إلي صديقة...

[خالد الحاج]

http://sudanyat.org/Khalid/Oud___Walla_Al_Msaa__.wma

http://sudanyat.org/Khalid/Oud___Walla_Al_Msaa__.wma
للحفظ


لسه باقي في الكأس بقية..
أتمني دايما أشوف النونة والضحكة الندية...

[خالد الحاج]

http://sudanyat.org/Khalid/Mostafa_AzzamenAlAleem_Salah_Haj_Saeed.mp3

http://sudanyat.org/Khalid/Mostafa_AzzamenAlAleem_Salah_Haj_Saeed.mp3

[خالد الحاج]

من.. الصديقة :

كنت محتاجه لي ولي المساء لانها بتسافر بي لي مدن موانيها لاتسمح للسفن بالمراسي..
شفت القصه صعبه كيف؟ خاصه لمن تكون واقف في مواني الانتظار....
لمن اسمعها برغم انها بتتعبني لكنها بتريحني مش في احساس بتعبك تعب مريح..
انشاءالله حالي ماحالك وبجيك راجعه لصلاح حاج سعيد!

[خالد الحاج]

(2)

قال ياجرح عزة هوانا...
وجيتني في الزمن الاليم والالم خشم بيوت...
وقلبي مثخن بجراحات الهوي والجرح يتفاوت في عمقه وبعد دال اعماقنا المهربده تقدر تشيل قدر شنو!الليله شكلي كاتبه اي احساس هابشني بس ياخال خليك حنين

[الجيلى أحمد]

ودالحاج


الكلام المكتوب سمح,..وأكيد إنو طعموا أجمل
لما يكون فى نص متوحد يتقرى ويتحفظ فى رفوفا لخواطر
بنفس الإحساس الإتكتب بيهو..

نتابع ياودالحاج

[خالد الحاج]

ودالحاج


الكلام المكتوب سمح,..وأكيد إنو طعموا أجمل
لما يكون فى نص متوحد يتقرى ويتحفظ فى رفوفا لخواطر
بنفس الإحساس الإتكتب بيهو..

نتابع ياودالحاج

عزيزي الجيلي
تعرف "ونسة " المسنجر..مع الرائعين من الأحباب..
جاء البوست هكذا عفو اللحظة...
أغنية وحديث عنها.. ثم بحثا عنها.. ثم أغنية أخري وحديث آخر...
ما أجمل الأصدقاء الحقيقيون يا جيلي.. بهم تصير حياتنا أجمل ..

يديك العافية...

[معتصم الطاهر]

عارف .. يا خالد

الونسة مع الناس الفاهمة وحساسة وعندها شعور عميق
و وعي متوازن
ناس زى ديل ما تملهم أبدا

بس

بعوقوا الزول ..

ما دايما بتلقاهم

وبمسخوا عليك البقية ...

لكن تقول شنو ..
دا الجنن ود الطاهر ..

[خالد الحاج]

تعرف يا باش...
إنت عارف خالك بيحب الناس قدر كيف..
لكن هناك بعض الناس تحسهم بعضا منك.. لا تحتاج لقول الكثير معهم..
لسان الحال بيشرح الحال.. ومرات الألم زي "كن كان 14 " بيجمع المصابين :(

صديقيتي مرت بوعكة خطيرة.. تعافت منها الحمد لله كثيرا..
بعض الناس يا باش ممكن تقتسم معهم آلامهم وأنت مبتسم..
والله لو أملك لأخذت منها كل الألم.. أصلي يا باش "جضما معود علي الكفيت"
هي محبة لله.. نعم يا صديقي والله والشاهد لله ..
"حتى لا أوقظ فيك محفذاتك الشمارية"
أسأل الله لها تمام العافية...

[معتصم الطاهر]

هي محبة لله.. نعم يا صديقي والله والشاهد لله ..
"حتى لا أوقظ فيك محفذاتك الشمارية"
...

خالد
أعرف متى تكون المحبة لله

تكون علنية .. كما هو دأبك ..

و عشان كدا كتبت ليك ..هنا وليس فى الماسنجر ..

بعدين اخوك خلى الشمار بعد الحساسية الأخيرة من البهارات ..

ما قلنا ليك ( فواكه بس) ..

