روائع حقيبة الفن

[imported_منتصر ابراهيم كبلى]

http://www.sudani.cc/s-data02/ibrahimalkashif/sabhni_daymna_mobtasim.mp3 وجدان الشعب السودانى رسخ فيه مفهوم حقيبة الفن للاغانى واشعار حقبة زمنية معينة وثرة من تاريخ الغناء بشكل مورخ من العقد الثانى الى بدايات العقد الخامس وفى بعض الرويات العقد السادس (حسن نجيلة)ملامح من المجتمع السودانى واستمر الاسم لياخذه فى معيته شعراء وفنانى الحقيبة من رواد الفن الاوائل فبتنا نردد فى عفوية شعراء الحقيبة وفنانى الحقيبة حتى ارتضوه اصحابه.

فنجد فى ديوان الشاعر عبدالرحمن الريح رايعته بعنوان (شعراء الحقيبة) التى فى مطلعها

ياحقيبة الفن الاصيل أنت راقية وشعرك جميل

ماهى حقيبة الفن؟

للوصول للايجابة للتعريف لابد من اليجابة على عدة اسئلة تفرض نفسها بشكل ملح.

هل تعنى اغنية الحقيبة تلك الاغانى التى صاغ كلماتها شعراء الحقيبة امثال صالح ابوالسيدوسيد عبد العزيز وخليل فرح وعلى المساحو ودالرضى ومحمد بشير عتيق والعبادى .طيب الاجابة بنعم ليست شافية لان بعض هولاء الشعراء امتدا بهم العمر فتغنى لهم فنانون حديثون مثل الكاشف وحسن عطية وعثمان الشفيع احمد الجابرى ورمضان حسن ومنى الخير والفلاتية.

كذلك هل تعنى اغنية الحقيبة تلك الاغانى التى قام بتلحنها وادائها وتسجيلها على الاسطوانات والاذاعة ميعرف بفنانى الحقيبة أمثال سرور(محمد أحمد سرور)وعبدالله الماحى والأمين برهان وخليل فرح وكرومة(عبدالكريم عبدالله مختار) والايجابة برضو ماتشفى لسبب الاول؟

لذا اتفق النقاد على ان أغانى الحقيبة تبدا بالنقلة التى قام بها سرور فى عام 1920 عندما استغنى عن الطنبارة وأعتمد على الكورس(الشيالين)وادخاله الة الرق والمثلث وتنتهى بالنقلة الحديثة التى ادخلها العبقرى الكاشف فى مطلع الاربعينيات فالبعض يعرفها بأغنية مابين الحربين العالميتين 1918-1945 والبعض يعرفها باغنية امدرمان وانكان هذا الراى فيه سجال جدل فالبعض يقول ان معظمهم كانوا من ام درمان واخرين يقولوا نزوحهم الى ام درمان .

لاكن لاأعتقد ان اغانى الحقيبة تمثل بداية الغناء فى السودان لانها توجد اغانى من قبلها مثل السيرات والدوبيت والحداء واغانى التراث كالمناحات والحماسة واهازيج العمل الجماعى والحصاد واغانى المهد للاطفال والمديح وايقاعات الطار والدلوكة والنؤبة تذكروا زمان الحبوبات بقولوا عند المبالغة فى القدم أى الحاجة القديمة الشئ اقدم من العديل والزين كاشارة واضحة للمسيرات الضاربة فى حضارات وجذور التاريخ السودانى.

قد تكون اغانى الحقيبة هى بداية الغناء الحديث فى ام درمان فالاستاذ والشاعر والاعلامى صلاح احمد محمد صالح خشى على هذا التراث الجميل من الاندثار فكان بنامجه الجميل باذاعة أم درمان فأطلق عليه اسم(حقيبة الفن)1954 وظل البرنامج حتى اليوم يقدم باذعة أم درمان وكذلك تعاقب على تقديمه عدد من الاعلامين المشاهير امثال الاستاذ محمد شمو والمبارك ابراهيم والسر محمد عوض والاستاذ عوض بابكر .

