الراجل اب عينا زايغة: فائقة يس وأنا في قناة النيل الأزرق غدا

[imported_عبد الجليل سليمان]

الساعة التاسعة و 15 دقيقة مساء غد الثلاثاء، سنكون زميلتي فائقة يس وأنا ضيوفا على برنامج نساء ورجال على شاشة قناة النيل الأزرق، البرنامج يطرح موضوعا اجتماعيا اختار له معدوه عنوان (الراجل اب عينا زايغة) .. هذه دعوة ليست للمشاهدة .. وانما للنقد أيضا.

[imported_هاشم]

الأخ عبدالجليل ..... حبابك
زوغان العين يا جليلو خشم بيوت
ربنا يوفقك وتطلع لينا بالمفيد
على فكرة زوغان العين ممكن يكون قسمة ونصيب
سنحضر بإذن الله عشان خاطرك
أعانك الله

[imported_جيجي]

مهمة صعبة
بس عليك الله ماتقول النسوان هن السبب لانه الشماعة دي بقت مستهلكة:D

[imported_عبد الجليل سليمان]

مهمة صعبة
بس عليك الله ماتقول النسوان هن السبب لانه الشماعة دي بقت مستهلكة:D


على حال الحلقه اتسجلت، لكن بصفتي (نصير للمرأة) - حلو الإدعاء دا مش - لم انحاز للرجل .. ولن أفعل. ................ نحن تربية الـــــ.............. مش كدا يا ود الحاج.

[imported_عادل عسوم]

ود الحكيم عبدالجليل :):D
التحية ليك وللغالية فائقة
حضور ومتابعة باذن الله
مودتي

[imported_أسامة الكاشف]

العزيز عبد الجليل
طولت الغياب
لكن أتاريك راقدلك فوق راي

[imported_عبد الجليل سليمان]

ود الحكيم عبدالجليل :):D
التحية ليك وللغالية فائقة
حضور ومتابعة باذن الله
مودتي

شنو يا عسوم .. تسافر لا حس لا خبر ... كنا (لاحظ كنا دي) ناويين نودعك للمطار

[imported_عبد الجليل سليمان]

العزيز عبد الجليل
طولت الغياب
لكن أتاريك راقدلك فوق راي

اسامه .. مشتاقين،

ما طولت لكنك نسيت النظاره .. تحياتي وشوقي لك.

[معتصم الطاهر]

ليس استباقا للحدث

لكن خبرتك شنو ؟ كمتفرج ؟؟؟ بعينو الزايغة ..


مشتاقون

جهز الفول بالزيت ..
واقرش الجريدة بتاعت أمس ..
لكن حق القهوة على ..

[imported_فخري الزين]

استاذنا عبدالجليل
عساك بخير
والله نحن قاعدين حارسين الحلقه بس الله يستر ماتطلع ذي سهرة ابو اماني :D
موفقين باذن الله ونحن في الانتظار ونضفنا النظارات
تحياتي ليك وللاستاذه فائقه

[imported_nagwa]

عبدالجليل سلام وتحياتي وللاستاذه فائقه ربنا يوفقك وعليك اللة والنبي قوال كل الحاصل وافضح العيون الزايغة ضروري تفرق بين الرجل العاوز يتزواج عشان كدة بعاين والاب ابو عيون زايغة عشان مايقوال ليك ربنا حلل لي اربع او بعابن في النظرة الاولي خليك مفتح اما عن المشاهدة مافي طريقة قناة النيل الأزرق لاتصل هنا المهم ياولدي تسجل وتنزل لنا هنا في نفس اليوم اللة معكم

[imported_mautamad]

بالجد لكن الظروف اتغيرت.
زمان الناس شوية والحركة قليلة.شان كدة تلقي ود العين شبعان وميقن علي قول ود بادي.
الليلة العين كان ما زاقت الا تكون من قزاز.
تلفزيون.
شارع.
مكتب.
حفلة.
انترنت.
وعوووووووووووووك.
ودا كلو بعرض جنس شئ.
نسعل الله السلامة غايتو.
لك الود
والف باقة ورد

[imported_عادل عسوم]

شنو يا عسوم .. تسافر لا حس لا خبر ... كنا (لاحظ كنا دي) ناويين نودعك للمطار
لسة قااااعد ياحبيب
وقول للمعاك مشتاقين وكدة :D:D
تسلم

[بابكر عباس]

(الراجل اب عينا زايغة) .. هذه دعوة ليست للمشاهدة .. وانما للنقد أيضا.
تابعت الحلقة
لم تكن جبدة...

