تسجيل الدخول

مشاهدة النسخة كاملة : فرفشة وخستكات ..للخروج عن المألوف!!!

imported_أبو أماني
30-05-2011, 03:03 PM
بعض الناس حازمين صارمين لا يبتسمون أو يقهقهون إلا لماما والبعض تبدو على ملامح وجهه القسوة والحزم والصرامة وتفاجأ أحيانا عند التقرب منهم بشخصية مرحة تبطن عكس ما يظهر عليها..البعض الآخر يكون حازما صاري الوش ومكشر وفي أعماقه ميل غريزي ليعيش لحظات يتحلل فيها من كل الرسميات دون جدوى.. أما أنا والحمد لله فقد جبلت على الميل الغريزي للمرح والطرفة وفي وجداني المثل الشعبي الشهير .. تنقد الرهيفة محل ما بتقت..وانتسب بذلك لمجموعة ناس ..أنام ملئ عيوني عن شواردها.. وهنا مربط الفرس في السعي من جانبي لكيما أفترع لكم هذا البوستر بمسماه اللا ملتزم ..

والقصد من إنشائه خلق لحظات خفيفة الظل كما أتمنى للبعض ممن يعانون من الملل والرتابة والجدية وأخص به على وجه الخصوص طيورنا المهاجرة أميالا وفراسخ بعيدا عن بلد الحب والأمان .. دار بني سقدان.. أولئك المغتربين عن الأوطان ممن تمر بهم لحظات يدفعون فيها ما تبقى من عمر نظير لحظات حًنان تحت شدرة نيم في نص الحوش المرشوش.. وتكية (نفاس) فوق ضهر عنقريب هبابي من غير لحاف.
سافترع لكم ضربة البدايةعسى أن تعجبكم وليساهم الكل بما عن له من خستكات .. ولكم حبي .. نلتقي بعد لحظات..وتشاو:cool:!
imported_أبو أماني
30-05-2011, 03:18 PM
كانت أول قصيدة نظمها في حياته من أجل محبوبته فقط ننوه لأنه كان مسطولا عندما هبط عليه الوحي..

أموت و استنشق ريحه
شعرك و ريحة انفاسك ..

و انفخ حبي الكاتمو سنين
في رئتيك الداخل قفصك ...
و بي أنفاسك أسكر طينة
و اكون مسطول ..

مسطول مصلوب في صليب
و بُعدك عرض و شوقك طول

و القى الطير اتلمى
و حلّق فوق راسي

قطع قلبي و نقر حبي
و ياكل و ينخر في احساسي

و انتي هناك ماسكاها مجلة
مجلة حواء او سيدتي بتقري في برجك

و برجك قال ليك ابعدي من محبوبك
فترة عشان في الآخر تكسبي حربك

و سني ظنونك ..
و صدقي كل الظن الظنو
إنو اظنو في لحظة اخونك

و جهزي شكك
و طلعي شوق الشك شكيهو
شوق الزول العاش مجنونك

و جيبي مسلّة و طعني قلبي
عشان يتذلّ و منك يتوب

و احفري حفرة
و اوئدي فيها الريدة الطفلة

و انسي القصة
و مشطي شعرك و امشي الحفلة

و شيلي الدم النازف مني
و اعملي أحمر لي شفتيك

و من قلبي المحروق و اتفحم
اعملي ماسكرا لي عينيك

و حتى الحَفِر الغبّر يدك
ينفع بدرة على خديك

أصلو الريد الجد بيعلم
البيريد لازم يتألم

ووجع الريد مصحوب باللذة
و انتي مكانتك عندي أعزّة

مكتوب لي اتذله بحبك
و انتي في ريدك رمز العزة

و انتي كيان صهيوني في حبك
و انا مستوطن ساكن غزة

عذبي قلبي و سوي سواتك
لا بتزحزح لا بتهزة
:mad:
النور يوسف محمد
30-05-2011, 03:36 PM
بسم الله الرحمن الرحيم

هذا البوست ..
لا بل هذا الرجل .. أعاد لى توازناً ما
ووجع الريد مصحوب باللذة
و انتي مكانتك عندي أعزّة

وخلينا نجى على مهل :)
imported_Hassan Farah
30-05-2011, 05:03 PM
التحايا العذبة لابوامانى والنور يوسف...
اليكم شوية فرفشة...

http://www.youtube.com/watch?v=v9aevcR_9ZU&feature=related

http://www.youtube.com/watch?v=UmWwu6vLIIY&NR=1
imported_أبو أماني
31-05-2011, 01:35 PM
اقتباس:
المشاركة الأصلية كتبت بواسطة Hassan Farah http://sudanyat.org/vb/images/buttons/viewpost.gif (http://sudanyat.org/vb/showthread.php?p=377587#post377587)

التحايا العذبة لابوامانى والنور يوسف...
اليكم شوية فرفشة...

http://www.youtube.com/watch?v=v9aevcR_9ZU&feature=related

http://www.youtube.com/watch?v=UmWwu6vLIIY&NR=1



حبائبي العسولين النور وأبو على يا أخي والله طلتكم بالدنيا بما فيها..إنتو ما أصلكم ناس سمحين مكملين السماحة على حدها وسماحتكم دي مسحت بكبريائي المصطنع البلاط خلتني أتطاول لزمالة وصداقة ناس قمم شماء زييكم كدي..وأأو وعشان تتفهم صح..! waw وهي تعني واحلالي بلهجة الشايقية.. والله بختكم لقيتوا ليكم زول يتغزل فيكم باللغتين. :cool:

النور عارفك زول جاد.. (يوسف الحكيم)! لا كين أكيد فهمتنى فعليك الله أخلع الماسك ده وورينا حاجة فيها..إنسلاخ أو إندياح وأنا عارف معزتك لي فحا تلقاني واقف منتظر!.

