أبو مناهل أخيراً جاب الولد للبنيات

[imported_أبو خليفه]

ألف حمد الله على سلامه الحيكومه ياصديقي ..
يكبر وتشوفو أخو بنات ..
ربنا يجلعو من البارين بوالديه ..

[مي هاشم]

الف مبروك..

حمدا لله على سلامة أمه وربنا يجعله من الصالحين الأبرار الأخيار

ويبقالك سند وضهر ويزيدكم كمان


الله يحفظه ويحفظكم

[معتصم الطاهر]

مبروك .. سيدنا ..

الف مبروك ..

[عكــود]

ألف حمد الله على سلامتها
وألف مبروك الوليد يا السيّد

على جنب:
أبو "مناهل" دي أوعَ تغيّرها.

[imported_خالد الحاج]

ألف ألف مبروك يا صاحب..
حمدا لله علي سلامة حيكومتكم الموقرة..

[imported_الجيلى أحمد]

مبروك ياحبيبنا
الف مبروك لك وللمدام

وأقترح عليك تسميهو (عاش)
أنا غايتو ندمان ماسميت ولدى (عاش)
زى ماوصانى خالد الحاج:D
تسمع الناس تكورك

عاش السيد أحمد ابراهيم
عاش
عاش:D:D

[imported_سمورية]

حمدلله علي سلامة المدام

والوليد مبروك

يتربي في عزكم ودلالكم
ويبقي ليك ولي البنيات سند

[Osman Hamad]

الف مبروك الف مبروك يا ابومناهل.

ربنا يجعلو من الذرية الصالحة وما يطلع لى إعمامو ناس الجيلى ديل ;)

ياجماعة زول يلحقنا بتلفون ابومناهل دا فى الخاص

[imported_فتحي مسعد حنفي]

ألف مبروك يابو مناهل وألله يكون في عونك:Dأنا عندي بنتين وولد ومافي شي تاعبني زي الولد وخاصة من حكاية التمرد علي كل الأوضاع في الوقت الفيهو البنات في غاية الطاعة حتي لو ما موافقين علي سياستك..
غايتو نقول انشالله تقدر تسوي الما عرفنا نسويهو احنا..

[imported_منال]

الوليد مبروك

1000 حمدلله على سلامة الوالدة

يتربى فى عزكم

و شايل اسمو يارب

الادهو يخليهو
يبكر و يخاوى البنيات

[imported_نبراس السيد الدمرداش]

الف مبروك
يربى في عزكم
و يبقالك ضهر وسند
و للبنيات دخري خزين
تحياتنا للوالده وحمدا لله على سلامتها

[شليل]

حمد الله ع السلامه
ألف مبروك يا أبو مناهل
يتربى في عزكم

[imported_أبومناهل]

الأحباب جميعاً

لكم شكري وتقديري

أسعدتني هذه المداخلات حقاً

كما أسعدني سماع صوت بعض الزملاء

شاكر لكم التهاني والأمنيات

سأعود لكم فرداً . . فرداً

حين ينجلي غبار هذه المعركة

[imported_hatim ALi]

ابو مناهل

الف ميروك الوليد

يربا في عزك انشالله

وتقبل كامل المودة

[imported_AMAL]

ألف حمد الله على سلامه الحيكومه ياصديقي ..
يكبر وتشوفو أخو بنات ..
ربنا يجلعو من البارين بوالديه ..




آآآآآآمين يارب

[imported_تحفة حوا]

http://sudaniyat.net/up/uploading/872506302.gif

ألف مبروك
يتربى في عزكم ان شاء الله

[النور يوسف محمد]

بسم الله الرحمن الرحيم
أبو مناهل
ألف ألف مبروك وإن شاء الله يتربى فى عزكم
ويقر عينك به ابناً صالحاً نجيباً
مع الأمانى الطيبة لك وللأسرة

[imported_شبارقة]

حمدا ً لله على سلامة أم العيال وألف مبروك المولود ويتربى في عزكم بإذن الله وجعله الله من الصالحين ... مع طيب أمنياتنا لكم .

شكرا ً أخونا أبو خليفة .

