المساعد الشخصي الرقمي

مشاهدة النسخة كاملة : يابو أماني من الحب ما قتل

imported_فتحي مسعد حنفي
19-12-2009, 05:05 PM
في قطيعة موبايلية مع أم أماني حاولت فيها قدر المستطاع أن أزرع بذور الانشقاق بينها وبين بعلها ولكني أصبت بالفشل فهذه المرأة العظيمة المخدوعة في النصيب الذي قسمه لها ألله تعشق هذا الرجل الشين وتحلف انه كان في يوم من الأيام يملك شعر سبيبي تقرقد بعوامل التعرية حسب تعبيرها..وأنه أوسم رجل التقت به..شوفو حكمة الله بتسوي شنوgoood:D
أخبرتني ان هذا الملعون يحكي لها كل ما يدور بيننا من مناكفات وقالت انه يحبني حب شديد فأجبتها بأن من الحب ما قتل وأنا راجل عندي عيال عايز أربيهم ومستغني عن حب أبو أماني ومخليهو ليها ولي أولاده..والغريبة لم تصدق ان أول مرة ألتقي فيها به كانت في نفس اليوم الذي التقيتها فيه..والتقيت فيه أيضا لأول مرة بحبيبنا شليل والسيدة حرمه..
عموما ما تخاف يابو أماني المدام في أيدي أمينة وود أمينة مشرف علي الأمور..
احمد زين
19-12-2009, 09:54 PM
صاحبك يا خواجة اتحنكش علي باقي عمرو وبقى ما بفرق بين الويكة والويكاب
اظن الخبر وصلك
imported_فتحي مسعد حنفي
19-12-2009, 10:11 PM
صاحبك يا خواجة اتحنكش علي باقي عمرو وبقى ما بفرق بين الويكة والويكاب
اظن الخبر وصلك



أولا الشكر ليك علي الشاي وما بتقصر والحمدلله ما قلت ليهو داير تمباك عشان ممكن يرسل لي تمليكة...
المهم ما يكون متفق مع عقابو انهم يصادرو الشاي عشان يدوهو للدكتور وغايتو الله في يا ود الزين وأنا بكرة دربي عديل ماشي العتبة أشتري أكبر كنش في السوق أديهو لي أم أماني المسكينة الضاحك عليها ديgoood:D
أها بالمناسبة هو ما قال لي الشاي مرسلو انت والخبرية دي عرفتها من أم أماني..بالله شفت الخبث والجبن بتاع الراجل دا:Dgoood
imported_مواطن
19-12-2009, 10:38 PM
أبو الفتوح الحبيـب ..
تحياتي الخالصـة ...
تقريرك إتأخر كتير جداً ..
لقد أقام سيادتكم الدنيا وإضطررت أنا صاغراً لإقعادها عندما كتبـت عن الأخ عابدين ..
وتحفظت أنت على ما أرودته من حقائق عن الزين ...إلى أن تراه .. وهاهـو المعيدي أمامك.
أما وقد إستبان لك الآن الخيط الأبيض من الأسود ..
فأرجـو ألا تكونن قد فطـرت على بصلـة كما يقولون ..
فقـد طال صيامك .. كما طال إنتظاري لتقريرك هذا .. والذي أكـد ما ذهبـت إليه آنفاً في مقالي التعريفي بالأخ شـريف ...
أقعـد بالعافيـة ..
imported_فيصل سعد
19-12-2009, 10:40 PM
سلام يا خواجة يا رفيقنا و عمنا
الزول دا انبشوا و جغمس
حنانو :D:D لكن كمان
ما تاكل لحمو، و تشرب دمو،
لانه برضو اخونا الكبير،
و ما بنرضى سيرته يلوكها
كل من هب و دب بسبب
مناوشتك اللذيذة، و نيران حبك
و مدفعية مودتك التقيلة :D:D
بعدين حاسب الزول دا بفطر مع
الوالي و بتغدا مع الارباب و ما
بعيد اتعشى مع الكاردينال ..

تصدق في حنكوشة سألتني :
صحي ابو اماني بتاع مكنات
و جاكات و مفاريك و كدا :D:D
قلت ليها هوي يا بت الناس هوي،،
اوعك تسمعي و تباري جغمسات
الخواجة و تهاويشه،، دا زول بتونس
و بهظر ساي، و مسحلب و صواميله
حالجة و بولتينو ضارب :D:D
و بتاع شدايد و كدا :D:D

استمتع بالشاي الباذخ
و ايامك ساكوبيس :D:D
imported_فيصل سعد
19-12-2009, 10:47 PM
فقـد طال صيامك .. كما طال إنتظاري لتقريرك هذا .. والذي أكـد ما ذهبـت إليه آنفاً في مقالي التعريفي بالأخ شـريف ...
أقعـد بالعافيـة ..

عزيزنا ابو مهيد،
سلام و شوق لك و
لطلتك المفرحة ..
قلت لي اسمه مامون،
بيني و بينك صاحبك
يحير الما بتحير :D:D

ارقد عافية ..
imported_فتحي مسعد حنفي
19-12-2009, 11:53 PM
أبو الفتوح الحبيـب ..
تحياتي الخالصـة ...
تقريرك إتأخر كتير جداً ..
لقد أقام سيادتكم الدنيا وإضطررت أنا صاغراً لإقعادها عندما كتبـت عن الأخ عابدين ..
وتحفظت أنت على ما أرودته من حقائق عن الزين ...إلى أن تراه .. وهاهـو المعيدي أمامك.
أما وقد إستبان لك الآن الخيط الأبيض من الأسود ..
فأرجـو ألا تكونن قد فطـرت على بصلـة كما يقولون ..
فقـد طال صيامك .. كما طال إنتظاري لتقريرك هذا .. والذي أكـد ما ذهبـت إليه آنفاً في مقالي التعريفي بالأخ شـريف ...
أقعـد بالعافيـة ..


قلبك أبيض يابو مهيد..أنا شخصيا من يوم ما قابلتك ما شفت من وراك شي كعب الا اني صاحبت الزول دا عشان فيهو من ريحتك يعني ذنبي في رقبتك...
بعدين يالحبيب خيط أبيض وخيط أسود شنو:confused: يازول أنا من عرفتو ما شفت حاجة بيضا الا القميص الكان لابسو أول يوم أقابلو ودا طبعا عشان معرض أماني وكان لابس رسمي..بدلة وكدا..
غايتو المثل بقول عشان خاطر عين تكرم مدينة وأنا عشان خاطر عيونك صابر ومتحمل والحصل حصل وقالو كتر البتابت عيب وأنا ذاتي ما صقرgooodgoood;):D
imported_فتحي مسعد حنفي
20-12-2009, 12:07 AM
سلام يا خواجة يا رفيقنا و عمنا
الزول دا انبشوا و جغمس
حنانو :D:D لكن كمان
ما تاكل لحمو، و تشرب دمو،
لانه برضو اخونا الكبير،
و ما بنرضى سيرته يلوكها
كل من هب و دب بسبب
مناوشتك اللذيذة، و نيران حبك
و مدفعية مودتك التقيلة :D:D
بعدين حاسب الزول دا بفطر مع
الوالي و بتغدا مع الارباب و ما
بعيد اتعشى مع الكاردينال ..

