مشاهدة النسخة كاملة : و من الحب ما هبل
imported_حافظ حسين
02-09-2011, 08:56 AM
ما أسرده هنا قصص حب مجوسية تخص أصدقاء لي و شكلي قنعت من خير فيهم... يا خي تعبوني و الله أصلاً بجوا البيت أنصاص الليالي و أول دخولهم يفتحوا اللابتوبات المأبطه علي الأكتاف و يبدوك ليك الغناء الأيدلوجي و كم أكره هذا النوع من الغناء, بعدين ما بخلوا الفنان يغني براه لا هم ذاتهم بنصبوا أنفسهم ككورس و يا لبشاعة الصوت......
شي سيف عثمان (مجبروة انت يا خادم الفكي و قصص), ساورا و تومة يا وجعي العنيد , .... و بمناسبة ساورا أحدهم عضو في جمعية محبي و مريدي ساورا بحضر من البروفا لحد شكلات ربيع و الهادي... و ما بحضرها لنفسه بس لازم يحضرني ليها انا بايتة
الحوار طبعاً واحد مما أنا عرفتهم.... و ذات ليلة من أنصاص الليالي طرق الباب و لا طارق غيرهم , بالتكاسل العادي فتحت الباب و بدون أي سلام قلت ليهم:
يا شباب الحكومة كعبة , في فساد شديد, ثورة مصر رايدة و محفز لكل الشعوب العربية, الخرطوم سخانة , و كتير من الشباب عاطلين عن العمل ... كدا ممكن تتخمدوا تنوموا؟
عكــود
02-09-2011, 09:10 AM
يا شباب الحكومة كعبة , في فساد شديد, ثورة مصر رايدة و محفز لكل الشعوب العربية, الخرطوم سخانة , و كتير من الشباب عاطلين عن العمل ... كدا ممكن تتخمدوا تنوموا؟:D:D
هم صاح نقّتهم كتيرة،
بس والله شباب زي الورد!
قِسِمتك آ حافظ*،
إستحمل.
___
* بمناسبة قِسِمتك آ حافظ دي، صاحبنا جعفر كان عندو حُقَن بيطعّن فيهِن والحقنة في العضل. قال مشى شفخانة نوري شايل حقنتو ولقى الشفخانة مليانة نسوان. الممرّض قال ليهو أمشي وراء الستارة وأرقد، وحسب قول جعفر الستارة مشرّطة ولا تستر أصبع.
جعفر أعلن إحتجاجو وقال للممرّض: ياخي أرقد كيف والستارة ما بتستر والشفخانة مليانة حريم؟
ردّ ليهو: ياها قِسِمتَك آ جعفر، عليك الله أرقد خلّينا نشوف شغلنا. :D
imported_حافظ حسين
02-09-2011, 09:13 AM
:D:D
هم صاح نقّتهم كتيرة،
بس والله شباب زي الورد!
قِسِمتك آ حافظ*،
إستحمل.
___
* بمناسبة قِسِمتك آ حافظ دي، صاحبنا جعفر كان عندو حُقَن بيطعّن فيهِن والحقنة في العضل. قال مشى شفخانة نوري شايل حقنتو ولقى الشفخانة مليانة نسوان. الممرّض قال ليهو أمشي وراء الستارة وأرقد، وحسب قول جعفر الستارة مشرّطة ولا تستر أصبع.
جعفر أعلن إحتجاجو وقال للممرّض: ياخي أرقد كيف والستارة ما بتستر والشفخانة مليانة حريم؟
ردّ ليهو: ياها قِسِمتَك آ جعفر، عليك الله أرقد خلّينا نشوف شغلنا. :D
غايتو يا عكود بس نقول التمريض أتطور هي في العضل و الرقاد لزومه شنو؟:D:D
يا خي دي قسمة منيلة بت ستين كلب.... معقولة؟
أي انا ما عملت لربنا أشياء جميلة لكن بالمقابلة ما كعبة للدرجة دي عشان يكون الجزاء من جنس هكذا عمل
imported_مهند الخطيب
02-09-2011, 11:15 AM
لكن ياحافظ شكلات ربيع والهادي عينة ، وحب الموسيقى يتفرع بيك الى حب آلة موسيقية كالجيتار!
هذا ان لم يتم اتهامك في ثقلك المجتمعي يوماً أو ربما تهام صديق لك بازعاج السلطات والتعدي على هيبة الدولة!!!! الليلة يالهيبة والهباب :eek:
وحب الحبش مقدر يتساوى فيه حب من تمد لك فنجانا حدّت الحبشي البديك سفة في حراسة السجم ، وتفارق لاتلم ;)
دو ري مي فا صو لا سي
وللموسيقى بنكهة الجيتار أمر في نفوسنا المتضايقة الا عاضّة المخدة وكاضماو كدي.....
قال لي شنو:
- ياحافظ ياخي الانثى دي حاجة عجيبة !
- كيف يعني؟
-يعني .... يعني .... يعني ..... زي ما .... ت... ق...و...ل ............. كد...ه
- يعني يادين أقفل دينك ده نحن بكره شغالين
وأهديك ياصديقي الأغنية التي تحمل الكلمات التي تقوول :
السنين ياحريف فيها جور ماأدتك
وكان ماعجبتك أهديك:
بشير لومي ....يابشير لومي ....... سووو الجبنة يابشير لومي ..........
