والضلع (عمك) فتحي ممنوع منو عشان (القاووت) .. بابكر مخيّر كتر من سلطة المايونيز دي قالوا كيويسة مع الزهايمر .. سارة قللي من النشويات عشان (تخسي) شوية..! المواطن نعتذر ليو .. فسيخ مافي ولا جبنة (مخمرة)! وكذلك بعتذر لزملائنا الحلفاويين ناس نبيل (تركين نهي)! .. أها يا الحبيب لنتعرف على بعضنا في البداية قلت لي الحالة الإجتماعية كييييييييف؟؟ رامي سنارتك ولا قابض؟؟ يعني معرس ولا عازب؟؟ يلا فضفض..ونسيني عملية أختك سمراء .. الله يسامحها تـورّت .. نـفـّسـي.. وفوق كم ما عارف!!! يلا تشاووووو* * * * *

العم العزيز أبا اماني :
لك التحية ولكل المتواجدون معك في صالونك العامر...
البداية انا شكلي جيت هنا بدل فاقد ... لكن ما مشكلة ... حانسيك عملية الاخت سمراء ... بس عليك الله ما جبت معاك ملاح النعيمية ليه يا منقا ... ما عارف انه الملاح المفضل عندي...

نبدأ ليك بأسئلتك ...
الاسم: عبدالعزيز عبدالله محمد عبيد
الحالة الاجتماعية: متزوج وأب لابن (عبدالله).... لكن بتعجبني الآية المذكور فيها (مثني وثلاث ورباع):p

المهنة: مهندس تصميم داخلي (ديكور)... وتخصصت في حاجة ما ليها علاقة بالتصميم الداخلي والديكور. مجال الانشاءات (هياكل معدنية).
اللون السياسي : سوداني فقط والحمد لله (لا يمين لايسار لاخاتف لونين)

قلق جدا ومتقلب المزاااااااج

الفنان المفضل: عثمان حسين، ثم محمد الامين،
احب اللون الاخضر شديد جدا
اللون الرياضي: الاحمر الوهااااااااااااااااااج.

انا افصحت عن الحاجات الحاضرة

في انتظار الاسئلة ... لكن عليكم الله ما بحب الضرب تحت الحزااااااام:D

[imported_معتصم الحارث الضوّي]

أخي الكريم عبد العزيز
بعد الترحيب بك، رجاء إلقاء نظرة على واقع مهنة هندسة الديكور في السودان، فهذه المهنة الابتكارية لها واقع خاص في السودان كما أعلم.

مودتي

[imported_محمد عكود]

لكن بتعجبني الآية المذكور فيها (مثني وثلاث ورباع):p



انا ما جاي اسأل ...
انا جاي بس اثبت حالة في الاقتباس اعلاه ...
عشان بعدين ما تنط وتعدلو ... وتنكررررررر ....
امااااااااااااانة ما وقع عبدالعزيز ...
و ...
أبكــــــــــي يا عثمــــــــــــــان

[النور يوسف محمد]

بسم الله الرحمن الرحيم

عبد العزيز عبد الله .. تحياتى ..
لك ولمضيفك الرائع أبو أمــانى ..

1/ اللون الأخضر وشيخنا بابكر .. سر الريدة ؟؟
2/ النظرة الجمالية المفقودة عند قسم كبير من السودانيين ,,
هل لمست ذلك فى ممارستك لمهنة التصميم ؟؟
3/ والحالة دى ( قلق جدا ومتقلب المزاااااااج )
هل تلقى بأثارها السلبية على أعمال هندسة الديكور ؟؟؟

كفاك مش كده :)

[imported_سارة]

عبعزيز سلام مربع يا احلى عبعزيز

البت المعولقة سمراء دى قالت بتشبهنى انا زول خواف ما بيشبهنى:mad:
المهم انت مشرف ومنور الدار يا بطل.
رغم انه فى زول غتيت معلق ليهو فانوس فوق رقبتو حيم بى هنا لكن وراك رجالة
قول لينا اول شاكوش وما هو تاثيره السلبى والايجابى؟؟؟
بعد تسخن نجيك تانى

[imported_سمراء]

افتح ذراعى لاستقبال الجميلة سفيرة الخرمجة والنوايا
الزى العسل (((سمراء))
قلتى انك تشبهينى وهذا شرف فقط يقتلنى الفضول لمعرفة وجه الشبه وكم كنت اتمنى ان
اكون اشبهك فانتى القمر فى سماه
فاهلا ومرحبا بك

الغالية ست الغاليين سرورة ، وانا افتح لك كل زرة فى جسدى لتولجى الى اعماقى مثلما انت محكرة بداخل قلبا احببك دون اى شروط ..واكيد التشابه موجود (بكثرة) رغم اختلاف المعطيات والمسميات ..فقط ياغاليه اعتزارى لك وللغالى علينا ابو امانى فى التلكوء الذى حدث فى اثناء حضورى للجلوس فى هذا الكرسى (المخيف) لاسباب خارجه عن القصد او الاراده ...اعتزر عنه مع الامنيات بالالتقاء فى زمن افضل من هذا ...

[imported_جانيت]

ما جبت معاك ملاح النعيمية ليه يا منقا ... ما عارف انه الملاح المفضل


انا افصحت عن الحاجات الحاضرة
:D
عزيز يا بلدي انت ملاح النعيميه ده وصف لي محل يعملوهو فيه وانا ارثلو ليك دليفري
ولو عايز ممكن اجيب ليك ام تكشو :eek:
وانت ما افصحت عن اي حاجه احسن ليك تقول براك
عشان اسالتنا ممكن تخليك تجي الثودان وتجاوب هنا براك


انا عرفت عنك كتير وانت زول رائع بكل ما تحمل الكلمة من معنى

حتى الناس العرفناهم من طرفك كانو ناس قمة في الروعه حبة ومدحت

بس انطباعك عن سودانيات ومجتمعها وعن ارتباطهم بيك ؟؟؟؟؟؟؟؟؟؟؟
طبعا سؤال مفتوح شديد اسكت جااااااااوب :p:D
فرفوش ياخ انت

[imported_سمراء]

شكرن على الطناش المتعمد يا سمراء..!
البتعمليو ده يا سمراء يا نظام مكاواة وتخفيف دم على حسابي يا إستخفاف بي ومافي ليو ثالث! ..
غايتو يا سمراء .. عملتيو مسيخ وأشتر ومشاتر .. يعني الحبيبة سرورة إختارتك دونن خلق الله وأنا عملت ليك يا ذبيدة لا تموعي .. وإستعطفتك عدييييل كدي تدخلى البوستر .. ولما طنشتيني ومعاي المتداخلين ..عملت ليك مناشدة في بوست آخر .. رديتي على البوست الآخر يعني نظام ناقشة كل شئ وبرضو مطنشة وكيتن عليك أبو أماني (إنت ومواضيعك ولا حاجة عندي)! قلنا رضينا وقبلنا بكل طيب خاتر .. جائز نظامك نظام تقل.. وحبة (show) بس طلع من نوع التقل البيحتل بي سيدو وما يطلع تاني .. شكرا .. ياذوق على هذا الطناش ومردودة ليك في الأفراح .. * * * * *

العزيز الجميل ابو امانى
حاشاءلله ومعاز الله ان استخف بيك او اتعزز عليك ذى ماقلته .. وحقيقى انا رديت على الغاليه سارة فى رسائله لى واعتبرته انو الموضوع انتهى ، ولما فتحت البوست جيت ورديت ليك فيهو ....يبقى الطناش وين !!
بس عموما استاذنا وحبيبنا والزول المابنقدر نتجاوزو ابو امانى امسحه لى فى وشى الشين ده ..ومحقوقه ليك لو اى احساس ماحلو وصلك منى ...بس والله كنت بسخن :D وبستجمع فى رباطة جأشى عشان اجيكم وانا فى كامل الدسامة اللغوية ....ياخ انا دخلته كورس لغه عديل عشانك looool عشان الانحراجه وكده ...خسوسن وناس اميرى والرشيد قاعدين لى فى حلقى الله يزاهم ياخ ..
بس اعتبرنى فى الصف ...وجااااياك يا اب شرا..وحانفتو ..بس انت ماااااتزعل

ومن هنا بنرحب بالشحرور عب عزيز ...الكوعى المفرفش ...وبتمنى ليهو اقامة طيبة فى هذا الكرسى المولع :D

[معتصم الطاهر]

عبد العزيز

شنو حكايتك مع الحلو ..


http://sudaniyat.net/up/uploading/SDC10080.JPG

[imported_عبدالعزيز عبدالله]

أخي الكريم عبد العزيز
بعد الترحيب بك، رجاء إلقاء نظرة على واقع مهنة هندسة الديكور في السودان، فهذه المهنة الابتكارية لها واقع خاص في السودان كما أعلم.

مودتي


تحياتي اخي معتصم ... ومرحب بيك في مائدة عمنا ابو اماني...
وانشاء الله اكون ضيف خفيف علي مائدتكم العامرة...

فيما يخص طلبك بإلقاء نظرة علي واقع هندسة الديكور في السودان.. يجيب في البداية اقوم بتعريف مبسط للديكور...
الديكور هو تجهيز وتهئية المكان للقيام بوظائف بأقل جهد ويشمل هذا الأرضيات والحوائط والأسقف والتهوية والإضاءة والتجهيزات الاخري التي تشمل الالوان والاثاث... وإيضا يعرف بأنه ( فن معالجة الفراغ وكافة أبعاده بطرق تستغل جميع عناصر التصميم شكل جمالي يساعد على العمل او المعيشة داخل المبنى).
ويعتمد طريقة الديكور علي البيئة التي يتطلب التصميم فيها.. وايضا يعتمد علي ذوق المهندس والمجتمع الذي يتم التصميم له..
ولقد اشتهر السودانين بعدم مقدرتهم بالقيام بال (Final tuch) وهي التي بدورها تعطي الشكل الجمالي النهائي.. ونحن مجتمع نحب التقليد ونرفض كل ما هو مستحدث او غير تقليدي .... فتجد عندنا مقابل كل شخص مبتكر 100 مقلد ...

اما الديكور من الناحية العملية في السودان ... لقد ظهر مؤخرا حيث ان غاية ما كان يتمناه المواظن (غرفتين خلف خلاف مع صالون ومطبخ وحمام) ومع التطور المتطرد الذي بدأ يحدث في السودان من الناحية المعمارية ... وتوافد وتوارد افكار من خارج السودان سواء كان عن طريق المهاجرين والمغتربين او من خلال العمالة الوافدة ... بدأ السوداني يهتم باللون والشكل وطريقة التشطيب للمبني..
فمؤخرا بدأنا نري تحول في اهتمام السوداني بالاثاث واللون والزخارف الجبصية والارضيات الرخامية والاهتمام بالتشجير الخارجي للمبني (landscape).. بالاضافة للتقليد بدانا نري تغير في شكل العمارة والداخلية والخارجية للمباني...

[imported_عبدالعزيز عبدالله]

انا ما جاي اسأل ...
انا جاي بس اثبت حالة في الاقتباس اعلاه ...
عشان بعدين ما تنط وتعدلو ... وتنكررررررر ....
امااااااااااااانة ما وقع عبدالعزيز ...
و ...
أبكــــــــــي يا عثمــــــــــــــان


:mad::mad::mad::mad:
(التسويهو بي إدك يغلب اجاويدك)

[بابكر مخير]

قال مائدة وجايب ليهو الساحوتآ دآ..
بذكرني دآ حكاية الراجل العزموهو غدآ، جابهو صحن الكسرآ ودلقهو فيهو "أمرقيقآ" بالحم وما بتاعت "ماجي"..
زولنا يبحبت في وسط الكسرة لمن يلم ليهو في قطعة لحمآ، يلفها بشقفة كسرة ويظمتها والعملية شغالآ،،
سيد البيت عيونهو رقرقت وبشدآ قال لي الضيف:
إتا بتدسدس في اللحمآ ليييه، ماهي أصلها مطبوخآ ليكآ ..

غايتهو لمو لحمكم
قبل ما يلفهو ليكم في كفن:(

[imported_عبدالعزيز عبدالله]

بسم الله الرحمن الرحيم

عبد العزيز عبد الله .. تحياتى ..
لك ولمضيفك الرائع أبو أمــانى ..

1/ اللون الأخضر وشيخنا بابكر .. سر الريدة ؟؟
2/ النظرة الجمالية المفقودة عند قسم كبير من السودانيين ,,
هل لمست ذلك فى ممارستك لمهنة التصميم ؟؟
3/ والحالة دى ( قلق جدا ومتقلب المزاااااااج )
هل تلقى بأثارها السلبية على أعمال هندسة الديكور ؟؟؟

كفاك مش كده :)

الريس الرائع النور ... لك التحية

1- للون الاخضر سر غريب في داخلي ... تخيل عندما اكون متضايق شديد جد احب اري اللون الاخضر.. وتحديدا في الاشجار ... وبمقدور اللون الاخضر ان يحولني من حالة التوتر الي حالة السكون في لحظات ... ويكفي انه لون ثياب اهل الجنة .. جعلني وإياكم من ساكنيها (آمين).

ولقد قرأت عن اللون الاخضر في موقع ووجدته يتحدث عنه بالتالي: (وصل العلماء إلى قرار قاطع بأن اللون الوحيد الذي يجلب السرور على داخل النفس والإنتعاش في الفكر هو اللون الأخضر ومن أروع ما يدل على تأثير اللون الأخضر)...
فتعرف يا عم النور انا بي كلامك دا لاحظت ان الشاب بابكر مخير بيستعمل اللون الاخضر نفسة .. وزي ما قلت يمكن يكون دا سر الريدة...

2- يمكن لاننا شعب نوعا ما جاف.. والجفاف والجمال ضدان لا يلتقيان ...

اجيك لي قصة شوية قريبة وبعيدة من سؤالك ...
ايام الجامعة: كنت زول مشاكس جدا.. وكنت عامل فيها الزول مناضل او متنوضل: اها كان في انتخابات في الجامعة واخوك في اللجنة التسييرية علشان كنا عاوزين نقلع الإتحاد من الكيزان ... اها كالعادة الجماعة جابو ليك كل المليشيات من الإسلامية والقران الكريم بمساعدة الامن والاحتياطي المركزي .. وكنت احد الذين تم القبض عليهم تم حبسنا اولا في ساحة الجامعة .. وبدأو في اسئلتنا اسمك وبتقرأ ياتو قسم ...والذي كان يقوم بإستجوابنا واحد كدة عريض المنكبين (شلولخ:D) مقاساتو10X6 وكل ما يلاقي واحد ديكور بيقوم بيضربو كف ويقول ليهو (هسه عليك الله دي قراية رجالgoood) ويمشي للبعدة يلاقيهو إعلام يخليهو يلاقيهو معمار خليهو واول ما يجي للديكور يقوم يضربو ليك كف والكلمة إياها ... ولما جا الدور علي اسمك منو؟ عبدالعزيز عبدالله. بتقرأ شنو؟ تصميم داخلي ... تخيل صاحبنا مشي خلاني.
فعلى كدة قيس كيف كان تقبل السودانيين للنظرة الجمالية.

3- تعرف دا السبب الخلاني اتوجه للحديد والانشاءات المعدنية.. حيث ان مع سرعة دوران عجلة الحياة وتقلب المزاج جعلني لا اجلس كثيرا للتصميم .. واتجهت للتنفيذ ثم ترك المجال قبل 4 سنوات.


اي شي منك مقبول ... بس أوعاك من القرارات الإدارية ...:p:Dgoood

شكرا اخي النور

[imported_جانيت]

الريس الرائع النور ... لك التحية

1- للون الاخضر سر غريب في داخلي ... تخيل عندما اكون متضايق شديد جد احب اري اللون الاخضر..

هنا بهديك اغنية الخدار خداري يا ناس خداري ومن العين بضاري يا ناس خداري
تاليف والحان حبة وان ما مسئولة




يا عم النور



شكرا اخي النور

هنا اثبات واضح للتقلب
يا جنى اثبت عمك ولا اخوك



غايتو يا عزو وووووب عليك

[imported_عبدالعزيز عبدالله]

عبعزيز سلام مربع يا احلى عبعزيز

البت المعولقة سمراء دى قالت بتشبهنى انا زول خواف ما بيشبهنى:mad:
المهم انت مشرف ومنور الدار يا بطل.
رغم انه فى زول غتيت معلق ليهو فانوس فوق رقبتو حيم بى هنا لكن وراك رجالة
قول لينا اول شاكوش وما هو تاثيره السلبى والايجابى؟؟؟
بعد تسخن نجيك تانى


سارة ازييييييك يا عسل والله مشتاقين شديد ..
خليك من الزول دا ... وانا بقول ليهو من البعد ... بيجيبك الموز يا قرد ... وعمان دي يومين تلاثة وحتكون فيها ... اها البيحلك من شنو :rolleyes: زي ما قالت ليك دكتورة هيفاء(إلا تطير يا حبة)

اما عن سؤالك ... انا قبيل قلت ما عاوز ضرب تحت الحزام:mad:
لكن طالما انا هنا حاجاوب عن كل سؤال بدون تردد...

والله ياخ اكضب عليك اول وآخر شاكوش كان حاااااااااااااااااااااااااااار ...
كنت سينير في الجامعة ... ووحاتك جات برلومة حاجة عجيييييييييييييبة كدة ... اخوك شهر بيحاول يقرب منها ... وكل ما اجي بحاول اقرب تمسكني ليك (ضربة قلب وخمة نفس وشحتافة روح):D:D:D... المهم كنت يوم ماشي علي امدرمان من الجامعة وقامت احدي زميلاتنا قالت لي ياخ عندي زولة عاوزاك توصلها معاك امدرمان لانها ما بتعرف المواصلات لانو الترحيل ما جاها اليوم .... قلت ليها ياخ ما تكريهيني لكن ما مشكلة اول وآخر مرة تجيبي لي زول اوصول معاي (خوفا علي حق المواصلات)... المهم مشت نادت الزولة وطلعت ياها زولتي زااااااااااااااااااااااااتها... واخوكي هنا جاهو شلل اطفال بقيت ما عارف اتحرك من مكاني المهم ... وصلتها لي بيتهم وانا وصيلت لي قلبها ... ومن ديك وعيك ... كان اول حب ... كانت اللحظات الجميلة تجري بسرعة ... ومضينا عامان ... وسائت الامور ولإسباب خاصة بشخص غير متواجد معنا ... لبعوني ليك الشاكوش...
ياخ والله بي صراحة فقط (الدنيا ضلمت)..
التأثير السلبي ... ومافي زول يجي يقيف لي في حلقي: (عدم الثقة في مشاعر البنات)..
التأثير الإيجابي... بعد ألم ومرض وطمام بطن طواااااااااالي وفقدان شهية لمدة قاربت ال9 شهور ... صرت قويا كالصخر وبعدها لم احزن علي شيئ فقدته...

[imported_عبدالعزيز عبدالله]

عشان اسالتنا ممكن تخليك تجي الثودان وتجاوب هنا براك
انا عرفت عنك كتير وانت زول رائع بكل ما تحمل الكلمة من معنى
حتى الناس العرفناهم من طرفك كانو ناس قمة في الروعه حبة ومدحت
بس انطباعك عن سودانيات ومجتمعها وعن ارتباطهم بيك ؟؟؟؟؟؟؟؟؟؟؟
طبعا سؤال مفتوح شديد اسكت جااااااااوب :p:D
فرفوش ياخ انت


ما مشكلة انتو اسألو وانا عليا الإجابة:

والله كلامك الجميل دا من اصلك الطيب يا رائعة انتي ...
لا بس الناس العرفتوهم عن طريقي حبة دا اعملي حسابك منو:D

والله انا انطباعي عن ناس سودانيات السودان حاختصرو ليك في كلمتين...

يا ريتني الناس ديل عرفتهم من زماااااااااان ... لانهم جد ناس جديرين يان الواحد يعرف عليهم ... وانا محظوظ لاني اتعرفت عليهم ..
بث

[imported_عبدالعزيز عبدالله]

ومن هنا بنرحب بالشحرور عب عزيز ...الكوعى المفرفش ...وبتمنى ليهو اقامة طيبة فى هذا الكرسى المولع :D


وانحنا كذالك سعيدين بترحيب يا شحرورة (لكن ما صباح)

شكرا لك يا رئيسة حسب العوكية اقصد الكوعية


عبدالعزيز عبدالله
حزب الكوعية
قطر عمان

[imported_عبدالعزيز عبدالله]

[QUOTE=معتصم الطاهر;223093]
عبد العزيز

شنو حكايتك مع الحلو ..



الطاهر: معتصم الطاهر

اول شي انا ما بتاع (سمسية) لانو السمسمية مرتبطة بالحلو ...
في عهدي كنت بتا شامبيون ساااااااااااااااااااااااكت وجبنة وزيتون وخيار

اما الحلو الظاهر في الصورة دا منبثق من الجلسة الحلوة التي كانت علي شرف الحلوين (معتصم & ساااااااااارة)


لكن بيني وبينك يا باش (رموش الست ما حلوة).

تخيل زمان والدي: الاستاذ عبدالله عبيد كان ولا زال لما يجيب حلاوة العيد بجيبها زيادة علشاني لاني كنت بحب اكل الحلويات بصورة رهيبة اما الان الكبر حصل وبدأت الهواية في تناقص...

