الان تدق سراديق الاحزان-ارجوكم تقبلوا العزاء [الأرشيف]

ناصر يوسف

06-12-2009, 11:06 AM

هنا تقام احزاني
ارجوكم اطلبوا لي الرحمة

كدي في الأول خلينا نرحب بيك

وبعد داك نسأل الله بإنو يرحمنا ويرحمك قولي آمين

يا زوله حبابك تب في بطن بيتك سودانيات المودة والصدق والحُب

أها الللللللله يرحمك بواسع رحمتو ويبعد عنك أحزانك

ما تقولي آمين يا بتنا

إهيييييييييييي :confused: :confused:

imported_جيجي

06-12-2009, 11:35 AM

WIDTH=400 HEIGHT=350

imported_أشتر

06-12-2009, 11:40 AM

هنا تقام احزاني
ارجوكم اطلبوا لي الرحمة

نشاطركم الأحزان ...
بدموعنا .. ومخاخيتنا !!!

imported_فتحي مسعد حنفي

06-12-2009, 11:45 AM

ساتي عندما تاخذني غيبوبة الفواق

[size=5]هو الفواق دا مش برضو أبو الشهيق ولا شي تاني..
يللا فوقي بقي وجيبي ليتا حاجة فرايحية تخللي الدنيا شمسيةgoood:D[/size ]

imported_منال

06-12-2009, 05:41 PM

هنا تقام احزاني
ارجوكم اطلبوا لي الرحمة

الـرحـمـة

دعونى اعيش

imported_جيجي

06-12-2009, 06:38 PM

--------------------------------------

النور يوسف محمد

06-12-2009, 07:16 PM

بسم الله الرحمن الرحيم
جيجى
....

هنـا تنــــام أحزانـك .

..

...

...
( ص والقرءَانِ ذِى الذِكر )
........................

بددى الحزن حرفاً وقصيد
واشعلى القلب لحناً ونشيد
ثم
حلقى فى الأفق ملاكاً من جديد

imported_سمورية

06-12-2009, 07:35 PM

هنا تقام احزاني
ارجوكم اطلبوا لي الرحمة
اللهم ارحمها واشملنا جميعا برحمتك ولطفك

والله ياجيجي الدنيا دي زي الرهاب الساكيهو عطشان
فما تتمسكي تهوينيهاعلي روحك بتهون تقسيها عليها ماابتنطاق
والهم مهما كان بيدا كبيييير وكل يوم بيصغر

imported_أشتر

07-12-2009, 05:01 AM

والهم مهما كان بيبدا كبيييير وكل يوم بيصغر

وممكن يبدأ سغيييير وكل يوم يكبر ...
يا جيجي ...
سراديق دي شوفي ليها طريقة !!!
حيث انها سرادق ومفردها سرداق ...
مع تحيات خيم كزام للأفراح والمآتم ...

بابكر مخير

07-12-2009, 08:08 AM

وممكن يبدأ سغيييير وكل يوم يكبر ...

والله قولك صآح
وبأعلى صوت يفوت حد الصياح،،
بوافق..
ببصم بالعشرة وطيبة العُشرة من المغرب لين شفق الصباح

آآآآآآآآآآآآآآآآآآآآخ لو ود عثمان يشوف لينا أغنية الشمعة لترباس ومن كلمات الشاعر دكتور أزهري

imported_أشتر

07-12-2009, 08:23 AM

والله قولك صآح
وبأعلى صوت يفوت حد الصياح،،
بوافق..
ببصم بالعشرة وطيبة العُشرة من المغرب لين شفق الصباح

آآآآآآآآآآآآآآآآآآآآخ لو ود عثمان يشوف لينا أغنية الشمعة لترباس ومن كلمات الشاعر دكتور أزهري

قالو الدمعة لو غلبا النزول تجر ليها جوكر ...
والشمعة لو غلبا النعاس بعيونّا نصحى نضوي ليك ... هييييع آآود مخيّر
اغنية الشمعة دي ما مرت علي أو امكن تكون مرت لكن ما بعرفا بالاسم ..
عندنا شمعة شمعة الليل نعدو وانتا ما عارف عيونك لما تسرح وين بودو
او شمعتي الضوّايا ...
وشوف كم دمعة سالت من خدود الشمعة ...
او كلما نولع شمعة يزيد الليل في ليلو (دي نجرتها من راسي عشان ما تمشي تفتّش عليها)
المهم
البوست دا
مزيكا كلاسيكية حزينة وبس ... تقديرا لمشاعر الاخت جيجي ولسه ما عارفين النهاية شنو !!
وحتى ذلك الحين ...
ولّع شمعة .. إخير من تلعن الضلام .