اذن أن اسم حقيبة الفن ليس تصنيفا لاغانى تلك الحقبة كما اشار الراحل الفريق الاستاذ ابراهيم احمد عبد الكريم صاحب برننامج نسائم الليل لاكنه اس خطر على بال مبتدعه الاستاذ صلاح محمد صالح أما التصنيف العلمى والفنى لاغانى تلك الفترة هو(المدرسة الفنية الأولى) كما يقول بروفيسر الفاتح الطاهر فى كتابه(أنا أمدرمان تاريخ الموسيقى فى السودان) ونواصل

[imported_منتصر ابراهيم كبلى]

ياحقيبة الفن العظيم

للشاعر عبد المحمود سلمان

لحن وغناء:عوض شمبات واحمد يوسف

ياحقبة الفن العظيم أنت راقية ومعناك جسيم

من(أبوالريح) فاح نسيم يلفت افكارنا عشان تهيم 1

أنت حبك بنا مستديم حلوة تفرح قلبا كليم



فيك(سيد)فاض سن قول من عجائب شعره المهول 2

بالطرب ماخلاله زول فى نفوس شبان أو كهول

ليك(عبيد) أبدع فى النظام أجاد درر من افصح كلام 3

صح لقلوب كل الانام أسكر الافكار غير مدام



لله در(العبادى) قال فى معانيك أفسح مجال 4

هو العميد الشاد الظلال فيك مدح ربات الجمال



فيكى(صالح) نظم الكتير فيكى يالقلعة بدر منير 5

غافية هزت قلب الصغير سارة زى تقرير مصير



ياحليل ايام ناس (على) كان مقالو الشيق جلى 6

(الخليل) علما معتلى شعره كان فى المعنى الملى 7





أذكر (العمرابى) الرسم شعرو كالزهر الأبتسم 8

ثم(ودالرضى) القسم فى سهيل يوضع ليك سهم 9



خلى عرج على (ودعتيق) كم سبك فيك شعرو العريق 10

كان(بطران)11 نور الطريق سامى(جاغريو) شعرو الرقيق 12



الشاعر الفى تجديد غناك أفتخر بى مجدك وثناك

فى الضمير(حدباى)13 مانساك أنت وين فى الفرقد (علاك)







هوامش :

1/ أبو الريح الشاعر والملحن عبد الرحمن الريح

2/سيد الشاعر سيد عبد العزيز

3/ عبيد الشاعر عبيد عبد الرحمن

4/العبادى الشاعر ابراهيم العبادى

5/صالح أمير شعراء الحقيبة صالح عبد السيد ابوصلاح

6/على الشاعر على المساح

7/ الخليل الشاعر والفنان والملحن خليل فرح

8/العمرابى الشاعر احمد حسين العمرابى

9/ ود الرضى الشاعر محمد ود الرضى

10/ ود عتيق الشاعر محمد بشير عتيق

11/بطران الشاعر مصطفى بطران

12/ جاغريو الشاعر احمد محمدالشيخ الملقب بالجاغريو

13/ حدباى الشاعر احمد عبد المطلب حدباى



ونواصل

[imported_منتصر ابراهيم كبلى]

أغنية رسائل ويسميحها البعض حبيبى اكتب لى وأنا اكتب ليك من روائع الشاعر عبيد عبد الرحمن لحن وغناء الكاشف من اغانى عام 1954 ومناسبة القصيدة كما قال شاعرها(عبارة عن رسالة ارسلت لصديقى الشاعر سيد عبد العزيز عندم تم نقله الى مدينة الابيض
http://www.sudani.cc/s-data02/ibrahimalkashif/habiby_aktib_lay.mp3

[imported_منتصر ابراهيم كبلى]

الشال منام عينى وفؤادى جارحو كلمات عبيد عبد الرحمن لحن وغناء الكاشف
http://www.sudani.cc/s-data02/ibrahimalkashif/alshal_manam_eynai.mp3

[imported_منتصر ابراهيم كبلى]

كما تغنى له الكاشف الليل مابنومو-ازاك يايونى من اغانى 1956 وكانت الاغنية احساس خفى تسببت فيه العيون ومااكثر ما تسبب العيون وبتقول فى مطلعها أزاك ياعيونى...جزاك
درت السهر للروحك براك



ورينى كيف زتى انهمال
ورينى ليه شفت الجمال

الى ناهية الاغنية....ونواصل

[imported_منتصر ابراهيم كبلى]