imported_حافظ حسين
02-09-2011, 05:54 PM
أوكي جيتار جيتار ... غايتو وقت جبت سيرة القشار دي يلا نتكلم عنه , إنت عارف الموضوع دا بدأ كيف قبل 3 أشهر هذا الصديق شاف تومي أمانويل الجتاريست المشهور دا و لعنة الله تغشي اليوتيوب يا خي, يا مهند إنت ما بتكون عارفه علا أسال ناس الجيلي أو أمال الشيخ قد يبينوا لك من أمرك رشداً .... أها شاف ليك تومي إمانويل دا و قال بس أنا داير أبقي زي الزول دا... هوي يا البتبقي إنت ؟,
فهمته يا ود الناس خت الكورة وطا و قول بسم الله ... الزول دا أول جيتار جابته ليه أمه كان عمره 4 سنة ( و ديل الأمهات و لا بلاش) و كمان درسته جيتار, أها سنة 61 و عمره كان 6 سنة إشتغل بروفشنال جيتارست زي الليل... لكن أصلاً هذا الصديق رفض يقتنع بس جيتارست جيتارست و طرف السماء يقع و جلد التمل يتسلخ و هو من النوعية البتكون عاملة شاشة التوقف في الكمبيوتر (أطلبوا العلم من المهد الي اللحد)... تلاتة أشهر أنا كل صباح بسمع نقة الجيتار , الجيتار, الجيتار ... غايتو الحمد لله الجيتار جمع قبل العيد بخمسة يوم, لكن اسكلتون بس جيتار بدون سلوك و اليومين دي أنا في نقة السلوك, السلوك , السلوك .... و الله بكرة أنا جادي نمشي نلقي لينا أي محل جيتارات حايم يشتري السلوك و نشوف تاني النقة بتكون في شنو ..... كدا أنا أخليكم مع تومي الصديقنا داير يبقي زيه و بجي راجع
http://www.youtube.com/watch?v=6lbvSBNLLoo
داير يبقي زي دي .... الما في شنو يا عملات قيقا؟
imported_ابرا
03-09-2011, 11:53 AM
أوكي جيتار جيتار ... غايتو وقت جبت سيرة القشار دي يلا نتكلم عنه , إنت عارف الموضوع دا بدأ كيف قبل 3 أشهر هذا الصديق شاف تومي أمانويل الجتاريست المشهور دا و لعنة الله تغشي اليوتيوب يا خي, يا مهند إنت ما بتكون عارفه علا أسال ناس الجيلي أو أمال الشيخ قد يبينوا لك من أمرك رشداً .... أها شاف ليك تومي إمانويل دا و قال بس أنا داير أبقي زي الزول دا... هوي يا البتبقي إنت ؟,
فهمته يا ود الناس خت الكورة وطا و قول بسم الله ... الزول دا أول جيتار جابته ليه أمه كان عمره 4 سنة ( و ديل الأمهات و لا بلاش) و كمان درسته جيتار, أها سنة 61 و عمره كان 6 سنة إشتغل بروفشنال جيتارست زي الليل... لكن أصلاً هذا الصديق رفض يقتنع بس جيتارست جيتارست و طرف السماء يقع و جلد التمل يتسلخ و هو من النوعية البتكون عاملة شاشة التوقف في الكمبيوتر (أطلبوا العلم من المهد الي اللحد)... تلاتة أشهر أنا كل صباح بسمع نقة الجيتار , الجيتار, الجيتار ... غايتو الحمد لله الجيتار جمع قبل العيد بخمسة يوم, لكن اسكلتون بس جيتار بدون سلوك و اليومين دي أنا في نقة السلوك, السلوك , السلوك .... و الله بكرة أنا جادي نمشي نلقي لينا أي محل جيتارات حايم يشتري السلوك و نشوف تاني النقة بتكون في شنو ..... كدا أنا أخليكم مع تومي الصديقنا داير يبقي زيه و بجي راجع
http://www.youtube.com/watch?v=6lbvSBNLLoo
داير يبقي زي دي .... الما في شنو يا عملات قيقا؟
والله يا حافظ انت بالك سلبه بث دا لو انا والله كان شلت الجيتار ولبستو ليهو في راسه:D وكان بقي المهود عازف الجيتار:D
imported_رأفت ميلاد
03-09-2011, 12:32 PM
المشاركة الأصلية كتبت بواسطة حافظ حسين http://sudanyat.org/vb/images/buttons/viewpost.gif (http://sudanyat.org/vb/showthread.php?p=403193#post403193)
غايتو يا عكود بس نقول التمريض أتطور هي في العضل و الرقاد لزومه شنو؟:D:D
يا حافظ لامن يكلمك شايقى لازم تكون بتعرف لغات .. العضلة عندهم الجعبة :p
imported_بله محمد الفاضل
03-09-2011, 05:10 PM
تزوجوا يا اخي
على الأقل
تتخارجوا من جنس دا...
باقي لي بقبِل علي مسعلة ظبطت لا ما ظبطت
وعيك يا النغم...
بننتظر النتائج نحنا
ما عندنا مشكلة ما دام أضانا تسمع في تذمرك بس
وما بتشاركك لكزة بلكزة
ديني أنا
سلام يا اخينا وأشواق
imported_حافظ حسين
03-09-2011, 05:14 PM
والله يا حافظ انت بالك سلبه بث دا لو انا والله كان شلت الجيتار ولبستو ليهو في راسه:D وكان بقي المهود عازف الجيتار:D
عليك الله شفت كيف يا أبرا انا قاعد أعاني و بحتسب
لكن و الله مالين علي دنيتي ... دا نظام جر واطي و حلة الفاصوليا نزلت بدون ملح
imported_حافظ حسين
03-09-2011, 05:17 PM
يا حافظ لامن يكلمك شايقى لازم تكون بتعرف لغات .. العضلة عندهم الجعبة :p
يا رأفت إني أحذرك
يا خي أي مداخلة تتداخل معاي انا بتفقع من الضحك و الله.... هسي الليله انا في بيت بت عمي وقت قريت الكلام دا ضحكت بأعلي صوت .... جوا طايرين من برا هي و أولادها و زوجها المصون يشوفوا هل جنينا أم عقولنا نصاح.... وقت عرفوا نحنا نصاح وريتهم الحاصل شنو و شاركونا كورال الضحك مع لعنة للشوايقة سبب ............ لعكود تكرم الف عين.
ترمة
طيب عرفنا العضل قاصدين بيها القصة دي , أها القصة دي بسموها شنو؟
imported_حافظ حسين
03-09-2011, 05:25 PM
تزوجوا يا اخي
على الأقل
تتخارجوا من جنس دا...
باقي لي بقبِل علي مسعلة ظبطت لا ما ظبطت
وعيك يا النغم...
