الصعاليك .. دنيا الروقة

[imported_زهير ابو سوار]

صعاليك الجاهلية كانوا من ساداتها وفحولها ولكنهم تمردو علي مواثيق القبيلة واعرافها واصبحوا شذاذ افاق ، ومن ثم ساحوا في وديانها ينادمون الخمر ويقرضون الشعر ..
امرئ القيس والسليك بن السلكة والحطيئة والشنفري وامثالهم يسلبون الأغنياء ويجودون علي الفقراء والمحتاجين..
فالصعلكة بالمفهوم الجاهلي تعني الشفتنة والهمبتة في ادبنا السوداني ..
إذن في بواكيرنا تصعلكنا وكانت الإجازة مواسما سخية ننتظرها كعربان العتمور في تتبعهم لنجم (المرزم) الخريفي ..
كنا نتناقل اخبار( اللعوب) ونشيع اخبار الفنانين وما احلاها حين يكون صديق احمد او عيس بروي حاضرا ..
صديق احمد يتكئ علي حنجرة الكروان وكورسه الأوبرالي ..
ونزرع الريد في كل دار، أغنية كانت تهدهد مشاعرنا المراهقة ووجداناتنا الفتية ونخالها تلامس واقعنا المثالي.. ونسكر سموا وخيالا ..
طوبي لهذا الفحل عبد الله محمد خير حين كتب القصيد ..
طوبي لك يا من طرزت عوالمنا ..
وشنفت مسمع الشمال بسيمفونية العشق وحروف من نور ..
وغدوت خالدا فينا طوطما..
ايها الإنسان ..
عيس بروي فنان يتفقه اصول السلطنة وايقاعه يرقص (الطرشانة) في دوزنته ..
وكثيرون كنا نسكر بتطريبهم ...
غابوا .. او تواروا ..
ولكنهم مركوزين فينا ومتحكرين في جوانية الذاكرة ..
حفلات العواصم ورقيص البنات بالنعال يذكرني بدجاج المزارع ..
ويا زمان
الديك ابشبر و الفراريج البياضة ..
الرقيص الحفيان والدارة المعجعجة و(الكعّة) وفرتكة اللعب..
ملمح اصيل في تفاصيل الطرب ودنيا الفوضي المرتّبة ..
لا تستقيم امورنا الاّ وقد راينا (القنايات) تعلو سماء الدارة ..
حينها يسمو خيالنا ..
انفرط عقد من الزمان ..
ثم حججت لها امكنة صاغت وجداني ..
ظننت نفسي اسعد بحضور حفلة بنكهة التسعينات وصولجانها ..
اتحكرت وقعدت..
فإذا الدارة مطنبجة ومرشوشة تفاديا للغبار..
مساكين هؤلاء ..
كما يقول اهل الخليج اللي ما يعرف الصقر يشويه ..
زربوا الدارة بالصيوان .. ورشرشوها وطنبجوها..
وما رايت رقيصا ولا سمعت تطريبا ..
التواءات وميلانات خاوية علي عرش الشتارة ..
انتحر اللعب الأصيل وافل نجم الصعلكة وما بزغ..

[imported_wageeda]

ابو سوار حبابك
جميلا التسكع في خبايا الذاكرة والتمتدد علي عنقريب الذكريات
فقد اضحي كل شئ باهت وكئيب

[imported_hamza]

مقولة شهيرة تتردد في ديار البقارة ....
عندما قالها احدهم ....
هييييييييييييييييع
عزبات ابشرن ...
حكامة امسكي ليك عود ...
نحن قاعدين رجال ليكو اتو دول بس ....

[imported_بله محمد الفاضل]

من البدء
ثم الانعطاف
وانتهاء بالأسى على المآل
وقفتُ على ثلاث محطات
كل واحدة
نتعشم منك أن ترويها بمدى مِدادك الفطن
فيستقيم فينا المأمول
خروجنا به
وقل بلا ريب: المتوقع



محبتي واحترامي

[imported_nezam aldeen]

حضور
‏
بين اسطر الذاكرة
‏
تحية اب سوار

[imported_زهير ابو سوار]

اقتباس:
المشاركة الأصلية كتبت بواسطة وجيدة http://sudanyat.org/vb/images/buttons/viewpost.gif (http://sudanyat.org/vb/showthread.php?p=359035#post359035)
ابو سوار حبابك
جميلا التسكع في خبايا الذاكرة والتمتدد علي عنقريب الذكريات
فقد اضحي كل شئ باهت وكئيب



وجيدة السلام عليك يا زولة ..
وين جغرافيتك ومشتاقين للكسر بتاعك ..
الحقي سمراء موقداليها نار وما عندها موية ..