imported_فتحي مسعد حنفي

07-12-2009, 08:28 AM

قالو الدمعة لو غلبا النزول تجر ليها جوكر ...
والشمعة لو غلبا النعاس بعيونّا نصحى نضوي ليك ... هييييع آآود مخيّر
اغنية الشمعة دي ما مرت علي أو امكن تكون مرت لكن ما بعرفا بالاسم ..
عندنا شمعة شمعة الليل نعدو وانتا ما عارف عيونك لما تسرح وين بودو
او شمعتي الضوّايا ...

يابابكر الزول دا كلن باريتو في الآخر بوديك كنيسة ماري جرجس تولع شمعة هناك;)

imported_أشتر

07-12-2009, 09:06 AM

ود المامون

08-12-2009, 01:57 AM

..... جيجى ...
.... الحزن بائس ... بلا روح ...
... ( كافكا ) ... ود البلد... ينشر الحزن و ( فتحى ) الغريب فى ( براغ ) يصنع الفرح .....

ناصر يوسف

08-12-2009, 06:49 AM

الشاكوش ده

هي بسم الله

بيت الفُراش ده

لسسسسسسسه ما أترفع

رفعك الله يا جيجي فوق أحزانك

قولي آمين يا بتنا

بابكر مخير

09-12-2009, 05:29 AM

جيجي
فجري أحزانك
بي دي؛

WIDTH=400 HEIGHT=350

وإن ما نفع!!
نشوف قنبلة طه سليمان

imported_أشتر

09-12-2009, 05:40 AM

الزولة دي ما عندها نية تعبّر زول !!!
والعاقبة عندكم في المسرات ...
وشكرن

بابكر مخير

09-12-2009, 05:52 AM

الزولة دي ما عندها نية تعبّر زول !!!
والعاقبة عندكم في المسرات ...
وشكرن

يابا الحبيب
أنا عرفتا ليك لغة حديثها وعشان كدآ إستعنتا بالترجمان (اليوتيوب):rolleyes:
هي لمن تخلص العندها من تنزيلات (sales) بعد دآك بتجينا ترد علينا!!
فرضاً فردآlooool

imported_أشتر

09-12-2009, 06:05 AM

يابا الحبيب
أنا عرفتا ليك لغة حديثها وعشان كدآ إستعنتا بالترجمان (اليوتيوب):rolleyes:
هي لمن تخلص العندها من تنزيلات (sales) بعد دآك بتجينا ترد علينا!!
فرضاً فردآlooool
للزمن داك نكون رفعنا يدنا .. ورفعنا الفراش .. وعلامة رفعة الحسرة looool

ناصر يوسف

09-12-2009, 08:20 AM

المسألة فيها بعض الرَيبة

وللتاريخ

أسجل ريبتي وحيرتي

فقطاً

imported_بدور التركي

09-12-2009, 09:38 AM

هنا تقام احزاني
ارجوكم اطلبوا لي الرحمة

يا جيجي
ما تستسلمي للحزن والألم
دوسي على احزانك واعصريها
واكشحيها بعيد عنك
ح تلاقي الدنيا اجمل من ما تتصوري
آنتي بس شيلي عنك غشاء الحزن دا00
واتغطي بثوب الفرح
الله يغطيكي ويحفظك

imported_جيجي

09-12-2009, 11:49 AM

حزينة انا
في جب الحزن
اعاني السكرات
وحين افيق
تقتلني العبرات
---------
هناك
عند نهايات الاحلام
في قيعان الليل هناك
حيث تشعل ناري
وتستعر الالام
يسكن طير الشؤم
جواري
يطوقني
حين التوق
وحين الصحيان
---------
ياهذا الليل
الطابق على انفاسي
امنحني بعض
هنيهات
كي اشهد كل الكون
على موتي نزفا
نزفا للحب
وللشوق
وللتحنان
-------
دعني انزفه
دمعا ودماء
عرق يتصبب قهرا
وانينا كالتنور عواء
دعني انزفه
وجدا وشجونا
الما وحنينا
شهقا وزفيرا
حزنا وعناء
--------

