المساعد الشخصي الرقمي

مشاهدة النسخة كاملة : بضيافة مائدة سودانيات العامرة الرقم (7)..!

imported_أبو أماني
20-11-2009, 03:49 PM
حبائبنا .. حبابكم في داركم العامرة ..
يشرف مائدة سودانيات إستضافة العزيز الأستاذ مجدي مسعد حنفي الشقيق الأصغر بل الأظرف للعزيز فتحي .. أبو آلاء .. عذرا حزينا على إنقطاع التواصل مع الضيف السابق لأسباب يعلمها الله وحده .. وأرجو أن يكون العزاء لنا في ضيفنا الرائع مجدي وأثق بأن معظمكم يحمل الكثير من علامات الإستفهام له .. لن أزكيه لكم بأي حال..فهو أصلا من الخيار..تشاااوووو
goood :confused: goood :confused: goood
imported_مجدي مسعد حنفي
22-11-2009, 05:13 PM
الاخوه والاخوات
الاخوات والاخوه
عشان مافي زول يزعل :D
طبعاً انا يشرفني ان اكون ضيف على مائدة سودانيات العامره واتمنى اني اكون ضيف
خفيف واحب في البدايه اني اشكر الاخ العزيز ابو اماني على الدعوه الكريمه وان شاءالله
اكون عند حسن ظنو..
الحقيقه انا بفضل انكم تبدوا الدردشه يعني لو في اي زول عايز يعرف اي حاجه عنّي
يتفضل ويسأل وانا ماحاقصر وحارد بكل امانه وصدق بس انتو دردقوا الكوره وانا علي
اشوت وان شاءالله مااطلع اشتر:D
imported_أبو أماني
22-11-2009, 05:22 PM
الاخوه والاخوات
الاخوات والاخوه
عشان مافي زول يزعل :D
طبعاً انا يشرفني ان اكون ضيف على مائدة سودانيات العامره واتمنى اني اكون ضيف
خفيف واحب في البدايه اني اشكر الاخ العزيز ابو اماني على الدعوه الكريمه وان شاءالله
اكون عند حسن ظنو..
الحقيقه انا بفضل انكم تبدوا الدردشه يعني لو في اي زول عايز يعرف اي حاجه عنّي
يتفضل ويسأل وانا ماحاقصر وحارد بكل امانه وصدق بس انتو دردقوا الكوره وانا علي
اشوت وان شاءالله مااطلع اشتر:D

شكرن آلللحبيب على تشريفنا وصدقني طلتك على هذا البوست المتواضع جعلت منو منتدي كامل بل موقع عديييل كده .. ويقيني أن بينك وبين (الشتارة) فراسخا وأميالا .. أحم .. أحم اولن في التبادي سوعال بسييييط .. انا يا أخوي بريدك بلحيل بس لو سألوني عنك أي سوعال بقول ليهم إسمك وأقيف .. دحين أقيف إنت المرة دي وكلمني بكل تجرد واريحية معهودة فيك عن ماتحب أن نعرفه عنك .. نطلب العام .. من نشاءة وطباع ووضع إجتماعي سياسي أدبي وخلافه .. ما تحب وما تكره .. حتي في الأكل والشراب والصداقات .. أفتح لنا صدرك الرحب ودعنا نسرح ونمرح داخل الحبيب مجدي على بساط طاهر هو لسانه أو يراعه .. لك حبي.:p
imported_منال
22-11-2009, 05:29 PM
اووووووووو استاذنا مجدى

ترحيب حار

بعيد عن الكورة و السياسة

سؤال مباشر

بتغنى و اكيد ايوه
اها اكتر اغنيه بدندن بيها كتييير جدن

و زمان (ما بعيد ) غنى الحمام مع الشاور (كان شنو ).

وغنيت لجمهور منذ المدارس و الجامعة و الان

وبجيك فى حتة غنا الحقيبه
imported_أبو أماني
22-11-2009, 05:32 PM
أتمنى أن يأت ردك في البوست الرئيس وقد نقلت لك هذه المداخلة هناك ... مع ردي عليها بالأسفل ...

الاخوه والاخوات
الاخوات والاخوه
عشان مافي زول يزعل :D
طبعاً انا يشرفني ان اكون ضيف على مائدة سودانيات العامره واتمنى اني اكون ضيف
خفيف واحب في البدايه اني اشكر الاخ العزيز ابو اماني على الدعوه الكريمه وان شاءالله
اكون عند حسن ظنو..
الحقيقه انا بفضل انكم تبدوا الدردشه يعني لو في اي زول عايز يعرف اي حاجه عنّي
يتفضل ويسأل وانا ماحاقصر وحارد بكل امانه وصدق بس انتو دردقوا الكوره وانا علي
اشوت وان شاءالله مااطلع اشتر:D

شكرن آلللحبيب على تشريفنا وصدقني طلتك على هذا البوست المتواضع جعلت منو منتدي كامل بل موقع عديييل كده .. ويقيني أن بينك وبين (الشتارة) فراسخا وأميالا .. أحم .. أحم اولن في التبادي سوعال بسييييط .. انا يا أخوي بريدك بلحيل بس لو سألوني عنك أي سوعال بقول ليهم إسمك وأقيف .. دحين أقيف إنت المرة دي وكلمني بكل تجرد واريحية معهودة فيك عن ماتحب أن نعرفه عنك .. نطلب العام .. من نشاءة وطباع ووضع إجتماعي سياسي أدبي وخلافه .. ما تحب وما تكره .. حتي في الأكل والشراب والصداقات .. أفتح لنا صدرك الرحب ودعنا نسرح ونمرح داخل الحبيب مجدي على بساط طاهر هو لسانه أو يراعه .. لك حبي.:p
imported_مجدي مسعد حنفي
22-11-2009, 06:04 PM
حسه يابو اماني ياخوي
انت خليت شنو ماسالت عنو يعني انا كان جاوبت على اسألتك
دي تكون خليت شنو للناس التانيين :D
imported_أبو أماني
22-11-2009, 06:11 PM
حسه يابو اماني ياخوي
انت خليت شنو ماسالت عنو يعني انا كان جاوبت على اسألتك
دي تكون خليت شنو للناس التانيين :D

