الزوجة أجنبية و البعْـل سوداني : ( حلاتكم عندنا و شنات بلدكم )

[imported_أبوجهينة]

الأجنبيات المتزوجات من سودانيين يقلن أن السوداني كزوج هو رجل مثالي من الدرجة الممتازة
و مافيش أحسن منه .. و هي شهادة و الحمد لله من نساء يتمتعن بكامل قواهن العقلية و الجسدية
و شهادة غير مشروخة أو مجروحة
و لكن كثيرات منهن أتين للسودان ، و ( قالن الروب و فرتقن ) ... إلا فيما ندر و في حالات هنا و هناك
زولنا ، كان يعمل بليبيا في عز حمى النزوح إليها و في بدايات الدستور الليموني ، ثم تزوج هناك بصبية مغربية جميلة تحمل فيما تحمل في دمائها بعضا من جينات قبائل البربر فهي فرعاء عنقاء شديدة بياض البشرة ،، بهجة تسر الناظرين و الناظرات ، ثم أتى بها للسودان متباهيا فرحانا جزلا و كأنه يجر الدنيا من قرابها

[imported_أبوجهينة]

وصلوا المطار ،،، ثم إلى خارج المطار و رويدا رويدا بدأت ضواحي الخرطوم إبتداءا من اللاماب بحر أبيض تدخل في قلب البنية توجسا و خيفة ،
و ما أن لاحت للغندورة الكلاكلات من بعيد بجدرانها الطينية حتى أصابتها قشعريرة و إمتقع لونها الذي يحاكي جبنة الدويم و صار كالدكوة المعطونة شطة غبشاء ،
و لاحظ زولنا نظرة الهلع و الإحباط في عينيها

[imported_أبوجهينة]

و في البيت ، قابلها الجميع بالترحاب رغم أنهم غضبوا لزواجه من أجنبية دون علمهم ،
و لأنه حرم بنات القبيلة من شيلة ليبيا و الذي منه ،،،
و ظلت بنات الأهل و الجيران يدخلن و يمرقن يتفرجن على العيون البقرية و البشرة الحليبي كحليب الصافي و المراعي ، و الشعر الزى سبيب الحصان المضفور غليد و راقد عند الخصر ،،،
و جلست البنية وسطهن و كأنها ملكة متوجة تتصفح هذه الوجوه السمراء الودودة ،،،
و عندما أتوا بوجبة الغداء ، تصادف أن كان صحن الويكة المفروكة ضمن المائدة العامرة باللحم المحمر و المكرونة و كل ما جادت به صواني الأهل و الجيران لزوم المجاملة و التكافل الغذائي،
و عندما شاهدت المغربية واحدة من عجايزنا و هي تدردم لفة الكسرة بملاح الويكة و تقذفها بحرفنة و إقتدار داخل فمها دون أن تخطيء الهدف ،... تكنكشت البنية و أصابها الذعر و طلبت ساندويتشا و دلفت للغرفة و هي تتلفت خلفها متوجسة ،،

و ما أن حل عليها الليل البهيم في الكلاكلة دون تيار كهربائي حتى بدأ البعوض وصْلته الغنائية الليلية فصار ينوني فوق رأسها مرحبا بها حتى سهر أهل الدار يذودون عنها الناموس الذي إستحلى دم هذه الغزالة ، و أصر البعوض على أن يتذوق دم هذه الفنجرية حلاوة نبق ..... فكلما ناوشوه بالطرح و الفوط و تياب الجيران ، راوغ و تزاوغ بمهارة ثم أعمل سلاحه الحاد المسنون في جسد البنية الطري ، فتولول بغنج و دلال فيهرع إليها أهل الدار مخففين من المصاب الجلل بقطع القطن المعطونة في الكولونيا و الديتول
حليل شفعنا ،، الواحد يقوم من النوم مقدقد كأنو كان جاري في غابة من أشجار النبق

[imported_أبوجهينة]

و ما أطيب شعبك يا بلدي ،، لو دي سودانية متزوجة راجل من بلد تانية ،، و راحت بلدو ، كانوا وروها هناك نجوم القايلة و نوم الكيعان
و عند الصبح ، كان جسم البنية كتربيزة اللحام مزين بلسعات البعوض في دوائر حمراء و سوداء ، أما البعوض فقد إختفى مرهقا بعد أن ظل طوال الليل في كر و فر حتى شبع من الدماء المغربية الذي جربه كنوع جديد لم يذوقوه من قبل في سوق دماء الكلاكلة المشبع بالتركين و البوش و أنواع الويكات ، فأصرت البنية بعد أن وجدت العذر للحرد ،، على عدم المكوث في الكلاكلات التي لا يتحدث فيها اللغة العربية إلا الراديو في ذلك الزمان ... إلا من بعض الجيرة هنا و هناك.

[imported_أبوجهينة]

