أفضل أغنية سودانية فور إيفر [الأرشيف]

imported_أسعد

13-04-2011, 09:40 AM

افضلية الاغنية موش مستمدة من إنها جميلة أو سمحة بمعاييرنا نحن السودانيين ... أبددددددا ... لكن افضليتها لانها مرقت من جلباب السودانية وارتدت ثوب العالمية ... اغنية ما بتشبه الغناء السوداني نهائي كدة ... أغنية بت عم الغناء الأوبرالي
ذلك الغناء الروحي البحت

imported_أسعد

13-04-2011, 09:43 AM

imported_أسامة معاوية الطيب

13-04-2011, 10:07 AM

وجدي يا أسعد زول في العالم
أنا اغنيتي عبر كل مواسم (الرشيد) ياعزة الفراق بي طال
والله لو غناها قيقم
إنا لله ياخي
لو اتصل ود عثمان عليك خليهو ينزلا :D

imported_سماح محمد

13-04-2011, 10:15 AM

imported_فيصل سعد

13-04-2011, 10:18 AM

سلامات يا وجدي و عساك طيب ..مافي شك انه حب الناس مذاهب و كذلك
الاحساس و التذوق .. عبقرية وردي و اسحاق الحلنقي تتجلى ابهى و اكثر وضوحا من تفضيلك لاغنية "اقابلك" في اغنيتي "عصافير الخريف" و "يا اعز الناس" من وجهة نظري المتواضعة دون ان يفقد اختيارك اي بهاء و رونق .. و الاغنيتين هدية لك يا صاحب ..

imported_أسعد

13-04-2011, 10:23 AM

وجدي يا أسعد زول في العالم
أنا اغنيتي عبر كل مواسم (الرشيد) ياعزة الفراق بي طال
والله لو غناها قيقم
إنا لله ياخي
لو اتصل ود عثمان عليك خليهو ينزلا :D
ياخي انت بس كاتلك الحنين للبلد سااااااااي

عامل لذاذتك السرمدية
كتلتني ضحك في بوست بكور

imported_فيصل سعد

13-04-2011, 10:24 AM

WIDTH=350 HEIGHT=400

imported_أسعد

13-04-2011, 10:39 AM

سلامات ياوجدي.

ياخ بغض النظر عن الزاوية البتخصك في شوف الأغنية دي..
الأغنية جميلة شديد..وبحبها جدا جدا..
والعجب لما يقول ليها الحلنقي:

أي عيون بتتقابل..
إلا عينيك ما بتتفات...
........

وبإحساس وصوت وردي ال(براهو) شديد..
غنية بتعمل للزول جنحين..

ياسلاااااااام..
سموحة فعلا المقطع الاستشهدتي بيهو دا مقطع عجيب
فيهو عبقرية خطيرة للحلنقي
ما هضم حقوق الاخرين وسط كسيروا في التلج لي حبيبتو
وفي نفس الوقت حافظ على تكسير التلج بنكهة الفانيلا

يعني انو ما اساء للآخرين
لمن قال (أي عيون بتتقابل)
وكسر التلج صاح لحبيبتوا لمن قال (إلا عينيك ما بتتفات)
دا شغل بديع

لكن والشهادة لله أنا لحن وردي سمكر وقفل علي افك اي كلام للحلنقي
وفي الأغنية دي بالذات اثناء استماعي للاغنية
ما بقدر اركز علي الكلمة
فقط اللحن ثم اللحن ثم الحن
والعجب الآهة المرافقة لهذا الحن
يا دين النبي

imported_همس الشوق

13-04-2011, 10:42 AM

وكلمات اسحاق الحلنقي كانت في تمام كمالها ... إلا أن عبقرية وردي غتست حجرها مقارنة مع اللحن والتوزيع ... ولك ان تتخيل حاجة سمحة تلبس ليها حاجة اسمح منها ... النتيجة ح تكون شنو؟!

