مشاهدة النسخة كاملة : حكايات من تحت وسادتي
imported_جيجي
20-02-2010, 08:18 PM
اربعة حيطان
سرير وبعض الوسائد
رموت
والاف القنوات
اضاءة خافتة
موسيقى
دولاب وعشرات الازياء
تسريحة
ملئية بكل شيء
عطور --مكياج --منكير --كريمات
فقط جميعها صامته
حتى الموسيقى تجمدت عند نقطة الخواء
القنوات متشابهة
مسلسلات خاوية ملئية كذبا ونفاقا
اخبار متشابهة في السودان والصومال والعراق وايران
حتى الاحلام باتت مبرمجة على النفاق
ومبنية على المظاهر
باتت النفس تضيق بكل الاشياء
عذرا ساتي بكوب ماء
وسامر في طريقي لاتفحص والدتي
ترى هل هي مثلي ايضا تعاني الوحدة
ساعود انتظروني
imported_أميرى
20-02-2010, 08:30 PM
ساعود انتظروني
قبل شوية ضغطت ايقونة موضوع جديد عايز اكتب حكايات مجانين حلتنا
المجنون الرسم على جدار ابيض امرأة عارية مباعدة مابين ساقيها
عن حرج عظيم اصاب بنات حلتنا ونساءها والرجال الكبار
وعن متعة عظيمة اصابتنا حينذاك ونحن نراوح مكاننا بين طفولتنا
والمراهقة والرسم الشهى...
فعدلت عن الأمر
فمجنون حلتنا كان اشجع منا حين افصح عن نزواته
وأثرنا نحن الاختباء خلف قيم من وراء حجاب تندثر فينا ببطء
احكى ياااخ
هزينا بعنف
imported_جيجي
20-02-2010, 08:41 PM
قبل شوية ضغطت ايقونة موضوع جديد عايز اكتب حكايات مجانين حلتنا
المجنون الرسم على جدار ابيض امرأة عارية مباعدة مابين ساقيها
عن حرج عظيم اصاب بنات حلتنا ونساءها والرجال الكبار
وعن متعة عظيمة اصابتنا حينذاك ونحن نراوح مكاننا بين طفولتنا
والمراهقة والرسم الشهى...
فعدلت عن الأمر
فمجنون حلتنا كان اشجع منا حين افصح عن نزواته
وأثرنا نحن الاختباء خلف قيم من وراء حجاب تندثر فينا ببطء
احكى ياااخ
هزينا بعنف
اميري تشرب شاي
شاي بفلفل
اي والله بجد مبالغة
ماتفوت التمتع بمذاقة الذيذ وشوية لسعةgoood
ماعليكم الا كباية شاي احمر..وتلات اربعة فلفلات بطولهم........اوعى تسحنهم
واستمتع باجمل مذاق
بالمناسبة دي اعلان
imported_جيجي
20-02-2010, 08:51 PM
مسكينه يابت والله
لا جارة
لا رفيقتنا تضاحك سنينتك
لا راجلا تنشغلي بيه
لا حبيبا ماخد باله منك
حاله صعبة
بس مامشكلة
خليك مع كباية الشاي احسن
imported_أميرى
20-02-2010, 08:52 PM
اميري تشرب شاي
شاي بفلفل
اي والله بجد مبالغة
ماتفوت التمتع بمذاقة الذيذ وشوية لسعةgoood
ماعليكم الا كباية شاي احمر..وتلات اربعة فلفلات بطولهم........اوعى تسحنهم
واستمتع باجمل مذاق
بالمناسبة دي اعلان
من يدك مش اشرب شاى
اشرب مريسة زااتو:D
فاصل وتواصل:)
imported_جيجي
20-02-2010, 09:34 PM
تمددت على سريري
امسكت بالريموت لاخر مرة في محاولة لايجاد شيء يذهب تلك الوحشة
قناة النيل الازرق
اخيرا
موضوع عن رقيص العروس.. اتسعت عيناي قليلا وانا اري تلك الحستاء تتهادى امامي
اخذني الخيال الى هناك تخيلت نفسي في مكان الراقصة التي امامي على شاشة التلفاز
بساط ومعازيم وجو معتق برايحة البخوروهمسات هنا واسراب من الفتيات الجميلات من كل فج
وترقب وتحفز ........وبعض الزغاريد تنطلق هنا وهناك كلما علا صوت ضابط الساوندسيستم
الو .الو...الو ....واحد... اتنين ... تلاتة
وصوت المغنية يرتفع محتجا...يا جماعة العروس دي وينا....نحن ناس عندنا مواعيد
دا ماكلام دا
- خلاص اهي دي العروس جاهزة...العريس وينوا
- الصلاة على النبي عروس الوليدات لي حدهم
-ما شاء الله ياهناية...ما عسل
- شفتي الفساتين قالوا خيطوهم في الهند
مبالغة لكن والله
-يا جماعة وحدووا
كدي زحوا من الدرب العريس وصل
-ايوووووووووووووي يييوووووووووووي يييييووووي
-ياعريس امسكها من ايدها ..ياناس زحوا ليهم من الدرب الغناية دي مستعجلة
ومددت يدي لامسك بيد عريس الذي يقف بجانبي وانا ارفع نظراتي كي التقى بعينيه فلم ارى الا شاشة التلفاز امامي ومغنية تغني
الليلة هوي ياليلة.... والعريس مرق بالسيرة
وتحسست يدي فوجتني اقبض على وسادتي بقوة
تراخت يدي ممتدة الى داخل الوسادة فتعثرت بدفتر مذكراتي يرقد تحتها في هدوء عقب ذاك الصخب الجميل
فتذكرت ان اني وعدتكم بحكايا من تحت وسادتي
انتظروني
imported_جيجي
20-02-2010, 09:46 PM
وفي انتظار اولى حكاياتي غدا اتركككم مع
ياسلام يابت بلدي الصغيرة ...نكاية في الرقصه ..اقصد العرسة الطرشقت ديWIDTH=400 HEIGHT=350
imported_نبراس السيد الدمرداش
20-02-2010, 09:46 PM
انا جريت لي بنبر
و مع كباية شاي
و منتظرا
و على ثقة اني ح القى نفسي في واحده من حكاياتك
imported_جيجي
20-02-2010, 10:06 PM
انا جريت لي بنبر
و مع كباية شاي
و منتظرا
و على ثقة اني ح القى نفسي في واحده من حكاياتك
نبراس..النبراس
جري بنبرك واقعدي البيت بيتك
وشاي الفلفل تحت امرك
هي فعلا تتخلها بعض الحكايا عن بعض الصديقات
قد تجدينها حولك دوما
اخذت مقدمتها عن رواية بنات الرياض
وابيات نذار قباني
ساكتب عن صديقاتى
عن الاغلال دامية باقدام الجميلات
عن الهذيان
عن الغثيان
عن موتى غير اموات
يعشن
يمتن
مثل الفطر
فى جوف الزجاجات
-نذار-
imported_منال
21-02-2010, 07:00 AM
حتى الموسيقى تجمدت عند نقطة الخواء
القنوات متشابهة
مسلسلات خاوية ملئية كذبا ونفاقا
اخبار متشابهة في السودان والصومال والعراق وايران
حتى الاحلام باتت مبرمجة على النفاق
ومبنية على المظاهر
باتت النفس تضيق بكل الاشياء
عذرا ساتي بكوب ماء
وسامر في طريقي لاتفحص والدتي
ترى هل هي مثلي ايضا تعاني الوحدة
ساعود انتظروني
ساكتب عن صديقاتى
عن الاغلال دامية باقدام الجميلات
عن الهذيان
عن الغثيان
عن موتى غير اموات
يعشن
يمتن
مثل الفطر
فى جوف الزجاجات
-نذار-
جيجى ازيك
صباح عمرا يزيد و يطول
و يقصر معاهو الليل
الوالدة - الفتاه
المرأة و معاناة الوحده
المسوخ و الحياه المضطربه تهز مواطن الجمال...
ادوات ترفهينا و زينتنا ...
و عالم يمور ... و الحصيله صفر صغير
عودتك تنبش وحروفك عن دنيا الجميلات ثكلى
و يبقى الكون ....
الله فى
الله حى
ونضرب فى ....
عن موتى غير اموات
هذتنى العباره
ويديك العافيه
imported_ابوريم
21-02-2010, 07:22 AM
جيجي
ازيك
...
منال المولد جه؟
الله فى
الله حى
imported_أمير الأمين
21-02-2010, 11:47 AM
يا سيدتى ..
جلد الذات ..لا ولن ياتى بالتغير..
التغير ..وسيط
لنرى ما بداخل الاشياء من جمال
وواقع.. بكل اتكاءاته..و ساعات نزفه..
تماما كحبات الفلفل بالشاى..
ابقى بود..
imported_سمراء
21-02-2010, 11:53 AM
جيجى :
رايك شنو اديك حاجات من تحت مخدتى :D
والله جنس حكايات ..!!!
قاعدين نعاين يابت
ماتطولى عشان ماننوم
imported_فتحي مسعد حنفي
21-02-2010, 01:17 PM
جيجى :
رايك شنو اديك حاجات من تحت مخدتى :D
والله جنس حكايات ..!!!
قاعدين نعاين يابت
ماتطولى عشان ماننوم
اسأل دموع عيني أسأل مخدتي...كم دمعة رايحة جاية تحكيلك وحدتي..
كر علي:p
imported_سمراء
21-02-2010, 01:23 PM
اسأل دموع عيني أسأل مخدتي...كم دمعة رايحة جاية تحكيلك وحدتي..
كر علي:p
:D:D:D
ببكى اسع ياخ
imported_جيجي
21-02-2010, 04:22 PM
جيجى ازيك
صباح عمرا يزيد و يطول
و يقصر معاهو الليل
الوالدة - الفتاه
المرأة و معاناة الوحده
المسوخ و الحياه المضطربه تهز مواطن الجمال...
ادوات ترفهينا و زينتنا ...
و عالم يمور ... و الحصيله صفر صغير
عودتك تنبش وحروفك عن دنيا الجميلات ثكلى
و يبقى الكون ....
الله فى
الله حى
ونضرب فى ....
عن موتى غير اموات
هذتنى العباره
ويديك العافيه
منولة
شكرا لمرورك العطر ومداخلتك الشحمانة
كوني دوما بمشاعرك ورائك
imported_جيجي
21-02-2010, 04:23 PM
جيجي
ازيك
...
منال المولد جه؟وعليك السلام ابو ريم
imported_جيجي
21-02-2010, 04:41 PM
يا سيدتى ..
جلد الذات ..لا ولن ياتى بالتغير..
التغير ..وسيط
لنرى ما بداخل الاشياء من جمال
وواقع.. بكل اتكاءاته..و ساعات نزفه..
تماما كحبات الفلفل بالشاى..
ابقى بود..لماذالا يكون تبصيرا وعظة
كن معنا ودعنا نرى
لك الود وشاي بحببيبات الفلفل
imported_جيجي
21-02-2010, 04:43 PM
جيجى :
رايك شنو اديك حاجات من تحت مخدتى :D
والله جنس حكايات ..!!!
قاعدين نعاين يابت
ماتطولى عشان ماننوم
سمراؤ الحلوة
هو لك فلتاتينا بما لديك
كما اتيتينا بالرجل الجميل فتحي مسعد
ولك الشكر
imported_فتحي مسعد حنفي
21-02-2010, 04:49 PM
سمراؤ الحلوة
هو لك فلتاتينا بما لديك
كما اتيتينا بالرجل الجميل فتحي مسعد
ولك الشكر
أعملي حسابك سمراء دي زي الفريك ما بتدور شريك وأنا من يوم ما عرفتها كاتمة علي نفسي ومخلياني لا قادر أعاين شمال ولا يمين وآخرتا أمنت علي تأمين ضد الفقدان والخيانة ..شوفي الغيرة بتوصل البنات لي وين:confused:;)goood
imported_جيجي
21-02-2010, 08:17 PM
حاكتب بلغة بارده(مصطلح خاص)
عشان المشاعرلازم تطفو على السطح
يعني برضه لغة سليقة(برضه خاص) عربي لندن وعربي جوبا وعربي الهند وعربي ايران وبكل اللهجات..يعني سليقة-بطاطس -جذر -كوسة --بصل---كرفس--ولحم زاتوا مع اني
ما بحب اللحم والسبب الخروف الضبحوا قدامي وانا صغيرة وماتبعه من حمى واستفراغ وفزع ومستشفيات الوحيد الانصفني الدكتور لمين قال لابوي في حتة في العالم بيضبحوا فيها قدام اطفال غير السودان دي مالازم يحصل ليها كدا
المهم النتيجة كانت مقاطعة اللحوم بكل انواعها لحدوت ما وعيت وشفت في التلفزيون الناس بتضبح بعضها كل يوم...في الاول كنت بقعد مع ابوي احضر الاخبار ولمين يجي منظر بتاع ضبح اقصد قتل بغطي وشي بيديني واغمض بعد دا..بعدين بي تشجيع من ابوي بقيت افتح شوية شوية بعدها بقيت اتاوق بي فرقة اصابعيني لحدي ما اخدت على الحكاية وبديت اتسال معقول بكتلوا بعض كل يوم كل يوم معناها الضبح دا عادي وفي شنو في حتة ارض فاضية مافيها ولاحاجة ولافي حدود-انا مش سمعت جارتنا المنقبة بتقول الوطن طاغوت--يكون عشان الالاف البتموت دي ...وبعدين اكتشفت انه الواحد ممكن يضبح اخوه او جاره او صاحبه اوبته عشان شوية قروش او غيره او حماقة ساي كدا
طب عادي معناها الخروف الله يرحمه وانا ممكن كمان اكل لحم عادي اصلها جات على خروف
ااااااه كدي خلونا مع المذكرات
بالمناسبة دفتر مذكراتي دا عالم براه .......فيه ادعية-اهداءات-مقابلات-ذكريات--قصص---دموع ..ورود.. قصاصات بمختلف الاحجام - (القصاصات دي براها كوم ذكروني احكي ليكم قصه زميلنا وصاحبنا محمد)...كلام بتقال.. وكلام مابتقال... وروائح مختلفة---صدقوني كل صفحة عندها ريحة خاصة واحساس خاص
خلونا نقلب..........نقلب..نقلب...ايواا
سلوي--- حنبدأ مع سلوى
ترى كيف هى الان؟!!!!
وماذا يحدث لها؟؟
imported_عادل عسوم
21-02-2010, 08:57 PM
اميري تشرب شاي
شاي بفلفل
اي والله بجد مبالغة
ماتفوت التمتع بمذاقة الذيذ وشوية لسعةgoood
ماعليكم الا كباية شاي احمر..وتلات اربعة فلفلات بطولهم........اوعى تسحنهم
واستمتع باجمل مذاق
بالمناسبة دي اعلان
جيجي ياغالية
لك ولأميري (مشروبا) آخر
انه عصير الطماطم :p
اعتدت ابتياعه من (بقالة) لهنود بالجوار حيث أقيم...
قال لي الهندي يوما:
-هدا أسير مافي نفر تاني يشتي بس أنتا يازول :D
أي يقصد أن لا أحد يشتري (عصير الطماطم) سواي
باقي ليكي ماأخير من شايكم أنتي واميري (البهرد اللسان دة) :confused::mad:
:D:D
أستمتع بالقراءة لك (هنا) و (هناك) looool
فلتخرجي لنا (خبأ) وسادتك ياماجدتنا
مودتي
imported_wadosman
21-02-2010, 09:05 PM
جيجى...
متاابعين...و معانا :
http://sudanorg.tk/files/al_sbata.wma
للحفظ و الاستمااع (http://sudanorg.tk/files/al_sbata.wma)
imported_جيجي
21-02-2010, 10:14 PM
كلمات سطرتها لي يوم رحيلها
ذهبت هي وبقيت الكلمات وبقيت معها ذكريات الالم
كنا بالسنة الاولى الثانوية
هي من احد قرى الريف الشمالي لمدينة الخرطوم
جميلة يتوارى منها البدر خجلا رقيقة كنسيم الفجر
ذات انوثة تجبرك بالتعلق بكل تفاصيلها
تهمسك الكلام همسا بصوت عذب جميل
كانت تخصني بمودة جميلة تحكي لي فيها عن امنياتها واحلامها وتحكي لي تفاصيل اسرتها الصغيرة وكيف ان والدها الرقيق الحال يعتبرها واخوتها حملا ثقيلا ينوء به ظهره
في يوم اتت حزينة واخبرتنا انها ستتزوج بعد اسبوع من احد اقرباء والدها الذي يكبرها بقرابة العشرين عاما زوج يملك كل مقومات الحياة المادية ابن احد اثرياء المنطقة ...
واسرت لي حين انفرادنا انه جهول عربيد يعيش حياته متنقلا بين معاقرة الخمر والنساء ولكنها قبلت به رضوحا لرغبة والدها الذي طمأنها بانه زوج لايعوض وان الله سيهديه يوما
سقطت دمعة على ورقة كانت امامنا فاسرعت تمسح تلك الدمعة
تذكرت انها تريد ان تفعل شئيا
كتبت لي بعض كلمات على تلك الورقة
كم احببتك
واحببت ان اكون مثلك
ارسم احلامي وابدا في تحقيقها خطوة خطوة
وكم تمنيت اان اختار شريك حياتي لوحدي
ولكن دوما تقيدنا الظروف
كتبت لهاعلى نفس الورقة دون ان ينبث احدنا بكلمة
دعي عنك كل هذا
وابدي حياتك
ارسميها لوحة وزينيها بكل الالوان
حينها ستبدأين حلما جميلا كل يوم
دمعت اعيننا وتعانقنا طويلا
اقمنا لها حفلا رائعا داخل غرفة الدرس ..لم نبالي لشيءغير ان نفترق والبسمة على الشفاه
عندما دلفت الى غرفة الدرس ذاك الصباح كانت الغرفة تعج بالاصوات على غير العادة
وتجمعات هنا وهناك.. بعض الضحكات.. وبعض العبوس
اتجهت نحو اكبر التجمعات عددا
بادرتني زميلتي
-يا...الليلة جنس شمار
-في شنو
-ما سمعتي
-في شنو
-سلوى في المستشفى
-سلوي منو؟
- العروس
-شنو!! مش عرسها كان اول امس..حاصل شنو..اوعى يكون صبغة
-ياريت....ياريت ردد الجميع
- تسمم؟
-ياريت ...ياريت
- في شنو؟ سلوى مالها
-عندها نزيف
-نزيف!!! حادث حركة يعني
-ياريت ياريت
- الشغلانة فيها امواس والات حادة وهي تتضاحك ويمكن سكاكين زاتوا
-شنو يعني..انتحرت؟... ولا في زول طعنها
وتنفجر الضحكات
-يابت امشي امشي بعيد ياجماعة الشفع ديل مامعانا-عليك اللله امشي العبي بعيد ولا اقول ليك هاك الحلاوة دي وامشي العبي ماتمرضينا ساي
وتتوالى الضحكات
- يابنات في شنو؟ كلموني
- ابييييينا ماااابننكلمك ماقلنا شفع مامعانا
وفجأة
- يا بنات كل واحدة مكانها بسرعة
تعالى صوت اعرفه من خلفي
-ست ليلي سمعتي سلوى حصل ليها شنو؟
-سمعت هو المدرسة دي فيها حاجة بتتدسى
- الله يقطع الطهور وسنينه...امات متخلفات.. هن كان ماساي السجمانات استفادن شنو؟
وهي اصلها عرسوهالي راجل ولا لحيوان
وينفجر الفصل بالضحك مرة اخري
يرتفع نفس الصوت من خلفي
-استاذة ليلى اصله الحصل شنو؟
-يابنات سيبوا قلة الادب وكل واحدة تقع دمحلها
-طب يا استاذة لي كدا
-يعني نعرف من وين..