بننتظر النتائج نحنا
ما عندنا مشكلة ما دام أضانا تسمع في تذمرك بس
وما بتشاركك لكزة بلكزة
ديني أنا
سلام يا اخينا وأشواق
زواج عشان مكاثر بنا الامم يا بلة .... شوف يا بلة انا عندي سببين مانعي القشار دا
أولاً: العالم ما جميل عشان الزول يجيب فيه ناس جداد
ثانياً: أنا بتزوج في حالة واحدة إذا ضمنت إني بحسن النسل و دا ما إظن , و بعدين فكرة حفظ النوع من الانقراض دي انا ما شايلها خالص .... يعني العالم ينقرض طوالي لو مستني أطفالي يعمروه
الباقي بتمه في الخاص.... عليك الله رسل تلفونك انا تلفوني القديم دقيته بالحيطة و إشتريت واحد مهبب تاني
imported_بله محمد الفاضل
03-09-2011, 05:30 PM
زواج عشان مكاثر بنا الامم يا بلة .... شوف يا بلة انا عندي سببين مانعي القشار دا
أولاً: العالم ما جميل عشان الزول يجيب فيه ناس جداد
ثانياً: أنا بتزوج في حالة واحدة إذا ضمنت إني بحسن النسل و دا ما إظن , و بعدين فكرة حفظ النوع من الانقراض دي انا ما شايلها خالص .... يعني العالم ينقرض طوالي لو مستني أطفالي يعمروه
الباقي بتمه في الخاص.... عليك الله رسل تلفونك انا تلفوني القديم دقيته بالحيطة و إشتريت واحد مهبب تاني
هي نان يمكن البجي من تالاك دا فيهو خلاصنا
شن خبرك
وياتو يوم كان العالم جميل يا اخينا
ياهو حالو مع مرض النفوس
شان كدي رسالتي الظاهر ما تلبت عليك بهناك
المهم
0565541443
مفتاح ما مفتاح
ما تسعل
قُح بس
تحياتي ليك والمعاك والجاياك والجايي منك
imported_حافظ حسين
03-09-2011, 05:34 PM
في إطار جدلية الحب و خصوصية الشاكوش عشت أحلك أيام حياتي... و الادهي و الأمر هذه الشواكيش أو الحبكانات لا تخصني من قريب أو بعيد لكن البتجي من السما تحملا الوطا أو كما قيل .... أتيت من أحد سفرياتي التي لا تنتهي و إلا كي تبدأ مرة أخري ... عندما رجعت وجدت الاصدقاء الثلاثة مصابون بداء الحب اللعين ... تحولوا الي طلاب متوسطة فقط بفارق الرداء البني لكل من .... لكن ما تبقي مدرسة الكرين المتوسطة بنين.... بدل عن الجوابات المنتهية بقلب أحمر مثقوب بسهم يقطر مادة من نفس اللون كانت رسائل SMS لكن حد علمي المضمون واحد و قاتل الله ثورة الإتصالات و المعلومات .... بدل يقصوا للحبيبة جنب دكان حاج النور بقيت انا و النجوم فراجة و سماعة علي عويل منتصف الليله, مرة ضحك بصوت عالي و أسارير منفرجة, حبتين يغيم الوش , شي صرصرة في التلفون , و شي نهير ( يا خي كرهتينا) , لكن قبال ما تنتهي كرهتينا حلة الفاصوليا بتكون نزلت و معاه هههههههه و الله إنتي عسل عديل , يا خي إنتي من زمان وين و هاك يا هاشم ميرغني , و أنا أصلي ما ردت براي .... لأي سبب يقفل التلفون سوي كان بفعل ضيق اليد أو في طارة كبست في الضفة الأخري و معاه دقيقة برجع ليك بعد شوية.... المهم لو كانت الأولي يكمل هذا السخف بتلفوني ولكن في النهاية تحايلت عليهم , فقبل ساعة ذهاب المحبون الي حوائط مباكهم افرغ تلفوني من أي رصيد , السعودية, أبو ظبي و مرات لحد هولندا عشان ما أتحمل إزعاج جديد..... كتب علي تحمل تداعيات إنتهاء أي مكالمة فاذا كانت النهاية سعيدة فقراء جون شتاينك, باولو كويلهو و الجيتارست المستقبلي تكون عبارتهم
يا خي الزولة دي رايعة يا حافظ .... يا خي إحساس زي دا أصلاً نهايك مع عدم القدره علي وصفه , أنا في كل إطار علاقاتي السابقة ما حسيته....
أم صديقنا الأخير فيزين وجهه بضحكة طفوليه قابلة للإنفجار في اي لحظة
و الله يا حافظ البت كوبية عديل كدا .... يا خي قالت ما دايرة اي مهر و الحنك العاضي دا ... و الكلام دا ما تنسوا بنتهي برصعة و دعوة أن يمنحني الله مثلها .....
لكن الألم كل الألم عندما تكون النهاية غير سعيدة ففي الحالة الجميع الوش يلعن القفا, و حتي إذا لم تنظر اليهم تحس بثقالة و فداحة الأتي عندما يطلق أحدهم زفرة كفاتحة لسيل من الأوجاع ....
يا حافظ يا خي النساء ديل مرهقات....و بعديها يواصل المرهق حسب درجة رهقه
أما صديقي الأخير في هذه الحالة و علي فكرة أكثرهم صموداً و عمليةً ... كل البعمله بصر وشو و يجي يقول ليك
و الله الزولة دي أنا بعد بقطعو معاها عديل كدا
و لا قطع يحدث
و بواصل مع المديدة و صالة التخسيس
imported_بله محمد الفاضل
03-09-2011, 05:54 PM
بنتهي برصعة و دعوة أن يمنحني الله مثلها .....
دي طوالي مفروض تمشي بيها هناك عند الزووول
يا اخي دي حركة تبكي عديل
الله يكون في عونك
تاني وتالت عرس يا اخي
تحت تحت:
أحمد ربك ما كنت صاحبك
الله فكاك من جنس ود الفاضل دا
يا اخي ديل أهون ناس العزاء ديل هههههههههههههه
imported_حافظ حسين
03-09-2011, 06:51 PM
تحت تحت:
أحمد ربك ما كنت صاحبك
الله فكاك من جنس ود الفاضل دا
يا اخي ديل أهون ناس العزاء ديل هههههههههههههه
و الله أحبطتني يا خي .... هسي انا فاكر نفسي صحبك ... أميري تعال بجاي هنا برضو في صداقة من طرف واحد:D:D
imported_ابرا
04-09-2011, 08:47 AM
أم صديقنا الأخير فيزين وجهه بضحكة طفوليه قابلة للإنفجار في اي لحظة
و الله يا حافظ البت كوبية عديل كدا .... يا خي قالت ما دايرة اي مهر و الحنك العاضي دا ... و الكلام دا ما تنسوا بنتهي برصعة و دعوة أن يمنحني الله مثلها .....
لكن الألم كل الألم عندما تكون النهاية غير سعيدة ففي الحالة الجميع الوش يلعن القفا, و حتي إذا لم تنظر اليهم تحس بثقالة و فداحة الأتي عندما يطلق أحدهم زفرة كفاتحة لسيل من الأوجاع ....
يا حافظ يا خي النساء ديل مرهقات....و بعديها يواصل المرهق حسب درجة رهقه
أما صديقي الأخير في هذه الحالة و علي فكرة أكثرهم صموداً و عمليةً ... كل البعمله بصر وشو و يجي يقول ليك
و الله الزولة دي أنا بعد بقطعو معاها عديل كدا
و لا قطع يحدث
و بواصل مع المديدة و صالة التخسيس
والله يا سلفي اسامه انور عكاشه ذاتووووووووووو قربت تقول هنا الدب اهوووووووloooolloooollooool
imported_رأفت ميلاد
04-09-2011, 09:17 AM
المشاركة الأصلية كتبت بواسطة حافظ حسين http://sudanyat.org/vb/images/buttons/viewpost.gif (http://sudanyat.org/vb/showthread.php?p=403471#post403471)
طيب عرفنا العضل قاصدين بيها القصة دي , أها القصة دي بسموها شنو؟
ما أتبحرت فى اللغة قدر دة :p
imported_أميرى
04-09-2011, 09:47 AM
و الله أحبطتني يا خي .... هسي انا فاكر نفسي صحبك ... أميري تعال بجاي هنا برضو في صداقة من طرف واحد:D:D
:D:D
imported_بله محمد الفاضل
04-09-2011, 10:20 AM
و الله أحبطتني يا خي .... هسي انا فاكر نفسي صحبك ... أميري تعال بجاي هنا برضو في صداقة من طرف واحد:D:D
عليك الله حبطتي دي
ولا خبطة داك...