أبوعلى يا أخي أحبك مووووت .. الهدية ظريفة زي صاحبها .. ونقل هل من مزيد؟ لكم حبي ولنا لقاءأت ويلا..تشششاااووو :D
النور يوسف محمد
31-05-2011, 02:46 PM
بسم الله الرحمن الرحيم

تعرف يا ( أبو أمانى ) ..
من المشاكل التى تزعجنى أحيناً , هذا الإطار الذى يضعوه لك الناس ..
يقوموا يلبسوك قميص ( لقمانى ) ولا يسمحوا لك أن تخلعه ولو لدقائق ..
يعنى حتى بوستات الفرفشة الزى ده يشوفو دخلتك عليها غريبة ..
زمان فى بوست ساهرون بتاع أخونا أحمد زين , كن نقعد نتونس فيهو , دون قيود أو كرفتات ..
وين ( غطس ) ما عارف ..

أخونا كيشو إستطاع الجمع بين الحكمة وخفة الدم ..
ولا تخلو له مداخلة من نسمة وقفشه محببة ..
وكذلك القادم ( جنابو) الطيب بشير , ايضاً تشعر فى كتاباته الملاحة والطرافة والدم الشربات بالطبع + الرصانة التى تكتسى بها حروفه ..
بعدين بالمناسبة شايفك وديت الطيب ده بعيد وافتكرنو من جيل إكتوبر .. :D
ياخى الزول لساااااه فى نضارة حسنو فى عز الشباب ..
وبالمرة أرشحو ليك كضيف قادم وبنجيبوا ليك ( بالتعليمات :) )
طبعاً نحنا بقينا هنا تلاتة بوليس هنا . وحسب الأقدمية ( بابكر مخير , أنا , وجنابو الطيب )
ويبدو إنو المنتدى سيشهد استقطاب لقبيلة الشرطة فى الأيام الجاية ..
بس لو الكلام ده حصل حا نكون أخطر من الأسايطة ..
نفتح لينا بوست ونرفع القزاز ونغليى السعر :D
الدخول ليهو بى سر الليل :)

غايتو بابكر عباس لو اتوسطت ليهو بابكر مخبر ومبر وعكود بنديهو نقيب م :)
معتصم الطاهر
31-05-2011, 03:02 PM
وجع ... وجع .. سيد الفرحة رجع ..

أبو أماني
و سلام يا عمك .. ( مسألة احترام ليس إلا ) ..

سؤال .. فى المناسبة

ما هي علاقة بين السفاهة و ميزات الضباط ..؟
imported_أبو أماني
31-05-2011, 03:12 PM
صديق يداعب صديقه ويكايده إذ قرر الزواج..

ندماً تنحسر الكلمات على شواطئ النسيان ... ليبقى القليل منها ليعبِّر به عن ما في دواخله ... لا تتسع نفسي إلاَّ أن تقول لك .. إنت ركبت الماسورة يا صاحبي
اصلها بتبدا كدا .. حنك .. كلمة حلوة .. نظرة .. بسمة .. عزومة بارد .. وانت جوووووووووة الجك .. ودقست واتلحست وأي شي ... وحنكوووك يا فاااااااااااااااااارة ..
وفي الآخرة طلعت ونزلت وخساير وعدم فهم .. وكلووو دا تحت مفهوم الحب ... والبقية مكشوفة ..

وفي ناس خاشين على تقيل ... انا بتقدم ليك وبعقد عليك .. وانا وانا وانا وانا وانا .. وما ادراك انو هو ولا واحد من الآنات دي !! وغايتو في الآخر بقولوا في خطوط جوية تونسية حنيـــــــــــنة نبقى ماشين عليها

بعد دا كللللللو .. ليه الناس بتقرأ ؟؟؟ انا تعبت من القراية ... ممكن أستقيل ؟
************
تشششاااووو وإلى لقاء آخر..goood
imported_قيقراوي
31-05-2011, 03:25 PM
بردلووووووووووب

ما قريت اي حاجة
جابني الشوق بس و الله
ابو اماني كيفك ياخ و العيال؟
و الله شوق لمن غلط ذاتو!
حولتنننننننننن!!!
طولت الغيبة ياخ!






-------

اها بعد دا نمش نقرا و بجيك صاد ... ضاد
اكان الله اراد
imported_جيجي
31-05-2011, 04:46 PM
بوست لذيذوني زي الناس اللذيذونيين الفيه ديل جت عليهم
imported_الزوول
31-05-2011, 05:54 PM
حباب أبو أماني
تعرف الطرفة لما تجيء من الزول الجاد المركّب وش التجهم والجدية بتكون مضحكة جداً مهما كانت عادية بالنسبة لباقي الناس
وطبعاً التحليل الفوق ده هو تعريف الطرفة نفسها
فالطرفة هي الفعل أو القول غير المألوف والذي يخالف ما يتوقع المرء حدوثه أو سماعه
كأن يتزحلق أحدهم فجأة أو يقول شيئاً غير مألوف
زماااان وأنا صغير ، أيام بيوقفونا ستاند باي لخدمة الأباريق و تموين الكبار بما يلزم من ماء وشاي وتمباك
جانا واحد قريبنا من حلة قريبة ، من النوع المركب وش الجهامة المخيف
قريبنا ده كان متدين جداً
وفي نفس الوقت كان بيحب الكوتشينة بدرجة مبالغ فيها
اليوم داك .. أبوي وأصحابو اللابسين وش الجدية والتجهم
دوّروا كشتينة من بعد الفطور
وكانت مسخنة جداً
...
بعد شوية أذن الضهر
قاموا من الكشتينة وصلّوا ...على مضض
بعد شوية العصر أذّن
وقفوا الكشتينة وقاموا صلّوأ ... على مضض أكبر
بعد شوية المغرب أذّن
وقريبنا ده في قمة الإندماج
قام ... خت الكشتينة وربّع ايدينو
وبدون ما يشعر ، قال:
(انتو يا جماعة ..الصلاة دي مالا بقت لنا في رقبتنا كدى)
طبعاً أنا لو ما جريت وفكيت الضحكة بره البيت
كان انجلدت جلدة ما حصلت :):)
...
imported_أبو أماني
01-06-2011, 12:09 AM
اقتباس:
المشاركة الأصلية كتبت بواسطة النور يوسف محمد http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=377889#post377889)
بسم الله الرحمن الرحيم