هسى كان عملتوا لينا حصة بدل حصة النشاط دي وريتونا الحاصل شنو مش كان احسن
ترتفع بعض الهمهمات
- هي يعني عارفة حاجة ماشايفة البورة دي الا يكتبوا عليها
-ولا يعني اسال امي؟ معقول؟مالازم نعرف..ارتفع نفس الصوت
- والله امك زاتها ماتوريك
- هي امك زاتها عارفة حاجة
- طب يااستاذة هو حيعملوا ليه شنو؟ حيسجنوه؟
-يابت يابت ياخوانا الشافعة دي امرقوها بره شوفو ليها روضة-- ماقلنا ما معانا شفع هنا
-قال يعملوا ليه حاجة قال..تلقيه هس ىفرحان يقدل تحت شجر المستشفى داك ويفتل في شنبه عامل فيها اسد
وينفجر الفصل مجددابالضحك
ويتعالى الضجيج
imported_ام التيمان
21-02-2010, 11:24 PM
كلمات سطرتها لي يوم رحيلها
ذهبت هي وبقيت الكلمات وبقيت معها ذكريات الالم
كنا بالسنة الاولى الثانوية
هي من احد قرى الريف الشمالي لمدينة الخرطوم
جميلة يتوارى منها البدر خجلا رقيقة كنسيم الفجر
ذات انوثة تجبرك بالتعلق بكل تفاصيلها
تهمسك الكلام همسا بصوت عذب جميل
كانت تخصني بمودة جميلة تحكي لي فيها عن امنياتها واحلامها وتحكي لي تفاصيل اسرتها الصغيرة وكيف ان والدها الرقيق الحال يعتبرها واخوتها حملا ثقيلا ينوء به ظهره
في يوم اتت حزينة واخبرتنا انها ستتزوج بعد اسبوع من احد اقرباء والدها الذي يكبرها بقرابة العشرين عاما زوج يملك كل مقومات الحياة المادية ابن احد اثرياء المنطقة ...
واسرت لي حين انفرادنا انه جهول عربيد يعيش حياته متنقلا بين معاقرة الخمر والنساء ولكنها قبلت به رضوحا لرغبة والدها الذي طمأنها بانه زوج لايعوض وان الله سيهديه يوما
سقطت دمعة على ورقة كانت امامنا فاسرعت تمسح تلك الدمعة
تذكرت انها تريد ان تفعل شئيا
كتبت لي بعض كلمات على تلك الورقة
كم احببتك
واحببت ان اكون مثلك
ارسم احلامي وابدا في تحقيقها خطوة خطوة
وكم تمنيت اان اختار شريك حياتي لوحدي
ولكن دوما تقيدنا الظروف
كتبت لهاعلى نفس الورقة دون ان ينبث احدنا بكلمة
دعي عنك كل هذا
وابدي حياتك
ارسميها لوحة وزينيها بكل الالوان
حينها ستبدأين حلما جميلا كل يوم
دمعت اعيننا وتعانقنا طويلا
اقمنا لها حفلا رائعا داخل غرفة الدرس ..لم نبالي لشيءغير ان نفترق والبسمة على الشفاه
عندما دلفت الى غرفة الدرس ذاك الصباح كانت الغرفة تعج بالاصوات على غير العادة
وتجمعات هنا وهناك.. بعض الضحكات.. وبعض العبوس
اتجهت نحو اكبر التجمعات عددا
بادرتني زميلتي
-يا...الليلة جنس شمار
-في شنو
-ما سمعتي
-في شنو
-سلوى في المستشفى
-سلوي منو؟
- العروس
-شنو!! مش عرسها كان اول امس..حاصل شنو..اوعى يكون صبغة
-ياريت....ياريت ردد الجميع
- تسمم؟
-ياريت ...ياريت
- في شنو؟ سلوى مالها
-عندها نزيف
-نزيف!!! حادث حركة يعني
-ياريت ياريت
- الشغلانة فيها امواس والات حادة وهي تتضاحك ويمكن سكاكين زاتوا
-شنو يعني..انتحرت؟... ولا في زول طعنها
وتنفجر الضحكات
-يابت امشي امشي بعيد ياجماعة الشفع ديل مامعانا-عليك اللله امشي العبي بعيد ولا اقول ليك هاك الحلاوة دي وامشي العبي ماتمرضينا ساي
وتتوالى الضحكات
- يابنات في شنو؟ كلموني
- ابييييينا ماااابننكلمك ماقلنا شفع مامعانا
وفجأة
- يا بنات كل واحدة مكانها بسرعة
تعالى صوت اعرفه من خلفي
-ست ليلي سمعتي سلوى حصل ليها شنو؟
-سمعت هو المدرسة دي فيها حاجة بتتدسى
- الله يقطع الطهور وسنينه...امات متخلفات.. هن كان ماساي السجمانات استفادن شنو؟
وهي اصلها عرسوهالي راجل ولا لحيوان
وينفجر الفصل بالضحك مرة اخري
يرتفع نفس الصوت من خلفي
-استاذة ليلى اصله الحصل شنو؟
-يابنات سيبوا قلة الادب وكل واحدة تقع دمحلها
-طب يا استاذة لي كدا
-يعني نعرف من وين..
هسى كان عملتوا لينا حصة بدل حصة النشاط دي وريتونا الحاصل شنو مش كان احسن
ترتفع بعض الهمهمات
- هي يعني عارفة حاجة ماشايفة البورة دي الا يكتبوا عليها
-ولا يعني اسال امي؟ معقول؟مالازم نعرف..ارتفع نفس الصوت
- والله امك زاتها ماتوريك
- هي امك زاتها عارفة حاجة
- طب يااستاذة هو حيعملوا ليه شنو؟ حيسجنوه؟
-يابت يابت ياخوانا الشافعة دي امرقوها بره شوفو ليها روضة-- ماقلنا ما معانا شفع هنا
-قال يعملوا ليه حاجة قال..تلقيه هس ىفرحان يقدل تحت شجر المستشفى داك ويفتل في شنبه عامل فيها اسد
وينفجر الفصل مجددابالضحك
ويتعالى الضجيج
مبالغة يا جيجى
روعة
متعة
آيات مبارك
22-02-2010, 11:24 AM
جيجي صباح جميل
رفعتي وسادتك فتطايرت ذكرياتك جميلة منسابة على وجوهونا
فطويت وسادتي قاذفة بها في وجهك حباً ونكاية بك
إتلفت لأجد ذكرياتي تحدق بي من على البعد وانا أشاهد في نفس برنامج طقوس الزواج السودانية
والاستاذة تتحدث عن اغنية الزفة
قلت يابت احسن ليك تختاري الاغنية من هسة
فتخيلت نفسي داخلة الحفلة ونجم الدين الفاضل يغني
ياعواطفنا النبيلة ياخدود نادية واسيلة إنتي بت عز القبيلة وانتي بت عازة وخليلة
وبعديها إنشاء الله يمشي بس المهم الاغنية دي تحديداً تكون بي صوتو هو ( المهم انا حاجزة الأغنية دي من هسة )
وحلقت بي اجنحة الذكريات ..
وأنا أقف إستعداداً لكل صلاة مرتدية التوب والذي
بطقس يومي أقف متذكرة رقيص العروس والبرش
فأبدأ قبل تكبيرة الأحرام
أزحف بقدمي ببطء. أختال الهوينى. واضعة كفي على وجهي ..
ظهر ظهر الجميل ظهر صفقوا وقولوا الجميل ظهر .. او الملكة جات صفقولا
دي أغنية صلاة الصبح
بعديها أستعدل مكبرة للصلاة جراء صيحة من بعيد :يابت إنت مالك شيطانك مابفوتك
اما الظهر
شوف عرسونا حلاتا زي قطعة الشوكلاتة الجمال الفيها ده ورثة من عماته وورثة من خالاته
العصر
إزيكم إزيكم انا مابعيدة انا منكم إتجدعي وإتفدعي املصي توبك وأجدعي
المهم لكل صلاة كنت أضع أغنية
ومرة إبتديت .. أهل العريس قولوا ماشاء الله
أهل العروس قولوا ماشاء الله
وكالعادة في زول نهرني من بعيد
طوالي إبتديت في الصلاة
بعد ماإنتهيت من الصلاة مباشرة .. أبوي قالي زواجنا تم على شرع الله
هاهاها الحاج حفظ معاي الاغاني
حاأجيك راجعة
تسمحي لي أشاركك البوست ده ؟؟;)
..
imported_جيجي
22-02-2010, 11:52 AM
جيجي صباح جميل
رفعتي وسادتك فتطايرت ذكرياتك جميلة منسابة على وجوهونا
فطويت وسادتي قاذفة بها في وجهك حباً ونكاية بك
إتلفت لأجد ذكرياتي تحدق بي من على البعد وانا أشاهد في نفس برنامج طقوس الزواج السودانية
والاستاذة تتحدث عن اغنية الزفة
قلت يابت احسن ليك تختاري الاغنية من هسة
فتخيلت نفسي داخلة الحفلة ونجم الدين الفاضل يغني
ياعواطفنا النبيلة ياخدود نادية واسيلة إنتي بت عز القبيلة وانتي بت عازة وخليلة
وبعديها إنشاء الله يمشي بس المهم الاغنية دي تحديداً تكون بي صوتو هو ( المهم انا حاجزة الأغنية دي من هسة )
وحلقت بي اجنحة الذكريات ..
وأنا أقف إستعداداً لكل صلاة مرتدية التوب والذي
بطقس يومي أقف متذكرة رقيص العروس والبرش
فأبدأ قبل تكبيرة الأحرام
أزحف بقدمي ببطء. أختال الهوينى. واضعة كفي على وجهي ..
ظهر ظهر الجميل ظهر صفقوا وقولوا الجميل ظهر .. او الملكة جات صفقولا
دي أغنية صلاة الصبح
بعديها أستعدل مكبرة للصلاة جراء صيحة من بعيد :يابت إنت مالك شيطانك مابفوتك
اما الظهر
شوف عرسونا حلاتا زي قطعة الشوكلاتة الجمال الفيها ده ورثة من عماته وورثة من خالاته
العصر
إزيكم إزيكم انا مابعيدة انا منكم إتجدعي وإتفدعي املصي توبك وأجدعي
المهم لكل صلاة كنت أضع أغنية
ومرة إبتديت .. أهل العريس قولوا ماشاء الله
أهل العروس قولوا ماشاء الله
وكالعادة في زول نهرني من بعيد
طوالي إبتديت في الصلاة
بعد ماإنتهيت من الصلاة مباشرة .. أبوي قالي زواجنا تم على شرع الله
هاهاها الحاج حفظ معاي الاغاني
حاأجيك راجعة
تسمحي لي أشاركك البوست ده ؟؟;)
..هههههه
ايات ياعسل اضفت
للبوست بعدا اخرا
انت بالذات ..عيثي على هذاالبوست حلاوة
طب بالمرة ماتمشي لينا على الموضوع التاني;)
عموما اسعدني مرورك جدا
imported_جيجي
22-02-2010, 11:54 AM
مبالغة يا جيجى
روعة
متعة
تسلمي ياستي
وكلك زوق
واسعدني مرورك
imported_جيجي
22-02-2010, 11:56 AM
جيجى...
متاابعين...و معانا :
http://sudanorg.tk/files/al_sbata.wma
للحفظ و الاستمااع (http://sudanorg.tk/files/al_sbata.wma)يا طرير الشباب
شكرالك ماتاتينا به من جمال
دم زاهيا
imported_جيجي
22-02-2010, 12:02 PM
جيجي ياغالية
لك ولأميري (مشروبا) آخر
انه عصير الطماطم :p
اعتدت ابتياعه من (بقالة) لهنود بالجوار حيث أقيم...
قال لي الهندي يوما:
-هدا أسير مافي نفر تاني يشتي بس أنتا يازول :D
أي يقصد أن لا أحد يشتري (عصير الطماطم) سواي
باقي ليكي ماأخير من شايكم أنتي واميري (البهرد اللسان دة) :confused::mad:
:D:D
أستمتع بالقراءة لك (هنا) و (هناك) looool
فلتخرجي لنا (خبأ) وسادتك ياماجدتنا
مودتي شكرا لمرورك الكريم استاذنا عادل
مش مشكلة نجرب والتبعات عليك-ماتقوم تطيرني من العصاير ليوم الله
زي قصة الخروف يعني
اما عن الشاي المفلفل فهو مدهش بجد
وانا والله بتكلم جد ..يعني حبتين فلفل بطولهم او تلاتة على كباية الشاي
والتجربة خير برهان
وادينا رائك
شكرا لك مرورك الرائع مرة اخرى
دم بعافية
imported_جيجي
22-02-2010, 12:08 PM
أعملي حسابك سمراء دي زي الفريك ما بتدور شريك وأنا من يوم ما عرفتها كاتمة علي نفسي ومخلياني لا قادر أعاين شمال ولا يمين وآخرتا أمنت علي تأمين ضد الفقدان والخيانة ..شوفي الغيرة بتوصل البنات لي وين:confused:;)goood
لايعني نلملم اطرافنا وكدا خلاص بس شوف لينا طريقة في ولدك
اي واحد انشاء الله ود الخواجيةgoood
آيات مبارك
22-02-2010, 12:11 PM
في العام الماضي
مشينا رحلة (بيتش بري) مع ثلة من صديقاتي
المهم لاحظت إنه في مجموعة من الشباب يبدو إنهم من طلاب كلية الفنون الجميلة
إبتنوا من الرمال رجل وإمراة وهما يمارسان السر جهاراً نهاراً
وبعد إن إنتهوا جلسوا بعيداً .(الأولاد طبعاً ). ليستمتعوا بمشهد كل بنت وشكلها بكون عامل كيف وهي بتشوف الحاجة دي ...
صاحبتك ماصدقت..(غتاتة مؤسسة) مشت ليك علي الجوز ده عدييييل .. وعاملة نفسها ماشايفة.. وبتتكلم بالتلفون
وكمان وقفت فيها ..وإبتديت أمسح فيها برااااحة
وكأني ماقاصدة ..
أقول ليك حاجة: أنا بعرف أهبش لكن مابعرف أشاكل
ووصيت صاحباتي .. للنجدة
المهم هم زاتهم إحتاروا في الزولة الجات وقفت دي .. وتأكد لهم إني فعلاً ماشايفاها
وجاني واحد مسكين شكله إجتهد فيها
لوسمحتي .. ممكن تزحي من هنا .. قلت ليه مندهشة جداً ليه في شنو ..؟؟
وأثناء ماكنت بتكلم معاه .. مسحته الباقي ورأسي مرفوع ( دعاية أريبا بس ). وانا أملأه إعتذاراً .. ولسه بتكلم بالتلفون .:D.
يعني ماشفتها ومسحتها .. وبعديها مشيت زي الماحصل حاجة ...
...
imported_أميرى
22-02-2010, 12:37 PM
إبتنوا من الرمال رجل وإمراة وهما يمارسان السر جهاراً نهاراً
قدر ما حاولت اتخيل يمارسان السر دى غلبتنى
imported_فتحي مسعد حنفي
22-02-2010, 12:39 PM
قدر ما حاولت اتخيل يمارسان السر دى غلبتنى
اذا بليتم فاستتروا:D
imported_أميرى
22-02-2010, 12:42 PM
اذا بليتم فاستتروا:D
:D
imported_عثمان
22-02-2010, 02:23 PM
يا صاحبة الحكايات والزكريات ...سلامات
كلمات سطرتها لي يوم رحيلها
ذهبت هي وبقيت الكلمات وبقيت معها ذكريات الالم
كنا بالسنة الاولى الثانوية
هي من احد قرى الريف الشمالي لمدينة الخرطوم
جميلة يتوارى منها البدر خجلا رقيقة كنسيم الفجر
ذات انوثة تجبرك بالتعلق بكل تفاصيلها
تهمسك الكلام همسا بصوت عذب جميل
كانت تخصني بمودة جميلة تحكي لي فيها عن امنياتها واحلامها وتحكي لي تفاصيل اسرتها الصغيرة وكيف ان والدها الرقيق الحال يعتبرها واخوتها حملا ثقيلا ينوء به ظهره
في يوم اتت حزينة واخبرتنا انها ستتزوج بعد اسبوع من احد اقرباء والدها الذي يكبرها بقرابة العشرين عاما زوج يملك كل مقومات الحياة المادية ابن احد اثرياء المنطقة...
واسرت لي حين انفرادنا انه جهول عربيد يعيش حياته متنقلا بين معاقرة الخمر والنساء ولكنها قبلت به رضوحا لرغبة والدها الذي طمأنها بانه زوج لايعوض وان الله سيهديه يوما
سقطت دمعة على ورقة كانت امامنا فاسرعت تمسح تلك الدمعة ...
نص روياان يا جييجي ويدخلك بأبواب مختلفة وكل باب ليهو مذاق ورائحة وحس يختلف عن الاخر "يا جيجي أنا دايماً بقول إنه في الحياة دي في ناس عجلة الزمن دعستهم وسقطوا من دون ما يحس بيهم أي حد" وده إحساس مؤلم جداً ومؤكد سلواكي واحدة منهم.
imported_جيجي
22-02-2010, 08:40 PM
قصاصة محمد
قصاصة محمد دي كانت فضيحة عديل
زيزي صاحبتي من الثانوية ودخلت معاي نفس الكلية
العلاقة بينا قوية جدا ..اصلا كنا متقاربين فكريا ومشتركين في هواية القراءة وكتابة الشعر
زيادة على كدا اماتنا صاحبات-القصة دي تعبتنا شديد مافي حاجة بتتدسى
محمد شاب لطيف جدا-داطبعا اول انطباع- اول يوم دخلنا القاعة في اول سنه لينا في الجامعة
انا وزيري نتلفت وراسنا مقطوع والقاعة ملانه مشينا ليك في الصف الاول عاملين فيها شفوت نعاين كان نلقى لينا مكان فاضي..
قوم يا محمد الكاتلاك الرشاقة قوم من مكانك وجر صاحبك القاعد جنبك ..واتفضلوا يا اخوات ونحن ماصدقنا انكشحنا ليك وشكرنا بطرف خشمنا لزوم قشرة وكدا
المهم بعد المحاضرة طلعنا لقينا ليك محمدفي وشنا
سلام عليكم .... وعليكم السلام ...كيفكم ...تمام والله وبقية التعارف قام محمد كمل رشاقته
-ياجماعة ايه رائكم تشربوا حاجة..الكفتريا بي جاي المهم مشينا بعد اتماسخنا عليه حبة في البداية
وزيادةفي الظرافة محمد عزمنا فطور وبعده عصير وبعده شاي وبعد داك انت يامحمد ابقى لينا في رقبتنا لف بينا الكلية كلها يدخلنا بحمد ويطلعنا بخوجلي لحدوت اليوم خلص وقررنا نرجع
-يا جماعة انا معاي عربية وانتوا في طريقي اصلا
-لا والله شكرن نحن برضو معانا عربية
طيب باي
باي بكرة من الصباح لقينا ليك محمد حاجز ليناجنبه ونفس البرنامج اتكرر وبقى مابدينا نفس
واي واحد يجي بجنبنا يحدر ليه ونحن خلاص ماعرفنا البنعمله
-يازيزي انا خلاص الجامعة دي كلها حاخليها عشان محمد دا..ومحمد دا شكله مباريك انتي(اصله اكتشف انها بت جيران ناس خالته) انا ذنبي شنو؟ ومن يوم الليلة انا من طريق وانتي من طريق..