[imported_عبدالعزيز عبدالله]

قال مائدة وجايب ليهو الساحوتآ دآ..
بذكرني دآ حكاية الراجل العزموهو غدآ، جابهو صحن الكسرآ ودلقهو فيهو "أمرقيقآ" بالحم وما بتاعت "ماجي"..
زولنا يبحبت في وسط الكسرة لمن يلم ليهو في قطعة لحمآ، يلفها بشقفة كسرة ويظمتها والعملية شغالآ،،
سيد البيت عيونهو رقرقت وبشدآ قال لي الضيف:
إتا بتدسدس في اللحمآ ليييه، ماهي أصلها مطبوخآ ليكآ ..

غايتهو لمو لحمكم
قبل ما يلفهو ليكم في كفن:(


عمنا الحبيب بكوري ...

والله مشتاقين شديد...
تخيل العم الاخ النور لاحظ اننا بنكتب باللون الاخضر وقال دا سر الريدة...
هسه المهم انت غير ما جيت خوفت الناس مني ما عملت حاجة ...


وين سؤالك لي ..


اللهم ثبتا عند السؤال.

[imported_أبو أماني]

العم العزيز أبا اماني :
لك التحية ولكل المتواجدون معك في صالونك العامر...
البداية انا شكلي جيت هنا بدل فاقد ... لكن ما مشكلة ... حانسيك عملية الاخت سمراء ... بس عليك الله ما جبت معاك ملاح النعيمية ليه يا منقا ... ما عارف انه الملاح المفضل عندي...

نبدأ ليك بأسئلتك ...
الاسم: عبدالعزيز عبدالله محمد عبيد
الحالة الاجتماعية: متزوج وأب لابن (عبدالله).... لكن بتعجبني الآية المذكور فيها (مثني وثلاث ورباع):p

المهنة: مهندس تصميم داخلي (ديكور)... وتخصصت في حاجة ما ليها علاقة بالتصميم الداخلي والديكور. مجال الانشاءات (هياكل معدنية).
اللون السياسي : سوداني فقط والحمد لله (لا يمين لايسار لاخاتف لونين)

قلق جدا ومتقلب المزاااااااج

الفنان المفضل: عثمان حسين، ثم محمد الامين،
احب اللون الاخضر شديد جدا
اللون الرياضي: الاحمر الوهااااااااااااااااااج.

انا افصحت عن الحاجات الحاضرة

في انتظار الاسئلة ... لكن عليكم الله ما بحب الضرب تحت الحزااااااام:D

عارفك ظريف ودمك شربات وعثل ينقط .. وكنت متأكد من إستجابتك الفورية .. وقالوا كراع البقر جيابة .. شوف طلتك البهية جابت لينا كم هرم من أهرام سودانيات! على رأسهم الرائعة دوما سارة .. النور ما تحمر لي .. مش الخواجات قالوا ليديز فيرست؟!

كدي عليك الله ضوق الكبده والمطايب دي قبال تبرد .. هيفاء المرارة ما مرقت؟ فتحي ها .. بتخنق .. حوووووولا .. إتو مصر ما فوقها لحمة ولا شنو؟ تعرف يا عزو جيت مدبرس على دبرسة الحليوة سمراء .. الحاجة في البيت أدتني ليك هوم ويرك زي السم .. بس لقيتك منور البوستر والناس البحبوك ما صدقوا.. شغالين تحت الحزام طووووالي.. شئ شواكيش شئ أول قصة حب في حياتك .. غايتو يا سرورة لقيتك بس تقول شايقية .. يا بت جبتي الخباثة دي من وين وكمان عكود الشايقي الحر أب توبا بجر .. كنكش ليك في مثنى وثلاث ورباع كنكشة (كوز) في سبيل .. يعني ما عارفين أم عبد الله زي أم أماني الخالق الناطق .. مع مراجعة الجيوب جابت ليها مراجعة إنترنيت ومعرفة باصويرد ..goood والله ياعزوز فرحت أي والله فرحت فرحة شافع طهور مخدتو مليانة ضحاكات .. لمن لقيت كل الناس هبوا يناوشوك .. يلا أخد راحتك مع حبائبك واتجدع ساااااكت وبحلف ليك سرك في بئر .. أكان ختيت عمك فتحي مسعد .. الحبة أأأأأأبتجـــيك!!! ما تفرح .. أبو أماني مكر مفر .. يلا تشااااوووو goood

[imported_عبدالعزيز عبدالله]

عارفك ظريف ودمك شربات وعثل ينقط .. وكنت متأكد من إستجابتك الفورية .. وقالوا كراع البقر جيابة .. شوف طلتك البهية جابت لينا كم هرم من أهرام سودانيات! على رأسهم الرائعة دوما سارة .. النور ما تحمر لي .. مش الخواجات قالوا ليديز فيرست؟!

كدي عليك الله ضوق الكبده والمطايب دي قبال تبرد .. هيفاء المرارة ما مرقت؟ فتحي ها .. بتخنق .. حوووووولا .. إتو مصر ما فوقها لحمة ولا شنو؟ تعرف يا عزو جيت مدبرس على دبرسة الحليوة سمراء .. الحاجة في البيت أدتني ليك هوم ويرك زي السم .. بس لقيتك منور البوستر والناس البحبوك ما صدقوا.. شغالين تحت الحزام طووووالي.. شئ شواكيش شئ أول قصة حب في حياتك .. غايتو يا سرورة لقيتك بس تقول شايقية .. يا بت جبتي الخباثة دي من وين وكمان عكود الشايقي الحر أب توبا بجر .. كنكش ليك في مثنى وثلاث ورباع كنكشة (كوز) في سبيل .. يعني ما عارفين أم عبد الله زي أم أماني الخالق الناطق .. مع مراجعة الجيوب جابت ليها مراجعة إنترنيت ومعرفة باصويرد ..goood والله ياعزوز فرحت أي والله فرحت فرحة شافع طهور مخدتو مليانة ضحاكات .. لمن لقيت كل الناس هبوا يناوشوك .. يلا أخد راحتك مع حبائبك واتجدع ساااااكت وبحلف ليك سرك في بئر .. أكان ختيت عمك فتحي مسعد .. الحبة أأأأأأبتجـــيك!!! ما تفرح .. أبو أماني مكر مفر .. يلا تشااااوووو goood

كدي اقيف ياعمو .... نسيت اهم صحن في العيزومة دي... هاك امسك ختو جنب العجايز ناس بابكر ورأفت والنور وجدنا ابو شريط:D... هاك ليهو:

http://up.sudanradio.info/upradio/upload//15962-1-589108056.jpg (http://up.sudanradio.info/)


الظرافة يا كوتش دي فضلة خيرك ... والردود اللطيفة ولمة الناس الجميلين دي كلها عشانك يابا، تخيل والله بي جد كلامك الواحد لما يسمعو كأنك قاعد جنبو ... وبيحس بالإلفة داخلة توووشك في القلب...
كان علي الضرب تحت الحزام الانا ما بريدو ، صدقني وانا قاعد في ضيافتك ما حاسي بيهو ...
وكان علي سارة وبابكر مخير ياهم ناسي الما برفض ليهم طلب ... وبالمناسبة قصة الشاكوش دي انا اول مرة احكيها علي الملأ...
اما عن عكود الصغير ... فياهو اخوي ونسيبي وكنكشتو دي والله علي قلبي زي العثل... في انتظار عمنا عكود يجي ويسألني الاسئلة المباشرة...

اما ام اماني وام عبدالله وام موسي وعيسي وكورينا ومجوك وأوهاج ... ياهم النزلونا من الجنة ... حنعمل ليهم شنو طالما الجنة قالو تحت رجلينهم ... ربنا يلزمنا الصبر

الناس الجوني هنا صدقني يا عمنا جايين بيك وليك...

محبتي واحترامي

[imported_محمد عكود]

خليك من الزول دا ... وانا بقول ليهو من البعد ... بيجيبك الموز يا قرد ... وعمان دي يومين تلاثة وحتكون فيها ... اها البيحلك من شنو :rolleyes: زي ما قالت ليك دكتورة هيفاء(إلا تطير يا حبة) [/QUOTE

هع هع هع ...
انا الموززززز زاتو ما القرد ...
وقصة الشاكوش دي حاليا انا طبعتها عديييييل ...
وابقى قدر كلامك بس ....

اما عن كلام دكتورة هيفاء
فأنا والله غلباااااااان .. هو داك الكان طبعو شينlooool

[QUOTE=عبدالعزيز عبدالله;223114]
لا بس الناس العرفتوهم عن طريقي حبة دا اعملي حسابك منو:D

بث

وشااااايفك ..
قدر ما اوقرك ... في الشيــــــن اراك تتقدم
اتعكنن خلاااااص انا صبـــــري حصنو اتهدم
اصلو البينا ماااااا بتنفك من غيـــــــــــــر دم
الكاينة التكون يا عزو .. مافي من وراها ندم

بس ابقي قدر كلامك ...


وكمان عكود الشايقي الحر أب توبا بجر .. كنكش ليك في مثنى وثلاث ورباع كنكشة (كوز) في سبيل .. goood


ابو اماني ...
لا حولاااااااااا
مريخابي وقبلناك ... وعاملناك كأنك واحد مننا طبيعي ...
ما حصل زول عايرك بمرضك - شفاك الله - ولا جرحك بكلمة ...
واستحملنا معاك كل المك وصبرك على ابتلائك ....
واجترينا معاك الفرح بكاس بعانخي .. وترهاقا .... وضياع سيكافا
لكن تطلعني شاااااايقي دي كتيييييرة منك ....:mad:

لكن تعرف رغم دمويت انتمائك ... الا اني والله بريدك ...
ريدا قدر كراهيتكم لحرفنة البرنس ... واقوان سادومبا ..
قلبا يمين .. قلبا شمال ..
سادومبا سايقا العربية ..
قلبا بيـــــه ... قلبا ليـــــه ...
وانا اكرم .. طلعت حيـــــــة ..
يا ابو اماني العربية ..



حتى الناس العرفناهم من طرفك كانو ناس قمة في الروعه حبة ومدحت



اسمع كلامك اصدقك ...
اشوف ردودك ... استعجب ...


رغم انه فى زول غتيت معلق ليهو فانوس فوق رقبتو حيم بى هنا لكن وراك رجالة
قول لينا اول شاكوش وما هو تاثيره السلبى والايجابى؟؟؟



حتى انتي يااااااسارة ...
طيب انا وغتيت .. الفانوس ليه تجرحيهو ..؟؟؟؟

لكن سؤالك جدجدجد ريحننننننننني ...
ههههههههه
كان وراهو رجالا ... هسي شوف عيني الرجال قدااااااامو
ضربتيهو في مقتل ياااخ ...
والله حقو انا اقيف معاهو ... واديك انتي تعلقي الفاااانوس
هههههه

[imported_زول الله]

عبدالعزيز كيفنك و عساك فاين ان شاءالله
جيت جاري جري قلت ألحق لي خشم خشمين زرة زرتين كدا
لكن لقيت الناس ديل ردموك ردم الجن وماقصرو معاك تب
اها دي طوبتي ختيتا هنا ومافي زول يزحها ..
بشوف لي كم زرزرة كدا أجيبن ليك
وبجيك صادي










اقول قولي هذا واستغفر الله لي ............

[imported_جانيت]

عزو
سوعال
حلم لم تستطيع تحقيقه؟؟؟؟؟؟؟؟؟؟؟؟؟

[imported_أبو أماني]

عبدالعزيز كيفنك و عساك فاين ان شاءالله
جيت جاري جري قلت ألحق لي خشم خشمين زرة زرتين كدا
لكن لقيت الناس ديل ردموك ردم الجن وماقصرو معاك تب
اها دي طوبتي ختيتا هنا ومافي زول يزحها ..
بشوف لي كم زرزرة كدا أجيبن ليك
وبجيك صادي










اقول قولي هذا واستغفر الله لي ............




حقيقي سعدت بمداخلتك لاني برتاح ليك ولكتاباتك الرائعة ولونك الأسمر الحلو ده .. عليك الله السمرة الدقاقة الناعمة بتعملها كيف .. أوعى تكون بتستعمل اللغاويس ديك.. كريمات وبدره.. بس الزعلني منك إنك طلعت زول هرااااش سااااكت .. ! goood شايفك من ما ختيت الطوبة وهاك يا زغبير أها خم وصر جانيت شايفها شاتتها بكراعها .. والله الدكتورة دي مفترية بشكل.. عاجباها روحها بلحيل بس بيني وبينك معاها الف حق ! :D بس عزوز طبعا راجل لبق ..وأكيد حيتصرف .. ولا بيكون لابت منك وخائف من هرشتك الطلعت زي هرشة أوكامبو دي؟؟ هوووووي .. كمان جابت ليها كلام في الممنوع؟ أنا بررررة .. يلا تشششاااوووgoood

[imported_أبو أماني]

عبدالعزيز كيفنك و عساك فاين ان شاءالله
جيت جاري جري قلت ألحق لي خشم خشمين زرة زرتين كدا
لكن لقيت الناس ديل ردموك ردم الجن وماقصرو معاك تب
اها دي طوبتي ختيتا هنا ومافي زول يزحها ..
بشوف لي كم زرزرة كدا أجيبن ليك
وبجيك صادي

يا أخوي دقست .. يمين جانيت .. الدكتورة المفترية دي (لاكين بحقها) شوف عيني شاتت ليك الطوبة حقتك بكراعها .. ودخلت توووووش .. وإت طلعت هراش سااااكت .. عامل لي فيها مفتح وتقول لي .. إنت المخ .. وأنا العضلات .. عزوز ما تخاف منو .. goood








اقول قولي هذا واستغفر الله لي ............




حقيقي سعدت بمداخلتك لاني برتاح ليك ولكتاباتك الرائعة ولونك الأسمر الحلو ده .. عليك الله السمرة الدقاقة الناعمة بتعملها كيف .. أوعى تكون بتستعمل اللغاويس ديك .. بس الزعلني منك إنك طلعت زول هراااائ سااااكت .. ! goood شايفك من ما ختيت الطوبة وهاك يا زغبير أها خم وصر جانيت شايفها شاتتها بكراعها .. والله الدكتورة دي مفترية بشكل .. بس عزوز راجل لبق ..وأكيد حيتصرف .. ولا بيكون لابت منك وخائف من هرشتك الطلعت زي هرشة أوكامبو ؟؟ هوووووي .. كمان جابت ليها كلام في الممنوع؟ أنا بررررة .. يلا تشششاااوووgoood

[imported_أبو أماني]

في شوية أسئلة ما جاوبت عليها ولسع في ناس لابتين ليك .. وأسع دي هاك عربون مودة :-

* قصة لقاءك بنصفك الآخر .. ونبذة عامة عنها حفظها الله لك ولعيالها ..

* أسعد يوم مر بيك في حياتك العامرة بإذن الله .. التفاصيل الدقيقة مهمة جدن ..

* حدثنا عن أحب صديق إلى قلبك عبر كل هذه السنين وحتى الآن ...

مكر .. مفر .. شيل شيلتك ..يابا .. وده غير اللابتين ليك في اللفة .. يلا تشششااااوووووgoood

[imported_جانيت]

جانيت شايفها شاتتها بكراعها .. والله الدكتورة دي مفترية بشكل.. عاجباها روحها بلحيل بس بيني وبينك معاها الف حق ! :D goood

وهو عشان كده انت مشخت لي
انا اصلا زعلانه منك
وقلت اشخت ليك لكن ما بقددر حكمتو بالغه يا ابو اماني
ليك شوق واشواق
وشوق شاقاي شقانا ....الما شقا شقانا

[imported_زول الله]

حقيقي سعدت بمداخلتك لاني برتاح ليك ولكتاباتك الرائعة ولونك الأسمر الحلو ده .. عليك الله السمرة الدقاقة الناعمة بتعملها كيف .. أوعى تكون بتستعمل اللغاويس ديك.. كريمات وبدره.. بس الزعلني منك إنك طلعت زول هرااااش سااااكت .. ! goood شايفك من ما ختيت الطوبة وهاك يا زغبير أها خم وصر جانيت شايفها شاتتها بكراعها .. والله الدكتورة دي مفترية بشكل.. عاجباها روحها بلحيل بس بيني وبينك معاها الف حق ! :D بس عزوز طبعا راجل لبق ..وأكيد حيتصرف .. ولا بيكون لابت منك وخائف من هرشتك الطلعت زي هرشة أوكامبو دي؟؟ هوووووي .. كمان جابت ليها كلام في الممنوع؟ أنا بررررة .. يلا تشششاااوووgoood

ابواماني ياخ أوضعتم تخاجلنا عديل كدا ;)
بعدين السمرة دي جابا الله لكن ماتسألني من وين
بس أقول ليك سر ؟؟ بعمل نايم ولما اصحى بلقى السمار مالي الحتة:D
ايوااا دقيقة ... انت لوني شفتو وين ؟؟؟

انا طوبتي ختيتها كـ وقت مستقطع نعاود بعده الهجوم بقوة
فـ خليهو بس اليستناني
الدكتورة دي عندها شبكة رايحة بتجمع مرات مرات ولما تجمع بتشوت ضفاري
والضفاري مابنفع مع ناس أوكامبو ..... هوووي أوكامبو دا منو ؟؟
انا زاتي برا ودلاقيني برا










اقول قولي هذا واستغفر الله لي ...............

[imported_زول الله]

عبدالعزيز ماعايز ومابحبذ الاسئلة التعسفية و دي عندي بيها قائمة تشمل السياسة والدين والعرق وهلمجرا فـ خلينا نتجاوز الحتة دي ونسيبا لي ناسها الحيجوك داخلين .
انا عايز ارجع بيك كم سنة كدا ركز معاي ...
* قرار إتخذته وندمت عليه ماهو ولماذا ؟
* مرتع الصبا ومهد الريدة الأولى أين موقعه من الخريطة ؟
* اصدقاء تشتاقهم تفرقت بكم السبل من و أين هم الآن ؟
* الزواج وأثره في حياتك وماترتب عليه ؟
* الاهتمامات والهوايات الشخصية وكيفية ممارستها في الزمن السجم دا ؟
* المجال الأكاديمي والدراسة وطبيعة العمل الحالي ؟
* شخص تمنيت أن تكونه ولماذا ؟
* علاقتك باعضاء سودانيات والمقربين منهم وكيفية إنضمامك للمنتدى ؟

دي فرشة كدا لزوم التسليك والذي منه
وبجيك صادي









اقول قولي هذا واستغفر الله لي ..............

[imported_عبدالعزيز عبدالله]

عبدالعزيز كيفنك و عساك فاين ان شاءالله
جيت جاري جري قلت ألحق لي خشم خشمين زرة زرتين كدا
لكن لقيت الناس ديل ردموك ردم الجن وماقصرو معاك تب
اها دي طوبتي ختيتا هنا ومافي زول يزحها ..
بشوف لي كم زرزرة كدا أجيبن ليك
وبجيك صادي

اقول قولي هذا واستغفر الله لي ............


حبيب الكل زول الله

عليك الله شفت الناس دي خربشتني كيف ... لكن الله في


بس عليك الله طوبتك دي بعدين ما تقوم تفلقني بيها ... لانك جاي بي سلاحك جاااااااهز:D


ياخ كلمهم ... قوليهم خليكم من الشوت الضفاري

[imported_عبدالعزيز عبدالله]

عزو
سوعال
حلم لم تستطيع تحقيقه؟؟؟؟؟؟؟؟؟؟؟؟؟


ياخ سوعالك والله صعب يا جنو...:mad:

عارفة حاجات كتيرة حلمت بيها ولم تتحقق ...

المهم انو الواحد يرضي بالحاجات الإتحققت لانو الانسان لو قعد يفكر في الحاجات التي فشل في تحقيقها حكون كارثة بالتأكيد ... ولانو الانسان طالما هو حي اكيد حيحلم ويحلم ... هناك احلام تتحقق واخري لا ... فعلينا الفرح بما تحقق


لكن يظل الحلم الباقي ... (الراحة النفسية)؟؟؟؟؟؟؟؟؟؟

[imported_جانيت]

ياخ سوعالك والله صعب يا جنو...:mad:

عارفة حاجات كتيرة حلمت بيها ولم تتحقق ...

المهم انو الواحد يرضي بالحاجات الإتحققت لانو الانسان لو قعد يفكر في الحاجات التي فشل في تحقيقها حكون كارثة بالتأكيد ... ولانو الانسان طالما هو حي اكيد حيحلم ويحلم ... هناك احلام تتحقق واخري لا ... فعلينا الفرح بما تحقق


لكن يظل الحلم الباقي ... (الراحة النفسية)؟؟؟؟؟؟؟؟؟؟

ما بحب الاجابات الدبلوماسيه
التي لا تشفي غليلي:cool:
واحسن ليك تجاوب بكل صراحه قبل ما الواحد يردمك اساله ما تقدر تطلع منها:eek:

[imported_عبدالعزيز عبدالله]

في شوية أسئلة ما جاوبت عليها ولسع في ناس لابتين ليك .. وأسع دي هاك عربون مودة :-

* قصة لقاءك بنصفك الآخر .. ونبذة عامة عنها حفظها الله لك ولعيالها ..