يا اخ والله متبادل بالدرب
أها
أوعك تجي يا أميري خليك في تكشمك دا:D:cool:
imported_حافظ حسين
04-09-2011, 11:27 AM
خرافي شنو يا سلفي يا سلفي و داير تعمل فيها بترشيني (ترشيني دي من رشوة).... أنا أصلاً بنتهي من الفي قدام دا و جايك إنت و أخرون ... و كما قالت فلة بوعناب كل الثوار مروا من هنا ....
تضحك يا إميري دا بس ضحكة العروس علي العصافير الأكل لسانها ... مهدي اليك عدد واحد شوربة لسان عصفور ....
يا بلة الأحباط متبادل ما تشيل هم... مرة أحبطني و مرات بحبطك , أصلاً انا زول محبط خالص ....
رأفت يعني انت ما بتبحر في اللغة نمشي نشوف الأصل ... يا العالم العلامة الحبر الفهامة السيد عمدة عموم القورير و المقل (للشرح)
اللهم أسألك أن تجعلني رساماً حتي أرسم ثلاثة اللعنة هذا
اشرف السر
04-09-2011, 02:06 PM
هههااا:D:D
وتاني
هههااا:D:D
بوست طاعم زي حلة فاصوليتكم..
كتر من مديدتك يا صاحبي
اعلان مهم:
قريبا في سودانيات
رواية (هكذا قدري مع اصدقائي)
لحافظ حسين
خرافي شنو يا سلفي يا سلفي و داير تعمل فيها بترشيني (ترشيني دي من رشوة).... أنا أصلاً بنتهي من الفي قدام دا و جايك إنت و أخرون ... و كما قالت فلة بوعناب كل الثوار مروا من هنا ....
تضحك يا إميري دا بس ضحكة العروس علي العصافير الأكل لسانها ... مهدي اليك عدد واحد شوربة لسان عصفور ....
يا بلة الأحباط متبادل ما تشيل هم... مرة أحبطني و مرات بحبطك , أصلاً انا زول محبط خالص ....
رأفت يعني انت ما بتبحر في اللغة نمشي نشوف الأصل ... يا العالم العلامة الحبر الفهامة السيد عمدة عموم القورير و المقل (للشرح)
اللهم أسألك أن تجعلني رساماً حتي أرسم ثلاثة اللعنة هذا
حافظ سلامات
انا كنت ناوي ازورك لكن بعد عرفت الازعاج الانت عايش فيهو غيرت رأيي:D:D
imported_حافظ حسين
04-09-2011, 02:22 PM
هههااا:D:D
وتاني
هههااا:D:D
بوست طاعم زي حلة فاصوليتكم..
كتر من مديدتك يا صاحبي
اعلان مهم:
قريبا في سودانيات
رواية (هكذا قدري مع اصدقائي)
لحافظ حسين
هاهياتك الاتنين ديلك قريتهم دنقرت رأسي دنقيرت ناس المتوسطة و غمضت يديني الاتنين و رجعتهم لي وراء تاركا المجال لصدري كي يبرز و أعقبت كل هذا بعبارة (حي أنا ههها يا كبير)
كدا قبل ما أشوف قدري مع أصدقائي و حلة الفاصوليا جيب ما عندك لأن هنالك مزيد من مزيد كما تعلم .... سلمان, باولو, يس, ايزابيل و أخرون يغروك السلام و بيقولوا لك في الإنتظار...
أما فيما يختص بالمديدة فهنالك جرس قرع و حتي نتمكن من إقناع هذا الصاحب بضرورة النشر سوف نوزعها كوريات مجانية بالكروب للأصدقاء و كافة معارفنا بجدة و الدمام
imported_حافظ حسين
04-09-2011, 02:24 PM
حافظ سلامات
انا كنت ناوي ازورك لكن بعد عرفت الازعاج الانت عايش فيهو غيرت رأيي:D:D
يا أسمر مواعيد الزيارة إنتهت أو المريض بالغرفة 114 تمنع زيارته بأمر الطبيب
اشرف السر
04-09-2011, 06:34 PM
هاهياتك الاتنين ديلك قريتهم دنقرت رأسي دنقيرت ناس المتوسطة و غمضت يديني الاتنين و رجعتهم لي وراء تاركا المجال لصدري كي يبرز و أعقبت كل هذا بعبارة (حي أنا ههها يا كبير)
عشان حركاتك دي، حافظ التاني سموه "حافظ ود الناس" لفارق التهذيب بحوزته.. يا عجوز المرحلة المتوسطة
نحن ناس تامنة غايتو
ضهبة:
كسقد أصيل سأكون بطرفكم في ال Weekend عشان ما تجي تكتب عن مآسيك معاي هنا
imported_مهند الخطيب
04-09-2011, 10:44 PM
من الحب ماهبل .............
يختا وين الهبل ؟
-"ثورة مصر رائدة والبت دي انا بقطعو معاها"
- مالك قاطهو معاها مالك؟
- ياخي تصور دي مابتعرف العظيم قابرييل قارسيا ماركيز؟:eek: اتعامل معاها كيف؟
- لأ ... انت داير تحبها هي وللا داير تحب أورسولا؟ تعرف غبرييل ولا زفت:mad:
- لا ياسلفي انا مابقدر اتعامل مع زولة لا بتعرف ماركيز لا أقدر أتكلم معاها عن العشاء الأخير!!!!
- انت كنت معزوم؟ مالك ومالو؟ وللا أقول ليك ... احسن اقطعو معاها منها ننوم بدري بدل ضحكتك الحصانية الحاميانا النوم انصاص الليل دي!!!
من الحب ماهبل ...........
وين يختا الهبل؟
ضحكة تشق سكون القراءة والقراية والحنك ..........
