شكرا للزملاء في جدة والرياض .. !!

[imported_طارق صديق كانديك]

قيض الله لي رفقة أخرى وأنا أهم عائدا الى عملي بالدمام اذ سعدت برفقة الأخوة في جدة .. كان اولهم صديقي آخر المواني الذي قابلته آخر مرة منذ ثلاثة أعوام أو تزيد ولم ينقضي النهار حتى كنا برفقة الشاعر المرهف بله محمد الفاضل فتسامرنا تحفنا روحه النقية وضحكته المميزة والذي يجلس الى بله الفاضل لا تكاد تمر دقائق حتى تغشاه سكينة المحبة ويلحظ دون جهدٍ يذكر كيف أن هذا الرجل انسانا بحق ..!!

جلسنا لساعات خمس لم نشعر فيها بالملل وحين جاء المساء وصل الينا الاخ امير الامين بعد أن هاتفناه عصرا فجاء هادئا جميلا يتحدث فتجد متعة في الاستماع اليه كبيرة حتى جاء العزيز قيقراوي فتقاسم انتباهنا وتقاسمنا لحظات باقية الى ماقبل منتصف الليل بقليل .. وحيثما جلس قيقراوي فالنكتة حاضرة والبسمة لاتكاد تفارق الناس .. !!


ثم كانت وجهتي الى الرياض حيث الفيت الأعزاء النور يوسف وما أجمل رفقة هذا الرجل وشهادتي مجروحة في شأن صديقي اسامة عبدالماجد وسعدت جدا بلقاء أزهري اسماعيل صاحب الحضور الذكي ثم كان الأديب الجميل نصار الحاج حضورا آخر برزانته وفيض تأدبه وكان مسك ختامي أن جالسنا العزيز عبدالمنعم الطيب بداره العامرة. فلامسنا المحبة واحتوانا الليل لساعات قصيرة لكنها تبقى منفذا باتجاه الجمال لايسده شئ .. !!

شكرا لكم وشكرا لاقتطاع الزمن

شكرا لكل شئ

لكم محبتي وتقديري

[imported_رأفت ميلاد]

عليك الله دى سياحة يا طارق .. بين جدة والرياض .. ياخ تعال لينا هنا فى الصيف .. تسوح لامن تقول الله حق .. غايتو عكود والنور الفيهم أتعرفت .. قصة الجية بى جاى .. بقت فيهم قصة .. النفس فيها والقلب مابيها .. وبقولوها بى طريقة تانية .. راجع محسن خالد :D:D

قلت لى منعم ما جاب ليك سيرة بابكر عباس .. غايتو أقتراحاتو كلها أن أثنيها :p

[imported_قيقراوي]

:D:D

قلت لى منعم ما جاب ليك سيرة بابكر عباس .. غايتو أقتراحاتو كلها أن أثنيها :p

لووووووب

بابكر عباس جبت سيرتو انا!:D





---------

سعدنا بالشوفة يا ريس
شرفتنا كتير ياخي

ما تطول الغيبة

[imported_سارة]

كانديك يا جميل لك ولمن زاروك وزوارتهم وجاورتهم كل المحبة

امانتن فى ظومتك عبد المنعم ما قطع فينى:p:D:D غايتو انا لو لاقيت
اى زول من السعودية بقطع فى عبد المنعم

حاجة تانية ياخ الزول دا انا شفت صورته عينى باردة ما ليها اى علاقة
بلسانه التقول رافت ميلاد خاله:p:p

عليك الله لو لسة مع الناس ديل سلم لى على الجميل بلبل سلام خاص
جدا جدا

[imported_طارق صديق كانديك]

عليك الله دى سياحة يا طارق .. بين جدة والرياض .. ياخ تعال لينا هنا فى الصيف .. تسوح لامن تقول الله حق .. غايتو عكود والنور الفيهم أتعرفت .. قصة الجية بى جاى .. بقت فيهم قصة .. النفس فيها والقلب مابيها .. وبقولوها بى طريقة تانية .. راجع محسن خالد :D:D

قلت لى منعم ما جاب ليك سيرة بابكر عباس .. غايتو أقتراحاتو كلها أن أثنيها :p

والله سياحة مع الجميلين ديل لاتوصف .. بس كمان اوربا كلاما تاني :)

والطريقة التانية ماعايزة مراجعة من محسن looool

منعم رجل لطيف جدا ود بلد وماجاب سيرة بابكر والله.