* أسعد يوم مر بيك في حياتك العامرة بإذن الله .. التفاصيل الدقيقة مهمة جدن ..

* حدثنا عن أحب صديق إلى قلبك عبر كل هذه السنين وحتى الآن ...

مكر .. مفر .. شيل شيلتك ..يابا .. وده غير اللابتين ليك في اللفة .. يلا تشششااااوووووgoood


تعرف يا عمو ابو اماني .. ياخ بالعربي كدة (انتو لو زعلانين مني كلموني بالعربي كدة):cool:

* 1- تخيل يا أبو اماني انا زواجي كان تقليدي لأبعد الحدود ... او بالعربي زاج مغتربين عديييل كدة...

اختي سافرت السودان اجازة وجات راجعة من السودان ومعها صورة لأحد بنات أقرباء زوجها .. ومدحت البنت وكان النصيب ... لكن تعرف يا ابو اماني انه تم عقد قراني ليها ولم أراها ... وكانت المقابلة الاولي لنا قبل حفل الزواج بيوم.. وهي بنت خال ابو فانوس...
هي من آل عكود (فرع الدناقلة)- خريجة قانون (يعني اخوك دايما مهزوم في المرافعاتا) ست بيت ممتازة ... تجيد كل انواع الطبيخ ... هادئة وراسية... يعني كريمة من بيت كريم...

*2- اسعد يوم في حياتي .. كان اول ماهية استلمتها وقاسمتها بين الوالد والوالدة ربنا يحفظهم.

*3- احب صديق لي بعد صداقة دامت 16 سنة ... عضو المنبر مدحت محمد عثمان... الصديق في السراء والضراء ... تزاملنا في الجامعة ... اشتغلنا كماسرة وسواقين حافلة مع بعض... عدمنا القرش مع بعض ... عدمنا الاكل مع بعض ... بيتنا هو بيته وبيته هو بيتي...

لكن زعلان منو في حاجة: خلاني اعرس ... وهو فضل عزابي وراسو فاااااضي...
وبدعي عليهو: انشاء الله تعرس 4 في آن واحد ...

[imported_عبدالعزيز عبدالله]

ما بحب الاجابات الدبلوماسيه
التي لا تشفي غليلي:cool:
واحسن ليك تجاوب بكل صراحه قبل ما الواحد يردمك اساله ما تقدر تطلع منها:eek:



انتي ما تنسي اختيار اللضيف رقم 12 مفروض اختارو انا .....

اقعدي انتي وابو فانوس نططو لي كدة ... علشان ادعوكم الاثنين ... اقنطركم الاتنين ... وبعداك اجي ناطي فيكم الاتنين بالجوز...

[imported_جانيت]

انتي ما تنسي اختيار اللضيف رقم 12 مفروض اختارو انا .....

اقعدي انتي وابو فانوس نططو لي كدة ... علشان ادعوكم الاثنين ... اقنطركم الاتنين ... وبعداك اجي ناطي فيكم الاتنين بالجوز...

يوجد تهديد
هسي اعمل بوست واقول يوجد تهديد
غايتو شور علي وانا اقول ليك رقم 12 ده محمدعكود
اليومين دي لو سالته من يوم ولدوك لليله الحصل شنو بيحكي
السر عندي والا تدفع

[imported_عبدالعزيز عبدالله]

يوجد تهديد
هسي اعمل بوست واقول يوجد تهديد
غايتو شور علي وانا اقول ليك رقم 12 ده محمدعكود
اليومين دي لو سالته من يوم ولدوك لليله الحصل شنو بيحكي
السر عندي والا تدفع


عليك الله قومي افتحي ليك بوستين تلاتة كدة عن تهديدي ليك ... وبوست رابع كدة اعملي استفتاء متعلق بي استمراري بالمنتدي ام لأ اصلو دي بقت الموضة في سودانيات ... قايلاني خايف منك :mad::mad::mad:

المهم الشمار بتاعك قدييييييييييييييييييم وجاني من صاحبو بعد ساعة من حدوثو .. وبعدين ما تنسي ابو فانوس دا نسيبي ونصيبتي ...

[imported_جانيت]

عليك الله قومي افتحي ليك بوستين تلاتة كدة عن تهديدي ليك ... وبوست رابع كدة اعملي استفتاء متعلق بي استمراري بالمنتدي ام لأ اصلو دي بقت الموضة في سودانيات ... قايلاني خايف منك :mad::mad::mad:

المهم الشمار بتاعك قدييييييييييييييييييم وجاني من صاحبو بعد ساعة من حدوثو .. وبعدين ما تنسي ابو فانوس دا نسيبي ونصيبتي ...

انت عشان عارف انا لا بتكومج ولا بعرف الكوماج
رقيقة وكده
وانت داير ليك سبب شهرة
والشهرة متاعب .....والبيت المسكون زاتو
انا بعمل استفتاء بس في حاجه تانيه غير طلوعك من هنا يا عزو
ياخ ما تخليني اكثر ليك تلج يا ابو عبودي

بعد ساعه بث
معقوله الله يجازي التلفونات والنت ياخ
البيبقي شمارنا بايت

اها اواصل اساله ولا افتح البوستات

[imported_عبدالعزيز عبدالله]

انت عشان عارف انا لا بتكومج ولا بعرف الكوماج
رقيقة وكده
وانت داير ليك سبب شهرة
والشهرة متاعب .....والبيت المسكون زاتو
انا بعمل استفتاء بس في حاجه تانيه غير طلوعك من هنا يا عزو
ياخ ما تخليني اكثر ليك تلج يا ابو عبودي

بعد ساعه بث
معقوله الله يجازي التلفونات والنت ياخ
البيبقي شمارنا بايت

اها اواصل اساله ولا افتح البوستات


عليك الله واصلي يا جانيت في الاسئلة ...
وياريت الواحد يشتهر عن طريقك ... انا لاقي..


تعرفي يا جانيت ... انا زمان لما كنت طالب في الجامعة ولظروف طارئة المصاريف انقطعت عني ... وكان ذلك في العام 1996.. وكان لابد من إيجاد حل... المهم اتوظفت مع جارنا في البوكس بتاعو ... كانت وظيفتي كالتالي: عتالي شنط... حيث درج جارنا الذهاب حوالي الساعة 11 مساء الي السوق الشعبي الخرطوم في انتظار الباصات القادمة من بورتسودان.. وكنت اقوم برفع وانزال العفش من والي البوكس.. وكان العمل يستمر حتي الساعة 2 صباحا ... ارجع البيت وانوم واصحي الصباح امشي جامعتي زي الماحصل حاجة ... وكنت اتحصل علي يومية حوالي 15 الف... وكانت مبلغ خرافي جدا لطالب في الجامعة حيث ان المئة دولار في ذلك الوقت بتساوي زي 110 الف... فشوفي كم كان يساوي دخلي الشهري ... والله كنت ملك عدييييييل كدة ... المهم يوم من الايام كدة وانا في السوق الشعبي قابلتي احدي زميلات الدراسة في الجامعة وكانت من الجماعة المتحنكشين خالص... وكانت قادمة من بروتسودان واول ما شافتني ليك قالت لي عندكم ضيف جاي من بورتسودان ولا شنو ... اجبت عليها بأنني اشتغل عتالي... وكان ردها (ياحراااااااااااااااااااااام)... وتاني يوم صاحبتك م قصرت وتبرعت بإبلاغ الشلة بوظيفتي الليلية ... وهي لا تدري كانت سبب في شهرتي في الجامعة ... شهرة جعلت الجميع يحترمني.


اها شفتي الشهرة متاعب كيف

[imported_جانيت]

عليك الله واصلي يا جانيت في الاسئلة ...
وياريت الواحد يشتهر عن طريقك ... انا لاقي..


تعرفي يا جانيت ... انا زمان لما كنت طالب في الجامعة ولظروف طارئة المصاريف انقطعت عني ... وكان ذلك في العام 1996.. وكان لابد من إيجاد حل... المهم اتوظفت مع جارنا في البوكس بتاعو ... كانت وظيفتي كالتالي: عتالي شنط... حيث درج جارنا الذهاب حوالي الساعة 11 مساء الي السوق الشعبي الخرطوم في انتظار الباصات القادمة من بورتسودان.. وكنت اقوم برفع وانزال العفش من والي البوكس.. وكان العمل يستمر حتي الساعة 2 صباحا ... ارجع البيت وانوم واصحي الصباح امشي جامعتي زي الماحصل حاجة ... وكنت اتحصل علي يومية حوالي 15 الف... وكانت مبلغ خرافي جدا لطالب في الجامعة حيث ان المئة دولار في ذلك الوقت بتساوي زي 110 الف... فشوفي كم كان يساوي دخلي الشهري ... والله كنت ملك عدييييييل كدة ... المهم يوم من الايام كدة وانا في السوق الشعبي قابلتي احدي زميلات الدراسة في الجامعة وكانت من الجماعة المتحنكشين خالص... وكانت قادمة من بروتسودان واول ما شافتني ليك قالت لي عندكم ضيف جاي من بورتسودان ولا شنو ... اجبت عليها بأنني اشتغل عتالي... وكان ردها (ياحراااااااااااااااااااااام)... وتاني يوم صاحبتك م قصرت وتبرعت بإبلاغ الشلة بوظيفتي الليلية ... وهي لا تدري كانت سبب في شهرتي في الجامعة ... شهرة جعلت الجميع يحترمني.


اها شفتي الشهرة متاعب كيف

اخخخخخخخخ ما ده المحير بوبي زاتو ؟؟؟؟؟!!!!!!
الشهرة متاعب والله
بس ياعزو ممكن اسالك؟؟؟
ممكن
لالالا جاوب علي زول الله وبديك سؤال انا حرقني خليك انت

[imported_عبدالعزيز عبدالله]

عبدالعزيز ماعايز ومابحبذ الاسئلة التعسفية و دي عندي بيها قائمة تشمل السياسة والدين والعرق وهلمجرا فـ خلينا نتجاوز الحتة دي ونسيبا لي ناسها الحيجوك داخلين .
انا عايز ارجع بيك كم سنة كدا ركز معاي ...
* قرار إتخذته وندمت عليه ماهو ولماذا ؟
* مرتع الصبا ومهد الريدة الأولى أين موقعه من الخريطة ؟
* اصدقاء تشتاقهم تفرقت بكم السبل من و أين هم الآن ؟
* الزواج وأثره في حياتك وماترتب عليه ؟
* الاهتمامات والهوايات الشخصية وكيفية ممارستها في الزمن السجم دا ؟
* المجال الأكاديمي والدراسة وطبيعة العمل الحالي ؟
* شخص تمنيت أن تكونه ولماذا ؟
* علاقتك باعضاء سودانيات والمقربين منهم وكيفية إنضمامك للمنتدى ؟

دي فرشة كدا لزوم التسليك والذي منه
وبجيك صادي









اقول قولي هذا واستغفر الله لي ..............





لاااااااااااااااااااااحولة...

دي حالتها فرشة ... امال الصبة الخرصانية كيف...:D:D

انت عارف انا يادوب انتبهت لي اسئلتك لما ورتني ليها جاااااااااااااانيط...


قال ما بحب الاسئلة التعسفية قال ... ياخ دا انقلاب عسكري عدييييييييييل كدة:D.... اخير منو الاسئلة العسفية سالفة الذكر...


بجيك بي رواااااقة علي اسئلتك دي


بيني وبينك كدة علشان ما في زول يسمعنا ... اسمك واسئلتك دي ما ماشين مع بعض:p

[imported_جانيت]

لاااااااااااااااااااااحولة...

دي حالتها فرشة ... امال الصبة الخرصانية كيف...:D:D

انت عارف انا يادوب انتبهت لي اسئلتك لما ورتني ليها جاااااااااااااانيط...


قال ما بحب الاسئلة التعسفية قال ... ياخ دا انقلاب عسكري عدييييييييييل كدة:D.... اخير منو الاسئلة العسفية سالفة الذكر...


بجيك بي رواااااقة علي اسئلتك دي


بيني وبينك كدة علشان ما في زول يسمعنا ... اسمك واسئلتك دي ما ماشين مع بعض:p

طيب جاوبو سريع
سؤالي بقى بيتململ
ولا اديك ليه معاه عشان تجاوب بالجمله
جانيت بالتاء ما بالطاء

[imported_زول الله]

بيني وبينك كدة علشان ما في زول يسمعنا ... اسمك واسئلتك دي ما ماشين مع بعض:p

شكوى سريعة لأبواماني ...
الزول دا بيجاوب إجابات إنصرافية في غير موضوع البوست:D
وبعدين بالطريقة دي حيفتل الأسئلة بتاعتنا :D
ياخي اتا قايلا جات بالساهل ؟؟
دي شاربين ليها خمسة فناجين قهوة
وخليك من .... اسمها منو ؟؟؟؟ اهاااا ايوا عرفتها
دي عندها زي ماتقول مثلا مثلا طششان شديد في جميع الشبكات
فـ شنو خليك مركز معانا مابتجيك عوجه


تخريمة:
إسمي مؤجرو بالساعة وهسه قربت تكمل :D:D:D









اقول قولي هذا واستغفر الله لي ...............

[imported_أبو أماني]

شكوى سريعة لأبواماني ...
الزول دا بيجاوب إجابات إنصرافية في غير موضوع البوست:D
وبعدين بالطريقة دي حيفتل الأسئلة بتاعتنا :D
ياخي اتا قايلا جات بالساهل ؟؟
دي شاربين ليها خمسة فناجين قهوة
وخليك من .... اسمها منو ؟؟؟؟ اهاااا ايوا عرفتها
دي عندها زي ماتقول مثلا مثلا طششان شديد في جميع الشبكات
فـ شنو خليك مركز معانا مابتجيك عوجه

تخريمة:
إسمي مؤجرو بالساعة وهسه قربت تكمل :D:D:D

اقول قولي هذا واستغفر الله لي ...............


الذ ناس في سودانيات .. الضيف الراقي عزوز ومضيفيه المشاكسين زول الله وجانيت .. هي قصدي جاااااانيط ..!! يديك العافية ياعزو .. إسم خايل معاها تمام .. تصور يازول إنت واحده مرأة داخلة العيادة أو المختبر وشايلة ليها ورقة وبتقول لبتاع لإستقبال .. عاوزة أقابل دكتورة جاااااانييييط !! والله عجبتوني بلحيل .. ومتونس مع مداخلاتكم ومعاي ناس كتااااااار .. يديكم العافية ويسكنكم الصافية .. يلا واصلو والله يا حبة نسيبك ده حلو جنس حلا .. بالله التقول .. راجل مرأة ..عزوز .. عزوز .. بتي .. كيييييييييف ؟؟؟ إنشاء الله أم عبدالله تسمعني .. وتلفح مفراكتها وتجيك هاجمة .. وتسمع.. تووووف وتسمع .. كووووف .. وتسمح جوووو وتســمع شــــوووو وتسمع وااااي .. وحي .. حي ووووب ويا إتي كفاي .. (كلام مجرب!) goood ... يلاتشششااااووووgoood

[imported_عبدالعزيز عبدالله]

شكوى سريعة لأبواماني ...
الزول دا بيجاوب إجابات إنصرافية في غير موضوع البوست:D
وبعدين بالطريقة دي حيفتل الأسئلة بتاعتنا :D
ياخي اتا قايلا جات بالساهل ؟؟
دي شاربين ليها خمسة فناجين قهوة
وخليك من .... اسمها منو ؟؟؟؟ اهاااا ايوا عرفتها
دي عندها زي ماتقول مثلا مثلا طششان شديد في جميع الشبكات
فـ شنو خليك مركز معانا مابتجيك عوجه


تخريمة:
إسمي مؤجرو بالساعة وهسه قربت تكمل :D:D:D









اقول قولي هذا واستغفر الله لي ...............





يا زول الله يا اخوي كيف ما اجاوب اجوبة انصرافية .. طالما انتو زانقني زنقة ترزي في يوم الوقفة.... :p

والحمد لله شاربين ليها خمس فناجين ... ما سجارة بي خمسة كروووووووت :Dgoood:D

وبعدين طلب خاص ... عليك الله قبل ما إيجار اسمك دا ينتهي ممكن تديني بيهو سحبة يومين علشان اطفش ليك ناس جانيط وسارة وسمراء وعمنا ابو فانوس...
وبي حكاية الفانوس دي ذكرتني في مايو عندهم فكي بكرب ليهم الشغل شديد وكمان بقول ليهم وقت الخريف نتدهو عليهو بي المقولة الشهيرة : (الشيخ فانوس يا مثبت الجالوص وطارد الناموس)... فهسه انا حاندهو اقول: (يالشيخ فانوس ياخ شوف لينا صرفة في ناس الامن الإيجابي ديل):p:D:p:D

[imported_عبدالعزيز عبدالله]

طيب جاوبو سريع



يا بنت انتي كنتي شغالة في المباحث ولا شنو؟؟؟

[imported_عبدالعزيز عبدالله]

عبدالعزيز ماعايز ومابحبذ الاسئلة التعسفية و دي عندي بيها قائمة تشمل السياسة والدين والعرق وهلمجرا فـ خلينا نتجاوز الحتة دي ونسيبا لي ناسها الحيجوك داخلين .
انا عايز ارجع بيك كم سنة كدا ركز معاي ...
* قرار إتخذته وندمت عليه ماهو ولماذا ؟
* مرتع الصبا ومهد الريدة الأولى أين موقعه من الخريطة ؟
* اصدقاء تشتاقهم تفرقت بكم السبل من و أين هم الآن ؟
* الزواج وأثره في حياتك وماترتب عليه ؟
* الاهتمامات والهوايات الشخصية وكيفية ممارستها في الزمن السجم دا ؟
* المجال الأكاديمي والدراسة وطبيعة العمل الحالي ؟
* شخص تمنيت أن تكونه ولماذا ؟
* علاقتك باعضاء سودانيات والمقربين منهم وكيفية إنضمامك للمنتدى ؟

دي فرشة كدا لزوم التسليك والذي منه
وبجيك صادي









اقول قولي هذا واستغفر الله لي ..............





عذا اخي انا كتبت كتير جدا هنا .... علي اسئلتك دي لكن والله بي جد حصلت مشكلة في الجهاز ولم تنزل المشاركة ...
اوعدك ان اعيد الاجوبة مرة اخي حيث انني جلست قرابة ال 45 دقيقة اصر جهدي كله للكتابة ولكن....
سوف ارجع مرة اخري

[imported_عبدالعزيز عبدالله]

عبدالعزيز ماعايز ومابحبذ الاسئلة التعسفية و دي عندي بيها قائمة تشمل السياسة والدين والعرق وهلمجرا فـ خلينا نتجاوز الحتة دي ونسيبا لي ناسها الحيجوك داخلين .
انا عايز ارجع بيك كم سنة كدا ركز معاي ...
* قرار إتخذته وندمت عليه ماهو ولماذا ؟
* مرتع الصبا ومهد الريدة الأولى أين موقعه من الخريطة ؟
* اصدقاء تشتاقهم تفرقت بكم السبل من و أين هم الآن ؟
* الزواج وأثره في حياتك وماترتب عليه ؟
* الاهتمامات والهوايات الشخصية وكيفية ممارستها في الزمن السجم دا ؟
* المجال الأكاديمي والدراسة وطبيعة العمل الحالي ؟
* شخص تمنيت أن تكونه ولماذا ؟
* علاقتك باعضاء سودانيات والمقربين منهم وكيفية إنضمامك للمنتدى ؟

دي فرشة كدا لزوم التسليك والذي منه
وبجيك صادي









اقول قولي هذا واستغفر الله لي ..............





