المساعد الشخصي الرقمي

مشاهدة النسخة كاملة : ** انت ما شبه العداوة و ما بيهون انساك و اسيبك **

imported_فيصل سعد
20-11-2009, 12:15 AM
http://sudaniyat.net/up/uploading/DSC07393.JPG

http://sudaniyat.net/up/uploading/DSC07133.JPG

http://sudaniyat.net/up/uploading/DSC07202.JPG

http://sudaniyat.net/up/uploading/DSC07184.JPG

الخصام البينا وحياتك حرام
انت ليه تتمادى فيه
و نبقى في جفوة و ملام
كانه ما عرفنا المحنة
و لحظة ما عشنا الغرام
نحن ليه ما نبني دنيا
عامرة بالحب و السلام

في عيونك بلقى ذاتي
و انت اجمل امنياتي
حبك اتملك شعوري
و حبك اتجاوز ارادتي
انت لو حنيت في حالي
ياما تسعد بيك حياتي
مستحيل يا روحي غيرك
تاني القى الابتسام

انت لو داريتها طيبتك
في عيونك برضو تظهر
اصلو حبك يا حبيبي
كل لحظة بزيد و بيكبر
لو حصل فكرت فيه
تلقى زيو قليل و يندر
ما بصح البينا يصبح
فجأة فرقة و انقسام

انت ما شبه العداوة
ما بيهون انساك و اسيبك
ابعد الظن من خيالك
تاني ارجع لحبيبك
تلقى زي ما عرفته وافي
عمره كله يكون نصيبك
دا ما بصح البينا يصبح
فجأة فرقة و انقسام ..

http://sudaniyat.net/up/uploading/khisam.wma

http://sudaniyat.net/up/uploading/DSC07044.JPG

http://sudaniyat.net/up/uploading/DSC07062.JPG

http://sudaniyat.net/up/uploading/DSC07086.JPG


http://sudaniyat.net/up/uploading/DSC07199.JPG

http://sudaniyat.net/up/uploading/DSC07376.JPG


من روائع كلمات و الحان الرشيد العكام ، عزف محمد الحسن ابراهيم علي، مؤثرات و مونتاج و مكسنج و اخراج فيصل سعد، و اداء الاخ الصديق، الفنان المبدع / قريب الله العكام، اهداء لجميع الاحباب في هذه الديار العامرة، و نسأل الله ان يديم عليكم المحبة و المودة و حسن الظن، و يجعلهم سندالة خيرا و نبراسا مضيئا ..

و السلام عليكم مقرونا بوافر الود،
و الاعزاز و المحبة ..
imported_فيصل سعد
20-11-2009, 03:22 AM
http://sudaniyat.net/up/uploading/DSC07061.JPG


http://sudaniyat.net/up/uploading/DSC07088.JPG

http://sudaniyat.net/up/uploading/khisam.wma
imported_زول الله
20-11-2009, 02:43 PM
انت ما شبه العداوة
ما بيهون انساك و اسيبك
ابعد الظن من خيالك
تاني ارجع لحبيبك
تلقى زي ما عرفته وافي
عمره كله يكون نصيبك
ما بصح البينا يصبح
فجأة فرقة و انقسام ..

نحن ليه مانبني دنيا عامرة بالحب والسلام ؟؟؟


ياسلام ياسلااااام

أول مرة أسمع الأغنية دي وفعلاً نظفت أذاننا من الغث المعاصر
وسرحت بينا في دنيا تحفها التفاصيل المنسية والبوح الأنيق
رحم الله المدرسة المتكاملة الراحل الجابري بقدر ماقدم من إبداع

استاذنا فيصل سعد سلمت يمينك وأناملك الذهبية المرهفة
والتي أتمنى الجلوس أمامها للتعلم وأداء ماتجود به من إحساس فخم
هي إذن دعوة مني لمعاليك كـ طلب للمساعدة الفنية


وتحية كبيرة للصوت الدافيء المبدع قريب الله العكام





شكراً كتير شديد
imported_مواطن
20-11-2009, 05:13 PM
فيصل الحبيب ...
مفاجأة أكتر من رائعـة يا رجل يا فنان ...
الله يديك العافية ...
imported_خالد الحاج
20-11-2009, 06:17 PM
شكيتك علي الله يا فيصل سعد
بالله داسي مننا الجمال ده كله ؟
بأمانة عزف خطير ...
صور جميلة لإنسان جميل الدواخل
محبة كوم يا فيصل والشاهد الله
معتصم الطاهر
20-11-2009, 07:50 PM
** انت ما شبه العداوة
**


أنت يا ما .. كلك مشاعر ..


