ياشاعرات وشعراء المنتدى الداير يوثق اعمالو يدخل هنا [الأرشيف]

imported_مجدي مسعد حنفي

25-10-2009, 11:02 AM

الاخوات والاخوه الشاعرات والشعراء
فكرة البوست ليست بالجديده وقد تم ورودها في العديد
من المنتديات ولكن هذا لا يمنع ان نكررها هنا ايضاً وربما
سبقني اليها احد الاخوه من قبل في هذا المنتدى وهذا ايضاً لا يمنع
من احياء الفكره مرّه اخرى..
فقط لي رجاء من الاخوه الذين يودون المشاركه ان يلتزموا بالامانه والصدق
فيما يقومون بنشره من قصائد فنحن هنا بصدد حفظ حقوقنا وتوثيق
اعمالنا وحمايتها من الضياع والسطو من ضعاف النفوس الباحثين عن
الشهره حتّى لو كان ذلك بالتسلق على اكتاف الغير.

بسم الله افتتح البوست بهذه القصيدهاتاريك لسه فيني
---------
اتاريك لسه فيني....وساكن جوّه عيني
وانا القايل قدرت انساك
وقايل قلبي ملّ هواك
لقيت حبك مسهيني
...............
مرّت سنين بعد البعاد
والشوق دفين تحت الرماد
ولمّا الحنين الليله عاد
لقيتك انت ناسيني
.............
ملكني هواك سنين وازمان
فؤادي وراك تعب حرمان
بعيده سماك وانا العطشان
اريت دمعاتي ترويني
..............
اريت الشوق يدق بابك
يذكّر قلبك احبابك
والقاك ياحبيب جابك
حنين لي مدّه كاويني

مجدي مسعد حنفي

معتصم الطاهر

25-10-2009, 03:00 PM

بتفتش وشيها مُدُن ..مُدُن
كايس عليها ..و تندها
صاحبت الموانى والسفُن
لو تلقى بلدا يشبها ..
رحلْتَ كما ترحل مُزُن
ضيّعت عفوا دربها
خيّم وراها الحزن
دى الكنت تفرح قربها

imported_مجدي مسعد حنفي

25-10-2009, 05:53 PM

سلامات يامعتصم
يازول باقي الكلام الجميل دا وين
ولا انت اتعلمت البخل
اتحفنا بالمزيد الشديد .

imported_مجدي مسعد حنفي

26-10-2009, 11:43 AM

ياخوانا المنتدى دا
مافيهو ناس بتكتب شعر
ولا كل زول قاعد يقلب في اوراقو
ويشوف حيكتب شنو في البوست .. افيدونا
عشان مانوجع راسنا على الفاضي.

imported_مجدي مسعد حنفي

27-10-2009, 12:50 PM

بكره جاي الدور عليك
-- -----------
زيد قلبي عليك حرقه
واجرح احساسي بايديك
يالدروبك هم وفرقه
بكره جاي الدور عليك
..........
اقسى اتمادى في صدودك
واجرح احساس البريدك
وانسى تصدق في وعودك
ياهو طبعك ماجديدك
الحنين لو مرّه عاود
وذكّرك ترسل بريدك
اوعى تتجاوز حدودك
صبري كمّل حدّو فيك
..........
بكره لمّا خطاك تتعب
وتلقى روحك زول وحيد
املا كاس الصبر واشرب
ضوق مرارته ومنه زيد
انت انسان ماطبيعي
انت كتله من الجليد
والعملته في قلبي اصعب
من اسامح واصفى ليك
..........
ياما قالوا عليك وعادوا
قالوا انك زول اناني
بس عيوني الليك رادوا
ظنّوا في قربك اماني
ويوم حقيقتك ليها بانت
وعرفوا في ريدتك هواني
قالوا لي قلبي وعنادو
انسى سيرة حبو ديك

مجدي مسعد حنفي

imported_فتحي مسعد حنفي

27-10-2009, 03:37 PM

بكره جاي الدور عليك
-------------
زيد قلبي عليك حرقه
واجرح احساسي بايديك
يالدروبك هم وفرقه
بكره جاي الدور عليك
..........
اقسى اتمادى في صدودك
واجرح احساس البريدك
وانسى تصدق في وعودك
ياهو طبعك ماجديدك
الحنين لو مرّه عاود
وذكّرك ترسل بريدك
اوعى تتجاوز حدودك
صبري كمّل حدّو فيك
..........
بكره لمّا خطاك تتعب
وتلقى روحك زول وحيد
املا كاس الصبر واشرب
ضوق مرارته ومنه زيد
انت انسان ماطبيعي
انت كتله من الجليد
والعملته في قلبي اصعب
من اسامح واصفى ليك
..........
ياما قالوا عليك وعادوا
قالوا انك زول اناني
بس عيوني الليك رادوا
ظنّوا في قربك اماني
ويوم حقيقتك ليها بانت
وعرفوا في ريدتك هواني
قالوا لي قلبي وعنادو
انسى سيرة حبو ديك

مجدي مسعد حنفي

لو ما عارف ومتأكد انك ما خبيث كنت فهمت حاجة تانية:D:D:D

imported_مجدي مسعد حنفي

28-10-2009, 10:32 AM

معاكم انتو ياغاليين
-----------
معاكم انتو ياغاليين
بشوف الدنيا اشراقات
بشوف الكون بديع زاهر
ورود ونغم وابداعات
...............
معاكم انتو ببقى سعيد
ومن عينيّ تطل افراح
واسافر في خيالي بلاد
ظلام ايامها كلو صباح
قلوب سكانها مابتعرف
غير بسمة امل وسماح
مناهم يشفوا للمجروح
وماتعود ليهو تاني جراح
...............
حلاوة الدنيا في وجودكم
وفي غيابكم بتبقى سراب
وراحة نفسي يوم نقعد
نداعب سيرة الاحباب
قوافي غنايا بلقاكم
تلين زي النسيم تنساب
وتبقى الريشه فرحانه
تسطّر شعري في اعجاب
...............
معاكم انتو لو بالايد
ربيع العمر احياهو
اشيلكم فوق رموش العين
وتبقوا لقلبي دنياهو
اشيل من عمري واديكم
واغرد في لياليكم
عساهو فؤادي يبقى سعيد
وترجع بسمة افراحو

مجدي مسعد حنفي

imported_عثمان

28-10-2009, 02:08 PM

العزيز مجدي مسعد .. طابت أوقاتك
معقول حديقة بالجمال دا كلو
والواحد يتخطاها إلا يكون عديم إحساس
لكن بالجد كدة حروفك تجبر الواحد إنو يقيف عندها والله
تخريمة كدة:
سر البكا في الفي شعرك دة من شنو ، خليتنا نتجرس معاك زاتو:).

التحية/ عثمان الطيب

imported_مجدي مسعد حنفي

28-10-2009, 03:31 PM

شكراً جزيلاً ياعثمان
على كلماتك الموزونه الدافيه
تعرف ياعثمان انا لما فتحت البوست دا
مافتحتو عشان شعري انا بس لكن عشان كل الناس
تشارك وتكتب وتخلّي حروفها تتنفس لكن للأسف
لقيت نفسي قاعد اكتب براي ومافي زول شغال
بالبوست لكن غايتو كلامك دا شجعني اواصل عسى ولعل
الناس تتشجع وتكتب عشان البوست يستمر ويتواصل
ومايقيف بعد مايخلص رصيدي والحراره تنقطع.

اما موضوع البكا فمااظن انو مقصود ويمكن دا سببو طبعي
وتكويني النفسي ويمكن كمان سنين الغربه الطويله في الامارات
اكتر من تلاتين سنه تكون تركت اثر ودا اكيد يعني تخيل اني لي
28 سنه مشيت في خلالهم السودان مرّه واحده لمدّة اسبوعين
تفتكر دا ماسبب كافي .
ان شاءالله ياعثمان ياخوي الحديقه اشجارها وارفه ومليانه بجميع
اشكال الغنا فتابع وان شاءالله ماتندم .

imported_مجدي مسعد حنفي

29-10-2009, 11:51 AM

لما طليتي في ديارنا
-----------
لما طليتي في ديارنا وزرتي دارنا
هامت السكه بعبيرك وبالفرح فرهد خضارنا
********
زي نغم مبدع وساحر جات خطاويك المثيره
خطوه راقصه وخطوه مايسه وخطوه زي خطوة اميره
راسمه فوق الثغر بسمه زادت اشواقنا وسعيره
خلّت الكلمات تغرد بي جمال ست الضفيره
********
ياما من اعماقنا ليكي قلنا كلماتنا وغنانا
ياما نسّقنا المعاني باقه من ريدنا ومنانا
واشتهينا نشوف عيونك شايله ريدتنا وهوانا
واشتهينا كمان عيونك نلقى فيها بريق هنانا
********
لما طليتي في ديارنا زادت الازهار نضاره
الربيع من غير ميعاد طل في حارتنا زاره
النسيم في رقّه لامس لي حرير الخد هامس
والطيور في نشوى كانت تشدوا في الاشجار حيارى

مجدي مسعد حنفي

imported_Wad Elbeck

30-10-2009, 04:25 AM

مجدى.. وجميع المشاركين...سلام..
فكرة البوست رائعة..فهو محطة للتأمل والتحليق بأجنحة الكلمات..
أعجبتنى كثيراً الأعمال المطروحة فهى كما السهل الممتنع حيث تمتاز بالرقة.. البساطة.. والأناقة فى إختيار المفردات..
واصل..
نتابع معك جميل الكلام..

بابكر مخير

30-10-2009, 09:28 AM

شقيقي الحبيب
في السودان بقت الموضة، شقلبتن الكلام
للشئ الجميل يقولوا: شين
للظريف يقولو: صعب وهلوماجرآ..
حسي الواحد يقول عليك شنو؟؟؟؟؟؟؟؟؟؟؟؟
غايتو بلخصها كلها، إيجابيها من مقصودة وسلبيها من منقالة بقصد؛
كلامك جميل بالبي بنعرفها قبال الشقبنا وشين بالبنقال حسي والخ..
بقول يابا!!
شغلك عجيب وهو أصلن عليك أبدن ما غريب
ما إتا ود سيد الشعر، رب الكلام في الغزل، في الهيام في كل معاني الحياة..
زدنا من دلك وسيب دلالك
ما تخلي ناس توحآ وأخوك بابكر يقاطعوك ويشردو بنات أفكارك
ما هي الحكاية غيرة سااااااااااااااااكت،
للبنات العندك بالكوم وإحنا محرومين حتى من طلتهن في المنام..
ليك محبة وعشق

بابكر مخير

30-10-2009, 09:30 AM

بابكر مخير

30-10-2009, 09:35 AM

بكره جاي الدور عليك
-------------
زيد قلبي عليك حرقه
واجرح احساسي بايديك
يالدروبك هم وفرقه
بكره جاي الدور عليك
..........
اقسى اتمادى في صدودك
واجرح احساس البريدك
وانسى تصدق في وعودك
ياهو طبعك ماجديدك
الحنين لو مرّه عاود
وذكّرك ترسل بريدك
اوعى تتجاوز حدودك
صبري كمّل حدّو فيك
..........
بكره لمّا خطاك تتعب
وتلقى روحك زول وحيد
املا كاس الصبر واشرب
ضوق مرارته ومنه زيد
انت انسان ماطبيعي
انت كتله من الجليد
والعملته في قلبي اصعب
من اسامح واصفى ليك
..........
ياما قالوا عليك وعادوا
قالوا انك زول اناني
بس عيوني الليك رادوا
ظنّوا في قربك اماني
ويوم حقيقتك ليها بانت
وعرفوا في ريدتك هواني
قالوا لي قلبي وعنادو
انسى سيرة حبو ديك

مجدي مسعد حنفي

أريتني بعرف اللحن
أو حتى بنشد
كان خليتها تبقى لكربلاء نشيد
وين الإنفكاك دا أصلن في دنيا الريد محال..
عجيييييييييييييييييييييييب يا شقيقي الحبيب

imported_مجدي مسعد حنفي

30-10-2009, 03:08 PM

الاخ العزيز ود البيك
تحياتي وامتناني على رقيق عباراتك
ياخي كان من الممكن ان يكون البوست
اكثر جمالاً وروعه لو ان الاخوه والاخوات
نفضوا عنهم تراب الكسل وتخلّوا عن البخل وشاركوني
باعمالهم ومداخلاتهم ولكن مازلت لم افقد الامل في تدفق
ابداعاتهم ومشاركاتهم وحتّى يتحقق ذلك ساظل اتحمل مواصلة
احياء البوست باعمالي ومشاركاتكم وتشجيعكم .

imported_مجدي مسعد حنفي

30-10-2009, 03:19 PM

الشقيق الاكبر بابكر
والله يابابكر ليك وحشه وصدقني انا مافي
حاجه مزعلاني غير اننا عايشين في بلد واحده الزمن ده
كلو ومالاقينا بعض .
حسه انا كنت متوقع منك مداخله ولو واحده لكن فاجاتني باكتر من
مداخله ( ياهو طبعك ماجديدك )وان شاءالله تواصل معانا دايماً وماتحرمنا من مشاركاتك,تخريمه:
يابابكر بوست شيخ التشكس عليك الله ماتهملوا

imported_مجدي مسعد حنفي

30-10-2009, 03:29 PM

شهد الغرام
0000000
احتمل انك تخاصم وتنفعل
وتقولّي في لحظة زعل
اسكت مابينا كلام
ابعد وماترسل سلام
بس احتمل عنّي تغيب
وفي دنيتي اصبح غريب
مستحيل اقدر اقاوم واحتمل
000000000
عشرتنا ياسيدي عمر
والبينا إلفة روح لروح
وهوانا لا يوم لا شهر
لكن سنين بالحب تبوح
لا عشنا آلام النوى
لا حبنا يوم انطوى
لا باعدت بينا جروح
00000000
مهما حصل بينا زعل
او ابتدا بينا الخصام
على قلبي وحياتك عسل
اصلو الزعل شهد الغرام
ماليك سواي ولا لي سواك
روحك معاي وروحي فداك
وبعادنا ياسيدي حرام

مجدي مسعد حنفي

imported_بدور التركي

30-10-2009, 10:04 PM

ياخوانا المنتدى دا
مافيهو ناس بتكتب شعر
ولا كل زول قاعد يقلب في اوراقو
ويشوف حيكتب شنو في البوست .. افيدونا
عشان مانوجع راسنا على الفاضي.

يا ريتني كنت شاعرة كنت جيت شاركت معاك

ممكن اشارك بخواطر وجدانية:p

imported_مجدي مسعد حنفي

31-10-2009, 01:46 PM

اهلاً بيك يابدور
الدار دارك والخواطر برضو نوع من انواع الشعر
الحر والمقصود من البوست واحه نتنفس فيها
بهدؤ وكمان نوثق فيها اعمالنا للحفظ من الضياع والتعدّي
في انتظار مشاركاتك .

imported_مجدي مسعد حنفي

31-10-2009, 01:55 PM

آه يـــــــابلد
0000000

آه يابلد..... آه لو تعرفي الشوق وحسرات الكمد
آه لو تعرفي رنين غناي كيف بتخنق ساعة يتولد
آه لو تعرفي حنيني ليك واشواقي ليك انا يابلد
000000000000
آه يابلد0000 آه لو تعرفي اللوعه والنار في الضلوع
وكيف الفؤاد يزداد لهيب ساعة العيون تغرق دموع
وكيف الامل يصبح وهم والليل يلف ضي الشموع
وكيف حالي لما يمر نسيم حامل اريج زهر الربوع
يرحل يفوت كل الجلد من شوقي ليك انا يابلد
000000000000
آه يابلد حتّى الحبيب ماراضي يبقى عليّ قريب
قايلني بنسى بعيد هواه وفي الغربه بختار لي حبيب
قايلني من غير ابتسامه ونظره من عينيه بطيب
قايلني بنسى وعودي ليهو وهواهو يصبح لي غريب
ياريتو لو يعرف شقاي واشواقي لي سيد البلد
00000000000000
آه يابلد لمتين خطاي تسرح تتوه وسط الرمال
لمتين اسافر للنجوم والشوق يبدّل حالي حال
لمتين حنيني اليك يطول والدمعه يشقيها السؤال
ومتين ميعادي معاك يهل ولقانا يصبح ماخيال
فاقد حنانك ياهواي وفاقد حنان اهل البلد

مجدي مسعد حنفي

imported_بدور التركي

31-10-2009, 09:17 PM

اهلاً بيك يابدور
الدار دارك والخواطر برضو نوع من انواع الشعر
الحر والمقصود من البوست واحه نتنفس فيها
بهدؤ وكمان نوثق فيها اعمالنا للحفظ من الضياع والتعدّي
في انتظار مشاركاتك .

دسني جوة الروح
ولملم القليب المجروح
يا فرحتي البتجي وما بتروح
بين اديك همومي تروح
والوجد بيك اصبح سموح

يا بدايا اعتناق الروح للروح
انزع من جواي الاتراح
وازرعنى غنوة تغنيك للصباح
خذنى من اقدار الرياح
وادفني خاتمة عهدك الفواح

رأيك شنو في المشاركة المتواضعة دي
حاسة اني نقطة صغيرة جنب ابداعاتك
( وش خجلان)

imported_مجدي مسعد حنفي

01-11-2009, 06:00 AM

واصلي يابدور
وخللي الحروف تتنفس
وخللي الكلام يرتاح
في درّك المنثور

imported_أبوجهينة

01-11-2009, 07:28 PM

مجدي

تحايا كبيرة

لو ما فتحي نبهني للبوست دة ما كنت حأشوفو

على كل حال سأوافيك كل يوم بقصيدة عامية و أخرى فصحى

دمتم

imported_أبوجهينة

01-11-2009, 07:38 PM

معاي الحق

معاي الحق
أكون مفتون
و في جوف الزمن ضَهَبان
أفتش فيك دريبات المُدُن
و عَشَم اللقيا بوصلة و عنوان

معاي الحق
أكون مجنون
من ظُلْمِك
ضايق مُرْ طعَم الغُـبُن
و في هجرِك ...
رِويت من علْقم الحرمان

أدَبِك صولجان
طلْعتِك .. تاج راس الحُسُن
بسْمتِك نيشان
مطرزة فوق كتْف الحُزُن ...

كلْمَتِك ميزان ...
ماخودة من صفحات المُتُن
تقيلة زي خطوة مشيتك
تَرجِّح كفَّة الولهان

عويناتك غمامات هُتُن
مُسَطَّرة فوق جبيني
عشْقاً يزيدني هوان
قدَرمكتوبِك تشوفو العين
محل ما دار بِوديني.. أي مكان
يرجِّعْني وكِتْ ما دار .. أي زمان
المهم تكوني معاي
مسكون فيك .. ساكنة حداي
حدقة عين عزيزة و غالية ..
روحي التانية من جواي
و معاي الحق
أكون مفتون

***

جلال داود الرياض 13 أبريل 2009م

imported_مجدي مسعد حنفي

02-11-2009, 08:21 AM

الاخ العزيز ابو جهينه
شكراً يازول على المشاركه الجميله
وقالوا وعد الحر دين وانت وعدت انك تتواصل
مع البوست وزي ماقالوا اول الغيث قطره .