هعهعهعهعهعهعهعهعهعهعهع
تعال شوف صحبك ........... قالو ليهو انت كملان من لحم الدنيا شوف ليك مديدة بتنفعك
هعهعهعهعهعهعهعهع
ده حب وللا مشروع علِف ؟
وقال الود عاجبو قوامو وفي لحظات تجليه حين يرتدي قميصه الأزرق ( الكاروهات ) الذي يجعله يبدو فاتنا - على حسب قوله - يخبرنا أنه يشبه قوام (ميل جيبسون) ابان تصويره بريف هارت ............
imported_حافظ حسين
05-09-2011, 02:19 PM
عشان حركاتك دي، حافظ التاني سموه "حافظ ود الناس" لفارق التهذيب بحوزته.. يا عجوز المرحلة المتوسطة
نحن ناس تامنة غايتو
ضهبة:
كسقد أصيل سأكون بطرفكم في ال Weekend عشان ما تجي تكتب عن مآسيك معاي هنا
و شايفني ود كشتينة يا أشرف ؟
بقصة ود ناس دي, عندنا أصحابنا في الجامعة مشوا كوبر طشموا طشمة بت لذينا ... أها بقت صعبة عليهم يجوا بالمواصلات أو كداري , بيتو النية و ركبوا مع بتاع تاكسي ... بتاع التاكسي حس بيهم كلامهم كل ماليه ماشي زايد, قال يضمن حقه, قال ليهم يا شباب بالله جيبوا القروش....
بس قاموا جاطوا ليك فيه (نحن أولاد ناس)
بتاع التاكسي قال ليهم ما ظاهر ....
الخميس مغلق للصيانة
imported_حافظ حسين
05-09-2011, 02:28 PM
كل ما يرد هنا محض خيال و إذا طابق الواقع أنا مش مسئول
كما ذكرت عاليه عندما عدت أدراجي وجدت هذا الثلاثي يتلظي في نار العشق بدون وعي أو إرادة و كما قال باولو كويلهو (تحب زول معناها بتحب زول , يعني ما في واحد يجيك طاير يقول ليك بتحبه ليه أو بتحب فيه شنو, و كمان إنت ما مطالب تقدم أي شروحات حتي لنفسك الدنيئة, بس حب كدا و قطم)... أها بناء علي باولو كويلهو أنا أصلاً ما عندي حق السؤال و فقط أقول كما قال أبي (الفيها الخير ربنا يسويها),و الجملة دي بتعني الانسان معترض لكن ما عنده حق إبداء إعتراضه ...
في مرة من المرات تجسست علي مكالمة ما... لكن و الله ما إتجسست عليها و إنما قالت هيت لك فتجسس و قد كان لها ما ارادت ... هذا الولهان إستغل نقطة ضعفي القديمة و هي عدم التركيز أو الإنتباه في حضرة الكتاب , قديماً قيل إن غابت الأصحاب فصاحبي الكتاب لكن أنا أقول إذا حضر الكتاب بطل الأصحاب .... كلامه جزئياً سليم لكن علي الإطلاق ما مطلوق علي عواهنه أم فكو (حقوق قلة الأدب محفوظة لأميري) ... يعني نسي أن هنالك كتاب االزول يداب بداه و لم يدخل في طور النسيان لما حوله بعد , وكما أن هنالك بعض الكتب المملة بس بتقراها لأنك لك فيها مأرب أخري أو أستاذ بسوط و ربما قشرة علي جكس ما (و يا حليل الجكس البقشروا ليهو بالكتاب) و الله شوف عيني مرة الحاجة ختت للحاج ختا , لقته بقرأ في كتب زي حقة ناس صاحبنا ديك , كرهتنا يا خي إنت بتقرأ زي الممتحن , تقول تقرأ للجكس.... و علي ما أعتقد و أفتكر و أن بعض الإعتقاد و الإفتكار حاجة قد تكون غير حميدة , لكن أها بنعتقد لمن الدنيا تفتكرنا.... أعتقد أن تلكم المكالمة المتجسس عليها من قبلي وجدتني في واحد من انواع القراءات المذكورة عاليه و هاك يا متابعة .... علي فكرة هذا الصديق أقتنع أنني لا أسمعه مستلقي علي السجادة التي تقبع تحت سريري مباشرة متسخة , و الأرجل ذات الرائحة النفاذة مرفوعه علي حافة سريري ( شفت عدم الإحترام و الإستعفان بي أنا كشخصية عظيمة وصل وين؟) , ما فكر يتحرك يخش الأوضة , أو يطلع البلكونة , هو ما كان مطالب يمشي كرونة الشارع و يدق الدقاقة .... بكامل عدم وجودي الغير معتبر بدأت المحادثة و الي مضابط الحوار:
الضفة الأخري...........
الولهان: تمام و الله إنتي كيف؟ ههههههههههههههههههه
الجملة الفوق دي أحلف صادق كانت رد علي :
كيفك؟ أو أخبارك شنو؟ , أو أمس وصلت كيف؟
يعني أسئلة سيدها ما بيكون بالحيل علي إجابة , جملة علي الإطلاق ما مضحكة . لكن أنا مش قلت ليكم من الحب ما هبل في العنوان فوق؟
الضفة الأخري...........
الولهان: مديدة ؟ مديدة شنو؟ هههههههههههههههههههههه و الله فكرة كويسة
فهنا إستيقظت كل حواسي في التجسس كتمت أنفاسي و أضحيت أسمع دبيب النملة العمياء في صخرة الحب البكماء
الضفة الأخري..........
الولهان: قلتي لي لبن بطحنية و بسبوسة ؟ يا خي دا حتكون خطيرة جداً هههههههههههههههه
و مع هههههههههههههه الأخيرة لم أستطع صبراً و أطلقت هأهأتي العظيمة
إنتهت المكالمة و إتهمت بالتجسس و عدم التركيز في أوراقي و لكن اليوم الثاني هنالك 4 كاسات مديدة و لم تكن غير مستساغة فقط و إنما كريهة .
اللهم عافنا فيمن عافيت
اللهم لا نسألك الحب و لكن نسألك عدم الهبل فيه....
------
في الفصول القادمة سوف نتعرض :
1. الصلاة علي الحب
2. عدم إجتماعية التمباك
3. المسلخة و النشيطة
4. صالة تعليم السامبا
5. ماركيز خراب العامرة
6. ماذا بعد شاكوش الثالثينات
بس كونوا معنا
imported_فيصل سعد
05-09-2011, 02:59 PM
بس كونوا معنا
حمد الله سلامة ..
كل سنة و انت طيب ..
و القابلة عريس ..
imported_بله محمد الفاضل
05-09-2011, 06:08 PM
كل ما يرد هنا محض خيال و إذا طابق الواقع أنا مش مسئول
كما ذكرت عاليه عندما عدت أدراجي وجدت هذا الثلاثي يتلظي في نار العشق بدون وعي أو إرادة و كما قال باولو كويلهو (تحب زول معناها بتحب زول , يعني ما في واحد يجيك طاير يقول ليك بتحبه ليه أو بتحب فيه شنو, و كمان إنت ما مطالب تقدم أي شروحات حتي لنفسك الدنيئة, بس حب كدا و قطم)... أها بناء علي باولو كويلهو أنا أصلاً ما عندي حق السؤال و فقط أقول كما قال أبي (الفيها الخير ربنا يسويها),و الجملة دي بتعني الانسان معترض لكن ما عنده حق إبداء إعتراضه ...
