سوووووووووحى اليل لالا بالجنبة موحى اليل لالا

[imported_عباس الشريف]

كنا فى ماضينا قوة قوة تتحدى الصعاب

نقطع الليل المخيم ونمشى فى القفر اليباب

كنا للناس رمز طيبة وكنا عنوان للشباب

وهسى تائهين لينا مدة نجرى من خلف السراب

الام الظهرإقولوا من كثرة القعاد أو عدم الرياضه والتعرض لاصابة بحمل ثقيل اعتقد عامل السن البنهرب منوا ليهوا اثر ذهبت امس للمنزل من الساعة 12 ياريت قعدته في الشغل ولم اذهب لو تنفع ياريت العمل نعمه الحمد لله لو الواحد ما شغال عاطل ما عارف كان اعمل شنو بعد الغذاء والرياضه والصلاة واللعب مع الشفع... برضو الزمن بطيء.... ليلا اتجهت للشاشه البلوريه والحنين للوطن صادفته برنامج محمد موسي الشروق مرت من هنا انتبهت لشطر البيت للشاعر سيف الدين الدسوقي ((وهسى تائهين لينا مدة نجرى من خلف السراب)) سأل محمد موسي السؤال التالي : أول شهيد في ثورة 21 اكتوبر كان من جامعة الخرطوم ده منوا .... الحلقه كانت في الجامعه مع الطلاب أول من جواب طالب الاجابة كانت عبيد ختم ثم توجه لشخص اخر افد انه تخرج وليس طالب حاليا اجاب اول شهيد ل21 اكتوبر الزبير محمد صالح بعد داك المساعدات جات من محمد موسي بتقريب المعني للاجابة ... يا حليلك يا احمد القرشي الناس غنت ليك باجمل الاناشيد الملحمة لود الامين (( كان القرشي شهيدنا الاول ما تراجعنا)) تعال شوف تراجعنا وصل وين زمن نميري كنا بنسمع فلان عملوا ليهوا غسيل مخ ناس الامن اعتقلوا سنة كنا واحنا صغار بنفتكر غسيل المخ ده بالصابون ابو غزاله المدردم داك الوالده تشد المويه في النار عشان الصابون اسيح في الحله للغسيل احنا الاتمحينا وسحنا بقينا جيل (( سوحي))
وسوووووووووحى اليل لالا
بالجنبة موحى اليللالا
سوحى لينا اليل لالا
والعقبة لينااليل لالا
العولمه وكثرة مصادر الاعلام اربعة قنوات سودانيه المفروض تكون سبب لجيل يحمل كمية من المعلومات حصل العكس مع غسيل الدماغ بصابون اريال وتايد بعد ان تغير الزمن من الصابون المدردم لي البودره مع المنظفات السائله الاخري الناس كلها بقت سمحه ونظيفه لدرجة ما تفرق بين اللبنانية والسودانيه في قناة زول أو الشروق الظاهر محمد موسي ما متابع الاسئله بتاعتوا دقه قديمه ياخي اسأل من هي ملكة جمال امريكا لعام 2010 وما هي جملتها الشهيره التي اطلقتها تجد مليون من شباب اليوم اقول ليك اللبنانيه ريما الفقيه وجملتها الشهيره التي اطلقتها في القنوات الفضائيه وهي ترتدي البكيني ((بالسوداني المايوه)) انها فازت لايمانها القوي بالله وايضا اسلامها هو سبب فوزها وتهدي الفوز لكل الشعب العربي المسلم ... تذكرت ايام العزوبيه واحنا نعمل باحدي مدن السودان كما معلوم فوضي العذاب صاحبي الامزجة المختلفه وحياة عدم المسئوليه هنالك احد العذاب من اصدقائنا سفيه لا يصلي ولا يصوم يعاقر الخمر لدرجة باننا قمنا بتسميته ديونيسوس اله الخمر عند الرومان ... كانت معه في رمضان احدي بنات الهوي نهارا جهارا بعد قضاء الواجب تناول جك المويه وشرب نظرت اليه بنت الهوي اجي يا ود امي انت فاطر... يخس عليك.... حرام جيتي ليك هنا....
تأني قول انتهينا وانتهي عز الشباب تمشيا مع الزمن:
ليه بنهرب من مصيرنا ونقضى ايامنا فْ عذاب
ليه تقول لى انتهينا ونحن فى عز الشباب
نحن فى الأيام بقينا قصة ما بتعرف نهاية
ابتدت ريده ومحبه واصبحت فى ذاتها غاية
كنت تمنحنى السعادة ولى تتفجر عطايا
ولما أغرق فى دموعى تبكى من قلبك معايا

