القراصة - شعر وترجمة (حسون / أبراهيم الكامل)

[عكــود]

محمد الحسن محمد سعيد (حسون) كتب عن تاريخ إختراع القراصة فقال:

إنتي السمي هول أبوكي؟

مهيرة وزينة قريرا
كانت قاعدي القيافة
تعوس في الكسري الرهافة
جدنا بالطاقة شافا
تدودر في القرقريبة
تسوقا هناكا وتجيبا
ومرة تعوسا مغرافة
..... جدنا قال لي مهيرة
وختا حكمتو الشهيرة
"أردمي الدوكي . . أرجوكي . .
إنتي السمي هول أبوكي؟"
ومن يوم داك العواسة بقت طوالي قراصة

ولمّا كان الشاعر أبراهيم الكامل آل عكود من محبي القرّاصة والترجمة الشعرية، فقد ترجمها للإنجليزية كما يلي:
]sonnet
]THE ( GURRASA ) DISK
"IS THE SKY YOUR FATHER'S ESTATE
"
Mihaira , the icon of her Gureir domicile...
Was sitting on a fiber stool discreet and docile,
Baking (dura kisra) of the transparent style:
Elegant, but kept famine at only one mile.

Through an adobe window grandpa saw her...
Urging the "Gargareeba" as a flaking tool.
Persuading it towards the rim and far.
Other times, she uses a pot in the paste pool.

Grandpa addressed Mihaira with a hum,
Fitting in a firm proverbial wisdom:

"Pile up, please, on the hot iron slate!
Hey! Is the sky space your father's estate? "

From then onwards the standard baking pick,
Took the ' Gurrasa ' disk as one inch's thick.

The arabic ' shaigia ' poem by Mohammad El_ Hassan Mohammad Said
Translated by Dr. Ibrahim Al Kamil Mohd. Ahmed

[omrashid]

امانة النضم ما عندكم يا الشوايقه

انحنا البكمي واقع فينا

لك الود

[عكــود]

أم راشد يا ودودة،

إن شاء الله تكوني تعافيتي وبلغتي العافية
وأكررتأكيد سعادتي بمقابلتك في الخرطوم

بس يا زولة بكمي شنو البتتكلمي عنّو؟
إنتي ما شاء الله عليك وعيني باردي
تعرفي للكلام الموزون المقعّد
بس إن شاء الله تكوني بتعرفي عواسة القرّاصة كمان.:rolleyes:

كل التقدير

[معتصم الطاهر]

"أردمي الدوكي . . أرجوكي . .
إنتي السمي هول أبوكي؟"
ومن يوم داك العواسة بقت طوالي قراصة[/align]

ولمّا كان الشاعر أبراهيم الكامل آل عكود من محبي القرّاصة والترجمة الشعرية، فقد ترجمها للإنجليزية كما يلي:
[color=#8B0000]]sonnet
"Pile up, please, on the hot iron slate!
Hey! Is the sky space your father's estate? "


.

The arabic ' shaigia ' poem by Mohammad El_ Hassan Mohammad Said
Translated by Dr. Ibrahim Al Kamil Mohd. Ahmed


طبعا يا عكود اول مرة اعرف قصة القراصة
ودا بسبب الكامل ..
اها يا خوى كلامكم الدراب دا لما وصل الكامل عمل ليه شوية حنيّة من بتاعت صفية
please دى تلقاها وين فى مساخة الشايقية ..

[التربال]

أخونا العكودابي
بالله عليك لازم تشرح للجماعة (الما عارفين) شرح متكامل عن فوايد القراصة ومزاياها خاصة (للترابلي) (وللطيانة)،،،،
وياريت تبدأ بي أخونا الباشمهندس ود الطاهر وتوريهو الفوائد الظاهرة والباطنة لأكل (القراصة بي ملاح الويكي).....

[omrashid]

والله يا عكود انا الاسعد وكل ما اتذكر بوستك ونصائحك في كاس العالم --اضحك --

وبمناسبة القراصه اول مرة عملتها لمن جانا اخو ابو راشد من الشماليه وقلت احسن اعمل ليهو قراصه عشان ينبسط --المهم ختيت الغداء والراجل ظاهر عليه انبسط وشكرني --علي التعترني قلت ليهو اها انا اول مرة اسوي قراصه انشاءالله عجبتك --فاندهش وسالني وينها؟؟؟؟؟؟؟؟؟؟؟

دا اسمو كلام يا ناس

[عكــود]

طبعا يا عكود اول مرة اعرف قصة القراصة
ودا بسبب الكامل ..
اها يا خوى كلامكم الدراب دا لما وصل الكامل عمل ليه شوية حنيّة من بتاعت صفية
please دى تلقاها وين فى مساخة الشايقية .. سلامات يا باش،
القراصة تعرف تطفحها بس
لا سواتها لا قصّتها ما بتعرفا

أمّا الحنيّة و please فلم يدخلها الكامل في أشعارنا
عن الحنيّة أسمع "يا يمّة" و "عافي منّك سو رضايا"

[عكــود]

التربال العزيز . .
يا زول بركة بالشوفة.

فوائد القرّاصة كنت بشرحها لمعتصم
لكن فات فيهو الفوات
وما تسألني كيف؟

[عكــود]

علي التعترني قلت ليهو اها انا اول مرة اسوي قراصه انشاءالله عجبتك --فاندهش وسالني وينها؟؟؟؟؟؟؟؟؟؟؟

دا اسمو كلام يا ناس :D:D:D
خذلتيني والله يا أم راشد . .
لكن برضو ما فات شي
إذا محتاجة دروس خصوصية
لاقيني على المسنجر
و بــ 50% من الأتعاب
خوّة سودانيات ما ساهلة.

[عكــود]

http://www.3aza.com/upload/user_uploads/azrkamil83bb/SP32-20060817-172313.gif
http://www.3aza.com/upload/user_uploads/azrkamil83bb/SP32-20060817-172501.gif

[معتصم الطاهر]

http://www.3aza.com/upload/user_uploads/azrkamil83bb/SP32-20060817-172313.gif
http://www.3aza.com/upload/user_uploads/azrkamil83bb/SP32-20060817-172501.gif

دروس فى القراصة من عكود
يدو طاعمة

اما بتنفع أو لا ..!!! .. كان تقولها و نحن هناك ..