جيتك تاني والله بعد ما تعبت في الكتابة ... لكن اسئلتك ممتعة ...
لكن اعذرني سأحاول ان اقتضب الاجابة هذه المرة

1- القرار الذي ندمت عليه ... هو انني وبعد انتهائي من الجامعة في العام 1999 اتيت الي سلطنة عمان ... وبعد ان حاولت عدة مرات وعملت في اعمال غير قيادية لعدم الخبرة اخذت قرار بأن ارجع الي السودان ... ولكن وبما انه ليس لدي واسطة في السودان (بلد الواسطات) وبما انه ليس لدي دقن ... فقت عانيت كثيرا طوال سنتين .. إتسهلت الامور ورجعت الي السلطنة وكلي عزيمة ووفقت الحمد لله ... ولكن هذه الفترة عندي النية الجادة بأن ارجع مرة اخري للسودان .. ولكن هذه المرة سوف ادرس القرار مرارا حتي يتم التوفيق.
2- ولدت في مدني وتنقلنا كثيرا حيث الوالد ربنا يديهو الصحة والعافية كان يعمل استاذ ثانوي عالي.. وبعد ولادتي ب6 سنوات ذهبنا للقاهر مع الوالد حيث انه كان يقوم بالدراسات العليا (زمن البعثات) وعشنا هناك 4 سنواتثم الي حنتوب ثم الي كوستي ثم الي سلطنة عمان.
3-بما اننا كنا كثيرين الترحال.. وعند عودتنا من مصر ذهبنا الي حنتوب الجميلة ... وهناك تعرفت علي اصدقاء ذوي نكهة جديدة ... وكانت علاقتي بهم من العلاقات المحفورة في الذاكرة.
4- الزواج كمين عدييييييييييييييل كدة... واسأل ابو اماني:D... حيث انك تحترق لكي تسعد آخرين... وبعد الزواج وبعد ان يمن الله عليك بالذرية ... يزداد تقديرك لوالديك... حيث انك تتعرف علي الجهد الذي تكبدوه حتي تصبح انسان مسؤول عن نفسك.
5- هواياتي المفضلة هي الرسم والموسيقي ... حيث انني احب الرسم بالالوان المائية والعزف علي الكمان والاورغ ... لكن مع إيقاع الحياة المتسارع تفقد شغفك للهوايات.. وخاصة الموسيقي تحتاج تمارين مستمرة حتي تطور في مستواك او تحافظ علي الموقع الذي انت فيه... يعني هسه ما قاعد امارس اي هواية.
6- كما اسلفت سابقا : انا خريج هندسة التصميم الداخلي (ديكور) وعمل في مجال الانشاءات (هياكل معدينة) شفت عدم العلاقة .. حيث انني اعمل مدير مشاريع في شركة حكومية (شركة المدينة للخدمات اللوجستية) ووظيفتي تحديدا انشاء المخازن الضخمة.
7- تمنيت ان اكون احد صحابة رسول الله (عليه افضل الصلاة والسلام) .. حيث اننا اصبحن مسروقين بحب الحياة وعدم التفكير في الآخرة ... واصبح همنا متاع الدنيا ... وهولاء الأخيار كان همهم الآخرة ونصرة الدين العظيم.
8- علاقتي بأعضاء سودانيات جيدة جدا وهي من افضل العلاقات التي مررت بها .. وكانت التواصل بين الاصدقاء عبر المنتدي ثم الهاتف... وكان اول شخص قابلتة من سودانيات... هو الاخ المليجي عندما ذهب للحج العام الماضي... ومن هنا أنادي علي المليجي بصوت عالي ... اين انت يا هذا والله مشتاقين ... ثم بعد ذلك تقابلت مع شخص يندر وجودة في هذا الزمن: العم بابكر مخير ... وعند زيارتي للسودان في شهر فبراير الماضي ... اول من تقابلت معه الانسان الجميل ناصر يوسف ... ثم بقية العقد الفريد ... وبجد كانو مصدر اعتزاز لي بأني تعرفت عليهم... وبجد كانو نعم الاخوان والاصدقاء...
اما تسجيلي في سودانيات ... كنت ابحث اقرأ في س اونلاين وجاء ذكر سودانيات ... وذهب للموقع وقرأت المواضيع ... وفي نفس اليوم قمت بطلب التسجيل والخال ما قصر طوالي بقبول طلبي...



قال فرشة لزوم التسليك ... ياخ انت سيحت المكنة عديييييييييييييييل كدة

تحياتي يا راقي
وفي انتظارك

[imported_زول الله]

ابوعبدالله مساك الله بالنور والسرور
طيب مادام الفرشة نشفت وركبنا القواعد باقي لينا نشد الفتايل ..
* اذا دارت رحى الزمن ووقفت بك في مفترق طرق بين إدمان الغربة أو العودة الغير مؤسسة
ماهو خيارك ؟؟
* أغلب أبناء المغتربين وهشاشة تكوينهم النفسي والإجتماعي علل ؟؟
* العمالة الوافدة في السودان تحتكر سوق العمل من جميع النواحي .. السبب والحل ؟
* غربة طويلة + إنقطاع بنفس الطول =... ؟؟؟؟


معليش جوني ضيوف و الله مرقك المرة دي
جاوب ديل ونشوف الحاصل بعد داك









اقول قولي هذا واستغفر الله .................

[بابكر مخير]

عمنا الحبيب بكوري ...

والله مشتاقين شديد...
تخيل العم الاخ النور لاحظ اننا بنكتب باللون الاخضر وقال دا سر الريدة...
هسه المهم انت غير ما جيت خوفت الناس مني ما عملت حاجة ...


وين سؤالك لي ..

اللهم ثبتا عند السؤال.
متين حتنضف تاني من جديد، بالحجة التانية؟؟

[بابكر مخير]

قمت بطلب التسجيل والخال ما قصر طوالي بقبول طلبي...


من هفوات الخال الغير مغتفرآgooodgoood

[imported_عبدالعزيز عبدالله]

ابوعبدالله مساك الله بالنور والسرور
طيب مادام الفرشة نشفت وركبنا القواعد باقي لينا نشد الفتايل ..
* اذا دارت رحى الزمن ووقفت بك في مفترق طرق بين إدمان الغربة أو العودة الغير مؤسسة
ماهو خيارك ؟؟
* أغلب أبناء المغتربين وهشاشة تكوينهم النفسي والإجتماعي علل ؟؟
* العمالة الوافدة في السودان تحتكر سوق العمل من جميع النواحي .. السبب والحل ؟
* غربة طويلة + إنقطاع بنفس الطول =... ؟؟؟؟


معليش جوني ضيوف و الله مرقك المرة دي
جاوب ديل ونشوف الحاصل بعد داك
اقول قولي هذا واستغفر الله .................




ليه مستعجل ياخ ....
عليك الله امسك في ضيوفك دي قوي خليهم يقعدو معاكم اسبوعين تلاتة ...:p:p

1- اخي كما اشرت إليك سابقا بانني رجعت السودان بدون خطط او بدون دراسة ... اما ادمان الغربة او العودة الغير مؤسسة ... ديل خيارين كل واحد اصعب من التاني ... حيث انني اتململ جدا في الغربة وكل يوم جديد معناتو ألم مستمر... وكمان العودة بدون خطة بيكون عبارة دمار ... خاصة بعد ان الواحد اضاع سنين في الغربة ولم يقوم بعمل الحد الادني من الاساسيات التي تجعل الانسان يرجع.
2- سؤالك دا عاوز ليهو بحث من خمسة مجلدات.. لكن انا حاديك المختصر المفيد... كل شي راجع للتربية.. او من البيت الذي خرج منه هذا الأبن... حيث ان الاسرة تقوم بدور كبير في تكون الهوية يعني العيب الاساسي عندما نجد الاب عنده افكار متحررة او لو اخطأت في التعبير السابق ممكن نقول افكار رافضة لأعراف المجتمع.. وعندها ستجد ان الاطفال نشأو في تضاد كبير ما بين اصلهم السوداني او بيئتهم التي يمارسون فيها حياتهم ... وهذا الشي سوف تجده ايضا في السودان ... حيث ان هناك كمية كبيرة من الشباب تجدهم فقدو النخوة والفراسة السودانية حتي علي مستواه الشخصي يعني انا في اجازتي السابقة وجدت ان 60% من الشباب عاملين (سيستم) يعني بالعربي إظهار المؤخرة.. ودي حاجة الواحد ما بيقدر يتقبلها ... كما تجدهم ايضا تعاملون فيما بينهم بصورة غربية ... فبالتالي الحكاية حكاية بيت وليس إغتراب.
3- انا شخصيا بري ان العامل السوداني ليس بالكفاءة يتمتع بها الاجنبي.. حيث العامل السوداني يلا يحب ان يتعلم ... اي بصورة اخري يعتبر انا مستوي معرفته بالشي هو القمة في الفهم. وايضاء العامل السوداني غير ملتزم بمواعيد العمل وفي طريقة اسلوب التعامل إلا من رحمه ربه .. وهذا الكلام ليس يشمل كل العمالة السودانية .. حيث انه لدينا عمالة جيدة وممتازة لكن في هذا الزمن الذي اختلط فيه الصالح بالطالح صار الشك عااااااااااام.
4- غربة طويلة + إنقطاع بنفس الطول =(فقدان شيئ من الهوية وجفاء قلب).

اها انا في انتظار البقية .. بعد الضيوف ما يمشو منك بعد ثلاث اسابيع.

دمت اخي

[imported_عبدالعزيز عبدالله]

متين حتنضف تاني من جديد، بالحجة التانية؟؟



والله عندي النية جادي السنة دي امشي احج تاني ... ادعو لي ربنا يسهل لي...

بس المرة دي حابعد من نافخي الكيييييير:D:Dlooool

[imported_عبدالعزيز عبدالله]

من هفوات الخال الغير مغتفرآgooodgoood



:mad::mad::mad::mad:

[imported_جانيت]

صباحاتك يا زيزو (بي لغة الحناكيش)
لحظة حسيت فيها بعدم الرضا عن نفسك ؟؟؟؟؟؟؟؟؟؟؟؟؟؟؟

[imported_عبدالعزيز عبدالله]

صباحاتك يا زيزو (بي لغة الحناكيش)
لحظة حسيت فيها بعدم الرضا عن نفسك ؟؟؟؟؟؟؟؟؟؟؟؟؟؟؟


لحظتي الخشيت لي ابو اماني هنا دا ......gooodgooodgoood


لحظات كتيرة جدا ...

لكن اكتر لحظات حسيت فيها بعدم الرضاء عن نفسي .. عندما دخلت في تجارة الاراضي (منطقة صالحة) والله كانت حتوديني التوج.

[imported_جانيت]

الله يخليك يا ابو اماني
عزيز ده ماده حيه عشان كده اسالته دايما بتكون دسمة
واجوبتو منزوعة الدسم :eek:
انت من برج الاسد على حد علمي
ومن مميزاتهم انهم عندهم حب الامتلاك .............
وكمان غيورين لابعد الحدود ............
ورومانسين للدرجة البعيدة .........
بتلقى نفسك كيف ووين في ميزات بني برجك ؟؟؟؟؟؟؟؟؟؟؟



كذب المنجمون ولو صدقوا :D:p;)

[بابكر مخير]

صباحاتك يا زيزو (بي لغة الحناكيش)


ياهو دآ المخليهو يمشي الحج من تاني،،
الزول دآ إن ما فكيتو دربهو،،
ظنيتهو بعدها إلا يجاور

[imported_عبدالعزيز عبدالله]

الله يخليك يا ابو اماني
عزيز ده ماده حيه عشان كده اسالته دايما بتكون دسمة
واجوبتو منزوعة الدسم :eek:
انت من برج الاسد على حد علمي
ومن مميزاتهم انهم عندهم حب الامتلاك .............
وكمان غيورين لابعد الحدود ............
ورومانسين للدرجة البعيدة .........
بتلقى نفسك كيف ووين في ميزات بني برجك ؟؟؟؟؟؟؟؟؟؟؟



كذب المنجمون ولو صدقوا :D:p;)



والله كان مفروض اكون من برج (الجقر) علشان اعضي اي زول بيزنقني...:D

اها عارفة المادة دي انا عدييييل ماشايلها ...

وبمناسبة منزوع الدسم دي ... انتي قايلاني من انتاج (كابو):p

لكن يمكن بعض المواصفات القلتيها دي عندي منها لكن ما كتير....

[imported_عبدالعزيز عبدالله]

ياهو دآ المخليهو يمشي الحج من تاني،،
الزول دآ إن ما فكيتو دربهو،،
ظنيتهو بعدها إلا يجاور

اها وشفت يجو بعد دا يقولو علي خاااااااااتي

[imported_جانيت]

ياهو دآ المخليهو يمشي الحج من تاني،،
الزول دآ إن ما فكيتو دربهو،،
ظنيتهو بعدها إلا يجاور

اها يا مخيرنا التوب(ا)gooodgoood
منو الولد دا حتى اجابته الواحد اصابعو توجعو من الكتابة يجي يختصر بي كلمتين
بس اكان جاور يكون احسن ليه:p;)
ومنها كل فترة الواحد يقول ليه ادعمنا بي دعوة كااااااربة :cool:
دعوة مجاورين وكدا:eek:

[imported_أبو أماني]

من هفوات الخال الغير مغتفرآgooodgoood

حوووووولا...!!!goood
كماااان .. هفواااات؟؟ ود مخير..أنا إسمي مكتوب ؟؟؟؟

ملحوووووزتك يا با :-

بس ما ليك إنت!.. للحبيب الغالي أحلى هفوات الخال ..(زول الله).. عليك الله ياعثل الجنا .. البقولوا لو عبعزيز ده .. بتبو لي تب .. ونجضو نجاض الصح .. شايف دكتورة جانيييييط !.. هو إسمها ده بالتاء ولا بالطاء؟ شايفها متساهله معاو بلحيل وفي ناس تانين خانسين ولابتين ليو.. ود مخير ظااااطو ما يعمل ليك فيها مفتح أنا كاشفو ليك .. داخل طابور خامس..إصلو بريد عبعزيز زي عيونو .. المهم شد حيلك إنت يازول معاو وأنا معاك .. أكان ما عملنا زي أم عبد الله الله يطوول عمرها ومشيناه على عجين ما يلخبطوش.. ما أبقى عريسك يا .. نبراس!!goood :D

[imported_زول الله]

ملحوووووزتك يا با :-
بس ما ليك إنت!.. للحبيب الغالي أحلى هفوات الخال ..(زول الله).. عليك الله ياعثل الجنا .. البقولوا لو عبعزيز ده .. بتبو لي تب .. ونجضو نجاض الصح .. شايف دكتورة جانيييييط !.. هو إسمها ده بالتاء ولا بالطاء؟ شايفها متساهله معاو بلحيل وفي ناس تانين خانسين ولابتين ليو.. ود مخير ظااااطو ما يعمل ليك فيها مفتح أنا كاشفو ليك .. داخل طابور خامس..إصلو بريد عبعزيز زي عيونو .. المهم شد حيلك إنت يازول معاو وأنا معاك .. أكان ما عملنا زي أم عبد الله الله يطوول عمرها ومشيناه على عجين ما يلخبطوش.. ما أبقى عريسك يا .. نبراس!!goood :D

جانيييط دي خليها عندها مشكلة في تروس المحاثيث ومرات مرات كدا بتعصلج معاها
لكن ودمخير دا انا ماوريتك ؟؟؟
الراجل طلع قريبي أو بالأصح أنا اتسلبطت ليك فيهو لحدما طلعتو خالي عديل كدا ... شغل نضيف

ابو اماني ياخ والله انت ألذ زول .... قلت لي عريسك يامنو ؟؟
شكلك كدا لو فكو ليك الحبل يمين كل يوم تصبح عريس goood ... لكن عفيت منها أم اماني
ماتشيل هم الجنا دا بنجضو ليك نجاض قبورة :D:D





ليه مستعجل ياخ ....
عليك الله امسك في ضيوفك دي قوي خليهم يقعدو معاكم اسبوعين تلاتة ...:p:p

اها انا في انتظار البقية .. بعد الضيوف ما يمشو منك بعد ثلاث اسابيع.


ابوعبدالله كيفنك ياخ وعساك فاين ان شاءالله
ضيوفي والله ماقصرو معاك ابدا ابدا
قعدو لحدي منتصف الليل ... منتصف الليل دي كيف معاك ؟؟ :D:D
وهسه قاااعد محكر ليك في أكبر كرسي في المكتب وغاتس فيهو ليي إضنيني
وجاييك








اقول قولي هذا واستغفر الله لي ..............

[imported_زول الله]

عبدالعزيز عبدالله وشُركاهـ .. هاو آآريوكم وعساكم فاينين مع الصباح المبالغة دا
بعد الـ فت البي هناك عايزنك تفت لينا شوية من الحاجات بي جاي
وإطمئن دي حتكون آخر دفعة من الزرزرة والمرازا :D

* أطفال المايقوما - وجهة نظرك - الاسباب والحلول ؟؟
* انفصال جنوب السودان ومستقبل البلاد بعد توزيع التورتة ؟؟
* استلمت رئاسة السودان لفترة مؤقتة - سنة واحدة - أهم خمسة قرارات ستتخذها ؟؟
* العروبة المصطنعة للهوية السودانية .. رأيك ؟
(مع العلم ان الدم العربي متواجد في أغلب الدول الأفريقية ولم تدعي إحداها العروبة.)


اخيراً كل الشكر وشوالات من التقدير والمحبة لشخصك الحبوب اخي الفاضل.











اقول قولي هذا واستغفر الله لي .............

[معتصم الطاهر]

عبد العزيز
شجون المهنة ..

وفقا لتجربتك فى العمل داخل و خارج السودان اكتب لنا عن
* المهنية فى التجربتين
* المهندس السوداني ( نقاط ضعفه) .
* التعليم الهندسى فى السودان بين الواقع والتطبيق ( تجربتك).
* ماهى الكورسات التى أهلتك لتغيير تخصصك ..
* ذكرت ( مدير مشروع) .. ماذا يمكن ان تحدثنا عن هذا المنصب واجباته و مؤهلات الفرد ليكونه . و كيف تمارس هذه المهنة و هذا المنصب فى السودان وفى الخارج حسب تجربتك.

[imported_عبدالعزيز عبدالله]

عبدالعزيز عبدالله وشُركاهـ .. هاو آآريوكم وعساكم فاينين مع الصباح المبالغة دا
بعد الـ فت البي هناك عايزنك تفت لينا شوية من الحاجات بي جاي
وإطمئن دي حتكون آخر دفعة من الزرزرة والمرازا :D

* أطفال المايقوما - وجهة نظرك - الاسباب والحلول ؟؟
* انفصال جنوب السودان ومستقبل البلاد بعد توزيع التورتة ؟؟
* استلمت رئاسة السودان لفترة مؤقتة - سنة واحدة - أهم خمسة قرارات ستتخذها ؟؟
* العروبة المصطنعة للهوية السودانية .. رأيك ؟
(مع العلم ان الدم العربي متواجد في أغلب الدول الأفريقية ولم تدعي إحداها العروبة.)


اخيراً كل الشكر وشوالات من التقدير والمحبة لشخصك الحبوب اخي الفاضل.

اقول قولي هذا واستغفر الله لي .............






زول الله ياخ عليك الله استمر في الاسئلة ... صراحة (اسئلتك غاية في الروعة تجعلني اكتب واكتب واكتب)

والله فاينين ومفرولين ... يا معلمات يا معلمين:D

1- اطفال المايقوما ... اسم يجب تغييرة الي (اطفال الامل)... لقد قمت بزياة المركز اثناء اجازتي الآخيرة للسودان .. وكانت اول مرة ازور فيها المركز.... شعور رهيب يتخالج معه الالم والحسرة علي شطر زينة الحياة الدنيا ... صورتهم لم تفارقني ابدا حركاتهم فرحتهم بزيارتك (كالذي يبحث عن والده في شخص الزائر) ... ألم ثم ألم ثم ألم لا استطيع وصفه ... وبرغم الإعتراضات التي توجه الي الاخوة العاملين في المركز لكن ليس بيدهم حيلة ... والله عند زيارتي وجدت هؤلاء العاملين يبذلون قصارى جهدهم برغم الامكانيات الضعيفة المتوفرة... في هذه الزيارة لعنت كل من لم يتحمل خطأ إرتكبة حيث انهم جبناء الي ابعد الحدود ... ما ذنب هؤلاء الاطفال ان يتحملو لحظة شهوانية ارتكبها الآباء وهؤلاء الآباء لا يستحقون الحياة نتيجة تملصهم من مسؤليتهم ... وكان يجب عليهم تصليح خطأهم بالزواج ... لا برمي هولاء الاطفال في الشارع عرضة للموت حرا اوجوعا او نهشا من الكلاب..

ياخ الاسباب كثيرة ... اهمها نقصان الوازع الديني .. ثم نقصان الوعي الصحي او (الجنسي) كإستعمال موانع الحمل او استعمال الواقي الذكري ... او العزل.

رأي مشاتر: من اهم الاسباب ايضا غلق الأنادي (بيوت الهوى) من باب الممنوع مرغوب... حيث ان الشاب الذي ينقصة الوازع الديني والذي تتملكه الشهوات لابد من ان يجد مخرج لإشباع رغبته ... وكان سابقا يستطيع الذهاب الي الانادي .. اما الان فتجده بيحث لإشباع رغبتة في اي مكان (في الشارع/ في الجامعة/ عند الجيران.....إلخ) حيث ان دائرة بحثة اصبحت مفتوحة ..

الحل: لكي نحاول ان نقلل عدد الاطفال اللقطاء يجب ان يتم تسهيل الزواج خاصة المبكر... والتثقيف الجنسي والصحي ... بذر المروءة في الاجيال الجديدة وتغذيتهم دينيا وروحيا.

2- فكرة الانفصال والله بيني وبينك هي الامثل ... حيث اننا مارسنا علي الاخوة الجونبيين كافة انواع العنصرية والتهميش ... وأيضا الدول الأجنبية بذرت في داخلهم بأنهم سيتمتعون برغد العيش في حال انفصال الجنوب (لكن صدقني سوف لا يستقر الجنوب بعد الانفصال) حيث ان القبائل الجنوبية تعيش في داخلها حالة من عدم تقبل البعض ايضا.. اما التورتة دي ستظل تقسم حتي يأتي جيل ولائه للسودان وليس لحزب او سيد.. وإذا انفصل الجنوب ستتبعة محاولات انفصال دارفور والشرق... وحنبقي زي اليمن .. الليلة انفصال وبكرة وحدة وهكذا.....