تصدق في حنكوشة سألتني :
صحي ابو اماني بتاع مكنات
و جاكات و مفاريك و كدا :D:D
قلت ليها هوي يا بت الناس هوي،،
اوعك تسمعي و تباري جغمسات
الخواجة و تهاويشه،، دا زول بتونس
و بهظر ساي، و مسحلب و صواميله
حالجة و بولتينو ضارب :D:D
و بتاع شدايد و كدا :

استمتع بالشاي الباذخ
و ايامك ساكوبيس :
يافيصل أبعد وللا أعمل ساتر عشان في شظايا حتتطاير بعد شوية..بعدين يا فيصل مداخلتك دي حيرتني ما عارفك بتشكر ولا بتنبز فيني..ولو داير تتحنكش مع الحنكوشات أمشي شوف ليك حنكشة تانية وما ليك دعوة بي حنكشتي ولا جغمسة أبو أماني..الانت غيران منو عشان التشكس في المنتدي جاريين وراهو;););) للأسف الأيقونات ديل ما فيهم واحدة فيها عضة الشفة التحت وما لقيت غير الغمزة أفهمك بيها:Dgoood:D
imported_الجيلى أحمد
20-12-2009, 12:16 AM
..بعدين يا فيصل مداخلتك دي حيرتني ما عارفك بتشكر ولا بتنبز فيني


دى الشكبزة ياعمك,:D

فيصل دا لازم تحيدو من بدرى

لأنو مدردر وسلاح خطير وذو حدين..:D


ولو داير تتحنكش مع الحنكوشات أمشي شوف ليك حنكشة تانية وما ليك دعوة بي حنكشتي ولا جغمسة أبو أماني

أبو الزفت
رشو :D:D
imported_نبراس السيد الدمرداش
20-12-2009, 12:27 AM
تعرف يا عمو فتحي
من اكتر الاشياء البستمتع بها في المنتدى مناكفاتك مع ابو اماني و عمو رأفت
بضحك من جوا قلبي رغم اني مرات بكون برا الشبكه لانكم بتتناقرو على اشياء تعرفوها انتو بس
ربنا يديم المحبة بيناتكم ,بس عليك الله الكنش دا خليهو كفاية المفراكه

جيلينا ما تحمش النيران;)
imported_فيصل سعد
20-12-2009, 02:40 AM
بعدين يا فيصل مداخلتك دي حيرتني ما عارفك بتشكر ولا بتنبز فيني..Dgoood:D

علي فرعون يا هامان :D:D
نحن دافننو سواء يا قون :p:p
و يا خواجة انت ما بتتقدر،
و انا ود ناس و مربى و ما قاعد
اشتم و انبز، خصوصا الاعمام
و الخيلان و كدا .. كل الموضوع
تخفيف العيار على الوجيه ابو اماني،
ما يقوم يزعل مننا و يشيل في خاطره،
و انا عارفك بتزوغ و تفك البيرك :D:D
و تردمها فيني انا لا يدي لا كراعي ..
وقع ليك يا باذخ ..

لقدام و العن ابليس ..
imported_الجيلى أحمد
20-12-2009, 02:46 AM
شفتا كيف يافيصل ,

أهو قلب عليك..


عمك دا رشو يامان..:mad:
imported_فيصل سعد
20-12-2009, 02:55 AM
شفتا كيف يافيصل ,
أهو قلب عليك..
عمك دا رشو يامان..:mad:

يا ابو اليشا انت جنيت ولا عاضيك كلب :D:D
عمك دا لو رشيناو المنتدى دا الا تودو الدلالة
او تشوفوا ليو كرتلة و كدا :D:D
بالله بلغ التحايا لاسرتك و اسرة الكنج اب صلعة
ان داهمتهم في سهول نيزرلاند الساحرة ..
بابكر مخير
20-12-2009, 05:59 AM
العارف عزهو مستريح
هكذا قالها الرجل الفخيم دون صوت بل بسكاته على هذه الحملة الجائرة (أو الجائزة أو جايزة،، الله أعلم وما يفرئش)..
الرجل الزين، الزين،
بس خليهم يقولوا ذي ما يقولوا، وإتا ياكا الجميل وليس الجمال هو جمال الخلقة والخلق فقط،، بيكون في مكانن ما نوع جمال لا تراه العيون...
ودآ يابا جمالك..
لك الحب ولي سيد البوست محبة ولي الحبان المتداخلين حبوب وأقراص حب ومحبة، بالكوم وما حبة...
imported_فتحي مسعد حنفي
20-12-2009, 07:38 AM
العارف عزهو مستريح
هكذا قالها الرجل الفخيم دون صوت بل بسكاته على هذه الحملة الجائرة (أو الجائزة أو جايزة،، الله أعلم وما يفرئش)..
الرجل الزين، الزين،
بس خليهم يقولوا ذي ما يقولوا، وإتا ياكا الجميل وليس الجمال هو جمال الخلقة والخلق فقط،، بيكون في مكانن ما نوع جمال لا تراه العيون...
ودآ يابا جمالك..
لك الحب ولي سيد البوست محبة ولي الحبان المتداخلين حبوب وأقراص حب ومحبة، بالكوم وما حبة...


لا حول ولا قوة الا باللهloooolانت يابابكر أخرتا بقيت تبلع حبوب:confused:
ياخوي الحبوب دي خطرة بتودي في داهية أحسن ليك تبعد عنها وخلليك في جوني والسمسمية...ديل مافي منهم خوفgoood:D
imported_عبدالعزيز عبدالله
20-12-2009, 08:07 AM
صباح الخير ....

مالك ياعم فتحي منو المزعلك من الصباح ... ومفاريك شنو وكنش شنو؟؟ وابو اماني منو ؟؟؟ اكيييد انت ما قاصد ابو اماني الزول الزين بتاعنا بتاع سودانيات.... اكيد ابو اماني واحد تاني ...

لكن بيني وبينك بيكون اصلا سبب المشكلة الجيلي احمد أو عم بابكر مخير ... لكن ابو اماني لالالالالالالالا ....

