عم عبدالرحيم .. بصوت نانسي عجاج [الأرشيف]

مشاهدة النسخة كاملة : عم عبدالرحيم .. بصوت نانسي عجاج

imported_اسامة عبدالماجد

04-01-2012, 10:50 PM

في البدء كان حكمي عليها أن شكلها يشبه الشكل العام للفنانيين : (الأناقة .. الكاريزم .. الجمال .. طريقة الوقوف على المسرح).. لكني بعد أن استمعت إلى أغنية (أندرية) بصوتها .. بدأت أستمع إليها كمؤدي من ناحية الصوت وطريقة الأداء دون أن يشوش عليّ شكلها المبهر .. وحينما استمعت إليها وهي تغني عم عبدالرحيم للفنان الراحل المبدع مصطفى سيد احمد وبكل ما تحمل هذه الأغنية من خصوصية في الكلمات واللحن الصعب والنقلات المتعددة في المناطق الصوتية .. أيقنت أنها فنانة حقيقية..
دعونا نستمع سوياً إلى هذه الأغنية حيث تأخذنا الدهشة بعيداً.
___________________________________________
حاشية: انا لست متخصصاً .. ولكني مستمع جيد.

http://www.youtube.com/watch?v=aWvxKFglgrk

imported_أسعد

04-01-2012, 10:55 PM

imported_اسامة عبدالماجد

04-01-2012, 11:10 PM

يا سمسم قبل ما اسمعها لانو النت عندي كعب (تشبهاً بآيات ليلتئذ) ^_^
اصلن انا عندي كلام حاقص لي في اغنية عم عبدالرحيم
واعتقد اعتقاد جازما انو مصطفى سيد احمد ظلم فيها حميد ظلم الحسن والحسين
كلمات حميد عن عم عبدالرحيم ممكن نعتبرها ثورية بتحرر عم عبدالرحيم كما كلمات سبارتكوس الحررت اخوانو العبيد
لكن لحن واداء مصطفى سيد احمد جعل الأغنية (تحرر) أي بمعنى تسخن المثقف بدون ما تؤدي هدفها الرئيسي في ملامسة عم عبدالرحيم
كدي لمن نسمع نانسي عجاج والتي في بعض الاحيان بتذكرني بطريقة عزفي للكمنجة جيييييييييييييييك جييييييييييييييك ^_^

صديقي وجدي الأسعد .. سلامات

أصلاً هذا النوع من الغناء يستمع إليه في أغلب الأحيان صفوة من الناس .. وهم بالنتيجة واصلين حتى لو نظرياً لمعاناة عبدالرحيم..وكلام تحت تحت كدا أن مصطفى رغم إيماننا الجازم بأنه فنان حقيقي ذو تجربة متفردة إلا أني اتفق معك في أنه ظلم النص تماماً في طريقة لحنة وأدائه.

في إعتقادي أن نانسي في بداية ظهورها كانت لم تكتشف بعد المنطقة الصوتية المناسبة لها.. فكانت أحياناً تتورط عندما تغني في منطقة صوتية عالية فتشبه حسب تعبيرك صوت الكمنجة في صوتها الحاد لا أدري ماذا يسميه المختصون.

اشرف السر

04-01-2012, 11:12 PM

عذبت الأغنية تماماً وأجادت آدائها بإحساس عالي

.

.

.

+ بس متمني الاغنية كليب،، أشوفها لحظة تقول "تف يا دنيا تف":D:D
دنيا بت كلب ساي

imported_مهند الخطيب

04-01-2012, 11:19 PM

عذبت الأغنية تماماً وأجادت آدائها بإحساس عالي

.

.

.

+ بس متمني الاغنية كليب،، أشوفها لحظة تقول "تف يا دنيا تف":D:D
دنيا بت كلب ساي

:D:D بالله انت برضو لاحظت للحتة دي؟

الغنية دي انا سمعت أول البارح ، مما بدت تغني انا مستني حتقول تف يادنيا تف دي كيف:p:p

المهم البنية قالتا بلا بلعة ريق ..... بالله المرحوم كان يقنت ويبلع ريقو مرتين:D:D

تحياتي يااسامة ووجدي ده ماتشتغل بيهو;)

imported_أسعد

04-01-2012, 11:28 PM

تحياتي يااسامة ووجدي ده ماتشتغل بيهو;)
كاااااااااااااااااااااااااااااااااااااااااك
انت كمان خليك حقاني شوية وقول الحق (خصوصا الاتنين حبايبك)
فما تظلم حبيب على حساب حبيب تاني
أعدلوا ياخ ^_^

عليك الله يا صاحب شوف حميد دا رسم المشهد السينمائي دا كيف؟

نقرط للحمار .. نقريطة الحمار
لا تنسى النعال ..
الطِرقي .. الخضار .. اللبس الجديد
تسريح السفر للماشي الصعيد .. ماشي الديش نفر
والبال إشتغل .. والبال إشتعل بالآبى ما يعيد
الحول ما إشتغل ..
الغُبن الشديد .. السابا ورحل ..
الضيق المحل .. والفرج القريب ..
الجاء وما وصل ..
زي الحال ده يوم لا كان لا حصل .. والبال إشتغل

السكة الحديد يا عمو القطر ..
يا عبد الرحيم قدامك قطر ..
وسال الدم مطر ..
وطارت دمعتين ..وإنشايح وتر
يا طاحن الخبر ما بين القضا ومرحاكة القدر
الشهدوا الدموم .. والدمع الهدر ..
إيدهم في التراب .. والعين في القطر ..
عارفين الحصل .. عارفين في حذر ..
الخبر اليقين بوّخ وإنتشر ..
أطفال القرى وعمال الحضر ..
أدوه الطيور ودنو البحر ..
إنصاعد سحاب وإندافق مطر ..
عم عبد الرحيم في الشارع عَصر ..
لي تاله اليسار متفادي الكجر ..
دورية الكجر .. عربية الكجر ..
جفلت الحمار وطوّح زي حجر ..
وعم عبد الرحيم إتلافا القطر ..