[imported_أبومناهل]

الغالي / أبوخليفة
مشكور ياحبيب على البوست
والتهنئة وصادق الدعوات

قريبتنا / بت هاشم مي ( أم عبد المحمود )
تشكرات كتاااااار على الدعوات . . وتسلمي
تحياتي للأسرة

الباش دوماً . . طاهر القلب
أسعدني إتصالك والتهنئة . . لك وللأسرة
خالص التقدير والأمنيات

العمدة / عكود
مناهل باقية متربعة في قلب أبيها وهنا دون منافس
أسعدني سماع صوتك والتهنئة الفخيمة
وتسلم

الخال / خالد
الله يسلمك ويبارك فيك
وتحياتي للحكومة والعيال

أبو إليشيا راجل سيسليا
تسلم يامعلم . .
إنت عارف المصيبة المدام كانت
عايزة تسميهو ( طارق ) . . بس ربك ستر
لحقتها ( هو الكون بيحتمل أكتر من طارق واااااااحد ) :D:D:D

سمورية
مرحب بيك في سودانيات وعذراً
للترحيب المتأخر . .
ومشكورة على التهنئة الرقيقة والدعوات

عثمان حمد ( طفشان )
أنا لو عارف حاجة زي دي بتخليك تتصل على
كان كترنا من ( المرض اللذيذ ) . . ومع الأزمة المالية
العالمية نزيد الطين بلة . . أسعدني إتصالك والونسة معاك

عمنا وحبيبنا / فتحي مسعد
مافي شك أحلى من ( البنات ) مافي . . بس برضو وجود عكننة في البيت شئ ( لذيذ )
ربنا يخلي ليك العيال ويخليك ليهم يارب . .

العزيزة / منال
الله يسلمك . . وتسلمي على الدعوات
وطلتك هنا تفرح

بنتي / نبراس
مشكورة على التهنئة والتمنيات
والدعوات ( الأصيلة ) يا أصيلة
بنتي دي عشان مطابقة الإسم بس لكن أنا لسه صغيرون .. وكل ما أشوف
بناتي قدامي ( أتخلع ) معقول أنا بقيت ( أب )

البنج / شليل
تسلم ياغالي . . ربنا يخليك

الباسل / حاتم علي
خالص التقدير على التهنئة الرقيقة
ومودتك غالية ياغالي . . تسلم

بت الشيخ / آمال
مشكورة ياغالية

روح آدم / تحفة حوا
مشكورة على ( الورد ) والتهنئة . . تسلمي

سعادتو / النور يوسف
غايتو الخال / خالد لصق فيك لقب ( سعادتو )
سعيد أنا بهذه التهنئة والإطلالة . .

العزيز / عاصم شبارقة
مشكور على التهنئة وصادق التمنيات

[imported_هاشم]

بارك الله لكم في الموهوب
ورزقكم الله بره
وشكرتم الواهب

جعله الله من الصالحين
وقرة عين لكم
وسلامة أم مناهل

[imported_معتصم الحارث الضوّي]

تهنئتي القلبية بالمولود الجديد، وتمنياتي للأسرة الكريمة بموفور ودائم العافية والسعادة.

[imported_فيصل سعد]

http://sudaniyat.net/up/uploading/872506302.gif

ألف مبروك يا حبوب
يتربى في عزكم ان شاء الله، عذرا يا صديقي على التأخير، فاخوك
طاشي في الفيافي سبعة اسابيع عجافا و لا زال ..

التحايا لكم و مبروكين و مباركين ..

[imported_أشتر]

عارف ؟!!
البوست دا وقعت عليو عيني كم مرة !!!
اخش المنتدى تلقاني انشغلت بى حاجة ... او شغلوني بى حاجة ...
المشكلة ما في العين ...
المشكلة في المترجم والشبكية واعصاب الشوف والالياف الضوئية ..
فقلت احصل بعد جات في الكراع ما تبقى في الوش ...
وقد جيت :D
غايتو البقت علي ياها نفس حركات السودان ... المشاغل والجري الكتير
اضف الى ذلك اني مجروح جرح عميق وما اظن يندمل قريب !!!!
المهم
بيت مال وعيال وربنا يكتب السلامة وكل عام وانتم بخير
ونعتذر لسيادتكم عن التأخير الغير مبرر:D

[imported_قمر دورين]

أبو مناهل
ألف مبروك المولود....
أدام الله السعادة في دياركم...


شكراً أبو خليفة