[imported_زهير ابو سوار]

اقتباس:
المشاركة الأصلية كتبت بواسطة بله محمد الفاضل http://sudanyat.org/vb/images/buttons/viewpost.gif (http://sudanyat.org/vb/showthread.php?p=359088#post359088)
من البدء
ثم الانعطاف
وانتهاء بالأسى على المآل
وقفتُ على ثلاث محطات
كل واحدة
نتعشم منك أن ترويها بمدى مِدادك الفطن
فيستقيم فينا المأمول
خروجنا به
وقل بلا ريب: المتوقع



محبتي واحترامي



الفاضل قلمك صعلوك يا رجل ..
دايرك تدفرني عشان اصل المحطة الأولي ..
وبعد داك بواصل ..
نوم العافي

[imported_على ماجداب]

الرجوك فى الدارة واعين
تلقى افكارن ودعو
انت فيها براك صول وجول
فى الرقيص ورينا الاصول
خلى كل الناس فيك تقول
قالو الما تلحقو جدعو

زهير ازيك
تلك ايام خلت
ويجرى على حفلات ورقيص الشمال ماجرى على حفلات ورقيص مدن الوسط من تحديث وتغير يصيب احيانا ويخطئ الذوق كثيرا...
سمعت صديق أحمد يحكى كيف كان يدوزن ايقاع طمبوره على وقع اقدام ابرع راقصه يجدها فى الداره وإن شترت الخطوه فهو لا محالة شاتر....
ولا يزال صدى صوته يرن فى أذنى وهو يصرخ من الطرب (النبى النبى النبى النبى)فى اغنية(صلو على جمالا)..ولك ان تتخيل ساعتها والكل قد غادر منطقته الزمنيه وجُذب ..الرجل كان يملك مفاتيح الطرب ويعلمها جيدا .. وكانت الداره تلهمه .

[imported_زهير ابو سوار]

اقتباس:
المشاركة الأصلية كتبت بواسطة محي الدين عوض نمر http://sudanyat.org/vb/images/buttons/viewpost.gif (http://sudanyat.org/vb/showthread.php?p=359094#post359094)
حضور
‏
بين اسطر الذاكرة
‏
تحية اب سوار



دستوووووور يا النمر ..
يعفو ويرضو ..
اسمك اداني ارهاصات خاطرة او قصيدة ..
شكلك من نمور الزومة ..
تحياتي

[imported_زهير ابو سوار]

اقتباس:
المشاركة الأصلية كتبت بواسطة hamza http://sudanyat.org/vb/images/buttons/viewpost.gif (http://sudanyat.org/vb/showthread.php?p=359051#post359051)
مقولة شهيرة تتردد في ديار البقارة ....
عندما قالها احدهم ....
هييييييييييييييييع
عزبات ابشرن ...
حكامة امسكي ليك عود ...
نحن قاعدين رجال ليكو اتو دول بس ....



والله يا بلول عزبات ابشرن دي قومت شعرت جلدي ..
ده زول ورجالتو براها ..
لكن الأخيرة دي والله غلبتني ..

[imported_زهير ابو سوار]

اقتباس:
المشاركة الأصلية كتبت بواسطة على ماجداب http://sudanyat.org/vb/images/buttons/viewpost.gif (http://sudanyat.org/vb/showthread.php?p=359142#post359142)
الرجوك فى الدارة واعين
تلقى افكارن ودعو
انت فيها براك صول وجول
فى الرقيص ورينا الاصول
خلى كل الناس فيك تقول
قالو الما تلحقو جدعو

زهير ازيك
تلك ايام خلت
ويجرى على حفلات ورقيص الشمال ماجرى على حفلات ورقيص مدن الوسط من تحديث وتغير يصيب احيانا ويخطئ الذوق كثيرا...
سمعت صديق أحمد يحكى كيف كان يدوزن ايقاع طمبوره على وقع اقدام ابرع راقصه يجدها فى الداره وإن شترت الخطوه فهو لا محالة شاتر....
ولا يزال صدى صوته يرن فى أذنى وهو يصرخ من الطرب (النبى النبى النبى النبى)فى اغنية(صلو على جمالا)..ولك ان تتخيل ساعتها والكل قد غادر منطقته الزمنيه وجُذب ..الرجل كان يملك مفاتيح الطرب ويعلمها جيدا .. وكانت الداره تلهمه .