شكراً ليك يافتحي وان شاءالله نخدمك في افراحك قبل اتراحك:)

imported_مجدي مسعد حنفي

02-11-2009, 08:24 AM

خلّيني احلم باللقا
000000000
خلّيني احلم باللقا لو اللقا اصبح محال
وفي غفله من ليل الشقى اوصل معاك حبل الوصال
********
خلّيني اتخيّل انا وانتي على قمة جبل
ماحولنا غير الفضا وفي قلبنا نور الامل
خليني اكتب في العيون
باقة غزل من كل لون
والهاله من حول الجبين زي بدر في ليلو اكتمل
********
خليني احلم والحلم لعلّتي اصبح دوا
الشوق سقى قلبي الم والليل كوى عمري جوى
اذكر سنين عمر الغرام
في صحوتي وعز المنام
واصبر على غدر السنين واصبر على هم النوى
********
يادنيا آه قالوا الحبيب مهما عمل ليلو سهر
لابد يسافر في المغيب كل ليله يستنى القمر
يادنيا آه كم كم شقيت
يوم اختفت عنّي وبكيت
كل ليله يشجيني الحنين ومنامي فات دربي وهجر

مجدي مسعد حنفي

imported_أبوجهينة

02-11-2009, 10:23 AM

( هي الوحيدة التي لم تفرح عندما إنطلق محبوبها باللوتري كعصفور إنعتق من ربقة الأسر ... قلبها كان يحدثها بأنه لن يعود ... و لكن دائماً تبقى جذوة من الأمل تطل من كَوّة صغيرة تُدْخل النور و الأمل ..
إستميحك عذراً أيتها المنتظرة ... فقد ترْجمتُ صبرك إلى هذه الأبيات .. علها تضيف شيئاً من نور أو أمل إلى ما تبقى لديك .... )

مكانك هنا
متروسة بيك كل الجهات
لا شَرْق البعاد
بعيد شرَّق خيالك
لا غَرْب الجفا
تاه غرَّب سؤالك
مكانك هنا ..
بس إنت و أنا
شمال نبْض القلب
يمين حَدَق العيون
و فوق سقْف الهُدُب
مُدَوْزِن همْس الدندنة
قُرْبك هنا
رغم البعاد
مُوَنِّسْني صمت السهاد
معذبني .. و كاسيني العَنا
رضيانة بيهو
و عافية منك ..
و راضية عنّك .. رغم الضنا
خليك هنا
تملا الكون غُنا
أبداً ما عنك غِنا
راجياك هنا ..
تفرش العتْمات سنا
ما إنت يا سيد الدُنا
مالي دنياى هَنا
سُكْناك هنا
لا شرق البعاد
غاب شرَّق ودادك
لا غَرْب الجفا
فات غرَّب مِعادك
عايشاك بداية و غاية مُنَى
متحكر
جوة الحشا
ترياق شِفا
و أحضان دَفا
عاوزاك هنا ...
لو طال غيابك ..
تلقاني.. ياني ال أنا
قِبْلة وفا
راجياك هنا
لا بطرا البعاد
لا بقول حسيت جفا
مكانك هنا

***

جلال داود ( 2008م)

معتصم الطاهر

02-11-2009, 10:32 AM

مهداة الى صديقى الجيلى والخال ..
شيخ سيسيليا و فكى اقليم التفاح
بمناسبة القهوة فى الالمانى

ويتصاعد
زى رقصة تتساما ..
و تعلن ولادة ريد ..
و تسطع بين تمرتين و تقيد
بين جمرتين نساما
تتباهى بقعة ضو ..
يدخل صدر الصبية شهيق
تشخبط فى المسافة خطوط
تغزل خيط فى خيوط ..
تولع فى البسيطة حريق
و يرقص .. فى صعودها كمان ..
وبين شفتين يبدو المبسم المحظوظ .. كما القبلة
و يركع قلب كما لو أنك الشفاه قِبلة ..
ومن النار يجيك نسام
يا انتى الجمر أقسام ..
ناس فى الايد
وناس تحرق حشاها السام
ويتوحد شهيق مع الدخان ..
وبينى و بينك عناد و خصام
وشهقة موت ..
زفير ليلاك..
نار فى ملاك .
يا مأزوم .. النفس انكتم من لاك
زفير من فاك ..وتعالي نخمس الفنجان .. نحن وبس ..
قبال يروح حسى .. تروح الروح.. نضيع نحن ..
يطلع من فاه الصبية قبس
وأقول يا دنيا كونينى ..و اكون محل البرنجي نفس ..

imported_مجدي مسعد حنفي

02-11-2009, 12:35 PM

سؤال يااهل اللغه
في النص الاخير (خليني احلم باللقا )
في المطلع انا كتبت وفي غفله من ليل الشقى ومعروف اصل الكلمه الشقاء
يعني كان مفروض اكتب الشقا بس انا لما رجعت للجوجل لقيت في مثل
دايماً بنقولوا لما نكون عايزين نعمل حاجه صعبه والمثل هو:
استعنا على الشقى بالله ..ولقيت الكلمه مكتوبه في المثل زي ماانا كتبتها في
القصيده فما عارف هل كتابتي ليها الشقى غلط ولاّ ممكن تتكتب برضو كدا
ياريت اهل اللغه يفيدونا لتعم الفائده على الجميع .
بالمناسبه فتحي هو اللفت انتباهي للموضوع دا فله الشكر.

imported_خالد الباشا

02-11-2009, 12:46 PM

طول الليل مانمت بفكر . . فيك والنيل وأنين الساقي
وجدول شوقنا الطالع منك .. ودالق فينا حنينو وساقي ..
- - - - - - -
طول الليل بيناتك راحل .. لامليت لاقلبك ضـــــــــــــاق ..
إتكلمت معاك عن بكرة .. واتونسنا كــــــــتييير ودقاااق ..
وكان الليل من جوة عيونك .. دالق حنو علي العشاق ..
إتمنيت ماتشرق شمسو ..ويفضل دفئو .. حنو وهمسو ..
ويفضل ضي إشراقك باق ..
ولامن شمس اليوم التاني ..إنتي أماني ..إتجزرتي وطي الأعماق ..
وإستوطنتي مداخل قلبي .. ومهما طال في دربك دربي ..
الأشـــــــــــــــــواق ياها الأشـــــــــــــــــــــــواق ...
- - - - -
طول الليل الفات بالذات ..كنتي معايا وكنا رهــــــــــــااااف ..
شلنا غناوي اللهفة مشينا .. وحمنا الدنيا أرياف أرياف ..
إتواعدنا تحت تمرايا ..إنتي معايا .. صورتك واااضحة ومابتنشاف
إتعانقنا عناقا حااار .. إتواثقنا من الأطراف ..
وإتعاهدنا عقاب أيامن .. تبقي عليا وأبقى عليكي .. آلأف آلاف ..
- - - - -
طول الليل وعيونك تنده .. يا أحضان ضميني عليك ..
وفيض الشوق المني مدفق .. طالع مني وداخل ليك ..
يملا بيوت الدنيا أماني ويظهر سرو علي عينيك ...
- - - - -
طول اليل يابت نتناجا .. والعينين فايضه ورقراقه ..
ميتي قلوب بي شوق عينيكي .. وميتي عيونك بي أشواقا ..

imported_فتحي مسعد حنفي

02-11-2009, 01:06 PM

الحمد لله البوست ابتدا ياخد الشكل الكان مفروض ياخدو من الأول والبركة في المخضرمين الفتحو عليهو نفاج..والعجايز بيشجعو بعض..أبو جهينة رجع معتصم:p
للأسف التوقيت الاتفتح فيهو البوست كان صعب عشان الناس كانت ملهية في الحبيب الأشتر وما فاضية للجمال(ناس كايسة جنازة تمشي وراها):D والوش دا هو السبب..
عموما انا لما علقت علي الألف الاسمها شنو ما متذكر البتبقي ياء أنا حسيت انو هنا ما مكانا..
أها مكانا دي ناقصة الهاء عشان تكون مكانها لكن أخوي ود مخير فرض علينا الكتابة بالطريقة الامريكانية :تكتب زي ما تسمع مثال: جدن بدل جدا..
كدا(نستنا) نستني الجماعة المستعربين .أقصد بتاعين العربي عشان المستعربين ديل ما عرب..عشان نشوف رايم شنو..

imported_مجدي مسعد حنفي

02-11-2009, 02:21 PM

وانا زاتي قاعد مستني
ان شاءالله بس مايطولوا علينا
عشان السؤال مايضيع في زحمة
القصايد .

imported_أبوجهينة

02-11-2009, 06:10 PM

( هيْتَ لك )

قالت ( هيْتَ لك )
و هامت به ...
حسِبتْهُ قد بادلها الشغف ...

و أنه قد توسَّط مثلها جوف المُعْتَرك ..

سلب منها اللبَّ حتى لا فكاك ..
و تربع بالروح ... و توغَّلَ .. و امتلكْ
أقسمتْ في سرها : أنتَ لي .. و أنا لك
فتودّدتْ .. بسحر حواء الذي أوْدى و هلكْ ...
و بذاك الذي تشابكَ و أشْتبك
دعتْهُ إلى بهو جمالها ...
مسحوراً تقدمْ ...
متوجساً ... حذِراً ... متربصاً ...
قاب قوسين من هذا و ذاك... أو بحبائلها ( على وشَكْ )
فغلَّقتْ دونه أبواب لهفتها
و قالت : ( هيْتَ لكْ )
الحبُّ لكْ
الوجْدُ لكْ
البوْح لك
أنت .. ثم أنت .. يا مَلكْ
حلوُ حديثُك ذاك .. طُعْمٌ و ( شرَك )
محبوسةٌ في قمقم عشقك المجنون ...
لمساربي يا أول مَن قد سَلَك ...
لا تعتقني ... أنا يمينك إذْ مَلَك ..
أيساورك في عشقي الملهوف أدنى شك ؟
هيْت لك ... في مهجعي .. أو من مكْمَنك ..
فهلُم ... أفْضُض حلمي العذري .. فهو لك ..
كل غُرف القلب يا سعْدي ... رهْن إشارتك ..
بل مسكنك ...

و قُدَّ قميص فؤاده من دُبُرٍ ...

فألْفى عند الباب سلطانة العشق القديم ..
فتوسل بالشوق القديم ..
فقالت : لا ذنب لك ..
إن كان قد قُدَّ من قُبُلٍ .. أو قُدَّ من دُبُرٍ ..
فأنت لي .. و أنا لك

جلال داود ( الرياض 2008م)

معتصم الطاهر

02-11-2009, 06:40 PM

imported_مجدي مسعد حنفي

02-11-2009, 06:56 PM

شكراً يامعتصم على التوضيح
بالنسبه للفتحه فوق الياء انا دايماً
بكتب الياء بالنقط تحتها والتانيه من غير نقط
ودا شي اتعودت عليهو من ممارسة الخط
(اخوك خطاط قديم من القرن الماضي).

imported_مجدي مسعد حنفي

03-11-2009, 03:35 PM

سلّمت ليك امري
0000000000
سلمت ليك امري
لو ترضى ياعمري
ترحم شقى حالي
تطفي لهيب جمري
******
قلبي الرهيف وافي
ابيض بلون النور
عاشق وليك صافي
مهما الليالي تدور
******
في رقتك وجفاك
زي النسيم والريح
ايام تقول بهواك
وايام تفوتني جريح
******
لو غبت عن عيني
يبكي الفؤاد مجروح
البسمه تشفيني
وترد معاها الروح
******
ماتسيبني للأوهام
وتلعب على الحبلين
ريدك مع الايام
سكن الفؤاد والعين

مجدي مسعد حنفي

النور يوسف محمد

03-11-2009, 07:41 PM

بسم الله الرحمن الرحيم
الأحبة
فتحى , مجدى , الباش
شقى .. يشقى .. شقاء
شقاء هنا مصدر وتكتب هكذا ( شقاء )
وتحذف الهمزة فى حديثنا بالعامية وعند ضرورات الشعر ( تخفبفاً)
والشقى بكسر القاف صفة لمن وقع عليه الفعل وتلحق بها حركات
الإعراب حسب موقعها من الجملة
أما ( الشقَى ) بفتح القاف فلا أعلم لها أصلاً فى اللغة
لأن هذه الياء لا تعود الى ألف فى الفعل الثلاثى فيتعذر فتح ما قبلها
عليه فإن (الشقَى ) بفتح القاف ما هى إلا (الشقاء ) فى فصيح اللغة
والله أعلم

imported_رأفت ميلاد

03-11-2009, 08:46 PM

سلام يامجدى ومشتاقين
ياخ الجمال ده كله ومخلننا نحن هناك مع الشكل والمشاكل ..

يادوب الصفحة الأولى وراجع ..

imported_يحي عثمان عيسي

04-11-2009, 07:02 AM

قبل القاك
،،،،،،،،،،،
قبل القاك ياحلوة
سنين انا تهت في الدنيا
وبقيت سواح
مراكب الغربة شالني
وودني
وفوق بحرا كبير هدار
وعكس الموجه والتيار
وكنت براي ياحلوة أنا الملاح
اصارع فوق عواتي الموج
لما الموج تثيرو رياح
وصلت الشاطئ بي عنوة
ولقيتك انتي يا حلوة
لقيت عينيك رحبو بي
ونسوني العذاب البي
وفقوق عينيك بدور ارتاح
شوية انجم
وافتش لي حروف اسمي كان تتلم
وعمري الراح
شويه ارتاح

imported_يحي عثمان عيسي

04-11-2009, 07:12 AM

من مثلي أنا
ــــــــــــــ

لا تسالي تستأذني
بل ادخلي
ما عادت الابواب مؤصدة لديك
ولي زمان رتاجها الذهبي
فقط انزعي عنك التردد وادخلي
وان سآءلوك ...ّاذا
قالوا أعرشك هكذا
قولي بلي
هو ذا
انه هو..... انه لي وحدي انا
إذاً
ادخلي
خذي مني الصولجان تربعي
احكمي وتحكمي
و تملكي كل الجوارح
فأنت سيدة الجوانح

تسربي .. تشربي
وتملكي اغوار نفسي تمددي
وأن سآءلوك لما
قولي فيما
إنه عرشي انا

وآهـ .. انا
من مثلي انا
انا لا هنا .. ولا هنا
مثل الفراشات الجميلة
اطير لا ارتوي
لا ارعوي
في نشوتي في فرحتي
في بهجتي
لا مبتدى لا منتهي
اغوص في بحورك الدفيئة
اعود باللآلي بالكنوز
الله .. من غيري بها يفوز
وانا
من مثلي انا

يحي عثمان
"مايو 2009م"

imported_يحي عثمان عيسي

04-11-2009, 07:18 AM

فراس المظلوم
ـــ ــــ ــــ ـــ

قتلوا فراس

لاضجت المآذن
لا
ولا ارتجت الاجراس

الله يا فراس
الله يا ولدي
يافلذتي كبدي
الله يامظلوم يا مذبوح
لو كان قلبا ينبض
او معبرا مفتوح

الله يافراس

لو كان في الامكان
تغير المكان
تبدل الزمان

الله يافراس
ما انبلك
ابيت إلا بيتك
لاخر الانفاس

ملحوظة
قتل فراس اثناء ساعات العمل الرسمية
المنصوص عليها في كل دساتير الدول العربية

يحي عثمان
13مايو 2009

imported_أحلام إسماعيل حسن

04-11-2009, 07:36 AM

قمة الروعه يا مجدي

يا ريت يا حبيبي

ياريت يا حبيبي للحب قدرت
وسالت فودك عن حالي سالت
***
أنا مخلص ووافي
وهواى الصافي
أشكيلو خيالك
وليالي وصالك
يا ريت لو عدت للحب قدرت
***
أسال أيامك عن حال أيامي
من بعد صفك أنا شفت ظلامي
وبكيت من روحي
ولمست جروحي
***
ودموعي السالت من عيني وقالت
قالت وين زولك انت
***
عنك عن حالي بسألها ليالي
وليالي زمانك يا ريت تصفالي
لكنك جرت
ولعذابي اخترت
أنا فيك احترت
واحتار دا فوادي من ظلمك انت

اسماعيل حسن

imported_خالد الباشا

04-11-2009, 01:51 PM

بحبك وكانت القمره..
تكتب بى الشعاع احلام
وكان لسه العشق شافع
وكان كل الحكايه كلام
مشيتى معاى..
محل المطره طول العام
محل مارقدت الانغام
محل ما انشرت الاحلام
رزاز وغمام
ونلعب وكانت الواطه
تكندك فى وشى الايام
وكان قبل الشرك ناطا
قبل تتغبر الاقدام
الاقيك والقلوب بيضا
صباحات الله والنسام..
يخربش فى خدود الشوق يسجل فى حضورنا هيام
واغنيك والحكايه كلام..
احبك وكبرت الايام... وكبرت غنوتك فينى
وكبرت انا.. على جهل الاغانى بِكر
الوليك بى مشاعرى النوم ملك ليكى الليالى حكر
وملكتينى وسكنتينى
وزرعتينى
واسفاى على طول المسافه سدر
جفت الّمى من جواى
اقالدك ياسموم الصيّ
اتحتيت صفق يابس
واسفاى قطعتينى
قبل تنجض مشاعرى وني
انضريت وشالنى هواك بعيد ياحلوه شتتنى
كبرت وكبرت الايام وكبرت حسرتك فينى
واتلميتى من جواك بعدما اتبلبلت عينى
بقيت بكاى
مرقتى على تنادينى
بقيت دروي ملمات العشق اطرش
نجضت بعد حريق جواى
واسع جايه بى الماضى
تشرحى حالك الجواك
شنو العندك عشان اديك من الجواى
كفاى اسكب عليك دمع الاسى وابكى
وكفاى رحله عمر جنبك توسخى فى بياض قلبى
وانا المجبور اشيل ذنبك براى
براى انضم سبحة الشوق
تنوم انتى وانا الصلاى
اساسق فى دروب الريد وانتى المابتشيلى خطاك
ولا هان يوم تعدى خطاى
واسفاى واسفاى زمان كان العشم باكر
باكر كفتك تتقل ترجح كفة الميزان
وباكر جا
وانتى مطففه وظالمه
ليكى تكيلى بى مكيال
وتدينى حبيبه حب وشوق كُضب
بقر مافى الهديه حبال
مابيقنعنى ظلمك لى ولا ليك عندى طولة بال
ولابتنفع كليماتك ولادمعة العيون السال
ولابتشفع غنيواتك ترانيم الندم موال
خلاص جفت مواعينى
بقت بيكى القلوب غربال
فلا اسفاً على القمره على الضو الكتب احلام
ولا اسفاً على الواطه وكت رسمت خطى الاقدام
بفتح صفحتك بيضاء وعليكى الف سلام
عليكى عليكى الف سلام

imported_مجدي مسعد حنفي

04-11-2009, 02:32 PM

الله اكبر
الحمدلله البوست بدا يسخن
والناس بدوا يطلعوا الداسنوا في الدفاتر
بس عليكم الله ياجماعه واصلوا وماتدوا فرصه للكسل
وانتو يالقاعدين تتاوقوا من بعيد مستنين شنو يلا طلعوا المستخبي
على قولة اهلي المصريين.

imported_مجدي مسعد حنفي

04-11-2009, 06:50 PM

لو اطولك
******

لو اطولك ..وابقا طولك ..وابقا فى موكب خيولك
انتى يا قمرة ..يالفوق فى سهولك وفى علاك ..
يالمستحيل للناس نزولك ..لو اطولك وتبقى هولى
وابقا هولك ..كنت ببقا ليكى متراس..من عدوكى
ومن عزولك ..ومن كلام واحدين حفو ..ماقدرو
منك يدنو ..او يوم يوصلولك ..لو اطولك يوما ما بعرف
اختك وين ..ولا لى وين اشيلك
بس اطولك .

الطيب عبدالله

دي مشاركه سريعه من الاستاذ الطيب عبدالله
وان شاءالله التقيييييييييل جاي في الطريق.

imported_فتحي مسعد حنفي

04-11-2009, 07:13 PM

لو اطولك
******

لو اطولك ..وابقا طولك ..
وابقا فى موكب خيولك
انتى يا قمرة ..يالفوق فى سهولك وفى علاك ..
يالمستحيل للناس نزولك
..لو اطولك وتبقى هولى
وابقا هولك ..
كنت ببقا ليكى متراس..من عدوكى
ومن عزولك ..
ومن كلام واحدين حفو ..
ماقدرو
منك يدنو ..او يوم يوصلولك ..
لو اطولك يوما ما بعرف
اختك وين ..
ولا لى وين اشيلك
بس اطولك .

الطيب عبدالله

دي مشاركه سريعه من الاستاذ الطيب عبدالله
وان شاءالله التقيييييييييل جاي في الطريق.

دي محاولة لترتيب الأبيات للشكل العام انشالله تنجح وما تزعلكم انت والطيب..

imported_الطيب عبد الله

04-11-2009, 11:42 PM

يامجدى دى القصيدة الوعدك بيها.
شيل الكلام

انتا لو خايف الملام
ولا من شيل الكلام
ابقا سلم بى عيونك
فى العيون كل الكلام
***********
بى عيونك ليا شاور
بيها ادينى السلام
يامافى عيونك حكاوى
تغنى عن كل الكلام
بيها بعرف سر مشاعرك
لو مودة وكان خصام
يالعيونك انتا نامو
وحرمو عينيا المنام
***********
فى الكلام لو جابو سيرتك
قلبى دقاتو بتزيد
تفضح الشوق فى عيونى
وجرحى ينزف من جديد
انتا يالحارمنى شوفتك
حتى لو كان من بعيد
ياحبيبى وحاة جمالك
فى الحصل ماليا ايد
**********
نظرة منك ياحبيبى
تعنى لى روحى الكتير
فيها لى احزانى راحة
وليا واحة من الهجير
فيكا افنيت عمرى كلو
ولى جمال عينيك اسير
ياحبيب ما انتا عارف
من عيونى عليك بغير
***********
انتا لو خايف الملام
ولا من شيل الكلام
ابقا سلم بى عيونك
فى العيون كل الكلام

imported_مجدي مسعد حنفي

05-11-2009, 11:53 AM

دا كلام تمام
تعرف يا أستاذ وانا بقرا في الكلام حسيت
كاني بغنّي لان الكلام شبه ملحن
الله يديك العافيه وماتحرمنا من الحاجات الحلوه دي.

imported_مجدي مسعد حنفي

05-11-2009, 12:21 PM

معذبتــــــــــــي
000000000
في ضوء الشمعه المحترقه
نزفت اشواقي على الورق
سطرت اليك معذبتي
آهات فؤادي المحترق
********
الشمعة تبكي في صمت
ترسل آلاف العبرات
تشفق من شدة مأساتي
تسمع في الم آهاتي
قالت ياويلي لا املك
من اجلك غير الدمعات
********
يهزمني شوقي فاطير
كالنسمة اسبق خطواتي
فلعلي المح مولاتي
ترفل في ثوب الملكات
تدعوني كي ادنو منها
تسمعني احلى الكلمات
********
سطرت اليك نداء قلبي
هل يسمع قلبك دعواتي
فانا في كل الاوقات
اعلنت باعلى الاصوات
اني من حبك لن اشفى
مابقيت تخفق نبضاتي

مجدي مسعد حنفي

imported_فتحي مسعد حنفي

05-11-2009, 04:50 PM

imported_أحلام إسماعيل حسن

07-11-2009, 07:55 AM

حيرة
سالوني
عن نفسي ويومي كيف أنت
وعن غدي
ماذا أقول؟

لقد جهلت وحق حبك سيدي
نفسي تهيم بعالم فوق الدنا
جسدي ويومي
والتراب توسدي
يا أنت يا حلم الليالي
كيف لي وصف الذي
لا ليس تملكه يدي؟
وطلا سما حار الخيال بدريها
ياترهات الغيب
موعدها غدي
همنا
وكان الظن أنك هاىم
فوجدت نفسي في الهيام بمفردي
تاهت مراكبنا على موح الاسى
فمتى نعود الى الشواطى نبتدي
خوفي على قلبي الذي يهوى الهوى
مثل الفراشة ترتمي في الموقد

اسماعيل حسن

imported_أبوجهينة

07-11-2009, 07:16 PM

على بابك

على بابك ... زمني توقفْ ...
توقَّفَ تمام اللقيا و نصف البوْح ...
و البوح توقَّــفَ مساء الفرح الغامر ...
غامَرَ قلبي بولوج فيافي الصمت الصاخب ...
صاخب ُ موجك ... يعلوني ... يدفعني دفعاً نحو الهاوية ..
هاويةٌ أنا روحي بمزالق شهد حديثك ...
حديثك بالأمس ... أسكرني .. أطربني .. ثم أيْقظني ..
أيقظني .. سكْرى من سباتِ الشكوى الأزلي ..
أزليٌ هو بوحك في الوجدان ... يزلزله .... يحضنه .. يُقـَوِضُه و يبنيه ...
يبنيه بفؤادي هَزارٌ حلَّق بعيداً من أسرابك ... يغني و يشدو
يشدو حزني بربابة سعْدك ... تنمو طحالبه العطْشــَى بسحابة مطرك ...
مطرك .. يغمرني ... يُغْرِقُني .. يطفو بي لـِبـَرِ أمان ...
أمانٌ هو الخطر الآتي من بركانك ...
بركانك يهدهد ليلي ... يذيب في أذني مزاميراً من لحنك ..
لحنك ... شهد حنانك ... رغم وخْــز إبـــر الجفوة ...
جفْوة يومك .. تذبحني .. تقتلني ... ترميني على بابك ...
و على بابك .. توقف زمني ..
زمني ..توقفْ ؟ بل على بابك أفيق أنا
أنا زمنك ...
زمنك ... أنا على بابك
بابك ..أدق عليه .. بابك ...
بابك ...
زمني ...
أنا ...