فتاح يا عليم .. سال الدم مطر ..
جرتق للتراب .. منشور بي كتاب ..
روشتة وجواب .. وماهية شهر ..
مفتاح آب غراب .. أورنيكين سهر ..
جنب لبدة حمار مقطوعين ضهر ..
عم عبد الرحيم يا كمين بشر ..
صحي الموت سلام ..
ما يغشاك شر

أها جاء صاحبك مصطفى سيد احمد من وين لي وين
طلع لينا المشهد السينمائي البديع اعلاه بندق في بحر
علي الطلاق الكلمات اعلاه لو غناها فنان حيرة أو فنان حلّال من ضواحي بلاد بني شايق
كانت جابت اكولها اكتر من الجهجهة الدخلها في مصطفى سيد احمد

imported_أسعد

04-01-2012, 11:30 PM

شوفت يا مهند المشهد اعلاه ممكن يطقطق ليك مشهد محمود المليجي في نهاية فيلم الأرض عشرة صفر
http://www.youtube.com/watch?v=wcEQlYd9viI&feature=related

لكن تلحين واداء مصطفى سيد احمد عملو لينا كيف كيف ما تعرف

imported_اسامة عبدالماجد

04-01-2012, 11:36 PM

+ بس متمني الاغنية كليب،، أشوفها لحظة تقول "تف يا دنيا تف":D:D
دنيا بت كلب ساي

الأخ أشرف ..
والله فعلاً عذاب ..
شكراً لمرورك

imported_اسامة عبدالماجد

04-01-2012, 11:42 PM

:D:D بالله انت برضو لاحظت للحتة دي؟

الغنية دي انا سمعت أول البارح ، مما بدت تغني انا مستني حتقول تف يادنيا تف دي كيف:p:p

المهم البنية قالتا بلا بلعة ريق ..... بالله المرحوم كان يقنت ويبلع ريقو مرتين:D:D

تحياتي يااسامة ووجدي ده ماتشتغل بيهو;)

يا جماعة :مهند ووجدي ..
والله مصطفى برضو كانت له خصوصية في طريقة أدائه .. ولولا مصطفى ما كانت عم عبدالرحيم مسار نقاشنا.. مصطفى وضع بصماته في خارطة الأغنية السودانية.

imported_مهند الخطيب

04-01-2012, 11:42 PM

كاااااااااااااااااااااااااااااااااااااااااك
انت كمان خليك حقاني شوية وقول الحق (خصوصا الاتنين حبايبك)
فما تظلم حبيب على حساب حبيب تاني
أعدلوا ياخ ^_^

أها جاء صاحبك مصطفى سيد احمد من وين لي وين
طلع لينا المشهد السينمائي البديع اعلاه بندق في بحر
علي الطلاق الكلمات اعلاه لو غناها فنان حيرة أو فنان حلّال من ضواحي بلاد بني شايق
كانت جابت اكولها اكتر من الجهجهة الدخلها في مصطفى سيد احمد

نحاول نظلم ده مرة وده مرة لامن نعدل ياوجدي:p

فيما يخص البالأحمر ياوجدي العديل راي والاعوج راي ، انا ده بشوف لحن عم عبد الرحيم كان بدعة في التلحين الروائي أجمل الف مرة من أي لحن (محطك محطك) ممكن يجي من حلال بني شايق:D وبرضو راي;)

النور يوسف محمد

05-01-2012, 12:21 AM

فرقاً شتى بين
ناساً صوتا شين
مكحوحة وتكح ..... :D

غايتو يا أسامة قناة الجزيرة فى ذات نفسها تشتكى من التشويش الأيام دى :D

أغنية إن شاء الله أجن ديك مناسبة معاها

http://www.youtube.com/watch?v=i4HMQeV_wu8

imported_طارق صديق كانديك

05-01-2012, 04:45 AM

فاليغفر لي الرب :D

نانسي من الأصوات التي أجدها تشق الروح عديييل غير أن الأمر حين يقارن بذاك الصوت العجيب للراحل مصطفى سيداحمد فلا أجد لها ثمة فرصة .. :

عيييييييييييييين والله عين .. !!

ياخي مصطفى سيداحمد لو اكتفى بالنقلة العملا في عيييين والله عين دي ونداوة الصوت الذي تبدى فيها يغرق نانسي بصوتها الجميل في بحر النشاز عديييل .. !!

غايتو ما عجبني الأداء وظل عندي صوت مصطفى بهياً لا ينهزم .. !!

imported_نصار الحاج

05-01-2012, 07:38 AM

لم تعجبني نانسي عجاج في عم عبدالرحيم
مع إعجابي بها في الكثير مما رددته من أغنيات

وأرى ان مصطفى أجاد ببراعة شديدة اداء عم عبدالرحيم
وهنا اجدني مصطف مع الاحباب النور يوسف وطارق كانديك ..