تعرف يا ( أبو أمانى ) ..
من المشاكل التى تزعجنى أحيناً , هذا الإطار الذى يضعوه لك الناس ..
يقوموا يلبسوك قميص ( لقمانى ) ولا يسمحوا لك أن تخلعه ولو لدقائق ..
يعنى حتى بوستات الفرفشة الزى ده يشوفو دخلتك عليها غريبة ..
زمان فى بوست ساهرون بتاع أخونا أحمد زين , كن نقعد نتونس فيهو , دون قيود أو كرفتات ..
وين ( غطس ) ما عارف ..

أخونا كيشو إستطاع الجمع بين الحكمة وخفة الدم ..
ولا تخلو له مداخلة من نسمة وقفشه محببة ..
وكذلك القادم ( جنابو) الطيب بشير , ايضاً تشعر فى كتاباته الملاحة والطرافة والدم الشربات بالطبع + الرصانة التى تكتسى بها حروفه ..
بعدين بالمناسبة شايفك وديت الطيب ده بعيد وافتكرنو من جيل إكتوبر .. :D
ياخى الزول لساااااه فى نضارة حسنو فى عز الشباب ..
وبالمرة أرشحو ليك كضيف قادم وبنجيبوا ليك ( بالتعليمات :) )
طبعاً نحنا بقينا هنا تلاتة بوليس هنا . وحسب الأقدمية ( بابكر مخير , أنا , وجنابو الطيب )
ويبدو إنو المنتدى سيشهد استقطاب لقبيلة الشرطة فى الأيام الجاية ..
بس لو الكلام ده حصل حا نكون أخطر من الأسايطة ..
نفتح لينا بوست ونرفع القزاز ونغليى السعر :D
الدخول ليهو بى سر الليل :)

غايتو بابكر عباس لو اتوسطت ليهو بابكر مخبر ومبر وعكود بنديهو نقيب م :)



غايتو يا سعادتك وبدون أدنى مداهنة أو مسح جوخ أقولها لك وبكل الصدق كلما تقربت منك أكثر كلما تساميت في نظري أكثر وأخشى أن تطول فترة التلاقي فنلتقي وقد إرتقيت في نظري لمرتبة نبئ.. يا أخي إنت وبابكر مخير حيرتوني عديل كدي تصدق أمام أي منكما بحس إنني كتاب مفتوح فدوما تفهموني صاح .. كلامك الفوق ده قرأته وأنا أهجس بأن لديك جاسوسا بداخلي!..أحمد زين وكيشو هما فاكهة هذا المنتدي ومعينه الذي لا ينضب أعيب عليهما الشح الأدبي.. فتواجدهما متواتر وشبه غياب.. لهما كل العتبى..أما جنابو ده فأقول ليك خليهو تب بجيهو ليك وعلى فكرة أنا عارف أنو (نونو) مازال يحبو في المهد خاصة لو قارناهو بتوت عنخ آمون طبعا عارفه منو! هوي بابكر ما تحمر لي قائلني ماشايفك؟..أنا قلت حاجة اسع..؟

أما إقتراحك بإستضافته بالمائدة فقد لاقى هوى في نفسي .. هواء شنو؟ عصار عديل يازول أقول ليك قولة؟المليجي معلق يلهط في المائدة أكتر من تلاتة أربعة شهور إنتهز فرصة غيبتي وقعد يرعى، أسع كان شفته ما بتعرفو سوى ليو جضوم ونتؤات تانية حامياني!:D وكمان (سارة) ماقصرت مدياهو برطمانية بعر وارد حي القمائر قالت بيفتح الشهية .. عملت ليو مناشدة وكان صهين لومني كان ما عملت زي حكام سيحة وطلعت ليو كرت أحمر (سبة بلا سبب)..أأأي..بث.. هو إت قائل هتاف الجمهور طول السنين الفاتت دي شاقين حلاقيمهم .. التحكيم فاااااشل.. من شوية؟؟.

أبهجتني ملاحظتك حقت البواليص التلاتة في المنتدى يارب زيد وبارك كمان ذكرتني قصة الفرسان الثلاثة ذ ا ثري موسكيتيرز.. من روائع الأدب العالمي.. يااااه ..يا زمن .. لك حبي:cool:
imported_أبو أماني
01-06-2011, 12:34 AM
اقتباس:
المشاركة الأصلية كتبت بواسطة معتصم الطاهر http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=377896#post377896)
وجع ... وجع .. سيد الفرحة رجع ..

أأبو أماني
و سلام يا عمك .. ( مسألة احترام ليس إلا ) ..