لك وله ولبابكر التحيات

[imported_طارق صديق كانديك]

لووووووب

سعدنا بالشوفة يا ريس
شرفتنا كتير ياخي

ما تطول الغيبة

نحن قدمنا سبتنا باقي أحدكم :)

[imported_طارق صديق كانديك]

كانديك يا جميل لك ولمن زاروك وزوارتهم وجاورتهم كل المحبة

امانتن فى ظومتك عبد المنعم ما قطع فينى:p:D:D غايتو انا لو لاقيت
اى زول من السعودية بقطع فى عبد المنعم

حاجة تانية ياخ الزول دا انا شفت صورته عينى باردة ما ليها اى علاقة
بلسانه التقول رافت ميلاد خاله:p:p

عليك الله لو لسة مع الناس ديل سلم لى على الجميل بلبل سلام خاص
جدا جدا

صباحك خير ياجميلة

عبدالمنعم يعلم الله بستحق زيارة براااهو

غادرتهم للاسف بس سلامك بوصل لبله

لك ولهم المحبة

[imported_بله محمد الفاضل]

قيض الله لي رفقة أخرى وأنا أهم عائدا الى عملي بالدمام اذ سعدت برفقة الأخوة في جدة .. كان اولهم صديقي آخر المواني الذي قابلته آخر مرة منذ ثلاثة أعوام أو تزيد ولم ينقضي النهار حتى كنا برفقة الشاعر المرهف بله محمد الفاضل فتسامرنا تحفنا روحه النقية وضحكته المميزة والذي يجلس الى بله الفاضل لا تكاد تمر دقائق حتى تغشاه سكينة المحبة ويلحظ دون جهدٍ يذكر كيف أن هذا الرجل انسانا بحق ..!!

جلسنا لساعات خمس لم نشعر فيها بالملل وحين جاء المساء وصل الينا الاخ امير الامين بعد أن هاتفناه عصرا فجاء هادئا جميلا يتحدث فتجد متعة في الاستماع اليه كبيرة حتى جاء العزيز قيقراوي فتقاسم انتباهنا وتقاسمنا لحظات باقية الى ماقبل منتصف الليل بقليل .. وحيثما جلس قيقراوي فالنكتة حاضرة والبسمة لاتكاد تفارق الناس .. !!


ثم كانت وجهتي الى الرياض حيث الفيت الأعزاء النور يوسف وما أجمل رفقة هذا الرجل وشهادتي مجروحة في شأن صديقي اسامة عبدالماجد وسعدت جدا بلقاء أزهري اسماعيل صاحب الحضور الذكي ثم كان الأديب الجميل نصار الحاج حضورا آخر برزانته وفيض تأدبه وكان مسك ختامي أن جالسنا العزيز عبدالمنعم الطيب بداره العامرة. فلامسنا المحبة واحتوانا الليل لساعات قصيرة لكنها تبقى منفذا باتجاه الجمال لايسده شئ .. !!

شكرا لكم وشكرا لاقتطاع الزمن

شكرا لكل شئ

لكم محبتي وتقديري

يشهد الله خربت طبعنا مرة واحدة
زول يتعنكش فيهو قلبك وما ينزل أبداً (كدي باصر ليك طريقة ترجعو لينا)
بس كان عندي حسن ظن إنو أول ما الواحد يشوف حضرتي (ههههه) بقع بردلب يتكسر...
شكلنا عجزنا وكدا:Dlooool
بس ريحتني حكاية دون جهد يذكر دي فخلينا نعتبر الأولى خطأ مطبعي ونقرط علي التانية:):cool:

عليك الله ما تطول الغيبة الله يرضى عليك
وتعال جيب العمرة التانية سريع عشان تعمل تدعيم للأولى
واحدة ما كفاية أبداً:eek:


تحياتي ومحبتي واحترامي واشتياقي

[imported_بله محمد الفاضل]

كانديك يا جميل لك ولمن زاروك وزوارتهم وجاورتهم كل المحبة

امانتن فى ظومتك عبد المنعم ما قطع فينى:p:D:D غايتو انا لو لاقيت
اى زول من السعودية بقطع فى عبد المنعم

حاجة تانية ياخ الزول دا انا شفت صورته عينى باردة ما ليها اى علاقة
بلسانه التقول رافت ميلاد خاله:p:p

عليك الله لو لسة مع الناس ديل سلم لى على الجميل بلبل سلام خاص
جدا جدا

تسلمي سرورية والله
سلامك وصل من هنا ولك ما يقابله ويفيض...
زولك شمومة زيارتو لينا
كم ساعة وجري علي الرياض
لا وشنو قال قدمنا السبت شفتي كيفن
يعني لو جانا كم يوم ما بطلع إلا ويدنا في يدو عشان نرد الزيارة
حكاية قدمني وأقدمك ديك


أها إنتي ماناوية تزوري وتعمري
كفاك لمليم أمرقي
خلينا نتقابل في الزايلة دي
بعدين ما مضمون

تحياتي ومحبتي واحترامي واشتياقي
والتالت لي يوم الليلة ما جا

[imported_سارة]

تسلمي سرورية والله
سلامك وصل من هنا ولك ما يقابله ويفيض...
زولك شمومة زيارتو لينا
كم ساعة وجري علي الرياض
لا وشنو قال قدمنا السبت شفتي كيفن
يعني لو جانا كم يوم ما بطلع إلا ويدنا في يدو عشان نرد الزيارة
حكاية قدمني وأقدمك ديك


أها إنتي ماناوية تزوري وتعمري
كفاك لمليم أمرقي
خلينا نتقابل في الزايلة دي
بعدين ما مضمون

تحياتي ومحبتي واحترامي واشتياقي
والتالت لي يوم الليلة ما جا

بلبل يا جميل لك وللحلوين حولك كل المحبة
والله والله والله ما ناسية سيصلك ان شاء الله ومن كل الاطراف
وانا بينى وبينك العكرة فى نفسى وزيارة البيت
علا اهلك السعوديين ديل قالوا الا محرم
وانا بينى وبينك مكجنى المباراةlooool
لـ بيت الله ما يبارنى زول ضمة:p

بجيكم براى واصلى كان الله مد فى العمر

[imported_رأفت ميلاد]

المشاركة الأصلية كتبت بواسطة سارة http://sudanyat.org/vb/images/buttons/viewpost.gif (http://sudanyat.org/vb/showthread.php?p=422276#post422276)
بلبل يا جميل لك وللحلوين حولك كل المحبة
والله والله والله ما ناسية سيصلك ان شاء الله ومن كل الاطراف
وانا بينى وبينك العكرة فى نفسى وزيارة البيت
علا اهلك السعوديين ديل قالوا الا محرم
وانا بينى وبينك مكجنى المباراةlooool
لـ بيت الله ما يبارنى زول ضمة:p


بجيكم براى واصلى كان الله مد فى العمر


المحرم قاااعد .. تضربى تلاتة عصافير بى حجر looool

[عبدالمنعم الطيب حسن]

الامير طارق كانديك ...
وصحبه الكرام ...
كان لنا شرف ان تعرفنا عن قرب مع اجمل وارق الناس ...
صوره وصوت
ومرت اللحظات سراعا
ولكنها حفرت عميقا في اعماقنا
صحاب
وناس كانك تعرفهم من دهور هذه عظمة سودانيات
وعظمة ربانها .....
ولمؤسسها الجنان ....
شكرا للشباب الذين شرفونا
الصديق اسامه عبد الماجد
الشاعر الكبير والانسان الصديق نصار الحاج
والصديق النور يوسف
والصديق ازهري سيف الدين ...
وكل سودانيات كانت حضورا بهيا
وكلكم هنا
واشار الي قلبه

[imported_زول الله]

حمدا لله على السلامة ابوحمزة الكلس

ماعليك لوم لكن الفي الكمندان داك إتعرفت تب
والعجب عبدالمنعم الطيب
لكن الله في ...:mad:

و...بجيك عديل بالدرب









اقول قولي هذا واستغفر الله لي ...........