[خالد الحاج]

رسالة إلي الجيلي:

حبابهم اصحاب الخال ولانكم جيتو وبرغم الكتابه غالباني حا اكتب ! لحدي زمن قد ياتي
الجيلي...تعرف الخواطر تكون مليانه لحدي ما تتدفق...ولمن تدفق تفتش للرفوف لكن حتي الرفوف بتملي!!اهه يغلبنا الحنين والانين معا وبكون في اشد الحوجه لمساحات عند الخال وتقعد تخت في رفوف عنده وهو طبعاشيال التقيله فالله يديه العافيه والعافيه مافي شئ بعادلها.
اجمل حاجه انه بشيل معاك الخواطر باحساس كتابتها..واكثرمن كده جاب ناس تانين حيغنوا الخواطر لحن!
مودتي

[خالد الحاج]

رد لخالد:

طبعا ماكنت فاكره البحث عن الاغنيات البتهبش الدواخل حتجيب البوست ده لكن ما دام اتولد حا اشيله في نني العين وحاعتبره مساحه الرف الحاكتب فيه خاصه في مرات في كتابة الي مجهولين معلنه ومبهمه بس عشان خاطري نزل لي لحن الحياة ..بعدها حا اكتب انها بتعمل فيني شنو؟ووو!!!!!!

[خالد الحاج]

رسالة إلي معتصم الطاهر :

يا ود الطاهر
بريه من الجن ...كدي خلينا نسترق السمع لامسي مضي لحدي غدا حبيبي حتمايعود وشوف المساحه بينهم الاثنين بتعوق ليها كم زول!!

....

فعلا في ناس ياخالد بتحبهم في الله ..وبتشيل معاهم الالم وبتقسمه لكن ياود امي ان شاءالله تسلم لاماني والاولاد اولا ولكل البحبوك وبتحبهم, وان شاءالله المريت بيه ما يشوفه عدو فمابالك بحبيب! انت تبرا

[خالد الحاج]

http://albrkal.com/khalid/lahnalhaiya.wma

http://albrkal.com/khalid/lahnalhaiya.wma
لحن الحياة - عثمان الشفيع للحفظ

[عكــود]

يا خااااال . .
ده بوست سمح بالحيل . .
ياخي مافي أجمل من صديق تاخد راحتك معاهو
وكأنّك بتتكلم مع نفسك
محبّة الناس نعمة
أدامها الله علينا وعلى الجميع

ألف تحية لك ولصديقتك/تنا

[عمر مجذوب خطيب]

خالد - هو الشجن والمكانة التي يحتلها البعض في اعماقنا
حين نحس بالعجز عن نجدتهم او التعبيير عن ما نكنه لهم
ومن حسن حظنا كسودانيين ان الاغنيات أرخت للتجارب
قاربت بينها الى درجة الانصهار.
اغنيات تغيث المشكوكش والميت له زول والمغروم وووووووو
وحين يقول حسن ابو العلاء على لسان الحان سيد خليفة (انا غير احبابي حطام انا دون احبابي حطام) حين اسمع هذا المقطع اصمت واتحسس اصدقائي واحبابي - اتفقدهم لاتأكد انهم بخير
ياه يا خالد في غنانا بنلقى منانا
مودتي

[خالد الحاج]

رد مرسل لعكـــود :

ومليون تحيه ليك ياعكود!
فعلا في اصحاب جوه الحشي ذي الضوء ينفذ للدواخل دونما استئذان! وديل بنورهم تضؤي المساحات المظلمه!
الله يدوم محبه القلوب الصافيه لانها صادقه ونقيه

[خالد الحاج]

ورسالة لعمر مجذوب:

ياعمر حبابك
شجن الشويه دي في ناس لو شلنا عمرنا نزيد بيه ايامهم ماكفايه بتحس مرات وجودهم في داخلك كتير عليك !وديل ذي الزول البكون لحن الحياة منه لاحظ منه وبس!
لحن الحياة من الاغنيات التي ترد روحي كلما تقاربت للرحيل وخاصه لحنها وغناها منغمه بالعود!!
بعدين ياعمر المشوكشين هينين لانه القصه شاكوش لكن البتريدهم وريدتك شويه عليهم وبالتالي لاقادر تخليهم لا عايش بلاهم ديل تعمل معاهم شنو?