محبتي لكم جميعاَ ..

imported_اسامة عبدالماجد

05-01-2012, 10:17 AM

الأحباء: النور يوسف - طارق كانديك - نصار الحاج
سلامات ..
لا أدري من أين وصلكم إيحاء المقارنة هذا، لم تكن هنالك مقارنة بين نانسي ومصطفى .. فالمقارنة هنا غير واردة .. فمصطفى قامة يصعب جداً أن تقارن بأي تجربة .. هذه مسلمات.. بيد أني أعجبني أداء نانسي لأغنية عم عبدالرحيم والشجن الذي اعتري صوتها وهي تؤدي هذه الأغنية فقد أظهرت مساحات صوتية جديدة لها.. ولتكتشفوا الشئ الذي اكتشفته انا بحياد شديد يجب أن لا تجعلوا صوت مصطفى حاضراً حين سماعكم لها وهي تغني هذه الأغنية.. رغم أن التحرر من صوت المبدع مصطفى صعب جداً..

imported_فيصل سعد

05-01-2012, 11:36 AM

فرقاً شتى بين
ناساً صوتا شين
مكحوحة وتكح ..... :D

أغنية إن شاء الله أجن ديك مناسبة معاها

شرحو .. و افضل لنانسي ان تبتعد عن هذا الغناء الصعب روحا
و نصا و دوزنة .. مع الاعتراف باجادتها لاغاني ابراهيم عوض
و سيد خليفة و عثمان حسين لهم واسع الرحمة و المغفرة ..

imported_فيصل سعد

05-01-2012, 11:41 AM

وافر التحايا للاخ اسامة عبد الماجد
و المتداخلين الكرام ..

imported_جيجي

05-01-2012, 12:04 PM

غايتوا انا بحبها تحت كل الظروف :cool:
وبحب عم عبد الرحيم برضو
ومصطفي
وحميد زاتوو:)

imported_أسعد

05-01-2012, 12:18 PM

سمسم ارى انه قد تكالب عليك المبدعين بهروبهم نحو حنينهم القديم ^_^
يا جماعة اسامة اعجب بطريقة اداء نانسي للاغنية
لكن انا كنت ح اعجب بنانسي اكتر لو عملت إعادة تلحين وتوزيع للاغنية دي
ما عارف لكن بتذكرني ببعض الابتكارات البديعة التي قدمت لشركات السيارات الكبيرة فاخطأت في طريقة تصنيعها للابتكارات وتحويلها لأرض الواقع مما ادى الى عدم نجاح الابتكار النجاح المتوقع لها ان تحققه

غايتو ناس النور وطارق وفيصل ديل بذكروني بأهلنا الزنوج القدماء لمن ساقوهم امريكا (مستعبدين) فقاموا ابتكروا غناء حزين وحنين يتغنوا به اثناء تناولهم للمسكرات من الخمور وكانوا يتخذوا من هذا الغناء مهرب من واقعهم المرير الى داخل ذكرياتهم القديمة عن وطنهم الاصلي (ياخ نسيت اسمو شنو هذا الضرب من الغناء)
لكن عندو علاقة بانغلاق اخواننا اعلاه في محيطة دائرة غناء مصطفى سيد احمد ورفضهم لاي نوع من التجديد

مع تحياتي
المغالط سابقاً والناقد حاليا/شلاقة ^_^

قيس شحاته

05-01-2012, 12:20 PM

كاااااااااااااااااااااااااااااااااااااااااك
انت كمان خليك حقاني شوية وقول الحق (خصوصا الاتنين حبايبك)
فما تظلم حبيب على حساب حبيب تاني
أعدلوا ياخ ^_^

عليك الله يا صاحب شوف حميد دا رسم المشهد السينمائي دا كيف؟

نقرط للحمار .. نقريطة الحمار
لا تنسى النعال ..
الطِرقي .. الخضار .. اللبس الجديد
تسريح السفر للماشي الصعيد .. ماشي الديش نفر
والبال إشتغل .. والبال إشتعل بالآبى ما يعيد
الحول ما إشتغل ..
الغُبن الشديد .. السابا ورحل ..
الضيق المحل .. والفرج القريب ..
الجاء وما وصل ..
زي الحال ده يوم لا كان لا حصل .. والبال إشتغل

السكة الحديد يا عمو القطر ..
يا عبد الرحيم قدامك قطر ..
وسال الدم مطر ..
وطارت دمعتين ..وإنشايح وتر
يا طاحن الخبر ما بين القضا ومرحاكة القدر
الشهدوا الدموم .. والدمع الهدر ..
إيدهم في التراب .. والعين في القطر ..
عارفين الحصل .. عارفين في حذر ..
الخبر اليقين بوّخ وإنتشر ..
أطفال القرى وعمال الحضر ..
أدوه الطيور ودنو البحر ..
إنصاعد سحاب وإندافق مطر ..
عم عبد الرحيم في الشارع عَصر ..
لي تاله اليسار متفادي الكجر ..
دورية الكجر .. عربية الكجر ..
جفلت الحمار وطوّح زي حجر ..
وعم عبد الرحيم إتلافا القطر ..

فتاح يا عليم .. سال الدم مطر ..
جرتق للتراب .. منشور بي كتاب ..
روشتة وجواب .. وماهية شهر ..
مفتاح آب غراب .. أورنيكين سهر ..
جنب لبدة حمار مقطوعين ضهر ..
عم عبد الرحيم يا كمين بشر ..
صحي الموت سلام ..
ما يغشاك شر

أها جاء صاحبك مصطفى سيد احمد من وين لي وين
طلع لينا المشهد السينمائي البديع اعلاه بندق في بحر
علي الطلاق الكلمات اعلاه لو غناها فنان حيرة أو فنان حلّال من ضواحي بلاد بني شايق
كانت جابت اكولها اكتر من الجهجهة الدخلها في مصطفى سيد احمد

ياتو ثورية دي البتقول إنو الأغنية بتعبّر عنها يا وجدي؟

أي نعم حميد معظم قصايدو فيها النبرة الثورية ، لكن في "عم عبد الرحيم" دي بالذات المعنى الاصطلاحي للثورة البتتكلم عنو .. ما موجود :)
الأغنية ممكن تصنّفا في "طليعة" القصايد البتعبّر عن "المطحونين" من قطاع الهامش العريض...