في مرة من المرات تجسست علي مكالمة ما... لكن و الله ما إتجسست عليها و إنما قالت هيت لك فتجسس و قد كان لها ما ارادت ... هذا الولهان إستغل نقطة ضعفي القديمة و هي عدم التركيز أو الإنتباه في حضرة الكتاب , قديماً قيل إن غابت الأصحاب فصاحبي الكتاب لكن أنا أقول إذا حضر الكتاب بطل الأصحاب .... كلامه جزئياً سليم لكن علي الإطلاق ما مطلوق علي عواهنه أم فكو (حقوق قلة الأدب محفوظة لأميري) ... يعني نسي أن هنالك كتاب االزول يداب بداه و لم يدخل في طور النسيان لما حوله بعد , وكما أن هنالك بعض الكتب المملة بس بتقراها لأنك لك فيها مأرب أخري أو أستاذ بسوط و ربما قشرة علي جكس ما (و يا حليل الجكس البقشروا ليهو بالكتاب) و الله شوف عيني مرة الحاجة ختت للحاج ختا , لقته بقرأ في كتب زي حقة ناس صاحبنا ديك , كرهتنا يا خي إنت بتقرأ زي الممتحن , تقول تقرأ للجكس.... و علي ما أعتقد و أفتكر و أن بعض الإعتقاد و الإفتكار حاجة قد تكون غير حميدة , لكن أها بنعتقد لمن الدنيا تفتكرنا.... أعتقد أن تلكم المكالمة المتجسس عليها من قبلي وجدتني في واحد من انواع القراءات المذكورة عاليه و هاك يا متابعة .... علي فكرة هذا الصديق أقتنع أنني لا أسمعه مستلقي علي السجادة التي تقبع تحت سريري مباشرة متسخة , و الأرجل ذات الرائحة النفاذة مرفوعه علي حافة سريري ( شفت عدم الإحترام و الإستعفان بي أنا كشخصية عظيمة وصل وين؟) , ما فكر يتحرك يخش الأوضة , أو يطلع البلكونة , هو ما كان مطالب يمشي كرونة الشارع و يدق الدقاقة .... بكامل عدم وجودي الغير معتبر بدأت المحادثة و الي مضابط الحوار:
الضفة الأخري...........
الولهان: تمام و الله إنتي كيف؟ ههههههههههههههههههه
الجملة الفوق دي أحلف صادق كانت رد علي :
كيفك؟ أو أخبارك شنو؟ , أو أمس وصلت كيف؟
يعني أسئلة سيدها ما بيكون بالحيل علي إجابة , جملة علي الإطلاق ما مضحكة . لكن أنا مش قلت ليكم من الحب ما هبل في العنوان فوق؟
الضفة الأخري...........
الولهان: مديدة ؟ مديدة شنو؟ هههههههههههههههههههههه و الله فكرة كويسة
فهنا إستيقظت كل حواسي في التجسس كتمت أنفاسي و أضحيت أسمع دبيب النملة العمياء في صخرة الحب البكماء
الضفة الأخري..........
الولهان: قلتي لي لبن بطحنية و بسبوسة ؟ يا خي دا حتكون خطيرة جداً هههههههههههههههه
و مع هههههههههههههه الأخيرة لم أستطع صبراً و أطلقت هأهأتي العظيمة
إنتهت المكالمة و إتهمت بالتجسس و عدم التركيز في أوراقي و لكن اليوم الثاني هنالك 4 كاسات مديدة و لم تكن غير مستساغة فقط و إنما كريهة .
اللهم عافنا فيمن عافيت
اللهم لا نسألك الحب و لكن نسألك عدم الهبل فيه....
------
في الفصول القادمة سوف نتعرض :
1. الصلاة علي الحب
2. عدم إجتماعية التمباك
3. المسلخة و النشيطة
4. صالة تعليم السامبا
5. ماركيز خراب العامرة
6. ماذا بعد شاكوش الثالثينات
بس كونوا معنا
حرام عليك يا اخي
ما تقلب المواجع:rolleyes:
imported_مهند الخطيب
11-09-2011, 10:32 AM
ياأخوانا نعتذر بالنيابة عن السلفي الصالح عن اكمال ماتبقى من هذا البوست .....
فقد اتضح أن السلفي قد تم تهديده من قبل جماعة ارهابية وآثر السلامة والابتعاد عن هذا البوست البجيب ليو هوا ومديدة وعشاء أخير .....
أحيييييييييييييييييييي ياسلفي ..... هرشوووووووك
imported_اروي حامد عبد الله حامد
11-09-2011, 01:46 PM
جنس هبل هو :D
حافظ بالمناسبة انا حاسداك علي الثلاثي المرح ما اخير ليك من تقعد براك زي شيطان مكة غير كدا موفرين ليك مساحة بتاعت تعجب علي الخلق لاتجدها بالساهل
السمين الشين الحبيبته مابتعرف قارسيا هن العرفوه شن سوبوه اختي قالت لي اسباب البورة في البنات الثقافة (رياضة- فن - وادب) قالت لي الرجال مابحبه الواحدة تكون مستوي ثقافتها مقارب ليه فشنو اخير ليك عشان تلقي لي مواضيع تعرفهها واخري لا
صاحبك ابو قميص كاروهات دا وعلي ضمانتي الشخصية القميص دا بخليه ود ناس ود ناس :D وتشوبه بعض الاناقة والوجاهة بس مايشكو looool
غايتو ياحافظ لو خضعتا للارهاب دا تكون تلبتا من نظري وماتنسي لي ايزابيلا وتعمل فيها غمران
معتصم الطاهر
11-09-2011, 06:07 PM
لكن ياحافظ شكلات ربيع والهادي عينة ، وحب الموسيقى يتفرع بيك الى حب آلة موسيقية كالجيتار!
هذا ان لم يتم اتهامك في ثقلك المجتمعي يوماً أو ربما تهام صديق لك بازعاج السلطات والتعدي على هيبة الدولة!!!! الليلة يالهيبة والهباب :eek:
وحب الحبش مقدر يتساوى فيه حب من تمد لك فنجانا حدّت الحبشي البديك سفة في حراسة السجم ، وتفارق لاتلم ;)
دو ري مي فا صو لا سي
وللموسيقى بنكهة الجيتار أمر في نفوسنا المتضايقة الا عاضّة المخدة وكاضماو كدي.....
قال لي شنو:
- ياحافظ ياخي الانثى دي حاجة عجيبة !
- كيف يعني؟
-يعني .... يعني .... يعني ..... زي ما .... ت... ق...و...ل ............. كد...ه
- يعني يادين أقفل دينك ده نحن بكره شغالين
وأهديك ياصديقي الأغنية التي تحمل الكلمات التي تقوول :
السنين ياحريف فيها جور ماأدتك
وكان ماعجبتك أهديك:
بشير لومي ....يابشير لومي ....... سووو الجبنة يابشير لومي ..........