يا بتاع الليمون ..

[omrashid]

,وياها دي قراصه عكود --والله حقتي احسن منها

بس طبعا انتو عارفين الشوايقه

[معتصم الطاهر]

و الله يا ام راشد
الزول يشهد الله مع المدام طوالى فى المطبخ
وزى ما قلت ليك يدو طاعمة
والقراصة دى تعليمة
الأصلية تاكليها بلا ملوح ..

[abu qusai]

شنو يا شباب ( أقصد الدكتورة والباشمهندس أم راشد ومعتصم) لقيتو ولدنا دا براه واستفردتوا بيهو ...

كيفك يا أبا ذر .. والله ليك وحشة وإن شاء الله لقيت الناس كلهم بخير ... وخليت اتحاد المزارعين لي منو ... تعرف يا عكود رغم اني ما تداخلت في بوست الطيب بشير حول اتحاد المزارعين لاني عرفتو مقلب لكن كل ما اتذكروا اقعد اضحك زيييييييييييييييييين على أباذر البقى مزارع ينتخبوه المزارعين لرئاسة اتحادهم ...

حسون محمد سعيد شاعر رقيق ورائع وخياله واسع شديد وابراهيم الكامل شاعر مرهف وذواقة بيعرف يختار القصائد البترجمها ... ونحن سعداء ومبسوطين جدا بلقاء العملاقين حسون وابراهيم الكامل بس ( نحن ماني سكاره مبسوطين برانا )

لكن شكر لي الصاج بتاعك الفيهو القراصة دا

أبو قصي

[عكــود]

,وياها دي قراصه عكود --والله حقتي احسن منها

بس طبعا انتو عارفين الشوايقه
:D:D
والله يا أم راشد كان حقّتك أحسن منّها . .
حَمَاك ما كان نكر أكلها.
صاح أنا هنا ما ردمت الدوكي حسب توصية حسّون
لأن الشاب الواقف جنبي ده بيدّعي الحنكشة وخفت عليهو من عُسر الهضم

[عكــود]

و الله يا ام راشد
الزول يشهد الله مع المدام طوالى فى المطبخ
وزى ما قلت ليك يدو طاعمة
والقراصة دى تعليمة
الأصلية تاكليها بلا ملوح ..
تشكر يا هندسة على الشهادة . .
و الله يجيب لينا ست الأصلية والحبّان
متلك والقوت

[عكــود]

سلااام يا قريبي،
تشكر على المساندة الفاعلة والأهل عِز
أم راشد شهد شاهد من أهلها على جغمستها للقراصة
و معتصم . . .:cool: بدون تعليق :cool:

حسون محمد سعيد شاعر رقيق ورائع وخياله واسع شديد وابراهيم الكامل شاعر مرهف وذواقة بيعرف يختار القصائد البترجمها ... ونحن سعداء ومبسوطين جدا بلقاء العملاقين حسون وابراهيم الكامل بس ( نحن ماني سكاره مبسوطين برانا ) حسون شاعر جميل . . جميل
لا يعرف شعره الكثيرين
من حصاد الإجازة ملف كامل أهداني إياه يحوي أهم قصايدو (نحن مانا سكاى، ثورة الحيران . . إلخ)
في النيّة إنزالها في بوست منفصل
خليك قريب

لكن شكر لي الصاج بتاعك الفيهو القراصة دا الصاج دق دبي يا أبا قصي
جعله الله حامياً دائماً.

[abubakr sidahmed]

دة قراصة حنكوش ساي... ووين التكل ؟؟ انا هسع جنياتنا الحناكيش دييل اقول ليهم قراصتكم دي الفرق بينا وبين النان والبراتا شنو ؟ قراصة صغيرة وصاج علي فرن غاز اخر مودييل اكيد دي الترجمة البلانجليزي ؟؟

حاشية :
اهم ما في الموضوع دة كلو هو تمجييد القراصة بعد تجاهل اعلامي وتوثيقي ورسمي مقصود رغم انو لولا القراصة لما تمكن الجميع من النضمي ...الواحد اها يتخييل ناس اللفة ( كما كان يسمينا المرحوم خالد موسي في وادي سيدنا ) من غير قراصة ولسانا السلبة دة يعني تربية كورن فليكس ؟؟

[عكــود]

مكرر

[عكــود]

دة قراصة حنكوش ساي... ووين التكل ؟؟ انا هسع جنياتنا الحناكيش دييل اقول ليهم قراصتكم دي الفرق بينا وبين النان والبراتا شنو ؟ قراصة صغيرة وصاج علي فرن غاز اخر مودييل اكيد دي الترجمة البلانجليزي ؟؟

حاشية :
اهم ما في الموضوع دة كلو هو تمجييد القراصة بعد تجاهل اعلامي وتوثيقي ورسمي مقصود رغم انو لولا القراصة لما تمكن الجميع من النضمي ...الواحد اها يتخييل ناس اللفة ( كما كان يسمينا المرحوم خالد موسي في وادي سيدنا ) من غير قراصة :D:D:D
العزيز أبوبكر ،

أي نعم قراصتنا الفي الصورة قراصة حنكشة ساكت . .
بس أهو . . ريحتو ولا عدمو (على قولة الزلم).
أما أفضال القراصة على عباد الله الفي الشمال فلا تحصى
سواء أن كان إدامها ويكةً، دمعةً، تركيناً أم ملاحاً أخدر
أو نوعها مخمّرة، متمّرة أو بالسمن والسكّر
بس ما عارف الآن موقفها كيف معاك بعد أن ولجت عالم البشمل والباسطات؟
ولسانا السلبة دة يعني تربية كورن فليكس ؟؟:D:D

[mamkouna]