كذلك من الاغنيات لعبيد عبد الرحمن حليل زمن الصبا (الكاشف)-أنا مابقطف زهورك-الزيارة-الشال منام عينى-الجمعة فى شمبات-رحلة-أناياطير بشوفك-غزال البرى هذه القصيدة فى اواخر الثلاثينات لسفر حبيب الشاعر وكان سفره فجاة على الشاعر مما ترك الاثر واضح وصوره فى هذه القصيدة غزال البرى ياراحل حرام من بعدك الساحل......كذلك اغنية افكر فيه واتاملومناسبتها حسب الشاعر( كنت اسكن المسالمة واحببت فتاة مسيحية تسكن فى نفس الحى فاحبتهها بجنون وفوجئت بزواجها زواجا مبكرا للشعور بما يكنه كل منا الى الاخر من حب والخوف من ان يتم الزواج بيننا لانه محرم لاختلاف الديانة ودعتنى للحفلة الاكليل فى الكنيسة وكان مع الشاعر سيد عبد العزيز والاتستاذ/خالد بن الخياط وكان اكبر يوم حسرة فى حياتى.وقال فى مطلعها أفكر فيه وأتامل اراه اتجلى واتجمل هلالى الهل وأتكمل ...زالى نهاية الاغنية-كذلك حجبوه من عينى-اسمعته تغريدى بالمناسبة هذه القصيدة خماسية خرج بها الشاعر عبيد من المالوف الذى كان قائما فى اغانى الحقيبة وهوالوضع الرباعى ويبتدرها
اسمعتو تغريدى
وريتوتجديدى
فى فن الاغانى
قابلتو بى ريدى
وسالمتو بى ايدى -واغنية الفنى فى البرهة القليلة ولها قصة سارويها لاحقا ونواصل من الشاعر المخضرم الفنان الملحن خليل فرح

[imported_منتصر ابراهيم كبلى]

قبل تناول الشاعر خليل فرح نحكى قصة اغنية ألفنى التى شدى بها الكاشف فى رايعة عبيد عبدالرحمن كانت هذه الاغنية فى يوم شم النسيم وكان يوم عطلة فخرج الشاعر من منزله من غير هدف معلوم فقال:(ركبت الترام وعندما وصلت الى المكان الذى به حدائق المقرن الان فى انتظار الترام الثانى فاذا باحد الاصدقاء وهو حامد حسين بكير يركب عربة فنادى على وركبت معه ذهبنا الى حدائق الحيوان وفى اول مكان وقفنا فيه وجدنا فتاتين لم تكن لنا بهم سابق معرفة وكن يعلقن على كلامنا ومكان ما وقفنا يقفن معانا فاحسيت نحوهم بألفة فخرجت انا وصديقى وتركناهم ذهبنا الى عدة اماكن واخيرا ذهبنا الى شمبات فوجدنا مجموعة من معارف حامد فوجدنا معهم نفس البنات اللاتى وجدناهم فى الحديقة فجلسنا بالقرب منهن فنادى على حامد وطلعو من اهله فمكثنا معهم الى ان حان وقت الرحيل وطلبن من حامد توصيلهم الى ابروف فالما كانت العربة صغيرة تخلفت انا وذهب حامد معهم الى المعدية فشعرت باكتاب ولم انتظر عودة حامد فذهبت الى أم درمان ونظمت هذه القصيدة ) مطلعها
ألفنى فى البرهة القليلة
وفارقنى البريدو مابين يوم وليلة
صادفنى فى داخل خميلة
هتن الطل سقاها
بعيونو الهميلة............................
فارقنى وماباليد حيلة
ساب الروح يتطلب رحيله
هل من شوفة لى
أم هى مستحيلة
ونواصل تخريمة مع مبارك حسن بركات ورايعته يامولاى زوجة تكون شلوخة تلاتةhttp://www.sudani.cc/s-hageeba/moubarakhassanbarakat/ya_molay_zawja.mp3

[imported_طارق الحسن محمد]

منتصر تحياتى
واصل
ومستمتع
بهذا الرصد التاريخى الفنى
وجودك هنا مفرح ومكسب لهذا المكان
مودتى

[imported_منتصر ابراهيم كبلى]

مشكور الاخ طارق على المرور الانيق ونحنا بنتعلم منكم

[imported_منتصر ابراهيم كبلى]

كنا ذكرنا اغنية حجبوه للشاعر عبيد عبد الرحمن نستمع لها مع المبدع الراحل كحلاوىhttp://www.2shared.com/audio/XI3quSZe/___.html

[imported_معتصم الحارث الضوّي]

أخي الكريم منتصر
تسجيل متابعة دقيقة لهذا السحر المنثور على السطور.

تقديري لك

[imported_ياسر كبوش]

بوست ممتع ومريح
واصل يامعتصم متابعين
احترامى

[imported_سمراء]

شغل عجيب يامنتصر ..
وبالجد الحقيبة من الكنوز التى لاتنضب ابدا عبر الزمان
وفى كل قصيدة نستخرج المثير من المعانى والدلالات الغنية
واصل ....