دعني انزفه
حبيبي
كى اروي الارض
حنينا
والارض السابعة
الاشواق
فيسود الطوفان
الوجد
وتمور الارض
الاشواق

imported_نزار حسن علي

09-12-2009, 11:52 AM

دعني انزفه حبيبي
كى اروي الارض حنينا
والارض السابعة الاشواق
فيسود الطوفان الوجد
وتمور الارض الاشواق

جيجي ده الكلام ولا بلاش
مودتي بلا حدود

imported_فتحي مسعد حنفي

09-12-2009, 12:03 PM

حزينة انا
في جب الحزن
اعاني السكرات
وحين افيق
تقتلني العبرات

يابتي احنا السكرات دي بنكوس ليها وانتي بتعانيها:confused: ما هو دا البجيب الحسادة ظاااتاgoood

imported_نزار حسن علي

09-12-2009, 12:48 PM

جيجي

ان شاء الله للجماعة قول ( آمييييييييييييييييييييييييييييييييييييييييييين)

imported_رأفت ميلاد

10-12-2009, 04:05 PM

البركة فيك يا جيجى .. أسكبى كما شئت .. ينبوع الدموع لن يجف .. ولكن يجب أن يتوقف المطر لعام قادم أكثر خضرة وأزهى ورود ..

أجعلى من الذكرى .. درب أخضر لمشوار جديد .. هكذا الدنيا تعطى لتأخذ .. فلتكن الذكرى زاد لقلب عامر بالحب

imported_جيجي

11-12-2009, 12:36 PM

بعض الحزن يخنقك
وبعض الحزن يرعبك
وبعض الحزن يعميك
وبعض منه يحنيك
بعض الحزن يحرقك
وبعض منه يصهرك
ويقتلك ويدميك
وانا ياعمري
حزني
بكل صنوف الحزن قد حيكا

imported_فتحي مسعد حنفي

11-12-2009, 12:49 PM

بعض الحزن يخنقك
وبعض الحزن يرعبك
وبعض الحزن يعميك
وبعض منه يحنيك
بعض الحزن يحرقك
وبعض منه يصهرك
ويقتلك ويدميك
وانا ياعمري
حزني
بكل صنوف الحزن قد حيكا

هوي ياجيجي الليلة يوم الجمعة ودا يوم مبارك لا فيهو شهيق ولا مخاخيت...بس بهجة ساكت واحنا زمان كنا بنبداهو بي أم فتفت بعد سهرة كاربة ليلة الخميس زي بتاعة محمد عبدو..
فهسة يابتي يا تجيبي لينا حاجة مفرحة وللا تقولي باص وترجي يوم السبت.والا وحاتك انتي وبالضل الوقف ما زاد. بيت البكا حقك دا أقبل ليك عليهو أقلبو ليك قطع رحط..goood

imported_جيجي

11-12-2009, 01:21 PM

هوي ياجيجي الليلة يوم الجمعة ودا يوم مبارك لا فيهو شهيق ولا مخاخيت...بس بهجة ساكت واحنا زمان كنا بنبداهو بي أم فتفت بعد سهرة كاربة ليلة الخميس زي بتاعة محمد عبدو..
فهسة يابتي يا تجيبي لينا حاجة مفرحة وللا تقولي باص وترجي يوم السبت.والا وحاتك انتي وبالضل الوقف ما زاد. بيت البكا حقك دا أقبل ليك عليهو أقلبو ليك قطع رحط..goood
اذن سادعوك ايها الرجل الجميل لبعض الذكريات التي تمخر عباب احزاني من وقت لاخر

WIDTH=400 HEIGHT=350

imported_فتحي مسعد حنفي

11-12-2009, 01:30 PM

اذن سادعوك ايها الرجل الجميل لبعض الذكريات التي تمخر عباب احزاني من وقت لاخر

WIDTH=400 HEIGHT=350

كويس خطوة بل خطوات الي الامام..يللا اتشطري وجيبي لينا حاجة من البت ديك البتغني أصالحك آه أسيبك لا.خلي الواحد يغش نفسو شوية ويعمل فيها شباب وخلينا من ناس ماجدة الرومي وفيروز ديل عشان ما تقومي توصلينا لي ياقدس ونبقي كأنك يا زيد ما غزيت:D;)

imported_جيجي

12-12-2009, 08:55 AM

-- --------------------------------

imported_فتحي مسعد حنفي

12-12-2009, 10:01 AM

ان كانت المرأة قد امرت لتحزن 120 يوما على رجل المكاتبات
فانا سوف لن تكفيني مائة وعشرون دهرا للحزن عليك

