ما هكـــذا ترد الإبل .. يا .. أشــــتر !!! [الأرشيف]

imported_أبو أماني

15-11-2009, 04:12 PM

// ؟

// ؟

// ؟

// ؟

///// - - - ؟ ؟ ؟ - - - ! ! ! - - - /////

عندما توجه الدعوة (الكريمة) لضيف .. مستضافا في دار ما .. إما أن يلبي الضيف الدعوة .. أو يعتذر مباشرة .. ولكن أن يتجاهل الضيف دعوة المضيف فهي ليست من أخلاق مجتمع سودانيات حسب علمي ويقيني .. وليست من أخلاق العزيز أبو عاقلة .. حسب (ظني)!!
و.... تشــــااااووووو!

imported_بدور التركي

15-11-2009, 05:37 PM

قلت ليك من أول يوم ما ح يقبل الدعوة ما صدقتني!!
جيب لينا عمو فتحي ح تلاقيهو جا في الأسئلةlooool

imported_أشتر

15-11-2009, 05:41 PM

لا إله إلا الله محمد رسول الله ..
عليك الله كان في داع للغسيل دا !!!!
بعدين حلو العنوان (عااارفك بتكون قاصدو؟؟ صاح :D:D)
اقوم أرد عليك بالكلام القالو سعد ود مالك ود مناة لمن شرشحوه الجماعة في موضوع الابل دا !!!
طبعن اخوه عرّس بعيد منهم وسعد دا مفروض يلحقو الابل لغاية عندو ...
وبراك عارف ظروف الطريق والفيافي الواسعة والواحات المشتتة ... والعتامير الخواء ...
المهم بعد شرشحوه قام يتححج عليهم ورمى ليهم مكنة لعلها تقسّم فيهم ...
قاليهم : أي سعد
تظل يوم وردها مزعفراً ... وهي خناطيل تجوس الخضرا
يعني بالعربي حقنا دا ...
هوي يا المجرتق ... ومريّح ... ومدلّك ... والخمرة ضاربة ترمي الضهبان وفوقك الملايكة كمان .. ما تلومني ساي ... اها يا سيدي الامنتا عليك (دي حقت صاحبك فتحي) طلعن خناطيل وتكوس بييي وشها وطبعن هو براهو .. واليد الواحدة ما بتصفّق في هكذا شتات ... اها يا بوكش فردتك باقية عليهو البقت على سعد ... خنطووووول خنطلة ما يعلم بيها الا الله لكن ما بجوس ... وتجوس دي ياها تكوس حقتنا ديك ذاااااتا على فكرة ... يعني تقدر تقول باقية علي خنطلة وجنس شتات .. اتخيل بس شتات بدون تجوس فهل يجوز ؟؟؟!!! طبعن لا ... يعني الموضوع وما فيهو شات ذهني لا أكل لا شرب !!! وبراك شفتا العكلتة بتاعت الايام الفاتت وما تركتة من آثار نفسية محتاجة وكت عشان تلتئم ... فياخي راعو حالتنا النفسية على الأقل وتشنجاتنا اللسه ما هجست !!! ودي مشكلة التوقيت الغلط دائما زي ما حصل امبارح في مباراة البرازيل وانجلترا ومصر والجزائر والحالة النفسية الدخلت على الريموت .. اها شفتا البقت في الريموت جات في راسي ...
بس ما للدرجة البتكتب فيها بوستر منفصل تمسح بي بيهو:D الواطة ...
اذن لابد من دراسة الحالة قبل الدخول لغرفة عمليات القلب المفتوح ... وبيني وبينك سوف يستمر هذا الطقس الغائب إلى غائب جزئيا خلال الاسبوعين القادمين بدواعي كتيرة أهمها مخلفات ما حدث والخروج من خشم القزازة يحتاج لحبة حرفنة ... وحتى أمرق .. أمرق من دماغي :D ولا كمان نخلي سعد يفلسع بباقي الابل لا تاكل لا تشرب !!!
وعليك الله حافظ لينا على ايقاع ضربات قلبك منتظمة ...
وتقبلوا فائق الاحترام والتقدير ...
والى أن نلتقي في ساحات فداء أخرى ... أرضا سلاح ..
كروب .. كرروب .. كرب ..
طاخ

imported_فتحي مسعد حنفي

15-11-2009, 10:40 PM

لا إله إلا الله محمد رسول الله ..
عليك الله كان في داع للغسيل دا !!!!
بعدين حلو العنوان (عااارفك بتكون قاصدو؟؟ صاح )

هيهييييي ياكا..انت يا أشتر بني حمدان ما ينفع معاك الا مهند بشير بي واياتو ووباتو وأحياتوgoood