[imported_منتصر ابراهيم كبلى]

مشكور اخى معتصم على الاطلالة الانيقة والتحف والدرر التى بالمدونة الخاصة التى توكد نقاء قريحتك صفاء نفسك وانا سعيد على المرور على المدونة فهى بحق درر

[imported_منتصر ابراهيم كبلى]

شكرا كبوش على المرور وكل سنة وانت طيب

[imported_منتصر ابراهيم كبلى]

تحياتى سمراء فالحقيبة حقيقة هى معين لاينضب وترؤى كل ظاما اتها يعنى انتى ياسمراء بقيت وتر وكفر تحياتى

[imported_منتصر ابراهيم كبلى]

خليل فرح بدرى 1894-1932
يعتبر من مجددى فى الشعر الغنائى السودانى وهومن مواليد قرية (دبروسة)بمنطقة حلفا من أب محسى من جهة عبرى ودرس على يد الشيخ احمد هاشم بخلوته فى جزيرة صاى ثم الكتاب فى دنقلا ثم العاصمة كلية غردون القديمة (الهندسة الميكانيكية)وعمل بابوستة والتلغراف وقد استوثق البروفيسر الراحل على المك فى توثيق وتحقيق ديوان خليل فرح بملف خدمته زتوفى 30/يونيو1932 بمستشفى النهر بالخرطوم ودفن بمقابر أحمد شرفى.بالرغم من انه لسانه غير فصيح الا ان عبقريته استوعبت بشكل مذهل اللغة العربية فكانت مفرداته القحة التى لايستوعبها كل الناس وكان لابنه فرح خليل فرح الفضل فى جمع وحفظ شعر والده
كما توجد مخطوطة اودعها صالح عكاشة دار الوثائق المركزية كانت بمثابة المصدر فى توثيق ديوان الخليل
ويعتبر خليل فرح الاب والعميد لجميع الشعراء الوطنيين لنضاله ضد المستعر والهاب الحس الوطنى ضد المستعمر وكذلك تغنى للمراة وتعليمها كما جاء فى كتاب(نقوش على قبر الخليل)للاستاذ عبد الهادى الصديق
فالعمل الفنى يخرج من الخليل متكاملا كلمات ولحن وغناء فى لحظة ابداع واحدة.
للمعلومة يعتبر الخليل اول فنان سودانى يلحن الشعر العربى الفصيح ويغنيه فى رائعة عمر بن ابى ربيعة
أعبدة ماينسى مودتك القلب
ولاهو يسليه رخاء ولاكرب
فالذا يعتبر الخليل مدرسة فنية قائمة بذاتها برغم معاصرته شعراء وفنانى الحقيبة .ونواصل

[imported_Amin Bushari]

تسجيل حضور ومتابعة اخي منتصر
امتاع حد الادهاش
واصل ونحن معاك حضور
ويا ريت لو قدرته تكتب كلمات الاغاني

مودتي

[imported_منتصر ابراهيم كبلى]

ومن رواعه التى تغنى بها العديد من الفنانين عزة فى هواك-ماهو عارف قدمه المفارق-فى الضواحى وطرف المداين-فلق الصباح-تم دوار وأدوار-اذكر بقة ام درمان-ودمدنى وتغنى بها الموسيقار محمد الامين -الشرف الباذخ-زاهى فرعك-بين ها القصون -بين جناين الشاطى -يانيلنا يانيل الحياة
فلق الصباح
فلق الصباح قولي
اهو نورك لاح خلي
ياحبيب الروح هو هذا نداك ام ندى الازهار

صبح البستان شايل
شجر الرمان النومان مايل
الضميروالعود والعيون السود في البطانة كنار

عزة قومي كفاك نومك وكفانا دلال يومك
انت يالكبرتوك البنات فاتوك في القطار المار

صبغ الخدين حمرة
وبعد ساعة تشوف صفرة
الاصفرار دا كتير
اخجلوك يا امير ولا نمت نهار

ادبك عنوان ظرفك
صونيه يصون الفك
زعلك يا ام خدود
سوي ليهو حدود منه ياستار

عزة شوفي بنات قومك سابقوك على كومك
انت الولدوك للقبيلة هدوك
انت عز وبطار
ين جناين الشاطىء وبين قصور الروم