سؤال .. فى المناسبة

ما هي علاقة بين السفاهة و ميزات الضباط ..؟



يا أخي لا.. ما بصدق معتصم شخشيا نزل من علاه لأديم بوسترنا المخستك ده؟! وووواااااو.. يا دا الهناء يا أخواتي زغردي والنبئ يا بت يا دوسة ..بس يا فرده جلطتها مرتين الأولى قلت لي يا عمك ! وإت عارفني زي جوع بطنك أنا دفعة أزغر زول فيكم قصدي جنابو بقول كلامي ده على مسئوليتي ولو إني عارفه بيرفع ضغط بابكر مخير ويعمل لفتحي مسعد كوما..اما الجلطة التانية يا أبو الشباب كونك تدردق لي قصة السفاهة والميز .. يا خلف الله والله عذبتنا معقولة أخسر حبائبي الضباط وسعادتو النور يوسف من شويتين لفت نظري بصورة إن دايركت لأنهم بقوا تلاتة وكمان حذرني دايركتلي إنهم ماشين في زيادة..! يعني يا معلم لو ذات يوم الموقع فتح معاك ولقيت مارشات عسكرية .. و..قرآن .. إتذكر كلامي ده .. وكمان كان ذاعوا البيان الأول وطلع النور يوسف في رئاسة المجلس صدقني أول خطاب تأييد حيكون بتوقيع المليجي .. ودقي يا مزيكة.. يلا تشششاااووو تحياتي لك وأسرتك الرائعة. :p
imported_أبو أماني
01-06-2011, 12:45 AM
اقتباس:
المشاركة الأصلية كتبت بواسطة قيقراوي http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=377907#post377907)
بردلووووووووووب

ما قريت اي حاجة
جابني الشوق بس و الله
ابو اماني كيفك ياخ و العيال؟
و الله شوق لمن غلط ذاتو!
حولتنننننننننن!!!
طولت الغيبة ياخ!






-------

اها بعد دا نمش نقرا و بجيك صاد ... ضاد
اكان الله اراد



الله لازم يريد ياقدع ..ولازمن تجيني صاد وضاد وكل حروف الهجاء إت قائل روحك هيين ولا مكطوع ليين؟إت يابا جوه الضلوع متوهط وحتى خلال غيبتي دي كلها ماغبت من خيالي ولا لحظة ولا خلااااس نسيت أيام طفولتنا بحضن سودانيات؟.

جد ليك وحشة يا ظريف ويارييييييت يا أ أأ ااارييييت ..إنتا تعرف حنيني إليك ياااا ريتك .. لك خالص مودتي يا عثل..:cool:

العزيزة جيجي .. يا أخي إنتى عثل ينقط وأي جمال قدامك قرد ينطط.. أسكتي عليك الله ما تخلي الواحد فينا يفك آخرو ..لكي مودتي الصادقة .. يلا تشششاااوووgoood
imported_أبو أماني
01-06-2011, 01:04 AM
اقتباس:
المشاركة الأصلية كتبت بواسطة الزوول http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=377953#post377953)
حباب أبو أماني
وبدون ما يشعر ، قال:
(انتو يا جماعة ..الصلاة دي مالا بقت لنا في رقبتنا كدى)
طبعاً أنا لو ما جريت وفكيت الضحكة بره البيت
كان انجلدت جلدة ما حصلت :):)
...




تعرف يا .. عكود .. لو سمعت بزول الضحك شرطو .. يكون آخر زول كلم المرحوم هو (زووولنا) ده .. بس حقيقي يازول أنا وقفت كتير في آخر سطور ديل كدي عيني في عينك..وما ترمش في ذمتك فكيت الضحكة جووه البيت ولا بره آل إيه؟ آل كان إنجلدت !.. (كان؟) يا .. ما تخليني أقول عليك! ..:D روح يا عم تلقى آثار الجلدة ليوم الليلة باينة .. بس مافي طريقة نشوفها! وإنت عارف كده كيويس عشان كدي مالي إيدك! :D:mad:.. لك صادق مودتي .. يلا .. تشششاااووو
imported_محمد مصطفي
01-06-2011, 02:54 AM
انا غايتو شيطان الخستكة لسة فاري مني
اصلو مرات بتكون زي الشعر ... يوم ما اجي اجيك بي غفلة
اها لمن نجي نخستك بجيك فجاءة ... او مرات بعض الكتابات بتديك الهام
وعلي سيرة الهام دي ... كانت زمان زمن المتوسطة ... طبعاً انت من زمن الكُتاب يا ابواماني :p
المهم البت شديدة شدة حمار سكينة ... وسكينة دي بترسل الحمار السوق :D
الحمار كل يوم وفي زمن محدد بالدقيقة والثانية بقيف قدام دكان الجراري .. ده في حلتنا
حاجة سكينة بتكون خاتة في ضهر الحمار ده خُرج ... اقوم الجراري بخت للحمار
ملوة عيش ... ورطل سكر ... وشاي .. وبن .. حسب الحاجات الكاتبها حاجة سكينة في الورقة الخاتاها في الخرج
عمك الجراري في يوم زهجان من ولدو قام رسل ولدو مكان والولد ابي ما امشي ليهو
اها في اللحظة دي جاء الحمار .. عمك الجراري بعد رفع ليهو حاجاتو ضربو علي ضهرو قال ليهو امشي اتا اريتك ولدي :D:D
الحكمة تبقي شاطر لو قلتا تشيل من ضهر الحمار ده حاجة ... ارفسك رفسة واحدة كان ما صادفة البتاع وانتهي من امرك .... اورم ليك كراعك :D
حمار السرور غايتو
المهم نرجع لي سيرة البت الشديدة ....
البت سمحة وسماحتا صادفتنا في حتة مراهقة وعلي زمنا المدرسة مختلطة كانت
يمين البت دي تلقي المدرسة كلها مقدماها علي البيت .. وهي تقدل قدامنا كده وهاك يا قليب :p قادر الله
كل زول في كراسو راسم قلب وكاتب الهام
لحدي ما يوم المدير خمشنا ... ومن يومها وتاني ما شفناها في المدرسة
قالو المدير قال لي ابوها بتك حمت الاولاد القراية ... فشنو حاول لمها وعرس ليها
اتزوجت في نفس الفترة ... غايتو السيرة جاية من برة كانت ... تقريباً كده بنكون فلقنا لينا 20 نفر :p