3- قرار رقم واحد : حل جميع التكتلات السياسية وضمهم تحت حزب واحد اسمه (انا السودان).
قرار رقم اثنين : عمل لجنة وطنية لحصرلمتطلبات المناطق والقري وحل مشاكلهم.
قرار رقم ثلاثة : حصر حالات الثراء النفوذي وإستغلال الوظيف وملاحقتهم دوليا.
قرار رقم اربعة : مجانية العلاج والتعليم.
قرار رقم خمسة :وضع منهج للتربية الوطنية ولا بد ان يقوم كل السودانيين بدراسته.


بعد 6 اشهر: ألصق ليكم في الحكم (يحلكم الحلا بله)... واضع قانون يتم فيه توريث إبني عبدالله حكم ... وتاني إلا تطيرو:Dgoood:D
الحكم مرض يا زول الله

4- والله دي المحيراني انا زاتي ... ياخ اي زول في السودان جدو النبي وأصلو من الجزيرة العربية ... وبعد دا (اللون: ازرق، والشعر: قرقدي). لكن المشكلة الاساسية هي الهوية حيث اننا غير مقتنعين بالافريقية ولا لاحقين العربية.. لكن مفروض علينا ان نفتخر بالمزيج الذي اخرج السودانيين ... عرب وافارقة.
بالمناسبة الموضوع دا شائك عديييل كدة ... وممكن اجيك علي رواقة ليهو.


لك بالمثل أو اكثر من المحبة والاحترام .... جد انت انسان عزيز...
ونتمني التواصل
ت: 0096899208152

[imported_جانيت]

عزيز صباح الخير
مسجل قديم في السودانيات وعاصرت فيها ناس موجودين لسه ومنهم الفارقوها
حصل مرت عليكم فترة زي الفترة الفاتت دي
ورايك شنو في سودانيات ما قبل وما بعد :eek:
وبما انك نويت تورث عبدالله الحكم تتوقع انه حيكون ضيف المائدة رقم كم :D:p

[imported_عبدالعزيز عبدالله]

عبد العزيز
شجون المهنة ..

وفقا لتجربتك فى العمل داخل و خارج السودان اكتب لنا عن
* المهنية فى التجربتين
* المهندس السوداني ( نقاط ضعفه) .
* التعليم الهندسى فى السودان بين الواقع والتطبيق ( تجربتك).
* ماهى الكورسات التى أهلتك لتغيير تخصصك ..
* ذكرت ( مدير مشروع) .. ماذا يمكن ان تحدثنا عن هذا المنصب واجباته و مؤهلات الفرد ليكونه . و كيف تمارس هذه المهنة و هذا المنصب فى السودان وفى الخارج حسب تجربتك.

عمنا الباشمهندس معتصم... لك مليون تحية

1-عموما مهنة الهندسة من اصعب المهن ... وطبعا لا يفتي وانت في المدينة يا باشمهندس... حيث انك المسئول الاول والآخير عن سلامة الموقع والعمال .. والسكان فيما بعد .. فيجب عليك التخطيط مليون مرة ثم التنفيذ بدقة لما خطط له.. وايضا من اصعب الاشياء في مهنة الهندسة هي وضع افكار جديدة ... وهي تتطلب راحة نفسية عالية ومزاج ليس به اي شوائب...
* في الخليج كل الاشياء ساهله ومعلبة ... سهولة في التنفيذ من حيث توفر كل المواد والمستلزمات الخاصة بعملية البناء .. ثم العمالة الماهرة المتمرسة علي اعلي مستوي في التنفيذ والتشطيب ولديهم مقدرة عالية علي الطاعة...ايضا سهولة في استخراج التصاريح ... وثم الإشراف والمعاينة المستمرة المتواصلة من تلك الجهة لضمان سير العمل وفق تلك الإشتراطات التي وضعت مع التصريح.
اما عندنا في السودان وفتجد النقيض الكامل لهذه الاشياء... حيث انني في اجازتي الماضية بدايت في بناء بيت خاص بالاسرة ... تخيل باشمهندس عندهم اعتراض علي اي شيئ بداية من الرسومات التي اخذت وقت طويل في للتصديق عليها ... وعدم قبولهم ببعض الاشياء فيها ... مثال (يجيب ان تكون المسافة بين العامود والآخر ان لا تتعدي اكثر من 4 متر)... واخذت وقت طويل جدا من المهندس في المحلية ان يشرح لي لماذا ال 4 متر .. وان لا يتعداها ... لم يستطيع الاجابة علي سؤالي سوي انها قوانين تم وضعها بواسطة بروفيسرات ودكاترة لديهم معرفة كبيرة جدا في البناء...
ثم انتقلنا لمرحلة تسليم النقاط بواسطة المساح من الوزارة ... وانا في انتظار المساح بأن يأتي بآخر التكنولوجيا التي سوف يقوم بواسطها حساب تقاطعات الطول والعرض ... وإذ بي أتفاجأ بأن المساح يستخدم الخيط والمتر العادي وشخص آخر معه في النص يقوم بالتوازي بالمنزل السابق ... ثم جئنا لمرحلة الحفر ... وطلبت من المقاول ان يأتي ببلدوزر لكي يقوم بعملية الحفر... وقد قال لي ان البلدوزر يؤثر علي تماسك الارض ويجب ان نقوم بالحفر اليدوي حتي لا تحدث تشققات في التربة. وعلي ذلك المنوال في كل مرحلة كل عذر اقبح من الذي قبله..
2- اهم نقاط ضعف المهندس السوداني (عدم الإعتراف بالخطأ) ثم يجب ان لا تتم مجادلته في مجاله. ثم عدم المتابعة المستمرة لسير العمل... ثم الحضور للموقع بعد الساعة العاشرة...
3- والله ببساطة شديدة ... درسنا شي في الجامعة ووجدنا الواقع (السوق) يتعامل بمعايير اخري.
4- كورس في (Project management ) وكورس في ال (Steel structure design) الخاص بالأبنية الحديدية، وكورس في(Reaction) وكورس في(Safety) وبالمناسبة الكورسات دي تمت دراستها بعد ان تم توظيفي واجتيازي لإمتحان القدرات ... حيث اني كنت كثير التطلاع حتي في غير تخصصي (التصميم الداخلي).
5- طبعا من اصعب الوظائف ان تكون انت المدير... حيث ان كل المسؤولية تقع علي عاتقك ... وجب ان يكون لديك الرد علي اي سؤال يوجه إليك ... وفوق كل هذا يجب ان تكون شخصيتك قيادية وان تتمتع بنوع من الحكمة وعدم التسرع في إتخاذ القرارت وان تكون لديك خطط للعمل بديلة وجاهزة في حال فشل الخطة التي تنتهجها لأدارة مشروع... اما في السودان لم أمارس وظيف (مدير مشروع) لكن تلك هي الاشياء الاساسية لإدارة المشاريع في السودان او في خارجة.


شكرا مهندس معتصم
لك كامل الود والإحترام

[imported_عبدالعزيز عبدالله]

عزيز صباح الخير
مسجل قديم في السودانيات وعاصرت فيها ناس موجودين لسه ومنهم الفارقوها
حصل مرت عليكم فترة زي الفترة الفاتت دي
ورايك شنو في سودانيات ما قبل وما بعد :eek:
وبما انك نويت تورث عبدالله الحكم تتوقع انه حيكون ضيف المائدة رقم كم :D:p


آآآآه يا جانيت علي سودانيات زمان....

سودانيات كانت فعلا عالم من التواصل والمحبة... ناهيك عن الإحترام المتبادل بين الاعضاء... زمان في سودانيات لم نكن نسمع تلك الالفاظ النابية المتداولة الآن بين الاعضاء ... سودانيات كانت بريئة من تلك الكلمات السوقية والتي نراها الآن تقال جهارا نهارا مثل (منتشة وحسس و...) التي لها مداليل قمة في البذائة... سودانيات زمان عندما تقوم بخطأ تجد كل المنتدي تداعى لكي يقومك ويجعلك تسلك الطريق الصحيح... ان سودانيات الآن تجد فيها الترصد للزلات ... سودانيات تجد فيها الآن الترصد في كل البوستات سودانيات الان بها عدم التسامح ووضع العذر للآخر... سودانيات الآن ليست كما كان عهدها في الرسالة التي تقوم بها وهي الإرتقاء بالاعضاء والزوار..
بالمناسبة انا زمان كنت اتردد اكثر من مرة في إنشاء بوست جديد...



الضيف القادم محجوز للإبن عبدالله من الآن ... يعني الضيف القادم بعد كم طاشر سنة حيكون الضيف رقم 12 (عبدالله عبدالعزيز عبدالله)
غدا سوف يكمل ابني عبدالله عامه الاول 28/4

لك كامل الود والاحترام

[imported_أبو أماني]

آآآآه يا جانيت علي سودانيات زمان....

سودانيات كانت فعلا عالم من التواصل والمحبة... ناهيك عن الإحترام المتبادل بين الاعضاء... زمان في سودانيات لم نكن نسمع تلك الالفاظ النابية المتداولة الآن بين الاعضاء ... سودانيات كانت بريئة من تلك الكلمات السوقية والتي نراها الآن تقال جهارا نهارا مثل (منتشة وحسس و...) التي لها مداليل قمة في البذائة... سودانيات زمان عندما تقوم بخطأ تجد كل المنتدي تداعى لكي يقومك ويجعلك تسلك الطريق الصحيح... ان سودانيات الآن تجد فيها الترصد للزلات ... سودانيات تجد فيها الآن الترصد في كل البوستات سودانيات الان بها عدم التسامح ووضع العذر للآخر... سودانيات الآن ليست كما كان عهدها في الرسالة التي تقوم بها وهي الإرتقاء بالاعضاء والزوار..
بالمناسبة انا زمان كنت اتردد اكثر من مرة في إنشاء بوست جديد...



الضيف القادم محجوز للإبن عبدالله من الآن ... يعني الضيف القادم بعد كم طاشر سنة حيكون الضيف رقم 12 (عبدالله عبدالعزيز عبدالله)
غدا سوف يكمل ابني عبدالله عامه الاول 28/4

لك كامل الود والاحترام

ألف مبروك لولي العهد الملك عبد الله الثاني إطفاء شمعته الأولى وياريت لو كان هنا كنا عملنا المابشبه يا أبو عبدالله .. تحياتي لك ولأسرتك الكريمة ويشهد الله انا بحبك يا رجل وبحب أكتر منك الكارثة حبه .. أخبارو كيف القدع ده.. كل ما ابعث ليو هدية يصهين .. قول ليو عمك فتحي مسعد رسل ليك سمسمية .. تعال شيلها .. ومعاها حمصية كماااان .. تهئ تهئ تهئ .. هو نان مسمار نصاح! عزوز في أسئلة كتير فطيتها ظبط أوضاعك قبال الشماشي زول الله ده يقبل عليك يلا تشششااااوووووgoood

[imported_أبو أماني]

العزيز عزوز ..
؟ goood؟goood ؟ goood؟goood ؟ goood؟

[imported_زول الله]

ظبط أوضاعك قبال الشماشي زول الله ده يقبل عليك يلا تشششااااوووووgoood

اخخخخخخخ
نعتونا بـ زول الله ساكت وزادنا شرفاً على شرف
ثم نعتونا بالـ مسطحين في بلاد الله وأيضاً ما قلنا لأ
لكن أن ينعتونا بالـ شماشة فهذا لعمري كثيرٌ كثير واني أغرق عديل كدا :D:D
خلاص ياعبدالعزيز ابواماني جابا ليك في صمة خشمك
بعد دا أبشر بالأسئلة التعسفية
بجيك صادي











اقول قولي هذا واستغفر الله لي ..............

[imported_أبو أماني]

اخخخخخخخ
نعتونا بـ زول الله ساكت وزادنا شرفاً على شرف
ثم نعتونا بالـ مسطحين في بلاد الله وأيضاً ما قلنا لأ
لكن أن ينعتونا بالـ شماشة فهذا لعمري كثيرٌ كثير واني أغرق عديل كدا :D:D
خلاص ياعبدالعزيز ابواماني جابا ليك في صمة خشمك
بعد دا أبشر بالأسئلة التعسفية
بجيك صادي











اقول قولي هذا واستغفر الله لي ..............


يعني لما تكتب لي في توقيعك الرائع ده .. أنا بردد إسمك .. وإنت ناسيني خالس خالس .. حتى وعدك بأن تجضم لي صاحبي أبو عبد الله مانفذتو وكبيت الزوغة .. وأبو عبد الله ظااااطو عمل لي فوقها رائح .. يا أخوانا الناس مالهم عليك الرسول ..؟؟؟goood

[imported_زول الله]

يعني لما تكتب لي في توقيعك الرائع ده .. أنا بردد إسمك .. وإنت ناسيني خالس خالس .. حتى وعدك بأن تجضم لي صاحبي أبو عبد الله مانفذتو وكبيت الزوغة .. وأبو عبد الله ظااااطو عمل لي فوقها رائح .. يا أخوانا الناس مالهم عليك الرسول ..؟؟؟goood

ابواماني ياخ كيفنك و عساك فاين انت والمعاك كلهم/هن

ننساك كيف وانت المعاك لمانا كيف؟
كيف التانية دي من كيًف يتكيًف فهو متكيفاً أوبتاع مكيفات - والله اعلم :D

اها اليومين ديل انت براك شايف المود عامل كيف والمنتدى صاري بوزو شبرين
خايفين نسأل الزول دا عن حاجات تانية حامياني وندخلو في حتة ضيقة - حسب الفي الراس وكدا
حبه حبه كدا نرووق المنقا ونجيهو ليك بالتقيل ... ماعليك









اقول قولي هذا واستغفر الله لي ............

[imported_أبو أماني]

ابواماني ياخ كيفنك و عساك فاين انت والمعاك كلهم/هن

ننساك كيف وانت المعاك لمانا كيف؟
كيف التانية دي من كيًف يتكيًف فهو متكيفاً أوبتاع مكيفات - والله اعلم :D

اها اليومين ديل انت براك شايف المود عامل كيف والمنتدى صاري بوزو شبرين
خايفين نسأل الزول دا عن حاجات تانية حامياني وندخلو في حتة ضيقة - حسب الفي الراس وكدا
حبه حبه كدا نرووق المنقا ونجيهو ليك بالتقيل ... ماعليك









اقول قولي هذا واستغفر الله لي ............


خليتو ليك بس ما تقوم تنساو لي وعذرك مقبول ولو انو الإدارة بحكمتها وحصافتها قدرت تلملم كل المواضيع وتشجع الناس على تجاوزها .. واهو بداءت سودانيات الجمال والتواصل في حلقة من التواصل والحب الغير مشروط .. حرك الراجل وأديو لكزيس موجعة خليو يحرك البوست أصلو البوستر ده ما بتحمل الركنة .. إعتمادي عليك .. وكان ما شفت شئ برجع للمثل بتاع الضهر والظفر .. وده تهديد صرييييييح .. قايلني خائف منك ؟ هييييع أنا أبو أماني شبه الحلوف الكان كركبت ورقة سااااكت بقوم صوف .. تقولي شنو تقول لي منو ؟؟؟ يلا تشششاااوووو
goood

[imported_زول الله]

هييييع أنا أبو أماني شبه الحلوف الكان كركبت ورقة سااااكت بقوم صوف .. تقولي شنو تقول لي منو ؟؟؟ يلا تشششاااوووو
goood

gooodgoood:D:D:D:D
قسماً عظماً ثلاثياً .. انا من الضحك لما ماقادر ارد .. قلت لي بتقوم صوف ؟؟
ابوعبدلله تعال كركب ليك ورقة ورقتين بي جاي عشان ابواماني دا يمرقا في بلداً طيروعجم







غايتو أقول قولي هذا واستغفر الله لي استغفاراً كتير شديد..............

[imported_جانيت]

عزيز ابو عبد الله
مطلوب هنا انت
ويمتنع كب الزوغة :mad:
عشان نتطمن انو اخدنا العندك كلو ويا حبذا بعدك نتفرغ لي زول الله;)
وانا وانت ممكن نعمل حلف عليه مش نجضك :D

[imported_عبدالعزيز عبدالله]

عزيز ابو عبد الله
مطلوب هنا انت
ويمتنع كب الزوغة :mad:
عشان نتطمن انو اخدنا العندك كلو ويا حبذا بعدك نتفرغ لي زول الله;)وانا وانت ممكن نعمل حلف عليه مش نجضك :D





جانيط ... انت قايلة نفسك في ما يطلبه المستمعون ...
صدقيني انا احتمال ارشحك انت دي ... علشان اعمل ليك لوايه بطن عديييييل كدة واستعدي...

[imported_عبدالعزيز عبدالله]

ألف مبروك لولي العهد الملك عبد الله الثاني إطفاء شمعته الأولى وياريت لو كان هنا كنا عملنا المابشبه يا أبو عبدالله .. تحياتي لك ولأسرتك الكريمة ويشهد الله انا بحبك يا رجل وبحب أكتر منك الكارثة حبه .. أخبارو كيف القدع ده.. كل ما ابعث ليو هدية يصهين .. قول ليو عمك فتحي مسعد رسل ليك سمسمية .. تعال شيلها .. ومعاها حمصية كماااان .. تهئ تهئ تهئ .. هو نان مسمار نصاح! عزوز في أسئلة كتير فطيتها ظبط أوضاعك قبال الشماشي زول الله ده يقبل عليك يلا تشششااااوووووgoood


الرائع ابو امااااااااني ...
معليش ابتعادي عن المائدة ... للأسباب الحزينة التي كان يمر بها المنتدي...

الله يبارك فيك ...

ياتو اسئلة لا سمح الله الابتعدت منها ... انا اي سؤال هنا رديت عليهو ...
كدي وريني انا يمكن عيوني كعبات وما شفت لي حاجة

[imported_عبدالعزيز عبدالله]

اخخخخخخخ
نعتونا بـ زول الله ساكت وزادنا شرفاً على شرف
ثم نعتونا بالـ مسطحين في بلاد الله وأيضاً ما قلنا لأ
لكن أن ينعتونا بالـ شماشة فهذا لعمري كثيرٌ كثير واني أغرق عديل كدا :D:D
خلاص ياعبدالعزيز ابواماني جابا ليك في صمة خشمك
بعد دا أبشر بالأسئلة التعسفية
بجيك صادياقول قولي هذا واستغفر الله لي ..............



حبيبنا زول الله ... ياخ وين اسئلتك دي ,,,, انا قاعد منتظرها لي اسبوع ...



looool

[imported_جانيت]

جانيط ... انت قايلة نفسك في ما يطلبة المستمعون ...
صدقيني انا احتمال ارشحك انت دي ... علشان اعمل ليك لوايه بطن عديييييل كدة واستعدي...


عزو عزو عزو
انا في ما يطلبه المغاصون
يعني قول رشحتني حاقول ليك شنو والله ما تاخد ممني ولا ابيض ولا اسود
بعدين انت ادرى بت صغنونه وحلاااااتي
يادوبها طلعت الدنيا دي
اقول ليك يعني لحظة طلعت للدنيا احساسي شنو
اسئلة من هذا النثق معاطة شديد
لواية البطن دي مناثبة لي زول الله شوفو لبت كيف وعملو ضححك مع ابو اماني
ياخ اسئلتو ليك كانت نجاضة :D:D:D
يعني كون مفتح يارجل واختار لمائدتك الزول الصاح
ده طبعا بعد ما ترد لي علي الكم سؤال الجايين في السكة looool
بس اتاخرو في المواصلات بيجوك :p;)

[imported_عبدالعزيز عبدالله]

ياخ اسئلتو ليك كانت نجاضة :D:D:D
:p;)


والله صحي إن كيدهن عظيم...

ويادوب عرفت أمنا حواء طلعت ابونا آدم من الجنة بي ياتو (إستايل)

[imported_جانيت]

والله صحي إن كيدهن عظيم...

ويادوب عرفت أمنا حواء طلعت ابونا آدم من الجنة بي ياتو (إستايل)

(إستايل ) ولد دا
هسي انت معانا ولا مع الخيانة
الذول ده قاعد ولابت شكلو كده والله اعلم بينجر ليك في سوعال
وداك يا نشر
ههههه
حبة عامل كيف عليك الله :D
غايتو اقنع من عبد الله الصغير حيبقى حبة إستايل

[imported_جانيت]

الرائع ابو امااااااااني ...
معليش ابتعادي عن المائدة ... للأسباب الحزينة التي كان يمر بها المنتدي...