جلال داود

imported_مجدي مسعد حنفي

07-11-2009, 07:32 PM

حلو الكلام يابوجهينه
واصل امتاعنا ودع الروح تنتشي
باريج الحروف الفواح .

imported_مجدي مسعد حنفي

07-11-2009, 07:36 PM

منّي انتــــــــــي
0000000000
منّي انتي..نفحه من احلام شبابي
بسمه ضوّت ليل عذابي
والحنان الدقّ بابي
هو انتي
00000000
عندي انتي احلى من كل الصبايا
وابتسامتك لمّا تشرق
زي قمر ضوّى في سمايا
ومهما عن احلامي غبتي
عندي انتي برضو انتي
00000000
عندي انتي اسمى من كل المعاني
روعه جاد بيها الاله
لمّا خلقك في زماني
اصطفاك بي كل رائع
وفي طريقي لقيتك انتي
00000000
عندي انتي مهما بالغت ووصفت
مستحيل اوفيكي حقّك
او اقول سرّك عرفت
والحقيقه المافي غيرها
قلبي في ماضيهو فتش
وفي النهايه اختارك انتي

مجدي مسعد حنفي

imported_أحلام إسماعيل حسن

08-11-2009, 08:27 AM

عايز أكون

عايز أكون زي النسيمات التسافر دون تساريح
لاقيود تملكني لا هماني لا تزعزعني ريح

عايز أغني مع البغنو الليل واجر النمم مع الوتر الجريح
وامسح دمعة العشاق أونس لي بنياتا جفاها النوم يلاون في
التباريح
وأقالد الراحو في درب الهوى وفي العتمة كايسين المصابيح
وأنوم جنب اليتيم يقلدني بي شوقا يفرح أمو في بطن الضريح
وأبقى العافية أنشر ضلي في دار الفلاليح
أغتيهم من الاقدارومن ريحا يولول في الجروف شايل الكتاتيح
وازغرد في قطاطي النال دغيشا بدري في وكت التسابيح
تنجذب البوادي الخضرا ساعة الليل يهود بالمداديح
وكل يبكي في ليلاهو واويلاه من صوت الاسى الممزوج مع همس الوحيح
بدور أسكن في جوف الغاب أشيل أنفاسو أسرح بيها في الوادي الفشيح
أسافر فوق ضهور الغيم تشيلني الريح وتتلقاني ريح
أحوم الدنيا كل الدنيا ..وأصبح مستريح
__________________

imported_يحي عثمان عيسي

09-11-2009, 11:52 AM

أبي

أبي أدبتنا
علمتنا معني القرأة والكتابة
لا كيف نقرأ كيف نكتب
وأن الحروف ذوات ملمس
كائنات مرهفة أإحساس وهمس
إن تلاقينا تلاقحنا
حينها نقرأ ونكتب

imported_يحي عثمان عيسي

09-11-2009, 11:58 AM

وتجئ هذا العام تشهد اننا لن ننثني
رٌغم الجراحات القديمة والخطر
نقتات من خبز الشموس ونستقي ماء المطر
ونقول لا
لمن لبسوا قميصك في السحر
غصبوك تدخل من ممرات الخروج
وأنت مبتدأ العروج
إلي السما
يا معشر العميان لا

imported_مجدي مسعد حنفي

09-11-2009, 12:27 PM

لـــــــــحظـــه
000000000
لحظه لو تسمح ظروفك
لحظه تسمعني واشوفك
لحظه من عمر الثواني
فيها انهل من حروفك
******
لحظه اشرح ليك ظروفي
وفيها تسمع شوق حروفي
هيّ عندي بالف ليلـــــــه
لو تبدد عنــّي خوفـــــي
******
ليه بتبعد كل مــــــــــرّه
لمّـــــا تجمع بينا نظـره
لسّه خايف من طريقـي
وانت عمري وحلمي بكره
******
لحظه لو تسمع كلامـي
ما اظن تنكر غـــرامي
الهروب ما عاد يفيــدك
ليه بتهرب من سلامـي

مجدي مسعد حنفي

imported_مجدي مسعد حنفي

10-11-2009, 12:02 PM

احـــــلى الحســـان
00000000000
رحماك يا احلى الحسان ترفقي
بالعاشقين فكلنا اسراكي
انت الجمال مجسماً انت الصبا
انت الشباب الغض مااحلاكي
انت الورود بنفحها وعبيرها
تسبي القلوب فتنتشي بشذاكي
والاسمرار الحلو فيك محبب
اسر الفؤاد فبتّ عبد هواكي
وقوامك الميّاس ذوب مهجتي
شوقاًاليه فما عشقت سواكي
ولئن نسيت فلست انسى مطلقاً
سحر العيون السود لن انساكي
احببت فيك الطهر يامعبودتي
فعزفت عن حب المها الاّكي
وسمو خلقك زاد قدرك رفعة
وعفافك المأثور زاد بهاكي
ويزيد حسنك فتنة وتالقاً
حسن الصفات الغر انت ملاكي
وانا المحب الصب طال تلهّفي
للوصل هيّا عجّلي برضاكي
فإذا رضيت فانت غاية مطلبي
وإذا نأيت فمرحباً بهلاكي

مســــعد حنــــــــــفي

imported_مجدي مسعد حنفي

11-11-2009, 03:44 PM

اغــــــــــــراب
000000000

افترقنا وانتهى بينّا الطريق
انكسر وعد التلاقــي
وانطفى في ليلنا البريق
******
كان بإيدنا نكون سوا
وكان بإيدنا نكون دوا
من جرح ادمى الفؤاد

بإيدنا اخترنا النوى
ومشينا في درب الهوى
اغراب من اول ميعاد
******
احترت اقول منك
ولا منّي انا ؟
كان العناد دايماً
بيحكم امرنا
ومن غير كلام
يبدا الخصام
ايام تمر من غير سلام

ولمّا القلوب تتصافى
في لحظة هنا
نرجع ونحلم لو يفيد
وارواحنا تنزف هم جديد
وارجع احلّف عمرنا
انتي السبب ولا انا
مجدي مسعد حنفي

imported_سيف الحق

12-11-2009, 07:03 AM

[QUOTE=مجدي مسعد حنفي;171073][size=6][color=#0000FF]اغــــــــــــراب
000000000

افترقنا وانتهى بينّا الطريق
انكسر وعد التلاقــي
وانطفى في ليلنا البريق
******
كان بإيدنا نكون سوا
وكان بإيدنا نكون دوا
من جرح ادمى الفؤاد

من بعدك من كيف الاقي راحة
ومن يعلمني سمؤ الابتسامة
ويعلمني معني النداوة
كيف قلبي اتامل في اغصان محاسنك
جمال عيونك نور خدودك وحلم الاماسي
كيف ارجع ايامي معاك وزمن الهنا الضايع
ضؤ الليالي وانبهار القماري وسحر الاغاني
كيف قدرتي تفارقي قلب انتي ساكناهوا
وانسان بي مشاعر الريد:o انتي راهناهوا
اصبح وحيد من غيرك تاني منو البيعزيهوا
وكان زاد الم قلبيوا ونزفوا منو غيرك بداويهوا
اصلا غيرك تاني مافي زولا يريدوا وحابيهوا
انت يا سفق الاماسي
وحلم جميل في الاماسي
رحلتي من غير وداع
لزمن بعيد بسراع
خليتني للاسي والحزن والعير مستساغ

عماد الدين النخلي

رحم الله تهاني يعقوب رحمة واسعة وتقبلها قبولا حسنا وعوضها شبابها بالجنة ووالرياحين والفردوس العاليه واللهم اهلها وزويها واحبابها واصدقاها وتلك الليالي والازمنة التي عرفتها الصبر الجميل والهمني بعدها الصبر الجميل فقد كانت اليد الحنون للبايس والمسكين والحزين وكانت نور الفريج الكل يحلف بي حياتها ومثل تلك الزهرة لا تعيش كثيرا لان الله يحب مثل هؤلاءالعبادلها الرحمة والمغفرة ولعن الله المرض
ولندعو لها جميعا كل ما نفتح سودانيات وهذه دعوة لتبني مستشفي خاص لمكافحة درن الصدر والرئة والعظام بالسودان وخاصة مدني والخرطوم التي انتشر فيها هذا الوباء بصورة مبالغ فيها ولم ينل اي اهتمام من الدولة او الوزارة والضحية تهاني وامثالها لهم الرحمة

عماد الدين النخلي

imported_مجدي مسعد حنفي

12-11-2009, 01:10 PM

الاخ العزيز عماد
مرحب بيك ياعزيز في دارك
وشكراً على المساهمه والظاهر قصيدة اغراب
وقعت ليك في جرح وحقيقه انا في الاول استغربت
من وجود الابيات بتاعتي في بداية مساهتك وقلت يمكن
غلطه مطبعيه لكن لما قريت المساهمه والكلام البعدها عرفت
زي ماقلت ليك الكلام وقع ليك في جرح .. عموماً مرحب بيك واتمنى
ان تواصل المشاركه معانا ..
رحم الله الاخت تهاني يعقوب رحمه واسعه
واسكنها فسيح جناته والزمك واهلها الصبر والسلوان.

imported_مجدي مسعد حنفي

16-11-2009, 12:41 PM

لو تعـــود الشمس من بعد المغيب

في ظلام الليل من قبل الشروق

يبقى ممكن قلبي يرجع ليك حبيب

ويجري حبك تاني في مجرى العروق

...................

كنت احلامك انا ونبض الامان

مالي غيرك يامنى قلبي امير

ماهوت عيني سواك بين الحسان

داب فؤادي في هواك اصبح اسير

بس غرورك علمك تنسي الحنان

يوم ضلوعك انكرت حبّي الكبير

بختيارك انتي فارقتي المكان

ليه رجعتي اليوم بجناحك كسير

..................

انحنا قررنا خلاص امر الهوى

وانتهى مابينّا واصبح زي سراب

عمرو قلبي من هواك يوم ماارتوى

لا قدر يوصل لقلبك في السحاب

داب حنينو من غرورك وانكوى

تمضي ايامو في متاهات الغياب

هل يجوز من تاني نتجمع سوا

ومن جديد ترميني في بحور العذاب؟
مجدي مسعد حنفي

imported_جيجي

16-11-2009, 01:38 PM

لو تعـــود الشمس من بعد المغيب

في ظلام الليل من قبل الشروق

يبقى ممكن قلبي يرجع ليك حبيب

ويجري حبك تاني في مجرى العروق

...................
مجدي ازيك
ياخ الاربعة بيوت دي استفزتني
لو ممكن يعني شخص الضعيف يحاول مجاراتها ببعض البيوت المرتجلة

لو تعود الشمس
كمين من سنين
ويرجع الزمن العنيد
وابدأ حبك من جديد
وتبقى فعلا زي دماي
تجري في جوه الوريد
وتحضن القلب البريد
ويرجع الدفق العنيد
وترجع الروح من جديد
وتضحى كل الدنيا عيد
------
لو نعود كمين سنين
اني اصلي
راجية المستحيل
راجيه الزمان يرجع يعيد
وارجع ابداك
من جديد

imported_فتحي مسعد حنفي

16-11-2009, 02:36 PM

يا جيجي ويا مجدي هذه المساجلات تفتح باب جديد لاثراء البوست ..واصلو وياريت باقي شعراء المنتدي يشاركو عشان دا حيكون شعر وليد اللحظة ونابع من حوار مبني علي مواقف جديدة ودا هو قمة الشعر مثل المجادعة بالدوبيت بس بي طريقة مودرن..

imported_مجدي مسعد حنفي

16-11-2009, 03:52 PM

غايتو ياجيجي انا قفلتها بالضبه والمفتاح
وكان الشمس طلعت بعد المغيب في نص الليل
ماياها دي الغيامه زاتها ربنا يستر.
وانتي برضو ان شاءالله ربنا ينولك الفي بالك والحمدلله
ان الكلام استفزّاكي وخلاّكي تطلّعي الكلام المحبوس واحسن
ليكي تفتحي الشبابيك والابواب وتسيبي الكلام يمرق براهو
بدل شغل الاستفزاز.

imported_فتحي مسعد حنفي

16-11-2009, 03:59 PM

imported_مجدي مسعد حنفي

18-11-2009, 12:45 PM

ســـــــــــأعود
00000000
وطني هجرت ربوعه متوقعاً
رغد الحياة بغيره فاذا بي
التاع مضطرب الفؤاد مسهداً
نهب الحنين محطم الاعصاب
الم الفراق المر قرّح مقلتي
وامضّني بعدي عن الاحباب
ومخالب الاوجاع تنهش باطني
والحزن يقضم مهجتي بالناب
ويكاد شوقي ان يذيب حشاشتي
ويكاد يفقدني الحنين صوابي
حتّى لأمشي في الطريق ولا اعي
من اين جئت ولا لأين ذهابي
اطياف زوجي والبنين تزورني
فتثير نظرات العيون عذابي
ويصك آذاني سؤال خالد
هلاّ رجعت؟ مردّداً بعتاب
سأعود لن ابقى فاني عاجز
عن احتمال البعد عن اترابي
مع ان اهل دبي اهل مكارم
حيّ الكرام فهم من الاعراب
رغم الاقارب في دبي وحبهم
سأعود منتكصاً على اعقابي
سأعود رغم وجود ابنائي بها
وهم الذين ابوا علىّ إيابي
لكن عيشي لن يطيب بغربتي
والعيش لا يحلو مع الاغراب
سأعود لن ابقى فلست بصابر
ابداً على يأس يدقّ ببابي
فانا احن الى ديار عشيرتي
بلدي حبيبي موطني وترابي

مسعد حنفي

كتب الوالد هذه القصيده في اوائل السبعينات من القرن الماضي
عندما سافر الى دبي بحثاً عن فرصة عمل افضل وبالرغم من
حصوله على هذه الفرصه التي جاء يبحث عنها ووجود احدى بناته
في دبي إلاّ انه لم يقوى على الغربه والصبر على فراق زوجته وابناءه
فكانت هذه الكلمات الصادقه والمعبره عن الآم الغربه .

imported_مجدي مسعد حنفي

21-11-2009, 03:43 PM

حروف العـــاشقــــــــــين
000000000000000
دمعي نزل
بلل رساله كتبتها بي شوق العمر
على صفحه من ورق الشــجـــر
********
من بين حروف العاشقين
رديت على صدّك حنيـن
وصبرت لو قلبك يليـــن
يرحم جفون عانت سهـر
********
يااغلى من كل الصحاب
ياعمر ضاع منّي سراب
ليه الامل يصبح عــذاب
والعمر يبقالي سـفــــــر
********
تنكرني ياقاسي حـــــرام
وتحرمني من كلمة سـلام
اعذرني ماقصدي الملام
لكن لهيب اشواقـي مـــر

مجدي مسعد حنفي

imported_مجدي مسعد حنفي

23-11-2009, 04:23 PM

(احترت فيك يانور)
،،،،،،،،،،،،،،،،،

احترت فيك يانور
يازينة الانوار
حبك نعيم وسعير
هل انت نور ام نار
،،،،،،،،،،،،،،،
انت الامل والنور
يابسمة الاقدار
اشراقه عاطره تفوح
بي نفحة الازهار
وعيونك الضاحكات
كم فيها من اسرار
تسلب عقول الناس
وتحير الافكار
والابتسامه تموج
بالفتنه في اصرار
جذابه حلوه تفيض
بهجه وجمال ونضار
،،،،،،،،،،،،،،
احترت فيك يانور
بس كيف يكون انسان
في رقتك ويكون
في قلبو مافي حنان
ياكاملة الاوصاف
كل الجمال ازدان
في طلعتك وبهاك
وشبابك الريّان
مين يشبهك يانور
في حسنك الفتان
يااحلى من في الكون
يا آية الرّحمن
،،،،،،،،،،،،،،
احترت فيك يانور
ماعرفت ايه يرضيك
لو تطلبي الاقمار
تلقيها بين ايديك
انا عمري مااتمنيت
غير نظره من عينيك
تسعدني تملا فراغ
قلبي المتيم بيك
حبك يناديني
اهتف اقول لبيك
ابذل حياتي فداك
والغالي يرخص ليك

مسعد حنفي

imported_مجدي مسعد حنفي

28-11-2009, 09:32 AM

هذا اغنيه من اغنياتي الخليجيه وهي من الحان جمال احمد وغناء خالد احمد

خصـــــــام العيد
ـــــــــــــــــــــ
اقبل علينا العيد
والعيد خصامه حرام
والانكسر بالايد
تقدر عليه الايام
******
حاسبني لو زلّيت
وعاتبني ياما خطيت
لاعمري مرّه شكيت
ولا يوم بديته خصام
******
تبعد بلا اسباب
وترجع ولا لي عتاب
صابر وقلبي إنصاب
بيدك رميتني سهام
******
لا تزيد فؤادي جروح
بيديك دواها الروح
لو قتلي صار مسموح
اقتلني شوق وغرام
مجدي مسعد حنفي

imported_مجدي مسعد حنفي

29-11-2009, 04:02 PM

صـــــــــدقينــــــــــــــــي
0000000000000000
صدقيني مهما طالت بي سنيني
ومهما عاند لي زماني
وعكّر الافراح انينـــــــــــــي
برضي حاستناك تعودي
تروي اشواقي وحنينــــــــــي

********

كيف اصدق إنو قلبك
ينسى ايامنا الزمان
وكيف فؤادي يسيبو ريدك
ويبقى لي غيرك مكان
كيف بتطلبي مني انسى
وانتي لي عمري الامان
مابايدي وحات عيونك
إلاّ مكتوب في جبينــــــــــــي

********

لسّه قلبي عليك بيسأل
ليه عيونك عنو غابت
ليه امانيهو وسناها
في جحيم الحسره دابت
ليه حكمتي عليهو يشقى
بعد ما آلامو طابت
مستحيل من بعدك انتي
بسمة الافراح تجينـــــــــــــي

********

لو فؤادك ملّ ريدي
ورحتي اخترتي البديل
مابيقدر قلبي ينسى
ذكرى ايامو القبيل
روحو انتي وانتي عمرو
وعزّو من غيرك ذليل
وبرضي حاستناك تعودي
تشفي جرح الفرقه فينـــــــــي
صدقينـــــــــــي

مجدي مسعد حنفي

imported_مجدي مسعد حنفي

30-11-2009, 05:19 PM

ياشاعرات وشعراء المنتدى

اين انتم ؟؟؟؟؟؟؟؟؟؟؟؟؟؟؟

imported_مجدي مسعد حنفي

01-12-2009, 09:43 AM

أهدي هذه الكلمات الى شعب الامارات بمناسبة العيد الوطني

حــــــــــــلم الجدود
000000000000

يارمال الأرض غنّي
قد ازلناها الحدود
نحن جند الله نفدي
بالدم حلم الجدود
******
نحن بالاسلام شعب
قد تخطينا الجمود
خيرنا ملء الايادي
اسمنا عم الوجود
من اتانا يرجو سلماً
عاد منا بالورود
******
قد كسوناها الصحارى
خضرة خيراً تجود
وبنيناها حضاره
اذهلت عين الشهود
نحن اقسمنا اليمين
للوراء لن نعود
******
ياإماراتي ستبقي
حرة تأبى القيود
وسنبقى لك دوماً
عن حمى الارض نزود
فلتسيري يابلادي
قدماً نحو الخلود

مجدي مسعد حنفي

imported_فتحي مسعد حنفي

01-12-2009, 10:39 AM

خيرنا ملء الابادي

ياريت تصلح الأيادي دي..
قصيدة جميلة لكن ما يستاهلوها;)

imported_مجدي مسعد حنفي

01-12-2009, 03:58 PM

شكرا يافتحي على التنبيه
بس تعرف انا كنت عارف انك
حتعلق على القصيده وغايتو زي
مايكون ربنا قرر الوقت دا ياخد ليك حقك

imported_مجدي مسعد حنفي

02-12-2009, 11:12 AM

امارات الجمـــــــال
000000000000

قد يظن البعض أنّي
ابتغي جاهاً ومال
غير اني حين اكتب
في امارات الجمال
اسكب الاحساس عطراً
فوق حبّات الرمال
واصوغ العشق شعراً
فالهوى يثري الخيال
فإذا مامت يوماً
او رحلت في عجال
يكتب التاريخ عني
هاهنا كان يعيش
شاعر سمح الخصال
******
من بلاد النيل جئت
ذات يوم في المساء
جئت في عمر البراءة
والسذاجة والنقــــاء
كان يسألني حنيني
كيف نحتمل البقاء
بين قوم لسنا منهم
نحن فيهم غرباء
******
فإذا بالعمر يجري
في سلام ورخاء
كل من حولي صديق
يلتمس مني البقاء
بين اهلي صرت احيا
في هناء ووفاء
فالامارات ستبقى
في شراييني الدماء
وستبقى في فؤادي
كلما عزّ اللقاء