وبجيك صاد
عكــود
01-06-2011, 06:50 AM
الزين الزين

طلّتك ولا القمر الفي سماهو داك!
ليك وحشة يعلم بها الله، و مكانك مافي زول بيسدّوا غيرك . . نكهتك حصريّة ياخي.
بس شايفك راخي حبل للعساكر ديل!
طوّالي مع رخية الحبل دي، أعلنوا إستقطاب لقبيلتهم و رفع قزاز و سر ليل!
و جنابو الـ بان جديد، ده قطامة الشرطة جارية في دمّو، على الأقل النور و مخيّر بيضاروها :). فـ أنصح بتقصير الحبل عشان ما يرعوا بعيد، و تطول الطموحات.

بوست زي الورد.

على جنب:
أثنّي إستضافة جنابو الـ بان جديد في كرسيك العامِر،
سيثريه.
بابكر مخير
01-06-2011, 07:44 AM
وأسأل نفسي، مش بث مرة
لكن مرات وبالكيمان
التتساوى وكمية حبي ليكآ... في الميزان
هو شنهو سر الريدة يا إنسان؟؟
يكون عشان :confused:
ولا عشان :eek:
ولا عشان القلب عميان
ما بشوف ولااااااا بسمع
ما، ما عنده أضان looool
ولا سر عشقي ليكآ، يمكن يكون
راجع لي أنك وأنا
في عمرنا ذي *"التيمان"
وأنك إتا كانك من "دكانهم"
شفآ وعلاج الطيب
الريحتهو فل ياأأأأأأ
ريحان :cool::cool:* "التيمان" عطارة وهم من أهلي الرباطاب
imported_أبو أماني
01-06-2011, 10:26 AM
اقتباس:
المشاركة الأصلية كتبت بواسطة بابكر مخير http://sudanyat.org/vb/images/buttons/viewpost.gif (http://sudanyat.org/vb/showthread.php?p=378122#post378122)
وأسأل نفسي، مش بث مرة
لكن مرات وبالكيمان
التتساوى وكمية حبي ليكآ... في الميزان
هو شنهو سر الريدة يا إنسان؟؟
يكون عشان :confused:
ولا عشان :eek:
ولا عشان القلب عميان
ما بشوف ولااااااا بسمع
ما، ما عنده أضان looool
ولا سر عشقي ليكآ، يمكن يكون
راجع لي أنك وأنا
في عمرنا ذي *"التيمان"
وأنك إتا كانك من "دكانهم"
شفآ وعلاج الطيب
الريحتهو فل ياأأأأأأ
ريحان :cool::cool:* "التيمان" عطارة وهم من أهلي الرباطاب



خلااااااث ..! عملت الشويتين بتوع أهلك الرباطاب دول .. ودقستني بكلمتين حلوين وعملتني تومك ..؟!.. يا عم حرااام عليك ده أنا أد عيالك يا قدع!آل يا رايحين يكفيكو شر القاييين وبطلوا ده وأسمعوا ده يا قدعان.. آل إيه .. آل تيمان آل .. إلا بالحقّ ياعمو بكر هوا تيمان يعني إيه؟ .. والمرسي أبو العباس ما أعرفهاش يا أونكل!!! :D منظر بوكو بعد آخر سطر عامل كده.. :mad:
النور يوسف محمد
02-06-2011, 12:06 PM
وجع ... وجع .. سيد الفرحة رجع ..

أبو أماني
و سلام يا عمك .. ( مسألة احترام ليس إلا ) ..

سؤال .. فى المناسبة

ما هي علاقة بين السفاهة و ميزات الضباط ..؟
بسم الله الرحمن الرحيم

ميز رويال
هو فى الحق قصيدة ..
هو جماع ما التقى من مجون السلطة , وزهو الشباب
وكلمات لم تكتب بعد فى سفر النبل والشرف وربما ... الفجور ..

شارع السيد عبد الرحمن ـ حيث يقع ميز رويال ـ هو تماماً كشارع الساردين المعلب
يمكن للمرء أن يجد فيه كل ما يحتاجه لينعم بالسعادة , من تبغ وطعام وخمر
والسلعة الوحيدة التى قد لا تتوفر فيه يمكن أن يلتمسها فى ردهات الميز
تدب الحياة فيه حين تهدأ حركة الكون وينتشر السكون ..
ويخلو الشارع إلا من تلك الطيور ( المابتعرف ليها خرطة ولا فى إيده جواز سفر .. )

و أبواب الميز ضاحكة دوماً , تغنى للقادمين
( الجو هدى وناموا العدى .. وساعة الوصال ما أسعده

وفى الذاكرة ذلك الهادئ ..
الذى لا يتكلم بالنهار ولا يسكت باليل
يبدأ باكراً وينتهى باكراً فنال لقب طه القرشى عن رضا وطيب خاطر
يغادرنا دوماً الى وكره محمولاً على الأعناق ـ ككل العظماء ـ
وذاك الأديب المغمور وتأتأته
التى غالباً ما تزول عند دورة الإنخاب بالآهات والنوّب ..
ثم تعود أكثر حدةً والليل يلملم أطرافه مفسحاً المجال لصبحٍ آخر ..
كان يصر أن يسمعنا مقاطع من روايات غادة السمان وعبد الرحمن منيف
ويبكى طرباً عند سماعه لعثمان حسين فى رائعته
( ولما ينقضى الليل ,,,,, وينعس ساقى الخمر )


ميز رويال ..
مدرسة فى السلوك المنتمى واللامنتمى
ذابت فيه كل الفوارق . واجتمعت فيه كل متناقضات الحياة
يرى فيه كل أحد أنه السيد والزعيم ..

