Abdullahi Gaafar
07-10-2017, 06:51 PM
الي روح شقيقي الخير جعفر
هو الحزن الظالم يطأ الخلايا وينتعل القلب ويتمدد علي مساحات الرؤيا فتلتقيه حيثما يولي القلب أو الجسد.. ضد كل الممكن من أفراح الآتي وضد البقية الباقية من الضحكات والإحلام .. رحلت يا أجمل عشاق النور وأنبل أحباب كل من صادقت ... يا شقيقي وصديقي الصادق الصديق
وقفت براي ألملم ذكرياتي معاك
في ليلا مكتّف بالحزن والعتمة
ناديتك من الوجع السكن جواي
لا رديت ولا ضوّن بروق ضحكك
مع شاي الصباح واللمّة
واتلفت اقص أترك
لقيتك في البعيد بين الغمام زي نجمة
متلفح تياب الضو
علي باب الخلود والرحمة
واتمنيت تكون حلمة
وتفج شِق الصباح الغمة
تتلافنا زي العادة كالنسمة
ونعود من تاني نتلمَّ
وننجمَّ
ونتم كل الزمان ما تمَّ
واحكيلك
عن الحال الصبح بعدك هجير وودار
عن الوجعة ورحيل البهجة
والدمعة البقت مشوار
عن الضحكة البقت تذكار
وامشي معاك مسافة السكة
من تبينا لي عند الشعاع ما غاب
مشاويرنا ومباراة النجوم والغيم
واحضان الزمن ترحاب
غناوينا ومسافات المني
الوقفت علي ضهر الحلم محراب
واحكيلك
حكايتي بلاك
من بعد الفراق والخوف من الجاي البشوفو رهاب
نزيف الإلفة والذكري البتفتح
في نصايص الليل علي درب الدموع أبواب
محطاتي العلي مكتوبة في قطراً بلا ركاب
مروقي علي الخلوق والدنيا
من غيرك بلا أصحاب
ولا أحباب
واحكيلك
وكت تشرق شموس ذكراك علي كبد الضلام قنديل
عذابات الفراق و الوحشة في ليلا نجومو رحيل
مسادير الحنين للشوفة والشوق البهد الحيل
واتوسد حكايتي معاك وانادي عليك ليل في ليل
واعود من تاني الملم ذكرياتي معاك واتخيل
شموس جيتك مع العيدين
كان ليل الحزن يرحل
ينابيع السماحة الفيك
كان كان شوق القلب يتبل
براحات الصبر تالاك
كان بحر الدموع يكمل
مشاوير البكا الجواي
كان باقي العمر يحمل
سلام آلاف علي روح الوليد الزين
سلام آلاف من الفقرا ودراويش الضريح لامين
سلام آلاف من الخلوة وجوامعنا وبيوت الطين
سلام يلقاك وسط الحور مجرتق بي رضا الوالدين
هو الحزن الظالم يطأ الخلايا وينتعل القلب ويتمدد علي مساحات الرؤيا فتلتقيه حيثما يولي القلب أو الجسد.. ضد كل الممكن من أفراح الآتي وضد البقية الباقية من الضحكات والإحلام .. رحلت يا أجمل عشاق النور وأنبل أحباب كل من صادقت ... يا شقيقي وصديقي الصادق الصديق
وقفت براي ألملم ذكرياتي معاك
في ليلا مكتّف بالحزن والعتمة
ناديتك من الوجع السكن جواي
لا رديت ولا ضوّن بروق ضحكك
مع شاي الصباح واللمّة
واتلفت اقص أترك
لقيتك في البعيد بين الغمام زي نجمة
متلفح تياب الضو
علي باب الخلود والرحمة
واتمنيت تكون حلمة
وتفج شِق الصباح الغمة
تتلافنا زي العادة كالنسمة
ونعود من تاني نتلمَّ
وننجمَّ
ونتم كل الزمان ما تمَّ
واحكيلك
عن الحال الصبح بعدك هجير وودار
عن الوجعة ورحيل البهجة
والدمعة البقت مشوار
عن الضحكة البقت تذكار
وامشي معاك مسافة السكة
من تبينا لي عند الشعاع ما غاب
مشاويرنا ومباراة النجوم والغيم
واحضان الزمن ترحاب
غناوينا ومسافات المني
الوقفت علي ضهر الحلم محراب
واحكيلك
حكايتي بلاك
من بعد الفراق والخوف من الجاي البشوفو رهاب
نزيف الإلفة والذكري البتفتح
في نصايص الليل علي درب الدموع أبواب
محطاتي العلي مكتوبة في قطراً بلا ركاب
مروقي علي الخلوق والدنيا
من غيرك بلا أصحاب
ولا أحباب
واحكيلك
وكت تشرق شموس ذكراك علي كبد الضلام قنديل
عذابات الفراق و الوحشة في ليلا نجومو رحيل
مسادير الحنين للشوفة والشوق البهد الحيل
واتوسد حكايتي معاك وانادي عليك ليل في ليل
واعود من تاني الملم ذكرياتي معاك واتخيل
شموس جيتك مع العيدين
كان ليل الحزن يرحل
ينابيع السماحة الفيك
كان كان شوق القلب يتبل
براحات الصبر تالاك
كان بحر الدموع يكمل
مشاوير البكا الجواي
كان باقي العمر يحمل
سلام آلاف علي روح الوليد الزين
سلام آلاف من الفقرا ودراويش الضريح لامين
سلام آلاف من الخلوة وجوامعنا وبيوت الطين
سلام يلقاك وسط الحور مجرتق بي رضا الوالدين