ياجيجي أسمعي أغنية الطيب عبدالله : قالو لي أنساهو وأبعد عن طريقو وعن حياتو لغاية ما قال فات وخللاك للزمن وضاعت آمالك سدا...ليه تحن من تاني ليه..ليه تفكر في صلاتو.
وتعالي صادة:)

imported_جيجي

12-12-2009, 10:20 AM

ياجيجي أسمعي أغنية الطيب عبدالله : قالو لي أنساهو وأبعد عن طريقو وعن حياتو لغاية ما قال فات وخللاك للزمن وضاعت آمالك سدا...ليه تحن من تاني ليه..ليه تفكر في صلاتو.
وتعالي صادة:)
الا تعرفه ايها الرجل الجميل
حتما ساحدثك عنه....!!
فقد كان
حبيبي جميل
كضوء القمر
يجي كسحر
و
يغزل في مقلتيََََََََََ الشجن
كان حبيبي رقيق
كمثل النسيمات وقت السحر
ومثل رزاز المطر
يداعب زهرا
ويترك على الوجنتين ثمل القبل
قد كان
حبيبي جميل
يجي كحلم
وينثر زهرا في كفتيٍٍٍٍٍٍٍٍَ
وعطرا انيقا
يهامس قلبي حنينا وودا
يراقص وجدي اشتياقا
يعانق روحي
بين النجيمات
على ضفتي القمر
وكان
حبيبي جميل
كفصل الربيع
وزهر البنفسج
كسرب الفراش يجي صباحا
يداعب روحي
يلامس خدي حفيف الامل
وينثر في مقلتي القبل
كان
حبيبي يجي بكل الرحيق
ويعصرفي شفتي العسل
قد كان يجيء
كل صباح وعندالنهار
ووقت الاصيل
وبين الغروب
وعند المساء
وبين امنيات السحر

imported_جيجي

12-12-2009, 10:35 AM

هذا الذي احببته
ودنوته
وغزلت من اشواقه سترا
وجعلت للتحنان باب
ومنه تزينت جمالي
واكتحلت الامنيات
--------
هذا الذي
قد شيد الامال جسرا
حرر الافراح اسكنها الضياء
البسني وسام الطل في زمن الجفاف
------
الله كم تحنو اليه الروح
كم تشتاقه الانفاس
ترتجف المسام
واليه تهفو الامنيات
انه البحر الذي
قد فاض سحره واستطاب
عنابه ...رمانه...وشهد من رضاب
انه البحر الذي من فيضه
تحطمت في الروح اسباب اليباب

imported_عثمان

12-12-2009, 11:10 AM

جيجي والله الواحد حاسس بيكي كدة
غرقانة لشوشتك ، غايتو ربنا يجبر بخاطرك
الرائع الجيلي محمد صالح صاحب ماضي الذكريات
بيقول:
كفاية أشوفك بخيالي
واستعيد أحلى الليالي
وأبكي أيامي الخوالي
وكل ماضي الذكريات
التحية/ عثمان الطيب

imported_فيصل سعد

12-12-2009, 02:35 PM

غسل الله احزانك يا جيجي،
و الهمنا و اياك الصبر و السلوان،
و خفف الحزن و الهم و الغم،
و ابتسمي و تفائلي
انت في سودانيات ..

imported_فتحي مسعد حنفي

12-12-2009, 03:24 PM

غسل الله احزانك يا جيجي،
و الهمنا و اياك الصبر و السلوان،
و خفف الحزن و الهم و الغم،
و ابتسمي و تفائلي
انت في سودانيات ..