اهلين ماجداب
يعني مؤكد الغناء ما زي زمان والطرب بقي راقد ومسيخ ..
صديق احمد امتلك ادوات الفنان الحقيقي وكتيرين من الفنانين الكانوا راسخين في طينة الإبداع ، ولكن الاشياء دي كلها تراجعت عشان دخلت في الفنون عموما حسابات الربح والخسارة بقت زي مزرعة الدواجن اسبوع والسوسيوة بقت جدادة بدون تراكم غذائي وتغذئة سليمة نفخ*نفخ يعني ..
القصيد زاتو بقي شغل ترزية والشعر اصبح بلاجرس يضبط الموسيقي بتاعة النظم كلو سجع ورصريص قوافي ليس الاّ ..
ما عارف غايتو انا كبرت وبقيت اتكلم بطريقة الإجترار وتداعيات الذكري ام هي حقيقة لا اعلم ولكني عشرة سنوات لم اطرب لي شغل جديد في الساحة الغنائية اللهم الاّ تلاقيط هنا وهناك ..
اكيد نانسي عجاج زولة استثنائية في الساحة تحمل بشارة الإبداع ..

[imported_بله محمد الفاضل]

1/ صعاليك الجاهلية

2/ بواكيرنا

3/ اخبار( اللعوب)
(حفلات العواصم ورقيص البنات بالنعال يذكرني بدجاج المزارع
زربوا الدارة بالصيوان .. ورشرشوها وطنبجوها
وما رايت رقيصا ولا سمعت تطريبا ..
التواءات وميلانات خاوية علي عرش الشتارة ..)


دي تلات محطات
وتمليك
وفي انتظار أن تنطلق في بحرها

محبتي واحترامي

[imported_زهير ابو سوار]

اقتباس:
المشاركة الأصلية كتبت بواسطة بله محمد الفاضل http://sudanyat.org/vb/images/buttons/viewpost.gif (http://sudanyat.org/vb/showthread.php?p=359453#post359453)
1/ صعاليك الجاهلية

2/ بواكيرنا

3/ اخبار( اللعوب)
(حفلات العواصم ورقيص البنات بالنعال يذكرني بدجاج المزارع
زربوا الدارة بالصيوان .. ورشرشوها وطنبجوها
وما رايت رقيصا ولا سمعت تطريبا ..
التواءات وميلانات خاوية علي عرش الشتارة ..)


دي تلات محطات
وتمليك
وفي انتظار أن تنطلق في بحرها

محبتي واحترامي



قلت ليك ادفرني واللا اعمل لي اشتراك ..
يعني اديني راس الخيط يا بلول ..
صعاليك الجاهلية كتر خيرك ما قصرت يا شضاض التميمي ..هههه
باقي بواكيرنا ودجاج المزارع ..
وابشر بالخير يا بلول ..

[imported_الزوول]

زهير محمد سليمان قريبي (هنا) :)
كدي أول شيء
صلح لنا اقتباسك الشين ده
قبل ما بابكر عباس يشيل حالك
بس غيّر من الصندوق الاحترافي للصندوق الشائع القياسي
والمشكلة تتحل
من خلال ..لوحة التحكم ثم تعديل الخيارات
وتنزل لآخر الصفحة وتغير للصندوق الشائع وتحفظ التغييرات
...
بخصوص موضوعك
أو مواضيعك حسب تقسيم بله الفاضل
نمرة 3 (اخبار اللعوب) ده عندنا بى هناك بوست جاهز (لعوب زمان ...الشكل )
ممكن نجيبو ى هني ونحذف ليك اجابة :)
نان باقيلك ناس جيجي وجانيت بيفهمو لينا ؟؟ looool
.....

[imported_hamza]

اقتباس:
المشاركة الأصلية كتبت بواسطة زهير ابو سوار http://sudanyat.org/vb/images/buttons/viewpost.gif (http://sudanyat.org/vb/showthread.php?p=359175#post359175)
اقتباس:
المشاركة الأصلية كتبت بواسطة hamza http://sudanyat.org/vb/images/buttons/viewpost.gif (http://sudanyat.org/vb/showthread.php?p=359051#post359051)
مقولة شهيرة تتردد في ديار البقارة ....
عندما قالها احدهم ....
هييييييييييييييييع
عزبات ابشرن ...
حكامة امسكي ليك عود ...
نحن قاعدين رجال ليكو اتو دول بس ....