فظل المسكين مشلهتا طوال اليوم ،
يأخذها إلى حديقة الحيوان و يتمشى بها في شارع النيل ،
و يقيل بها في القراند هوتيل ،
و يغديها في القرينفيلدج و يعشيها في كازينو حماد العائم ،
ثم يعرج بها إلى سينما النيل الأزرق ،
و أحيانا قاعة الصداقة ، و يعود بها في أنصاف الليالي منهكا ظنا منهما أن البعوض قد شبع من الدماء المحلية في غيابهما ، إلا أن البعوض الذي يؤمن بالتجربة و الدليل بأن المستورد أجود دائما ،، يظل ساهرا مفنجلا حتى عودتهما و هو يعرف أن البنية المتل الفجل ستأتي حتما ، فهو قد أدمن الدم المغربي البربري فيبدأ طلعاته و هجومه، فيقضي زولنا بقية السهرة مع أفراد أسرته في إصطياد البعوض الذي كان مختفيا في زوايا لا تصلها المبيدات و بالرغم من البخور العابق طول الليل بقرب سريرها، ثم ينامان بعد بزوغ الفجر ،
فتوقظه الساعة العاشرة ، لتدور نفس الساقية ، فلا جامل أهله بزيارات ، و لا شال الفاتحات ،
بل قضى أيام إجازته في تحسين البيئة الكلاكلية للغندورة ،،،،،
و عندما صارت الجيوب خالية الوفاض إلا من مصاريف العودة ، أخذها و رجع إلى ليبيا ، ثم سمعنا أنه ذهب معها إلى قريتها بالقرب من مدينة إفران الجميلة مسقط رأسها و قاما بفتح كشكا لبيع المرطبات و السجاير ،
و بما أن جو منطقة إفران يشابه جو سويسرا قليلا، فقد نجح الهمبريب المغربي في أن يجعله يتذكر الكلاكلات في الأعياد فقط ، فقد كان زولنا مدمنا على أم فتفت و الشربوت ، و لم تستطع كل أكلات المغربية و مشروباتها المعتقة أن تجعله ينفك عن تذكر عشقه القديم ،، و لا زال مكنكشا فيها و لله في خلقه شئون

[imported_أبوجهينة]

أما فريدة المصرية ، و التي قيلت في جدتها الأغنية الشعبية المصرية : الطشت قال لي ، يا حلوة ياللي
يعني من كتر حلاوتها ، نطق الطشت النحاسي و تكلم بلسان عربي مبين ،،، و لسان زوج البنت فريدة الرجل المحسي ، لسان أعجمي يستاهل أن يربطوا له مصران الضحية أو المصران المسمى أخو إخوان ، ذلكم الغليظ الأدهم حتى يزداد فصاحة

[imported_أبوجهينة]

قرر زوج فريدة أن يأتي بها للسودان ،
بعد أن صور لها قريته بالشمال و كأنها منتجع في جبال الألب ، ما أن يدخله المريض حتى تنتفخ رئتيه بسرابيل العافية و الصحة
و تغنى لها بكل أغاني الحقيبة التي بها طاري النسيم و الهمبريب ،
و أن منزله يطل على كورنيش النيل ،، مع إنو من بيتو للنيل لا بد أن يتحرفن في المشي تفاديا للشوك و الضريسا،،
و بالغ قليلا حينما قال لها أن البلحة الواحدة في قريتهم ممكن أن تأكل نصفها بعد الغدا و النصف الآخر بعد العشاء من كبر حجمها ، أما النواية فيمكن أن تسند بها الزير القناوي بكل بساطة

[imported_أبوجهينة]

و توكلا على بركة الله بقطار الصعيد إلى أسوان ،
و منها بالباخرة إلى وادي حلفا ،
و إلى هنا كانت الرحلة في منتهى الجمال و الفرفشة و القرقرة و هي تخبط بكلتا يديها على صدره بعد كل جملة يقولها و هي تضحك ضحكة كضحكة هندرستم
ينيلك يا إسمك إيه ،، دمك شربات ،، ربنا يخليك ليا يا سبعي

فينتفش ( بربرينا ) كما الديك الرومي المجهز للذبح قبل أعياد الفصح و الكريسماس
و كلما نظر إليها ( برابرتنا ) و علقوا بلغتنا النوبية ،، قالت و هي تدور ببضعة أصابع من يديها فوق رأسها في حركة دائرية
حابس حابس من كل شيطان لابس ،، حيحسدونا يخويا

[imported_أبوجهينة]

مسكينة فهي لا تدري الحياة في قرانا المحسية ،،
إنه جهاد أكبر ،، خاصة أيام هجوم جحافل النمتي الذي يجعل المنطقة خلف الأذن مباشرة منطقة كالرمال المتحركة أو تذكرك بالبيتزا ماركة بيتزا هت ،،
و خاصة آذان الأطفال ،، لذا تجد أن معظم ناسنا تلك الأيام يضعون على وجوههم قطعا شفافة من القماش فتضطر للسلام على الناس بعد أن تتأكد من القادم من ثيابه أو حذائه حتى لا تخلط بين الرجل و المرأة لأن الوجه يكون ضبابيا و كأنه في حفل تنكري

و لكن ما أن وصلت البنت ( أم كل خد عليه رمانة ) إلى ميناء وادي حلفا ، حتى تحول الرمان في خدودها إلى شيء أشبه بثمار العشر في خضرته الباهتة ثم إنقلب إلى لون زرنيخي من شدة الغضب
فقالت من بين أسنانها :
الجواب باين من عنوانو ياخويا ،، هي دي بلدكو ؟ دي ولا حاقة ،، دي بلدنا اللي في الصعيد الجواني ،، أحلى منها مية مرة
فقال مشفقا ،،، دي حلفا اللي غرقها السد بتاعكم و لسع ما عمروها ، أصبري عليها شوية ،، حترجع مدينة تاني

[imported_أبوجهينة]

ثم أتى بها إلى موقف اللواري المتجهة بقدرة الله سبحانه و تعالى جنوبا،
حيث تكوم المسافرون و المسافرات فوق تكويشة العفش و جلسوا القرفصاء ككورة ضربة الجزاء الموقية للتهديف ،
فتسلقت اللوري بعد عدة محاولات إنزلاقية بمساعدة زوجها ،
و تقنطرت مع المتقنطرات و المتقنطرين في إنتظار البهدلة جنوبا ،،
ثم تسلمت حذائها فردة بعد أخرى رميا من زوجها من أسفل
و ما أن جلست فوق التكويشة حتى صك مسامعها سيل لا ينقطع من الونسة باللغة النوبية فتلفتت مذعورة و قالت لزوجها
يا لهوي ، دول بيقولوا إيه يا خويا ؟
و تجاهل سؤالها عمدا

