بوست مفتوح [الأرشيف] - سودانيات .. تواصل ومحبة

مشاهدة النسخة كاملة : بوست مفتوح

imported_محمد مصطفي

31-05-2011, 05:51 AM

البوست ده حاجز بيهو مكان
خلوهو مفتوح لحدي ما واطاتنا تبقي صباح واجيكم صاد
ولي في الخاطر كلام ..............

احتمال تكون في صور ... علي حسب يعني

imported_محمد مصطفي

31-05-2011, 06:00 AM

ناصر يوسف

31-05-2011, 06:47 AM

قبل كل شئ يا ناس الادارة انا مفروض متوقف شهر
لكن زدتوني من الشهر يومين .................
ما اختلفنا ولا داير تعويض
لكن اليومين ديل تصروهم لي للوقفة الجاية ;)
وده حق .... عشان ما تاكلونا حنك ساي :rolleyes:
يوميييييييييييييين يا مفتريين ... الشهر ده كلو ما كفاكم :mad:

يومين بس ؟؟!!! أها وأنا أضفت ليهم تاني كمان ساعتين
جيت فيهن جيت
ما جيت بضيف ليها كمان دقيقتين
جيت بعدهن جيت ما جيت
حأضيف ليها ثانيتين
جيت بعدهن جيت
ما جيت حأضيف ليها برهتين من الترقب والإشتياق
محمد مصطفي
كيفنك
حقيقي مشتاق لي قلمك وليم إنت ذاتك
أبقي داخل

imported_nezam aldeen

31-05-2011, 06:48 AM

احسن اخش اسلم قبل الزحمة
‏
اصلو الزحمة نهائي مافيها الرحمة

الرشيد اسماعيل محمود

31-05-2011, 07:32 AM

سلامات يا محمّد..
عوداً حميداً يا زول..

imported_فيصل سعد

31-05-2011, 07:57 AM

مرحب يا محمد مصطفى و حمد الله سلامة
يا زول يا كلس يا جميل..ليك وحشة يشهد الله ..
طاب مقامك اخا عزيزا و زميلا فاضلا ..

imported_همس الشوق

31-05-2011, 08:11 AM

محمد ازيك وعودا حميدا
ويا ريت ترمي اي شي وراء ظهرك
وترجع ليك محمد مصطفى البنعرفوا

تحياتي

مي هاشم

31-05-2011, 08:48 AM

حمداً لله على السلامة..
بركة الرجعة..

عكــود

31-05-2011, 09:29 AM

سلامات يا محمّد،

مكانك بيننا!

imported_طارق صديق كانديك

31-05-2011, 09:33 AM

imported_عادل عسوم

31-05-2011, 10:07 AM

مرحبا بك عزيزي محمد مصطفى
لاباس ياحبيب
عوّض اليومين ببذرتي ايجاب من كلم أخضر يضيف لأعمارنا سنوات...
كن دوما بخير ياعزيزي

اسمر

31-05-2011, 10:15 AM

بابكر مخير

31-05-2011, 11:26 AM

قالوا؛ شافع الرباطاب واقف قدام بيتهم يبكي،،، مرآ عليهو زولن كدآ وسأل الشافع، الببكيكا شنهو،،
الشافع قال: أبويا دقاني،، الزول إستمر في السؤال لمن شافعنا، جاتهو الحالة "تخصص الرباطاب" وردآ عليهو:
في ياهو جنث تحشرك دآ..
دحن يابا اليومين ديلآ كانو........
في جنث دآ ;);)

imported_ام التيمان

31-05-2011, 11:32 AM

و الله يا مصطفى الحلة
مسييييييييييييييخة
من دونك looool

عبدالمنعم الطيب حسن

31-05-2011, 12:22 PM

الف مرحب عودة
الحبيب محمد مصطفي
مكانك شواغر
انداح

imported_مرافي

31-05-2011, 12:38 PM

البوست ده حاجز بيهو مكان
خلوهو مفتوح لحدي ما واطاتنا تبقي صباح واجيكم صاد
ولي في الخاطر كلام ..............

احتمال تكون في صور ... علي حسب يعني

اهلين ومية هلا
الجابك يجيب عقابك..:D :D

imported_جيجي

31-05-2011, 01:49 PM

ابو الزمل
ياخ دا اعتقاال تحفظي ساي

imported_سارة

31-05-2011, 02:43 PM

علي الحرام انت رجل والرجال قليل
ياخ انا عافية منك وراضية عليك
وبتى مبروكة عليك وان شاء الله تتهنى

معتصم الطاهر

31-05-2011, 06:04 PM

اقتباس:
المشاركة الأصلية كتبت بواسطة محمد مصطفي http://sudanyat.org/vb/images/buttons/viewpost.gif (http://sudanyat.org/vb/showthread.php?p=377661#post377661)
البوست ده حاجز بيهو مكان

يا خوى ما كفاية حجز !!!!

imported_سارة

31-05-2011, 06:13 PM

imported_محمد مصطفي

31-05-2011, 08:36 PM

اقتباس:
المشاركة الأصلية كتبت بواسطة ناصر يوسف http://sudanyat.org/vb/images/buttons/viewpost.gif (http://sudanyat.org/vb/showthread.php?p=377666#post377666)
يومين بس ؟؟!!! أها وأنا أضفت ليهم تاني كمان ساعتين
جيت فيهن جيت
ما جيت بضيف ليها كمان دقيقتين
جيت بعدهن جيت ما جيت
حأضيف ليها ثانيتين
جيت بعدهن جيت
ما جيت حأضيف ليها برهتين من الترقب والإشتياق
محمد مصطفي
كيفنك
حقيقي مشتاق لي قلمك وليم إنت ذاتك
أبقي داخل

حبيب الكل وصديقي العزيز .... الرجل الابيض الانساني / ناصر يوسف
ياخ منك اتا اي حاجة مقبولة يومين بس ... يمين نحن نقسم عمرنا نصين ونديك ليهو
بس داير لي شبكة مع ناس الادارة وقلتا اطلعن مطالبين قمت لقيت لي مساكة وخشيت بيها
لكن عاد امسكو منو في الادارة وابقو ليهو في حلقو
كل ما تمسك زول تلقاهو احلي من التاني ... اقتلو قلبك .. الشكية لي الله عاد :D

imported_محمد مصطفي

31-05-2011, 08:40 PM

اقتباس:
المشاركة الأصلية كتبت بواسطة محي الدين عوض نمر http://sudanyat.org/vb/images/buttons/viewpost.gif (http://sudanyat.org/vb/showthread.php?p=377667#post377667)
احسن اخش اسلم قبل الزحمة
‏
اصلو الزحمة نهائي مافيها الرحمة

حبابك والله يا محي الدين ....
اشرب شرباتك وابقي ركن .. احتمال تكون في خستكة وكده
اي عنكبة بدت في الرقراق اقع الحيطة القصيرة وقول تلللللللللللللب :D
باقي زحمة سودانيات بتولد شرار ... وبتجيب النار .. ومافينا قلباً بطفيها :p
ابقي طيب

imported_محمد مصطفي

31-05-2011, 08:43 PM

اقتباس:
المشاركة الأصلية كتبت بواسطة الرشيد اسماعيل محمود http://sudanyat.org/vb/images/buttons/viewpost.gif (http://sudanyat.org/vb/showthread.php?p=377678#post377678)
سلامات يا محمّد..
عوداً حميداً يا زول..

