حرائق الذات في شتاءات الغربة

[imported_قيقراوي]

حرائق الذات في شتاءات الغربة
أو عمو الطيب كما غنته الأشجار











-------

عاطف انيس في رثاء عم الطيب يوسف

[imported_قيقراوي]

( 1 )
الموت ياتو !؟
الموت فال الأيام الختفت ريحة الطمى
العاطن صوتك
الموت مقلوب موتك

الموت ياتو !؟

الموت يتشرف بيك
لو ساكت فكر فيك

الموت ياتو !؟

الموت الميت حيلو
المخصى فحواه الصوت والضو
الهاو ضهبان في ودرة ليلو
العطشان نيلو..
الباحي صهيلو
الحاضر انت وغايب هو
الموت ياتو!؟

[imported_قيقراوي]

( 2 )

اشوفك بكرة يا عم الطيب
قوم أتمد .. ونوم .. تصبح على خير
وطنك يرّانا .... تيربنا قناديل
كفنك كفانا .... فرقنا مناديل
وأشوفك بكرة

[imported_قيقراوي]

شايفك في غيمة شفيفة
ترش بيوضة بمطر الليل
في غنوة بتطلع بين رقراق الذكرى رهيفه
تونس كل أطفال الحلة المورودين عن معنى شليل
وكل ما فج عيونهم قبلي
صرّوا الامل
الوطن
العمل
الأسم الحركي لزمنا زين في جوف النيل
او يرشح نهرك عرق اصدافو
كنا نطمن مركب نوح من حلمو الشافو
وكان سورنا الدنيا هديل
شايفك واضح زي النخلة
هداية تقيف زي ألفاً أحمر
ومهما بتقسو عليها رياح الآهه
سبيطها تلمو
وتشر الضل لي زولا طاش
أشوفك باكر
في حالة صفو ألهي اخدر وباش
بتشاغل كل زميلة وجيهة رأي
تريانة وعاجنة العولمة بالقنديل
تقوم من نومها
تضاير يومها
تسن حلقومها
شان ما تجيك وتغني هموما
تخدر فيك الصفق الناشف
ونهش الطير لا ينقد عيشك
يلا يا سانده الله يلون غيمات ريشك .. الكهربا رجعت
شغلي غنية .. تنهر حزن الدنيا .. ورشي الحوش
بتحب ياتو .. كدي وريني؟
مصطفى سيد أحمد ولا أبو عركي؟
فيروز الدم ....
مارسيل الشوق
ولاجراح الطين في وردي الوارد من نيل كوش
ايوة ده كلو
وبرضو بحب غنوات الكاشف ... وتسكت فجاة ..( وحاجة كاشف )
وتكشف مبسوط عن وعي جميل بي بكره الأجمل
وباكر اجمل
باكر فارش في اسواق المعنى ضميرك
ودفء حضورك
يا هداي فلوكة الروح في الريح والعتمة
عارف للحيكون
لمن يصدق حدس الزمن الفيك
وتسأل ملهوف عن ضيفاً جاي
مين بيدق الباب يا هاشم
افتح سرعة ده يمكن هاشم
اسرع لاتكون تسمات الصيف جرحنو
ويجيك ترهاقا ... تيجاتي أشراقة
فاطنة السمحة
قاسم أمين الوعي الجمعي
أدريس جماع الحجز كرسى في رئتك
وراجي ... المطرة ... الهمس ... الأمس الضايع منو
سنوات العمر تجيك معتذرة
فرج فودة .... على القيوم ...... بابلو نيرودا
غارسيا ماركيز ..... عنبر جوده
وتجيك الطبقة العاملة عمايل
وما شاقيها
غير ما توازن شرط العدل المايل
ومين من بعدك
يا هباب الجمر الحي
يسند اوجاع الروح بي شعبو الراسية
أن مالت
وميت حيسرح فينا ضفيرة الغنوة الجاية
أو حيفل زي النيل من حظو العاثر
النيل الساكن جنبك
وجنب الصبر الساكن نيلك
وفارد موجو عليك جنحين
النيل معزوم عندك يوماتي
على خاطر طيب
شاي نديان
نشرة خبر الشوق العاتي
واكل بجيك ودران
بس اوعى تنوم بدري
يا سابق الكون بركعة حب
ده النيل مشتاق لقعدة معاك
لى ونسة تكلكل جلد المغرب ورملة حوشك
تتونس ولا هاميك البحصل
والراديو حوارك بجنبك
بتطوف في الونسة حواري الدنيا محطة .. محطة
تحكي وتحكي
بشجن مفضوح زي ضو بتراقص في النجمات
تحكي وتحكي
عن بذرة وعياً ... نبتت بدري ... في الشيخ البدري
وعن الغنوة الم منضبطة
عن مؤتمر الشهد التالت
عن حلف المانجو
ونادى الطل ... منتدى تلوين للفلاحين
جبهة هيئات الحب والثورة
وعن خرطوم بالليل مرتبطة

عاطف أنيس
فيلادلفيا .. 14 فبراير 2002

[imported_قيقراوي]

إحتراق ثاني!