افتكروا ح تكون شنو؟!
حاجة سمحة لبست حاجة اسمح منها
يا دين النبي

أسمح من الإثنين :D

بجد وردي والحلنقي ابداع ما بعده ابداع خصوصا وأن لوردي لونيه خاصه في الاداء
ربنا يحفظه
ويخليك دائما مبسوط

imported_فيصل سعد

13-04-2011, 10:47 AM

اعز الناس

WIDTH=350 HEIGHT=400

imported_أشتر

13-04-2011, 10:54 AM

غايتو انا بشوفا عادية .. وجدا ...

هي شوف ولّ سمع ؟؟؟ !!!!

الرشيد اسماعيل محمود

13-04-2011, 11:13 AM

المشاركة الأصلية كتبت بواسطة أسامة معاوية الطيب http://sudanyat.org/vb/images/buttons/viewpost.gif (http://sudanyat.org/vb/showthread.php?p=358779#post358779)
أنا اغنيتي عبر كل مواسم (الرشيد)

بتفرق يا حبيب..
واحدة كانت براغماتية..
والتانية بدون.
ــــ
يا وجدي أنا رأيي من راي أشتر.

imported_أسعد

13-04-2011, 11:16 AM

زعيمنا في الجمال الفيصل ود سعد
تحياتنا ياخ
يبدو انو الاستاندر الجمالي مختلف بيناتنا
الاغنيتين الاستشهدت بيهن ديل اغنيات بديعات لكن بس في الاطار المحلي
وممكن يخش معاو فطاحلة الفنانين السودانيين كمنافسين ليهو ببعض من اغانيهم البديعة

لكن أغنية اقابلك دي ياها القمرة وسط النجوم

-----------------
يا حبوب أخد راحتك في الغولات
كل الفضاءات مفتوحة بدون أي حساسية أو تشخيص
أنا اساسا فاتح البوست دا عشان نبث أرائنا ونتغالت

imported_أسعد

13-04-2011, 11:17 AM

اشتر والرشيد
انتو رايكم دا بالنضارات ولا بدونها؟!

أنا يادوبك عرفت انتو لييه بتلبسوا نضارات

imported_أشتر

13-04-2011, 11:21 AM

اشتر والرشيد
انتو رايكم دا بالنضارات ولا بدونها؟!

أنا يادوبك عرفت انتو لييه بتلبسوا نضارات
عشان تكبر في نظري :D

imported_أسعد

13-04-2011, 11:27 AM

عشان تكبر في نظري :D

الواحد اصلو ما يلعب معاكم لعب عنيف
طوالي تختوها ليهو في المناطق الحساسة :p

imported_wadosman

13-04-2011, 11:28 AM

الاخ وجدى...

عارفك سبق و ان طلبت هذه الاغنيه و لم البى ليك طلبك
طبعا ما صهينه منى ...بس كنت داير اوقت انقح بيهو تسجيل جميل
موجود معاى مع جوقه بتاعت اغنيات اخرى...

كويس هسى انت جبت الاغنيه و والواضح انها تسجيل من حلقه مشهوره
فى التلفزيون فى واحد من الاعياد و اذكر انه بدا الحلقه دى بنشيد عرس
السودان بتاع الفيتورى و لا زلت اذكر اننى كنت راقدا فى حوش خالنا
الله يرحمه و يغفر له فى بانت و التلفزيون كان فى الحوش...اياااااام...!!

مساله اجمل اغنيه سودانيه انا عندى فيها وجهه نظر تختلف ربما عن وجهه نظرك
و الكثيرين فانا بعتبر كل الاغنيات السودانيه الجميله لمختلف الفنانين ليست الا
عباره عن سله فواكه لكل منها طعمها و مذاقها الخاص الذى يجعل لها خصوصيتها
و لكن لا ينقص شيئا من غيرها ...و يبقى هنا لكل منا هنا الحريه لما يحبه فى هذه
السله العاامره...!!! طبعا مافى زول بيجى و يقول ها عاين دا بياكل فى تفااح..!looool