يا هلا بي ناس الدمازين حبااااااااااااااااااااااابكم
ياخ بالمناسبة اتا الادارة شالتك مننا ... ما تقولي لا
وين كتاباتك ياخ وسهرك الجميل داك .. ما ترمي اللوم علي عويناتك
من يومك ولابس نضارة يعني ماهو جديد عليك
وبعدين ان بقيتن ماك داير تشوف بيهن هسع عاد موفرن لي متين :D
عموماً بنديك فرصة لااااااااااامن تعرس .. وتعرف السكة looool وتعال كمل باقي شوفك هنا :D
ثم انو ..........
مشتاقين كتير يا صديقي :cool:

imported_محمد مصطفي

31-05-2011, 08:48 PM

اقتباس:
المشاركة الأصلية كتبت بواسطة فيصل سعد http://sudanyat.org/vb/images/buttons/viewpost.gif (http://sudanyat.org/vb/showthread.php?p=377683#post377683)
مرحب يا محمد مصطفى و حمد الله سلامة
يا زول يا كلس يا جميل..ليك وحشة يشهد الله ..
طاب مقامك اخا عزيزا و زميلا فاضلا ..

فيصل يا ابن عمي ....
الشوق ليك والوحشة والله
اليومين دي الدنيا ولعت عندنا .. واولاد البيضاء ديل حالفين بالتقطعن ما ادونا اجازة
كان اقلاها ياخ الزول انعم ببرودة جوكم .. وبي دفاكم .. وامتع نظرو بي شوفتكم
وقالو لي برامجكم في الصيف ده ما ليها مثيل .. يمين الله سبقتونا عديل كده
غايو بلدن دي رغم انها كبيرة كده ... سايقنها علي مستوي الفن .. نفرين بس
وكانو هوم لوست .. في الوسط الفني في السودان :D
كل الود يا صديقي

imported_wageeda

31-05-2011, 08:54 PM

محمدو
ازيك وحمدللالك بالسلامة
اسمع اليوميين الزودتهم الادارة خليهم يعملوا ليك بيهم ورقه ;)
علشان اكان رجعت ابو زعبل تطلع بحسن سير وسلوك :D
وخصم حمسين في المائه :D:eek:

imported_محمد مصطفي

31-05-2011, 09:02 PM

اقتباس:
المشاركة الأصلية كتبت بواسطة همس الشوق http://sudanyat.org/vb/images/buttons/viewpost.gif (http://sudanyat.org/vb/showthread.php?p=377688#post377688)
محمد ازيك وعودا حميدا
ويا ريت ترمي اي شي وراء ظهرك
وترجع ليك محمد مصطفى البنعرفوا

تحياتي

هموسة ... سلامات يا قلب
وبركة العودة للديار العربية
قالو في طريق العودة وقفتو تشربو قهوة في حتة كده :D
اقوم ناس الحتة ديك اجوك الاعمي شايل المكسر :p
وعلي راسهم شخصية فنية كبيرة ذات تاثير واضح في عالمنا الاسفيري looool
اها انشاءالله اكون لاقوك واديتيهم الفاتحة ... اكيد بكون فيهم قال داير حجاب :p
كل الود يا عزيزة ... لكن بطني غريييييييقة :D باقي فيني عرق حسانية
والحسانية ديل ناس وحاتي تشمها ...
سمعتي بيها .. طبعاً
ديل قالو ليك جعلي وحساني بتفاخرو بي سكاكينن
قام الجعلي مسك ليهو غصن شدر بي سكينو وطق قطعو .. بفتخر انو سكينو سنينة
اقوم الحسانية امد ليهو السكين واقول ليهو وحاتي كان تشمها
الجعلي قرب السكين من نخرتو ... الحساني تف قطع ليهو نخرتو نزلا ليهو في الوطة
اها قال ليهو شفتها سنينة كيف :D:D

imported_محمد مصطفي

31-05-2011, 09:06 PM

اقتباس:
المشاركة الأصلية كتبت بواسطة مي هاشم http://sudanyat.org/vb/images/buttons/viewpost.gif (http://sudanyat.org/vb/showthread.php?p=377702#post377702)
حمداً لله على السلامة..
بركة الرجعة..

مي هاشم ... اختنا الغالية
اولاً والله ليك وحشة ... كيفك وكيف الحلوين الصُغار وناس البيت
شفتك وانا بتاوق من خلف الاسوار :D... حضورك جميل وفرحان بيهو
قربنا نرجع انشاءالله للبلد ... وزيارتك واجبنا ... زي شيخي العبيد
وبعدين اتي زااااااااااااتك شيخة ... غايتو الفسحة القدام بيتكم كان صدقوها ليك مسيد
ياني البقيت ليك حوار :D

imported_محمد مصطفي

31-05-2011, 09:13 PM

اقتباس:
المشاركة الأصلية كتبت بواسطة عكــود http://sudanyat.org/vb/images/buttons/viewpost.gif (http://sudanyat.org/vb/showthread.php?p=377718#post377718)
سلامات يا محمّد،

مكانك بيننا!

العمدة ... عكود .. تحياتي يا جميل
وعُمرة مقبولة باذن الله ............
الايام بكون في حالة صفاء نفسي .. وروحك باسمة وفرحانة :D
انشاءالله دائماً .. قبل كده قلت لي كانديك نفسي امشي اعمل عُمرة في شهر العسل :p
خالف تُذكر ...
اها خطرت لي فكرة اصطياد عصفورين بي حجر ..
قلت عمرة نعلن عنها ونسميها عُمرة البورداب لكل اعضاء سودانيات بعوائلهم
يعني ناس الرشيد ديل ما اتابعونا :p
اها وتكون لمة في رحاب الحرم المكي ... ونزور حبيبنا المصطفي .. طالما اتحاببنا في الله
كل الود يا صديقي

imported_محمد مصطفي

31-05-2011, 09:23 PM

اقتباس:
المشاركة الأصلية كتبت بواسطة طارق صديق كانديك http://sudanyat.org/vb/images/buttons/viewpost.gif (http://sudanyat.org/vb/showthread.php?p=377719#post377719)
:D:D

مع مراعاة فروق الشوق :)

ايوااااااااا اجدع لي وشين خضر ... وابتسامة واقتل بيها قلبي الحابيك ده :D
يعني المعني اليومين ديل عشان تصلو الحد للاقصي للشوق .. وتلاقونا بي لهفة
طيب كان تخلي اشتر ده اعمل لينا لون المنتدي ده ريحاني :p
هسع طبعاً يوميني ديل مسئولية اشتر
واتا عارف انا ما بقدر اهابشو في الحتة دي
لانو احتمال كبير اقوم اعمل لي حركة تاني كمبيوتري زاتو ما اقدر الم في الموقع
عشان كده عوضي علي الله ...
عموماً هاك دي ... دليل محبة ... عارف بسكرك كيف :p

http://www.youtube.com/watch?v=ak5Ix5ab4N4&feature=related (http://www.youtube.com/watch?v=ak5Ix5ab4N4&feature=related)

imported_محمد مصطفي

31-05-2011, 09:26 PM

اقتباس:
المشاركة الأصلية كتبت بواسطة عادل عسوم http://sudanyat.org/vb/images/buttons/viewpost.gif (http://sudanyat.org/vb/showthread.php?p=377737#post377737)
مرحبا بك عزيزي محمد مصطفى
لاباس ياحبيب
عوّض اليومين ببذرتي ايجاب من كلم أخضر يضيف لأعمارنا سنوات...
كن دوما بخير ياعزيزي

ياخ مرحب بيك يا عسوم ... ومرحب بي عودتك كمان
والله طمنتني ... وهانن علي يوميني :D
بقراك والله من خلف الكواليس كلام سمح شديد وقولك اطمن
قلمك زول وهاج ... ما بمعني ادروب يعني :p .. لكن خلقهو دائماً مسنون
وارسم بيهو من قولك كل جميل .. تلقان حضوراً عنده
دمت يا صاحب

imported_محمد مصطفي

31-05-2011, 09:32 PM

اقتباس:
المشاركة الأصلية كتبت بواسطة اسمر http://sudanyat.org/vb/images/buttons/viewpost.gif (http://sudanyat.org/vb/showthread.php?p=377741#post377741)
محمد مصطفي