[imported_أبوجهينة]

و بما أن طريق حلفا السكوت المحس دنقلا بالبر الشرقي ، ليس به مطبات من النوع المألوف ،
و لكنها من النوع الذي يجعل الراكب و كأنه رائد فضاء في مركبة فضائية و هو يسبح في الهواء في حالة إنعدام وزن ، ثم يعود الراكب مرة أخرى و لكن ليس في محله المعهود ، بل إما في حضن واحدة أو واحد ، ثم يتزحزح حبوا إلى مكانه قبل أن يفاجؤه مطب آخر و يفقد توازنه مرة أخرى

المسكينة فريدة ، لو كانت شاربة حليب لتحول في بطنها إلى سمن بلدي معتبر فظلت صامتة ،
و الصمت أحيانا أبلغ من الحديث الطويل ، و كأنها قالت في نفسها : لما أشوف آخرتها
و إلى هناك ،، وصلوا ليلا ،، و المكان صامت ، لا تسمع غير نقيق الضفادع ،، و حشرات ليلية تمارس لحنا نشازا ، و أصوات نباح كلاب بعيدة تبتعد و تقترب
و ظلام دامس تكاد لا ترى أصابع يديك ،، و سكون مطبق
قالت له ،، هو مافيش كهربا ولا إيه ،، الحتة مافيهاش صريخ إبن يومين
قال و هو يزدرد ريقه بصعوبة : لا مافيش

[imported_أبوجهينة]

هنا تملك فريدة غضب من النوع الصعيدي فحلفت برأس أبوها و جدودها بأنها لن تطأ ذلك المركب الذي بدا على ضوء البطارية كقوارب الهنود الحمر،،،
و حلفت مرة أخرى برأس خالها الذي لازال من المطاريد خارجا عن القانون و يعيش في جبال أسيوط بأنها ستعود لمصر ،،
و رغم الإلحاح و التحنيس لم تتزحزح فريدة عن قسمها قيد أنملة ،،
و قضت ليلتها في تلك القهوة المعروشة بالجريد و البروش القديمة تتجرع شايا أسودا ،،
و في اليوم التالي ،، وجدوا سيارة البوستة متجهة شمالا فتوكل زوجها و شد الرحال لحلفا ثم لمصر بعد أن أوصى بعفشه لصاحب القهوة ليرسلها لأهله مع قبلاته
أما فريدة ،، فقد قالت لأهلها بالقاهرة بأنها كانت على مشارف قرية خالية من الحياة
و قالت متأففة : بلدكو إيه جاتك ستين نيلة فيك و في بلدكو
فإبتسم زولنا إبتسامة المغلوب على أمره ،، اليائس من عودتها جنوبا

[imported_أبوجهينة]

إنتهى
و تستمر الحكاية

[imported_سمراء]

ابو جهينة انت عندك اسلوووووووب عجيب مرة واحده
ياخ انا بقراء واضحك وماقادرة ارد

عموما بتلقانى طواااالى فى خطراتك وبقراء ليك
ممتعه حروفك

[imported_أبوجهينة]

سمراء
حبابك مليون
مشكورة على المرور

عموما بتلقانى طواااالى فى خطراتك وبقراء ليك

مرورك دافع للكتابة
دمت

[imported_نبراس السيد الدمرداش]

استاذي أبو جهينه
مساءك سعيد
متعة كتاباتك انك بتلفت النظر لقضيه معينه باسلوب بسيط و سلس

الزواج باجنبيه
اختلاف العادات
اختلاف البيئات(طبيعيه,ثقافيه ,.....الخ)
اختلاف المعتقدات
تقبل الاسره السودانيه لوافده من بلد آخر لتكون جزء منها
مع ملاحظة ان بعض الاسر لا تقبل بزوجة ابن من قبيله اخرى ناهيك عن بلد آخر

[imported_nagwa]

أبو جهينه
سلامات
وفي كمان من عاشوا معاهم واستمروا حتي بعد ماراجعوا السودان انت تكلمت عن الرجل زواج الأجانب من سودانيات ماذا تقوال برجع تاني

[imported_فتحي مسعد حنفي]

استاذي أبو جهينه
مساءك سعيد
متعة كتاباتك انك بتلفت النظر لقضيه معينه باسلوب بسيط و سلس

الزواج باجنبيه
اختلاف العادات
اختلاف البيئات(طبيعيه,ثقافيه ,.....الخ)
اختلاف المعتقدات
تقبل الاسره السودانيه لوافده من بلد آخر لتكون جزء منها
مع ملاحظة ان بعض الاسر لا تقبل بزوجة ابن من قبيله اخرى ناهيك عن بلد آخر

طبعا يانبراس الحالات الذكرا أستاذنا أبو جهينة ما مقياس اطلاقا عشان في أجنبيات جو وعاشو في السودان وبقو سودانيات زيهم وزي أي سودانية والحكاية بترجع لي الزوجة وأسباب زواجا من الشخص السوداني هل لتحسين مستوي المعيشة ودا بينطبق علي نساء المعسكر الاشتراكي السابق الباحثات عن الحرية..أنا شخصيا كنت متزوج من خواجيتين وكان عندهن استعداد يعيشو في جهنم ولكن للأسف واحدة فيهن بأمر الدكتور لم تواصل بسبب مرض في القلب لا تستطيع معه الحياة في جونا الحار والثانية بسبب أمها المتسلطة التي حاربت بكل ما تملك من قوة حتي لا تذهب ابنتها الي أفريقيا وبالمناسبة الاتنين ندمانين لغاية النهاردة وعلاقتي بيهم ما انقطعت وكمان سقت مرتي التالتة السودانية ومشيت زرتهم في بلدم وأولادي علي اتصال دايم بأخوانم هنا ومنهم الجو مصر في زيارة..
نرجع تاني للموضوع..شوفي زوجتي البوفيسور عبدالله الطيب والأديب الطيب صالح رحمهما الله وحتلقي انو انتمائهن للسودان لم ينقطع حتني بعد رحيل أزواجهن..
وهناك زوجة الأخ صلاح بخيت اليوغسلافية ودي خالد الحاج بيعرفا وساكنة قريب لي نادي الأسرة..دي بقي بقت تعوس الكسرة وتفرك الملاح ومواصلة في الزيارات مع نسوان الحلة ومافي زول بيفكر انها خواجية وأفتكر هي ذاتا نست انها خواجية..
يعني الموضوع بيتوقف علي أصل الزوجة وتعليمها وكم من أوروبية عايشة في مجاهل أفريقيا مع أزواجهن وبقو يرطنو كمان:o:D:)