أما أفضال القراصة على عباد الله الفي الشمال فلا تحصى
سواء أن كان إدامها ويكةً، دمعةً، تركيناً أم ملاحاً أخدر
أو نوعها مخمّرة، متمّرة أو بالسمن والسكّر


ياخي بوٌظت عليٌ الريجيم ..:mad:
صحي يا عكود ممكن تعرف العامل القرٌاصة..دنقلاوي و لا شايقي و لا حلفاوي..من درجة سُمك القرٌاصة؟؟!!!


http://www.sudaneseonline.com/u/Gurrasa.jpg

[عكــود]

والله يا ممكونة ختفتي الصحن من ماوسي . .
تصدقي وتامني بالله،
جيت شايل رابط الصورة الفوق دي بالماوس عشان أنزّلها هنا،
لقيت مداخلتك الخدرا وملاحك الأخدر.
صحي يا عكود ممكن تعرف العامل القرٌاصة..دنقلاوي و لا شايقي و لا حلفاوي..من درجة سُمك القرٌاصة؟؟!!! أخونا الباشمهندس أبوبكر سيد أحمد قال: كل إختلافاتنا في السابق كانت لا تتعدّى سُمك القراصة والنوبي بحّار والشايقي مزارع.
الشايقية قرّاصتهم أرهف شوية من الـ 4 - 5 بوصات بتاعة أهلنا الدناقلة والحلفاويين والمحس.

From then onwards the standard baking pick,
Took the ' Gurrasa ' disk as one inch's thick

ممكونة،
مع الزيفة الفي الخرطوم دي أنصحك بلخ العجين وضيفيلو شوية زبادي، وبي راس معلقة الشاي، شوية باكنج باودر عشان تطلع لينة و . .
أفركي يا ممكونة
أفركي.

[mamkouna]

والله يا ممكونة ختفتي الصحن من ماوسي


:p:D:p:D:p:D
أنا زاتي خاتفاهو من قرية مجاورة..:o

على فكرة خالتك ممكونة تخصُص قراصة..
5 بوصة....بدمعة الجداد
4 بوصة...بدمعة اللحمة..
3 بوصة...بالخدرا الدقاقة..
2 بوصة...بالنعيمية أو التقلية..
1 بوصة بالزبادي بالسكر أو السمنة و السكر

أريتني كان جبت معاي ال Hot-pot و وريتكم أعمالي الكاملة..:cool:
بلا كابتشينو..بلا لمٌة..:p!!!

[مُهيَّد]

نوعها مخمّرة، متمّرة أو بالسمن والسكّر

العزيز عكود ....

هسسسة جاي من غدا مدنننننننننننننننكل شديد .... خمورية بدمعة جداد زي الليل ....

ياخ القراصة دي إختراع ما عادي ....

الله يخلي لي الشوايقة :D

[مُهيَّد]

3 بوصة...بالخدرا الدقاقة..
p!!!

ياخ دا عذاب عديييييييييييييييل كدا .... عزومة مدنكلة .....خدرا ودقاقة كمان ...

أم أحمد ... جيبي معاك كباية الإكسبريسو ديك ...

[مُهيَّد]

مكرر

[مُهيَّد]

عفواً ... مكرر

[رأفت ميلاد]

كيفك يا عكود

طبعآ أنا أفرنجى خالص فى الأكل وبتاع شيات وباسم وكوارع وكافة أنواع المزات

الحجة بقى على النقيض قراريص ولقمة ولايوق وأخدر مكرهانى حياتى

جايب لى قصيدة ومترجمة :D:D

نحن محافظين على شطر البيت الأول

ولا بياكل الملاح أخضر ...

أما النص التانى بنطعمو بعكو :D:D

تحياتى

[عبد العظيم الطاهر]

والله يا عكود انا الاسعد وكل ما اتذكر بوستك ونصائحك في كاس العالم --اضحك --

وبمناسبة القراصه اول مرة عملتها لمن جانا اخو ابو راشد من الشماليه وقلت احسن اعمل ليهو قراصه عشان ينبسط --المهم ختيت الغداء والراجل ظاهر عليه انبسط وشكرني --علي التعترني قلت ليهو اها انا اول مرة اسوي قراصه انشاءالله عجبتك --فاندهش وسالني وينها؟؟؟؟؟؟؟؟؟؟؟

دا اسمو كلام يا ناس

:D:D يا لهوي ي ي ي ي ي ي ي ي ي

[عبد العظيم الطاهر]

كيفك يا عكود

طبعآ أنا أفرنجى خالص فى الأكل وبتاع شيات وباسم وكوارع وكافة أنواع المزات

الحجة بقى على النقيض قراريص ولقمة ولايوق وأخدر مكرهانى حياتى

جايب لى قصيدة ومترجمة :D:D

نحن محافظين على شطر البيت الأول

ولا بياكل الملاح أخضر ...

أما النص التانى بنطعمو بعكو :D:D

تحياتى

الله يجازي محنك يا رأفت ....:D:D:D

طيب هاك أقرأ دي ....


نحنا شايقية ووحاتك في القراريص ديمة نقطـع =
في الصحن طيانة نقعد بالأصابعين فيهـا نقلـع =
حارة لامن بوخها لاوي وفي خشومنا نخت ونبلع =
والملاح طاعم يعجبك بى وراهو تلوك لك أصبع =
وتلقى إيدك بس ترَمِّي لما حلقك ضمَّـة يُوسَـع =
وإن قعدت عليها يومك منها أصلك مـا بتشبـع =
بالعرق وشك يراري تبقى زي تربـال بيقـرع =
ولا زي زيراً قِنَاوِي فـوق خشيـم القلـة نقَّـع=
:

[عكــود]

أريتني كان جبت معاي ال Hot-pot و وريتكم أعمالي الكاملة.. أعمالك الكاملة ما بناباها يا ممكووووونة. .
ولكن ليس في الهوت بوت أبداً
من الدوكة للصحن مباشرةً
حتى تحرق حُسن بناننا والمعصمِ

[عكــود]

العزيز عكود ....