دا شنو ياخ كرهنا
- لا والله محمد شنو كمان حلينا كدا-اصلا انا عارفة زيزي عاجبها خالد ود حلتهم المعانا في سنه رابعة نفس الكلية ويمكن تكون دخلت الكلية دي عشانه
وصلنا لاتفاق انه محمد دا تاني لو عزمنا اي شيء نرفض عشان مايستلمنا بعيزوماته دي كل مرة
-تشربوا شاي
لا والله شكرا
-تفطروا
لا يامحمد عاملين رجيم
اجيب ليكم عصير
-ماعايزين
المهم محمد اخيرا فهم واتاريه راجل احمق جدا
ونحن في قمة غتاتنا ديك مع محمد الدكتور فاجأنا انه الكورس انتهى وانه في امتحان ونحن يادوب مافاهمين حاجة ولاعندنا مذكرات ومافقنا من دهشة عالمنا الجديد دا..
طبعا اتهجمنا وما عرفنا نعمل شنو وماعارفين درب مذكرات ولاحاجة...محمد بكل شهامة بعد حسه بشلهتتنا ديك اتصدى للموضوع وقال انا حافتش مذكرات واطبعها واطبع ليكم معاي
متين يامحمد
الساعة 7مساءنتلاقى في الكفتريا
اتفقنا انا وزينب ناخد الورق الساعة7 ونبيت عند صاحبتنا في الداخلية نساهر الليل داك وبكرة على الامتحان
الساعة سبعة شوكة شايفين ليك محمد في الكفتريا شايل الورق
-اها عملت لينا شنو
-طبعت ليكم المذكرات ودبست لكل واحدة ورقها
طب والله فيك الخير ومشكور يامحمد..وغيرك ماكنا حنعرف نتصرف كيف ومانعدمك وشنوشنو
فجأة محمد قال لينا
-ايه رائكم نشرب شاي ولا نتعشى
-لا يامحمد مابناخد حاجة بعد الساعة7
-شكرا يا محمد
قبل مانتم كلامنا نشوف ليك محمد شيط شيط وقع ليك في الورق داك شريط وشرط ليك المذكرات ديك حتة حتة قدام العالمين الموجودة ورماها في الارض ومشى
نحن الهجيمة وقعت فينا لا عرفنا نبكي ولا عرفنا نضحك
المهم رجعنا الداخلية واتصرفنا ووالامتحان انتهى ونحن طالعين من الامتحان نلقى ليك محمد واقف
-تشربوا شاي
-نشرب يا محمد
ومحمدبعد داك بقى زول صاحبنا شديد
اتذكرت القصاصة الفي المذكرة دي كاانت جزء من المذكرات الاتشرطت اصلا بعد هو فات نحن خميناها من قدام الناس
محمد لاقيته قبل كم شهر لما جاء هو وعروسه شهر العسل
imported_جيجي
22-02-2010, 08:43 PM
يا صاحبة الحكايات والزكريات ...سلامات
نص روياان يا جييجي ويدخلك بأبواب مختلفة وكل باب ليهو مذاق ورائحة وحس يختلف عن الاخر "يا جيجي أنا دايماً بقول إنه في الحياة دي في ناس عجلة الزمن دعستهم وسقطوا من دون ما يحس بيهم أي حد" وده إحساس مؤلم جداً ومؤكد سلواكي واحدة منهم. الله يسلمك ياعثمان
وشكرا لمرورك وشعورك الرائع
imported_جيجي
23-02-2010, 10:25 PM
ومازال الليل طفل يحبو
ولازالت مذكراتي في بداياتها-الله يستر
وزي ماقال لي واحد اخونا في بوست بهناك
غايتوا مابتستري كلو كلو الفي قلبك على كيبوردك.....وكمان هسة جابت ليها مذكرات يعني القديم والجديد كله في السهلة..مش قالوا البفلس بفتش مخازنه..
فعلا بوست سليقة هسى هو ذاته يصنفو تحت ياتوا نوع من مصنفات استاذنا خالد..احسن حاجة تفتحو لينا مصنف جديد وتسمو تداعيات وماتنسوا تضيفو بوستات ابو عاقلة
المهم قصاصة اليوم ورقة فيها ابيات من اغنية لفناننا الكبير محمد ميرغني اصلا الورقة دي لايممكن افرط فيها لانه لما وصلتني اول مرة احس انه في زول عبرني وانه عيوني حلوات بالرغم من انه لحظات وصولها كانت رهيبة قلبى كان حيطير وما عرفت ارميها ولا اقراها ولا احرقها وفضلت من الساعة اتنين لحدي الساعةالثامنة ماعارفة اعمل فيها شنوبعد داك اتوكلت وفتحتها ولاقتني اجمل كلمات اتلقيتها في حياتي
عشان خاطرنا
خلي عيونك الحلوات تخاطرنا
ولما تمري ابقي اقيفي ردي علينا واسالي عن مشاعرنا
اول حاجة حسيت بالكلمات دي بتتكلم وتتحرك وتكبر...وتكبر ..وتكبر..وزغللة وعرق
المهم الصباح لقيت روحي قابضة على الورقة ديك بشدة-شكله كدا كنت خايفة عليها تطير زي ماطارت الورقة القبلها قبل مااعرف الفيها شنو-
والورقة الطارت دي حكايتها حكاية بدأت حين اتي احد اقربانا لزيارتنا وكنت في بداية مرحلتي الثانوية-قبل القصة دي بسنه تقريبا وعند توديعه على الباب دفع لي بورقة قمت انا بكل هبالة قلت ليه اديها لمنو..
زولنا سحب ورقته بسرعة وقال لي خلاص خلاص.. واصلا القصة عندها خلفية لانه قبل كم يوم ود خالتي اداني مظروف يبدو انه فيه صورةقال لي اديه لفلانة المعاكم في المدرسة
بعد فترة اخت قريبنا حكت لي انه فلان قا ل والله بت....كانت عاجباني لكن لقيتها هبلة-خسارة والله حظ مافي اصلا فلان دا شاعر واكيد الورقة كان فيها بيتين حلوات
والخسارة الاكبر انه زولنا كان عرس غايتوا زي ماقال لي خالي-عندك غباء اجتماعي
هبل وغباء اجتماعي والبوست اكبر دليل
وكباية شاي احسن
imported_رأفت ميلاد
23-02-2010, 11:36 PM
يا جيجى ياخ أنتى متعة والله .. كل ما أقول أمد يدى أخاف من الخرمجة بتاعتنا بتاعة اليومين ديل .. غايتو غلبنى وقلت أقول سلام ..
imported_رأفت ميلاد
23-02-2010, 11:44 PM
إبتنوا من الرمال رجل وإمراة وهما يمارسان السر جهاراً نهاراً
غايتو بعد ما دخلت غلبنى .. ودى حارقانى
دا أخف وأبلغ تعبير سمعته فى حياتى .. حفظ للخصوصية حقها وأداها إحترامها الكامل .. أهنأك يا آيات .. وياريت تستمرى فى إبداعاتك مع جيجى ما يكون الولد ده وعمو شوشو عليك
imported_جيجي
24-02-2010, 12:35 PM
يا جيجى ياخ أنتى متعة والله .. كل ما أقول أمد يدى أخاف من الخرمجة بتاعتنا بتاعة اليومين ديل .. غايتو غلبنى وقلت أقول سلام ..
تسلم يارب
ومرحب بكل طيوف المحبة
وخرمج ساي....
وما الك الا المحبة
imported_جيجي
25-02-2010, 12:18 AM
صديقتي الجميلة ..دعوني اسميها جميلة..لانهاهي فعلا كذلك..جميلة-بيضاء- رقيقة
كنا نسكن نفس الحي ..هي تسكن في المنزل المجاور لمنزلنا..ذلك الحي الذي كان معظمه تحت الانشاء اتت للعاصمة من احدى اقاليم غرب السودان مع والدها هربا من ضنك العيش
كان ابوها يقوم بحراسة احد بيوت المغتربين الذي ما زال تحت الانشاء فاتي بعائلته للسكن في البيت فصرنا جيرانا
كانت هي في الثالث عشر او يزيد قليلا لاتمتلك في الدنيا الا ذلك الجمال الذي لا يخفى على احدوذاك الخجل الذي تتوارى خلفه كل الهموم
وبحكم حق الجيرة وتبادل المنافع ..كانت تاتي لمساعدة والدتي مقابل بعض المال
خفة روحها جذبتني اليها وقررت التقرب منهاودعمها بشتى الطرق كنت اقف بجانبها في المطبخ في اوقات فراقي كنت حين تطلب منها امي ان تاتيها بشيء او عمل شيء ابادر انا بجلبه واسابقها بعمله
كانت تاتي لتجلس الي في بعض الاحايين تحكي لي عن ذلك العز الذي اضاعته جدب الحياة وقسوتها وعن الكثير من سر حياتهم وعاداتهم وتقاليدهم بكثير من الرضى كنت ادعوها لمشاركتي البرامج التلفزيونيه والذهاب معي للتسوق او لزيارة صديقاتي تطور الامر بيننا عندما اعلنت عن رغبتها في التعلم فقامت والدتي بالحاقها باحد المدارس المسائيةوصرت انا اتابع معها دروسها
اعجبني كم ذكاءها ورغبتها الملحة لمعرفة كل شيء كنت اقدم لها الكثير واسعد بمحاولاتها تقديم كثير من الخدمات لي خفية
مرت عامان ونحن نزداد اقترابا انتقلت خلالها للاقامة معنا بعد ان اضطر والدها للرحيل بعيدا فأجانا والدها يوما بحضوره معلنا ان ابنته تقدم لها ابن عمها ويجب ان تتزوج فرحنا كثيرا للخبر وتم الزواج وسافرت صديقتي للغرب للانضمام لزوجها واسرته
اختلطت في عيني دموع الفرح بدموع الحزن وانا اودعها وهي في اجمل هيأتها واجمل لحظاتها
تمنيت لذلك القلب الصغير الكبير ان ينال حقه من السعادة والحب والفرح الذي المحه في عينيها
مرت خمس سنوات
وفي احد الايام فأجاتنا صديقتي بزيارتها..كما فعل والدها تماما من قبل لم اتعرف البها للوهلة الاولى..يا اااااااااااااااالهي ..ماذا يحدث في الدنيا ..اين ذهب كل ذلك الجمال..وكل تلك الحيوية
امرأة كانها في اواخر الثلاثين وهي لم تتخطي االواحد وعشرون ربيعا بعد ..زائعة العينين كأنها لم تتذوق الطعام منذ ان ذهبت..باهتة اللون..تري الحزن والبؤس يوصم كل تفاصيلها
-سيدتي الجميلة
ماذا حدث لك ..ومن فعل بك كل هذا
روت قصتها وكانت الكلمات تخرج منها انينا وفي بعض الاحيان نويحا
بعد عدة شهور من زواجها تركها زوجها باحثا عن الهجرة
هاجر الي بيروت..تركها مع اهله هناك..ظلت تنتظره وكانت حاملا انقطع خبره بعد عدة اشهر
كانت تعيش فيهما ضنك العيش لم تعد تعرف عنه شيئا
وضعت مولودها الاول الذي عانت في ولادته اصرت والدة زوجها ووالده على عدم مغادرتها بمولودهم الى ان ياتي والده..وكان والدها اكثر تحللا فهو لم يكن قادرا على اطعامها فكيف وهى تحمل فوها اخرا يحتاج للكثير
كانت تعاني قسوة الحياة وقسوة الوحدة وبعاد الاهل..تفننت والدة زوجها في ازاقتها كل انواع العذاب والزل نتيجة احتجاجها على وضعها..اصابها المرض..وقاربت الموت
عندها قالوا لها ان ارادت الذهاب عليها ان تترك ابنها لديهم فلم تجد بدا من الرجوع لوالدها على ان تاتي بعد العلاج من اجل ولدها
لم يتعرف عليها والدها ولا والدتها بعد ان تبرع احد اقاربها بارجاعها الى اهلها وهي بين الحياة والموت
عندما استعادت عافيتها اتي من يخبرهم ان زوجها يعيش مع احد اللبنانيات هناك وقد نسي امرهم تماما وتبرع باعطائهم رقم هاتفه عند الاتصال به تنصل عن كل شيء حتى انه ساومها في ابنه
وقال انه سيطلقها فقط ان رضيت ان تعيل ابنه الذي لم يره بعد وتقوم بتربيته على الا تطالبه بشيء بعدوالا ستظل هي كذلك وسيظل ابنها بعيدا عنها..حتى خيار امومتها صار فرضا
وكعهدها سجدت الامومة بين يدي كل ذلك الظلم
من اجل فلذة لا زالت يرتجف كبدها شوقا لهاحين اتت كنا قد فارقنا الوطن منذ حين ..واتينا في زيارة للوطن لبعض الوقت
قالت ان ولدها الان يقيم مع اهلها بعد ان تنازلت عن كل حقوقه لدى والده في احد اطراف العاصمة وانها تعهدت لوالدها ان تخرج مرة اخرى للعمل من اجل ولدها
اخذتها امي لجدتي التي كانت ايضا في حوجة لمن يظل معها بعد ان تفرق الاولاد والبناتواخذتهم سنه الحياة بعيدا
وعادت جميلة كما كنت..ونضرة كما كانت..كنت دوما اتحسر من اجلها..اترى ستظل تحمل ذنبا لم تشارك في اي من فصوله..اترى ستظل طوال عمرها تدفع الثمن من شبابها وعمرها الغض...اتنتهى الحياة هنا قبل ان تبدأ تماما
حرام ان تقضي عمرها هكذا من اجل ابن ذنبها الوحيد انها انجبنه من رجل لايفقه معنى الابوة..ولكن يبدو ان الانسان دوما لا يجيد تقدير الاشياء
ظلت صديقتي تذهب كل خميس لولدها وعائلتها لتعود يوم السبت لمواصلة عملها..كنا حين نذهب في زيارة تاتي لتقيم معنا
في اخراخزيارة لي لاحظت انها تتحدث في الموبايل كثيرا وانها دوما تكون سعيدة حين تلك ا لمكالمات..سالتها يوما عن سر المكالمات..وانا ادري انها تتميز بسيرة عطرة
قالت لى في خجل يمتزج ببعض الحزن
فلان احد ابناء قبيلتنا
يريد الزواج بي
وانا ارفض من اجل ولدي
-انت هل تريدينه - الا تخشي ان يفعل بك ما فعل الاخر
-الاخر كان سئي السيرة وابي كان يعرف ذلك ولكنه ابن عمي ولا يستطيع ابي غير ذلك
اما هذا الرجل فيشهد له الجميع بحسن خلقه
-اذا توكلي على الله
-لا استطيع ترك ابني والااستطيع اخذه معي هو على قدر حاله ولااستطيع ان اجبره بتربية ابن تخلى والده عنه
-اذن اشترطي عليه ان تستمري في عملك من اجل ابنك
-لا استطيع ترك ولدي لوحده في بيته وانا اعمل -هناك في بيت ابي امي واختي يراعونه
انتهي حوارنا وانا ادعوالها
-
قبل عدة ايام اتاني اتصال منها ان يوم الجمعة زواجها
-الف مبروك-ماذافعلت
-اشترط عليه والدي ان اظل في عملي-وان يظل ولدي مع اهلي
وان ياتي هو الينا في عطلة نهاية الاسبوع وان يرجع لاهله حين عودتي لعملي
-هتفت دون وعي
فليحيا الايثار
من اجل صديقتي ومن اجل كل من مر بظروف لم تسمح له بممارسة حقوقه كاملة
ومن اجل من سعت لصون نفسها وهي في قمة جمالها
من اجل من طوعت الظروف لتحيا بشرف
فلتحيا السعادة وان كانت رحيقا
ولتحيا عدالة السماء
ولتسقط عدالة البشر
آيات مبارك
25-02-2010, 03:16 PM
غايتو بعد ما دخلت غلبنى .. ودى حارقانى
دا أخف وأبلغ تعبير سمعته فى حياتى .. حفظ للخصوصية حقها وأداها إحترامها الكامل .. أهنأك يا آيات .. وياريت تستمرى فى إبداعاتك مع جيجى ما يكون الولد ده وعمو شوشو عليك
ياسلااااااااااااااام يارأفت والله طمنتني شديد:p
ماكنت مفتكرة نفسي أجي راجعة هنا تاني (وش خجلان)
لأني بغباء أسطوري ماكنت متخيلة أصلاً زول يقيف ويسألني ماقادر أتخيل وبتاع ...
على العموم كتر خيرك
..؟؟
imported_أميرى
25-02-2010, 05:16 PM
ياسلااااااااااااااام يارأفت والله طمنتني شديد:p
ماكنت مفتكرة نفسي أجي راجعة هنا تاني (وش خجلان)
لأني بغباء أسطوري ماكنت متخيلة أصلاً زول يقيف ويسألني ماقادر أتخيل وبتاع ...
على العموم كتر خيرك
..؟؟
ياخ وحاتك انا بس قلت ما قادر اتخيل
وبتاع دى ماتبعى....شيليها وانزلى المحطة الجاية
وما تخجلى يا فتاة
فليس من شئ يستدعى
عديها مشاغبة بقصد
او بدون...
بس اتاكدى
النوايا الطيبة لا تكفى احيانا...
نزلتى محطتك؟
imported_جيجي
03-03-2010, 09:36 PM
WIDTH=400 HEIGHT=350
imported_Dr. Mohammed Hassan
03-03-2010, 10:29 PM
اتابع دون تعليق
imported_جيجي
04-03-2010, 08:59 AM
اتابع دون تعليقسير....سير
والباقي تمه خيال:D
imported_قمر دورين
04-03-2010, 01:06 PM
جيجي....
كثيرة هي اللحظات المرسومة على لوحة الحياة مع إختلاف الألوان وتدرجّها!
جميل هذا البوح....