[imported_تاتاي]

عباس الشريف

تحية لك وتقديرا جميلا

كده في الصميم وانت عرفت تتلمس مكان الوجع الصحي صحي

وكل زمن ليهو رجالتو والله

[imported_عباس الشريف]

عباس الشريف

تحية لك وتقديرا جميلا

كده في الصميم وانت عرفت تتلمس مكان الوجع الصحي صحي

وكل زمن ليهو رجالتو والله

حبيبنا تاتاي تشابه علينا البقر والحكاية اتلخبططت عندنا والهوية السودانيه الاصليه اتفقدت مع تغيرات الزمن تقديري وشكري للمتابعه

[imported_فتحي مسعد حنفي]

سرد ممتع بالجد ياعباس..بالمناسبة البكيني هو برضو مايوه بس بيكون من قطعتين صدر وقعر وكلمة مايوه بتشمل كل أنواع لباس البحر بما فيها الرجالي..

[imported_فتحي مسعد حنفي]

بالمناسبة ياعباس القرشي ما كان أول شهيد سقط لكن كان لازم يقولو كدا عشان أول شهيد كان طالب جنوبي ودا طبعا ما وراهو أهل يطلعو في جنازتو باللآلاف زي القرشي.يعني اعلان القرشي كأول شهيد كان هدف سياسي والفكر فيهو كان المدعو بالشيخ حسن الترابي وكانت النتيجة كما توقع تماما وكانت الجنازة هي الشرارة لثورة أكتوبر..
هذا توضيح للعلم فقط ويعلمه طلاب جامعة الخرطوم الذين حضروا الواقعة..

[الرشيد اسماعيل محمود]

عباس الشريف سلامات يازول..
اول حاجة عندي ملاحظة:
انت اي موضوع لازم تخش فيهو كلمة لما كنا عذابة..
ليه ماعارف..
شكلك لسع حاني ليها واحتمال ياربي اخصب مراحل عمرك كانت..؟؟
ثم..
انت جادي في فكرة الخريج القال الزبير محمد صالح..
غايتو ماواقعة لي بتاتا..:confused:
قلت لي قالت فازت عشان ايمانها القوي بالله..!!!
ياخ والله حكاية دي..:D
فاطر... يخس عليك.... حرام جيتي ليك هنا....
عندنا واحد قريبنا مؤمن تماما انو تفاتيف السوق زي الفول المدمس
والتسالي والنبق وماشابه لا تعتبر من المفطرات في رمضان
تصدق..!!!

[imported_سمراء]

معليش جيت داخلة قلت يكون فى قطع رحط هنا ولا شى :D
لانو الاغنية دى رقصو بيها حبوبتى فى قطع الرحط قالو looool

عباس الشريف بتاع الكديسة ازيك ياخ ومالك قطعته قدر ده ؟؟

[احمد زين]

عباس يا شريف
ليك وحشة والله وبركة بالشوفة
في كلامك يا عبس هبشت كم حتة حساسة (مع الحشمة):D بس خليني اركز على موضوع السطحية والثقافة الضحلة للجيل الحالي وبالمناسبة الانت سمعتو ده الخفيف وفي حاجات افظع من كده
لكن خلينا نضع يدنا على موضع الالم اولا
المعلومات العامة الانت بتعرفها من زمان يا عباس تساوي المعلومات التي عند طلاب الجامعات السودانية كلها مع ان وسائل المعرفة زمان كانت بسيطة مقارنة بالكم الهائل الآن من اذاعان وقنوات فضائية وانترنت وهلمجرا
الفرق يا عباس انك انت كنت بتبحث عن المعرفة والأن الشاب يبحث عن المسخرة وقلة الادب ولو صادفته اي معلومة خلال بحثه عن المسخرة لا يلقي لها بالاً
بالاضافة للتشويه الحصل للمقررات الدراسية والمناهج على مستوى التعليم العام والعالي واللعب في سنوات السلم التعليمي بصورة لا تمت للتربية بصلة
اين دروس التربية الوطنية في المدارس وين حصص الرياضة والجمعيات الادبية وحلقات النقاش الثقافية
مرة انا كنت في لجنة معاينة لطلاب جدد بكلية الطب باحدى الجامعات السودانية وكانت دي اول دفعة تجي من سنةثامنة بعد تغيير السلم الجديد سألنا واحدة من الطالبات من اي شيئ قالت ما عارفاه قام واحد قال ليها بتعرفي مايكل جاكسون البت استعدلت في قعدتها وكانها حافظة اغانيهو صم وقالت لينا (ايوة بعرفها دي ما تسريحة):D