هسسسة جاي من غدا مدنننننننننننننننكل شديد .... خمورية بدمعة جداد زي الليل ....

ياخ القراصة دي إختراع ما عادي ....

الله يخلي لي الشوايقة :D ألف صحة وهناء يا مهيّد . .
قلت لي دمعة جداد تخييينة؟:D

بس ياخي عشان حقوق الإختراع وكده . .
وعشان أبوبكر سيد أحمد ما يجينا ناطّي،:D
القرّاصة مجهود مشترك ساهمت فيه كل قبائل الشمال
حلفاويين، سكّوت، محس، دناقلة، شايقية

[عكــود]

كيفك يا عكود

طبعآ أنا أفرنجى خالص فى الأكل وبتاع شيات وباسم وكوارع وكافة أنواع المزات
الحجة بقى على النقيض قراريص ولقمة ولايوق وأخدر مكرهانى حياتى
جايب لى قصيدة ومترجمة :D:D
نحن محافظين على شطر البيت الأول
ولا بياكل الملاح أخضر ...
أما النص التانى بنطعمو بعكو :D:D
تحياتى
هسّع يا رأفت مداخلتك الكلها متناقضات دي يبدوها ليك من وين؟
شن لمّ الأكل الأفرنجي مع الباسم والكوارع؟
ثمّ . .
ياخي إنت أكلت ما تحت الضلوف . .
قرّاصتنا أم قمحاً نضيف دي أبيتها مالك؟

أما الملاح الأخدر، الشايقية ساعة سمعت قولة موسى الما بياكل الملاح الأخدر
ولا يقرب خمور الأندرينا قالت (بعوجة شلاليف):
هي . . بِسس . .
نان حليلو في شنو؟ :cool:

[عكــود]

نحنا شايقية ووحاتك في القراريص ديمة نقطـع
في الصحن طيانة نقعد بالأصابعين فيهـا نقلـع
حارة لامن بوخها لاوي وفي خشومنا نخت ونبلع
والملاح طاعم يعجبك بى وراهو تلوك لك أصبع
وتلقى إيدك بس ترَمِّي لما حلقك ضمَّـة يُوسَـع
وإن قعدت عليها يومك منها أصلك مـا بتشبـع
بالعرق وشك يراري تبقى زي تربـال بيقـرع
ولا زي زيراً قِنَاوِي فـوق خشيـم القلـة نقَّـع القراصة حباااااابا آ عبد العظيم . .
رغم تجويدك وإبداعك . .
لكن برضك يبقى لي ما أدّيتها حقّها،
ليس تقليلاً من شاعريتك . .
لا أبداً . .
بل إعلاءً لشأنها.

ياخي دي ما بتتوصّف بي أخوي واخوك.

[عكــود]

يُرفع لعناية العزيز أحمد طه
مع التحيّة لحسّون محمد سعيد.

[طارق الحسن محمد]

طبعا يا عكود اول مرة اعرف قصة القراصة
ودا بسبب الكامل ..
اها يا خوى كلامكم الدراب دا لما وصل الكامل عمل ليه شوية حنيّة من بتاعت صفية
please دى تلقاها وين فى مساخة الشايقية ..

اضحكتنى

:D :D

ياحليل زمان

[أحمد طه]

القراصة و ما أدراك !!
دقيق قمح و حبة ملح و موية يلخّوبا العجين ،
بالمناسبة الخميرة البقو يعملوها في القراصة دي أفسدتها أيما إفساد ، قراصة الزوادة المتمّرة ديك بس هي البيعملو فيها خميرة ،
أما قراصتنا المعلومة دي فما فيها أي خميرة
من عائلة القراصة الفطير و الطبطاب ، الفرق بيناتم في (السُمك) الفطير رهاف و القراصة سميكة و الطبطاب في النص ،

و القطعة الكاملة المستديرة من القراصة تسمى (عُصًّارة) قال التربال :

قرعة ترمس و هينين كُريق @@ و سِتْ عصاصير اللات مريق
كلّهن في فكّة الريق @@ و يا الفطور نرجاك بالضيق !

و الجزء المستقطع من العصارة اسمه (حرِف) بترقيق الراء ! و بعضهم يطلق على العصارة (حرف)، و لكن الأول هو الأصح...

و دقيق المريق تصنع منه الكسرة المرّة ، أما قوله (ست عصاصير اللات مريق) ده كان زمااان وكت كان القمح عزيز ، و قراصة المريق رديئة الطعم و صعبة العواسة ( نادرا ما تقدر من تعوس انها تقلب العصارة سالمه!)

يا ربي القالولها (انتي السمي هول ابوكي) كانت قعد تعوس في فطيرية ولاّ كسره مرةّ؟؟

وين عبد العظيم الطاهر يدينا الاكيده:Dgoood:D

[عكــود]

اضحكتنى

:D :D

ياحليل زمان

مسّاك الله بالخير يا طارق،

شفت الباش ظنّو فينا كيفنّو؟
ياخي غنانا مليان بالذوق والتأدّب والحنيّة في المخاطبة، هسّع عليك الله نقرة الطنبور دي براها ما مناجاة كاملة الدسم!
بس هو الفي أذنه وقر :D.

[عكــود]

القراصة و ما أدراك !!
دقيق قمح و حبة ملح و موية يلخّوبا العجين ،
بالمناسبة الخميرة البقو يعملوها في القراصة دي أفسدتها أيما إفساد ، قراصة الزوادة المتمّرة ديك بس هي البيعملو فيها خميرة ،
أما قراصتنا المعلومة دي فما فيها أي خميرة
من عائلة القراصة الفطير و الطبطاب ، الفرق بيناتم في (السُمك) الفطير رهاف و القراصة سميكة و الطبطاب في النص ،

و القطعة الكاملة المستديرة من القراصة تسمى (عُصًّارة) قال التربال :

قرعة ترمس و هينين كُريق @@ و سِتْ عصاصير اللات مريق
كلّهن في فكّة الريق @@ و يا الفطور نرجاك بالضيق !