دمت مشرقة...
imported_جيجي
06-06-2010, 08:48 PM
ع
رجل من احدى الانتماءات الشامية
اقابله دوما في المصعد صباحا نتبادل التحايا
يبتسم رغم تلك اللمحة الحزينة المرتسمة على وجهه
يسكن في الطابق الذي يلينا مباشرة
تعرفت على زوجته يوما عن طريق الصدفة
امراة ضخمة قاسية الملامح متجهمة الوجه دوما
كنت يومها في طريقي للمنزل فاستوقفني صوت طفل يصرخ ويبكي بكل قوته واصلت صعودي لمكان الصريخ الذي قادني لشقة ع
ضربت الجرس اعتقادا منى ان الطفل قد يكون في مشكلة واهله خارج البيت
لم يرد على احداضطررت الى مخاطبته امام الباب
-مالك بتبكي
ازداد نحيبا واخذ بمناداة امه
اصابني الفزع ربما امه في مشكلة
هرعت الى بواب البناية الذي اتي مسرعا وجعل يضرب الباب بكلتا يديه
فجاة انفتح الباب عن ذلك الوجه المتجهم
-خير
-لابس انزعجنا لانه سامعين الطفل ببكي
-فيك الخير اصلا انا معاقبته وطابلته في الحمام
لم استطع ازدراد ريقي من الدهشة والرعب وانا اسمع صوت الباب يغلق بهذا العنف دوننا
-لاحولا دي مرة ولا غفر على قول عادل امام
التقيتها يوما وانا اضع رجلي داخل المصعد
توجست خيفة وهممت بالتراجع عن الدخول ولكني تسمرت مكاني حين اتاني صوتها
-اهلا بجارتنا الحلوة
-اهلا ... همست مترددة
-تعرفي كنت بحكي صاحباتي اليوم عنك وعن موقفك لما سمعتي ولدي ببكي وحابة اتعرف عليك اكتر
-تشرفي في اي وقت وانا عايشة انا وماما في الشقة التحتكم على طول
صارت بعدها نهي من زوارنا الدائمين فدوما تتناول فنجانها الصباحي مع والدتي
وغالبا ماترسل الي باحد ابنائها لمساعدته في دروسه وترافق والدتي الى التسوق
ولكن ذالك الرهاب الذي يلازمني تجاهها لم يخمد يوما
الى ان كان يوما
تنبهت والدتي على صوت صراخ على غير العادة
اسرعنا خارج الشقة نستطلع الامر
بكاء وصراخ ورجال الاسعاف يسرعون
اسرعت استطلع الامر
كان صراخ الاطفال الذين قام رجال الاسعاف باخراجهم خارج الغرفة يصم الاذان
-بابا حيموت
-ماما ربنا ما حيسامحك
كانت نهى تستكين على احد المقاعد وقد اخذ منها التعب ماخذه
وبعض الجارات يحاولن تهدئة الاطفال وتطمينهم
تصلبت في مكاني انتظر كما البقية
خرج احد الرجال بعد زمن خلناه دهرا
-حمدلله على السلامة......بسيطة...ابوكم بخير
اضطررنا بعدها للذهاب كي لانثقل باسئلتنا في وقت يبدو انه لايحتمل ذلك
كان حقيقة الامر ان السيدة نهي المفترسة قد اعتدت على زوجها
بالخنق والركل
-في اليوم التاني اتت لزيارتنا
بادرتها امي
-معقول يانهى
ردت
- والله ياسلمى لوماخفت يروح فيها ماكنت فكيته
-ياخالتوا يروح فيها كيف ماخلاص راح فيها
مش كفاية احترامه الفقده وسط الجيران انت قتلتي نفسيا...-
-والله ولايهمني...وتاني بكررها
الشيء الغريب اني تحملت عبء ماقامت به اذ انني اصبحت كل ماالتقيت عم عمر في المصعد اسرع لتبادل البسمات وسرد القصص معه وملاطفته
كان يبادلني ذاك بابتسامة دافئة كسيرة كأنه يقول لي انا اعي مقصدك من كل ذاك
طبعا لم انسى تحذير امي مداعبة
-اعملي حسابك من نهى ماتلحقك عم عمر
ا
imported_محمد مصطفي
06-06-2010, 09:17 PM
WIDTH=400 HEIGHT=350
هذه المغنية رغم جمالها واختيارها الرائع لاغنياتها
لكنني افقد الاحساس بها
لا تطربني لكني احسست كلماتها الجميلة وهبشتني جووووووووة
جيجي يا شفيفة البوح
لحديث جمال ولخواطرك روعة
قرأت هذا البوست من بدايته بلهفة المتشوق لكلماتك الجميلة
فلكم احسسناها واستمتعنا بها
مساء الجمال
imported_جيجي
29-09-2010, 10:08 PM
نواصل
imported_جيجي
01-10-2010, 05:52 PM
كثيرا قد يمنحك الله سرا خفيا
وحقا ان الله قد يجعل سره في اضعف خلقه
فقط لاتسئوا الظن وانتم تقرأون
فماساكتبه صفاء نفسي في المقام الاول وقد ترددت كثيرافي كتابته ولكني سافعل
فقط تابعوني بمرح نقي كما كنت افعل دوما
برجع
الرشيد اسماعيل محمود
01-10-2010, 08:38 PM
اقتباس:
المشاركة الأصلية كتبت بواسطة جيجي http://sudanorg.tk/vb/images/styles/smartblue/buttons/viewpost.gif (http://sudanorg.tk/vb/showthread.php?p=284317#post284317)
كثيرا قد يمنحك الله سرا خفيا
وحقا ان الله قد يجعل سره في اضعف خلقه
فقط لاتسئوا الظن وانتم تقرأون
فماساكتبه صفاء نفسي في المقام الاول وقد ترددت كثيرافي كتابته ولكني سافعل
فقط تابعوني بمرح نقي كما كنت افعل دوما
برجع
ياخي تعالي..
جيجي سلام..
في انتظار الصفاء النفسي ده..
متابع مشحتف.:)
imported_جيجي
01-10-2010, 09:58 PM
اقتباس:
المشاركة الأصلية كتبت بواسطة الرشيد اسماعيل محمود http://sudanorg.tk/vb/images/styles/smartblue/buttons/viewpost.gif (http://sudanorg.tk/vb/showthread.php?p=284350#post284350)
ياخي تعالي..
جيجي سلام..
في انتظار الصفاء النفسي ده..
متابع مشحتف.:)
رشيد يسعد مساك
والله يارشيد فقدت الاحساس بالكتابة فجأة
ودي من مساؤي الغربة وضيقها
لكن بجيك بكرة
imported_جيجي
21-11-2010, 08:02 PM
عشان اتذكر
imported_رضا
22-11-2010, 11:22 AM
عشان اتذكر
بوست أقل ما يقال عنه أنه رائع
قراته من البداية وحتي النهاية علي غير عادة
واصلي وبدون فواصل يا جيجي
متابعة وباهتمام شديد
imported_ابرا
22-11-2010, 11:56 AM
جيجي في اثواب اسامة انور عكاشة قمة الابداع
imported_خالد الصائغ
22-11-2010, 12:55 PM
متابعة بكل الشغف للمتعة الدافقة هنا من أول حرف الإبتدار و حتي بهاء الحرف الأخير
جيجي
إن شاء الله أيامك كلها هناء و راحة بال
imported_Nour
22-11-2010, 01:01 PM
جيجي تسلمي علي هذه الورقات الرائعات واحيك علي شجاعتك في مشاركتها مع الاخرين فكم من دفاتر حبيسة الادراج والذكريات ودفترك اعاد لي قصة قديمة ( يعني ما قديمة شديييييييد) المهم ياستي كنت امتلك دفتر واكتب فيه مشاهداتي وارائي ومايرضيني وما يزعجني صندوقي الاسود كان هو من ضمن الكتابات كنت اقرأ ايضا لنزار كحالنا جميعا فكنت ابدا كتاباتي بنزار قال كذا وانا اقول كذا وكذا كانه حوار بيني وبين نزار وفي يوم اختفي صندوقي الاسود وعقدت محكمة التفتيش من هو نزار واين التقيته وقفتي سمعتي ليه واذا كان المدرسة بتخليك تقيفي تناضمي في الشارع بلاش منها مشكلتي ان كنت اخذ من قول نزار لبه وليس نصه لم يفيد دفاعي الي ان تدخل اخي الاكبر وانقذني وافهمهم ان نزار هو نزار قباني فكان الرد ولو الشعراء يتبعهم الغاوون. الحمدلله ان دفتري عاد لكن من وقت لوقت كانت بتحصل ليه مصادرة بعلمي او دونه. احيك مرة اخري لازالة صدي الذاكرة
imported_جيجي
23-11-2010, 10:47 PM
سقطت دمعة على ورقة كانت امامنا فاسرعت تمسح تلك الدمعة
تذكرت انها تريد ان تفعل شئيا
كتبت لي بعض كلمات على تلك الورقة
كم احببتك
واحببت ان اكون مثلك
ارسم احلامي وابدا في تحقيقها خطوة خطوة
وكم تمنيت اان اختار شريك حياتي لوحدي
ولكن دوما تقيدنا الظروف
كتبت لهاعلى نفس الورقة دون ان ينبث احدنا بكلمة
دعي عنك كل هذا
وابدي حياتك
ارسميها لوحة وزينيها بكل الالوان
حينها ستبدأين حلما جميلا كل يوم
دمعت اعيننا وتعانقنا طويلا
اقمنا لها حفلا رائعا
يااااااااااااااااااااااااااه ياصديقة
هل تشابهت الحكايا الان في زاوية ما
ليتك كنت معها الان
كي تكتبي لها ماذا هي فاعلة
ولتغني لها كماغنت لك يومها
كل اغاني الفرح
كي تعي مايدور
غني لها
الليلة يا بخت السباتة
الاينعت من طول سباتها
وغني لها
هي الليلة دي الرايقة
وست البنات اللادن قوامها
وعيني سمحة المقدرة
وسمحة سمحة الصيدا
وعروسته السنبلة الخضراء
ومن بعيد جات تمشي المها
وياشبه القمرا
وانت كلك زينة
فقط لاتغني لها
البريدوا
ياحليلوا
وبحبك بحبك الى مانهاية
او اي اغنية للحب
كي لاتسقط مغشيا عليها
imported_جيجي
06-12-2010, 08:36 PM
كثيرا قد يمنحك الله سرا خفيا
وحقا ان الله قد يجعل سره في اضعف خلقه
فقط لاتسئوا الظن وانتم تقرأون
فماساكتبه صفاء نفسي في المقام الاول وقد ترددت كثيرافي كتابته ولكني سافعل
فقط تابعوني بمرح نقي كما كنت افعل دوما
برجعبمناسبة الابتسامات الحائمة ذكرتني البوست وما اردت ان احكي عنه
وهبني الله نونتين صغيرونتين الا سرهم باتع
دا طبعا بعد كبرت واكتشفت السر دا
اما وانا صغيرة فلم يكونا سوي ا مصدر للعض والقرص من خالاتي المبجلات مماحدا بي بالاسراع الى وجهي وتغطيته بيدي حال ان يقع ناظري على احداهن
والابتدأ بالبكاء
المهم في الكبربدأت اتحسس حظي معهما
وانا في المدرسةكانت المديرة تدعوني الشافعة ام نونات
اي نشاط تصيح قائلة وين ي الشافعة ام نونات ديك شركوها معاهم
في الثانوية حين يتم استدعانا لتهزئية الجماعة لما يكون المهزيء من النوع الاخر الجماعة يدفروني يقول لي خشب اول ونحن وراك
-وصباح الخيريااستاذ متبوعة بابتسامة وعييييك الموضوع يبقى
تاني ماتسو كداوبتمني دي تكون المرة الاخيرة والموضوع ينتهي بامن وامان
ام الاستدعاء لو جاء من ست هناية الفقرة فمعناهاانا احر الصف لانه ست فلانة طوالي بتقوم تهاجمني
-انتي يالبتتكشمي زي نار القصب دي العاجبك شنو تعالي لي بي جاي وتفك ليك الجماعة وتمسك فيني
المهم بعد داك بدات قصة الخروج للمجتمع
اي محل امشي ازيك يادكتورة
حاضر يادكتورة
افتح الباب للدكتورة
مري يادكتورة
لحدي ماقربت اصدقهم وافتح لي عيادة
حاواصل بعض الطرائف الحصلت نتيجة للموضوع دا
imported_جيجي
06-12-2010, 08:56 PM
من اطرف المواقف المتعلقة بالموضوع
انه عندي خالتي كانت برة السودان جات مخصوص لانه عندها اختها عيانة
المهم من المطار الساعة 8على المشفي الراقدة فيه خالتنا
الغفير حلف مايدخلها واختها تعبانة جوة المهم ان جيت الصباح لقيتها ليك قاعدة في السور سلمت عليها ومشيت على الباب
-ياعمو صباح الخير فتح لي الباب دخلت ومنعها هي- والحقيقة يعني اصلوا ماحصل جيت جنب باب مستشفي ما اتفتح لي
شفت خالتي وطلعت عندي شغل جيت راجعة الساعة حداشر لقيتها قاعدة في محلها والراجل حلف مايدخلها
-ياعموكيفك فتح الباب والناس واقفة دخلت وطلعت
-جيت راجعة فضل للزيارة10 دقائق لقيتها قاعدة والراجل فتح لي كالعادة
بس بعد شوية الزيارةفتحت جات داخلة تهرج
-انا من8صباحا لي تلاتة
البت تجي وتطلع تلاتة مرات
اشمعني يدخلكن انتن
قاعدات تقولن ليه شنو:)
والله دي انطلاقة
وفجأة اتلفتت لقتني قدامها
ولا الا نسوي لينا نونات....
imported_جيجي
06-12-2010, 09:14 PM
مرة برضو عندنا عرس في الريفيرا
انا سايقة سيارة وبت خالتي سائق سيارة تانية وماشة وراي
لماوصلناا كان في زحمة عربات شديدة والباركنج برة تعب شديد
يلا في الموقف دا قلت خلاص يازولة كدي شوفي الابتسامة
جيت وقفت جنب الباب وضربت البوري جاني واحد وهي بعربيتها وقفت وراي
فتحت ليك قزاز العربية
-شنو يابن العم يعني نقيف ليكم وين:)
-ولايهمك اتفضلي يااميرة
ومعاها بسمة طبعا
-شكرا ياسيد
وتوش قفل الباب في وش صاحبتنا
بس اسمعها ليك
-واشمعنى دي دخلتها ولا دي مرة عمر البشير:D
وطبعا حلف مايخليها تخشونواصل
imported_جيجي
06-12-2010, 09:34 PM
اما بتاعين الحركة ديك
فسبحان الله تسخير شديد
-مري يادكتورة
-ياخ لي توقف الدكتورة في الحر
-خلاص المرة الجاية جيبي معاك الرخصة
-اسفين يادكتورة
-ياخ تظليل شنو خلي الدكتورة تمشي:D
لحدي مايوم انا وصاحبتي وقعنا ليك في واحد انصار سنةحلف مايرفع عينه دي يعاين لينا ونحن كنا داخلين شارع غلط
-يابن العم
-ياود الناس
-ياخينا
الزول طلع لينا كمية من المخالفات..
-رخصتك
-رخصتي مامعاي وهي رخصتي كانت معاي ومنتهية كمان
ونحن حالتنا حالة والدنيا حر
كان هناك ضابط في عربية بس يجينا ليك
-في شنو موقف الشابات ديل في الحر دا
-ياخ دي رخصة ماعندها
-ياخ بالله امشوا رخصة شنو ياخينا:)
-شكرا يا سيد
imported_جيجي
06-12-2010, 09:42 PM
جيجي في اثواب اسامة انور عكاشة قمة الابداعالله يخليك
بس ماظلمت انور عكاشة:D
imported_جيجي
06-12-2010, 09:49 PM
متابعة بكل الشغف للمتعة الدافقة هنا من أول حرف الإبتدار و حتي بهاء الحرف الأخير
جيجي
إن شاء الله أيامك كلها هناء و راحة بالشكرن خالد الصائغ لتلك الكلمات الجميلات
وتسلم يارب
مودتي
imported_جيجي
06-12-2010, 09:55 PM
جيجي تسلمي علي هذه الورقات الرائعات واحيك علي شجاعتك في مشاركتها مع الاخرين فكم من دفاتر حبيسة الادراج والذكريات ودفترك اعاد لي قصة قديمة ( يعني ما قديمة شديييييييد) المهم ياستي كنت امتلك دفتر واكتب فيه مشاهداتي وارائي ومايرضيني وما يزعجني صندوقي الاسود كان هو من ضمن الكتابات كنت اقرأ ايضا لنزار كحالنا جميعا فكنت ابدا كتاباتي بنزار قال كذا وانا اقول كذا وكذا كانه حوار بيني وبين نزار وفي يوم اختفي صندوقي الاسود وعقدت محكمة التفتيش من هو نزار واين التقيته وقفتي سمعتي ليه واذا كان المدرسة بتخليك تقيفي تناضمي في الشارع بلاش منها مشكلتي ان كنت اخذ من قول نزار لبه وليس نصه لم يفيد دفاعي الي ان تدخل اخي الاكبر وانقذني وافهمهم ان نزار هو نزار قباني فكان الرد ولو الشعراء يتبعهم الغاوون. الحمدلله ان دفتري عاد لكن من وقت لوقت كانت بتحصل ليه مصادرة بعلمي او دونه. احيك مرة اخري لازالة صدي الذاكرة نور ياجميلة
والله احزنني دفترك النذاري الجميل وهو يتعرض للسطو والمحاكمة
ولكن الكلمات تبقى والجمال دوما
ليتك تجلعينا من المتلصصين عليه من حين الى حين
ودومي بخير
imported_جيجي
06-12-2010, 10:01 PM
بوست أقل ما يقال عنه أنه رائع
قراته من البداية وحتي النهاية علي غير عادة
واصلي وبدون فواصل يا جيجي
متابعة وباهتمام شديد انت الاروع يارضا
وتسلم يا اخي
وشكرن قراءتك من البداية للنهاية
وبث:D
imported_جيجي
06-12-2010, 10:04 PM
جيجي....
كثيرة هي اللحظات المرسومة على لوحة الحياة مع إختلاف الألوان وتدرجّها!
جميل هذا البوح....
دمت مشرقة...
ودمتي ياسيدتي الجميلة
مرورك كم يسعدني وانت بكل زينتك التي عهدنا
ياقمر دورين
imported_جيجي
06-12-2010, 10:09 PM
هذه المغنية رغم جمالها واختيارها الرائع لاغنياتها
لكنني افقد الاحساس بها
لا تطربني لكني احسست كلماتها الجميلة وهبشتني جووووووووة
جيجي يا شفيفة البوح
لحديث جمال ولخواطرك روعة
قرأت هذا البوست من بدايته بلهفة المتشوق لكلماتك الجميلة
فلكم احسسناها واستمتعنا بها
مساء الجمالكلكلاوي الامريكاوي
ياخ والله اسعدتنا الانا وانا ... كتير جدا
واسعدني عبورك هنا ووتلك الكلمات الجميلات
imported_ميسون مطر
07-12-2010, 12:47 AM
جيجى...كتابتك جميلة وطاعمة جدا
شكرا لوسادتك ...ولتلك الاوراق
imported_جيجي
07-12-2010, 12:32 PM
جيجى...كتابتك جميلة وطاعمة جدا
شكرا لوسادتك ...ولتلك الاوراق ممنونة لورودك هاهنا
ونحن لانزال تاخذنا خطى الدهشة هناك بين صفحاتك الجميلات
كونك بكل جمالك هذا
وتغني بالكلمات ودعينا نشاركك الرقص
imported_جيجي
16-01-2011, 02:12 PM
والامنيات تجوب اروقة الزمان
فتنهزم كل الرؤي
تتبعثر الاشلاء قارعة الطريق
ويحي اناماببين امنياتك والرؤى
ويحي انامابين طلك والرحيل
ويحي انا
imported_جيجي
16-01-2011, 09:15 PM
وتحسسا لاكثر الزوايا دفئا
اتلمس بعض الحكاوي الاسرية
فاذا باناملي هناك في العمق
حيث منبت النبع
حيث ا لتيار الرئيسي للحب
و فوران المحنة
حيث رائحة العشق المعتق بالجمال
اطل وجها من بين الاف الحكايا
فاضطرب المداد حنينا
ساحكيها
حبوبتي
الامدرمانية المتقدرة التي تطبخ من البردة (والبردة للذين لايعلمون مجلة للطبخ والازياء كانت تصدربالعربية والاجنبية ومازالت اعدادها ترقد هناك بين حوائجها) وتصمم ازياء بناتها في بيت هو دنياها لايعرف غير السمو طريقا
والزمان عندها محاكم بعدد الثواني
ساحكي عن طيات جمالها
وارجو ان لايخزلني الحرف ولا المداد
النور يوسف محمد
16-01-2011, 10:00 PM
وارجو ان لايخزلني الحرف ولا المداد
بسم الله الرحمن الرحيم
لا الحرف أخشى عليك ولا المداد ..
