** استراحة مع الاستاذ الموسيقار / محمد الامين ** [الأرشيف]

imported_فيصل سعد

13-02-2013, 06:54 PM

ياوريف ....

انت ود الامين ده غنّاي ؟؟

وماتقول لي عزاف عود وموسيقار ...:(

صوتو سمح ؟؟؟؟

الباشكاتب مفخرة غناء السودان نصا و موسيقى
و قمة دوزنتها و زخمها .. و قطع شك صاحب
صوت رخيم و رنان .. و برضو حب الناس
مذاهب يا ممي يا نور عيونا !!

imported_مهند الخطيب

13-02-2013, 07:01 PM

الباشكاتب مفخرة غناء السودان نصا و موسيقى
و قمة دوزنتها و زخمها .. و قطع شك صاحب
صوت رخيم و رنان .. و برضو حب الناس
مذاهب يا ممي يا نور عيونا !!

و ماحب ناس لكن ياوريف هو مزاج غنا

يعني انا اسمع ابو داوود بغني طقطوقة "بريطانية ديك خترية بحر وسما" بخبتا بالكبريتة ولا اسمع سوف يأتي المعلقة دي :)
غايتو لمن بسمع الباشكاتب ده يا "نديدو" زي البسمع أم كلثوم وزيدان بحس انهم في ميشن مقصدا تعسيم البشرية gapgap

imported_الجيلى أحمد

13-02-2013, 08:43 PM

3
وعد النوار
اسحاق الحلنقي

http://www.youtube.com/watch?v=oCCCXnK5ozU&list=UUuhGJS1l2FJDyqW7z_ANwYg&index=185

يامسافة
أنا ساهرتا بى السلفى فى بوست تانى عن الاغنية دى
ياريت لو السلفى يسمعا..
يامهند ياأخى أسمع الأغنية دى عليك الله ,
ماممكن ياأخى تكونو ماشايفين العبقرية دى

imported_الجيلى أحمد

13-02-2013, 08:58 PM

مع انك انت الخليتنا..
نغنى الحب ذكرى واخلاص...

بالجد شال النوار

معتصم الطاهر

14-02-2013, 12:26 PM

و ماحب ناس لكن ياوريف هو مزاج غنا

يعني انا اسمع ابو داوود بغني طقطوقة "بريطانية ديك خترية بحر وسما" بخبتا بالكبريتة ولا اسمع سوف يأتي المعلقة دي :)
غايتو لمن بسمع الباشكاتب ده يا "نديدو" زي البسمع أم كلثوم وزيدان بحس انهم في ميشن مقصدا تعسيم البشرية gapgap

مهند
ياخ بقيت تتفق معاى تير

محمد الامين قامة وطنية

لكن ما شرط يطربني ..

كدى واحد يكتب لى كلمات ( زاد الشجون)

يعني من "شال النوار" كلام للحلوة و ..
الحكاية جاطت

imported_مهند الخطيب

14-02-2013, 02:37 PM

مهند
ياخ بقيت تتفق معاى تير

محمد الامين قامة وطنية

لكن ما شرط يطربني ..

كدى واحد يكتب لى كلمات ( زاد الشجون)

يعني من "شال النوار" كلام للحلوة و ..
الحكاية جاطت

وهو من ناحية الكلمات العادية والله عندو بالكوم

ياحاسدين غرامنا
ياقاصدين خصامنا
شوفو غيري وغير حبيبي

gapgapgap

دي ماالمشكلة لانو الزول ده عنده قدرة تلحينية مبدعة + تعامل مع موزعين جيدين ، الانا بتكلم عن الصوت ياباش ، وزي ماقلت انت الزول ده مابطرب والله ، عندو غنية بقول فيها لالالالالاااااللاااااااااااااا والله زي الجاي يمرقك من بيتو بأمر قضائي :) غايتو الراي عندي طرب بتعريفة يخربو ..

imported_أسعد

14-02-2013, 04:23 PM

فيصلوووه يا معلمنا في حب ود اللمين
عليك الله في تسجيل قديم لأغنية زاد الشجون
وبكون في الكوبيله الاخير لمن يقول ابواللمين:
شفت كيف حبك بيعمل يشغل الوجدان ويعذب
وبرضو بتقول عنى خادعك وانى بتلاعب وبكذب
ليك حق دنياك خاليه لابتشيل هم لابتتعب
كنت تتعلم تجامل لو فؤادك مرة جرب
اها لمن يجي للحتة دي
(أنو ما يدق.........)
في واحد من وسط الجمهور بكورك دروشة راسها عديل ويقول
(آآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآه)