(مع سودانيات سينما ,,, موش حتإدر تغمض عينيك)goood
بابكر مخير
20-12-2009, 08:15 AM
صباح الخير ....
مالك ياعم فتحي منو المزعلك من الصباح ... ومفاريك شنو وكنش شنو؟؟ وابو اماني منو ؟؟؟ اكيييد انت ما قاصد ابو اماني الزول الزين بتاعنا بتاع سودانيات.... اكيد ابو اماني واحد تاني ...
لكن بيني وبينك بيكون اصلا سبب المشكلة الجيلي احمد أو عم بابكر مخير ... لكن ابو اماني لالالالالالالالا ....
(مع سودانيات سينما ,,, موش حتإدر تغمض عينيك)goood

حاشا والله يا وليدي، ما أنا السبب، عمك فتحي تكون حكمت معاهو وما لقى يفكها إلا في الزول الخلوق، المحبوب، الطيب، الشفاف، الهادي، الناعم، (كيتن وإغاظة في فتحي، بنقول الجميل)..
وعشان أبرهن أني مع السيد الفخيم أبو أماني، بدعوك أن نكون جبهة (ولا صلعة زولي وصلعتك العلقت من بعد الحج وشعرك الرافض لأن يعود) عريضة لصد كل الإتراءات والأقوال المجافية لحقيقة طبع زولنا...
ملتزمين، صامديين
معاك يا زين
رايحين، جايين
وراك سايرين
بابكر مخير
20-12-2009, 08:18 AM
لا حول ولا قوة الا باللهloooolانت يابابكر أخرتا بقيت تبلع حبوب:confused:
ياخوي الحبوب دي خطرة بتودي في داهية أحسن ليك تبعد عنها وخلليك في جوني والسمسمية...ديل مافي منهم خوفgoood:D

هو أنا عويرك:mad:
تااااااااااااااااااااني وبعد دعكت براتسلافا أسمع كلامك،
تري ليلي
تلقاها عند الغافل
حبوب وكمان بودرة تالك ظاااااااااااااااااااااااته
بابكر مخير
20-12-2009, 08:24 AM
وآآآآآآآآآآآآآآآآآآآ سارررررررررررررررآ
(سرو والبنيات الطيبات)،
عمكن أبو أماني في وش المدفع
عمكن في زنقة
وكايسين دعمكن وتكثيف الجهود للرد على كل مما لحق بحبيب المعذبين الزين..
وإختياركن؟؟
لأنكن الجنس اللطيف وهو زول لطيف وهنا يوضح السبب:o


همسة لي أبو أماني:
ما تمشي تعجبك الحال وتترشح لرئاسة الجمهورية،،
والله بخاف الفنسة تحصل ونص الطريق، ما تلقى إلا روحك،،،
ما ظرف كدآ كآآآآآآآآآآآآآآرب من المؤتمر وبنتأمر عليك:D
imported_فتحي مسعد حنفي
20-12-2009, 08:25 AM
صباح الخير ....

مالك ياعم فتحي منو المزعلك من الصباح ... ومفاريك شنو وكنش شنو؟؟ وابو اماني منو ؟؟؟ اكيييد انت ما قاصد ابو اماني الزول الزين بتاعنا بتاع سودانيات.... اكيد ابو اماني واحد تاني ...

لكن بيني وبينك بيكون اصلا سبب المشكلة الجيلي احمد أو عم بابكر مخير ... لكن ابو اماني لالالالالالالالا ....

(مع سودانيات سينما ,,, موش حتإدر تغمض عينيك)goood


ياعزيز ياهو أبو أماني ذاتو الما بغباكم..ومتمسكن وغاشيكم..
تخيل قلت ليها داير ويكاب قال لي الولد رسلوهو السوق المركزي مشي جاب ليهم ويكة..قال شنو:confused:الولد ما عارف الفرق بين الويكة والويكاب..
أنا مرتي بتتوحم علي ملاح لبن..هسة أقول ليها شنو..تبل الويكة وتشربا عصير ولا تعمل شنو يعني..أنا غايتو قررت ألبس ولدو دا تهمة..عندي ظابط صاحبي كلمتو يخت للولد دا طربة حشيش ويقبضو متلبس بيها وخليهو يعرف الويكاب دا شنو..
وعمك مخير دا فكت منو من زمان وبقي ما مؤاخذ في البقولو وحقو يعمل حسابو عشان أنا عندي صحبان ظباط في الامارات ممكن أدق ليهم تلفون أخلليهم يلحقوهو ولد أبو أماني بس المشكلة انو ممكن يمرق منها ويقول ليهم دي تبع الشغل شايلا أحللا:(:mad:
بابكر مخير
20-12-2009, 08:38 AM
بس المشكلة انو ممكن يمرق منها ويقول ليهم دي تبع الشغل شايلا أحللا:(:mad:

طيب مدام شايلها ما بتبقى ياها،،
حلالي;)
imported_بدور التركي
20-12-2009, 10:13 AM
ابو اماني دا احلى زول
فشي طبيعي الله يوفقو بأجمل نصيب:)



ازيكم يا حلوين كلكم..
imported_عبدالعزيز عبدالله
20-12-2009, 11:08 AM
حاشا والله يا وليدي، ما أنا السبب، عمك فتحي تكون حكمت معاهو وما لقى يفكها إلا في الزول الخلوق، المحبوب، الطيب، الشفاف، الهادي، الناعم، (كيتن وإغاظة في فتحي، بنقول الجميل)..
وعشان أبرهن أني مع السيد الفخيم أبو أماني، بدعوك أن نكون جبهة (ولا صلعة زولي وصلعتك العلقت من بعد الحج وشعرك الرافض لأن يعود) عريضة لصد كل الإتراءات والأقوال المجافية لحقيقة طبع زولنا...
ملتزمين، صامديين
معاك يا زين
رايحين، جايين
وراك سايرين


انا عارف يا عم بابكر .. انا قلت اشوف اتنين ارمي عليهم السبب وبعداك ما يجو يزرزروني فقلت انت وود الجيلي...



شايفك هسه قاعد تقول ملتزمين وصامدين واريحين وجايين....