مجدي مسعد حنفي

imported_مجدي مسعد حنفي

03-12-2009, 08:40 PM

خداعه عيونك
00000000
خداعه عيونك جذابه
تتعب وتعذّب احبابا
توعدنا تجينا وتنسانا
وترجع توعدنا الكذابه
******
تضحك عينيكي تغازلنا
تغمز برموشا العاجبانا
تشقينا الحيره تعذبنا
نحتار بتريدنا وحابانا ؟
ونخاف عينيكي تلوعنا
تلعب بقلوبنا الحبابه
******
ياريتا عينيكي المغروره
تدّينا محنه وتهوانا
تصدق وتجينا في ميعادا
ترحم عينينا الولهانه
نتلاقى ثواني تكفّينا
ترتاح اشواقنا في اهدابا
******
في ليلا بنسهر نتمنّى
نلقاها سعيده وطاريانا
نبحر في بحورا ونتشاقى
نركب امواجا الآسرانا
والموجه العاليه تودينا
لشواطي اللهفه الغلاّبه

مجدي مسعد حنفي

imported_مجدي مسعد حنفي

06-12-2009, 01:51 PM

كتــــــــاب الشـــــوق
0000000000000

يمنعني عنك طول مسافات السفر
احسب بنبضي وهمّي ساعات الفراق
يتعبني ليلي وشوقي يتعدّى الصبر
نيران حنيني اليكي تكويني اشتياق
**********
الذكريات نبض الفؤاد
لو اتنست ضاع العمر
زي الشمس تمحى السواد
وترسل شعاع ضي الفجر
وانا في محطات السهاد
واقف على حر الجمر
احسب مسافات البعاد
الساعه ياعمري دهر
********
خايف عليكي من الاهل
يلهوكي عن سيرة هواي
وقلبك يمل مني الغزل
وتنسيها احلامك معاي
خليني احيا على امل
القاكي مشتاقه للقاي
راسماني في جفونك كحل
حارس عيونك يامناي
********
احكيلي عن آخر جواب
رسلتو ليكي مع الحمام
كتبت فيهو الشوق كتاب
لا ليهو اول لا ختام
حلفت ليك رغم الغياب
باقي على عهد الغرام
حبّك خلاص في عروقي داب
وبقيتي لي عيوني المنام

مجدي مسعد حنفي

imported_مجدي مسعد حنفي

07-12-2009, 01:06 PM

ياجماعه والله العظيم البوست
دا مابتاعي براي يعني اي زول عندو
اشعار بتاعتو يجينا سيد بيت ماضيف .

imported_مجدي مسعد حنفي

09-12-2009, 12:24 PM

زي الســـــــــكّر
0000000000
زي السكّر والله واكتر
انتي حلاوتك مابتتقدر
لو بالصدفه عيونا اتلاقوا
من عينيكي النظره تودّر
؛؛؛؛؛؛؛؛؛؛؛؛؛؛؛؛
زايد حسنك عسلو زياده
قلبك صافي وابيض ساده
قلبي بريدك وراجي إفاده
منديل وردي حرير ومعطر
؛؛؛؛؛؛؛؛؛؛؛؛؛؛؛
هدّي خطاكي بشيشك عدّي
زيدي علينا سلامنا وردّي
ميلي وقولي يادنيا اتهدي
خلّي قلوبنا بعطرك تسكر
؛؛؛؛؛؛؛؛؛؛؛؛؛؛؛
زي السكّر حلوه حلاوه
خفت دمك فيها شقاوه
يشهد ربّك زايده غلاوه
جوّه عيونّا عليكي بنسهر

مجدي مسعد حنفي

imported_فتحي مسعد حنفي

10-12-2009, 11:07 AM

imported_مجدي مسعد حنفي

11-12-2009, 05:00 PM

كلمـــــــــــــه
00000000

كلمه منك ياحبيبي
تطفي نيراني ولهيبي
وليّا تاني الدنيا تضحك
لو تقول انك نصيبي
ياحبيبي
******
كلمه منك تروي شوقي
ويجري دمي يبل عروقي
والمحبه فروعا تكبر
والمسافه البينا تقصر
والاماسي الديمه كاحله
ليّا تصفى وتبقى احلى
وتبقى من احزاني طوقي
******
كلمه منك تضوي داري
وتروي ازهاري وخضاري
والفؤاد الغيمو جفّ
بعد ماسافر ولفّا
لسه كايس ليهو مرفا
يلقى بعد الغربه الفه
ويلقى نهر الريده جاري

مجدي مسعد حنفي

imported_أبو أماني

12-12-2009, 03:57 PM

يامجدي واصل تنزيل أشعارك حتي لو مافي زول شارك واعتبر دا نوع من الأرشفة ليك حتحتاجا لما تجي تطبع ديوان وممكن بعدين تفلتر النزل وتنزلو في سي دي وأخوك خالد ممكن يساعدك عشان أنا عارف معلوماتك في الكمبيوتر زي أخوك فتحي حدها كتابة كي بورد وكوبي وبيست وحاجات تانية من ألف باء الكمبيوتر.

المشكلة يا فتحي أخوك بخت أشعار لها وزن ومقام ومعنى وبعضها تم تلحينه كمان .. فما في زول بيغامر ويقدم حاجة أقل من كده .. ولا شنو رائيك ؟ عموما أنا بقدم محاولاتي الشعرية المتواضعة أيام ما كان عندى شعر غزير في الحتة العاجباك فوق دقنوسي دي وكل مرة قاديني بيها .. والله وما ليك على حلفان لما كت شاب زييك كدي كت يا توحة يا أخوي بأخذ خصلة شعر أجرها لحدي قريب الفم .. ومرات الحنك كمان .. وكت لما العب باسكيت بول مع فريق فوكس في ملعب كمبوني .. كان معاي لاعب ختري وزميلي في الدراسة إسمو ماريو مقار سيدهم .. صاحب طابونة مقار سيدهم ببحري .. كمان قول لي إفتتحتها أنا .. وكنا الإثنين مشهورين بالشعر الطويل (الناعم!) عليك الله تفوت لي دي .. هس !! تعرف يا ناصر يوسف كت احاور وادنقس الكورة جاي وجاي ولما أجي أهدف في الباسكت برفع راسي بجدعة لوراء عشان الشعر يرجع لقواعده الأولي وبعد داك ارمي الكورة في الباسكت والجيكس ده يصفق .. قام ماريو غار مني وبقي يقلد الحركة حقتي بحذافيرها .. فتحي دي كان فوتها لي .. أنا زاتي ما عافي ليك!.

الحبيب مجدي .. يا أخي والله إنت مذهل عديييييل كدي والبوست ده من الليلة شغلي الشاغل .. بس بقدم البدايات أيام زمان يعني يا أخواني بيت مكسور .. حيطتو مائله ما تسعلوني .. ولا ما حا أنشر غسيلي عليكم .. خسوسا الخواجة أب لسانا متبري منو ده .. ولنا عودة قريبة .. أها تشاووو توقيع كلتشي ..goood

imported_فتحي مسعد حنفي

12-12-2009, 04:35 PM

المشكلة يا فتحي أخوك بخت أشعار لها وزن ومقام ومعنى وبعضها تم تلحينه كمان .. فما في زول بيغامر ويقدم حاجة أقل من كده .. ولا شنو رائيك ؟ عموما أنا بقدم محاولاتي الشعرية المتواضعة أيام ما كان عندى شعر غزير في الحتة العاجباك فوق دقنوسي دي وكل مرة قاديني بيها .. والله وما ليك على حلفان لما كت شاب زييك كدي كت يا توحة يا أخوي بأخذ خصلة شعر أجرها لحدي قريب الفم .. ومرات الحنك كمان .. وكت لما العب باسكيت بول مع فريق فوكس في ملعب كمبوني .. كان معاي لاعب ختري وزميلي في الدراسة إسمو ماريو مقار سيدهم .. صاحب طابونة مقار سيدهم ببحري .. كمان قول لي إفتتحتها أنا .. وكنا الإثنين مشهورين بالشعر الطويل (الناعم!) عليك الله تفوت لي دي .. هس !! تعرف يا ناصر يوسف كت احاور وادنقس الكورة جاي وجاي ولما أجي أهدف في الباسكت برفع راسي بجدعة لوراء عشان الشعر يرجع لقواعده الأولي وبعد داك ارمي الكورة في الباسكت والجيكس ده يصفق .. قام ماريو غار مني وبقي يقلد الحركة حقتي بحذافيرها .. فتحي دي كان فوتها لي .. أنا زاتي ما عافي ليك!.

الحبيب مجدي .. يا أخي والله إنت مذهل عديييييل كدي والبوست ده من الليلة شغلي الشاغل .. بس بقدم البدايات أيام زمان يعني يا أخواني بيت مكسور .. حيطتو مائله ما تسعلوني .. ولا ما حا أنشر غسيلي عليكم .. خسوسا الخواجة أب لسانا متبري منو ده .. ولنا عودة قريبة .. أها تشاووو توقيع كلتشي ..goood

تعرف يابو أماني انت راجل متواضع زيادة عن اللزوم وأنا كنت سايبك براحتك مع اني عارفك بتكتب شعر وأماني سمعتنا منو لكن مادام قلتها براك يبقي يابطل لازم تعوم بعد ما اتبلبلت براك..
بعدين عشان خاطر مجدي أنا حأفوت ليك كل الكضب بتاعك لكن حأذكرك منو الكان بيعمل بي شعرو زي ما قلت وكان بيرمح زي الفرس الأصيل..
طبعا أنا قاصد زميلنا في كمبوني ولاعب الكاثوليك الحنفصي أندريا فورستي..
تفتكرو دا ياحسينgoood:D

imported_أبو أماني

12-12-2009, 05:20 PM

تعرف يابو أماني انت راجل متواضع زيادة عن اللزوم وأنا كنت سايبك براحتك مع اني عارفك بتكتب شعر وأماني سمعتنا منو لكن مادام قلتها براك يبقي يابطل لازم تعوم بعد ما اتبلبلت براك..
بعدين عشان خاطر مجدي أنا حأفوت ليك كل الكضب بتاعك لكن حأذكرك منو الكان بيعمل بي شعرو زي ما قلت وكان بيرمح زي الفرس الأصيل..
طبعا أنا قاصد زميلنا في كمبوني ولاعب الكاثوليك الحنفصي أندريا فورستي..
تفتكرو دا ياحسينgoood:D

حقيقة سمعت بيو لما كت في ثالثة كمبوني .. وأظنو هاجر مع العائلة ولا شنو ما عارف .. فتحي إنت والله موسوعة حقوا تأرخ الحاجات دي .. لك معزتي وعشان طلتك البهية دي في بوست أخوك الظريف ده بحاول .. أمسح وشي بمرقة واقابلكم .. بس كان أشعاري طلعت أي كلام زي كلامي ده.. عليك الخلقك ومقلبنا.. ما تشيل حالي.. يشيلك النمل يا فتحي قول أمين. goood

imported_فتحي مسعد حنفي

12-12-2009, 05:53 PM

حقيقة سمعت بيو لما كت في ثالثة كمبوني .. وأظنو هاجر مع العائلة ولا شنو ما عارف .. فتحي إنت والله موسوعة حقوا تأرخ الحاجات دي .. لك معزتي وعشان طلتك البهية دي في بوست أخوك الظريف ده بحاول .. أمسح وشي بمرقة واقابلكم .. بس كان أشعاري طلعت أي كلام زي كلامي ده.. عليك الخلقك ومقلبنا.. ما تشيل حالي.. يشيلك النمل يا فتحي قول أمين. goood

بالفعل هاجر هو وأختو ماريا فورستي أجمل بت في الخرطوم وكانت بتشتغل بياعة في سوق نمرة اتنين في بوتيك حفني أبو زيد..وللأسف سمعت انو أندريا اتوفي في ايطاليا وبرضو أمبرتو السباح اتوفي..

imported_مجدي مسعد حنفي

13-12-2009, 07:57 PM

imported_فتحي مسعد حنفي

13-12-2009, 09:34 PM

دي شنو دا ياابواماني ويافتحي
انتو دخلتوا هنا بالغلط ولا شنو الحاصل
انتو قايلين دا بوست جدي التاريخ ماخليتو الحي ولا الميت
غايتو مابغفر ليكم إلاّ ترجعوا البوست لمسارو الصحيح
يعني كل واحد فيكم يشعر شوية شعر من راسو عشان نشوف
منو فيكم اشعر من التاني :D

ياخ احنا ما دخلنا بالغلط وكل ما في الموضوع انو دي استراحة عشان ترتب أمورك وننقل الناس لي حاجة تانية زيادة علي كدا دي طريقة مبتكرة عشان نرفع ليك البوست ودخول أبو أماني وقتحي بتجيب الناس يتاوقو عشان كايسن ليهم جنازة يلطمو فيها..
موضوع نشعر انت عارف انو أشعاري ما بتنفع تتخت مع الكلام الجميل الهنا ..فمافي طريقة الا أقوم أكتب ليك شعر مخصوص يمكن يجيبني داقي الدلجة..
أما أبو أماني فهو شاعر كويس وأنا قاعد بدردق فيهو لدرجة انا أجلت مداخلة مهمة في بوست عادل عسوم عن تشابه الانسان بالحيوان..وطبعا دا عشان أنا كل ما أفكر في أبو أماني بقوم أتذكر الشمبانزي وكل ما أشوف شمبانزي بتذكر أبو أماني وخايف أنزل الكلام دا يقوم يحرد وما يرضي ينزل أشعارو عندك بحجة اني أخوكgoood:D

imported_إيهاب الأمين

14-12-2009, 12:18 PM

منو البقدر يشيل صمتي
ويعبّر عنو بالأحرف
ويدونو في شعاع الشمس
بالكلمات
منو البقدر يكون أحلام
وياخد من دموع عيني
ويغسل أسايا بالبسمات
متين يا ليل...
صباح الريد يطل
في دنيا أيامي
تبارح لهفة الأحزان
تبلل شوق قلب ظامي
متين يا قمري إنت تهل
وتطوي ستائر الإظلام
وتبعد سطوة الأوهام
ويسيل المد...
يهد سد الحواجز هد
تعال يا ضو
تعال يا أملي في الماضي
تعال يا رمز حلم الغد
تعال يا رقة الأنفاس
وخت البشرى في الإحساس
وزح السد
عشان ما تزغرد الآهات
عشان ما تكتر البسمات
وتمتد في المدى وتمتد
تجينا البهجة تتشابك
تهاجر في المقل أفراح
وتنزاح الهموم تنهد
ونرجع تاني للأحباب
نهدّي النبض والأعصاب
ونزرع تاني جنب الباب
شجيرات الوئام والود

imported_مجدي مسعد حنفي

14-12-2009, 01:06 PM

العزيز ايهاب الامين
ماأظن الكاتب الكلام دا ماكتب غيرو
يعني ماتمشي تلبد وتّاوق لينا من بعيد
يلا هات ماعندك.

imported_مجدي مسعد حنفي

14-12-2009, 05:34 PM

imported_فتحي مسعد حنفي

14-12-2009, 07:37 PM

غيــرة قلــوب
00000000
القلوب الغايره منّك مابإيدا
اصلو عينيك لو تعرفي
نار بتحرق للبريدا
وابتسامتك فيها دنيــــــــا
عامره بالريد والمحنّـه
هانيه بالضحكه السعيده
والفرح الفي كلامـــك
والخجل لحظة سلامك
للبيهوى كلام قصيده
والقلوب الغايره منّـــــك
وغايره من كلماتي عنّـك
مهما غارت وفيكي قالت
عندي ريدك اسمى غايه
وهو دنياي الوحيـــده

مجدي مسعد حنفي

انت ياولد الكلام دا بتجيبو من وين؟
يشهد الله والناس البقرو اشعارك دي.كلامك دا لو في عدل أو علي الأقل شوية حظ كلامك دا مفروض نص أغاني الفنانين تكون من كلماتك:):)

imported_مجدي مسعد حنفي

14-12-2009, 07:51 PM

تعرف يافتحي النص الاخير دا
نص قديم كتبتو مجاراة لاغنية الموصلي
على قدر الشوق وعجبو لكن لجنة النصوص
كان ليها رأي تاني يعني ختم كبير غير مجازه
السبب شنو الله اعلم
اما موضوع الحظ فانت ادرى الحاصل لي حاصل ليك
وانا ان شاءالله حاتكلم عن حكايتي مع الغنا بضم الغين في
بوست المائده .

imported_مجدي مسعد حنفي

16-12-2009, 02:23 PM

دي الاغنيه الوحيده الاتسجلت لي في الاذاعه السودانيه وان شاءالله ماتكون الأخيره

كتــــــــــير مشتــــــاق
الحان: اميقو
غناء: الامين عبدالغفار
0000000000000
كتير مشتاق وشوق الغربه مابنطاق
خلاص الليله صبري إنهار
وليلي طويل ملان اشواق
*******
دموع الغربه يامسافرين
بتحرق في الفؤاد والعين
وليل الغربه لو عارفين
طويل وحزين وكلو انين
ولمّا الشوق يزيد يكتر
ويبقى الليل قدر ليلين
بتسرح بالخيال ساعات
صور احباب بعيد عايشين
*******
دي اول مرّه اتغرب
وابعد عن ديار اهلي
ديار اعمامي والخلاّن
ديار حابيها من جهلي
ترابا بريدو زي عينيّ
وخيرا بيجري في دمي
فيها فؤادي عاش الريد
وفرهد بالامان عمري
*******
ديار الغربه يامهاجر
محال في يوم تكون ليك دار
ونسمه رقيقه في الغربه
بتحرق زي لهيب النار
محال ترتاح مع الاغراب
وتنعم بي شدو الاطيار
ارجع لي تراب بلدك
تم مع غيرك المشوار

مجدي مسعد حنفي

imported_فتحي مسعد حنفي

16-12-2009, 03:17 PM

والله يامجدي الأغنية دي لو أخدا مطرب شايقي وغناها بالطنبور تكسر الدنيا ويدوك الجنسية الشايقية طوالي:D:D

imported_أبو أماني

17-12-2009, 03:51 PM

دي شنو دا ياابواماني ويافتحي
انتو دخلتوا هنا بالغلط ولا شنو الحاصل
انتو قايلين دا بوست جدي التاريخ ماخليتو الحي ولا الميت
غايتو مابغفر ليكم إلاّ ترجعوا البوست لمسارو الصحيح
يعني كل واحد فيكم يشعر شوية شعر من راسو عشان نشوف
منو فيكم اشعر من التاني :D

والله زول يكتب شعر جمبك يا فاكه منو يا ما ناقش .. وأنا اللتنين بينطبقن على .. أها أستفز ليك أخوك كان يأنس في نفسه الكفاءة مرة في حياتو ويساجل معانا .. دي محاولة شعرية متواضعة أيام الثانوي العالي.. بت إسمها (سيدة) من الأبيّض (عروس الرمال) جات تنفس أختها جارتنا وصارت معرفة جيران وعلاقة حميمة بناس البيت وشفتها .. والنارية إنطلقت في اخوك .. لكين هو جنس شئ يا مجدي .. جمال شنو وشعر شنو وعيون بقر حقت منو .. وقوام شنو؟؟ وخفة دم وأسلوب ظريف في الكلام.. وأخوك خلى الشلة ومرقة النادي كل عصرية.. وبقيت مصاقر ليك البيت على أمل شوفتها .. (أسع المرة دي كان قرت الكلام ده أنا يكون موقفي شنو في هيئة الأمم المتحدة؟).. ياسيدي اللمنتي ليك .. قامت قصة ريد ظريفة بيننا وعشنا أيام حلوة بمباركة العمة ورقابتها الصارمة .. وشعت جذوة الحب العارم .. ونحن في غفلة من الزمن .. جاء اليوم الذي فأجاءتني فيه العمة بأن (سيدة) مسافرة بكرة .. الأبيّــض .. وأخوك مانام اليوم داك .. كتبت .. قصيدة غنائية غناها الهاوي صديقي ( حمدين حامد الطيب) إسمها ..
جـدي الأبيـّــض
س. سفرك ما بنطيقو .. يا الساكن بعيد
ي. يحرق في قلوبنا .. ونيرانو بتزيد ..
د. دايرنك حدانا .. يوم داك يبقى عيد
هـ هان عليك فراقنا ونحن ليك بنريـد
* * *همك في السفر .. وفي قربك هنانا ..
من بعدك وحاتك .. المنام جـافانـا ..
القلوب تهواك .. وللقاءك .. لهفانة..
ونحن ليه بنريدك .. وإنت ليه تنسانا؟
* * *
يا جدى الأبيّض يا الساكن .. بعييد !
ريدك في قلوبنا .. نيرانه .. بتزيد ..
دايرنك حدانا .. يوم داك يبقى عيد ..
هان عليك فراقنا .. ونحن ليك بنريد.
* * *
المقطع الأخير نسيتو .. بس بالبحث يمكن القاه .. أعتذر لتواضع النص الشعري بجانب الدرر التي طرحها الحبيب خلودي .. بس عزائي صدق الكلمات .. ونقل النص بحذافيره دون تعديل. لنا عودة في هذا البوست الرائع ..