[خالد الحاج]

http://albrkal.com/khalid/l7n_al7aya.wma

http://albrkal.com/khalid/l7n_al7aya.wma
لحن الحياة-سميرة دنيا- للحفظ


لحن الحياة منك وما تقول نسينا الماضي =
صرنا ناسينك محبوبي الجميل=
سألوني منك عرفتهم =
إيه الصفات عنك خبرتهم=
شافو الجمال منك أقنعتهم =
طولت لكنك أنا حبيب الروح أعفيني من ظنك=
محبوبي محبوبي الجميل=
سألمني بإيدو والدمع إنهمر =
ذكرني بي ريدو وأوقات السمر=
ساحرني بي محيو جنني وآسر=
شاغلني بي نورو الكم أخجل القمر=
بس تنسى كيفنك وأنت والوحيد بالذات الكنا ذاكرنك=
محبوبي محبوبي الجميل=
وفيما الملامة يا روحي=
وكلي هياما يا روحي=
ويا من تعامى يا روحي=
سلاما سلاماً يا روحي =
وذكرى محبي يا روحي=
تموج بقلبي يا روحي=
وأنت بقربي يا حبيبي=
حياتي وحبي يا روحي=
أهنا وأنت بعيد =
ما كنا ناسينك والحب عليك ازداد قمراً نفوس دنك=
محبوبي محبوبي الجميل=

[خالد الحاج]

http://albrkal.com/khalid/la7n_al7aya1.wma

http://albrkal.com/khalid/la7n_al7aya1.wma
لحن الحياة-كابلي- للحفظ

[خالد الحاج]

رفقــــــــة


التقطني يا صديقي=
في الدروب الما بتجيبك=
ودفئ حضنك بالأغاني=
كلما يضهب طريقك=
وامسك الجمرة البتبرق=
بين رمادك=
وبين حريقك=
وارفق الدمعة البتعرف=
شاسع الحزن البعيقك=
ولو فضل في العمر خطوة=
وسع الأحلام=
واهرب منو ضيقك=
لي براح في الشوق يتاوق=
في شبابيك غربة حبيبك=
ويا أخي سيبك=
من متاهات في الخواطر=
والمشاوير التشاتر=
يا اخي سيبك=
هي ضلمة وانت عارف=
ضي بريقك=
وبرضو عارف=
قبل ما تختار طريقك=
ابقي واثق من رفيقك=
وامسك الجمرة البتبرق=
بين رمادك=
وبين حريقك=
مين رفيقك=
غير شجن=
واشواق=
ولوعة=
شحنة الحزن البصيبك=
يا اخي سيبك=
وانت سر عشقك=
كلما اتخمر عتيقك=
يا اخي سيبك=
من سريقك=
ومن سليبك=
وابقي فتش في لي طريقك=
يمكن الاحزان تسيبك=
يا اخي سيبك=
*****=
يحي فضل الله=

[mamkouna]

بوست حنين..و..طاااااااااعم.

كل ما تجي سيرة الصداقة و الأصدقاء..
بتذكر شعار المجدلية..(( الأصدقاء..أوطان صغيرة ))..

كل الحب ليكن/م جميعاً و مودتي الشديدة .

[خالد الحاج]

يسكنك الحزن أحيانا كثيرة فتبحث عن ظل وريف..
أذن تستمع وتحنو..
عقل يفهم..
أفتقد اليوم صديقتي وقد مللت رفقة الحزن..
عساك طيبة يا زولة يا جميلة..

[معتصم الطاهر]

الخــــــــــال

كيفنكن

ان شاء الله البعدها عنك يكون الفرح .. والسعادة ..

ويا خي ..
قلت ليك بعوقوا ..

[خالد الحاج]

الخــــــــــال

كيفنكن

ان شاء الله البعدها عنك يكون الفرح .. والسعادة ..

ويا خي ..
قلت ليك بعوقوا ..
صدقت والله يا باش...
لماذا نذكر الأحباب حين حزن؟؟
بعض الحزن .. يصادقك يتودد إليك يلتصق بك لا يفارقك للأبد ، وحين تمل رفقته تلجأ للذكري.. كمن يعد خرافا بحثا عن نوم محال...