لو قال سخص ٌ ما أن ساكنى هذا الميز
( مغامرون ,,, ومتهورون ,,, وحفنة صعاليك )
لكان صادقاً
ولو قال نفس هذا الشخص أنهم
( ملائكة ,,, و شرفاء ,,, ورجال أطهار,,, وقديسون )
لكان صادقاً أيضاً .. .. ثم لا يتغير المعنى فى كثير أو قليل

ـــــــــ
الباش .. إزيك ..
خربشات كتبتها يوماً ما هذا الميز .. ولى عودة لجوهر الموضوع
imported_قيقراوي
02-06-2011, 01:02 PM
الله لازم يريد ياقدع ..ولازمن تجيني صاد وضاد وكل حروف الهجاء إت قائل روحك هيين ولا مكطوع ليين؟إت يابا جوه الضلوع متوهط وحتى خلال غيبتي دي كلها ماغبت من خيالي ولا لحظة ولا خلااااس نسيت أيام طفولتنا بحضن سودانيات؟.

جد ليك وحشة يا ظريف ويارييييييت يا أ أأ ااارييييت ..إنتا تعرف حنيني إليك ياااا ريتك .. لك خالص مودتي يا عثل..:cool:

العزيزة جيجي .. يا أخي إنتى عثل ينقط وأي جمال قدامك قرد ينطط.. أسكتي عليك الله ما تخلي الواحد فينا يفك آخرو ..لكي مودتي الصادقة .. يلا تشششاااوووgoood

حولتاااااااان
اظنو من شدة الشوق لمن المشاعر اتداخلن ذاتو:D
ما عرفت افرز حقتي من حقتك ...

اسي الكلام لدبل جي دا حقي و لّ حقك؟looool
و لّ نتفق انو مننا اللتنين مشترك؟
نفس الشعور و الله ..
لك انت لسانك خفيف بس ... فكيت آخرنا سريع سريع:D

سئلي الله متوحشنك بزاف بزاف .. او كما قالت المغربية اللت محسن خالد
imported_أبو أماني
04-06-2011, 04:45 PM
اقتباس:
المشاركة الأصلية كتبت بواسطة النور يوسف محمد http://sudanyat.org/vb/images/buttons/viewpost.gif (http://sudanyat.org/vb/showthread.php?p=378609#post378609)
بسم الله الرحمن الرحيم

ميز رويال
هو فى الحق قصيدة ..
هو جماع ما التقى من مجون السلطة , وزهو الشباب
وكلمات لم تكتب بعد فى سفر النبل والشرف وربما ... الفجور ..

شارع السيد عبد الرحمن ـ حيث يقع ميز رويال ـ هو تماماً كشارع الساردين المعلب
يمكن للمرء أن يجد فيه كل ما يحتاجه لينعم بالسعادة , من تبغ وطعام وخمر
والسلعة الوحيدة التى قد لا تتوفر فيه يمكن أن يلتمسها فى ردهات الميز
تدب الحياة فيه حين تهدأ حركة الكون وينتشر السكون ..
ويخلو الشارع إلا من تلك الطيور ( المابتعرف ليها خرطة ولا فى إيده جواز سفر .. )

و أبواب الميز ضاحكة دوماً , تغنى للقادمين
( الجو هدى وناموا العدى .. وساعة الوصال ما أسعده

وفى الذاكرة ذلك الهادئ ..
الذى لا يتكلم بالنهار ولا يسكت باليل
يبدأ باكراً وينتهى باكراً فنال لقب طه القرشى عن رضا وطيب خاطر
يغادرنا دوماً الى وكره محمولاً على الأعناق ـ ككل العظماء ـ
وذاك الأديب المغمور وتأتأته
التى غالباً ما تزول عند دورة الإنخاب بالآهات والنوّب ..
ثم تعود أكثر حدةً والليل يلملم أطرافه مفسحاً المجال لصبحٍ آخر ..
كان يصر أن يسمعنا مقاطع من روايات غادة السمان وعبد الرحمن منيف
ويبكى طرباً عند سماعه لعثمان حسين فى رائعته
( ولما ينقضى الليل ,,,,, وينعس ساقى الخمر )


ميز رويال ..
مدرسة فى السلوك المنتمى واللامنتمى
ذابت فيه كل الفوارق . واجتمعت فيه كل متناقضات الحياة
يرى فيه كل أحد أنه السيد والزعيم ..

لو قال سخص ٌ ما أن ساكنى هذا الميز
( مغامرون ,,, ومتهورون ,,, وحفنة صعاليك )
لكان صادقاً
ولو قال نفس هذا الشخص أنهم
( ملائكة ,,, و شرفاء ,,, ورجال أطهار,,, وقديسون )
لكان صادقاً أيضاً .. .. ثم لا يتغير المعنى فى كثير أو قليل

ـــــــــ
الباش .. إزيك ..
خربشات كتبتها يوماً ما هذا الميز .. ولى عودة لجوهر الموضوع



والله يا باش .. حقيقي سعادتو قدر ليك تب .. ما أحلى النظر (للنصف المليان) من الكوب! :D يجازي محنك يا سعادتو .. أبو حسبو الله يرحمه ما قدم مرافعة زي دي .. عموما تسلموا ليا يا عجب عيني .. و.. تشششاااوو إلى حين ..
imported_AMAL
04-06-2011, 05:08 PM
ابوها
شووق ياشخص هنا وهناك
كل الفجج ياخينا
ومحبة عارفا برااك
كالعادة متألق وسارق الكاميرا عدييل