ملحوووزة : تكررت أبيات أعلاه يبدو أن الذاكرة خذلتني .. عموما هي بادرة ..تشاووو goood

imported_فتحي مسعد حنفي

17-12-2009, 04:07 PM

أها يامجدي كان داير خرمجة بنخرمجو ليك وانت عارف مقدرتنا علي الخرمجةgoood

يازين الرجال الديما ما بنسانا
الدايما في القليب مع انو ما بطرانا
ما أصلو البريد بي ريدو ما خصانا
بس والله حالف بي ريدتو جوا حشانا
كان فارق بسامحو وارجاهو يبقي معانا

imported_مجدي مسعد حنفي

17-12-2009, 06:06 PM

ابو أماني دا كلام سمح بالحيل بس زي ماقلت ان شاءالله
المره ماتقرا البوست دا عشان الله اعلم شنو الممكن يحصل
يعني لازم انت تتخذ احتياطاتك لزوم الحوادث والكوارث والذي
منو وتحاول تجهز ليك حجاز من حسي goood

imported_مجدي مسعد حنفي

17-12-2009, 06:09 PM

imported_فتحي مسعد حنفي

17-12-2009, 06:15 PM

والله يافتحي كان دي خرمجه فياريت تخرمج كل يوم
بس في الاول كمل لينا الخرمجه الفوق دي:D

أنا خرمجتي رؤوس أقلام والباقي خرمجو براك..دا كان بس رد سريع علي أبو أماني ولقيت باقي القافية ممكن تجيب مشاكل فقمت ختمت الرد قبل ما أخش فيهو شمال:D;):D

imported_مجدي مسعد حنفي

17-12-2009, 06:22 PM

جــــــف ريــــدك
0000000000
تاني دايره البينا يرجع
وتاني يرجع ريد زمان
والربيع الفات ديارنا
يعودوا نسماتو الحنان
لا وحاتك مافي عوده
فات لعودتنا الأوان
******
كنتي لي امل وسلوى
وكنتي في ثغري ابتسامه
كنتي احلى حروف محبه
وكنتي لي عمري السلامه
تهتي انتي وسط غرورك
وتاهت افراحنا ومداما
واصبح البيناتنا ذكرى
مابتفيد فيها الندامه
******
جف ريدك من فؤادي
من زمن اصبح بعيد
ومن سواك غذيت حروفي
بي غرام نديان جديد
فيهو حسيت اني عايش
واني اكتر من سعيد
هديتو احساسي وغنايا
ومن شبابي سقيتو ريد

مجدي مسعد حنفي

imported_مجدي مسعد حنفي

20-12-2009, 06:19 PM

ليــــــالي الفرقـــــه
00000000000
ليالي الفرقه ياغايب
لهيب يحرق شباب عمري
وبعادك عنّي لو تدري
سهاد حيرني في امري
********
حروفك جوّه في خاطري
روعه تعمق احساسي
وبراءتك فيني بتخضر
مشاعر تبهر انفاسي
وفي جوف الليالي السود
عيونك هيّ نبراسي
وفي الدرب الصعب مشيو
رموشك هيّ محراسي
********
بريدك اصلي من بدري
ومن ريدك عرفت الريد
ربيع يوصل بلا ميعاد
يهل بالفرحه زي العيد
يفتح في دواخلي امل
يدغدغ قلبي بالتغريد
تفوت الدمعه من عيني
وترحل لوعة التسهيد
********
على جمر الهوى استنيت
رجوعك للفؤاد والعين
ومن ذكراك شلت الزاد
صبرت على التعب والبين
تعال نور ليالينا
تعال اسعد اماسينا
تعال خلّي القلوب ترتاح
ونسعد بالعديل والزين

مجدي مسعد حنفي

imported_مجدي مسعد حنفي

21-12-2009, 03:49 PM

حبيبــــه يـــابلدي
0000000000
بكل الفرحه والاشواق
بقبل ارضك الطيبه
******
رجعت اليك وفي قلبي
حنين لي اهلك الطيبين
حنين لي ارضك السمره
ولي تمر النخيل والطين
حنين ياغاليه بينده لي
بلحن الثوره والثايرين
بدون ارضك وناس ارضك
بضيع في زمرة الضّايعين
******
وحات العزّه ياغاليه
حلفنا نكمل المشوار
نزرع في اليباس خضره
وننشر في الظلام انوار
دمانا فداك مابتغلا
اذا اتعدى الحدود غدار
نصونو ترابك الغالي
وتبقي مناره للأحرار
*****
عشان الطيبه في اهلك
بريد ارضك وناس ارضك
بريدك زي ابوي وامي
وبحلف بي شرف شعبك
وحاتك عمري لو فتّك
بيشقى ويفنى من بعدك
محال ياغاليه يوم اقدر
اخونك او اخون عهدك
مجدي مسعد حنفي

imported_wageeda

21-12-2009, 06:41 PM

كان هنا وغادر
كان يملئني ويسير بغرور العاشق الذي امتلك صرح انوثتي كان يدغدغ مشاعري بتعابيره المنمقة الساحرة يستشري كنبت شيطاني يتسلسل الي اعماق الروح
كانه بلسم لجروحي
ولكن قد نفذ بريقكم الرجاء عدم التجوال بين الامي وقلمي
لقدغسلت يدي بعد رسم صورة ضبابية الملامح سلبها قوس قزح سيمفونية الوانه
هاتفني مساء فطلبت منه نسياني وعدم الاتصال بي مرة اخري ذهل وضاعت مفرداته مترنحة سكرى
جبن منك ان لا تواجهني وجبن منك ان تعطيني كل شئ وتسلبني كل شئ
عفوا قد اعطيتك كل شئ ومااستبقيت شئ لدي
رحلت وتركتني الملم بقايا قلب نازفا ماذال يحمل نصفه مشلولا
لا حاجة لي في اضافة احذانا ملت من احذاني وانكسارا لاوهامي واثامي
خدعت نفسي بعنفوان رجولتك فظننتك الوطن والمرسي ونسيت بان البؤس والياس والوحدة والمنفي هم كونتراتي مع الحياة
تعبت من الترحال والسفر في متاهات المجهول لاحاجة لي بجبنك وضعفك او فتات عشقك وبركان شهوتك
ارحل فلن استدعي مغنية الاوبرا لوداعك ولن اقيم سراديق لتقبل عزاءك ولن ارتدي سواد ايامي عند قبرك فانت من قتلت نفسك ووهمك في قلبي الذي احبك
عذرا ماعاد يشجيني رسمك وماعد ت احتاج لرجلا مثلك

imported_فتحي مسعد حنفي

21-12-2009, 07:44 PM

[وجيدة حاتم عباس;178399]كان هنا وغادر
كان يملأني ويسير بغرور العاشق الذي امتلك صرح انوثتي.. كان يدغدغ مشاعري بتعابيرة المنمقة الساحره .. يستشري كنبت شيطاني يتسلل الي أعماق الروح
كأنه بلسم لجراحي
ولكن قد نفد بريقكم .. الرجاء عدم التجوال بين آلامي وقلمي
لقدغسلت يدي بعد رسم صورة ضبابية الملامح سلبها قوس قزح سيمفونية الوانه....
هاتفني مساءا فطلبت منه نسياني وعدم الاتصال بي مرة اخري .. ذهل وضاعت مفرداته مترنحة سكري
جبن منك ان لا تواجهني وجبن منك ان تعطيني كل شئ وتسلبني كل شئ
عفوا فقد اعطيتك كل شئ ومااستبقيت لدي شيئا....
رحلت وتركتني الملم بقايا قلب نازف مازال يحمل نصفه مشلولا....
لا حاجة لي في اضافة احزانا ملت من احزاني.. وانكسارا لأوهامي وآثامي...
خدعت نفسي بعنفوان رجولتك فظننتك الوطن والمرسي ونسيت أن البؤس واليأس والوحدة والمنفي هم كونتراتي مع الحياة...
تعبت من الترحال والسفر في متاهات المجهول لاحاجة لي بجبنك وضعفك او فتات عشقك وبركان شهوتك...
ارحل فلن استدعي مغنية الأوبرا لوداعك ولن اقيم سرادق لتقبل عزاءك ولن ارتدي سواد أيامي عند قبرك فأنت من قتلت نفسك ووهمك في قلبي الذي أحبك...
عذرا فماعاد يشجنني رسمك وماعد ت احتاج رجلا مثلك...

عفوا يا ابنتي فقد صححت الأخطاء المطبعية في هذ النص الجميل حتي يبدو بصورة تليق به فهي كلمات صادقة نابعة من قلب دامي..فاعذريني لتطفلي وتدخلي في ما لا يعنيني:):)

imported_مجدي مسعد حنفي

21-12-2009, 07:45 PM

اهلاً بيك ياوجيده
مشاركه جميله واتمنى ان
تتواصل المشاركات في انتظار المزيد
من الابداع
ارجو ان لا تطول الغيبه

imported_مجدي مسعد حنفي

22-12-2009, 06:50 PM

يــــــوم بــكــره
000000000
كيف حالكم واحوالكم
وكيف الحله في غيابنا
بتسألوا لسه عن حالنا
ولاّ البعد نسّاكم
زمانا وريدنا وايامنا
******
وحاتكم لسه في الخاطر
مفرهده ذكرى احلامنا
وفي عمق الفؤاد جوّه
مخضّره فينا ذكراكم
تنور دربنا المغسول
بي دمع الحنين ليكم
وللقاكم
******
اهلنا تعبنا من بكره
ومن مجهول مسطر
في قدر بكره
نخاف نسأل عن اخباركم
تجينا فلان صبح ذكرى
نقول نصبر على الفرقه
ونكتم في الضلوع حرقه
ونقعد نرجى يوم بكره
يمكن بالفرح يوصل
وتوصل فيهو اخباركم
سعيده وهانيه ايامكم
ووحاتكم لسه في الخاطر
مفرهده ذكرى ايامنا
وفي عمق الفؤاد جوّه
مخضره فينا ذكراكم

مجدي مسعد حنفي

imported_مجدي مسعد حنفي

23-12-2009, 06:02 PM

دعــــاء التائبين
000000000
ربّي انّي ما انقطعت
عن دعاء التائبين
في صباحي ومسائي
ارجو عفوك يامعين
*******
ربي اني كنت يوماً
في ضلال مستبين
لا اصلّي في صلاتي
لا أداني الراكعين
كان شيطاني يعربد
في فؤاد مستكين
آخذاً ضعفي مطيّه
يمتطيعها مستهين
*******
كنت ياربي افاخر
بذنوبي كل حين
لا أبالي بالعواقب
لا احبّ الناصحين
كنت في جوف الليالي
حين يصحو العابدون
ارتكب جلّ المعاصي
بفؤاد 000لا يلين
*******
دامي القلب رجعت
ذارف الدمع حزين
نادماً ماقد صنعت
كل ّ هاتيك السنين
رافعاً كفّي ضراعه
يا اله 00 العالمين
سائلاً عفوك عنّي
فانت خير الغافرين
*******
ياالهي انت اعلم
بالعباد 000الصادقين
تعلم السر وتدري
مافي صدري من حنين
واشتياق00للقائك
في جنان الخالدين
فتقبل0000 ياالهي
واستجب للسائلين

مجدي مسعد حنفي

imported_أحلام إسماعيل حسن

23-12-2009, 06:18 PM

وقفة : قصيدة النجم الذي غاب

احلام اسماعيل حسن

هـــدأ الليـــل وزادت آلامـــي بسكــونــه الرهيــب

فـي سمـائه الزرقــاء التمعـت نجيماتـنا يــا حبيــب

بـبـريق الأسى وما كتبـت لنـا الأيام مـن نصيــــب

وبكـت ما شـهــدنــاه مــن عهــود الأمـــان القشيب

حيث كنا نتوق إلى ازدهارها ونحـلم بــأن تصيــب

ازداد لمعان النجيمات وأومأت عيناها برمق كئيب

وبكـت بدموع مــن لـظـى ودمـــوع مــن لهيــــب

تبكي مصرع الآمال في قلبي ومآل الزمان الغريب

فلـكم تمنيت بزوغ فجـر الأماني والأماني لا تجيب

فلـقــد ولـى زمان الحب والأحلام في زمن عصيب

نجيمات الهوى كفي عن النواح.. كفي عن النحيب

واســدلي ستــار الهــوى فالهـوى قدر ككل نصيب

imported_wageeda

23-12-2009, 07:14 PM

عفوا يا ابنتي فقد صححت الأخطاء المطبعية في هذ النص الجميل حتي يبدو بصورة تليق به فهي كلمات صادقة نابعة من قلب دامي..فاعذريني لتطفلي وتدخلي في ما لا يعنيني:):)[/QUOTE]

لك مني جزيل الشكر
ولكن عندما يستولي الحزن علي قدسية مفرداتك تفقد مساحات الضئ في عمق بصيرتك وتسقط الاحرف بطيش من بين اناملك يراقصها دمع ثخين

imported_wageeda

23-12-2009, 09:29 PM

متسؤله العشق
مررت ببوابة محل واصبحت اتلصص وانظر بفضول طفولي وأجول بنظراتي باحثة عن شئ
يشدني الي هذا المكان شئ لا ادرك كنهه
فدخلت وأنا أحمل حزن العالم وبقايا جسد خار من مشقه الترحال في عوالم المجهول الملثم بالسواد
فوجدته جالسا وبريق عينيه الساحرتين يضئ المكان وابتسامته الغامضة تشدك لتفك طلاسم كل اسطورة يونانيه عفا عنها الزمن
سألني عفوا اي خدمة ؟
ولم تسعفني الذاكرة لتذكر مفردات اللغة وتعريفه بنفسي وظللت شاردة في مدارات أخذت تعبر بي في احلام اليقظة
كان يبادلني السياحة في المجهول ويحاورني في صمت وبدات عيناه تخرق جسدي تبعثر صمت الاشياء وتتاهب لاقامة كرنفال خرافي لميلاد تؤامة روحي
رن هاتفي ومزق بهجة اللقاء فخرجت مسرعة و اخذت اتلفت في حيرة
اه اه لقد تبعني

للحديث بقيه

imported_أحلام إسماعيل حسن

24-12-2009, 04:07 AM

عندما دلفت إلى ذلك المكان تفاجأت بثوب حرير بنفسجى ... إقتربت منه ... عندما بسطته بهرنى ما بداخله ... الماظ .. ياقوت .. قمر تحفه نجوماً ..... ضوء يشع يبهر العيون .. سحرتنى هذه اللوحة ... أحترت فى وصفها ... كيف أترجم الإحساس لكلمات .. سبحت هنالك بين الحقيقة والخيال ... بين زرقة السماء والماء ... تلاشت كل مواقيت المكان والزمان ... إرتفع الموج وتدلت الأنجم ليلتقيا حيث أقف ... أفرحنى اللقاء وخشيت الفراق ... لم أتبين حقيقة ما يدور حولى ....
أغمضت عينى ثم صمت
مع حبى

imported_مجدي مسعد حنفي

24-12-2009, 05:46 PM

واحده من اغنياتي المصريه
----------------

بحــــــذرك
000000
بحذرك
لو زرعتي الشك فـيّ
مش حتبقى الدنيا هيّ
مش حيبقى القلب اخضر زي ماكان
مش حتلقي فعيني مطرح للأمــــان
حتخسريني واخسرك
0000000000
انتي فاهمه كل حاجه عن حيـــــاتي
عارفه طبعي ليه كلامي وليه سكاتي
متظلميش قلبي وهوايا
متلعبيش بالنار معايــا
حننكوي وتبقى النهايه
وتخسريني واخسـرك
0000000000
اي نظره لو بريــئه لحــد تـــانــــي
نار بتحرق جوّه قلبي وف كيانـــــي
متسبيش جوايا حيره
تشغليني بهم وغيـره
حيبقى بينا الشك سيره
وتخسريني واخسرك

مجدي مسعد حنفي

imported_wageeda

25-12-2009, 03:53 AM

صرخ بأعلى صوته قفي لاتذهبي فوقفت وانا وجلة أمشي علي استحياء
مد يده وصافحني وقال. نادر رسول زاده
بسطت يدي في يده وسرت قشعريرة سلبتني ثوب وقاري
وانت مااسمك.أأ؟؟؟؟؟؟؟؟؟؟؟؟؟؟؟؟؟؟ـ...................... ....................
أجبته وداهمني بسؤال اخر.
رقم هاتفك لوسمحتي؟.......................................... ................
كانت هنالك لحظة سحريه تحيط بنا وتشد وثاقها علينا وتفقدني رشدي وتحلق بي في مدارات لم آلفها وتدفعني اليه دفعا
كان ينظر في عيني بشغف ويسلط قوة خفية تغزوني و تهدم قلاع حصوني
هرولت مسرعة وتركته ينظر الي بدهشة .
قطعت الشارع وانا متفآجئة من سلوكي الغريب ولكن كان هناك شئ في اعماقي يمنحني صكوك الغفران ويصالحني مع ذاتي
وفجأة رن هاتفي لقد كان هو.............................................

imported_wageeda

25-12-2009, 05:50 AM

لا ادري ماذا فعلت بي ؟؟؟؟؟؟؟؟؟؟؟؟؟؟؟؟؟
لقد حركتي في شيئا قد نسيته واسدلت عليه جدار ظلمتي وحسبت بانه لم تولد من تعتلي عرشه
لقد حاصرتني الدهشه وانا انظر لعينيك ولفتنتك وجمالك كان كل شئ فيك يستفز رجولتي ورغابتي وشهواتي وجنون ثوراتي كنت تقفين كبركان من الانوثه يتفجر ويقذف في جسدي لهيب لا اعرف كيف اخمد
صمت برهة وسألني
من اي بلد انت يا سمراء
سودانية
اول مره أشاهد امراة سودانية فاتنة مثلك تضرم أجيج النار في قلب كل من ينظر لها وتوقف ضجيج الازدحام وتعبئ المكان بحضورها
اتقبلين بي صديق يتشرف بصداقتك
نعم
حدثيني عن نفسك
تنفست الصعداء ومررت بذاكرتي اقلب صفحات مأساتي و أتحسس مواضع الالم والحزن القابع في مفرداتي لعلني اجد شيئا اجمل به ذاتي
طال صمتي ولم اتفوه ببنت شفة
قاطع سكوني
اذا لا تريدي ان تخبريني الان لا بأس
دعيني اسرد لكي قصة حياتي
انا فارسي

دعونا نتابع لاحقا

imported_مجدي مسعد حنفي

26-12-2009, 10:25 AM

مصـــــــــري
--------
فـــوق وافهــــــم
0000000000
فوق وافهم بتحب مين
ياما قبلك حاولم سنين
لا حسامح قلبك والين
لو تندم وتحلف يمين
*******
اديتك شوقي وهيامي
سقيتك شهدي وغرامي
من قلبي كان لك كلامي
ماخدعتك مرّه بحنيين
*******
ايامي ويّاك بتجري
ومن غيرك برضك حتجري
مش بإيدك تحكم في امري
دا مسطّر فوق الجبين
*******
متقولش بتغير عليّا
الغيره دي مخلوقه فيّا
بس قلبي ملكاه بايديّا
على كيفي يقسى ويلين
*******
لو فاكر الحب شطاره
دوق اشرب كاسك مراره
حتغنّي وعينيك سهارى
آه ياليلي آهين ياعين

مجدي مسعد حنفي

imported_أحلام إسماعيل حسن

26-12-2009, 12:04 PM

نظر الى ثم سالنى من انت ؟

نظرت الى السماء حيث كانت الشمس تتجه نحو الغروب مرسلة اشعتها الذهبية راسمة مدارات قوسية تملا الافق,

وفجأة اتجهت ابصارنا الى حيث يحط طائر على مقربة من احدى الجداول , استعصى عليه النهوض وهو يحاول جاهدا الاقلاع , يبدوا ان هذا الطائر قد قطع مسافات طويلة حتى اضناه الطيران , انه اعياء التنقل ورهق الرحيل, كنا ننظر الى الطائر معا فى نفس الوقت , كان ذلك الطائر اجابتى .