ربنا يكفيك شر الزمن الممحوق ...... :D
imported_أسامة معاوية الطيب
17-01-2011, 08:33 AM
ــــــــــــــــــــــــــــــــــــــــــــــــ
بدون
انت بالله يا جيجي بدون ؟؟؟
imported_جيجي
17-01-2011, 11:54 AM
بسم الله الرحمن الرحيم
لا الحرف أخشى عليك ولا المداد ..
ربنا يكفيك شر الزمن الممحوق ...... :Dالنور ياحادي الركب الانيق
بل هي البدايات حين تستعصى
بالتلاحق والتلاحم ....
وبعض لهفة
imported_جيجي
17-01-2011, 11:59 AM
ــــــــــــــــــــــــــــــــــــــــــــــــ
بدون
انت بالله يا جيجي بدون ؟؟؟سمسم القضارف
صاحب بيت الجاك
والبتجيك في قلبك مابتسامحك
وتخليك بدون
هوية:D
imported_جيجي
17-01-2011, 03:08 PM
حكاية عابرة
WIDTH=350 HEIGHT=400
imported_جيجي
17-01-2011, 11:07 PM
طية اولى
كالسراج الوهاج جمالا
جميلة المحياا
لاينفك البرق يداعب عينيها حتى تتساقط عليك غيوم الحنين رزازا
فيغمرك ندى الملامح الدقيقة المنسجمة في تواد رزين
باعثا فيك ازيز عجيب
وحين لاتزال عند زروة الحنين
يفاجيك نصف الشمس من بين شفتيها المفترتين
فياخذ الدف طريقه اليك سربا
مخلا مركز التوازن عندك مابين الدف والازيز
فلا تفتأ الا ان تهرب من كل ذلك بناظريك
كي تريحها هناك عند ليل يسدل جدائله في تراخي ياخذك الى نهايات السكون
جدائل كنا نجلس خلفها ونحن صغار نمارس العد بايادينا الصغيرة مستوثقين كم الاشبار
التي دوما نختلف في عددها كل حسب راحتيه
ونحلم بمثله ونحن نتسابق الى تمشيطه اني توفر لنا ذلك
فنسرع الي تشكيله كل حسب هواه كيفما تاخذنا الاحلام والامنيات
وكانما هو من قال فيه ابن الرومي
وفاحمٍ وارد يقبّل مم ... شاه إذا اختال مسبلاً غدره
أقبل كاللّيل من مفارقه ... منحدراً لا يذمّ منحدره
حتى تناهى إلى مواطئه ... يلثم من كلّ موطىءٍ عفره
كأنّه عاشقٌ دنا شغفاً ... حتّى قضى من حبيبه وطره
وبواصل
imported_محمد مصطفي
17-01-2011, 11:43 PM
متابعة واستمتاع يا جيجي
عاد غلبني الكلام ... في قولك السمح ده
واصلي ...
راجيين
imported_جيجي
19-01-2011, 02:00 PM
شكر والله يا يامحمد
وتسلم
ياخ والله قاعدين نتوهوش لما نصك التاني دا يغيب
imported_جيجي
23-01-2011, 12:40 PM
حاشية
When you start to miss me, just remember, I didn't run away, I didn't even walk.. you let me go!
imported_جيجي
04-02-2011, 09:44 PM
قصاصة
من يستحقني هو رجل لن ينتظر فرصة مني بل سوف يخلق فرصته بنفسه
سيفعل المستحيل لأجلى
سيرسم لي ما تبقى من حياتي معه ...
سيجعلني اول اولوياته
وسيخطط لحياة تجمعنا سويا
يشاركني في قراراته ليحظى بي إلى جانبه
ويستحق
ان يبقى قلبي معه لبقية سنين العمر
فإن لم يفعل
فهو بكل تأكيد ليس من يستحقني
دا عنف ولا عنفوان ولاكبرياء ولا زعلة ساي:rolleyes:
imported_جيجي
05-02-2011, 09:24 PM
http://www.sudanorg.tk/upload/uploads/friends1.jpg
imported_tariqosman
26-02-2011, 01:22 PM
يا صاحبة الحرف الانيق
بعد سردك دا ولقصصك حاولت اتذكر كيف كنا
لكن للاسف مع زحمة الشغل اتضح لي انو ذاكرتي اصبحت
m128فقط
imported_ود الخير
26-02-2011, 03:03 PM
اقتباس:
المشاركة الأصلية كتبت بواسطة جيجي http://sudanorg.tk/vb/images/buttons/viewpost.gif (http://sudanorg.tk/vb/showthread.php?p=199717#post199717)
كلمات سطرتها لي يوم رحيلها
ذهبت هي وبقيت الكلمات وبقيت معها ذكريات الالم
كنا بالسنة الاولى الثانوية
هي من احد قرى الريف الشمالي لمدينة الخرطوم
جميلة يتوارى منها البدر خجلا رقيقة كنسيم الفجر
ذات انوثة تجبرك بالتعلق بكل تفاصيلها
تهمسك الكلام همسا بصوت عذب جميل
كانت تخصني بمودة جميلة تحكي لي فيها عن امنياتها واحلامها وتحكي لي تفاصيل اسرتها الصغيرة وكيف ان والدها الرقيق الحال يعتبرها واخوتها حملا ثقيلا ينوء به ظهره
في يوم اتت حزينة واخبرتنا انها ستتزوج بعد اسبوع من احد اقرباء والدها الذي يكبرها بقرابة العشرين عاما زوج يملك كل مقومات الحياة المادية ابن احد اثرياء المنطقة ...
واسرت لي حين انفرادنا انه جهول عربيد يعيش حياته متنقلا بين معاقرة الخمر والنساء ولكنها قبلت به رضوحا لرغبة والدها الذي طمأنها بانه زوج لايعوض وان الله سيهديه يوما
سقطت دمعة على ورقة كانت امامنا فاسرعت تمسح تلك الدمعة
تذكرت انها تريد ان تفعل شئيا
كتبت لي بعض كلمات على تلك الورقة
كم احببتك
واحببت ان اكون مثلك
ارسم احلامي وابدا في تحقيقها خطوة خطوة
وكم تمنيت اان اختار شريك حياتي لوحدي
ولكن دوما تقيدنا الظروف
كتبت لهاعلى نفس الورقة دون ان ينبث احدنا بكلمة
دعي عنك كل هذا
وابدي حياتك
ارسميها لوحة وزينيها بكل الالوان
حينها ستبدأين حلما جميلا كل يوم
دمعت اعيننا وتعانقنا طويلا
اقمنا لها حفلا رائعا داخل غرفة الدرس ..لم نبالي لشيءغير ان نفترق والبسمة على الشفاه
عندما دلفت الى غرفة الدرس ذاك الصباح كانت الغرفة تعج بالاصوات على غير العادة
وتجمعات هنا وهناك.. بعض الضحكات.. وبعض العبوس
اتجهت نحو اكبر التجمعات عددا
بادرتني زميلتي
-يا...الليلة جنس شمار
-في شنو
-ما سمعتي
-في شنو
-سلوى في المستشفى
-سلوي منو؟
- العروس
-شنو!! مش عرسها كان اول امس..حاصل شنو..اوعى يكون صبغة
-ياريت....ياريت ردد الجميع
- تسمم؟
-ياريت ...ياريت
- في شنو؟ سلوى مالها
-عندها نزيف
-نزيف!!! حادث حركة يعني
-ياريت ياريت
- الشغلانة فيها امواس والات حادة وهي تتضاحك ويمكن سكاكين زاتوا
-شنو يعني..انتحرت؟... ولا في زول طعنها
وتنفجر الضحكات
-يابت امشي امشي بعيد ياجماعة الشفع ديل مامعانا-عليك اللله امشي العبي بعيد ولا اقول ليك هاك الحلاوة دي وامشي العبي ماتمرضينا ساي
وتتوالى الضحكات
- يابنات في شنو؟ كلموني
- ابييييينا ماااابننكلمك ماقلنا شفع مامعانا
وفجأة
- يا بنات كل واحدة مكانها بسرعة
تعالى صوت اعرفه من خلفي
-ست ليلي سمعتي سلوى حصل ليها شنو؟
-سمعت هو المدرسة دي فيها حاجة بتتدسى
- الله يقطع الطهور وسنينه...امات متخلفات.. هن كان ماساي السجمانات استفادن شنو؟
وهي اصلها عرسوهالي راجل ولا لحيوان
وينفجر الفصل بالضحك مرة اخري
يرتفع نفس الصوت من خلفي
-استاذة ليلى اصله الحصل شنو؟
-يابنات سيبوا قلة الادب وكل واحدة تقع دمحلها
-طب يا استاذة لي كدا
-يعني نعرف من وين..
هسى كان عملتوا لينا حصة بدل حصة النشاط دي وريتونا الحاصل شنو مش كان احسن
ترتفع بعض الهمهمات
- هي يعني عارفة حاجة ماشايفة البورة دي الا يكتبوا عليها
-ولا يعني اسال امي؟ معقول؟مالازم نعرف..ارتفع نفس الصوت
- والله امك زاتها ماتوريك
- هي امك زاتها عارفة حاجة
- طب يااستاذة هو حيعملوا ليه شنو؟ حيسجنوه؟
-يابت يابت ياخوانا الشافعة دي امرقوها بره شوفو ليها روضة-- ماقلنا ما معانا شفع هنا
-قال يعملوا ليه حاجة قال..تلقيه هس ىفرحان يقدل تحت شجر المستشفى داك ويفتل في شنبه عامل فيها اسد
وينفجر الفصل مجددابالضحك
ويتعالى الضجيج
يابت إنت لو بتعرفى كلام زى دا البوديك شنو مع ناس السياسى ديك
ناس الجيلى والكباشى وود بانقا وخلاء السعودية
اقتراح لللإدارة بأن تمنعك من تعاطى السياسة وكلامك دا مشروع كتاب ناجح
ونحن زاتنا بنسدها وبنقدها وماقاعديين نتكلم فى حاجات زى دى
والله يوعدنا بى زى دى اصلو قالوا نادرات والله أعلم
يا أمين جونية ألحقنى بى واحدة ياربى......
imported_جيجي
28-02-2011, 11:27 PM
يا صاحبة الحرف الانيق
بعد سردك دا ولقصصك حاولت اتذكر كيف كنا
لكن للاسف مع زحمة الشغل اتضح لي انو ذاكرتي اصبحت
m128فقططارق سلام
القال ليكم استعملوا الصيني منو:D
imported_جيجي
10-03-2011, 02:36 PM
اقتباس:
المشاركة الأصلية كتبت بواسطة جيجي http://sudanorg.tk/vb/images/buttons/viewpost.gif (http://sudanorg.tk/vb/showthread.php?p=199717#post199717)
كلمات سطرتها لي يوم رحيلها
ذهبت هي وبقيت الكلمات وبقيت معها ذكريات الالم
كنا بالسنة الاولى الثانوية
هي من احد قرى الريف الشمالي لمدينة الخرطوم
جميلة يتوارى منها البدر خجلا رقيقة كنسيم الفجر
ذات انوثة تجبرك بالتعلق بكل تفاصيلها
تهمسك الكلام همسا بصوت عذب جميل
كانت تخصني بمودة جميلة تحكي لي فيها عن امنياتها واحلامها وتحكي لي تفاصيل اسرتها الصغيرة وكيف ان والدها الرقيق الحال يعتبرها واخوتها حملا ثقيلا ينوء به ظهره
في يوم اتت حزينة واخبرتنا انها ستتزوج بعد اسبوع من احد اقرباء والدها الذي يكبرها بقرابة العشرين عاما زوج يملك كل مقومات الحياة المادية ابن احد اثرياء المنطقة ...
واسرت لي حين انفرادنا انه جهول عربيد يعيش حياته متنقلا بين معاقرة الخمر والنساء ولكنها قبلت به رضوحا لرغبة والدها الذي طمأنها بانه زوج لايعوض وان الله سيهديه يوما
سقطت دمعة على ورقة كانت امامنا فاسرعت تمسح تلك الدمعة
تذكرت انها تريد ان تفعل شئيا
كتبت لي بعض كلمات على تلك الورقة
كم احببتك
واحببت ان اكون مثلك
ارسم احلامي وابدا في تحقيقها خطوة خطوة
وكم تمنيت اان اختار شريك حياتي لوحدي
ولكن دوما تقيدنا الظروف
كتبت لهاعلى نفس الورقة دون ان ينبث احدنا بكلمة
دعي عنك كل هذا
وابدي حياتك
ارسميها لوحة وزينيها بكل الالوان
حينها ستبدأين حلما جميلا كل يوم
دمعت اعيننا وتعانقنا طويلا
اقمنا لها حفلا رائعا داخل غرفة الدرس ..لم نبالي لشيءغير ان نفترق والبسمة على الشفاه
عندما دلفت الى غرفة الدرس ذاك الصباح كانت الغرفة تعج بالاصوات على غير العادة
وتجمعات هنا وهناك.. بعض الضحكات.. وبعض العبوس
اتجهت نحو اكبر التجمعات عددا
بادرتني زميلتي
-يا...الليلة جنس شمار
-في شنو
-ما سمعتي
-في شنو
-سلوى في المستشفى
-سلوي منو؟
- العروس
-شنو!! مش عرسها كان اول امس..حاصل شنو..اوعى يكون صبغة
-ياريت....ياريت ردد الجميع
- تسمم؟
-ياريت ...ياريت
- في شنو؟ سلوى مالها
-عندها نزيف
-نزيف!!! حادث حركة يعني
-ياريت ياريت
- الشغلانة فيها امواس والات حادة وهي تتضاحك ويمكن سكاكين زاتوا
-شنو يعني..انتحرت؟... ولا في زول طعنها
وتنفجر الضحكات
-يابت امشي امشي بعيد ياجماعة الشفع ديل مامعانا-عليك اللله امشي العبي بعيد ولا اقول ليك هاك الحلاوة دي وامشي العبي ماتمرضينا ساي
وتتوالى الضحكات
- يابنات في شنو؟ كلموني
- ابييييينا ماااابننكلمك ماقلنا شفع مامعانا
وفجأة
- يا بنات كل واحدة مكانها بسرعة
تعالى صوت اعرفه من خلفي
-ست ليلي سمعتي سلوى حصل ليها شنو؟
-سمعت هو المدرسة دي فيها حاجة بتتدسى
- الله يقطع الطهور وسنينه...امات متخلفات.. هن كان ماساي السجمانات استفادن شنو؟
وهي اصلها عرسوهالي راجل ولا لحيوان
وينفجر الفصل بالضحك مرة اخري
يرتفع نفس الصوت من خلفي
-استاذة ليلى اصله الحصل شنو؟
-يابنات سيبوا قلة الادب وكل واحدة تقع دمحلها
-طب يا استاذة لي كدا
-يعني نعرف من وين..
هسى كان عملتوا لينا حصة بدل حصة النشاط دي وريتونا الحاصل شنو مش كان احسن
ترتفع بعض الهمهمات
- هي يعني عارفة حاجة ماشايفة البورة دي الا يكتبوا عليها
-ولا يعني اسال امي؟ معقول؟مالازم نعرف..ارتفع نفس الصوت
- والله امك زاتها ماتوريك
- هي امك زاتها عارفة حاجة
- طب يااستاذة هو حيعملوا ليه شنو؟ حيسجنوه؟
-يابت يابت ياخوانا الشافعة دي امرقوها بره شوفو ليها روضة-- ماقلنا ما معانا شفع هنا
-قال يعملوا ليه حاجة قال..تلقيه هس ىفرحان يقدل تحت شجر المستشفى داك ويفتل في شنبه عامل فيها اسد
وينفجر الفصل مجددابالضحك
ويتعالى الضجيج
يابت إنت لو بتعرفى كلام زى دا البوديك شنو مع ناس السياسى ديك
ناس الجيلى والكباشى وود بانقا وخلاء السعودية
اقتراح لللإدارة بأن تمنعك من تعاطى السياسة وكلامك دا مشروع كتاب ناجح
ونحن زاتنا بنسدها وبنقدها وماقاعديين نتكلم فى حاجات زى دى
والله يوعدنا بى زى دى اصلو قالوا نادرات والله أعلم
يا أمين جونية ألحقنى بى واحدة ياربى......فقط للتوضيح
كانت هذه مداخلته التي تجاهلتها تماما
imported_Sahar
10-03-2011, 02:49 PM
فبعض الأفاعي أتي هنا فقط... ليبث مايحمله من سموم...
ثم انه يمثل فئة مرفوضة لاتعي انها قد ولى آوانها...
imported_جيجي
10-03-2011, 04:58 PM
فبعض الأفاعي أتي هنا فقط... ليبث مايحمله من سموم...
ثم انه يمثل فئة مرفوضة لاتعي انها قد ولى آوانها...
دمتي ياسحر
ان كنا لانتجاهل القبح فلن نعي الجمال
مودتي
imported_الجيلى أحمد
11-03-2011, 11:28 AM
اقتباس:
يابت إنت لو بتعرفى كلام زى دا البوديك شنو مع ناس السياسى ديك
ناس الجيلى والكباشى وود بانقا وخلاء السعودية
اقتراح لللإدارة بأن تمنعك من تعاطى السياسة وكلامك دا مشروع كتاب ناجح
ونحن زاتنا بنسدها وبنقدها وماقاعديين نتكلم فى حاجات زى دى
والله يوعدنا بى زى دى اصلو قالوا نادرات والله أعلم
يا أمين جونية ألحقنى بى واحدة ياربى......
طيب ياخالد
بقيت شايل قاذوراتك دى وحايم بيها البورد
توسخ فى البوستات , بكل عفن الأرض ؟
البوست دا جميل ,
ومابخلى كفتو تميل لصالح القبح ,
أريد فقط التأكد من انك لم تعاقب من قبل الادارة ,
وانه بامكانك الرد ,
وسيكون لك مفترع يخصك تمامآ ..
قصرتا معاك ؟
imported_ود الخير
11-03-2011, 11:39 AM
طيب ياخالد
بقيت شايل قاذوراتك دى وحايم بيها البورد
توسخ فى البوستات , بكل عفن الأرض ؟
البوست دا جميل ,
ومابخلى كفتو تميل لصالح القبح ,
أريد فقط التأكد من انك لم تعاقب من قبل الادارة ,
وانه بامكانك الرد ,
وسيكون لك مفترع يخصك تمامآ ..