عليك الله جيب الاغنية دي خلي مهند يقتنع
غايتو الامانة سجم خشمها لمن مسكوها لي مهند
زول ما بمرق الذمة كلو كلوgap

imported_أسعد

14-02-2013, 04:25 PM

http://www.youtube.com/watch?v=v7WcMMNkhcs

أعظم اغنية في تاريخ ومستقبل السودان الغنائي بدون منازع

imported_همس الشوق

14-02-2013, 04:39 PM

فيصل سعد يعدلا عليك دنيا وآخره
لو جملته خميسي

ابداع حتى التخمة

imported_همس الشوق

14-02-2013, 04:41 PM

فيصلوووه يا معلمنا في حب ود اللمين
عليك الله في تسجيل قديم لأغنية زاد الشجون
وبكون في الكوبيله الاخير لمن يقول ابواللمين:
شفت كيف حبك بيعمل يشغل الوجدان ويعذب
وبرضو بتقول عنى خادعك وانى بتلاعب وبكذب
ليك حق دنياك خاليه لابتشيل هم لابتتعب
كنت تتعلم تجامل لو فؤادك مرة جرب
اها لمن يجي للحتة دي
(أنو ما يدق.........)
في واحد من وسط الجمهور بكورك دروشة راسها عديل ويقول
(آآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآه)

اول مره اتفق معاك 100%:D
الظاهر اللوك الجديد دي فيهو بشارة خير

وفعلا تسجيل محمد الامين حفلة لندن
تسمع فيها الراجل البتأوه

لكن والله كلنا بنسطل عديل مع ذات الشجون
غايتو انا بمرق في عالم تاني :D

imported_همس الشوق

14-02-2013, 04:45 PM

ياوريف ....

انت ود الامين ده غنّاي ؟؟

وماتقول لي عزاف عود وموسيقار ...:(

صوتو سمح ؟؟؟؟

يا مهند دي الحاجة الوحيدة الما بتفرضها باي فرضية على انسان
وهو المزاج في الغناء

تعرف محمد الامين دا بتكيف جدا لمن يكون في لقاء
بطربني صوتوا وحتى هو بتكلم ولمن يقول (آآآآآآآآ) والغريبة لمن يكح :D

imported_أسعد

14-02-2013, 04:46 PM

هموسة اللوك الجديد في شنو؟
في اسمي انا؟
ولا عرسك انتي ؟ gap

ياخ ابواللمين دا اول فنان يصنع من مناحة (انسانية) اسطورة

http://www.youtube.com/watch?v=z535lSnDdHo

عليكم الله يا اخوانا مهند دا شمموا كلونيا عشان يفوق من الغيبة العايش فيها دي ^_^

imported_همس الشوق

14-02-2013, 04:48 PM

كدى واحد يكتب لى كلمات ( زاد الشجون)

..

آه ادعينا
وقلنا تاني ما حنشتاق في عمرنا
وقبل ما تمر ليلة واحدة
بحرارة الشوق غمرنا
شفته كيف حبك حياتنا
انت يا الحبك حياتنا
وكيف بدون حبك نكون
ويييين حنهرب منو وين ؟

imported_أسعد

14-02-2013, 04:54 PM

بطربني صوتوا وحتى هو بتكلم ولمن يقول (آآآآآآآآ) والغريبة لمن يكح :D
:D
غايتو اتفاق وقع الحافر على الحافر
ياخ انا من فترة التسعينات بفرح لمن يكون وداللمين عندو سهرة لقاء
بفرح بي اسلوب الكلام عندو اكتر من غناهو

غايتو انا محيرني مهند في اتهام ابواللمين بعدم القدرة على التطريب مع امتلاكه لقدرة تلحين جبارة
بس انا متأكد انو بكون قاصد عثمان حسين لكن بس عاوز يتبلا علي ود اللمين ساااي
http://www.youtube.com/watch?v=AZibt6lambA

imported_طارق صديق كانديك

14-02-2013, 05:00 PM

ود اللمين ياخ:)

والله يا مهند عصرت على الطرب لو طلعت منو الأستاذ:D

بالمناسبة عباس تلودي طبقة صوتوا قريبة جداً من الأستاذ

تسلم يا باذخ

imported_أسعد

14-02-2013, 05:05 PM

والله يا مهند عصرت على الطرب لو طلعت منو الأستاذ:D

طروق عليك الله الزول دا احنا مسكناهو الامانة كيف وهو زول ما بمرق الذمة؟! ^_^
http://www.youtube.com/watch?v=er_enBLPm70

imported_طارق صديق كانديك

14-02-2013, 05:11 PM

يا وجدي (بالقديم) من منا لم يقشعِر بدنه وهَفَت نفسه وشَفَت روحه وهو يسمع هذه الأغنية عند عودة الراحل وردي؟ لا أحد (مهند زاتو بكون كان جوه ال لا أحد ديل):)