حي زهرة روما وأبكي يا مغروم

دره سالبه عقولنا لبسوها طقوم

ملكة باسطة قلوبنا تبين عليها تقوم

في الطريق ان مرت بالخلوق مزحوم

كالهلال الهل الناس عليها تحوم

شوف عناقد ديسها تقول عنب في كروم

شوف وريدا الماثل زي زجاجة روم

القوام اللادن والحشا المبروم

والصدير الطامح زي خليج الروم

خلي جات متبوعة الصافية كالدينار

في القوام مربوعة شوفا عالية منار

موضة آخر موضة هيفا غير زنار

روضة داخل روضة غني فيها كنار

شوف جبينا الهل ضو فوقه فنار

منه هل الشارع منه بق ونار

طالعة ما بتقابل زي لهيب النار

تحرق البتهابل والبعيد في نار


تم دور وأدور


تم دور وادور

عم نوره شال

فات الحله نور

زي بدر التمام



واحدين قالوا نور

واحدين قالوا دوب

مروي ما بتنور

زي بدر التمام



مين يقوم يتهور

يبري القيف هناك

تحته الدابي كور

زي بدر التمام



قالوا الكون اتطور

لا عاشق عفيف

لا جميل إتصور

زي بدر التمام



الحسود يتضور

ناره ماكله لسانه

كله زور ومزور

زي بدر التمام



الطريق الحور

دمي ما بروح

سيدة ليش يتجور

زي بدر التمام



هز شوقي وتور

يا نديم إزاي

جرحي المخفي غور

زي بدر التمام



يا قليب إتجبر

قوم وريني كيف

الكرام تتصبر

زي بدر التمام



نحن ما بنتعبر

النفوس أن حبت

تستحى وتتكبر

زي بدر التمام



ما خبير أتخبر

في الزمان الفات

والجديد إدبر

زي بدر التمام



أوعي لا تتشبر

هل رأيت لك عاشق

بالغرام يتنبر

زي بدر التمام



نحن ما بنطفر

ما بنهاب سفيه

إلا ما بنتزفر

زي بدر التمام



قولوا لي البتنفر

ما شالن قناع

المعاك تتوفر

زي بدر التمام



يا زميل إتشطر

شن بتشوف حداك

إلا حور مبطر

زي بدر التمام



يبقي يومنا مطر

ماله الكون دهين

والفريق معطر

زي بدر التمام



النحر مغمر

والسباته حارة

والمجال مضمر

زي بدر التمام



الشعر مخمر

يرشح كله ند

عردب المجمر

زي بدر التمام



قام محمد بشر

هز فوق تيجانن

سل سيفه وكشر

زي بدر التمام



قول معاي وإتفشر

نحن سياج عروضن

نحن يوم المحشر

زي بدر التمام



يا حسن اتذكر

طيب ليلتنا ديك

والصباح السكر

زي بدر التمام



المدام ما اتنكر

لا من ديكنا صاح

فوق رؤوسنا اتحكر

زي بدر التمام



كل شىء مفسر

ما في شىء غريب

والعسير ميسر

زي بدر التمام



ما في عين تتحسر

دام عريسنا دام

والحسود إتحسر

زي بدر التمام





ود مدنى


ما له اعياه النضال بدني

روحي ليه مشتهيه ود مدني

ليت حظي سمح واسعدني

طوفه فد يوم بي ربوع مدني

كنت أزوره ابويا ود مدني

واشكي ليه الحضري والمدني

آه علي حشاشتي ودجني

وحنيني ولوعتي وشجنى

دار ابويا ومتعتي وعجني

يا سعادتي وثروتي ومجني

حين سألنا حاوي الوصب

من خمايل قرية القصب

قالوا جات سيرتك علي النصب

ونحن بين الروضة والقصب

صنفه بعرها قالن إن تصب

تربط الأحلام مع الخصب

كان حبيبنا وحاشا ما نصبي

ومن زمان فارقنا وهو صبي

تاني ما سمعنا انقطع خبره

يا حليلم طشوا ما اتخبروا

واحدة فيهن قالت انجبروا

فقر ابونا

وخدمة النبرو

الكنانة أكرمت نزلي

واغدقت من خيره كل زلي

إن حييت أو مت في الازل

ده مقدر طبعه في الازل

غايته بختم نفثتي الخطرت

بي تحية من حشاي شطرت

للتدور والطايره والما طارت

وسلاما ما الغصون خطرت

[imported_منتصر ابراهيم كبلى]

فلق الصباح الكاشفhttp://www.sudani.cc/s-data02/ibrahimalkashif/falaq_alsabah.mp3

[imported_منتصر ابراهيم كبلى]

الشرف البازخ مبارك حسن بركاتhttp://www.sudani.cc/s-hageeba/moubarakhassanbarakat/alsharaf_albazikh.mp3

[imported_منتصر ابراهيم كبلى]

نسائم الليل ابوداودhttp://www.sudani.cc/s-data01/abdalazizmohameddowd/nasaym_allil.mp3

[imported_منتصر ابراهيم كبلى]

العميرى نحن الشرف الباذخhttp://www.sudani.cc/s-data01/alomirei/alsharaf_albazikh.mp3

[imported_منتصر ابراهيم كبلى]

تعريجة فى سيرة الراحل العميرىhttp://music.omduena.com/alomirei/v001-about_omeiri.html
لوأعيش زول ليه قيمةhttp://www.sudani.cc/s-data01/alomirei/lw_aish_zool_leho_gima.mp3
اغنية رسائل لجابرى
http://www.sudani.cc/s-data01/alomirei/rasayil.mp3