كان عندى كلااام كتير لسه فى الموضوع دا بتفصيل اكتر شويه لو مشينا اكتر
تدقيقا لاغنياات النهار و الليل و الضلمه و ما شابه ذلك..بس خايف يجى صااحبك
بابكر تانى ناطى على و يقول الليله ود عثمان كتب كلااام كتير...:)

يلا تسلم و التحيه لك و لضيوفك الكراام...

imported_اروي حامد عبد الله حامد

13-04-2011, 11:36 AM

imported_أسعد

13-04-2011, 11:39 AM

مساله اجمل اغنيه سودانيه انا عندى فيها وجهه نظر تختلف ربما عن وجهه نظرك
و الكثيرين فانا بعتبر كل الاغنيات السودانيه الجميله لمختلف الفنانين ليست الا
عباره عن سله فواكه لكل منها طعمها و مذاقها الخاص الذى يجعل لها خصوصيتها
و لكن لا ينقص شيئا من غيرها ...و يبقى هنا لكل منا هنا الحريه لما يحبه فى هذه
السله العاامره...!!! طبعا مافى زول بيجى و يقول ها عاين دا بياكل فى تفااح..!looool

ينصر دينك يا فنان
أها شوفت اغنية أقابلك دي ما فاكهة
أقابلك دي جوهرة أو لؤلؤة
حاجة كدة جميلة ولا تنتمي لتصنيف الفاكهة

مستنيك عشان تجدع لي الغونية
بالمناسبة أنا لا افقد الأمل

imported_جيجي

13-04-2011, 11:40 AM

انا مع وجدي

imported_أسعد

13-04-2011, 11:44 AM

وجدي الاسعد سلامات

الاجمل بالنسبة ليك كمستمع ومستمتع ;) ولا حالة وجدانية سمعتها بيها وةبقت تعيشك في نفس الاحساس ولا عاجباك الكلمات ومكسرك اللحن

ود عثمان شايفاك بقيت نضاااااااااااام من اتعلمت قعاد البحر :D
أها يا أروى تصدقي أنا ميت في الاغنية دي من ايام عمري 10 سنوات
أها يعني تكون صادفت الاغنية عاطفتي اتجاه امي مثلا يعني:p

imported_أسعد

13-04-2011, 11:46 AM

انا مع وجدي
بسسسسسسسسسسسسسس
البوست لحدي هنا استنفدوا غرضو

شاكرين ليكم يا جماعة على تواصلكم ورفعكم للبوست
إلى ان ست الحسن والجمال شافت البوست

أول مرة جيجي تتفق معاي
فرح شديد ياخ:D

imported_أسامة معاوية الطيب

13-04-2011, 11:49 AM

بسسسسسسسسسسسسسس
البوست لحدي هنا استنفدوا غرضو

شاكرين ليكم يا جماعة على تواصلكم ورفعكم للبوست
إلى ان ست الحسن والجمال شافت البوست

أول مرة جيجي تتفق معاي
فرح شديد ياخ:D

رفعتو خلاص ؟
طيب عملتو لينا شنو في عازة ياخي ؟ هي مرة مرة بيقولو ليها جيجي:D

imported_أسعد

13-04-2011, 11:52 AM

رفعتو خلاص ؟
طيب عملتو لينا شنو في عازة ياخي ؟ هي مرة مرة بيقولو ليها جيجي:D
:D:D:D

ياخ ما تهظر ياخ
نحن ما صدقنا
تقوم تجيب لينا حنك سنين زي دا يجهجه باكاتنا

imported_جيجي

13-04-2011, 11:59 AM

بسسسسسسسسسسسسسس
البوست لحدي هنا استنفدوا غرضو

شاكرين ليكم يا جماعة على تواصلكم ورفعكم للبوست
إلى ان ست الحسن والجمال شافت البوست

أول مرة جيجي تتفق معاي
فرح شديد ياخ:Dلا بجد والله ياوجدي
اكتر شيء كاتلني كمية الحنية الفيه سواء كلمات او لحن اوصوت
بجد انا قاعد اسمعها في المرة الواجدة اكتر من5مرات