انت يافيصل الفراش مش بيرفعوهو بعد تلاتة أيام:confused:جيجي دي مالا ما داير ترفع فراشا دا:D

imported_فيصل سعد

12-12-2009, 03:54 PM

انت يافيصل الفراش مش بيرفعوهو بعد تلاتة أيام:confused:جيجي دي مالا ما داير ترفع فراشا دا:D

و الله يا معلم looool
علمو عند الله،
لكن تب ما بيغباك :D:D

imported_جيجي

13-12-2009, 06:02 AM

ما صدقنا إتلمينا فيك
تفرحينا
تجي في وكتها وتخلعينا

يقال:
الرحمة تجوز على الأحياء وأنتي كلك حياة
وعشانها
ربنا يرحمك بكل خير من عنده
ويرحمنا معك بلطفه
بداية لاتنسى
ووجل لايستكين
كل الشكر لك

imported_جيجي

13-12-2009, 06:10 AM

كدي في الأول خلينا نرحب بيك

وبعد داك نسأل الله بإنو يرحمنا ويرحمك قولي آمين

يا زوله حبابك تب في بطن بيتك سودانيات المودة والصدق والحُب

أها الللللللله يرحمك بواسع رحمتو ويبعد عنك أحزانك

ما تقولي آمين يا بتنا

إهيييييييييييي :confused: :confused:
كيف اانهضى من قبضه الاحزان بالله ياخي
وهي تحكم قبضتها على عنقي -كل ماضاقت ضاقت
شكرا لك

imported_جيجي

13-12-2009, 06:35 AM

الـرحـمـة

دعونى اعيش
الرحمة قد تعني الموات اختي العزيزة
للعيش طعم اخر ........حين يرويه الحب
شكرا لك

imported_جيجي

13-12-2009, 06:39 AM

imported_جيجي

13-12-2009, 06:52 AM

الشاكوش ده

هي بسم الله

بيت الفُراش ده

لسسسسسسسه ما أترفع

رفعك الله يا جيجي فوق أحزانك

قولي آمين يا بتنا
اااامين

imported_جيجي

13-12-2009, 06:58 AM

الزولة دي ما عندها نية تعبّر زول !!!
والعاقبة عندكم في المسرات ...
وشكرن
كيف وانا تخنقني العبرات
وتسد طريقي اليكم سيول الاحزان
عفوا ان تعثرت قليلا

imported_جيجي

13-12-2009, 07:52 AM

WIDTH=400 HEIGHT=350

imported_بدور التركي

13-12-2009, 08:38 AM

غايتو الله يكون في عون كل العاشقين

جيجي
بالطريقة ح تجني

imported_فيصل سعد

13-12-2009, 09:24 AM

سلام يا جيجي، انا غايتو بهدي
ليك هذه الاغنية ، احتمال تحلق
بيك في السماء، و لا نزلت بيك
تحت الارض، و في جميع الاحوال
لنا اجر المحاولة ..

و كلام الليل
دا كلامه برا

http://sudaniyat.net/up/uploading/kalamalail.mp3

imported_بدور التركي

13-12-2009, 09:27 AM

عندما تاتي ارجوك لاتبكي
فقط ترحم علي كالاخرين
و تبسم ابتسامتك الجميلة تلك وانت تعيد شريط الذكريات
اتذكر كل تلك الهمسات
اتذكر كم تهامسنا بكل اللغات
وجميع اللهجات
اتذكر كم اخذتنا الامنيات؟
وتلك الضحكات
وزفير وشهيق
وحنين واشيتاق
اتذكر حين نفترش الصفاء
حين تحمل لي الشمس هدية
واحمل لك ضياء القمر
اتذكر كم ضحكنا
ولهوناا
وداعببنا النجيمات اشيتاقا
ووشوشنا الزنابق والزهور
وكل اصناف الورود
وكنا كالفراشات ندور وندور
اتذكر كم بكينا معا
لا زلت اذكر طعم دمعاتك تلك
واحسي بيديك تمسح دمعاتي
هل مازلت تذكر!!
اتذكر تلك القفشات
وسو ياسو حبيبي حبسوا
اكيد انها لن تبرحك
فانت انسان تقدر الجمال