[imported_منتصر ابراهيم كبلى]

ونواصل مع الشاعر المبدع ابوالسيد سيد عبد العزيز

[بابكر مخير]

مبدع يابا
أريتك مع خلود تشوفو لينا طريقة، نقدر ننزل الأغاني دي
وشكرن ليك تااااااااااني

[imported_جيجي]

منتصر
تناولك للموضوع جميل وثري بالحكايا والمعلومة
ومليء بالاشباع الروحي
شكرا لك

[imported_منتصر ابراهيم كبلى]

الاخوة الافاضل أعتذر لعدم الردود نسبة لاشياء طارئة ولكم العتبى ونواصل

[imported_منتصر ابراهيم كبلى]

أستاذى امين لك التحية اتاريك اليوم داك كنت مساهر وقدرة تفلت من الرقابة بس لقيت قراى افكار لانو كنت بكتب فى الكلمات لمن جات مداخلتك مع وافر ودى واحترامى لشخصك

[imported_منتصر ابراهيم كبلى]

الاخ بابكر لك الود وكل سنة وانت طيب ومشكور على المرور الانيق وحبيبنا انت ماتطلب انت تامر امر سارف الاغانى مجتمعة انشاء الله عشان خاطر عيونك والمنتدى وافر ودى واحتراماتى

[imported_منتصر ابراهيم كبلى]

شكرا جيجى على القريحة المبدعة والاشياء الجميلة فى البوست بخصوص السرد والحكاية تعلمتهم معكم فى منتداكم هذا الجميل والمجموعة والكوكبة النيرة والمتفردة ومشكورة على المداخلة ولكى ودى واحترامى

[imported_منتصر ابراهيم كبلى]

الشاعر المخضرم سيد عبد العزيز 1900-1976
ولد بحى العرب بامدرمان عام 1900 نفس الحى الذى ولد به عبيد عبد الرحمن وعبد الرحمن الريح واحمد عبد الرحيم العمرى.ويعتبر ابوالسيد صاحب مدرسة متميزة فى الشعر الجزل الرقيق فانه قرض الشعر صبيأ واكمل تعليمه الاول ثم عمل مع الاعراب فى البيع بزريبة البهايم ثم هجر السوق وتعلم صنعة الحديد حتى اصبح ميكانيكيا ماهرأ وكان له دراجة يركبها ليتعلم اللغة الانجليزية فى المساء مما جعله موهلا ليشق دربه فى مصلحة النقل الميكانيكا بنجاح وكان يذهب مجالس العلم واللغة العربية فىجلسات المعهد العلمى وكان شديد الذكاء فلذا نجد شعره عبارة عن لوحات فنية متقنة وبارعة على مستوى اللفظ المعنوى وتتجلى ثقافته واطلاعه على التراث
مابهم كلام ناس زيد
قلبى الهلالى أبزيد
وكان كثير الاطلاع ويحكى انه عندما سمع ان ملكة الجمال فى اليونان اسمها ماتريد فكتب رائعته
سيدة وجماله فريد خلقوها زى ماتريد
وهو لايعنى المعنى القريب الذى يتبادر الى الذهن انها خلقت كما تريد ولاكن يعنى انها خلقت كملكة جمال اليونان وكذلك من القرابة حسب من تناقلته الالسن انه عرف ان مياه البسفور تتدفق على الشاطى ان زادت السفن فى سرعتها ليحولها الى سيفونية رائعة
فريد حسنك ودلك موفور وانا دمعى بيجرى مجرى البسفور
وكذلك اطلاعه على التراث فى
لحاظها تخيف قائد المليون وترهب عنتر ونابليون
والامثلة على سعة اطلاعه كثيرة وله شعر جزل وطلاوه وحلاوة فقد تبارى عباقرة الفانين فى تلحينه وادائه امثال عميد الفن السودانى سرور وكروان السودان كرومة والعبقرى الكاشف وغيرهم وقد كان مطبوع الشاعرية وخفيف الظل سريع البديهة فقد روى بصوته بحلقة مع مبارك ابراهيم رحمهما الله انه وصديقه الشاعر احمد عبد الرحيم العمرى قد قاما بزيارة بعض اقرباء من جيرانهم بالحى ولفت نظره منظر فتاة نائمة وهى مفتوحة العينين واتفقا ان ذلك شئ مالوف يعرف بنوم الغزلان وقال على الفور
أجلى النظر ياصاحى منظر الانسان
الطرفهنائم وصاحى صاحى كالنعسان
وبرغم من ان الشاعر سيد عبد العزيز كان بالجناح المناوئ لصالح عبد السيد ابوصلاح عند انقسام شعراء الحقيبة الى عسكرين الا ان شعر سيد اقرب الى شعر ابوصلاح غزرة فى الانتاج وجودة الصنعة وروعة التعبير وقد فقده الوطن فى اغسطس 1976 فسكت هزار صداح ونواصل