والله يا بلول عزبات ابشرن دي قومت شعرت جلدي ..
ده زول ورجالتو براها ..
لكن الأخيرة دي والله غلبتني ..

دي قصة طويلة يا زهير ....

المهم احكيها ليك ....
في واحد من الهدايين والهداي هو مفرد هدايين ... والهداي هو رجل يقرض الشعر قرضا حسنا ... ويوازي دوره دور الحكامة عند البقارة ...
فهذا الهداي الذي نحن بصدد قصته يقال انه رجل صعب المراس ... صعلوك لدرجة غريبة ....
وبرغم كبر سنه الا انه لم يتزوج فاصبح بحكم مهنته يضاجع كل من اعجبته وكل من ارادها ..يقضي منها وطرا ويذهب الي غيرها ....وهكذا هي حياته .... حتي اصبح الرجال يخشونه .. لان الكل اصبح يشك في ان هذا الرجل قد ضاجع انثاه ....
ولكنه فجأة وبلا مقدمات في يوم عندما قاربت اشهر الحج اعلن للجميع انه يريد الذهاب الي الحج .... ففرح الجميع وهلل ... وتناقل الناس فيما بينهم ان هذا الرجل قد تاب الله عليه ... وسوف يرتاحون من اعماله السوداء .. ..
وفعلا ذهب الهداي الي الحج .... واتفق الجميع علي انه عندما تحين ساعة قدومه يقيمون له كرنفالا لم يحدث ...
واعدوا له ما استطاعوا من قوة وجمعوا كل الحكامات المشهورات من كل القري والفرقان المحيطة .....لانهم تخيلو ان بجمعهم هذا واجتماع اسراب الغيد من الحكامات سيتم اغرائه لخطوبة احداهن ...وهذه هي الفكرة الاولي من التجمع ... بانه يخطب منهن ويتزوج حتي يأمنوا شره ...
وساعة قدومه ما ان لمحوا جلبابه تأخذه الريح يمين ويسار ... حتي سار الجميع ناحيته وتعالي صوت الحكامات بالاناشيد المادحة لشخصه ... وكان هو يستغفر ساعتها ويحاول ان يبعد عن الموكب الا انه اينما سار فالموكب يتجه ناحيته .. واخيرا قرر الاستسلام وما ان وصل الجميع اليه .. حتي مسح الحكامات بنظرة ثاقبة فيها ما فيها من الصعلكة الكثير...
وشمر عن ساعده ... وجري نحوهن وعند وقوفه ضرب برجله علي الارض صائحا ....
هيييييييييييييييييييييييع
عذبات ابشرن .....
حكامة امسكي ليكي عود ....
نحن قاعدين رجال ليكو اتو دول بس.... :D:D

شرحو ::::
عزبات ابشرن واضحة طبعا ما محتاجة شرح ...
لكن حكامة امسكي ليكي عود ... العود هو مقاس شعبي تقاس به الاراضي الزراعية ... لكنه يقصد هنا انه علي الحكامة ان تمسك لها عود في هذه البلاد (بلاد فحولته).....
ونحن قاعدين رجال ليكو اتو دول بس ...
يعني هو ما ناوي العرس ولا ناوي يتزوج ابدا ...
ح يكون قاعد فحل للحكامات ديل بس .....
وكتل ليهم الدش في يدهم :D:D:D

[عكــود]