[imported_نبراس السيد الدمرداش]

عمو فتحي
انا ما قلت انو هذه الزيجات محكوم عليها بالفشل او تعايش الاجنبيات في بلدنا من رابع المستحيلات,انا قلت انو في اختلاف في اشياء بيننا و بين الشعوب التانيه
انا بتكلم بصوره عامه ,حاليا في زيجات كتيره بين سودانيين و جنسيات مختلفه بس المشكله في المعيشه في السودان و التأقلم مع اشياءنا و عاداتنا و ثقافاتنا


يعني الموضوع بيتوقف علي أصل الزوجة وتعليمها

هنا مربط الفرس , الاستعداد عند الزوجه و التنازلات الممكن تقدما

[Osman Hamad]

المسكينة فريدة ، لو كانت شاربة حليب لتحول في بطنها إلى سمن بلدي معتبر

أوريك إنت عاوز تكتب شنو، لكن غالبك ;) !!؟

والله دا كان أنا، كان إجدعت ليك فى الجُملة ;) والقاتل الله والحايى الله;)

[imported_مرافي]

و ما أطيب شعبك يا بلدي ،، لو دي سودانية متزوجة راجل من بلد تانية ،، و راحت بلدو ، كانوا وروها هناك نجوم القايلة و نوم الكيعان
و عند الصبح ، كان جسم البنية كتربيزة اللحام مزين بلسعات البعوض في دوائر حمراء و سوداء ، أما البعوض فقد إختفى مرهقا بعد أن ظل طوال الليل في كر و فر حتى شبع من الدماء المغربية الذي جربه كنوع جديد لم يذوقوه من قبل في سوق دماء الكلاكلة المشبع بالتركين و البوش و أنواع الويكات ، فأصرت البنية بعد أن وجدت العذر للحرد ،، على عدم المكوث في الكلاكلات التي لا يتحدث فيها اللغة العربية إلا الراديو في ذلك الزمان ... إلا من بعض الجيرة هنا و هناك.

العزيز ابو جهينة
كالعادة وصف ممتع ودقيق
مزيييد من الابداع...
أما البعوض فقد إختفى مرهقا بعد أن ظل طوال الليل في كر و فر حتى شبع من الدماء المغربية الذي جربه كنوع جديد لم يذوقوه من قبل في سوق دماء الكلاكلة المشبع بالتركين و البوش و أنواع الويكات ،

وانا تاريني اقول المغتربين لما يسافروا
الباعوض بيلتهم اجسادن بنهم ليييه؟؟؟:D:D

[imported_Hassan Farah]

الأجنبيات المتزوجات من سودانيين يقلن أن السوداني كزوج هو رجل مثالي من الدرجة الممتازة
و مافيش أحسن منه .. و هي شهادة و الحمد لله من نساء يتمتعن بكامل قواهن العقلية و الجسدية
و شهادة غير مشروخة أو مجروحة
و لكن كثيرات منهن أتين للسودان ، و ( قالن الروب و فرتقن ) ... إلا فيما ندر و في حالات هنا و هناك
زولنا ، كان يعمل بليبيا في عز حمى النزوح إليها و في بدايات الدستور الليموني ، ثم تزوج هناك بصبية مغربية جميلة تحمل فيما تحمل في دمائها بعضا من جينات قبائل البربر فهي فرعاء عنقاء شديدة بياض البشرة ،، بهجة تسر الناظرين و الناظرات ، ثم أتى بها للسودان متباهيا فرحانا جزلا و كأنه يجر الدنيا من قرابها
-- ---------------------------------------------------------------
شنو يا ابوجهينة ياخى انت قايم علينا-- بعل بتاعتك دى انا قريتا بغل-- يا راجل حرام عليك -- التعميم ما صح- حتى السودانيين فى بعضهم عندهم نسبة طلاق 30 % انا والمدام متزوجين منذ 45 عام الدكتورة ليلى بنتى بكرة عيد ميلادها ال44 وبنتها الكبيرة ماجدة فى السابعة عشر - لعلمك المدام عاشت معاى فى السودان واليمن الجنوبى والجزائر لعشرات السنين- فى السودان المسكينة ضربتها الملاريا وكانت بنفسها تضرب نفسها الحقن وتعودت على اكل الويكة والكسرة والملوخية وتجيد طبخها وانا وحاتك زى زى اى زول اخر لا تميز ولا يحزنون

[imported_شبارقة]

طبعا يانبراس الحالات الذكرا أستاذنا أبو جهينة ما مقياس اطلاقا عشان في أجنبيات جو وعاشو في السودان وبقو سودانيات زيهم وزي أي سودانية والحكاية بترجع لي الزوجة وأسباب زواجا من الشخص السوداني

الأعمام الأعزاء أبوجهينة وفتحي ... لكما التحية والتجلة

ما حكاهو عمنا أبو جهينة هو واقع معاش (صعوبة المواصلات ووعورة الطرق - أماكن قصية - بيوت الطين والقش - الظلام التام مع غياب الكهرباء ووجود الباعوض والكتاحة والغبار والجو الحار والعقارب والدبايب ... إلخ) هذا الواقع قد نتقبله ونتحمله نحن ... ولكن غيرنا لا يستطيع ذلك .