ويا خوفي بعدين تجي تقول:

ضيعناك وضعنا معاك:p

لكن هو مااااااااااااااااالو
imported_عبدالعزيز عبدالله
20-12-2009, 11:17 AM
ياعزيز ياهو أبو أماني ذاتو الما بغباكم..ومتمسكن وغاشيكم..
تخيل قلت ليها داير ويكاب قال لي الولد رسلوهو السوق المركزي مشي جاب ليهم ويكة..قال شنو:confused:الولد ما عارف الفرق بين الويكة والويكاب..
أنا مرتي بتتوحم علي ملاح لبن..هسة أقول ليها شنو..تبل الويكة وتشربا عصير ولا تعمل شنو يعني..أنا غايتو قررت ألبس ولدو دا تهمة..عندي ظابط صاحبي كلمتو يخت للولد دا طربة حشيش ويقبضو متلبس بيها وخليهو يعرف الويكاب دا شنو..
وعمك مخير دا فكت منو من زمان وبقي ما مؤاخذ في البقولو وحقو يعمل حسابو عشان أنا عندي صحبان ظباط في الامارات ممكن أدق ليهم تلفون أخلليهم يلحقوهو ولد أبو أماني بس المشكلة انو ممكن يمرق منها ويقول ليهم دي تبع الشغل شايلا أحللا:(:mad:


طيب يا عم فتحي المشكلة بسيطة ....
انت بدل ما تمسك الوجيه ابو اماني ... وتعصرو وتقول ليهو ما وريت الولد الويكاب ليه...
كان ترمي اللوم علي الناس الفي السوق المركزي ... ليه غشو الولد وادوهو ويكة بدل الويكاب... ويكون البياع بتاع السوق المركزي عاوز يخلص بضاعتو زي الزول بتاع سيد الدكان الجاهو واحد قال ليهو عندك شعيرية رد عليهو قال ليهو لا في ليفة سلك...goood
وكلو عند العرب صابون......
ولا شنو؟؟؟؟
imported_أبو أماني
20-12-2009, 06:23 PM
شفتا كيف يافيصل ,

أهو قلب عليك..


عمك دا رشو يامان..:mad:

شنو يا فردة واقع تحاريش في فيصل سعد؟ بعدين إنت الدخلك شنو بين التفاحة وقشرتها؟ ما تقول لي التفاحة منو؟ .. هوووي يا أبو الجلاجل .. والله كان تجيب نسيبك رومل ثعلب الصحراء داك .. أنا ما بخليك والبيرش توحة حبيبي ده بالموية برشو بالدم..شابك فيصل رشو..رشو .. الرشوشة يا يابا الما تلقاها في الفطور .. كمان جابت ليها ماركسيين يفرقوا بين أنصار ال .. ال .. (سنة)؟ ما تتحيير السين دي أكسرها .. وطلع.. د ..كمان! .. يلا يا ملك تسلم وسعدنا بمداخلاتك الكلها تحاريش دي ويسلموا أهلنا التلاينة بطرفكم .. تشاووووو gooodgoood
imported_أبو أماني
20-12-2009, 06:41 PM
العارف عزهو مستريح
هكذا قالها الرجل الفخيم دون صوت بل بسكاته على هذه الحملة الجائرة (أو الجائزة أو جايزة،، الله أعلم وما يفرئش)..
الرجل الزين، الزين،
بس خليهم يقولوا ذي ما يقولوا، وإتا ياكا الجميل وليس الجمال هو جمال الخلقة والخلق فقط،، بيكون في مكانن ما نوع جمال لا تراه العيون...
ودآ يابا جمالك..
لك الحب ولي سيد البوست محبة ولي الحبان المتداخلين حبوب وأقراص حب ومحبة، بالكوم وما حبة...

أي يدا الكلام البونيس..تخليني مع ناس فتحي سمسمية وهاشم ترويقة والجيلي أنجلز..والحبيب شلولخ الما عارفو لي هسي معاي ولا ضدي ديمة يدي يا بابكر يا أخوي الحلي وصا والنقاري عصاء غايتو أخوك أبو أماني مما صاحب فتحي لبط وقع في شر أعماله .. إنت القواث الهجين هولت الحروم الأستنفرتهن ديل ما وصلن لسع؟..طبعا (الألآي المدرع) بقيادة الجنرال سرورة يقضي على الأخضر واليابس من ناس (قريعتي راحت) ديل .. حرم كان وصلن أكان الحلب تشوف جرررايها .... هيييييع عافي منك ياسرورة .. تلحقيني وتفزعيني يمة .. تشششاااااوووgoood goood goood
imported_منال
20-12-2009, 06:46 PM
شنو يا فردة واقع تحاريش في فيصل سعد؟ بعدين إنت الدخلك شنو بين التفاحة وقشرتها؟ ما تقول لي التفاحة منو؟ .. هوووي يا أبو الجلاجل .. والله كان تجيب نسيبك رومل ثعلب الصحراء داك .. أنا ما بخليك والبيرش توحة حبيبي ده بالموية برشو بالدم..شابك فيصل رشو..رشو .. الرشوشة يا يابا الما تلقاها في الفطور .. كمان جابت ليها ماركسيين يفرقوا بين أنصار ال .. ال .. (سنة)؟ ما تتحيير السين دي أكسرها .. وطلع.. د ..كمان! .. يلا يا ملك تسلم وسعدنا بمداخلاتك الكلها تحاريش دي ويسلموا أهلنا التلاينة بطرفكم .. تشاووووو gooodgoood
:D:D:D:D:D:D

أل انصار سنه أل

عم فتحى
خفف العيار شويه
ابوى باق هو وحييييييييييييد loooolloooollooool

مع امنياتى لى يمه بكامل الشفاء


بالجنبه

ابو النسب وين انت و امورك كيف
درشة الشغل و معها المطبخ كلو
عاجبنى ليك
تانى تجى الساعة تسعة ... و تطش من البيت
تحياتى يا جميل
imported_أبو أماني
20-12-2009, 06:48 PM
حاشا والله يا وليدي، ما أنا السبب، عمك فتحي تكون حكمت معاهو وما لقى يفكها إلا في الزول الخلوق، المحبوب، الطيب، الشفاف، الهادي، الناعم، (كيتن وإغاظة في فتحي، بنقول الجميل)..
وعشان أبرهن أني مع السيد الفخيم أبو أماني، بدعوك أن نكون جبهة (ولا صلعة زولي وصلعتك العلقت من بعد الحج وشعرك الرافض لأن يعود) عريضة لصد كل الإتراءات والأقوال المجافية لحقيقة طبع زولنا...
ملتزمين، صامديين
معاك يا زين
رايحين، جايين
وراك سايرين

تسلم تسلم يا الحبيب والله غيرك خلاء .. وإنشاء الله يوم شكرك ما يجي .. قلت لي كلمة الجميل بتعمل لاخونا فتحي مسعد (حستكوزة في الحمبلاظة)؟؟ المصيبة يا بوكو يا أخوي حاولت أفهمه بنفس اسلوبك الراقي ده .. إنو الجمال ما جمال وش أو شكل .. الجمال جمال روح .. ولو ما كده ما أفتكر نسوان مناضلات زي أم أماني وأم آلاء ممكن يصبروا الزمن ده كله على أشكالنا المغييرة دي .. ولا شنو رائيك ؟؟؟ حقيقي يا بوكو الهتاف اللخير ده عجبني بلحيل .. ملتزمين صامدين معاك يا زين رايحين جايين ووراك سائرين .. غايتو فتحي ما ضنيتو ينوم الليلي ..! مشكور يا عزيز ..تشاوووو goood
احمد زين
20-12-2009, 09:11 PM
طيب يا عم فتحي
انت بدل ما تمسك الوجيه ابو اماني ... وتعصرو وتقول ليهو ما وريت الولد الويكاب ليه...
كان ترمي اللوم علي الناس الفي السوق المركزي ولا شنو؟؟؟؟