عزو المات منو:confused::confused:

[imported_عبدالعزيز عبدالله]

(إستايل ) ولد دا
هسي انت معانا ولا مع الخيانة
الذول ده قاعد ولابت شكلو كده والله اعلم بينجر ليك في سوعال
وداك يا نشر
ههههه
حبة عامل كيف عليك الله :D
غايتو اقنع من عبد الله الصغير حيبقى حبة إستايل


ياستي زول الله اسئلتو علي قلبي زي العثل ... انتي البيدخلك بين التفاحة وقشرتها شنو:p


والله حبة تمام ... .. اما عن تأثيرو علي عبدالله انتي مفروض تخافي علي حبة ما علي عبدالله

[imported_جانيت]

ياستي زول الله اسئلتو علي قلبي زي العثل ... انتي البيدخلك بين التفاحة وقشرتها شنو:p


والله حبة تمام ... .. اما عن تأثيرو علي عبدالله انتي مفروض تخافي علي حبة ما علي عبدالله

سغالة اسفيرية :rolleyes:
قلت لي التفاحة وقشرتها :D:D:D
ياخ ما عصرت علي التفاح لكن ;)
صحي زي العثل علي قلبك اخخخخخخخخخخ الخلاك تنطط ما عارف تكتب شنو goood


يعني هثي نقنع من حبة هههههههههههههههههههه:D:D:D:D
مسكين يا حبة انت والله :eek:

[imported_زول الله]

ابوعبدالله جيتك صادي كيفنك وعساك فاين ياخ
المجنترة دي ماتسمع كلاما ..
قالو واقعة فيها حيطه زمااان وقلعت سلوكا كلهن الله يكون في عونا و يديها فدائي يعيد توصيلاتا
بالجمبة كدا : عندي ليكم فكرة إبليسية جداً بخصوص الخليفة المرتقب بعدك حأقولا ليكم بعدين


طيب نجيك بي أسئلة محاثيثية شوية المرة دي ....

*/ أول حب في حياة ابوعبدالله العريضة - ماقلت طويلة صغير وجاهل - وبدون غتغتة لو سمحت
*/ أول شاكوش جامد ياخدو أبوعبدالله ؟؟؟؟؟؟
*/ زول اتلومت فيهو شديد وعايزو يسامحك هو منو وسبب اللوم وتقول ليهو شنو ؟؟؟؟؟؟
*/ هل لك علاقة بالشعر كتابة أو استمتاعاً ؟ وأكثر شاعر ترتاح لكلماته .. نموذج لوسمحت؟؟؟؟؟؟؟؟
*/ الفنانين في السودان بقو أكتر من الترزية في السوق .. رأيك وتحليلك ؟؟؟؟؟؟؟


أسئلة تعسفية :
*/ حق تقرير المصير حصرياً لأبناء جنوب السودان ولاعزاء للشماليين ... الرأي شنو ؟؟؟
*/ بكل صدق ووضوح خلينا نعرف رأيك في الانفصال نفسه هل تراه ضرورة ؟؟؟؟؟؟
*/ جدودنا وأبواتنا مابرضو جنوبي يعرس بناتهم هل الشماليين عنصريين ؟؟؟


جاوب ديل لحدما تجيك دفعة تانية من جنيت ولا زازيت ماعارف :D:D









اقول قولي هذا واستغفر الله لي استغفاراً كتير شديد .......

[imported_جانيت]

بركة الجيت بركة الجيت يا زول الله وانا مجنترة ما جبت حاجة من عندك
بس فشيتني في الزول ده

gooodgooodgooodgooodgoood
اسالتو علي قلبي زي العسل
خم وصرgooodgooodgoood
غايتو انت لو جاوبت اسالة زول الله ده انا عافياك من اي سوعال تعسفي:D
زول الله حصل قريت زول كتب جانيت كل الكتابات عبارة عن جن ..جني...جنو...جنط
...ماعدا جااانيط دي حقت زول مغبون من اسالتك دي
دحين هو ما بيسمع كلامي
بس بيفكر البيحلو شنو منكgooodgoood

[imported_حافظ اسماعيل احمد]

ابوعبدالله جيتك صادي كيفنك وعساك فاين ياخ
المجنترة دي ماتسمع كلاما ..
قالو واقعة فيها حيطه زمااان وقلعت سلوكا كلهن الله يكون في عونا و يديها فدائي يعيد توصيلاتا
بالجمبة كدا : عندي ليكم فكرة إبليسية جداً بخصوص الخليفة المرتقب بعدك حأقولا ليكم بعدين


طيب نجيك بي أسئلة محاثيثية شوية المرة دي ....

*/ أول حب في حياة ابوعبدالله العريضة - ماقلت طويلة صغير وجاهل - وبدون غتغتة لو سمحت
*/ أول شاكوش جامد ياخدو أبوعبدالله ؟؟؟؟؟؟
*/ زول اتلومت فيهو شديد وعايزو يسامحك هو منو وسبب اللوم وتقول ليهو شنو ؟؟؟؟؟؟
*/ هل لك علاقة بالشعر كتابة أو استمتاعاً ؟ وأكثر شاعر ترتاح لكلماته .. نموذج لوسمحت؟؟؟؟؟؟؟؟
*/ الفنانين في السودان بقو أكتر من الترزية في السوق .. رأيك وتحليلك ؟؟؟؟؟؟؟


أسئلة تعسفية :
*/ حق تقرير المصير حصرياً لأبناء جنوب السودان ولاعزاء للشماليين ... الرأي شنو ؟؟؟
*/ بكل صدق ووضوح خلينا نعرف رأيك في الانفصال نفسه هل تراه ضرورة ؟؟؟؟؟؟
*/ جدودنا وأبواتنا مابرضو جنوبي يعرس بناتهم هل الشماليين عنصريين ؟؟؟


جاوب ديل لحدما تجيك دفعة تانية من جنيت ولا زازيت ماعارف :D:D









اقول قولي هذا واستغفر الله لي استغفاراً كتير شديد .......







السلام عليكم الاخ عبد العزيز عبدالله
شايف الخلق دي سخنتو معاك شديد
بس الاسئلة دي فيها حبة من اللاواقعية
لكن حامضة شوية واحلي من التفاح بالياكلوه بقشرو

زول الله طلع زول مصيبة عليك الله دا شرك تختو لصاحبك

جانيط ياعثل بطلي شقاوة انا بتخيل ذي صورتك دي

[imported_زول الله]

السلام عليكم الاخ عبد العزيز عبدالله
شايف الخلق دي سخنتو معاك شديد
بس الاسئلة دي فيها حبة من اللاواقعية
لكن حامضة شوية واحلي من التفاح بالياكلوه بقشرو

زول الله طلع زول مصيبة عليك الله دا شرك تختو لصاحبك

جانيط ياعثل بطلي شقاوة انا بتخيل ذي صورتك دي


ياحافظ الاسئلة الفيها واقعية سألناها زمااااان - راجع البوست
بعدين الـ لاواقعية دي مقصودة ياخ ... عشان الزول دا قاعد يغتغت في الحاجات
فـ شنو مافي طريقة غير دي نجيبو بيها
خليك متابع بس











اقول قولي هذا واستغفر الله لي استغفاراً كتير شديد ...........

[imported_عبدالعزيز عبدالله]

السلام عليكم الاخ عبد العزيز عبدالله
شايف الخلق دي سخنتو معاك شديد
بس الاسئلة دي فيها حبة من اللاواقعية
لكن حامضة شوية واحلي من التفاح بالياكلوه بقشرو

زول الله طلع زول مصيبة عليك الله دا شرك تختو لصاحبك

جانيط ياعثل بطلي شقاوة انا بتخيل ذي صورتك دي


وعليكم السلااااااااااااام حافظ


والله سخانة شديدة ... لكن الله في :D وليك يوم يا ظاااالم... والكرسي الانا فيهو دا زي كرسي الحلاق ... يعني حيجيهم الدور ولو بعد حين .

وزول الله دا انا ما بخليهو ... حألبد ليهو في حته مضلمة كدة .. وما حيعرف الخبتي جاييهو من وين... اما فانجيط دي مقدور عليها ...

[imported_جانيت]

جانيط ياعثل بطلي شقاوة انا بتخيل ذي صورتك دي

شفت بوظت لي اثمي كيف
قال مقدور عليها قال
هههههههههههههههه(ضحكة شريرة)

[imported_عبدالعزيز عبدالله]

ابوعبدالله جيتك صادي كيفنك وعساك فاين ياخ
المجنترة دي ماتسمع كلاما ..
قالو واقعة فيها حيطه زمااان وقلعت سلوكا كلهن الله يكون في عونا و يديها فدائي يعيد توصيلاتا
بالجمبة كدا : عندي ليكم فكرة إبليسية جداً بخصوص الخليفة المرتقب بعدك حأقولا ليكم بعدين


طيب نجيك بي أسئلة محاثيثية شوية المرة دي ....

*/ أول حب في حياة ابوعبدالله العريضة - ماقلت طويلة صغير وجاهل - وبدون غتغتة لو سمحت
*/ أول شاكوش جامد ياخدو أبوعبدالله ؟؟؟؟؟؟
*/ زول اتلومت فيهو شديد وعايزو يسامحك هو منو وسبب اللوم وتقول ليهو شنو ؟؟؟؟؟؟
*/ هل لك علاقة بالشعر كتابة أو استمتاعاً ؟ وأكثر شاعر ترتاح لكلماته .. نموذج لوسمحت؟؟؟؟؟؟؟؟
*/ الفنانين في السودان بقو أكتر من الترزية في السوق .. رأيك وتحليلك ؟؟؟؟؟؟؟


أسئلة تعسفية :
*/ حق تقرير المصير حصرياً لأبناء جنوب السودان ولاعزاء للشماليين ... الرأي شنو ؟؟؟
*/ بكل صدق ووضوح خلينا نعرف رأيك في الانفصال نفسه هل تراه ضرورة ؟؟؟؟؟؟
*/ جدودنا وأبواتنا مابرضو جنوبي يعرس بناتهم هل الشماليين عنصريين ؟؟؟


جاوب ديل لحدما تجيك دفعة تانية من جنيت ولا زازيت ماعارف :D:Dاقول قولي هذا واستغفر الله لي استغفاراً كتير شديد .......


حبابك الف .. يا زول ...
يازول الحيطة هينة ... دي بيكون واقع فيها عامود كهرباء ضعط عالي..


... الاسئلة 1و2 تمت الاجابة عليهم والسؤال التالت كان في واحد شبيه بالنسبة له..



تعرف زمان ... كنا في كوستي وكنت طالب في مدرسة المرابيع الصف السادس .. وكان عندنا استاذ اسمو عبدالحليم يدرسنا اللغة العربية... ياخ دا كرهني ليك الشعر كانت حصته فيها ثلاث اشياء لا يوجد رابع لهم .. صراخ وتسميع وجلد .. وكانت هناك قصيدة لطه حسين اسمها المعذبون في الارض .. وكان يسميها هذا الاستاذ (المعذبون في الطربيزة) لان الجلد كان علي الطربيزة ... وتخيل من اليوم داك انا والشعر ما اصحاب شديد .. لكن نوعا ما أرتاح للشعر السوداني ... واكثر من شاعر ارتاح لكلماتة هاشم صديق ... وخاصة لما يكتب الشعر الغنائي، واكثر قصيدة غنائية جميلة عندي تحديدأ واعتبرها رأس الهرم الشعر الغنائي هي:

لما شفتك ليلي ضوا وبق نور ونرجس الجنة المفرهد
رف بي جنحات عطور وغنى فارسك خت
صورتك في الاطار في الليالي نجم يلالي
ونسمة في وهج النهار وقال في وصفك لما بنتي
احلى منك برضو انتي ومافي غيرك زول معانا
حتى كان يا السمحة غبتي ومرة جالن الف خاطر
بي عيون عقلي المساهر فجأة عينيك الحبيبة
قالو سارح وين مسافر عشت قولن شيل وصفقة
وقلت ياريتني ابقى همسة في حلم الاميرة
او سبايب في الضفيرة او عقيد في تبر جيدها
او قليب في راحة ايدها يا زمان اسمعني واكتب للبريدها
وريدها سيدي وريدي سيدها الزمان لو حتى بان
ما اظن في زول يعيدها يا حلاتك مرة همسة
ومرة نسمة ومرة ضحكة ترضي شوقنا ومرة كلمة تضوي فوقنا
ولما نسرح فيك قادلة زي ملائكة علينا نازلة
بس نغني يا حلاتكم يا اهلنا ويا مصايحنا
ونجومنا الضاوية في واحات زمنا


نجي للاجوبة علي اسئلتك العسفية:
*/ حق تقرير المصير حصرياً لأبناء جنوب السودان ولاعزاء للشماليين ... الرأي شنو ؟؟؟

والله شوف يا اخي زول الله حق تقرير المصير دا... دا مفروض يكون علي جزئين ... واحد للجنوبيين: (انتو عاوزين تقعدو مع الناس ديل ) ... وواحد للشماليين (انتو عاوزين الناس ديل يقعدو معاكم).. ببساطة شديدة ... لانو الناس ديل اجدادنا ما احترموهم ... وهسه هم ما قاعدين يحترمونا.. وحتي لو خدعنا انفسنا باننا سودانيين وبيناتنا محبة ... ما كان عملو لينا مباحثات سلام ... وما وصلنا له الان ... ظل الإستعمار علي شكله القديم والجديد يعمل علي هذا الشيئ منذ زمن بعيد .. وبتقنيات عالية جدا .. فالإنفصال واقع لا محالة إلا تحصل معجزة من رب العباد.
*/ بكل صدق ووضوح خلينا نعرف رأيك في الانفصال نفسه هل تراه ضرورة ؟؟؟؟؟؟

كا اسلفت بأن الإستعمار بشكليه ظل يعمل علي ال[إنفصال منذ زمن طويل .. فإنه ضرورة حتي نستطيع ان ننهض بصورة جيدة .. حيث ان الجنون ظل يستنزف الشمال كثيرا ... مرة بالحرب ... ومرة بطلبات الجنوبيين بعد السلام .. .. والسودان ما ناقص ... كفاية الكيزان .. يعني ما يبقي خير السودان ماشي للكيزان كبار شخصيات الحركة..

*/ جدودنا وأبواتنا مابرضو جنوبي يعرس بناتهم هل الشماليين عنصريين ؟؟؟
وانا زاتي
العنصرية جارية في دم السودانيين .. انت غرباوي وانت جعلي وانت محسي وانت شايقي وانت دنقلاوي ... وكيف يا الجعلي تدي بنتك لي ضنقلاوي .. وانت يالضنقلاوي كيف تدي بنتك لي جعلي .... وهكذا.
جميعنا في السودان (Negros) لكن بعد دا متفلقسين.. يعني الجعلي والشايقي والحلفاوي والجنوبي والغرباوي كلهم في أوروبا زنوج يعني كلنا (عبيد)

[imported_أبو أماني]

حبابك الف .. يا زول ...
يازول الحيطة هينة ... دي بيكون واقع فيها عامود كهرباء ضعط عالي..


... الاسئلة 1و2 تمت الاجابة عليهم والسؤال التالت كان في واحد شبيه بالنسبة له..



تعرف زمان ... كنا في كوستي وكنت طالب في مدرسة المرابيع الصف السادس .. وكان عندنا استاذ اسمو عبدالحليم يدرسنا اللغة العربية... ياخ دا كرهني ليك الشعر كانت حصته فيها ثلاث اشياء لا يوجد رابع لهم .. صراخ وتسميع وجلد .. وكانت هناك قصيدة لطه حسين اسمها المعذبون في الارض .. وكان يسميها هذا الاستاذ (المعذبون في الطربيزة) لان الجلد كان علي الطربيزة ... وتخيل من اليوم داك انا والشعر ما اصحاب شديد .. لكن نوعا ما أرتاح للشعر السوداني ... واكثر من شاعر ارتاح لكلماتة هاشم صديق ... وخاصة لما يكتب الشعر الغنائي، واكثر قصيدة غنائية جميلة عندي تحديدأ واعتبرها رأس الهرم الشعر الغنائي هي:

لما شفتك ليلي ضوا وبق نور ونرجس الجنة المفرهد
رف بي جنحات عطور وغنى فارسك خت
صورتك في الاطار في الليالي نجم يلالي
ونسمة في وهج النهار وقال في وصفك لما بنتي
احلى منك برضو انتي ومافي غيرك زول معانا
حتى كان يا السمحة غبتي ومرة جالن الف خاطر
بي عيون عقلي المساهر فجأة عينيك الحبيبة
قالو سارح وين مسافر عشت قولن شيل وصفقة
وقلت ياريتني ابقى همسة في حلم الاميرة
او سبايب في الضفيرة او عقيد في تبر جيدها
او قليب في راحة ايدها يا زمان اسمعني واكتب للبريدها
وريدها سيدي وريدي سيدها الزمان لو حتى بان
ما اظن في زول يعيدها يا حلاتك مرة همسة
ومرة نسمة ومرة ضحكة ترضي شوقنا ومرة كلمة تضوي فوقنا
ولما نسرح فيك قادلة زي ملائكة علينا نازلة
بس نغني يا حلاتكم يا اهلنا ويا مصايحنا
ونجومنا الضاوية في واحات زمنا


نجي للاجوبة علي اسئلتك العسفية:
*/ حق تقرير المصير حصرياً لأبناء جنوب السودان ولاعزاء للشماليين ... الرأي شنو ؟؟؟

والله شوف يا اخي زول الله حق تقرير المصير دا... دا مفروض يكون علي جزئين ... واحد للجنوبيين: (انتو عاوزين تقعدو مع الناس ديل ) ... وواحد للشماليين (انتو عاوزين الناس ديل يقعدو معاكم).. ببساطة شديدة ... لانو الناس ديل اجدادنا ما احترموهم ... وهسه هم ما قاعدين يحترمونا.. وحتي لو خدعنا انفسنا باننا سودانيين وبيناتنا محبة ... ما كان عملو لينا مباحثات سلام ... وما وصلنا له الان ... ظل الإستعمار علي شكله القديم والجديد يعمل علي هذا الشيئ منذ زمن بعيد .. وبتقنيات عالية جدا .. فالإنفصال واقع لا محالة إلا تحصل معجزة من رب العباد.
*/ بكل صدق ووضوح خلينا نعرف رأيك في الانفصال نفسه هل تراه ضرورة ؟؟؟؟؟؟

كا اسلفت بأن الإستعمار بشكليه ظل يعمل علي ال[إنفصال منذ زمن طويل .. فإنه ضرورة حتي نستطيع ان ننهض بصورة جيدة .. حيث ان الجنون ظل يستنزف الشمال كثيرا ... مرة بالحرب ... ومرة بطلبات الجنوبيين بعد السلام .. .. والسودان ما ناقص ... كفاية الكيزان .. يعني ما يبقي خير السودان ماشي للكيزان كبار شخصيات الحركة..

*/ جدودنا وأبواتنا مابرضو جنوبي يعرس بناتهم هل الشماليين عنصريين ؟؟؟
وانا زاتي
العنصرية جارية في دم السودانيين .. انت غرباوي وانت جعلي وانت محسي وانت شايقي وانت دنقلاوي ... وكيف يا الجعلي تدي بنتك لي ضنقلاوي .. وانت يالضنقلاوي كيف تدي بنتك لي جعلي .... وهكذا.
جميعنا في السودان (Negros) لكن بعد دا متفلقسين.. يعني الجعلي والشايقي والحلفاوي والجنوبي والغرباوي كلهم في أوروبا زنوج يعني كلنا (عبيد)

الحكم أبو أماني .. يعطي صفارة طووووويلة ويصفر هدف لأبي عبد الله .. وجماهير سودانيات مالية المدرجات .. يكروركوا التحكييييم فاشل .. التحكيم فاااااشل .. وأبو أماني يعاين ليهم مستغرب .. ويقول في سرو ..يعني جبتو حاجة من عندكم ؟؟ الغريبة وسط الجمهور ده شفت ليكم واحدة من طبعها مشاترة إسمها سمراء شايلة ليها علم هلال وتهتف بهتاف مشاتر وتقول لا إتحاد ولا شداد..نحن بس الأسياد..أبو أماني يعلن عن ضربة البداية بعد الهدف (الإسطروبيا) لأبي عبد الله .. ولازال زول الله وصيفا كما عهدناه .. صفارة طويلة .. النتيجة حتى الآن 1 صفر لصالح الزعيم .. جاءت حمامة حمراء شايلة ليها علم مريخ الحكم وقف اللعب دقائق ثم واصل .. يلا يا شباب واصلوا السجال ..

ملحووووزة ود مخير :-

ثمح يا أبو عبدالله طلعتنا كلنا السودانيين نيقروز أأأدييييل كده ؟؟ يلا جات على دي .. نيقروز نيقروز ما كلنا نيقروز بتوع ربنا .. تاني أسمع لي جعلى يتفلقص ويقول لي أنا حفيد العباس وجدي الرسول .. إتو دحين أيام صلى الله عليه وسلم ديك كان في سودانيين؟ .. goood

[imported_زول الله]

ابوعبدالله كيفنك وعساك فاين
مادام فطيت كم سؤال من اللولانيات ديلاك
سؤال إنصرافي كدا وكمان مقصووود وأخير ياولدنا عشان ماتزعل
الأغنية دي : لما شفتك ليلي بق والحاجات كلها ولعت والكهرباء جات
سبب ميلك وميلانك وتمايلك معاها بصراحة بالله ؟؟؟؟؟؟؟؟؟
وماتقول لي عجبتك كلماتها ولحنها وماعارف شنو :(:(


إتو دحين أيام صلى الله عليه وسلم ديك كان في سودانيين؟ .. goood

ههههههههههههههههههههههه
ابو اماني ياخ والله ليك وحشة
اول حاجة أصر وأشدد وأندد بانو التحكيم فاااااااااااااااااشل فشلاً شديداً

أيوه كان في سودانيين ولكن الكلمة كانت وصفاً لذوي البشرة السوداء
ماكان في بلد اسمو السودان بحدوده الجغرافية الحالية
وكانوا يطلقون اسم بلاد السودان على بلاد ذوي البشرة السوداء عموماً -أي بلاد السود- والله اعلم

ثم انك ياخ ذكرتني الفنان السعودي محمدعبده لما استضافوه في قناة فضائية -أظنها mbc-
وجاء ذكر الرسول صلى الله عليه وسلم تسليماً كثيراً
فقال بالحرف الواحد : يكفينا فخراً بأن الرسول (صلعم) كان سعودياً !!!!!!!!
اها دي كيف معاك ؟؟؟:D










اقول قولي هذا واستغفر الله لي .............