فيصل

يا سمح ..

و طاعم

و طيب

و فنان

و انسات


و جيتك عيدية ..
imported_Ibrahim
20-11-2009, 08:28 PM
الحبيب فيصل

كلمة واحدة

هذه مفاجاءة قوية

إبراهيم
imported_فيصل سعد
20-11-2009, 11:19 PM
الاعزاء :

زول الله، مواطن، ود الحاج
معتصم، و ود حلتنا الفنان ابراهيم :

شكرا للمرور الحميم ..
و تلك لم تكن الا خربشات على
جدار النغم، و بحر الموسيقى الكبير
من هاوي و مغمور.. و مستجد تماما ..

ابقوا طيبين،،
يديكم العافية ..
imported_نبراس السيد الدمرداش
21-11-2009, 12:09 AM
العزيز فيصل
حمدا لله على السلامه
نورت المنتدى بعد طول غياب
رجعت بالرائع الجميل
imported_تحفة حوا
21-11-2009, 11:16 AM
فيصل يا راقي وذوق
ياخي لو غيبتك بجيبك لينا بالحاجات دي
غيب ولا يهمك

looool

بالجد مبالغة
والله لا جاب عداوة :)
imported_أشتر
21-11-2009, 11:46 AM
و تلك لم تكن الا خربشات على
جدار النغم، و بحر الموسيقى الكبير
من هاوي و مغمور.. و مستجد تماما ..



ياخي تخ !!!
راجي الله يرفعك موش ؟؟؟
تتعلى ما تدّلى يا اللخو
علا الصور وحلاااااانة عشان شحمانة
وبعدين
خلي شغل القطاعي دا معانا لأننا ناقشنك يا بوكش ...
جميل يا فيصل والله وروعة
بس حن في حالي تسعد بيك حياتي
imported_قمر دورين
21-11-2009, 01:22 PM
جميل... يا أخ فيصل
التحية لك وللفنان قريب الله العكام
ورحم الله الفنان القامة الجابري....

وإلى الأمام دائماً
imported_فيصل سعد
22-11-2009, 05:50 AM
الاعزاء :

نبراس، تحفة، حواء
اشتر، قمر دورين

مروركم هنا .. قطع شك يفرح، يسعد، و يبهج
لكم التحايا الطيبة، و كونوا بخير ..
imported_فيصل سعد
23-11-2009, 02:03 AM
خلي شغل القطاعي دا معانا لأننا ناقشنك يا بوكش ...
جميل يا فيصل والله وروعة
بس حن في حالي تسعد بيك حياتي


http://sudaniyat.net/up/uploading/DSC07122.JPG

http://sudaniyat.net/up/uploading/wahshani.wma

أشتر يا أشتر :
الغالي يرخص ليك،
و قرض على كدا :D:D
imported_Hassan Farah
23-11-2009, 07:01 AM
http://sudaniyat.net/up/uploading/DSC07061.JPG


http://sudaniyat.net/up/uploading/DSC07088.JPG



----------------------------------------------------------------
دا ايه دا يا فيصل سعد!!!!!! يا سلالالام!!!!! ياخى حرام عليك-- قاعد معانا هنا المدة دى كلها ومخبى عننا الابداع دا- ياخى دا ممكن يقول عليهو تواضع- بالغت--
imported_فيصل سعد
23-11-2009, 10:32 PM
ابو علي مراحب يا رجل
وينك لابت و مختفي ..
و صدقني انا تعلمجي ساي
ليس الا ، و الشغلانة دي
خربشة ظبطت صدفة و
ضربة حظ ساي، و عازف الاورغن
السنين دا خالنا محمد الحسن ابراهيم علي
و انا ركبت الايقاعات و المكسينج و المؤثرات
الصوتية و اخترت الاغاني و النغمات و المقدمات
و القفلات و الرزم و الهرمنة
و الصولات و بعض السنكبات و التجاوز
و ربطت الساوند و الاسلاك و كدا :D:D:D