والله يا عبدالعزيز انت قلبك ابيض وظنونك حسنة
ياخ المشى السوق ابواماني ظاااااااااااتو وطلع حنكوش ما بيعرف الويكاب
قام اشترى للخواجة فتحي ويكة تلايق قناة السويس
imported_أبو أماني
21-12-2009, 11:49 AM
والله يا عبدالعزيز انت قلبك ابيض وظنونك حسنة
ياخ المشى السوق ابواماني ظاااااااااااتو وطلع حنكوش ما بيعرف الويكاب
قام اشترى للخواجة فتحي ويكة تلايق قناة السويس

قالت لي شنو؟ قالت .. القيصيييير يا حكمة .. يا فتنة .. وشلولخ ده طلع فتنة تمخول الراس.. الله يخليك إنت لجنس ده يا دكتور الحيرة .. يا أخوانا نفسي ومنى عيني ألقى لي صاحب عليو الررك يكون أخو لدكتور بابكر مخير وتاني أعقر عليهم .. خوتكم خوووة سمسمية .. goood
شليل
21-12-2009, 02:16 PM
والغريبة لم تصدق ان أول مرة ألتقي فيها به كانت في نفس اليوم الذي التقيتها فيه..والتقيت فيه أيضا لأول مرة بحبيبنا شليل والسيدة حرمه..
تصدق يا أبو الفتوح إنو دي كان أول مره برضو أقابل أبو أماني،
بمحض الصدفة ، يوم في قناة النيل الأزرق ، ظهر شريط إعلاني عن معرض (بت : أبو أماني:D) أبديت رغبة في حضور المعرض ، وأبدت زوجتي برضو رغبتها خصوصاً إنها بتعرف أماني وأسرتها معرفة شخصية بحكم الجوار ، لحدي الزمن داك ما إتبادر لذهني إنو الوجيه أبو أماني عامل خشوش في الموضوع ده. إلا بعد مكالمة العزيزة " منال " وتساؤلا عن رغبتي في حضور معرض أماني .
لحدي ما لاقيتك وابو أماني وحرمو وولادو وجمع كريم من سودانيات
أبو أماني راجل جميل بمعنى الكلمة ، حاضر ، لطيف ، مثقف ، إجتماعي
مرفق مودتي
ولوحة من لوحات أماني محتفظ بيها من الزمن الجميل داك
http://sudaniyat.net/up/uploading/hfhfg.jpg
imported_مواطن
22-12-2009, 05:57 PM
تصدق يا أبو الفتوح إنو دي كان أول مره برضو أقابل أبو أماني،

أبو أماني راجل جميل بمعنى الكلمة ، حاضر ، لطيف ، مثقف ، إجتماعي

http://sudaniyat.net/up/uploading/hfhfg.jpg

الحبـيب الفاتح ...
تحياتي الطيبـة ..
في تقديري أن وصف صديقي عابدين بأنه مثقف يقتضي قدراً عالياً من الديمقراطية المتمثلة في حرية التعبير وهذا حقك.
فقط كل ما أخشاه أن يسوقني ذلك النعت الذي خلعته عليه إلى الظن بأن هناك خللا في آلية عمل الديمقراطية .. :eek: حيث أنني لم ألمس مخايل تلك الثقافة لديه خلال ثلاثة عقود أو يزيد من الصداقة.
لذا أسمح لي أن أسجل إعتراضي المبدئي على النتيجة وأطالب بإعادة التصويـت ..
وليكن أول المصوتين عابدين زاتو
أقعد بالعافية
imported_مواطن
22-12-2009, 06:11 PM
الحبـيب أبو الفتــوح ...
ويكـاب شــنو الإتقلبـت ويـكة ...؟؟ وسـوق مركـزي شــنو .. ؟
دي أفلام من أيام شارلي شابلـن ...
تقـوم بكامل إرادتـك تقطـع تذكــرة وتشـتري الترماي ... :)
يا أخي سبـعة وثلاثـين سنـة وشـريف ده متخصـص مقالب في خلق الله وآخرهـم مقلب سودانيات .. ثم مقلـب الكنيـة التي إنتقاها .. فما تطلع مـدب ..
لافي سوق مركزي ولا في ويكاب ...
أضرب ليه تلفون قول ليه الويكاب ده شـنو ..؟
علىّ الطلاق كان ما جا سألني ...ما تديني يدك ...
ياخي ده مرة عزمتو في بيتنا في نمرة 2 .. وكان من ضمن الأكل مرتديلا ... عاين ليها كووووييــس .. وقال ليّ يا مواطن ما عندكم كِسرة ..؟؟
غمزت لأخوي الصغير وقلت ليه جيب كسرة من جوة ..
جاب ليه الكسرة ... ضرب فيها ضرب يا فتحي ... لما الله غفر ليهو .. تقول ليّ ويكاب
صحي يا فتحي ... الويكاب ده شنـو .. يعني نحن من نمرة 2 وكده .. ما بنعرف المقويات دي ... يكـونـش نوع من النافتاليـن ؟؟؟؟؟ وللا حاجة كدة زي الباسطرما !!!
imported_فتحي مسعد حنفي
22-12-2009, 06:33 PM
الحبـيب أبو الفتــوح ...
ويكـاب شــنو الإتقلبـت ويـكة ...؟؟ وسـوق مركـزي شــنو .. ؟
دي أفلام من أيام شارلي شابلـن ...
تقـوم بكامل إرادتـك تقطـع تذكــرة وتشـتري الترماي ... :)
يا أخي سبـعة وثلاثـين سنـة وشـريف ده متخصـص مقالب في خلق الله وآخرهـم مقلب سودانيات .. ثم مقلـب الكنيـة التي إنتقاها .. فما تطلع مـدب ..
لافي سوق مركزي ولا في ويكاب ...
أضرب ليه تلفون قول ليه الويكاب ده شـنو ..؟
علىّ الطلاق كان ما جا سألني ...ما تديني يدك ...
ياخي ده مرة عزمتو في بيتنا في نمرة 2 .. وكان من ضمن الأكل مرتديلا ... عاين ليها كووووييــس .. وقال ليّ يا مواطن ما عندكم كِسرة ..؟؟
غمزت لأخوي الصغير وقلت ليه جيب كسرة من جوة ..
جاب ليه الكسرة ... ضرب فيها ضرب يا فتحي ... لما الله غفر ليهو .. تقول ليّ ويكاب
صحي يا فتحي ... الويكاب ده شنـو .. يعني نحن من نمرة 2 وكده .. ما بنعرف المقويات دي ... يكـونـش نوع من النافتاليـن ؟؟؟؟؟ وللا حاجة كدة زي الباسطرما !!!