وبستغرب والله - يا وجدي - كونك تقول - في ما معناهو - مصطفى سيد أحمد ما أدّى الأغنية حقها أو ما غناها بالطريقة المطلوبة ..
القصيدة عبارة عن ملحمة محتشدة بالصور والرموز .. وفيها مسرح مكتمل الأركان والتفاصيل والمشاهد... ومصطفى طوّع اللحن "والصوت" بي طريقة قدرت تتجاوب - كما ينبغي وأكثر - مع المتعرجات والمنحنيات والمواقف والانفعالات البتحفل بيها القصيدة .. المسألة دي واضحة في مقاطع زي :

السكة الحديد يا عمو القطر ..
يا عبد الرحيم قدامك قطر ..

حيث سرعة الايقاع الموحي بخطر وشيك ، والذي يعتمد على "نقرشة" العود بدقّات "عنيفة" مع ارتفاع صوت المغني حتى يكاد يبلغ حد الصراخ.. وأبلغ ما في المقطع دا - يا وجدي - إنو المشهد بكتمل وفكرتو بتوضح بدون ما يحتاج الفنان يقول كدا ، بل ترك "قاب" خلا مساحتو دي لـ"شغل" مصطفى وجا بعد داك الشاعر يقول:
وسال الدم مطر
.. وفي ذلك براعة في التصوير وحذق في الأداء الدرامي للأغنية..

ثم تأمل كيف "يهدأ" الايقاع ويجمد الانفعال ويبطئ مصطفى من نبرات صوته .. انتقالاً لـ"مشهد" آخر منفصل مكاناً عن المشهد الأول ، ومتصل به في التتابع الزمني والتسلسل الموضوعي للأحداث:
يا طاحن الخبر ما بين القضا ومرحاكة القدر
الشهدوا الدموم .. والدمع الهدر ..
إيدهم في التراب .. والعين في القطر ..
عارفين الحصل .. عارفين في حذر ..

ثم ، بعد هذا التصاعد المرتّب والمثير.. تسير الأغنية في وتيرة متأرجحة تتباين فيها المساحات بين الرؤى المسرحية التي تصنعها كلماتها الخلاقة ، وبين الأداء الصوتي والنغمي لمصطفى سيد أحمد .. إلى أن يشتد الايقاع "سخونةً" مرة أخرى في المقطع الذي يقول:
عم عبد الرحيم في الشارع عَصر ..
لي تاله اليسار متفادي الكجر ..
دورية الكجر .. عربية الكجر ..
جفلت الحمار وطوّح زي حجر ..
وعم عبد الرحيم إتلافا القطر ..

وهكذا ، "صنع" مصطفى سيد أحمد من الأغنية سِيرة وحكاية ومسرح وفصول من الايقاعات والألحان .. واستطاع بعبقريته ، وسعة خياله ، ومرونة أفكاره.. أن يصمّم "قالباً" لحنياً يتقمّص شعور الكاتب قبل شِعره ، ويترجم إحساسه قبل كلماته ، ويفسّر رموزه قبل إشاراته... ليقدم لنا "منتوجاً" غنائياً فريداً لم يستوعب أكثرنا - بعد - أبعاده ، ولم يُدرك معظمنا - بعد - حدوده ، ولم يبلغ أغلبنا - بعد - منتهاه ... ولن نبلغ.

imported_أسعد

05-01-2012, 12:33 PM

ياتو ثورية دي البتقول إنو الأغنية بتعبّر عنها يا وجدي؟

أي نعم حميد معظم قصايدو فيها النبرة الثورية ، لكن في "عم عبد الرحيم" دي بالذات المعنى الاصطلاحي للثورة البتتكلم عنو .. ما موجود :)
الأغنية ممكن تصنّفا في "طليعة" القصايد البتعبّر عن "المطحونين" من قطاع الهامش العريض...
يا قيس انت الثورة غيروها ولا كيف؟! ^_^
انت يا قيس قاصد ياتو ثورة؟!

ثم انه كلامك وتحليلك (المبرر) للحن مصطفى سيد احمد خلينا نحتكم بيهو على ارض الواقع
طبعا ح تلقى انو المعجبين بالاغنية دي هم الطبقة المثقفة
لكن لو جبت عمك عبدالرحيم واولاده ^_^
وسمعهم القصيدة ملقاة من خشم حميد ح يقولوا ليك يا سلام يا سلام دا كلام تمام والله
وتاني سمعهم الاغنية باداء مصطفى سيد احمد ح يقولوا ليك يا زول ها الراجل دا برطن بقول في شنو؟!
اللحن مرّمز وغميس ومجغمس مما ضيع المعاني والصور والمشاهد الموفورة في القصيدة
اغنية عم عبدالرحيم ما حيعجب بيها زول إلا يكون سلفاً معجب بمصطفى سيد احمد

قيس شحاته

05-01-2012, 12:44 PM

يا قيس انت الثورة غيروها ولا كيف؟! ^_^
انت يا قيس قاصد ياتو ثورة؟!