ياسلام ياخي ياسلام

imported_أسعد

14-02-2013, 05:20 PM

يا طروق ياخ مهند شنو المعانا
ياخ أمة ود اللمين لا يمكن يكون فيها مواطن بقعد يستعمل اسلوب (الذم بما يشبه المدح)
مهند عاوز ينبذ وداللمين فاختار اغنية حاسدين غرامنا على اساس انها كلمات تعبانة

http://www.youtube.com/watch?v=Rihmi48o7BU

شوف الاغنية دي على بساطة كلماتها الا انها طغت على جمال نسرين سوركتي ^_^
عليك الله يا طروق كلموا مهند دا
قول ليهو اللغة دي وسيلة ما غاية^_^

imported_أسعد

14-02-2013, 05:27 PM

أما يا مهند فيما يخص (اللا لا لا لااااااا لاااااا لا لاااااا لاااااااا)
فاذا لم تستجب روحك لهذا النداء الروحاني
فيا اخوي بنصحك انك تنضم للكيزان طوالي gap

http://www.youtube.com/watch?v=T3QnwTCjoZE

اللالالالالا بتاعة ود اللمين دي
لحن الديلفرنس بتاع (ياني) زاتو ما يقدر يفكها ^_^

imported_مهند الخطيب

14-02-2013, 08:32 PM

يا مهند دي الحاجة الوحيدة الما بتفرضها باي فرضية على انسان
وهو المزاج في الغناء

تعرف محمد الامين دا بتكيف جدا لمن يكون في لقاء
بطربني صوتوا وحتى هو بتكلم ولمن يقول (آآآآآآآآ) والغريبة لمن يكح :D

هموس العروسة ...

طبعا مابستغرب نوهائين انو يطربك ..

باخ انا لاقاني زول بغني للأمين عبد الغفار في الحاج عبدالله ، سألتو قلت ليهو الهداك تحاكي الامين ده شنو ؟!! قال لي والله التطريب البطربو لي الامين ده مالاقاني عند فنان !!!!

من يوما عرفت انو اختلاف الطرب لا يفسد لود قضية gapgap

imported_أمير الأمين

14-02-2013, 09:58 PM

فى أثناء لقاءات رمضان الفات مع ود اللمين
كما كانت تكرر دائما مقدمة البرنامج فى قناة
الشروق.. ٍسأل احد "الظرفاء" فى احد المواقع
الاسفيرية .. هل لود اللمين العدد الكافى من الاغنيات
التى تغطى 30 حلقة ؟
لم اتابع كل الحلفات:D
ولم عارف الاجابة حتى الان !!:D

imported_مهند الخطيب

14-02-2013, 11:33 PM

يا وجدي (بالقديم) من منا لم يقشعِر بدنه وهَفَت نفسه وشَفَت روحه وهو يسمع هذه الأغنية عند عودة الراحل وردي؟ لا أحد (مهند زاتو بكون كان جوه ال لا أحد ديل):)

ياسلام ياخي ياسلام

شتّــــــــــــــــــــــان ياخ شتان ...

والله كوبيج وكوجيم !!!!؟

ياخ انت معجبينو ديل ماكانو تدوهو راسو ...كان تقولو ليهو العب على قدرك يابو الأمين ، دي ماغنية لأي صوت ...

غايتو الله يسامحو كان جنى على وردي وعلينا وعلى خوفي منك :(:(

imported_مهند الخطيب

14-02-2013, 11:37 PM

يمرق الذمة في عينك :D

ياوجدي الحق في ضومتي قلتو انو الراجل موسيقار عبقري ...

هسي غنية ياحاسدين غرامنا الزعلتك هبشتي لكلماتا المرصوصة بلا رص دي انا عندي راي انو لحنها من اكثر الالحان عبقرية في الغنا السوداني ، لعب في النص تون وجدعات تكيف ، رغم انو في كلماتا بتقول :
يادايرين تقولو
وماقادرين تقولو
ايه عايزين تقولو :D:D:D:D:D