نحن زاتنا (الغبش ديل) غلبتنا الحياة هناك وهربنا وجينا للخرتوم محل الرئيس بنوم والطيارة بتقوم :)

وبعدين سيبك من الأجنبيات ... هسه حنكوشاتنا ديل بيقدرن يعيشن هناك ؟ الإجابة طبعا ً لا ... ونحن زاتنا ما بنقدر :D

[imported_شبارقة]

يا راجل حرام عليك -- التعميم ما صح- حتى السودانيين فى بعضهم عندهم نسبة طلاق 30 %

دكتورنا العزيز ...سلامات

هن ما طلبن الطلاق من أزواجهم (متشعلقات فيهم :)) لكن طلبن الطلاق من ظروف أهله المكانية الطاردة والتي لا تشجع على الإستقرار والعيش فيها ... والدليل على ذلك أحدهم رجع مع زوجتو لموطنها الأصلي (وفتحوا ليهم كشك مرطبات) حيث المواصلات المريحة .. والنسيم العليل ... والكهرباء 24 ساعة .. وبلا بعوضة .. بلا جـِمتِّي :)

[imported_نبراس السيد الدمرداش]

الأعمام الأعزاء أبوجهينة وفتحي ... لكما التحية والتجلة

ما حكاهو عمنا أبو جهينة هو واقع معاش (صعوبة المواصلات ووعورة الطرق - أماكن قصية - بيوت الطين والقش - الظلام التام مع غياب الكهرباء ووجود الباعوض والكتاحة والغبار والجو الحار والعقارب والدبايب ... إلخ) هذا الواقع قد نتقبله ونتحمله نحن ... ولكن غيرنا لا يستطيع ذلك .

نحن زاتنا (الغبش ديل) غلبتنا الحياة هناك وهربنا وجينا للخرتوم محل الرئيس بنوم والطيارة بتقوم :)

وبعدين سيبك من الأجنبيات ... هسه حنكوشاتنا ديل بيقدرن يعيشن هناك ؟ الإجابة طبعا ً لا ... ونحن زاتنا ما بنقدر :D

شبارقه و الجميع مساء الخير
دا كلام صاح
خلي واحده اجنبيه (بما فيهم العرب) نحن نفسنا بنات السودان ممكن نتضايق من ظروف غير الظروف الاعتدنا عليها و كل البنات الواحده تقول ليك انا ممكن اتزوج واحد يعيشني في نفس مستوى حياتي او احسن بس اقل منها لا .
اما نظرية اعيش معاك في عشه و في اي وضع دي نظريه حدها حدائق حبيبي مفلس الا ما ندر و اكرر ما ندر
كل قاعده عندها شواذ و يبدو انو د.حسن و عمو فتحي التقوا بشواذ هذه القاعده

[imported_جعفر بدرى]

الأستاذ / ابو جهينة

متّعك الله بالصحة و العافية ...... فقد أمتعتنا باسلوب متفرد ....... و حكاوى فيها خلط
محبب ما بين الكوميديا و المأساة ..... يتأرجح ما بين تطلعات مشروعة و بسيطة و متاحة
لكل خلق الله ...... و بين واقع أليم عكسته أقاصيصك بجلاء .

تشبيهاتك الساخرة ... الواقعية .... الجميلة .... أعطت النصوص إبسيابا و سلاسة ....
أن يصير جسد البنية مثل تربيزة اللحام ...... فهذا والله .... موجع و ممتع !
نتابعك ... مع كل الود .


و على المحبة نلتقى .

[imported_أبوجهينة]

استاذي أبو جهينه
مساءك سعيد
متعة كتاباتك انك بتلفت النظر لقضيه معينه باسلوب بسيط و سلس

الزواج باجنبيه
اختلاف العادات
اختلاف البيئات(طبيعيه,ثقافيه ,.....الخ)
اختلاف المعتقدات
تقبل الاسره السودانيه لوافده من بلد آخر لتكون جزء منها
مع ملاحظة ان بعض الاسر لا تقبل بزوجة ابن من قبيله اخرى ناهيك عن بلد آخر

نبراس الحلبية ( ما تزعلي من كلمة حلبية ... أنا زوجتي أم بناتي الله يرحمها مصرية 100% و بناتي قاعدين يقولوا ليهم حلبيات ):D

تحية كبيرة ليك
الزواج من أجنبية الآن أصبح شيء عادي طبعا. و لكن بالطبع لا بد أن يفكر ألف مرة قبل أن يفكر بالسفر بها إلى خارج العاصمة .. حتى في العاصمة هناك تباين في الخدمات و ( البعوض ذاتو متلبد في متاريس عارفا براه ) و هلم معضلات لا تروق للأجنبية و حتى لبت المدينة أو التي تربت في الغربة.
و لكن الأجنبية كزوجة إقتنعت بالسوداني فالأمثلة الجميلة و الناجحة بالكوم.
دمت أبد

[imported_أبوجهينة]

أبو جهينه
سلامات
وفي كمان من عاشوا معاهم واستمروا حتي بعد ماراجعوا السودان انت تكلمت عن الرجل زواج الأجانب من سودانيات ماذا تقوال برجع تاني

نجوى
تحياتي

كدة راجعي كيبوردك :D
نص الجملة ما مفهومة

[imported_أبوجهينة]