حمدلله علي السلامة يا حبيبنا

اسمر يا اسمر ... سلامات وشوق يا صاحب
ياخي وجودك مُريح ... واطلالتك بلسم ....
غايتو اليومين الجايا دي بعصر عليك تعلمني شوية حاجات كده
ممكن اغمت ليك ... لكن ما قدام ناس الادارة ديل :D البيع والشراء لا يجوز علي صفحات المنبر :p

تسلم اخوي

imported_محمد مصطفي

31-05-2011, 09:35 PM

اقتباس:
المشاركة الأصلية كتبت بواسطة بابكر مخير http://sudanyat.org/vb/images/buttons/viewpost.gif (http://sudanyat.org/vb/showthread.php?p=377778#post377778)
قالوا؛ شافع الرباطاب واقف قدام بيتهم يبكي،،، مرآ عليهو زولن كدآ وسأل الشافع، الببكيكا شنهو،،
الشافع قال: أبويا دقاني،، الزول إستمر في السؤال لمن شافعنا، جاتهو الحالة "تخصص الرباطاب" وردآ عليهو:
في ياهو جنث تحشرك دآ..
دحن يابا اليومين ديلآ كانو........
في جنث دآ ;);)

هههههههههههههههههههههههه
اتا يا عمنا هسع كان لكزتني اليوم داك بي رسالة داخلية مش صلحتا الموضوع كلو :D
حتي لو ما اقتنعتا كان احترام ساي لفارق السن وكده بعمل وفقاً لرؤيتك :p وده ما كسير تلج
بس بُكاء علي الاطلال :D

تسلم يا كبير ... وربنا اديك الصحة والعافية

imported_محمد مصطفي

31-05-2011, 09:40 PM

اقتباس:
المشاركة الأصلية كتبت بواسطة ام التيمان http://sudanyat.org/vb/images/buttons/viewpost.gif (http://sudanyat.org/vb/showthread.php?p=377782#post377782)
و الله يا مصطفى الحلة
مسييييييييييييييخة
من دونك looool

يا امهم ... بلداً انتي فيها ما بتمسخ وحاتك :cool:
بس اليومين الفاتو ديل شايفك قبلتي علي الاديان وعصرتي عليها شديد
عموماً كل انسان بكتب وفقاً لرؤية معينة واقتناع ... لكن بجيك بهناك
اها نبقي هنا ....
الايام كاتلني الشوق لزيادة كلسترول .. في قندهار شايفكم مطنشنها اليومين دي
علي فكرة آخر رحلة قندهارية .. مسجل ليك في كلام حلو قلتيهو لو بتتذكري
لو قلتي انزلو هنا بنزلو
ولو قلتي لا .... برضو بنزلو :p

imported_محمد مصطفي

31-05-2011, 09:45 PM

اقتباس:
المشاركة الأصلية كتبت بواسطة عبدالمنعم الطيب حسن http://sudanyat.org/vb/images/buttons/viewpost.gif (http://sudanyat.org/vb/showthread.php?p=377813#post377813)
الف مرحب عودة
الحبيب محمد مصطفي
مكانك شواغر
انداح

الحبيب عبدالمنعم ....
شواغر ياخ حياتنا نحن بدونكم ... اعلم الله من كُتر المتاوقة الواحد جاتو فليتة :D
لا ومرات بكون في موضوع اثيرك لما تنسي نفسك وتخش علي الرد
تجيك رسالة من اشتر .. تقول ليك اتا محظور يا مان .. اللقافة ليك شنو :p
تجمع ايدك براااااااااااحة زي الزول الداير اسرق ليهو شئ وفي زول شافو :D
غايتو جنس حالة

كل الود

imported_محمد مصطفي

31-05-2011, 09:50 PM

اقتباس:
المشاركة الأصلية كتبت بواسطة مرافي http://sudanyat.org/vb/images/buttons/viewpost.gif (http://sudanyat.org/vb/showthread.php?p=377831#post377831)
اهلين ومية هلا
الجابك يجيب عقابك..:D :D

اوووووووووو مرافينا
اولاً مبروك عليك التكليف وربنا يسدد خطاكم
كده الزول ضمن ليهو خط دفاع داخلي وكده :D
تاني نشاكل بي قلب قوي .. :p
اما اذا دار محور سؤالكم عن عقابنا فهو بخير وصحة جيدة
لا ينقصه شئ الا عدم رؤياي العزيزة لديه :D
غايتو تقريباً هو المفروض متضامن .. لكن ما عارف كان داير اسوق فيها
بكون داير ليهو بوست مناداة ... انا عارف الحمام ما بتجيبو الا موية السكر :D
وحمامي ده خليهو ساي .. كان ما جابتو موية السكر بنحلف عليهو طلاق .. وحتماً حا اجي بين الطاء واللام :p

imported_محمد مصطفي

31-05-2011, 09:55 PM

اقتباس:
المشاركة الأصلية كتبت بواسطة جيجي http://sudanyat.org/vb/images/buttons/viewpost.gif (http://sudanyat.org/vb/showthread.php?p=377875#post377875)
ابو الزمل
ياخ دا اعتقاال تحفظي ساي

عاد لكن تحفظي قدر ده ... الادارة شكلهم كيزان ... واعتبروني ترابي المنتدي :D
وبعدين اتي يا كافي البلاء .. حركة بتاعت تضامن ساي مافي منك :mad:
غايتو الفيك اتعرفت يا صديقتي ...
بهدي ليك اغنية احظرني وتأمل ... امكن قولي اكمل :D
سهرة الخميس محجوزة ... ما القاكم سبقتوني اتي وودعثمان :)

imported_محمد مصطفي

31-05-2011, 10:00 PM

اقتباس:
المشاركة الأصلية كتبت بواسطة سارة http://sudanyat.org/vb/images/buttons/viewpost.gif (http://sudanyat.org/vb/showthread.php?p=377887#post377887)
علي الحرام انت رجل والرجال قليل
ياخ انا عافية منك وراضية عليك
وبتى مبروكة عليك وان شاء الله تتهنى

علي بالطلاق عشان كلامك حقو الزول اتحظر تاني شهر :D حماس بس
ياخ عفوك ورضاك ده بسعدني جداً ...
وبتك دي يمين بالله حاسي انو ربنا عايز اعوضني بيها عن شقا السنين :cool:
الفوق دي لي بتك ودي ليك اتي :cool::cool:
وللام فوق حظ البنت :D
اها الزهور فتحت وانتهت اخبار الحساسية شنو :confused:
يا رب تكون اتلاشت
ربنا يديك الصحة والعافية ويحفظك من كلا بلاء

imported_محمد مصطفي

31-05-2011, 10:04 PM

اقتباس:
المشاركة الأصلية كتبت بواسطة معتصم الطاهر http://sudanyat.org/vb/images/buttons/viewpost.gif (http://sudanyat.org/vb/showthread.php?p=377960#post377960)
اقتباس:
المشاركة الأصلية كتبت بواسطة محمد مصطفي http://sudanyat.org/vb/images/buttons/viewpost.gif (http://sudanyat.org/vb/showthread.php?p=377661#post377661)

يا خوى ما كفاية حجز !!!!