فى راسو جيتار ..
معتصم الطاهر
11-09-2011, 06:18 PM
يا سلفى أحس بمعاناتك
فلقد ذقتها ليلة واحدة ... و بعدها حملت روحي و تركت هديماتى التى كنت اظن انى احضرتها للبقاء معكم ..
لكن خايف يكون سبب اختفاءك من البوست هو تهديدهم لك بالرد عليك
السن بالسن
والآهة بالآهة
وحافظ أظلم
imported_نور كامل
12-09-2011, 07:47 AM
البوست ده ما فيه جكس ولا شنو;)
imported_ابرا
12-09-2011, 07:52 AM
البوست ده ما فيه جكس ولا شنو;)
يا بلور دي فرناغه ما عندك ليها شعر:D:Dlooool
imported_نور كامل
12-09-2011, 08:02 AM
يا بلور دي فرناغه ما عندك ليها شعر:D:Dlooool
بركة الكلمتني
وشالت سفنجاتها وقامت جاري
imported_سمراء
12-09-2011, 08:32 AM
سمع اضانى وشوف عين الكلمنى
قالو المديدة جابوها ....وبالاكياس كمان :D
يعععععععععععع
اتو الجكس ده وكت سمن بالمسيجور !
داير يسمن المهابيش ديل لى شنو !
ثم انو هم اصلاً " سماااان" !!
يكونو دايرين يدخلو بيهم المسابقة الكبرى لشيل الحال ياربى !:D:D
عجبى !!
ياهناى قالو امك عملت ليكم صالة رياضية ، سمح مااادايرين نشترك :D
واهو ، جحا اولى بلحم بقرتو :D
imported_اروي حامد عبد الله حامد
12-09-2011, 12:21 PM
سمع اضانى وشوف عين الكلمنى
قالو المديدة جابوها ....وبالاكياس كمان :D
يعععععععععععع
اتو الجكس ده وكت سمن بالمسيجور !
داير يسمن المهابيش ديل لى شنو !
ثم انو هم اصلاً " سماااان" !!
يكونو دايرين يدخلو بيهم المسابقة الكبرى لشيل الحال ياربى !:D:D
عجبى !!
ياهناى قالو امك عملت ليكم صالة رياضية ، سمح مااادايرين نشترك :D
واهو ، جحا اولى بلحم بقرتو :D
غايتو انت اصلو الزول مايفلت قدامك كلام شيالة حال جنس شيل
والعجب الجايبين ليه الحبوب وضيعها هباء منثوراً اسع في زمتك انا وانت ونبروسة ما اولي منه بس ياهو زاتو جايبنه بالطيارة وبايعنه بالخسارة
imported_حافظ حسين
12-09-2011, 06:06 PM
البوست ده ما فيه جكس ولا شنو;)
لا لا لا
البوست دا جاب نور كامل
و الل بواصل سجن سجن غرامة غرامة .... أها نبدأ ليكم من وين؟
imported_حافظ حسين
12-09-2011, 06:16 PM
حمد الله سلامة ..
كل سنة و انت طيب ..
و القابلة عريس ..
بس دا هسي الله قدرك عليه يا فيصل... كل سنة و إنت طيب و برضو القابلة عريس عشان المدام تطلع ...........
كويس يا فيصل نواصل في بند : الصلاة علي الحب
و الله يا حبيب كنا في أمان الله كاسي و كاسك و كيسي و كيسك ... مرة بدون أي مقدمات و بكامل المسكنة قال لي: يا حافظ الصلاة دا جميلة
أنا: و مين القال كعبة؟
مرر يده علي رأسه حتي يجود ببعض الجمل و رد قائلاً:
يا خي الموضوع ما قصة كعبة أو كويس يا صاحب, لكن مفروض نصلي, علي العموم أنا بديت الصلاة من أمس
انا بطيبتي و سذاجتي المعهودة رديت عليه (تمام و الله يا مان .... انا الليله بجيب ليك مصلاية)
و فعلاً قد كان .... في المساء إختبرت درجة تسامحي الدينية ووجدتها معقولة و إشتريت صلاية .....
نواصل
imported_همس الشوق
12-09-2011, 09:52 PM
هو الحب لو ماااااااا هبلك
زاتو ما بكون حب :D
معتصم الطاهر
13-09-2011, 07:04 AM
اتو الجكس ده وكت سمن بالمسيجور !
داير يسمن المهابيش ديل لى شنو !
عجبى !!
:D
ليس تسمينا لو يعلمون
إنما مسألة " شد حيل "
معتصم الطاهر
13-09-2011, 07:05 AM
هو الحب لو ماااااااا هبلك
زاتو ما بكون حب :D
راس السوط
imported_ود البلد
13-09-2011, 07:08 AM
هو الحب لو ماااااااا هبلك
زاتو ما بكون حب :D
ومن هنا نبدأ معكم هذا الخيط
وحتى الهبل فى الحب انواع ...
اها الرصه كيف وإنا انشاء الله لهالكون ...
imported_ود البلد
13-09-2011, 07:10 AM
ليس تسمينا لو يعلمون
إنما مسألة " شد حيل "
أيها المعتصم بالحب
كل زول وقدرتو .. وشدة الحيل وشد الحبل طرفان متجاذبان
وينك ياحلو
imported_نور كامل
13-09-2011, 07:58 AM
لا لا لا
البوست دا جاب نور كامل
و الل بواصل سجن سجن غرامة غرامة .... أها نبدأ ليكم من وين؟
في وحدة اتقدم ليها شاب ماف شئ يعيبه بس زي ما بقولو القلب وما يريد اها الولد قعد يقرا ويقرا ويقرا قامت لمن غلبت حيلة قالت ليه يا ود الشيخ انت اصغر مني بشهرين فكان الرد الطبيعي في الحتة دي انو ما فيها شئ يا بت الشيخ ما السيدة خديجة عليها السلام اتزوجت الرسول صلى الله عليه وسلم وهو اصغر منها بكتير جدا مش شهرين
البنية طوالي لقت حجتها ونطت ليه في حلقه
قالت ليه اها يعني هي لقت شنو ما اهو الزيد شايلين حسها ليوم الليلة
:eek::eek::eek::eek:
بالمنافسة القصة دي من ارض الواقع
imported_مرافي
13-09-2011, 01:40 PM
راس السوط
:D:D:D
imported_همس الشوق
13-09-2011, 01:42 PM
راس السوط
وصل؟؟؟؟؟؟؟؟؟؟؟؟؟؟:D
يا باش هو القلب لمن يريد ما خلاص اتوقع اي حاجه مرورا بالمديدة:D
مشتاقين جداً
imported_همس الشوق
13-09-2011, 01:44 PM
ومن هنا نبدأ معكم هذا الخيط
وحتى الهبل فى الحب انواع ...