ياود أمات طه حرام عليك الراجل دا عدمتو النفس لامن بطل يفتح النت..
المشكلة الحجة عندي بتحب ملاح اللبن وقالت لي لو في زول جاي من السودان خليهو يجيب لي ويكاب..أبو أماني قال حيشحن أم أماني وفادي بي طيارة تاني يوم وأنا الفعلا مدب قمت كلمتو وتاني يوم قال لي رسلت الولد يجيب الويكاب من السوق المركزي مشي الولد جاب ويكة عشان ما عرف الويكاب دا شنو..
الولد بي جاي قال ماحصل وود الزين أحمد قال أبو أماني كضاب وهو المشي السوق موش الولد...أم أماني قالت ديل كلهم كضابين والويكة شالتا من البيت من المخزون حقها..ألله ينعل أبو الويكاب وأبو اليوم الودانا الأبيض عشان نعرف الويكاب والتمليكة..
المشكلة خلليك من دا كلو ..الويكة ذاتا لغاية هسة ما شفتها والناس ديل كل يوم يشرو فيني ..يوم ماشيت الدكتور وتاني يوم ماشين يعملو الفحوصات الدكتور طالبا وأمبارح فادي قال أمو بايتة عند ناس قرايبم والليلة ماشة تاني للدكتور...يعني بيوزعو فيني وأكيد لا في ويكة ولا يحزنون والحاجة الوحيدة المتأكد منها الشاي الباعتو أحمد زين العابدين ودا ذاتو بكونو أدوهو للدكتور هدية..غايتو خليك قريب وحتسمع العجب..
imported_مواطن
22-12-2009, 09:58 PM
ياود أمات طه حرام عليك الراجل دا عدمتو النفس لامن بطل يفتح النت..
ود الزين أحمد قال أبو أماني كضاب وهو المشي السوق موش الولد...أم أماني قالت ديل كلهم كضابين والويكة شالتا من البيت من المخزون حقها..ألله ينعل أبو الويكاب وأبو اليوم الودانا الأبيض عشان نعرف الويكاب والتمليكة..
..غايتو خليك قريب وحتسمع العجب..

ما قلت ليك تقريرك ناقص .. :cool:
لكن على ضمانتي أي حاجة تقولها شادية صدقها ... لكن هذي العُصيا من تلك العصا.
بابكر مخير
23-12-2009, 05:34 AM
ولوحة من لوحات أماني محتفظ بيها من الزمن الجميل داك
http://sudaniyat.net/up/uploading/hfhfg.jpg

شليل
بالله إتا لاقيت جوز الجلاكين ديل مرة واحدة،،
يكون هدو فيك؟؟؟
كدي رجوع للصورة ياتو فيهم ياتو.:confused::confused:.
غايتو ما شاء الله وقدرة الله في أنه "أبوها قدر صبر كدي لمن رسمهو:("
بابكر مخير
23-12-2009, 05:36 AM
يعني بيوزعو فيني وأكيد لا في ويكة ولا يحزنون

وإتا بي لياقتك دي،
عايز الويكة تعمل بيها شنو
:o:ogooodgoood
imported_فيصل سعد
23-12-2009, 05:49 AM
وإتا بي لياقتك دي،
عايز الويكة تعمل بيها شنو
:

:D:D:D:D:D
:D:D:D:D
:D:D:D
:D:D
:D


و الله يا الحبيب
دي في التمنيات توش،
لكن ارجى الراجيك !!

يديكم العافية ..
imported_عبدالعزيز عبدالله
23-12-2009, 06:03 AM
وإتا بي لياقتك دي،
عايز الويكة تعمل بيها شنو
:o:ogooodgoood


والله يا عم بابكر دي قلبت فيها الهوبة عدييييييل...

هسه عمو الخواجة يقوم يفك ابو اماني ويمسكك عدييل ...
بابكر مخير
23-12-2009, 06:09 AM
والله يا عم بابكر دي قلبت فيها الهوبة عدييييييل...

هسه عمو الخواجة يقوم يفك ابو اماني ويمسكك عدييل ...

قلنا لايوق ما سلسيون:D
imported_فيصل سعد
23-12-2009, 06:16 AM
قلنا لايوق ما سلسيون:D

ما بتتكحل يا حبوب،
و الليلة شكلك كدا،
حتترش رش باذخ :D:D
بابكر مخير
23-12-2009, 06:19 AM
ما بتتكحل يا حبوب،
و الليلة شكلك كدا،
حتترش رش باذخ :D:D

أبو النسب
يا تريليلي
هو الكيشآ الحيستناهو منو؟؟؟
imported_فتحي مسعد حنفي
23-12-2009, 07:31 AM
شليل
بالله إتا لاقيت جوز الجلاكين ديل مرة واحدة،،
يكون هدو فيك؟؟؟
كدي رجوع للصورة ياتو فيهم ياتو.:confused::confused:.
غايتو ما شاء الله وقدرة الله في أنه "أبوها قدر صبر كدي لمن رسمهو:("


تصدق يابابكر أنا الليلة اكتشفت انك عندك موهبة نقدية عالية للفن السريالي....
تخيل أنا زمني دا كلو ما اكتشفت انو الحتتين ديل بيرمزو لي أبو أماني ومدامتو..وبعد ما قريت مداخلتك دي قدرت فعلا أشوف المعني واضح وبالذات لما لاحظت اللطشة الزرقا الفي أبو أماني وتطابق فروق اللون بين الاتنين وحتي في الطول...برافو عليك يابابكرgoood:D:D
imported_فتحي مسعد حنفي
23-12-2009, 07:36 AM
والله يا عم بابكر دي قلبت فيها الهوبة عدييييييل...

هسه عمو الخواجة يقوم يفك ابو اماني ويمسكك عدييل ...