هههههههههههههههههههههههههههاي
ااااااااااااااااااي يا بطني ..........
ياخ والله دي قوية ... خليتني غايتو اضحك لما خلعتا الناس المعاي
تسلم يا باش
عاد نسوي شنو الزول بحجز محل سمحو :D
وبعدين انا حجزتا شنو :confused: ياهو بس البوست ده والبوست داك looool:D

imported_محمد مصطفي

31-05-2011, 10:08 PM

اقتباس:
المشاركة الأصلية كتبت بواسطة وجيدة http://sudanyat.org/vb/images/buttons/viewpost.gif (http://sudanyat.org/vb/showthread.php?p=377999#post377999)
محمدو
ازيك وحمدللالك بالسلامة
اسمع اليوميين الزودتهم الادارة خليهم يعملوا ليك بيهم ورقه ;)
علشان اكان رجعت ابو زعبل تطلع بحسن سير وسلوك :D
وخصم حمسين في المائه :D:eek:

اوووووو وجيدة الحبيبة
ناس الادارة ديل ما بكتبو علي رقبتن حاجة .. بحبو اكونو في السيف صايد
لكن انا قلتا اشهد عليهم خلق الله :D
اي حركة حصلت كان وقفوني شهر ... اقول ليهم معناها 28 عشرين يوم
لكن برضو ما مضمونين .. احتمال اجو اوقفوني شهر اقومو اقولي لي 32 يوم
شفتي كيف ...... :o
الله في .. قاسي مافي .. يا قول سرورة

الرشيد اسماعيل محمود

31-05-2011, 10:29 PM

علي بالطلاق عشان كلامك حقو الزول اتحظر تاني شهر
:D:D
زايد يومين ما تنساهن..
ياخي مشتاقين

imported_محمد مصطفي

31-05-2011, 10:36 PM

اقتباس:
المشاركة الأصلية كتبت بواسطة الرشيد اسماعيل محمود http://sudanyat.org/vb/images/buttons/viewpost.gif (http://sudanyat.org/vb/showthread.php?p=378041#post378041)
:D:D
زايد يومين ما تنساهن..
ياخي مشتاقين

اي اقعد اشتاق لي كده لما اجيك ارتفاع في الكليسترول :D
طيب ما انا برضو مشتاق ليك ...
وقت مشغول وما لاقي وقت تدينا رنة فيهو .. لز لي تلفونك وانا بزعجك بتصل في اي وقت
وبعدين ياخ دايرين لينا بوست كده جامد ... زي ليالي الهناي ديك ... المُربكة
فشنو حاول اربكنا تاني بي واحد زي كده ... بس اكون صيفي :D
ولسة الشوق بحر يا صاحب

imported_محمد مصطفي

01-06-2011, 03:28 AM

مرة مشيت زيارة لي واحد صاحبي بشتغل مُدرس رياضيات في مدرسة خاصة
لفت انتباهي وجود استاذة معاهم شديدة شدة الحرامي السرق القلوب .. سمعتو بي حرامي القلوب تلب
المهم المُشكلة ما شدت البنية ... موضوع سماحة الوش دي ما حاجة اساسية عشان نقول لي زول جميل
لانو سماحة الوش لو ما كانت مدعومة بي سماحة الاخلاق والدواخل الطيبة بتبقي سماحة مسيخة
ما علينا نرجع لي موضوعنا ............
طلعت الاستاذة تدرس حصة بتاعت عربي ورجعت بعد نهاية الحصة ومعاها طالب بقرا في ثامن اساس
عرفت منها انها وجدت خطاب غرامي الطالب كاتبو لي بت من بنات المدرسة في الجزء التاني من المدرسة ( قسم البنات )
اكثر شئ خلاني اقول انو الزولة دي جميلة هي الحوار والنقاش الاتناولت بيهو الموضوع مع الطالب
حاولت بي طريقة بسيطة ودعمت الحوار ده بابتسامتها الجذابة التي رسمتها علي شفاهها اثناء الحوار
مضمون الحديث انها قالت للطالب : ان الحياة امامك طويلة وبكرة لما تمشي الجامعة وتحتك بي البنات بتلقي زولة تحبها وتحبك
وحتي لو ما كان في الجامعة ممكن اكون في الشغل او في مكان تاني ...
لو اهتميت بدراستك وفكرك المشغول بي حبك الحالي ده لو شغلتو في المذاكرة بكون افضل
واضافة : انت لسة صغير علي العلاقات الغرامية وكونو انك تحس بميول لبنت مُحددة ده ما هو الحب
انما مجرد اعجاب بعد زمن حتكتشف كده وحا تضحك علي ايامك دي ... وتقول الله اطراك بالخير يا ست مروي ( اسمها مروي ) ... حالتي كنت داسي منكم اسمها :p
ادتو الجواب بتاعو وقالت ليهو افضل تشرطو وتنسي الموضوع ... وانتبه لي دروسك ومذاكرتك وبنفس الابتسام
قال الطالب : حاضر يا ست تاني ما بعمل كده وكان مطمن ومشي علي كده .....
اها الموقف ده عجبني شديد واعتبرت ست مروي دي ممكن تكون استاذة مثالية وشديدة :D
جيت عملت مقارنة بي زمني انا ونفس الموقف والحركة ...
وانا طالب في المتوسط المدرسة كانت مختلطة كانت في بت مكسراني حتي في الصلاة ما تغيب من بالي .. ساكنة جواي وعايشة فيني ... :)
اقوم يوم استعين بي ود عمتي والزمن داك انا كنت في البلد ... ود عمتي ده سفيه مدائن
قلت ليهو داير اكتب لي جواب لي واحدة قال لي منو ... قلت ليهو واحدة وبس بتساعدني ولا امشي اشوف زهرة الاغاني
قال لي ياخ انا لازم اعرفا عشان ادخل لون البت في الجواب وعيونا وقواما .........
قلت بس اعمل نفسك بتكتب الجواب ده لي حنان بلوبلو ... واكتب فيها الانتا عايزو واديني ليهو انا بصلحو بي معرفتي
والفترة ديك حنان بلوبلو كانت طالعة فيها والبلد كلها تدندن في اغانيها ... امام الجامع تلقاهو بدندن بي الاقامة والصلاة :p
المهم كتب لي الجواب وشلتو وطلعت مسافة 2 كيلو متر من الحلة لقيت لي شجرة وقعدت انقل في الجواب بي خط ايدي
واستنيت صباحات المدارس بي فارغ الصبر ... دق الجرس طابور صفا وطابور انتباه وين الغياب ووين الرسوم وللفصول دور
وقفت جمب الباب اول ما البت مرت من عندي رميت ليها الجواب في شنطتا .....................
دقيقتين بس وقالو الفصول تطلع تقيف طابور ... اجي مدير المدرسة اشيل في نفسو واخت فيهو وكرشو طالعة متر قدامو
قال للطلبة : ظاهرة غريبة جداً ظهرتنا الليلة في المدرسة واحد زميلكم بكتب ليهو جواب لي بت
يعني اهلو شقيانين وتعبانين عشان اقروهو جاي المدرسة عشان اسويها ليهم حب ومسخرة
الواحد منكم مفروض اعتبر زميلاتو ديل زي اخواتو ... يعني هل يجوز تكتب لي اختك جواب غرامي
المهم المدير اتكلم قريب الساعة وانا قلبي وقف ... والمدير اتكلم لمن رزاز بصاقو اطير لينا في وشنا
بعد شوية اتلفت علي وقال لي : امرق هنا .... جيت ... قال لي اقرا لينا الجواب ده بي صوت عالي وسمعو لي زملاك ديل
طبعاً انا برجف وما قادر امسك الورقة ... قال لي امسك الورقة كويس .. قلت يا استاذ انا حافظو ممكن اقرا من راسي
المهم قريت الجواب .. بعد انتهيت جابو الكرسي في نص الطابور وعينكم ما تشوف الا النور ... عشرة جلدات .. وجلد المُفاجأة ده ما بديك فرصة حتي تتدبل السروال
وبعد كلو قال لي جيب ولي امرك .... مشيت كلمت ابوي ... قال سويت شنو ... قلت ليهو ما عارف امشي هناك بوروك
المهم ابوي جاء ونادوني ... المدير قال لي ابوي ولدك كاتب ليهو جواب غرامي لي بت في المدرسة
ابوي قال ليهو يعني جواب بس ولا اغتصبا ... قال ليهو جواب بس
قال وكت جواب انا ما بسوي ليهو حاجة لكت ان بقيت حاول اغتصبا عليك امان الله كان مشيت اسي عرستا ليهو
اريتني كان حاولتا ... كان هسع ولدي عضو معاكم هنا :p
المهم ابوي قال للمدير وهو ماشي قال يا استاذ ليكم اللحم ولينا العضم
قلت اللحم ده شالو قبيييييييييييييل قدام خلق الله
ومن يومها وانا ما بعرف اكتب جواب غرامي وكرهت حب الطالبات :D