[imported_منتصر ابراهيم كبلى]

قائد الاسطول من كلمات ابوسيد لحن وغناء كرومة وكذلك غناها فنانون اخرين وهى من الاغانى التى تترك انطباعا ادبيا حادا لدى سامعها فهى ملتزمة مالايلزم من القوافى بجانب انها مشطرة فى مقاطع ست تتماشى وروح العصر انذاك وكانت نقطة تحول حينها للاغنية السودانية فهى رمزية اتخذت ستارا لتوصيل شحنات سياسية علت الذهنية السودانية من جراء الاستعمار الانجليزى فكانت خطابا مباشر للسلطة واسئلة انها العلة والمعلول بكل مضامينها وهى اغنية متميزة وشاءت احداثها الغنائية ان تميزها فى عصرنا فكانت السلم الذى خطا عليه الفنان الراحل بادى محمد الطيب ويقول
ياقائد الاسطول تخضع لك الفرسان
ياذو الفخار والطول ارحم بنى الانسان


مين لسماك يطول مايطولك اللمسان
معناك شرحو يطول والله ياانسان
اصدق كفانا مطول ياذو الحسن احسان
انا عقلى بيك مختول والناس عقول ولسان



مابنكر المعقول امنت بالايمان
بالطلسم المصقول بدل لخوفى امان
بالنور سحرت عقول كانت صميمة زمان
يامن تحق القول قتل النفوس حرمان


وما الجندى والمقتول طالب الغفران
من ايه راح منتول واتوهد النيران
فاقد الصواب مبتول مما راىحيران
اصبح زهر مشتول وفاح ملا الجيران



ياعلة المعلول كم اؤمى ليك بنان
كم من اسير مغلول مالاقى فى لحظة حنان
يرى وعدك المحلول زى حجة الوسنان
والكان سكونه تلول ماببدلهم بجنان


ياحبيبى كون ممهول وليكون ماكان
الفى غد مجهول والماضى اسمه الكان
نفديك شباب وكهول ونبقى ليك اركان
فى حبك المأهول ونخدم السكان

يالفى سماك مفصول تنشاف عيان وبيان
ماعرفنا ليك وصول ومادنيت احيان
انت الخطاك اصول يعلم الديان
مثلت فينا فصول مابدرسها النسيان
http://www.sudani.cc/s-hageeba/moubarakhassanbarakat/gayd_alistool.mp3

[imported_منتصر ابراهيم كبلى]

بت ملوك النيل لحن وغناء كرومة واخرين وهى من اغانى1932 وهى احى اللواتى جاد عليهن القدر بالخلق والاخلاق فكانت اية التكميل الفيها كلو جميل واتت هذه الاغنية محتوية للنيل واصالته السودانية ومهما يكن فانها بت ملوك النيل ولايمكن ان تكون يتيمة وحيدة وانما هى منظومة فى عقد (هى انثى بلادى) وهى االمراة السودانية التى تغنى لها الفنانون وكتبت فيها الاشعار لك التحية شاعرنا المرهف سيد
يابت ملوك النيل ياخت البدور
مين لى علاك ينيل فى البدو والحضور


الجبرة فيك بتخيل محمية الحما الماحام حداه دخيل
ماكان ابوكى بخيل بت عز الرجال اهل الدروع والخيل
والهنا..........والسرور

ياالسامية ست الجيل طرفك من حياء
فى عصر السفور خجيل
حسنك وضع تسجيل فى صحف الدهور
يتلوه جيل عن جيل
لى يوم النشور
الهيفا يا الخنتيل حروف ايات محاسنك
ارتلن ترتيل
يعجبنى فيك تمثيل اخلاق الملاك
فى سطوة القتيل
الفارس الجسور
غصنك رطيب وعديل شعرك ليل
جبينك يخجل القنديل
النور عليك سديل يامعنى الجمال
الما أتوجد له عديل
فى ناس ولاحور
فقتى الكانو قبيل ماخدات فى الجمال
جائزة نوبيل
حيرتى كل نبيل عيناك سحرهن
يسحر سحر الابابيل
يخترق الصدور
ياصاحبة الاكليل مااظن النهار
العين تدور له دليل
محياك نوره جليل كنت اقول شمس
لو ما الزمن كان ليل
انت عليك نور
لازلت ليك اميل يارمز السعادة
الماأتوجد له زميل
ياية التكميل يامراية الجمال
الفيك كل جميل
ريحانة العصور
http://www.sudani.cc/s-girls/hananalnil/bit_milook_alneel.mp3ونواصل