صعاليك الجاهلية كانوا من ساداتها وفحولها ولكنهم تمردو علي مواثيق القبيلة واعرافها واصبحوا شذاذ افاق ، ومن ثم ساحوا في وديانها ينادمون الخمر ويقرضون الشعر ..
امرئ القيس والسليك بن السلكة والحطيئة والشنفري وامثالهم يسلبون الأغنياء ويجودون علي الفقراء والمحتاجين..
فالصعلكة بالمفهوم الجاهلي تعني الشفتنة والهمبتة في ادبنا السوداني ..
إذن في بواكيرنا تصعلكنا وكانت الإجازة مواسما سخية ننتظرها كعربان العتمور في تتبعهم لنجم (المرزم) الخريفي ..
كنا نتناقل اخبار( اللعوب) ونشيع اخبار الفنانين وما احلاها حين يكون صديق احمد او عيس بروي حاضرا ..
صديق احمد يتكئ علي حنجرة الكروان وكورسه الأوبرالي ..
ونزرع الريد في كل دار، أغنية كانت تهدهد مشاعرنا المراهقة ووجداناتنا الفتية ونخالها تلامس واقعنا المثالي.. ونسكر سموا وخيالا ..
طوبي لهذا الفحل عبد الله محمد خير حين كتب القصيد ..
طوبي لك يا من طرزت عوالمنا ..
وشنفت مسمع الشمال بسيمفونية العشق وحروف من نور ..
وغدوت خالدا فينا طوطما..
ايها الإنسان ..
عيس بروي فنان يتفقه اصول السلطنة وايقاعه يرقص (الطرشانة) في دوزنته ..
وكثيرون كنا نسكر بتطريبهم ...
غابوا .. او تواروا ..
ولكنهم مركوزين فينا ومتحكرين في جوانية الذاكرة ..
حفلات العواصم ورقيص البنات بالنعال يذكرني بدجاج المزارع ..
ويا زمان
الديك ابشبر و الفراريج البياضة ..
الرقيص الحفيان والدارة المعجعجة و(الكعّة) وفرتكة اللعب..
ملمح اصيل في تفاصيل الطرب ودنيا الفوضي المرتّبة ..
لا تستقيم امورنا الاّ وقد راينا (القنايات) تعلو سماء الدارة ..
حينها يسمو خيالنا ..
انفرط عقد من الزمان ..
ثم حججت لها امكنة صاغت وجداني ..
ظننت نفسي اسعد بحضور حفلة بنكهة التسعينات وصولجانها ..
اتحكرت وقعدت..
فإذا الدارة مطنبجة ومرشوشة تفاديا للغبار..
مساكين هؤلاء ..
كما يقول اهل الخليج اللي ما يعرف الصقر يشويه ..
زربوا الدارة بالصيوان .. ورشرشوها وطنبجوها..
وما رايت رقيصا ولا سمعت تطريبا ..
التواءات وميلانات خاوية علي عرش الشتارة ..
انتحر اللعب الأصيل وافل نجم الصعلكة وما بزغ..

سلام يا زهير،

جميل إستدعاءك لزمن الطرب الأصيل البعيد عن حظائر الدواجن وفقّاساتها.
تباكيت على لعوب التسعينات وتباكيت أنا في بوست سابق على لعوب ما قبل ذلك بعقدين من الزمان.
هنا تجد بعض الوصف للعوب ذلك الزمان:
http://sudanyat.org/vb/showthread.php?t=17047

لك وللمتداخلين التحيّة.

[imported_زهير ابو سوار]

اقتباس:
المشاركة الأصلية كتبت بواسطة زهير ابو سوار http://sudanyat.org/vb/images/buttons/viewpost.gif (http://sudanyat.org/vb/showthread.php?p=359175#post359175)
اقتباس:
المشاركة الأصلية كتبت بواسطة hamza http://sudanyat.org/vb/images/buttons/viewpost.gif (http://sudanyat.org/vb/showthread.php?p=359051#post359051)
مقولة شهيرة تتردد في ديار البقارة ....
عندما قالها احدهم ....
هييييييييييييييييع
عزبات ابشرن ...
حكامة امسكي ليك عود ...
نحن قاعدين رجال ليكو اتو دول بس ....



والله يا بلول عزبات ابشرن دي قومت شعرت جلدي ..
ده زول ورجالتو براها ..
لكن الأخيرة دي والله غلبتني ..

دي قصة طويلة يا زهير ....