نجي نناقش موضوع بعض المدرسين
يعني وزارة التربية والتعليم ما تديهم ارشادات للتعامل مع الطلبة
ولا فعلاً في مادة بتختص بسايكلوجية الطالب .. بدرسوها ليهم .. وهم بطنشوا من تطبيقا
؟؟؟؟؟؟؟؟؟؟؟؟

imported_أشتر

01-06-2011, 06:41 AM

حولااااا ..
غايتو الدودة يخلوها ليك ...
شريطية شكلها وعندها راسين ...
هو .. البوقّفوهم بِحِتّو كدا .. هذا الأتوْ looool

عكــود

01-06-2011, 07:01 AM

قلت يا استاذ انا حافظو ممكن اقرا من راسي
:D:D
أضحك الله صباحك يا محمد مصطفى!

مع تحيّاتي للوالد، الكان عايز يعقد ليك . .
قلت لي أريتك كان عملتها!:D

imported_ابرا

01-06-2011, 08:44 AM

يا حبيب انا قاطعو معاك 10 صفر قوم لف:mad::mad::mad:

مي هاشم

01-06-2011, 09:00 AM

مي هاشم ... اختنا الغالية
اولاً والله ليك وحشة ... كيفك وكيف الحلوين الصُغار وناس البيت
شفتك وانا بتاوق من خلف الاسوار :D... حضورك جميل وفرحان بيهو
قربنا نرجع انشاءالله للبلد ... وزيارتك واجبنا ... زي شيخي العبيد
وبعدين اتي زااااااااااااتك شيخة ... غايتو الفسحة القدام بيتكم كان صدقوها ليك مسيد
ياني البقيت ليك حوار :D

ازيك يا محمد..
نحمد الله نحن كلنا طيبين..الصغار وناس البيت..
الله يفرحك بوليداتك ياخي..ويرجعك سالم غانم..
زيارتك بدورها لكن بلا مشيخة..هو انت قايل المسيد ده هين..:D
والله ناس الحكومة ديل بصدّقوه وبصدّقوني أنا زاتي:D:D
لكن انت أوعك تصدق..looool

في رجاك وأسرتك الخاصة:)

imported_جيجي

01-06-2011, 11:58 AM

عاد لكن تحفظي قدر ده ... الادارة شكلهم كيزان ... واعتبروني ترابي المنتدي :D
وبعدين اتي يا كافي البلاء .. حركة بتاعت تضامن ساي مافي منك :mad:
غايتو الفيك اتعرفت يا صديقتي ...
بهدي ليك اغنية احظرني وتأمل ... امكن قولي اكمل :D
سهرة الخميس محجوزة ... ما القاكم سبقتوني اتي وودعثمان :)
تضامن تااااااااااني
هو الدخلني السجن بلا التضامن معاك انت وجانيت شنو؟
ناس تاكل وتنكر بس

النور يوسف محمد

01-06-2011, 01:16 PM

بسم الله الرحمن الرحيم

ود المصطفى يا حبوب ..
سعيد جداً بى طلتك ,, وتحت هذه الجداً ضع ما شئت من الخطوط ..
not more than thirty:D
gg approal are nedded for any additioal lines

imported_محمد مصطفي

01-06-2011, 09:25 PM

اقتباس:
المشاركة الأصلية كتبت بواسطة أشتر http://sudanyat.org/vb/images/buttons/viewpost.gif (http://sudanyat.org/vb/showthread.php?p=378091#post378091)
حولااااا ..
غايتو الدودة يخلوها ليك ...
شريطية شكلها وعندها راسين ...
هو .. البوقّفوهم بِحِتّو كدا .. هذا الأتوْ looool

:D:D:D
شوف يا اللاخو اتا تلفونك اليومداك ده كان بتاع المكتب ولا شنو :confused:
اها بتصل فيهو ومافي زول برد ....
اتا عارف الحالة دي في مواضيع كتيرة باصيتا
لمن كتا بتاوق كل ما القي لي موضوع ايدي تاكلني .. اقوم اعمل ليهو نسخ عندي
واكتب التعليق عليهو واقول لما ارجع انزلو
بمناسبة الرجوع اتا شنو طنشتني يومين بعد نهاية المُدة :mad: غايتو خوتك خوة الكاب الحدها الباب :p
عموماً يا صديقي ليك وحشة وشوق كتير الله عالم

imported_محمد مصطفي

01-06-2011, 09:30 PM

اقتباس:
المشاركة الأصلية كتبت بواسطة عكــود http://sudanyat.org/vb/images/buttons/viewpost.gif (http://sudanyat.org/vb/showthread.php?p=378103#post378103)
:D:D
أضحك الله صباحك يا محمد مصطفى!

مع تحيّاتي للوالد، الكان عايز يعقد ليك . .
قلت لي أريتك كان عملتها!:D

ياخ يا عمدة اتا تضحك نحن نفرح بدون ما نحس
غايتو من سلبيات التعليم والاغتراب انو بأخر ليك مرحلة الزواج
لكن كلها اقسام ولي خير .... وخير كتير كمان
بس عليك امان الله اولاد اعمي مسميني بايركس ... جاية كلمة بورة :D
سن الزواج عندنا اول ما تقفل العشرين واتا عارف امور القُري وناسا
الا انا غايتو طقشت المدائن بدري شوية ... شكلة فيني حالة البورة التي اعيشها حالياً :D

imported_محمد مصطفي

01-06-2011, 09:32 PM

اقتباس:
المشاركة الأصلية كتبت بواسطة زول خرافي http://sudanyat.org/vb/images/buttons/viewpost.gif (http://sudanyat.org/vb/showthread.php?p=378155#post378155)
يا حبيب انا قاطعو معاك 10 صفر قوم لف:mad::mad::mad:

عشرة صفر يا ابرا ...... :( ليه كده يا صاحب
يا زول ولا تزعل نفسك انا فاهمك تااااااااااااب وليك علي ... ارجع ليك الخمسة الف مع اقرب زول مسافر مننا :p

imported_محمد مصطفي

01-06-2011, 09:35 PM

اقتباس:
المشاركة الأصلية كتبت بواسطة مي هاشم http://sudanyat.org/vb/images/buttons/viewpost.gif (http://sudanyat.org/vb/showthread.php?p=378163#post378163)
ازيك يا محمد..
نحمد الله نحن كلنا طيبين..الصغار وناس البيت..
الله يفرحك بوليداتك ياخي..ويرجعك سالم غانم..
زيارتك بدورها لكن بلا مشيخة..هو انت قايل المسيد ده هين..:D
والله ناس الحكومة ديل بصدّقوه وبصدّقوني أنا زاتي:D:D
لكن انت أوعك تصدق..looool