ما تخاف يابو عبدالله..أنا من 45 ستة اكتشفت انو عمك بابكر دا زول ما مؤاخذ..وفيصل سعد البيضحك بالدس دا صاحب ود خالتي محمد ميرغني وبقدر أجيب ملفو وأشرو هنا وأخلي خالد يروسو في الصفحة الأولي:mad::(
imported_فيصل سعد
23-12-2009, 08:08 AM
ما تخاف يابو عبدالله..أنا من 45 ستة اكتشفت انو عمك بابكر دا زول ما مؤاخذ..وفيصل سعد البيضحك بالدس دا صاحب ود خالتي محمد ميرغني وبقدر أجيب ملفو وأشرو هنا وأخلي خالد يروسو في الصفحة الأولي:mad::(

بالدس وين يا لايوق :D:D
نحن نضحك ملء اشداقنا، و
الناس البضحكوا بالدس فايتين اضانك..
بعدين محمد ميرغني و حسين
من اطيب و اكرم و اظرف ناس
العين، و هم في مقام الاعمام مثلكم
تماما ، و الملف المحرق روحك دا
قول لي داير صفحة كم برشها ليك
هنا يا زول و اريحك تب .. بعدين
انت يا عمو ما ممكن "بابا بابكر" يدورك
تقوم تعمل ضحكي السبب، يعني هو
ما مؤاخذ من 45 عام و انا يا دوب
مولود، تقوم تبهتني هسة، عاد دا كلام
دا يا اونكل توحة يا صاحب كركور :D:D

و حقيقي يا خواجة و بعيدا عن الجغمسة،
انتم فقط فاكهة هذا المكان، و قفشاتكم هذه
تداوي همنا و غمنا .. ايه رايك نغير عنوان
البوست من الحب ما قتل يا فيصل سعد،
و نمرق ابو اماني من الجنة و سقطها، و
نخلي يشرب ما يروي كية في الويكاب، و
بيني و بينك لخبتتة بابكر اخير من شتارة
الوجيه :D:D و بكدا هاشم طه يفش غبينته و
مغسته و يهدأ بالو، و خلي صاحبنا يسرح في
قهوته و يكوس ليو زبائن فرش و كدا ..
imported_فتحي مسعد حنفي
23-12-2009, 08:26 AM
بالدس وين يا لايوق :D:D
بعدين محمد ميرغني و حسين
من اطيب و اكرم و اظرف ناس
العين، و هم في مقام الاعمام مثلكم
تماما ، و الملف المحرق روحك دا
قول لي داير صفحة كم برشها ليك
هنا يا زول و اريحك تب .. بعدين
انت يا عمو ما ممكن بابا باكر يدورك
تقوم تعمل ضحكي السبب، يعني هو
ما مؤاخذ من 45 عام و انا يا دوب
مولود، تقوم تبهتني هسة، عاد دا كلام
دا يا اونكل توحة يا صاحب كركور :D:D


تكركر الموية في حلقك انشاللهgoood
خلاص رش لي ملف فتحي الجاك وملف عبد الرحيم الكوباني..
وما تنسي في ملف طوارئ عند الباش مهندس بشير عثمان البقاري البقعد في دكان التياب نسيب علي جابر وصاحب عباس ريحان قون التحرير سابقاgoood
ولا أقول ليك ايه رأيك نسأل الفكي النصاب مصطفي عوضون..:D
imported_فيصل سعد
23-12-2009, 08:55 AM
و حقيقي يا خواجة و بعيدا عن الجغمسة،
انتم فقط فاكهة هذا المكان، و قفشاتكم هذه
تداوي همنا و غمنا .. ايه رايك نغير عنوان
البوست الى "من الحب ما قتل يا فيصل سعد"
و نمرق ابو اماني من الجنة و سقطها، و
نخلي يشرب ما يروي كية في الويكاب، و
بيني و بينك لخبتتة بابكر اخير من شتارة
الوجيه :D:D و بكدا هاشم طه يفش غبينته و
مغسته و يهدأ بالو، و خلي صاحبنا يسرح في
قهوته و يكوس ليو زبائن فرش و كدا ..

كدي دور الشغلانة الفوق
دي و ادينا رايك ..

بعدين كوباني زولك الجهامة
بتاع الشيكات الطايرة الكان بخبت
البتان بتاعين التكسي بكلبشات الشرطة
و البقوم بخروف براو ولا زول تاني، و نحن
طبعا ما حضرناه و سمعنا بيو سمع هو و
واحد بحكوا لينا عنه اولاد خالتك اسمه شيطان
الكوشة .. و محمد مرغني شلته و ندمائه ناس
بحري عوض الله مصطفى "سودانير" و سامي
جار الله و دكتور "احمد نوس" و دا ود دكتور
حليم و اخو "توني" و د. عصام المجمر من
المزاد .. و الشلة دي لو قعدت معاها بشاي
و قهوة ساي بتضحك اسبوع اسبوعين بمزاج ..

هسي ود مخير دا يدورك، و يمرق
منك ساي، و يزوغ !!
imported_فتحي مسعد حنفي
23-12-2009, 02:28 PM
كدي دور الشغلانة الفوق
دي و ادينا رايك ..

بعدين كوباني زولك الجهامة
بتاع الشيكات الطايرة الكان بخبت
البتان بتاعين التكسي بكلبشات الشرطة
و البقوم بخروف براو ولا زول تاني، و نحن
طبعا ما حضرناه و سمعنا بيو سمع هو و
واحد بحكوا لينا عنه اولاد خالتك اسمه شيطان
الكوشة .. و محمد مرغني شلته و ندمائه ناس
بحري عوض الله مصطفى "سودانير" و سامي
جار الله و دكتور "احمد نوس" و دا ود دكتور
حليم و اخو "توني" و د. عصام المجمر من
المزاد .. و الشلة دي لو قعدت معاها بشاي
و قهوة ساي بتضحك اسبوع اسبوعين بمزاج ..

هسي ود مخير دا يدورك، و يمرق
منك ساي، و يزوغ !!


كلام تمام خالي من الشقوق والطقوق..
عبد الرحيم ياهو ذاتو الحكو ليك عليهو دا وبالمناسبة الكلبشات ما كانت بتقفل في جريدة ايدو والبتان ما كانو بيركبوهو عشان بيكسر ياي العربية لامن يقعد فيها..
أما باقي الشباب ديل منهم البعرفم ومنهم الما سمعت بيهم لكن في كل الأحوال العين كان فيها أجمل شباب في الامارات وحتي مواطنينا ذاتم ظراف وأنا شريك محمد مبارك الخيلي خال سيف بن زايد كان بيتم في زاخر..وأنا كنت بمشي لي اسحق الحلنقي والريح عبد القادر وجمال البربري العندو شركة زراعية في دوار الساعة..وطبعا ناس عامر الشلالية اولاد أخت عبد الحميد صيام..
أنا ود مخير فدا يافيصل قالو جاهو ضغت وسكري وأنا ما بقدر أتحمل مسئوليتو كان شديت عليهو وجاتو حاجة لا سمح الله..
خلاص أديناك العفو التام مبدئيا الي أن تلخبت مرة تانيةgoood:D
imported_أبو أماني
23-12-2009, 06:49 PM
وآآآآآآآآآآآآآآآآآآآ سارررررررررررررررآ
(سرو والبنيات الطيبات)،
عمكن أبو أماني في وش المدفع
عمكن في زنقة
وكايسين دعمكن وتكثيف الجهود للرد على كل مما لحق بحبيب المعذبين الزين..
وإختياركن؟؟
لأنكن الجنس اللطيف وهو زول لطيف وهنا يوضح السبب:o