و الجزء المستقطع من العصارة اسمه (حرِف) بترقيق الراء ! و بعضهم يطلق على العصارة (حرف)، و لكن الأول هو الأصح...

و دقيق المريق تصنع منه الكسرة المرّة ، أما قوله (ست عصاصير اللات مريق) ده كان زمااان وكت كان القمح عزيز ، و قراصة المريق رديئة الطعم و صعبة العواسة ( نادرا ما تقدر من تعوس انها تقلب العصارة سالمه!)

يا ربي القالولها (انتي السمي هول ابوكي) كانت قعد تعوس في فطيرية ولاّ كسره مرةّ؟؟

وين عبد العظيم الطاهر يدينا الاكيده:Dgoood:D
جيدن جيت يا أحمد طه،

مداخلتك دي براها ممكن تفتحلها بوست مكتمل الأركان، المعلومات الفيها إندثرت عند الكثير من شبابنا.
وعلي طاري الفطير، بيسمّوهو أخوانّنا المحس الصَلاّب، وأبو جهينة ممكن يدينا الأكيدة.

مهيرة أغلب الظن كانت بتعوسلها في فطيرية حوّرتها عين جدّنا الثاقبة إلى قرّاصةً تسُر الخاطر والبطون رغم قول حسّون أنّها كانت تعوس في الكسري الرُهافة:
مهيرة وزينة قريرا
كانت قاعدي القيافة
تعوس في الكسري الرهافة

على جنب:
في محادثة مع أستاذنا جعفر بدري أثناء إفطار بورداب الخرطوم، فاجأني بحفظه للقصيدة من طق طق للسلام عليكم، فقد قرأها من الذاكرة كاملة.
تلك شهادة يحق لحسّون أن يفخر بها.
لحسون ولجعفر بدري التحيّة.

ولك السلام مطبوق.

[مي هاشم]

يا سلام على بني شايق..حتى الأكل بيحنّوا ليه وبيكتبوا فيه..
شكراً يا عكود بهذه المتعة..

يا حليل حبوبتي (رحمها الله)..
كانت لا تقبل العواسة إلاّ في الدوكة ولا تقتنع بالعواسة على الغاز..
الـمِنيو زمان كان..
شاي أحَمَر شوية..بعده شاي باللبن(لبن صافي يكتح فيه الشاي)وعليه (خيت)اللّيل سمن..
معاه حرِف كسرة..
الفطور.. قراصة بالسمن البلدي (شغل بيت) مع السكر..كسرة (معجونة) بالموية والطماطم وزيت السمسم..
الغداء قراصة(سمكها حسب الملاح)أو كسرة..
العشاء فطير باللبن..أو الزبادي..

طريقة لَخ القراصة اختلفت من زمان، نسبة لاختلاف الدقيق ونار العواسة وأدواتها..
طريقتي في القراصة عموماً..دقيق+ملح+باكنج باودر+موية..بس..
واذا بالسمنة ممكن أعملها زي البان كيك..بضيف بيضة وفانيليا وحليب..looool
طبعاً هسي العواسة في الغاز والبطوة التيفال الفطحا..:D

بصراحة بقيت ما بدور القراصة (عشان انا البقابل النيران واعوسها)

[عكــود]

سلام يا مي ولعلّك طيبي،

حبّوبتك الله يرحمها كانت مره عاقلة وبتعرف أصول الأشياء وليها حق في عدم إقتناعها بـ (حنكشة) العواسة كما تفعلين أنتِ الآن (غاز و طوّة تيفال فطحا).
و المنيو ياهو كان زي ما قلتيهو بالظبط!
طريقتي في القراصة عموماً..دقيق+ملح+باكنج باودر+موية..بس..بس الله يرضى عليك زيدي على المكوّنات دي ملعقتين كُبار الاّت زبادي، بيزيدوها ليونة ويمنعو كرضمة العجين حتى لو بلّيتها قبل العواسة بمدّة قصيرة (لقيتيني كيف :D).
يا سلام على بني شايق..حتى الأكل بيحنّوا ليه وبيكتبوا فيه..حسّون رجل مُبدع و مسكون بالكتابة عن قديم البلد بصورة تصويريّة تكادي تشاهدينها أمامك، له قصائد كثيرة تصف الحياة في البلد بكل تفاصيلها ومثال القصيدة الأوردها أحمد طه في بوست ثورة الحيران في بوست تاني، وغيرهن.

كل الشكر على تذوّق قرّاصة مهيرة زينة قريرا.

[مي هاشم]

لقيتك ..مااااااهين:D
سمح..بجربها واوريك النتيجة..


حسون بحق مبدع..يجعلك تقرأ وكأنك ترى..وتحس بكلماته تخرج منك لشدة إلفتها..
وإبراهيم الكامل رجل فنان جداً..ولا أظن أنه من السهل ترجمة شعر كهذا مع الحفاظ على نفس الحنين عند قراءته باللغتين..

[عكــود]

لا وإنتي الصادقة . .
جرّبيها واعزميني!:)

حقيقي ما أوردتيه في الرجلين.

[أزهري سيف الدين]

الرائع عكود ...وباقي الأخوة الأعزاء ...
رمضان كريم علينا و عليكم ...

البوست دا من أجمل ما قرأت في الفترة الأخيرة ...هذا الحسُون أبدع في هذه القصيدة ... و دكتور ابراهيم الكامل أدّا الابداع سوط ...


و الجزء المستقطع من العصارة اسمه (حرِف) بترقيق الراء ! و بعضهم يطلق على العصارة (حرف)، و لكن الأول هو الأصح...


الغالي أحمد طه ...تُشكر علي المداخلة الشحمانة دي ... ( أشحم من حرف قراصة الدناقلة ):D

التربال قالو ليهو ... ثلث لطعامه و ثلث لشرابه و ثلث لنفَسِه.. أو كما جاء في الأثر ... قال ليهم نحن غايتو:
الحرِف فوق الحرِف ... و الموية تنزل بالشقوق .... و النفس عند رب العالمين :D

تحياتي

___________

أستاذنا عكود: عن اذنك ... القصيدة دي استخدمتها في بوست في البركل (اسكيرت وبلوزة) و أشرت لرابطها في أرشيف البركل ....