مجدد التحايا و
خليك قريب ..
imported_فيصل سعد
23-11-2009, 10:52 PM
حكمة

http://sudaniyat.net/up/uploading/hikma.wma
imported_فيصل سعد
23-11-2009, 11:24 PM
القطار

http://sudaniyat.net/up/uploading/gitar.wma
imported_فيصل سعد
24-11-2009, 10:08 AM
http://sudaniyat.net/up/uploading/DSC07101.JPG

مالو قلبي

http://sudaniyat.net/up/uploading/asaroho.wma
imported_فيصل سعد
25-11-2009, 08:45 AM
http://sudaniyat.net/up/uploading/DSC07053.JPG


اصلي زي روح الفراش
كايس رياحين الخريف

http://sudaniyat.net/up/uploading/khareef.wma
imported_فيصل سعد
25-11-2009, 09:19 AM
http://sudaniyat.net/up/uploading/DSC07185.JPG


في الضواحي
طرف المدائن

http://sudaniyat.net/up/uploading/dawahi.wma
imported_بدور التركي
25-11-2009, 09:54 AM
الاخ فيصل:
كل سنة انت واسرتك الكريمة طيبين وسالمين
وعيد سعيد....
imported_فيصل سعد
25-11-2009, 10:03 AM
الاخ فيصل:
كل سنة انت واسرتك الكريمة طيبين وسالمين
وعيد سعيد....

و انت بالف خير و
مليون صحة و عافية،
و ينعاد عليك خير و بركة ..
شليل
25-11-2009, 10:19 AM
ما سامع حاجه يا بنج
كرت الصوت ضارب ،
لكن بالتأكيد حتكون وجيهه زيك
مرور على سبيل التحية والشمشره :
في واحده من الصور ، شايف في لافتة بتحمل توقيعات ، بتوقعوا في شنو ؟



أبقى طيب ، وكل سنه وإنت وولادك بألف صحة وعافية
imported_فيصل سعد
25-11-2009, 10:49 AM
ما سامع حاجه يا بنج
كرت الصوت ضارب ،
لكن بالتأكيد حتكون وجيهه زيك
مرور على سبيل التحية والشمشره :
في واحده من الصور ، شايف في لافتة بتحمل توقيعات ، بتوقعوا في شنو ؟



أبقى طيب ، وكل سنه وإنت وولادك بألف صحة وعافية

و انتم بالف خير و مليون
عافية .. بنوقع في مشروع
مسكن كريم و سقف للجميع،
كويس انضرب كرت الصوت
بس :D:D من تهافت الاقحوانات
و زهراتها عليك الايام دي ..
تحياتي لاهلك الكرام يا بنج ، و للسرير
و المكيف الساقط داك القرب يفوتنا الطيارة ..

ارقد عافية ..
imported_الجيلى أحمد
25-11-2009, 11:41 PM
يابنج ليييه بتدس مننا الحاجات السمحة,

عزف جميل

وروح أجمل
imported_فيصل سعد
25-11-2009, 11:54 PM
يابنج ليييه بتدس مننا الحاجات السمحة,

عزف جميل

وروح أجمل

ابو اليشا كل سنة و انت طيب،
و كل عام و انتم بخير، يا زول
مافي دس، فقط الصدفة لعبت دورها
في الشغل دا تحديدا .. تماما زي بطاقتك
الانتخابية و كدا :D:D

يديك العافية ..
imported_فيصل سعد
30-11-2009, 09:50 PM
"الخصام البينا وحياتك حرام" من روائع اغنيات الفنان الراحل احمد الجابري ، طيب الله ثراه، عزف و توزيع فيصل سعد، و اداء الاخ الصديق، الفنان المبدع / قريب الله العكام ..