المهم احكيها ليك ....
في واحد من الهدايين والهداي هو مفرد هدايين ... والهداي هو رجل يقرض الشعر قرضا حسنا ... ويوازي دوره دور الحكامة عند البقارة ...
فهذا الهداي الذي نحن بصدد قصته يقال انه رجل صعب المراس ... صعلوك لدرجة غريبة ....
وبرغم كبر سنه الا انه لم يتزوج فاصبح بحكم مهنته يضاجع كل من اعجبته وكل من ارادها ..يقضي منها وطرا ويذهب الي غيرها ....وهكذا هي حياته .... حتي اصبح الرجال يخشونه .. لان الكل اصبح يشك في ان هذا الرجل قد ضاجع انثاه ....
ولكنه فجأة وبلا مقدمات في يوم عندما قاربت اشهر الحج اعلن للجميع انه يريد الذهاب الي الحج .... ففرح الجميع وهلل ... وتناقل الناس فيما بينهم ان هذا الرجل قد تاب الله عليه ... وسوف يرتاحون من اعماله السوداء .. ..
وفعلا ذهب الهداي الي الحج .... واتفق الجميع علي انه عندما تحين ساعة قدومه يقيمون له كرنفالا لم يحدث ...
واعدوا له ما استطاعوا من قوة وجمعوا كل الحكامات المشهورات من كل القري والفرقان المحيطة .....لانهم تخيلو ان بجمعهم هذا واجتماع اسراب الغيد من الحكامات سيتم اغرائه لخطوبة احداهن ...وهذه هي الفكرة الاولي من التجمع ... بانه يخطب منهن ويتزوج حتي يأمنوا شره ...
وساعة قدومه ما ان لمحوا جلبابه تأخذه الريح يمين ويسار ... حتي سار الجميع ناحيته وتعالي صوت الحكامات بالاناشيد المادحة لشخصه ... وكان هو يستغفر ساعتها ويحاول ان يبعد عن الموكب الا انه اينما سار فالموكب يتجه ناحيته .. واخيرا قرر الاستسلام وما ان وصل الجميع اليه .. حتي مسح الحكامات بنظرة ثاقبة فيها ما فيها من الصعلكة الكثير...
وشمر عن ساعده ... وجري نحوهن وعند وقوفه ضرب برجله علي الارض صائحا ....
هيييييييييييييييييييييييع
عذبات ابشرن .....
حكامة امسكي ليكي عود ....
نحن قاعدين رجال ليكو اتو دول بس.... :D:D

شرحو ::::
عزبات ابشرن واضحة طبعا ما محتاجة شرح ...
لكن حكامة امسكي ليكي عود ... العود هو مقاس شعبي تقاس به الاراضي الزراعية ... لكنه يقصد هنا انه علي الحكامة ان تمسك لها عود في هذه البلاد (بلاد فحولته).....
ونحن قاعدين رجال ليكو اتو دول بس ...
يعني هو ما ناوي العرس ولا ناوي يتزوج ابدا ...
ح يكون قاعد فحل للحكامات ديل بس .....
وكتل ليهم الدش في يدهم :D:D:D
هههههههههههها..
طبعا يا حمزة انا يا دوب وقعت لي الهرجة ..
لكن زولك رجالتو يقسموا منها ..
وينها الصفاء والمروة وينو زحيح مني ودرش عرفات ..
ده عدلو بس كان يسوا ليهو كفيل في محلّوا ..
النبي نوح من جنس ده ..

[imported_زهير ابو سوار]

زهير محمد سليمان قريبي (هنا) :)
كدي أول شيء
صلح لنا اقتباسك الشين ده
قبل ما بابكر عباس يشيل حالك
بس غيّر من الصندوق الاحترافي للصندوق الشائع القياسي
والمشكلة تتحل
من خلال ..لوحة التحكم ثم تعديل الخيارات
وتنزل لآخر الصفحة وتغير للصندوق الشائع وتحفظ التغييرات
...
بخصوص موضوعك
أو مواضيعك حسب تقسيم بله الفاضل
نمرة 3 (اخبار اللعوب) ده عندنا بى هناك بوست جاهز (لعوب زمان ...الشكل )
ممكن نجيبو ى هني ونحذف ليك اجابة :)
نان باقيلك ناس جيجي وجانيت بيفهمو لينا ؟؟ looool
.....

ايوة قريبك ونسيبك ..
واللا نسيت ..!!
تحياتي عوض عبد الله ..
بالمناسبة مشكووووور يا (ناش) حكاية الصندوق الشائع دي راقت لي ومن الصباح شغال أخرت في البوستات حتي بوستات بابكر عباس خرت منها الني والنجيض وبعد كدة عيني قوت وما خايف من لسانه وبعدين حكاية الصندوق يكون (شائع ) دي كيف يعني ما فاهم ...!!!!
بلّة الفاضل وحلّني في الرملة ولكن لابد ليهو بي عكاز مضبب وصراحة انا استوحيت فكرة البوست دي اصلا من بتاعك (لعوب زمان ) اللي انا قعدت اترجي فيك ترفعو لينا ولكنك اظنك ما بتمشي الساقي كتير ومشغول ..
جيجي يا زول دي مرجع اخطر من مامان لكنها عاملة مشغولة بالجريدة ونظام نحن (سمبرتو) علي قولة قاسم عكود ..
نوم العافي

[imported_زهير ابو سوار]

سلام يا زهير،

جميل إستدعاءك لزمن الطرب الأصيل البعيد عن حظائر الدواجن وفقّاساتها.
تباكيت على لعوب التسعينات وتباكيت أنا في بوست سابق على لعوب ما قبل ذلك بعقدين من الزمان.
هنا تجد بعض الوصف للعوب ذلك الزمان:
http://sudanyat.org/vb/showthread.php?t=17047

لك وللمتداخلين التحيّة.