[عكــود]

العزيز أزهري،

شوفتك هنا تفرّح وتبهج والله وألف مرحب بيك.
حسّون وأبراهيم، صوط إبداعهم صوط وروار وماهُن شاحدنّو.

إذنك معاك ياخي وما مشت بعيد، بالله سلّم لي على ناس البركل وقولّهم بالحيل عكود طاريكم علّي ساجورو شويّة عاصي، لغاية ما نلقى لنا (دبليو دي فورتي) يحلحلو ونمسح خجل غيبتنا الطويلة منّهم.
أعتقد مامان كان قبل كدي نزّلها في البركل،
لكن مالو، طبق الحنّة برضو سمِح.

تسلم يا أزهري.

[أحمد طه]

لأن القراصة عند أهلنا وجبة أساسية و يومية ، و حتى لا يملّوا منها، فقد تفنّنوا في تنويع (المِلحات) فنجد هناك ملاح الويكه اليابسه و الويكه الخدرا و السلج و الورق و الخدره و السبروق و اللاريق و الكداد ، و هناك الدمعة و التركين (الملوحة) دا غير النسيتم:D

ملاح السبروق (لمن لا يعلم) يصنع من الأوراق الخضراء لشجرة البامية ، كما يصنع ملاح اللاريق من أوراق البسلّة !

روت لي عمتي (رحمها الله) أنها احتارت يوماً في الذي (تفركه) للزوّارة الذين يقومون ببلّيط البيت ، فما كان منها إلا أن فركت لهم ملاحا بأوراق البرسيم !! قالت لي (يشهد الله ما ضقت زي حلاتو!!)
و الحياة تجارب !!
مودتي...

[على ماجداب]

لامن يتلمو المراجع ماشاء الله عليهم البوست بكون دسم (من غير توريه) يعنى دسم الواحده دى .. ويستاهلو نقولهم عامرين بدل شكرا .. كميّه من المعلومات الجديده دا غير أبرع وأظرف شعر لاقانى .. يديكم العافي

بالجمبه كدا :
احمد طه بوستينا داك محتاجك ..برجاك

[عكــود]

سلام يا أحمد طه وشاكر ياخي مساسقتك علينا وشايل قدحك وصبّارتك.
لأن القراصة عند أهلنا وجبة أساسية و يومية ، و حتى لا يملّوا منها، فقد تفنّنوا في تنويع (المِلحات) فنجد هناك ملاح الويكه اليابسه و الويكه الخدرا و السلج و الورق و الخدره و السبروق و اللاريق و الكداد ، و هناك الدمعة و التركين (الملوحة) دا غير النسيتم:D

ساعة قريت الكلمة البأحمر دي، قلت يا ربّي ده إسم مُلاحاً أنا ماني عارفو وللاّ شنو؟ :D



روت لي عمتي (رحمها الله) أنها احتارت يوماً في الذي (تفركه) للزوّارة الذين يقومون ببلّيط البيت ، فما كان منها إلا أن فركت لهم ملاحا بأوراق البرسيم !! قالت لي (يشهد الله ما ضقت زي حلاتو!!)
و الحياة تجارب !!
مودتي...عمّتك ما سبقها زول علي فعلتها دي يا أحمد، ياخي تعلف الجماعة بالبرسيم! وكمان ما ضاقت زي حلاتو :eek:
أها تاني فركتو وللا كلام ساكت.:D


تسلم وليك الوُد.

[عكــود]

لامن يتلمو المراجع ماشاء الله عليهم البوست بكون دسم (من غير توريه) يعنى دسم الواحده دى .. ويستاهلو نقولهم عامرين بدل شكرا .. كميّه من المعلومات الجديده دا غير أبرع وأظرف شعر لاقانى .. يديكم العافي

بالجمبه كدا :
احمد طه بوستينا داك محتاجك ..برجاكسلام الله عليك يا علي ماجداب،

شاكرين مرورك بسواقينا و عشمانين في إنّك تفاطِرنا،
قدحك عارفنو ماكِن وماهِل.

تسلم.

[طارق الحسن محمد]

بس الله يرضى عليك زيدي على المكوّنات دي ملعقتين كُبار الاّت زبادي، بيزيدوها ليونة ويمنعو كرضمة العجين حتى لو بلّيتها قبل العواسة بمدّة قصيرة (لقيتيني كيف :D).


العمدة
صباحك صباح جنائن القرير
بس ياحوى
القراصة او عجين القراصة ان ختا الباكنج بودر والزبادى والحاجات التانية فقط الملح
مافى احسن منها
بتجربتى الطويلة كعزابى

[عكــود]

العمدة
صباحك صباح جنائن القرير
بس ياحوى
القراصة او عجين القراصة ان ختا الباكنج بودر والزبادى والحاجات التانية فقط الملح
مافى احسن منها
بتجربتى الطويلة كعزابى
سلام يا طارق،

أها وصفتك دي ياها وصفة مهيرة زينة قريرا وحبّوبة مي هاشم،
بس ياخوي أبو جهينة دحين ما نادى بتطوير المائدة السودانية، وبالأمارة قال الحبّوبات سوّن العليهِن التطوير علي ناس مي وصويحباتها.

على جنب:
معاك في حكاية الباكنج بودر، وما معاك في الزبادي . .
كدي جرّبو. :D

[طارق الحسن محمد]

سلام يا طارق،

أها وصفتك دي ياها وصفة مهيرة زينة قريرا وحبّوبة مي هاشم،
بس ياخوي أبو جهينة دحين ما نادى بتطوير المائدة السودانية، وبالأمارة قال الحبّوبات سوّن العليهِن التطوير علي ناس مي وصويحباتها.