ثم انه كلامك وتحليلك (المبرر) للحن مصطفى سيد احمد خلينا نحتكم بيهو على ارض الواقع
طبعا ح تلقى انو المعجبين بالاغنية دي هم الطبقة المثقفة
لكن لو جبت عمك عبدالرحيم واولاده ^_^
وسمعهم القصيدة ملقاة من خشم حميد ح يقولوا ليك يا سلام يا سلام دا كلام تمام والله
وتاني سمعهم الاغنية باداء مصطفى سيد احمد ح يقولوا ليك يا زول ها الراجل دا برطن بقول في شنو؟!
اللحن مرّمز وغميس ومجغمس مما ضيع المعاني والصور والمشاهد الموفورة في القصيدة
اغنية عم عبدالرحيم ما حيعجب بيها زول إلا يكون سلفاً معجب بمصطفى سيد احمد

ياخ دا استنتاج خطييير جداً . وممكن - بشوية معالجات - يغيّر مبادئ ومفاهيم نظرية النسبية للعالم الجليل تاي الله آينشتاين ^_^

آيات مبارك

05-01-2012, 12:48 PM

أسامة والمتداخلين سلام

رأيي في نانسي هنا حاأقولو من ورا نفسي .. لأن صوت نانسي دائماً ماأصفه بترياق روحي
عشان كده طارحة نفسي بأني قارياو كويس:p
أول مرة سمعت نانسي كانت أغنية أرحل .. حزنت جداً واستغربت للصوت وطريقة الأداء ..تلقائياً قمت بمناهضتها:D.. ماحبيتا الإ عن طريق أغنية (فلق الصباح)
المهم
طريقة الآداء في عم عبد الرحيم لاتعبر عن المطحونين .. ذكرتني الحملات الإستكشافية على أفريقيا من المستعمرين ..وبعدين فيهو صفارة حادة ..ونانسي عندها (حنكشة في الآداء) لاتتأتي وهذه الأغنية رغم النبرة الأوبرالية
وتعبر عن فئة مستنيرة ..تحوي قلة من الفنانات ... لاأذكر.... سوى رشا شيخ الدين وآمال النور
وهذا يتضح جلياً في أغنية رفقة ، بلداً هيلي انا

imported_أسعد

05-01-2012, 12:48 PM

ياخ دا استنتاج خطييير جداً . وممكن - بشوية معالجات - يغيّر مبادئ ومفاهيم نظرية النسبية للعالم الجليل تاي الله آينشتاين ^_^
التعليق اعلاه نموذج من مهارب المبدعين ^_^

خلى العضم ومسك في الشحم ^_^

imported_فيصل سعد

05-01-2012, 12:50 PM

مع تحياتي

المغالط سابقاً والناقد حاليا/شلاقة ^_^

انت اول بالتبادي امشي اخد ليك كورس او سمنار سمنارين في فرز الصور :D:D بعدين تعال اتفاهم معانا في الحتة دي .. و جهز دفاعاتك مركزا على رمزية اللحن النجرتوا لينا من راسك قطع اخضر دا :D:D "مرّمز وغميس ومجغمس" طول عمرنا بنسمع بهرمنة اللحن و قرارو و جوابو و نصف تونه و سنكبته و دوزنته بس الترميز دا جديد علينا يا رمزة :D:D فوسع لينا في هذا الماعون و ادهشنا و حير حنانا ذاتو :D:D

و مشتاقين يشهد الله ..

imported_أسعد

05-01-2012, 12:52 PM

أسامة طريقة الآداء في عم عبد الرحيم لاتعبر عن المطحونين ..
انا يا اخوانا كنت بقول انو اللحن لا يعبر عن المطحونين
لكن طالما انو آيات قالت (الآداء) فقط بدون الاشارة للحن
فاذا اللحن يعبر عن المطحونين ولكن اداء نانسي لا يعبر عن المطحونين

عاد أكضب آيات واصدق روحي؟! ^_^

معتصم الطاهر

05-01-2012, 12:58 PM

أداء بطريقة نانسية ..

imported_أسعد

05-01-2012, 12:59 PM

انت اول بالتبادي امشي اخد ليك كورس او سمنار سمنارين في فرز الصور
أنا يا فيصلوووووه ما بعرف افرز الصور
انا خبير جيد في فرز الصوت لأني كائن أضيني ^_^
ثم بعدين الصور عندي بفرزها الى قسمين لا ثالث لهما وذلك بناء على الاستاندرد العندي فالحاجة يا سممممممممحة يا شيييييييييييييينة ، فبالتالي عشان افرزها بقوم بعايرها واقيسها بناء على استاندري
واستاندري بقوم على أنو اي حاجة بتشبه آيات يبقى حاجة سمحة وأي حاجة بتشبه مبر أو الرشيد يبقى حاجة شينة

بصراحة كلمة (الترميز) دي انا زاتو ما عارف جات من وين؟!
يا ربي يكون ارتبط طريقة اداء مصطفى للاغنية بنداء بائعي الترمس عشان كدة ورد على لساني مصطلح (الترميز) ^_^

بالاكتر ياخ يعلم الله

قيس شحاته

05-01-2012, 01:05 PM

انا يا اخوانا كنت بقول انو اللحن لا يعبر عن المطحونين
لكن طالما انو آيات قالت (الآداء) فقط بدون الاشارة للحن
فاذا اللحن يعبر عن المطحونين ولكن اداء نانسي لا يعبر عن المطحونين

عاد أكضب آيات واصدق روحي؟! ^_^

إنت أجبن من أن تفعل يا سيّد :D

imported_أسعد

05-01-2012, 01:07 PM

إنت أجبن من أن تفعل يا سيّد :D
الخواف ربى علاقاتو
ومعرفة الجكس كنز ^_^

الرشيد اسماعيل محمود

05-01-2012, 01:08 PM

ملحوظة:
موسي الزومة لمّا سجلوهو ناس المريخ..
قالو ليهو إنت لياقتك دي بتحافظ عليها كيف..؟
قال ليهم:
أنا يوميا باخد جكة من جبل أولياء لغاية أمدرمان (رايح جاي)..
عشان كدة مسمّينو "الصبي"..
المهم:
لو في زول محيّرني في المنتدي دة، ياهو وجدي الصّبي..
بجيب القدرة علي الكلام من وين..؟ ما عارف..
خيال واسع جدّاً وبديهة حاضرة بالرغم من إنّو كان لصق في زول تاني ما بتفكّا منو بالساهل.
ثمّ:
أسامة سلام..
بالرغم من حبِّي لنانسي عجاج لكن الأداء هنا لم يعجبني وأتي باهتاً جدّاً..
مرفقات مع هذه الرؤية: "مداخلة آيات"

imported_زول الله

05-01-2012, 01:10 PM

صوت مميز ومشحون ب كمية من الدلع المدوزن بنعومة مفرطة الإثارة
بت عجاج دي يوم ح تكتل ليها زول وتمشي في جنازتو - ان شاءالله ما أكون انا