في رجاك وأسرتك الخاصة:)

والله تسلمي علي دعواتك الحلوة ... وانا عارفك نفسك رضية وسرك باتع :D
عشان كده خلينا في بالك طوالي وقت دعواتك
والله صراحتن كده اخوك قال الروووووووووووب عديل كده من الغربة الطويلة
عشان كده بفتش لي سكة استقرار والله في ...
عموماً بحاول اصلح علاقتي مع محمد فرح وبدرالدين اسحاق :D احتياطي ظروف :p

imported_محمد مصطفي

01-06-2011, 09:38 PM

اقتباس:
المشاركة الأصلية كتبت بواسطة جيجي http://sudanyat.org/vb/images/buttons/viewpost.gif (http://sudanyat.org/vb/showthread.php?p=378251#post378251)
تضامن تااااااااااني
هو الدخلني السجن بلا التضامن معاك انت وجانيت شنو؟
ناس تاكل وتنكر بس

طيب وقت طلعوك من السجن بدري شوية
مش كان تستنيني علي بابو لحدي ما اطلع انا :mad:
او اقلاها كان تديني الباس ويرد بتاع ... ادخل اتاوق بيهو في خاص الاعضاء :p
هسع جيت لقيت بوستات كتير فاتتني ... يعني اقعد اقراها لمتين :D
غايتو الفيك اتعرفت

imported_محمد مصطفي

01-06-2011, 09:40 PM

اقتباس:
المشاركة الأصلية كتبت بواسطة النور يوسف محمد http://sudanyat.org/vb/images/buttons/viewpost.gif (http://sudanyat.org/vb/showthread.php?p=378275#post378275)
بسم الله الرحمن الرحيم

ود المصطفى يا حبوب ..
سعيد جداً بى طلتك ,, وتحت هذه الجداً ضع ما شئت من الخطوط ..
not more than thirty:D
gg approal are nedded for any additioal lines

حبيبنا النور يوسف
انا كمان سعيد بيك
وسعيد بي كلمة جداً دي
غايتو بعتبرا حصانة ... وتاني وين ما اجقلب ببرزا :D
والبوست ده حا اعمل ليهو حفظ في جهازي احتياطي لي اي حالة حذف :D:D
عشان تكون الكلمة موثقة
كل الود

imported_محمد مصطفي

02-06-2011, 05:22 AM

احياناً الواحد فينا بنزل السودان اجازة شهرين تلاتة ... ومرات فت شهر
اها من يوم وصولك تلقي نفسك تساسك من فاتحة لي فاتحة ..........
تلقي المراحيم زمااااان اتحاسبو واخدو جزاهم .. اها لمن تجي تدي اهلم الفاتحة لمن اتهجمو ...
بس الزول البرافقك وبكون ديليلك لو بقي زكي ممكن اتدارك الموقف واوضح لي اهل المرحوم انو ده فلان كان مسافر ليهو كم سنة ورجع امس
المشكلة انو في جيل بقوم وانت في اغترابك .. ده بكون غريب عليك تماماً
وديل ممكن اكونو اولاد الحلة الخليتن شفع صغار او لسع ما ولدوهم حتي
اها زي ديل لو الزول مات ما انتظر منهم ترحم ولا حسرة علي موتو ... ببساطة كده ما بعرفو عنك شئ غير اسمك
ومعاهم حق صراحة ............
زمان قبل ما اسافر اول مرة
كنت ملهوف بي الاغتراب وانو الزول اجمع قروش واشوف دنيا جديدة
قوم مشيت السعودية من الشهر الاول انا لاوي بوزي لمن طلعتا منها 6 سنوات كانت
رجعت السودان ودرست الجامعة والحالة وقفت تررررر ....
اها ظهر لينا اللوتري ده ... قلت بس خلاس دعوة ام ساعة قبول وصدقت
الحمد لله والله من نواحي كتير ان الامور تمام ....
اها قوم مشيت البلد الانا معروف فيها اكتر من شيخ الحلة
اقوم اجي ماشي قريب من كوتة شفع كده بلعبو ........
واحد فيهم بسأل التاني
الاول : هوي الجنا النضيف ومتريح ده هول منو ومن وين
التاني : وحاة الله خليقتو دي ما غريبة علي لكن ظنيتو قريب ناس حمد السخيل
وحمد السخيل ده ود عمي الصغير شافع جن مجنون شديد ومشهور جداً في الحلة
وسموهو السخيل لانو مرة مواعيد المدرسة جات وكان متعود اشرب كباية لبن كل صباح قبل المدرسة
ولما لبس ملابس المدرسة وجاء اشرب اللبن لقي الغنم لسع ما اتحلبن
قوم يا حمد ادخل الزريبة وامسك اقرب غنماية ... ارضع تمام وشيل شنطتك وامشي المدرسة :D
وزي الما حصل شئ ....ومن يومو وهو حمد السخيل
قلت علي نفسي هانت الزلابية والله ... وهانت علينا نفوسنا فاصحنا نُعرف بنسبنا لحمد السخيل :D

imported_محمد مصطفي

02-06-2011, 05:25 AM

حكى الاصمعي قال :
بينما كنت اسير في بادية الحجاز اذ مررت بحجر كتب عليه هذا البيت

أيا معشر العشاق بالله خبروا اذا حل عشق بالفتى كيف يصنع

...فكتب الاصمعي تحت ذلك البيت

يداري هواه ثم يكتم سره ويخشع في كل الامور ويخضع

ثم عاد في اليوم التالي الى المكان نفسه فوجد تحت البيت الذي كتبه هذا البيت

وكيف يداري والهواى قاتل الفتى وفي كل يوم قلبه يتقطع

فكتب الاصمعي تحت ذلك البيت

اذا لم يجد صبرا لكتمان سره فليس له شيء سوى الموت ينفع

قال الاصمعي فعدت في اليوم الثالث الى الصخره فوجدت شابا ملقى على ذلك وقد فارق الحياة وقد كتب في رقعة من الجلد هذين البيتين

سمعنا اطعنا ثم متنا فبلغوا سلامي الى من كان للوصل يمنع
هنيئا لارباب النعيم نعيمهم وللعاشق المسيكين مايتجرع

imported_أشتر

02-06-2011, 07:02 AM

[RIGHT]:D:D:D
شوف يا اللاخو اتا تلفونك اليومداك ده كان بتاع المكتب ولا شنو :confused:
اها بتصل فيهو ومافي زول برد ....
لمن كتا بتاوق كل ما القي لي موضوع ايدي تاكلني .. اقوم اعمل ليهو نسخ عندي

تليفونك وصلني تب يا اللخو ... ومرتين كما ذكرت ... ورنين لامن قطع قلبو ..
ولكن !! آثرت عدم الرد على سيادتكم ليس طنقعة فحسب إنما مستمتع بنغمة الرنين كاااااااااك ...
عشان تقول لي ياخ ما شفتو قال شنو !!! والواجب عملو !!! من باب أولى !!! وتبرير لمجرد تمرير معلومة تعتقد فايتة عليهم .. والقصص العجيبة ديك ؟؟؟
قتا ياخ حق المكالمة دي أحسن يشتري بيهو هوت دوق ولّ يمعطو لمحاسيسو المشحتفة بالبعاد لحسساية تعاني الأمرين (فراقو والخوف من المجهول:D) ;) .. وبالمرة كدا يطوي صفحة صاقرها الأنين الشين !!!
عربيتك النيسان لامن تخلط زيت ما تصب جام غضبك في نايكاكو صوري دايجين :D looool!!!
تاني لامن تاكلك حكها في صمت ... بقولو أبلغ من الكلام خصوصا في المواضع التي تعتبر النسنسة عامل مهم لفرطلوجيا الانفراط ..
وكششو .. تنكشح السِّبحة !!!!:(
اها عاد نبقى في لقّطك لقّطك لقّطك ؟؟؟
يلقطك رادار حواس اللهفة لامن يقع على وشو ...
يا ود ناس السخيل :D

معتصم الطاهر

02-06-2011, 08:33 AM

عارف يا محمد بالطريقة دى بتخلينا نحتو ..
والحوض فيهو بلوم ..