على جنب:
معاك في حكاية الباكنج بودر، وما معاك في الزبادي . .
كدي جرّبو. :D

لا لا لا
يا عكود
ياخى القراصة لو مابقت تخينى حبة
وقوية شوية
مابتبقالى قراصة
والباكنج باودر دا
ياخوى بيخليها خفيفى
انا غايتو زول يسوى باكنج باودر فى قراصة
لا محسى
ولا دنقلاوى
ولا شايقى

( ثوابت :D)

[عكــود]

إنت يا طارق الليلة صايم وللاّ شنو؟ :D
ما قلنا ليك معاك في إنّو الباكنج بودر ما حبابو،
بس الزبادي حبابو.

[طارق الحسن محمد]

إنت يا طارق الليلة صايم وللاّ شنو؟ :D
ما قلنا ليك معاك في إنّو الباكنج بودر ما حبابو،
بس الزبادي حبابو.


تصدق صائم

:D :D :D :D: D


ماجربتو
بجربو الليلة
بس تتحمل المسعولية
:mad: :mad:

[مي هاشم]

عكود وطارق صباحكم زين...
ما يبقى غلاط ساي..
البكنج باودر وتتعاس بعد نص ساعة..والعجين ما يكون تخين..وما خفيف شديد..زي الفطير كده..
تطلع القراصة فيها سماكة وخفيفة وهشة ولينة..
جربوا قبل تحكموا وادوني رايكم..(برضو ما بتكون زي حقتي..اليد ليها أثر:D)
كان قريبة كنت ضوقتكم ..
ما مشكلة ..بسويها وأضوقكم الصور..

[طارق الحسن محمد]

عكود وطارق صباحكم زين...
ما يبقى غلاط ساي..
البكنج باودر وتتعاس بعد نص ساعة..والعجين ما يكون تخين..وما خفيف شديد..زي الفطير كده..
تطلع القراصة فيها سماكة وخفيفة وهشة ولينة..
جربوا قبل تحكموا وادوني رايكم..(برضو ما بتكون زي حقتي..اليد ليها أثر:D)
كان قريبة كنت ضوقتكم ..
ما مشكلة ..بسويها وأضوقكم الصور..

مافى قراصة زى الفطير
يا فطير
يا قراصة
5 بوصة
:D:D

[مي هاشم]

مافى قراصة زى الفطير
يا فطير
يا قراصة
5 بوصة
:D:D

في..قراصتي اللّت الباكنج باودر دي..أصلها فطيرة لكن متماهية في القرّيص*..
تلُخ العجين رقيّق.. ولما تعوسه لا تجرّو بقرقريبة ولا بإيدك..خليه يدّور براهو على اطراف..وبعد تنجض الطبقة التحت ويبقى لونها زي الدهب الأحمر أقلبها..بتتنفخ وبتطلع 2 بوصة..
جرّبها وما تلاوي ساي..

*بعد اذن عكود طبعاً..:D

[طارق الحسن محمد]

في..قراصتي اللّت الباكنج باودر دي..أصلها فطيرة لكن متماهية في القرّيص*..
تلُخ العجين رقيّق.. ولما تعوسه لا تجرّو بقرقريبة ولا بإيدك..خليه يدّور براهو على اطراف..وبعد تنجض الطبقة التحت ويبقى لونها زي الدهب الأحمر أقلبها..بتتنفخ وبتطلع 2 بوصة..
جرّبها وما تلاوي ساي..

*بعد اذن عكود طبعاً..:D
2 بوصة
بس خفيففففففففة
مى
كيك
بقت
ماهى قرراصى
دى:mad: :mad:

[مي هاشم]

2 بوصة
بس خفيففففففففة
مى
كيك
بقت
ماهى قرراصى
دى:mad: :mad:

يقرصك الـشنو أقول ليك..

هي فعلاً زي الكيك..لكن متماهية في التكيّك..:D

والله قراصة عديييييل ..والله كان أصوّرها ليك يا طارق..
عدين أي شي بيتغير وبتدخل عليه تطورات..
بدل الدوكة..الطوّة التيفال وصاج الكهربا..وبدل عجن اليد مضرب السلك أو العجانة الكهربائية..وبدل الحطب الغاز..وبدل مهيرة مي ..وبدل 5 بوصة 2 ..وهكذا يعني..:D

[طارق الحسن محمد]

http://b.imagehost.org/0194/DSC00354.jpg

القاسى شنو يا مى
اها كدة قصدك

[طارق الحسن محمد]

http://photos-h.ak.fbcdn.net/hphotos-ak-snc3/hs071.snc3/13840_180913303643_710733643_3101935_3120901_n.jpg

اها بكنج باودرك
بيسويها كدة
مخرمة ومقدقدة
زى الغربال
كدة ما بتنفع
والله

[طارق الحسن محمد]

يقرصك الـشنو أقول ليك..

هي فعلاً زي الكيك..لكن متماهية في التكيّك..:D

والله قراصة عديييييل ..والله كان أصوّرها ليك يا طارق..
عدين أي شي بيتغير وبتدخل عليه تطورات..
بدل الدوكة..الطوّة التيفال وصاج الكهربا..وبدل عجن اليد مضرب السلك أو العجانة الكهربائية..وبدل الحطب الغاز..وبدل مهيرة مي ..وبدل 5 بوصة 2 ..وهكذا يعني..:D

والله انا ليبرالى جدا
لكن فى الحتات دى تقليدى
وكلاسيكى جدا
:D
الصاج والدوكة
والبزديق
والقرقريبة
واللديات
والخمارة
والطايوق
والقرعة (لغرف العجين )
الطبق الفوق
والتحت
بقيف معاها
ومرة ما بتسوى دا
ما بتحول فى حوشى تب