صدقت والله يا باش بيعوقوا :(

[مواطن]

كاتب النص:خالد الحاج
يسكنك الحزن أحيانا كثيرة فتبحث عن ظل وريف..
أذن تستمع وتحنو..
عقل يفهم..
أفتقد اليوم صديقتي وقد مللت رفقة الحزن..
عساك طيبة يا زولة يا جميلة
الأخ خالد
الونسة مع بعض من نعز من الناس تسري بنا دون أن نشعر في مدارات يختلط فيها الواقعي بالمتخيلي، لا سيما - كما أشار معتصـم - عندما تكون المسامرة مع طرف رايق وفاهـم، فيمر بنا على محطات التذكـر حيث تتلاشى وحدة الزمـن الفاصلة بين الماضي والحاضر وتتداخل ببعضها متحولـة إلى زمن كليّ يتيـح المجال للمتخيلي أن يطفـو كحـلم أو خيال فتمـتد اللحظـة في وجداننا متخطيـة حدود الحضور والغياب إلى أن تفلت منا وهي تتلاشى بوعـد لقاء جـديد ، دوماً في إنتظاره فلنغرق حينها في الشجن إلى أن تفي. نكأت جرحاً أعشق نزفه (كما أسلفت صديقتك) بأغنية لحن الحياة من القامة الشفيـع وكفى

[razaz]

http://sudaniyat.net/up/uploading/refga-nancy-3ajaj.ram



سلام خالد'
اتلمس طريقي الي قلوبكم
دفعة اولي في دروب المحبة

[خالد الحاج]

عزيزي هاشم..
عساك بخير يا زول يا جميل..
أجمل ما في الأصدقاء يا هاشم هو عدم حوجتك أن تشرح لهم أو أن تبرر أو حتى تعتذر..
من المقاطع التي أذكرها وقد حفرت لها مكان ثابتا في ذاكرتي ذاك القول الجميل للمثلة الأمريكية
(Ali MacGraw) وهي تخاطب صديقها الممثل (Ryan O'Neal) في فلم (Love Story) :

(Love means never having to say you're sorry )

تحس أحيانا وأنت تخاطب الأصدقاء بأنك إنما تناجي نفسك .. ومن يحتاج أن يعتذر إلي نفسه أو يبرر يا هاشم؟

معزتي

[خالد الحاج]

سلام خالد'
اتلمس طريقي الي قلوبكم
دفعة اولي في دروب المحبة

ويا له من عربون للمحبة يا رزاز ...
نانسي عجاج وصوتها الملائكي..
يحي فضل الله وهو يحكي أحزاننا وأفراحنا..
ضياء الدين ميرغني وهو يجمع كل ذلك في بوتقة من الشجن..
مرحب بيك يا صديقة الحزن "النبيل" ..
عسي أن يطيب ليك المكان الذي دون شك سيكون بك أطيب.

[عز المزار]

الجميل دوما خالد الحاج
لم ينقطع ما بداناه من حديث كان فيه تفهمك بلسم حقيقى لكل جراحاتنا
الا انها ظروف الحياه القاسيه وادخارك لزمن تانى زمن تلاقى حقيقى
يعنى (العين تشوف العين والايد تسالمو) وده مصطلح حق اخونا فيصل سعد
هنا فى سودانيات حقوق الملكيه محفوظه وكده:p
السؤال الحقيقى ماهذا الشجن يا خالد؟؟؟؟؟؟ اسه انا زاتى فى البوست بتاعك ده
بكل اغنيه فيه بلقى صديق وبكون معاى فى جواى رغم هذه الغربه المؤلمه
يا جرح دى يا خالد ذكرتنى زول ليهو حاجات كثيره جدا جواى وهو الاستاذ
حاتم محمد محمد صالح شمعون يا الله لهذا الرجل اين هو افيدونا
احبكم دوما ال سودانيات

[فيصل سعد]

التحايا و الود لود الحاج
و ضيوفه الاعزاء :
ناس البوست دا و ناس السمك :D:D

اعتقد جازما بان هذا
من اعذب ما كتب هنا
حروف صادقة بمداد الذكرى و الوفاء ..