همسة لي أبو أماني:
ما تمشي تعجبك الحال وتترشح لرئاسة الجمهورية،،
والله بخاف الفنسة تحصل ونص الطريق، ما تلقى إلا روحك،،،
ما ظرف كدآ كآآآآآآآآآآآآآآرب من المؤتمر وبنتأمر عليك:D

طبعا غير أبو عبدالله وود مخير ومنال مافي زول قاعد يقيف معاي .. ديك طبعا رجال يسدوعين الشمش .. لاكين منال أقول ليها .. ينصرديييييينك يا منولة.. ياأخي إنتي والله .. أقول ليك شنو بس؟ صدقيني أنا كلام أعمامك وأبواتك ناس فتحي وهشومة و أبو عبد الله الشايل الطار ويحمس في النار وجاري معاي سنة ناعمة داك ..كلو ما شغال بيو الشغلة ..عارفهم عجائز مخرفين تجاوزوا ال إكســــبا يري ديت حقهم وقاعدين مستنيين .. مستنين شنو؟؟ يعني حيكون شنو ما .. يوم شكرهم .. الله لا جابو .. وقالوا أخير نكسر الوقت ب .. أبو أماني .. ما حيطتم القصيرة ... أنا لاقيني طييييب ومسكين وأمري هيييين وقليبي أبيض من (صحيفة منجزات الهلال) ..قاموا حقروا بي .. لاكين وحاتك ياغالية ما بسكت ليهم .. قبل كان مصبرني عليهم الدكتور الراقي بوكو الختري .. لكن خلاس بوريهم المكشن ..

أولا الخواجة غلطان ثم غلطان.. يعني يرضيك يطلب مني حاجة زي دي عمري ماسمعت بيها؟ تصدقي بالله يا مؤمنة أنا مما كلمني لفيت ليك صيدليات الخرتوم على حدهن .. لما في اللاخر حاجة حواء جارتنا قعدت لي الموضوع .. وكمان أنا لما رسلت ليو الويكة وحاة نظري كت قائلو إسم الدلع حق الويكة..يجي يا منال يقول أبو أماني عامل فيها حنكوش؟!

أحيييييي وتااااني .. أحييييي ..إنا يا منال على خواجات دول العالم الثالت ديل؟! البيحميني أتحنكش شنو؟ .. كان فتحت في سنة ستين من القرن العشرين .. لقيت أهلي مقرضمين ومفلهمين الناس يلبسوا السروال والعراقي وهم يلبسوا الكرفتات والبيجامات والبناطلين .. يركبوا الكارو .. أبواتنا في الموريس ماينور تلقاهم راكبين .. خليني النفضفض يا بتي .. هو الكلام بفلوس؟ .. وكت ناس بري كانوا بيتكيفوا ب أبو نخلة والقمشة ..والتنباك أبواتنا كانوا بيشربوا .. الكنت والرثمان والبنسون والكدوس ..

وكان لي أبوك هاشم الما بترضى فيو كلمة داك .. خليو يكضبني زي عادتو كان بقدر .. طبعا كلنا عارفين الحبيب هاشم من أولاد الخرتوم إتنين .. ناس العز المبين ..أولاد البيض من المصارين .. لما يسكروا ناس بالعرقي ويمزوا بفول الحاجات .. هم كانوا بيساهروا بمختلف الوان الليبل والكروف واسيه والمزة جبنة مضفرة وزيتون ووز وبط .. وناس قدوري وحمدين وأبو الوليد وأبو حمدي لا قرش لا تعريفة لاطين لط .. تفتكري زول دي مواصفاته ومن أرقى أحياء الخرتوم .. ممكن يصادق .. وأكرر يصادق مش يصاحب زول من بري؟ لو ليم يكن هذا الزول .. صم ثينغ؟!!!

وزي ما قالها ليكم البروف الرائع .. صاحبنا وحبيبنا وأخونا الكبير والصغير بوكو الفريد في عصرو .. قالها ليكم بالبونط العرييييض .. (( العارف عزو مسترييييح )) ولكن ما ذنبه إذ لم تفهم .. ال.. الب.... ولا بلاش ...

ختاما .. شليل .. شليل .. عليك الله ألا يحق لأبي أماني أن يمد رجليه ؟؟ تششششااااووووgoood
imported_أبو أماني
23-12-2009, 07:04 PM
سلام يا خواجة يا رفيقنا و عمنا
الزول دا انبشوا و جغمس
حنانو :D:D لكن كمان
ما تاكل لحمو، و تشرب دمو،
لانه برضو اخونا الكبير،
و ما بنرضى سيرته يلوكها
كل من هب و دب بسبب
مناوشتك اللذيذة، و نيران حبك
و مدفعية مودتك التقيلة :D:D
بعدين حاسب الزول دا بفطر مع
الوالي و بتغدا مع الارباب و ما
بعيد اتعشى مع الكاردينال ..

تصدق في حنكوشة سألتني :
صحي ابو اماني بتاع مكنات
و جاكات و مفاريك و كدا :D:D
قلت ليها هوي يا بت الناس هوي،،
اوعك تسمعي و تباري جغمسات
الخواجة و تهاويشه،، دا زول بتونس
و بهظر ساي، و مسحلب و صواميله
حالجة و بولتينو ضارب :D:D
و بتاع شدايد و كدا :D:D

استمتع بالشاي الباذخ
و ايامك ساكوبيس :D:D

صح لسانك يا العزيز الغالي ود الغاليين .. بس صدقني يا أستاذي العزيز .. مما تعرفت بهذا الخواجة .. نسبة المعجبات في إنحدار شديد والله يا فوفو .. داوو جونز يقصر .. غايتو طبعا المؤمن مصاب .. وربنا يبتلي العبد الذي يحب .. وعليه حباني الله فحباني بصداقة توحة وهشومة باقي ليك البيصبر على جنس ديل ما بخش الجنة؟ ولو أني ضامنها لاني شريفي..
دكتور أبو مازن..ما تقول ما سامعك..بالغت كيف يعني إنت ناسي إنو الجعافرة من آل البيت؟ ... قال بالغت قال يلا goood goood!!! تشاو