ياخ بس شوف عليك الريدة دي... واداها

imported_جيجي

13-04-2011, 12:02 PM

رفعتو خلاص ؟
طيب عملتو لينا شنو في عازة ياخي ؟ هي مرة مرة بيقولو ليها جيجي:Dهههههههه
عليك الله الكلمك منو:o

الرشيد اسماعيل محمود

13-04-2011, 12:06 PM

المشاركة الأصلية كتبت بواسطة جيجي http://sudanyat.org/vb/images/buttons/viewpost.gif (http://sudanyat.org/vb/showthread.php?p=358862#post358862)
لا بجد والله ياوجدي
اكتر شيء كاتلني كمية الحنية الفيه سواء كلمات او لحن اوصوت
بجد انا قاعد اسمعها في المرة الواجدة اكتر من5مرات

وأنا ولا مرّة واجدة ما كيفتني.
تخيّلي..!!

imported_جيجي

13-04-2011, 12:07 PM

بسسسسسسسسسسسسسس
البوست لحدي هنا استنفدوا غرضو

شاكرين ليكم يا جماعة على تواصلكم ورفعكم للبوست
إلى ان ست الحسن والجمال شافت البوست

أول مرة جيجي تتفق معاي
فرح شديد ياخ:Dتفول شنو على وردي الفرحك دا:p
ما يجي بابكر عباس يطيرها ليك في راسك

imported_اروي حامد عبد الله حامد

13-04-2011, 12:07 PM

أها يا أروى تصدقي أنا ميت في الاغنية دي من ايام عمري 10 سنوات
أها يعني تكون صادفت الاغنية عاطفتي اتجاه امي مثلا يعني:p

لا حولا دا نضوج مبكر في نظري من عمر صغير وانت مستوعب الكلمات واللحن ياخ عجزتا بدري والله :D

لا بجد والله ياوجدي
اكتر شيء كاتلني كمية الحنية الفيه سواء كلمات او لحن اوصوت
بجد انا قاعد اسمعها في المرة الواجدة اكتر من5مرات

ياخ بس شوف عليك الريدة دي... واداها

يا جيجوش الواجدة دي جاية من وجدي ولا شنو
والله نعم الاتفاق goood

imported_جيجي

13-04-2011, 12:09 PM

وأنا ولا مرّة واجدة ما كيفتني.
تخيّلي..!!اتخيلت وايد...وايد:mad:

imported_فيصل سعد

13-04-2011, 12:15 PM

اتخيلت وايد...وايد:mad:

ايش لون؟؟ :D:D

imported_أسعد

13-04-2011, 12:21 PM

الرشيد وأروى
شكرا على عمق بصيرتكم :D

imported_اروي حامد عبد الله حامد

13-04-2011, 12:26 PM

الرشيد وأروى
شكرا على عمق بصيرتكم :D

لا شكر علي وجهة نظر
يامتبصر :rolleyes:

وشكرا ليك لقرني مع رشدي

الرشيد اسماعيل محمود

13-04-2011, 12:30 PM

المشاركة الأصلية كتبت بواسطة اروي حامد عبد الله حامد http://sudanyat.org/vb/images/buttons/viewpost.gif (http://sudanyat.org/vb/showthread.php?p=358895#post358895)
وشكرا ليك لقرني مع رشدي

كدة يا دوب البوست استنفد اغراضه كلها..
أعرش علي كدة يا وجدي..
أروي كنت ناوي أقول ليك أنا الأسعد..
بس قلت يجيني وجدي ناطي يقول لي أها يا أبوي..

imported_ميسون مطر

13-04-2011, 12:32 PM

قصّر طول مشاويرنا
ورقّش بالفرح جلسة..على النيـــــــــــــــــــــــــــــــــــــــــــــل ...:p
والقمر مرات يبين فى الموج...ويتسّده

الرشيد اسماعيل محمود

13-04-2011, 12:37 PM

المشاركة الأصلية كتبت بواسطة ميسون مطر http://sudanyat.org/vb/images/buttons/viewpost.gif (http://sudanyat.org/vb/showthread.php?p=358899#post358899)

والقمر مرات يبين فى الموج...ويتسّده

عشان تجي تكوكو ليهو.
ويفتح.

imported_اروي حامد عبد الله حامد

13-04-2011, 12:39 PM

كدة يا دوب البوست استنفد اغراضه كلها..
أعرش علي كدة يا وجدي..
أروي كنت ناوي أقول ليك أنا الأسعد..
بس قلت يجيني وجدي ناطي يقول لي أها يا أبوي..