ثم اردف قائلا : اين كنت ؟

قلت له : بتشيلنى ريح وتتلقانى ريح

كرر السؤال , فقلت له : كنت فى متاهات الزمان

فقال لى اين متاهات الزمان ؟

قلت : كنت فى دنيا لا تعرف الضوء لا الشموع ولا القمر , مكان قاتم غالبه السواد.

imported_مجاهد عبد الرحمن

27-12-2009, 11:53 AM

الحبيب مجدي ...تحياتي ... وبعض أوجاعي ...
معايدة

فاقد العيدية مِنِّك
شان يكون العيد غشاني
وهمسة تدلق فيني حِنِّك
يا مدللة في كياني

لو يزور العيد ديارنا
غير عيونك ما بنحسو
وريدنا ليك يالغالية فينا
نجتهد عاجزين ندسو
ننتظر طلة عيونك
لو يَصَبِِّحوا أو يِمِسّوا
مهرجان افراح يجبنا
وزفة الغيد الأغاني

زاهي بيك
رغم التجاهل
والصدود
رغم التجني
ويوم تجيك نسمات عواطف
أعرفيها
جاية مِنِّي
شايلة ليك نخب المشاعر
واسمي ايات التمني
فيها امال في وصالك
فيها روحي وفيض حناني

حرقة اهمال المشاعر
وقسوة الزول الحبيب
واشتعال جمر المواجع
في جروح ما اظن تطيب
اصلو جرح الريدة منك
وانت يا المحبوب طبيب
داوي روحي ونار جروحي
واهدي لي سر الاماني

مجاهد عبد الرحمن -السعودية - الرياض
الاحد 6/12/2009م

imported_مجدي مسعد حنفي

27-12-2009, 12:51 PM

مرحب بيك مجاهد
وعدت واوفيت الوعد
حلوه الطله واتمنى ماتكون زي
بعض الناس البيجوا يتاوقوا وبعد داك
يلبدوا:D

imported_مجدي مسعد حنفي

27-12-2009, 01:01 PM

مصـــــــــــري
---------

بعترفـــلك
000000
بعترفلك وب إرادتي
حبّك انت اتولد لحظة ولادتي
وانّي دايماً كنت عارفه
إن حبّك مش مصادفه
ومهما تبعد او تقرب
مش حتتغيّر نهايتي
******
حبّك انت نبض قلبي وف ضميري
ليّا وحدي مش حسسيبو لحد غيري
مش حتهرب لو تفكر
ومش حسيبك تبعد اكتر
غصب عنّك انت قدري
انت احلامي ومرايتي
******
ليه نسافر وب ايدينا نطفي شمعه
ليه نكابر ومن عينينا تجري دمعه
ليه بتهرب م الحقيقه
ليه نضيّع لو دقيقه
كلمه منك تسوى عمري
وتبتدي ف قربك سعادتي

مجدي مسعد حنفي

imported_مجدي مسعد حنفي

28-12-2009, 12:56 PM

جنّات النعيم
-------
الله ماهذا النعيم
نفسي تعود وتستقيم
من اعوجاج في الصميم
بفعل شيطان رجيم
0000000
يانفس إنك خاسره
إن عودتي يوماً حائره
تدرين ماذا في غد ؟
والغيب في علم العليم
0000000
عشت المعاصي والذنوب
وسلكت للفسق الدروب
فتعالي يانفس نذوب
في رحمة الهادي الرحيم
0000000
اهفو الى خير الانام
وزيارة البيت الحرام
يانفس قد شفي السقام
فتنسّمي عفو الحليم
0000000
يانفس آه ثم آه
فالقلب يعلم مبتغاه
من توبة ترضي الاله
لدخول جنّات النعيم

مجدي مسعد حنفي

imported_مجدي مسعد حنفي

31-12-2009, 02:09 PM

اهدي هذه الكلمات الى جميع قبيلة المنتدى واهداء خاص لساره

زاد حياتي(ياحبيبي)
الحان يوسف الموصلي
غناء عمر بانقا قريباً في الاسواق والفضائيات
ياحبيبي
لو في يوم ضلّت خطانا
وجارت الايام علينا
والزمن بي قسوه عاند
وجانابالفرقه الحزينه
والليالي بقت ضنينه
والفرح فارق عينينا
ماأظن ياروحي اقدر
انسى عينيك الحنينه
******
مابراي اخترتك انت
دون مااسأل غيري واحد
مابراي عشقتو اسمك
ولي هواي عينتو شاهد
مابراي انا في حروفو
عشت مشدوه ليهو رايد
مابراي انا ياحياتي
عشت حبك من ربينا
******
ياحبيبي هنايا انت
وانت اعذب امنياتي
انت فرحة عمري كلو
وروعة الابداع في ذاتي
من فؤادي اليك بهدي
اجمل اشعار اغنياتي
اصلي عاشق نور عيونك
ودونو بفقد زاد حياتي
******
كل دقّه في قلبي تهتف
بهواك وليك تنادي
حبّي ترنيمه في شعوري
وبسمه للواشي البعادي
سعدي لو تجمعني بيك
جنه من جنات بلادي
تبقى لي في ليلي شمعه
وتبقى في مشواري زادي
مجدي مسعد حنفي

imported_مجاهد عبد الرحمن

31-12-2009, 03:18 PM

أخي مجدي لك هذه أيضاً ...
سلاف الروح

سافر يا سلاف الروح
معاك تبقى السلامة رفيق
وحلِّق في السما المفتوح
أدي القمرا أحلى بريق

سافر يا جميل وأرحل
تدلل يا مليح الذات
وأنثر حسنك الأكمل
عشان تتغزل النجمات
وحاتك أنت يوم ما تهل
وراك الثانية كم سنوات
نكون راجين هلال جيتك
تباشير طلتك غيمات

ولما تفوت مواعيدك
نسجل شوقنا في النسمات
تعطر بالفرح عيدك
تعيد ذكرانا لو لحظات
تفكر فينا وتعيدك
إليك تتبرج الساحات
ويعود الملهم الصداح
ويسكت يا شفيف البوح
أنين الخاطر الفضَّاح
ونغرق نحن في ريدك
ونكتب ليكَ يا عصفورنا
شلالات من الغنوات

مجاهد عبد الرحمن -السعودية - الرياض
الأربعاء 23/12/2009م

imported_سارة

01-01-2010, 02:09 AM

كل دقّه في قلبي تهتف
بهواك وليك تنادي
حبّي ترنيمه في شعوري
وبسمه للواشي البعادي
سعدي لو تجمعني بيك
جنه من جنات بلادي
تبقى لي في ليلي شمعه
وتبقى في مشواري زادي

الصمت فى حرم الجمال جمال

تسلم كتيييييييير للهدية

لو تصدق كل يوم بجى هنا اقرا واستمتع

واملأ رئتى هواء نقيا

لك ولكل من سطر حرفا هنا محبتى واعزازى

imported_مجدي مسعد حنفي

02-01-2010, 05:03 PM

لو حبيبك
-----
انا لو حبيبك ياملاك
كيفن عذابي يكون رضاك
ليه هديتني في مّره رسمك
ليه حفرتو في قلبي اسمك
ورحت تجرحني بجفاك
--------
لو حنينك زي حنيني
كنت بي شوقك تجيني
كل ماهلت شمس
وكل ماغمض رمش
وكنت ترويني بحنانك
من عذابات العطش
--------
عايز احس انك نصيبي
وعادي تسأل عن غيابي
وان قلبك لي طبيبي
من دموعي ومن عذابي
لي تعود بعد التجافي
راضي من قلبك وصافي
خدني في حضنك حبيبي
قبل ماتضيع شبابي

مجدي مسعد حنفي

imported_wageeda

03-01-2010, 06:13 PM

صكوك الغفران
ظننت انني فقدته واخذت اتحسس عتمة الطريق لانه سلب العين ضياء الرؤيا وزج بي في كهف الاحذان واستدل ليل سرمدي علي احلامي
فا اخذت اتتكا علي المي واترنح ثملة من هول فداحة فاجعتي
فكتب لي رساله يقول فيها.
ان كنت حقا حبيبي فألف نشيد الاناشيد لي
واحفر اسمي علي جذع رمانه في حدائق بابل
ان كنت حقا تحبينني فضعي حلمي في يدي
وقولي لابن مريم كيف فعلت بنا مافعلت بنفسك
ياسيدي
هل لدينا من العدل ماسوف يكفي ليجعلنا عادلين غدا
حبيبتي لاتجعلي في الحزن متسع لصغير الجراحات
خذي الوقت كله واتركي لي الامل

imported_wageeda

03-01-2010, 06:30 PM

صكوك الغفران
وكتب لي رسالة اخرى كانت هي بمثابة القشة التي قصمت ظهر البعير
حبيبتي
لما تذهب الامنيات حثيثا هكذا
لا يكفينا الفرح فنبحث دائما عن مايناسبنا من الاحزان
ام تعودنا الخروج من الجنة كأبينا ادم
ملايين الاسئله تراود مخيلتي تحتاج اجابتها عمرا اضافي
فقط اؤمن ان بعض احزاننا لا تضيع سدى

المعزب H.O.D

imported_wageeda

03-01-2010, 07:04 PM

جلست في شرفة الروح ذات مساء احتسي قهوة سوداء
وانا حزينه مسلوبه من اي نبض للحياة
واتنفس ضيق حرجا في صدري كمن يتصعد في السماء
لعلني انفث فيه جذء من الالام والاحذان والماسأه
خلت بانني ساجد عزائي وسلوتي في الرثاء
او كأني كنت ابحث عن بصيص املا يشرق يمنح النفس الضياه
ولكن عندما يلون الخريف اوراق احلامك بصفره باهته
ويعلن الموت انبعاثاته في كل الانحاء
ويطوق كل شئ يسبر حنايا العمق يعبيئها امتلاء
فلن يكون لك حق الرفض بل القبول بالزبول والفناء
شئ لا يعرف الصمود بل يتقن الانحاء
والسقوط في هاويه جب الاستسلام لحتميه الاقدار وهن ثم وهنا
فلن تنقذنا السماء؟
لاننا من صنعنا من شفيف خوفنا قوة للضعفاء بادئ الرأى الحقراء
وكانت كل قراراتنا تبدؤ كمسخ مشوه يتوشح بتعويزه لعنه عجفاء
ومازالت تتاقزفنا السنون بابتلاء وابتلاء
فلا اجتر كيف اسعن لشئ
اواحس بقبو الروح يتسلل يقبض برق الامنيات
ويجبره علي اضأة شمعة ذاتي ويمنحي شئ غامضا وجلا
ليس جل ما أصبو ولكن بضع زرات من السكون والرضاء
ومن ثم تهب عاصفه هوجاء
تذرو هشيم امنياتنا مع الرياح هباء
فانا قاموس لتعاسه والشقاء
انا القارة السمراء
مني يصدرون اوجاع العالم
وويقيدون صغير احلامنا ويستبعدون كل احرف اللغة كي لانوثق تارخيا مظلما
لاحفادنا الموؤدون في رحم المعأناه
تاريخا رياء ومكر مغززا قزفنا بكل ابجدياته في المزبلة

imported_عزة كمال

03-01-2010, 09:52 PM

ويدور دولاب الحياة
و يعود يولد من جديد
املا توارى خلف اه
حلما تناقل بين هاتيك الشفاه
و يعود يقبر من جديد
و يدور دولاب الحياة

imported_أحلام إسماعيل حسن

04-01-2010, 05:07 AM

العزيز مجدي
كل عام وانت بخير

طريتك؟ .. أصلي ما ناسيك عشان ما أبقى طاري

لأنِّكْ إنتِ ياكي القُدْرَه بِتكَيّفْ مَساري

وياكي ألفي الأزلْ مِن بَدري مكتوب لى وداري

تصوري إنتِ ياكي الجَنّه .. بَرضِكْ ياكي ناري

وفي الحالتين رضيت بالقِسْمه .. والمقسوم ده أكبر من خياري

بتعذريني لو بتعرفي كيف الحال بعد ما خلّيتني في سِكّة وَداري

بِقيت مَصْيوبْ وما قادِر أداري البَيّا .. ما قادِرْ أداري

اسماعيل حسن
مع حبى

imported_مجدي مسعد حنفي

04-01-2010, 07:53 AM

عزه
كل سنه وانتي طيبه
وحمدلله على السلامه والله انا
لما عيني وقعت على الاسم لانو اسم
عزيز علي فكرتك عضوه جديده لكن لقيتك
من الاعضاء القدام فحمدلله على السلامه مرّه تانيه
وان شاءالله تكون عوده متواصله وفي انتظار جديدك دايماً .

imported_مجدي مسعد حنفي

04-01-2010, 07:55 AM

احلام
كل سنه وانتي بالف خير
شكراً على الهديه وان شاءالله
دايماً تمتعينا بابداعات ابونا وشيخنا
اسماعين .

imported_مجدي مسعد حنفي

04-01-2010, 04:20 PM

رطــب الجنينــه
---------
حلفناك تجينا
يارطب الجنينه
لو زعلان بنشقى
من زعلك علينا
*****
كنت زمان بتسال
في صباحنا ومسانا
ايه الفجأه غيّر
قلبك عن هوانا
ليه القسوه صارت
في طبعك معانا
ماتعودنا تبعد
وتشوق عينينا 000 حلفناك تجينا
*****
قول ياغالي احكي
ليه الغيبه طالت
سبت عيونا تشكي
تذرف دمعه سالت
نرخص نحنا عندك
وفيك اشعارنا قالت
انت حبيبنا واصلك
مابترخص علينا 000 حلفناك تجينا
*****
الشوق اصلو قاسي
مابنقدر عليهو
وانت هواك اصبح
راحنا وروحنا فيهو
كلمة ريد ياغالي
زي قمراً يلالي
في سود الليالي
وايامنا الحزينه 000 حلفناك تجينا

مجدي مسعد حنفي

imported_wageeda

04-01-2010, 04:59 PM

الاخ الشاعر مجدي مسعد
كل مليار ثانية واسرة سودانيات والشعب السوداني البطل بدشليون خير
زحمه الحياه تفقدنا الاحساس بالزمان والمكان وتنسينا ان نحمل الامنيات الصادقه لنحي وطن بقامة السودان

وجيدة

imported_مجدي مسعد حنفي

04-01-2010, 06:16 PM

الاخت العزيزه وجيده
كل سنه وانتي بخير والسودان الحبيب
بخير وعافيه وامن وامان 0
عندما تتساقط اوراق هذا الشهر حتى يتبقى
منها فقط 3 أوراق اكون في طريقي للمطار حاملاً
اشواقي والذكريات الجميله وقصائدي قاصداً الوطن الحبيب
بعد غيبه امتدت لعدة اعوام طويله ولا اخفيكي سراً فبداخلي بعض التوتر
وسؤال يتردد دائماً في مخيلتي
هل مازال شعب السودان كما هو منذ تركته آخر مرًه هل مازالت الطيبه
والود والترابط الرائع كما هو ام ان القهر وضنك العيش غيرا النفوس الجميله
ساذهب وبداخلي امل كبير ان اجد البلد واهل البلد بالف خير .

imported_مجدي مسعد حنفي

08-01-2010, 05:14 PM

مصــــــــــــري

عدّيــــــــــتي
-------
عديتي ورميتي البسمه
ولعتي في قلوبنا النار
مين فينا موعود بالقسمه
مين فينا قلبك اختار
******
شعللتي الدنيا وعديتي
سبتينا في حيره ومديتي
كان حقك رقتي وهديتي
ولا سبتي العشق يحتار
******
مش لازم بالاسم تنادي
إرخيها رموشك وتهادي
وبغمزه رقيقه الناحيادي
هزّيها في قلبو الاوتار
******
سكّنتك عقلي وتفكيري
وياويلي لو كنتي لغيري
حتّوه في غرامك مشاويري
وتموت في ربيعي الازهار

مجدي مسعد حنفي

imported_مجدي مسعد حنفي

11-01-2010, 01:15 PM

مصري

بـحر الحيره
000000
بتطارديني في كل مكان
من غير معرف ليه
حب دا اصلو ولا جنان
آخرة كل دا ايه
******
ازاي عارفه كل حياتي
زي متكوني عايشه معايا
ودا بتكرر حتّى يوماتي
مرّه قصادي ومره ورايا
لخبطيني ..حيّرتيني
يمكن ازعل متجاوبيني
معجبه بيّا وبتحبيني
قلبي بيسال ردي عليه
******
تعرفي إنّي بفكر فيكي
حاسس إنّي كإني بحب
وان عيوني بتهوى عينيكي
وقلبي في حبك باين طب
لو بتحبي ليه بتخبي
تشغلي عقلي وتتعبي قلبي
مش معقوله اشوفك جمبي
وعنّي شعورك بتخبيه
******
حاسس إنّك مرسى لروحي
دم بيجري جوّه عروقي
قلبي بيتعب لما تروحي
واشتاق بس بصبّر شوقي
قرّبي منّي اكتر واكتر
بحر الحيره موجه بيكبر
لو عايزاني مش حتأخّر
حامسك إيدك ونعدّيه

مجدي مسعد حنفي

imported_فتحي مسعد حنفي

11-01-2010, 01:18 PM

مصري

بـحر الحيره
00
لو عايزاني مش حتأخّر
حامسك إيدك ونعدّيه

مجدي مسعد حنفي

اتلع من دورك داير تغرق بت الناس..ياناس الزول دا ما بيعرف يعوم داير بس يمسك ايد البنية:Dgoood:D

imported_مجدي مسعد حنفي

12-01-2010, 04:55 PM

الجــرح القديـــم
00000000

ابتدا الجرح القديم من تاني ينزف
وابتدا الماضي الأليم اوتارو تعزف

********

انا كنت قايلك ياجرح خفّيت وطبت
لكن لقيتك ياجرح من يوم نزفت
لا يوم هديت لا حصل في يوم وقفت

********

مالك علي من تاني بعد الفات صحيت
وانت القبيل سلّمت بي همّك رضيت
ما بحت سرّك لا حصل لزول شكيت

********

اكتب بدمّك ياجرح كلمة وداع
خلّينا نبعد من درب آخرو الضياع
خلينا ننسى عذاب سنين هم والتياع

مجدي مسعد حنفي

imported_جيجي

14-01-2010, 07:44 AM

اخي العزيز مجدي
ترددت كثيرا في ان اتي بمحاولاتي الخجلة
ولكني اخيرا قررت ان اعقلها واتوكل فباسم الله ابدأ

imported_جيجي

14-01-2010, 08:08 AM

دي كانت اول محاولةلقصيدةطويلة
-------

سانسج من خيوط الشمس اسمك
ثم اجثوا
كى اراه
يعم الكون دفئا
ويرسل عند الطل الوانا وبشرا
--
سارسم عند خط الافق اسمك
ثم اجثوا
كى اراه
فى شروق الشمس رقه
وعند غروب الشمس تبرا
وفى عمق البحر جمانا ودرا
---
سانثر فى سماء الليل حرفك
ثم اجثوا
كى اراه
يهامس النجمات سرا
يعانق البدر الجميل
يداعب النسمات لهوا
-------
سارسم فى الجبال الصلد اسمك
وفى الرياضى
سارسمه
ازاهيرا
وانساما
وسحرا

imported_مجدي مسعد حنفي

14-01-2010, 08:17 AM

جيجي
اهلا بيكي في بيتك
بس داير اسألك سؤال
كان دي البدايه ومال الجاي بعد كدا
حيكون كيف :confused::D
نصيحه لازم تكملي وتستمري في الكتابه
لانك فعلا موهوبه واهو البوست كسب موهبه
واعده ان شاءالله حيكون ليها علامه :)

imported_جيجي

14-01-2010, 08:29 AM

سقطت كل الاوراق
صار الكون خراب
والليل يدق سراديق الاحزان
وصوت صفيرخواء
وغراب ينعق في الاجواء
سقطت كل الاوراق
وساد جفاف
وتساقطط زهر كان كما الاضواء صفاء
حتى ورق التوت تساقط
كيدا
كي يثبت ان
امرأة التوت
كفر وهراء
----
حتى ورق التوت تساقط
كي ثبت ان
امرأة التوت
كفر وبغاء
مازالت
على ناصية الازمان تباع وتشرى
على اطراف الاسواق تدلل
وتزهق ان قالت لا
------
حتى ورق التوت تساقط
كيدا كي يثبت
ان امرأة التوت
عراء وخواء
مازالت راقصة
فوق بلاط السلطان
ليل نهار
تدور مع اصوات الطبل الزمار
لتسعد روح السلطان
وليالي السطان الحمراء
واذا مل السلطان
تباع على الارصفة باول دينار
------
حتى ورق التوت تنكر
كي يثبت ان امرأة التوت
امرأة حمقاء
لاتحمل فكرا
لا تعرف للحرية لواء
حتى الحب يصادر منها
ان يوماقالت لا
وتحاكم تحت
لائحة القانون
قانون الؤاد المطلق للاشلاء

imported_مجدي مسعد حنفي

14-01-2010, 08:37 AM

يسلم قلمك ياجيجي
اهو دا الكلام واصلي
الابداع والتالق حتى نطرب نحن
الى حد الثماله ويطرب فتحي وجماعته
الى آخر السمسميه:D

imported_جيجي

14-01-2010, 08:55 AM

يا ايها الرجل الذي
ان كان يوما دنيتي
او لم يكن
يكفيني منك الامتلاء

يكفيني منك القلب اذ فاض
حنينا
واشتياقا
والتياعا
وبهاء
ومضي يعربد حبك المجنون
هزوا
عند اطراف النهار
وفي المساء
يكفيني ان الروح قد
ثملتك عشقا
فترنحت سكرا
تعانقك
انتشاء
يكفيني اني
دون خلق الله
قد صرت شعاعا
منك يمتشق الضياء
يكفيني ان
انت حبيبي
وكل الناس دونك في استواء

imported_جيجي

14-01-2010, 09:05 AM

يا حلما ترآى لجدتي
قبل الآف السنين
البسته السحر ثوبا
وشحته بالوداد
جملته..........
خضبته بالحنين
ثملته الشوق لثما
حملته في الاحشاء
جيلا بعد جيل
اسكنتني سره
حملتني وزره من بعد حين
سكبته في العيون
صهرته مابين الخلايا
سعرت في الروح شوقا
كبلته بالانييين
كتبت على ابوابه
هذا الحلم مرهون
لذاك البحر
منذ الآف السنين
---------
ايها البحر المدثر بالضياء
المعبأ بالتمرد والهدير
المسكون في الاعماق سري
لن تكون اليوم للعشق ضنيين
ستخبر العشاق سري
توشوشهم بسر الحب مدا
حين اندثار الشوق عن سوق الحنين
هل ستأتي جدتي
حورية البحر
من بين الصخور
ام
من بين المحارة لؤلؤاا
تسبي العيون
ام هل ستأخذني
اليك في عمق الجذور
هناك
حيث مراقدي
ما بين سحرك والجنون
هل ستلبس جيديا الممشوق شوقا
كل الجواهر واللالي
والزمرد والزبرجد
وكل انواع العطور
او تثمل الروح المعتق عنبرا
و تسكب الجمان مابين العيون

imported_جيجي

14-01-2010, 09:14 AM

كل المركبات تقود الي الجحيم
كل المركبات تسير في صلف وتيد
وانت ياحمقاء تفترشين جنبات الطريق
وتتجاهلين ان المركبات جميعها
عتيقها وحديثها
هي في الاصل حديد
-------
وانت ياحمقاء
تلبسين الزهر عقدا
تملأين القلب عطرا
وعلى جنبيك دن من حنين
وقدر من الاشواق ينضح بالتمني وتنضحين
وهناك عند الدفء ناي
على اوتاره لحن المحبة تعزفين
وفي العينين بحر يرتاده الرهق العتيد
فتغسلين
وتملأين جيوبهم واكفهم
من الاحلام زودا للمسافة والطريق
وبين كفيك الموشى سحرها
الآف اللحائف والملابس تنسجين
للشتاء وللربيع وللخريف
----------
وحين تاتي المركبات
تحلمين
اي المركبات ستركبين
تلك الموشى صدرها
شرقية العينين تلك
ام تلك التي يزدان جيدها بالحرير
يااا انت ياحمقاء
لاااا..
ارجوك لااا
توقفي
لاتركبين
سيصيبك
الغثيان
والآلام
ستحرقين
يا انت ياحمقاء
الى متى ستتعلمين
انَ
كل المركبات تقودك للجحيم
الى متى
تنثرين الورد في عمق الجحيم
ويموج عطرك كالانين
الى متى
تتعلمين
الى متى
تتعلمين
!
!
!