عشان كدا طار منك
حسي دي اغنية
تسمعيها للحبيب:D:D

http://egyptian.salmiya.net/songs/mounir/ram/mounir41.ram

حبيبي عايزلو سكر من وين اجيبلو سكر
:D:D

imported_فيصل سعد

13-12-2009, 09:34 AM

http://egyptian.salmiya.net/songs/mounir/ram/mounir41.ram

حبيبي عايزلو سكر من وين اجيبلو سكر
:D:D

يا بدور و لو حبيبك
داير ملح تعملي شنو ؟؟

imported_فتحي مسعد حنفي

13-12-2009, 09:55 AM

يا بدور و لو حبيبك
داير ملح تعملي شنو ؟؟

تشغل ليهو كلمات محجوب شريف: الشيوعيين ملح الأرض طعما للخناجر...ياعساكر:Dgoood

imported_فيصل سعد

13-12-2009, 09:58 AM

تشغل ليهو كلمات محجوب شريف: الشيوعيين ملح الأرض طعما للخناجر...ياعساكر:Dgoood

:D:D:D
:D:D
:D

imported_بدور التركي

13-12-2009, 11:12 AM

يا بدور و لو حبيبك
داير ملح تعملي شنو ؟؟

بعمل نايمة:D:D

جيبو لينا الاغنية بتاعت محجوب نسمعها

غايتة البوست اتخرمج:o

imported_فتحي مسعد حنفي

13-12-2009, 11:26 AM

بعمل نايمة:D:D

جيبو لينا الاغنية بتاعت محجوب نسمعها

غايتة البوست اتخرمج:o

:Dgoood:Dgoood:Dgooodهاهاها
دي جميلة زي حكاية الزول الكتب تظلم لي مأمور مركز بحري الانجليزي زمن الاستعمار وكتب ليهو فيهو : وأنا يا سعادة المأمور مظلوم ظلم الحسن والحسين..المأمور عاين للسكرتير وقال ليهو: قوم جيب ملف بتاع حسن وحسين ديل:D:D:D

imported_جيجي

13-12-2009, 12:36 PM

غايتو الله يكون في عون كل العاشقين

جيجي
بالطريقة ح تجني
صديقتي الجميلة
ذاك اقل مااحنو اليه في هذه البائسة
لك العرفات لكل تلك المواسأة

imported_عثمان

14-12-2009, 12:42 PM

imported_فتحي مسعد حنفي

14-12-2009, 01:38 PM

جيجي سلامات ، والله أنا حاسس بحالتك دي من خلال كلماتك
ومتأثر ليها جداً وواضح البينكم كان شي كبير وعظيم جداً ، بس ما عارف
الحاصل إيه، الظروف مثلاً ولا القدر المهم أنا والله بتمنى إنو تكون في معالجة
والمياه ترجع لمجاريها والرائع بازرعة بيقول:
هل تصدق تنتهى قصتنا
يا اجمل حقيقه
نحنا عشناها بدموعنا
وبالضنا فى كل دقيقه
ياحبيبى لم تزل قصتنا
قصة حب اقوى من الحقيقه

التحية/ عثمان الطيب

ياب الريد واتسدا
وأقول ياربي أيه جدا(أنا بقول:وأقول ياربي يتقدا)(:D
دي الأيام بتتعدا
ونرجع نحسب في المدة
===
وحات عمرا قضيتو معاك
محال عن ريدك ارتدا
لما العين تلاقي العين
نخوني القوة والشدة

ياهو دا الحب يا عصمان;)

imported_Dr. Mohammed Hassan

14-12-2009, 03:03 PM

فقط ارجوك انظر تحت قدميك وانت تمارس رقصك طربا
كي لا تطأ جزءا منك فيني

هنا يعجز التعليق

جيجي

شكرا ليك

imported_جيجي

14-12-2009, 03:20 PM

هنا يعجز التعليق

جيجي

شكرا ليك
شكرا لشعورك النبيل
وتسلم

imported_جيجي

14-12-2009, 11:35 PM

اللهم ارحمها واشملنا جميعا برحمتك ولطفك

والله ياجيجي الدنيا دي زي الرهاب الساكيهو عطشان
فما تتمسكي تهوينيهاعلي روحك بتهون تقسيها عليها ماابتنطاق
والهم مهما كان بيدا كبيييير وكل يوم بيصغر
سمورية ياغاليه
اعذريني ان لم ارى مشاركتك البيضاء وانا انظر بمنظار اسود يزداد قتامة مع الايام
لك المعزات كلها
شكرا لمواساتك

imported_عثمان

15-12-2009, 08:54 AM

ياب الريد واتسدا
وأقول ياربي أيه جدا(أنا بقول:وأقول ياربي يتقدا)(:D
دي الأيام بتتعدا
ونرجع نحسب في المدة
===
وحات عمرا قضيتو معاك
محال عن ريدك ارتدا
لما العين تلاقي العين
نخوني القوة والشدة