غايتو انا أول خطاب كتبتو كان سنة ( ) و كنت فى رابعة أولية فى علاقة استمرت حتى اولى ثانوى ..
شفت كيف أخوك عكليتة ..
كان مسك ما بفِك .. أصلو ..
الغريبة خلال المدة كلها ما ردت على ولا هببتو إلا بنظرات خجلى و الجري ..
ويوم كدا .. وقفت وقلت ليها .. يا تردى كتابة يا تقولى مشاعرك يا مع السلامة

و شطبتها ليك و مزقت فاتورتها ..
أسع لو قلت لى زول ( يا تعمل كدا أو ****) طوالى بتقول للزول .." بِعملها ..بسويها ) ..

أها الجواب داك أديتو ليها فى يوم عرس ..
تانى يوم الصبحية العرس كلو قرأ الجواب ..
أختها الكبيرة قالت لى "عندك اسلوب انا فى الثانوى ما بعرف أكتب بيهو"
قلت ليها "لامن تتخرجى من الجامعة ..ممكن أعلمك ؟" ردت على بابتسامة " قلاصتك دى اعملها معاها " ..

كنت محظوظ .. و فخور ..
بعدها .. ودى فى حكاية الآباء ..
حبيت من مدنى و كنت بدرس فى كوستى القوز و ساكن ربك ..
اخر ورقة فى الامتحان بركب قطر الابيض و بسافر مدني و بعد اسبوع يوم الخميس برجع ربك زى الجايي من الداخلية فى كوستى ..

يوم عمتى رجعت من مدني وقالت لأبوى ولدك جانا فى مدني و سلم علينا
يومي الرجعت ابوى قال لى " اول مرة أعرف امو " مدني " بتقع بين كوستى وربك "

imported_علاءالدين عبدالله الاحمر

02-06-2011, 01:59 PM

والله دحين يا اللخو منتظرنك لينا ساعتين .. دحين النسعلك أنت قلت بترجع صاد ولا لاغادي .. بعد مسعلة الحجز دي حترجعنا ل1988 وطوابير الرغيف في الطوابين وكده .. بعدين اليومين ديل حاسس بإنو حتكون في اذمة مالية طاحنة بدل في 1983كانت حاجة باكلوها مافي في 2011حيكون قروش فانباستن يعني مافي شرتيت دحين تعال لينا في دكان ود العشا نتموضع في المشكلة سلام

imported_عزو الحاج

02-06-2011, 06:56 PM

محمد حمد لله على السلامة ومشتاقين
غايتو لو الفصل بيخلى الواحد يرجع بخطوبة انا بكرة بعمل لى شكلة مع اى زول عشان بفصلونى عشان ارجع بعقد عديل ولا شنو

imported_محمد مصطفي

06-06-2011, 04:53 PM

مسطول سايق تاكسي و مشغل الراديو فأشر ليهو انصارى سنه و ركب معاهو .بعد شويه قال ليه : هل كان في عهد الصحابة راديو؟ المسطول قال ليه لأ..مولانا : إذن إغلقه .قام قفلو بعد مسافه تاني مولاناسألو : هل كان في عهد الصحابه تكييف ؟ المسطول قال لأ فرد عليه مولانا : إذن إغلقه المسطول وقف التاكسي و عاين لي مولانا و سألو : هل كان في عهد الصحابه تاكسي؟ مولانا قال : لأ .رد المسطول إذن اتفكفك و شوف ليك قافله من قوافل قريش توصلك :D:D

imported_محمد مصطفي

08-06-2011, 12:26 AM

اقتباس:
المشاركة الأصلية كتبت بواسطة أشتر http://sudanyat.org/vb/images/buttons/viewpost.gif (http://sudanyat.org/vb/showthread.php?p=378473#post378473)

تليفونك وصلني تب يا اللخو ... ومرتين كما ذكرت ... ورنين لامن قطع قلبو ..
ولكن !! آثرت عدم الرد على سيادتكم ليس طنقعة فحسب إنما مستمتع بنغمة الرنين كاااااااااك ...
عشان تقول لي ياخ ما شفتو قال شنو !!! والواجب عملو !!! من باب أولى !!! وتبرير لمجرد تمرير معلومة تعتقد فايتة عليهم .. والقصص العجيبة ديك ؟؟؟
قتا ياخ حق المكالمة دي أحسن يشتري بيهو هوت دوق ولّ يمعطو لمحاسيسو المشحتفة بالبعاد لحسساية تعاني الأمرين (فراقو والخوف من المجهول:D) ;) .. وبالمرة كدا يطوي صفحة صاقرها الأنين الشين !!!
عربيتك النيسان لامن تخلط زيت ما تصب جام غضبك في نايكاكو صوري دايجين :D looool!!!
تاني لامن تاكلك حكها في صمت ... بقولو أبلغ من الكلام خصوصا في المواضع التي تعتبر النسنسة عامل مهم لفرطلوجيا الانفراط ..
وكششو .. تنكشح السِّبحة !!!!:(
اها عاد نبقى في لقّطك لقّطك لقّطك ؟؟؟
يلقطك رادار حواس اللهفة لامن يقع على وشو ...
يا ود ناس السخيل :D

ظالمني شوف من كم سنة .... تتذكر الاغنية دي .. سمعتها غايتو من محمود زمان زمن كتا بسمعو
المهم يا منوفلي
تلفون الاولاني .... يمين الله كان حالة شوق ورغبة في التحدث الي سعادتكم
اها قمت شنو .. ختيت الكفتير في النار وولعتة لي سجارة واخري كانت علي عجل
وكبيت لي كباية شاي ... وصادفها خبر علي التلفاز شد انتباهي ... حتي آخر الرشفات وانا اتابع ... انتهي الخبر وانتهت كباية الشاي
دقرت لي سفة مدنكلة ومددت رجلي علي الطاولة المغلوبة علي امرها
اتناولت التلفون بيميني ... ودقيت ليك لمن قلبو اتقطع ... واظنو القطع قلبو سماحة نغمة استقبالك ...
اها منوفلي دي بنقولا للزول الخمن قصدك لكن غلطان :D
التلفون التاني ..... بعد حملة التوقيف الجماعي ديك :D ... قلت اخش اقرا سااااااااااااااي
اقوم تجيني ليك رسالتكم ديك ... اتا موقوف لوقت غير معلوم
اها قدر ما حاولتا اشوف لي درب اقدر اتصفح بيهو ما لقيتو
لانو دخولي كان اتوماتيكي ... عامل حفظ لكلمة المرور في الجهاز
قلت اتصل عليك لعلك تدلني الي امر ان اجهله .... واتا اتجاهلتني :mad:
مشيت شوفت لي متصفح آخر وبقيت اتصفح لمده شهر ويومين :D
اها عرفتني اتصلتا لي شنو ........
داير منك اعتذار رسمي في بوست تثبتو بي رقبتك :p ... عشان ما تخمن لمن تكون مشغول :p

imported_محمد مصطفي

08-06-2011, 12:38 AM

اقتباس:
المشاركة الأصلية كتبت بواسطة معتصم الطاهر http://sudanyat.org/vb/images/buttons/viewpost.gif (http://sudanyat.org/vb/showthread.php?p=378489#post378489)

عارف يا محمد بالطريقة دى بتخلينا نحتو ..
والحوض فيهو بلوم ..