عاش متزن و نبيل.. (http://www.sudaneseonline.com/cgi-bin/sdb/2bb.cgi?seq=msg&board=350&msg=1322122275)

[imported_قيقراوي]

عاش متزن و نبيل .. زيو زى اى زميل

قابض على الاصرار على يوم حياتى جميل

كالخضرة فى الاشجار كالموية جوة النيل

عاش متقد زى نار خلوية عز الليل

زول لى طريقو اختار .. اختارو دغرى عديل ..

غير الغبش ما اختار جهة عليها يميل

ويجى الزمان الفات زى طلعة الجايين

علمنا حتين مات ميتة الشيوعيين

ياشافى ياكافى .. ياوافى وانت بعيد

ياحلمنا المافى ياحضن دافى قريب

محمد الحسن سالم حميد

[imported_قيقراوي]

لا اذكر آخر مرة بكيت فيها منذ رحيل والد في 1986م
احزنني هذا الرحيل المر جداً لآخر الانبياء الساسيين*

عم تجاني ما مات ..
انهكت جسدو 65 سنة نضال و دفاع عن حقوق الناس
و كان آوان الموت عادياً تماماً
يا الله!!

اريتو حالك يابا حالي!

نم هنيئاً يا جسور

في الخالدين
يابا مع السلامة



-------

* عنوان الاستاذ /فتحي الضوء

[عبدالمنعم الطيب حسن]

قيقراوي سلام
انها ايام الحزن العام يا صديقي
تشبه ايام وفاة الاستاذ مصطفى سيد احمد
تشبه ايام استشهاد الدكتور قرنق ...
مشلكة
هذا الحزن العام يستمر طويلا ممتدا
عميقا
مبهما ...

علّنا نفرح يا اخوي
عندما
تتحقق المبادي التي ناضلوا من اجلها
..............................
ويوم بكرة جميل
اخضر نيلو

[النور يوسف محمد]

بسم الله الرحمن الرحيم

وحتى فى رحيلهم ..
يمتحنون ذائقتنا للصمود ويفضحون ألوان المداد ..

[imported_هيثم علي الشفيع]

قيقراوي

الكلام دة سمح باللحيل


وقصيد الحزن دايماً أسطع من قصائد الفرح ، وأجمل عزفاً على أوتار الدواخل




رحم الله موتانا جميعاً

[imported_بله محمد الفاضل]

شكراً للاستجابة صاحبي قيقا


شكراً جداً



والموت ياتو...!!!

[imported_قيقراوي]

قيقراوي سلام
انها ايام الحزن العام يا صديقي
تشبه ايام وفاة الاستاذ مصطفى سيد احمد
تشبه ايام استشهاد الدكتور قرنق ...
مشلكة
هذا الحزن العام يستمر طويلا ممتدا
عميقا
مبهما ...

علّنا نفرح يا اخوي
عندما
تتحقق المبادي التي ناضلوا من اجلها
..............................
ويوم بكرة جميل
اخضر نيلو
سلامات يا منعم

عم التجاني كان مدرسة زي ما قال د, حيدر علي ابراهيم

تامل في كلام علي المك دا

ربما في غفلة وفي تفريط نودع أناساً، رجالا كانوا عمد هذا الوطن. ولفرط ما منح أولئك حياتنا من ظل وريف وراحة فكر، ونعيم علم، نظن أن ظلالهم التي منعت شمس الجهالة أن تهطل علينا، باقية لن تزول، وكنا واهمين. أولئك قوم أدوا رسالتهم وعلمونا أن نقوى، وأن نشتد فكراً وساعداً وثبات قلب.. بصورة أدق، خلفوا علينا عبئاً، ظنوا أننا خليقين بحمله والسير به وتسليمه للأجيال في سباق مبادلة مع زمان أسحم، وعدد مبين جم الترصيد؛ ولكننا كنا دائماً نطلب عونهم و نبكي.. علمونا، فأخفقنا كثير أحيان.. عادوا يصلحون من شأننا فسقط جلنا دون أن يبلغ المراد.. صارعوا الاستعمار والظلم، فصارعنا أنفسنا.. ونسينا هذا الوطن.. آه ما أجل الأسى.





-----

البركة فيكم

[imported_قيقراوي]

قيقراوي

الكلام دة سمح باللحيل


وقصيد الحزن دايماً أسطع من قصائد الفرح ، وأجمل عزفاً على أوتار الدواخل




رحم الله موتانا جميعاً

الحزنُ لا يتخيّر الدمعَ ثياباً

كى يُسمّى فى القواميسِ .. بكاء

هو شىءٌ يتعرى من فتاتِ الروحِ

يعبرُ فى نوافيرِ الدمِ الكبرى

ويخرجُ من حدودِ المادةِ السوداء

شىءٌ ليس يفنى فى محيطِ اللونِ .. أو يبدو هُلاماً

فى مساحات العدم



الحزنُ فينا كائنٌ يمشى على ساقين

دائرةٌ تطوِّف فى فراغِ الكون

تمحو من شعاعِ الصمتِ .. ذاكرة السكون المطمئنة


غناء العزلة ضد العزلة - الشاعر العبقري الصادق الرضي





-----

شكرااان ياخ
وصلني كتابك ... مع الشكر لساعي البريد الريس كانديك:D