[آيات مبارك]

سلامات ياعباس
إتطرقت لي موضوع مهم بجيك راجعة بي مزاج

[imported_عباس الشريف]

سرد ممتع بالجد ياعباس..بالمناسبة البكيني هو برضو مايوه بس بيكون من قطعتين صدر وقعر وكلمة مايوه بتشمل كل أنواع لباس البحر بما فيها الرجالي..

عم فتحي انت ما تخصص من مجاميعوا في زول بقول ليك دي لا ... الله اكثر لينا الشوف في النوع التاني

[imported_عباس الشريف]

بالمناسبة ياعباس القرشي ما كان أول شهيد سقط لكن كان لازم يقولو كدا عشان أول شهيد كان طالب جنوبي ودا طبعا ما وراهو أهل يطلعو في جنازتو باللآلاف زي القرشي.يعني اعلان القرشي كأول شهيد كان هدف سياسي والفكر فيهو كان المدعو بالشيخ حسن الترابي وكانت النتيجة كما توقع تماما وكانت الجنازة هي الشرارة لثورة أكتوبر..
هذا توضيح للعلم فقط ويعلمه طلاب جامعة الخرطوم الذين حضروا الواقعة..

حبيبنا فتحي كلامك ده انا سمعتوا كثير خاصه من طلاب تلك الفترة .... المسجل في التاريخ القرشي من ام صراصر في النيل الابيض علي ما اعتقد .... الترابي ده ورانا ورانا

[imported_عباس الشريف]

عباس الشريف سلامات يازول..
اول حاجة عندي ملاحظة:
انت اي موضوع لازم تخش فيهو كلمة لما كنا عذابة..
ليه ماعارف..
شكلك لسع حاني ليها واحتمال ياربي اخصب مراحل عمرك كانت..؟؟
ثم..
انت جادي في فكرة الخريج القال الزبير محمد صالح..
غايتو ماواقعة لي بتاتا..:confused:
قلت لي قالت فازت عشان ايمانها القوي بالله..!!!
ياخ والله حكاية دي..:D

عندنا واحد قريبنا مؤمن تماما انو تفاتيف السوق زي الفول المدمس
والتسالي والنبق وماشابه لا تعتبر من المفطرات في رمضان
تصدق..!!!

هلا حبيبنا الرشيد اخبارك يا لذيذ
لما كنا عذابة دي اجمل فترة في الحياة ليس انقاصا من الحياة الزوجيه اكيد هنالك اختلاف وكل حياة لها طعمها ودائما الزكريات صادقه ونبيله يا حليل ايام الببسي بالثلج شوفتا الشوق ده كيف .... حكاية الخريج دي كان ما شفته الحلقه ما بتصدق اعتقد سوف يتم اعادتها يوم الجمعه شفته الحال وصل لي وين قريبك ده ما سكر زي واحد صاحبي عندوا فتوي قال الساعوط ما بفطر شغال قرف فيهو في رمضان

[imported_عباس الشريف]

معليش جيت داخلة قلت يكون فى قطع رحط هنا ولا شى :D
لانو الاغنية دى رقصو بيها حبوبتى فى قطع الرحط قالو looool

عباس الشريف بتاع الكديسة ازيك ياخ ومالك قطعته قدر ده ؟؟

سموره انتي تدخلي في اي محل علي كيفك:
انت بت بلد نقعدي نقوم علي كيفنك
في لقا في عدم دايماً مخرف صيفنك
شكرا علي السؤال عن احوالنا مشيت لي سفره لي لبنان مكان ملكات الجمال وهيفاء وهبي

[بابكر عباس]

بالمناسبة ياعباس القرشي ما كان أول شهيد سقط لكن كان لازم يقولو كدا عشان أول شهيد كان طالب جنوبي .. فتحي سلامات
منو الطالب المسيحي الاستشهد قبل أحمد القرشي؟
البطل علي عبد اللطيف أمو من جبال النوبة و والده من قبيلة الدينكا و ما زال الشماليون يتغنون به...