الموضوع بسييييط .. نبذه (برييييف) مختصرة عنك .. نون نبذه خت فوقها ضمة كبييييرة ما تقوم تنبذ لي روحك ساي ... على فركة .. هي بسم الله على فكرة .. الرد يكون في البوست الرئيسي (ضيف على مائدة سودانيات) ده عملنا ليك مخسوس .. كإشهار .. زي الزواج كدي يلا يا فردة .. إتلحلح وشعلل لي البوست ده .. الحاولوا يموتوه لي وهو يا حبة عيني نونو صغيروني .. بالجمبة .. يا أخوي مسعول من الخير صاحبي العزيز توحة مالو كاطع أخبارو اليومين ديل .. يا ربي الهوم ويرك زايد اليومين ديل ولا شنو ؟؟؟ يلا كفاية أررر .. تشاووو
imported_مجدي مسعد حنفي
22-11-2009, 06:12 PM
منال ازيك
تعرفي سؤالك عن الغنا عجيب وغريب
وكدا حسيت زي مايكون في زول مغششك ياربي دا
يكون منو goood
وعجيب وغريب لاني فعلا ايام الشقاوه والانحراف:)كنت فنان القعدات
بس لمن بقيت عامل فيها شاعر بقيت عامل فيها مهم ومابرضا اغني
إلاّ بعد تحنيس ومحايلات لزوم البرستيجlooool
imported_سارة
22-11-2009, 06:15 PM
الشاعر شخشيا

ياد الهنا دى دايرة ليها شاى من النوع ابو كديس داك

ولا اقول ليك زى سمسمية اخونا الصغير فتحى

ولا زى النوع البضربو اشتر ياخ دا نوع تكتلونا وتقعدو

عموما مرحبا بك ضيفا عزيزا لذيذا

وامانة يا ابو امانى اختيار فى السلك
imported_أبو أماني
22-11-2009, 06:29 PM
منال ازيك
تعرفي سؤالك عن الغنا عجيب وغريب
وكدا حسيت زي مايكون في زول مغششك ياربي دا
يكون منو goood
وعجيب وغريب لاني فعلا ايام الشقاوه والانحراف:)كنت فنان القعدات
بس لمن بقيت عامل فيها شاعر بقيت عامل فيها مهم ومابرضا اغني
إلاّ بعد تحنيس ومحايلات لزوم البرستيجlooool

هي خواجة .. يو إسبيك إنقليش؟ يا أخوي الله يهداك البوست والمداخلات بي هناك .. هي يا أخواني أتصرف كيفن أنا؟ ما فضل لي عيلا أمسك مجدي من إيدو الفاضية الما فيها العود واسوقه بي غادي .. منال عليك الرسول أعدلي للخواجة ده راسو أنقلي ليو مداخلتك كوبي بيست بي هناك .. والله يا خوانا نصيبة السودانيين نصيبة .. حتى خواجاتهم مطرطشين زيييهم كدي ..
مستر مجدي .. يو هاف توووو قوووو بي هناك .. يو أندرستاند هيز؟؟ واط إز زيس فولينق ماي براظرز .. ( طبعا أكيد ما بتعرف إنجليزي كويس ..(أحمر سااااكت!) اللخيرة دي معناتا) .. دي وقعة شنو يا أخواني .. والسلام عليكم ورحمة الله تعالى وبركاتو .. أبو أماني .. مراسل قناة سودانيات .. الخرطوم ...
imported_مجدي مسعد حنفي
22-11-2009, 07:53 PM
اعـــــــــلان هــــــــام

افيدكم وازيدكم علماً باني سوف لن اقوم بالرد ولا الالتفات
للمداخلات التي ترد في هذا البوست والدايرني يجيني بهناك
في الحوش الكبير
imported_أبو أماني
23-11-2009, 10:24 AM
اعـــــــــلان هــــــــام

افيدكم وازيدكم علماً باني سوف لن اقوم بالرد ولا الالتفات
للمداخلات التي ترد في هذا البوست والدايرني يجيني بهناك
في الحوش الكبير

قال (خواجة) قال .. !! على الطلاق سوداني حر على السكين وكان ما شوية كدي بحمرتو دي كان شلخوه .. هيييييع .. عافي منك يابا .. أيا .. دا الكلام ... يلا بي غادي goood
imported_عثمان
23-11-2009, 11:24 AM
قولنا نخش نشوف الحاصل شنو؟ لقينا إعلان بالبونط العريض
،المهم حضرنا ولم نجدكم :) لما تجو راجعين أدونا خبر في حاجات عاوزين نسأل منها؟

التحية/ عثمان الطيب
imported_مجدي مسعد حنفي
23-11-2009, 04:03 PM
اعثمان يااخوي
لملم اسألتك وتعال لينا هناك في
البوست التاني ضيف على مائدة سودانيات
تلقانا قاعدين مستننك .