[بابكر مخير]

بما أنها مائدة سودانيات
الضيف الجآي
الما جديد والجديد وشديد ولضديد
أبو أماااااااااااااااااااااااني

[imported_زول الله]

بما أنها مائدة سودانيات
الضيف الجآي
الما جديد والجديد وشديد ولضديد
أبو أماااااااااااااااااااااااني


علي الطلاق من تلاتة نساوين ختفتها من طرف كيبوردي وكنت عايز أبرفتا لي أبوعبدالله
استاذنا كيفنك وعساك فاين ياخ
أُثني وأُثلث وأشد من أزرك

عاد حتكون جنس قزقزة هي .. عيييييييييييييييييك











اقول قولي هذا واستغفر الله لي .................

[imported_حافظ اسماعيل احمد]

يا زول الله عليكم الله مالكم الزول دا مشاركة سااااااااااااااااااكت بكتب عشرة سطور
دايرين تختو في الكرسي لو جاهزين تقرو التاريخ منذ اجددنا القدماء الي ان تقوم الساعة
استضيفو ابو امااااااااااااااااااااااني

ولكم الشكر

[imported_زول الله]

لو جاهزين تقرو التاريخ منذ اجددنا القدماء الي ان تقوم الساعة
استضيفو ابو امااااااااااااااااااااااني
ولكم الشكر

ماهو عشان القدماء ديل زاااتهم ... انت قايل شنو ؟:D:D
أمانة يابُري ماجاك السيل عاد











اقول قولي هذا واستغفر الله لي ............

[imported_عبدالعزيز عبدالله]

ابوعبدالله كيفنك وعساك فاين
مادام فطيت كم سؤال من اللولانيات ديلاك
سؤال إنصرافي كدا وكمان مقصووود وأخير ياولدنا عشان ماتزعل
الأغنية دي : لما شفتك ليلي بق والحاجات كلها ولعت والكهرباء جات
[color=#FF0000]سبب ميلك وميلانك وتمايلك معاها بصراحة بالله ؟؟؟؟؟؟؟؟؟
وماتقول لي عجبتك كلماتها ولحنها وماعارف شنو :(:(
اقول قولي هذا واستغفر الله لي .............


زول الله يا رهييب ... والله ياخ انت عاوز تقلب علي المواجع مالك ... الشكية لي الله ...

والله الكلمات دي بتذكرني بي لحظة حب صادقة انا عشتها ... ويا ريتها إمتدت...
واقول ياااااااااااااااا انت يا أغرق...


سمحة العافية

[imported_جانيت]

زول الله يا رهييب ... والله ياخ انت عاوز تقلب علي المواجع مالك ... الشكية لي الله ...

والله الكلمات دي بتذكرني بي لحظة حب صادقة انا عشتها ... ويا ريتها إمتدت...
واقول ياااااااااااااااا انت يا أغرق...


سمحة العافية

:D:D:D:D:D:D:D



يا حليلك يا انت

[imported_عبدالعزيز عبدالله]

:D:D:D:D:D:D:D



يا حليلك يا انت




:mad::mad::mad::mad::mad:

[imported_جانيت]

:mad::mad::mad::mad::mad:

زعلك جميل زي بسمتك (وش كضاب)

اسفاي ياعزو
ما بقدر ازعلك :o

[imported_أبو أماني]

زعلك جميل زي بسمتك (وش كضاب)

اسفاي ياعزو
ما بقدر ازعلك :o

العزيز عبد العزيز .. حطم الرقم القياسي بالبقاء ضيفا على المائدة .. بعد الحظر الجائر لراعي البوستر.. والذي إمتد لثلاثة شهور.. كان البوست ملعلط والمساجلات جارية والناس في حراك بس نرجع نقول معليش .. وعشان خاطر الورد ينسقي العٌليق!! ..

رمضان كريم ومبارك العيد واتمنى لكم كل السعادة والسرور .. وأساهم في إسعادكم بتقديم شخص عزيز ليحل بديلا للعزيز عبعزيز .. رحبوا معى في مائدة سودانيات العامرة بالدكتورة الرائعة حد الإندهاش ..

goood دكتورة (علوية ) ... وفي رواية أخرى .. (جانيت) goood الكرة بملعبكم والدكتورة يلا .. تشششااااوووووgoood

[imported_نبراس السيد الدمرداش]

ازيك يا ابونا

كدي ننفض الغبار و نجيه القعده
باقي جانيت دي حنكووووووووشه

لكن امانه ما وقعتي يا جنو

[imported_عبدالعزيز عبدالله]

العزيز عبد العزيز .. حطم الرقم القياسي بالبقاء ضيفا على المائدة .. بعد الحظر الجائر لراعي البوستر.. والذي إمتد لثلاثة شهور.. كان البوست ملعلط والمساجلات جارية والناس في حراك بس نرجع نقول معليش .. وعشان خاطر الورد ينسقي العٌليق!! ..

رمضان كريم ومبارك العيد واتمنى لكم كل السعادة والسرور .. وأساهم في إسعادكم بتقديم شخص عزيز ليحل بديلا للعزيز عبعزيز .. رحبوا معى في مائدة سودانيات العامرة بالدكتورة الرائعة حد الإندهاش ..

goood دكتورة (علوية ) ... وفي رواية أخرى .. (جانيت) goood الكرة بملعبكم والدكتورة يلا .. تشششااااوووووgoood

حمدلله علي السلامة يا عم ابو اماني .. والله بس فاضل ليك شهر وعشر ايام وتكون حاجة تانية...

والله القدر لعب دور كبير انو انا افضل ضيف علي سودانيات ..
لكن انت ياعمي كان مفروض تسألني عن الضيف القادم وانا اختارو برااااااااااااااي.. المهم ما علينا انت جبتها من عندك ... وانا حاطلب الزول البعديها يكون الفنان والشاعر زول لله ...


المهم نجي لي جاااااااااااااااااااانيط... وزي ما بيقول المثل راجيك الموت يا ملك الموت...

والله يا جانيت جيتيني مدردقة برااااااااااااااااااك ولقيتيني صايم وزهجان ... يعني من هسه ما تقولي لي الاسئلة التعسفية دي شنو ...
واشتغل ليك بعكس المثل (قتلوك ولا جوك جوك) اها شفتي انا علشان احرق اعصابك حاكون ماسك ليك جوك جوك..

لكن والله انا حاسئلك اسئلة حاااااااااااااارة ... الليلة ووووووب عليك يا جانيت ... الليلة احسن ليك تستقيلي من سودانيات ... الليلة يا جانيت احسن ليك تنهي علاقتك مع الكمبيوتر ...
والقادم احلي مع كوكاكولا يا عثل انت يا جميل looool

[imported_جانيت]

العزيز عبد العزيز .. حطم الرقم القياسي بالبقاء ضيفا على المائدة .. بعد الحظر الجائر لراعي البوستر.. والذي إمتد لثلاثة شهور.. كان البوست ملعلط والمساجلات جارية والناس في حراك بس نرجع نقول معليش .. وعشان خاطر الورد ينسقي العٌليق!! ..

رمضان كريم ومبارك العيد واتمنى لكم كل السعادة والسرور .. وأساهم في إسعادكم بتقديم شخص عزيز ليحل بديلا للعزيز عبعزيز .. رحبوا معى في مائدة سودانيات العامرة بالدكتورة الرائعة حد الإندهاش ..

goood دكتورة (علوية ) ... وفي رواية أخرى .. (جانيت) goood الكرة بملعبكم والدكتورة يلا .. تشششااااوووووgoood

الف مراحب بيك ابو اماني الحبيب والقريب الى قلبي
حمد الله علي السلامة وليك وحشة الله وحدوعالم بمقدارها



غايتو ما عملت فيني خير كلو كلو كتير هنا قاعد مستني التور ده يقع وهم اصلا سانين السكاكين

هسي عزو الشمشار ده ما كان غايب لي زمن ما يجي الى هسي

بث علوية دي شنو الاثم ده ما بيتبلع لي خالث خالث

بريدك وحاة الله:D:D:D

[imported_جانيت]

ازيك يا ابونا

كدي ننفض الغبار و نجيه القعده
باقي جانيت دي حنكووووووووشه

لكن امانه ما وقعتي يا جنو

افو هلا هلا بتك يا ابوزيد

كمان انا حنكوشة انت ياهفسة ما تارفي الصناعي من التبيعي

لكن بيني وبينك وقعت

ياخ يوم داخلة امتحان الشهادة ركبي ما بردت كده:D:D

[imported_جانيت]

حمدلله علي السلامة يا عم ابو اماني .. والله بس فاضل ليك شهر وعشر ايام وتكون حاجة تانية...

والله القدر لعب دور كبير انو انا افضل ضيف علي سودانيات ..
لكن انت ياعمي كان مفروض تسألني عن الضيف القادم وانا اختارو برااااااااااااااي.. المهم ما علينا انت جبتها من عندك ... وانا حاطلب الزول البعديها يكون الفنان والشاعر زول لله ...


المهم نجي لي جاااااااااااااااااااانيط... وزي ما بيقول المثل راجيك الموت يا ملك الموت...

والله يا جانيت جيتيني مدردقة برااااااااااااااااااك ولقيتيني صايم وزهجان ... يعني من هسه ما تقولي لي الاسئلة التعسفية دي شنو ...
واشتغل ليك بعكس المثل (قتلوك ولا جوك جوك) اها شفتي انا علشان احرق اعصابك حاكون ماسك ليك جوك جوك..

لكن والله انا حاسئلك اسئلة حاااااااااااااارة ... الليلة ووووووب عليك يا جانيت ... الليلة احسن ليك تستقيلي من سودانيات ... الليلة يا جانيت احسن ليك تنهي علاقتك مع الكمبيوتر ...
والقادم احلي مع كوكاكولا يا عثل انت يا جميل looool

عزو هووووووووووووووووووووي اسمع هنا :D:D:D

جااااانيط شنو البتستقيل كان ليك لمن تشوف حلمة ودنك:p:p
الليلة انا متمسحة بي زيت سمسم كوبن تقول لي كوكاكولا looool

غايتو يا عزو يا قلب انت بعرفك حنين وما بتغلت علي
واسعلتك التعسفية دي سيبها
انا كنت بسالك زمان بحثن نية
اها قلبك الابيض ده ما حيكون اكيد داسي لي العملتو فيك:(:(:(

[imported_عبدالعزيز عبدالله]

:pعزو هووووووووووووووووووووي اسمع هنا :D:D:D

جااااانيط شنو البتستقيل كان ليك لمن تشوف حلمة ودنك:p:p
الليلة انا متمسحة بي زيت سمسم كوبن تقول لي كوكاكولا looool

غايتو يا عزو يا قلب انت بعرفك حنين وما بتغلت علي
واسعلتك التعسفية دي سيبها
انا كنت بسالك زمان بحثن نية
اها قلبك الابيض ده ما حيكون اكيد داسي لي العملتو فيك:(:(:(



جانيت صباح الحب والجمال ...


والله يا جانيييييط ما عارف لكن انا عندي اسئلة ليك حتخليك تحطمي الرقم القياسي بتاعي ...


المهم بسم الله نبداء بي الاسئلة الإعتيادية..

اسمك سنك عنوانك... :p

1- جانيت داخل كل امراة عالمين ... واحد جميل وحساس وجذاب ورقيق ... والتاني اجارك الله بيوت اشباح بس... متي يتغلب احداهما علي الآخر عندك وايهما السائد علي الآخر ؟؟؟
2- الاحلام والآمال شي مصاحب للإنسان حتي الممات، ما هو الحلم المستمر عندك؟
3- الحب شيئ جميل ... كم قصة حب عشتيها ؟؟؟ وهل جمعتي قصتين حب في وقت واجد ؟؟؟

المهم صباح الخير ولسة انا لما اعطش بتجيني اسئلة كتيرة وناشفة؟

فتك بي عافية

[imported_جانيت]

:p



جانيت صباح الحب والجمال ...


والله يا جانيييييط ما عارف لكن انا عندي اسئلة ليك حتخليك تحطمي الرقم القياسي بتاعي ...


المهم بسم الله نبداء بي الاسئلة الإعتيادية..

اسمك سنك عنوانك... :p

1- جانيت داخل كل امراة عالمين ... واحد جميل وحساس وجذاب ورقيق ... والتاني اجارك الله بيوت اشباح بس... متي يتغلب احداهما علي الآخر عندك وايهما السائد علي الآخر ؟؟؟
2- الاحلام والآمال شي مصاحب للإنسان حتي الممات، ما هو الحلم المستمر عندك؟
3- الحب شيئ جميل ... كم قصة حب عشتيها ؟؟؟ وهل جمعتي قصتين حب في وقت واجد ؟؟؟

المهم صباح الخير ولسة انا لما اعطش بتجيني اسئلة كتيرة وناشفة؟

فتك بي عافية



لو واصلت كده حيتبادر لي مشروع طنش عش تنتعش

لكن ومالو نشوف البينشف ريق التاني منو :D:p;)

انا اسمي علوية ابوزيد عبد الدائم /جانيت/هوينى /ري /حنينة /بطة:D:D
الاعمار بيد الله :rolleyes::rolleyes:بس مواليد 7/12/1985
عنواني السكني المهندسين مربع29جوار مسجد العميد
عنواني المهني شركة انماء للدواجن والاعلاف برضو في المهندسين بس مربع 30

اها كده اتفشيت :rolleyes:

نجي لي اسالتك الحبلعها بي بيضة سخنة دي

بالنسبة للمراة وعوالمها حقيقي انو عندها عالمين الجزء الرقيق والحنون لمن تتعامل بي عواطفها وده الغاالب ولمن يكون متحكم منها قلبها في البتواجهو
والعالم التاني ما بيوت اشباح زي ما بتقول انتو بس الشايفنو بيوت اشباح وده لمن تفكر بعقلها وبتكون اكثر حكمة
وبتشوفوهو بيوت اشباح لانو ما بيتوافق مع السلطنة الذكورية وبتكون شخصية حادة

اما الاحلام انا احلامي متجددة وصبورة جدا عليها كل ما يتحقق حلم بحلم بي اكبر منو
بس الحلم البيراودني حاليا انو ابتدي رسالة الماجستير في سرطان عنق الرحم تحديدا

سؤالك الاخير ده بايخ اوي اوي ياااااااااااااي
حباك برص يا سجم
بس برضو انا الحب عندي مهم جدا وما بعرف اعيش من غير حب واهتمام
بس من ناحيتي عمري ما اديت الحتة دي اهتمام وحصرت نفسي فيها
يعني حبيت دي اكيد مرة واحدة والباقي كان مخي المابيقيف ده هو البيشتغل

موضوع اجمع كذا حب في وقت واحد دي ما وارده عندي
خصوصا لو اديت كلمة للقصادي فبكون محافظة علي كلمتي بس لمن احس انو مافي جدوى من الحاجة دي اجارك الله ياولدي بمغسو واعمل ليه غبينة واخلي ينفد بي جلدو :D:D:D

افطر ياعزو ما تعذبنا يا خلف الله:rolleyes::rolleyes:

[imported_عبدالعزيز عبدالله]

طيب يا بطة

لو ما عوزة تردي كلميني مباشرة مافي داعي تحمري لي عيونك كدة، وتطلعي لي بيوت الاشباح بتاعك دا

[imported_جانيت]

طيب يا بطة

لو ما عوزة تردي كلميني مباشرة مافي داعي تحمري لي عيونك كدة، وتطلعي لي بيوت الاشباح بتاعك دا

كوووووووور عليك صندوقك الماثي شراك:eek:

عزو انت عارف انا بحمر ليك
انا بهنك بث يا ابكر انت لو غيرت صورة عبودي دي وختيت صورتك بحمر ليك
بس كل ما بشوفها ربنا يحفظو بطني بتفور عليه وبكون نفسي اعضي في جضمو :D:D

قلت لي عامل ساتر
وهسي لو قلت ليك ما عايزة ارد انت بتعتقني :D

[احمد زين]

رحبوا معى في مائدة سودانيات العامرة بالدكتورة الرائعة حد الإندهاش ..

goood دكتورة (علوية ) ... وفي رواية أخرى .. (جانيت) goood الكرة بملعبكم والدكتورة يلا .. تشششااااوووووgoood
:eek::eek::eek:
الليييييييييييييلة

[imported_جانيت]

:eek::eek::eek:
الليييييييييييييلة

ياربي تصبرني


انت جيت :eek::eek::eek::eek:

[imported_زول الله]

احم احم ... هنا في منو ؟
ياسلاااام على الفرصة الماااابتتلقي بأخوي وأخوك:Dgoood
كدي النفطر ونجيك بي رواااااقة كدا
وانتي زاتك امشي افطري في الاسكلا بتاعتكم دي وتعالي

جاك المووووووت ياتارك الصلاة:cool::cool:














اقول قولي هذا واستغفر الله لي ...................

[imported_جانيت]

احم احم ... هنا في منو ؟
ياسلاااام على الفرصة الماااابتتلقي بأخوي وأخوك:Dgoood
كدي النفطر ونجيك بي رواااااقة كدا
وانتي زاتك امشي افطري في الاسكلا بتاعتكم دي وتعالي

جاك المووووووت ياتارك الصلاة:cool::cool:
اقول قولي هذا واستغفر الله لي ...................



:D:D:D:D

قلت دي الفرصة المابتتلقي بي اخوي واخوك
سمح انت ناسي انو الدور جاييك

خفف العيار عشان ما يصيبك:p:D;)

وفطور ما ماشاه قاعدة وموهطة الله يقدركم عاد :mad::mad:

[imported_عبدالعزيز عبدالله]

احم احم ... هنا في منو ؟
ياسلاااام على الفرصة الماااابتتلقي بأخوي وأخوك:Dgoood
كدي النفطر ونجيك بي رواااااقة كدا
وانتي زاتك امشي افطري في الاسكلا بتاعتكم دي وتعالي

جاك المووووووت ياتارك الصلاة:cool::cool:














اقول قولي هذا واستغفر الله لي ...................






كدي يا اخوي يا زول الله انا عاوزك تضامن معاي في الاسئلة ... ونتشاور فيها في الخاص والتلفونات قبل كتابتها في المنتدي .. علشان تكون مؤثرة ...
وعلشان انا زاتي اضرب عصفورين بي حجر وكدة ... علشان لما يجيك الدور يا دكتور يكون عندي زول عاوز يفش غبينتو :p

[imported_فتحي مسعد حنفي]

ياربي تصبرني


انت جيت :eek::eek::eek::eek:



ياخوانا هي البت دي ناقصة فضايح ..وفي رمضان....وكمان بالنهار والناس صايمة..
لا حول ولا قوة الا بالله..ياخوانا الله أمر بالستر واحنا لسة ما قررنا شعر المرأة فتنة ولا عورة;):Dgoood

[imported_زول الله]

:D:D:D:D
قلت دي الفرصة المابتتلقي بي اخوي واخوك
سمح انت ناسي انو الدور جاييك
خفف العيار عشان ما يصيبك:p:D;)
وفطور ما ماشاه قاعدة وموهطة الله يقدركم عاد :mad::mad:
ايوا والله مااابتتلقي باخوي واخوك في الايام دي
وأزيدك من الشعر بيت .. الدور ماجاييني عشان بعد انجضك حأطلع من الشبكات فترة كدا
وحأكون مافي :D:D
اقعدي واتوهطي سمح وأرجي الجاييك
امانة ماوقعت مرا ياعبعزيز:D:D:D












اقول قولي هذا واستغفر الله لي ..................

[imported_الجيلى أحمد]

الاعمار بيد الله :rolleyes::rolleyes:بس مواليد 7/12/1965



على كدا انت دفعة خالد الحاج وعزيز:D

___________________________
سلامات ياابوها..

يااخى دا يوم المنا:D

دا بوست داير قعدة,

انا عندى زى 97 سؤال:D
لووووول

[imported_جانيت]

ياخوانا هي البت دي ناقصة فضايح ..وفي رمضان....وكمان بالنهار والناس صايمة..
لا حول ولا قوة الا بالله..ياخوانا الله أمر بالستر واحنا لسة ما قررنا شعر المرأة فتنة ولا عورة;):Dgoood

الحلبي خرف خلاص
كووووووووووووور عليو


فضايح شنو يا أمك الهاسل شنو هنا

[imported_جانيت]

ايوا والله مااابتتلقي باخوي واخوك في الايام دي
وأزيدك من الشعر بيت .. الدور ماجاييني عشان بعد انجضك حأطلع من الشبكات فترة كدا
وحأكون مافي :D:D
اقعدي واتوهطي سمح وأرجي الجاييك
امانة ماوقعت مرا ياعبعزيز:D:D:
اقول قولي هذا واستغفر الله لي ..................