[imported_منتصر ابراهيم كبلى]

أقيس محاسنك بمن لحن وغناء سرور وهى من اغانى 1934 ولها قصة وهى ذات مدلولات عديدة وخلفيتها الثلاثى الغنائى انذاك كان يتكون من سرور وكرومة والامين برهان وافترقوا الى قسمين سرور لوحده وكرومة والمين بهان لوحدهما وظل التنافس قائما بينهما ليحدد البقاء للاصلح وبالتالى تحدد ميول الشعراء بصورة قاطعا وكذلك انقسموا وكان اللقاء المنتظر فى ليلة ساهرة على مسرح نادى الخريجين بأمدرمان وكانت المفاجاة اداء سرور لاغنية (اقيس محاسنك بمن) وطبعا سرور عنده حضور مسرحى مزهل بالاضافة لحضوره الغنائى فهو يتحرك فى جنبات المسرح ويرقص والموقع الموزون مما جعل جميع الحضور يتسائل(دى الدنيا أم جنة عدن)؟http://www.sudani.cc/s-hageeba/awladalmwrada/agees_mahasnak_bi_man.mp3ونواصل

[imported_منتصر ابراهيم كبلى]

اللقاء لحن وغناء الكاشف وهى من اغانى 1942 ويحكى الشاعر سيد ان مضت الحياة دون خلفاء لنا فلا معنى لها ولا طعم (المال والبنون زينة الحياة الدنيا) وفى مشارف 1942 قدم علينا عبد الرحمن ابنى الثانى فكان هذا الحث كفيلا بتحريك المشاعر داخلى فسجلت لقائى به فى هذه الابيات الغنائية وان كان يبدو من الابيات غزلها فقد قيل ان المشاعر تخدم الالفاظhttp://www.sudani.cc/s-data02/ibrahimalkashif/alaila_lagitou.mp3ونواصل

[imported_منتصر ابراهيم كبلى]

غصبا عنك لحن وغناء الكاشف وهى من اغانى1969 طبعا الاغنية حكاياته وقصصه عجيبة القصة الاولى كانت يوم جمعة والشاعر وبعض اصدقائه هم تقريبا العبيد وخالد وكانو فى سوق امدرمان ماشين والزمن داك سوق امدرمان والبسته كانت فيها حسان عجيبة ومن كل الاعمار ولقتم زولة حلوة خالص خلتم يشهقوكلهم رجال ونساء كبار وصغار بالله شوف بناتنا ديل سماحتم كيف ومن غير مايشعر سيد بصفة غير شعورية قال للجماعة (غصبا عنك يلفت نظرك) واكملت المقطع وقال كانا قد وصلنا الى محل صديقنا ود احمد موسى وبعد داك بقينا نوصف فى الشفنها فى السوق وفجاءة!!!!لقيناها قدامنا تانى مرة وعندما نظرة اليها اطربت خطواتها وادربكت وعند ماامعنت فيها النظر تذكرت حاول يخفى نفسهاما القصة الثانية كانت تتعلق بلحنها وغنائها وهى بالمناسبة كانت اخر اغنية للكاشف يغنيها ويسجلها فى الاذاعة والطريف فى الموضوع انو الاغنية اصلا ماكانت للكاشف بل كانت للراحل احكد المصطفى لانو سيد وعده اديها ليه وبعد ما مرت من لجنة النصوص سيد لاقى الكاشف وقليه ادى الاغنية لاحمد المصطفى وبعد كم يوم قابل الكاشف سيد وقليه انو لحن الاغنية وحاأغنيها قام سيد قال ليه ماسلمت الاغنية لاحمد المصطفى ليه يالكاشف الله يكشف حالك كان كشفة حالى مع احمد المصطفى ضحكوا والكاشف قاليه فت لاحمد وريتو اللحن واتنازل لي منها وقال لى ياالكاشف أاكان غنية انت بالحن دا بتكون جميلة قام سيد قال ليه اهه كيتن ليك انا ماراضى والكاشف قال ليه على كيفك ااكان ترضى ولتزعل وضحكو شوف ناس زمان ديل بيتعملو كيف على مستوى الفن حالتم الزمن داك ماعندهم ملكية فكرية ولاحاجة وشوف اليوم ونواصلhttp://www.sudani.cc/s-data02/ibrahimalkashif/gsbana_anak.mp3