قصرتا معاك ؟
يا ريت نفسك الحار تسخرو لقضايا السودان
والرد علي القضايا البتمس انسان السودان
والا تغض طرفك عن جوهر الموضوع
imported_جيجي
11-03-2011, 12:00 PM
يا ريت نفسك الحار تسخرو لقضايا السودان
والرد علي القضايا البتمس انسان السودان
والا تغض طرفك عن جوهر الموضوعياجيلي
عشان تعرف انه الزول دا
طيبان وعلى نياته
مابيستاهل منك كلمة
ياخ هو عايز يعلمك الوطنية:(
فاديه فرصه يعلمك
imported_جيجي
11-08-2011, 09:29 AM
من جديد ساتفقد وسادتي
والدور دا الحكي له عدة مذاقات ونكهات
شي زي الحلومر كدا
قد يكون مرات سكره كتير
ومرات تلجه كتير
بس كله لزوم المود الحلو في رمضان
imported_جيجي
11-08-2011, 09:42 AM
الحقيقة الحكوة الدور دا من شنطة ماما
الشنطة التي طالما راودتني عنها نفسي
وساومني عليها خيالي
.....
لولا بعض تقديس
وكثير مجاهدة
وشيء من حزن دفين
imported_قيقراوي
11-08-2011, 10:36 AM
حاكتب بلغة بارده(مصطلح خاص)
عشان المشاعرلازم تطفو على السطح
يعني برضه لغة سليقة(برضه خاص) عربي لندن وعربي جوبا وعربي الهند وعربي ايران وبكل اللهجات..يعني سليقة-بطاطس -جذر -كوسة --بصل---كرفس--ولحم زاتوا مع اني
ما بحب اللحم والسبب الخروف الضبحوا قدامي وانا صغيرة وماتبعه من حمى واستفراغ وفزع ومستشفيات الوحيد الانصفني الدكتور لمين قال لابوي في حتة في العالم بيضبحوا فيها قدام اطفال غير السودان دي مالازم يحصل ليها كدا
المهم النتيجة كانت مقاطعة اللحوم بكل انواعها لحدوت ما وعيت وشفت في التلفزيون الناس بتضبح بعضها كل يوم...في الاول كنت بقعد مع ابوي احضر الاخبار ولمين يجي منظر بتاع ضبح اقصد قتل بغطي وشي بيديني واغمض بعد دا..بعدين بي تشجيع من ابوي بقيت افتح شوية شوية بعدها بقيت اتاوق بي فرقة اصابعيني لحدي ما اخدت على الحكاية وبديت اتسال معقول بكتلوا بعض كل يوم كل يوم معناها الضبح دا عادي وفي شنو في حتة ارض فاضية مافيها ولاحاجة ولافي حدود-انا مش سمعت جارتنا المنقبة بتقول الوطن طاغوت--يكون عشان الالاف البتموت دي ...وبعدين اكتشفت انه الواحد ممكن يضبح اخوه او جاره او صاحبه اوبته عشان شوية قروش او غيره او حماقة ساي كدا
طب عادي معناها الخروف الله يرحمه وانا ممكن كمان اكل لحم عادي اصلها جات على خروف
اها بعد بقيتي تاكلي لحمة عااادي ..
اتوقع سنة سنتين لي قدام كدا تكتلي ليك زول عادي برضو مش!؟:p:D
ااااااه كدي خلونا مع المذكرات
بالمناسبة دفتر مذكراتي دا عالم براه .......فيه ادعية-اهداءات-مقابلات-ذكريات--قصص---دموع ..ورود.. قصاصات بمختلف الاحجام - (القصاصات دي براها كوم ذكروني احكي ليكم قصه زميلنا وصاحبنا محمد)...كلام بتقال.. وكلام مابتقال... وروائح مختلفة---صدقوني كل صفحة عندها ريحة خاصة واحساس خاص
خلونا نقلب..........نقلب..نقلب...ايواا
سلوي--- حنبدأ مع سلوى
ترى كيف هى الان؟!!!!
وماذا يحدث لها؟؟
نخليك طوالي...
المافي شنو؟
نحن كلو يوم بنلقى كتابة طاعمة زي دي؟
-------
عجبتني الكتابة هنا ياخ ..
و عجبتني قصة عدم اكل اللحمة دي بالذات ...
انقري ليه؟
لانك عارفة ليه .. في ناس لي اسي لا بياكلوا، لا عارفين ليه:D
imported_بله محمد الفاضل
11-08-2011, 02:18 PM
تنبيه:
بين الغفوة المباحة بالنسبة لي
(تعلمين بأني صائم:D يا عيني علي)
والاستيقاظ المُزكم بالغفوة
قرأت الكثير مما جدت به
من تحت الوسادة
فيا لك / يا له...
في انتظار المزيد
وأتمنى أن يباغتني الصحو
imported_جيجي
13-08-2011, 06:16 PM
اها بعد بقيتي تاكلي لحمة عااادي ..
اتوقع سنة سنتين لي قدام كدا تكتلي ليك زول عادي برضو مش!؟:p:D
نخليك طوالي...
المافي شنو؟
نحن كلو يوم بنلقى كتابة طاعمة زي دي؟
-------
عجبتني الكتابة هنا ياخ ..
و عجبتني قصة عدم اكل اللحمة دي بالذات ...
انقري ليه؟
لانك عارفة ليه .. في ناس لي اسي لا بياكلوا، لا عارفين ليه:Dشكرا ياخي
اكتل دي مابقدر عليها لكن ممكن احرش علي الكتل:p
اختك والله قلبها رهيف الضبانة دي مابكتلها
اما النملة ديك فبتحنني عديل لمين واحد يعتدي عليها:p
شكرا يامعجب:)
imported_جيجي
13-08-2011, 06:19 PM
تنبيه:
بين الغفوة المباحة بالنسبة لي
(تعلمين بأني صائم:D يا عيني علي)
والاستيقاظ المُزكم بالغفوة
قرأت الكثير مما جدت به
من تحت الوسادة
فيا لك / يا له...
في انتظار المزيد
وأتمنى أن يباغتني الصحواي ياخ بالله صح صح معانا
لانه الجاي داير صحوة:D
شكرا لحضورك النعسان
imported_جيجي
23-09-2011, 07:30 AM
عندما عرفتها كانت
ربما في الرابعة عشر
كان زوج والدتها يعمل في حراسة بيت احد المغتربين المواجه لمنزلنا
من احد قبائل غرب السودان
لونها كالذهب..وشعرها بسواد الليل ورقة نسيم لياليه الخريفية..ملامحها ذات جمال متمرد تجبرك على التعلق بها دون كل الاشياء حولها
وكانت نشأتها بعكس ذلك تماما..اسرة تخجل ادني حدود الفقر ان توصف بها
ذهب الاب الى المجهول وترك للام مجموعة من الابناء تكل اقوى الايادي عن حمل تبعاتها
تزوجت والدتها من اخر ربما ارهقته مسؤلية تلك الافواه فاكسبته تلك القسوةالتي يزداد بهاانين تلك الافواه الجوعى كل مساء وهو يمارس فيهم الضرب والشتم والركل فتنام تلك الوجوه الكالحة تتوسد دموعها والانيين كل مساء
كثيرا كنت اشاركهم الدمعات واقضىء ليلي المفجوع بهم اتسال عن سر ذاك الرجل الذي حرمهم حق الامن وسط هذا الفقر المدعق ...ويزداد اشفاقي على تلك النفوس التي تنام في ضيرحين اسمع صوته مرة اخرى وهو يصيح فيهم ليوقظهم وارتجاف ابدانهم من احداث الليلة السابقة لم يهدا بعد ليذهبوا الى اعمالهم- يا للطفولة البائسة والمسلوبة الارادة مع ذاك الرجل الذي كم ناقشت زوجته في سر الاحتقاظ به فكانت ترد ببساطتها المعهودة -والله انابس ساكتة عليه عشان يحمي لي بناتي ديل ونحن ناس لو جوا ناس البيت ديل حنعيش في الشارع -فالوذ بالصمت ربمالانها لن تفهم مااريد قوله او ربما احتراما لرأيها ترى ماذا كان سيفعل ابن الخطاب لو انه سمع بهذه الاسرة و.... يرفل في تيه بين سريريه كلما انقضت ليلة منى روحه بتلك الليلة القادمة دلالا
المهم تلك الصبيه المتمردة ودعوني اسميها صديقتي لان هذا ماكنت احسه تجاها فعلا كانت تعمل في البيوت المجاورة في مساعدة ربات البيوت لتشبع فوهها وتاتي لاخوتهاا الصغار مايسدون به رمقهم في المساء
imported_جيجي
23-09-2011, 07:34 AM
كنت احمل لصديفتي تلك الكثير من الود
ربما لانها متمردة مثلي تماما-فانا متمردة على كل شيء وهي حقيقة كما وصفتني صديقتي الجميلة ب انني احمل جرثومة التمرد اذ انني كثيرا ما اجني بها على نفسي حين ينعكس تمردي على ذاتي اذ كان تمردي من ذاك النوع العنادي الطابع الذي اكيد به على نفسي دون غيرها
كانت دوما هي من تتصدي لذلك الرجل دفاعا عن اخوتها وتتلقى الضربات والاذى البدني نيابة عنهم
اخذنا الاغتراب لسنوات شتى وحين عودة وجدت صديقتي قداتخذت خليلا فى وضح النهار وانجبت منه اثنين من الابناء وتعيش معه في نفس المنزل بعد ان رحل افراد عائلتها لمكان اخر
حقيقة انه رجل واحد
شاب يتميز بالكثير من المواصات الجميلة وظل التساؤل الحاير اذا لماذا لايتزوجا وهو يعترف بابنائه وتراه ياخذهم معه كثيرا ويعيش معهم بصورة دايمة ...كان مايترد من بعض معارفهم انها هي من ترفض الي ان كان يوما سمعنا فيه بعض الصرخات في جوف الليل
ماذا هناك
جاءنا الرد
والله فلانة دي خالها جاء من البلد بعد سمع قصتها وجاب الولد والماذون عشان يعقد ليهم وهي رفضت وقد قام خالها بضربها
ماذا كان تبريرها
هي ماعايز تتزوج لانه الراجل لما يتزوج حيحقر بيها ويعمل فيها زي ماعمل ابوها في امها وزي ماعمل زوج والدتها بهم وبامها
تضاحكت امي قايلة- والله عاد الفهم دا في بلاد الفرنجة مافي
انا فقط من كان يحسها بعمق ويعرف معنى هذا التمرد الذي جنت به على كل اشياءها الجميلة من اجل ان تنتقم لكرامتها التى داسها ذاك الرجل بكلاتا رجليه وقد كان تمردها بقدر ثقل رجليه تلك
imported_بدر الطائف
23-09-2011, 07:59 AM
المشاركة الأصلية كتبت بواسطة جيجي مشاهدة المشاركة
ااااااه كدي خلونا مع المذكرات
بالمناسبة دفتر مذكراتي دا عالم براه ..
قيقى
شكلى جيت متاخر.
المذكرات هذا العالم السحرى الجميل.
ويا ريت لو تجيبى لينا من بيت الكلاوى.
imported_جيجي
23-09-2011, 08:05 AM
ويا ريت لو تجيبى لينا من بيت الكلاوى.
نحن مع المقاطعة اليومين دي :p
شكرا لتشريفك ياخ
وان شاء الله بحاول
imported_جيجي
13-12-2011, 10:23 AM
لكم انا مفجوعة برحيله
منذ ثلاث ليالي وصلني خبر رحيله في حادث حركة اليم
صديقي وزميلي أ
خمسة اعوام جامعية مرت امام مخيلتي كنت فيها نجما تضاهي النجوم بانك لا تغيب
ابدا
ربما كنت تعلم بقرب خفوت ضؤك فابيت الا ان تتحدى الايام بكم البريق
هناك نفوس لاتستطيع ان تكتبها الا حين تغادر
لانك تخجل ان تكتشف عجز كلامك في وصفها
او تخاف ان يؤلمها ظلم كلماتك حين اخفاق البنان عن رسم زهوها وزهرها
كان وارفا في كل اشيائه
انيق في كل تفاصيله
لكأن لؤم الدنيا لم يصبه يوما
وكأن سوء لم يقابله يوما
صافيا كشعاع بكر يرهق النفس بكم ضيائه
وكنبع تستقي عنده زلال الحياة
كنا ضمن شلة اصدقاء تمارس شفافة سامية واريحية انيقة واعية تصنع حولنا هالة من ضوء المحبة المعافاة وتغمر ارواحنا بدفء مشاعرها وتضيء لنا سوء الحياة وظلمتها
علاقة من نوع خاص
كانت بريقا وكانت القا وكانت صفاءا ورثناه حين تفرقت بنا سبل الحياة
وكانت زادا لعترات الحياة وسوءها ومازلت استمد اريجها حينما تضيق النفس وتتعثر الخطى وكان هو اصغرنا سنا واكثرنا القا كان يصغرني بثلاثة اشهر وكنت اناديه بصديقي الصغير واحيانا بي ياشافع
كان دوما يهديني شعرا وقصصا ويخصني ببعض السمو
كنت اداعبه عندما يهديني بيوتا من الشعر قائلة - جني وجن عوارة الشفع عليك الله امش شوف ليك مدرسة ثانوية اتحاوم جنبها وماتتحاوم قدامنا هنا
وكان يردد قائلا انتي الشفقة ليك شنو ماقادرة تنتظري تلات شهور في بطن امك انتي لاحقة شنو
وكنت ارد وانت بتتلكع مالك جوة بطن امك ماكنت شايفني يعني ولاتقلان ولاكنت شايف ليك شوفة تانية
وكأن الله اراد ان يوجعني به اكثر واكثر
ثلاث سنوات لم اره فيها
التقيته في اخر زيارتي للسودان على اعتاب فندق كورال وكنت قد دعوت بعض الصديقات لتناول العشاءكان في كامل اناقته وسحره يشرب كوب قهوته ويدخن سيجارته
صحت اوووه صديقي الصغير هنا
صاح اما زلت مثل شجرة التفاح تلك كل من يحاول الاقتراب منك لابد ان يخرج من الجنة
يالها من كلمات يا صاحبي يالهاهكذا كنت دوما تلمس مكامن الروح وبهجتها
رددت لذلك احتفظت بكم بعيدا دوما حتى لا انزلكم منها
اها وانت الم تجد حوريتك بعد؟
ضحك -مازلت حيا ياصديقتي مازلت
رددت- اذن ماذا تنتظر يجب ان تموت سريعا
تبادلنا الضحات والقهوة وذهب بعد ان منحنا ذلك الوميض
لكم ندمت على كلمات الموت تلك الان
ولكم يعتصرني الالم للتفوه بها
لك الغفران ياصديقي الصغير
قد كان لزاما ان تذهب
فانك لاتشبه اهل الارض
فقط ربما قد ضللت طريقك اليها
لتهبنا بعض الجمال
واحسبك الان عند ربك
ترفرف في جنات عليين
بكل بهاءك ذاك
imported_لحن الحياة
14-12-2011, 08:01 PM
يا سلااااااااااااااام
يعني يا جيجي البوست شل حركتي
ساعتين مكوعة وراقدة في الحكاوي دي
اسلوب جاذب جداً وتصوير انما ايه
غلبني اقطع ، اتذكرت ايام ما كنت جاهلة وما بعرف الهموم:D
لو مسكت لي رواية الا اتمها ، حتى اخت الكتاب.
imported_جيجي
14-12-2011, 08:07 PM
يا سلااااااااااااااام
يعني يا جيجي البوست شل حركتي
ساعتين مكوعة وراقدة في الحكاوي دي
اسلوب جاذب جداً وتصوير انما ايه
غلبني اقطع ، اتذكرت ايام ما كنت جاهلة وما بعرف الهموم:D
لو مسكت لي رواية الا اتمها ، حتى اخت الكتاب.الله يجبر بخاطرك ياستي
واكيد ربنا رسلك لي عشان ترفعي معنوياتي الواقعة دي
ياخ ربنا يكتب ليك في كل خطوة فرح وسرور
وتسلمي يارب
imported_جيجي
14-05-2012, 08:57 AM
كانت كالضوء
ولانها كانت على بعد الاف الاميال فوق الخط الاعلى لمنحنى الانسانية
كان كل انكسارا يمنحها قوسا من الضوء
لانها لاتعرف غيرالاوساط الشفافة مكانا لوجودها
ساحكي عنها
فمن كان يعاني تحسسا من الضياء
عليه ارتداء اقنعة واقية
imported_wadosman
14-05-2012, 09:09 AM
كانت كالضوء
ولانها كانت على بعد الاف الاميال فوق الخط الاعلى لمنحنى الانسانية
كان كل انكسارا يمنحها قوسا من الضوء
لانها لاتعرف غيرالاوساط الشفافة مكانا لوجودها
ساحكي عنها
فمن كان يعاني تحسسا من الضياء
عليه ارتداء اقنعة واقية
و مرور بدون انتظاار اشاره الضوء الاخضر...
و منتظرين بدون اجهزه واقيه...:)
imported_جيجي
14-05-2012, 09:22 AM
و مرور بدون انتظاار اشاره الضوء الاخضر...
و منتظرين بدون اجهزه واقيه...:)قنعان من روحك قدر دا:p
شكرا يا باش على صباحك الحلو
imported_خالد الصائغ
14-05-2012, 09:23 AM
كانت كالضوء
ولانها كانت على بعد الاف الاميال فوق الخط الاعلى لمنحنى الانسانية
كان كل انكسارا يمنحها قوسا من الضوء
لانها لاتعرف غيرالاوساط الشفافة مكانا لوجودها
ساحكي عنها
فمن كان يعاني تحسسا من الضياء
عليه ارتداء اقنعة واقية
التحايا و تمام الود جيجي
متتبع و مترصد الشهد الدافق هنا
فاكتبي جيجي
و احكي و تدفقي
يا لعصير الايام
و يا لمعجون الحياة.
imported_جيجي
14-05-2012, 09:27 AM
التحايا و تمام الود جيجي
متتبع و مترصد الشهد الدافق هنا
فاكتبي جيجي
و احكي و تدفقي
يا لعصير الايام
و يا لمعجون الحياة.وجودك في اي مكان يا خالد يعني ان هناك جمال ما
فمرحى بك هنا مطمئنا ونصيرا:)
imported_جيجي
23-08-2012, 01:28 PM
جاء يرفل في جلبابه الشمسي
ويحتضن عروستة القمر
تلاقت الاعين والارواح عند ارتفاع يده الاخرى المرتفعة في الهواء معلنا بها عن مدى فرحتة وفرح الجميع
اختلطت الدمعات بهمهمات الامنيات
طفت مشاعر غريبة واقشعرت الابدان وارتجفت البعض في لحظة خشوع عمت الجميع
وهذا العريس البطل يجوب الساحة كاجمل وانبل مايكون الفارس في ليلة تتويجه
ربما تغنت له امه يوما كما تغني النساء جميعا
تكبر يا جناي
وتبقى لي دكتور
تعالج اي زول
ويقولوا في المرور
ولم تدري انه سيصبح فوق امنيات الامهات جميعا
وفوق احلامهم
WIDTH=350 HEIGHT=400
كانت تلك الاسرة اليانعة في عنفوان شبابها
وكامل زهوها
حين فاجأ الاب الشاب والذي كان في العقد الرابع من عمره الفشل الكلوي
وبدات ملامح الاسرة في التغير
وكان هو اكبر ابناء هذه الاسرة في الصف الثالث الثانوي المتكونة من خمسة ابناء وعمر اصغرهم لم يتجاوز البضعة اشهر-دعوني اسميه البطل
بدات معاناة الغسيل الكلوي والجلوس عن العمل وسوء الحال النفسية لجميع افراد الاسرة
وكان بطلنا الذي يمتليء حياة وصحة يعد العدة لامتحان الشهادة وه لم يتجاوز الثامنة عشر بعد
قرر ترك مقعده الدراسي لهذا العام وترك اوراقه وطموحة وامنياته وقرر ان يمنح ابيه املا اخرا ويعيد الفرح لتلك الاسرة من جديد
ذهب للاردن مع والده وتبرع باحد كليتيه وقد اطلق عليه كل من في المستشفى من اطباء وعاملين لقب البطل لصغر سنة وشجاعته في اتخاذ القرار
الان هذا البطل خريج اعرق الجامعات
وبالامس كان تتويجه
بالامس اختلطت مشاعر الفرح بالامتنان والفخر وامتلأ الناس مشاعرا حتى فاضت اعينهم رغما عنهم والاب الذي مازال شابا يشارك ابنه الفرح
بالامس غنينا له ورقصنا له وبكينا معه وتعانقنا
بالامس كان يوما ليس كما الايام جميعا
هنوا معي البطل
وتمنوا له عيشا سعيدا
وحياة اجمل
imported_حجة امنة
23-08-2012, 02:56 PM
تصدقي مع بداية البوست قمت سويت لي شاي بالفلفل
بالتحديد 3 فلفلات ، ليه الفلفل ما بيطفح زي باقي البهارات
و بيحتل في قعر الكباية ؟!