تغني ليهو قالت :
شدولك (حدوقة ) وقلبولك السرج فوقها ..
طيب حدوقة دي شنو ...؟
والكلام فوق منو ..؟
عساك بخير شيخ عموم عرب السوراب عكود ..
قريتو هرجك كلوّ ونضمك فوق اللعوب ..
قريتو من زمان وزي ما قاليك الأخ كانديك كأني اعاين المشهد ..
والمشهد في الوجدان الكانديكي قد يكون عقابات ذكري وحقائق تعايش معها وقد تكون مجازية منه وانطلاقة خيال جموح و(جفّال) في مضمار كانديك المشرور حدادي مداي وخافس في كل البلد السودان ..
طبعا الزول من يقعد يطربق بي زمان ونحن ونحن وووك ووك ..
تعرفه خلاص وقف فوق كبري الأربعين وداير يعدي زي حالتي دي ..
لكن حقيقة الحاجات هدّت وبهتت وبقت كرواش وكرّام يا جقلاب وبقينا نلّقط في تمر الهبوب ونلتّق في توب الزمان الفات الإتهري ..
السلام عليك عكود في هكذا رسوخ والسلام علي كل السودان ..
...........
باقي انا عوض عبد الله معلمني طرقيتن جديدي في الإقتباس قال اسمها الصندوق (الشائع) ومن البارح مباري صندوقو الشائع ده واخمخم في الإقتباسات ما خليت لي زولا مفضل ..

[imported_هيثم علي الشفيع]

أب سوار يا زهير

مررتُ من هنا (وأنتظر المزيد) على رأي "أوليفر تويست"

إحترامي

[imported_زهير ابو سوار]

أب سوار يا زهير

مررتُ من هنا (وأنتظر المزيد) على رأي "أوليفر تويست"

إحترامي

تحياتي هيثم الشفيع ..
ياخ عليك الله الزول يقوليك واقف فوق كبري الأربعين ..
تاني مزيد شنو ..
الاّ بس نقصع الجرة (feedback) ..ههههههههه
طبعا الزوول وعكود لسه بخيرهن انا بتكلم عن نفسي عشان ما تجيب ليها نقّة ..
سعدت والله يا هيثم بلقياك رغم انه عارفك من زمان ومفرفر بروفايلك ..
تحياتي..

[imported_الزوول]

صعاليك الجاهلية كانوا من ساداتها وفحولها ولكنهم تمردو علي مواثيق القبيلة واعرافها واصبحوا شذاذ افاق ، ومن ثم ساحوا في وديانها ينادمون الخمر ويقرضون الشعر ..
امرئ القيس والسليك بن السلكة والحطيئة والشنفري وامثالهم يسلبون الأغنياء ويجودون علي الفقراء والمحتاجين..
فالصعلكة بالمفهوم الجاهلي تعني الشفتنة والهمبتة في ادبنا السوداني ..


...

واحد قريبو ... جاهو قعد معاهو فترة
والظاهر زودها شوية لغاية زهج منو
لما جا مسافر ، وهو يودع فيهو ... قالو
اها لا تغيب كتير ... ولا تسوينا شغلة :):)
...
يبقى لي داير اسويك شغلة آ زهير
...
تعرف يا زهير
زمااان كنت من الناس الجرايين
وبالأمارة لما فريق القلعة يلعب مع العمراب
كنت دايما العب مراقب لمحمد يس
طبعاً عارفو كان سريع جداً
وعشان كدي اهتميت ليك بأخبار جماعتك الصعاليك العرب ديل
والسبب انهم كانو معروفين بالعدائين ويقال أن الخيل لا تستطيع اللحاق بهم
وغالباً ما يغيرون على القبائل عدوا
.....
اها المعلومة الفوق دي دايرالا تصحيح
أمرؤ القيس ( الملك الضليل) لم يكن منهم وإن كان يحمل نفس مفاهيمهم (الإنطلاقية) بتاعة اليوم خمر وغداً أمر
وكذلك لم يكن الحطيئة منهم فهو كان شاعراً هجاء يكسب عيشه من الهجاء ( او من تجنب الهجاء)
وقصتة مشهورة مع الزبرقان بن بدر الذي قال فيه:
دع المكارم لا ترحل لبغيتها *** واقعد فانك انت الطاعم الكاسي
ولما سجنه عمر بن الخطاب رضي الله عنه قال أبياته البليغة :
ماذا تقول لأفراخ بذي مرخ *** زغب الحواصل لا ماء ولا شجر
ألقيت كاسبهم في قعر مظلمة *** فأغفر عليك سلام الله يا عمر