اها الرصه كيف وإنا انشاء الله لهالكون ...
ود البلد يا أصيل إزيك
دا خيط مشربك شديد
قصدي الحب:D
imported_همس الشوق
13-09-2011, 01:46 PM
في وحدة اتقدم ليها شاب ماف شئ يعيبه بس زي ما بقولو القلب وما يريد اها الولد قعد يقرا ويقرا ويقرا قامت لمن غلبت حيلة قالت ليه يا ود الشيخ انت اصغر مني بشهرين فكان الرد الطبيعي في الحتة دي انو ما فيها شئ يا بت الشيخ ما السيدة خديجة عليها السلام اتزوجت الرسول صلى الله عليه وسلم وهو اصغر منها بكتير جدا مش شهرين
البنية طوالي لقت حجتها ونطت ليه في حلقه
قالت ليه اها يعني هي لقت شنو ما اهو الزيد شايلين حسها ليوم الليلة
:eek::eek::eek::eek:
بالمنافسة القصة دي من ارض الواقع
يا نورنا إزيك
ومشعة بي جاي حبابك
imported_نور كامل
14-09-2011, 09:01 AM
يا نورنا إزيك
ومشعة بي جاي حبابك
همس دي ياها همس حقتنا زاتا:eek:
والناس يقولو الناس مشت وين
;);)
imported_محمد عبد الرحمن
14-09-2011, 02:28 PM
كل سنة و انتو طيبين يا ناس
الجيتار تمام و الحفلة الشهر الجاي
فيما يخص المديدة
وزن صاحب حافظ من 68 عمل 70.5 هة كيف معاكم
ده حالتو لسة ما شفنا البسبوسة باللبن
ديشكم زاتو استعفنتكم خلاص
imported_همس الشوق
14-09-2011, 02:39 PM
كل سنة و انتو طيبين يا ناس
الجيتار تمام و الحفلة الشهر الجاي
فيما يخص المديدة
وزن صاحب حافظ من 68 عمل 70.5 هة كيف معاكم
ده حالتو لسة ما شفنا البسبوسة باللبن
ديشكم زاتو استعفنتكم خلاص
أحب الافلام الهندية زاتو
أخيرا البطل الحقيقي ظهر :D
imported_مهند الخطيب
18-09-2011, 10:57 PM
ليس تسمينا لو يعلمون
إنما مسألة " شد حيل "
كل سنة و انتو طيبين يا ناس
الجيتار تمام و الحفلة الشهر الجاي
فيما يخص المديدة
وزن صاحب حافظ من 68 عمل 70.5 هة كيف معاكم
ده حالتو لسة ما شفنا البسبوسة باللبن
ديشكم زاتو استعفنتكم خلاص
كااااااااااااااااااااااااااااااااااااااااااااك :D
كدي ارجع يابتل لمداخلة الباش الفوق دي ماتجليها لأنو فوكا عبر:D:D
واعمل تلفت يابتل
معتصم الطاهر
19-09-2011, 10:24 PM
اقتباس:
المشاركة الأصلية كتبت بواسطة معتصم الطاهر http://sudanyat.org/vb/images/buttons/viewpost.gif (http://sudanyat.org/vb/showthread.php?p=405633#post405633)
ليس تسمينا لو يعلمون
إنما مسألة " شد حيل "
اقتباس:
المشاركة الأصلية كتبت بواسطة محمد عبد الرحمن http://sudanyat.org/vb/images/buttons/viewpost.gif (http://sudanyat.org/vb/showthread.php?p=406060#post406060)
فيما يخص المديدة
وزن صاحب حافظ من 68 عمل 70.5 هة كيف معاكم
ده حالتو لسة ما شفنا البسبوسة باللبن
اقتباس:
المشاركة الأصلية كتبت بواسطة مهند الخطيب http://sudanyat.org/vb/images/buttons/viewpost.gif (http://sudanyat.org/vb/showthread.php?p=406923#post406923)
كااااااااااااااااااااااااااااااااااااااااااااك :D
كدي ارجع يابتل لمداخلة الباش الفوق دي ماتجليها لأنو فوكا عبر:D:D
واعمل تلفت يابتل
ويوقولوا ليك معتصم بتكلم بالألغاز ..
غايتو بتريحنى دايما
imported_سارة
19-09-2011, 10:55 PM
غايتو انت اصلو الزول مايفلت قدامك كلام شيالة حال جنس شيل
والعجب الجايبين ليه الحبوب وضيعها هباء منثوراً اسع في زمتك انا وانت ونبروسة ما اولي منه بس ياهو زاتو جايبنه بالطيارة وبايعنه بالخسارة
عالم حاقدة وراصدة:mad:
هى كيفن ما تضيع وبالاضافة للمدايد والحب من طرف تالت بقى فيها
اقاشى loooollooool
حافظ عليك دينك تتكلم وليك على كان سجن بضمنك وكان جلد براك
imported_مهند الخطيب
20-09-2011, 11:14 PM
عالم حاقدة وراصدة:mad:
هى كيفن ما تضيع وبالاضافة للمدايد والحب من طرف تالت بقى فيها
اقاشى loooollooool
حافظ عليك دينك تتكلم وليك على كان سجن بضمنك وكان جلد براك
لا يستطيع:D:D
imported_مهند الخطيب
20-09-2011, 11:18 PM
اقتباس:
المشاركة الأصلية كتبت بواسطة معتصم الطاهر http://sudanyat.org/vb/images/buttons/viewpost.gif (http://sudanyat.org/vb/showthread.php?p=405633#post405633)
اقتباس:
المشاركة الأصلية كتبت بواسطة محمد عبد الرحمن http://sudanyat.org/vb/images/buttons/viewpost.gif (http://sudanyat.org/vb/showthread.php?p=406060#post406060)
اقتباس:
المشاركة الأصلية كتبت بواسطة مهند الخطيب http://sudanyat.org/vb/images/buttons/viewpost.gif (http://sudanyat.org/vb/showthread.php?p=406923#post406923)
ويوقولوا ليك معتصم بتكلم بالألغاز ..
غايتو بتريحنى دايما
ياخي انا قاعد معاك هنا هسي لي 6 سنين معقولة مااستفيد اصلو؟;)
مازي مابتريحني والله:D
imported_محمد عبد الرحمن
04-11-2011, 06:25 PM
قال من الحب ما هبل قال
و الله احكي ليكم نكتة قال بيعا العجيبة ديك عُمرتي تبوظ
غايتو ربنا يرحم الخال و الشكية لي الله (آمين)
هو البوست ده مالو ماشي زي باص الجريف لو اعرف بس البرفعو منو؟:mad:
vBulletin® v3.8.8 Beta 2, Copyright ©2000-2026