غيابات الخليل

بالأمس ،، كان غناؤنا عذبآ
و كنت تتخذين قافيةً
لها طعم التواصلِ ،،
و التبادلِ بين قمحٍ و خصوبة

فلماذا تأخذين الآن
شكلاً يرتدي لغة الظهيرة
يقتفي ظل الفجيعةِ
تختفي منه العذوبة؟

إنها اللغة التي
عمقت فينا التداعي
وغلغلت بين العظامِ
تزامن الوجعِ المعبأ بالضياعِ ،،،
و بالرطوبة
فأخترنا
من بين الزحام
خرائط الفرح الملون
بالطبول العازفات
مقاطعآ تنمو علي عين الحبيبة
بادرتني هواجسي
فأستعرت من الشوارعِ
عظمةً كانت تحدقُ في الحياةِ
و تعتريها الأمنياتْ

و سمعتُ من مدنِ الخرابِ
حكاية الآتين منك
يلعقون السمّ
من شفةٍ تدندنُ بالرخيصِ
من التباكي ،،
التشاكي ،،
الأغنياتْ

فيا بنتُ المسافةِ
والرجوعْ
و يا بنتُ الخريطةِ
و الدموعْ
إذهبي مني ،، تمنِّي
و أمنحي القلب التجلِّي
و غادري اللغة
التي ظلت تموتْ
أغرزي فيّ الثباتْ

الله يا وجعآ تمدد في العشيةِ ،،
و الصباحْ
الله يا حلمآ تناثر
بين افواهِ الرياحْ
و يا طفلةً ظلت تفتشُ
عن ضفيرتها
تحدقُ في حطامِ الأمسياتْ

سافري
سافري
سافري
سافري فيّّ ،،
شموسآ و وتر
عمقي جرحي
اقترابآ و سفرْ
لأغنيكِ التماسك
أبتغي منكِ الوصول
أمنحي القمح الخصوبة
أمنحيني نفسي ،،
دون خوفٍ ،،
دون همس
وأمنحي المدن الدليل
فيا طفلةً ظلت
تفتشُ عن ضفيرتها
بين دمعٍ ،،
و رحيلْ
هل يكون الموت
نوعآ من تآلف
في غياباتِ الخليلْ ؟

المبدع / يحي فضل الله

[خالد الحاج]

عز المزار
بخير لعلك ومبسوط
غيابك طال...
فجأة عادت صديقتي..
حدثتها عن الأشجان والأحزان..
ولا زال المسنجر يحمل الكلمات وبعض من حنين...
لعله فرح يمسح بعض غتامة أيامنا ... لعله..
المهم أنها بخير..

[خالد الحاج]

شكرا يا فيصل..
مافي أجمل من المعزة يا فيصل..
الناس الندية بطعم القرنفل..

http://sudanyat.org/agani2/rag3nlk.wma

[أبو خليفه]

عزيزي أبو جعفر

سلام وشوق
كيفك يازول يارائع

تعرف ياخال بالجد الصديق الحقيقي هو الذي يظن بك الظن الحسن و أذا أخطأت بحقه يلتمس العذر ويقول في نفسه لعله لم يقصد وهو الذي يؤثرك على نفسه و يتمنى لك الخير دائما ويحبك بالله و في الله دون مصلحة مادية او معنوية ويفرح اذا احتجت اليه و يسرع لخدمتك دون مقابل ويتمنى لك ما يتمنى لنفسه وأكثر

ولي المساء فعلا تذهب بك لعوالم أخري
ولحن الحياه تمنحك دف غير طبيعي

لك الود كله

[معتصم الطاهر]

عز المزار
بخير لعلك ومبسوط
غيابك طال...
فجأة عادت صديقتي..
حدثتها عن الأشجان والأحزان..
ولا زال المسنجر يحمل الكلمات وبعض من حنين...
لعله فرح يمسح بعض غتامة أيامنا ... لعله..
المهم أنها بخير..

عشان كدا ..
اللقى
نسى ..

[عز المزار]

الجميل خالد الحاج
كل التحايا
وفرح انا بعودتك صديقتك ابلغها عنى كثير الاحترام وابلغها عنى تجرعت
كثيرا مراره فراق الاصدقاء علهم يعودون كما عادت
مع وافرحبى

[فيصل سعد]

فراق الزين و نار البين
حموني النوم و انا مساهر ..

[عز المزار]

الحبيب خالد
تحياتى
بوستك ده لى كم يوم امشى واجيهو راجع!!!!
نشتاق بمعنى هذه الكلمه لتؤام روحنا عادل حسن الياس
هذا الغياب القاتل طال لمده مضنيه جدا
نحبه جدا

[فيصل سعد]

التقدير و الاحترام الكامل
لمعاني و مضامين
العشرة النبيلة
و الرفقة العزيزة
و الصداقة الحقة ..