وجدي خليه يقعد يغني اقابلك اقابلك

لما تزهج وتمشي تخليه

imported_أسعد

13-04-2011, 12:43 PM

كدة يا دوب البوست استنفد اغراضه كلها..
أعرش علي كدة يا وجدي..
أروي كنت ناوي أقول ليك أنا الأسعد..
بس قلت يجيني وجدي ناطي يقول لي أها يا أبوي..
أها يا الجيلي شوف ليك موضوع تاني

imported_ميسون مطر

13-04-2011, 12:47 PM

عشان تجي تكوكو ليهو.
ويفتح.

ثغيـــــــــــــــــل ;)

الرشيد اسماعيل محمود

13-04-2011, 12:50 PM

المشاركة الأصلية كتبت بواسطة ميسون مطر http://sudanyat.org/vb/images/buttons/viewpost.gif (http://sudanyat.org/vb/showthread.php?p=358915#post358915)
ثغيـــــــــــــــــل ;)

كم كيلو مثلا..؟

imported_الجيلى أحمد

13-04-2011, 12:55 PM

أها يا الجيلي شوف ليك موضوع تاني

شايفو ياوجدى , شايفو ...

imported_أسعد

13-04-2011, 12:58 PM

شايفو ياوجدى , شايفو ...
أنت زعلان يا دكتور :p

الرشيد اسماعيل محمود

13-04-2011, 01:01 PM

المشاركة الأصلية كتبت بواسطة وجدي الأسعد الأسعد http://sudanyat.org/vb/images/buttons/viewpost.gif (http://sudanyat.org/vb/showthread.php?p=358933#post358933)
أنت زعلان يا دكتور :p

ههههه..
ياخي إنت زول سينما عديل كدة..

imported_اروي حامد عبد الله حامد

13-04-2011, 01:03 PM

كم كيلو مثلا..؟

انا من قعدتك دي عرفتك قاعد فوق رأي

ياخ عاجباني صورتك العاملها لي وجدي الشين دا

استأذنك اعملها في صورتي الشخشية؟

الرشيد اسماعيل محمود

13-04-2011, 01:08 PM

المشاركة الأصلية كتبت بواسطة اروي حامد عبد الله حامد http://sudanyat.org/vb/images/buttons/viewpost.gif (http://sudanyat.org/vb/showthread.php?p=358936#post358936)
انا من قعدتك دي عرفتك قاعد فوق رأي

ياخ عاجباني صورتك العاملها لي وجدي الشين دا

الأصل كيف..؟؟
ما عاجبك..؟
تستأذني شنو يازولة البيت بيتك..
مع أنو أنا اقترح تختي ليك صورة فنّان مشهور..
بوب مارلي مثلا..
المهم:
ويلكوم يا بت امدرمان.

imported_الجيلى أحمد

13-04-2011, 01:10 PM

أنت زعلان يا دكتور :p

هو بالله الزول البشوف بيكون زعلان:D

بالمناسبة
اليومين الفاتو ديل شايفك انت برضو looool

قال البوست أدى أغراضو :D

imported_الجيلى أحمد

13-04-2011, 01:13 PM

فيصل يابوكش,

يااخى شوفتك تسعد
ويلكم باك ياصاحب ..

وجلبط الحيط بالألوان

imported_اروي حامد عبد الله حامد

13-04-2011, 01:14 PM

الأصل كيف..؟؟
ما عاجبك..؟
تستأذني شنو يازولة البيت بيتك..
مع أنو أنا اقترح تختي ليك صورة فنّان مشهور..
بوب مارلي مثلا..
المهم:
ويلكوم يا بت امدرمان.