ونسة خفيفة يصعب نقدها

[imported_تحفة حوا]

نتمنى منك يا عبد الجليل انت وفائقة أن تفتحوا لنا باب للنقاش هاهنا
كتابة بعيدا عن هيبة الكاميرا ;)

أذكر مرة في عضو هنا قال لي :
الراجل العينو طايرة بشوف النبقة عنبة :D
ياريت يشارككم النقاش

[imported_جيجي]

حقيقة ياخي عبد الجليل انك كنت اكتر شخص موضوعي في الحلقة ومتفهم لعنوان الحلقة وتحدثت بادب جم وموضوعية ووعي ولكن مااضعف الحلقة ان الاخرين جميعهم كانوا يحلقون خارج الموضوع بما قيهم مقدمة البرنامج

[imported_سمورية]

عبد الجليل والمتداخلين سلام عليكم
الموضوع في روحو دسم
بس زمن البرنامج خلي الكلام ناقص
اومافي محصلة نهائية واضحة
ويمكن دا برضو لانو رد فعل العين الزايغة بيختلف من سيدة للتانية
مش كدا بس تعريف العين الزايغة زاتو بيختلف من سيدة للتانية
النظرة المقبولة عند وحدة من باب انو مافي زول بيمشى مغمض
او عاينت عشان في سماحة حاصلة ممكن تكون عين زايغة عند وحدة تانية

ودمتم سالمين

[imported_فائقة يس]

عبد الجليل والمتداخلين سلام عليكم
الموضوع في روحو دسم
بس زمن البرنامج خلي الكلام ناقص
اومافي محصلة نهائية واضحة
ويمكن دا برضو لانو رد فعل العين الزايغة بيختلف من سيدة للتانية
مش كدا بس تعريف العين الزايغة زاتو بيختلف من سيدة للتانية
النظرة المقبولة عند وحدة من باب انو مافي زول بيمشى مغمض
او عاينت عشان في سماحة حاصلة ممكن تكون عين زايغة عند وحدة تانية

ودمتم سالمين

الأخت سمورية تحياتي
ربما أنت من أصاب كبد الحقيقة فالموضوع كبير وكان يحتاج لزمن أطول ولضيق زمن البرنامج فهناك كثير من المحاورلم يتطرق لها وبالتالي كان نصيب كل ضيف دقائق
الشئ الثاني هو تعريفنا للعين الزايغة فالنساء عموما يصفن الرجال بزوغان العين ولايسلم منها إلا من رحم ربي
أنا قلت أن الرجال شركاء في الشوف وليس هناك من رجل يمشي مطرقا ولايتلفت ومن يزوده حبتين يحق لزوجه أن تصنفه كذلك وإن كان البعض يمارسها تحت تحت خوفا من رقابة حوائه اللصيقة ولنا عودة

[imported_Dr. Mohammed Hassan]

انا حضرت الحلقة
ملاحظاتي

مقدمة البرنامج ليس لديها حضور

لم تقم بتوزيع الفرص

الضيف القاعد على يمنها قطعت كلامو في المتصف
حنان حوفي اخدت الموضوع بي ايدها وشديدها
كلامها كان انطباعي
مما اثر على بقية الضيوف
فعمل على تشويش افكارهم
كان يمكن تناول الموضوع من جوانب اكثر عمقا
شخصيا ما طلعت منه بي نتيجة
يقع اللوم اولا واخيرا على مقدنة البرنامج


تخريمة
ما قدرتو تحجموا حنان دي ؟