وخستكاتك لمن مخستكة :D

بجيك بروقةاخستتك معاك خستكة فاهمة
بس مابتلحق اللت النور اخوي
دي خستكتك الماخستكة كيفlooool

سلام للحبان هنا
من قيقا وصاعدا
بالعمر ياشباب
imported_أبو أماني
04-06-2011, 06:12 PM
اقتباس:
المشاركة الأصلية كتبت بواسطة AMAL http://sudanyat.org/vb/images/buttons/viewpost.gif (http://sudanyat.org/vb/showthread.php?p=379483#post379483)
ابوها
شووق ياشخص هنا وهناك
كل الفجج ياخينا
ومحبة عارفا برااك
كالعادة متألق وسارق الكاميرا عدييل

وخستكاتك لمن مخستكة :D

بجيك بروقةاخستتك معاك خستكة فاهمة
بس مابتلحق اللت النور اخوي
دي خستكتك الماخستكة كيفlooool

سلام للحبان هنا
من قيقا وصاعدا
بالعمر ياشباب



والله يا أمال مشتاقين لكلامك العذب وحديثك البيسر البال ويخيل لي خستكاتك تقول لسعادتو النور يوسف إت بتعرف شنو يا يابا .. من جبيل عامل لينا فيها أبو عرام أها يا ود حشاي .. جاك ال..(الباتسري) القدر عشاك ... أمال عليو ..:D
imported_أشتر
06-06-2011, 06:26 AM
http://www.sudanyat.org/upload/uploads/abuamani.jpg
عكــود
06-06-2011, 06:48 AM
أشتر عليك الله إتوسّط لي* عند أبو أماني ده عشان يرد على مداخلتي الفشّق واتعدّاها دي!

* لبابكر عبّاس الحق في صرف واحد "حنّنتني".
imported_جيجي
06-06-2011, 07:08 AM
أشتر عليك الله إتوسّط لي* عند أبو أماني ده عشان يرد على مداخلتي الفشّق واتعدّاها دي!

* لبابكر عبّاس الحق في صرف واحد "حنّنتني".حتى انت ياعمدة:eek:
انا حالتوا صاحبك الزوول قلت قتاتة شايقية ساي:)
والله حننتني:D بالانابة عن عدوي بابكرعباس
imported_أشتر
06-06-2011, 07:40 AM
أشتر عليك الله إتوسّط لي* عند أبو أماني ده عشان يرد على مداخلتي الفشّق واتعدّاها دي!

* لبابكر عبّاس الحق في صرف واحد "حنّنتني".
ح يرد عليك بعد يخلّص سندويتشو ...


http://www.sudanyat.org/upload/uploads/abuamani2.jpg
imported_أشتر
06-06-2011, 07:44 AM
http://www.sudanyat.org/upload/uploads/abuamani3.jpg

كم أحترم فيك الانسان الذي تحمل
وأنت تحاول جاهداً زرع ابتسامة
في عتامير الناس وبور المهاجرين
في سبيل ما ...


احترامي الذي لا تعلم ... لحدت وين ...
imported_أبو أماني
06-06-2011, 09:24 PM
اقتباس:
المشاركة الأصلية كتبت بواسطة أشتر http://sudanyat.org/vb/images/buttons/viewpost.gif (http://sudanyat.org/vb/showthread.php?p=380013#post380013)
http://www.sudanyat.org/upload/uploads/abuamani3.jpg


كم أحترم فيك الانسان الذي تحمل
وأنت تحاول جاهداً زرع ابتسامة
في عتامير الناس وبور المهاجرين
في سبيل ما ...


احترامي الذي لا تعلم ... لحدت وين ...




إحترامك على عيني ورأسي بث كتر خيرك بالصورة المخستكة دي شمّت فيني أبو النسب عكود شايفو حمبك عشان فطيتو ورديت على (ستنا)..والله القال عليك أشتر ماكضب .. تصوور لما شفت الصورة تعاطفت من كل قلبي مع الساندويتش.. تقول لي .. الفك المفترس؟؟.. عكود .. النور خلااااس إنبسطتو؟ أهو ترافولتا بتاعكم طلع (دراكيولا) يا شماتة أبلة ظاظا فيا مردودة ليك في الأفراح يا (بايريكس الجنس الخشن)..:D
imported_أبو أماني
14-06-2011, 06:48 PM
* الضحك من عمق المآساة *
* إنتشرت ظاهرة وجود تلوث بيئي وأتربة وترسبات في ماء الشرب من الحنفية مباشرة .. بل كثير من الناس رصدوا ديدان صغيرة في ماء الشرب .. مما يؤكد حقيقة أن حكومة الإنقاذ لم تقصر مع الشعب السوداني (الفضل) .. وسقتو الموية (بدودها)!!!!.;)
* شاهد الشاب (الظريف)! زميلته الحسناء تقف أمام كافيتيريا .. ممسكة بكاسة آيسكريم .. فتقدم منها وبكل ثقة قال لها : يا آنسة عاوز أطلب منك طلب .. بس خايفك تفهميني غلط.. فقالت له مبتسمة واثقة لا أبدا والله .. إتفضل أطلب .. فقال لها : ممكن تديني (لحسة) فضحكت ومدت له الآيسكريم .. فرد عليها محبطا .. مش قلت ليك حا تفهميني غلط؟؟؟
* كان المصري يسير خلف حسناء في الطريق العام .. وكانت ذات خلفية تاريخية مهولة وخصرا يحاكي الخاتم .. وقواما أملودا فارعا .. من النوع الذي يقول عليه الحناكيش .. يااااااي .. يجنن..! وكان يلاحقها من الخلف بسرعة محاولا رؤيتها من الأمام .. ويقول لها .. يا جمال النبئ .. يا جمال الله .. يا جمال الرسول .. وعندما إلتفتت إليه كان وجهها قريب الشبه من وجه أبو أماني .. فأشاح بوجهه عنها وهو يقول .. يا جمال عبد الناصر! ..
* أهي مصادفة أن يطلق علينا نحن لقب العالم الثالث؟ .. ويطلق على موجة الشباب الفاشل المتنمص لقب .. الجنس الثالث؟ أم ترانا نبحر معهم على ذات القارب ؟؟؟
* أشعر أحيانا بأنني كذلك الفيلسوف (المطوفش) الذي كان يحمل فانوسا مضيئا في رابعة النهار بحثا عن الحقيقة !!
* قال الشاعر .. من لم يعانقه شوق الحياة .. أخير ليو يرجى نورا .. :confused:
يلا تشششااااو . . في زهجة أخرى ... :D
imported_أبو أماني
21-06-2011, 05:50 PM
اقتباس:
المشاركة الأصلية كتبت بواسطة أبو أماني http://sudanyat.org/vb/images/buttons/viewpost.gif (http://sudanyat.org/vb/showthread.php?p=382791#post382791)
* الضحك من عمق المآساة *