استغفر الله لي براي

وراجياك عشان وانت بتسالني برمي ليك قنبلة اخليك تلف حوالين روحك

اعمل حثابك خالث خالث

انت وعبد العزيز انشاء الله البوست ده يضوي ليكم

[imported_جانيت]

على كدا انت دفعة خالد الحاج وعزيز:D

___________________________
سلامات ياابوها..

يااخى دا يوم المنا:D

دا بوست داير قعدة,

انا عندى زى 97 سؤال:D
لووووول

الجيلي فردتي ال97 سؤال ديل اكتر من حقات منكر ونكير ياخ

عايز تعمل لي فلم رعب لييييييي ده انا غلبانة

بعدين قتلوك قتلوك ولاجوك جوك
اها انتو عاملين لي جوك جوك

خلوني هسي ادعي اقول ليكم تتشغلو بي كوماج عجاجو السما



ياخ تحريف الاقتباسات ما عندك بس 65 بالزبط كده دي امي

يلاهي الخال طلع خال صحي صحي

[imported_فتحي مسعد حنفي]

الجيلي فردتي ال97 سؤال ديل اكتر من حقات منكر ونكير ياخ

عايز تعمل لي فلم رعب لييييييي ده انا غلبانة

بعدين قتلوك قتلوك ولاجوك جوك
اها انتو عاملين لي جوك جوك

خلوني هسي ادعي اقول ليكم تتشغلو بي كوماج عجاجو السما



ياخ تحريف الاقتباسات ما عندك بس 65 بالزبط كده دي امي

يلاهي الخال طلع خال صحي صحي

انتي الليلة طردوك من البيت ولا شنو الجابك بدري كدا:confused::confused:

[imported_طارق الحسن محمد]

جوك جوك
امانة ما وقعت بت
على بالحرام اسعيلتى
يافطرتك يا كبيتى الزوغة
:D
:D
وانا زول شايقى
غتيت والله

اها نسعل ولا نخليك لبعد الفطور

:D

[imported_جانيت]

انتي الليلة طردوك من البيت ولا شنو الجابك بدري كدا:confused::confused:

والله بيني وبينك نفسهم يطردوني بس لسة :D:D

جيت شغلي واصلا ما نمت من امس عشان كده مبدرة اهو لسة شباب وفينا حيوية :p:p

[imported_جانيت]

جوك جوك
امانة ما وقعت بت
على بالحرام اسعيلتى
يافطرتك يا كبيتى الزوغة
:D
:D
وانا زول شايقى
غتيت والله

اها نسعل ولا نخليك لبعد الفطور

:D

انتو مالكم زارني في الكورنة
انا قعدت في الكرسي وزول فيكم سال مافي امشي بيتنا واجي لمن تخلصو الرعب بتاعكم ده بجي

يا غتيت انت كان انت شايقي صافي
انا خلطة شوايقة وجعليين واولاد عمي الرباطاب
اها لقيتني طيف
غتاتة تلاقي حماقة تلاقي سلاطة لسان برضو تلاقي gooodgoood

[imported_طارق الحسن محمد]

والله كله ما بيحلك مافى زول سال لكن حرم
انا اول زول
:D
واسع
وانا زول ببدا من الاحداث وانا نازل

اها سوال رقم واحد
انتى زول بيدخل المنتدى دا يوميا
واكيد بتقرى كويس
اها انت قريتى بوست عبد الجليل بتاع شيح
الانكحة ولا لا
ولو ما قريته ليه ما قريته;)

لمن تجاوبى
برجع ليك

;)

لقيتنى كيف
;)

[imported_جانيت]

والله كله ما بيحلك مافى زول سال لكن حرم
انا اول زول
:D
واسع
وانا زول ببدا من الاحداث وانا نازل

اها سوال رقم واحد
انتى زول بيدخل المنتدى دا يوميا
واكيد بتقرى كويس
اها انت قريتى بوست عبد الجليل بتاع شيح
الانكحة ولا لا
ولو ما قريته ليه ما قريته;)

لمن تجاوبى
برجع ليك

;)

لقيتنى كيف
;)


طارق طراقتك سيبها بي غادي:p
والله بعد كتب ليك تعال اسال بس النفزاوي خليه بهناك تاني مسحتها

ياخ راي في الحتة دي خاصي بي جدا ومع انك عرفتو برضو :cool::cool:


اها النجاوبك بي كل صراحة قريتو وقريت مداخلاتو :mad:

وخلي بالك لو في زول خت نقطة ورجع يمسحها بيلقاني قريتها:rolleyes:

غلبتك صحبك الحلبي ده goood

اها انت اللقيتني كيف:D

[imported_طارق الحسن محمد]

طارق طراقتك سيبها بي غادي:p
والله بعد كتب ليك تعال اسال بس النفزاوي خليه بهناك تاني مسحتها

ياخ راي في الحتة دي خاصي بي جدا ومع انك عرفتو برضو :cool::cool:


اها النجاوبك بي كل صراحة قريتو وقريت مداخلاتو :mad:

وخلي بالك لو في زول خت نقطة ورجع يمسحها بيلقاني قريتها:rolleyes:

غلبتك صحبك الحلبي ده goood

اها انت اللقيتني كيف:D

اها انت اللقيتني كيف

100%
والله
:D

[imported_طارق الحسن محمد]

طيب

هل وجدت اى شى مفيد من قرايتك للبوست
( الكتاب )

بغض النظر عن المداخلات
متن البوست
تحديدا

;)

[imported_محمد مصطفي]

أبو أماني ياخ فكرة عظيمة كما عهدناك


بس
لو
بديت لينا بالناس السينغل goood

:D:D:D

سينغل بيد :p
طيب برضو في الناس البدبلو في شاي اللبن looool

[imported_جانيت]

طيب

هل وجدت اى شى مفيد من قرايتك للبوست
( الكتاب )

بغض النظر عن المداخلات
متن البوست
تحديدا

;)



طارق يا غياظ انت بقى ما عندك موضوع غير الكتاب الماجايب همو ده

كده انا جاوبت

انزل ليكم ميكي ومجلة سبيس تون رايك شنو احسن داك خيال وبيضيف ليك شي

بس الانت بتسال منو فطري اكتر من ابدا اراء واقتراحات عليه

طارق خصمتك النبي الكتاب ده بيجيب كثافتي وانا ما بهون عليك مووووووووش;)

[imported_جانيت]

:D:D:D

سينغل بيد :p
طيب برضو في الناس البدبلو في شاي اللبن looool

دبيل شاي اللبن ده طفاسة النكلمك ياغياظ انت التاني :D:D:D

كويس البوست ده صادف وجودك في الاجواء
والله حيرحمني من لسانك

انت نكت الاقتباس ده من وين :eek::eek:

[imported_محمد مصطفي]

طارق طراقتك سيبها بي غادي:p
والله بعد كتب ليك تعال اسال بس النفزاوي خليه بهناك تاني مسحتها

ياخ راي في الحتة دي خاصي بي جدا ومع انك عرفتو برضو :cool::cool:


اها النجاوبك بي كل صراحة قريتو وقريت مداخلاتو :mad:

وخلي بالك لو في زول خت نقطة ورجع يمسحها بيلقاني قريتها:rolleyes:

غلبتك صحبك الحلبي ده goood

اها انت اللقيتني كيف:D


طيب قريتي البوست بتاع طارق الحسن المعدل عنوانه ادارياً :p
انا عارفو ما فيهو فائدة ..... :D
لكن ايهما انسب للعنوان ... المعدل ولا الممسوح ...

.... بالمناسبة انتي عارفة العنوان الممسوح .... ;)
غايتو طارق صاحبي ده انا من ما دخلت المنتدي ... الادرة بتعدل فيهو
لا هو اتعدل ليهم ... ولا الادارة خلتو في ميلانو ... :D

[imported_طارق الحسن محمد]

طارق يا غياظ انت بقى ما عندك موضوع غير الكتاب الماجايب همو ده

كده انا جاوبت

انزل ليكم ميكي ومجلة سبيس تون رايك شنو احسن داك خيال وبيضيف ليك شي

بس الانت بتسال منو فطري اكتر من ابدا اراء واقتراحات عليه

طارق خصمتك النبي الكتاب ده بيجيب كثافتي وانا ما بهون عليك مووووووووش;)
مووووووووووووووووش

;)
انا بنزل مجلد سمير والشياطين
ال13
والعشرين
:D
تجاوبى ياجنو
وبس
زغبير مامعانا
:D
( زغبير كان حارس مرمى الهلال فى السبعينات )

[imported_محمد مصطفي]

دبيل شاي اللبن ده طفاسة النكلمك ياغياظ انت التاني :D:D:D

كويس البوست ده صادف وجودك في الاجواء
والله حيرحمني من لسانك

انت نكت الاقتباس ده من وين :eek::eek:


يا بت الكباية الاولي بطعم الخشم
والتانية بتعدل المزاج ..... :D
التالتة دي ممكن تكون شرفة ساي
الاقتباس ساقتني ليهو الريحة :p

[imported_جانيت]

طيب قريتي البوست بتاع طارق الحسن المعدل عنوانه ادارياً :p
انا عارفو ما فيهو فائدة ..... :D
لكن ايهما انسب للعنوان ... المعدل ولا الممسوح ...

.... بالمناسبة انتي عارفة العنوان الممسوح .... ;)
غايتو طارق صاحبي ده انا من ما دخلت المنتدي ... الادرة بتعدل فيهو
لا هو اتعدل ليهم ... ولا الادارة خلتو في ميلانو ... :D

عارف البوست الاخير قريت اسمو الممسوح والمعدل
والاتنين سواسية كاسنان المشط بيشبهو بعضهم

المغزى ما في اسم الموضوع في الموضوع نفسو
يعني طارق سالتو سؤال قلت ليه نحن لو في جماعه وبنتكلم وبديت تطرح افكارك قدامنا

وبي الطريقة دي يعني يا نحن ما بنات ناس عشان خاتين اضانا لي كلام ما منو فايدة

ياخ انت ما بتحتترمنا وانت ممكن توري عن جملة وتختار مشبهات

بس لقيتو بيبحث عن الكلمة الحرة حتى ولو كانت خادشة

طارق راجل مكسب الادارة العليها بتعملو وكونو ما داير يتعدل برضو بينطوي تحت طائلة حرياتو البينادي بيها

[imported_جانيت]

مووووووووووووووووش

;)
انا بنزل مجلد سمير والشياطين
ال13
والعشرين
:D
تجاوبى ياجنو
وبس
زغبير مامعانا
:D
( زغبير كان حارس مرمى الهلال فى السبعينات )

حررررررررررررم بجاوب
زغبير شنو يتك يا ابوزيدgooodgooodgoood

[imported_جانيت]

يا بت الكباية الاولي بطعم الخشم
والتانية بتعدل المزاج ..... :D
التالتة دي ممكن تكون شرفة ساي
الاقتباس ساقتني ليهو الريحة :p

اها والغدا كيف معانا دبل
ول مرة واحدة looool

غايتو الدبل في صالحي;):p:Dالاولى عشان استوعب شكل الاكل والتانية

عشان املا بطني :D

انت عايز ليك كفتيرة جمبك ولا حتى ترمسة :rolleyes:

[imported_محمد مصطفي]

اها والغدا كيف معانا دبل
ول مرة واحدة looool

غايتو الدبل في صالحي;):p:Dالاولى عشان استوعب شكل الاكل والتانية

عشان املا بطني :D

انت عايز ليك كفتيرة جمبك ولا حتى ترمسة :rolleyes:

غداك ده انا غايتو اليوم داك بصوم ليهو
وباكل اكل حسااااااااااااااادة بس :p
عشان تخلي الشلاقة يا جنو ... وما تتورطي في رهان ... فرسك فيهو ما جراي goood

[imported_طارق الحسن محمد]

طيب قريتي البوست بتاع طارق الحسن المعدل عنوانه ادارياً :p
انا عارفو ما فيهو فائدة ..... :D
لكن ايهما انسب للعنوان ... المعدل ولا الممسوح ...

.... بالمناسبة انتي عارفة العنوان الممسوح .... ;)
غايتو طارق صاحبي ده انا من ما دخلت المنتدي ... الادرة بتعدل فيهو
لا هو اتعدل ليهم ... ولا الادارة خلتو في ميلانو ... :D
:D :D :D

ياخى البوست فى عضمه اصلا
معدل
.........







وراثيا


:D :D

[imported_طارق الحسن محمد]

حررررررررررررم بجاوب
زغبير شنو يتك يا ابوزيدgooodgooodgoood


100%

بس بالامانة

:D

:D

حرم تلفى كدة
ولا كدة

...........


;)

[imported_جانيت]

غداك ده انا غايتو اليوم داك بصوم ليهو
وباكل اكل حسااااااااااااااادة بس :p
عشان تخلي الشلاقة يا جنو ... وما تتورطي في رهان ... فرسك فيهو ما جراي goood

قرقرقرقرقرقرقرقرقرقر

هو انت رمضان صايمو لمن تصوم لي غداي gooodgoood

:p;):D

غايتو انا الرهان كاسباه كاسباه ومفكرة كمان اعزم معاي الناس واقول ليهم الغدا علي حسابك

بس اوعى تلغي السفر دي يادوبها غدوة :D:D

يايما ورطتي اريتها ورطتك وتتغدا ليك غدوة كاربة gooodgoood

[imported_جانيت]

100%

بس بالامانة

:D

:D

حرم تلفى كدة
ولا كدة

...........


;)

اول مرة اشوف لي شايقي يقول حررررم

كدي يا السلبطة

[imported_فيصل سعد]

السلام و التحايا للضيفة العزيزة و للاخ العزيز الوجيه ابو اماني و مرحبا بايابك الظافر و حمد الله الف على السلامة،، و اسمحوا لي اولا ان نعزي اخونا ابو اماني في وفاة عمته، غفر الله لها و طيب ثراها ، و الهمكم الصبر الجميل و حسن العزاء ..

و نعود للدكتورة الوجيهة علوية و معنا في البداية ثلاثة اسئلة
خفيفة و الغريق لقدام :

1. كيف انضممت لهذا المنبر ؟
2. ما سر الاسم "جانيت" و هل له علاقة
باي هترشة و جنترة و سحلبة تعتريك :D:D ؟؟
3. ماذا قدمتي لسودانيات و ماذا قدمت لك ؟؟

لنا عودة اخرى قريبة،
و كونوا بالف خير ..

[imported_طارق الحسن محمد]

اول مرة اشوف لي شايقي يقول حررررم

كدي يا السلبطة

مستلفها
من جعلى جارى
اها
راجيك لسة

واوعك تردى على فيصل
قبل تجاوبى
والا
بلفها معاك:mad:

[imported_فيصل سعد]

مستلفها
من جعلى جارى
اها
راجيك لسة

واوعك تردى على فيصل
قبل تجاوبى
والا
بلفها معاك:mad:

انت يا طارق حركات ود الحاج و الجيلي في الملاوزة
بالبلورات و مقصات المحاثيث دي بطلها ياخ، و خلي
روحك رياضية و بطل غيرة منتصف العمر دي و امشي
تم نص دينك ياخ :D:D ولا اقع ليك ون نايت استاند
و ريحنا و حل عن سمانا و كدا :D:D

[imported_جانيت]

و نعود للدكتورة الوجيهة علوية و معنا في البداية ثلاثة اسئلة
خفيفة و الغريق لقدام :

1. كيف انضممت لهذا المنبر ؟


انتيمو حبابك وانا ضيفة :D موضوع انضمامي للمنتدى مغسة ساي والله وده قبل اقرا ليكم
كنت شغالة مع احمد زين في نفس المعمل وكل ما جي اكون عايزة منو حاجة ول اسالو بلقاه فاتح سودانيات
ولو صرخت باعلى صوتي ما بيتلفت علي ومرات احرد ومرات افتش حاجتي براي ومرات اتقل دمي واستنى
ولمن يفيض بي بقول ليه حريقة تحرق سودانيات خلينا امشي من هنا وارجع افتحها
فقمممممممممت يا فيصلوب بقيت اشوف سودانيات دي فيها شنو الراجل اليومكلو مكبس فيها
وبعد ما عرفت الناس وحفظتهم تمام عملت اشتراك وهو ما عرف الا بعد ما دورتو شي خاص وشي في البوستات وراه وراه




2. ما سر الاسم "جانيت" و هل له علاقة
باي هترشة و جنترة و سحلبة تعتريك :D:D ؟؟


اسم جانيت يا انتيمي قصة اسطورية كانت نهايتها حزينة جدا وقال لينا استازي في الثانوي وهو بيحكي وانا ابكي :(:(
لمن كره روحو وبقى يقول لي جانيت وبعدها في المدرسة سار علي الاسم
وبقى في كيمياء بيني وبينو
وماعندو اي علاقة بالجنترة الحاصلة دي الشي ده خلقة كده بس دلع جانيت جنو جات كده:p;)



3. ماذا قدمتي لسودانيات و ماذا قدمت لك ؟؟


انا للان ما قدرت اقدم لسودانيات اي شي ويمكن مرات بحس انو انا وجودي فيها بطريقة همجية خسارة علي سودانيات بس هي قدمت لي كتير وكتير جدا
اولا لقيت الصحبة الانا اصلا مفتقداها وطلعتني من طور الانطوائية الانا كنت فيه
استفدت زخيرة معلومات هايلة جدا لاني بقرا اي حرف بيتكتب ولمن بوست يتحذف بزعل
اتعلمت منها احترم الراي والراي الاخر صراحة لقيت المالقيتو في اي حتة تانية الانتماء



انتيمو اسالتك قطعت نفسي ياخ

[imported_طارق الحسن محمد]

انت يا طارق حركات ود الحاج و الجيلي في الملاوزة
بالبلورات و مقصات المحاثيث دي بطلها ياخ، و خلي
روحك رياضية و بطل غيرة منتصف العمر دي و امشي
تم نص دينك ياخ :D:D ولا اقع ليك ون نايت استاند
و ريحنا و حل عن سمانا و كدا :D:D

تلميذهم
والله
اقدم منى
الاتنين
;)
والروح الرياضية
وين تتوفر
مش سودانى
....
وتيب
:D
هو وينو النص الاول
لمن يتمو بالتانى ؟؟
مش طلعت نفزاوى
وتيب
:D
مابقع فى ون نايت استاند
بققع ليكم فى جانيت دى ظاتهاgoood goood

[imported_جانيت]

مستلفها
من جعلى جارى
اها
راجيك لسة

واوعك تردى على فيصل
قبل تجاوبى
والا
بلفها معاك:mad:

يافقر طلع النضارة السودا اللابسها دي واقرا كويث

انا جاوبت

داقث خلاثgooodgoood

[imported_فيصل سعد]

انتيمو اسالتك قطعت نفسي ياخ

شكرا للردود الشافية الوافية، خلاص نخليك ترتاحي شوية
و تشربي ليك عصير تبلدي، و سنرجع بالتقيل بعد ما طرقرق
دا ينعس و ينخمد :D:D عشان عندنا كلام استراتيجي
ببدا بالقلب و بنتهي بالمهجة :D:D و ما دايرين اي
كواكب و صواريخ يلاوزوا لينا و كدا ..

و نخليك مع المتداخلين الكرام ..

[imported_طارق الحسن محمد]

يافقر طلع النضارة السودا اللابسها دي واقرا كويث

انا جاوبت

داقث خلاثgooodgoood

زغتى والله
لكن ما بخليك
:mad:

[imported_جانيت]

شكرا للردود الشافية الوافية، خلاص نخليك ترتاحي شوية
و تشربي ليك عصير تبلدي، و سنرجع بالتقيل بعد ما طرقرق
دا ينعس و ينخمد :D:D عشان عندنا كلام استراتيجي
ببدا بالقلب و بنتهي بالمهجة :D:D و ما دايرين اي
كواكب و صواريخ يلاوزوا لينا و كدا ..

و نخليك مع المتداخلين الكرام ..

انتيمو تسلم لي من كل شر
نحن عندنا صباحات بهية وامتنعنا عن شراب التبلدي الى ان يحن علينا المؤذن لي صلاة المغرب :D:D

بستناك وبرسل لي شريط فاليوم لي طارق اريتو ينومو :D;):p

[imported_طارق الحسن محمد]

انتيمو تسلم لي من كل شر
نحن عندنا صباحات بهية وامتنعنا عن شراب التبلدي الى ان يحن علينا المؤذن لي صلاة المغرب :D:D

بستناك وبرسل لي شريط فاليوم لي طارق اريتو ينومو :D;):p

ما مشكلة

برضو مابيحلك فاليم

ولا غيره

قاعد والله يا جنيت

اها نخفف عليك عليك
عشان ارجع بعدين
بالاسئلة التعسفية
اخر شى قرتيه شنو
على شرط ما اكاديمى

[imported_جانيت]

ما مشكلة

برضو مابيحلك فاليم

ولا غيره

قاعد والله يا جنيت

اها نخفف عليك عليك
عشان ارجع بعدين
بالاسئلة التعسفية
اخر شى قرتيه شنو
على شرط ما اكاديمى

حدد جوة المنتدى ولا برا