اراها هنا...
مجرد "تسميع" لأغنية مؤداة مسبقاً بواسطة سلطان لسان امثال عم عبدالرحيم
وكمية "الدلع"* الفي صوتها بياخدك بعيد من مراسي الكلام الـ هنا
اسامة سنة جديدة سعيدة

*في رواية أخرى "جلع" عدييل والـ يحصل يحصل

اقول قولي هذا واستغفر الله لي ..............

imported_أسعد

05-01-2012, 01:11 PM

ملحوظة:مرفقات مع هذه الرؤية: "مداخلة آيات"
:D:D:D:D:D:D:D:D:D:D:D:D

أحيييييييييييييييي أنا غايتو مضاربك خرط البلي كلو يا معلم
علي الطلاق انا لو كنت ايات كنت فضلتك علي روحي وحبيتك
لأنو تلجك سائح ومضمن في عصير كوكتيل كارب ^_^

آيات مبارك

05-01-2012, 01:11 PM

ملحوظة:
مرفقات مع هذه الرؤية: "مداخلة آيات"
وتعجبني روحك الإبتكارية العالية

imported_أسعد

05-01-2012, 01:14 PM

موش قلت ليك يا الرشيد انا لو كنت آيات كنت فضلت تلجك علي تلجي

اها اهو آيات فضلت تلجك علي تلجي
اذا آيات هي أنا
وهذا يدل على أننا روح واحدة في جسدين ^_^

آيات مبارك

05-01-2012, 01:24 PM

موش قلت ليك يا الرشيد انا لو كنت آيات كنت فضلت تلجك علي تلجي

اها اهو آيات فضلت تلجك علي تلجي
اذا آيات هي أنا
وهذا يدل على أننا روح واحدة في جسدين ^_^
:D:D
وخيالك الخصب وسرعة البديهة مكسرني عدييل كده ياوجدي:p
لكن تلجك مابقسم معاي
يعني في مداخلة لي نهلة واثناء كسيرك للتلج قلت الروووووووب (تلج بي روب)
مامكن معاك ياخ

قيس شحاته

05-01-2012, 01:24 PM

موش قلت ليك يا الرشيد انا لو كنت آيات كنت فضلت تلجك علي تلجي

اها اهو آيات فضلت تلجك علي تلجي
اذا آيات هي أنا
وهذا يدل على أننا روح واحدة في جسدين ^_^

:D:D:D

والله أنا جادي برشّح الاقتباس دا لجائزة أطرف مداخلة للعام 2011 وبداية 2012 :D:D

آيات مبارك

05-01-2012, 01:28 PM

:D:D:D:D:D:D:D:D:D:D:D:D

علي الطلاق انا لو كنت ايات كنت فضلتك علي روحي وحبيتك
^_^
ياقيس سمعته بي نوع زي ده ؟؟

قيس شحاته

05-01-2012, 01:30 PM

imported_أسعد

05-01-2012, 01:31 PM

شوفت كيف يا قيس؟!
شوفت قدر شنو أنا بعرف روحي؟!
وقديما قيل (من عرف روحه آمن العقوبة) ^_^

اوصيك يا صديقي بمعرفة روحك عشان تأمن الشاكوش
انت قايل قيس سيد الاسم اتشوشكش ليييييييه؟
لانو ما عرف روحه ياخ
^_^

imported_اسامة عبدالماجد

05-01-2012, 05:30 PM

شكراً للمتداخلين.
وعذراً لفارق الوقت.

صديقي الرشيد ..
وصلتني مداخلتك مع المرفقات (مداخلة آيات).
زي ما كانت مرفقات وجدي سيرة وأحاديث وكسير تلج.
الأخت آيات شكراً لمرورك.
أخونا قيس ..لا خلاف بيننا في أن مصطفى وحميد هم ركائز الإبداع في العصر الحديث.

imported_سماح محمد

05-01-2012, 07:49 PM

سلامات أخ أسامة والجميع

والتحايا للجميلة نانسي عجاج أينما كانت
بصراحة

لا تعجبني أي أغنية لمصطفى سيدأحمد بصوت غير صوته نهائيا، وحتى أغاني غيره التي درج على غنائها (بيمسخها) لدي بصوت صاحبها الأصلي
عليه
فصوت مصطفى وادائه (شرّك) لكل مؤدي ولكني أقدّر بشدة شجاعة نانسي عجاج هذه، إجمالا وجدت أداءها مقبولا وجميلا دونما مقارنات، وعبرّت بصوتها وأسلوبها عن الكلمات..نانسي عجاج لا أراها تتصنع الإحساس بالكلمة، هي مغنية مرهفّة وإحساسها بالكلمة جميل جدا..