[imported_عباس الشريف]

عباس يا شريف
ليك وحشة والله وبركة بالشوفة
في كلامك يا عبس هبشت كم حتة حساسة (مع الحشمة):D بس خليني اركز على موضوع السطحية والثقافة الضحلة للجيل الحالي وبالمناسبة الانت سمعتو ده الخفيف وفي حاجات افظع من كده
لكن خلينا نضع يدنا على موضع الالم اولا
المعلومات العامة الانت بتعرفها من زمان يا عباس تساوي المعلومات التي عند طلاب الجامعات السودانية كلها مع ان وسائل المعرفة زمان كانت بسيطة مقارنة بالكم الهائل الآن من اذاعان وقنوات فضائية وانترنت وهلمجرا
الفرق يا عباس انك انت كنت بتبحث عن المعرفة والأن الشاب يبحث عن المسخرة وقلة الادب ولو صادفته اي معلومة خلال بحثه عن المسخرة لا يلقي لها بالاً
بالاضافة للتشويه الحصل للمقررات الدراسية والمناهج على مستوى التعليم العام والعالي واللعب في سنوات السلم التعليمي بصورة لا تمت للتربية بصلة
اين دروس التربية الوطنية في المدارس وين حصص الرياضة والجمعيات الادبية وحلقات النقاش الثقافية
مرة انا كنت في لجنة معاينة لطلاب جدد بكلية الطب باحدى الجامعات السودانية وكانت دي اول دفعة تجي من سنةثامنة بعد تغيير السلم الجديد سألنا واحدة من الطالبات من اي شيئ قالت ما عارفاه قام واحد قال ليها بتعرفي مايكل جاكسون البت استعدلت في قعدتها وكانها حافظة اغانيهو صم وقالت لينا (ايوة بعرفها دي ما تسريحة):D

حبيبنا أحمد محمد زين سلامات جيل اليوم يهتم بالموضه اكثر من التحصيل العلمي يهتم بالجكس والحب اكثر من الاجتماعيات ثقافة غنائية منحطه مثل كتمته نفسوا الهوي وينوا الدوله ساهمت بتوجيه الشباب نحو الانصرافيه يهمها ذلك كثيرا

[imported_عباس الشريف]

سلامات ياعباس
إتطرقت لي موضوع مهم بجيك راجعة بي مزاج

مرحب ايات ومرحب بالطله الجميله وفي انتظار المعاوده

[imported_عباس الشريف]

فتحي سلامات
منو الطالب المسيحي الاستشهد قبل أحمد القرشي؟
البطل علي عبد اللطيف أمو من جبال النوبة و والده من قبيلة الدينكا و ما زال الشماليون يتغنون به...

سلامات حبيبنا بابكر .... عمنا توحه جاك ود عباس

[imported_فتحي مسعد حنفي]

سلامات حبيبنا بابكر .... عمنا توحه جاك ود عباس



ود عباس دا باين عليهو شمس الامارات سيحت مخو:pهسة الجاب سيرة طالب مسيحي وعلي غبد اللطيف شنو في ثورة اكتوبر:confused:
الطالب المسيحي الاستشهد في اكتوبر كان طالب اسمو علي ما أعتقد نبيل وبيدرس في القاهرة كان شايل كمرتو بيصور في شارع القصر اتضرب تلاتة طلقات في صدرو وأنا شفت جثتو في المشرحة وكان شكلو زي الزول النايم..منظر ما بنساهو لامن أموت..والغريبة طلبة جامعة القاهرة افتكرو انو الاتضرب أنا عشان شافوني في شارع القصر وحسب الوصف قالو دا أكيد فتحي..أما الجنوبي فدا ما متذكر اسمو لكن مسميين عليهو الطريق الجوة الجامعة بيودي لي قهوة النشاط..
بالمناسبة القرشي من القراصة وما ليهو أي علاقة بي أي حزب وانضرب وهو مارق من الحمام لافي بشكير في راسو..يعني ما كان في الندوة ذاتا ودي حقيقة للتاريخ..

[imported_عباس الشريف]

ود بالمناسبة القرشي من القراصة وما ليهو أي علاقة بي أي حزب وانضرب وهو مارق من الحمام لافي بشكير في راسو..يعني ما كان في الندوة ذاتا ودي حقيقة للتاريخ..

انا اقصد القراصه تلخبططت علي الاسماء وهي كلها قري النيل الابيض تتشابه في الاسماء والمباني وما اجمل منطقة الدويم وما جاورها من القطينه والكوه .... موسوعه عموا فتحي ما شاء الله علي الذاكره