[imported_أمير الأمين]

كانت جلسة ما منظور مثيلا (رغم خلوها من الجنس الناعم :D
و برضو خلوها من الجنس سوير خشن) لان كل الحضور
كان فى غاية الرقة و الالفة كاننا نتعارف من زمن بعيد..
طارق انت زول ولوف من السهل النفاد الى دواخلك..
يعنى ممكن تكون صديق لاى واحد يجالسك لساعات ...
بله انسان فى غاية السماحة ي>كرنى برقة ادريس جماع
حينما مسح يديه المملؤة "بملاح الخضرة" على قميصه
لما مد احد الضيوف يده مسلما..
قيقا مسالم كابناء الاستاز.. لا تمل حديثه .
(انا فى انتظار صديقتك يا قيقا)
حكيم الجلسة كان صديقنا عثمان ادريس..
حقا كانت جلسة فى الخاطر..

[الرشيد اسماعيل محمود]

بله انسان فى غاية السماحة يذكرنى برقة ادريس جماع
حينما مسح يديه المملؤة "بملاح الخضرة" على قميصه
لما مد احد الضيوف يده مسلما..
قيقا مسالم كابناء الاستاز.. لا تمل حديثه .

يا سلام يا أمير..
ياخي وصّفتهم تمام..
الواحد كدة من خلالك أخد فكرة عن بلة اب ردا دة..
وقيقا.. ود الأستاذ.. :D
جميل يا سيدي..
تحياتنا ليهم أجمعين.
وليك.

[النور يوسف محمد]

حمدا لله على السلامة ابوحمزة الكلس

ماعليك لوم لكن الفي الكمندان داك إتعرفت تب
والعجب عبدالمنعم الطيب
لكن الله في ...:mad:

و...بجيك عديل بالدرب


اقول قولي هذا واستغفر الله لي ...........


بسم الله الرحمن الرحيم ..

ود الشيخ بتعرف معزتك ..
شاى المغرب اب لقيمات فقدك والله .. :)
أنا ما عندى ذنب فى الحصل لكن اللوم الجانى قبلتو تب
أصلو اللوم قالو بجى بالغفلات ..

تشكرات يا صاحب ..

[عبدالمنعم الطيب حسن]

حمدا لله على السلامة ابوحمزة الكلس

ماعليك لوم لكن الفي الكمندان داك إتعرفت تب
والعجب عبدالمنعم الطيب
لكن الله في ...:mad:

و...بجيك عديل بالدرب









اقول قولي هذا واستغفر الله لي ...........

زوال الله خلف الله ودالشيخ
ازيك يا فنان وعساك فاين
صحيح زي ما قال جنابو اللوم بجي بالغفلات
والزيك ما بتنسي
ولكنه الزهايمر ....
ووجودك كان يزيد القعده القا وفنا وغناءا طروبا ...
والمره الجايه انت اول احاضرين بس معاك العود
وجلسه ما زيها ....
وطالبنك غنوتين
وضحكات جماعه ...
والفه تملى المكان
وتفيض

[imported_أسعد]

لانك زول سمح شدييييييييييد
واهلنا قالوا الشيء كانت فات حدو بنقلب ضدو
فبتالي بتكون سمح لمن شين

عليه نحمد لله أن غيض لنا العوارض في عدم شوفتك ^_^

ياخ وحياة ديني وايمان ضحكتك في التلفون بس بي خرطوماية زول

[الرشيد اسماعيل محمود]