حتو يا باش عشان ناس الرشيد ديل اتعلمو :D الناس كبرت وما جايبا لي نفسا خبر :p
مدني من يوما وحماما طبعو برا ... لي فيها تجربة علي خفييييييييييييف
اها حمام النيل الابيض وخصوصاً النوع الجعفري منه looool
وانا مسافر علي السعودية في بداية عهدي بالاغتراب والسفر
قلتا امشي اودع عماتي في البلد ... ركبتا لي حافلة ماشة كوستي .. وكان مقعدي حافظة الموية البقعد فيها الكمساري
في الكنبة الورا ... اعلم الله بنية قمر 14 بس ... والعجب لمن تبتسم
اها حركة الابتسامات دي خلتني سرحتا فيها لمن الكمساري قال في زول نازل ربك :D
وبلدي انا ناحية الدويم ... الدباسي شرق شبشة :D
غايتو بس غطيت عليها بي زيارة عمتاً لي في ربك وودعتها ... وتاني ركبتا راجع لي بلدنا
لي قدام بوريك اول ما القلب رفرف :D

imported_محمد مصطفي

08-06-2011, 01:33 AM

أكبر تواجد بالمنتدى كان: 313 بتاريخ 29-06-2007 الساعة 06:27 PM
‏محمد مصطفي (http://sudanyat.org/vb/member.php?u=2281)

:eek:
:mad:

imported_محمد مصطفي

08-06-2011, 02:03 AM

اقتباس:
المشاركة الأصلية كتبت بواسطة alaa http://sudanyat.org/vb/images/buttons/viewpost.gif (http://sudanyat.org/vb/showthread.php?p=378709#post378709)
والله دحين يا اللخو منتظرنك لينا ساعتين .. دحين النسعلك أنت قلت بترجع صاد ولا لاغادي .. بعد مسعلة الحجز دي حترجعنا ل1988 وطوابير الرغيف في الطوابين وكده .. بعدين اليومين ديل حاسس بإنو حتكون في اذمة مالية طاحنة بدل في 1983كانت حاجة باكلوها مافي في 2011حيكون قروش فانباستن يعني مافي شرتيت دحين تعال لينا في دكان ود العشا نتموضع في المشكلة سلام

غايتو بس فهمتا دكان ود العشا ونتموضع دي الليلتنا تاااااااااااااااب :D
اها باقي الكلام ده ابقي لي اربحاء وعقاب شهر ان بقيتن فهمتو
علا موشكلة تاااااااب مافي .... بس اتا تعال :D

imported_محمد مصطفي

08-06-2011, 02:07 AM

اقتباس:
المشاركة الأصلية كتبت بواسطة عزو الحاج http://sudanyat.org/vb/images/buttons/viewpost.gif (http://sudanyat.org/vb/showthread.php?p=378873#post378873)
محمد حمد لله على السلامة ومشتاقين
غايتو لو الفصل بيخلى الواحد يرجع بخطوبة انا بكرة بعمل لى شكلة مع اى زول عشان بفصلونى عشان ارجع بعقد عديل ولا شنو

عاد نسوي شنو يا عزيزة ....
لكن اصلاً التوقيف ده شكلو خطة من ناس الادارة عشان انتبه شوية لي حاجاتي :D
فشنو ... الزول مشي كرب ورتب وصلح ... وعمل الخطوة الاولي .....
والجاي كلو احلي انشاءالله
جهزي لينا اتي نفسك لي مهرجان فرحنا .... عشان تتم الفرحة بي وجودك
كل الود يا صديقتي

imported_أشتر

08-06-2011, 07:09 AM

ظالمني شوف من كم سنة .... تتذكر الاغنية دي .. سمعتها غايتو من محمود زمان زمن كتا بسمعو
ما بستمع لمحمود عبدالعزيز وكان أديتني CD بأغانيهو جت ما بشيلو منك !!!!

المهم يا منوفلي
تلفون الاولاني .... يمين الله كان حالة شوق ورغبة في التحدث الي سعادتكم
اه يا حاج متذكر ...
ود مصطفى بطّل مناورتك دي يا اللخو
ياخ هِن كلهن تليفونين ورا بعض والقاب بيناتم أعتقد بلعت ريق ...
اها قمت شنو .. ختيت الكفتير في النار وولعتة لي سجارة واخري كانت علي عجل
وكبيت لي كباية شاي ... وصادفها خبر علي التلفاز شد انتباهي ... حتي آخر الرشفات وانا اتابع ... انتهي الخبر وانتهت كباية الشاي
دقرت لي سفة مدنكلة ومددت رجلي علي الطاولة المغلوبة علي امرها
غايتو مزاجك واطة عدييل في الكيف ...
الكفتيرة بختوها في النار وفي يدك سجارة نيّة تتلوى من المصير المحتوم ...
أها وفي آآآآآخر بُقة أعلن حالة التأهب القصوى لفشفاشك ...
لو قتا ليك خليهو ماب تخليهو لكن خفّف منو ما استطعت ... ولّ بكلّم ليك المحروسة تكردنك ...
اتناولت التلفون بيميني ... ودقيت ليك لمن قلبو اتقطع ... واظنو القطع قلبو سماحة نغمة استقبالك ...
اها منوفلي دي بنقولا للزول الخمن قصدك لكن غلطان :D
التلفون التاني ..... بعد حملة التوقيف الجماعي ديك :D ... قلت اخش اقرا سااااااااااااااي
اقوم تجيني ليك رسالتكم ديك ... اتا موقوف لوقت غير معلوم
اها قدر ما حاولتا اشوف لي درب اقدر اتصفح بيهو ما لقيتو
لانو دخولي كان اتوماتيكي ... عامل حفظ لكلمة المرور في الجهاز
قلت اتصل عليك لعلك تدلني الي امر ان اجهله .... واتا اتجاهلتني :mad:
مشيت شوفت لي متصفح آخر وبقيت اتصفح لمده شهر ويومين :D
اها عرفتني اتصلتا لي شنو ........
داير منك اعتذار رسمي في بوست تثبتو بي رقبتك :p ... عشان ما تخمن لمن تكون مشغول :p
هي ما تخمينات بقدر ما إنها بتصب في خانة يكّك ...
الحلول أكتر منها في شنو متوفر .. بس الناس كيف تحاول تمرق من المأزق بمجهود بسيط ...
بعدين ياخ قفلتك بيش ساكت وغير باند على اليمين ما هبشت شيتن يقولو علىْ ...
وتاني لامن تطلع من المنتدى سجّل خروج آآآآحاج متذكر عشان الكمبيوتر ما يتذكّر الشغال عليهو منو ودا اجراء أمني واجب اتباعو ... الموت من الحياة ما معروف يا اللخو ...
لكن ... الدودة الزوزوت بيك دي أعفصا حبة ..
إتا أحمد الله مسؤولياتك ماشة في زيادة مضطردة ودي براها عوجة :D

imported_محمد مصطفي

08-06-2011, 08:42 PM

http://www.youtube.com/watch?v=sZydFRkvyN8&feature=player_embedded

imported_عزو الحاج

08-06-2011, 10:20 PM

ازيك يا عريسنا
محمد ازيك كيفنك وكيف الحلوة العروسة جانيت
طبعا انشاء الله حاكون من اول الموجودين
ودى شرف لى اكون اول الجايين عشان اخت العريس والعروسة
ومن حسة بجهر فى الفساتين واللبسات بس انتو جهزوا العرسان