الاصل عاجبني لما تعجب من عجبي عجبي

انت عارف مرات الخباثة فيك مالذيذة فشنو حركات ابرا دي خليها
غير كدا بوب مارلي صورته هنا (اشير محل ماتشير مالي المكان) ;)

تشكر يا رشدي وحاهديك اغنية صورتك الخائف عليها وحاخت صورة جاليلو

imported_اروي حامد عبد الله حامد

13-04-2011, 01:17 PM

هو بالله الزول البشوف بيكون زعلان:D

بالمناسبة
اليومين الفاتو ديل شايفك انت برضو looool

قال البوست أدى أغراضو :D

جاليلو ياقلبي الشمين مشتاقين مشتاقين واتذكرتك الليلة من الصباح حاوريك في اضانك سمح

اها اغنية وجدي دي عاجباك انت برضو ولا لا شايفاك دخلتا بعد البوست ادي غرضه وفرضه

الرشيد اسماعيل محمود

13-04-2011, 01:18 PM

المشاركة الأصلية كتبت بواسطة اروي حامد عبد الله حامد http://sudanyat.org/vb/images/buttons/viewpost.gif (http://sudanyat.org/vb/showthread.php?p=358952#post358952)

تشكر يا رشدي وحاهديك اغنية صورتك الخائف عليها وحاخت صورة جاليلو

انتي زعلتي ولا شنو يا دكتورة..؟؟
لا خايف عليها ولا شي..
بس انتي شكلك كايسة ليك لسبب..
يعني قصدك المكرونة الإيطالية أخير من فتريتة النيل الأزرق..؟؟
صحي والله الدنيا غدّارة.

imported_جيجي

13-04-2011, 01:22 PM

المشاركة الأصلية كتبت بواسطة اروي حامد عبد الله حامد http://sudanyat.org/vb/images/buttons/viewpost.gif (http://sudanyat.org/vb/showthread.php?p=358952#post358952)

انتي زعلتي ولا شنو يا دكتورة..؟؟
لا خايف عليها ولا شي..
بس انتي شكلك كايسة ليك لسبب..
يعني قصدك المكرونة الإيطالية أخير من فتريتة النيل الأزرق..؟؟
صحي والله الدنيا غدّارة.اها يارشدي وجدي قضى غرضه وانت لمتين:p

imported_الجيلى أحمد

13-04-2011, 01:25 PM

مع أنو أنا اقترح تختي ليك صورة فنّان مشهور..
بوب مارلي مثلا..
:D
غتيت يااخى

imported_الجيلى أحمد

13-04-2011, 01:26 PM

اها يارشدي وجدي قضى غرضه وانت لمتين:p

:D:D:D

الرشيد اسماعيل محمود

13-04-2011, 01:26 PM

المشاركة الأصلية كتبت بواسطة جيجي http://sudanyat.org/vb/images/buttons/viewpost.gif (http://sudanyat.org/vb/showthread.php?p=358968#post358968)
وانت لمتين:p

يلازمك في هواك مرّ الشجن..
وجدي زول حريف وأنا مسكين وبصدِّق سريع..
غايتو..
نجي بكرة.
ــــ
شوفو لينا معاكم فرَقة..
ولا شطّبتو..؟

imported_أسعد

13-04-2011, 01:26 PM

اها يارشدي وجدي قضى غرضه وانت لمتين:p
سيبك من الرشيد
الرشيد اصلا من شوفت كتابته السمحة ديييك
طوالي عرفت انو نحس في الحبكانيات
بذكرني ببطل الحب في زمن الكوليرا

الرشيد اسماعيل محمود

13-04-2011, 01:30 PM

المشاركة الأصلية كتبت بواسطة وجدي الأسعد الأسعد http://sudanyat.org/vb/images/buttons/viewpost.gif (http://sudanyat.org/vb/showthread.php?p=358980#post358980)
سيبك من الرشيد

والله ما باقي الا تقول ليها خشي جوة يابت..
بتاوقي في شنو..؟
غايتو.