ياخ وحياة ديني وايمان ضحكتك في التلفون بس بي خرطوماية زول
يعني بالضبط كدة حوالي كم..؟

[imported_أسعد]

يعني بالضبط كدة حوالي كم..؟
^_^
تتذكر كلامنا زمان عن كابتن ماجد وياسين وفواز
اها اسي انا اتذكرت مسلسل كابتن ماجد وانا بتأمل في فعايلك دي
بهناك زول سمح خلاس وبهنا زول غتيت بتقرص بالكدارة
يا ربي تكون أنت بسام بس متنكر لانك قادي سلك من البوليس^_^

[imported_طارق صديق كانديك]

حمدا لله على السلامة ابوحمزة الكلس

ماعليك لوم لكن الفي الكمندان داك إتعرفت تب
والعجب عبدالمنعم الطيب
لكن الله في ...:mad:

و...بجيك عديل بالدرب

اقول قولي هذا واستغفر الله لي ...........


كيف حالك ياجميل

الله يسلمك ويعافيك ياخي يعلم الله اللوم حاصل
ولكنك كريم ومحبتنا بتستاهل تسامحنا عشانا

--

ومرحب بيك بالدرب العديل تشرف وتملانا نور

كن واسرتك الكريمة بالف خير

وفي انتظارك

[imported_طارق صديق كانديك]

لانك زول سمح شدييييييييييد
واهلنا قالوا الشيء كانت فات حدو بنقلب ضدو
فبتالي بتكون سمح لمن شين

عليه نحمد لله أن غيض لنا العوارض في عدم شوفتك ^_^

ياخ وحياة ديني وايمان ضحكتك في التلفون بس بي خرطوماية زول*

يا حبيبنا صباحك خير ومحبة

ياخي عصرتا علينا بالعوارض دي :)

تستحق نجيك راسنا عدييييل وبعملا ان شاء الله

كن بالف خير

* قلت لي ست الفول المدمس مالا :D

[imported_حافظ حسين]

عليك الله دى سياحة يا طارق .. بين جدة والرياض .. ياخ تعال لينا هنا فى الصيف .. تسوح لامن تقول الله حق .. غايتو عكود والنور الفيهم أتعرفت .. قصة الجية بى جاى .. بقت فيهم قصة .. النفس فيها والقلب مابيها .. وبقولوها بى طريقة تانية .. راجع محسن خالد :D:D

قلت لى منعم ما جاب ليك سيرة بابكر عباس .. غايتو أقتراحاتو كلها أن أثنيها :p

و الله يا رأفت إنت حتفصلني من الشغل.....
قريت بالأحمر و ضحكت بأعلي صوت ... صاحبي الشمار كتله جاء جاري ... قال لي في شنو ... قريته بالأحمر دا ... طبعاً عنده حلقوم أجارك الله و علي أثر حلقوم تجمعت الحسان و قالن دايرات يعرفن ... ما في حل قريناهن الكلام عاينو لبعض مهجومات و عايين لينا نحن بأكثر هجمة ... و الله عندكم حاجة تانية أصلن دا ما الكلام الضحكم كدا إما تشرحوا لينا معني الكلام دا التاني شنو؟
يا زول شرح شنو غايتو اديتهم ايملك

معليش يا طارق ... لمة سعيدة يا خي و انشاء الله ملمومين في الخير

[imported_رأفت ميلاد]

المشاركة الأصلية كتبت بواسطة حافظ حسين http://sudanyat.org/vb/images/buttons/viewpost.gif (http://sudanyat.org/vb/showthread.php?p=422841#post422841)
و الله يا رأفت إنت حتفصلني من الشغل.....
قريت بالأحمر و ضحكت بأعلي صوت ... صاحبي الشمار كتله جاء جاري ... قال لي في شنو ... قريته بالأحمر دا ... طبعاً عنده حلقوم أجارك الله و علي أثر حلقوم تجمعت الحسان و قالن دايرات يعرفن ... ما في حل قريناهن الكلام عاينو لبعض مهجومات و عايين لينا نحن بأكثر هجمة ... و الله عندكم حاجة تانية أصلن دا ما الكلام الضحكم كدا إما تشرحوا لينا معني الكلام دا التاني شنو؟
يا زول شرح شنو غايتو اديتهم ايملك