ول (عم عبدالرحيم) في القلب مساحات لا يُغرقها الى صوت مصطفى سيدأحمد
له الرحمة..وذكراه قد شارفت (17 يناير)...
ا

اشرف السر

05-01-2012, 08:40 PM

غايتو ناس النور وطارق وفيصل ديل بذكروني بأهلنا الزنوج القدماء لمن ساقوهم امريكا (مستعبدين) فقاموا ابتكروا غناء حزين وحنين يتغنوا به اثناء تناولهم للمسكرات من الخمور وكانوا يتخذوا من هذا الغناء مهرب من واقعهم المرير الى داخل ذكرياتهم القديمة عن وطنهم الاصلي (ياخ نسيت اسمو شنو هذا الضرب من الغناء)

Blues

I feel blue now

اشرف السر

05-01-2012, 08:41 PM

نحاول نظلم ده مرة وده مرة لامن نعدل ياوجدي:p

فيما يخص البالأحمر ياوجدي العديل راي والاعوج راي ، انا ده بشوف لحن عم عبد الرحيم كان بدعة في التلحين الروائي أجمل الف مرة من أي لحن (محطك محطك) ممكن يجي من حلال بني شايق:D وبرضو راي;)

يا مهند

مصطفى غير قابل لأنك تظلموا
ما دام انت زول فنان

الا تكون ..............................

بابكر عباس

05-01-2012, 08:49 PM

Blues

I feel blue now
دا الكلام يا أشرف!
نانسي بتغني الأغنية دي بحزن أعمق من طريقة مصطفى.
لاحظ لأداء زوجها بالجيتار، أضفى على الأغنية بلوز يخليك بلوو فعلا

imported_أسعد

06-01-2012, 09:53 AM

Blues

I feel blue now
أيوة يا اشرف ياها ذاتها البلووووووووووووووووز
كتر خيرك
وبالمرة ادي بابكر عباس حقو ونزلو في المحطة دي ^_^

بابكر عباس

06-01-2012, 10:11 AM

وبالمرة ادي بابكر عباس حقو ونزلو في المحطة دي ^_^
الله يسامحك يا وجدي

imported_زول الله

06-01-2012, 12:20 PM

زول الله :D إتا ياخوي بتسمع بي إضنيك ولّ بي "حواسك" و"جوارحك" كلها؟؟!!!:D:D
السمع زاتو لازم يكون بـ "محفزات" عشان تستوعب كويس مش؟؟
وطيب

اقول قولي هذا واستغفر الله لي ..............

imported_مهند الخطيب

08-01-2012, 08:57 PM

يا مهند

مصطفى غير قابل لأنك تظلموا
ما دام انت زول فنان

الا تكون ..............................

أشرف السر يا رفيق الأمسيات كيفنك ؟

أي ابن انثى يفترض انو مايتظلم ....... مش ؟

لكن الشي المحيرني انت قريتني كيف؟ ياحبيب أنا لم أقارن بين أصل وفرع ، والظلم المشار اليه هو رد على تلطف وجدي وهو بين مصطفى وحميد .....

لا أزايد على مصطفى في أغانيه ولا أغمط الفنانة نانسي حقها في انتاجها الخاص .....

imported_الجيلى أحمد

20-01-2012, 11:18 AM

تحياتى ياعبد الماجد لك ولضيوفك ..

عم الرحيم ليست أغنية ,
انها مجموعة أشياء مرتبطة بصوت فنان بلا فكاك ..
من الصعب جدآ تجسيد الحركة والعمل المسرحى الكامل فى تفاصيل لحن ما ..
العمل المسرحى والتطويع الصوتى وعكس الحركات (حتى انك لتكاد أن تلمح تعابير الوجه لعم عبد الرحيم وكل من ذكر) أمر لايقدر عليه سوى من صاغ اللحن ونفذ الى أعماق النص , وحرك الكلمات وجعلها حية تمشى ..

هذه مجازفة من الفنانة الشابة نانسى عجاج ,
فعم عبد الرحيم تلخيص لتجربة جزء من الشعب .. سياسيآ واجتماعيآ , وفكرة نضال
وحياة زوج ورب أسرة , وقضية عمال , ومنفستو ثورة , وقصة حب , ولائحة مظالم , وطعم مر للعذابات , واحساس كارثى بالجوع والضياع وعدم الأمن والثقة بالأمس .. انها حياة بكاملها ..

لو أخذنا تلك المناغاة بين عم عبد الرحيم و أمونة
لكانت بحالة تجربة نخرج منها لاهثين بفعل صوت مصطفى وتطويعة لصوته حتى أنك لتحس برغبة جارفة فى الحب !!
تلك المناغاة التى أخذت بلباب النص وقادته بحميمية الى تفاصيل أيام مجدبة , ولكنها كاملة الغنى بحب عظيم يتقطر من رجل بسيط لامرأة مزهلة ..

السرد القصصى والتوليفة المسرحية جيدة السبك فى عم عبد الرحيم بدأت من بيت عم عبد الرحيم صباحآ باكرآ ..
لا قالتو كيف
كيف اصبحت كيف
لا لمسة حنان
لا لمسة وداد
لا رمشة طريف
من قلبا وفى
زى ايام زمان
ايام الدفى

فى حياة صعبة وجافة لم تترك لهم سوى ملاحقة الصباح قبل أن يخرج من أوكاره , حياة ألغت رغبة ملحة فى الاصطباح على صوت وفى , صوت محبب , صوت يهدهد هموم اليوم القادمة ويجعلها تسترخى قليلآ , ولكن لم يكن من أثر لذلك الصوت

كانت ماهـا فى
كانت فى المراح
شدتـلـو الحمار
تحلب فى الغنم
لى شاى الصباح
والطير ما نضم

امرأة مسكونة بزوجها واسرتها , امرأة (عاملة) وجادة فى مجالها , محبة , وتقوم بتحضير تفاصيل الحياة مبكرآ ..

ثم دعونا ندلف الى تلك المناغاة البديعة
امونة الصباح
قالتلو النعال
والطرقة انهرن
ما قالتلو جيب

قالت له بصوت نقله عنها مصطفى حيآ تمامآ :

شيلن يا الحبيب
غشهن النقلتى
والترزى القريب

وماذا له أن يفعل وهو المعدوم ؟ الرجل الذى ليس بوسعه فعل أكثر من ما كان ليسعد هذه المرأة الصابرة :

بس يا ام الحسن
طقهن آبفيد !!