imported_wageeda

15-01-2010, 07:34 PM

سرد لي قصة حياته الاليمه
وكان مفادها كالاتى
وقع في غرام فتاة فاحبها بصدق
وعذذ خطواته بفخر طالبا منها الزواج فقبلت وتم زلك بسرعة رهيبه وخر ساجدا لله الذي حقق احلامه ورزقه باجمل نساء الارض ودارت الايام والرضا والسعادة تسكن في ارجاء مملكته
وحملت زوجته وطاق ان يزيب الشهور في في بحر الانتظار ليرى وريث عرشه ويتسلي شاردا يتمعن في اختيار اسم له
وجات ساعه المخاض وتساقط احساس فريدا يشوبه خوف وفرح ودهشه
انجب صبي وسماه رسول
ورجع يباشر حياته بصورة طبيعيه ولكن كان هنالك شئ يهمس مابداخله يملؤه غيرة علي زوجته
يحسه علي ان ينتبه بان هنالك من يخدعه من يطعنه في ظهره
فانقلبت حياته راسا علي عقب واخذه يتمزق ويحترق في صمت مخافه ان يزج بنفسه في ظلمها
واستوطن حزن غامضا فترك العمل وقبع في ركن غرفته محاولا اقناع نفسه بشتي السبل ببراءتها وطهرها
ولكن هيهات لابد للايام ان تفصح عن حوادثها وتظهر حقائق واسرار اتقن اصحابها علي اخفائها
وكانت ضحكاته في الهاتف تضرم النار في قلبه ومحادثاتها المبهمه الهامسه تفقده رشده وعدم اهتمامها به وانشغالها بالخروج يوميا وتعليلاتها السخيفه جعلته يكرهها
ورن هاتفه
واخبره بخيانه زوجته ومع اعز صديق عرفه
وخرج مسرعا وهول المصيبه تهوي به في مدارج الجنون
فقبع في ناصيه الشارع يراقب نافذة شقة صديقه ومرة الثواني كالدهور
وفجاءة سمع ضحكاتها تهز المكان وكان اعز صديقي لي يتباطا زراع زوجتي وينثني يقبلها بشغف فحاولت الاختباء
بين السيارات
فعبرت وكان عبورها موكب يشيع قلبي الذي فقد نبضه وفجاءه هويت ارضا والتف المارة واعينهم تمطرني شفقه ومواساه وحملوني والضجيج يثقب اذني وصراخ يملؤني
فطلقتها بصمت واعتزلت معرفة البشر وتناسيت كل شئ يربطني بها حتي ابني تنازلت عنه او قد يكون ابن بروتس الاخر
ولم تكف عقارب الساعه عن الدوران ولكني فقدت الثقه بنساء الارض

دعونا نتابع لاحقا

imported_مجدي مسعد حنفي

15-01-2010, 07:47 PM

درب الهــــوى
000000000

صحيح احنا انا وانتي
على درب الهوى اغراب؟
غريبه الشوق بيجمعنا
ونتفارق وبينا عتاب
******
افكر فيكي واتخيل
الاقي الحيره تفتح باب
ليه الحلوه مابتسأل
غروره علينا تدّلل
ماهاميها لو نزعل
بتتغيّر بدون اسباب
******
في ريدك ياما قاسينا
وامطر في دروبنا سحاب
رجينا في صدرك المينا
تنادينا وترسّينا
تحس بينا وتواسينا
ونرجع من جديد احباب
******
لهيب اشواقي في صدري
وشوقك في الحقيقه سراب
غرامك في الوريد يجري
ساكن في الفؤاد بدري
تمادي لو يحل غدري
ترى قتلي بيدينك طاب

مجدي مسعد حنفي

imported_wageeda

15-01-2010, 08:32 PM

ترقرق عيناي بالدمع كل ما ذكرتها تشدني بسحرها فانذوي في ركن قصئ وابكي دما ودمعا
ادفقي ماتكوني رقراق ابقي ضل او شموس
غطي المساحات بالوضوح
استنهضي الشوق الجلوس
وهجك شوارع ذاتي في ليل اليباب
ماتشفقي العطش الرحيل النيل ركيزه
ودمعة الاحباب سحاب
ماتخافي من دم الغروب
لونتش اللوحه الضباب
مادام ضميرنا الفينا حي
مادام عريق العشق حي
ملحوقه يامدن السراب
ريانه بفرح التساب
ادفقي فيضان عمار
اتربعي وفجئ الوجع دمع الم ما يهددك
ماخاب غناك فارسك رجع
اتلهجي انت الشمس اتوهجي لونك سطع
نور بوادينا الفساح
رقصت مزامير الصباح
متكيه قرية وقنبله مسقيه دمعه وسنبله
الليله في ايدنا السلاح ريشه وكدنكه ومطرقه
نبنيك احسن ياظروف
مخضرة دانية القطوف نطوي المسافات نسبقه
ماتصغري تكبر اماني السنبلة
هيا اكبري تصغر معاني القنبلة
ماترجعي الصد للمدائن والقري
شيلي الشحوب والاصفرار ادي البويتات منظره
تحياتي لك ياقاسم يا زول يارائع فانت وثله من عمالقه الحرف تعطرونا سماء الابنوس
فدمت ودام تدفقك وعم تساب الفرح والسلام كل شبرا في قلوبنا

imported_مجدي مسعد حنفي

16-01-2010, 02:41 PM

مشاويـــــــــري
000000000
مشاويري تعب واحزان
حكاياتي شقى واشجان
شكيت حالي مع الغالي
لقيت الشكوى ذل وهوان
******
سنيني معاك سنين مرّه
ليالي حزينه حيرانه
نسيم الفجر لو مرّ
يلاقي عيوني سهرانه
سنين بتمر ملانه جراح
صباحي مسا ومسايا صباح
هواك نيرانو مستعره
وفيك اشواقي ولهانه
******
شبابي عدمتو من بدري
رميت حالي ورا الاحلام
وشفت الباقي من عمري
بيحرق في شقى الايام
بكيت احلامي لو يشفع
لقيت الدمعه مابتنفع
طويت الماضي في قلبي
اتاري البينا كان اوهام

مجدي مسعد حنفي

imported_جيجي

16-01-2010, 03:20 PM

imported_جيجي

16-01-2010, 03:24 PM

حزينة انا
في جب الحزن
اعاني السكرات
وحين افيق
تقتلني العبرات
---------
هناك
عند نهايات الاحلام
في قيعان الليل هناك
حيث تشعل ناري
وتستعر الالام
يسكن طير الشؤم
جواري
يطوقني
حين التوق
وحين الصحيان
---------
ياهذا الليل
الطابق على انفاسي
امنحني بعض
هنيهات
كي اشهد كل الكون
على موتي نزفا
نزفا للحب
وللشوق
وللتحنان
-------
دعني انزفه
دمعا ودماء
عرق يتصبب قهرا
وانينا كالتنور عواء
دعني انزفه
وجدا وشجونا
الما وحنينا
شهقا وزفيرا
حزنا وعناء
--------
دعني انزفه
حبيبي
كى اروي الارض
حنينا
والارض السابعة
الاشواق
فيسود الطوفان
الوجد
وتمور الارض
الاشواق

imported_مجدي مسعد حنفي

19-01-2010, 05:29 PM

مشاعــر مورقه
---------
جيتك
بعد السنين المرهقه
جابني الحنين
واللهفه والشوق للقا
ساقتني ليك
نيران هواك المحرقه
******
انا قلت ابعد واستريح
لكن تعب قلبي الجريح
ورجعت بي شوقي الصريح
جواي مشاعر مورقه
******
الدنيا من غيرك عدم
لاريحه ليها ولا طعم
وانت الكلام وانت النغم
وانت الاماني المشرقه
******
الباقي من ايامنا ليه
نقضيهو فرقه ونشقى فيه
خليك معاي نسهر عليه
نحياهو فرحه مموسقه

مجدي مسعد حنفي

imported_مجدي مسعد حنفي

24-01-2010, 12:05 PM

خفّــة الـــدم
0000000
خفة الدم اللذيذه
من عرفتك باينه فيك
والعيون الضاحكه ليّا
ماليه قلبي محبه ليك
******
الكلام منك بيطلع
صافي زي عسل النحل
للقصايد احلى مطلع
للفؤاد ينبوع غزل
******
انتي اصلك ياحبيبه
هجعه للروح والجسد
يالفؤادك كلو طيبه
بين ايديك عمري اتولد
******
عشره عمرها بالسنين
مابتهون في يوم علينا
بالمحبه وبالحنين
سكة الافراح مشينا

مجدي مسعد حنفي

imported_مجاهد عبد الرحمن

24-01-2010, 12:09 PM

لعيونك يا استاذ يا رائع :

أنساها ....
لو كان حقيقة بحب
كان لحظة فَكَّر فيك
سيب الجراح وإرتاح
يكفي الجراح الفيك

لو كان هواك بالجد
كان هدهدك إحساس
كان وَسدك روحو
زخاك مع الأنفاس
وإتباهى بيك في الكون
إتحَدَّى كل الناس
أصلو المحب مغلوب
وعِرِق الحبيب دساس

أنساها مهما تكون
لا تسفك الدمعات
أصلو العمر محدود
حفنة زمن ساعات
ما بتحتمل أحزان
أملاها إشراقات
وأفرد جناحك فوت
أصلو السنين فايتات

عشت الليالي وحيد
مستني من يغريك
يسبل عليك الحب
توب الجمال يوحيك
لكن وكت لاقيت
القلت مستنيك
يسقيك سلاف الروح
يسكب حنانو عليك
بدد هواك للريح
خلى السراب باريك
وأوعك تَفَكِّر يوم
إنو السراب برويك

مجاهد عبد الرحمن
السعودية – الرياض
الثلاثاء 5/1/2010م

imported_جيجي

25-01-2010, 09:03 AM

في مثل هذ اليوم
منذ..........عام
وشوش الشمس القمر
ياااا مبدعة.........
الآن قد ازف الزمان لنلتقي
قالت له في لهفة: اين؟
قال: هناك.......
في احلى بقاع الارض
في بقعة
دامت تدق نحاسها كي نلتقي
قالت متي؟
قال:
الآن حان الموعد
سمعتهما الارض وصاحت:
الآن جاءت بشارة فرحتي
فتبسمت امواج دجلة والخليج
والمحيط شماله وجنوبه المتجمد
وتزينت كل البحار اللؤلؤ
وتعانق النهران
وتراقص النيل العظيم
مزدهي
وترنحت في الصين كل وروده
سكرى
حين غازلها عبير المغرب
وتجمعت
اسراب الفراش
جميعها
عند بابل تحتفي
وتعطر اليمن السعيد
وديانه
وجباله
وسهوله
بالابخر........
بكت السماء دموعها
لفراقه
والارض حينها
تزدهي
قالت على استحياء يبسم برقها
جئت اشاركك
جمال الموعد
------
يا ايها المفلوق من
وهج الشموس
ومن جمال الاقمر
سيظل هذا اليوم عيدا
للقاء
وتظل انت
الموعد
وتظل كل الارض حينها تحتفي
فرحا بذاك الموعد

imported_جيجي

25-01-2010, 09:09 AM

imported_جيجي

25-01-2010, 10:37 AM

حضن امى بحر دف
كهف حن
خيمة عباد
شمعة ميلاد
لطفل يتيم
--
نبض امى
رقية سقم
ودعاء
اصوات تراتيل
فى ليل بهيم
--
زند امى مخمل
ويديها حرير
--
انفاسها
احجية
تبعث فى الاوصال
امن
وفى الاجفان
حلم
ولعقلى الدليل

imported_فتحي مسعد حنفي

03-02-2010, 05:27 PM

نرفع البوست حتي لا يغيب الزميل مجدي عن الذاكرة وهو في ربوع الوطن:):o

imported_مجدي مسعد حنفي

19-02-2010, 03:59 PM

خليــــــــــــــــجي

لا للـــــرجــوع
000000000
لا للدموع...لا للخضــوع
لا للمذلّه والرجوع
******
لا للهموم من تاني تقتلني ندم
لا للجراح في صدري تتأوّه الم
مافيني اتحمل انا
كل ليله من عمري سنه
احلم باطياف الهنا
القاها ياعمري وهم
*****
من قلبي كان عشقي لها
مثل النسيم يسري يلاطف خدّها
مثل الربيع بزهارو طوّق جيدها
كان الوفا مني وعد
في ليله من قلبي الوفي وعدتها
ماخنتها عمري ابد ماخنتها
******
لكن على حبّي جنت واتكبرت
ماهمها لما الدموع فاضت جرت
ياقلبها إتحملت شوق النوى
وكأنها ماعلمت قلبي الهوى
باعتني من اول عتاب واتنكرت

مجدي مسعد حنفي

imported_مجدي مسعد حنفي

21-02-2010, 06:21 PM

مــــــــــــــصري

فاكرانــــــــــي
000000000
فاكراني في خيالك لسّه وعاشقاني
ولا يمكن بعتي وناسياني
ومابقاش في حياتك ولا ذكرى
ومابقاش بتهمك احزاني
*******
فاكراني ياأحلى ضحكه
قلبي مانساها مرّه
من يوم ماعينيكي غابت
وحياتي وراكي مره
واللي مهوّن عمايلك
صورتك وحروف رسايلك
عايشين لسّه في كياني
*******
فاكراني وفاكره إسمي
وفي قلبك شايله رسمي
بيني وبينك حكايه
ازاي ياحياتي تنسي
معقوله اهون عليكي
وانا ليكي ومش ناسيكي
من يوم حبّك ناداني

مجدي مسعد حنفي

imported_مجدي مسعد حنفي

22-02-2010, 07:51 PM

حقّـــــــــك ياسيــــدي
0000000000000
حقك ياسيدي وتاج راسي
حقك على عيني وعلى راسي
*******
تبعد وتخاصم من حقك
لكن ماتطول في غيابك
فكّر في ضياعي من بعدك
وقلبي المستني على بابك
كل خطوه في عمري على دربك
بمشيها بي عقلّي واحساسي
حقك على عيني وعلى راسي
*******
بتأسّف وبرسل اعذاري
مكتوبه بي رقّة اشعاري
صدقني بحبك ليه اكذب
وحبّك انواري وازهاري
سامحني غلطت وبتعذّب
ماكنت في يوم قلب قاسي
حقك على عيني وعلى راسي

مجدي مسعد حنفي

imported_مجدي مسعد حنفي

23-02-2010, 06:47 PM

خليـــــــجــــــي

صمت الحروف
--------
دندن فؤادي باسمها
وذابت عيوني في رسمها
******
شوقي امر ارسل لها
رابع رساله كتبتها
ضمنتها آخر رجا
لو بعدي غالي عندها
سالتها ليه الهوى
ماعاد يداعب قلبها
وليه الوفا اصبح جفا
وفؤادي يوم ما ملها
******
عني تأخر ردها
قلبي تعب من صدها
اقرا في عيون الناس كلام
ودهم افارق حبها
مايدروا ان الحب قسم
مو بيدي لا مابيدها
لكن نصيبي احبها
لو حتّى اهلك قربها
******
كم مرّه طالت وقفتي
وعيني تراقب بابها
يمكن تمر خلف الجدار
المح بقلبي نورها
ويمكن هناك خلف الستار
صوبي تطالع عينها
لكني برجع من جديد
محتار فؤادي في صمتها

مجدي مسعد حنفي

imported_مجدي مسعد حنفي

28-02-2010, 04:51 PM

سيدي مشتاق
0000000
سيدي مشتاق لي كلامك
مابديت في يوم خصامك
كيف رضيت تحرم فؤادي
مرّه من فرحة سلامك
*******
شوقي عندك كل ليله
يحكي عن روحي العليله
داوي جرحي ياطبيبي
مافضل للقلب حيله
*******
قوللي ياسيدي وعيوني
ايه حصل بينك وبيني
كيف تصدق فيني كلمه
وانت ايامي وسنيني
*******
العيون بالشوق تنادي
كل ما طوّل سهادي
قلت ابعد ياحبيبي
بس هواك مالك فؤادي

مجدي مسعد حنفي

imported_عباس الشريف

28-02-2010, 05:15 PM

تعرفي انا زيك....
اضحك
ازعل
ابتسم
احزن لحزنا جاك
النظرة الحنونه
والبسمه الخجولة
تحسسني اني معاك
انا طلبي قليل ما كثير
بسمة من شفاك
أنت نوري ودنيتي
عيني ما بتشوف سواك
انا من سنين بهواك
راضي بقربك وجفاك
شغفي ليك
شوقي ليك
انا بهواك
تعرفي انا زيك....

imported_مجدي مسعد حنفي

01-03-2010, 05:15 AM

مرحب بيك ياعباس
نورت البوست وان شاءالله تكون
ناوي تواصل معانا .

imported_عباس الشريف

01-03-2010, 08:06 AM

مرحب بيك ياعباس
نورت البوست وان شاءالله تكون
ناوي تواصل معانا .

الحبيب مجدي نتلمس الطريق في وجود قامات كشخصكم ببعض الكلمات مشاركة منا في هذا البوست الرائع امنياتنا ان نتواصل معكم في حلو الكلام مع اكيد تقديري وشكري للاهتمام

imported_مجدي مسعد حنفي

04-03-2010, 07:19 PM

في الباســـــــــقات
00000000000
في الباسقات وسط الحقول
جلستنا كانت دون عزول
******
الدعوه جات من زول اصيل
كلمني بي اسلوب جميل
قال لي لا بد نلتقي
قبل السفر قبل الرحيل
انا قلت يازول ماعليك
انا ذاتي مشتاق ليك عديل
شوف انت وقتك والمكان
وكلمني وقت الدنيا ليل
******
يوم السبت كان الزمان
وفي الباسقات كان المقيل
في صحبه من خيرة الرجال
ماليها بين الناس مثيل
كان قلت اكتب وصفهم
ماأظني احتاج لي دليل
اخوان وتب نخوه وكرم
زي نخوة الفارس النبيل
******
في الباسقات قضّينا يوم
بين الزهور ونغم الهديل
فيها النسيم ريان عليل
يزداد عبق وقت الاصيل
يشهد على قولي الزمان
للباسقات ما من بديل
فيها الجمال من كل لون
بي لهفه فيهو العين تجول
******
مسك الختام كان الغدا
قبل الشمس ترحل تميل
الشيّه من النار تجيك
حلاة طعم شي مستحيل
والشطّه حاره لذيذه جد
خلّت دموع العين تسيل
بي سرعه مرّ الوقت فات
والوقت ليه دايماً عجول
في الباسقات وسط الحقول

مجدي مسعد حنفي

imported_جعفر بدرى

04-03-2010, 07:48 PM

الحبيب / مجدى

وصلت كلماتك للأحباب
و ما زالت السنتهم تلهج بالثناء .. و المودة
تحياتى

و على المحبة نلتقى .

imported_مجدي مسعد حنفي

05-03-2010, 06:51 PM

استاذي جعفر
وعدت واوفيت
لك مودتي وتحياتي ولشلة الباسقات
كل الحب والاشواق للقاء قريب بإذن الله .

imported_مجدي مسعد حنفي

06-03-2010, 06:35 PM

خـــــــــــــــليـــــــــجي
ــــــــــــــــــــــــــــــــ

كوى صدري
0000000
كوى صدري لهيب حبك
وقلبي في هواكم ذاب
سنين اركض على دربك
عسى المح لقلبك باب
******
دواي عندك في نظرة عين
تواسيني بي حنان وحنين
واحس قلبك بدالي يلين
وفاتح في طريقي الباب
******
اخاف احكي عن إحساسي
ترد قلبي برد قاسي
وتبعد وانت كل ناسي
وتقفل في طريقي الباب
******
تعال اسمع ندا الاشواق
تعال امسح دموع مشتاق
تعال ننهل هوى العشاق
ونفتح لي هوانا الباب

مجدي مسعد حنفي

imported_أحلام إسماعيل حسن

11-03-2010, 06:51 PM

فى مكان مصون حفظتك ... فى ركن قصى أنت تتلألأين ... فى عمق أعماقى أحسك ... كلما حاولت إخراجك إستعصيت ... ملكتك أم تملكتينى ؟ .. لا أدرى ... غير أنى صممت أن تخرجى ليراك غيرى فمن الإجحاف أن أستأثر بهذا الإبداع وحدى ... تحاورنا كثيراً دون أن نصل إلى إتفاق يرضينى ويرضيك ... إستغفلتك فى لحظة شرود وكفأت كأسى ...

رآنى البعض أصعد من أعلى إلى أسفل ورآنى الآخر أسبح فى صحراء قاحلة وأطير مع طيورك فى باطن الأرض وأحلق مع أسودك فى جوف السحاب وتزحف ثعابين غابتك بحركة مستقيمة خالية من تعرجاتها المعهوده

حينها إسترخيت وشعرت أنك مولود جميل أنستنى فرحتى به كل آلآم المخاض ...
إخترت لك إسم جواهر

عندما رأيت أسئلة حائرة تتوجه نحوى : يا بنت الإفرنج من أين لك هذا المولود الأسمر الذى يشبه تربة أهلنا ؟؟ إحترت فى الإجابة .. أعرف أنكم لن تصدقوا قولى .. نظرت إلى الكأس وجدتها لا تزال منكفأة .. بنفس السرعة الأولى أعدتها إلى وضعها الصحيح ... حينها رأى الجميع صورتى على حقيقتها .. وحينها عرفوا أنك كنت فى أعماقى ...