ياهو دا الحب يا عصمان;)
عم فتحي كل سنة وإنت وأسرتك بخير ،
صحي القالوه في الريدة بتعرف بس ظلم سيدا
عشان كدة بدل يتسدا "خلي باب الريد متاكا"
التحية/ عثمان الطيب

imported_جيجي

15-12-2009, 08:59 PM

WIDTH=400 HEIGHT=350

imported_جيجي

02-12-2010, 10:31 AM

مضى عام
مضى دهر
واليوم المهزوم على مر الازمان
الرائح منها والغادي
يراودني مر الاحزان

ناصر يوسف

02-12-2010, 02:10 PM

الأخت العزيزة

جيجي

سلام ومحبة

أوهل ما زال الإنتظار علي وجه القمر ؟؟

وإلي متي البكاء يا أختي ؟؟

فالحياةُ ماثلةً أمامك بشتي ضروبها

إن لم يعُد بعدُ فربما يأتي في حينٍ ما وبعد هُنيهة

أراكي وقد إذداد ألمك

فهوني عليك بربك

عساهُ يعودُ أو ..

يطلُ من خلف الباب الآن

عساه

Ismat

02-12-2010, 03:31 PM

...جيحى ..العزيزه..
عرجونة..الزمن.الندى...

دائما لك .مقدرة هائله فى فصد الجراح...وترتقيه بقوة خدر...
يجعل دوامة الشفاء..من المحال....
انت تعزفين على اوتار...فيها سبر التاثير والاثار...تمسكين بخفق نبضها..وتتحكمين فى شهق انفاسها...
وتوجعيننى..بكم هائل...ورهيب...من الرضا .وخزازالالم..
تضطرب الخطى.وهى تتبع صدىء ذلك الايقاع...توثقين القيد...
بربط تلك الجدله الحمراء..التى لا فكاك منها..فهى تحكى التمسك والرباط
وتتركين الحبل على القارب...تحتاروجهة الامواج فى بوصلة تسيره...
فيبقى متارجحا تتلاعب به حركة الامواج....تنتظربذوق وجه القمر..لتبدا رحلة السفرالى مدارك ذلك المجهول..العدم والخوف والترقب...والتوقع...
جيجى...

الى متى تلك المداراه..؟؟يا ترى..؟؟؟ والعمريملى شروط غيابه القاسيه.ويسقط حساباته كل لحظة وكل يوم...لتبقى سويعات قد لاتحسب...
ولعل دكتور ابراهيم ناجى قد همس بكل ذلك..فى الوداع...واعيد الهمس بتلك المعانى..وصوت العندليب زيدان فى وحيح ذلك البكاء....
وتلك هى الاجابه..
كا افاض بها .اليها..وتلك الدمعه ترتسم على خديه شارخة.وشارحه...؟؟
يا اعطاف .الله...

لك عتق المحبه الدائم....
عرجونة الزمن .الندى..
ربما هى رسالة وداع..مبهمه..نحن لا ندرى بما يخبيه القدر .غدا..ونحن ننتظر توقف قطار رحلتنا فى محطته الاخيره.....!!!

http://www.youtube.com/v/o4pkslen-i0&playnext=1&list=PL298DE167318297B4&index=23

imported_سمراء

02-12-2010, 06:13 PM

جيجى
كل جرح وانت بالف خير !
كل يوم وانت تنسجين من خيوط الزكرى وشاح تدثرين به قلبك الواجف...
صدقينى ياغاليه ...
الحياة مثل الموج ،،،تروح وتغدو ..
ومن يعطينا ظهره ...
فهذا لايستحق منا سوى ان نمسح كل ماتعلق بأعيننا من خيالاته ..

فياغاليه : ان احببت شى فاطلق صراحه ....
فان عاد فهو لك ....
وان لم يعد ...فهو لم يكن لك فى يوما ما ...
فلايستحق لحظة حسرة ...

صدقينى : ليس هناك من يستحق ....

_______

بعدين ماقايلاك رداحه قدر ده ;)

imported_شهرزاد

02-12-2010, 09:23 PM

اقتباس:
المشاركة الأصلية كتبت بواسطة جيجي http://sudanorg.tk/vb/images/buttons/viewpost.gif (http://sudanorg.tk/vb/showthread.php?p=174845#post174845)
هنا تقام احزاني
ارجوكم اطلبوا لي الرحمة

ربنا يرحمك ويرحمنا جميعاً ياجيجي ياختي ..
وما دايم الا وجه الله ..
وحدووووه .