:D :D
:D :D

[طارق الحسن محمد]

http://www.sudanesecoptic.com/sitebuilder/images/dama_1_.jpg

بتبقى كدة
وكدة ما لذيذة

دى دبلان
بس
:D
ولا كمان ما بتعرفى الدبلان

:p

[طارق الحسن محمد]

http://up.sudanradio.info/upradio/upload//14960-4-702842003.jpg

والحرف لمن يكون ليهو شامات بيكون ذو طعم
خاص
:D

[طارق الحسن محمد]

http://up.g4z4.com/uploads/70b31c18d5.jpg

بالله فى احسن واجمل من دوكة
زى دى

[أحمد طه]

http://www.sudanyat.org/upload/uploads/fateeria.jpg

[أحمد طه]

http://www.sudanyat.org/upload/uploads/oasatgurrasa.jpg

[على ماجداب]

http://up.g4z4.com/uploads/70b31c18d5.jpg

بالله فى احسن واجمل من دوكة
زى دى

طارق سلامات
إتذكرت بالصوره دى باقى العجين بعد القراصه بعملو بيهو طرقه كدا خفيفه أرهف من الفطير وبخلوها فى الدوكه لامن تنشف شديد ..دايما بتكون من نصيب الشفع المصاقرين الدوكه وقاعدين أظنها إسمها (كنكروشه) وربما تغيّر الإسم بتغيّر المنطقه

[طارق الحسن محمد]

طارق سلامات
إتذكرت بالصوره دى باقى العجين بعد القراصه بعملو بيهو طرقه كدا خفيفه أرهف من الفطير وبخلوها فى الدوكه لامن تنشف شديد ..دايما بتكون من نصيب الشفع المصاقرين الدوكه وقاعدين أظنها إسمها (كنكروشه) وربما تغيّر الإسم بتغيّر المنطقه


بتذكرها والله
:D :D
لكن الاسم رايح
منى
طعمها كان احلى من
كل التعاس
ياله من زمن

[عكــود]

مي
طارق
أحمد طه
ماجداب

تسلموا على إثراء البوست بالحروف (تُقرأ على الجهتين) الطاعمة.

ياها الكنكروشة يا علي أو القنقروشة.

بعدين يا أحمد، عمّنا الخات فطورو ده . . الدنيا واضح إنّها كانت شتاء . .
يفطر في البرندة
موسم البصل الأخدر
والأهم، غباش الإيد والفرق في اللون بين الجزء الوصلتو الموية والجزء الناشف :D

[طارق الحسن محمد]

http://www.sudanyat.org/upload/uploads/oasatgurrasa22.jpg

[طارق الحسن محمد]

http://www.sudanyat.org/upload/uploads/amtcb9.jpg

[عكــود]

يا طارق أسّع في داعي للصورة الأخيرة دي في نهار رمضان، في داعي يعني!
عاملين صحن شطّتن الكبير ده :D

مع التحيّات لشاعرنا عبد العظيم الطاهر.

[طارق الحسن محمد]

يا طارق أسّع في داعي للصورة الأخيرة دي في نهار رمضان، في داعي يعني!
عاملين صحن شطّتن الكبير ده :D

مع التحيّات لشاعرنا عبد العظيم الطاهر.

:D :D :D

ياسلام عليه والله
ظهر قبل فترة هنا
وزاغ تانى
بالله فك لى تلفونه
مودتى

[مي هاشم]

http://www.sudanyat.org/upload/uploads/Image049.jpg


دقيق+ملح+باكنج باودر

[مي هاشم]

http://www.sudanyat.org/upload/uploads/Image050.jpg
المـــــوية
تضاف قليلاً قليلاً حتى يتجانس الخليط ويكون (لا سميك لا رقيق شديد)

[مي هاشم]

http://www.sudanyat.org/upload/uploads/Image016.jpg

نصب العجين على على (الطوّة التيفال)..شايف قوام العجين...

[مي هاشم]

http://www.sudanyat.org/upload/uploads/Image056.jpg

بعد تنجض نقلبها على الجهة التانية..لحدي ما تحمر..ثم نطلعها في الصحن..

(عارفاها ما حمّرت شديد):D..

[مي هاشم]

http://www.sudanyat.org/upload/uploads/Image057.jpg

اظن السماكة دي ظريفة ومناسبة..:)

[مي هاشم]

http://www.sudanyat.org/upload/uploads/Image058.jpg

ثم..
السمن والسكر وهي حااااااااااااااااارة..
(السمن والسكر حيسيحوا في بعض وآخر حلاوة)..:)

[مي هاشم]

http://www.sudanyat.org/upload/uploads/Image060.jpg

بالله شوفها لينة كيف!!زي القطن ياخ!!

اتفضلوا..مدّوا ايدكم:D

[عكــود]

سلام يا مي و إفطار شهي إن شاء الله.

وهكذا تكون القرّاصة إن كان إدامها السمن والسكّر، مافي أشهى من كده يا مي "العالم":).

طبعاً طارق عايز القرّاصة "أم شامات" البدون باكنج بودر، لتلتحتف الدمعة التخينة أو لتفترش مُلاحاً لايوق و عضامو كُبار، عندها تختلف الوصفة بتقليل الباكنج بودر للحد الأدنى، مع إضافة شئ من الزبادي لزوم الليونة.

عزومتك مقبولة يا مي وكأنّنا ضقناها.

[مي هاشم]

سلام يا مي و إفطار شهي إن شاء الله.

وهكذا تكون القرّاصة إن كان إدامها السمن والسكّر، مافي أشهى من كده يا مي "العالم":).

طبعاً طارق عايز القرّاصة "أم شامات" البدون باكنج بودر، لتلتحتف الدمعة التخينة أو لتفترش مُلاحاً لايوق و عضامو كُبار، عندها تختلف الوصفة بتقليل الباكنج بودر للحد الأدنى، مع إضافة شئ من الزبادي لزوم الليونة.

عزومتك مقبولة يا مي وكأنّنا ضقناها.

مي العالم دي أخت عصمت:D

صدقت ..تتغير الوصفة حسب (الفرش):)..
وسأجرب قراصتك اللّت الزبادي..واللّت طارق أم شامات بإذن الله،وبالصور برضوlooool


يازول كأنّنا في الأكل ما بتنفع..يا تضوق يا تتمطّق:D
بعد أجي الإمارات بإذن الله تجي تضوقا عديل..

لك خالص ود ولطارق مثله