من فضلكم

[بابكر مخير]

الأحباء البورداب وخاصة بورداب لندن
بالغ التحايا
قالوا الماليهو خير في أهلو يكوس ليهو قبيلة
أرجو من آي واحد من أهلي البورداب عندو طريقة إتصال بالحبيب هاشم بدر الدين الذي علمت أنو مشرف الأيام دي لندن؛ يساعدني في الإتصال بيهو
تلفوني في البيت: 02082213220
تلفوني الموبايل: 07984373590
الإيميل: [email protected]
على قولت هاشم ليا هنا في لندن من سنين " ربنا كاتب لينا نتلاقى في الغربة مشرديننا العساكر!!!"
له التحايا الي أن نلتقي
لكم الشكر يا أهلي

[بابكر مخير]

الأحباء
بيقولو: الحي بلاقي
التقيت بأخي الحبيب هاشم بدرالدين هنا في لندن وقالوا برضو: رزقا تكوس ليهو ورزقا يكوس ليك
بعد عودتي من السودان التقيت بحبي مشترك لي ولي هاشم وبادرني وين يا أخي في زول بيفتش عليك،،،،، طبعا قلبي ما طلع للحلقوم لكن وقع في ركبي، يكون دياني وعايز قروشو ولا خطيب لي واحدة من بناتي وانا الحكاية جربتها مرة ولقيتها صعبة وقاسية. طبعا تفكيري كلو دايما منصب في التعاسة،،، ما الحرامي في راسو ريشة
القصة طلعت أنو الحبيب هاشم بدرالين بيفتش عليا
شوفتو يا ناس سودانيات أتاريني ما هين!!!!
قامة ذي هاشم كمان بيفتش علي (طبعا هاشم طولو ستة متر وستين سنتي كدا، دا غير أنو بطل عالمي في الكراتية وبطل كندا الشهير ومحارب في الجيش الشعبي ودلوقت من ناس الدواس في دارفور)
حبيت أقول ليكم أني لقيت ضالتي.
مرحب بي هاشم هنا وفي كل مكان

[د.سيد عبدالقادر قنات]

سلام يا دكتور

ألف حمد ألله علي السلامة

بس ياريتا كانت القاضية !!!!!!!

يديكم الصحة والعافية

[haneena]

أخونا بابكر مخير
و الله ليت لي طريقة
العرفته إنه أخذ رقم عبدالباقي على أمل الإتصال به

بالله لو تكلمت معه كلمنا

الحاجة التانية
يا ناس لندن
إيه رأيكم في لقاء الأحد المقبل دة؟
بعد 4 أيام من اليوم

حتي الآن..تحدثت مع عبدالباقي..موافق
عصمت العالم...مشغول طيلة اليوم

طيب الخيار التاني..السبت الذي يليه
17 مارس

سأتصل بقارسيا و أسعد البرير ونبيل
و نريد من الآخرين الإدلاء بأصواتهم
قلتوا إيه؟

[بابكر مخير]

العزيزة حنينة
بالمناسبة تلفون الحبيب هاشم ليك وللأحباء 07704111908 ،، الإتصال بيهو مكلف لي ناس تي موبايل،،، لكن الراجل بستاهل.
شكرا مقدما للدعوة وأنا إنشاء الله جاهز في أي حتة في (على قولك Greater London) وفي أي يوم وساعة

مرسل ليك لزوم التأكيد الدعوة دي وإن كان رسلتها من خلال بريد سودانيات

العيد المئوى لتعليم المرأة فى السودان
ذكرى يوم المرأة العالمى
المجموعة السودانية لحقوق المرأة
تدعوكم للمشاركة فى الاحتفال الكبير
يوم السبت 10 مارس 2007- الساعة السادسة مساء

المكان :Paddington Arts Centre
32 Woodfield Road
Off Harrow Road
LONDON W9
TUBE : Westbourne park
buses : 18—28—31—328 ( قرب بقالة الحياة السودانية )
يشتمل البرنامج على : كلمات تضامن – مشاركة من المبدعة الهام عبدالخالق وعرض من أحمد بدرى لفلسفة التعليم الأهلى فى السودان .
حضانة خاصة للأطفال – بوفيه – ترفيه.
نرحب بكم جميعا. د. أمال جبرالله / عن الجمعية

[haneena]

الأخ بابكر مخير

الدعوة مقبولة و سنكون حاضرين بإذن الله
عن لقاء سودانيات

يوم السبت الموافق 17 مارس يوم لقاءنا
لو مافي مانع
قلت كيف يا دكتور؟

إتصلت بقارسيا
نبيل عبدالرحيم
أسعد البرير
عبدالباقي الريح
و عصمت العالم
و هم موافقين

قارسيا سيتصل بعبدالله وداعة وود النيل
أسعد البرير سيتصل بأعضاء آخرين من شيفيلد في محاولة منه
سأتصل بنفسي بالأستاذ فضيلي

من سيتصل بالبقية؟

[بابكر مخير]

تمام التمام
بس
وين والساعة كم
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟والشاي والقهوة على منو ؟؟؟؟؟؟؟؟؟؟؟؟؟؟؟ :D :eek: :confused: :)

[haneena]

هذه نتفق عليها
خلينا نكون على إتصال
و نعشم أن يكون معنا بعض الضيوف من البلدان المجاورة
أحد الأعضاء متبرع بمنزله( لو ما غير رأيه):D