شكراً يا جيجي ياخ
imported_جيجي
23-08-2012, 10:55 PM
تصدقي مع بداية البوست قمت سويت لي شاي بالفلفل
بالتحديد 3 فلفلات ، ليه الفلفل ما بيطفح زي باقي البهارات
و بيحتل في قعر الكباية ؟!
شكراً يا جيجي ياخحجوج الجميلة
ياخ ينفعك الشاي المفلفل
وشكرا على الاتكاءة
imported_زول الله
24-08-2012, 03:17 AM
ماعايز اشوهـ البوست اللوحة دا لكن ماقدرت
جيجي ماتتأخري بالله
وستجدينني ان شاءالله من اللاصقين
اقول قولي هذا واستغفر الله لي............
imported_جيجي
25-08-2012, 11:47 AM
ماعايز اشوهـ البوست اللوحة دا لكن ماقدرت
جيجي ماتتأخري بالله
وستجدينني ان شاءالله من اللاصقين
اقول قولي هذا واستغفر الله لي............
شكرن يا زول الله ياخ
وربنا يصلح النفسيات شوية
وبنجي للكتابة العايزة مزاج
imported_جيجي
14-12-2012, 02:20 AM
ادلف الي غرفتها
احمل بيدى كاس الحليب الدافي
وبالاخرى اقبض علي قنينة الدواء اللعين
ترفع راسها عن كتاب كان بين يديها في حركة لاشعورية اعتادت عليها كما اعتادت مراسم دخولي بكوب الحليب وهذا الدواء اللعين
المح ابتسامتها
التقطها قبل ان تتلاشي عند قنينة الدواء بابتسامه ارسمها على وجهي
ادللها قائلة
-يلا ياحبيبتو الدواءو لبنك وتنومي عشان تصحي بدري وتروحي المدرسة
-يلا افتحي خشمك براحة ياجميلة انتي ياصغننة-يفتغر فاهها بابتسامة اوسع
اصيح فيها بختك ياسلمى اخر عمرك لقيتي ليك ماما تدلعك
اجلس عند قدميها
نتبادل بعض الاحاديث
اقبلها
تقبلني وهي تقول-نومي بدري ارحمي روحك دي شوية
حاضر ياست الكل
اطفي ليك النور
-لا خليه شوية بحاول اقرأ شوية
-اوكي ياستي وانا حامر بعد شوية لولقيتك نايمة حاطفي
-باي
باي ياحبيبتو
ثم
حاواصل
imported_جيجي
14-12-2012, 02:50 AM
في طريقي الي غرفتي
عبر ذاك الممر الكئب تنتابني الكثير من الاحاسيس والهواجس
كيف لو اصبحت يوما ولم اجدها
كيف تكون الحياة دون بسماتها تلك التي تمنحني الامل كل صباح
كيف لو اني تحسست خدي يوما وانا استشعر قبلتها التي تمنحني الامن في ليالي تلك ولم اجدها
كيف لو ان نادينها يوما ولم ياتيني صوتها الدافي يشق زيف الوحشة
-انا هنا ياستي انا
لن تذهبي اكيد ياسلمى يوما وتتركينني
فانا مازلت احتاجك بشدة
مازلت احتاج ان ابكي خيباتي عند صدرك
مازلت احتاج ان اختبي بين انفاسك من ضعفي
مازلت احتاج ان تضمي ارتجافي بين كفيك
وان اعتصر المي في جسدك الدافيء
وا ن تختلط دمعات حزني بدمعات حنينك
لا
لن تذهبي ياسلمى
ولا افيق من هواجسي الا عند باب غرفتي
فاستعفر الله كثيرا
ثم
ادلف الى عالمي
تلك الغرفة التي حملتها وزر وجودي بين جدرانها
فاحتضنتني عند فراديسها
بكل ذنوبي تلك
ساواصل
imported_جيجي
15-01-2013, 05:36 AM
وما ادراك ماعزلتي
imported_جيجي
26-07-2016, 03:56 PM
كتب بواسطة جيجي
،،،
نواصل
وعبق تلك الذكريات يفوح من تحت الوسادة
يزكم انفي بعبير المودة حينا
ودف الحنين يارجح هامتي حينا اخرا
والام اخر يرتعش لها لحافي
وتمطر الدمعات ارقا وشوقا في كل حين
---------------------------_-----_-----------------------------------------
كتب بواسطة
النور يوسف
،،،،،،
بسم الله الرحمن الرحيم
على الوسادة ،،
تنوم الجدائل والذكريات ،،
تحلم بالفجر والشطآن والنوارس ،،
للنهر لوعته وللموج شهوته ،،
والدعاش يدغدغ القلب ، والخاطر والحواس ،،
يكتب حرفاً ويثبت آخر ،، وفى الأهداب بقايا من نعاس ،،
على الوسادة ،،
تنوم الجدائل والذكريات ،،
تحلم بالفجر والشطآن والنوارس ،،
للنهر لوعته وللموج شهوته ،،
والدعاش يدغدغ القلب ، والخاطر والحواس ،،
يكتب حرفاً ويثبت آخر ،، وفى الأهداب بقايا من نعاس ،،
---------------------------------------------------------------------
كتب بواسطة جيجي
،،،
النوارس حزينة
والنهر يمارس حزنه النبيل
وتجافيه الامواج
السكون سيد الموقف
الجدائل تتقلب في صقيع الارق يقتلها انتظار الفجر
وشدو النوارس من جديد
حفيفها
وابتسام الموج
imported_جيجي
26-07-2016, 04:02 PM
هكذا ينسرب العمر ونحن نحتفي به في كل عام
تتضخم الامنيات حتى تصل عنان السماء وتتلاشى
يموت الفرح تحت عجلة الزمن في دورانه اللولبي
وتاخذك دوامة الالم الى ليلها الاخطل
لكأان مارد يمارس سحره ساعة زمان
ثم يكشف السحر عن زيفه
imported_جيجي
26-07-2016, 04:04 PM
في دارنا الصغير كان للجمعة طعم مختلف
وطقس مختلف
وطقوس مختلفة كعمة ابي الملفوفة حول عنقه في تواد تام
ورائحة التوابل المميزة تنبيء بوليمة غير التي اعتدناها طوال الايام السابقات
وايات من الذكر الحكيم عبر الة التسجيل المنبعثة من صالة المنزل تداعب اجفاننا النعسة ببعض طمانينة وبعض رعشات تلامس القلب في انتشاء طفيف
ثم لا يلبث ان يعاجلك ازيز لطيف حين تلامس امك خديك منادية ان حي الى حياة يوم جديد
كان ابي يعتبر يوم الجمعة يوما خاصا بالاسرة لتعد ترتيب نفسها وحاجياتها وتجلسي لبعضها البعض تناقش امورها بعدعدة ايام من العمل المضني والذي ياتي على حساب التفاعل الاسري والعلاقات الانسانية داخل الاسرة وكانت امي تصر على ان الزيارات العائلية وزيارتها لعائلتها الكبيرة مهم ايضافي مثل هذا اليوم اذ ان اخوتها جميعا يجتمعون في هذا اليوم في البيت الكبيروهي فرصة للقائهم اذ انها طوال الاسبوع تعكف على العناية بالاسرة وهكذا تقسم يوم الجمعة عندنا الي قسمين
بواصل
imported_جيجي
26-07-2016, 04:06 PM
كان اجمل ما يستهويني وانا في الطريق لبيت جدتي منظركان له بالغ الاثر في تركيبتي الوجدانية اذ انه اثرى مراكز الحنين عندي بدفق لايستهان به من الوجد المجتمعي الرفيع والشجن الانساني الدافيء كوهج شمس المحبة في ذاك الوطن الانسان
كنت اجلس خلف ابي اتلفت ذات اليمين وذات الشمال ومن فوق عمامته وبين كتفيه في لهفة لاستراق كل اللحظات وكل اللقطات وكيلا ينقطع سيل ذاك التيار العاطفي عني لحظة واحدة ويحرمني ذاك النور والضوء الذي يتسرب الى داخلي بكامل الاشراق فيملاني ازيزا من المحبة لاينقطع
ما زال منظر العربات والعمم تعلو الهامات بداخلها والتياب تتبرج بامومة سافرة ومن خلفهم اطفال تملأهم البهجة تشرئب اعناقهم في توادد تام مع كل ماحولهم هوايتي العظمى ومكمن بهجتي
تلك الحياة داخل السيارات كانت شاغلي طوال الطريق اذ ان الحركة بداخلها تعج بمعان اكثر ممايعج به الطريق دوما واحسب ان تلك عادة امدرمانية المنشأ اذ تزدحم شوارع ام درمان بتلك السيارات المسرعة بالاسر الصغيرة الى المنزل الام حيث اصبحت تلك عادة ان يجتمع كل افراد الاسرة واسرهم في المنزل الكبير حتى باتت المنازل الام وكأنها في عرس حقيقي ومهرجان كبيرفي هذا اليوم
تلك السيارات التي تجتازني بذات العمم وذات التياب تزينها وجوه الاطفال الباسمين تصيبني بانبهار عجيب وبدهشة دافئة حتى اني استكين لها فاظل صامتة طوال الطريق ربما لكم المودة بداخلها وكم الضحكات او ثنائية رجل وامرأة او حميمية عمة وتوب وربما لاكتمال شمولية الاسرة المتمثلة امامي في كامل المعافاة ولربما الاثر الروحي لذاك اليوم كان يمارس طقوسه داخل تلك السيارات او ربما كنت استبق لهفتي لمنزل جدتي وكم االعناق والضحات والمودة التي تختلف مذاقاتها والدف المعبأ حنينا الذي يعمه في مثل هذ اليوم
يتبع
imported_جيجي
26-07-2016, 04:14 PM
كان ذاك البيت العتيق يستقبلنا بابوابه المشرعة عند الارواح جميعا يعانقها وهويغالب كم الوداد الذي يحويه ويهزي مرحبا بكم الحنين بين جوانبه هتسبقك ضحكات القلوب وكم الفرح ويحتويك بين ذراعي للاشوق الت تهزج بداخله و ما يلبث ان يسبغك بدفئه حين تستكين وسط ذاك الجمع المدثر بالحنين
وجدتي تصطفيك بكم المحبة المعبأ بالكوؤس مختلف الوانه وعبيره
وما يلبث الجمع ان ينقسم لجماعات حسب الفئة العمرية او الميول او الهوايات اوحيثما شيئت من صنوف المحبة والود
كان هناك مجلسا نتلقى فيه نحن الصغار والفتيات عموما لبث الكثير من النصائح يتكون من الخالات المبجلات تبدا ببعض القصص للعبرة والاراء غير المباشرة التي يراد توصيلها لينا والنصائح المعمعمة بغطاء من الود والمدثرة بالكلام العاطفي وبعض الاحاجي مثل نحن زمان كنا بنعمل كدا وترك الامور اخيرا لفطنتنا وتقديرنا الشخصي
اذكر اني كنت اسمي ذ اك المجلس ب (الليلة جوكم)
وذالك لاني كنت اصيح محذرةعندما اري خالاتي في طريقهم الينا فصارت تسمية لذاك المقتطع من الوقت
كان المجلس تعمه النقنقة والهمس والقمزات والضحكات الجانبية وكثيرا من الاحيان الاحتجاجات من جانبنا نحن المتلقين ربما لما نتعرض له من انتقادات اوحكاوي تضييق الخناق والحريات تلك كانت تثيردواخلنا بكم من الغضب او ربما رفضنا المسبق للتوصيات التي يخرج بها المجلس
كان صوت جدتي وهي تنادي ان هيا الى الغداء منقذنا الوحيد فنسرع غير مبالين بما تبقى من وصايا بعد ان يكون الملل قد اخذ موضعه منا
طاولتا الطعام كانتا تتوسطان صالة بالقرب من المطبخ نتسباق للجلوس على الكراس المحدودة مقارنة بالعدد الموجودكانت احدة الطاولات تخصص للاباء والامهات وبعض الابناء والبنات من كبار السن وكانت الاخرى مرتعنا حيث لابروتوكولات ولارقابة فقط مالذا وطاب من الاكل وايد تتسابق اليه في حبور يبدو على الاعين الضاحكة في شقاوة ولهفة تخلقها الضجة التي تسود المكان ونهم لكل صنوف المحبة والتواصل لاتخطئه الايدي المتسارعة المتلاحمة عند كل صنوف الجمال تلك
imported_جيجي
26-07-2016, 04:23 PM
هناك دوما صلة خفية بين الارواح تولد رغم المسافات
حين تصير الارواح عقيقا قد صقلته الرياح الحاصبة او البحر متهاديا تيها بجماله الجبار
ويظل سر الحياة كنز لن تطأه رقابنا مهما امتشقنا فنونها او بقينا عند الهوامش نتجرع كاسات النحيب
فقط نحن نحاول نظم ذاك العقيق على جيد الانسانية لتبقى رمزا تحت لواء ذاك السر الالهي في اقصى محاولات كماله ولتبقى الحياة لوحة عند التقاء خارطة الطرق جمعاء بكل اتجاهاتها واسرارها
imported_جيجي
26-07-2016, 04:33 PM
تتهادي الارواح دوما على بعدالاف السنين
والاف الاميال او الاف الزوايا والانحرافات
وتبدو صانعة لبنود الحياة بقدر اواخر رغم الاف التفاصيل
وحشود المشاعر و الاحزان والالم وكم الوميض والبريق والبهاء
ونظل تفصيلة في حياة هي صانعتنا ونقاط في بنود تتغير كل يوم
لكم كنت ملئية بالاف الحكايا والصور
وملئة بكل صنوف المشاعر
هزمت جل بنودها وتغير طعمها ومذاقها وانت تفترش مذاقات اخري للمشاعر
imported_جيجي
26-07-2016, 04:46 PM
طية اولى
_________
كالسراج الوهاج جمالا
جميلة المحياا
لاينفك البرق يداعب عينيها حتى تتساقط عليك غيوم الحنين رزازا
فيغمرك ندى الملامح الدقيقة المنسجمة في تواد رزين
باعثا فيك ازيز عجيب
وحين لاتزال عند زروة الحنين
يفاجيك نصف الشمس من بين شفتيها المفترتين
فياخذ الدف طريقه اليك سربا
مخلا مركز التوازن عندك مابين الدف والازيز
فلا تفتأ الا ان تهرب من كل ذلك بناظريك
كي تريحها هناك عند ليل يسدل جدائله في تراخي ياخذك الى نهايات السكون
جدائل كنا نجلس خلفها ونحن صغار نمارس العد بايادينا الصغيرة مستوثقين كم الاشبار
التي دوما نختلف في عددها كل حسب راحتيه
ونحلم بمثله ونحن نتسابق الى تمشيطه اني توفر لنا ذلك
فنسرع الي تشكيله كل حسب هواه كيفما تاخذنا الاحلام والامنيات
وكانما هو من قال فيه ابن الرومي
وفاحمٍ وارد يقبّل مم ... شاه إذا اختال مسبلاً غدره
أقبل كاللّيل من مفارقه ... منحدراً لا يذمّ منحدره
حتى تناهى إلى مواطئه ... يلثم من كلّ موطىءٍ عفره
كأنّه عاشقٌ دنا شغفاً ... حتّى قضى من حبيبه وطره
وبواصل
imported_جيجي
26-07-2016, 04:52 PM
طية تانية
__________
في بيتها
وعلى ضفاف سحرها تلك كانت تدوركنحلة تصنع العسل المنكهة بكل توابل الود ونكهة الحياة والمصفي في تؤادة وبتحكم تام
في بيتها تهاب بصدق تحب بصدق وتضحك بصدق وتبكي بصدق وتعيش حياتك بصدق
لان كل الاشياء ثوابت عند منشأ الجمال ومصبات الصفاء .