imported_أسعد

13-04-2011, 01:36 PM

والله ما باقي الا تقول ليها خشي جوة يابت..
بتاوقي في شنو..؟
غايتو.
:D
اسوي ليك شنو يا ابوي
عندنا اعراض واطوال
تشرب كباية شايك دي وتطلب الله
منكم خوفة يا العزابة

imported_الجيلى أحمد

13-04-2011, 01:37 PM

اها اغنية وجدي دي عاجباك انت برضو ولا لا شايفاك دخلتا بعد البوست ادي غرضه وفرضه

أنا جابنى الغرض , :D:D
أغنية وردى دى عندى أكتر من عادية (والمسألة ذوقية بحتة)..

طبعآ ياقلب , كلما أشوف اسمك بتذكر الرواية بتاعت ماركيز (عشت لأروى)
أهدانى اياها السلفى الصالح فى زيارتى الآخيرة ,
فى صباح خرطومى , كنت قاعد فى كرسى تحت الليمونة جنب الأزيار , مستمتع بالصباح وبقزقز بالرواية , نادى على أبوى فمشيت للصالة وخليت الكتاب فى الكرسى , لما جيت راجع لقيت أمى وهى بتتهجا فى عنوان الكتاب ..
قرت العنوان (عشت لأروى) "أروى الاسم:D" قالت لى :
زول عديم شغلة , بحب ليهو واحدة اسمها أروى , وكاتب فيها كتاب قدر الضريبة , وانت مضيع صباحك كلو بتقرأ فيهو !؟:D:D كان مشيت مليت لى أنبوبة العاز دى ماكان أحسن :D..

والله من دربى ختيت الكتاب ومشيت مليت الأنبوبة :D
اقناع يااخى :D:D

imported_اروي حامد عبد الله حامد

13-04-2011, 02:05 PM

المشاركة الأصلية كتبت بواسطة اروي حامد عبد الله حامد http://sudanyat.org/vb/images/buttons/viewpost.gif (http://sudanyat.org/vb/showthread.php?p=358952#post358952)

انتي زعلتي ولا شنو يا دكتورة..؟؟
لا خايف عليها ولا شي..
بس انتي شكلك كايسة ليك لسبب..
يعني قصدك المكرونة الإيطالية أخير من فتريتة النيل الأزرق..؟؟
صحي والله الدنيا غدّارة.

معقولة بس يارشدي ازعل منك

ياخ فتريتتنا ولا مكرونة ايطاليا :D

imported_اروي حامد عبد الله حامد

13-04-2011, 02:07 PM

طبعآ ياقلب , كلما أشوف اسمك بتذكر الرواية بتاعت ماركيز (عشت لأروى)

قرت العنوان (عشت لأروى) "أروى الاسم:D" قالت لى :
زول عديم شغلة , بحب ليهو واحدة اسمها أروى , وكاتب فيها كتاب قدر الضريبة ,

ياخ شفتا اسمي دا سمح كيف أروى كدا اسم أروي كدا فعل ;)
(مافي استاذ عربي يجي يغالطني)

ياخ انا كتبو فيني رواية عالمية بس البقدر منو

مرر الكلام دا للحالم بابكر عباس

imported_احمد عبد الرافع

14-04-2011, 05:02 AM

سلامات ياشباب
الكلمات واللحن " إسكيرت ولا بلوزة"
مافي شك من عبقريات الأغاني السودانية ..
لكن أفضل أغنية دي بعتقد مافي
موش على نطاق الإجماع الواسع، حتى على مستوى الفرد ما بعتقد أنو في أجمل غنية
يعني مرات تكون معلقة معاك "أقابلك " مثلاً
تقوم تاني يوم الصباح عندك مزاج في "الزهور والورد" تفضل معاك وداير تسمعها لحدي ما تتفاجأ بنفسك عندك آكولة تسمع طمبور أو بوب مارلي مثلا !!!
شفتوا الإختلاف الكبير كيف..
لكن يا وجدي قطع شك الغنية ممكن براحه تحجز مكان في أجمل " مائة أغنية سودانية"