طبعا يانبراس الحالات الذكرا أستاذنا أبو جهينة ما مقياس اطلاقا عشان في أجنبيات جو وعاشو في السودان وبقو سودانيات زيهم وزي أي سودانية والحكاية بترجع لي الزوجة وأسباب زواجا من الشخص السوداني هل لتحسين مستوي المعيشة ودا بينطبق علي نساء المعسكر الاشتراكي السابق الباحثات عن الحرية..أنا شخصيا كنت متزوج من خواجيتين وكان عندهن استعداد يعيشو في جهنم ولكن للأسف واحدة فيهن بأمر الدكتور لم تواصل بسبب مرض في القلب لا تستطيع معه الحياة في جونا الحار والثانية بسبب أمها المتسلطة التي حاربت بكل ما تملك من قوة حتي لا تذهب ابنتها الي أفريقيا وبالمناسبة الاتنين ندمانين لغاية النهاردة وعلاقتي بيهم ما انقطعت وكمان سقت مرتي التالتة السودانية ومشيت زرتهم في بلدم وأولادي علي اتصال دايم بأخوانم هنا ومنهم الجو مصر في زيارة..
نرجع تاني للموضوع..شوفي زوجتي البوفيسور عبدالله الطيب والأديب الطيب صالح رحمهما الله وحتلقي انو انتمائهن للسودان لم ينقطع حتني بعد رحيل أزواجهن..
وهناك زوجة الأخ صلاح بخيت اليوغسلافية ودي خالد الحاج بيعرفا وساكنة قريب لي نادي الأسرة..دي بقي بقت تعوس الكسرة وتفرك الملاح ومواصلة في الزيارات مع نسوان الحلة ومافي زول بيفكر انها خواجية وأفتكر هي ذاتا نست انها خواجية..
يعني الموضوع بيتوقف علي أصل الزوجة وتعليمها وكم من أوروبية عايشة في مجاهل أفريقيا مع أزواجهن وبقو يرطنو كمان:o:D:)

تحياتي أخي فتحي
كما قلت أنت تماما .. فقصصي أعلاه ليست مقياساً و لكنها قطرة في محيط.
أنا شخصيا زوجتي المصرية رحمها الله .. كانت تتمنى أن نعيش في قريتي بأقصى الشمال.
و نماذج الأجنبيات اللاتي عشن مع أزواجهن في السودان دليل على إمكانية العيش في بلادنا رغم المعاناة هنا و هناك بأسباب متباينة

دمتم أخي

[معتصم الطاهر]

الاسلوب اسلوب ابو جخينة

و الموضوعية ذانها
جميل ما تكتب ..

[imported_الجيلى أحمد]

أوريك إنت عاوز تكتب شنو، لكن غالبك ;) !!؟

والله دا كان أنا، كان إجدعت ليك فى الجُملة ;) والقاتل الله والحايى الله;)

طيب ماتقول انتا يامجنون الحصاحيصا,:D:D





كالعادة ياأبوجهينة
متعة حقيقية وتناول موفق لقضية مهمة وحساسة..
انا اعيش ذات التجربة
وسأحاول العودة وتسجيل بعض النقاط..
قبل ذلك أود ان اقول بأن حديث عمنا فتحى صحيح
والتجربة تختلف من شخص للآخر ..

لك التحية ولضيوفك الكرام

[imported_فتحي مسعد حنفي]

طيب ماتقول انتا يامجنون الحصاحيصا,:D:D





كالعادة ياأبوجهينة
متعة حقيقية وتناول موفق لقضية مهمة وحساسة..
انا اعيش ذات التجربة
وسأحاول العودة وتسجيل بعض النقاط..
قبل ذلك أود ان اقول بأن حديث عمنا فتحى صحيح
والتجربة تختلف من شخص للآخر ..

لك التحية ولضيوفك الكرام

لووووووووول دي عايزا ليها الليلة قعدة كاربة علي حسابي في مساهرونgooodgooodgoood

[imported_أبوجهينة]

الأستاذ / ابو جهينة

متّعك الله بالصحة و العافية ...... فقد أمتعتنا باسلوب متفرد ....... و حكاوى فيها خلط
محبب ما بين الكوميديا و المأساة ..... يتأرجح ما بين تطلعات مشروعة و بسيطة و متاحة
لكل خلق الله ...... و بين واقع أليم عكسته أقاصيصك بجلاء .

تشبيهاتك الساخرة ... الواقعية .... الجميلة .... أعطت النصوص إبسيابا و سلاسة ....
أن يصير جسد البنية مثل تربيزة اللحام ...... فهذا والله .... موجع و ممتع !
نتابعك ... مع كل الود .


و على المحبة نلتقى .

أخي العزيز جعفر بدري
سلام كبير و تحية

شكرا لك على هذه المداخلة الطيبة التي أسعدتنب و بكم نواصل
دمتم

[imported_أبوجهينة]

أوريك إنت عاوز تكتب شنو، لكن غالبك ;) !!؟

والله دا كان أنا، كان إجدعت ليك فى الجُملة ;) والقاتل الله والحايى الله;)



عثمان حمد
سلام أيها الصاحب

هو ما غلبْني ... و لكن تغلبتْ علي نفس أسباب جملتك ( القاتل الله و الحي الله ) :D:D:D
أنا ذاتي كنت داير إتجدع ... بس لعنت إبليس ال كان قاعد لي في بطن الكيبورد.;)

دمتم

[imported_أبوجهينة]

العزيز ابو جهينة
كالعادة وصف ممتع ودقيق
مزيييد من الابداع...
أما البعوض فقد إختفى مرهقا بعد أن ظل طوال الليل في كر و فر حتى شبع من الدماء المغربية الذي جربه كنوع جديد لم يذوقوه من قبل في سوق دماء الكلاكلة المشبع بالتركين و البوش و أنواع الويكات ،

وانا تاريني اقول المغتربين لما يسافروا
الباعوض بيلتهم اجسادن بنهم ليييه؟؟؟:D:D

سلام مربع يا مرافي
مشكورة على المرور البهي
حتى البعوض بيحب التغيير:D

[imported_أبوجهينة]