وكان حلم أمسى ودنيتى التى لم أعيشها
فخرجت الجواهر ومرت الأيام كالخيال أحلام
__________________

imported_wageeda

18-03-2010, 02:44 PM

اختي احلام
تجليت وتلالآتي كجوهرة نادرة واحرفك تنساب ساحرة رائعة مثلك

لك ودي
وجيدة

imported_wageeda

18-03-2010, 03:41 PM

اخي مجدي
لك التحايا
انت يا اخوي تهت في السودان اشتقنا لنسكاب الاحرف من معين اللغةgoood
وخليت قفاك اعوج والخيل تجقلب والشكر لحماد وقد اصابتنا العلة من احرف العلة
ابرز واكشح مطرك الهتان وغرق سودانياتgoood

لك الود
وجيدة

imported_مجدي مسعد حنفي

19-03-2010, 04:33 PM

العزيزه وجيده
تحياتي
مازالت الحروف تتصارع مرّه وتتصافح مرّه اخرى
لتخرج معلنه عن ميلاد قصيده جديده ومازال القديم ايضاً
يقف منتظراً لحظة الافراج عنه ليعانق ويداعب اعين الاحبه
ولكن ياعزيزتي انا من يقف حجر عثره في وجوه الجديد والقديم
فالنفس ترزح تحت اطنان من الهموم والاسقام وقريباً ان شاءالله
تصفو لنا الايام وتتفتح الازهار لتعطر الحياة بعبيرها الفواح وغداً
نلتقي بإذن الله .

imported_مجدي مسعد حنفي

23-03-2010, 12:10 PM

مصـــــــــــــــري

بنلوم الســـــنين
000000000
ليه بنلوم السنين
ليه بنخبّي الحنين
ليه بنلوّع قلوبنا
وندوب ويّا الحنين
نبكي ودا كلو ليه
مالشوق واخدين عليه
والحزن اللي في عيونا
إزاي يفضل سجين
******
بنداري حنين قلوبنا
ونخاف من الناس تلومنا
والناس مالهم ومالنا
مالهمش علينا دين
******
العمر سنين بتجري
ويّاها تعالا نجري
لو عدّت من ايدينا
حنلاقي حياتنا فين
******
هات ايدك لو عايزني
ولا تسأل فين واخدني
حنطير لبعيد ونهرب
من شوق ليلنا الحزين

مجدي مسعد حنفي

imported_مجدي مسعد حنفي

10-04-2010, 09:28 AM

عمــــــــري قبـــــلك
000000000000
انا كان لقيتك من زمان
كان اختلف عمري اللي راح
وكان اشرقت شمس الصباح
وكان وقف نزف الجراح
*******
انا كان لقيتك من زمان
كان رجع ليل الفرح
والفؤاد عاد انشرح
والخدود وردها طرح
*******
انا كان لقيتك من زمان
كان سكن قلبي الامان
وكان صدح صمت المكان
وكان رجع ليّا الحنان
*******
عمري قبلك كان سراب
لا محنّه ولا صحاب
زي ارض راجيه السحاب
يروي بي مطرو اليباب

مجدي مسعد حنفي

imported_wageeda

18-04-2010, 12:57 AM

كنت اقتبسم من ضئ ضجيج السكون هبوب العاصفه ولكن انطفأت جزوة الاشتعال وخبأ ازيز الترقب ولم يدعون نقتبس من نار موسي شعلة تضئ صغير احلامنا
واعياني طوال الانتظار علي طرقات التوجع ولم تصمت اصوات اشباح الليل بل توسدت ارصفة الزاكرة واخزت تعبئ دهاليز الامنيات باوهاما وامالا خرافية الولوج الي عالم الحقيقه
وبت غاب قوسين او ادني فقدت الثقه في قوة الرياح ولم تعد هنالك نبوة بمخلص يتصدي لارتقاء وزبح كبش الفداء في غير عيده
وسيطر الخواء علي مذادات بيع الحروف في سوق عكاظ
وبح صوت الناي فماعاد يطربني صوت الكنار وقد ملت القواميس رعونة الجدال وهشاشه استراتجية التكوين والمنطق واعيانا النضال
وتخللت زاكرة الاشياء ثقوبا تساقطت منها مخزون مؤلم لاشياء فقدت بريقها كسقط متاع علي ظهر بعير ارعن
عاودت الاصوات ضجيج سكونها وانجرح خاطر الكبرياء وسقط قناع وهن القوه وقوقائية العبث وتمشدق الحروف الباهته لتحتل قمم مفردات الوجع الابنوسي بحسرة قتلت بقايا التبصر
في عين الحقيقه
وما اشبه الليلة بالبارحه
افرغت زاكرتي في مزبلة النسيان علني انعم بسكون الاحلام المؤدة في عقم الفكرة واستحالة الارتقاء من الدرك الاسفل الي قمم السمؤ المستحيل
ودعونا نتعافي من سقطات الوهم ونعاود النهوض كي نتسلق خارج قبو زاكرة الفشل ونتزود بدءف الحوجة للوطن نرسم حدود معالمه بحب وتوحد واتفاق ونرمم شقوق زاكرة التاريخ

imported_مجدي مسعد حنفي

01-05-2010, 06:53 PM

لا للرجــــــــــــوع
00000000000
لا للدموع .... لا للخضوع
لا للمذلّه والرجوع
******
لا للهموم من تاني تقتلني ندم
لا للجراح في صدري تتأوّه الم
ماعدت اتحمل انا
كل ليله من عمري سنه
احلم بساعات الهنا
القاها ياعمري وهم
******
من قلبي كان عشقي لها
زي النسيم يسري يلاطف خدّها
زي الربيع بأزهارو طوّق جيدها
كان الوفا منّي وعد
في ليله من قلبي الوفي
وعدتها
ماخنتها
والله يوم ماخنتها
******
لكن على حبّي جنت واتكبّرت
ماهمها لمّا الدموع فاضت جرت
ياقلبها
اتحملت شوق النوى
وكأنها
ماعلمت قلبي الهوى
باعتني من اول عتاب واتنكّرت

مجدي مسعد حنفي

imported_مجدي مسعد حنفي

06-05-2010, 05:57 PM

بمشيلك خطاوي
000000000
لما تبعد عنّي خطوه
قلبي يمشيلك خطاوي
مافضل في العمر شكوى
اصلي كملت الشكاوي
******
الحنان ياسيدي فطره
في قلوب العاشقين
من حنانك قطره قطره
زيدني من فضلك حنين
******
الليالي بتبقى مرّه
لما في عنادك تغالي
والخصام ياسيدي جمره
نارها فوق حد احتمالي
******
ياحبيبي العمر سكّه
يلا نمشيها في سعاده
نحيا فيها باحلى ضحكه
ومن حلاها نقول زياده

مجدي مسعد حنفي

أحمد طه

06-05-2010, 10:31 PM

متل بيّاح صباح الريف ... معطّر بي شذى النوّار
تلاقيك ، تلقى كلّ الدنيا ، واحة ريد، و روض ازهار
نغم فيّاض حنان و حنين .. غريب ما غنّتو الأوتار
سكن أعماق مسارب الروح، طبع فوق الشغاف تذكار
ولا الزيك يكون لا كان، و لا بتوَصِّفو الاشعار
وقف حرف القصيد مشدوه .. مع الفكر السرح محتار
*******
فيا حزناً معاي سافرت كم سنوات ، و كم مشوار
معاك ما كلّت الخطوات ، ولا يوم لمتها الأقدار

وِطيت جمر الضنا الحرّاق
طويت جُوّاي لهيب النار
صبرت عليهو ما أنّيت ... جبل ما زلزلو الإعصار
****
بريدك، والغرام أقسام ... يسوق الزول محل ما دار
ولا كان في الخيال ألقاكْ .. ولا جيت لي هواك مختار
معاي الباقي من ذكراك ... خيال والفني في الأسحار
يزور أحلامي آخر الليل ... حباب طيف الحبيب الزار !!

الفقير إلى ريدة الجافية .. أحمد ود طه .. مروي / ابريل 2008

imported_مجدي مسعد حنفي

09-08-2010, 12:56 PM

تم رفع البوست خصيصاً للدكتور معتصم الحارث

imported_wageeda

09-08-2010, 02:49 PM

مجدي والله لك وحشة
وين الغيبة دي كلها
عساك بخير ومرحبا بعودتك
ورمضان كريم

imported_مجدي مسعد حنفي

10-08-2010, 05:21 AM

وجيده كيف حالك
شكراً على المداخله الرقيقه وان شاءالله دايماً
سبّاقه للسؤال
رمضان كريم عليكي وعلى الجميع باذن الله وان شاءالله السنه الجايه
ربنا يمد في عمرنا ونصومو معاكم في السودان .

imported_مجدي مسعد حنفي

19-12-2010, 07:38 PM

قبل الشروق طلعت اضوق طعم الامل
واشم عبير عطر النسيم
والناس بتجري على العمل
***********
شفت الشروق والشمس طالعه بضيها
تهزم ظلام الليل وتعلن نصرها
الكون صحى ومد الايادي يضمها
والناس بتسعى بكل همّه لرزقها
**********
جمب الفريق خميله زاهيه بوردها
فيها الزهور بتسيل عطور من خدها
روعه وجمال
تثري الخيال بي حسنها
بهجه ونضار وسط الخضار فاح عطرها
**********
رجعت مسكون بالامل وحب الكفاح
جوايا احساس بالامان والانشراح
الماضي راح واصبح بعيد
كأني مولود من جديد
في دربي لاح نور الصباح
ولبست راحة البال وشاح

imported_عبده سعد

20-12-2010, 09:09 AM

imported_فتحي مسعد حنفي

20-12-2010, 03:45 PM

تحايا تبتهج بحروفك المنمقة , وقت كسوتها ثوب زفافها ثم وزعت رقاع الدعوة لنكون حضوراً, وبينما نحن نسترق السمع وبعض نظرات لهذا البهاء ,أتتنا تلميحات من الدواخل بأن (عروسك)تتسرب فينا وكانت دهشتنا ضاحكة تستقبلها بترحاب لتقيم معنا فى استضافة أبدية , ولأنها (حرة)فمنحناها مساحة توازى ماهى عليه فأكثر ولأن رؤيتنا توحى بانها ستُفجر فينا ينابيع من الفرح الملون.
وشكراً ,,,,,,,,,,,

* البوست للتوثيق فكرة حلوة ,ولكن تعلم أخى (مُسعد)أنه مفتوح فى جهة حوارات وهى منطقة تتأثر دائما بالتقلبات المزاجية العامة ,وهنا تفتح الكثير من البوستات ,والأنتقال للمعروضات الجديدة متسارع الوتيرة ,لا أدرى ان كنت تتفق معى أن(الفنانون)ويدخل فى هذا الاطار (من ينظمون الحروف)يحتاجون الى جماليات المكان والزمان معاً ,لأن نعومة البيئة هى النقش الذى ربما ننوى أن يكون ملفتا لأنظار مُرتادى سُوحنا ,لذا أستميحك وجهة نظر فى أن تنقلنا الى مرتع آخر مخصص حتى عندما نحتفى ونفرح لايكون للفرح حدود وكم نحن محتاجون مثلما أننا مكلفون أن نُرى الأخرين ماتوارى عنهم عبر حروفنا الجميلة .
لك الوُد كل الوُد.

عزيزي عبده قريت كلامك وعجبني شديد وأخوي وأخوك مجدي دا زول رقيق لدرجة الهلامية عندما تشتد مناوشات المنتدي تجده يختفي ويتقوقع داخل صومعته وينئي بنفسه بعيدا عن ةالمهاترات حتي يغلبه الشوق الي الكي بورد فيأتي بكلمات تبعد كل من يقرأها عن جو الكآبة..
يامجدي أنا شايف روح الوالد قد تقمصتك وأتخيل اني أقرأ كلمات من نظمه وهذا دليل علي وصولك لمرتبة الشعراء المحترفين الذين لا يجدون حظهم من الشهرة الا بشق الأنفس..واصل كتابة يامجدي ولا تيأس فقد جئت في وقت للناس أهواء أخري غير حلو الكلم..

imported_حافظ اسماعيل احمد

20-12-2010, 04:38 PM

مجدي مسعد حنفي
سلامات
لما تشتاق للعواطف تملا دنياك بعبيرا
لما تشتاق للمشاعر تنسجم تلبس حريرا
ابقي اسال عن قلوبنا
تلقي فيها كنوز محبة
تلقي فيها الشوق يغني
تلقي قيها الريدة فاردة جناحها تشتاق للربيع

ياربيع ياربيع

عودا حميدا ياعزيز

imported_مجدي مسعد حنفي

20-12-2010, 08:21 PM

الاخ العزيز عبده
لك التحايا والحب والاحترام
كلام فتحي فيهو كل الحقيقه وانا فعلا ببعد نفسي عن اي نقاشات تعكّر المزاج
وانا لما فتحت البوست دا فتحتو عشان يكون واحه للناس تهدي فيها اعصابا
وتاخد نفس طويل وتروق المزاج دا من ناحيه ومن الناحيه التانيه ودي الاهم
موضوع التوثيق لانو فعلا مهم بسبب السرقات والسطو الغير مسلح:D يعني
الواحد يقدر يضمن حقوقو الادبيه وزي ماانت شايف البوست للأسف ليهو مدّه
مافي زول سائل فيهو :mad: عشان كدا قلت ارجعو تاني يمكن الناس يروقو
ويهدوا شويه:) وغايتو البركه في المجموعه الانضمت للمنتدى جديد وان شاء الله
فيهم البركه واكيد فيهم اكتر من شاعر وشاعره

imported_مجدي مسعد حنفي

20-12-2010, 08:35 PM

حافظ كيفك يازول ياجميل
تعرف ياحافظ انا موجود باستمرار ومتابع كل المواضيع بس ياخي والله الحال
بقى مابسر عشان كدا بقعد تحت ضل الحيطه وبعاين من بعيد عشان مايجيني
حجر طايش يفلقني :D

imported_مجدي مسعد حنفي

31-12-2010, 03:33 PM

الجهاد ياعازه غايه
ـــــــــــــــــــــــــــــ
اشتعال الثوره بي عزم الرجال
ماخيال وماهو في حكم المحال
...............
خلف السكون بركان غضب
مستني يدفّق حمم
ساعة الحساب وقتها وجب
الليله مابفيد الندم
لا سبتو بترول لا دهب
للشعب خليتو العدم
تاريخكم اليوم انكتب
بحروف مدادها من السجم
...............
قلتوا أخوان في البدايه
وقلتوا إسلام في النهايه
انحنا صدقنا الحكايه
والسبب حسن النوايا
بس دحين الحاره جايه
والجهاد ياعازه غايه
لا مذلّه ولا شكايه
والحصل يازول كفايه
...............
كم صبرنا والصبر عدّى الحدود
وكل اول ليهو آخر ياشهيد
مهما غطّت عتمة الليل الوجود
الصباح لا بد بيشرق من جديد
بدمانا عنّك ياوطن حالفين نزود
وكل خاين ليهو وصمه وليهو قيد
الفرح ايامو باكر ليك تعود
والحزن من دارنا يرحل ويبقى عيد

مجدي مسـعد حنــفي

imported_سماء الادريسي

01-01-2011, 09:38 PM

http://www.w6w.net/album/45/w6w20050415011021364f50b36.jpg

منذ نزولك مدينة عشقي أدركت أن العالم تغير ...

أن سماواتي علت فوق علوها ...

الأمكنة توحدت .... الأزمنة توقفت ..

فأينما وليت وجهى صرت أنــــــت .....

هل كان نزولك وهما إصطنعته ؟؟؟

إقامة إلى حين.. بحثا بعد سفر ..... أم وطنا بعد غربة ؟؟؟

صار هاجسي الأول بقائك .. رحيلك ...

بحر العشق الذى حملني إليك.. يسأل ...

الأوراق المبعثرة بين كفي الزمن .. تسأل ...

العطر الذى يرفض الموت .. يسأل ....

قرب المسافة البعيدة.. يسأل ، وخطفة البعد ..تسأل

هل سيصير الغد ملكا لأشواقنا ؟؟

هذا سؤالى ... هذا سؤال الحنين ..

هذا إحتجاجي ... لا إجابات لدى ...

فالاسئلة أكثر شوقا وقلقا من برودة الاجابات ...

السؤال فعل ... إحتجاج وصراخ من القلب ...

والإجابة رضوخ ... إستسلام وانتظار ...

إن روحي قابعة بين يديك ... ومابيننا نار فى قبضة القلب ...

نار فى قبضة الروح ... فاليك آوى وفيك أسكن ...

أنت بحر الدنيا بكل مافيه ، تلك الدنيا التى صرت،،

فيها غريبة لأنها ليست وطنا لقلبي ....

سفري فى الأرض بحث عن وطن ...

سفري فى أوراق المساء بحث عن وطن ...

فأنت وطن القلب ... موسيقى بكاء الروح ...

نشيج النشيد البعيد ... نداء غربتي فى زمن البعد ...

وأنا الريح والموج ....،،

أنا دمعة البحر فى قلب طائر حزين غريب ...

صوت الصمت الشفيف لحرف شارد فى فراغ الكون ....

البعد قربني إليك ... لكنه يشقيني يشجيني ...

ويحثني على الخروج الأخير .. !!!!

كل البدايات صارت محوا ....

كل الأحرف صارت محوا ..

وكل الاجابات صارت محوا .....

فمن يملآ النفس ....غير كأس عشق لاتفنى .؟؟؟

... من يملأ فراغ الروح ،،

غير حروف اسمك الذى إستوطن الفؤاد

حين تجلي وجودك بصفة العشق ،،،

فصرت عاشقة ....

الله تولني بخصوصية عشقك ، فعشقتك ....

إقامتك فى قلبي سفر ... سفرك إلى عالمي بقاء ،،

وجع ... وحنين ..

فأين المفر من عشقك المكتوب فوق جبين الدهر ؟؟؟ّّّ

http://www.album.v90v.com/data/media/62/images_62.jpg

imported_مجدي مسعد حنفي

02-01-2011, 06:22 AM

سماء
كلماتك رائعه كما تعودنا فاهلاًًَ بك دائماً واجعلي الزياره تتكرر
فالدار واسعه تكفي الجميع فلا تطيلي الغيبه .

imported_سماء الادريسي

02-01-2011, 12:49 PM

اقتباس:
المشاركة الأصلية كتبت بواسطة مجدي مسعد حنفي http://sudanorg.tk/vb/images/buttons/viewpost.gif (http://sudanorg.tk/vb/showthread.php?p=320061#post320061)
سماء
كلماتك رائعه كما تعودنا فاهلاًًَ بك دائماً واجعلي الزياره تتكرر

فالدار واسعه تكفي الجميع فلا تطيلي الغيبه .

مساء الخيراستاذ مجدي شكراً لهذا الحضور يا رقيق الحرف والنفس
أتمنى أن أسعد دوماً بحضوركَ وقرائتكَ
ودى وتقديري ،

imported_زول الله

02-03-2012, 11:27 AM

imported_فتحي مسعد حنفي

02-03-2012, 02:00 PM

لاحولااااا:eek:
كل الجمال مردوم هنا وأنا ماشايفو؟؟؟
مزاج المزاج عشان كدا لازم نمخمخو بي مزاج
احوم شوية واجيك راجع

مجدي جمعة مباركة
زماان نصحني عم فتحي اني اراسلك عشان أعمالك
وطبعاً بسبب الكسل وتهيُب الموقف ماعملت الحاجة دي
هسه صدقني ح اسرق منك ح اسرق منك
بكل صراحة ووضوح ح اسرق البلفق مع لوني
قلت شنو؟
اقول قولي هذا واستغفر الله لي...........

أنا فعلا طلبت منك تخش وتختار أي حاجة تعجبك وعلي مسئوليتي تلحنا وتغنيها وكنت الكلام دا بعنيهو جدا..
للعلم مجدي فعلا شاعر غنائي من الشعراء الممتازين قليلي البخت ودي ما مجاملة ويمكن دا بسبب وجودو خارج السودان لمدة قاربت الأربعة وتلاتين سنة متواصلة ودا خلاهو يبعد عن الوسط الفني وما تكون عندو علاقة بالمطربين الممكن يغنوا كلماتو لكن أنا متفائل الآن لو ربنا كتب النجاح للأغنية دي المطربين هم الحيطاردوهو عشان يغنوا كلماتو..
حاجة تانية مافي زول عارفا وهي انو مجدي بيغني وبيعزف علي العود وكان فنان القعدات بتاع شلتو قبل ما يمشي الامارات وبيغني حقيبة بصورة جميلة جدا ودا بشهادة عمر الشاعر لما في قعدة وداع معمولة لي غني.والقعدة كالعادة انتهت بي شكلة بين اتنين من الأصدقاء بسبب فنانة مشهورة جات مع واحد فيهم وفي القعدة شدت علي مجدي والزول الجات معاهو زعل وصاحبي التاني دافع عن مجدي والحكاية طلعت فيها مطاوي وعتلة..طبعا صحباني ديل أصحاب شوقي بدري يعني الحصل دا طبيعي.:D:Dأها أنا تاني بكرر كلامي وشوف الكلام البعجبك ورسل لي مجدي عشان ما يكون في زول تاني مجدي أداهو نفس القصيدة..

imported_مجدي مسعد حنفي

03-03-2012, 03:26 PM

imported_مجدي مسعد حنفي

12-02-2013, 09:23 PM

الهي
مال قلبي لا يبالي لاعتلالي
دائم الترحال يهفو للجمال
كلما ازدت شوقا للاياب
كلما ازداد بعدا وتعال
----------------ِ------
تسكب الدمعات عيني واعاني
من سكوتي وكلامي وانفعالي
قد مللت الدمع ياربي كفاني
ضاق صدري من عنائي واحتمالي
كم سهرت الليل مهموما انادي
غثني ياربي رجوتك بالسؤال
لا تذرني لفؤاد كلما
صابه العشق رماني بالنبال
----------------
هب لي ياربي نصيبا قي الحلال
واجعل الصبر دوائي وانشغالي
واشفي قلبي من عذابات الهوى
بين دمع وهموم وانشغال
واجعل قؤادي في غرامك هائما
وجداً يذوب اليك قي جوف الليالي
فالقلب يعشق ثم يشقى بحبه
والروح تصبو في غرامك للكمال