وتحت وطأة الصفاء تلك ورواسخ الجمال تتحكم تلك المرأة في كل الاشياء بطريقة سلسة
كنت اذ رايتها في مطبخها العامر لحسبتها ملكة الطبخ وان تجولت ارجاء منزلها لحسبت ا انها رئس منظمة الصحة العالمية وصحة البئة اذكر اني واخوتي كنا كثير من الاحيان حين يذهب ابي في احد رحلات العمل مستصحبا امي كنا نترك عندها كان اقسي ما نعاني منه هو انك تخضع للاستحمام ثلاتة مرات يوميا او ربما اكتر لايرحمك منه زمهرير شتاء ولانوبة مرض
كان ماتفتأ ان تخضع لاستدفاء فراشك حتى تحس بيديها تقتلعانك في صباح شتوي قارص الى تحت الدش مباشرة وحينها لابد ان يخالط طعم دمعاتك تلك طعم المياه المنسابة الى فمك مستنجدا فيها ببعض دفء دواخلك وكثيرا استصحب منظرا ظل عالقا بذهني وهو كيف انك حين تعود من المدرسةلابد ان تسلم حقيبتك فور دخولك البيت وحين بوابة ذالك الحمام الذي انشأ بجوار الباب الرئيسسي لابد ان تخلع ملابسك وحذاءك ومن بعدها ستدخل الى ذلك الحمام الرعب
حيث ياتيك صوتها بين الحين والحين(دعكة واحدة مابتنفع) (الشعردا لوشميت فيه ريحة غير الشامبو حترجعي تاني الحمام)(ياولد اكرش رجليك بالحجر وماتنسى بفرشة الاسنان الجنبك دي تنظف ضفورك)فيصيح اخي الاكبر مزمجرا
ياتتا الموية لو بتنظف كان نظفت السمك
ثم يؤتي بعد ذلك بملابسك النظيفة وحذاءك المنزلي الذي نال حظه من معاناة الغسل فيصيح اخي مرة اخرى مداعبا اياها يا حجة السفنجة دي ماكان تظهروها
imported_جيجي
26-07-2016, 04:56 PM
انتي عنيدة
هكذا ختم احدهم رسالته لي
رددت
شرف اعتز به في دروب الحق
وهو سلاحي الوحيد
ثم اني ياخ والله انا عنيدة من ولدوني وقبل ما اعرف الكلام
وساحكي عن قصص العند تلك والتي تبعتني من حين مولدي
imported_جيجي
26-07-2016, 04:58 PM
كانت جدتي تصر على ان تاتي بناتها للولادة عندها حيث انها خصصت لذلك الحدث غرفة خاصة يتجدد اثاثها ومحتوياتها مع كل قادم جديد كانت جدتي تقوم فيها بعزل الوالدة والمولود على غير العادة لانها تعتبر ان الوالدة تمر بمرحلة يجب ان تخضع فيها للراحة التامة وكانت تستقبل هي وبقية الاسرة الضيوف والمهنئئن خارج الغرفة
حتى اننا كنا نطلق علي تلك الغرفة في مثل تلك الايام الICU او وحدة العناية المكثفة تقفشا:)
كانت الغرفة تمتاز ببرودتها وستائرها المسدلة واضاءتها الخافتة
ما يقال اني رفضت الخضوع لتلك التعليمات رفضا باتا واتخذت مكاني عندا في منتصف صالة الاستقبال كما يجب وسط المهنئين بمقدمي وقد كنت اعبر عن رغبتي تلك بكاء حادا لايستكين الا وسط تلك الصالة-قولو واحد:p
وكانت جدتي حين ان تتم عدة النفاس اربعون يوما وياتي الزوج لاصطحاب زوجته تحتقظ ب المولود عندها لحين بلوغة الاربعة اشهر ثم ياتي بعد ذلك اهله لاخذه لمنزله
فقط على والدته زيارته في مواعيد محدده لارضاعه
يحكي ايضا انني الوحيدة من بين ابناء وبنات اسرتنا الممتدة التي رفضت البقاء حيث انني استمريت في البكاء دون توقف وما كان من جدتي بعد محاولات لمدة يومين الا ان قالت لوالدي-لمان تجو ماشين شيلو بتكم معاكم:) غلبتني كلو كلو-قولوا اتنين:)
وساحكي
imported_جيجي
26-07-2016, 05:09 PM
دوما الاحق اشيائي لاخر فرصة باجابية
ربما خوفا من حمل وصمة التفريط فيها
imported_جيجي
26-07-2016, 05:09 PM
سر الكرتين
___________
دوما اهوى كروت المعايدة والتهانئ وتلك المعاني التي تحملها بين جنبيها وتلك الكلمات الرقيقة التي تحتويها تدهشتي لدرجة اني امرر عليها صوابعي تحسسا لتلك المشاعر الممتلئة بها
لذا دوما احس بسعادة كبيرة عندما ياتيني كرت من صيق او قريب
وحقيقة هي وسيلتي المفضلة لتبادل المشاعر مع من حولي حيث اجدها من ارق الوسائل واجملها وقعا لذا دوما احرص ان تكون تهنئتي خلالها
اذ تجدني عند النجاح والزواج والاعياد وكل المناسبات السارة هي اول ما افكر فيها لابعث بتهنئتي تلك وكثيرا ما ارتاد اماكنها حين تسوق لاقتني منها مايعجبني وما يناسب كل المناسبات والاحتقاظ بها لحين تهنئة او مناسبة ..ففي الاعياد اقضي وقتا طويلا في كتابة المعايدات للكل ابتداءا بوالدتي واخوتي المقيمين معي بنفس المنزل ولا انس جدتي التي تثمن كروتي كثيرا وتحتفظ بها انتهاء بصديقاتي والكثير ممن حولي حتى صديقاتي وقريباتي حين يلدن اذهب اليهن بكرتي بديلا لحق اللبن:D ولايخلواحد من معارفي من مجموعة كروتي
اللهم الا ذاينك الكرتين الذين لم اعرف لهما طريقا ولكني حتما وعيت وقعهما واللذان ربما كان لهما الاثر الاكبر في هوايتي هذه
كنت ربما في الثالثة عشر وحقيقة عشت قي كنف اسرة لم ارى يوما او اسمع او اعرف فيها ان هناك مشاكل قد تنشأ بين الرجل وزوجه الى ان كان يوما رايت امي تنام في غرفة الضيوف وتكرر ذلك لليلة اخرى فاتيتها استطلع الامر فانتهرتني نافية ان ليس هناك شئيا ذو اهمية ولكنني لحظت معاناتها وشبح دمعة حاولت مداراتها فقضيت ليلة سادها الالم والقلق والحيرة ومازاد يقيني ان هناك شيء غير مالوف وجه ابي الحزين صباحا وشروده وهو ينقلنا للمدرسة فظل ذاك الامر شاغلي طوال اليوم وقد هداني تفكيري الصبياني لامر وربما احسست بواجبي تجاه مايحدث ففكرت بالحل حسب طريقتي
يومها توجهت عند نهاية اليوم لاقرب مكتبة واشتريت كرتين اخذت زمنا طويلا كي اجد كروتا مناسبة واذكر حينها اني انتقيت واحدا به صورة رجل وامرأة في وضع حميم وانزويت في احد الاركان اقلد خط ابي تارة وامي تارة-وانا كنت اجيد كل الخطوط فكتبت لامي كرتا ومضيته باسم ابي وكتبت لابي ومضيته باسم امي واذكر اني استعنت ببعض العبارات من كتاب رسائل كان يستهويني واحتفظ به زيادة على بعض خيالي الجامح قليلا حينها وانتهزت الفرصة لاضع لكل كرته تحت وسادته دون ان يلحظ وجلست انتظر نتيجة مااتيت وتبسمت صباحا واري الفرحة تعم الوجوه
ولكنني الى الان اتسال كيف تم ذالك وهل طليت عليهم حيلتي ا م اكتشفاني وقررا الصمت وظللت يومين اراقب وجهيهما لاري وقع تلك الكلمات التي حوتها رسائلي والتي ربما اصابتهم بالدهشة او الخيبة في ابنتهم البرئية جداgap
imported_جيجي
26-07-2016, 05:20 PM
اضحكني خالي فادمع اعيني
_____________________
طرقت والدتي باب غرفتي
- كلمي خالك
اخذت التلفون وانا اطنطن لسبب قد ياتي ذكره بعد-
-ماما يعني انتي ماعارفاني اوعي بس يكون جايب لي عريس
-تبسمت امي وهي تناولني التلفون
-هس ماكان تقولي ليه نايمة ولا حاجة
-الو
-سامع القلتيه كله كله لكن دا مابحلك مني -لا ازال اتهمك بالغباء
- وانا لازلت اناديك بالحجاج يا خالي العزيز-واناوالله رقبتي قد قسيت واستعصت وسوف لن تجد لها طريقا
- لكنك لن تفلتي مني ابدارغم ذلك
- ازيك كدا ياخالو والله مشتاقة ليك
-وانا مشتاق لفلسفتك وتمردك
-ههههههههه
- عارفة طلبتك مخصوص
خير انشاء الله
قبل شوية جات مرة خالك لقتني ليك محكر وفي امان الله شايل ريموتي وبتابع في الخبورات
جابت ليها كباية شاي وقعدت جنبي- عرفتها ليك عندها موضوع
-اسمع يا-------فلانة بتك ضربت تلفون زعلانة من راجلها
-وفلانه دي متين جات من شهر العسل عشان تزعل-خلاص دخلنا في الحامض
-يا راجل عليك الله سيب هظارك المسيخ دا
-عاين هنا عايز اوصيك
-فلان دا اديه العين الحمراء واوعى تطلع بتك غلطانة قدامه كفاية السووها فيني اهلي
-ياساتر
-اسمعني كويس الرجال ديل اصلهم ثقلا -اسالني انا
اها
-ما تحقر بتك قدامهم الله يحقرهم
-اديه على راسه يديهم البلا اليخمهم -اصلهم عايزين الواحد يديهم على راسهم بالجزمة
كفاية البقت فيني انا ما بتبقي في بتي
-هههههههههههههههههه
-هههههههههههههههه والله يا خالي شمتانة فيك انا
-ختيت ايديني في راسي وبقيت في روحى
-وقلت النقوم نضرب لبت اختي المتفلفسة المتمنطقة دي كان تمنطق لي الكلام دا وتورينا الثقافة دي جنسها شنو
ولا نشوف لينا طريقة لاوكامبوا كان يحلنا من جنس المرة دي
-هههههههههههههه وبرضوا يا خالي تقول عرس- هسي ياخالوالطلع غبي منو
-هههههههههه لاوالله ما العرس لكن على الايمان انا ضلعي ماكان اعوج
كان مهروس عديل كدا
-ههههههههههههههه هههههههههههههههه
-يابت ما وريتينا رائك
-غايتواا ياخالي ضلعك دا ماعندي فيه شغلة -وزي ما قال المثل ضلعك ويغرق ليك
لكن الثقافة دي كان باريتها بتوديك وتودي بتك الكوشة- احسن اليك ارميها في اقرب سلة مهملات
-ههههههههه قلتي كدا نرميها لكن الضلع دا الا نسفره مع البشير وعلي الطلاق البشير يمرق منها هي ماعندها طريقة
- ههههههههههههههههههههه
-طب خلاص يابت
مع السلامة وبجيك بعريس
-باي خالوا الحجاج
-ولتسميتي له بالحجاج قصة طريفة
اصلا خالي بحب البنات تعرس قوام
وكلما ما بت في العائلة تظهر عليه ملامح الانوثة
يقول لامها انت عارفة بتك دي السنه دي لازم تعرس
بعد فترة كدا يقوم يجيب ليك ليها عريس
-دوما اداعبه عندما ياتي بعريس- اني ارى روسا قد اينعت والان حان قطافها
فقط انا واحد بنات خالاتي لم يقنعنا بما اتانا من عرسان
ودائما ردنا
والله نحن عرسان بجيبوهم بالشرك ديل ما بنفعوا معانا
وياخالوا عليك الله بتشرك ليهم كيف
لذلك يتهمنا بالفلسفة الواهية وبالغباء الاجتماعي
imported_جيجي
26-07-2016, 05:21 PM
الحمدلله قدرت انقل الكثير من دوت اورج
عكــود
26-07-2016, 06:23 PM
سلام جيجي،
مشكورة على الإجتهاد في نقل البوست اللطيف.
imported_جيجي
15-11-2016, 11:45 AM
الدنيا دي غريبةوملئية متناقضات ومدهشة في نفس الوقت
اصعب حتة فيها لما تكون ماعارف تعمل شنو.....لما تحس انك في مفترق طرق..... لما يموت اقرب زول ليك...لما حد يخذلك....لما تتفرض عليك حاجة بتسعد ناس تانية وتضطر تعملها....لما تحاول تطلع من حزن ونقوم تفتش ذكرياتك وتطلع منها بحزن اكبر
المهم انا امس بفتش في دولابي وفجأة لقيت لي ورقتين كدا في درج
و بالرغم من انه الدرج دا مليء بصوري من زمن الطفولة ورحلات وواسطوانات تخرج وتكريم وشهاداتي المدرسية والجامعية وفوق الجامعية وكثير من الذكريات الحلوة والمن اجلها اساسا قررت ا فتش في حاجاتي الاانهم استحوزو
على وقتي وتفكيري وذكرياتي كلها
المهم هما يا اما كانت مشروع قصائد ماخلصت. او مشاعر لحظية وانتهت اوقد رأيت في زماننهم اني اخبييهم. غايتو حانزلهم زي ماهم
imported_جيجي
15-11-2016, 12:19 PM
_١_
من بيت تلابيب السحر الساكن
في وجدان محبتك
من بين ورود النبع
عناقيد الاحلام السرو
اخترت الارصفة
تدلل اشياءك
تعرضها
تدق الاجراس بميدان شعبي
يتنافس فيه الناس على
الاسعار البخس
تخادع بؤس الحاجة فيهم
هذي بجنيه ونص
وتلك بدولار
ونسيت ان على ارصفة الشوق الشعبي
كل الاشياء تداس باحذية المارة
حتى الاعناق تداس
......
على مايبدو اني كنت الوم احدا في موقف ما ولكني خشيت عليه منها ولم اكملها
imported_جيجي
15-11-2016, 12:48 PM
م_٢_
معقول بس
كل البنات؟
اتنين يضاحكن غفلتك
واتنين يلامزن وحدتك
واتنين يهامزن فرحتك
واتنين يلولن صحوتك
واتنين كمان بخشيش
يلا زمن ضحكتك
بس يعني
الا اتنين عزاز
قلبي الحنين ومهجتك
...
خليت وفاءك
وكل الحنين
خليتوا ليك في صرتك
واليوم مشيت
للسفرة ديك
خليت معاي
املي الجميل
خليت معاي. حلم السنين
فستان زفافي وبدلتك
خليت معاي
فركة صفيح
توب سرتك
.....
دي غايتو بتذكرها كويس
imported_جيجي
06-09-2017, 10:46 AM
متلازمة العيون
سمعتوا بيها
اها انا اكتشفتها
وحاثبتها ليكم في المداخلة الجاية
الليلة عندي رغبة شديدة اكتب
وانا حين اكتب اكتب لسودانيات فقط ومباشرة من كيبوردي دون الحوجة لورق وقلم واستيكة.
فقد تعودت ان ابثها دوماحكاياتي ومشاعري وحزني ودمعاتي وضحكاتي دونمواربة اوريب وكانت. واحتى ومتنفسي ومدرستي التي تعلمت منن خلالها الكثير واستقيت منها زلال الثقافات المختلفة وشهد المحبة وسماحة الخلاف وادب الحديث والصمت . وكنت حينها اجوب الشبكة العنكبوتية بحثا عن مزيدا من المعرفة فقد كنت اعشق الكلمة منذصغري واعشق القراءة. وتدهشني المفردات حتى الذين دخلواقلبي كان ذلك سبيلهم الوحيد واناكنت حين اكتب. اكتب من كل قلبي وبكل صدق وكل حرف اخطه له حديثه العام والخاص لذلك ودوما تصدمني حقيقة المتاجرة بالكلمات حتى انى في احايين كثير بت افقدالرغبة في الكتابة
imported_كمال قجه
07-09-2017, 10:06 AM
قصاصة محمد
قصاصة محمد دي كانت فضيحة عديل
زيزي صاحبتي من الثانوية ودخلت معاي نفس الكلية
العلاقة بينا قوية جدا ..اصلا كنا متقاربين فكريا ومشتركين في هواية القراءة وكتابة الشعر
زيادة على كدا اماتنا صاحبات-القصة دي تعبتنا شديد مافي حاجة بتتدسى
محمد شاب لطيف جدا-داطبعا اول انطباع- اول يوم دخلنا القاعة في اول سنه لينا في الجامعة
انا وزيري نتلفت وراسنا مقطوع والقاعة ملانه مشينا ليك في الصف الاول عاملين فيها شفوت نعاين كان نلقى لينا مكان فاضي..
قوم يا محمد الكاتلاك الرشاقة قوم من مكانك وجر صاحبك القاعد جنبك ..واتفضلوا يا اخوات ونحن ماصدقنا انكشحنا ليك وشكرنا بطرف خشمنا لزوم قشرة وكدا
المهم بعد المحاضرة طلعنا لقينا ليك محمدفي وشنا
سلام عليكم .... وعليكم السلام ...كيفكم ...تمام والله وبقية التعارف قام محمد كمل رشاقته
-ياجماعة ايه رائكم تشربوا حاجة..الكفتريا بي جاي المهم مشينا بعد اتماسخنا عليه حبة في البداية
وزيادةفي الظرافة محمد عزمنا فطور وبعده عصير وبعده شاي وبعد داك انت يامحمد ابقى لينا في رقبتنا لف بينا الكلية كلها يدخلنا بحمد ويطلعنا بخوجلي لحدوت اليوم خلص وقررنا نرجع
-يا جماعة انا معاي عربية وانتوا في طريقي اصلا
-لا والله شكرن نحن برضو معانا عربية
طيب باي
باي بكرة من الصباح لقينا ليك محمد حاجز ليناجنبه ونفس البرنامج اتكرر وبقى مابدينا نفس
واي واحد يجي بجنبنا يحدر ليه ونحن خلاص ماعرفنا البنعمله
-يازيزي انا خلاص الجامعة دي كلها حاخليها عشان محمد دا..ومحمد دا شكله مباريك انتي(اصله اكتشف انها بت جيران ناس خالته) انا ذنبي شنو؟ ومن يوم الليلة انا من طريق وانتي من طريق..
دا شنو ياخ كرهنا
- لا والله محمد شنو كمان حلينا كدا-اصلا انا عارفة زيزي عاجبها خالد ود حلتهم المعانا في سنه رابعة نفس الكلية ويمكن تكون دخلت الكلية دي عشانه
وصلنا لاتفاق انه محمد دا تاني لو عزمنا اي شيء نرفض عشان مايستلمنا بعيزوماته دي كل مرة
-تشربوا شاي
لا والله شكرا
-تفطروا
لا يامحمد عاملين رجيم
اجيب ليكم عصير
-ماعايزين
المهم محمد اخيرا فهم واتاريه راجل احمق جدا
ونحن في قمة غتاتنا ديك مع محمد الدكتور فاجأنا انه الكورس انتهى وانه في امتحان ونحن يادوب مافاهمين حاجة ولاعندنا مذكرات ومافقنا من دهشة عالمنا الجديد دا..
طبعا اتهجمنا وما عرفنا نعمل شنو وماعارفين درب مذكرات ولاحاجة...محمد بكل شهامة بعد حسه بشلهتتنا ديك اتصدى للموضوع وقال انا حافتش مذكرات واطبعها واطبع ليكم معاي
متين يامحمد
الساعة 7مساءنتلاقى في الكفتريا
اتفقنا انا وزينب ناخد الورق الساعة7 ونبيت عند صاحبتنا في الداخلية نساهر الليل داك وبكرة على الامتحان
الساعة سبعة شوكة شايفين ليك محمد في الكفتريا شايل الورق
-اها عملت لينا شنو
-طبعت ليكم المذكرات ودبست لكل واحدة ورقها
طب والله فيك الخير ومشكور يامحمد..وغيرك ماكنا حنعرف نتصرف كيف ومانعدمك وشنوشنو
فجأة محمد قال لينا
-ايه رائكم نشرب شاي ولا نتعشى
-لا يامحمد مابناخد حاجة بعد الساعة7
-شكرا يا محمد
قبل مانتم كلامنا نشوف ليك محمد شيط شيط وقع ليك في الورق داك شريط وشرط ليك المذكرات ديك حتة حتة قدام العالمين الموجودة ورماها في الارض ومشى
نحن الهجيمة وقعت فينا لا عرفنا نبكي ولا عرفنا نضحك
المهم رجعنا الداخلية واتصرفنا ووالامتحان انتهى ونحن طالعين من الامتحان نلقى ليك محمد واقف
-تشربوا شاي
-نشرب يا محمد
ومحمدبعد داك بقى زول صاحبنا شديد
اتذكرت القصاصة الفي المذكرة دي كاانت جزء من المذكرات الاتشرطت اصلا بعد هو فات نحن خميناها من قدام الناس
محمد لاقيته قبل كم شهر لما جاء هو وعروسه شهر العسل
يااااسلااام ياااجيجي علي دسامة السرد والحكي الطااعم حضور وفي الكراسي الأمامية ومستمتع بالحكايات الطالعة من تحت الوسائد .. لكن غايتو محمد دة بكون ل هسي بشرط في الورق ههههه غايتو شكيتو ل الله كان يشرط المذكرة الساعة 7م وانت ممتحنة اليوم التاني بكرة
vBulletin® v3.8.8 Beta 2, Copyright ©2000-2026