-----------------------------------------------------------------
شنو يا ابوجهينة ياخى انت قايم علينا-- بعل بتاعتك دى انا قريتا بغل-- يا راجل حرام عليك -- التعميم ما صح- حتى السودانيين فى بعضهم عندهم نسبة طلاق 30 % انا والمدام متزوجين منذ 45 عام الدكتورة ليلى بنتى بكرة عيد ميلادها ال44 وبنتها الكبيرة ماجدة فى السابعة عشر - لعلمك المدام عاشت معاى فى السودان واليمن الجنوبى والجزائر لعشرات السنين- فى السودان المسكينة ضربتها الملاريا وكانت بنفسها تضرب نفسها الحقن وتعودت على اكل الويكة والكسرة والملوخية وتجيد طبخها وانا وحاتك زى زى اى زول اخر لا تميز ولا يحزنون

تحياتي الحارة أخي حسن فرح
و أدام الله لكم السعادة و أمدكم بعمر مديد
بالطبع لا تفوت على فطنتك بأن القصص التي أوْردْتها ما هي إلا بضع نقاط في بحر من النجاحات التي تحققت بين أزواج سودانيين و زوجات أجنبيات. و أنا أحد الذين نجحوا في زواج من أجنبية ..
لدرجة أنها كانت تصر على العيش في قريتي بالشمال عندما نرجع نهائي من الغربة.
دمتم

[imported_عادل عسوم]

جميلة هي القراءة لك أبوجهينة
أتفق معك على التقييم الموجب لأولئك للرجل السوداني
أقول ذلك دونما تجربة شخصية لي ...ولكني تلمست ذلك من من خلال زيجات لأصدقاء واقرباء
أما (شنات البلد) :D
فالأمر كما يقول عمنا فتحي ليس بذاك الاجمال
وبالمناسبة ياأخ ابوجهينة مناطق البربر ديل -شوف عيني- الكلاكلة الذكرتها دي بالنسبة ليهم المعمورة عديييييل:D:D
أكرر اعجابي بالمتصفح لغة واختيارات ومرادات
اليك والأحباب هذا الرابط لمن استحلت شناة بلدنا:
http://sudanorg.tk/vb/showthread.php?t=7896
مودتي

[imported_فتحي مسعد حنفي]

جميلة هي القراءة لك أبوجهينة
أتفق معك على التقييم الموجب لأولئك للرجل السوداني
أقول ذلك دونما تجربة شخصية لي ...ولكني تلمست ذلك من من خلال زيجات لأصدقاء واقرباء
أما (شنات البلد) :D
فالأمر كما يقول عمنا فتحي ليس بذاك الاجمال
وبالمناسبة ياأخ ابوجهينة مناطق البربر ديل -شوف عيني- الكلاكلة الذكرتها دي بالنسبة ليهم المعمورة عديييييل:D:D
أكرر اعجابي بالمتصفح لغة واختيارات ومرادات
اليك والأحباب هذا الرابط لمن استحلت شناة بلدنا:
http://sudanorg.tk/vb/showthread.php?t=7896
مودتي

عما كباسة ياعادل انت قايل روحك عمرك عشرين سنة:confused: العم دي مسموح قولها لمن هم دون الثلاين عاما من العمر:D:D

[imported_أبوجهينة]

الأعمام الأعزاء أبوجهينة وفتحي ... لكما التحية والتجلة

ما حكاهو عمنا أبو جهينة هو واقع معاش (صعوبة المواصلات ووعورة الطرق - أماكن قصية - بيوت الطين والقش - الظلام التام مع غياب الكهرباء ووجود الباعوض والكتاحة والغبار والجو الحار والعقارب والدبايب ... إلخ) هذا الواقع قد نتقبله ونتحمله نحن ... ولكن غيرنا لا يستطيع ذلك .

نحن زاتنا (الغبش ديل) غلبتنا الحياة هناك وهربنا وجينا للخرتوم محل الرئيس بنوم والطيارة بتقوم :)

وبعدين سيبك من الأجنبيات ... هسه حنكوشاتنا ديل بيقدرن يعيشن هناك ؟ الإجابة طبعا ً لا ... ونحن زاتنا ما بنقدر :D


تحياتي أخي شبارقة

لا فض فوك
مداخلتك عبّرتْ عني تماما
فالمقصود ليس تعميم و لكنها نماذج معاشة
دمتم أخي

[imported_أبوجهينة]

الاسلوب اسلوب ابو جخينة

و الموضوعية ذانها
جميل ما تكتب ..

العملاق معتصم
تحية و تقدير
شكرا على مرورك البهي
التحية للأسرة

[imported_أبوجهينة]

طيب ماتقول انتا يامجنون الحصاحيصا,:D:D





كالعادة ياأبوجهينة
متعة حقيقية وتناول موفق لقضية مهمة وحساسة..
انا اعيش ذات التجربة
وسأحاول العودة وتسجيل بعض النقاط..
قبل ذلك أود ان اقول بأن حديث عمنا فتحى صحيح
والتجربة تختلف من شخص للآخر ..