عذرا لا بد من تصحيح .. اغنية "الخصام" كلمات و الحان
الرشيد العكام، و لا يفوت عليكم ان اغنية "حكمة" للراحل الجابري ..
لذا وجب التنويه و التصحيح، و كل عام و انتم بخير ..
imported_فيصل سعد
01-12-2009, 11:51 AM
لحن الختام،
"هيجتني الذكرى"

و كل عام و انتم بخير ..

http://sudaniyat.net/up/uploading/alzikra.wma
imported_فيصل سعد
22-12-2009, 07:21 AM
http://sudaniyat.net/up/uploading/AED1.jpg
imported_فيصل سعد
03-02-2010, 11:16 AM
الليل عاد
و الشوق زاد
يا حبيبي

اهداء للاعزاء هنا،
و للاخ الحبيب
المواطن هاشم طه،
بصوت الفنان الصديق
العزيز نصر الدين نوري ..

http://sudaniyat.net/up/uploading/lail.mp3
آيات مبارك
03-02-2010, 12:10 PM
ابو علي مراحب يا رجل
وينك لابت و مختفي ..
و صدقني انا تعلمجي ساي
ليس الا ، و الشغلانة دي
خربشة ظبطت صدفة و
ضربة حظ ساي، و عازف الاورغن
السنين دا خالنا محمد الحسن ابراهيم علي
و انا ركبت الايقاعات و المكسينج و المؤثرات
الصوتية و اخترت الاغاني و النغمات و المقدمات
و القفلات و الرزم و الهرمنة
و الصولات و بعض السنكبات و التجاوز
و ربطت الساوند و الاسلاك و كدا :D:D:D

مجدد التحايا و
خليك قريب ..


هاهاها لا بالله ... كان تغني وترقصgoood
المهم :
كيفك :
إحتمال واحد يقرأ إحساسك .. ويعبر ليك عنه بي أغنية ..
لكن يقرأ أحاسيس متضاربة في لحظة واحدة .. ويعبر عنها بي كم أغنية دي الغريبة ..
سعدت يارائع: جعلت مشاعري لك جندول
imported_فيصل سعد
03-02-2010, 12:14 PM
لكن يقرأ أحاسيس متضاربة في لحظة واحدة .. ويعبر عنها بي كم أغنية دي الغريبة ..
سعدت يارائع: جعلت مشاعري لك جندول

العزيزة بت العم،
و انا مددت لك مودتي
من الرفيرا لخور ابوعنجة ..

و كوني بالف خير ..
imported_فيصل سعد
30-03-2010, 08:43 AM
يرفع بطلب من صديقة ...

و لكم التحايا ..
imported_سمراء
30-03-2010, 08:58 AM
يرفع بطلب من صديقة ...

و لكم التحايا ..

يرفعك المايدليك ياقول حبوبتى الله يرحمه يافيصل
دوما تتحس مواطن الوجع فينا ، فتداويها بمعرفتك
تسلم من كل بلاء
imported_نبراس السيد الدمرداش
30-03-2010, 09:06 AM
انت يا يابا تتعلى ما تتدلى
يعلي مراتبك قول آمين
تحياتي لصديقتك

والله يا حبوب هو ما شبه العداوه
لكن مرات بحب يدلع علينا
imported_فيصل سعد
30-03-2010, 09:12 AM
انت يا يابا تتعلى ما تتدلى
يعلي مراتبك قول آمين
تحياتي لصديقتك

والله يا حبوب هو ما شبه العداوه
لكن مرات بحب يدلع علينا

الله يحييك يا زولة،
و يديك العافية و
العمر المديد تقضيو
محنة و انسجام ..
imported_فيصل سعد
30-03-2010, 09:15 AM
يرفعك المايدليك ياقول حبوبتى الله يرحمه يافيصل
دوما تتحس مواطن الوجع فينا ، فتداويها بمعرفتك
تسلم من كل بلاء

سلام يا حردانة ، تقديرنا
لهذه الطلة البهية، و خليك
بالجوار .. و رحم الله حبوباتنا
و غفر لهن و رضى عنهن ..