موسيقار عبقري ونقلة موسيقية ، طرب يخربو

imported_مبر محمود

15-02-2013, 02:45 PM

موسيقار عبقري ونقلة موسيقية ، طرب يخربو
والله يا مهند، ما قلتَ إلا الحق.
ياخي ود اللمين دا قدر ما باصرتو غلبني كلو كلو!
بس كمان أنا على قناعة تامة بأنو وضعنا النفسي، ولا شئ أخر، هو المتحكم الأول والأخير في جودة إستقبالنا لصوت أي فنّان، الحاجة دي أنا أختبرتها مع فنانين كتار، على رأسهم مصطفى سيد أحمد، زمان كنت مستبيخو جداً وحاسي بيهو بعسّم الغنا والحانو أغلبها شترا ومفروضة على الكلمات فرضاً، بس فجأة، ومن حيث لا أحتسب، وخلال وضع نفسي معين، وعبر أغنية معينة، لقيت روحي مسحوب سحباً لعوالم "صوت" مصطفى! .. فيا مهند، خلينا ندّي السلام وود اللمين فرصة على أمل أن يصادفنا صوته في مطب نفسي قادم.

imported_مهند الخطيب

17-02-2013, 12:59 AM

والله يا مهند، ما قلتَ إلا الحق.
ياخي ود اللمين دا قدر ما باصرتو غلبني كلو كلو!
بس كمان أنا على قناعة تامة بأنو وضعنا النفسي، ولا شئ أخر، هو المتحكم الأول والأخير في جودة إستقبالنا لصوت أي فنّان، الحاجة دي أنا أختبرتها مع فنانين كتار، على رأسهم مصطفى سيد أحمد، زمان كنت مستبيخو جداً وحاسي بيهو بعسّم الغنا والحانو أغلبها شترا ومفروضة على الكلمات فرضاً، بس فجأة، ومن حيث لا أحتسب، وخلال وضع نفسي معين، وعبر أغنية معينة، لقيت روحي مسحوب سحباً لعوالم "صوت" مصطفى! .. فيا مهند، خلينا ندّي السلام وود اللمين فرصة على أمل أن يصادفنا صوته في مطب نفسي قادم.

وشهد شاهد من أهل مدني (بمرق النصيحة) ...

لكن تقول شنو في ناس الللللللللللللله عليك يابواللمين ياأستاز ديل؟؟!!

مابدوك فرصة في عدم الاعجاب زاتو :D

اها شفت قدر مباصرتك دي باصرتو لمن مالقيت فرقة كلو كلو قمت قلت أنا الجابرني شنو ياخ ومشيت شغلت "عجبا يقول الناس انك هاجري" وولعت سجارة وضحكتاااااااا وقلت : قال الله عليك يابو الامين قال !!!

imported_همس الشوق

17-02-2013, 07:12 AM

:D
غايتو اتفاق وقع الحافر على الحافر
ياخ انا من فترة التسعينات بفرح لمن يكون وداللمين عندو سهرة لقاء
بفرح بي اسلوب الكلام عندو اكتر من غناهو

]

كدي خليك من مهند
يغني المغني وكلاً على هواه

اسمع دي

http://www.youtube.com/watch?v=9HYKLHKqIzA

imported_فيصل سعد

19-02-2013, 11:35 PM

متين عرف الهوى قلبك
متين صابك بآهاته
متين سهر عيونك
ليل طويلة ساعاته
وحاتك لسة ما بتقدر
تقاسم قلبي دقاته
و مصيرك بكرة تتعلم

احدى درر اسحاق الحلنقي
و محمد الامين ..

http://www.youtube.com/watch?v=EiCLh5BZwd0

imported_فيصل سعد

20-02-2013, 04:16 AM

و على ذكر التطريب و دوزنة الصوت
نغوص معا في مفردات "الحب و الظروف"
و نتأمل الاحساس الذي صاحب اداء هذه
الاغنية و كيف تجانست و امتزجت تعابير الوجه
و الصوت منسجمة و خرجت الاغنية باهية
الصور و المضامنين بعبقرية ذلك الموسيقار الفذ ..

http://www.youtube.com/watch?v=bKsm62DOZJU

imported_فيصل سعد

20-02-2013, 05:43 AM

زورق الألحان
فضل الله محمد

http://www.youtube.com/watch?v=q-CCn8lGhSo

imported_فيصل سعد

20-02-2013, 07:00 AM

كلام للحلوة
هاشم صديق

http://www.youtube.com/watch?v=DR5q_0RUef0&list=PL777D2706E1A37B4F

آيات مبارك

20-02-2013, 08:07 AM

ود الامين.. لالالالا
انا بس بنتظرو يقول

آه ادعينا
وقلنا تاني ما حنشتاق في عمرنا
وقبل ما تمر ليلة واحدة
بحرارة الشوق غمرنا

وتاني
كنت بحتاج ليك بشدة وانت عني بعيد

ثم انصرف هاربة

اما أيه تقولو دي من انا سغيرة بضحك فيها

لكن البقول بت المك عذبة رقبة:rolleyes:
زي كابلي قدر ماقلت اباصرو ماقدرت ..
فوفو مشتاقين ياخ