معليش يا طارق ... لمة سعيدة يا خي و انشاء الله ملمومين في الخير

يا حفوظى أنت بترفد روحك براك .. وماشى ترفدنى معاك ;) عيبك بتفهما طايارة .. بس ما تقشرا للجماعة :D:D

بعدين ما تدى زول إيميلى .. أسوى بيهم شنو .. الإيميل ده بنفتش بيهو الشغل .. خليك براكتكل .. أديهم أسكايب .. فيسبوك .. ويا ريت نمرة تلفون .. أصلو نحن ما فضل فينا فضلة غير اللسان :o

[imported_الجيلى أحمد]

[B][SIZE=5][COLOR=navy]
بعدين ما تدى زول إيميلى .. أسوى بيهم شنو .. الإيميل ده بنفتش بيهو الشغل .. خليك براكتكل .. أديهم أسكايب .. فيسبوك .. ويا ريت نمرة تلفون ..:o
:D:D
يضحك صباحك ياعم رأفت
قلت لى كيف :D:D
يابراكتيكل:D:D




تحياتى لطارق والجميع

[imported_قيقراوي]

قيقا مسالم كابناء الاستاز.. لا تمل حديثه .
(انا فى انتظار صديقتك يا قيقا)

..
سلامات يا مير

للأسف شكلك ما ح تشوف اي شئ هنا ..
الا بعض مقالات من فينة و فينة
دا كلو الاثمرت بيو المفاوضات الشائكة:p
وشئ خيرون من لا شئ .. و لّ شنو؟looool




--------

بخصوص الاستاز ؤ كدا
يا ريت ياخي
البقولو ليو سمين، يقول آمين

شكراااان ياخ

[imported_يحي عثمان عيسي]

بسم الله الرحمن الرحيم

معليش يا بله برضي كالعاده مسامحك والله
انا عيدت عليك وقلت ليك انا بتصل بي طارق كانديك وتلفونو يرن جرس وما برد
وقلت لي طارق في السودان ..واظن طارق لما رجع لقي كم مكالمه مني
الحبيب طارق ما لينا نصيب في لقياك وبقية الركب الميمون
وزيارة وعمرة مقبوله والجايات كتيره
بله الفاضل مسامحك يا حبيبي مهما قسيت عليا
وقلبك عارفو ابيض
وكلك حسن نية خنقتني لكن بلعتها

[imported_طارق صديق كانديك]

بسم الله الرحمن الرحيم

معليش يا بله برضي كالعاده مسامحك والله
انا عيدت عليك وقلت ليك انا بتصل بي طارق كانديك وتلفونو يرن جرس وما برد
وقلت لي طارق في السودان ..واظن طارق لما رجع لقي كم مكالمه مني
الحبيب طارق ما لينا نصيب في لقياك وبقية الركب الميمون
وزيارة وعمرة مقبوله والجايات كتيره
بله الفاضل مسامحك يا حبيبي مهما قسيت عليا
وقلبك عارفو ابيض
وكلك حسن نية خنقتني لكن بلعتها

العزيز يحي عثمان عيسى

مساك الله بالمودة

امسك في بله ده أصلك ما تفكو :)

الجايات أكتر باذن الله شكرا لسؤالك ياخي والله ما بتقصر

ونحن المتلومين بس كانت ساعات سريعة

لك مودتي

--

الأعزاء

حافظ/رأفت/الجيلي

لكم محبتي

[imported_أزهري سيف الدين]

الحبيب طارق ..
سعدت جداً بذلك اللقاء، بالرغم من قصره ..
كانت لحظات جميلة مرّت سريعاً ..
بالله المرّة الجاية تعال في الويك اند عشان نشبع منّك :)

تحياتي ..
.