* إنتشرت ظاهرة وجود تلوث بيئي وأتربة وترسبات في ماء الشرب من الحنفية مباشرة .. بل كثير من الناس رصدوا ديدان صغيرة في ماء الشرب .. مما يؤكد حقيقة أن حكومة الإنقاذ لم تقصر مع الشعب السوداني (الفضل) .. وسقتو الموية (بدودها)!!!!.;)
* شاهد الشاب (الظريف)! زميلته الحسناء تقف أمام كافيتيريا .. ممسكة بكاسة آيسكريم .. فتقدم منها وبكل ثقة قال لها : يا آنسة عاوز أطلب منك طلب .. بس خايفك تفهميني غلط.. فقالت له مبتسمة واثقة لا أبدا والله .. إتفضل أطلب .. فقال لها : ممكن تديني (لحسة) فضحكت ومدت له الآيسكريم .. فرد عليها محبطا .. مش قلت ليك حا تفهميني غلط؟؟؟
* كان المصري يسير خلف حسناء في الطريق العام .. وكانت ذات خلفية تاريخية مهولة وخصرا يحاكي الخاتم .. وقواما أملودا فارعا .. من النوع الذي يقول عليه الحناكيش .. يااااااي .. يجنن..! وكان يلاحقها من الخلف بسرعة محاولا رؤيتها من الأمام .. ويقول لها .. يا جمال النبئ .. يا جمال الله .. يا جمال الرسول .. وعندما إلتفتت إليه كان وجهها قريب الشبه من وجه أبو أماني .. فأشاح بوجهه عنها وهو يقول .. يا جمال عبد الناصر! ..
* أهي مصادفة أن يطلق علينا نحن لقب العالم الثالث؟ .. ويطلق على موجة الشباب الفاشل المتنمص لقب .. الجنس الثالث؟ أم ترانا نبحر معهم على ذات القارب ؟؟؟
* أشعر أحيانا بأنني كذلك الفيلسوف (المطوفش) الذي كان يحمل فانوسا مضيئا في رابعة النهار بحثا عن الحقيقة !!
* قال الشاعر .. من لم يعانقه شوق الحياة .. أخير ليو يرجى نورا .. :confused:
يلا تشششااااو . . في زهجة أخرى ... :D



* تسآءلت الجدة وهي تعاني من إرتفاع الأسعار الخيالي وشظف العيش في بلد قيل عنه (زورا وبهتانا) بأنه سلة غذاء العالم!.. قالت الجدة .. إتو يا ناس الله البلد دي ما فوقها ميدان تحرير؟ .. فرد عليها الجد ساخرا ..ميدان التحرير موجود من أكتوبر 64 يا وليه بس المرة دي البيجي بيلقي ورقة مكتوب عليها (حضرنا ولم نجدكم)!.

* قال لي فيلسوف المدينة..قذافي إضطهد شعبه.. وبن على تجاهل شعبه..وعلــى صالح إستهبل شعبه .. وحسني سرق شعبه .. فماذا فعل البشير؟ فقلت له والحق يقال لم يعمل شئ! ..فقال لي ضاحكا بسخرية مريرة .. إذن لا بد من التغيير..!.

* أنهت الحاجة صلاتها .. ورفعت كفيها للسماء داعية ضارعة مطالبة ربها بأن يولي من يصلح ويخافه!.. ثم إستطردت .. ولكن قبل ذلك إقتص لنا من هؤلاء!

* من عشوائيتنا السودانية .. أن يعيش الأحياء منا في أطراف المدن كالشقلة عوج الدرب .. والدروشاب والدخينات وغيره .. بينما يدفن الأموات على كورنيش النيل!

* ومن سخرية الأقدار أن يكون لنا بالعاصمة شارعا رئيسيا يحمل إسم (الحرية) وهو يؤدي لحي يسمى ب .. (السجانة)..!!!


* أجمل ما سمعت .. مقولة الشيخ الشهيد الدكتور محمود طه حين سئل عن رائيه في الشعب السوداني فقال بإيجاز .. شعب عملاق يتقدمه .. أقزام ..!.


* ختاما نطالب وبإلحاح .. بالتغيير .. ولكن ليس قبل أن يتوفر لنا البديل المناسب الموثوق به .. وأخشى أن أسمع سرا من يقول .. إرجى نورا .. يلا تشششاااووو :D