أشهر هؤلاء الصعاليك : الشنفري و السليك بن سلكة و عمر بن براق
و تأبط شرأ و عروة بن الورد ..
....

[imported_بله محمد الفاضل]

هو الموضوع شنو
شايف اسمي اتكرر كم مرة
أنا جيت هنا قبل كدا
ولا شنو
ولا أكون واحد من صعاليك بني أمية
على قول خالنا (أحمد الطيب) الله يرحمه
الكان دائماً يناديني (يا صعلوك بني أمية)
وماني عارف سبب دا شنوlooool

[imported_زهير ابو سوار]

...

واحد قريبو ... جاهو قعد معاهو فترة
والظاهر زودها شوية لغاية زهج منو
لما جا مسافر ، وهو يودع فيهو ... قالو
اها لا تغيب كتير ... ولا تسوينا شغلة :):)
...
يبقى لي داير اسويك شغلة آ زهير
...
تعرف يا زهير
زمااان كنت من الناس الجرايين
وبالأمارة لما فريق القلعة يلعب مع العمراب
كنت دايما العب مراقب لمحمد يس
طبعاً عارفو كان سريع جداً
وعشان كدي اهتميت ليك بأخبار جماعتك الصعاليك العرب ديل
والسبب انهم كانو معروفين بالعدائين ويقال أن الخيل لا تستطيع اللحاق بهم
وغالباً ما يغيرون على القبائل عدوا
.....
اها المعلومة الفوق دي دايرالا تصحيح
أمرؤ القيس ( الملك الضليل) لم يكن منهم وإن كان يحمل نفس مفاهيمهم (الإنطلاقية) بتاعة اليوم خمر وغداً أمر
وكذلك لم يكن الحطيئة منهم فهو كان شاعراً هجاء يكسب عيشه من الهجاء ( او من تجنب الهجاء)
وقصتة مشهورة مع الزبرقان بن بدر الذي قال فيه:
دع المكارم لا ترحل لبغيتها *** واقعد فانك انت الطاعم الكاسي
ولما سجنه عمر بن الخطاب رضي الله عنه قال أبياته البليغة :
ماذا تقول لأفراخ بذي مرخ *** زغب الحواصل لا ماء ولا شجر
ألقيت كاسبهم في قعر مظلمة *** فأغفر عليك سلام الله يا عمر

أشهر هؤلاء الصعاليك : الشنفري و السليك بن سلكة و عمر بن براق
و تأبط شرأ و عروة بن الورد ..
....


الزوول السمح ..
كلامك صح انه امرئ القيس لم يكن من ضمن صعاليك الجاهلية حسب ما ذكرتهم المراجع ولكني ادرجته هو والحطئة لنمط حياتهم الذي يشابه حياة الصعاليك ..
بالمناسبة الحطيئة كان زول نبّش وشيال حال ..
زول يهجو امه تاني فضل شنو ...!!
بذكرني بشخصية مشهورة كانت الناس تديهو خوفا من لسانه..
..........
طلبت منك في سياق آخر تكتب لينا عن السيالس ولكن يخرب ..
شكلك خايف ..

[imported_زهير ابو سوار]

هو الموضوع شنو
شايف اسمي اتكرر كم مرة
أنا جيت هنا قبل كدا
ولا شنو
ولا أكون واحد من صعاليك بني أمية
على قول خالنا (أحمد الطيب) الله يرحمه
الكان دائماً يناديني (يا صعلوك بني أمية)
وماني عارف سبب دا شنوlooool

يا بلول ..
مالك بن الريب التميمي كان اشهر صعاليك بني امية وكان عجب البنات وحديثهن في الكوفي شوب ..
الكوفي شوب كان فوق البيار وعلي الغدير وحول المضارب ..
وبرضو بن الريب تميمي اظنه قريب صاحبك شضاض التميمي ..
وخالك احمد الطيب اكيد شاف عمايلك وفعايلك ..