ويردف بحسرة :

طقهن آبزيد !!

ثم ينفجر المشهد , وينفجر صوته بالحسرة والألم :
انطقن زمن
وان طق الزمن

يااخى مصطفى لمن يقول (انطقن) لمن تحس بىعرق طقا فى راسك
..
يواصل بذات النفس وبتصميم الزوج المحب لزوجته :

وبى اية تمن
غصبًا للظروف
والحال الحرن

ويتحول الى مناغاتها بوله , وتدليعها

شان يا ام الرحوم
ما تنكسفى يوم
لو جاراتنا جن
مارقات لى صفاح
او بيريك نجاح
ده الواجب اذن
وايه الدنيا غير
لمة ناس فى خير
او ساعة حزن

يااخى شوف طاقة الحب الكامنة فى (أم الرحوم)

انا لله ياحميد يااخى ,
انا لله يامصطفى
دا شغل بديع

imported_أسعد

20-01-2012, 12:34 PM

الظلم الحصل علي عم عبدالرحيم في اغنيته دي من قبل مصطفى سيد احمد
يشابه الظلم الحصل لي بلطية في فيلمها (بلطية العايمة)

http://www.youtube.com/watch?v=IupMthnIVN8

اذ كان مقام مصطفى هو نفس مقام المصور الفوتغرافي في ليلة تكريم بلطية
حين اهدا جائزيته الى الوزير لانه دعمه واهدا ايضا الى طلاب كلية الفنون التطبيقية
وكان نصيب بلطية هو حظ وافر من اللحظات لكي تكذب وتظهر خلاف ما تبطن من معاناة

imported_زيادة النور

21-01-2012, 08:48 PM

انا اولا من المعجبين خالص بصوت الفنانة نانسي عجاج وهو صوت محروس بعقل واعي داءما ماكان يوجهها لاختيارات موفقة والامثلة كثيرة ..
ومن اكثر ما يميز صوتها الشجن والحنين والدفئ الذي لاتخطئه عند سماعك لما تتغنى به .. ولكني اظن عند اختيارها لاغنية عم عبد الرحيم لم يحالفها التوفيق (في الاختيار وليس الاداء ) فقد بذلت مجهود عالي لتوصيل معاني النص بما تملكه اصلا من حنين وشجن اصيل في صوتها .. ولكن ظني الشخصي جدا ان الحنين والشجن في نص عم عبد الرحيم هو حالة وليس مفرده كما انها ليست ثابتة فقد مر النص بكثير من الانتقالات التي احتاجت حتى من مصطفى سيد احمد ان يغلظ بصوته ليوصلها وهو ما لاتستطيعة الفنانة نانسي .رغم اني لست من انصار ان نسلبها حقها في التجريب تطرفا الى مصطفى . لذلك فاني ارى انها لم تفشل في ادائها للاغنية ولكنها لم توفق باختيارها او لم يحالفها الحارس هذه المرة .. اتمنى لها التوفيق في مسيرتها الفنية بمزيد من النجاحات فهي تستحق التقدير ....

imported_عبد المنعم شيخ ادريس

22-01-2012, 02:09 AM

http://soundcloud.com/ababiker/nancy-mustafa

ده مقطع من الاغنية بالصوتين بس كم ثانية اسمع عشان تغرف الفرق

imported_اسامة عبدالماجد

24-01-2012, 12:38 AM

الأخوان الأعزاء مهند الخطيب - أشرف السر - الجيلي أحمد - وجدي الأسعد - زيادة النور - عبد المنعم شيخ إدريس

شكراً للمروركم ومداخلاتكم الثرة .. قد نتفق أو نختلف في بعض ما تم طرحه، لكن في المقام الأول يجب أن نوضح الآتي:
ليس هناك وجه مقارنة بين الأدائين .. لكل طريقته المختلفة جداً عن الآخر .. تم فتح البوست فقط لتفرد نانسي وجرئتها في أداء نص كان يصعب علينا أن نتخيل مجرد تخيل ان يقوم بأدائه صوت نسائي (بعيداً عن التصنيف الجندري) .. ورغم صعوبة اللحن والنفس الطويل داخل النص إلى أنها استطاعت بطريقتها هي فقط ان تأثر دهشتنا او دهشتي انا على الأقل.
اما ما تناوله زيادة في ما يخص خصوصية الصوت الذي يجب أن يؤدي هذا النص (أن يكون الصوت غليظ) فانا اختلف معه .. لأن النص أصلاً عبارة عن مشهد متكامل ويمكن لأي شخص أن (يغنيه) أو يحكيه بطريقته .. يعني ليس هو هتاف تغنى بصوت صولو كما يقول الموسيقيون، فمثلاً مقطع (الرصاص لن يثنينا) في الملحمة كان يحتاج فعلاً لصوت غليظ ..
وانا اؤمن على أن مصطفى قامة من قامات الفن السوداني لا تضيف حروفي لها شيئاً .. ونانسي تستحق أن نثني على جرئتها وتميزها في هذه التجربة بعيداً عن المقارنة التي يمكن تضرها لفارق التجربة.. ولتقييم تجربتها هذه لابد أن نتحرر من أسر مصطفى سيد أحمد.

imported_هيثم طه

24-01-2012, 11:58 PM

سلامات شباب (برو) و (انتي) !
فيديو اطول من الاول -
و يسمع مقروءا مع مشاركة زول الله المشهوررة في اوساط البوست بالحواس و الجوارح !
http://www.youtube.com/watch?feature=player_detailpage&list=UULxLrnlkVnD2jkbbrwTTIKw&v=TG3M4iu_g54