لك التحية ولضيوفك الكرام

الأخ العزيز الجيلي أحمد
باقي لك مجنون الحصاحيصا ود حمد بيقدر يقولا هنا؟؟؟:D
بالفعل التجارب متباينة و أنا كذلك أعيش نفس التجربة منذ أكثر من 17 عاما و هي ناجحة بكل المقاييس.
في إنتظار نقاطك التي بلا شك ستثري الموضوع

دمتم

[imported_فتحي مسعد حنفي]

العملاق معتصم
تحية و تقدير
شكرا على مرورك البهي
التحية للأسرة


لا حول الله يابو جهينة!!!!
ياخ أنا ما كنت قايلك زول طيب للدرجة دي:confused:حسن النية دا بوديك التوج..انت الظاهر ما دققت في المداخلة الكوتها دي.وأنا ياسيدي حأوقعها ليك من منطلق فهمي للباش معتصم..
أولا معتصم ما قاعد يكتب باللون دا وهنا استعمل اللون دا لفتا للنظر..
ثانيا وهو الأهم خاطبك بأبي جخينة..وجخينة دي جاية من الجخ والجخ دا معناهو الكضب..انت ما سمعت بي زول بقول والله الزول دا جخاخ جنس جخ:confused:
كدي راجع نفسك ورد علي معتصم دا بما يليق به وبالموقف:Dgoood:D

[imported_أبوجهينة]

جميلة هي القراءة لك أبوجهينة
أتفق معك على التقييم الموجب لأولئك للرجل السوداني
أقول ذلك دونما تجربة شخصية لي ...ولكني تلمست ذلك من من خلال زيجات لأصدقاء واقرباء
أما (شنات البلد) :D
فالأمر كما يقول عمنا فتحي ليس بذاك الاجمال
وبالمناسبة ياأخ ابوجهينة مناطق البربر ديل -شوف عيني- الكلاكلة الذكرتها دي بالنسبة ليهم المعمورة عديييييل:D:D
أكرر اعجابي بالمتصفح لغة واختيارات ومرادات
اليك والأحباب هذا الرابط لمن استحلت شناة بلدنا:
http://sudanorg.tk/vb/showthread.php?t=7896
مودتي

أخي و صديقي عادل عسوم
سلام كبير
شكرا للمداخلة و الرابط
مناطق البربربها مناطق ( عشوائية ) :Dو أخرى في مرتبة المنتجعات العالمية.
دمتم أخي و أكرر الشكر

[imported_أبوجهينة]

لا حول الله يابو جهينة!!!!
ياخ أنا ما كنت قايلك زول طيب للدرجة دي:confused:حسن النية دا بوديك التوج..انت الظاهر ما دققت في المداخلة الكوتها دي.وأنا ياسيدي حأوقعها ليك من منطلق فهمي للباش معتصم..
أولا معتصم ما قاعد يكتب باللون دا وهنا استعمل اللون دا لفتا للنظر..
ثانيا وهو الأهم خاطبك بأبي جخينة..وجخينة دي جاية من الجخ والجخ دا معناهو الكضب..انت ما سمعت بي زول بقول والله الزول دا جخاخ جنس جخ:confused:
كدي راجع نفسك ورد علي معتصم دا بما يليق به وبالموقف:Dgoood:D

تعرف يا فتحي
لو ما كنت بعرف معتصم معرفة تامة كنت صدقتَ كلامك ( و جخيت ليك ) جخ شديد:D
معتصم رجل حكيم دون أي مجاملة
وجوده بالمنبر هنا ميزان يرجح كفة أشياء كثيرة
له و لك القومة

[imported_آلاء فتحي مسعد]

تعرف يا فتحي
لو ما كنت بعرف معتصم معرفة تامة كنت صدقتَ كلامك ( و جخيت ليك ) جخ شديد:D
معتصم رجل حكيم دون أي مجاملة
وجوده بالمنبر هنا ميزان يرجح كفة أشياء كثيرة
له و لك القومة




ما هي دي المصيبة انو بقي يستغل النقطة دي ودايما يخلي نفاج يزوغ منو وقت الزنقة وهسة لو زنقتو حيقول ليك النضارة والجيم جنب الخاء مع انو الحاء بيناتم في الكي بورد...ما قلت ليك انت راجل طيب..أها واللون دا قاصد بيهو شنو..الزهور والوردي الشتلوها جوا قلبي:confused:goood:D

معليش بالغلط كتبت المداخلة باسم آلاء بدون ما أعمل ليها ساين آوت..

[imported_أبوجهينة]

ما هي دي المصيبة انو بقي يستغل النقطة دي ودايما يخلي نفاج يزوغ منو وقت الزنقة وهسة لو زنقتو حيقول ليك النضارة والجيم جنب الخاء مع انو الحاء بيناتم في الكي بورد...ما قلت ليك انت راجل طيب..أها واللون دا قاصد بيهو شنو..الزهور والوردي الشتلوها جوا قلبي:confused:goood:D

معليش بالغلط كتبت المداخلة باسم آلاء بدون ما أعمل ليها ساين آوت..

النضارة و الجيم جنب الخاء و ما بينهما من حاء
أظن أن هذه هي الأسباب و خصوصا النضارة:D
ياخي ما تظلم ود الطاهر دة.

[imported_فتحي مسعد حنفي]

النضارة و الجيم جنب الخاء و ما بينهما من حاء
أظن أن هذه هي الأسباب و خصوصا النضارة:D
ياخي ما تظلم ود الطاهر دة.


ما قلت ليك انت زول طيب:confused::confused:
ود الطاهر دا يظلم قبيلة ويمشي كمان يفتح فيهم بلاغ وأنا زول نضارات وبغلط في الحروف الجنب بعض مش البيناتم حرف:D;):D

[imported_أبوجهينة]

ما قلت ليك انت زول طيب:confused::confused:
ود الطاهر دا يظلم قبيلة ويمشي كمان يفتح فيهم بلاغ وأنا زول نضارات وبغلط في الحروف الجنب بعض مش البيناتم حرف:D;):D

مادام قلت أنا طيب .. أوكي الطيبة مابْناباها طب ...
أنا واثق من حسن نية ود الطاهر.
عشان كدة أديها صنة لغاية مايجيك هو

[imported_عادل عسوم]

عما كباسة ياعادل انت قايل روحك عمرك عشرين سنة:confused: العم دي مسموح قولها لمن هم دون الثلاين عاما من العمر:D:D
يعني (حبة) السنين الفوق الثلاثين دي فرقت بي شنو يا(عمو)؟:mad:
:D:D